ពិព័រណ៍លំនៅដ្ឋាន និងជីវិតទាន់សម័យឆ្នាំ២០២០ត្រូវបានពន្យារពេលទៅធ្វើនៅខែសីហាវិញ

ដោយសារតែការរីករាលដាលនៃវីរុសកូរ៉ូណាថ្មីដែលកំពុងបង្កផលប៉ះពាល់លើប្រទេសស្ទើរតែទាំងអស់នៅលើពិភពលោក តួយ៉ាងដូចជា ការបិទសាលារៀន អាជីវកម្ម ជើងហោះហើរ និងព្រឹត្តិការណ៍ធំៗ ជាច្រើននៅជុំវិញពិភពលោក។ ក្នុងស្មារតីប្រយុទ្ធប្រឆំាង និងការពារការីករាលដាលនៃវីរុសកូរ៉ូណាថ្មីនេះ គណៈគ្រប់គ្រងនៃក្រុមហ៊ុន Realestate.com.kh បានសម្រេចចិត្តលើកពេលប្រារព្ធពិព័រណ៍លំនៅដ្ឋាន និងជីវិតទាន់សម័យឆ្នាំ២០២០ ឬជាភាសាអង់គ្លេស Home & Lifestyle Expo 2020។ ក្រុមហ៊ុនបានសម្រេចកំណត់យកថ្ងៃថ្មីជំនួសវិញគឺថ្ងៃទី ៧ និង ៨ ខែសីហា ឆ្នាំ២០២០។

ពិព័រណ៍លំនៅដ្ឋាន និងជីវិតទាន់សម័យឆ្នាំ២០២០ ត្រូវបានលើកពេលធ្វើទៅថ្ងៃទី៧ និង ៨ ខែសីហា

ពិព័រណ៍លំនៅដ្ឋាន និងជីវិតទាន់សម័យឆ្នាំ២០២០ គីជាមហាព្រឹត្តិការណ៍តាំងពិព័រណ៍ដ៏មានប្រជាប្រិយ ភាពមួយដែលត្រូវបានរៀបចំឡើងមួយឆ្នាំម្ដងដោយក្រុមហ៊ុន Realestate.com.kh។ ព្រីត្តិការណ៍ពិព័រណ៍នេះត្រូវបានកំណត់កាលបរិច្ឆេទធ្វើនៅថ្ងៃទី ២៤ និង ២៥ ខែមេសា ប៉ុន្ដែដោយសារតែការរីករាលដាលយ៉ាង គំហុកនៃវីរុសកូរ៉ូណាដែលកំពុងបង្កផលប៉ះពាល់យ៉ាងធ្ងន់ធ្ងរកំរិតសកលលោក គណៈគ្រប់គ្រងនៃ ក្រុមហ៊ុន Realestate.com.kh បានសម្រេចចិត្តលើកថ្ងៃធ្វើពិព័រណ៍លំនៅដ្ឋាន និងជីវិតទាន់សម័យឆ្នាំ ២០២០នេះទៅធ្វើនៅថ្ងៃទី ៧ និង ៨ ខែសីហាជំនួសវិញ។ ការពន្យារពេលនេះត្រូវបានធ្វើឡើងក្នុងគោល បំណងដើម្បីធានាសុវត្ថិភាពដល់មនុស្សគ្រប់គ្នាដែលចូលរួម និងកាត់បន្ថយផលប៉ះពាល់នៃវីរុសនេះ យោងតាមលោក Thomas O’Sullivan នាយកប្រតិបត្តិនៃក្រុមហ៊ុន Realestate.com.kh។

