១: អំពីកម្ពុជា

ផែនទីកម្ពុជា និងប្រទេសជិតខាង
១.១ ទីតាំង

ប្រទេសកម្ពុជា ហៅផ្លូវការថា "ព្រះរាជាណាចក្រកម្ពុជា" ស្ថិតនៅប៉ែកខាងត្បួងនៃតំបន់ឥណ្ឌូចិនក្នុងតំបន់អាស៊ីអាគ្នេយ៍។​ ប្រទេសកម្ពុជាមានផ្ទៃដី ១៨១,០៣៥ គីឡូម៉ែត្រការ៉េ និងមានព្រំប្រទល់ជាប់ប្រទេសថៃ ឡាវ វៀតណាម និងឈូងសមុទ្រថៃ។

កម្ពុជាមានតំបន់សេដ្ឋកិច្ចសំខាន់ៗចំនួន៣ រួមមាន៖ ទីក្រុងភ្នំពេញ(ជារាជធានី) សៀមរាប និងខេត្តព្រះសីហនុ។ ទីក្រុងធំៗដ៏ទៃទៀតរួមមាន៖ ក្រុងតាខ្មៅ តាកែវ កំពង់ចាម ប៉ោយប៉ែត បាត់ដំបង និងកំពត។​

១.២ ប្រជាសាស្ដ្រនិងវប្បធ៌ម
១.២.១ ចំនួនប្រជាជន & ប្រជាសាស្រ្ត

១. កម្ពុជាមានកំណើនប្រជាជន​ ១.៦ ភាគរយប្រចាំឆ្នាំ ហើយនៅដើមឆ្នាំនេះចំនួនប្រជាជនកើនដល់ ១៦ លាន។ ២. ខ្មែរជាក្រុមជនជាតិមានច្រើនជាងគេ ដែលមានរហូត ដល់ជាង ៩០ ភាគរយ នៃចំនួនប្រជាជនសរុប។​ ក្រុមជនជាតិភាគតិចមានដូចជា៖ ចិន វៀតណាម និងជនជាតិចាម។ កម្ពុជាក៏ជាទីតាំង ពិពេញនិយមសម្រាប់ជនបរទេស (អឺរ៉ុប)។

ជាងពាក់កណ្តាលនៃប្រជាជនសរុបមានអាយុក្រោម ២៥ ឆ្នាំ ហើយអាយុជាមធ្យមរបស់ជនជាតិខ្មែរគឺ ២៤.៩ ឆ្នាំ។ ៤. ភាពមិនសមាមាត្រនៃប្រជាសាស្ត្រនៃមនុស្សវ័យក្មេងគឺដោយសារផលវិបាកសង្គ្រាមស៊ីវិលនៅក្នុងទសវត្សឆ្នាំ ១៩៧០ និង១៩៨០។​

ក្នុងរយៈពេលប៉ុន្មានឆ្នាំថ្មីៗនេះ រដ្ឋាភិបាលកម្ពុជាបានធ្វើការយ៉ាងសកម្មក្នុងការអភិវឌ្ឍន៍កម្លាំងពលកម្មវ័យក្មេងទាំងនេះ តាមរយៈការពង្រឹងប្រព័ន្ធអប់រំ និងជំរុញជំនាញថ្មី័៏័ៗ​ ដោយសារតែកម្លាំងពលកម្មបច្ចុប្បន្នរបស់កម្ពុជាមានសក្តានុពលក្នុងការផលិតក្នុងរង្វង់អាយុ ៣០ ឆ្នាំ។ ដូចគ្នាទៅនឹងវៀតណាមដែរ រយៈពេលនៃផលិតភាពសេដ្ឋកិច្ច រួមជាមួយការទទួលបានការអប់រំ និងឱកាសការងារកាន់តែច្រើន នឹងបន្តជំរុញកំណើនផលិតផលក្នុង ស្រុកសរុបក្នុងរយៈពេលប៉ុន្មានឆ្នាំខាងមុខនេះ។

