បុរី លី សុវណ្ណ ព្រែកព្នៅ ផ្តោតសំខាន់លើការអភិវឌ្ឍលំនៅដ្ឋានប្រភេទផ្ទះអាជីវកម្ម (សបហៅស៍) ដើម្បីឆ្លើយតបទៅនឹងតម្រូវការទីផ្សារដែលមានការកើនឡើងកាន់តែខ្លាំងសម្រាប់លំនៅដ្ឋានប្រភេទនេះ។ គម្រោងបុរីដ៏ស្រស់ស្អាតនេះ មានផ្ទះអាជីវកម្មសរុបចំនួន ៧៥០ ល្វែង ដែលនឹងស្ថាបនាឡើងលើផ្ទៃដីទំហំ ១០០,០០០ ម៉ែត្រការ៉េ។ មិនថាការរស់នៅលក្ខណៈផ្ទាល់ខ្លួន ឬ លក្ខណៈគ្រួសារ គម្រោងមួយនេះផ្តល់ជូននូវទីធ្លាដ៏ធំទូលាយសម្រាប់ជីវិតរស់នៅប្រកបដោយសុភមង្គល និងផាសុកភាព។

ក្នុងនាមជាសហគមន៍លំនៅដ្ឋានដ៏ទំនើបមួយនៅក្នុងទីក្រុង បុរី លី សុវណ្ណ ព្រែកព្នៅ រួមបញ្ចូលនូវតំបន់ពាណិជ្ជកម្ម និងសួនច្បារសាធារណៈដ៏ស្រស់ស្អាត ដែលអាចឱ្យអ្នករស់នៅសម្រាកលម្ហែកាយនិងចំណាយពេលវេលាគ្រួសារដ៏ស្រស់បំព្រងនៅបរិវេណខាងក្រៅ។ ក្រៅពីនេះ ភោជនីយដ្ឋាន បារ ហាងលក់ទំនិញ ហាងកាហ្វេ និងឱសថស្ថាន ក៏មានស្រាប់នៅក្នុងបរិវេណបុរី ដូច្នេះអ្នករស់នៅពុំមានការលំបាកក្នុងការធ្វើដំណើរឆ្ងាយ ដើម្បីបំពេញតម្រូវការរស់នៅប្រចាំថ្ងៃ ឬ ការកម្សាន្តនាពេលរាត្រី។

ដោយមានទីតាំងស្ថិតនៅប៉ែកខាងជើងនៃទីក្រុងភ្នំពេញ តំបន់ព្រែកព្នៅ បាននិងកំពុងវិវត្តខ្លួនទៅជាទិសដៅវិនិយោគដ៏មានសក្តានុពលនិងពេញនិយម ពិសេសសម្រាប់ក្រុមហ៊ុនអភិវឌ្ឍន៍បុរីលំនៅដ្ឋានធំៗ ដែលមានគោលដៅប្រែក្លាយសង្កាត់ព្រែកព្នៅទៅជាទិសដៅលំនៅដ្ឋានដ៏មានភាពទាក់ទាញបំផុតមួយក្នុងទីក្រុងភ្នំពេញ។ ក្រុមហ៊ុន បុរី លី សុវណ្ណ គឺជាក្រុមហ៊ុនអភិវឌ្ឍន៍បុរីលំនៅដ្ឋានដ៏ធំបំផុតមួយនៅក្នុងកម្ពុជា ហើយគម្រោង បុរី លី សុវណ្ណ ព្រែកព្នៅ គឺជាគម្រោងថ្មីបំផុតរបស់ខ្លួន។