“ការសម្រេចលើកថ្ងៃធ្វើពិព័រណ៍លំនៅដ្ឋាន និងជីវិតទាន់សម័យ ត្រូវបានធ្វើឡើងដោយផ្អែកលើ កាតព្វកិច្ចនៃការយកចិត្តទុកដាក់មិនត្រឹមតែចំពោះនិយោជិករបស់ក្រុមហ៊ុន Realestate.com.kh ម្ចាស់ឧបត្ថម្ភកម្មវិធី អ្នកតាំងពិព័រណ៍ និងដៃគូពាក់ព័ន្ធរបស់ក្រុមហ៊ុនប៉ុណ្ណោះទេ យើងមានការយក ចិត្តទុកដាក់យ៉ាងខ្ពស់ពីសុវត្ថិភាព និងសុខុមាលភាពរបស់អ្នកចូលរួមទស្សនានៅក្នុងពិព័រណ៍របស់ យើង។ ទោះបីជាចំនួននៃអ្នកចុះឈ្មោះចូលរួមនៅតែបន្ដកើនឡើងយ៉ាងណាក្ដី យើងមិនអាចសន្យាថា នឹងមានអ្នកចូលរួមច្រើនកុះករនៅថ្ងៃកាលបរិច្ឆេទចាស់ដែលបានកំណត់នោះទេ។ គ្រប់វិស័យទាំងអស់ ទាំងសាធារណ និងឯកជននៅទូទាំងពិភពលោកបានកំពុងប្រើប្រាស់នូវមធ្យោបាយ និងចំណាត់ការផ្សេងៗក្នុងកិច្ចខំប្រឹងប្រែងទប់ស្កាត់ការរីករាលដាលនៃវីរុសនេះ ដូច្នេះប្រសិនបើយើង នៅបន្ដប្រារព្ធធ្វើពិព័រណ៍របស់យើងនៅខែមេសា មានន័យថាយើងពិតជាគ្មានទំនួលខុសត្រូវឡើង” លោក Thomas O’Sullivan មានប្រសាសន៍។

ការពន្យារពេលនេះនឹងផ្ដល់ផលប្រយោជន៍កាន់តែច្រើនទៅដល់ម្ចាស់ឧបត្ថម្ភកម្មវិធី និងអ្នកចូលរួមតាំងពិព័រណ៍ទាំងអស់

លោក O’Sullivan បានបញ្ជាក់ជាថ្មីទៅដល់អ្នកចូលរួមតាំងពិព័រណ៍ទាំងអស់ថា បើទោះបីជា ព្រឹត្តិការណ៍នេះត្រូវបានលើកទៅធ្វើនៅខែសីហាក៏ដោយ ពិព័រណ៍នេះនឹងប្រារព្ធធ្វើឡើងដោយខានពុំបាន។

លើសពីនេះទៅទៀតពិព័រណ៍នេះនឹងផ្ដល់ផលប្រយោជន៍កាន់តែច្រើនទៅដល់អ្នកចូលរួមតាំងពិព័រណ៍ ពីព្រោះក្រុមហ៊ុន Realestate.com.kh បានសម្រេចចិត្តដាក់បញ្ចូលគ្នានូវព្រឹត្តិការណ៍ពិព័រណ៍ដ៏ធំចំនួនពីររបស់ខ្លួន គឺ Home & Lifestyle Expo និង Realestate.com.kh Expo ជាព្រឹត្តិការណ៍ដែលត្រូវបានរៀបចំឡើងជា ប្រចាំឆ្នាំនៅខែតុលានៅឯសណ្ឋាគារ Naga World។ Realestate.com.kh Expo ជាព្រឹត្តិការណ៍ពិព័រណ៍ ដែលទាក់ទាញភាគច្រើនវិនិយោគិនជនជាតិបរទេស និងជនជាតិខ្មែរដែលមានជីវភាពធូធារ។

“យើងនឹងបញ្ចូលគ្នានូវព្រឹត្តិការណ៍ពិព័រណ៍ Home & Lifestyle Expo និង Realestate.com.kh Expo ធ្វើវាជាពិព័រណ៍ដ៏ធំអស្ចារ្យមួយដែលនឹងប្រព្រឹត្តិធ្វើឡើងនៅថ្ងៃទី ៧ និង ៨ ខែសីហា ឆ្នាំ ២០២០។ ព្រឹត្តិការណ៍នេះនឹងផ្ដល់ឲ្យអ្នកចូលរួមតាំងពិព័រណ៍នូវផលប្រយោជន៍កាន់តែច្រើនបន្ថែមទៀត។ យើងនឹងមិនបញ្ឈប់ការផ្សព្វផ្សាយពិព័រណ៍លំនៅដ្ឋាន និងជីវិតទាន់សម័យនោះទេ។ យើងនឹងបន្ដធ្វើការផ្សព្វផ្សាយពីពិព័រណ៍នេះជាមួយកាលបរិច្ឆេទថ្មី” លោក O’Sullivan មានប្រសាសន៍បន្ថែម។

ការពន្យារពេលនេះនឹងផ្ដល់ផលប្រយោជន៍កាន់តែច្រើនទៅដល់អ្នកចូលរួមទស្សនា

បើទោះបីជាការបញ្ចូលគ្នានេះហាក់ដូចជាមានផលអវិជ្ជមានតិចតួចទៅដល់ក្រុមហ៊ុន Realestate.com.kh ប៉ុន្ដែអ្នកចូលរួមទស្សនា និងអ្នកចូលរួមតាំងពិព័រណ៍ទាំងអស់អាចចាត់ទុកថានេះ គឺជាការនាំមកជូនដ៏ល្អអស្ចារ្យបំផុត។ ព្រឹត្តិការណ៍នេះនឹងនាំមកជូននូវគម្រោងបុរី និងខុនដូជាច្រើនជាមួយតម្លៃផ្សេងៗគ្នាដែលសមស្របជាមួយមនុស្សគ្រប់ស្រទាប់វណ្ណៈដែលមានបំណងចង់ទិញអចលនទ្រព្យ និងសម្ភារផ្សេងៗ។ លើសពីនេះទៅទៀតព្រឹត្តិការណ៍នេះក៏នាំមកជូននូវ វិស័យជាប់ពាក់ព័ន្ធផ្សេងទៀតរួមមាន ធនាគារ មីក្រូហរិញ្ញវត្ថុ រចនាម៉ូត សំណង់ និង ក្រុមហ៊ុនធានារ៉ាប់រង ក៏ដូចជា យានយន្ដ ម៉ូតូ ទូរស័ព្ទ សម្ភារក្នុងផ្ទះ គ្រឿងសង្ហារិម គ្រឿងអលង្ការ សម្ភារកីឡា និងរបស់របរជាច្រើនផ្សេងទៀត។

ក្នុងពិព័រណ៍នេះក៏មានការរៀបចំជាសិក្ខាសាលាជាច្រើនលើប្រធានបទផ្សេងៗគ្នាដែលជាប់ទាក់ទងជាមួយវិស័យអចលនទ្រព្យ និងវិស័យដែលជាប់ពាក់ព័ន្ធផ្សេងទៀត។

មានតម្រូវការខ្ពស់សម្រាប់ស្ដង់ដែលនៅសល់

ទោះបីមានវិបត្ដិបច្ចុប្បន្នដែលបណ្តាលមកពីវីរុសកូរ៉ូណាក៏ដោយក៏ចំនួនក្រុមហ៊ុនដែលបានចុះឈ្មោះចូលរួមពិព័រណ៍លំនៅដ្ឋាន និងជីវិតទាន់សម័យឆ្នាំ២០២០នៅតែបន្តកើនឡើង។

ស្តង់ជាង៧៥%ត្រូវបានលក់អស់ហើយ។ ជាមួយការរួមបញ្ចូលគ្នានៃពិព័រណ៍ Home & Lifestyle Expo និងRealestate.com.kh Expo នោះ យើងរំពឹងថានឹងមានតម្រូវការខ្ពស់សម្រាប់ស្ដង់ដែលនៅសល់ ពីសំណាក់ក្រុមហ៊ុនអភិវឌ្ឍនានាដែលមានបំណងចង់ចូលរួម យោងទៅតាមលោក O’Sullivan ។

បើទោះបីជាក្រុមហ៊ុន Realestate.com.kh ត្រូវចំណាយប្រាក់បន្ថែមសម្រាប់ការផ្សព្វផ្សាយព្រឹត្តិការណ៍ ពិព័រណ៍ពីរក្នុងពេលតែមួយក៏ដោយ ក្រុមហ៊ុននឹងមិនតម្រូវឲ្យអ្នកចូលរួមតាំងពិព័រណ៍ដែលបានទិញ ស្ដង់រួចបង់ប្រាក់បន្ថែមនោះទេ។ ប៉ុន្ដែសម្រាប់ក្រុមហ៊ុនដែលមិនទាន់បានទិញស្ដង់ ហើយមានបំណង ចង់ចូលរួមពិព័រណ៍នេះនឹងត្រូវទិញក្នុងតម្លៃកំណត់ថ្មីដែលត្រូវបានតម្លើងថ្លៃចំនួន២៥% បើប្រៀបធៀបជាមួយតម្លៃចាស់ លោក O’Sullivan បញ្ជាក់បន្ថែម។

“ជាមួយការបញ្ចូលព្រឹត្តិការណ៍ពិព័រណ៍ទាំងពីរនេះចូលគ្នានឹងផ្ដល់ជូនផលប្រយោជន៍កាន់តែច្រើនទៅដល់ ម្ចាស់ឧបត្ថម្ភកម្មវិធី និងអ្នកចូលរួមតាំងពិព័រណ៍ ជាមួយសកម្មភាពផ្សព្វផ្សាយជាច្រើនមុនពេលព្រឹត្តិ ការណ៍នេះមកដល់ ដែលនេះជាការចំណាយបន្ថែមរបស់ក្រុមហ៊ុន Realestate.com.kh។ សម្រាប់អ្នកចូល រួមតាំងពិព័រណ៍ដែលបានជាវស្ដង់រួចហើយនឹងមិនត្រូវចំណាយបន្ថែមលើអ្វីទាំងអស់។ តម្លៃរបស់ ស្ដង់នឹងកើនឡើងសម្រាប់អ្នកចូលរួមតាំងពិព័រណ៍ថ្មីដែលមានបំណងចូលរួម ពីព្រោះយើងរៀបចំពិព័រណ៍កាន់តែធំដែលនឹងទាក់ទាញឲ្យមានអ្នកចូលរួមទស្សានកាន់តែច្រើន” លោក O’Sullivan បានបញ្ជាក់បន្ថែម។

ព្រឹត្តិការណ៍នេះអាចធ្វើទៅបានដោយមានការគាំទ្រយ៉ាងខ្លាំងពីម្ចាស់ឧបត្ថម្ភរបស់យើងរួមមាន

B2B Cambodia, EZECOM, foodpanda, Lukfook Jewellery Cambodia & FUNNY Water.

ក្រុមហ៊ុនធំៗក្នុងប្រទេសកម្ពុជាដែលនឹងចូលរួមពិព័រណ៍រួមមាន

Monet, Borey The Flora, Aristo Developers, CBRE Cambodia, Creed Development Group, Prince Golden Bay, Borey VIP, Prince Huan Yu Real Estate (Cambodia) Group, CAR 4 you bringing LEVDEO, E-GREEN & FOTO Brands and TF Motors (Cambodia) with the brand MG, Pointer Real Estate, Huibang International Real Estate Co.,Ltd, La Vista One, Prince Huan Yu Center, Garden One, Urban Village, Prestige Homes, LL Property Services, Time Square, Borey Eden Garden, E City, The Peninsula Private Residences, TK Smile, JV Parc 21 Residence, The Hexa Condo, LE CONDÉ BKK1, Borey Mongkul Phnom Penh, Union City Development Group Co, Ltd, At Solutions, MZ Design, Urban Living Solutions, Borey Lorn City, Vue Aston, KH Land, Beyond Design, AIMS Cambodia, Modern House 01, Morganford Investment (Cambodia) Co., Ltd, Arakawa Residence, Dara Sakor, Dara Sakor, Camprof Properties, Modern Residence, Tnaot News, Sing Meng Media, Lotus Broadcasting Services and E&A Consultant Co., Ltd,

ប្រព័ន្ធផ្សព្វផ្សាយដៃគូរួមមាន

Fresh News, Khmer Times, Fang.com, Thmey Thmey, AmCham, 58.com, Business Cambodia, Property Area Asia, Enjoy Cambodia, The Cambodia China Times, Grep Tech, Jian Hua Daily, Sing Meng, BritCham, Veha, Gold Zone Media, Angkor Today, The Commercial News, Panisia Life, Business Khmer, Nice TV, Sabay, EuroCham.