ក្រុមហ៊ុនតំបន់សេដ្ឋកិច្ចពិសេសមេនហាតធេន បាននឹងកំពុងវិនិយោ​គបន្ថែមលើ សេវារថយន្តក្រុង និងបង្កើតតំបន់ទេសចរណ៍នៅក្រុងបាវិត។

21 ខែ តុលា ឆ្នាំ 2020, 16:45

លោកម៉ែន វិបុល បានថ្លែងក្នុងជំនួបពិភាក្សាការងារជាមួយនឹង លោកប្រធានក្រុមហ៊ុនតំបន់សេដ្ឋកិច្ចពិសេសមេនហាតធេន ក្រុងបាវិត នៅថ្ងៃទី២១ ខែតុលា ឆ្នាំ ២០២០នេះ ថា ក្នុងនាមរដ្ឋបាលខេត្តស្វាយរៀងសូមគាំទ្រ និងត្រៀ​មសហការជានិច្ច ដើម្បីផ្ដល់ភាពកក់ក្ដៅ ជំនឿទុកចិត្ត និងបង្កលក្ខណៈងាយស្រួលគ្រប់សព្វបែបយ៉ាង ចំពោះគម្រោងវិនិយោគរបស់ក្រុមហ៊ុន ព្រោះគម្រោងវិនិយោគនេះ មិនត្រឹមតែអាចបង្កើតការងារធ្វើជូនប្រជាពលរដ្ឋប៉ុណ្ណោះទេ និងជួយលើកកម្ពស់ដល់វិស័យទេសចរណ៍ក្នុងខេត្តស្វាយរៀងថែមទៀតផង។

យោងតាមរបាយការណ៍របស់រដ្ឋបាលខេត្តស្វាយរៀងបានបង្ហាញថា ក្នុងរយៈពេល ១០ឆ្នាំចុងក្រោយនេះ ខេត្តស្វាយរៀង បានក្លាយជាតំបន់ឧស្សាហកម្មដ៏ទាក់ទាញ ប្រកបដោ​យសក្ដានុពល ដោយមានអ្នកវិនិយោគមកបណ្ដាក់ទុនកើនឡើងជាបន្ដបន្ទាប់ ដែលបានរួមចំណែកយ៉ាងសំខាន់ ក្នុងការកាត់បន្ថយភាពក្រីក្រ និងលើកកម្ពស់ជីវភាពរស់នៅរបស់ប្រជាពលរដ្ឋ ឲ្យបានកាន់តែប្រសើរឡើង និងជួយជំរុញកំណើនសេដ្ឋកិច្ច។ បច្ចុប្បន្នមានតំបន់សេដ្ឋកិច្ចពិសេសចំនួន១១កន្លែង កំពុងដំណើរការ ក្នុងនោះ៨កន្លែង គឺជាតំបន់សេដ្ឋកិច្ចពិសេស មេនហាតធេន តាយសេង សានដុងសាន់សែល ដ្រេហ្គនឃីង ឈីលូ ហាយផាក អ៊ីនធើវៀ អូតូម៉ូបាល និងតំបន់សេដ្ឋកិច្ចពិសេសស្វាយរៀងហ្គីហ្គារីសស៍ មានរោងចក្រ សហគ្រាសធនាគារ គ្រឹះស្ថានមេក្រូហិរញ្ញវត្ថុ ក្រុមហ៊ុនឯកជនចំនួន២០៨កន្លែង ក្នុងនោះក្រុមហ៊ុនវិនិយោគដែលអនុញ្ញាតដោយក្រុមប្រឹក្សាអភិវឌ្ឍន៍កម្ពុជា មានចំនួន១៤១ក្រុមហ៊ុន និងអនុគណៈកម្មាធិការវិនិ​យោ​គខេត្តចំនួន៣ក្រុមហ៊ុន ដោយបានផ្ដល់ការងារធ្វើជូនប្រជាពលរដ្ឋ៨ម៉ឺននាក់៕

ចំនូលចិត្ត

សូមបំពេញព័ត៌មានផ្ទាល់ខ្លួនមុនពេលរក្សាទុកអ្វីដែលអ្នកពេញចិត្ត។ បើកនៅលើការកំណត់ប្រូហ្វាល់.

ដើម្បីទទួលបានភាពងាយស្រួលក្នុងការស្វែងរកអចលនទ្រព្យ សូមទាញយក​ App លើទូរស័ព្ទដៃ: