វីឡាដ៏​ស្រស់​ស្អាត​នេះស្ថិត​នៅក្នុង​សង្កាត់​ស្វាយដង្គំ ក្រុង​សៀមរាប កំពុងដាក់​លក់​ជាមួយ​ប្លង់​រឹង។ លាតសន្ធឹងលើដីដ៏ខៀវស្រងាត់ដែលមានផ្ទៃដី 541 ម៉ែត្រការ៉េ ជាមួយនឹងទីធ្លាមានសួនច្បារដ៏ស្រស់ស្អាត មានកន្លែងចតយានយន្ត និងមានកន្លែងងូតទឹកផ្កាឈូកនៅខាងក្រៅដ៏គួរឱ្យចាប់អារម្មណ៍ទៀតផង។ ជាវីឡាដ៏ស្រស់ស្អាតដែលសក្តិសមសម្រាប់ការរស់នៅជាលក្ខណៈគ្រួសារប្រកបដោយផាសុកភាព។

វីឡានេះមានទំហំ 160 ម៉ែត្រការ៉េ ដែលផ្តល់ឱ្យទីធ្លាខាងក្រៅនូវទំហំដ៏ធំទូលាយ។ លើសពីនេះ កន្លែងចតយានយន្តក៏មានភ្ជាប់ជាមួយបន្ទប់ផ្ទុកសម្ភារៈផងដែរ ហើយក៏មានរបងសុវត្ថិភាពដែលធានានូវសុវត្ថិភាព និងភាពឯកជនរបស់អ្នកដែលរស់នៅ។ ក្រឡែកទៅមើលខាងក្នុងផ្ទះវិញ នៅជាន់ផ្ទាល់ដី មានកន្លែងទទួលភ្ញៀវ ច្រកផ្លូវដើរធំទូលាយ បន្ទប់ទឹក និងផ្ទះបាយ ភ្ជាប់ជាមួយកន្លែងទទួលទានអាហារដែលមានទំហំធំល្មមសម្រាប់តុអាហារដ៏វែងមួយ។ នៅជាន់ទី 1 មានបន្ទប់គេង 3 ដោយបន្ទប់មួយក្នុងចំណោមនោះមានបន្ទប់ទឹកភ្ជាប់នៅខាងក្នុង និងបន្ទប់ពីរផ្សេងទៀតមានបន្ទប់ទឹករួមមួយ។ គ្រប់បន្ទប់ទាំងអស់មានជាមួយយ៉រឯកជនដែលអាចឱ្យសមាជិកគ្រួសារគយគន់ទេសភាពពីទិដ្ឋភាពដ៏ខៀវស្រងាត់នៅជុំវិញនោះ។

កំពុងដាក់លក់ដោយមិនមានគ្រឿងសង្ហារិម ក្នុងតំលៃអាចចរចាបាន។​ នេះជាឱកាសល្អក្នុងការទិញយកវីឡាមួយនេះ ព្រោះវាមានទីតាំងដ៏មានឥទ្ធិពល ដោយមានចម្ងាយត្រឹមតែ 1 គីឡូម៉ែត្រពីផ្លូវជាតិលេខ 6។ ក៏អាចចូលបានពីផ្លូវធំទូលាយ 15 ម៉ែត្រ មានចម្ងាយ 2 នាទីពីផ្សារក្រឡាញ់ និងផ្សារទំនើបអង្គរ 5 នាទីពីផ្សារទំនើបហេរីថេក​វ៉ក មន្ទីរពេទ្យជ័យវរ្ម័នទី 7 សាលាបឋមសិក្សាស្វាយដង្គុំ និងផាប់ស្ទ្រីត 10 នាទីពីអង្គរហ្គោលរីសត និងប្រាសាទអង្គរវត្ត 15 នាទីពីអាកាសយានដ្ឋានអន្តរជាតិសៀមរាប។