ព្រីនស៍ ហេបភីនេស ផ្លាហ្សា

ក្រុមហ៊ុន ព្រីនស៍ រៀល អ៊ីស្ទេត (ខេមបូឌា) គ្រុប បានដាក់សម្ភោធនូវគម្រោងដ៏ធំមួយទៀតនៅឆមាសទី ២ នៃឆ្នាំ ២០១៩ ។ គម្រោងថ្មីនេះគឺជាការរួមបញ្ចូលគ្នានៃអាផាតមេនសណ្ឋាគារ-លំនៅដ្ឋាន និងការិយាល័យប្រភេទ 5A ដែលមាន​ទំហំផ្ទៃក្រឡាសរុបចំនួន ២២០,០០០ ម៉ែត្រការ៉េ។

ផលិតផលលំដាប់ទំនើបទាំងពីរប្រភេទនេះមានឈ្មោះថា SKYRISE ជាមជ្ឈមណ្ឌលពាណិជ្ជកម្ម និងឈ្មោះ MERRYLAND ជាខុនដូប្រណិត ត្រូវបានកំណត់ជាមជ្ឈមណ្ឌលពាណិជ្ជកម្ម (CBD) ដ៏អស្ចារ្យ នាពេលអនាគតនៅរាជធានីភ្នំពេញ។

គម្រោង ព្រីនស៍ ហេបភីនេស ផ្លាហ្សា ជាផ្នែកមួយនៃការអភិវឌ្ឍន៍ចម្រុះដែលទទួលបានជោគជ័យ របស់ក្រុមហ៊ុន ព្រីនស៍ គុ្រប រួមមាន ព្រីនស៍ ថាម ផ្លាហ្សា​ ព្រីនស៍ ​ម៉ូឌើន​ ផ្លាហ្សា និងមជ្ឈមណ្ឌល ព្រីនស៍​ ផ្លាហ្សា ដែលបង្កើតជាគុណតម្លៃស្នូលបន្ថែមលើមជ្ឈមណ្ឌលពាណិជ្ជកម្មថ្មីមួយនៃរាជធានីភ្នំពេញ ដែលជាទិសដៅពេញនិយមបំផុតមួយនៅអាស៊ីសម្រាប់ការវិនិយោគ និងលំនៅដ្ឋាន។ គម្រោងនេះ នឹងក្លាយជាចំណុចសំខាន់មួយទៀតរបស់ក្រុមហ៊ុន ព្រីនស៍ រៀល អ៊ីស្ទេត (ខេមបូឌា) គ្រុប ដែលបានកំពុងសម្រប ខ្លួនទៅនឹងនិន្នាការ និងបានចូលរួមយ៉ាងខ្លាំងនៅក្នុងការធ្វើនគរូបនីយកម្មនៅរាជធានីភ្នំពេញ។

ទីតាំងល្អឥតខ្ចោះរបស់ ព្រីនស៍ ហេបភីនេស ផ្លាហ្សា គឺជាភាពងាយស្រួលបំផុតសម្រាប់ធនធានទីក្រុងល្អៗ ជាច្រើនមានទាំងវប្បធម៌ រដ្ឋបាល ការអប់រំ ការថែទាំសុខភាព ការដឹកជញ្ជូន និងការកម្សាន្ត។

អគារនេះគឺជាការរួមបញ្ចូលគ្នានៃមជ្ឈមណ្ឌលអាជីវកម្ម មជ្ឈមណ្ឌលពាណិជ្ជកម្ម និងលំនៅដ្ឋានជាច្រើន ដែលតំណាងឱ្យការរស់នៅក្នុងទីក្រុងដ៏មានតម្លៃ។ ដោយស្ថិតនៅចំកណ្តាលទន្លេបាសាក់ ខណ្ឌចំការមន ព័ទ្ធជុំវិញដោយមហាវិថីព្រះមុនីវង្ស ផ្លូវ២៧១ និងមហាវិថីសម្តេចហ៊ុនសែន ព្រមទាំងទេសភាពជុំវិញទន្លេ មេគង្គ។

គម្រោងនេះស្ថិតនៅលើផ្ទៃដី ១៧,០០០ ម៉ែត្រការ៉េ និងមានអគារចំនួន ២ ក្នុងនោះមានអគារ អាផាតមេនសណ្ឋាគារ ៤១ ជាន់មួយអគារ និងការិយាល័យ 5A ចំនួន ៣៧ ជាន់មួយអគារ។ អាផាតមេនលំនៅដ្ឋានមានយូនីតសរុប ១០៨០ យូនីត និងក្នុងមួយជាន់មាន ១៥ យូនីត។ អគារការិយាល័យមានទំហំ ៧១,០០០ ម៉ែត្រការ៉េ​ ដែលជាន់នីមួយៗមានយូនីតជាអតិបរមា ២៦ យូនីត។ មានចំណតរថយន្តចំនួន ១,៣៣៧ កន្លែងនៅក្នុងអាគារ។ គម្រោងនេះគ្រោងនឹងប្រគល់ជូនអតិថិជន នៅចុងខែកុម្ភៈ ឆ្នាំ២០២៣ ។

ធ្វើការ ឬរស់នៅក្នុង ព្រីនស៍ ហេបភីនេស ផ្លាហ្សា លោកអ្នកអាចរីករាយនឹងបរិយាកាសដ៏អស្ចារ្យ និងកន្លែងល្អៗជាច្រើន។ ជាពិសេសនោះមានទីតាំងស្ថិតនៅចំកណ្តាលនៃបណ្តុំស្ថានទូតនានា ដែលផ្តល់ភាពងាយស្រួលដល់តំណាងបរទេសទាំងនោះរួមមានស្ថានទូតអូស្រ្តាលី ថៃ ជប៉ុន រុស្ស៊ី កូរ៉េខាងត្បូង និងម៉ាឡេស៊ីជាដើម។

