ក្រុមហ៊ុន Digital Classifieds Group (DCG) រីករាយក្នុងការប្រកាសដំណឹងពីការទទួលបានភាគហ៊ុនពីគេហទំព័រ  www.Yula.la ដែលជាគេហទំព័រឈានមុខគេនៅក្នុងប្រទេសឡាវ។​គេហទំព័រwww.Yula.la បានបង្កើតឡើងកាលពីខែធ្នូ ឆ្នាំ ២០១២ ដោយលោក Christophe Eyquem ជាជនជាតិបារាំង និងប្រពន្ធរបស់គាត់គឺអ្នកស្រី Kimthong Luangvilay ដែលជាជនជាតិឡាវ។ គេហទំព័រនេះបានរីកចម្រើនឡើងនៅក្នុងប្រទេសឡាវ ហើយទទួលបានការគាំទ្រ និងទំនុកចិត្តយ៉ាងខ្លាំងសម្រាប់ការទិញទំនិញតាមប្រព័ន្ធអនឡាក្នុងប្រទេស ហើយក៏ជាគេហទំព័រ ដែលទទួលបានអ្នកចូលទស្សនាច្រើនជាងគេនៅក្នុងទីផ្សារទិញលក់តាមប្រព័ន្ធអនឡាញ។ គេហទំព័រនេះប្រមូលផ្តុំយ៉ាងច្រើននូវផលិតផលផ្សេងៗគ្នាដូចជា៖ អចលនទ្រព្យ រថយន្ត គ្រឿងអេឡិចត្រូនិច និងផលិតផលទូទៅជាច្រើនដែលបានកំពុងដាក់លក់តាមអនឡាញក្នុងប្រទេសឡាវ។ក្រុមហ៊ុន DCG ទទួលបានភាគហ៊ុនភាគច្រើនពីគេហទំព័រ Yula.la នៅក្នុងខែមិនាឆ្នាំ២០១៧ខណៈដែលស្ថាបនិក លោក Eyquem និងលោកស្រី Luangvilay បានរក្សាទុកតែភាគហ៊ុនមួយចំណែកតូចប៉ុណ្ណោះនៃគេហទំព័រ Yula.la ហើយនឹងនៅតែបន្តចូលរួមធ្វើការងារជាមួយនឹងចំណេះដឹងផ្នែកទីផ្សារ និងបច្ចេកទេសចំពោះអាជីវកម្មមួយនេះ។លោក Mathew Care នាយកប្រត្តិបត្តិ និងនាយកគ្រប់គ្រងនៃក្រុមហ៊ុន DCG Group បានបញ្ជាក់ថាប្រទេសឡាវគឺជាទីផ្សារថ្មីដ៏ល្ពបំផុតសម្រាប់យើង ដោយសារមានកំណើនអត្រាជ្រៀត ចូលនៃអ៊ីនធើណិតយ៉ាងឆាប់រហ័ស កំណើនផលិតផលក្នុងស្រុកសរុបខ្ពស់ថេរ និងស្ថិតនៅជិតគ្នាជាមួយប្រទេសកម្ពុជា ហើយជាទីផ្សារថ្មីមួយផ្សេងទៀតដែលជម្រុញនិងពង្រីកខ្លួនឲ្យកាន់តែខ្លាំងក្លាក្នុងទីផ្សារអនឡាញ។លោក Mathew បានបន្តថា “លើសពីនេះទៅទៀតយើងពិតជាមានភាពរីករាយបំផុតក្នុងការសហការដៃគូថ្មីជាមួយលោក Christophe និងអ្នកស្រី Kimthong ក្នុងការអភិវឌ្ឍន៍ឲ្យគេហទំព័រ Yula.la កាន់តែរីកចម្រើនទៅមុខ។ ជាមួយនឹងការធ្វើការងារក្នុងទីផ្សារមួយនេះ យើងយល់យ៉ាងច្បាស់ពីគុណសម្បត្តិជាយុទ្ធសាស្ត្រនៃការធ្វើការងារយ៉ាងជិតស្និទជាមួយនឹងដៃគូនៅក្នុង ស្រុក។”លោក Eyquem ដែលជាសហស្ថាបនិកនៃគេហទំព័រ  Yula.la បាននិយាយថា “ខ្ញុំមានភាពរីករាយក្នុងការចូលរួមជាមួយនឹងក្រុមហ៊ុនដ៏មានសក្តានុពលដូចជាក្រុមហ៊ុនDCG ហើយខ្ញុំគិតថាខ្ញុំបានរកបានដៃគូដ៏ត្រឹមត្រូវមួយជាមួយនឹងបុគ្គលដែលមាន បទពិសោធន៍ហើយគាត់ជាប្រធានក្រុមប្រឹក្សាភិបាល និងជាអ្នកគ្រប់គ្រង។ ការធ្វើការងារជាមួយនាយកគ្រប់គ្រងដូចជា លោក Tim White ដែលជាអតីតនាយកប្រតិបត្តិនៃគេហទំព័រអចលនទ្រព្យឈានមុខគេនៅប្រទេសអូស្ត្រាលី www.allhomes.com.au គឺជាការរំពឹងទុកដ៏មានភាពរីករាយបំផុត។លោក Eyquem បន្ថែមថា “ ខ្លួនខ្ញុំផ្ទាល់ និងប្រពន្ធរប​ស់ខ្ញុំបានបង្កើតគេហទំព័រ Yula.la ដើម្បីផ្តល់ជូនសេវាកម្មរហ័សងាយស្រួល និងវិធីសាមញ្ញសម្រាប់ប្រជាជនក្នុងប្រទេសឡាវក្នុងការទិញ​ និងលក់តាមប្រព័ន្ធអនឡាញ។​ចាប់តាំងពីដាក់ប្រើប្រាស់ជាផ្លូវការក្នុងឆ្នាំ២០១២មក យើងមើលឃើញថាមានកំណើនឡើងសន្សឹមៗនៃអ្នកចូលមើល និងអ្នកប្រើប្រាស់ហើយយើងតែងតែចង់ឃើញគេហទំព័រ Yula.la រីកធំធាត់បន្តទៅមុខទៀត។ ខ្ញុំមានទំនុកចិត្តថាបទពិសោធន៍ និងការផ្គត់ផ្គង់ផ្នែកដើមទុនរបស់ក្រុមហ៊ុន DCG នឹងជួយដល់គេហទំព័រ Yula.la ក្នុងការបោះជំហាន និងរក្សាភាពនាំមុខគេនៅក្នុងទីផ្សារអនឡាញប្រទេសឡាវ”។លោក James Whitehead ជនជាតិនូវែលហ្សេឡង់ដែលបច្ចុប្បន្នជានាយកផ្នែកអត្ថបទនៃក្រុមហ៊ុន Realestate.com.kh ក្រុមហ៊ុនគេហទំព័រអចលនទ្រព្យឈានមុខគេនៅក្នុងប្រទេសកម្ពុជារបស់ DCG Group នឹងធ្វើការដោយផ្ទាល់ទៅលើប្រតិបត្តិការការងាររបស់ គេហទំព័រ Yula.la ក្នុងប្រទេសឡាវដោយធ្វើការពីភ្នំពេញ ទៅទីក្រុងវៀងច័ន្ទនៅក្នុងឆ្នាំ២០១៧។ក្រុមហ៊ុន Digital Classifieds Group (DCG) មានមូលដ្ឋាននៅប្រទេសអូស្ត្រាលីជាមួយនឹងបទពិសោធន៍ដ៏ច្រើនជាមួយគេហទំព័រអនឡាញឈានមុខគេ និងរីកចម្រើនឆាប់រហ័សនៅតំបន់អាស៊ីអាគ្នេយ៍ដែលមានអ្នកប្រើប្រាស់ជាង៣០​លាននាក់ក្នុងមួយឆ្នាំៗ ទាំងនៅក្នុងគេហទំព័រទូទៅ និងគេហទំព័រអចលនទ្រព្យ។ស្វែងរកព័ត៌មានអចលនទ្រព្យល្អបំផុតតាមរយៈ Realestate.com.kh!

ជាមួយនឹងកំណើននៃសេដ្ឋកិច្ចដែលទើបនឹងងើបឡើងថ្មីរបស់ប្រទេសកម្ពុជានៅក្នុងទីផ្សារសាកលលោក វាជៀសមិនរួចទេសម្រាប់បច្ចេកវិទ្យាទំនើបដែលនឹងត្រូវជ្រាបចូលក្នុងវិស័យផ្សេងៗនៅក្នុងប្រទេសជាពិសេសវិស័យដឹកជញ្ជូន។នរណាខ្លះហានប្រឈមនឹងហានិភ័យ?ទោះបីជាប្រព័ន្ធបច្ចេកវិទ្យា UBER​ ជាបច្ចេកវិទ្យាសាកលលោកមួយសម្រាប់ជួយសម្រួលដល់មនុស្សរាប់សិបលានអ្នកនៅទូទាំងសាកលលោកក៏ដោយ ប៉ុន្តែវាមិនមែនបច្ចេកវិទ្យាដំបូងគេដែលបានចូលមកក្នុងប្រទេសកម្ពុជានោះទេ។ កន្លងមកអាជីវកម្មថ្មីៗជាច្រើនបានបាននាំយកនូវប្រព័ន្ធបច្ចេកវិទ្យាចូលមកដែរ រួមមានដូចជា៖ Choice Taxi, Exnet Taxi Cambodia, PassApp Tax, និង iTsumo។ ប៉ុន្តែក្រុមហ៊ុន UBER គឺហាក់មិនមានភាពរុញរាក្នុងការចាប់ផ្តើមដំណើរការអាជីវកម្មឡើយ។ទើបតែពេលថ្មីៗនេះ,​ លោក David Van ជានាយកគ្រប់គ្រងនៃក្រុមហ៊ុន Bower Group Asia បាននាំអ្នកដំណាងរបស់ក្រុមហ៊ុន UBER ឲ្យជួបជាមួយ ឯកឧត្តម ស៊ុន ចាន់ថុន រដ្ឋមន្ត្រីក្រសួងសាធារណការ និងដឹកជញ្ជូនដើម្បីចូលរួមពិភាក្សាគ្នាលើសំណើរនៃការដាក់ចេញឲ្យប្រើប្រាស់ លើបច្ចេកវិទ្យារបស់ក្រុមហ៊ុន UBER  នៅពេលអនាគត។  បើទោះបីជាមិនទាន់មានព័ត៌មានច្បាស់ការទាក់ទងទៅនឹងការបរិច្ឆេទនៃការសម្ពោធជាផ្លូវការក៏ដោយ ក៏គេមើលឃើញថាក្រុមហ៊ុនពិតជាមានទំនុកចិត្តច្បាស់លាស់ក្នុងការអនុវត្តន៍ការងារនេះក្នុងពេលឆាប់ៗដោយសារដំណឹងបានមកដល់កម្ពុជាត្រឹមតែរយៈពេលពីរខែបន្ទាប់ពីមានកិច្ចប្រជុំដំបូងរបស់ក្រុមហ៊ុន UBER ជាមួយឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម។​តើក្រុ​មហ៊ុន UBER នឹងរីកចម្រើនខ្លាំងនៅកម្ពុជាដែរឬទេ?ក្រុមហ៊ុនប្រហែលជានឹងចូលមកក្នុងទីផ្សារដោយភាពជឿជាក់បំផុត​ ប៉ុន្តែក៏មានការបារម្ភថាចុងក្រោយ ក្រុមហ៊ុន UBER នឹងអាចបរាជ័យ ជាពិសេសមានដំណឹងថាក្រុមហ៊ុនបានដកចេញមកពី​ ប្រទេសចិន  ដោយយល់ព្រមទទួលភាគហ៊ុន២០%ជាមួយក្រុមហ៊ុនដៃគូប្រកួតប្រជែងរបស់ខ្លួន គឺក្រុមហ៊ុន Didi។ ​សារព័ត៌មាន  CNN ក៏បានបង្ហាញដែរថា​ក្រុមហ៊ុន UBER ក៏បានដកចេញពីប្រទេស ដាណឺម៉ាក ផងដែរ។ អាចមានសញ្ញាណណាមួយដែលបង្ហាញថា ក្រុមហ៊ុន UBER ប្រហែលអាចមានបញ្ហាជាមួយ ទីផ្សារកម្ពុជា។ទោះបីជាយ៉ាងនេះក្តីការបង្ហាញមួយរបស់ទំព័រហ្វេសបុករ​ប​ស់ក្រសួងពាណិជ្ជកម្មបាននិយាយថា លោក Chan Park និងលោក Brian Shroder ដែលជាអ្នកតំណាងរ​​បស់ក្រុមហ៊ុនដឹកជញ្ជូនតាមអនឡាញទូទាំងសាកលរបស់អាមេរិក ឬហៅថា UBER បានលើកឡើងថាក្រុមហ៊ុនមានការពេញចិត្តជាមួយនឹងទីផ្សារថ្មីរ​បស់កម្ពុជា។ ប៉ុន្តែជាមួយគ្នានេះក្រុមហ៊ុនត្រូវការស្វែងយល់បន្ថែមទៀតពីស្ថាន ភាពសេដ្ឋកិច្ច ស្តង់ដាររស់នៅរ​ប​ស់ប្រជាជន និងការប្រឈមផ្សេងៗទៀតជាមុនសិន។តើប្រជាជនខ្មែរគិតដូចម្តេចចំពោះក្រុមហ៊ុន UBER?បើតាមការលើកឡើងរបស់ Masahito Ambashi សេដ្ឋកិច្ចវិទូរបស់វិទ្យាស្ថានស្រាវជ្រាវសេដ្ឋកិច្ចសម្រាប់តំបន់អាស៊ាន និងអាស៊ីអាគ្នេយ៍ ក្រុមហ៊ុន UBER គឺជាក្រុមហ៊ុនមានកេរ្តិ៍ឈ្មោះជាសាកលរួមបញ្ចូលទាំងកម្ពុជាផងដែរ។ អតិថិនជនប្រហែលជានឹងសាកល្បងជាមួយសេវាកម្មមួយនេះ ដោយសារពួកគេសេវាកម្មនេះមានភាពខុសប្លែកពីសេវាកម្ម​ក្នុងស្រុក។ ប្រសិនបើមាននិន្នាការបែបនេះបានកើតឡើងអាចរំពឹងថានឹងមានការចូលរួមច្រើន។ ទីបំផុតវានឹងធ្វើឲ្យក្រុមហ៊ុន UBER ទទួលបានភាពជោគជ័យ។ស្របជាមួយគ្នានេះ Ambashi បន្ថែមថា អ្នកដែលមានកម្រិតជីវភាពរស់នៅមធ្យមដែលអាចប្រើប្រាស់សេវាកម្មនេះគឺមានច្រើននៅក្នុងប្រទេសកម្ពុជា។ ​នេះមានន័យថា ចំនួនអ្នកដែលអាចប្រើប្រាស់ជាមួយសេវាកម្មក្រុមហ៊ុន UBER ក៏នឹងកើនឡើងដែរ។នៅមានសំណួរផ្សេងទៀតចោទសួរថាតើ ក្រុមហ៊ុន UBER អាចប្រកួតប្រជែងជាមួយទីផ្សារ តុតុ (ម៉ូតូកង់បី) ក្នុងស្រុកដែរឬទេ? តុតុមាននៅគ្រប់ទីកន្លែងក្នុងតំបន់សំខាន់ៗក្នុងទីក្រុង ហើយតុតុមានច្រើន​និងនៅជិត​ៗដែលអ្នកដំណើរងាយស្រួលស្វែងរក ចំណែកការដឹកជញ្ចូនមានភាពងាយស្រួល និងចំណាយតិច។ចំណុចខ្លាំងរបស់ទីផ្សារទើបងើបឡើងថ្មី គឺសក្តានុពលរបស់ខ្លួនសម្រាប់ភាពរីកចម្រើន។  ប៉ុន្តែរួមជាមួយគ្នានេះ វិនិយោគិនក៏ត្រូវគិតអំពីហានិភ័យ ដោយសារបទបញ្ញត្តិ និងច្បាប់ គឺមិនទាន់បានកំណត់ពេញលេញនៅឡើយ។ ដូច្នេះថាតើក្រុមហ៊ុន UBER ទទួលបានជោគជ័យ ឬក៏អត់នឹងពឹងផ្អែកទាំងស្រុងលើកម្រិតនៃការសិក្សាទីផ្សាររបស់ក្រុមហ៊ុនបានល្អកម្រិតណា ហើយថាតើពួកគេបានបង្កើតទីផ្សារបានល្អកម្រិតណាទៅដល់ប្រជាជនកម្ពុជា។តាមដានព័ត៌មានអចលនទ្រព្យចុងក្រោយបំផុតក្នុងប្រទេសកម្ពុជាតាមរយៈ Realestate.com.kh

មហាវិថីសម្តេចតេជោហ៊ុនសែន ឬហៅថាផ្លូវ៦០ម៉ែត្រត្រូវបានសម្ពោធដាក់ឲ្យប្រើប្រាស់ជាផ្លូវការនៅព្រឹកថ្ងៃទី០៣ ខែមេសា ឆ្នាំ២០១៧ក្រោមអធិបតិដ៏ខ្ពង់ខ្ពស់របស់ សម្តេចតេជោ ហ៊ុន សែន។មហាវិថីសមេ្តចតេជោហ៊ុនសែន ឬផ្លូវ៦០ម៉ែត្របានចាប់ផ្តើមការសាងសង់កាលពីខែ មិនា ឆ្នាំ ២០១១ ដោយក្រុមហ៊ុន ING Co., Ltd មហាវិថីនេះភ្ជាប់ពីផ្លូវលេខ២៧១ត្រង់ចំណុចច្រមុះជ្រូកក្បាលថ្នល់ដែលឆ្លងកាត់បឹងជើងឯក និងបឹងទំពុនហើយភ្ជាប់ជាមួួយផ្លូវជាតិលេខ២ក្រុងតាខ្មៅ ខេត្តកណ្តាល។  មហាវិថីនេះត្រូវបានចាត់ទុកជាផ្លូវសាធារណធំជាងគេនៅក្នុងទីក្រុងភ្នំពេញដែលមានប្រវែងផ្លូវសរុប៩,១៦០ម៉ែត្រ ហើយនឹងក្លាយជាផ្លូវដែលបានដើរតួនាទីធ្វើឲ្យចរាចរកាន់តែប្រសើរឡើង និយាយជារួមបានធ្វើឲ្យការធ្វើដំណើរពីខណ្ឌ​ដង្កោនិងក្រុង​តាខ្មៅមកកាន់រាជធានីភ្នំពេញកាន់ តែ​ជិត​ជាង​មុន។ប្រព័ន្ធ​ហេដ្ឋា​រចនា​សម្ព័ន្ធជា​ចំណុច​ចម្បង​មួយ​ក្នុង​ការ​អភិវឌ្ឍន៍ទាក់ទងនឹងវិស័យអចលនទ្រព្យតួយ៉ាង​តម្លៃ​ដីនៅទីនោះក៏មានការកើនឡើងផងដែរ។ លោក អ៊ិន ស៊ីថា នាយកប្រតិបត្តិគេហទំព័រអចលនទ្រព្យwww.cambodia21.com បានមានប្រសាសន៍ថា៖ “តម្លៃដីនៅទីនោះពិតជាមានការកើនឡើងបើធៀបទៅនឹងកាលពីប៉ុន្មាឆ្នាំមុន ដែលគ្រាន់តែជាតំបន់ដីបឹងប៉ុណ្ណោះ ប៉ុន្តែបច្ចុប្បន្នវាបានប្រែក្លាយជាតំបន់ដ៏មានសក្តានុពល។ តម្លៃដីចាប់ពីផ្លូវ២៧១រហូតដល់ផ្លូវដែលមានគម្រោងសាលាអន្តរជាតិISPPតំាងនៅ នោះមានតម្លៃចាប់ពី៧៥០ដុល្លារទៅដល់៨៥០ដុល្លារក្នុងមួយម៉ែត្រការ៉េ ហើយបើតម្លៃដីចាប់ពីផ្លូវកែងនៅម្តុំគម្រោង សាលាអន្តរជាតិISPP រហូតដល់ផ្លូវជាតិលេខ២មានតម្លៃដីចាប់ពី២០០ដុល្លារទៅ៣៥០ដុល្លារក្នុងមួយម៉ែត្រការ៉េ”លោកបានបន្ថែមថា៖ “ដោយសារតែមានការអភិវឌ្ឍន៍ហេដ្ឋារចនាសម្ព័ន្ធដ៏ល្អនេះហើយគម្រោងអភិវឌ្ឍន៍លំនៅដ្ឋានក៏បានមកអភិវឌ្ឍន៍នៅទីនេះកាន់តែច្រើនមានដូចជាគម្រោងខុនដូ The Element គម្រោងបុរីដូនពេញ គម្រោងលំនៅដ្ឋាន Woodland ក៏ដូចជាគម្រោងបុរី ប៉េង ហួត និងគម្រោងបុរីជីប ម៉ុងជាដើមដែលគម្រោងទាំងនោះបានត្រៀមខ្លួនរួចជាស្រេច។”ការអភិវឌ្ឍន៍ទៅទិសខាងត្បូងគឺជាការអភិវឌ្ឍន៍ដ៏ប្រសើរមួយសម្រាប់ក្រុងភ្នំពេញជាក់ស្តែងការអភិវឌ្ឍន៍ហេដ្ឋារចនាពិតជា ជម្រុញការអភិវឌ្ឍន៍ឲ្យកាន់តែច្រើនឡើងតួយ៉ាង៖ ចរាចរណ៍កាន់ តែមានភាពងាយស្រួលជាពិសេសធ្វើឲ្យជីវភាពអ្នករស់នៅជុំវិញតំបន់កាន់តែប្រសើរ។ សរុបទៅវាជាការអភិវឌ្ឍន៍ឆ្ពោះទៅកាន់ចីរភាពប្រែក្លាយជាតំបន់ដីបឹងដាច់ស្រយាលទៅជាតំបន់ពាណិជ្ជកម្ម និងវិនិយោគដ៏សំខាន់៕តាមដានព័ត៌មានអចលនទ្រព្យចុងក្រោយបំផុតក្នុងប្រទេសកម្ពុជាតាមរយៈ Realestate.com.kh

វិស័យអចលនទ្រព្យរបស់កម្ពុជាកំពុងតែទាក់ទាញចំណាប់អារម្មណ៍វិនិយោគិនយ៉ាងខ្លាំងមកពីជុំវិញតំបន់ និងជុំវិញពិភព លោក។ ទីផ្សារអចលនទ្រព្យបានកើនឡើងគួរឱ្យកត់សម្គាល់នាប៉ុន្មាន៥ឆ្នាំកន្លងមកនេះហើយទីក្រុងសំខាន់ៗជាច្រើនកំពុងតែបង្ហាញពីការអភិវឌ្ឍន៍ ​និងអត្រាកំណើនប្រជាជននៅក្នុងតំបន់។បើទោះបីជាកម្ពុជាមាន “ទីផ្សារទើបនឹងងើបឡើងក៏ដោយ” ក៏ប្រទេសកម្ពុជាបានកំពុងបង្ហាញហា និភ័យទាបជាងសញ្ញាណទីផ្សារដែលបានបង្ហាញ។ ការបង្ហាញផលចំណេញច្រើនសម្រាប់អ្នកវិនិយោគិនអចលនទ្រព្យក៏ដូចជាទិន្នផលខ្ពស់លើការវិនិយោគកំពុងតែបានទាក់់ទាញក្រុមហ៊ុនអភិវឌ្ឍន៍អន្តរជាតិជា ច្រើនមកពីជុំវិញពិភពលោកដើម្បីចាប់ផ្ដើមគម្រោងរបស់គេនៅក្នុងប្រទេសកម្ពុជា៖ហេតុអ្វីបានជាត្រូវវិនិយោគអចលនទ្រព្យក្នុងប្រទេសកម្ពុជា? អត្ថប្រយោជន៍សំខាន់ៗ៖ការវិនិយោគដោយប្រើប្រាស់ប្រាក់ដុល្លារអាមេរិក៖ គឺជារូបិយប័ណ្ណដែលចរាចរជុំវិញពិភពលោកខណៈដែលកម្ពុជាក៏បានប្រើប្រាស់ប្រាក់ដុល្លារក្នុងសេដ្ឋកិច្ចរបស់ខ្លួនផងដែរ ហើយវានឹងនៅបន្តប្រើប្រាស់រូបិយប័ណ្ណនេះដដែល។ដែនវិនិយោគសុទ្ធសាធ៖ សក្ដានុពលសេដ្ឋកិច្ចបានកើនឡើងគួរឱ្យកត់សម្គាល់ និងមានបម្រែបម្រួលជាវិជ្ជមាននាប៉ុន្មានឆ្នាំកន្លងមកនេះ។ផលិតផលក្នុងស្រុកសរុបមានការកើនឡើងខ្លាំង និងថេរ៖ ផលិតផលក្នុងស្រុកសរុបកើនឡើងជាមធ្យម៥%កាលពី៥ឆ្នាំកន្លងទៅ និងឆ្នាំបន្ទាប់ៗមកនេះ។ កម្ពុជាជាប្រទេសមានកំណើនផលិតផលក្នុងស្រុកសរុបចំណាត់ថ្នាក់លេខ២១នៅលើពិភពលោក ហើយចំណាត់ថ្នាក់លេខ១នៅក្នុងតំបន់។អចលនទ្រព្យដ៏មានសុវត្ថិភាព៖ មានច្បាប់ស្ដីពីការកាន់កាប់អចលនទ្រព្យដោយស្របច្បាប់របស់ជនបរទេសដែលបានគាំទ្រយ៉ាងខ្លាំងដល់វិនិយោគិនចាប់តាំងពីឆ្នាំ២០១០មក។ទីតាំងភូមិសាស្រ្តល្អ៖ ស្ថិតនៅចន្លោះប្រទេសដែលមានសេដ្ឋកិច្ចរឹងមាំពីររវាងប្រទេសថៃ និងប្រទេសវៀតណាមហើយក៏ស្ថិតនៅចន្លោះប្រទេសដែលមានសេដ្ឋកិច្ចធំនិងលូតលាស់ខ្លាំងបំផុត ប្រទេសចិន និងឥណ្ឌាដែលស្ថិតនៅចន្លោះរវាងប្រទេសអូស្រ្តាលី និងអាស៊ី ហើយមានកិច្ច ព្រមព្រៀងពាណិជ្ជកម្មរវាងគ្នានិងគ្នាផងដែរ។ស្ថេរភាពនយោបាយ៖ ប្រទេសកម្ពុជាជាប្រទេសដែលមានស្ថានភាពនយោបាយល្អប្រសើរបំផុតនៅក្នុងតំបន់អាស៊ីអាគ្នេយ៍។មានពាណិជ្ជកម្មរួមនិងខ្សែចង្វាក់ផលិតកម្មក្នុងតំបន់៖ ចូលរួមក្នុងសមាគមនប្រជាជាតិអាស៊ីអាគ្នេយ៍ដើម្បីបង្កើនទំនាក់ទំនងទីផ្សាររួមក្នុងតំបន់។ សកម្មភាពពាណិជ្ជកម្មដែលទទួលបានការអនុគ្រោះពន្ធនាំចេញទៅទីផ្សារបរទេសមានដូចជាទីផ្សារសហភាពអឺរ៉ុបនិងសហរដ្ឋអាមេរិក ហើយកម្ពុជាជាប្រទេសមួយក្នុងគោលនយោបាយរបស់ចិន “ខ្សែ​ក្រវ៉ាត់មួយផ្លូវមួយ”។បង្កើនការដឹកជញ្ជូន៖ មានផែសមុទ្រទឹកជ្រៅ ផ្លូវដែក បណ្ដាញទំនាក់ទំនងផ្លូវអាកាស និងផ្លូវគោគទូទាំងប្រទេស និងបង្កើនទំនាក់ទំនងក្នុងតំបន់អាស៊ី។និវត្តន៍ជន៖ គឺជាប្រទេសតែមួយគត ដែលមានតម្លៃនៃការរស់នៅទាប សាកសមបំផុតសម្រាប់អ្នកដែលចូលនិវត្តន៍។លំហូសាច់ប្រាក់នៅក្នុងសេដ្ឋកិច្ច៖ លំហូសាច់ប្រាក់ខាងក្នុង និងខាងក្រៅប្រទេសកម្ពុជាគឺជារឿងសាមញ្ញហើយផ្តល់ផលវិជ្ជមានសម្រាប់វិនិយោគិនអន្តរជាតិ។ការអភិវិឌ្ឍន៍គ្រប់វិស័យកំពុងតែកើនឡើងពាសពេញប្រទេសដែលផ្ដល់ជូនដល់អ្នកទិញនូវជម្រើសជាច្រើនដើម្បីជ្រើសរើសជាមួយនឹងអចលនទ្រព្យសម្រាប់វិនិយោគដែលស្របទៅនឹងគម្រោងថវិកា និងតម្រូវការអ្នកទិញ។ ទោះជាយ៉ាងណាក្ដីការទិញអចលនទ្រព្យដ៏ត្រឹមត្រូវគឺជាការសម្រេចចិត្តដ៏សំខាន់មួយដែលតម្រូវឱ្យមានការយកចិត្តទុកដាក់លើការស្រាវជ្រាវនិងស្ថានភាព ហិរញវត្ថុដែលត្រូវវិនិយោគ ក៏ប៉ុន្តែវាអាចជាផលលំបាកសម្រាប់វិនិយោគិនដែលរស់នៅក្រៅប្រទេសកម្ពុជា។ចំពោះហេតុផលនេះ Realestate.com.kh ដែលជាគេហទំព័រមានអ្នកចូលទស្សនាច្រើនបំផុតក្នុងប្រទេស និងជាគេហទំព័រដ៏ពេញនិយមបំផុតក្នុងប្រទេសកម្ពុជា នឹងរៀបចំពិព័រណ៍អចលនទ្រព្យដ៏ធំមួយដែលមិនធ្លាប់មានក្នុងប្រទេសកម្ពុជា។ ពិព័រណ៍អចលនទ្រព្យកម្ពុជានេះត្រូវបានរៀបចំដោយ Realestate.com.kh នឹងធ្វើឡើងនៅថ្ងៃទី៥ ទី៦ ខែឧសភា ឆ្នាំ២០១៧នៅឯសណ្ឋាគារ NagaWorld។កម្មវិធីនេះគឺជាពិព័រណ៍មួយដែលអ្នកទិញអាចស្វែងយល់បន្ថែមនូវអចលនទ្រព្យដែលមានសក្ដានុពលនៅក្នុងប្រទេស និងធ្វើការស្វែងយល់ពីព័ត៌មានលំអិត ដើម្បីជាជំនួយក្នុងការសម្រេចចិត្តវិនិយោគឲ្យមានសុវត្ថិភាពក្នុងប្រទេសកម្ពុជា។អ្នកទស្សនាទាំងអស់នឹងរីករាយជាមួយនឹងអ្នកអភិវឌ្ឍន៍ជាតិ និងអន្តរជាតិក៏ដូចជាក្រុមហ៊ុនផ្សេងៗជាង៣០ក្រុមហ៊ុនដែលតាំងបង្ហាញអំពីគម្រោងអភិវឌ្ឍន៍របស់ពួកគេ។ មានដូចជា៖ ក្រុមហ៊ុន The Creed Group ក្រុមហ៊ុនHLH Group/Camhomes ក្រុមហ៊ុន Graticity Real Estate Development (GRED) គម្រោងខុនដូ Habitat ក្រុមហ៊ុនអចលនទ្រព្យ NC Max World ក្រុមហ៊ុន J&L Property Development គម្រោងខុនដូ EASTLAND គម្រោងអភិវឌ្ឍន៍ចម្រុះ CORE PPSEZ ក្រុមហ៊ុនDH3 ក្រុមហ៊ុន Royal HM trading គម្រោងខុនដូ Sky 31 និងគម្រោងអភិវឌ្ឍន៍ចម្រុះ Vikirirom។ ចូលរួមសហការឧបត្ថម្ភដោយក្រុមហ៊ុន៖  LASTMILE WORKS Co., Ltd និងក្រុមហ៊ុនផ្គត់ផ្គង់សំភារៈកីឡា Seara Sports Systemsសិក្ខាសាលា និងការជជែកពិភាក្សាដោយអ្នកប្រឹក្សាក្នុងស្រុកនឹងធ្វើឡើងក្នុងរយៈពេលពីរថ្ងៃនេះ ផងដែរដើម្បីឱ្យមានការយល់កាន់តែច្បាស់ពីបរិយាកាសច្បាប់ក្នុងប្រទេសកម្ពុជា និងវិធីសាស្រ្តមួយចំនួនសម្រាប់វិនិយោគិនដើម្បីគ្រប់គ្រងអចលនទ្រព្យរបស់ពួកគេក្នុងប្រទេស។ សិក្ខាសាលាទាំងនោះមានគោលបំណងផ្ដល់នូវចំណេះដឹងនិងបង្កើនទំនុកចិត្តក្នុងការទិញអចលនទ្រព្យ ក្នុងប្រទេសកម្ពុជា។គឺជាដៃគូតែមួយគត់ជាមួយនឹងបណ្ដាញផ្សព្វផ្សាយដូចជា៖ PropertyGuru Group (ដែលជាក្រុមហ៊ុនផ្សព្វផ្សាយអចលនទ្រព្យដ៏ធំបំផុត និងជាគេហទំព័រដែលមានអ្នក ចូលទស្សនាច្រើនបំផុតក្នុងទ្វីបអាស៊ី) និងគេហទំព័រ Juwai.com (ជាគេហទំព័រលេខ១ក្នុង ប្រទេសចិនសម្រាប់អ្នកដែលចង់ទិញអចលនទ្រព្យក្រៅប្រទេស) នឹងទាក់ទាញអ្នកទិញអន្តរជាតិ ជាច្រើនក្នុងរយៈពេលពិព័រណ៍ពីរថ្ងៃនេះ។ ការធ្វើទីផ្សារក្នុងស្រុកក៏សំខាន់ផងដែរដើម្បីទាក់ទាញ ទាំងវិនិយោគិនក្នុងស្រុក និងវនិយោគិនបរទេស។ ពិព័រណ៍អចលនទ្រព្យនេះនឹងត្រូវបានធ្វើឡើងនៅសណ្ឋាគារ NagaWorld ដែលជាសណ្ឋាគារដ៏ល្អបំផុតក្នុងទីក្រុងភ្នំពេញសម្រាប់ វិនិយោគិនអាស៊ាន ឥស្សរជន និងអ្នកជំនួញ។សូមកំណត់ចំណាំពិព័រណ៍អចលនទ្រព្យក្នុងប្រត្តិទិនរបស់អ្នកនៅថ្ងៃទី៥ និងទី៦ ខែឧសភា ឆ្នាំ២០១៧ឥឡូវនេះ។ ប្រញាប់កក់សំបុត្រយន្តហោះរបស់លោកអ្នកប្រសិនបើអ្នកនៅក្រៅប្រទេស។ ដើម្បីត្រៀមខ្លួនរួចរាល់សម្រាប់ពិព័រណ៍អចលនទ្រព្យដ៏ធំបំផុតដែលមិនធ្លាប់មានក្នុងប្រទេសកម្ពុជានេះ។ប្រព័ន្ធផ្សព្វផ្សាយជាដៃគូសម្រាប់កម្មវិធីពិព័រណ៍នេះមានដូចជា៖ ទស្សនាវដ្តីពាណិជ្ជកម្មកម្ពុជា សារព័ត៌មាន​អ៊នឡាញ Bizkhmer, Khmernavi,​ សារព័ត៌មានភាសាចិន Sin Chew Daily  ទស្សនាវដ្តីពាណិជ្ជកម្ម B2B, សភាពាណិជ្ជកម្មអាមេរិក សភាពាណិជ្ជកម្មអង់គ្លេស សមាគមអ្នកសាងសង់កម្ពុជា គេហទំព័រអចលនទ្រព្យ PropertyGuru គេហទំព័រអចលនទ្រព្យ PropertyGuru អន្តរជាតិ  គេហទំព័រអចលនទ្រព្យ Juwai កាសែតខ្មែរថាម និងកាសែតឡារ៉ែន។សម្រាប់ការឧបត្ថម្ភ ឬឱកាសពិព័រណ៍សូមទំនាក់ទំនងមកយើងខ្ញុំឥឡូវនេះតាមរយៈ info@realestate.com.kh ឬទូរស័ព្ទលេខ +855 98 67 67 82ស្វែងរកព័ត៌មានថ្មីៗទាក់ទងនឹងអចលនទ្រព្យតាមរយៈ Realestate.com.kh