១.២.២ ភាសា

ភាសាខ្មែរគឺជាភាសាសាផ្លូវការ ទោះយ៉ាងណាភាសាអង់គ្លេស និងចិនត្រូវបានគេនិយាយយ៉ាងទូលំទូលាយនៅទូទាំងប្រទេស។ កម្ពុជាមានកម្រិតភាសា អង់គ្លេសល្អប្រសើរ ដែលធ្វើឲ្យទំនាក់ទំនងនៅក្នុងទីផ្សារមានភាពងាយស្រួលជាងនៅប្រទេសជិតខាង ប្រទេសដូចជាថៃ វៀតណាម និងឡាវ។

ព្រះសង្ឃនៅក្នុងប្រទេសកម្ពុជា ១.២.៣ វប្បធម៌

ប្រជាជនប្រហែល ៩៥ ភាគរយប្រកាន់យកពុទ្ធសាសនា ហើយព្រះពុទ្ធសាសនាត្រូវបានទទួលស្គាល់ដោយរដ្ឋធម្មនុញ្ញថាជាសាសនារបស់រដ្ឋ ទោះជាយ៉ាងណា ស្ថាប័នពុទ្ធសាសនាមិនសូវមានឥទ្ធិពលខ្លាំងដូចផ្នែកសង្គម និងនយោបាយនៅក្នុងសម័យទំនើបដូចនៅក្នុងប្រទេសថៃ ឬឡាវនោះទេ។

សង្គមកម្ពុជាមានឋានានុក្រមខ្ពស់ទាបអាស្រ័យលើអាយុ និងតួនាទីក្នុងសង្គម។ លើសពីនេះទៅទៀតគ្រួសារនៅតែមានភាពរឹងមាំ បើប្រៀបធៀបទៅ នឹងសង្គមអាស៊ី ដែលមានការអភិវឌ្ឍសេដ្ឋកិច្ចខ្ពស់។ ទោះជាយ៉ាងណាក៏ដោយទីក្រុងសំខាន់ៗដូចជាភ្នំពេញកំពុងតែមើលឃើញការផ្លាស់ប្តូរក្នុងជំនាន់ថ្មី ដោយផ្តោតសំខាន់លើកំណើនការងារជាងតម្លៃប្រពៃណី។

ប្រទេសកម្ពុជាគឺជាប្រទេសមួយក្នុងចំណោមដែលមានថ្ងៃឈប់សម្រាកច្រើនបំផុតនៅលើពិភពលោក។ ឧទាហរណ៍កាលពីឆ្នាំមុនមានថ្ងៃឈប់សម្រាក ២៧ ថ្ងៃ។ ថ្ងៃឈប់សម្រាកមួយបន្ថែមទៀតត្រូវបានបញ្ចូលទៅក្នុងបញ្ជីនៅឆ្នាំនេះគឺ "ទិវានៃការចងចាំ" ដែលធ្វើកាលពីថ្ងៃទី ២០ ខែឧសភា។ នេះបានបន្ថែម ថ្ងៃឈប់សម្រាកសរុបរហូតដល់ ២៨ ថ្ងៃក្នុងមួយឆ្នាំ។

វប្បធម៌នេះបានឲ្យតម្លៃលើតុល្យភាពរាងការងារ និងជីវិត ដែលបានឆ្លុះបញ្ចាំងតាមរយៈថ្ងៃបុណ្យឈប់សម្រាកដ៏ច្រើននេះ។ ទោះជាយ៉ាងណាក៏ដោយ សម្ពាធនៃពាណិជ្ជកម្មកំពុងចាប់ផ្តើមផ្លាស់ប្តូរផ្នត់គំនិតនេះនៅតាមបណ្តាទីក្រុងធំៗ ជាពិសេសនៅតំបន់ ដែលក្រុមហ៊ុនបរទេសត្រូវបានប្រមូលផ្ដុំគ្នា។

