វិនិយោគិនកម្ពុជា អ៊ីតាលី និងបារាំង​បាននាំយកគម្រោងថ្មីមួយ ដែលមានលក្ខណៈទំនើប និងប្លែក គេបំផុត សម្រាប់ប្រទេសកម្ពុជា ដែលថានឹងក្លាយជាលំនៅដ្ឋានផ្ទះវីឡាស្តង់ដារប្រណិតនៅក្នុងប្រទេស កម្ពុជា។

លំនៅដ្ឋានប្រណីតបែបអ៊ីតាលី-បារាំងដំបូងគេនៅក្នុងទីក្រុងភ្នំពេញ គម្រោង Mekong Harmony (មេគង្គ ហាម៉ូនី) នឹងត្រូវសាងសង់លើផ្ទៃដី ៧,០០០ ម៉ែត្រការ៉េ នៅតាមច្រាំងទន្លេមេគង្គ ក្នុងសង្កាត់ច្បារអំពៅ នៅតាមបណ្តោយផ្លូវជាតិលេខ ១។

គម្រោង Mekong Harmony មានទីតាំងស្ថិតនៅក្នុងតំបន់រីកចម្រើនថ្មី ពិសេសនៅជិត ផ្សារ សាលាអន្តរជាតិ ធនាគារ ភោជនីយដ្ឋាន​ ហាងកាហ្វេ និងកន្លែងសេវាកម្មផ្សេងៗទៀត។ ការអភិវឌ្ឍលំនៅដ្ឋានដ៏ធំមួយឈ្មោះថា Oxley WorldBridge ក៏មានទីតាំងតំបន់នេះផងដែរ។

គ្រោងនឹងបញ្ចប់ និងប្រគល់ផ្ទះនៅឆ្នាំ២០១៩ គម្រោង Mekong Harmony នឹងមានផ្ទះវីឡាប្រណីតៗ ស្អាតៗ ចំនួន ១៧ ផ្ទះ ដែលត្រូវបានគេហៅយ៉ាងច្បាស់ថាជាផ្ទះ 'Pure Dream Homes' ឬផ្ទះក្នុងក្តីស្រមៃ ជាមួយនឹងប​រិបថបែបអ៊ីតាលី និងបារាំង។ វីឡាមាន ៦ ប្រភេទ និងវីឡាភ្លោះដែលមានបន្ទប់គេង ៣ ទៅ ៥ បន្ទប់គេង មានទំហំចាប់ពី ២០៦ ម៉ែត្រការ៉េរហូតដល់ ៦៥៥ ម៉ែត្រ។

គម្រោង Mekong Harmony គឺជាលំនៅដ្ឋានបែបថ្មីល្អបំផុត សម្រាប់រស់នៅ ធ្វើការ និងកម្សាន្ត។ ផ្ទះនីមួយៗត្រូវបានរចនា​យ៉ាងទំនើប ដើម្បីភាពសាកសមជាមួយអ្នកមានប្រាក់ចំណូលខ្ពស់ ដែលមាន ន័យថាអ្នកនឹងរស់នៅជាមួយក្រុមគ្រួសារអ្នកលំដាប់ខ្ពស់ (អ្នកមាន) ទាំង ១៦ គ្រួសារផ្សេងទៀតនៅ ក្នុងសហគមន៍ដ៏ប្រណីតនេះ។ ជាមួយនឹងការប្រើប្រាស់រចនាបថ និងស្ថាបត្យកម្មអឺរ៉ុប វីឡានេះនឹងត្រូវបានសាងសង់ឡើងតាមស្តង់ដារអន្តរជាតិ ជាមួយសម្ភារៈនាំចូលពីអ៊ីតាលី។

ការស្នាក់នៅក្នុងផ្ទះវីឡាក្នុងគម្រោង Mekong Harmony មានន័យថាការជ្រើសរើសយកជីវិតរស់នៅដែលពោពេញដោយភាពរីករាយ និងការលម្ហែ។ វីឡាទាំងអស់មានអាងហែលទឺកឯកជន អាងទឹក្ដៅ ទឹកត្រជាក់​ និងសួនច្បារបៃតង។ បើងាកចេញពីវីឡាមកខាងក្រៅវិញ គេអាចរីករាយនឹងមានទេសភាពដ៏អស្ចារ្យនៃទន្លេមេគង្គ និងផ្នែកម្ខាងទៀតនៃទីក្រុង ដូចជា កោះពេជ្រ។

វីឡាមានបន្ទប់ទទួលភ្ញៀវធំទូលាយ សម្រាប់ការជួបជុំគ្នាជាមួយគ្រួសារ ឬមិត្តភក្ដិ ចំណែកផ្នែកខាងលើ ដំបូលនៃលំនៅដ្ឋាននីមួយៗត្រូវបានរៀបចំយ៉ាងពិសេស ជាកន្លែងរៀបចំកិច្ចប្រជុំ និងពិធីជប់លៀង ឬការញ៉ាំអាហារពេលល្ងាចជាដើម។ វីឡានេះក៏នឹងមានបន្ទប់គេងប្រណិត មានផ្ទះបាយ និងបន្ទប់ទឹក ដែលបានបំពាក់ដោយបរិក្ខារដ៏ទាន់សម័យ។

គម្រោង Mekong Harmony ក៏ជាគម្រោងអភិវឌ្ឍលក្ខណៈបៃតង និងផ្តោតលើបរិស្ថានស្អាត ជាមួយនឹងការបំពាក់ឧបករណ៍ផលិតថាមពលអគ្គិសនីដើរដោយពន្លឺព្រះអាទិត្យ(ប្រព័ន្ធសូឡា)។ ចំពោះសន្តិសុខ និងសុវត្ថិភាពរបស់អ្នកវិញ ការរស់នៅក្នុងគម្រោងនេះធានាផ្តល់ជូនសុវត្ថិភាព ២៤ ម៉ោង។ គម្រោងបានបំពាក់ជាមួយកាមេរ៉ាសុវត្ថិភាព (CCTV) ប្រព័ន្ធការពន្លឺ ប្រព័ន្ធការពារអគ្គីភ័យ និងប្រព័ន្ធរោទិ៍ការពារចោរកម្ម។