Mekong View Tower 6 គឺជាអគារខុនដូនិងអាផាតមិន មានទីតាំងស្ថិតនៅក្នុងខណ្ឌជ្រោយចង្វារ ដែលជាគម្រោងអភិវឌ្ឍន៍របស់ក្រុមហ៊ុន Bun Ches Groups Co. Ltd។ ជាមួយនឹងការរចនាម៉ូដយ៉ាងឆើតឆាយនិងតម្លៃសមរម្យ ខុនដូមួយនេះទទួលបានការចាប់អារម្មណ៍យ៉ាងខ្លាំងពីសំណាក់អ្នកស្វែងរកទិញអចលនទ្រព្យ​ ក្នុងអំឡុងពិព័រណ៍អចលនទ្រព្យ កន្លងទៅនេះ។ ប្រសិនបើលោកអ្នកកំពុងស្វែងរកទិញខុនដូ ដែលផ្ដល់ជូនគុណតម្លៃខ្ពស់ Mekong View Tower 6 គឺជាជម្រើសដែលអ្នកមិនអាចរំលងបានឡើយ។

Mekong View Tower 6 មានលក្ខណៈពិសេសជាច្រើន ប៉ុន្តែចំណុចដែលធ្វើឱ្យអគារខុនដូនេះពិសេសលើសពីប្រភេទខុនដូតម្លៃមធ្យមដទៃទៀត គឺទីតាំងដ៏ល្អប្រណីត ស្ថិតនៅក្នុងតំបន់ជ្រោយចង្វារ។​ ស្របពេលដែលបណ្តាក្រុមហ៊ុនអភិវឌ្ឍន៍អចលនទ្រព្យបង្វែរទិសដៅវិនិយោគមកកាន់តំបន់ជ្រោយចង្វារ បណ្តាហាងលក់រាយ សាលារៀន ភោជនីយដ្ឋាន និងសូម្បីតែអគាររដ្ឋាភិបាលក៏កំពុងរីកដុះដាលជាបណ្ដើរៗផងដែរនៅក្នុងតំបន់នេះ។ នេះមានន័យថា ម្ចាស់ខុនដូអាចរីករាយកម្សាន្តជាមួយនឹងសេវាកម្មយ៉ាងសម្បូរបែប ដែលមាននៅក្បែរលំនៅឋានរបស់ពួកគេ។

បើនិយាយពីការរចនាម៉ូដនិងប្លង់វិញ Mekong View Tower 6 ផ្ដោតសំខាន់លើផាសុកភាព និងសុខុមាលភាពយ៉ាងពេញលេញសម្រាប់អ្នករស់នៅ ជាមួយនឹងរចនាបថស្ថាបត្យកម្មបែបសាមញ្ញ ប៉ុន្តែមានលក្ខណៈឆើតឆាយ ល្អប្រណីត គួរឱ្យចង់រស់នៅ។ រាល់បន្ទប់នីមួយៗ ត្រូវបានរចនាប្លង់យ៉ាងល្អិតល្អន់ដើម្បីបំពេញតម្រូវការផ្ទាល់ខ្លួនរបស់អ្នករស់នៅម្នាក់ៗ មិនថា
អ្នកជំនាញវ័យក្មេង ជនបរទេស ឬ អ្នកមានគ្រួសារឡើយ។ ជាមួយនឹង ៥ប្រភេទយូនីតខុសប្លែកពីគ្នា Mekong View Tower 6 ផ្ដល់ជូនជម្រើសលំនៅឋានយ៉ាងសម្បូរបែបសម្រាប់អតិថិជនគ្រប់ប្រភេទ។

ទោះបីជាខុនដូក្នុងគម្រោងនេះមិនមានបំពាក់គ្រឿងសង្ហារិម យូនីតនីមួយៗត្រូវបានបញ្ចូលរួចជាស្រេចនូវ ទូរសម្លៀកបំពាក់ សម្ភារផ្ទះបាយ គ្រឿងបរិក្ខារបន្ទប់ទឹក និងគ្រឿងបំភ្លឺយ៉ាងពេញលេញ។ បន្ថែមពីលើនេះទៀត បរិក្ខារសំខាន់ៗ ដូចជា អាងហែលទឹក កន្លែងហាត់ប្រាណ សួនច្បារ និងតំបន់ពាណិជ្ជកម្ម ក៏ត្រូវបានបញ្ចូលក្នុងគម្រោងនេះផងដែរ។

ខុនដូក្នុងគម្រោង Mekong View Tower 6 ផ្តល់ជូននូវទេសភាព ៣៦០ដឺក្រេ នៃទន្លេមេគង្គ និងទន្លេសាប ជាមួយនឹងតម្លៃ ត្រឹមតែ ១,២៥០ ដុល្លារក្នុងមួយម៉ែត្រការ៉េ។ លក្ខណៈសម្បត្តិដូចរៀបរាប់ខាងលើ អមដោយទេសភាពទន្លេដ៏ស្រស់ស្អាត ធ្វើឱ្យ Mekong View Tower 6 ក្លាយជាជម្រើសលំនៅឋានដ៏ល្អប្រសើរសម្រាប់លោកអ្នកដែលចង់រើចូលនៅភ្លាម។