១.២.៤ ជនបរទេស

បច្ចុប្បន្នមានជនបរទេសប្រមាណ ១៥០,០០០ នាក់កំពុងរស់នៅក្នុងប្រទេសកម្ពុជា ដែលភាគច្រើនរស់នៅក្នុងរាជធានីភ្នំពេញ។ ចំនួននេះរួមមាន៖ ជនបរទេសនៅអាស៊ី រួមជាមួយបស្ចឹមប្រទេស។ ទិន្នន័យនេះគឺជារឿងសំខាន់មួយ ប៉ុន្តែមិនទាន់មានតួលេខផ្លូវការនៅឡើយ។ ទាំងក្រសួងមហាផ្ទៃ និងស្ថាប័នរដ្ឋាភិបាលដទៃទៀតមិនបានផ្តល់ទិន្នន័យច្បាស់លាស់ណាមួយទេ។ ទោះជាយ៉ាងណាក៏ដោយ ដោយសារការកើនឡើងនៃការវិនិយោគពីបរទេស និងស្ថិតិបរទេសជុំវិញការកាន់កាប់ខុនដូ និងការអភិវឌ្ឍថ្មីៗគេអាចនិយាយបានថាការកើនឡើងនេះកំពុងតែកើនឡើង។

ប្រទេសកម្ពុជាត្រូវបាន Global Retirement Index ចាត់ទុកជាប្រទេសសម្រាប់ទិសដៅចូលនិវត្តន៍ដ៏ល្អបំផុតនៅអាស៊ីអាគ្នេយ៍។ ស្ថាប័ននេះបានធ្វើការប្រៀបធៀបទិសដៅចូលនិវត្តន៍នៅជុំវិញពិភពលោក ដោយផ្តោតសំខាន់លើកត្តាដូចជា៖ តម្លៃជួលផ្ទះ និង ថ្លៃម្ហូបអាហារ សេវាថែទាំសុខភាព និងកន្លែងហាត់ប្រាណ និងទិដ្ឋាការ ដែលអាចពន្យារបាន។

១.២.៥ តម្រូវការទិដ្ឋាការ

ជនបរទេសដែលចង់ចូលកម្ពុជាត្រូវតម្រូវឲ្យមានទិដ្ឋាការ។ ទដ្ឋការមានតម្រូវការ និងប្រភេទខុសៗគ្នា អាស្រ័យលើរយៈពេលនៃការស្នាក់នៅ និងផែនការនៅពេល ដែលចួលមករស់នៅក្នុងប្រទេសកម្ពុជា។

ទិដ្ឋាការទេសចរណ៍រយៈមួយខែ (ទិដ្ឋាការអេឡិចត្រូនិច)៖ ទិដ្ឋាការអេឡិចត្រូនិចត្រូវបានផ្តល់ជូនជនបរទេសនៅពេលមកដល់ព្រលានយន្តហោះ។ វាមានសុពលភាពរយៈពេលមួយខែ និងមានតម្លៃ ៣៥ ដុល្លារ។ រូបថតលិខិតឆ្លងដែនត្រូវរៀបចំមុនពេលមកដល់ ហើយតម្លៃបន្ថែម ១ ដុល្លារ ផ្សេងទៀតនឹងត្រូវចំណាយ។

ទិដ្ឋាការស្នាក់នៅយូរអង្វែង (EB-Visa)៖ ដើម្បីដាក់ពាក្យសុំពន្យារពេលស្នាក់នៅ (EOS) ជនបរទេសត្រូវដាក់ពាក្យសុំទិដ្ឋាការ EB-Visa។ តម្លៃនៃទិដ្ឋាការ EB អាស្រ័យលើរយៈពេលស្នាក់នៅ។ ទិដ្ឋាការអេឡិចត្រូនិច ដែលមានរយៈពេល ៦ ខែនឹងត្រូវចំណាយអស់ ១៦០ ដុល្លារក្នុងមួយឆ្នាំ ចំណែកទិដ្ឋាការ ១ ឆ្នាំនឹងត្រូវចំណាយអស់ ២៩០ ដុល្លារ។