ភាពជាដៃគូអាចជាគន្លឹះដ៏មានសក្តានុពលសម្រាប់ភាពជោគជ័យនៃការធ្វើអាជីវកម្ម! ក្រុមហ៊ុន 360 Ads & Events បានរៀបចំវេទិកាសាធារណៈមួយដោយមានការចូលរួមពីក្រុមហ៊ុនក្នុងស្រុក និងអន្តរជាតិនៅក្នុងគោលបំណងដើម្បីឲ្យមានការជួបជុំគ្នាឆ្ពោះទៅរកការសហការគ្នាឲ្យកាន់តែល្អ ប្រសើរឡើង សម្រាប់អាជីវកម្មកម្ពុជា។កាលពីថ្ងៃទី ១៦-១៧ ខែកុម្ភៈឆ្នាំ ២០១៧ ក្រុមហ៊ុន 360 Ads & Events​ បានធ្វើវេទិកាសាធារណៈមួយហៅថា "ស្ថាបនាធនធាន" នៅសណ្ឋាគារសុខាភ្នំពេញ។វេទិកានេះគឺជាវេទិកាលើកទីមួយនៅក្នុងប្រទេសកម្ពុជាដែលមានគោលបំណងដើម្បីជួយដល់ក្រុមផ្សេងគ្នាដូចជា៖ យុវជន សិស្សនិស្សិត អ្នកចាប់ផ្ដើមអាជីវកម្មថ្មី អ្នកជំនាញវិស័យអចលនទ្រព្យ និងសាធារណជនទូទៅ។ គោលដៅគឺដើម្បីអប់រំមនុស្សទាំងនេះឲ្យយល់ដឹងកាន់តែប្រសើរឡើងពាក់ព័ន្ធនឹងកត្តាហិរញ្ញវត្ថុ និងអាជីវកម្ម ដើម្បីឱ្យពួកគេអាចឈានដល់គោលដៅអាជីវកម្មរបស់ ខ្លួននៅក្នុងរបៀបដែលមានភាពងាយស្រួលបំផុត។កញ្ញា Dary Dek នាយកគ្រប់គ្រងនៃក្រុមហ៊ុន 360 Ads & Events បាននិយាយថាកម្មវិធី “ស្ថាបនាធនធាន” គឺជាព្រឹត្តិការណ៍ដែលបានរួមបញ្ចូលពិព័រណ៍បីរួមគ្នាក្នុងវេទិការតែមួយមួយរួមមាន៖ ស្ថាបនាធនធានធ្វើទីផ្សារការចាប់ផ្ដើមអាជីវកម្មថ្មី។ គោលបំណងនៃព្រឹត្តិការណ៍នេះគឺដើម្បីបង្កើតជាវេទិកាថ្មីមួយសម្រាប់ការអប់រំហិរញ្ញវត្ថុសម្រាប់សាធារណៈជនដើម្បីបង្ហាញពី សក្តានុពលនៃការចាប់ផ្តើមអាជីវកម្មថ្មីនិងពង្រឹងបណ្តាញទំនាក់ទំនងក្នុងចំណោមដៃគូអាជីវកម្មនិងវិនិយោគិន។ វេទិកាក៏មានគោលបំណងដើម្បីនាំយកមកនូវការពិភាក្សា និងកិច្ចសហប្រតិបត្តិការរវាងសមាគមន៍ ក្រុមហ៊ុនអាជីវកម្ម និងសភាយុវពាណិជ្ជករអន្តរជាតិកម្ពុជា។វេទិការយៈពេលពីរថ្ងៃត្រូវបានគេបែងចែកទៅជាប្រាំបីវគ្គដើម្បីផ្តល់នូវទស្សនៈនិងគំនិតខុសគ្នាៗពីវាគ្មិនជាច្រើនរូប។ ប្រធាន បទនៃវេទិកានេះរួមមានដូចជា៖ “អ្នកគួរតែឈប់ពីការងាររបស់អ្នក និងចាប់ផ្តើមអាជីវកម្មមួយដែរឬទេ?” “តើធ្វើដូចម្តេចដើម្បីបង្កើតប្រាក់ចំណូលច្រើនជាងមួយមុខរបរ?” “តើធ្វើដូចម្តេចដើម្បីជ្រើសរើសបុគ្គលិកលក់ត្រឹមត្រូវ”  “ការធ្វើអាជីវកម្មអនឡាញ និងរបៀបបង្កើតផលចំណេញពីអាជីវកម្មអនឡាញ” “មូលដ្ឋាននៃការវិនិយោគលើអចលនទ្រព្យ” របៀបដែលវិនិយោគិនទួលបានអត្ថប្រយោជន៍ពីចាប់ផ្តើមអាជីវកម្មថ្មី”  “គន្លឹះក្នុងការបង្កើតក្រុមការ ងារទីផ្សាររឹងមាំ” និងការបង្កើតកេរ្តិ៍ឈ្មោះផ្ទាល់ខ្លួនដោយប្រើប្រព័ន្ធផ្សព្វផ្សាយសង្គម”។វាគ្មិននីមួយៗបានជម្រុញទឹកចិត្ត និងលើកទឹកចិត្តល្អបំផុតដល់សិស្សនិស្សិតនិង សហគ្រិនវ័យក្មេងក្នុងការចាប់ផ្តើមអាជីវកម្មរបស់ខ្លួននិងបង្កើតផែនការអាជីវកម្ម។លោក ផល ពុទ្ធី ដែលជាសហស្ថាបនិកនៃក្រុមហ៊ុន Small World Cambodia បានលើកឡើងថា“ប្រសិនបើអ្នកចង់ចាប់ផ្តើមអាជីវកម្មមួយដំបូងត្រូវប្រាកដថាអ្នកបានដឹងនូវអ្វីដែលអ្នកចង់ធ្វើហើយអ្វីដែលចង់ធ្វើនោះគឺជាអ្វីមួយដែលអ្នកចូលចិត្តបំផុត។ នៅពេលដែលអ្នកដឹងថាអ្នកចូល ចិត្តធ្វើអ្វីហើយ អ្នកអាចព្យាយាមធ្វើអាជីវកម្មនោះ "។    លោក ជី សិលា​ នាយកប្រតិបត្តិនៃក្រុមហ៊ុន Sabay Digital Corporatio ក៏បានចែករំលែកនូវគំនិតស្រដៀងគ្នាដែរ។ លោកនិយាយថា “ប្រសិនបើអ្នកកំពុងគិតពីការចាប់ផ្តើមអាជីវកម្មមួយធ្វើឱ្យប្រាកដថាសមនឹងនឹងចំណាប់អារម្មណ៍ និងចំណង់ចំណូលចិត្តរបស់អ្នកបើមិនដូច្នេះទេអ្នកអាចនឹងធ្លាក់ចូលរកការបរាជ័យ”។អ្នកចូលរួមវ័យវ័យក្មេងនៅក្នុងព្រឹត្តិការណ៍នេះមានការចាប់អារម្មណ៍យ៉ាងខ្លាំងលើប្រធានបទដែលបានពិភាក្សារបស់វាគ្មិននីមួយៗ។ លោកសុខ​ ស៊ីណាត ម្នាក់ក្នុងចំណោមនិស្សិតជាច្រើនដែលបានចូលរួមវេទិកានេះជាមួយមិត្តភក្តិរបស់គាត់។ គាត់និយាយថា “ខ្ញុំចង់ចូលរួមក្នុងវេទិកាប្រភេទនេះខ្ញុំគិតថាគឺវាមានអត្ថប្រយោជន៍ខ្លាំងណាស់សម្រាប់ខ្ញុំដោយសារខ្ញុំអាចរៀនអ្វីដែលថ្មីដែលជាទូទៅមិនត្រូវបានបង្រៀននៅក្នុងថ្នាក់រៀននោះទេ។ អ្វីដែលសំខាន់ជាងនេះទៅទៀតវាអាចជួយខ្ញុំក្នុងការទទួលបានចំណេះដឹងអំពីទីផ្សារនាពេលបច្ចុប្បន្ន គំនិតអាជីវកម្មថ្មីៗ និងឱកាសផ្សេងៗ។”បុគ្គលិកម្នាក់មកពីក្រុមហ៊ុនអចលនទ្រព្យមួយ  លោក វ៉ាន់ វិចិត្រ និយាយថា “វេទិកានេះបានជួយខ្ញុំឱ្យយល់ពីរបៀបក្នុងការបង្កើតអាជីវកម្មថ្មីយល់ពីគន្លឹះនៃការលក់ និងក្រុមអ្នកលក់ល្អ។ ខ្ញុំក៏បានមានឱកាសដើម្បីជួបជាមួយសហគ្រិនអាជីវកម្មទទួលបានជោគជ័យ ដែលបានចែករំលែកគំនិត និងគន្លឹះអំពីអាជីវកម្មរបស់ពួកគេ។”សរុបសេចក្តីមកថាវេទិកានេះបានបញ្ចប់ដោយជោគជ័យក្នុងដំណើរការរយៈពេលពីរថ្ងៃរបស់ខ្លួនដោយមានអ្នកចូលរួមជាង 200នាក់ និងមានអ្នកចូលរួមទស្សនាកន្លែងតាំងបង្ហាញអាជីវកម្មដែលមានស្តង់ចំនួន40 កន្លែងនៅក្នុងវេទិកានេះ។ ក្រុមហ៊ុន 360 Ads & event នឹងមានព្រឹត្តិការណ៍ និងវេទិកាជាច្រើនទៀតក្នុងពេលប៉ុន្មានខែខាងមុខនេះ។តាមដានព័ត៌មានបន្ថែមអំពីការណែនាំវិនិយោគនៅក្នុងប្រទេសកម្ពុជាតាមរយៈ Realestate.com.kh

សមាគមអ្នកវាយតម្លៃ និងភ្នាក់ងារអចលនទ្រព្យកម្ពុជា (CVEA) នឹងរៀបចំវេទិកាសាធារណៈមួយស្ដីពី “ភាពស្របច្បាប់ក្នុងការកាន់កាប់អចលនទ្រព្យក្នុងប្រទេសកម្ពុជា” សម្រាប់ឱ្យម្ចាស់ភាគហ៊ុន និងនិយោជិតទាំងអស់ក្នុងវិស័យអចលនទ្រព្យដើម្បីចូលរួមស្វែងយល់ពីប្រធានបទមួយចំនួនលើផ្នែកច្បាប់ស្ដីពីអចលនទ្រព្យក្នុងប្រទេសកម្ពុជា។ វេទិកាសាធារណៈនេះនឹងផ្ដោតសំខាន់ទៅលើទិដ្ឋភាពសំខាន់ៗចំនួន៤ រួមមាន៖ប្រភេទប័ណ្ណសម្គាល់អចលនទ្រព្យក្នុងប្រទេសកម្ពុជាក្រោយឆ្នាំ ១៩៧៩ ដល់ឆ្នាំ ២០១៧របៀបនៃការផ្ទេរសិទ្ធិអចលនទ្រព្យ និងការបង់ពន្ធប្រថាប់ត្រាទាំងប្លង់រឹង និងប្លង់ទន់របៀបនៃការគណនាពន្ធប្រថាប់ត្រាពន្ធអចលនទ្រព្យប្រចាំឆ្នាំ និងពន្ធលើដីមិនទាន់ ប្រើប្រាស់របៀបនៃការរៀបចំកិច្ចសន្យាលក់ ទិញ និងជួលកម្មវិធីនេះនឹងធ្វើឡើងនៅថ្ងៃទី២៦ ខែកុម្ភៈ ឆ្នាំ២០១៧ ចាប់ពី៧ៈ០០ព្រឹកទៅ១២ៈ០០ថ្ងៃត្រង់នៅមជ្ឍមណ្ឌលសហប្រតិបត្តិការកម្ពុជា កូរ៉េ (CKCC) ក្នុងទីក្រុងភ្នំពេញ។វេទិកាសាធារណៈមួយនេះធ្វើឡើងសម្រាប់អ្នកជំនាញក្នុងវិស័យអចលនទ្រព្យ ទាំងសិស្សនិស្សិត និងសាធារណៈជនទាំងអស់ដើម្បីជម្រុញឱ្យមានការចែករំលែកចំណេះដឹង និងសិក្សាបន្ថែមទាក់ទងទៅនឹងច្បាប់ក្នុងកាន់កាប់អចលនទ្រព្យក្នុងប្រទេសកម្ពុជា។អ្នកចូលរួមនឹងត្រូវបង់ប្រាក់ចំនួន៥ដុល្លារសម្រាប់សិស្ស និស្សិត និង១០ដុល្លារសម្រាប់សាធារណៈជនទូទៅ។  ចំណែកឯសមាជិកនៃ សមាគមអ្នកវាយតម្លៃ និងភ្នាក់ងារអចលនទ្រព្យកម្ពុជាអាចបញ្ចូនតំណាងរបស់ខ្លួនបានចំនួន៣នាក់ ចូលរួមក្នុងកម្មវិធីនេះបានដោយមិនគិតថ្លៃ។សម្រាប់ព័ត៌មានបន្ថែម និងការចុះឈ្មោះ សូមទំនាក់ទំនងមកលោក មុត វណ្ណណេតតាមរយៈ៖  ទូរស័ព្ទលេខៈ ០៦៩​ ២១១ ២៦៨/០៦៩ ៥២៧ ៩៤៤Email:   vanneth@cvea.org.khស្វែងរកព័ត៌មានអំពីអចលនទ្រព្យសំខាន់ៗតាមរយៈRealestate.com.kh

យើងសង្កេតឃើញថាបរិបទរស់នៅរបស់ប្រជាជនក្នុងតំបន់កាន់តែទាមទារនូវភាពទាន់សម័យជាក់ស្តែងគម្រោងអភិវឌ្ឍន៍ដូចជា៖ ខុនដូ គម្រោង​បុរីនៅក្នុងប្រទេសកម្ពុជាពិត​ជាមាន​សន្ទុះ​អភិវឌ្ឍន៍​គួរឲ្យកត់សម្គាល់ជាពិសេស​នៅក្នុងក្រុងភ្នំពេញ។ វាពិតណាស់យើងត្រូវមានការប្រុងប្រយ័ត្នបំផុតនៅពេលជ្រើសរើសទិញគម្រោងណាមួយយើងត្រូវប្រាកដថាគម្រោងដែលយើងមានបំណងទិញត្រូវតែមានភាពស្របច្បាប់ដែលទទួលអាជ្ញាប័ណ្ឌត្រឹមត្រូវពីក្រសួងដែលជាប់ពាក់ព័ន្ធ។ ​ជាក់ស្តែងមានគម្រោងបុរីមួយចំនួន​ត្រូវបានប្រកាសថាមិន​មានភាពស្រប​ច្បាប់នោះឡើងហើយអ្នកទិញទំាងអស់ត្រូវមានការប្រុងប្រយ័ត្ន  ការប្រកាសនេះត្រូវបានធ្វើ​ឡើងដោយក្រសួងសេដ្ឋកិច្ច។ ដោយឡែកគម្រោងមួយចំនួនមានភាពពេញនិយម និងផ្តល់ជូនទំនុកចិត្តដល់សាធារណជនយ៉ាងខ្លំាងស្របតាមបទពិសោធន៍ គុណភាពសាងសង់ទីតំាង និងឱកាសវិនិយោគបានធ្វើឲ្យគម្រោងបុរីទំាងនោះនៅតែជាគម្រោងដ៏ពេញនិយមដដែល។ គម្រោងបុរីល្អៗបំផុតទំាង ១០ ដែលមានតម្លៃចាប់ពី ៣០,០០០ ដុល្លារ​ ខាងក្រោមនេះ Realestate.​com.khបានបង្ហាញ៖១. បុរី ប៉េងហួត ជាបុរីដែលមានកេរ្តិ៍ឈ្មោះល្បីល្បាញយូរណាស់មកហើយមានទីតាំងស្ថិតនៅតំបន់អភិវឌ្ឍន៍ដូចជា៖ ប៉េងហួតឧកញ្ញាម៉ុង ឬទ្ធី ប៉េងហួត ផ្សារ PC ប៉េងហួតស្ទឹងមានជ័យ និងប៉េងហួតផ្លូវជាតិ6អា។ គម្រោងបុរី ប៉េង ហួតមានតម្លៃចាប់ពី ៦០,០០០ ដុល្លារឡើងទៅអាស្រ័យទៅតាមប្រភេទលំនៅដ្ឋាន បុរីប៉េងហ៊ួតបានឈ្នះពានរង្វាន់ការអភិវឌ្ឍន៍លំនៅដ្ឋានល្អជាងគេក្នុងកម្មវិធីពានរង្វាន់អចលនទ្រព្យកម្ពុជា២០១៦។ អស់រយៈពេល ១០ ឆ្នាំកន្លងមកទៅលើគុណភាពសំណង់ និងការរចនាម៉ូតគេហដ្ឋានទាន់សម័យជាមួយបទពិសោធន៍យូរឆ្នាំមកហើយបានចូលរួមចំណែកក្នុងការអភិវឌ្ឍន៍សំណង់អគារលំនៅដ្ឋានទទួលបានទំនុកចិត្តពីអតិថិជន។ ដូចរៀបរាប់ខាងលើក្រុមហ៊ុនបុរីប៉េង ហ៊ួត បានសម្រេចគម្រោងជាច្រើនហើយពេលថ្មីៗនេះក៏មានគម្រោងដូចជាគម្រោង The Star Premier ស្ថិតតាមបណ្តោយផ្លូវជា សុផារ៉ា និងគម្រោង The Star Premier ស្ថិតតាមបណ្តោយផ្លូវ ៦ អា។ លោកអ្នកអាចធ្វើការទំនាក់ទំនងដើម្បីសាកសួរព័ត៌មានបន្ថែមដើម្បីទទួលបានផ្ទះក្នុងក្តីស្រមៃមានការផ្តល់ជូនប្រភេទផ្ទះផ្សេងៗគ្នាតាមតម្រូវការនិងទំហំដែលលោកអ្នកពេញចិត្ត។២. បុរី មេគង្គរ៉ូយ៉ាល់គម្រោងបុរីឌឹមេគង្គរ៉ូយ៉ាល់ជាគម្រោងស្ថិតនៅក្រោមការអភិវឌ្ឍន៍មេគង្គភ្នំពេញឌីវើឡុបមេនខូភើរេ សិនគីជាក្រុមហ៊ុនវិនិយោគលើអចលនទ្រព្យក្នុងស្រុកមួយ។ គម្រោងបុរីនេះមានទីតាំងស្ថិតនៅតាមបណ្តោយផ្លូវជាតិ៦អានៅជិតសាលាកសិកម្មព្រែកលាភ។  ជាគ​ម្រោងបុរីដែលមានទីតំាងស្ថិតនៅតាមបណ្តោយផ្លូវជាតិលេខ​6អាមានប្រភេទលំនៅដ្ឋានដូចជា៖ ផ្ទះល្វែង វីឡាទោលវីឡាកូនកាត់ និងផ្ទះអាជីវកម្មហើយតម្លៃលក់ចាប់ពី ១០០,០០០ ដុល្លារ។ គម្រោងបុរីនេះវាសាកសមបំផុតសម្រាប់ប្រជាជនខ្មែរវាជាបរិបទរស់នៅប្រកបដោយសុវត្ថិភាព និងស្តង់ដាររស់នៅបែបទាន់សម័យ ដូច្នេះហើយបានជាក្រុមហ៊ុនយើងបានសម្រេចចិត្តអភិវឌ្ឍន៍លំនៅដ្ឋានប្រភេទបុរី។ គម្រោងបុរីនេះពិតជាពិសេសវាមានទីតាំងរស់នៅដ៏មានភាពប្រសើរនៅតាមបណ្តោយផ្លូវជាតិ៦អាដែលទក្រុងរណបថ្មី និងជាផ្លូវជាតិសម្រាប់ឆ្លងកាត់ទៅខេត្តធំៗមួយចំនួនដូចជា៖ ខេត្តកំពង់ចាម ខេត្តកំពង់ធំ និងខេត្តសៀមរាបជាដើមអមដោយទេសភាពមាត់ទន្លេដ៏ស្រស់ស្អាតរស់នៅប្រកបដោយសុភមង្គល និងឱកាស វិនិយោគដ៏ធំសម្បើមជាមួយនឹងបុរីឌឺមេគង្គរ៉ូយ៉ាល់។៣. បុរី ពិភពថ្មី ជាក្រុមហ៊ុនដែលមានបទពិសោធន៍ក្នុងការអភិវឌ្ឍន៍លំនៅដ្ឋានប្រមាណ១០ឆ្នាំមកហើយ ក្នុងការសាងសង់លំនៅដ្ឋានប្រមាណ ១០,០០០ យូនីត។  ក្រុមហ៊ុ​ននេះបានផ្តល់ទំនុកចិត្ត និងគុណភាពសម្រាប់អ្នកទិញយ៉ាងពិតប្រាកដ។ គម្រោងបុរីពិភពថ្មីមានទីតាំងដូចជា៖ បឹងឈូក ផ្សារប៉េ សេ កាំប៊ូល ចំការដូង ហើយថ្មីៗនេះក៏មានគម្រោងសាងសង់ដ៏មានសក្តានុពលសម្រាប់ការរស់នៅ និងអភិវឌ្ឍន៍ដែលមានទីតាំងស្ថិតនៅផ្លូវ ជា សុផារ៉ា និងក្រុងតាខ្មៅ។ គម្រោងលំនៅដ្ឋានរបស់បុរីពិភពថ្មីពិតជាសាកសមអ្នកដែលមានជីវភាពមធ្យមតម្លៃលក់ចាប់ពី ៦០,០០០ ដុល្លារ។៤. បុរី ភ្នំពេញថ្មី មានគម្រោងជាច្រើនដែលមានទីតាំងជាច្រើននៅក្នុងក្រុងភ្នំពេញជាពិសេសនៅក្នុងតំបន់អភិវឌ្ឍន៍បុរីភ្នំពេញមានគម្រោងសរុបចំនួន៨។ នៅពេលថ្មីៗនេះដែលមានទីតាំងនៅតាមបណ្តោយផ្លូវជា សុផារ៉ា ហើយមានប្រភេទវីឡា ផ្ទះល្វែងដែលមានទំហំ និងប្រភេទផ្ទះច្រើនប្រភេទ។ តម្លៃលក់ចាប់ពី១០០,០០០ដុល្លារទៅ ៥០០,០០០ ដុល្លារគម្រោងចុងក្រោយនេះអភិវឌ្ឍន៍លើផ្ទៃដីប្រមាណ៦ហិកតាចំណែកឯការបញ្ជាទិញនិងកក់បានធ្វើឡើងបណ្តើរៗហើយ។៥. បុរី មហាសែនសុខ ជាគម្រោងលំនៅដ្ឋានស្ថិតនៅក្រោមការអភិវឌ្ឍន៍របស់ក្រុមហ៊ុនជប៉ុនដែលជាក្រុមហ៊ុនអភិវឌ្ឍន៍ជប៉ុន Creed Group។ មានលំនៅដ្ឋានប្រមាណ៦៨៣ខ្នងដែលសាងសង់លើផ្ទៃដី១១៤,០០៥ម៉ែត្រការ៉េ។ គម្រោងលំនៅដ្ឋានដែលផ្តល់ជូននៅស្តង់ដាររស់នៅយ៉ាងល្អប្រសើរផ្តល់ជូននូវប្រភេទលំនៅដ្ឋានជាច្រើនប្រភេទដូចជា៖ ផ្ទះល្វែង វីឡាទោល វីឡាឃីង វីឡាឃ្វីន និងផ្ទះល្វែងអាជីវកម្ម លើសពីនេះមានសួនកំសាន្ត អាងហាងទឹក ក្លឹបហាត់ប្រាណជាដើម។ រស់នៅជាមួយជីវិតដ៏ ស្រស់បំព្រងក្នុងគម្រោងបុរីដែលអភិវឌ្ឍន៍ដោយក្រុមហ៊ុន ជប៉ុនដែលមានតម្លៃលក់ចាប់ពី ៤០,០០០ដុល្លារ។៦. បុរី អង្គរភ្នំពេញបានសាងសង់លំនៅដ្ឋានស្នាក់នៅសម្រាប់ប្រជាជនលក្ខណៈបុរីដែលផ្តល់ជូននូវស្តង់ដាររស់នៅខ្ពស់។ រាល់ការសាងសង់គម្រោងនីមួយៗធ្វើឡើងប្រកបដោយគុណភាព សោភ័ណ្ឌភាពហើយប្រភេទលំនៅដ្ឋានមានដូចជា៖ ផ្ទះល្វែង វីឡាកូនកាត់ វីឡាភ្លោះ និងផ្ទះវីឡាជាច្រើនប្រភេទទៀត។ រាល់គម្រោងលំនៅដ្ឋានដែលសាងសង់ដោយក្រុមហ៊ុនបុរីអង្គរភ្នំពេញបានបញ្ចប់តែងតែទទួលបានការ គាំទ្រពីអ្នកទិញ។ លោកអ្នកអាចស្វែងរកទិញ និងសាកសួរព័ត៌មានបន្ថែមនៅថ្ងៃនេះអំពីគម្រោងបុរីអង្គរភ្នំពេញIគម្រោងបុរីអង្គរភ្នំពេញ II និងគម្រោងបុរីអង្គរភ្នំពេញIII ដែលតម្លៃលក់លំនៅដ្ឋានចាប់ពី ១០០,០០០ ដុល្លារ។៧. បុរី ហាយទិក ជាគម្រោងបុរីដ៏មានប្រជាប្រិយភាពមួយដែរក្នុងចំណោមគម្រោងបុរីធំៗនៅក្នុងក្រុងភ្នំពេញ។ មានទីតាំងស្ថិតនៅតាមបណ្តាយផ្លូវជាតិលេខមួយចំងាយ ៨០០ ម៉ែត្រពីស្ពានព្រះមន្នីវង្ស ភូមបឹងឈូក សង្កាត់និរោធ ខណ្ឌមានជ័យ រាជធានីភ្នំពេញ។ លំនៅដ្ឋានទាំងឡាយត្រូវបានស្ថាបនាឡើងដោយគុណភាព និងបានត្រួតពិនិត្យយ៉ាងល្អឥតខ្ចោះ ទាំងវីឡាទោលនិងវីឡាភ្លោះដែលមានតម្លៃលក់ប្រមាណ ៣០០,០០០ដុល្លារ . . .។៩. បុរី អរគីដេវីឡា ជាលំនៅដ្ឋានប្រកបដោយស្តង់ដារខ្ពស់លំនៅដ្ឋានឯកជនប្រណិតរបស់គម្រោងបុរីអរគីដេវីឡា។ មានទីតាំងស្ថិតនៅសែនសុខទឹកថ្លានិងគម្រោងថ្មីស្ថិតនៅតាមបណ្តោយផ្លូវជាតិលេខ៦អា។ លំនៅដ្ឋានលក់ក្នុងតម្លៃចាប់ពី ១៥០,០០០ដុល្លារឡើងទៅ រស់នៅក្នុងលំនៅដ្ឋានដែលប្រកបដោយភាពសុខសាន្តលើសពីការស្នាក់នៅគម្រោងនេះក៏បានផ្តល់ជូនជីវិតរស់នៅយា៉ងសំបូរបែបមានដូចជា៖ អាងហែលទឹក សួនកំសាន្ត កន្លែងក្មេងលេង ក្លឹបកីឡាជាដើម។៩. បុរី ហ្រ្គេនភ្នំពេញ បានចេញគម្រោងក្នុងការសាងសង់លំនៅដ្ឋានដែលស្ថិតនៅទីក្រុងរណបទៅកាន់ ក្រុងភ្នំពេញគម្រោងនេះវាពិតជាទីតាំងដែលសម្រាប់ធ្វើការពង្រីកការរស់នៅថ្មីរបស់ប្រជាជនពិតប្រាកដតួយ៉ាជាទីក្រុងអភិវឌ្ឍន៍ថ្មីមួយផងដែរ។ គម្រោងហ្គ្រេនភ្នំពេញផ្តល់ជូនលំនៅដ្ឋានឯកជនច្រើនប្រភេទផ្សេងៗគ្នាដូចជាវីឡា និងផ្ទះល្វែងជាដើមមានទំហំខុសៗគ្នាផងដែរ។ ដែលមានតម្លៃចាប់ពី ១០០,០០០ ដុល្លារទៅ ២០០,០០០ ដុល្លាឡើងទៅរស់នៅប្រកបដោយភាពទាន់សម័យ និងសុវត្ថិភាពជាមួយនឹងលំនៅដ្ឋានដែលធ្វើឲ្យគ្រួសាររបស់លោកអ្នកមានភាពកក់ក្តៅ។10. បុរី លឹម ឈាងហាក់ ជាក្រុមហ៊ុនសាងសង់គម្រោងលំនៅដ្ឋានដែលបានបង្កើតនៅឆ្នាំ ១៩៩០ យើងគឹជាអ្នកនាំមុខក្នុងការសាងសង់ផ្ទះល្វែងប្រកបដោយភាពទាក់ទាញនិងគួរអោយចង់រស់នៅសម្រាប់គ្រប់ក្រុមគ្រួសារក្នុង​ភ្នំពេញដោយគិតទៅលើតម្រូវការនៃអតិថិជន។ យើងកំពុងតែបន្តការលូតលាស់និងទទួលបាននូវកិតិ្តសព្ទជាអ្នកដឹកនាំនៅក្នងសហគ្រាសសាងសង់នៅក្នុងទីក្រុងភ្នំពេញកម្ពុជា។ មានគម្រោងជាច្រើនដែលបានសាងសង់រួច និងកំពុងសាងសង់គម្រោងទាំងនោះមានទីតាំងស្ថិតនៅចោមចៅ ចំការដូង ស្ទឹងមានជ័យ វាលស្បូវ ភ្នំពេញថ្មីជាដើម ហើយមានប្រភេទផ្ទះវីឡា ផ្ទះល្វែង ផ្ទះល្វែងអាជីវក​ម្មដែលមានតម្លៃលក់ប្រមាណ ៦០,០០០ដុល្លារ។គម្រោងបុរីក្នុងក្រុងភ្នំពេញពិតជាឃើញថាមានការកើនឡើងគួរឲ្យកត់សម្គាល់ដែលធ្វើឲ្យមានការប្រកួតប្រជែងយ៉ាខ្លាំងក្នុងទីផ្សារដូចនេះទាំងគុណភាព និងស្តង់ដារការសាងសង់កាន់តែមានភាពប្រសើរឡើង។ ចំណែកឯការផ្តល់ជូនពិសេសក៏មានភាពសម្បូរបែបដែលផ្តល់ភាពទាក់ទាញយ៉ាងខ្លាំងសម្រាប់អតិថិជន៕ស្វែងយល់បន្ថែមគម្រោងបុរីជាច្រើនតាមរយៈ Realestate.com.kh

