+855 92 92 1000

ព្រីនស៍ អ៊ីនធើណាសិនណល ផ្លាហ្សា

110 Russian Federation Blvd, ទឹកថ្លា, សែនសុខ, ភ្នំពេញ

តម្លៃលក់$110,044$2,100/ម៉ែតការ៉េ
8-10%អាចជួលក្នុងតម្លៃ?
30%សមាមាត្រលុយ​កក់?
75%ដំណើរការនៃការសាងសង់?
2021បញ្ចប់ឆ្នាំ?

ព្រីនស៍ អ៊ីនធើណាសិនណល ផ្លាហ្សា

ព្រីនស៍ អ៊ីនធើណាសិនណល ផ្លាហ្សា គឺជាគម្រោងអភិវឌ្ឍន៍ដ៏ធំមួយស្ថិតនៅកណ្តាលទីក្រុងភ្នំពេញ ដែលផ្តល់នូវលំនៅដ្ឋានប្រណិត និងតំបន់ពាណិជ្ជកម្មបែបអន្តរជាតិ រួមជាមួយនឹងសេវាកម្ម សម្បូរបែប ដែលមានដូចជា៖ ពាណិជ្ជកម្ម ផ្សារទំនើប ភោជនីយដ្ឋាន ការកំសាន្ត និងសេវាកម្មផ្សេងៗជាច្រើនទៀត ដែលផ្តល់នូវជីវិតរស់នៅដ៏ងាយស្រួល។

គម្រោងអភិវឌ្ឍន៍ថ្មីនេះបានរចនាឡើងក្នុងលក្ខណៈពិសេស ធានាបាននូវសុវត្ថិភាពនៃស្ថាបត្យកម្ម រចនាបថ និងការសាងសង់។ ព្រីនស៍ អ៊ីនធើណាសិនណល ផ្លាហ្សា មានចំនួន៥អគារ ក្នុងមួយអគារមានកម្ពស់ ១២ ជាន់ និងមានទំហំអភិវឌ្ឍន៍សរុប ២០០,០០០ ម៉ែត្រការ៉េ។

គម្រោងនេះត្រូវបែងចែកជា ការិយាល័យកម្រិត ៥A មជ្ឈមណ្ឌលសន្និបាត ផ្សារទំនើប មជ្ឈមណ្ឌលពាណិជ្ជកម្ម អគារលំនៅដ្ឋានប្រណិត។ លើសពីនេះក៏មាន ភោជនីយដ្ឋាន ក្លឹបកីឡា មជ្ឈមណ្ឌលកំសាន្ត បារ កន្លែងក្មេងលេង និងកន្លែងផ្សេងៗទៀត។ ការិយាល័យកម្រិត៥A គ្របដណ្ដប់លើទំហំសរុប ៦៣០,០០០ម៉ែត្រការ៉េ។ គម្រោងនេះនឹងត្រូវបញ្ចប់ និងប្រគល់ជូនអតិថិជននៅចុងឆ្នាំ២០២០។

ព្រីនស៍ អ៊ីនធើណាសិនណល ផ្លាហ្សា មានខុនដូប្រណិតចំនួន ៤៥៦ យូនីត ដែលយូនីតនីមួយៗមានពី ១ បន្ទប់គេងទៅ ៣ បន្ទប់គេង ហើយមានទំហំចាប់ពី ៥០ ម៉ែត្រការ៉េទៅ ១៦០ ម៉ែត្រការ៉េ។ គ្រប់យូនីតទាំងអស់បំពាក់ដោយគ្រឿងបរិក្ខារ និងគ្រឿងសង្ហារឹមប្រណិតៗ។

ព្រីនស៍ អ៊ីនធើណាសិនណល ផ្លាហ្សា មានក្លឹបហាត់ប្រាណលំដាប់ស្តង់ដាអន្តរជាតិ និងមានអាងហែលទឹកធំទូលាយ ដែលអាចមើលឃើញទេសភាពនៃទីក្រុងភ្នំពេញបានទាំងមូល។ គម្រោងមានសេវាកម្មបម្រើអតិថិជន និងសេវាកម្មសន្តិសុខ ២៤ ម៉ោង ដើម្បីធានានូវសុវត្ថិភាពដល់អ្នកដែលរស់នៅទីនោះ។ គម្រោងមានចំណតរថយន្តធំទូលាយ អាចផ្ទុករថយន្តបានជាង ១,០០០ គ្រឿង។ ព្រីនស៍ អ៊ីនធើណាសិនណល ផ្លាហ្សា នឹងក្លាយជាទីសម្គាល់ នៃប្រណិតភាព ផាសុកភាព ឯកជនភាព ដែលសក្តិសមនឹងស្តង់ដារស់នៅសម្រាប់មនុស្សសម័យថ្មី។

ព្រីនស៍ អ៊ីនធើណាសិនណល ផ្លាហ្សា មានទីតាំងស្ថិតនៅបណ្តោយមហាវិថីសហព័ន្ធរុស្សី ស្ថិតនៅ ត្រង់ចំណុចប្រសព្វរវាងខណ្ឌសំខាន់ៗចំនួនបី មានដូចជា៖ ទួលគោក មានជ័យ និងសែនសុខ។ តំបន់នេះជាទីតាំងសំខាន់ៗ ដែលផ្តល់ជូននូវភាពងាយស្រួលសម្រាប់ការចេញចូលទៅតំបន់ផ្សេងៗ ទៀតនៅក្នុងទីក្រុងភ្នំពេញ។ តំបន់នេះផ្តល់ជូនភាពងាយស្រួលដោយសារទីតាំងសេវាកម្មសំខាន់ៗជាច្រើនស្ថិតនៅជុំវិញ ដូចជា ៖ ធនាគារ កាណាឌីយ៉ា ធនាគារវឌ្ឍនៈ ផ្សារទំនើបផាកសិនម៉ល ផ្សារទំនើប TK Avenue ស្ថានីយ៍រថភ្លើង រមណីយដ្ឋានវត្តភ្នំ សាកលវិទ្យាល័យភូមិន្ទភ្នំពេញ ស្ថានទូតនានា សាលារៀនអន្តរជាតិ មន្ទីរពេទ្យ ក្រសួង និងការិយាល័យរដ្ឋាភិបាល ព្រលានយន្តហោះអន្តរជាតិភ្នំពេញ ផ្សារទំនើបអ៊ីអន២។ល៕

Loading...
Loading...