៣.៤ តំបន់វិនិយោគសំខាន់៖ ក្រុងព្រះសីហនុ

ក្រុងព្រះសីហនុមានទីតាំងនៅប៉ែកនិរតីនៃប្រទេសកម្ពុជា។ វាមានចម្ងាយ ២៣០ គីឡូម៉ែត្រពីរាជធានីភ្នំពេញ។ ខេត្តនេះមានផ្ទៃដីសរុប ២.៥៣៧ ម៉ែត្រការ៉េដែល ២/៣ នៃផ្ទៃដីសរុបគឺភ្នំ និងខ្ពង់រាប។

ក្រុងព្រះសីហនុបានក្លាយជាផ្នែកមួយដ៏សំខាន់នៃកំណើនសេដ្ឋកិច្ចរបស់ប្រទេសនេះ ដោយសារតែលំហូរវិនិយោគទុនផ្ទាល់ពីបរទេសយ៉ាងលឿនចូលមកខេត្តនេះជាពិសេសពីវិនិយោគិនចិន។ តំបន់ជុំវិញឧទ្យានជាតិរាមខេត្តកោះកុង និងកោះរ៉ុង ដែលជាកោះធំជាងគេទី២ នៃឆ្នេរសមុទ្រក្រុងព្រះសីហនុក៏បានការសាងសង់ហេដ្ឋារចនាសម្ព័ន្ធទេសចរណ៍ និងការអភិវឌ្ឍអចលនទ្រព្យផងដែរ។

ការវិនិយោគបរទេស ដែលភាគច្រើនមកពីអ្នកវិនិយោគចិន បាននាំឱ្យមានការរីកដុះដាលនៃវិស័យសំណង់ដ៏ល្បីនៅក្រុងព្រះសីហនុ។ អគាររាប់រយត្រូវបានសាងសង់ក្នុងរយៈពេលប៉ុន្មានឆ្នាំកន្លងមក ចាប់ពី អគារការិយាល័យ សណ្ឋាគារ និងគម្រោងលំនៅឋាន ដើម្បីឆ្លើយតបនឹងការរីកចម្រើននៃអាជីវកម្ម ភ្ញៀវទេសចរ និងកម្មករបរទេសក្នុងក្រុងនេះ។ យោងតាមមន្ទីររៀបចំដែនដី នគរូបនីយកម្ម និងសំណង់ខេត្ត ទឹកប្រាក់សរុប ១ ពាន់លានដុល្លារត្រូវបានវិនិយោគក្នុងវិស័យសំណង់ នៅក្រុងព្រះសីហនុក្នុងឆ្នាំ ២០១៨ ដោយមានការអនុញ្ញាតដល់គម្រោង ២៩៧។

យោងតាម Knight Frank ការផ្គត់ផ្គង់ខុនដូសរុបមានតែ ៥៣៧ យូនីតប៉ុណ្ណោះ គិតត្រឹមឆមាសទី១ ឆ្នាំ ២០១៩។ ចំនួននេះតិចតួចបើប្រៀបនឹង ១៧,០០០ យូនីត ដែលគ្រោងនឹង បញ្ចប់នៅចុងឆ្នាំ ២០១៩ និង ២០២១។ យូនីតទាំងនេះ ស្ថិតនៅក្នុងគម្រោងកំពុងដំណើរការចំនួន ២៧។ លើសពីនេះ ក្នុងចំណោមគម្រោង ២៧ នេះ មាន ១៨ ត្រូវបានចាត់ទុកជាគម្រោងធំ ដោយ ៧១% នៃយូនីតសរុបក្នុង គម្រោងទាំងនេះត្រូវបានចាត់ទុកជាកម្រិតខ្ពស់។ ចំណែក ២៩% ដែលនៅសល់ ត្រូវបានចាត់ថ្នាក់ជាកម្រិតមធ្យមដោយ Knight Frank។