ទិដ្ឋាការការងារ / ប័ណ្ណការងារជនបរទេស៖ ពាក្យសុំពន្យារពេល EOS សម្រាប់ទិដ្ឋាការ EB នឹងត្រូវបានផ្តល់ជូនតែម្តងប៉ុណ្ណោះ ហើយដើម្បីឱ្យជនបរទេស អាចបន្តសិទ្ធិស្នាក់នៅបន្ថែមទៀត ពួកគេត្រូវតែមានប័ណ្ណការងារ។ ប័ណ្ណការងារជនបរទេសអាចធ្វើបាន លុះត្រាតែមានភស្តុតាងនៃការងារ នៅក្នុងប្រទេស ដូចជាលិខិតពីនិយោជក ឬអ្នកឧបត្ថម។ ១៥ ថ្ងៃបន្ទាប់ពីទទួលបានប័ណ្ណការងារ ជនបរទេសអាចអនុញ្ញាតឲ្យមានទិដ្ឋាការ EB ផ្សេងទៀត ប៉ុន្តែក៏មានថ្លៃសេវាសម្រាប់ការអនុញ្ញាត ថ្លៃសេវាដាក់ពាក្យ និងលិខិតបញ្ជាក់សុខភាព (ឬអាចចំណាយថ្លៃសេវាច្រើនជាងនេះ ប្រសិនបើប័ណ្ណសុខភាពត្រូវ បានបដិសេដ)។

ការពន្យារទិដ្ឋាការ EB ដោយគ្មានប័ណ្ណការងារ៖ ទោះជាយ៉ាងណាក៏ដោយ ការគ្មានប័ណ្ណការងារការពន្យាររយៈពេល ៣ ខែ ៦ ខែ ឬ ១២ ខែ អាចនៅតែត្រូវបាន ផ្តល់ជូន ប្រសិនបើជនបរទេសអាចចេញលិខិតផ្លូវការពីនិយោជក ដែលធានាថាប័ណ្ណការងារ ដែលគ្របដណ្តប់នៅក្នុងឆ្នាំបន្ទាប់នឹងត្រូវបានរៀបចំ។ លិខិតនេះចាំបាច់ត្រូវចុះហត្ថលេខា និងបោះត្រា ហើយត្រូវមានព័ត៌មានដូចខាងក្រោម៖ ឈ្មោះពេញ ថ្ងៃខែឆ្នាំធ្វើការងារ ឈ្មោះលេខលិខិតឆ្លងដែន និងអាសយដ្ឋានរបស់ក្រុមហ៊ុន។

១.២.៦ តម្លៃនៃការរស់នៅ

The cost of food, accommodation, healthcare and other amenities in Cambodia is extremely afordable compared to more developed markets. Meanwhile, the overall quality and diversity of these commodities is rising steadily. This year, the cost of living in Cambodia was on average 37.1 percent less expensive than in the US.

សេវាកម្មសាធារណៈដើម្បីទ្រទ្រង់កំណើនប្រជាជនដែលកំពុងកើនឡើង និងប្រជាជនថ្នាក់កណ្តាល មានដូចជា៖ សាលារៀនស្តង់ដារអន្តរជាតិ មន្ទីរពេទ្យ ផ្សារទំនើប និងកកន្លែងកម្សាន្ត កំពុងអភិវឌ្ឍយ៉ាងឆាប់រហ័ស ជាពិសេសនៅរាជធានីភ្នំពេញ សៀមរាប និងក្រុងព្រះសីហនុ។

