ត្រឹមតែ ៣ ថ្ងៃទៀតប៉ុណ្ណោះ ពិព័រណ៍ដ៏ធំនៅសណ្ឋាគារណាហ្គាវើល១នឹងចាប់ផ្តើមហើយ

សណ្ឋាគារណាហ្គាវើល

ពិព័រណ៍អចលនទ្រព្យកម្ពុជាឆ្នាំ២០១៩ ជាវេទិការនាំមុខគេក្នុងវិស័យអចលនទ្រព្យ និងធំបំផុតប្រចាំឆ្នាំនឹងចាប់ផ្តើមជាផ្លូវការ នៅថ្ងៃទី៤ និង៥ ខែតុលានេះ នៅឯសណ្ឋាគារណាហ្គាវើល១ ជាមួយនឹងការតាំងបង្ហាញគម្រោងអចលនទ្រព្យដ៏សម្បូរ៍បែប អមដោយក្រុមហ៊ុនសេវាកម្មអចលនទ្រព្យជាច្រើន។

ទាំងអ្នកចង់ទិញផ្ទះ ទិញដី ទាំងអ្នកចង់ស្វែងយល់ពីវិស័យអចលនទ្រព្យ និងអ្នកចង់ជជែកផ្ទាល់ជាមួយម្ចាស់គម្រោង ឬចង់បានការបញ្ចុះតម្លៃពិសេស លោកអ្នកពិតជាអាចទទួលបានសេវាកម្មទាំងនេះនៅឯពិព័រណ៍ដ៏ឆ្នើមប្រចាំឆ្នាំនេះ។

ពិព័រណ៍អចលនទ្រព្យនេះមានគោលបំណងសំខាន់នាំអ្នកចូលរួមរាប់ពាន់នាក់មកពីគ្រប់ទិសទី ទាំងក្នុងស្រុក និងក្រៅស្រុកឲ្យមកជួបផ្ទាល់ជាមួយម្ចាស់គម្រោង និង អ្នកតំណាងលក់របស់ គម្រោងដើម្បីជជែកដេញដោលពីតម្រូវការពិតប្រាកដ និង គោលដៅវិនិយោគពិតប្រាកដ តាមគោលការណ៍នៃការវិនិយោគត្រឹមត្រូវ។

ទិញផ្ទះឈ្នះការផ្តល់ជូនជាច្រើន

អ្វីដែលកាន់តែគួរឲ្យចាប់អារម្មណ៍បំផុតនោះ គឺការទិញផ្ទះនៅថ្ងៃពិសេសនេះនឹងមានឱកាសឈ្នះរង្វាន់ ទទួលបានការបញ្ចុះតម្លៃ និងទទួលបានការថែមជូនពិសេសៗជាច្រើនទៀត។

លើសពីនេះការចូលរួមនៅក្នុងពិព័រណ៍នេះ អាចផ្ដល់ឱកាសឲ្យអ្នកអាចរៀនសូត្រ និង ទទួល បានចំណេះដឹងល្អៗ ពីអ្នកជំនាញល្បីៗផ្នែកអចលនទ្រព្យ ជាង ២០រូប ដូចជាលោក ឧកញ៉ា សៀ ឬទ្ធី ឧកញ៉ា ចេងខេង បណ្ឌិត គីម ហា៊ង និងលោកស៊ន សៀប ជាដើម។

វត្តមាននៃអ្នកជំនាញទាំងនេះនឹងផ្តល់ជាគំនិតល្អៗ សម្រាប់អ្នកចូលរួមយកទៅអនុវត្ត នៅពេលពួកគេបានត្រៀមខ្លួនរួចរាល់ក្នុងការប្រឡូកក្នុងវិស័យមួយនេះ។

អ្នកចូលរួមអាចចាប់យកឱកាសនេះ ដើម្បីធ្វើការសួរដេញដោលជាមួយអ្នកជំនាញ ពីស្ថានភាពទីផ្សារ ភាពរីកចម្រើន តំបន់គួរវិនិយោគ និងគន្លឹះល្អៗពីភាពជោគជ័យ សម្រាប់ការវិនិយោគអចលនទ្រព្យនៅប្រទេសកម្ពុជា។

ព្រឹត្តិការណ៍ឆ្នាំនេះទទួលបានការឧបត្ថម្ភពីក្រុមហ៊ុន LukFook Jewellery Cambodia ដែលជាក្រុមហ៊ុន លក់គ្រឿង អលង្ការ ក្រុមហ៊ុនដឹកជញ្ចូនអន្តរជាតិ ZTO Express ក្រុមហ៊ុន Ezecom សណ្ឋាគារ Lumiere Residence សណ្ឋាគារ Snowbell ផ្សារទំនិញរួចពន្ធ CDF ការសែត ខ្មែរថាមស៍ ក្រុមហ៊ុន Cellcard ក្រុមហ៊ុន YuanDao Architecture ក្រុមហ៊ុន NetEase និង LZ Sea View Residence។

ចែករង្វាន់ភ្លាមៗនៅនឹងកន្លែង

នាឡិកាម៉ាក Doxa

មិនត្រឹមតែជាម្ចាស់ឧបត្ថម្ភប៉ុណ្ណោះទេ ប៉ុន្តែ LukFook Jewellery Cambodia គ្រោងនឹងចែករង្វាន់ជាច្រើននៅនឹងកន្លែងផងដែរ។ រង្វាន់ដែលត្រូវផ្ដល់ឲ្យភ្លាមៗមាន ដូចជាខ្សែដៃមាស ១៨ ការ៉ាត់ ចិញ្ចៀន ក្រវិល និងខ្សែដៃផ្សេងៗទៀត។ បន្ថែមលើសពីនេះទៅ ទៀតអ្នកទិញក៏មានឱកាសចាប់ រង្វាន់ធំចំនួនពីរគឺ៖ នាឡិកាបុរស ម៉ាក Doxa មានតម្លៃ ២,៨៣០ ដុល្លារ និង នាឡិកាដៃពេជ្រនារី Piaget មានតម្លៃ ១,៨៥០ ដុល្លារ។

សម្រាប់អ្នកមានចំណាប់អារម្មណ៍ចូលរួមទស្សនា អ្នកអាចចុះឈ្មោះចូលរួមដោយសេរី និងអាចមានឱកាសឈ្នះរង្វាន់ និងកាដូអនុស្សាវរីយ៍ជាច្រើន។ សូមចុះឈ្មោះចូលរួមដោយឥតគិតថ្លៃឥឡូវនេះ!

ប្រសិនបើអ្នកចង់ស្វែងរកអចលនទ្រព្យនៅក្នុងទីក្រុងភ្នំពេញ ឬអចលនទ្រព្យសម្រាប់ជួលនៅភ្នំពេញ សូមចូលទៅកាន់ Realestate.com.kh ថ្ងៃនេះ!