គម្រោងខុនដូទាំងអស់នៅក្រុងព្រះសីហនុ គិតត្រឹមឆ្នាំ ២០២១ ត្រូវបាន បែងចែកតាមសង្កាត់ដូចខាងក្រោម៖ សង្កាត់លេខ៣ (៧៧%) សង្កាត់លេខ៤ (២០%) និងសង្កាត់លេខ២ (៣%)។ ប្រសិនបើគម្រោង ខុនដូទាំងអស់នេះបញ្ចប់នៅឆ្នាំ ២០២១ អត្រាកំណើនខុនដូ នឹងឈានដល់ ២៤៥% ក្នុងមួយឆ្នាំ។ ចំណែកទីផ្សារលក់រាយ ក្រុងព្រះសីហនុនឹងទទួលបាន ផ្សារទំនើបធំដំបូងបង្អស់របស់ខ្លួន ក្នុងទម្រង់ជា Furi Times Square។

គម្រោងនេះជាការរួមទុនតម្លៃ ១០ លានដុល្លារ រវាង Furi Real Estate និងអ្នកវិនិយោគអន្តរជាតិដទៃទៀត។ វាត្រូវបានរំពឹងថានឹងផ្តល់ ១២,០០០ ម៉ែត្រការ៉េ NLA ហើយគ្រោងនឹងបញ្ចប់នៅចុងឆ្នាំ ២០១៩។

គម្រោងធំៗផ្សេងទៀត រួមទាំងទីតាំងលក់រាយចំនួន ៨ ក៏កំពុងដំណើរការនៅក្រុងព្រះសីហនុផងដែរ។ ប្រសិនបើគម្រោងទាំងនេះ បញ្ចប់ទាន់ពេលវេលា ក្រុងព្រះសីហនុនឹងមានទីតាំងលក់រាយ សរុប ៩៨,៧១១ ម៉ែត្រការ៉េ NLA។ ក៏ប៉ុន្តែ ការប្រកាសនាពេលថ្មីៗនេះ ស្តីពីការហាមឃាត់ល្បែងតាមអ៊ីនធឺណិត បានធ្វើឱ្យជនជាតិចិន ជាច្រើនក្រុមចាកចេញពីក្រុងនេះ។ ទីតាំងលក់រាយដែលពឹងផ្អែក លើចំនួនអតិថិជន ប្រហែលជាត្រូវពឹងផ្អែកខ្លាំងលើភ្ញៀវទេសចរដែលមកទស្សនាផ្សារទំនើបទាំងនេះ។

ក្នុងឆ្នាំ ២០១៨ ភ្ញៀវទេសចរប្រមាណ ២៣០,០០០ នាក់ត្រូវបានកត់ត្រាថាបានមកដល់ អាកាសយានដ្ឋានអន្តរជាតិក្រុងព្រះសីហនុ (KOS)។ គិតត្រឹមត្រីមាសទី៣ ឆ្នាំ ២០១៩ ចំនួននេះបានកើនឡើងដល់ជិត ៥៥០,០០០ នាក់ យោងតាម ទិន្នន័យក្រសួងទេសចរណ៍។ ការកើនឡើងនៃ ជើងហោះហើរផ្ទាល់ទៅអាកាសយានដ្ឋានអន្តរជាតិក្រុងព្រះសីហនុ បានចូលរួម ដោយផ្ទាល់ក្នុងការកើនឡើងយ៉ាងខ្លាំងនៃចំនួនភ្ញៀវទេសចរមកខេត្តនេះ រួមទាំងជើងហោះហើរពីវៀតណាម ហ្វីលីពីន ម៉ាឡេស៊ី និងសំខាន់បំផុតគឺចិន។ តួលេខចុងក្រោយមិនទាន់ត្រូវបានផ្សព្វផ្សាយទេ ប៉ុន្តែយើងអាចសន្មតបានថាចំនួននេះនឹងកើនឡើងនៅត្រីមាសទី៤ ឆ្នាំ ២០១៩។

គួរកត់សម្គាល់ថា រដ្ឋាភិបាលបានប្រកាសក្នុងខែសីហា ឆ្នាំ ២០១៩ ថានឹងមិនបន្តអាជ្ញាបណ្ណកាស៊ីណូតាមអ៊ីនធឺណិតនៅកម្ពុជាទៀតទេ។ សេចក្តីប្រកាសនេះបញ្ជាក់ថា ប្រតិបត្តិករកាស៊ីណូអ៊ីនធឺណិតដែលបានចុះបញ្ជីរួច នឹងអាចបន្តប្រតិបត្តិការរហូតដល់អាជ្ញាបណ្ណរបស់ពួកគេផុតកំណត់ក្នុងឆ្នាំ ២០២០។ ការប្រកាសនេះបានធ្វើឱ្យកាស៊ីណូអ៊ីនធឺណិតភាគច្រើន ផ្លាស់ប្តូរប្រតិបត្តិការទៅកន្លែងផ្សេង ដោយមានកម្មករចិនជាង ៤០០,០០០ នាក់ បានចាកចេញពីខេត្តនេះនៅខែធ្នូ ឆ្នាំ ២០១៩ យោងតាម អគ្គនាយកដ្ឋានអន្តោប្រវេសន៍។

