គម្រោង Victory Bay

ផ្អែកលើគោល​គំំនិតរចនាបថចម្រុះ​រួមបញ្ចូល​តែមួយ គម្រោង Victory Bay របស់ក្រុមហ៊ុន Chun Hui Investment គ្រោង​នឹងក្លាយជាអគារ​លំនៅដ្ឋានតំបន់សមុទ្រដ៏ប្រណិតមួយនៅក្នុងក្រុងព្រះសីហនុ។ Victory Bay ស្ថិតនៅចំណុចប្រសព្វនៃឆ្នេរសមុទ្រ និងសណ្ឋាគារដ៏ល្បីល្បាញបំផុតមួយនៅក្នុងប្រទេស គឺសណ្ឋាគារសុខា។ ការដឹកជញ្ជូនមានភាពងាយស្រួល និងកន្លែង​ពាណិជ្ជកម្មដ៏អស្ចារ្យនៅក្បែរនោះ ហើយនឹងនាំមកនូវអត្ថប្រយោជន៍​កាន់តែច្រើនដល់ការវិនិយោគរបស់លោកអ្នក។

Victory Bay មានអគារលំនៅដ្ឋានលំដាប់ទំនើប​ចំនួន ៣៩ ជាន់ចំនួនពីរអគារ ដែលត្រូវបានរំលេច ដោយការរចនាយ៉ាងល្អ​ និងមានទេសភាព​សមុទ្រដ៏ស្រស់ស្អាតដែល​ទាក់​ចិត្ត​របស់​លោក​អ្នក។

គម្រោងនេះមានផ្ទៃក្រឡាអគារ​សរុបចំនួន ២០០,០០០ ម៉ែត្រការ៉េ នៅជាប់ឆ្នេរសុខា។ ផ្នែកលំនៅដ្ឋាន មានទំហំប្រហែល ១៣០,០០០ ម៉ែត្រការ៉េ ជាមួយនឹងកម្ពស់ ១២៩ ម៉ែត្រ។ អគារអាផាតមេន​ គឺជាចំណុចល្អសម្រាប់មើលទេសភាពសមុទ្រ។

ម៉្យាងទៀត Victory Bay Club រួម​បញ្ចូល​ជាមួយ​អគារពាណិជ្ជកម្ម​ ដែល​មាន​ផ្ទៃក្រឡាអគារ​ប្រហែល ៧០,០០០ ម៉ែត្រការ៉េ។ ដូច្នេះគម្រោង Victory Bay មានសក្តានុពលដ៏អស្ចារ្យសម្រាប់ការវិនិយោគអន្តរជាតិ ឬជាកន្លែងសម្រាប់​សម្រាក​លម្ហែ។

ភ្ញៀវនៅ Victory Bay អាចរីករាយនឹងការរៀបចំជាលក្ខណៈ​ពាណិជ្ជកម្មដ៏ធំ។ មិនតែប៉ុណ្ណោះ Victory Bay Club នឹងក្លាយជាបណ្តុំទាក់​ទាញ​សម្រាប់ការកម្សាន្ត និងការប្រើប្រាស់នៅក្នុងតំបន់ព្រោះវាផ្តល់កន្លែងជាច្រើន​រួមមាន៖ សាលសម្រាប់​ពិធីជប់លៀងខ្នាតធំ បន្ទប់សម្រាប់​ពិធីជប់លៀងឯកជន មជ្ឈមណ្ឌលស្ប៉ា ក្លឹបកម្សាន្ត ពិភពល្បែងកម្សាន្ត អាហារ ភេសជ្ជៈ និងកាស៊ីណូមួយ។

ក្រុមហ៊ុន Chun Hui Yuan Cambodia Investment Co., Ltd.បង្កើត​ឡើង​ដើម្បី​​ការអភិវឌ្ឍ និងកសាងក្រុងព្រះសីហនុ។ ក្រុមហ៊ុននេះកំពុងសហការជាមួយក្រុមហ៊ុនរចនាដ៏ល្បីមួយឈ្មោះថា HongGao International និងក្រុមហ៊ុន MCC Overseas (Cambodia) Co. , Ltd. ជាក្រុមហ៊ុនសំណង់លំដាប់​កំពូលទាំង ១០០។

ស្របតាមផែនការតំបន់ថ្មី គម្រោង Victory Bay នឹងក្លាយជាការអភិវឌ្ឍលំដាប់ទំនើបដ៏មានឥទ្ធិពល បំផុតមួយនៅក្នុងតំបន់មជ្ឈមណ្ឌលពាណិជ្ជកម្ម (CBD) និងមជ្ឈមណ្ឌលរដ្ឋបាលខេត្តព្រះសីហនុ។ ក្រុមហ៊ុន​នេះ​នឹងចូលរួមជាមួយ ការអភិវឌ្ឍន៍សំខាន់ៗជាច្រើនរួមមានរដ្ឋបាលក្រុង ឧទ្យានកម្សាន្តបី ផ្សារទំនើប សណ្ឋាគារលំដាប់ផ្កាយប្រាំ កាស៊ីណូ និងមជ្ឈមណ្ឌលកម្សាន្ត ព្រមទាំង​​គម្រោងលំនៅដ្ឋាន ឬសណ្ឋាគារលំដាប់ទំនើប​ថ្មីៗ​។

គម្រោង Victory Bay ត្រូវបានដាក់ឱ្យដំណើរការជាផ្លូវការដោយមានអាផាតមេនចំនួន ២,២៣២ យូនីត គ្រោងនឹងប្រគល់ជូន​អតិថិជន​នៅខែកញ្ញាឆ្នាំ២០២១។ គ្រប់យូនីត​ទាំងអស់ត្រូវបានបំពាក់ គ្រឿងសង្ហារិមពេញលេញ​ និងរចនាយ៉ាងប្រណីតប្រកបដោយភាពឆើតឆាយជាមួយនឹងពណ៌ស្រទន់ ល្អ​សម្រាប់ការស្នាក់​នៅ​លម្ហែកាយ។ តម្លៃលក់​ចាប់ផ្តើមពី ៧០,០០០ដុល្លារក្នុងមួយយូនីត​ ឬចន្លោះពី ១,៦០០ ទៅ ២,៨០០ ដុល្លារក្នុងមួយម៉ែត្រការ៉េ។ អ្នកអភិវឌ្ឍន៍ផ្តល់នូវផលចំណេញ​ពីការជួលត្រឡប់មកវិញ ប្រចាំឆ្នាំចំនួន ៨ ភាគរយរហូតដល់​រយៈពេលដល់បី​ឆ្នាំ។