មិនត្រឹមតែប៉ុណ្ណោះក៏នៅជិតកន្លែងទេសចរណ៍សំខាន់ៗដូចជាសារមន្ទីរជាតិ វិមានឯករាជ្យ និងព្រះបរមរាជវាំងផងដែរ។

អ្វីដែលសំខាន់ដែរនោះគឺព័ទ្ធជុំវិញដោយសាលារៀនជាច្រើនរួមមានសាលាអន្តរជាតិ ISPP, សាលាអន្តរជាតិហ្សាម៉ាន់ (ផារ៉ាហ្គន់) សាកលវិទ្យាល័យភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ច។ មិនតែប៉ុណ្ណោះ

ព្រីនស៍ ហេបភីនេស ផ្លាហ្សា នៅជិតផ្សារទំនើបធំៗ ដូចជា៖ ផ្សារអ៊ីអន ផ្សារ PH ECO ផ្សារទួលទំពូង ផ្សារធំថ្មី និងនៅក្បែរភោជនីយដ្ឋាន បារ និងកន្លែងល្អៗជាច្រើនទៀត។

ក្រៅពីនេះនៅជិតមជ្ឈមណ្ឌលសុខភាព និងកន្លែងហាត់ប្រាណ មានមន្ទីរពហុព្យាបាលហ្វឺសសិនធឺ មន្ទីរពេទ្យបាយ័នភ្នំពេញ និងស្តាតអូឡាំពិក។ នៅក្បែរសណ្ឋាគារសូហ្វីតែល និងណាហ្គាវើលសម្រាប់ ការកម្សាន្តលំដាប់ទំនើប ការរស់នៅក្នុងអគារ ផ្លាហ្សា អាចឱ្យលោកអ្នករីករាយ​នឹងការរស់នៅបែប ស៊ីវិល័យ​ និងសម្បូរបែប។

ក្រុមហ៊ុន ព្រីនស៍ គុ្រប បានជួលក្រុមហ៊ុនស្ថាបត្យកម្មអន្តរជាតិដ៏ល្បីល្បាញមួយ ដើម្បីរចនាអគារ ដើម្បីធានាថាគម្រោងនេះស្របតាមស្តង់ដារសាភ័ណភ្ពនៃភាពឈានមុខគេ គោលការណ៍នៃភាពទំនើប សាមញ្ញ និងភាពជាក់ស្តែងនៃមុខងារ។

អគារការិយាល័យមានលក្ខណៈខុសគ្នា ដែលស៊ីគ្នានឹងជញ្ជាំងកញ្ចក់ ដើម្បីបង្កើតការរចនាផ្នែកខាងក្រៅដ៏ល្អឥតខ្ចោះ។ ផ្ទៃខាងក្នុងត្រូវបានតុបតែងដោយភាពចម្រុះពណ៌បៃតងលក្ខណៈអេកូឡូស៊ី។ វាត្រូវបានរចនាឡើងដើម្បីបង្កើនលំហូរខ្យល់ ពន្លឺថ្ងៃ និងការមើលទេសភាពនៅក្នុងអគារ ក៏ដូចជាភាពសុខដុមរវាងធម្មជាតិ ជាមួយនឹងស្ថាបត្យកម្មទំនើប។

អគារការិយាល័យ SKYRISE ជាអគារការិយាល័យ 5A ដែលបំពាក់ដោយជណ្តើរប្រអប់ល្បឿនលឿនចំនួន ១១ និងមានបន្ទប់ទទួលភ្ញៀវលំដាប់ផ្កាយដែលមានពិដានកម្ពស់ ៤.២ ម៉ែត្រ ស្កាយក្លឹប កន្លែងចត ឧទ្ធម្ភាគចក្រ អាងហែលទឹកលើអាកាសធំទូលាយ ចំណតរថយន្តធំទូលាយ និងបណ្តុំអាជីវកម្មទំនើប ផ្សេងទៀត។ ទាំងអស់នេះនឹងជួយជំរុញឱ្យសាជីវកម្មកាន់តែមានសក្តានុពល និងប្រសិទ្ធភាពការិយាល័យទៅកម្រិតមួយខ្ពស់។ រចនាបថឆ្លាតវៃ និងទីកន្លែងបើកចំហ​តាម​ជាន់ នីមួយៗធ្វើឱ្យបរិវេណកាន់តែមានភាពធំទូលាយ ដើម្បីបង្កើនការប្រើប្រាស់បរិវេណ និងដើម្បីធ្វើ អន្តរកម្មរវាងអ្នកប្រើប្រាស់។

អគារ MERRYLAND ជាអគារអាផាតមេន-សណ្ឋាគារ ផ្តល់ជូននូវរបៀបរស់នៅប្រកបដោយ ភាពរុងរឿងនៅក្នុងរាជធានីភ្នំពេញ។ ជាលំនៅដ្ឋានស្របតាមស្តង់ដារទំនើបអន្តរជាតិ លំនៅដ្ឋានដែលមានកន្លែងទទួលភ្ញៀវបែបសណ្ឋាគារកម្ពស់ ៣.៣ ម៉ែត្រ មានសេវាកម្មបម្រើ ជូនគ្រប់ពេល ធ្វើឱ្យក្លាយជាលំនៅដ្ឋានដែលគួរឱ្យគោរពសម្រាប់ឥស្សរជនក្នុងទីក្រុង។