ស្ថាបនាធនធាន ( Wealth Building ) គឺជាវេទិកាលើកដំបូងបង្អស់ដែលមាននៅកម្ពុជាស្តីអំពីការគ្រប់គ្រងធនធានដែលត្រៀមនឹងរៀបចំឡើងក្នុងថ្ងៃទី ១៦-១៧ កុម្ភៈ ២០១៧ នាពេលខាងមុខនេះនៅសណ្ឋាគាសុខាភ្នំពេញ ។ស្ថាបនាធនធាន (Wealth Building) គឺជាព្រឹត្តិការណ៍ដែលមាន៣ពិព័រណ៍បញ្ចូលគ្នារួមមាន៖ វេទិកាគ្រប់គ្រងទ្រព្យសម្បត្តិ ពិព័រណ៍ទីផ្សារនិងពិព័រណ៍Startup។ គោលបំណងនៃព្រឹត្តិការណ៍នេះគឺដើម្បីបង្កើតវេទិកាអប់រំមួយស្តីពីហិរញ្ញវត្ថុសម្រាប់សាធារណៈជនការបង្ហាញផលិតផល និងសេវាកម្ម Marketing ក៏ដូចជាសម្រាប់ម្ចាស់អាជីវកម្ម Startup ជួបនឹងដៃគូពាណិជ្ជកម្ម និងវិនិយោគិនផងដែរ។កញ្ញា ដែក ដារី ជាអ្នកបង្កើតកម្មវិធីនេះឡើងបានមានប្រសាសន៏ថានៅកម្ពុជាមានការកើនឡើងនូវស្ថាប័ណក្រុមហ៊ុនជាច្រើន ដោយទាក់ទងអំពីហិរញ្ញវត្ថុនិងសេវាកម្មផ្សេងៗ ប៉ុន្តែការយល់ដឹងរបស់ប្រជាជននៅមានកម្រិត ដោយធ្វើអោយពួកគេតែងតែពឹងពាក់លើអ្នកដទៃចំនែកផ្នែកទីផ្សារក៏មិនខុសគ្នាប៉ុន្មានដែរ ដូច្នេះហើយទើបយើងបានបង្កើតកម្មវិធីនេះដើម្បីប្រមូលផ្តុំបណ្តាក្រុមហ៊ុននានាមកចូលរួមបង្ហាញពីផលិតផល និងសេវាកម្មក្នុងឧស្សាហកម្មរបស់ខ្លួននៅក្នុងកម្មវិធីតែមួយតែម្តង។ ស្របពេលជាមួយគ្នានេះដែរយើងឃើញមានការកើនឡើងនូវអ្នកដែលទើបបង្កើតជំនួញថ្មីៗ ហើយយើងក៏ជ្រើសរើសបានជាង ២០ក្រុមហ៊ុនដែលទើបតែបង្កើតក្នុងឆ្នាំ២០១៦ ដោយយើងបានផ្តល់ជាស្តង់ឥតគិតថ្លៃសម្រាប់អោយពួកគេតាំងបង្ហាញផលិតផលនិងសេវាកម្មរបស់ខ្លួនទៅកាន់អ្នកវិនិយោគិននិងអតិថិជន។ ពួកយើងពិតជារំភើបដែលបានឃើញ Startup Fair នៅកម្ពុជា ហើយក៏មានកាគាំទ្រពីសំណាក់ម្ចាស់ឧបត្ថម្ភកម្មវិធីដូចជា៖ Metfone , Phillip Bank Plc , Canadia Bank and Sovannaphum Life Insurance ។លើសពីនេះទៀតវគ្គសិក្ខាសាលាត្រូវបានចែកជា8វគ្គរៀបចំឡើងដើម្បីចែករំលែកការយល់ដឹងពីសំណាក់វាគ្មិនដែលមានបទពិសោធន៏ក្នុងជីវិតការងារប្រចាំថ្ងៃផ្សេងៗគ្នានឹងឱកាសដើម្បីចែករំលែកចំណេះដឹង និងបទពិសោធន៍ទៅវិញទៅមកទៅកាន់ទស្សនិកជនដែលជាបុគ្គលិកក្រុមហ៊ុននិងសិស្សានុសិស្សដែលគួរតែចូលរូម។ ហើយដើម្បីបង្កើតឱ្យមានកិច្ចសន្ទនាដោយផ្ទាល់នៅក្នុងចំណោមភាគីពាក់ព័ន្ធក្នុងអំឡុងវគ្គសំណួរ និងចម្លើយ។សូមចូលទៅ Link ខាងក្រោមដើម្បីធើ្វការចុះឈ្មោះ : : www.wealthbuildingcambodia.comទំនាក់ទំនងទិញសំបុត្រ សូមទូរស័ព្ទមកកាន់ 023 694 4444 / 071 3333 208តម្លៃសំបុត្រចូលរួមសិក្ខាសាលា សម្រាប់អ្នកធ្វើការ 25$ សម្រាប់សិស្សានុសិស្ស15$ទិញចាប់ពី៣សំបុត្រឡើងទៅនឹងមានការបញ្ចុះតម្លៃពិសេស ។

ការវិនិយោគលើខុនដូ៖ ក្នុងរយៈពេលប៉ុន្មានឆ្នាំចុងក្រោយ អ្នកអភិឌ្ឍន៍បានចាប់ផ្តើមផ្លាស់ប្តូរនូវទិសដៅវិនិយោគរបស់ខ្លួនទៅរកការ​វិនិយោគជាប្រភេទលំនៅដ្ឋានខុនដូដើម្បីបំពេញទៅតាមតម្រូវការរបស់មនុស្យសម័យថ្មី។ខុនដូគឺជាប្រភេទលំនៅដ្ឋានបែបទំនើបនិងមានលក្ខណៈប្រណិត។ ខុនដូមានលក្ខណៈពិសេសខុសពីប្រភេទ លំនៅដ្ឋានផ្សេងទៀតនៅក្នុងទីក្រុងភ្នំពេញ។​ ខុនដូបានផ្តល់ផលចំណេញច្រើនសម្រាប់អ្នកធ្វើការងារនៅក្នុងក្រុងដោយផ្តល់ជូនភាពងាយស្រួលក្នុងការធ្វើដំណើរដោយសារតែចរាចរណ៍កាន់តែមានការលំបាកខ្លាំងឡើង។ ជាងនេះទៅទៀតខុនដូជាជម្រើសល្អឥតខ្ចោះសម្រាប់អ្នកដែលចង់រស់នៅក្នុងបណ្តុំនៃមជ្ឈមណ្ឌលពាណិជ្ជកម្មនៃទីក្រុងរួមមាន៖ សាលារៀន អគារពាណិជ្ជកម្ម និងសេវាកម្មល្អៗជាច្រើនទៀតដែលធ្វើឲ្យជីវិតរស់នៅរបស់អ្នកកាន់តែមានភាពទាន់សម័យ។ ការវិនិយោគលើអចលនទ្រព្យប្រកបដោយភាពជោគជ័យ គឺជាជំហានដ៏ធំមួយដែលវិនិយោគិនត្រូវពិចារ ណាឲ្យបានច្បាស់លាស់ និងសម្រេចចិត្តវិនិយោគឲ្យបានត្រឹមត្រូវដើម្បីការពារការខាតបង់ការចំណាយលើសកំណត់ ឫក៏ចំណាយពេលឥតប្រយោជន៍លើបញ្ហាដែលមិនចង់បាន។ ប្រសិនបើកំពុងពិចារណាលើការវិនិយោគខុនដូនៅភ្នំពេញអ្នកត្រូវពិចារណាលើចំណុចមួយចំនួន។ ទោះបីជាការវិនិយោគក្នុងវិស័យ អចលនទ្រព្យជាប្រធានបទដ៏ធំមួយក៏ដោយ អត្ថបទខាងក្រោមនេះជាព័ត៌មានប្រយោជន៍មួយចំនួនដែលយើងចង់ឲ្យវិនិយោគិនពិ​ចារណា។ តើតំបន់ណាខ្លះដែលមានសក្តានុពលសម្រាប់វិនិយោគខុនដូនៅភ្នំពេញ?នៅពេលដែលនិយាយតំបន់ដែលមានសក្តានុពលសម្រាប់ខុនដូ សម្រាប់បច្ចុប្បន្នគេមិនអាចមើល រំលងពីខណ្ឌចំការមន ដែលមានសង្កាត់បឹងកេងកង១ បឹងកេងកង២ បឹងកេងកង៣ និងទួលទំពូង។ ជាក់ស្តែងក្នុងតំបន់បឹងកេងកង១មានគម្រោងខុនដូ ដូចជា៖ ខុនដូ Imperial Crown, គម្រោងខុនដូ 88 Suite។ នៅក្នុងខណ្ឌចំការមនមានគម្រោងខុនដូផ្សេងទៀតដូចជាខុនដូ East View  គម្រោងខុនដូ  East commercial Centre គម្រោងខុនដូ​ The Penthouse Residence គម្រោងខុនដូ The Bridge គម្រោខុនដូ Habitat និងផ្សេងៗ ទៀត។ស្វែងយល់អំពីបឹងកេងកង១! តើទួលគោលជាតំបន់មានសក្តានុពលសម្រាប់វិនិយោគខុនដូដែរឫទេ? ​ហើយចំណែកខណ្ឌដទៃទៀតមាន លក្ខណៈដូចម៉េចដែរ? បច្ចុប្បន្នទួលគោកបានក្លាយជាគោលដៅអភិវឌ្ឍន៍វិស័យលំនៅដ្ឋាន និងពាណិជ្ជកម្មរបស់ទីក្រុងបើទោះបីជា តំបន់នេះមិនទាន់មានលក្ខណៈដូចនៅខណ្ឌចំការមនក៏ដោយ។ ប៉ុន្តែអ្នកអភិវឌ្ឍន៍រំពឹងថាថ្ងៃអនាគតដ៏ខ្លីខាង មុខទួលគោកក៏នឹងក្លាយជាតំបន់ដ៏មានសក្តានុពលមួយសម្រាប់ការអភិវឌ្ឍន៍វិស័យលំនៅដ្ឋានជាពិសេសខុនដូ។គេឃើញមានគម្រោងខុនដូធំៗមួយចំនួនបានចាប់ដំណើរការ ហើយនឹងបញ្ចប់ការសាងសង់នៅពេលខាងមុខ នៅតំបន់នេះរួមមាន៖ គម្រោងខុនដូ TK Royal One ដែលស្ថិតនៅទល់មុខសាកលវិទ្យាល័យភូមិន្ទភ្នំពេញ គម្រោងខុនដូ Apennines នៅបឹងកក់ទី២  គម្រោង The Gateway ដែលស្ថិតនៅជាប់ជាមួយនឹងគម្រោង Parkson Mall ស្ថិតនៅតាមមហាវិថីសហព័ន្ធរុស្ស៊ី។ ស្វែងយល់ពីតំបន់ទួលគោក!តើអតិជនបែបណាដែលចង់រស់នៅខុនដូ?ការរស់នៅក្នុងខុនដូ គឺជាជីវិតរស់នៅបែបទំនើបផ្តោតសំខាន់លើភាពឯកជន ភាពងាយស្រួល ផាសុកភាព និងសុវត្ថិភាព។ ខុនដូភាគច្រើនត្រូវបានកាន់កាប់ដោយជនបរទេសខណៈពេលដែលជនជាតិខ្មែរចូលចិត្តរស់នៅបែបប្រពៃណី ហើយចូលចិត្តរស់នៅជាមួយក្រុមគ្រួសារមានសមាជិកច្រើននៅក្នុងផ្ទះជាប់ដីដែលងាយស្រួលក្នុងការធ្វើអាជីវកម្មជាដើម។ ទោះជាយ៉ាងណាអ្នកអភិវឌ្ឍន៍ជាច្រើនជាមានការរំពឹងទុកថាក្នុងរយៈពេល១០ឆ្នាំទៅមុខទៀតជនជាតិខ្មែរនិងផ្លាស់ប្តូរនិន្នាការនេះ ហើយនឹងចាប់ផ្តើមផ្លាស់ប្តូរពីការរស់នៅ ក្នុងផ្ទះបុរី ឫផ្ទះល្វែង ទៅកាន់ខុនដូវិញ។  អានអត្ថបទបន្ថែមនៅទីនេះ! តើតំបន់ណាខ្លះដែលជនបរទេសចូលចិត្តរស់នៅ? ខណ្ឌចំកាមន៖ សង្កាត់ពេញនិយមបំផុតចំនួន៤ដូចជា៖ សង្កាត់បឹងកេងកង១ បឹងកេងកង២ បឹងកេងកង៣និងសង្កាត់ ទួលទំពូង។ សង្កាត់ទាំងនេះមានការពេញនិយមដោយសារតែ នៅតំបន់ទាំងនេះនៅចំកណ្តាលរាជធានីភ្នំពេញនិងមានបណ្តុំនៃអាជីវកម្មគ្រប់ប្រភេទដូចជា៖ ហាងកាហ្វេ ហាងស្រា បារ ខារ៉ាអូខេ ក្លឹបកំសាន្ត ស្ទីម សូណា កន្លែងហាត់ប្រាណ ភោជនីដ្ឋាន និងសេវាកម្មចម្រុះសព្វបែបយ៉ាងមានទាំងអស់នៅក្នុងតំបន់ទាំងនេះ។  ខណ្ឌដូនពេញ៖ខណ្ឌដូនពេញគឺជាតំបន់មួយទៀត ដែលមានការពេញនិយមសម្រាប់ការរស់នៅរបស់ជនបរទេសនៅក្នុង ភ្នំពេញ។  តំបន់នេះក៏មានកន្លែងកំសាន្តមួយចំនួនផងដែរជាពិសេសតំបន់ទេសចរណ៍ មាត់ទន្លេដ៏ស្រស់ស្អាត និងព្រះបរមរាជវាំង។ មានសង្កាត់ចំនួនដែលមានជនបរទេសចូលចិត្តរស់នៅច្រើនដូចជា៖ សង្កាត់ផ្សារ កណ្តាល១ ផ្សារកណ្តាល២ ផ្សារចាស់ និងសង្កាត់ជ័យជំនះ។សិក្សាពីតំបន់ដូនពេញនៅទីនេះ! តើអ្នកត្រូវស្វែងរកក្រុមហ៊ុនគ្រប់គ្រងអចលនទ្រព្យដែលមានវិជ្ជាជីវៈត្រឹមត្រូវសម្រាប់ការវិនិយោគខុនដូ របស់អ្នកដែរឬទេ? ក្រុមហ៊ុនសេវាកម្មគ្រប់គ្រងអចលនទ្រព្យគឺជាក្រុមហ៊ុនដែលទទួលខុសត្រូវលើប្រតិបត្តិការការថែទាំ ការគ្រប់គ្រងទូទៅលើអចលនទ្រព្យ។ ការគ្រប់គ្រងនេះត្រូវធ្វើឡើងលើផ្នែកទូទៅទាំងអស់លើអចលនទ្រព្យជំនួស ឲ្យម្ចាស់អចលនទ្រព្យ។ នៅពេលសម្រេចចិត្តវិនិយោគលើខុនដូត្រូវប្រាកដថាអ្នកបានធ្វើការសិក្សាពីក្រុមហ៊ុន គ្រប់គ្រងអចលនទ្រព្យឲ្យទទួលខុសត្រូវលើ គម្រោងអភិវឌ្ឍន៍របស់អ្នក។ សូមចាំថាក្រុមហ៊ុននឹងយកចិត្តមើលការខុសត្រូវនិងគ្រប់គ្រងលើ​តំបន់ទូទៅហើយសេវាកម្មនេះត្រូវធ្វើឡើងសម្រាប់សេវាកម្មខុនដូ ដូច្នេះជាការចាំបាច់អ្នកត្រូវស្វែងរកក្រុមហ៊ុនមួយដែលមានសមត្ថភាពនិងបទពិសោធន៍ច្បាស់លាស់។​ សិក្សាបន្ថែមពីភាពខ្វះខាតគុណភាពនៃការគ្រប់គ្រងអចលនទ្រព្យអាចធ្វើឱ្យវិនិយោគិនបាត់បង់ទំនុកចិត្តក្នុងទីផ្សារអភិវឌ្ឍន៏គម្រោងថ្មី!តើអ្នកជាជនបរទេសដែលចង់វិនិយោគលើខុនដូដែរឬទេ? នេះជាកម្មសិទ្ធិកាន់កាន់លើអចលនទ្រព្យ នៅកម្ពុជា៖ជនបរទេសគឺមិនមានសិទ្ធិទិញដី ឬអចលនទ្រព្យជាប់ដីនៅក្នុងប្រទេសកម្ពុជាបានទេ នេះបើ​យោងទៅតាមច្បាប់ភូមិបាលឆ្នាំ២០០១និងច្បាប់រដ្ឋធម្មនុញ្ញកម្ពុជា។ ទោះជាយ៉ាងណាជនបរទេសអាចកាន់កាប់លើក្រុមហ៊ុន ឬអចលនទ្រព្យបានក្នុងករណីបង្កើតក្រុមហ៊ុនដែលមានភាគហ៊ុនជាមួយជនជាតិខ្មែរ។ ភាគីតំណាង៖ ទម្រង់នេះត្រូវបានប្រើប្រាស់ដោយជនរទេសមួយចំនួនដើម្បីកាន់កាប់លើដីធ្លី ឬអចលនទ្រព្យដែលជាប់ដីនៅក្នុងប្រទេស។ វិធីនេះមានភាពងាយស្រួលឆាប់រហ័សនិងចំណាយតិច។ ជាទូទៅជន បរទេសតែងតែទិញអចលនទ្រព្យនៅកម្ពុជា។ សិទ្ធិកាន់កាប់ត្រូវផ្ទេរពីប្លង់អចលនទ្រព្យទៅជាឈ្មោះរបស់ភាគីតំណាង។ នៅពេលដែលទទួលបានប្លង់កាន់កាប់ដែលបានចុះឈ្មោះនៅការិយាល័យសង្កាត់គឺ​អាចដាក់ជាអ៊ីប៉ូតែកនិងជួលបានរយៈពេលវែង។ ឯកសារផ្លូវច្បាប់់គឺត្រូវចុះហត្ថលេខាទាំងភាសាខ្មែរនិងភាសាអង់គ្លេសបន្ទាប់មកជនបរទេស អាចត្រូវរក្សាទុកនូវប្លង់អចលនទ្រព្យនោះ។ សម្រាប់ព័ត៌មានបន្ថែមអំពីភាគីតំណាងសូមស្វែងយល់ពីការណែនាំពីទម្រង់ភាគីតំណាងនៅទីនេះ! ប្លង់កម្មសិទ្ធិរួម៖ ប្លង់កម្មសិទ្ធិរួមជាទម្រង់នៃវិញ្ញាបនបត្រកម្មសិទ្ធិសម្រាប់យូនីតនីមួយៗនៅក្នុងអគារ សហ កម្មសិទ្ធិ។ ក្នុងនោះមានច្បាប់គោលនយោបាយ និងការធ្វើវិសោធនកម្មលើច្បាប់នៅកម្ពុជាដើម្បីការពារលើការកាន់កាប់ខុនដូ និងយន្តកម្មនៃការចេញប្លង់កម្មសិទ្ធិរួម។ ជនបរទេសគឺមិនអនុញ្ញាតឲ្យកាន់កាប់លើយូនីតនៅជាន់ផ្ទាល់ដីនៅឡើយ​ ម្យ៉ាងវិញទៀតជនបរទេសក៏មិនអនុញ្ញាតឲ្យកាន់កាប់លើសពី៧០%នៃយូនីតនៅក្នុងអគារទាំងមូលដែរ។សម្រាប់ព័ត៌មានលំអិតអំពីប្លង់កម្មសិទ្ធិរួម សូមមើលនៅទីនេះ! កាតព្វកិច្ច៖ ការផ្ទេរប្លង់សហកម្មសិទ្ធិមួយត្រូវចំណាយប្រមាណ៤%នៃតម្លៃអចលនទ្រព្យសរុបដែលបានវាយតម្លៃនិងកំណត់ដោយមន្រ្តីសុរិយោដី។ តើការលក់គម្រោងខុនដូមុនគម្រោង ជាការវិនិយោគមានសក្តានុពលដែលឬទេ? ការលក់មុនគម្រោងសំដៅដល់ការទិញយូនីតខុនដូមុនពេលបញ្ចប់ការសាងសង់។​ យូនីតដែលបានលក់មុនគម្រោងទាំងអស់ជាធម្មតាបានបង្ហាញពីគុណសម្បត្តិមួយចំនួនដូចជា៖ ការបញ្ចុះតម្លៃនិងអាចផ្តល់ត្រលប់មកវិញផលចំណេញពីការវិនិយោគយ៉ាងឆាប់រហ័ស។ ទោះជាយ៉ាងណាអ្នកអភិវឌ្ឍន៍ជារឿយៗមានបំណង​ពន្យារពេលសាងសង់របស់ខ្លួនរីឯអ្នកទិញត្រូវបានផ្តល់យោបល់ឲ្យមានការប្រឹក្សាយោបល់ជាមួយមេធាវី និងដាក់បញ្ចូលនូវលក្ខខណ្ឌរបស់ខ្លួននៅក្នុងកិច្ចព្រមព្រៀងជាពិសេសទាក់ទងជាមួយនឹងកាលបរិច្ឆេទនៃ ការបញ្ចប់ការសាងសង់ និងចំនួនប្រាក់កក់។ ហេតុអ្វីអ្នកគួរសម្រេចចិត្តលើការវិនិយោគខុនដូនៅភ្នំពេញ?វិនិយោគិនអន្តរជាតិកំពុងតែសម្រុកចូលមកកាន់ទីក្រុងភ្នំពេញប្រទេសកម្ពុជាដើម្បីស្វែងរកភាគហ៊ុនក្នុងទីផ្សារអចនលទ្រព្យថ្មីចុងក្រោយនៅក្នុងតំបន់អាស៊ី។ការប្រៀបធៀបតម្លៃទៅនឹងប្រទេសជិតខាង៖​ប្រទេសកម្ពុជាផ្តល់ជូននៅប្រភេទលំនៅដ្ឋានប្រណិតៗជាច្រើនប្រភេទ។ ប្រភេទលំនៅដ្ឋានទាំងនេះក៏ផ្តល់ ជូនស្តង់ដារគុណភាពនៃការរស់នៅសមរម្យ​​បើធៀបទៅនឹងប្រទេសជិតខាង។​ របាយការណ៍នៃការស្ទង់មតិ របស់ Global Retirement Index បានបង្ហាញថាកម្ពុជាជាប់ចំណាត់ថ្នាក់លេខ១ក្នុងចំណោម២៣ប្រទេសដែលមានការចំណាយតិចសម្រាប់ការរស់នៅ។ ដូច្នេះវាមិនមែនជាការភ្ញាក់ផ្អើលទេដែលមានចំនួនជនបរទេសកាន់តែច្រើនឡើងចូលមកកម្ពុជា ដើម្បីស្វែងរកការរស់នៅបែបទាន់សម័យក្នុងរយៈពេលប៉ុន្មានឆ្នាំចុងក្រោយ។យើងទៅតាមក្រុមហ៊ុន Bonna Realty បង្ហាញថាសម្រាប់ខុនដូប្រភេទAមានតម្លៃចន្លោះ២,៣០០ដុល្លារទៅ ៥,៧៩១ ដុល្លារក្នុង១ម៉ែត្រការ៉េ ប្រភេទBមានតម្លៃចាប់ពី១, ៧១៨ ដុល្លារទៅ៣,៧២៥ដុល្លារក្នុង១ម៉ែត្រការ៉េ និងប្រភេទCដែលមានតម្លៃចាប់ពី៧៨៩ដុល្លារទៅ១,៧០០​ដុល្លារក្នុង​១ម៉ែត្រការ៉េ។ ធៀបទៅនឹងប្រទេសវៀតណាមយោងទៅតាមរបាយការណ៍ក្រុមហ៊ុន​ CBRE Vietnam ខុនដូត្រូវបានដាក់លក់ក្នុងតម្លៃជាមធ្យម២,០៤៦ដុល្លារក្នុង១ម៉ែត្រការ៉េ។ ចំណែកនៅទីក្រុងបាងកកមានខុនដូចំនួន៦ប្រភេទ៖ ប្រភេទ Super Luxury មានតម្លៃខ្ពស់ជាង៧,០៥៨ដុល្លារក្នុង១ម៉ែត្រការ៉េប្រភេទLuxuryមានតម្លៃ៤,៧៩៩ដុល្លារទៅ៧,០៥៧ដុល្លារ ក្នុង១​ម៉េត្រការ៉េប្រភេទ High End មានតម្លៃពី៣,៣៨៧ដុល្លារទៅ៤,៧៩៨ដុល្លារក្នុង១ម៉ែត្រការ៉េប្រភេទ Upper-Mid-range មានតម្លៃ​២,៥៤១ដុល្លារទៅ៣,៣៨៨ដុល្លារក្នុង១ម៉ែត្រការ៉េប្រភេទ Mid-range មានតម្លៃ១,៩៧៦ដុល្លារ ទៅ២,៥៤០ដុល្លារក្នុង១​ម៉ែត្រការ៉េ និងប្រភេទ Entry Level មានតម្លៃទាបជាង១,៩៧៤ម៉ែត្រការ៉េនេះបើតាមរបាយការណ៍ CBRE Thai ។  អនាគតនៃការផ្គត់ផ្គង់ខុនដូនៅភ្នំពេញ៖យោងទៅតាម របាយការណ៍សិក្សាទីផ្សាររបស់ CBRE Cambodia ត្រឹមត្រីមាសទី២បានព្យាករណ៍ថា បន្ថែមលើ២២,៤៦៤យូនីតនឹងកើនឡើងដល់២៥,២៥០យូនីតត្រឹមឆ្នាំ២០១៨ដែលកើនឡើងចំនួន៨០៦%។ លើសពីនេះទៅទៀតក្រុមហ៊ុន Knight Frank បានព្យាករណ៍ថា​ត្រឹមឆ្នាំ២០២០មានខុនដូ៧៤គម្រោងដែលនឹងមានដល់២៤,៥៣៣យូនីតនៅក្នុងទីផ្សារលំនៅដ្ឋានដែលកើនឡើង៧ដងនៃចំនួនផ្គតផ្គង់សរុបដែលកើនឡើងដល់៧២៣.៥%។ ការព្យាករណ៍មួយធំជាងនេះទៀតដោយក្រុមហ៊ុន  Century21 Cambodia បានបង្ហាញថានៅឆ្នាំ២០២០ ការផ្គត់ផ្គង់ខុនដូនឹងកើនដល់ប្រមាណជា៣៧,៥៧០យូនីត។ការព្យាករណ៍ទាំងនេះមើលឃើញថា កម្ពុជាកំពុងតែអភិវឌ្ឍន៍យ៉ាងឆា​​ប់រហ័ស ហើយវិនិយោ​ គិនកំពុងតែមានទំនុកចិត្តខ្លាំងនៅក្នុងទីផ្សារ។ បច្ចុប្បន្នមានចំនួនជនបរទេសកាន់តែច្រើនឡើងបានផ្លាស់ប្តូរគោលដៅរស់នៅមកកាន់តំបន់អាស៊ី។ តើអ្នកជាម្នាក់ក្នុងចំណោមជនបរទេសទាំងនោះដែរឬទេ? សូមមើលគម្រោងខុនដូទាំងអស់នៅទីនេះ! ពិនិត្យមើលគម្រោងខុនដូជាច្រើននៅក្នុងប្រទេសកម្ពុជា៖

