ឡឺសិន ដឹឡោត​ ហ្គាដេន

ស្របពេលដែលមានការអភិវឌ្ឍយ៉ាងឆាប់រហ័សនៅក្នុងក្រុងព្រះសីហនុ របៀបនៃការរស់នៅបែបទីក្រុងកាន់​ តែមានភាពស៊ីវិល័យ។ គម្រោង ឡឺសិន ដឹឡោត​ ហ្គាដេនគឺជាគម្រោងលំនៅដ្ឋានបែបបុរី និងអាផាតមេនកម្ពស់ទាបល្មម​ដែលស្ថិតនៅក្នុងទីក្រុងឆ្នេរសមុទ្ររបស់កម្ពុជា។ គម្រោង ឡឺសិន ដឹឡោត​ ហ្គាដេនត្រូវបានបង្កើតឡើងដើម្បីបំពេញតាមតម្រូវការរបស់អ្នកមានប្រាក់ចំណូលខ្ពស់ និងអ្នកដែលកំពុងស្វែងរកផ្ទះថ្មី ជាមួយភាពទាន់សម័យ។

គម្រោង ឡឺសិន ដឹឡោត​ ហ្គាដេន មានទីតាំងស្ថិតនៅតាមបណ្តោយផ្លូវជាតិលេខ ៤។ នៅជុំវិញមួយគីឡូម៉ែត្រនៃគម្រោងមានផ្សារ សាលារៀន និងហេដ្ឋារចនាសម្ព័ន្ធជាច្រើនទៀត។ ៣ គីឡូម៉ែត្រពីគម្រោងមានកំពង់ផែសមុទ្រទឹកជ្រៅតែមួយគត់របស់កម្ពុជា និងឆ្នេរឯករាជ្យដ៏អស្ចារ្យ។ ជីវិតប្រចាំថ្ងៃ ការកំសាន្ត និងការធ្វើដំណើរសុទ្ធតែមានភាពងាយស្រួលសម្រាប់អ្នករស់នៅក្នុងគម្រោង ឡឺសិន ដឹឡោត​ ហ្គាដេន ។

គម្រោងនេះត្រូវបានអភិវឌ្ឍដោយក្រុមហ៊ុន លីស៊ិនវី រៀលអុីស្ទេតឌីវេឡបមុិន (ខេមបូឌា)ឯ.ក ដែលមានផ្ទះបុរី និងអាផាតមេនចំនួន ៣១៥ ល្វែង។ បុរីនៅក្នុងគម្រោង ឡឺសិន ដឹឡោត​ ហ្គាដេន មានទំហំផ្ទះប្រមាណ ៥៦,០០០ ម៉ែត្រការ៉េ និងគ្របដណ្តប់លើផ្ទៃដីជាង ៣៧,០០០ ម៉ែត្រការ៉េ ដែលត្រូវបានកំណត់ជាគម្រូនៃដង់ស៊ីតេទាប និងកន្លែងស្នាក់នៅដែលមានផាសុកភាពខ្ពស់។ តម្លៃបុរីចាប់ពី ៨៨០ ដុល្លារ ទៅ ១,០០០ ដុល្លារក្នុងមួយម៉ែត្រការ៉េ​ ឬតម្លៃសរុបអប្បបរមា ១១០,​០០០ ដុល្លារក្នុងមួយល្វែង។

គម្រោង ឡឺសិន ដឹឡោត​ ហ្គាដេន បែងចែកជាបុរីចំនួនបីប្រភេទ ដែលមានកម្ពស់ចាប់ពី ២ ទៅ ៣.៥ ជាន់ ទទឹង ៤.២ ម៉ែត្រ ទៅ ៤.៥ ម៉ែត្រ និងបណ្តោយ ១៤ ទៅ ១៧.៩ ម៉ែត្រ។

ផ្ទះបុរីនឹងត្រូវបានបញ្ចប់ជាមួយនឹងការតុបតែង ដែលមានគុណភាពខ្ពស់ ផ្ទះបាយទាន់សម័យ និងបន្ទប់ទឹកបានបំពាក់សម្ភារៈពេញលេញ។ក្រុមហ៊ុនសាងសង់នឹងធានាបាននូវការរស់នៅកម្រិតខ្ពស់សម្រាប់អ្នកទិញជាមួយនឹងគ្រឿងបរិក្ខារដែលមានគុណភាព និងប្រកាន់ខ្ជាប់នូវបទដ្ឋានគុណភាពសំណង់ខ្ពស់។

គម្រោង ឡឺសិន ដឹឡោត​ ហ្គាដេនក៏ផ្តល់ជូននូវសេវាកម្មពិសេសពីក្រុមហ៊ុនគ្រប់គ្រងអចលនទ្រព្យឈានមុខគេ។ ជាន់ផ្ទាល់ដីនៃផ្ទះបុរីទាំងអស់អាចប្រើប្រាស់សម្រាប់ពាណិជ្ជកម្ម ឬការលក់រាយដើម្បីនាំមកនូវការរៀបចំផ្សេងៗគ្នាចំពោះលំនៅដ្ឋានទាំងនេះ។ នៅពេលអនាគត អាជីវកម្មនៅតាមបណ្តោយរុក្ខវិថីនានានៅក្នុងគម្រោង ឡឺសិន ដឹឡោត​ ហ្គាដេននឹងបង្កើតបានភាពចម្រុះ និងសេវាកម្មគ្រប់យ៉ាងសម្រាប់ការរស់នៅរបស់ម្ចាស់លំនៅដ្ឋាន។

បុរីនៅ ឡឺសិន ដឹឡោត​ ហ្គាដេន ត្រូវបានរចនាឡើងសម្រាប់គ្រួសារដែលមានសមាជិកពីបួន ទៅប្រាំមួយនាក់ និងផ្ទះនីមួយៗសុទ្ធតែ​មានកន្លែងចតយានយន្ត​​មួយ។ រចនាបថស្អាត ធានាថាផ្ទះមានទំហំធំទូលាយ ភ្លឺ និងមានផាសុកភាព។ ប្រភេទយូនីតតូចជាងគេមានបន្ទប់គេងពីរ រីឯយូនីតធំជាងគេមានបន្ទប់គេងបួន ហើយបន្ទប់គេងនីមួយៗមានបន្ទប់ទឹកមួយ។

គម្រោង ឡឺសិន ដឹឡោត​ ហ្គាដេន គ្រោងនឹងបញ្ចប់ការសាងសង់នៅចុងឆ្នាំ ២០២០ ។