រដ្ឋាភិបាល តាមរយៈប្រតិបត្តិការរួមរវាងស្ថាប័នជាច្រើន នឹងអនុវត្ត ការហាមឃាត់នេះយ៉ាងតឹងរ៉ឹងពេញទូទាំងប្រទេស ចាប់ពីថ្ងៃទី១ មករា ឆ្នាំ ២០២០។

តម្លៃអចលនទ្រព្យ និងតម្លៃជួលបានឡើងខ្ពស់យ៉ាងខ្លាំងនៅក្នុងក្រុងនេះ មុនពេលមានការប្រកាស។ នៅពេលកំពូល មានរបាយការណ៍ថា ដីទំនេរមានតម្លៃរហូតដល់ ៤,០០០ ដុល្លារក្នុងមួយម៉ែត្រការ៉េ។ ខណៈតម្លៃជួលបានឡើងពី ១០០ ដុល្លារក្នុងមួយខែ ដល់ ៣៥០ ដុល្លារក្នុងមួយខែ។ បន្ទាប់ពីការប្រកាសហាមឃាត់ ដីដូចគ្នានេះបានធ្លាក់មកប្រមាណ ២,៥០០ ដុល្លារក្នុងមួយម៉ែត្រការ៉េ ក្នុងសប្តាហ៍បន្តបន្ទាប់។

អ្នកជួលជនជាតិចិនភាគច្រើនក៏បានចាកចេញផងដែរ ដែលបង្ខំឱ្យម្ចាស់ផ្ទះ កាត់បន្ថយតម្លៃជួលយ៉ាងខ្លាំង ដើម្បីទាក់ទាញអ្នកជួលថ្មី។ ខណៈគេរំពឹងយ៉ាងទូលំទូលាយថា ការធ្លាក់ចុះបន្ថែមទៀតនៃតម្លៃ និង ប្រតិបត្តិការ នឹងនាំឱ្យទីផ្សារអចលនទ្រព្យក្រុងព្រះសីហនុ ដំណើរការយឺតយ៉ាវ ជំនាញការក្នុងវិស័យនេះយល់ស្របថា ផលប៉ះពាល់នេះនឹងមិនរាលដាលទៅខេត្តជាប់គ្នាទេ ដោយពិចារណាលើបរិមាណវិនិយោគចិនក្នុងតំបន់ទាំងនោះ។

ស្ថាប័នរដ្ឋាភិបាល និងជំនាញការអចលនទ្រព្យបានលើកឡើងរួចហើយ អំពីចំណាប់អារម្មណ៍របស់អ្នកវិនិយោគបរទេសដទៃទៀតលើខេត្តនេះ។ យើងអាចសន្មតបានថា តម្លៃអចលនទ្រព្យដែលបានធ្លាក់ចុះនៅក្នុង ក្រុងកំពុងរីកចម្រើនមួយ កំពុងជួយទាក់ទាញការវិនិយោគកាន់តែសម្បូរបែប។

ក្រៅពីទំនុកចិត្តថ្មីលើក្រុងព្រះសីហនុដែលកំពុងរីកចម្រើនបន្តិចម្តងៗ ប៉ុន្តែច្បាស់លាស់ រដ្ឋាភិបាលបានចាប់ផ្តើមគម្រោងស្តារឡើងវិញផ្លូវថ្នល់ តម្លៃ ២៩៤ លានដុល្លារនៅក្នុងក្រុងនេះ។ ផ្លូវនៅក្រុងព្រះសីហនុ ត្រូវបានទុកចោលឱ្យខូចខាត ពេញដោយស្នាមប្រេះ និងសម្រាមរាយប៉ាយ ដោយសារហេដ្ឋារចនាសម្ព័ន្ធរបស់ក្រុងមិនអាចតាមទាន់ ល្បឿនសំណង់ថ្មីដ៏រហ័ស។ ក្រុមហ៊ុនរចនាចិនមួយ ក៏ត្រូវបានជួលឱ្យរចនាក្រុងព្រះសីហនុឡើងវិញ ដើម្បីឆ្លើយតប និងទ្រទ្រង់ការអភិវឌ្ឍក្នុងក្រុងបានត្រឹមត្រូវ។