គម្រោងខុនដូ The Apennines នាំមកជូននូវភាពទាន់សម័យ និងផាសុកភាពសម្រាប់អ្នករស់នៅរបស់ខ្លួននៅពេលអនាគត ជាមួយគ្នានេះដែរគម្រោងនេះបានសាងសង់រួចរាល់១០០%ហើយ។ ឥឡូវនេះវាគឺជាពេលដែលអ្នកអភិវឌ្ឍន៏ត្រូវយកចិត្តទុកដាក់ចំពោះធនធានរបស់ខ្លួនក្នុងការតុបតែងរចនាម៉ូត ការបំពាក់គ្រឿងសង្ហារឹមការជ្រើសរើសនិងការបណ្ដុះបណ្ដាលបុគ្គលិកដើម្បីបម្រើសេវាកម្មដល់ល្អបំផុតសម្រាប់អ្នករស់នៅក្នុងខុនដូថ្មីមួយនេះ។ សម្រាប់អតិថិជនទាំងឡាយណាដែលទិញគម្រោងខុនដូ The Apennines នឹងមានជម្រើសក្នុងការទិញអាផាតមេនដែលមិនទាន់មានគ្រឿងសង្ហារឹម ឬទិញអាផាតមេនដែលមានបំពាក់គ្រឿងសង្ហារឹម និងតុបតែងរួចជាស្រាច់អាស្រ័យលើគំរូរចនាដែលបានផ្ដល់ជូនដោយក្រុមហ៊ុនអភិវឌ្ឍន៍ KHSI Investment។ គ្រឿងសង្ហារឹមទាំងអស់ត្រូវបាននាំចូលពីក្រៅប្រទេសហើយត្រូវបានជ្រើសរើសយ៉ាងយកចិត្តទុកដាក់ដើម្បីផ្ដល់នូវផាសុកភាព និងភាពទាន់សម័យ។ទោះបីជាគម្រោងបានកំណត់ថាសាងសង់រួចរាល់នៅខែមករាឆ្នាំ២០១៨យ៉ាងណាក្ដី ជាក់ស្តែងការសាងសង់បានធ្វើឡើងយ៉ាងលឿនជាងអ្វីដែលបានរំពឹងទុកដែលការសាងសង់នឹងត្រូវបញ្ចប់ក្នុងខែកញ្ញាឆ្នាំ២០១៧។ជាង៥០%នៃគម្រោងនេះត្រូវបានលក់រួចរាល់ហើយ ក្នុងពេលបច្ចុប្បន្នគម្រោងកំពុងតែផ្ដល់ការបញ្ចុះតម្លៃ៦%ដល់អ្នកដែលមានបំណងទិញយូនីតណាមួយ។ ជាងនេះទៅទៀតមានអតិថិជនអន្តរជាតិសំខាន់ៗជាច្រើនបានចាប់អារម្មណ៍លើគម្រោងនេះតួយ៉ាងជនជាតិសង្ហបុរីនិងជនជាតិខ្មែរមួយចំនួនផងដែរ។ គម្រោងអភិវឌ្ឍន៏នេះមានកម្ពស់១៧ជាន់ដែលមានតម្លៃចាប់ពី១៧០,០០០ដុល្លារសម្រាប់យូនីតដែលមាន១បន្ទប់គេង និងតម្លៃ៣៣០,០០០ដុល្លារសម្រាប់យូនីតអាផាតមេនដែលមាន៣បន្ទប់គេង។តើគម្រោង Apennines មានអ្វីខ្លះទៀតក្រៅពីនោះ? គម្រោងអភិវឌ្ឍន៏ The Apennines ជាគម្រោងដែលឈានមុខគេដែលផ្តល់ជូននូវភាពពិសេសដូចជា៖ គុណភាពសំណង់​ហើយគឺជាខុនដំបូងគេបង្អស់ក្នុងប្រទេសកម្ពុជាដែលប្រើប្រាស់ប្រព័ន្ធជណ្ដើរយន្តសម្រួលដល់ការចតយានយន្ត។  គុណសម្បត្តិនៃការប្រើប្រាស់ជណ្ដើរយន្តនេះគឺវាមានចំណតរៀងៗខ្លួនសម្រាប់ម្ចាស់លំនៅដ្ឋាននីមួយៗ ហើយវាគឺជាជណ្ដើយោងតែមួយគត់ដែលម្ចាស់លំនៅដ្ឋានអាចដាក់ឡានរបស់គាត់ទៅកន្លែងចំណតយ៉ាងងាយស្រួល ដែលអាចចំណេញពេលវេលានិងថាមពលបានយ៉ាងច្រើន។ លក្ខណៈពិសេសមួយផ្សេងទៀតនៃអគារគឺសំណង់អគារតែមួយគត់របស់វា​ពីព្រោះវាមានសរសរគ្រឹះពីជាន់ទី១ដល់ជាន់ទី៦តែប៉ុណ្ណោះក្រៅពីនោះមិនមានសរសរគ្រឺះទៀតទេ។ ការសាងសង់អផាតមេនជាមួយវិធីសាស្រ្តដូច្នេះអាចឱ្យយូនីតនីមួយៗមានខ្យល់អាកាសចេញចូលគ្រប់គ្រាន់។​សរុបសេចក្ដីមកអ្នកអភវិឌ្ឍន៏បានយកចិត្តទុកដាក់យ៉ាងខ្លាំងទៅលើយូនីតនីមួយៗ និងគ្រប់ផ្នែកនៃសំណង់ទាំងអស់ដើម្បី ធានាបាននូវភាពរឹងមាំគ្រប់យូនីតទាំងអស់។ គោលបំណងរបស់អ្នកអភិវឌ្ឍន៏គឺដើម្បីធ្វើឱ្យអតិថិជនមានអារម្មណ៏ថាពួកគេនៅក្នុងផ្ទះដ៏មានភាពកក់ក្តៅដែលមិនមានបញ្ហាអ្វីកើតឡើង។ សម្រាប់ហេតុផលនេះវិស្វករជំនាញបានខិតខំយ៉ាងយកចិត្តទុកដាក់យ៉ាងមុតមាំដោយសម្រិតសម្រាំងជ្រើសរើសគ្រឿងបរិក្ខារស្តង់ដារអន្តរជាតិដើម្បីធានានូវគុណភាពនៃអគារឲ្យមានភាពរឹងមាំគង់វង្សយូរអង្វែង។ទោះបីជាមានបទពិសោធន៏ជាច្រើនឆ្នាំក្នុងការសាងសង់នៅក្រៅប្រទេសក្ដី ប៉ុន្តែនេះគឺជាគម្រោងទីមួយក្នុងប្រទេសកម្ពុជាសម្រាប់ KHSI Investment PTE LTD ហេតុនេះហើយបេសកម្មនេះត្រូវបានធ្វើឡើងយ៉ាងយកចិត្តទុកដាក់បំផុតដើម្បីបង្កើននូវទំនុកចិត្ត និងការទទួលស្គាល់ស្នាដៃរបស់ខ្លួននៅក្នុងប្រទេស៕ ស្វែងយល់បន្ថែមអំពីគម្រោងខុនដូ The Apennines ថ្ងៃនេះ!

Although relatively small, Cambodia’s real estate market scene is filled with industry-related events. It is that time of the year again when developers get the chance to see (or not) the payoff of their efforts and work, reassembled in the form of an award. For the second year in a row, the PropertyGuru Group is organizing the Cambodia Property Awards, which is set to be the biggest and most exclusive real estate awards event in the Kingdom.Last year, the debut event saw over 300 guests and VIPs, and was broadcast live on CTN’s Cambodia News Channel.Bringing together all the biggest developers in town and award them without upsetting anyone must be not an easy task. In order to find out more Realestate.com.kh met with Mr Terry Blackburn, Managing Director of PropertyGuru Asia Property Awards.The Cambodia Property Awards was launched in late 2015 as part of the then 10-year-old Asia Property Awards programme that began in Thailand in 2005 (which later on expanded to other seven countries across South East Asia and in China). Cambodia held its first gala dinner in February 2016, becoming the latest addition to the awards programme last year, which Terry described as “one of the last pieces of the puzzle.”Mr Terry believes that due to the Awards’ long history and earned credibility, they are in the right position to set a benchmark for quality within real estate, on a regional level.Developers of contemporary projects that will be completed within the next 18 months are now eligible to apply. Currently 22 categories are set for this year and each project will be evaluated by an independent panel of judges formed by top experts of the industry. The panel will be supervised by BDO, one of the world’s largest accounting and auditing firms, to ensure full transparency and conflict-free evaluations. But how can the Cambodia Property Awards set the benchmark for quality?Mr Terry explained that each project goes through a thorough onsite inspection, where the panel of experts reviews the viability of the construction and their quality, based on a verified checklist that covers different crucial aspects. This process – from nominations to choosing the winners – takes up to six months. Every real estate development is scrutinised, giving an extra assurance to future buyers. More importantly, based on existing rules of the Awards, developers who eventually win but fail to complete their projects by the established deadline, risk to have their award withdrawn. This gives assurance not only in terms of quality and design of a given development, but as well as its economic viability.Due to his familiarity with other Southeast Asian real estate markets, we have also asked Mr Terry’s thoughts on Cambodia compared to other countries where the Awards operate in, as well as the possibility of a real estate bubble: “In the upcoming months , when majority of the developments will be completed, we should have a better overview of what is being sold for occupation and what for investments. Of course a healthy market implies a high number occupants rather than speculative investments; if this will be the case for Cambodia, then a new wave of investments will come in, if not it might take a while before these projects are sold or rented out. In the latter case however, I do not see an imminent drop in price, since developers often work on tight margins.”When comparing Cambodia to other countries in Asia, Mr Terry stated: “I must say that Cambodia is small but certainly a fast-moving market, with plenty of room for everyone: I particularly see a big potential in the affordable housing, given that the Cambodian finance sector is more consolidated compared to other countries, such as for instance Myanmar, where all the payments still happen in cash and a proper mortgage system is not yet in place.”For developers who are interested in entering their properties in the Cambodia Property Awards, nominations will close on 27 January and entries on 3 February.Find more  real estate news on Realestate.com.kh

ខេត្ត​សៀមរាប​ជា​ខេត្ត​មួយ​ស្ថិត​នៅ​តំ​បន់​ពាយ័ព្យនៃ​ប្រទេស​កម្ពុជា​តាម​បណ្តោយ​ផ្លូវ​ជាតិ​លេខ​៦ ដែល​មាន​ចំងាយ​ប្រវែង​៣១៤​គ.មពីទីក្រុងភ្នំពេញ។ សៀមរាបជាខេត្តមួយក្នុងចំណោមខេត្តដែលមានសក្តានុពលសេដ្ឋកិច្ចសំខាន់ៗទាំងបីនៅក្នុងប្រទេសកម្ពុជា។ ក្នុងនោះរួមមានក្រុងភ្នំពេញជាទីក្រុងពាណិជ្ជកម្ម ខេត្តព្រះសីហនុជាទីក្រុងកំពង់ផែធំជាងគេ និងខេត្ត សៀមរាបជាតំបន់ទេសចរណ៍ដ៏ល្បីល្បាញរបស់ពិភពលោកដែលមានប្រាសាទអង្គរវត្ត។ តើនៅខេត្តសៀមរាបមានប្រភេទលំនៅដ្ឋានបែបណាខ្លះ?ចំនួនភ្ញៀវទេសចរណ៍មានការកើនឡើងពីមួយឆ្នាំទៅមួយឆ្នាំក្រលេកមើលវិស័យលំនៅដ្ឋាននៅក្នុងខេត្តកាន់តែមានភាពរីកចម្រើន និងមានការអភិវឌ្ឍន៍កាន់តែមានភាពដុះដាលយ៉ាងខ្លាំង។ ការអភិវឌ្ឍន៍ក្នុងរយៈពេលប៉ុន្មានឆ្នាំចុងក្រោយបានធ្វើឲ្យខេត្តនេះកាន់តែមានការពេញនិយមជាមួយនឹងប្រភេទនៃលំនៅដ្ឋានផ្សេងៗគ្នាដែលមានផ្ទះល្វែង បុរី ផ្ទះវីឡា អាផាតមេន និងខុនដូជាដើម។ប្រភេទលំនៅដ្ឋានទាំងនេះមានរចនាខុសៗគ្នាអាស្រ័យទៅលើបរិបទនៃការរស់នៅរូបរាងផ្ទះ មុខងារនៃការប្រើប្រាស់និងរស់នៅទៅតាមតម្រូវការទីផ្សាររបស់អ្នកក្នុងស្រុក និងជន បរទេស។ផ្ទះបុរីសម្រាប់លក់នៅសៀមរាបអ្វីទៅជាផ្ទះក្នុងបុរី? ផ្ទះបុរីត្រូវបានគេចាត់ទុកថាជាប្រភេទលំនៅដ្ឋានមួយ ដែលមានការពេញនិយមរស់នៅ សំណាក់ប្រជាជនខ្មែរដែលមានជីវភាពមធ្យមនិងលើមធ្យមឫអ្នកមានជីវភាពធូធារ។ គម្រោងបុរីក៏ជាការវិនិយោគដ៏ល្អមួយសម្រាប់អ្នកអភិវឌ្ឍន៍គម្រោងលំនៅដ្ឋាននៅក្នុងប្រទេសនាពេលបច្ចុប្បន្ន ហើយបុរីនៅសៀមរាបគឺជាទូទៅមានទីតាំងនៅក្នុងតំបន់មានសក្តានុពល​ និងនៅជិតផ្សារសំខាន់ៗនៅក្នុងក្រុង។នៅក្នុងក្រុងសៀមរាបគេឃើញមានគម្រោងអភិវឌ្ឍន៍បុរីមួយចំនួន​បានដំណើរការរួមមាន៖ បុរី perfect Angkor បុរី Angkor Palace បុរី Nagara និងបុរីប្រិមប្រិយដែលជាគម្រោងរបស់កាណាឌីយ៉ាជាដើម។   ផ្ទះក្នុងបុរីមានចាប់ពី១បន្ទប់គេង និង១បន្ទប់ទឹកឡើងទៅហើយតម្លៃអាចរកបានចាប់ពី៦០,០០០ ដុល្លារឡើងទៅ។  ស្វែងរកផ្ទះបុរីសម្រាប់លក់នៅសៀមរាប!ផ្ទះអាជីវកម្មសម្រាប់លក់នៅសៀមរាប៖ អ្វីទៅជាផ្ទះអាជីវកម្ម? ផ្ទះអាជីវកម្ម៖ គឺដូចគ្នាទៅនឹងផ្ទះល្វែងហើយនៅសៀមរាបផ្ទះអាជីវកម្ម ឬផ្ទះល្វែងមិនមានលក្ខណៈខុសគ្នាទេ។ ផ្ទះអាជីវកម្មភាគច្រើនមានកម្ពស់ពីរ ឬបីជាន់ដែលមានហាងនៅជាន់ ផ្ទាល់ដីសម្រាប់ធ្វើអាជីវកម្ម​ ឬពាណិជ្ជកម្ម ហើយជាន់ខាងលើជាន់ផ្ទាល់ដីអាចប្រើប្រាស់សម្រាប់ស្នាក់នៅ។ ផ្ទះអាជីវកម្មជាទូទៅមានទំហំពី ៤x១៦ ទៅ ៥x២០ ម៉ែត្រការ៉េមានតម្លៃចាប់ពី ៦០,០០០ ដុល្លារឡើងទៅ។  ជាធម្មតាផ្ទះអាជីវកម្មគឺប្រើប្រាស់សម្រាប់ការលក់ទំនិញឬជំនួញផ្សេងៗ។ ផ្ទះប្រភេទនេះល្អបំផុតសម្រាប់ទាំង​ការវិនិយោគ និងការរស់នៅ អ្នកអាចប្រកបរបរអាជីវកម្មនិងស្នាក់នៅ គឺអាចធ្វើបាននៅកន្លែងតែមួយ។ ប៉ុន្តែផ្ទះអាជីវកម្មគឺមិនមានទីធ្លាខាងមុខ​និងសួនច្បារនោះទេ មានត្រឹមតែចន្លោះតូចមួយខាងក្រោយផ្ទះ។ ផ្ទះប្រភេទនេះក៏មិនមានរបងការពារនោះទេជាធម្មតា មានទ្វារមុខ និងទ្វារក្រោយជាមួយរបាំងដែកសម្រាប់ការពារសុវត្ថិភាព។ ការចតរថយន្តគឺមានការពិបាក ប៉ុន្តែគេអាចចតរថយន្តនិងម៉ូតូនៅខាងក្នុងខាងក្រោមបន្ទប់សម្រាប់សុវត្ថិភាពនៅពេលយប់ ។តើផ្ទះអាជីវកម្មមានលក្ខណៈខុសប្លែកគ្នាដែរឬទេ?ផ្ទះអាជីវក​ម្មមានប្រភេទផ្សេងៗគ្នា ផ្ទះអាជីវកម្មបែបខ្មែរជាការរចនាបែបសមញ្ញតាមទំលាប់ដែលផ្តោតសំខាន់ទៅតាមការចង់បាន និងតម្រូវការរបស់អ្នកក្នុងស្រុក។ ផ្ទះអាជីវកម្មបែបទំ នើបបានរួមបញ្ចូលគ្នាជាមួយរចនាបទបែបលោកខាងលិច។ វាមានកាពិបាកក្នុងការសម្គាល់ ពីភាពខុសប្លែកគ្នានៃការរចនាខាងក្នុង ដោយសារតែផ្ទះអាជីវកម្មរបស់លោកខាងលិចមួយចំនួនគឺគ្រាន់តែកែលម្អរពីរចនាបទខ្មែរ ប៉ុន្តែនៅផ្ទៃខាងក្នុងមានលក្ខណៈដូចគ្នា។ ផ្ទះវីឡាសម្រាប់លក់នៅសៀមរាប៖អ្វីទៅជាផ្ទះវីឡា?​ ផ្ទះវីឡា៖ ជាប្រភេទលំនៅដ្ឋានឯកជន និងលំដាប់ប្រណិតមួយនៅក្នុងខេត្ត។វីឡាខុសពី ផ្ទះដទៃទៀតត្រង់ថា នៅដាច់ពីគ្នា មានទីធ្លាមុខផ្ទះធំទូលាយ ពិសេសគឺផ្ទះវីឡាបែបខ្មែរហើយផ្ទះវីឡាមានប្រភេទផ្សេងគ្នាដូចជា វីឡា ភ្លោះ វីឡាកូនកាត់ និងវីឡាទោល។ គម្រោងវីឡាជាច្រើនបានរីកដុះដាលឡើងនៅក្នុងខេត្តសៀមរាប។ អ្វីដែលធ្វើឲ្យផ្ទះវីឡាមានភាពទាក់ទាញសម្រាប់ការរស់នៅ?ខេត្តសៀមរាបគឺជាកន្លែងដែលមានលក្ខណៈធម្មជាតិដែលមានដើមឈើធំៗពណ៌បៃតង មានសួនច្បារ និងមានខ្យល់អាកាសបរិសុទ្ធល្អ ទីនេះក៏ជាកន្លែងមានភាពស្ងប់ស្ងាត់ និងសន្តិភាព​ក្នុងចិត្តយ៉ាងស្រស់ថ្លា។ ចរាចរណ៍ក៏មិនមានការរំខានហើយក៏មិនមានសំឡេងរំខានអ្វីឡើយ។ ផ្ទះវីឡាគឺផ្តល់ជូននូវភាពឯកជនដល់​លោកអ្នក ក្រៅពីនោះផ្ទះវីឡាមានទីធ្លាធំទូលាយសម្រាប់គ្រួសារមិត្តភក្តិនិងថែមទាំងសម្រាប់សត្វចិញ្ចឹមដ៏គួរឲ្យស្រលាញ់របស់អ្នក។ ជាទូទៅផ្ទះវីឡានៅសៀមរាបមានតម្លៃចាប់ពី១៥០,០០០​ដុល្លារទៅ២៣០,០០០ដុល្លារអាស្រ័យទៅតាមទីតាំងរបស់ផ្ទះថាតើនៅក្នុងក្រុងឫនៅឆ្ងាយពីក្រុង។ កត្តាមួយផ្សេងទៀតដែលធ្វើឲ្យផ្ទះវីឡាមានភាពទាក់ទាញគឺជាការវិនិយោគរយៈពេលវែង។ វាមិនគ្រាន់តែជាផ្ទះសម្រាប់រស់នៅនិងរីករាយជាមួយគ្រួសារប៉ុណ្ណោះទេ វាថែមទាំងជាការវិនិយោគដែលអាចផ្តល់ផលចំណេញដ៏ច្រើនសម្រាប់អ្នក។ តម្លៃអចលនទ្រព្យតែងតែប្រែប្រួលគ្រប់ពេលប៉ុន្តែតម្រូវការផ្ទះវីឡានៅសៀមរាបគឺតែងតែកើនឡើងជានិច្ច។លោក​ សារ៉ាត បានលើកឡើងដែរថាស​ម្រាប់នៅសៀមរាបប្រជាជនចូលចិត្តរស់នៅរស់នៅផ្ទះជាន់ផ្ទាល់ដីជាងផ្ទះជាន់លើដោយសារចំនួនប្រជាជននៅតិច​ ហើយចរាចរណ៍នៅមានភាពងាយស្រួលមិនស្ទះមិនមានសំឡេងរំខាន និងផ្សែងបំពុលដែលអំណោយផលដល់ការរស់នៅ។ ខេត្តសៀមរាបរាប​បានស្រូបយកភ្ញៀវទេសចរណ៍អន្តរជាតិប្រមាណជាង២លាននាក់ក្នុងមួយឆ្នាំ នេះបើតាមរបាយការណ៍របស់អាជ្ញាធរជាតិអប្សរា។ស្វែងរកផ្ទះវីឡាសម្រាប់លក់នៅសៀមរាប!ខុនដូសម្រាប់លក់នៅសៀមរាប៖ អ្វីទៅជាខុនដូ?ខុនដូជាអគារលំនៅដ្ឋានមួយដែលមានអ្នករស់នៅច្រើនជាមួយគ្នា។ ម្ចាស់យូនីតផ្ទាល់ខ្លួន បានកាន់កាប់លើតំបន់ទូទៅជាមួយគ្នានៅក្នុងខុនដូនោះដែលមានដូចជា៖ កន្លែងហាត់ប្រាណ កន្លែងក្មេងលេងសួនច្បារ និងកន្លែងអង្គុយលេង។ តំបន់ទៅទៅទាំងនេះអាចឲ្យអ្នកគ្រប់គ្នា ដែលរស់នៅក្នុងខុនដូប្រើប្រាស់។ ប៉ុន្តែយូនីតខុនដូរផ្ទាល់ខ្លួនគឺមានការកាន់កាប់ដោយឯកជនទៅតាមអ្នកទិញនីមួយៗ។ ខុនដូជាធម្មតាមានបុគ្គលិកគ្រប់គ្រងនៅនឹងកន្លែងដើម្បីជួយដល់ម្ចាស់យូនីតនីមួយៗនៅពេលដែលមានតម្រូវការចាំបាច់។ ខុនដូក៏មានសន្តិសុខការពារ និងកន្លែងចតរថយន្តសម្រាប់ម្ចាស់យូនីតនីមួយៗផងដែរ។អ្វីដែលធ្វើឲ្យខុនដូមានភាពទាក់ទាញសម្រាប់ការរស់នៅ? ខុនដូជាលំនៅដ្ឋានដ៏ប្រណិតដែលផ្តល់ការរស់នៅល្អប្រសើរជាទីគាប់ចិត្ត និងផ្តល់ជូនសេវាកម្មគ្រប់គ្រងល្អប្រសើរ។ ជាទូទៅគម្រោងខុនដូគឺស្ថិតនៅក្នុងក្រុង ដូច្នេះ​វានឹងនៅជិតកន្លែងធ្វើការងារ និងថែមទាំងមានទេសភាពស្រស់ស្អាតជាមួយនឹងខ្យល់អាកាសស្រស់ស្រាយ និងត្រជាក់ស្រួល ។ទោះបីជាយូនីតខុនដូមានត្រឹមតែជញ្ជាំងដែលបែងចែកអ្នកពីអ្នកជិតខាងរបស់អ្នកក៏ដោយ ក៏យូនីតខុនដូនៅតែមានភាពឯកជនជាងផ្ទះនៅដាច់តែឯងដែរ ហើយខុនដូនឹងមានរួម បញ្ចូលទាំងសេវាកម្មសន្តិសុខថែមទៀតផង។  សម្រាប់នៅក្រុងសៀមរាប ការរចនាខុនដូធ្វើ ទៅតាម បែបទំនើប​ និងរចនា​បទតុបតែងបែបលោកខាងលិច។ ទោះជាយ៉ាងណាថ្លៃសេវា ថែរក្សា និងគ្រប់គ្រងនឹងត្រូវបានគិតពីអ្នក រស់នៅក្នុងខុនដូទាំងអស់ ទាក់ទងទៅនឹងការគ្រប់ គ្រងតំបន់ទូទៅ។ ខុនដូនៅសៀមរាបត្រូវបានរឹតបន្តឹងទាក់ទងទៅការកែទម្រង់យូនីត។តើមានគម្រោងខុនដូច្រើនដែរឬទេនៅសៀមរាប?បច្ចុប្បន្ននៅសៀមរាបមានខុនដូចំនួនប្រហែលតែ៣-៤គម្រោង ហើយគម្រោងទាំងនេះបានបញ្ចប់ការលក់របស់ខ្លួនអស់រួចរាល់។ ខុនដូដែលមាននៅក្នុងខេត្តនេះអាចរកបាន​ក្នុងតម្លៃចាប់ពី ៥០,០០០ ដុល្លារក្នុងមួយូនីតដែលមានចាប់ពីពីរបន្ទប់គេងគ្រប់ដណ្តប់លើផ្ទៃចាប់ពី៦០០​ម៉ែត្រការ៉េទៅ៧០០​ម៉ែត្រការ៉េ។គម្រោងខុនដូទាំងនោះមាន៖ ដូចជាគម្រោង Angkor Oasis Condominium និងគម្រោង Inter Angkor Condominium។ចង់់ស្វែងរកព័ត៌មានបន្ថែមទៀតពីខុនដូសម្រាប់លក់នៅសៀមរាប! តើបរទេសចូលចិត្តរស់នៅតំបន់ណា ហើយខ្មែរចូលចិត្តតំបន់ណាក្នុងក្រុងសៀមរាប? សម្រាប់ប្រជាជនក្នុងស្រុកការរស់នៅក្នុងតំបន់ណាមួយមិនបានចោទជាបញ្ហានោះឡើយគ្រាន់តែអាស្រ័យទៅតាមស្ថានភាពហិរញ្ញវត្ថុ ចំណង់ចំណូលចិត្តនិងតម្រូវការនៃគ្រួសារនីមួយៗប៉ុណ្ណោះ។ ប៉ុន្តែសម្រាប់ជនបរទេសវិញមានពីរតំបន់សំខាន់ៗ ដែលពួកគេចូល ចិត្តរស់នៅ។   ជនជាតិអាស៊ីដូចជា៖ ចិន និងកូរ៉េចូលចិត្តរស់នៅប៉ែកខាងលិចនៃស្ទឹងសៀមរាបដោយសារក្នុងតំបន់នេះមាន ក្រុមហ៊ុនទេសចរណ៍ច្រើន​ ហើយពួកគេមិនចាំចាច់ឆ្លងមកមាត់ស្ទឹងខាងកើតទេ។ ម្យ៉ាងទៀតនៅប៉ែកខាងលិចមានភោជនីយដ្ឋាន បារ ហាងលក់ទំនិញ ហាងលក់វត្ថុអនុស្សាវរីយ៍ជាដើម។សម្រាប់ជនបរទេសមកពីប៉ែកអឺរ៉ុប ពួកគេចូលចិត្តរស់នៅប៉ែកខាងកើតនៃស្ទឹងសៀមរាបដោយសារនៅតំបន់ខាងកើតស្ទឹងភាគច្រើនជាលំនៅដ្ឋានបែបធម្មជាតិ​មានដើមឈើធំៗ ហើយតាំងពីយូរមកហើយដែលបរទេសទាំងនោះចូលចិត្តរស់នៅកន្លែងនេះ ម្យ៉ាងទៀតអ្នកខ្លះជាបុគ្គលិកអង្គការ ហើយការិយាល័យអង្គការ ដែលបរទេសទាំងនោះកំពុងធ្វើការក៏ស្ថិតក្នុងតំបន់នោះដែរ។  ប្រសិនបើខ្ញុំទិញផ្ទះនៅសៀមរាបសម្រាប់វិនិយោគ តើគួរទិញនៅតំបន់ណា? លោក​ សុខ សារ៉ាត ជាភ្នាក់អចលនទ្រព្យនៅខេត្តសៀមរាបលើកឡើងពីការទិញសម្រាប់វិនិយោគតំបន់នៅក្នុងក្រុង គឺក្នុងបរិវេណខ្សែក្រវ៉ាត់ក្រុងនៅតែជាសក្តានុពលមិនថាសម្រាប់រស់ នៅឫលក់ចេញវិញនោះទេ។ ទោះបីជាយ៉ាងណាតំបន់ពីរដែលមានប្រជាប្រិយភាពសម្រាប់ ការទិញលំនៅដ្ឋានសម្រាប់វិនិយោគនោះគឺមានផ្សារកណ្តាល និងផ្សារលើ។ហេតុអ្វីវិនិយោគនៅសៀមរាប មិនមែននៅភ្នំពេញ ​ឫក្រុងព្រះសីហនុ? លក្ខណៈពិសេសនៃខេត្តគឺដោយសារតម្លៃដីនៅក្នុងតំបន់មានកម្រិតទាបនៅឡើយ បើធៀបទៅនឹងតម្លៃដីនៅក្នុងទីក្រុងភ្នំពេញ ចំនួនប្រជាជននៅមានកម្រិតទាបផ្តល់នូវភាពស្ងប់ស្ងាត់សម្រាប់អ្នកដែលចង់បានភាពឯកជន ហើយម្យ៉ាងទៀតការធ្វើចរាចរណ៍ក៏មានភាពងាយស្រួលជានៅក្នុងរាជធា​នីដែរ។ លើសពីនេះទៅទៀតខេត្តសៀមរាបក៏មើលឃើញថាមានការកើនឡើងខ្លាំងលើអាជីវកម្មផ្សេងៗមានដូច ជា៖ សណ្ឋាគារ ភោជនីយដ្ឋាន គ្លីនីក សាលារៀនឯកជន ហើយបច្ចុប្បន្នមានជនជាតិ ចម្រុះទៅដោយជនជាតិខ្មែរ និងបរទេសកំពុងស្នាក់នៅ។ ខេត្តសៀមរាបក៏ជាតំបន់ដែលមានសន្តិសុខ និងសុវត្ថិភាពល្អបំផុតស​ម្រាប់ការរស់នៅ។តើតំបន់ណាដែលមានការអភិវឌ្ឍន៍ខ្លាំងនៅក្នុងក្រុងសៀមរាប?លោក សារ៉ាតលើកឡើងថាសម្រាប់គម្រោងលំនៅដ្ឋានគឺមានច្រើននៅក្នុងបរិវេណខាងក្នុង ខ្សែក្រវ៉ាត់ក្រុងជាពិសេសនៅតាមផ្លូវធំសំខាន់ដូចជាមហាវិថីស៊ីវុត្ថា៖ ផ្លូវ Charles de Gaulle និងផ្លូវជាតិលេខ៦ដែលឆ្លងកាត់ក្រុងជាដើម។ ដោយសារនៅក្នុងក្រុងចរន្តនៃការចេញចូលរប​ស់ភ្ញៀវក៏ដូចជាការរស់នៅទាំងអ្នកក្រុងស្រុក និងជនបរទេសនៅមានច្រើនបំផុត។ក្នុងពេលជាមួយគ្នាក្រុមហ៊ុនផ្សេងៗទៀតដូចជាក្រុមហ៊ុនលក់គ្រឿងសំណង់ និងក្រុមហ៊ុនកសិកម្ម បានងាកចេញពីក្នុងក្រុងមកកាន់ផ្លូវមកស្រុកប្រាសាទបាគង​តាមផ្លូវជាតិលេខ៦សំដៅមកកាន់ក្រុងភ្នំពេញ។ តំបន់នេះក៏មានការអភិវឌ្ឍន៍ខ្លាំងគួរឲ្យកត់សម្គាល់ក្នុងពេលបច្ចុប្បន្ន។តើខេត្តសៀមរាបមានទឹកជំនន់ដែរឬទេ? ការរស់នៅក្នុងក្រុងសៀមរាបគឺហាក់មិនមានការបារម្ភពីទឺកជំនន់ទេ។ ក្នុងឆ្នាំកន្លងមកគឺមិន មានទឹក ជំនន់កើតមានឡើងនៅក្នុងតំបន់ោះទេ។ ទឹកជំនន់អាចកើតអាចលុះត្រាតែមានទឹកជំនន់ខ្លាំងហូរមកពីប្រទេសថៃ។ ទោះបីជាយ៉ាងណាប្រសិនបើអ្នកគម្រោងនឹងទិញផ្ទះនៅជាន់ផ្ទាល់ដី សូមធ្វើការត្រួតពិនិត្យឲ្យបានច្បាស់លាស់ជាមួយម្ចាស់ផ្ទះពីមុននិងអ្នកជិតខាងថាតើផ្ទះ ថ្មីរបស់អ្នកលិចទឹកដែរឬទេ។ ប្រសិនបើមានទឹកលិចមែនអ្នកអាចរៀបចំទុកមុនបានល្អ​មុននឹងរដូវភ្លៀវចូលមកដល់។  ម្យ៉ាងទៀតប្រសិនបើអ្នកទិញផ្ទះនៅក្នុងតំបន់មានទឹកជំនន់តម្លៃគួរចុះទាបជាងធម្មតា។តើខេត្តសៀមរាបមានហេដ្ឋារចនាសម្ព័ន្ធដូចម្ត៉េច?ប្រព័ន្ធផ្លូវថ្នល់៖ ហេដ្ឋារចនាសម្ព័ន្ធខេត្តសៀមរាបគឺកំពុងមានការអភិវឌ្ឍន៍យ៉ាងឆា​ប់រហ័ស។ ផ្លូវថ្នល់បានតភ្ជាប់គ្នានៅក្នុងខេត្តពីមួយកន្លែងទៅមួយកន្លែងដែលជាចំណុចអទិភាពសម្រាប់ការអភិវឌ្ឍន៍ និងការពង្រីកទីក្រុង។ ហេដ្ឋារចនាសម្ព័ន្ធខេត្តសៀមរាបគឺកំពុងមានការអភិវឌ្ឍន៍យ៉ាងឆា​ប់រហ័ស។ ផ្លូវថ្នល់បានតភ្ជាប់គ្នា នៅក្នុងខេត្តពីមួយកន្លែងទៅមួយកន្លែងដែលជាចំណុចអទិភាពសម្រាប់ការអភិវឌ្ឍន៍និងការពង្រីកទីក្រុង។ ចំណែកឯផ្លូវតភ្ជាប់ទៅកាន់ខេត្តផ្សេងទៀតក៏កាន់តែមានភាពងាយស្រួល ដែលបានជួយសម្រួលដល់ការធ្វើដំណើររបស់អ្នកដំណើរដែលចេញចូលខេត្តសៀមរាប។ ផ្លូវថ្នល់បានភ្ជាប់សៀមរាបទៅកាន់ប្រាសាទសំខាន់ជាច្រើន​  និងភ្ជាប់ទៅកាន់ក្រុងភ្នំពេញ បាត់ដំបង កំពត កែប  ក្រុងព្រះ សីហនុ និងកំពង់ចាមជាដើម។ ​ផ្លូវតភ្ជាប់រវាងតំបន់និងតំបន់គឺពិតជាបានបានផ្តល់ផលប្រយោជន៍មហាសាល ដល់ទីផ្សារអចលនទ្រព្យនៅខេត្តសៀមរាប។  សេវាកម្មសាធារណៈ៖ សេវាកម្មសាធារណៈសម្រាប់ពលរដ្ឋនៅក្នុងខេត្តសៀមរាបនាពេលបច្ចុប្បន្នមានកំណើន កាន់តែច្រើនឡើង សេវាកម្មសាធារណៈទាំងនោះមានដូចជា៖ ​សាលារៀនជាតិ និងអន្តរជាតិដែលផ្តល់ជូននូវគុណភាពនៃការអប់រំកាន់តែប្រសើរឡើង។ ក្នុងនោះសេវាថែទាំសុខមាភាពពលរដ្ឋក៏កំពុងតែមានការកើនឡើងច្រើនជាងមុនដែរ។​ សៀមរាបមានមន្ទីរពេទ្យស្តង់ដារអន្តរជាតិ​គឺមន្ទីរពេទ្យអន្តរជាតិរ៉ូយ៉ាល់អង្គរ ដែលបានសហការគ្រប់គ្រងជាមួយនឹងជាមួយមន្ទីរពេទ្យក្រុងបាកក។  សម្រាប់ជនបរទេសមន្ទីរ ពេទ្យនេះមានផ្តល់ជូនសេវាកម្មរថយន្តសង្រ្គោះបន្ទាន់ទៅដល់ប្រទេសថៃ។​ការកំសាន្ត និងអាហារនៅក្នុងខេត្តសៀមរាបខេត្តសៀមរាបប្រជុំទៅដោយជនជាតិផ្សេងៗគ្នាមកពីជុំវិញពិភពលោក។ វាគឺហាក់មិនមានបញ្ហាអ្វីនោះទេសម្រាប់ការស្វែងរកអាហារសម្រាប់បរិភោគ ភោជនីយដ្ឋានអាហារបែបខ្មែរ អឺរ៉ុប ចិន កូរ៉េ ជប៉ុន ថៃ ឥណ្ឌា បារាំង ​និងផ្សេងៗទៀតជាច្រើនអាហារអន្តរជាតិមានគ្រប់ប្រភេទ ទាំងអស់បានដំណើរការនៅក្នុងក្រុង ជាពិសេសនៅលើផ្លូវផាប់ស្ទី្រត ដែលជាកន្លែងមួយ ដែលយើងមានអារម្មណ៍ថា ដូចជានៅក្នុងទីក្រុងនៃប្រទេសអឺរ៉ុប។ក្រៅពីការញ៉ាំអាហារសៀមរាបក៏មានទាមស្រា បារ ហាងខារ៉ាអូខេ និងក្លឹបកំសាន្ត សម្រាប់អ្នក ដែលចង់មានការជួបជុំមិត្តភក្តិ និងការរាំកំសាន្តនៅពេលរាត្រី៕ស្វែងរកអចលនទ្រព្យសម្រាប់លក់នៅសៀមរាបជាមួយ Realestate.com.kh!អត្ថបទដោយ