ប្រាក់ដុល្លារនៅកម្ពុជា
១.៣ រូបិយប័ណ្ណ

រូបិយប័ណ្ណផ្លូវការរបស់ខ្មែរ គឺ "រៀល" ដែលត្រូវបានដាក់បញ្ចូលក្នុងឆ្នាំ១៩៨០។ ទោះបីជាយ៉ាងណាក៏ដោយ ប្រាក់ដុល្លារអាមេរិកគឺជារូបិយប័ណ្ណ ដែលត្រូវប្រើប្រាស់ច្រើនបំផុតនៅកម្ពុជា ខណៈ ៨០ ភាគរយនៃប្រាក់បញ្ញើ និងឥណទាននៅក្នុងប្រព័ន្ធធនាគារត្រូវបានធ្វើឡើងដោយប្រើដុល្លារអាមេរិក។ ថ្វីបើមានប្រាក់ដុល្លារច្រើនក៏ដោយក៏ប្រទេសកម្ពុជាត្រូវបានចាត់ទុកជាដុល្លារូបនីយ៍តែប៉ុណ្ណោះ ខណៈដុលា្លរអាមេរិកកំពុងចរាចរទន្ទឹមគ្នានឹងប្រាក់រៀល ដែលអាចទទួលយកបានតាមផ្លូវច្បាប់។

១.៣.១ ប្រាក់ដុល្លារ

នៅចន្លោះឆ្នាំ ១៩៩១ និង១៩៩២ អាជ្ញាធរអន្តរកាលសហប្រជាជាតិនៅកម្ពុជា (អ៊ុនតាក់) ត្រូវបានបង្កើតឡើងជាប្រតិបត្ដិការដ៏ធំ និងចំណាយប្រាក់ច្រើន ជាងគេបំផុតរបស់អង្គការសហប្រជាជាតិក្នុងតម្លៃសរុប ១.៧ ពាន់លានដុល្លារ។ ប្រតិបត្តិការនេះបានអនុវត្ត ដើម្បីបង្កើតស្ថាប័នរដ្ឋាភិបាលប្រជាធិបតេយ្យ និងតម្រឹមប្រព័ន្ធហិរញ្ញវត្ថុ និងប្រព័ន្ធនយោបាយកម្ពុជា ដែលមិនទាន់បានកំណត់ទៅតាមបទដ្ឋានអន្ដរជាតិ។

ខណៈភាពជោគជ័យនៃបេសកកម្មនេះនៅតែមានជម្លោះយ៉ាងខ្លាំង ដុលា្លរអាមេរិចបានជួយសេដ្ឋកិច្ច និងបង្កើតឱ្យមានការភ្ញាក់ផ្អើលដល់ធនាគារជាតិ នៃកម្ពុជា។ លំហូេនៃប្រាក់ដុល្លារ រួមជាមួយនឹងការខ្វះខាតផ្នែកសេដ្ឋកិច្ចនៅក្នុងតំបន់ ដែលកំពុងប្រឈមនឹងការរីករាលដាលនៃសេដ្ឋកិច្ចបាន នាំឱ្យមានការទទួលយកប្រាក់ដុល្លារជារូបិយប័ណ្ណដែលអាចប្រើប្រាស់បាននៅទូទាំងប្រទេស។ ប្រាក់រៀលនៅតែមានស្ថេរភាពចាប់តាំងពីឆ្នាំ ១៩៩៨ មក ដោយមានតម្លៃពី ៤,០០០ ទៅ ៤,២០០ រៀល ក្នុង ១ ដុល្លារអាមេរិច។

ដុល្លារូបនីយកម្មបន្តផ្តល់ភាពងាយស្រួលដល់វិនិយោគិនអន្តរជាតិ ដែលចង់ផ្លាស់ប្តូរប្រាក់ចូល និងចេញពីប្រទេសកម្ពុជា និងអនុញ្ញាតឱ្យមានរូបិយប័ណ្ណរឹងមាំសម្រាប់ការវិនិយោគ។ ប្រការនេះបានធ្វើឲ្យប្រទេសកម្ពុជាខុសពីប្រទេសអាស៊ីដទៃទៀតដូចជា៖ ប្រទេសម៉ាឡេស៊ី និងឥណ្ឌូណេស៊ី ដែលជ្រើសយកតែរូបិយប័ណ្ណក្នុងស្រុកសម្រាប់ការធ្វើពាណិជ្ជកម្ម។

