ស្កាយវីឡា B5 មានទំហំសរុបក្នុងផ្ទះ ២៨១ ម៉ែត្រការ៉េ។ មកជាមួយបន្ទប់គេងចំនួន 2 រួមដែលក្នុងបន្ទប់នីមួយៗ មានបន្ទប់ទឹកនៅខាងក្នុង ថែមទាំងមានបន្ទប់សិក្សាដាច់ដោយឡែកមួយ បន្ទប់សម្លៀកបំពាក់ បន្ទប់ស្ទុកឥវ៉ាន់ បន្ទប់អ្នកបំរើ និងយ៉រដ៏ធំទូលាយ។

គម្រោងស្កាយវីឡា ត្រូវបានសាងសង់តាមស្តង់ដារអាផាតមិន អាចមើលទេសភាពយ៉ាងស្រស់ត្រកាល និងមានទំហំធំទូលាយ។ អាផាតមិននេះបានរៀបចំប្លង់របស់ខ្លួនជារាងការ៉េ តំបន់សាធារណៈ និងតំបន់ឯកជននៃលំនៅដ្ឋាននេះត្រូវបានរចនាមកយ៉ាងល្អឥតខ្ជោះ។ ផ្ទះបាយភ្ជាប់ជាមួយបន្ទប់ទទួលទានអាហារ និងបន្ទប់ទទូួលភ្ញៀវ ដើម្បីសមាជិកគ្រួសារកាន់តែមានភាពជិតស្និតគ្នា។
លោកអ្នកអាចទទួលបានទស្សនីយភាពដ៏ស្រស់ស្អាតតាមរយៈបង្អួចធំមួយលាតសន្ធឹងដល់ពិដានដែលអនុញ្ញាតឱ្យពន្លឺធម្មជាតិជះចូលបានយ៉ាងល្អ។

បន្ទប់គេងទាំង២នេះ សុទ្ធតែមានបន្ទប់ទឹកធំទូលាយ និងមានបំពាក់នូវសម្ភារៈចាំបាច់ រួចជាស្រាច់។ បន្ទប់មេគ្រូសារ​ មានមកជាមួយនូវបន្ទប់សម្លៀកបំពាក់ និងយ៉រមុខបែបឯកជន។ នៅខាងក្រៅបន្ទប់វិញមានបន្ទប់សម្លៀកបំពាក់ដ៏ពិសេសមួយ និងបន្ទប់ស្ទុកទំនិញ ដើម្បីបំពេញសេចក្តីត្រូវការរបស់អ្នករស់នៅ។ លើសពីនេះទៅទៀត បន្ទប់អ្នកបំរើ និងយ៉រមួយទៀតត្រូវបានសាងសង់ដើម្បីថែរក្សាភាពឯកជនរបស់ម្ចាស់ ដោយមិនប៉ះពាល់ដល់ការសំអាត និងថែទាំផ្ទះប្រចាំថ្ងៃឡើយ។

អគារ B5 បានយករុក្ខជាតិជាគោលគំនិតនៃការតុបតែងលំអ ដែលផ្ដល់ឲ្យអ្នករស់នៅនូវអារម្មណ៍ដ៏ប្លែក និងធ្វើឱ្យជីវិតកាន់តែមានភាពរីករាយនៅកណ្តាល ទីក្រុង។