ទួលគោកគឺជាខណ្ឌមួយក្នុងចំណោមខណ្ឌទំាង ១២ នៅក្នុងក្រុងភ្នំពេញ ដែលផ្ទៃដីនៃខណ្ឌ​ទំាងមូលមានទំហំប្រមាណ​ ៧.៩៩ គីឡូម៉ែត្រការ៉េ។ ទួលគោកត្រូវបានស្គាល់ថាជាតំបន់ដែលសម្បូរដោយផ្ទះប្រភេទវីឡាជាច្រើន។ ក្រលេកមើលបច្ចុប្បន្ន យើងឃើញថាមានការអភិវឌ្ឍន៍យ៉ាងសម្បើមនៅក្នុងខណ្ឌមួយនេះ ក្នុងនោះមានដូចជា សាលារៀន អន្តរជាតិ ភោជនីយដ្ឋានចម្រុះជាតិសាសន៍ អគារពាណិជ្ជកម្ម ផ្សារទំនើប ក្លឹបហាត់ប្រាណ និងហាងកាហ្វេជាដើម។លើសពីនេះ ខណ្ឌនេះក៏មានគម្រោងអភិវឌ្ឍន៍លំនៅដ្ឋានទំនើបៗដូចជា៖ TK Royal One, The Gateway, Apennines Condominium​ និងមានគម្រោងជាច្រើនទៀត។ ខណ្ឌទួលគោកពិតជាសម្បូរបែបទាំងការរស់នៅ ឬធ្វើការដោយសារមានភាពអំណោយផលដូចនេះហើយបានជាតម្រូវការស្នាក់នៅក្នុងតំបន់នេះកាន់តែខ្ពស់។ បច្ចុប្បន្នមានលំនៅដ្ឋានសម្រាប់លក់ និងលំនៅដ្ឋានសម្រាប់ជួលនៅក្នុងតំបន់ទួលគោក។ នេះគឺជាការផ្តល់យោបល់មួយចំនួនពី Realestate.com.kh សម្រាប់លោកអ្នក ដែលមានបំណងស្វែងរកលំនៅដ្ឋានសម្រាប់ជួលនៅក្នុងតំបន់ទួលគោក៖តើមានឯកសារផ្លូវការអ្វីខ្លះត្រូវតែយល់ដឹង?ប្រសិនបើអ្នកសម្រេចចិត្តស្វែងរកលំនៅដ្ឋានសម្រាប់ជួលនៅក្នុងតំបន់ទួលគោក អ្នកត្រូវតែប្រាកដថាម្ចាស់ផ្ទះរបស់អ្នកបានចេញឯកសារស្របច្បាប់ដល់លោកអ្នក។ អ្នកត្រូវរក្សានូវច្បាប់ចំលងកិច្ចសន្យាជួលផ្ទះ​ ហើយត្រូវគោរពតាមលក្ខខណ្ឌទាំងអស់ដែលបានចែងនៅក្នុងកិច្ចសន្យា។ដើម្បីធានាលើភាពរឹងមាំនៃកិច្ចសន្យាជួលផ្លូវច្បាប់រប​ស់អ្នកក្នុងនោះដែរត្រូវមានភាគីទី៣ ដូចជា​៖ មេធាវី ឬភ្នាក់ងារអចលនទ្រព្យដើម្បីឲ្យជួយធានាផ្នែកច្បាប់លើការសម្រេចដែលមាននៅក្នុងកិច្ចសន្យា ហើយភាគីទី៣ក៏នឹងត្រូវរក្សាទុកនូវកិច្ចសន្យាជួលនេះមួយច្បាប់ដែរ។ត្រូវយល់ដឹងអំពីលំនៅដ្ឋានដែលអ្នកមានបំណងជួល ថាតើជាលំនៅដ្ឋានដែលមានបំពាក់គ្រឿងសង្ហារិម និងផ្តល់ជូនសេវាកម្មផ្សេងៗទំាងស្រុង ឬជាលំនៅដ្ឋានធម្មតា!ជាធម្មតាផ្ទះដែលអ្នកមានបំណងជួលមានការផ្តល់ជូនសេវាកម្ម និងលក្ខខណ្ឌផ្សេងៗគ្នាទៅតាមប្រភេទលំនៅដ្ឋាន។ តួយ៉ាងសេវាកម្មអាផាតមេនមានការផ្តល់ជូនច្រើនបែបសម្រាប់អតិថិជនទៅតាមការចង់បានរបស់អតិថិជន។ ជាក់ស្តែង សេវាកម្មអាផាតមេនលំដាប់ខ្ពស់អាចផ្តល់ជូនលោកអ្នកគ្រប់តម្រូវការដែលអ្នកចង់បាន។ ការផ្តល់ជូនមានដូចជា៖ គ្រឿងសង្ហារិម ម៉ាស៊ីនទឹកក្តៅទឹកត្រជាក់ ម៉ាស៊ីនបោកខោអាវ ចង្រ្កានទាន់សម័យ ប្រព័ន្ធអ៊ីនធើណិតទូរទស្សន៍ខ្សែកាប ក៏ដូចជាការផ្តល់សេវាកម្មអនាម័យ ក្លឹបហាត់ប្រាណ អាងហែលទឹក និងកន្លែងចតឡានជាដើម។រយៈពេលចុងក្រោយនេះ សូម្បីតែផ្ទះដែលមិនមែនជាសេវាកម្មអាផាតមេនក៏មានការផ្តល់ជូនប្រហាក់ប្រហែលគ្នានេះផងដែរ គ្រាន់តែមិនមានសេវាកម្មច្រើន។អ្នក មីង សេងលី ជាម្ចាស់ផ្ទះជួលមួយកន្លែងនៅក្នុងក្រុងភ្នំពេញនៅម្តុំសង្កាត់បឹងកក់១ ដែលផ្ទះអ្នកមីងនៅជាន់ទី២ អ្នកមីងបាននិយាយថា៖«ដំបូងខ្ញុំគ្រាន់តែដាក់ជួលធម្មតាដោយគ្មានដាក់សំភារៈអ្វីនោះឡើយហើយការជួលវាដូចជាមិនសូវបានកាក់កបអ្វីនោះឡើយ។ ក្រោយមក​ផ្ទះជួលរបស់ខ្ញុំមានបំពាក់ដោយសាឡុង គ្រែ ខ្សែកាបជាដើម​ឃើញថាមានអ្នកជួលច្រើនហើយតម្លៃជួលក៏បានខ្ពស់ជាងមុនផងដែរ»។តម្លៃជួលបូករួមនឹងតម្លៃសេវាកម្មផ្សេងៗ ដែលលោកអ្នកគួរយល់ដឹង៖អាស្រ័យលើចំណង់ចំណូលចិត្ត និងតម្រូវការអ្នកអាចជ្រើសរើសយកការជួលខុនដូនៅទួលគោក។ អ្នកអាចជួលខុនដូ មួយបន្ទប់គេងរួមជាមួយគ្រឿងសង្ហារិមក្នុងតម្លៃចាប់ពី ១៨០ ដុល្លារឡើងទៅក្នុងមួយខែ។ ចំណែកឯប្រភេទខុនដូមាន ៤ បន្ទប់គេងជាមួយគ្រឿងសង្ហារិមមួយឈុតក្នុងតម្លៃ ២,០០០ ដុល្លារក្នុងមួយខែនៅជិតមជ្ឈមណ្ឌល TK Avenue។ សម្រាប់ប្រភេទយូនីតលំដាប់ខ្ពស់នៅតំបន់បឹងកក់១ មានយូនីតដែលមាន ៣ បន្ទប់គេង ក្នុងតម្លៃប្រមាណ ២,១០០ ដុល្លារក្នុងមួយខែ។សេវាកម្មអាផាតមេនមានផ្តល់ជូនយ៉ាងទូលំទូលាយតម្លៃចាប់ផ្តើមពី ៣៥០ ដុល្លារដល់ប្រហែល ៤,០០០ ដុល្លារក្នុងមួយខែអាស្រ័យលើតំបន់ សេវាកម្ម និងកន្លែងគាប់ចិត្តផ្សេងៗទៀត។សម្រាប់វីឡាតម្លៃជួលមានចាប់ពី ៥៥០ ដុល្លារឡើងទៅអាស្រ័យលើគុណភាពចំនួនបន្ទប់ និងសេវាកម្ម ដូចជាអាងហែលទឹក។ ផ្ទះវីឡាគឺមានច្រើនអាចរកបានដោយងាយមានសេវាកម្មសម្រាប់ជួល និងសម្រាប់លក់នៅទួលគោកបើធៀបទៅនឹងតំបន់សំខាន់នៅក្នុងទីក្រុងបច្ចុប្បន្ននៅមានវីឡាតិចតួចណាស់ដែលអាចរកបានចំណែកតម្លៃវិញគឺថ្លៃជាងនៅទួលគោកឆ្ងាយណាស់។កំណើននៃចំនួននៃការអភិវឌ្ឍន៍បុរីកំពុងលេចរូបរាងឡើងនៅជុំវិញតំបន់ទួលគោកដែលមានការពេញ និយមពីសំណាក់អ្នកទិញក្នុងស្រុកដែលស្វែងរកផ្ទះដែលអាចលក់ទំនិញបាន និងវីឡាដែលមានហេដ្ឋារចនាសម្ព័ន្ធល្អមានសុវត្ថិភាព និងបរិស្ថានរស់នៅល្អប្រសើរ។តើអ្វីជាអត្ថប្រយោជន៍នៃកិច្ចសន្យាជួលផ្ទះរយៈពេលវែង និងកិច្ចសន្យាជួលផ្ទះរយៈពេលខ្លី? ម្ចាស់ផ្ទះ និងអ្នកជួលតែងតែធ្វើកិច្ចសន្យាមួយដើម្បីចងក្រងលក្ខខណ្ឌមួយច្បាស់លាស់។ ក្នុងកិច្ចសន្យាជួលផងដែរក៏បានចែងអំពីរយៈពេលនៃការជួលផងដែរ។ ជាធម្មតាកិច្ចសន្យារយៈពេលនៃការជួល គេតែងតែធ្វើចាប់ពី ៦ ខែដល់ ១២ ខែឡើងទៅ។ជាធម្មតាជនបរទេសហាក់បីដូចមានការអល់អែកក្នុងការជួលដែលមានកិច្ចសន្យារយៈពេលជួលវែង ពួកគាត់ចូលចិត្តជ្រើសរើសរយៈពេលខ្លី ហើយជ្រើសរើសការបង់ប្រាក់មួយខែម្តងៗ ដោយហេតុផលម្យ៉ាងទៀតដោយសារតែជនបរទេសភាគច្រើនគាត់មិនស្នាក់នៅរយៈពេលវែងនោះឡើយ។ប៉ុន្តែកិច្ច​សន្យាជួលរយៈពេលវែងវាអាចជាអត្ថប្រយោជន៍មួយផងដែរសម្រាប់អ្នកជួល វាផ្តល់នូវឱកាសដ៏ល្អសម្រាប់ធ្វើកាចរចារជាមួយម្ចាស់ លោកអ្នកអាចធ្វើការកែប្រែលក្ខន្តិកៈមួយចំនួនដូចជា៖ ប្រាក់ជួល ប្រចាំខែ ប្រាក់កក់ តម្លៃសេវាបន្ថែមជាដើម។ ការចរចារទាំងប៉ុន្មានទំនងម្ចាស់ផ្ទះមានការយល់ព្រមតាមសំណើអ្នកជួលមួយចំនួនក្នុងករណីដែលអ្នកមានបំណងស្នាក់នៅរយៈពេលវែង។ តើធ្វើដូចម្តេចដើម្បីរកផ្ទះជួលមួយដ៏ល្អ?អាចនិយាយបានថាការស្វែងរកផ្ទះជួល វាជារឿងមានភាពស្មុគស្មាញលោកអ្នកត្រូវចំណាយពេលច្រើន ដើម្បីស្វែងរកផ្ទះជួលមួយដ៏ល្អ។ ជាក់ស្តែងលោកអ្នកត្រូវចំណាយពេលយា៉ងច្រើនក្នុងការស្វែងរកផ្ទះសម្រាប់ជួល ហើយប្រសិនបើអ្នកជាជនចំណូលថ្មីនៅក្នុងទីក្រុងមួយ។ មនុស្សមួយចំនួនបានពឹងពាក់បុគ្គលឯកជនដែលតាំងខ្លួនជាអ្នកស្វែងរកផ្ទះជួលឲ្យករណីនេះបុគ្គលទាំងនោះអាចនឹងជាអាជ្ញាកណ្តាលធ្វើការចរចារតម្លៃ និងយកកម្រៃជើងសារ។ ជាធម្មតាពួកគេយកកម្រៃជើងសារពីម្ចាស់ផ្ទះ។ បុគ្គលដែលតាំងខ្លួន​ជាអ្នកស្វែងរកអចលនទ្រព្យឲ្យលោកអ្នកដែលភាសាសាមញ្ញហៅថា អ្នកគួកជេរ ពួកគាត់អាចធ្វើឲ្យមានភាពច្របូកច្របល់ជាមួយតម្លៃក៏ដូចជាថ្លៃសេវាកម្រៃជើងសារផងដែរ នេះជាហេតុធ្វើឲ្យម្ចាស់ផ្ទះអាចតម្លើងថ្លៃឈ្នួលដោយហេតុតែឈ្មួញកណ្តាលនោះទាមទារតម្លៃសេវា​កម្រៃជើងសារខ្ពស់ពេកដោយគ្មានការកំណត់មួយត្រឹមត្រូវ។ដោយឡែកយើងគួរស្វែងរកភ្នាក់ងារអចលនទ្រព្យណាដែលមានអាជ្ញាប័ណ្ណត្រឹមត្រូវប្រកបដោយវិជ្ជាជីវៈត្រឹមត្រូវ។ ជាធម្មតាភ្នាក់ងារអចនទ្រព្យទាំងនោះផ្តល់សេវាជាច្រើនទាក់ទងនឹងអចលនទ្រព្យរួមមានទាំងការស្វែងរកផ្ទះជួលជាដើម យើងអាចពឹងលើភ្នាក់ងារអចលនទ្រព្យណាមួយដែលយើងស្គាល់ច្បាស់។ ជាទូទៅនៅពេលអ្នកស្វែងរកផ្ទះជួលតាមរយៈភ្នាក់ងារអចលនទ្រព្យ វាផ្តល់ភាពងាយស្រួល និងចំណេញពេលវេលាបានច្រើន។ សាកសម្យបំផុតសម្រាប់អ្នក ដែលមានថវិការសមល្មមនៅពេលដែលយើងទៅរកសេវាកម្មពីភ្នាក់ងារអចលនទ្រព្យ ពួកគេមិនគិតកម្រៃសេវាអ្វីឡើយចំណែកឯ​កម្រៃជើងសារត្រូវបានគិតពីម្ចាស់ផ្ទះជួល ហើយតម្លៃត្រូវបានធ្វើឡើងដោយមានស្តង់ដារច្បាស់លាស់បំផុត។ ទោះបីជាយ៉ាងនេះក្តីក៏ពួកគេនៅតែមានភាពស្វិតស្វាញក្នុងស្វែងរកផ្ទះជូនលោកអ្នកដដែល ព្រោះអតិថិជនម្នាក់អាចជាអ្នកនាំសារដ៏ល្អទៅកាន់អតិថិជនផ្សេងៗទៀត នោះកេរ្តិ៍ឈ្មោះយរបស់ភ្នាក់ងារអចលនទ្រព្យក៏កាន់តែត្រូវបានគេស្គាល់។ កញ្ញា អ៊ិន ចាន់ស្រីល័ក្ខ បុគ្គលិកផ្នែកលក់នៅក្នុងក្រុមហ៊ុនអចលនទ្រព្យ យ៉ុង យ៉ាប់ ដែលជាភ្នាក់អចលនទ្រព្យដែលមានសេវាកម្មលក់ និងជួលអចលនទ្រព្យក្នុងក្រុងភ្នំពេញបាននិយាយថា “ក្នុងនាមជាភ្នាក់ងារអចលនទ្រព្យមួយមានស្តង់ដារច្បាស់លាស់ ពួកយើងផ្តល់សេវាកម្មមួយដ៏មានប្រសិទ្ធិភាព និងភាពស្មោះត្រង់ជូនដល់អតិថិជន។” កញ្ញា ស្រី ល័ក្ខ បានបន្តទៀតថា“ពួកយើងយល់ពីតម្រូវការដែលភ្ញៀវចង់បាន។ លើសពីនេះយើងផ្តល់ការផ្តល់ការប្រឹក្សា និងជួយដោះស្រាយបញ្ហានានានៅពេលដែលពួកគាត់ជួបបញ្ហាអំឡុងពេលស្នាក់នៅ។ ភាពស្មោះត្រង់និងវិជ្ជាជីវៈច្បាស់លាស់នោះជាអ្វីដែលលោកអ្នកគួរតែជ្រើសរើសយកភ្នាក់ងារអចលនទ្រព្យដើម្បីជួយស្វែងរកផ្ទះជួល ឬលក់។”  សម្រាប់ជនបរទេសផងដែរវាកាន់តែផ្តល់ភាពងាយស្រួលសម្រាប់ពួកគាត់ ជាពិសេស​អាចជួយកាត់បន្ថយពេលវេលាបានទៀតផង វាពិតជាពិបាកខ្លាំងសម្រាប់ជនបរទេសដែលទើបតែផ្លាស់ទីលំនៅមកកាន់ប្រទេសកម្ពុជា។  លោកអ្នកអាចស្វែងរកផ្ទះសម្រាប់ជួលដោយតាមរយៈភ្នាក់ងារអចលនទ្រព្យ មានវិធីម្យ៉ាងទៀតគឺការស្វែងរកលំនៅដ្ឋានតាមប្រព័ន្ធអនឡាញ។តើមានវិធីសាស្រ្តផ្សេងៗទៀតដើម្បីស្វែងរកអចលនទ្រព្យដោយខ្លួនឯងដែរឬទេ?លោកអ្នកអាចចូលទៅកាន់គេហទំព័រ Realestate.com.kh ដែលជាគេហទំព័រអចលនទ្រព្យឈានមុខគេនៅកម្ពុជា។ មានអចលនទ្រព្យប្រមាណ ៤៥,០០០  មកពីភ្នាក់ងារអចលនទ្រព្យ ១៥០ និងម្ចាស់គម្រោង​អភិវឌ្ឍន៍ផ្សេងៗទៀត។ លោកអ្នកអាចស្វែងរកលំនៅដ្ឋានគ្រប់ប្រភេទទាំងសម្រាប់ជួល និងលក់បានគ្រាន់តែចូលទៅគេហទំព័រអចលនទ្រព្យមួយ​នេះងាយស្រួលស្វែងរកមានតម្លៃច្បាស់លាស់ បែងចែកទីតាំងទៅតាមគេហដ្ឋាននីមួយៗច្បាស់លាស់។ យើងមិនគិតសេវាកម្រៃជើ់ងសារអ្វីឡើយ នៅពេលអ្នកស្វែងរកអចលនទ្រព្យណាមួយ ឬក៏ចុះផ្សាយអចលនទ្រព្យសម្រាប់លក់ និងសម្រាប់ជួលដោយឥតគិតថ្លៃ ។តើខ្ញុំត្រូវបង់ពន្ធដែរឬទេ នៅពេលដែលខ្ញុំជួលផ្ទះ?បើតាមច្បាប់ម្ចាស់អចលនទ្រព្យនៅពេលដែលធ្វើការជួលទៅឲ្យបុគ្គលណាម្នាក់ អ្នកជួលនោះត្រូវបង់ពន្ធ ១០% នៃប្រាក់ឈ្នួលផ្ទះប្រចាំខែ។ ប៉ុន្តែតាមភាពជាក់ស្តែងគឺអាស្រ័យទៅលើការចរចាររវាងម្ចាស់ផ្ទះ និងអ្នកជួលផ្ទះករណីមួយចំនួនអាចជាម្ចាស់ផ្ទះជាអ្នកបង់ពន្ធ។ប្រសិនបើករណីអ្នកជួលផ្ទះនោះបានធ្វើការជួលបន្តទៅឲ្យអ្នកដទៃផ្សេងទៀតតាមច្បាប់ចាស់ត្រូវកាត់ពន្ធ ១០% នៃប្រាក់ថ្លៃជួលពីម្ចាស់អចលនទ្រព្យរបស់ខ្លួនហើយនៅក្នុងលក្ខខណ្ឌនៃការជួលអចលនទ្រព្យបន្ត អ្នកជួលអចលនទ្រព្យបន្តដោយត្រូវកាត់ពន្ធ១០%នៃថ្លៃជួលពីក្រុមហ៊ុនអចលនទ្រព្យនោះទៀត។ ក្នុងសេចក្ដីណែនាំលេខ១៨៤១០ បច្ចុប្បន្នបានផ្តល់ការលើកលែងពន្ធលើអ្នកជួលបន្តប្រសិនបើម្ចាស់អចលនទ្រព្យ  និងអ្នកជួលដំបូងនោះបានជាប់កាតព្វកិច្ចបង់ពន្ធដូចគ្នា។ដើម្បីទទួលបានព័ត៌មានថ្មីៗអំពីវិស័យអចលនទ្រព្យនៅក្នុងប្រទេសកម្ពុជា និង ការវិវត្តន៍នានានៅក្នងវិស័យនេះ សូមធ្វើការទាញយកកម្មវិធីប្រើប្រាស់នៅលើទូរស័ព្ទដៃរបស់យើងឥឡូវនេះ។ សម្រាប់កម្មវិធី iOS និង Android។ស្វែងរកអចលនទ្រព្យសម្រាប់ជួលនៅក្នុងតំបន់ទួលគោក!លោកអ្នកក៏អាចចូរអានមគ្គុទេសនៃការវិនិយោគឆ្នំា២០១៩ របស់យើងបានផងដែរ!អត្ថបទដោយ

