ឌាយមិន វ័ន ស្ថិតនៅចំកណ្តាលទីក្រុងកោះពេជ្រ ដែលជាតំបន់ប្រជាពលរដ្ឋរាជធានីភ្នំពេញស្គាល់គ្រប់ៗគ្នា ពិសេសគឺទស្សនីយភាពនៃទន្លេទាំងបី និងជុំវិញបណ្តុំដោយសំណង់លំដាប់ពិភពលោកជាច្រើនកំពុងដំណើរការសាងសង់ ជាតំបន់ពោរពេញដោយសក្តានុពល និងប្រជុំដោយអភិជន។ ទីក្រុងរណបកោះពេជ្រមានផ្ទៃទំហំ១០០ហិកតា គឺជាតំបន់ពោរពេញដោយសក្តានុពលបំផុតនៅរាជធានីភ្នំពេញ ដែល៥០%នៃតំបន់នឹងសាងសង់ជាសួនបៃតង បើយោងតាមផែនការអភិវឌ្ឍន៍។

ឌាយមិន វ័ន ស្ថិតនៅទីតាំងស្នូលនៃកោះពេជ្រ ដែលមានផ្ទះល្វែង៤៣ល្វែង និងអគារស្នាក់នៅរួម១ខ្នង ជុំវិញគម្រោងមានដូចជា៖ ផ្សារទំនើប Aeon Mall សាលារៀនអន្តរជាតិ មជ្ឈមណ្ឌលសន្និបាត និងពិពណ៌អន្តរជាតិ រោងមហោស្រព និងវិថីអាជីវកម្ម។ ទន្ទឹមនឹងរចនាសម្ព័ន្ធកាន់តែល្អប្រសើរ តំបន់នេះនឹងក្លាយទៅជាតំបន់អភិជនដែលពោរពេញដោយសក្តានុពល៕