ខណៈពេលដែលមានការរអ៊ូរទាំពីសហគមន៍ហិរញ្ញវត្ថុក្នុងប៉ុន្មានឆ្នាំថ្មីៗនេះអំពីការដកប្រាក់ដុល្លារដើម្បីគាំទ្រសេដ្ឋកិច្ចតែមួយនោះវាហាក់ដូចជាមិនទំនងទេ ដែលថាកម្ពុជានឹងទម្លាក់ប្រាក់ដុល្លារទាំងស្រុងក្នុងពេលឆាប់ៗខាងមុខនេះ ដោយសារទំនុកចិត្តនៃវិនិយោគិន និងអ្នកស្រុកនៅពេលបច្ចុប្បន្ននេះ។

១.៣.២ សេដ្ឋកិច្ចសាច់ប្រាក់

ប្រទេសកម្ពុជាគឺជាប្រទេសដែលមានសេដ្ឋកិច្ចដើរដោយចរន្តសាច់ប្រាក់ ដោយមិនគិតពីទំហំនៃប្រតិបត្តិការនោះទេ។ ប័ណ្ណឥណទាន និងជម្រើសទូទាត់ប្រាក់តាមអេឡិចត្រូនិចក៏កើនឡើងផងដែរ ដើម្បីឱ្យមានភាពងាយស្រួលក្នុងប្រតិបត្តិការជូនអតិថិជន។

ការកាន់កាប់ទ្រព្យសម្បត្តិ តាមបែបប្រពៃណីដូចជា៖ មាស និងការវិនិយោគដីនៅតែមានប្រជាប្រិយភាពក្នុងចំណោមមនុស្សចាស់ៗ។ ទោះជាយ៉ាងណាក៏ដោយ មនុស្សវ័យកណ្តាល ដែលជាអ្នកជំនាន់ក្រោយជឿទុកចិត្តលើធនាគារ ថាជាវិធីដ៏ពេញនិយមក្នុងការរក្សាទុកទ្រព្យសម្បត្តិ និងមានភាពរហ័សក្នុងការទូទាត់ តាមអ៊ីនធើណិត។

១.៣.៣ ងាយស្រួលក្នុងការផ្ទេរ

មិនដូចប្រទេសផ្សេងៗជុំវិញពិភពលោកទេ ប្រទេសកម្ពុជាមិនមានការគ្រប់គ្រងលើការប្តូររូបិយប័ណ្ណ ឬដែនកំណត់ណាមួយ ដែលបានបង្កើតឡើងដោយរដ្ឋាភិបាលនោះទេ។ លើសពីនេះទៅទៀតមិនមានការរឹតបន្តឹងលើការផ្ញើប្រាក់ ឬផ្ទេរទេ ទៅក្នុង និងចេញទៅក្រៅប្រទេស ដរាបណាការផ្ទេរត្រូវបានគ្រប់គ្រងតាមរយៈស្ថាប័នហិរញ្ញវត្ថុ ដែលបានចុះបញ្ជី។

ភាគច្រើននៃប្រតិបត្តិការនៅក្នុងប្រទេសកម្ពុជាត្រូវបានធ្វើឡើងជារូបិយប័ណ្ណដុល្លារ ដោយការផ្ញើប្រាក់ត្រូវបានអនុវត្តចំពោះតែពន្ធកាត់ទុកតែប៉ុណ្ណោះ។ នេះនៅតែបន្តភាពងាយស្រួលដល់វិនិយោគិនអន្តរជាតិដោយសារតែស្ថិរភាព និងភាពរឹងមាំនៃប្រាក់ដុល្លារ។

ចំនូលចិត្ត

Please fill personal info before saving favourites. Open Profile Settings.

ដើម្បីទទួលបានភាពងាយស្រួលក្នុងការស្វែងរកអចលនទ្រព្យ សូមទាញយក​ App លើទូរស័ព្ទដៃ។

ពួកយើងអាចជួយអ្នកបាន!
សូមចូលគណនី ដើម្បីបំពេញរាលតម្រូវការរបស់លោកអ្នក ពេលនោះ ភ្នាក់ងារអចលនទ្រព្យ នឹងទំនាក់ទំនងមកវិញ.

ចូលគណនី