បឹងកេងកងគឺជាតំបន់មួយស្ថិតនៅក្នុងខណ្ឌចំការមនហើយត្រូវបានគេចាត់ទុកថាជាខណ្ឌដែលមានទិស ដៅអភិវឌ្ឍន៏អចលនទ្រព្យខ្លាំងបំផុតក្នុងប្រទេសកម្ពុជា។ បឹងកេងកងត្រូវបានបែងចែកជាបី៖ បឹងកេងកង១(BKK1) បឹងកេងកង២(BKK2) និងបឹងកេងកង៣(BKK3)។បឹងកេងកង១គឺជាតំបន់ដែលមានទីស្នាក់ការអង្គការក្រៅរដ្ឋាភិបាល ជនបរទេស មន្ត្រីរាជការ ក្រសួង និងពាណិជ្ជកម្មជាច្រើនតាំងទីនៅទីនេះក្នុងរយៈពេលប៉ុន្មានឆ្នាំមកនេះ។ បើប្រៀបធៀបបឹងកេងកង២ និងបឹងកេងកង៣ វាគឺជាសង្កាត់ដែលមានសក្ដនុពលសម្រាប់ទីផ្សារ បារ និងភោជនីយដ្ឋាន ម្ហូប និងភេសជ្ជៈអន្តរជាតិ និងហាងលក់ទំនិញជាច្រើន។ បឹងកេងកង២គឺជាសង្កាត់ដែលស្ថិតនៅភាគខាងលិចនៃបឹងកេងកង១ ហើយវានៅតែមានទីផ្សារខ្លាំងសម្រាប់ការស្នាក់នៅ ហើយជាទូទៅវាមានតម្លៃដីថោកជាងតំបន់បឹងកេងកង១។ និយាយអំពីសង្កាត់បឹងកេងកង៣វិញត្រូវបានគេស្គាល់ថាជាកន្លែងដែលមានស្តង់ដារស់នៅបែបខ្មែរ និងស្តង់ដារស់នៅបែបជនបរទេសហើយវាគឺជាតំបន់ដែលមានប្រជាជនរស់នៅច្រើនទៀតផង។តើទីផ្សារអចលនទ្រព្យក្នុងបឹងកេងកងមានលក្ខណៈយ៉ាងដូចម្ដេច?ទីផ្សារដីក្នុងសង្កាត់បឹងកេងកង៖ បើយោងតាមរបាយការណ៏របស់សារព័ត៌មានខ្មែរថាមស៏បានឱ្យដឹងថាតម្លៃដីក្នុងតំបន់នេះនៅតែមាន លំនឹងក្នុងឆមាសទី១ ពាក់កណ្ដាល់ឆ្នាំ២០១៦។ ភាពមានលំនឹងនេះត្រូវបានគេសន្មត់ថាមានការថយចុះនៃការវិនិយោគក្នុងតំបន់នោះ។ តម្លៃដីក្នុងសង្កាត់បឹងកេងកងមានតម្លៃ៣,៨០០ទៅ៥,០០០ដុល្លារក្នុងមួយម៉ែត្រការ៉េ។អ្នកគ្រប់គ្រងទូទៅរបស់ក្រុមហ៊ុន Lucky Real Estate Co. Ltd លោក Poe Eavkong បានបន្ថែមថា “តម្លៃដីឡើងដល់ចំនុចអតិបរមានាពេលបច្ចុប្បន្នហេតុដូច្នេះហើយបានជាដីនៅតំបន់នោះនៅថេរ ប៉ុន្តែខ្ញុំមិនរំពឹងថាវានឹងធ្លាក់ចុះនោះទេ។”​ លោកបានបញ្ជាក់ថា “បើធៀបនឹងប្រទេសជិតខាងតម្លៃដីក្នុង ទីក្រុងរបស់យើងហាក់បីដូចជាទាបជាង។”ទីផ្សារលំនៅដ្ឋានក្នុងបឹងកេងកង៖បឹងកេងកងនៅតែជាតំបន់ដែលមានសក្ដានុពលសម្រាប់ទីផ្សារលំនៅដ្ឋានក្នុងប្រទេសកម្ពុជា នេះបើយោងតាមរបាយការណ៏ត្រីមាសទី២ដែលបានចេញផ្សាយដោយក្រុមហ៊ុន Bonna Realty កាលពីខែកក្កដាកន្លងទៅ។ បឹងកេងកងគឺជាសង្កាត់ដែលមានអាផាតមេន៥១%ក្នុងខណ្ឌចំការមនដែលអាផាតមេនសរុបមានចំនួន១៤៥។ បឹងកេងកង៣មាន៨%បឹងកេងកង២មាន៩% និងបឹងកេងកង១ឈាន មុខគេមានដល់៣៤%នៃអាផាតមេន និងខុនដូគិតមកដល់ពេលបច្ចុប្បន្ន។ប្រសិនបើអ្នកចង់ទិញខុនដូដែលមានគ្រឿងសង្ហារឹមពេញលេញមានតម្លៃត្រឹមតែ៣៥,០០០ដុល្លារតែប៉ុណ្ណោះក្នុងបឹងកេងកង។ ក៏ប៉ុន្តែប្រសិនបើអ្នកស្វែងរកកន្លែងរស់នៅដែលមានទ្រង់ទ្រាយធំ penthouse units មានតម្លៃខ្ពស់ដល់១,៣លានដុល្លារក្នុងមួយយូនីត។ អាស្រ័យលើតម្រូវការរបស់រៀងៗខ្លួនលោកអ្នកអាចជួលយូនីតដែលមាន២បន្ទប់គេង មានតម្លៃត្រឹមតែ១៣០ដុល្លារក្នុងមួយខែសម្រាប់យូតនីតដែលមាន៣បន្ទប់គេង មានផ្គត់ផ្គង់សម្ភារៈគ្រប់គ្រាន់និងស្ថិតនៅក្នុងតំបន់ដែលមិនលេចទឹកដែលមានតម្លៃ៤,១០០ដុល្លារក្នុងមួយខែ។ អត្រាជួលសេវាកម្មអាផាតមេនក្នុងបឹងកេងកងមានតម្លៃខ្ពស់ដល់៤,៥០០ដុល្លារក្នុងមួយខែសម្រាប់អាផាតមេនដែល មាន៣ បន្ទប់គេង។ ក៏ប៉ុន្តែសេវាកម្មអផាតមេនគុណភាពល្អជាច្រើនត្រូវបានធានាសុវត្ថិភាពក្នុងតម្លៃ១០០០ ក្នុងមួយខែ។ សេវាកម្មនិងគុណភាពប្រាកដណាស់ថាអាចជះឥទ្ធិពលដល់តម្លៃអាផាតមេន ដែលផ្តល់ជូនសេវាកម្មធម្មតាមានតម្លៃប្រហែលត្រឹមតែ៤០០ដុល្លារក្នុងមួយខែ។    មានវីឡាជាច្រើនក្នុងតំបន់សម្រាប់ផ្តល់ជូនតម្រូវការផ្សេងៗគ្នា វីឡាដែលមានមួយបន្ទប់មានតម្លៃទាបត្រឹមតែ៧០០ដុល្លារក្នុងមួយខែ។ វីឡាមួយចំនួននៅតែមានសម្រាប់លក់ក្នុងបឹងកេងកងក៏ប៉ុន្តែការផ្គត់ផ្គង់មានកំណត់ អចលនទ្រព្យវីឡាជាច្រើនត្រូវបានទិញដោយអ្នកអភិវឌ្ឍន៏អាផាតមេន សណ្ឋាគារ និងខុនដូដើម្បីធ្វើការសាងសង់ថ្មី។ ហេតុដូច្នេះហើយត្រូវរំពឹងអ្វីដែលអ្នកអាចទទួលយកបាន ពីព្រោះវីឡាដែលមាន គុណភាពល្អដែលព័ទ្ធជុំវិញដោយដីកំពុងតែមានតម្រូវការខ្ពស់សម្រាប់អ្នកមានក្នុងតំបន់នេះ។ វីឡាក៏ ពេញនិយមសម្រាប់អ្នកប្រកបអាជីវកម្មដែលកំពុងតែស្វែងរកដើម្បីបង្កើតការិយាល័យ និងហាងលក់ទំនិញផ្សេងៗ ការជួលវីឡាវាមានអត្ថប្រយោជន៍ម្យា៉ងបើធៀបនឹងផ្ទះល្វែង និងផ្ទះល្វែងអាជីវកម្មនៅក្នុងតំបន់នេះ។តម្លៃអាចប្រែប្រួលបន្តិចបន្តួចក្នុងចំណោមសង្កាត់បឹងកេងកងទាំងបីនេះ។ អចលនទ្រព្យសង្កាត់បឹងកេងកង ១ជាធម្មតាមានតម្លៃថ្លៃជាង បឹងកេងកង២ និងបឹងកេងកង៣ ពីព្រោះវាមានការអភិវឌ្ឍន៏ច្រើនជាងគេ។ អ្នកអភិវឌ្ឍន៏មានលទ្ធភាពចំណាយប្រាក់ជាច្រើនសម្រាប់អភិវឌ្ឍន៏ដីក្នុងតំបន់នេះ ហេតុដូច្នេះហើយអ្នកជួលដែលមានសមត្ថភាពអាចចំណាយលើអត្រាជាច្រើនក្នុងការជួល។ កត្តាទាំងអស់ នេះហើយដែលកំពុងតែជម្រុញឲ្យអ្នកដែលមិនសូវមានប្រាក់ច្រើនជ្រើសរើសតំបន់ដែលមានទីផ្សារ មិនសូវរីកចម្រើន។អត្រាជួលក្នុងតំបន់បឹងកេងកងគឺមានអត្រាខ្ពស់បំផុតក្នុងប្រទេសភាគច្រើនជាជនបរទេស ពាណិជ្ជករ ប្រជាជនខ្មែរដែលមានប្រាក់ចំណូលខ្ពស់។ ជាមួយអត្រាជួលអចលនទ្រព្យកើនខ្ពស់បែបនេះ គឺជាការផ្តល់ទំនុកចិត្តចិត្តសម្រាប់អ្នកអភវិឌ្ឍន៏ក្នុងការទទួលបានចំណូលពីការជួលត្រឡប់មកវិញខ្ពស់នាឆ្នាំខាងមុខ។ទន្ទឹមនឹងនេះដែរអត្រាកាន់កាប់ក្នុងតំបន់នេះនៅតែមានភាពរឹងមាំ  យោងតាមត្រីមាសទី២ឆ្នាំ២០១៦ ក្រុមហ៊ុន CBRE បានឱ្យដឹងថាអត្រាកាន់កាប់អាផាតមេនទាំងមូលក្នុងទីក្រុងភ្នំពេញដែលមានចំនួន៨៦.៨% (រួមបញ្ចូលគ្រប់តំបន់និងខណ្ឌជាច្រើនក្នុងទីក្រុងភ្នំពេញ)។ ក្រុមហ៊ុន Knight Frank Cambodia បានថ្លែងក្នុងពាក់កណ្ដាលឆ្នាំ២០១៦ថាសេវាកម្មអាផាតមេនក្នុងតំបន់សំខាន់ៗដូចជាបឹងកេងកងនៅតែបន្តកើនឡើងតម្រូវការកាន់កាប់ច្រើនជាង៨០%។ការិយាល័យ និងមជ្ឈមណ្ឌលពាណិជ្ជកម្មក្នុងបឹងកេងកង៖ មានការិយាល័យជាច្រើនសម្រាប់ជួលក្នុងបឹងកេងកង ជាពិសេសក្នុងបឹងកេងកង១។ អត្រាជួលមានតម្លៃ ចាប់ពី១,៣០០ដុល្លារ សម្រាប់ការិយាល័យទំហំ១០០ម៉ែត្រការ៉េ ហើយអាចកើនដល់៥,៥០០ដុល្លារក្នុងមួយខែ សម្រាប់ការិយាល័យមួយដែលមានផ្តល់ជូនសំភារៈ និងគ្រឿងសង្ហារឹមគ្រប់គ្រាន់។គម្រោងអភិវឌ្ឍន៏ថ្មីៗក្នុងបឹងកេងកង៖ មានគម្រោងអភិវឌ្ឍន៏ថ្មីៗជាច្រើនក្នុងបឹងកេងកង៖មានគម្រោងអភិវឌ្ឍន៍ដូចជា៖  88 Suites ដែលអភិវឌ្ឍន៏ដោយក្រុមហ៊ុន Chip Hock Realty & Development Sdn Bhd ហើយរចនាម៉ូតដោយក្រុមហ៊ុន SW1P Collective Architecture។ គម្រោងអភិវឌ្ឍន៏នេះនឹងក្លាយជាប្រភេទលំនៅដ្ឋានផ្ទះ និងការិយាល័យក្នុងប្រទេសកម្ពុជា។ គម្រោងនេះមាន កម្ពស់២១ ជាន់ និងមានការផ្តល់ជូននូវ រានហាលនៅលើដំបូល កន្លែងហាត់ប្រាណ សូណា អាងហាងហែលទឹក និងប្រព័ន្ធចតរថយន្តស្វ័យប្រវត្ត គម្រោងនេះនឹងត្រូវបានសាងសង់រួចរាល់នៅចុងឆ្នាំ២០១៨។ គម្រោង Imperial Crown Condominium ក៏នឹងចេញរូបរាងឆាប់ៗនេះផងដែរ។ ការសាងសង់ប្រកបដោយដោយគុណភាព ការរចនាដ៏វិចិត្រ រួមផ្សំការតុបតែង និងចំលាក់តាមបែបស្ថាបត្យកម្ម Baroque។​ នេះគឺជាគម្រោងដែលទំនើប និងត្រូវបានទទួលស្គាល់ថាជាគម្រោងលំនៅដ្ឋានដ្ឋានដ៏អស្ចារ្យមួយ។ តួយ៉ាងការផ្តល់ជូនសម្ភារៈតុបតែងលំអរួមមាន ថ្មភក់ដោយមិនចាំបាច់មានការថែរក្សាអ្វីច្រើននោះទេ ហើយអាចទុកបានក្នុងរយៈពេល២០ឆ្នាំដោយរក្សាភាពដើមដដែល ក៏មានកន្លែងចតយានយន្តចំនួន៦ជាន់។បរិបទរស់នៅក្នុងតំបន់បឹងកេងកង៖តើមានសាលាអ្វីខ្លះក្នុងបឹងកេងកង?មានសាលាអន្តរជាតិជាច្រើនស្ថិតនៅក្នុងតំបន់បឹងកេងកងរួមមាន៖ សាលាអន្តរជាតិភ្នំពេញ (ISPP) សាលាអន្តរជាតិភ្នំពេញ CIA សាលា Bridgeton  និងសាលាអន្តរជាតិ Raffles Montessori School of Phnom Penh។សាលាមួយចំនួនទៀតដែលមានក្នុងបឹងកេងកង១ និងបឹងកេងកង៣រួមមាន៖ សាលាអន្តរជាតិ Footprints សាលាអន្តរជាតិ Tree and Garden សាលាអន្តរជាតិ Paññasastra សាលាអន្តរជាតិ Western International School of Cambodia សាលាអន្តរជាតិ Bamboo និងសាលា HKC Tree International School។ ក្នុងតំបន់នេះផងដែរក៏មានសាលារតន្ត្រី និងវិចិត្រសិល្បៈដូចជា Neak Poan School of Music និង Ocarina French Music & Art School។គ្រូបង្រៀនមកពីសាលារៀនទាំងអស់សុទ្ធតែមានសញ្ញាប័ត្របង្រៀនភាសាអង់គ្លេសយ៉ាងខ្ពង់ខ្ពស់ ដោយ មានលិខិតបញ្ជាក់គុណភាពពី NZQA ក្នុងការប្រកបរបរអាជីវកម្ម និងការរៀនសូត្រថ្នាក់កម្រឹតបង្រៀន ភាសាអង់គ្លេងសម្រាប់បង្រៀនជនបរទេស។ សាលាមួយចំនួននៃសាលាទាំងអស់នេះមានការបញ្ជាក់សញ្ញាបត្រពីសមាគមសាលា និងសកលវិទ្យាល័យ អ៊ឺរ៉ុប ក្រសួងអប់រំ យុវជន និងកីឡានិងកម្មវិធីបឋមសិក្សាអន្តរជាតិពី Cambridge International Examination Centre។ តើមានមធ្យោបាយធ្វើដំណើរអ្វីខ្លះនៅក្នុងតំបន់បឹងកេងកង?បឹងកេងកងមានបណ្ដាញតាក់ស៊ី តុតុ និងឡានក្រុង។ ផ្លូវដឹកជញ្ជូនសំខាន់ៗសម្រាប់ឡានក្រុងដែលបាន បើកក្នុងឆ្នាំ២០១៤ ធ្វើដំណើរពីមហាវិថីព្រះមុនីវង្សទៅផ្លូវ ឧកញ៉ា ស៊ុយ សុផាន តាខ្មៅ ផ្សាររាត្រី និងពី រង្វង់មូលចោមចៅទៅផ្សាររាត្រី សិស្សាសាលា និងមនុស្សចាស់អាចធ្វើដំណើបានដោយឥតគិតថ្លៃ។តើហេដ្ឋារចនាសម្ព័ន្ធមានការរីកចម្រើនយ៉ាងដូចម្ដេចក្នុងបឹងកេងកង?ក្នុងចំណោមតំបន់សំខាន់ៗមាន វត្ដថាន់ វត្ដស្វាយពពេ វត្ដលង្កា ព្រលានយន្តហោះអន្តរជាតិភ្នំពេញ វិមានឯករាជ្យ ស្ថានទូតព្រុយនេ ស្ថានទូតប៊ុលហ្គាលរី និងស្ថានទូតស៊ុយអែតត្រូវបានដាក់ចូលក្នុងផ្លវូសំខាន់ៗ និងស្ថិតនៅជុំវិញ​បឹងកេងកង។ ផ្លូវទាំងនោះរួមមាន មហាវិថីព្រះមុនីវង្ស មហាវិថីព្រះនរោត្ដម មហាវិថីសម្រេចសុធារស មហាវិថីព្រះសីហនុ និងមហាវិថីម៉ៅសេទុង។មជ្ឈមណ្ឌលសុខភាព និងគ្លីនិកនៅជុំតំបន់បឹងកេងកងតើខ្ញុំធ្វើយ៉ាងដូចម្ដេចប្រសិនបើខ្ញុំឈឺ? តើមានគ្លីនិកដែរឬទេក្នុងតំបន់បឹងកេងកង? ប្រាកដជាមានគ្លីនិកឈានមុខគេមួយចំនួនក្នុងសង្កាត់បឹងកេងកងមានដូចជា៖​ គ្លីនិកព្យាបាលខេម៉ា គ្លីនិកអន្តរជាតិSOS និងគ្លីនិកNaga នេះគ្រាន់តែរាប់ត្រួសៗតែប៉ុណ្ណោះ។ ក្រៅពីនេះទៀតក្នុងតំបន់នោះ មានមន្ទីរពេទ្យ Maliya នៅតាមបណ្ដោយផ្លូវ៣៩២  គ្លីនិកជប៉ុន Ken Clinic តាមបណ្ដោយផ្លូវ ៣៧០ និងមន្ទីរពេទ្យ​Cabinet Médical Francais តាមបណ្ដោយផ្លូវ៥៧។ ហើយក៏មានលក់នូវសម្ភារៈពេទ្យមួយ ចំនួនផងដែរដូចជា គ្លីនិក SMC។នៅតំបន់នេះក៏មានគ្លីនិកធ្មេញមួយចំនួនផងដែរគ្លីនិកទាំងនោះរួមមាន៖ គ្លីនិកធ្មេញបច្ចឹម ស្ថិតតាមបណ្ដោយមហាវិថីព្រះនរោត្ដម និងមន្ទីរពេទ្យជប៉ុន​ Shigeta Dental Clinic នៅកែងផ្លូវ ២៩៤ និងផ្លូវ២១។តើបឹងកេងកងងាយនឹងមានគ្រោះទឹកជំនាន់ដែរឬទេ? សំណង់ខ្ពស់ៗជាច្រើនចាប់តាំងពីឆ្នាំមុនធ្វើឱ្យបឹងកេងកង១ មានហានិភ័យទាបចំពោះគ្រោះធម្មជាតិ។ ទាក់ទងរឿងនេះដែរ ក្រសួងសាធារណៈការ និងដឹកជញ្ជូនបានពង្រីក និងជួសជុលប្រព័ន្ធលូ១៦២,៨៧១ម៉ែត្រក្នុងតំបន់បឹងកេងកង ដើម្បីកាត់បន្ថយទឹកជំនាន់ និងការស្ទះលូបង្ហូទឹក។តើជីវិតនៅពេលយប់មានលក្ខណៈយ៉ាងដូចម្ដេចដែរក្នុងបឹងកេងកង?បារនិងក្លឹបជាច្រើនក្នុងតំបន់នោះភាគច្រើនស្ថិតនៅភាគខាងកើតនៃបឹងកេងកង១។ អ្នកទេសចរណ៍ពិតជាពេញចិត្តនឹងតំបន់បឹងកេងកងនាពេលរាត្រី។ បារដែលពេញនិយមក្នុងបឹងកេងកងរួមមាន៖  Mini Banana’s Hostel Bar Blue Dog Barដែលស្ថិតនៅជិតសណ្ឋាគារ Urban Patio Hotel The White Rabbit Hostel Bar នៅតាមផ្លូវ២៩៤ The Mad Monkey Bar នៅតាមផ្លូវ ៣០២ Duplex Club & Bar នៅតាមផ្លូវ ២៧៨ និង Club Love។ប៉ុន្តែប្រសិនប្រើអ្នកកំពុងតែស្វែងរកអចលនទ្រព្យដែលនៅជិតផ្សារបឹងកេងកង វារឹតតែផ្តល់ភាពងាយស្រួលសម្រាប់ការរស់នៅ និងផ្តល់ភាពងាយស្រួលក្នុងការញាុំអាហារផងដែរ។ ក្នុងតំបន់នេះអ្នកអាចស្វែងរកបារ និងភោជនីយដ្ឋានល្អៗជាច្រើនដោយងាយស្រួល។ កន្លែងសម្រាប់ទិញទំនិញ និងទទួលទានអាហារក្នុងបឹងកេងកងបឹងកេងកងក៏ស្ថិតនៅជិតផ្សារទំនើបអ៊ីអនម៉លផងដែរ។ វាក៏មានហាងកាហ្វេ និងម្ហូបជាច្រើនដូចជា ហាងកាហ្វេ Costa Coffee ហាងកាហ្វេ Brown ហាងកាហ្វេ True Coffee ហាងកាហ្វេ Gloria Jean’s Coffee Fish & Co., Aria D’Italia, Sushi Honda, Blue Pumpkin, Deco,  Comme a la Maison, Uraetei BBQ Japan, and the Lost Room។ កន្លែងអាហារប្រភេទហ្វាសហ្វូតដូចជា៖ Burger King  Bonchon Domino’s Pizza, and KFC ក៏មាននៅទីនេះផងដែរ។ មានផ្សារលក់ទំនិញដូចជា Thai Huot នៅលើផ្លូវ៣៥២ ផ្សារបឹងកេងកង នៅលើផ្លូវ៣៨០ និងផ្សារទំនើបឡាក់គី។ សម្រាប់អាហារសិរីរាង្គមាន សាច់ ត្រី និងគ្រឿងទេសគ្រប់មុខ និងបន្លែស្រស់ស្ថិតនៅលើផ្លូវ ២៤០។ តើកន្លែងហាត់ប្រាណនៅឯណាក្នុងបឹងកេងកង? សម្រាប់អ្នកធ្វើការខាងក្រៅអ្នកអាចជ្រើសរើស Paddy’s Fight Club នៅលើផ្លូវ ២៩៤ Afighter Gym, Chey Mongkul Sport Club នៅលើផ្លូវ៣៦០ Crossfit Amatak, Superfit Fitness and Health Clu នៅ តាមបណ្ដោយមហាវិថីម៉ៅសេទុង ហើយ VIP Sports Club ស្ថិតនៅតាមបណ្ដោយមហាវិថីព្រះនរោត្ដម។ សម្រាប់ការស់នៅដោយសន្តិភាព និងការសម្រាកលំហែកាយ ស្ប៉ា និងកន្លែងហាត់ប្រាណដូចជា Soben  Spa នៅលើផ្លូវ ២៩៤ La Rose Boutique Hotel & Spa នៅបណ្ដោយមហាវិថីព្រះនរោត្ដម Oriental Spa នៅតាមបណ្ដោយមហាវិថីសម្រេចសុធារស the Samata Health & Wellness Studio, and the Angkor Spa នៅតាមផ្លូវ ៣១០។ឥឡូវអ្នកដឹងព័ត៌មានអស់ហើយ សូមមើលអចលនទ្រព្យមួយចំនួនខាងក្រោម៖អចលនទ្រព្យសម្រាប់ជួលក្នុងបឹងកេងកងអចលនទ្រព្យសម្រាប់លក់ក្នុងបឹងកេងកង

គម្រោងលំនៅដ្ឋានធំៗជាច្រើនបញ្ចប់ការសាងសង់របស់ខ្លួនក្នុងទីក្រុងភ្នំពេញនាឆ្នាំ២០១៧នេះ គម្រោងទាំងនេះមានដូចជា ខុនដូ បុរី និងគម្រោងអភិវឌ្ឍន៏ចម្រុះជាច្រើនទៀត។  អ្នកនៅក្នុងវិស័យនេះបានបង្កើនការយកចិត្តទុកដាក់យ៉ាងខ្លាំងដោយផ្ដោតលើលក្ខណៈ និងសេវាកម្មនៃអគារលំនៅដ្ឋានសម្រាប់ពលរដ្ឋ រស់នៅ។ ជាងនេះទៅទៀតនោះថាតើអចលនទ្រព្យទាំងនោះនឹងត្រូវបានគ្រប់គ្រងដោយរបៀបណា!ប្រទេសកម្ពុជាមានទីផ្សារមួយដែលគ្រួសារកាន់កាប់អគារដោយផ្ទាល់ ដោយអគារទាំងនោះត្រូវបានគ្រប់គ្រងដោយសមាជិកគ្រួសារតែមួួយជាមួយការប្រមូលថ្លៃសេវាថែរក្សាពីអ្នកជួល។ ក៏ប៉ុន្តែនៅក្នុងអគារខុនដូជាង២០០ក៏មិនគួរប្រើប្រាស់គំរូនេះទេ ព្រោះវាជាគំរូមួួយមិនល្អ។លោក Sunny Soo ដែលជាអគ្គនាយកក្រុមហ៊ុន Keystone Property Consultants Co., Ltd ដែលជាក្រុមហ៊ុនអន្តរជាតិ Savills បាននិយាយថា “ភាពខ្វះខាតកើតឡើងមកពីការខ្វះបទពិសោធន៍ ក្នុងទីផ្សារ អ្វីដែលសំខាន់ថាតើអ្នកបានស្វែងរកអ្នកគ្រប់គ្រងអចលនទ្រព្យដែលមានបទពិសោធន៏ ឬប្រធានវិស្វករ ឬនាយកប្រតិបត្តិក្រុមហ៊ុនដែលមានជំនាញច្បាស់លាស់ដែរឬទេ។”លោក Soo បានបន្តថា “មិនដូចជានៅប្រទេសមួយចំនួនដូចជាប្រទេស ចិន ថៃ ឬវៀតណាម នោះទេ ការគ្រប់គ្រងអចលនទ្រព្យក្នុងទីផ្សារប្រទេសទាំងនេះគឺមានភាពចាស់ទុំរួចទៅហើយ។ បញ្ហាធំបំផុតរបស់កម្ពុជា នោះគឺកត្តាធនធានមនុស្ស ។”លោក Simon Griffiths ជាអគ្គនាយកជាន់ខ្ពស់របស់ក្រុមហ៊ុន CBRE Cambodia យល់ស្របជាមួយនឹងការលើកឡើងនេះ លោកថា “នៅកម្ពុជាមានអ្នកគ្រប់គ្រងអចលនទ្រព្យដែលមាន បទពិសោធន៏តិចតួចណាស់ វាមិនគួរឱ្យភ្ញាក់ផ្អើលនោះទេដែលកម្ពុជាមានការរីកចម្រើនយឺតយ៉ាវ រហូត ទើបតែមានការអភិវឌ្ឍន៏ថ្មីៗនេះ។ នេះបានបញ្ជាក់ឲ្យឃើញថាកម្ពុជាមិនទទួលផលប្រយោជន៍ពីការរៀនសូត្យពីអ្នកជំនាន់មុននោះឡើយហើយនៅក្នុងវិស័យគ្រប់គ្រងអចលនទ្រព្យវិញក៏មិនទាន់មានលក្ខណៈ សម្បត្តិគ្រប់គ្រាន់នៅឡើយ។” លោក Griffiths បាននិយាយទៀតថា “ក្នុងពេលជាមួយគ្នានេះដែរក្របខ័ណ្ឌច្បាប់នៃការគ្រប់គ្រងអចលនទ្រព្យមិនទាន់មានច្បាស់លាស់នៅឡើយក្នុងប្រទេសកម្ពុជា។”លោកបានបន្តថា “ដោយសារតែភាពខ្សោយក្នុងរចនាសម្ព័ន្ធច្បាប់ បានធ្វើឲ្យនៅតែ មានម្ចាស់អចលនទ្រព្យ/អ្នកជួលមិនចង់ចំណាយថ្លៃសេវារបស់ពួកគេ ហើយពួកគេមានជម្រើសជាច្រើនសម្រាប់យកលេសដោះសារ ឬហេតុផលជាច្រើនដើម្បីគេចវេសការបង់ពន្ធទៀតផង។ ប្រសិនបើមិនមានថវិកា ក្នុងគណនីគ្រប់គ្រងអចលនទ្រព្យសម្រាប់អគារនោះទេ អគ្គីសនីទាំងអស់នឹងត្រូវកាត់ផ្តាច់ជណ្ដើរយន្ត មិនត្រូវបានជួសជុលហើយបុគ្គលិកនឹងត្រូវបញ្ឍប់។ កត្តាទាំងអស់នេះវានឹងធ្វើឱ្យមានការប្រឈមនឹង ផលលំបាកជាច្រើន។  លោក Soo បានលើកឡើងទៀតថា “ពេលបច្ចុប្បន្នមានចំណុចខ្វះខាតមួយរវាងការរំពឹងទុករបស់អ្នក អភិវឌ្ឍន៏ដែលជាធម្មតាមិនអាចសម្រេចបាននូវចំនួនសរុបទាបបំផុតនៃការប្រមូលថ្លៃសេវាគ្រប់គ្រង ដែលពួកគេចង់បាន។”លោក Matthew Rendall ជាដៃគូជាន់ខ្ពស់របស់ក្រុមហ៊ុន Sok Siphana & Associates និងជាសមាជិករបស់ក្រុមហ៊ុនច្បាប់ ZICOlaw បានលើកឡើងថា “ត្រូវតែមានការអភិវឌ្ឍន៏ដោយក្រុមហ៊ុនច្រើនរួមគ្នា (ដែលម្ចាស់ក្រុមហ៊ុនទាំងអស់នោះជាអ្នកគ្រប់គ្រង និងគ្រប់គ្រង់លើថវិកាសម្រាប់ហានីភ័យនាពេលអនាគត)។ មានភាពបរាជ័យក្នុងការអនុវត្តន៍ចំណុចនេះ ដោយសារថាតើអ្នកអភិវឌ្ឍន៏ត្រូវតែគ្រប់គ្រងអគារនោះរហូត  ឬត្រូវប្រឈមមុខនឹងហានិភ័យនៃគម្រោងអភិ​ វឌ្ឍន៍នេះ។” នៅពេលដែលគម្រោងជាច្រើនបានបញ្ចប់ការសាងសង់ ហានិភ័យនឹងកើតឡើងសម្រាប់អ្នកទិញចុងក្រោយប្រសិនបើមិនមានការគ្រប់គ្រងអចលចទ្រព្យឱ្យបានល្អទេនោះ។ លោក Benny Tan ដែលជាប្រធានផ្នែកប្រឹក្សានៅក្រុមហ៊ុន Raffles Strata Management (Cambodia) Pte Ltd បានលើកឡើងថា “គម្រោងប្រណិតៗមានស្តង់ដារខ្ពស់បានជួលក្រុមហ៊ុនគ្រប់គ្រងអចលនទ្រព្យបរទេសដើម្បីគ្រប់គ្រង។ រីឯអ្នកទិញត្រូវកត់សម្គាល់ពីតម្រូវការទីផ្សារដែលមានបញ្ហានៃអចលនទ្រព្យដែលគ្រប់គ្រងដោយម្ចាស់ផ្ទាល់ ដូច្នេះគឺអាចសម្រេចចិត្តចាត់វិធានការកែតម្រូវកាន់តែឆាប់កាន់តែល្អ។ ប្រព័ន្ធគ្រប់គ្រងមួយដែលល្អនឹងកើតមានឡើងគ្រប់ពេលនៅពេលដែលអ្នកអភិវឌ្ឍន៍មានគម្រោងច្បាស់លាស់។” លោក Griffiths បាននិយាយទៀតថា ត្រូវចងចាំថា “តម្លៃកាន់តែទាបមិនល្អនោះទេ!” ប្រសិនបើអ្នកចង់បានតម្លៃទាបបន្ទាបមកត្អូញត្អែរថាមិនល្អអ្នកមិនគួរភ្ញាក់ផ្អើលនោះទេព្រោះអ្នកបានចំណាយនូវអ្វីដែលមានតម្លៃថោក ហើយវាក៏ដូចគ្នាទៅនឹងការគ្រប់គ្រងអចលនទ្រព្យអញ្ចឹងដែរអ្នកនឹងទទួលអ្វីដូចគ្នាទៅនឹងតម្លៃដែរ។” លោក Griffiths​ បានបន្តថា “ប្រសិនបើអ្នកភិវឌ្ឍន៏ព្យាយាមលក់ខុនដូឱ្យអ្នកជាមួយតម្លៃសេវាកម្មទាប រំពឹងលើគុណភាពទាប និងតម្លៃនៃការវិនិយោគរបស់អ្នកនឹងស្ថិតនៅក្នុងហានិភ័យដូចគ្នា។  តម្លៃសេវាកម្ម១ដុល្លារក្នុងមួយម៉ែត្រការ៉េក្នុងសម្រាប់លំនៅដ្ឋានខុនដូ ដោយសារតែការណែនាំលើការអនុវត្តទីផ្សារនោះ មានកំហុសឆ្គង ព្រោះតម្លៃនេះទាបពេកហើយ។ អ្នកទិញត្រូវមើលផែនការថវិកាសម្រាប់ការគ្រប់គ្រង អចលន ទ្រព្យពីអ្នកអភិវឌ្ឍន៏។ ប្រសិនបើអ្នកអភិវឌ្ឍន៏មិន​ច្បាស់ទេនោះទេនោះវាអាចជាក្តីបារម្ភមួយលើ​ ការការគ្រប់គ្រងអចលនទ្រព្យនោះ”។ លោក Rendall បានសន្និដ្ឋានថា “អ្នកទិញទាំងអស់ត្រូវពិនិត្យពិច្ច័យលើកិច្ចសន្យលក់ដើម្បីកំណត់ឱ្យបាន ច្បាស់អ្វីដែលជាគោលបំណងរបស់អ្នកអភិវឌ្ឍន៏ទាក់ទងទៅនឹងការសេវាកម្មគ្រប់គ្រងអគារនាពេលខាងមុខ។ នេះពិតជាសំខាន់ដូចទៅនឹងគុណភាព និងការរចនាម៉ូតរបស់សំណង់អគារ។ ប្រសិនបើកិច្ចសន្យាមិនមានភាពច្បាស់លាស់​ទេនោះត្រូវប្រុងប្រយ័ត្ន។ អ្នកទិញក៏គួរតែពិនិត្យមើលស្នាដៃអភិវឌ្ឍន៏កន្លងមក របស់អ្នកអភិវឌ្ឍន៏ហើយយើងអាចវាយតម្លៃថាតើពួកគេមានការគ្រប់គ្រងបានល្អកម្រិតណា (នៅពេលដែលអ្នកសម្រេចចិត្តថាតើត្រូវទិញ ឬយ៉ាងណានោះ។) ប៉ុន្ដែទីផ្សារក្នុងប្រទេសកម្ពុជាប្រហែលជាស្ថិតនៅក្នុងដំណាក់កាលនៃការរៀនសូត្រនៅឡើយ។ លោក Tan​ បាននិយាយថា “តំបន់ទីផ្សារផ្សេងៗទៀតក៏ដូចគ្នាដែរ។ការខ្វះចន្លោះបែបនេះមានតាំងពីដំបូង ប៉ុន្តែនៅពេលទីផ្សារក្នុងស្រុកបើកទូលាយទៅកាន់ស្តង់ដារលំដាប់ខ្ពស់នៅគ្រប់កន្លែង និងមានលក្ខណៈដូចគ្នានោះចន្លោះប្រហោងនឹងកាន់តែរួមតូចទៅៗ និងបាត់បង់ទៅនៅពេលចុងក្រោយ។”