ផ្លូវល្បឿនលឿន ៤ គ​ន្លងភ្ជាប់ពីរាជធានីភ្នំពេញ និងក្រុងព្រះសីហនុគ្រោងនឹងសាងសង់នៅឆ្នាំនេះ បន្ទាប់ពីមានអនុស្សរណៈយោគយល់ដ៏ធំមួយដែលបានចុះហត្ថលេខាកាលពីខែមករា ក្រោមហិរញ្ញប្បទានពីរដ្ឋាភិបាលចិន។

ក្រុងព្រះសីហនុក៏ដើរតួជាមូលដ្ឋានពាណិជ្ជកម្មសំខាន់ផងដែរ ដោយភ្ជាប់ រោងចក្រនៅកម្ពុជាទៅកាន់ពិភពលោក។ កំពង់ផែស្វយ័តក្រុងព្រះសីហនុ (PAS) គ្រោងសាងសង់ ស្ថានីយកុងតឺន័រថ្មីតម្លៃ ២០០ លានដុល្លារ ជាផ្នែកមួយនៃគម្រោង ពង្រីក ដែលគ្រោងនឹងបញ្ចប់នៅឆ្នាំ ២០២២។

កំពង់ផែពហុបំណងនេះនឹងបម្រើការនាំចូល និងនាំចេញសម្លៀកបំពាក់ ធ្យូងថ្ម ដែក ជីកកសិកម្ម អង្ករ និងប្រេង ហើយនឹងបង្កើនប្រសិទ្ធភាព នៃការដឹកជញ្ជូនទំនិញ និងនាវាដឹកអ្នកដំណើរធំៗ ដែលចេញចូល ក្រុងព្រះសីហនុ។ នេះនឹងបន្ថយថ្លៃដើមផ្នែកដឹកជញ្ជូនសម្រាប់ពាណិជ្ជករនៅកម្ពុជា។ ហើយដូចបានពិភាក្សាក្នុងផ្នែកមុនៗនៃមគ្គុទ្ទេសក៍នេះ កំពង់ផែស្វយ័តក្រុងព្រះសីហនុ (PAS) នឹងដើរតួយ៉ាងសំខាន់ ក្នុងការពង្រីកលទ្ធភាពចូលរបស់ចិនទៅកាន់ច្រកសមុទ្រម៉ាឡាកា ដែលកាន់តែមានចរាចរណ៍មមាញឹក

ទីផ្សារអចលនទ្រព្យនៅក្រុងព្រះសីហនុបានបង្ហាញពីការកើនឡើងនៃសំណាងដោយការវិនិយោគក្នុងវិស័យផលិតកម្មនិងអចលនទ្រព្យដែលកើតឡើងដោយសារការកែលម្អហេដ្ឋារចនាសម្ព័ន្ធទាំងនេះនិងការកើនឡើងនៃចំនួនអ្នកទេសចរ។ ក្នុងប៉ុន្មានឆ្នាំថ្មីៗនេះតម្លៃវិនិយោគសរុបទៅខេត្តជាប់ឆ្នេរសមុទ្ររបស់កម្ពុជាបានឈានដល់ ៣១០ លានដុល្លារ។ វត្តមានតំបន់សេដ្ឋកិច្ចពិសេសក្រុងព្រះសីហនុ (SSEZ) ដែលដំណើរការដោយចិនរួមជាមួយកំពង់ផែស្វយ័តក្រុងព្រះសីហនុបានបង្កើតក្រុងព្រះសីហនុមិនត្រឹមតែជាទិសដៅសម្រាប់វិស័យទេសចរណ៍ប៉ុណ្ណោះទេប៉ុន្តែក៏ជាមជ្ឈមណ្ឌលសេដ្ឋកិច្ចសម្រាប់អាជីវកម្មអន្តរជាតិផងដែរ។