ខណ្ឌដូនពេញគឺជាឈ្មោះបានមកពីរឿងព្រេងដែលមានដូនចាស់ម្នាក់ឈ្មោះយាយពេញ។ ដូនពេញបានប្រទះឃើញរូបចំលាក់ព្រះពុទ្ធរូបនៅក្នុងដើមគគីរអណ្ដែតទឹកនៅក្នុងទឹកទន្លេមេគង្គ បន្ទាប់មកទីក្រុងមួយនេះក៏បានក្លាយជាឈ្មោះថាភ្នំពេញរហូតដល់សព្វថ្ងៃ។ ចំណែកឯខណ្ឌដូនពេញត្រូវបានគេចាត់ទុកថាជាខណ្ឌមួយដ៏មានប្រជាប្រិយភាពបំផុត ហើយវាជាតំបន់ពាណិជ្ជកម្មធំបំផុតក្នុងទីក្រុងភ្នំពេញ។ វាបណ្តុំដោយស្ថាបត្យកម្មប្រណិតៗ ផ្សារ ហាងលក់ទំនិញជាច្រើនដែលផ្តល់នូវតម្រូវការជាច្រើនដូចជាអាហារនិងភេសជ្ជៈ ហើយគឺជាខណ្ឌមួយដែលស្ថិតនៅជាប់ផ្លូវសំខាន់ៗនៅក្នុងរាជធានី។ ខណ្ឌដូនពេញមាន១១សង្កាត់ មានដូចជា៖ សង្កាត់ស្រះចក សង្កាត់ផ្សារចាស់ សង្កាត់ផ្សារកណ្ដាល១ សង្កាត់ផ្សារកណ្ដាល២ សង្កាត់ជ័យជំនះ សង្កាត់ចតុមុខ សង្កាត់ផ្សារថ្មី១ សង្កាត់ផ្សារថ្មី២ សង្កាត់ផ្សារថ្មី៣ សង្កាត់បឹងរាំង ហើយនិងកន្លែងដែលយាយពេញដាក់ព្រះពុទ្ធរូបនោះគឺសង្កាត់វត្ដភ្នំ។ តើទីផ្សារអចលនទ្រព្យក្នុងខណ្ឌដូនពេញមានលក្ខណៈយ៉ាងដូចម្ដេចដែរ? ទីផ្សាដីក្នុងខណ្ឌដូនពេញ៖តម្លៃដីក្នុងទីក្រុងភ្នំពេញនៅតែបន្តកើនឡើងចាប់ពីឆ្នាំ២០១០ដល់២០១៦។ ខណ្ឌដូនពេញគឺខណ្ឌ មួយ ដែលតំណាងឱ្យខណ្ឌទាំងអស់ក្នុងទីក្រុងភ្នំពេញដែលដែលមានតម្លៃដីខ្ពស់បំផុត។ តម្លៃដីក្នុងខណ្ឌដូនពេញជាធម្មតាមានតម្លៃចាប់ពី៤,០០០ទៅ ៤,៣០០ដុល្លារក្នុងមួយម៉ែត្រការ៉េ នេះបើយោងតាមរបាយការណ៏ទីផ្សារដីពាក់កណ្ដាលត្រីមាសទី២របស់ក្រុមហ៊ុន CBRE Cambodia។ វាអាចត្រូវបានគេចាត់ទុកថាមានតម្លៃថោកជាងដីក្នុងបឹងកេងកង១និង២ក៏ប៉ុន្តែតម្លៃដីនៅតែមានតម្លៃខ្ពស់នៅក្នុងខណ្ឌដូនពេញ ដែលស្ថិតនៅតាមតំបន់និងតាមបណ្ដោយផ្លូវសំខាន់ៗ។ ចំពោះចំណតរថយន្តវិញវាគឺជាខណ្ឌដែលមានតម្រូវការខ្ពស់ដីដែលទំនេរជាច្រើនត្រូវបានប្រើប្រាស់សម្រាប់ចំណតរថយន្ត។  Duan Penh Residential Property Market:ខុនដូនៅក្នុងតំបន់នេះមានតម្លៃជាទូទៅចាប់ពី២១,៥០០ដុល្លារសម្រាប់បន្ទប់មួយមិនមានបំពាក់គ្រឿង សង្ហារឹម សម្រាប់យូនីតដែលមាន២បន្ទប់គេងមានបំពាក់គ្រឿងសង្ហារឹមគ្រប់គ្រាន់តម្លៃ៥២០,០០០ដុល្លារ។ អាត្រាជួលមានតម្លៃចាប់ពី១៥០ ដុល្លារក្នុងមួយខែសម្រាប់យូនីតដែលនៅជិតផ្សារ ទំនើបសុរិយាហើយយូនីតដែលនៅជិតផ្សារធំថ្មីមានតម្លៃ ២,៨០០ ដុល្លារក្នុងមួយខែ។ ទាំងតម្លៃជួលនិងលក់របស់ខុនដូទាំងនេះមានប្រភេទផ្សេងៗគ្នាអាស្រ័យលើគុណភាពនៃសំណង់ ការគ្រប់គ្រង និងទីតាំង របស់ខុនដូ។ មានវីឡាមួយចំនួនសម្រាប់លក់ក្នុងខណ្ឌដូនពេញប៉ុន្តែការផ្គត់ផ្គង់មានកំណត់។ វីឡាជាច្រើនត្រូវបានទិញដោយអ្នកអភិវឌ្ឍន៏ អាផតមេន សណ្ឋាគារ និងខុនដូដើម្បីធ្វើការសាងសង់ថ្មី។ ហេតុដូច្នេះហើយត្រូវរំពឹងអ្វីដែលអ្នកអាចទទួលយកបានពីព្រោះវីឡាដែលមាន ព្រោះវីឡាគុណភាពល្អដែលព័ទ្ធជុំវិញដោយដី កំពុងតែ មានតម្រូវការខ្ពស់សម្រាប់អ្នកមានក្នុងតំបន់នេះ។ អ្នកអាចជួលវីឡាដែលមានទំហំ២០០ត្រការ៉េមានតម្លៃ៦០០ ដុល្លារក្នុងមួយខែហើយ២៥,០០០ក្នុងមួយខែសម្រាប់វីឡាដែលល្អប្រណិត មានទំហំ ៦០០ ម៉ែត្រការ៉េ។ ចំពោះតម្លៃលក់តម្លៃចាប់ពី២០០,០០០ដុល្លារ ហើយអាចកើនឡើងដល់១លានដុល្លារ អាស្រ័យលើគុណភាពទំហំដីនិងទីតាំង។​ផ្ទះល្វែង និងផ្ទះអាជីវកម្មសម្រាប់លក់មានតម្លៃចាប់ពី ២៩,៥០០ដុល្លារ។ វាអាចកើនឡើងដល់ ២លាន ដុល្លារសម្រាប់ផ្ទះល្វែងដែលមាន៤បន្ទប់គេង និង៤បន្ទប់ទឹក។  អត្រាជួលមានតម្លៃចាប់ពី៩០ដុល្លារ ក្នុងមួយខែអាស្រ័យលើទីតាំង និងគុណភាពផ្ទះនោះ។ ក្នុងខណ្ឌនេះផងដែរក៏មានគម្រោងអភិវឌ្ឍន៏បុរីជាច្រើនដែលអ្នកអាចជ្រើសរើសបានប្រសិនបើអ្នកចង់ទិញអចលនទ្រព្យដែលមានសហគមរស់នៅច្រើន។ គម្រោងមួយចំនួននៃគម្រោងទាំងនោះត្រូវបានសាងសាង់រួចរាល់ផងដែរ ហើយគម្រោងមួយចំនួនទៀតកំពុងតែត្រូវបានសាងសង់។ការិយាល័យ និងមជ្ឈមណ្ឌលពាណិជ្ជកម្មក្នុងខណ្ឌដូនពេញ៖អត្រាជួលសម្រាប់ការិយាល័យក្នុងខណ្ឌដូនពេញទាបបំផុតមានតម្លៃ ៦ដុល្លារក្នុងមួយម៉ែត្រការ៉េសម្រាប់មួយខែ ហើយខ្ពស់បំផុត១៥ លានដុល្លារសម្រាប់ការទិញអគារការិយាល័យទាំងមូលដែលមានទំហំដី​ ១,០៧០ម៉ែត្រការ៉េ។តំបន់ពាណិជ្ជកម្មសំខាន់ៗនៅទីនេះគឺ អគាធនាគារកាណឌីយ៉ា ស្ថិតនៅតាមបណ្ដោយវីថីព្រះអង្គឌួង។ អគារមួយនេះមានកម្ពស់៣២ជាន់ ហើយមានទំហំសរុប៦,០០០ម៉ែត្រការ៉េ។ វាមានកន្លែងអាជីវកម្ម កន្លែងធ្វើការ បន្ទប់ប្រជុំការិយាល័យការងារក្រៅម៉ោង ការិយាល័យពេញម៉ោង ការិយាល័យខាងក្នុង និងការិយាល័យខាងក្រៅដែលអ្នកអាចរកជួលបានតាមការពេញចិត្ត។អគារវឌ្ឍនៈគឺជាអគារមួយដែលមានទីតាំងមានសក្ដានុពលបំផុតសម្រាប់អាជីវកម្មក្នុងទីក្រុងភ្នំពេញ    វាមានកម្ពស់សរុប ១៨៧.៣ម៉ែត្រនិងមានកម្ពស់៣៩ជាន់។ វាត្រូវបានសាងសង់ឡើងប្រកបដោយស្តង់ដារអន្តរជាតិបានទទួលវិញ្ញាបនបត្រជាអគារល្អបំផុតផ្នែកថាមពលនិងបរិស្ថានពីសហរដ្ឋអាមេរិក។អគារភ្នំពេញគឺជាតំបន់ពាណិជ្ជកម្មមួយផ្សេងទៀតនៅតំបន់នេះ។ អគារនេះមានទំហំសរុបចំនួន ១,១៧២ ម៉ែត្រការ៉េ។ វាផ្ដល់នូវការិយាល័យតាមតែអ្នកត្រូវការហើយអាចធ្វើអោយអ្នកជួបជុំគ្នាពីម្នាក់ទៅច្រើននាក់ទៀតផង។អគារការិយាល័យ Grade A ក៏អាចជួលបានដែរតាមរយៈ Hong Kong Land ដែល រំពឹងថានឹងសាងសង់រួចរាល់ក្នុងឆ្នាំ២០១៧នេះ។ គម្រោងអភិវឌ្ឍន៏នោះមានទំហំ៣០,០០០ម៉ែត្រការ៉េ ហើយអគារនេះក៏មានហាងលក់ទំនិញចំនួន៤ជាន់ផងដែរ។ ជីវិតរស់ក្នុងខណ្ឌដូនពេញ៖តើខណ្ឌដូនពេញមានបរិយាកាសយ៉ាងដូចម្ដេច?ខណ្ឌដូនពេញត្រូបានគេចាត់ថ្នាក់ថាជាខណ្ឌវប្បធម៏ចម្រុះ និងភាពផ្សេងគ្នា។ វាមានប្រវត្ដមិនអាចកាត់ ថ្លៃបានតាមរយៈរឿងព្រេងប្រវត្ដសាស្រ្តប៉ុន្តែវាក៏មានសំណង់ស្នារដៃទំនើបៗមានដូចជា ភោជនីយដ្ឋាន បារ សណ្ឋាគារ តំបន់ពាណិជ្ជកម្ម​និងខុនដូ។ វាជាកន្លែងដែលមានសកម្មភាពទេសដ៏ខ្លាំងក្លាមួយ ការរស់នៅក្នុងខណ្ឌដូនពេញអ្នកអាចធ្វើអ្វីៗដែលអ្នកចង់ពីព្រោះអ្នកមានជម្រើសរស់នៅផ្សេងៗគ្នា។​ខណ្ឌដូនពេញស្ថិតនៅជាប់តំបន់មាត់ទន្លេ ហើយអាចមើលទេសភាពដ៏ស្រស់ស្អាតរបស់ទន្លេសាប។ មានជីវិតរស់នៅយា៉ងរីករាយនៅតាមបណ្ដោយមាត់ទន្លេអ្នកមានជម្រើសជាច្រើនក្នុងការជ្រើសរើស ភោជនីយដ្ឋាន និងបារ​ ងាយស្រួលសម្រាប់មនុស្សថ្មីៗ។ ច្បាស់ណាស់ការរស់នៅទល់មុខទន្លេមានន័យថាគឺជាការរស់នៅក្នុងទេសភាពដ៏ស្រស់ស្អាត និងខ្យល់អាកាសស្រស់ស្រាយនៅតាមមាត់ទន្លេក៏មានផ្សារជាច្រើនផងដែរ។ សម្រាប់អ្នកដែលចាប់អារម្មណ៏អចលនទ្រព្យតាមបណ្ដោយមាត់ទន្លែ កន្លែងទាំងអស់នេះល្អ​ខ្លាំងណាស់ អ្វីៗទាំងអស់គ្រាន់តែដើរបន្តិចដល់តែម្តង។ ទាក់ទងទៅនឹងទេសចរណ៏វិញមាត់ទន្លេគឺជាទិសដៅលេខ១សម្រាប់ភ្ញៀវទេសចរណ៏ក្នុងទីក្រុងភ្នំពេញ ហើយគឺ ជាកន្លែងកម្សាន្តដ៏ធំរសប់ប្រទេសកម្ពុជា។ នៅតំបន់នេះអ្នកអាចបម្រើសេវាកម្មទេសចរណ៏បាន យ៉ាងងាយស្រួលដូចជា៖ សំបុត្រឡានទេសចរណ៏តាមនាវា ផ្សាររាត្រី ព្រះបរមរាជវាំង ហើយតំបន់មាត់ទន្លេគឺជាកន្លែងសម្រាប់ប្រារព្ធពិធីបុណ្យជាតិផ្សេងៗជាច្រើនទៀតផង។តើមានកន្លែងទិញអីវ៉ាន់ ភោជនីយដ្ឋាន ឬកម្សាន្តដែរឬទេក្នុងខណ្ឌដូនពេញ?មានកន្លែងជាច្រើនសម្រាប់ដើកម្សាន្តក្នុងខណ្ឌដូនពេញដូចជា ផ្សារធំថ្មីនៅតាមផ្លូវ ១២៦ និងផ្លូវ ១៣៦។ វាត្រូវបានសង់ឡើងក្នុងទសវត្សន៏ឆ្នាំ១៩៣០  ហើយវាគឺជាផ្សារលក់វត្ថុអនុស្សាវរីយ៏ ផលិតផលសិប្បកម្ម អាវ និងគ្រឿងអលង្កា។ ហើយនៅភាគខាងត្បូងផ្សារធំថ្មីដែលជាផ្សារមួយដែលធំបំផុតក្នុងប្រទេសកម្ពុជាគឺផ្សារទំនើបសុរីយ៉ាដែលជាផ្សារទំនើបដ៏ពេញនិយមរបស់ជនបរទេស។ ផ្សារទំនើបសុរិយាបច្ចុប្បន្នកំពុងតែត្រូបានកែតម្រូវឡើងវិញដើម្បីទាក់ទាញផលិតផលថ្មីៗ និងបង្កើតផ្សារឱ្យកាន់តែមានភាពទាន់សម័យឡើង។ ផ្សារទំនើប Golden Sorya Mall ជាផ្សារទំនើបមួយស្ថិតនៅក្នុងខណ្ឌដូនពេញ។ វាមាន អាហារដ្ឋាន និងហាងលក់ទំនិញជាច្រើននៅក្នុងតំបន់នេះ ក៏ប៉ុន្តែប្រសិនបើអ្នកចង់បានផលិតផលនាំចូលពីក្រៅប្រទេសអ្នកអាចរកបាននៅផ្សារទំនើប Lucky Market នៅតាមបណ្ដោយមហាវិថីព្រះសីហនុ ដែលនេះជាផ្សារទំនើបមានផលិតផលជាច្រើនមុខ។មានភោជនីយដ្ឋាន ហាងអាហារប្រភេទហ្វាសហ្វូត និងហាងកាហ្វេជាច្រើនដែលមានដូចជា KFC, Lucky Burger, The Deli Bistro Gourmet នៅតាមបណ្ដោយផ្លូវ ១៧៨ ភោជនីយដ្ឋានរតនៈគិរី នៅតាម បណ្ដោយផ្លូវ៥១ ហាងកាហ្វេ  Le Point Café Restaurant ភោជនីយដ្ឋាន Mekong Korean Restaurant Sarpino’s Pizzeria, Golden Mermaid Restaurant, Brown Coffee, KOI Café Vattanac Capital, Bloom Café ហើយមានជាច្រើនទៀត។ សម្រាប់អ្នកដែលចង់ចម្អិននៅឯផ្ទះអ្នកអាចស្វែងរកបាននៅផ្សារធំថ្មី ផ្សារទំនើប Pencil ផ្សារអូឬស្សី និង ផ្សារចាស់ នៅទីនេះអ្នកអាចទិញអ្វីៗគ្រប់យ៉ាងទាំងត្រី និងបន្លែសាច់ជាដើម។តើកន្លែងហាត់ប្រាណមាននៅកន្លែងណាក្នុងខណ្ឌដូនពេញ? សម្រាប់អ្នកដែលចង់ស្វែងរកកន្លែងលំហែកាយខណ្ឌដូនពេញគឺជាកន្លែងដែលមានក្លឹបហាត់ប្រាណ និងថែរក្សាសុខភាពយ៉ាងច្រើន។ ក្នុងនោះមាននៅតាមបណ្ដោយផ្លូវ ២៧៨ គឺ កន្លែងហាត់ប្រាណ  Prokout Fitness and Fight Center Paddy’s Fight Club និងកន្លែងហាត់ប្រាណ Kim Hour។ មានស្ប៉ាដូចជា SK Relax Massage & Spa I, M Health Khmer Spa, និង the Rock Hotel and Spa។​ តើការកំសាន្តនៅពេលរាត្រីមានលក្ខណៈយ៉ាងណាដែរក្នុងខណ្ឌដូនពេញ?សម្រាប់ការកំសាន្តនាពេលរាត្រីនៅក្នុងតំបន់ដូនពេញ នៅផ្លូវ៥១ដែលមានការរាង្គសាល ក្លឹប បារ ដែលមានភ្លេងរាំកំសាន្ត សម័យថ្មី។ ក្លឹបកំសាន្ត Heart of Darkness នៅលើបណ្តោយផ្លូវ៥១ចាប់បើកដំណើរកការតាំងពីឆ្នាំ១៩៩៣។  ផ្លូវ៥១ត្រូវបានស្គាល់ថាជាតំបន់ដែលសំបូរដោយក្លឹបកំសាន្តនាពេលរាត្រីនៅក្នុងក្រុងភ្នំពេញ។ដើរកំសាន្តនៅតាមបណ្តោយមាត់ទន្លេវាក៏ជាកន្លែងពោរពេញដោយមនុស្សច្រើនកុះករ ទទួលភាពរីករាយ ភោជនីយដ្ឋាន និងបារមីត្រូជាកន្លែងមានប្រជាប្រិយភាពមួួយដែរស្ថិតនៅក្នុងចំណោមហាងដទៃទៀត។ រាត្រីដ៏រីករាយចែករំលែកភាពសប្បាយរីករាយជាមួួយមនុស្សជាទីស្រលាញ់ ញាុំអាហារ និងក្រេបស្រាក្រហមយ៉ាងឆ្ងាញ់ពិសារ។ តំបន់ទីបីនៅតាមបណ្ដោយផ្លូវ ១៧២ ដែលអ្នកអាចស្វែងរកការកម្សាន្តតាម បារ ភោជនីយដ្ឋាន និងសណ្ឋាគារ។ ចាប់តាំងពីបឹងកក់ត្រូវបានគេចាក់បំពេញជាច្រើនឆ្នាំជាមួយការអភិវឌ្ឍន៍ទន្ទឹមនឹងដំណាក់ការសាងសង់នៅឡើយ ភ្ញៀវទេសចរណ៍ជាច្រើនបានផ្លាស់ទីមកកាន់តំបន់ដូនពេញវិញ។ ហើយតំបន់នេះនៅពេលរាត្រីមានក្លឹបរាត្រីយ៉ាងច្រើនរួមមាន៖ Blue Chilli Bar នៅតាបណ្ដោយ ១៧៨ he Empire Movie House, Bar & Restaurant, Velkommen Backpackers, Shanghai Bar and Restaurant, Oasis Bar, Eden’s Bar, Dream Bar និងបារនៅក្នុងសណ្ឋាគារដូចជា Monsoon Boutique Hotel, Le Grand Mekong Hotel និងសណ្ឋាគារកាំបូឌីយ៉ាណា។  តើមានសាលាអ្វីខ្លះក្នុងតំបន់នេះ?ខណ្ឌដូនពេញគឺជាខណ្ឌដែលពោពេញទៅដោយសាលាជាច្រើនដែលទទួលស្គាល់គុណភាពអប់រំដោយ IELTS និង TOEFL។ សាលាមួយចំនួនផ្ដល់ការអប់រំដូចសហរដ្ឋអាមេរិកដែរនៅក្នុងប្រទេសកម្ពុជា។ សាលាទាំងនេះរួមមាន៖ វិទ្យាល័យវត្ដកោះ វិទ្យាល័យព្រះស៊ីសុវត្ថិ សាលាវេសស្លាញន៏ អនុវិទ្យល័យចតុមុខ សាកលវិទ្យាល័យបញ្ញាសាស្រ្តកម្ពុជា សាលាអន្តរជាតិប៉េកាំង វិទ្យាស្ថានអភិវឌ្ឍន៏និស្សិត វិទ្យាល័យហ៊ុនសែនប៊ុរ៉ានីវត្ដភ្នំ សាលាព្រះសីហនុរាជ សាលាអាមេរិកាំង Golden Gate សាលាអន្តរជាតិICS និងសាលាសុវណ្ណភូមិ។ សាលាជាច្រើនទាំងនេះត្រូវបានចុះបញ្ជីជាមួយក្រសួងអប់រំយុវជននិងកីឡាកម្ពុជា និងទទួលស្គាល់គុណ ភាពអប់រំដោយការប្រឡងជាអន្តរជាតិ Cambridge International Exams Western Association of Schools and Colleges, Middle States Association of Colleges and Commissions on Elementary and Secondary Schools និងក្រុមប្រឹក្សាជាតិ សម្រាប់សាលាឯកជន។ តើខ្ញុំអាចធ្វើដំណើជុំវិញទីក្រុងដោយរបៀបណា?មានជម្រើសដឹកជញ្ជូនជាច្រើនក្នុងខណ្ឌដូនពេញដែលដឹកជញ្ជូនដោយស្ថានីយជាច្រើនដោយភ្ជាប់ទំនាក់ទំនងជាមួយតំបន់មួយចំនួននៅតាមខេត្ត និងទីក្រុងនៃប្រទេសកម្ពុជា។ ស្ថានីយរថភ្លើងកម្ពុជាគឺជាស្ថានីយមួយក្នុងចំណោមស្ថានីយនៅក្នុងប្រទេសម្ពុជា ហើយស្ថានីយ នេះអាចដឹកអ្នកដំណើទៅខេត្តកំពត និងព្រះសីហនុ។ ស្ថានីយមួយចំនួនទៀតរួមមានស្ថានីយរថយន្តតាក់ស៊ីបាត់ដំបង ស្ថានីយឡានក្រុងផ្សារធំថ្មី ស្ថានីយឡានក្រុងលឿន G.S.T ស្ថានីយឡានក្រុងសាកលវិទ្យាល័យឱសថសាស្រ្ត ស្ថានីយឡានក្រុង BKC ស្ថានីយឡានក្រុង៣៦តាមមហាវិថីព្រះមុនីវង្ស កំពង់ចម្លងភ្នំពេញ ស្ថានីយឡាន ក្រុងពេទ្យព្រះកេតុមាលា ស្ថានីយឡានក្រុងមន្ទីរពេទ្យកាល់ម៉ែត ស្ថានីយឡានក្រុងរង្វង់មូលស្តាតចាស់ ស្ថានីយឡានក្រុងGiant​Ibis ស្ថានីយLarryta Express terminal និង ស្ថានីយមណ្ឌលសុខភាពខណ្ឌដូនពេញ។ មានតុតុ និងម៉ូតូឌុបជាច្រើនផងដែរនៅក្នុងតំបន់នេះ ប៉ុន្តែអ្នកក៏អាចប្រើប្រាស់យានយន្ត និងកង់ របស់អ្នកដើម្បីធ្វើដំណើរជុំវិញខណ្ឌដូនពេញបានដែរ។ ហើយក៏មានឡានដឹកជញ្ជូនទៅតំបន់ផ្សេងៗនៃទីក្រុងភ្នំពេញដែរតាមរយៈផ្លូវសំខាន់ៗព័ទ្ធជុំវិញខណ្ឌដូនពេញ។តើត្រូវធ្វើដូចម្ដេចបើខ្ញុំឈើ? តើមានមណ្ឌលសុខភាពដែរឬទេក្នុងខណ្ឌដូនពេញ?ក្នុងខណ្ឌដូនពេញជាខណ្ឌដែលមានសាកលវិទ្យាល័យពេទ្យ មណ្ឌលសុខភាព មន្ទីរពេទ្យ និងឱសថស្ថានជាច្រើនស្ថិតនៅក្នុងតំបន់នេះដែរ។ ឱសថស្ថាននៅក្នុងខណ្ឌមាន ឱសថស្ថាន Gold Palace នៅតាមបណ្ដោផ្លូវជាតិលេខ៥ ឱសថស្ថាន the Pharmart UHS និងឱសថស្ថាន Pharmacie De La Gare តាមបណ្ដោយមហាវិថីព្រះមុនីវង្ស ឱសថស្ថាន U-Care នៅតាមបណ្ដោយមហាវិថីព្រះនរោត្ដម និង U Care នៅតាមបណ្ដោយមហាវិថីសម្ដេចសុធារស។ មជ្ឈមណ្ឌលក្នុងខណ្ឌដូនពេញមានដូចជា៖ មណ្ឌលសុខភាពខណ្ឌដូនពេញ មន្ទីរពេទ្យកាល់ម៉ែតនៅលើផ្លូវ៨០ មន្ទីពេទ្យបាយ័ន្ត នៅតាមមហាវិថីព្រះនរោត្ដម មន្ទីរពេទ្យព្រះកេតុមាលា នៅតាមផ្លូវ៤៧ និងមន្ទីរពេទ្យព្រះអង្គឌួង។ សម្រាប់ការថែទាំសុខភាពធ្មេញ មានពេទ្យធ្មេញ  Roomchang ស្ថិតនៅលើផ្លូវ១៨៤ក្នុងសង្កាត់ផ្សារថ្មី៣។ នេះត្រូវបានគេស្គាល់ថាជាមន្ទីរពេទ្យធ្មេញដែលឈានមុខគេក្នុងប្រទេសកម្ពុជា។តើខណ្ឌដូនពេញអាចមានគ្រោះធម្មជាតិដែរឬទេ? ខណ្ឌដូនពេញអាចមានទឹកជំនន់ ថ្មីៗនេះសេក្ដីរាយការណ៏មួយបានរាយការណ៏ពីខណ្ឌដូនពេញមានសង្កាត់ផ្សារថ្មី ខណ្ឌចំការមន មានសង្កាត់ទន្លេបាសាក់ និងខណ្ឌទួលគោកមាន ផ្សារដើមគរត្រូវបានលិចទឹក។ ការខិតខំប្រឹងប្រែងរបស់រដ្ឋាភិបាលដើម្បីកាត់បន្ថយការលិេចទឹកកំពុងតែត្រូវបានធ្វើឡើងយ៉ាងប្រញាប់ប្រញាល។ មានស្ថានីយបូមទឹកច្រើនជាង១០ ក្នុងទីក្រុងភ្នំពេញបន្ទាប់ពីមានការសាងសង់ស្ថានីយបូមទឹកបានចាប់ផ្ដើមក្នុងឆ្នាំ ២០១៥។ អ្នកនាំពាក្យសាលាក្រុង លោក ជិន ប៊ុនធឿន បាននិយាយថា “ផ្អែកលើស្ថានីយបូមទឹកថ្មីៗដែលបំពាក់ដោយឧបករណ៍គ្រប់គ្រាន់ជាមួយកម្លាំងបូបខ្លាំងដែលពួកយើងបានរៀបចំឡើង រដ្ឋាភិបាលធានាថាទី ក្រុងភ្នំពេញនឹងមិនលិចទឹកម្ដងទៀតនោះទេ។”ប្រសិនបើអ្នកចង់ឱ្យប្រាកដថាកន្លែងដែលអ្នកនឹងទៅរស់នៅគ្នានបញ្ហាទឹកជំនន់ អ្នកត្រូវត្រួតពិនិត្យ មើលតំបន់ជុំវិញ ឬមើលទីតាំងអចលនទ្រព្យនោះដោយផ្ទាល់។ កត្តាទាំងនេះតែងតែមិនមានភាពទាក់ទាញហើយស្ថិតនៅបន្ទាត់ក្រោមបំផុតអ្នកក៏អាចពិនិត្យមើលឱ្យបានច្បាស់នូវឬសគល់នៃអចលនទ្រព្យ នោះ។ ប្រសិនបើអ្នកបានទិញឬជួលផ្ទះរួចរាល់ហើយអ្នកត្រូវអានអត្ថបទនេះហើយធ្វើដំណើជុំវិញទីក្រុងអំឡុងពេល ទឹកជំនាន់អ្នកនឹងអាចគ្រប់គ្រងបានដោយប្រើប្រាស់តុតុឬតាក់ស៊ី។ ព្យុះក្នុងប្រទេសកម្ពុជាជាធម្មតាគឺខ្យល់ដូច្នេះអ្នកអាចពាក់អាវក្រាស់ៗដែលមិនជ្រាបទឹក និងមិនអាចជ្រាបទឹកបានអាចប្រសើជាងការប្រើប្រាស់ឆ័ត្រ។ ឥឡូវអ្នកដឹងព័ត៌មានខ្លះហើយ សូមស្វែងយល់បន្ថែមអំពីអចលនទ្រព្យបន្ថែម៖អចលនទ្រព្យសម្រាប់ជួលក្នុងខណ្ឌដូនពេញ អចលនទ្រព្យសម្រាប់លក់ក្នុងខណ្ឌដូនពេញ

ប្រសិនបើអ្នកចង់ទិញផ្ទះក្នុងរាជធានីភ្នំពេញអ្នកត្រូវដឹងអំពីចំណុចសំខាន់ដូចជា៖ តម្លៃ គុណភាព និងទីតាំង។ ប៉ុន្តែមានកត្តាផ្សេងៗទៀតដែលអ្នកត្រូវយល់ដោយខ្លួនឯងមុននឹងអ្នកសម្រេចចិត្តទិញផ្ទះក្នុងរាជធានីភ្នំពេញ។Realestate.com.kh បានធ្វើការណែនាំជាជំហ៊ានៗដើម្បីជ្រើសរើសផ្ទះដ៏ត្រឹមត្រូវក្នុងរាជធានីភ្នំពេញ។ តើមានប្រភេទផ្ទះអ្វីខ្លះសម្រាប់លក់ក្នុងរាជធានីភ្នំពេញ?មានប្រភេទអចលនទ្រព្យមួយចំនួនដែលអ្នកត្រូវស្វែងយល់មុននឹងសម្រេចចិត្តថាទិញ ជាទូទៅក្នុងប្រទេសកម្ពុជាមានប្រភេទលំនៅដ្ឋានដូចជា៖ ផ្ទះល្វែង វីឡា បុរី និងខុនដូ។ប្រភេទផ្ទះនីមួយៗមានលក្ខខណ្ឌ និងសិទ្ធិក្នុងការកាន់កាប់ខុសគ្នាបន្តិច ចំណែកឯការផ្គត់ផ្គង់ក្នុងទីផ្សារក៏មានច្រើនសម្រាប់លោកអ្នកជ្រើសរើស។ ការជ្រើសរើសប្រភេទផ្ទះអាស្រ័យលើទំហំគ្រួសាររបស់អ្នក ថវិការរបស់អ្នក និងការធ្វើដំណើរទៅកន្លែងធ្វើការរបស់អ្នកហើយប្រភេទនៃផ្ទះនីមួយៗផ្ដល់នូវគុណសម្បត្តិ និងគុណវិបត្តិផ្សេងៗគ្នា។ ហើយទាក់ទងទៅនឹងម្ចាស់ផ្ទះអាស្រ័យលើថាតើអ្នកជាជនជាតិខ្មែរ ឬមិនមែនហើយអចលនទ្រព្យមួយចំនួនប្រហែលជាមិនមានសម្រាប់ឱ្យអ្នកទិញនោះទេ។ផ្ទះល្វែងសម្រាប់លក់ក្នុងរាជធានីភ្នំពេញ៖តើអ្វីជាផ្ទះអាជីវកម្ម?ផ្ទះល្វែងនេះក៏ត្រូវបានគេស្គាល់ថាជា ថោនហៅស៍ ផ្ទះល្វែង ឬវីឡាកូនកាត់ ដែលត្រូវបានហៅផ្សេងៗគ្នាតាមស្តង់ដារនៃគម្រោងរបស់ខ្លួន។ ផ្ទះល្វែងប្រភេទនេះមានទីតាំងនៅជាប់ផ្លូវ មានហាងប្រកបរបរអាជីវកម្មនៅជាន់ផ្ទាល់ដី និងនៅលើជាន់ផ្ទាល់ដី។ ដូច្នេះហើយបានជាយើងហៅថា “ផ្ទះអាជីវកម្ម”។ គម្រោងផ្ទះល្វែងអាជីវកម្មជាទូទៅមានទំហំ ៤x១៦ ម៉ែត្រ ហើយជាទូទៅមានកម្ពស់ ២ ទៅ ៣ ជាន់។ គម្រោងផ្ទះល្វែងអាជីវកម្មជាធម្មតាត្រូវបានសាងសង់ឡើងជាប់គ្នា។គម្រោងផ្ទះអាជីវកម្មត្រូវបានសាងសង់ឡើងក្នុងទីប្រជុំជននៃទីក្រុងផ្ដល់នូវអត្ថប្រយោជន៍ជាច្រើន ដោយនៅខាងមុខផ្ទះអាចធ្វើជាភោជនីយដ្ឋាន ហាងលក់ទំនិញ ឬតូបលក់តូចៗ។ ក៏ប៉ុន្តែផ្នែកដែលនូវសល់នៃផ្ទះនៅតែត្រូវបានប្រើប្រាស់សម្រាប់ការរស់នៅរបស់គ្រួសារ។ ការនិយាយដូច្នេះមានន័យថាអ្នកមិនចាំបាច់ទៅជួលតូបអីនោះទេព្រោះថាអ្នកមានផ្ទះល្វែងអាជីវកម្មហើយ។ជាទូទៅផ្ទះល្វែងអាជីវកម្មមិនមានទីធ្លាខាងមុខនោះទេ ហើយជាធម្មតាមានទីធ្លានៅខាងក្រោយផ្ទះ។ ហើយជាធម្មតាវាស្ថិតនៅជាប់ៗគ្នា ប៉ុន្តែវាមានច្រកចូលខាងមុខនិងខាងក្រោយយ៉ាងមានសុវត្ថិភាពខ្ពស់និងមានបំពាក់កាមេរ៉ាសុវត្ថិភាពថែមទៀតផង។ ចំពោះចំណតរថយន្តតែងតែលំបាកសម្រាប់ផ្ទះល្វែងប្រភេទនេះ ក៏ប៉ុន្តែម្ចាស់ផ្ទះល្វែងអាចចតឡានរបស់ពួកគេក្នុងបន្ទប់ជាន់ខាងក្រោមសម្រាប់ជាសុវត្ថិភាពនៅពេលយប់បានដែរ។ មានប្រភេទផ្ទះល្វែងអាជីវកម្មផ្សេងៗគ្នាមានដូចជា៖ ផ្ទះល្វែងអាជីវកម្មបែបខ្មែរមានការច្នៃម៉ូតបែបបុរាណ និងការរចនាម៉ូតខាងក្នុងល្អសមរម្យ។ ប៉ុន្តែផ្ទះល្វែងអាជីវកម្មបែបទំនើប និងអុឺរ៉ុបមានការរចនាម៉ូតឡើងបែបមសម័យហើយការតុបតែងផ្នែកខាងក្នង និងសេវាកម្មដែលជនបរទេសត្រូវការជាពិសេសដូចជា៖ បន្ទប់ទឹក បន្ទប់កម្ដៅ និងម៉ាស៊ីន ត្រជាក់បែបទំនើបជាដើម។ វាពិតជាពិបាកក្នុងការកត់សម្គាល់នូវភាពខុសគ្នាចំពោះផ្នែកខាងក្រៅ ខ្លាំងណាស់ពីព្រោះផ្ទះល្វែងអាជីវកម្មបែបអ៊ឺរ៉ុបឆ្លុះបញ្ចាំងតែពីភាពខាងក្នុងតែប៉ុណ្ណោះ។តម្លៃគ្រប់គ្រងអចលនទ្រព្យនៃការថែរក្សានិងការគ្រប់គ្រងផ្ទះល្វែងអាជីវកម្មត្រូវបានចូលទៅក្នុងប្រភេទអចលនទ្រព្យដែលមានទំហំតូច។ ផ្ទះល្វែងអាជីវកម្មបង្កើតឡើងគឺត្រូវបានធ្វើឡើងដើម្បីជាកន្លែងដែលផ្តល់ភាពងាយស្រួលក្នុងការដើរដើម្បីធ្វើការដើរ ទិញទំនិញពីហាងមួយទៅហាងមួយ។តើផ្ទះល្វែងអាជីវកម្មអាចលិចទឹកដែរទេនៅក្នុងរដូវវស្សា?ដោយសារតែអ្នកស្ថិតនៅលើជាន់ផ្ទាល់ដីសូមមានការប្រុងប្រយ័ត្នចំពោះការទិញផ្ទះក្នុងតំបន់លិចទឹក។ សូមមេត្ថាពិនិត្យមើលជាមួយម្ចាស់ផ្ទះមុន និងអ្នកជិតខាងថាតើផ្ទះថ្មីរបស់អ្នកអាចលិចទឹកដែរឬទេ។ ប្រសិនបើវាលិចអ្នកត្រូវតែរៀបចំឱ្យរួចរាល់  ក៏ដូចជាមានការប្រុងប្រយ័ត្នខ្ពស់នៅពេលដែលមានភ្លៀងធ្លាក់។ ប្រសិនបើអ្នកទិញផ្ទះនៅកន្លែងដែលលិចទឹកការទិញផ្ទះបែបនេះគួតែមានតម្លៃទាប។តើជនបរទេសអាចទិញផ្ទះល្វែងអាជីវកម្មបានដែរឬទេ? ជនបរទេសអាចកាន់កាប់ផ្ទះល្វែងតាមភាគីតំណាងបាន នៅពេលដែលវិនិយោគិនដែលជាជនបរទេសចូលមកវិនិយោគដោយមានកិច្ចព្រមព្រៀងជាមួយម្ចាស់ផ្ទះ។ ដី ឬអចលនទ្រព្យត្រូវបានដាក់ជាកម្ចីអ៊ីប៉ូតែក ហើយត្រូវបានធ្វើការជួលទៅឲ្យជនបរទេសនោះ។ អ្នកត្រូវមាន​កិច្ចសន្យាកម្ចីទិញផ្ទះមួយ កិច្ចសន្យាជួល កិច្ចសន្យាយល់ព្រមផ្ដល់ប្រាក់កម្ចី និងកិច្ចសន្យាសុវត្ថិភាព។ ក៏ប៉ុន្តែការទិញតាមភាគីតំណាងនេះអាចមានហានិភ័យកើតឡើង។ យើងអាចនិយាយបានថាវានៅតែផ្ទុយពីរដ្ឋធម្មនុញនៃច្បាប់ភូមិបាលនៃប្រទេសកម្ពុជា។ ផ្ទះល្វែងដែលមានកម្ពស់ ៣ ជាន់នឹងមិនមានប័ណ្ណកម្មសិទ្ធិនោះទេសម្រាប់ជាន់ទី២ និងទី៣ ពីព្រោះវាត្រូវបានសាងសង់ឡើងមុននឹងច្បាប់ចេញជាធរមានក្នុងឆ្នាំ២០១០ ហើយ ម្ចាស់កម្មសិទ្ធិប្រហែលជាត្រូវបង្កើតប័ណ្ណកម្មសិទ្ធិ ទោះជាយ៉ាងណាក៏ដោយជនបរទេសមិនអាចទិញផ្ទះល្វែង ដូចពួកគេទិញខុនដូនោះទេ។ស្វែងយល់អំពីការទិញផ្ទះល្វែងអាជីវកម្មតាមរយៈប័ណ្ណកម្មសិទ្ធិរួម ស្វែងយល់បន្ថែមអំពីប័ណ្ណកម្មសិទ្ធិផ្សេងៗគ្នានៅក្នុងប្រទេសកម្ពុជាសម្រាប់ជនជាតិកម្ពុជាតើគួរទិញផ្ទះល្វែងអាជីវកម្មជាមួយប្លង់រឹង ឬប្លង់ទន់?ចំពោះប្រជាជនកម្ពុជាណាដែលចង់ទិញផ្ទះល្វែងត្រូវចងចាំថាផ្ទះល្វែងជាច្រើនត្រូវបានលក់ចេញត្រឹមតែប្លង់ទន់តែប៉ុណ្ណោះ។ ពីព្រោះប្លង់ទន់មានតម្លៃថោកហើយងាយនឹងទទួលបានការធ្វើបែបនេះនឹងមានហានិភ័យជាច្រើនទៅអនាគតពីព្រោះភាពជាម្ចាស់របស់អ្នកនៅមិនទាន់មានភាពច្បាស់លាស់នោះទេ។ សូមព្យាយាមទិញផ្ទះល្វែងណាដែលមានប្លង់រឹង ការទិញដូច្នេះនឹងមានតម្លៃកើនឡើងប្រហែល (៤% នៃតម្លៃអចលនទ្រព្យហើយនិងតម្លៃការិយាធិបតេយ្យមួយចំនួន) ហើយមានការធានាពីសិទ្ធិស្របច្បាប់ទៀតផង។ត្រូវចងចាំថាប្រសិនបើអ្នកលក់មិនអាចផ្ដល់ឱ្យប្លង់រឹងក្នុងភាពជាម្ចាស់អចលនទ្រព្យ ឬមានភាពមិនច្បាស់លាស់អំពីការផ្តល់ជូនប្លង់ នេះអាចមានបញ្ហាមួយចំនួនជាមួយនឹងប្លង់នោះមិនខាន។ ដូច្នេះអ្នកត្រូវព្យាយាមស្វែងយល់បន្ថែមអំពីប័ណ្ណកម្មសិទ្ធិ និងម្ចាស់ពិតនៃអចលនទ្រព្យនោះមុននឹងអ្នកប្រគល់ថវិការជូនទៅម្ចាស់គម្រោង។ឯកសារការរៀបចំគម្រោង និងគ្រប់គ្រងដីប័ណ្ណកម្មសិទ្ធិក៏អាចត្រូវបានប្រើប្រាស់បានដែរ។ នេះចាត់ទុកថាជាប្រភេទមួយដែលសុវត្ថិភាពបំផុតនៃប័ណ្ណកម្មសិទ្ធិដីពីព្រោះវាប្រើប្រាស់ប្រព័ន្ធជីភីអេសដោយដៅទីតាំងដីលើផ្ទះល្វែងនោះ។ ការធ្វើដូច្នេះអាចបង្ហាញពីព្រំដែននៃដីដែលបានទិញ។ វាមិនមានភាពខុសគ្នាពីប្លង់រឹងនោះទេតាមពិតទៅវាគ្រាន់តែបន្ថែមព័ត៌មានលម្អិតបន្ថែមតែប៉ុណ្ណោះ។ ជាងនេះទៅទៀតប្រសិនបើអ្នកអាចទទួលបានប័ណ្ណកម្មសិទ្ធិប្រភេទនេះអ្នកនឹងមានសុវត្ថិភាពខ្ពស់ដើម្បីអះអាងថាផ្ទះនោះជាកម្មសិទ្ធិពិតរបស់អ្នកនៅពេលអនាគត ពីព្រោះអ្នកមានការបញ្ជាក់ពីព្រំប្រទល់ជាក់លាក់នៃភាពជាម្ចាស់របស់អ្នក។ចង់ទិញផ្ទះល្វែងអាជីវកម្មនៅក្នុងក្រុងភ្នំពេញមែនទេ? ស្វែងរកផ្ទះល្វែងអាជីវកម្មនៅក្នុងក្រុងភ្នំពេញឥឡូវនេះ!វីឡាសម្រាប់លក់នៅក្នុងក្រុងភ្នំពេញ៖តើអ្វីជាវីឡា?វីឡាគឺជាប្រភេទផ្ទះដែលមានច្រកចូលធំទូលាយ។ វាគ្រាន់តែបង្ហាញពីភាពខុសគ្នារវាងវីឡាខ្មែរដែលថាវាត្រូវបានគេសាងសង់ឡើងដាច់ពីគេហើយមានទីធ្លាខាងមុខផ្ទះធំទូលាយ។ អ្នកប្រហែលជាអាចច្រឡំនូវពាក្យពីរទៀតគឺ វីឡាភ្លោះ និងវីឡាកូនកាត់។ នេះមានន័យថាផ្ទះនោះត្រូវបានគេសាងសង់ផ្ដាច់ពីគេឬក៏តូចជាង។  ទីធ្លាខាងមុខជាធម្មតាមានដើមឈើ ទេសភាពព័ណ៌បៃតង ឬសួនផ្កា។ អត្ថប្រយោជន៏របស់ទីធ្លាមុខផ្ទះគឺអាចឱ្យ អ្នកចតឡាន និងម៉ូតូរបស់អ្នកយ៉ាងមានសុវត្ថិភាព។អ្នកក៏អាចលេងជាមួយសត្វចិញ្ចឹម និងគ្រួសាររបស់អ្នកនៅទីនោះបានដែរ។ មានផ្ទះវីឡាជាមធ្យោបាយមួយដែលមានភាពស្ងប់ស្ងាត់ សុវត្ថិភាព និងមានបរិយាកាសរស់នៅឯកជនជាងផ្ទះល្វែងធម្មតា។ ពេលខ្លះអាចមានអាងហែលទឹកសម្រាប់កម្សាន្តទៀតផង ក៏ប៉ុន្តែអ្នកក៏ត្រូវការថែទាំវាជាចាំបាច់ផងដែរ។ចំពោះអ្នកមានវីឡាមិនថាតូចឬធំនោះទេវាមានទីធ្លាធំទូលាយ ហើយមានការរចនាម៉ូតជាច្រើនសម្រាប់ ជ្រើសរើសទៀតផង។ វីឡាប្រភេទនេះមានគ្រប់ទីកន្លែងតាមតាមបែបរចនារបស់ខ្មែរ រចនាបែបបារាំង ដើម្បីឆ្លើយតបទៅតាមសម័យទំនើប។ ពីព្រោះវីឡារបស់អ្នកសមស្របនឹងគ្រួសារហើយប្រសិនបើអ្នកទិញក្នុងទីប្រជុំជនវិញវាពិតជាមានសក្ដានុពលសម្រាប់ការជួល ត្រលប់ពីគ្រួសារផ្សេង ឬអ្នកជួលជាក្រុមបានផងដែរ។តើវីឡាអាចលិចទឹកដែរឬទេក្នុងរដូវវស្សា?ដោយសារតែអ្នកស្ថិតនៅលើជាន់ផ្ទាល់ដីសូមមានការប្រុងប្រយ័ត្នចំពោះការទិញផ្ទះក្នុងតំបន់លិចទឹក។ សូមមេត្ថាពិនិត្យមើលជាមួយម្ចាស់ផ្ទះមុន និងអ្នកជិតខាងថាតើផ្ទះថ្មីរបស់អ្នកអាចលិចទឹកដែរឬទេ។ ប្រសិនបើវាលិចអ្នកត្រូវតែរៀបចំឱ្យរួចរាល់  ក៏ដូចជាមានការប្រុងប្រយ័ត្នខ្ពស់នៅពេលដែលមានភ្លៀងធ្លាក់។ ប្រសិនបើអ្នកទិញផ្ទះនៅកន្លែងដែលលិចទឹកការទិញផ្ទះបែបនេះគួតែមានតម្លៃទាប។តើជនបរទេសអាចទិញវីឡាក្នុងទីក្រុងភ្នំពេញបានដែរឬទេ? ចម្លើយដ៏សាមញ្ញគឺមិនអាចទេ ប៉ុន្តែជនបរទេសអាចមានជម្រើសគឺប្រើប្រាស់ភាគីតំណាងដូចទៅនឹងផ្ទះល្វែងបានដែរ។ ស្វែងយល់បន្ថែមអំពីការទិញវិឡាតាមរយៈប័ណ្ណកម្មសិទ្ធិរួម ស្វែងយល់បន្ថែមអំពីប័ណ្ណកម្មសិទ្ធិផ្សេងៗគ្នានៅក្នុងប្រទេសកម្ពុជាសម្រាប់ជនជាតិកម្ពុជាតើគួរទិញផ្ទះល្វែងអាជីវកម្មជាមួយប្លង់រឹង ឬប្លង់ទន់?ចំពោះប្លង់ទន់មិនថ្វីទេប្រសិនបើអ្នកប្រាកដថាមិនមានជម្លោះជាមួយម្ចាស់វីឡាទេនោះ។ ប៉ុន្តែប្លង់រឹងគឺជាភស្ដុតាងដ៏ធំសម្រាប់សំអាងភាពជាម្ចាស់កម្មសិទ្ធិ។ វាគឺជាប័ណ្ណកម្មសិទ្ធិដែលបានផ្ដល់ឱ្យដោយក្រសួងរៀបចំដែនដីនគរូបនីយកម្មនិងសំណង់។ វាបញ្ជាក់ពីព័ត៌មានលម្អិតដែលទទួលស្គាល់ដោយការិយាល័យសុរិយោដី និងក្រសួងគ្រប់គ្រង់ដែនដីនគរូបនីយកម្មនិងសំណង់ជាខ្នាតជាតិ។ ពន្ធផ្ទេរប្លង់កម្មសិទ្ធិ៤%ត្រូវបានបង់នៅពេលដែលអចលនទ្រព្យនោះត្រូវបានលក់ គម្រោងរៀបចំ​និងគ្រប់គ្រងដែនដីប័ណ្ណកម្មសិទ្ធិក៏ត្រូវបានប្រើប្រាស់ដើម្បីកំណត់តាមប្រព័ន្ធជីភីអេសក្នុងប្លង់ដីនោះ។ស្វែងរកវីឡាសម្រាប់លក់ក្នុងក្រុងភ្នំពេញឥឡូវនេះ!បុរីសម្រាប់លក់ក្នុងរាជធានីភ្នំពេញ៖ គម្រោងអភិវឌ្ឍន៏បុរីជម្រើសដ៏ល្អមួយទៀតគឺការទិញផ្ទះក្នុងគម្រោងអភិវឌ្ឍន៏បុរី  វាគឺជាជម្រើសល្អមួយពីព្រោះវាមានន័យថាផ្ទះថ្មីរបស់អ្នកនឹងត្រូវបានព័ទ្ធជុំវិញដោយហេដ្ឋារចនាសម្ព័ន្ធត្រឹមត្រូវ​ដូចជា៖ ប្រព័ន្ធទឹក ភ្លើង និងផ្លូវថ្នល់។ វាក៏មានន័យថាមានសុវត្ថិភាពក្នុងការរស់ នៅក្នុងសហគមរួមគ្នា និងមានកន្លែងសមរម្យមួយសម្រាប់គ្រួសាររបស់អ្នកដើម្បីរីករាយនឹងវាផងដែរ។តើអ្វីជាគម្រោងអភិវឌ្ឍន៍បុរី?គម្រោងអភិវឌ្ឍន៏បុរីត្រូវបានគេចាត់ថ្នាក់ជាក្រុមអចលនទ្រព្យលំនៅដ្ឋានមានការកើនឡើងទាបស្ថិតនៅក្នុងសហគម។​ គម្រោងនេះរួមមាន៖ វីឡា ផ្ទះល្វែង ថោនហោស​ ផ្ទះល្វែងអាជីវកម្ម ពេលខ្លះមានគម្រោងខុនដូផងដេរ។ គម្រោងអភិវឌ្ឍន៏បុរីមានប្រភេទអចលនទ្រព្យផ្សេងៗគ្នាដែលមានផ្ដល់ការស្នាក់នៅទាំងគ្រួសារ និងបុគ្គល។ វាជាធម្មតាមានហេដ្ឋារចនាសម្ព័ន្ធផ្ទាល់ខ្លួន និងសេវាកម្មដែលមានដូចជា៖ ផ្លូវថ្នល់ ប្រព័ន្ធទឹកភ្លើង និងការគ្រប់គ្រងអចលនទ្រព្យ។ ក៏ប៉ុន្តែចំណុចដែលលក់ដាច់បំផុតរបស់បុរីគឺទីធ្លាដ៏ធំរបស់ខ្លួន និងសុវត្ថិភាព ជាពិសេសមានភាពស្ងប់ស្ងាត់ និងភាពប្រណិតក្នុងការរស់នៅ។តើខ្ញុំអាចទិញផ្ទះបុរីបានដែរឬទេប្រសិនបើខ្ញុំមិនមែនជាជនជាតិខ្មែរ?ជនបរទេសមិនអនុញាតឱ្យទិញផ្ទះក្នុងបុរីឡើយពីព្រោះគឺជាអចលនទ្រព្យជាប់ដី។ ក្នុងមាត្រា៨នៃច្បាប់ភូមិបាលបានថ្លែងថា “ ជនបរទេសដែលក្លែងបន្លំសញ្ជាតិខ្មែរដើម្បីក្លាយជាម្ចាស់កម្មសិទ្ធិដីក្នុងប្រទេសកម្ពុជានឹងត្រូវបានពិន័យទៅតាមការកំណត់ក្នុងមាត្រា២៥១នៃច្បាប់នេះ។ អចលនទ្រព្យដែលបានមកដោយលក្ខខ័ណ្ណនេះនឹងត្រូវរឹបអូសទៅជាសម្បត្តិរដ្ឋដោយគ្មានការទូទាត់សំណងពីរដ្ឋឡើយ។” ក៏ប៉ុន្តែបុរីមួយចំនួនមានយូនីតខុនដូជាប័ណ្ណកម្មសិទ្ធិពេញលេញសម្រាប់អ្នកទិញជាជនបរទេស។ ហើយផងដែរនោះអ្នកទិញជាជនបរទេសក៏អាចទិញផ្ទះក្នុងបុរីបានដែរគឺតាមរយៈភាគីតំណាង។ស្វែងយល់បន្ថែមអំពីការទិញវិឡាតាមរយៈប័ណ្ណកម្មសិទ្ធិរួម ស្វែងយល់បន្ថែមអំពីប័ណ្ណកម្មសិទ្ធិផ្សេងៗគ្នានៅក្នុងប្រទេសកម្ពុជាខ្ញុំជាជនជាតិខ្មែរ តើខ្ញុំអាចទិញផ្ទះដោយស្របច្បាប់សម្រាប់លក់ក្នុងបុរីបានដែរឬទេ?ប្រជាជនកម្ពុជាអាចទិញអចលនទ្រព្យជាប់ដីក្នុងគម្រោងអភិវឌ្ឍន៏បុរីបានដោយគ្មានបញ្ហានោះទេ ដោយគ្រាន់តែតម្រូវឲ្យមានហិរញវត្ថុគ្រប់គ្រាន់ និងឯកសារផ្លូវច្បាប់ត្រឹមត្រូវតែប៉ុណ្ណោះ។តើឯកសារអ្វីខ្លះដែលខ្ញុំត្រូវតែដឹងនៅពេលសម្រេចិត្តទិញផ្ទះថ្មីក្នុងគម្រោងអភិវឌ្ឍន៏បុរី?អ្នកអភិវឌ្ឍន៍ជាច្រើនបានហៅខ្លួនឯងថាបុរី ប៉ុន្តែជាក់ស្តែងមានតែឈ្មោះតែប៉ុណ្ណោះដោយគ្មានការទទួលស្គាល់ ឬឯកសារផ្លូវច្បាប់ណាមួួយឡើយ ការហៅបែបនេះដើម្បីធ្វើពាណិជ្ជកម្មផ្សព្វផ្សាយតែប៉ុណ្ណោះ។ អ្នកទិញត្រូ​វតែពិនិត្យឲ្យបានច្បាស់លាស់មុននឹងសម្រេចចិត្តទិញតួយ៉ាងមានឯកសារធំៗចំនួន៥ដែលអាចធ្វើឲ្យយើងប្រាកដក្នុងចិត្តមុនពេលអ្នកសម្រេចចិត្តទិញ។ ឯកសារចាំបាច់សំខាន់ៗទាំង៥មានដូចជា៖ ប្លង់រឹង លិខិតចុះបញ្ជីក្រុមហ៊ុន ផែនការមេអាជ្ញាប័ណ្ណសាងសង់ និងអាជ្ញាប័ណ្ណបុរី។ប្លង់រឹង៖ អ្នកត្រូវប្រាកដថាម្ចាស់គម្រោងមានសិទ្ធិកាន់​កាប់ស្របច្បាប់ទៅលើគម្រោងអភិវឌ្ឍន៍​នេះ ហើយ​គម្រោងបុរីដែលអ្នកមានបំណងទិញត្រូវមានប្លង់រឹងមេមួយដែល​ត្រូវ​ធ្វើ​ការបែង​ចែក​ប្លង់រឹងទៅឲ្យម្ចាស់ផ្ទះនីមួយៗជាចំាបាច់។  ឯកសារខាងលើវាពិតជាចំណុចចាំបាច់ត្រូវយល់ដឹងដើម្បីកុំឲ្យមានការខាតបង់ថវិការជា​យ​ថាហេតុនៅពេលអ្នកទិញគម្រោងបុរីណាមួយ។លិខិតចុះបញ្ជីក្រុមហ៊ុន៖ សម្រាប់ក្រុមហ៊ុនអភិវឌ្ឍន៍ទំាងអស់ត្រូវមកចុះបញ្ជីនៅក្រសួងពាណិជ្ជកម្មដើម្បីទទួលសិទ្ធិក្នុងការប្រកបរបរអាជីវកម្មនេះជាកាតព្វកិច្ចដែលក្រុមហ៊ុនអភិវឌ្ឍន៍ត្រូវតែបំពេញជាចាំបាច់។ នៅពេលដែលគម្រោងមួយមានលិខិតចុះបញ្ជីក្រុមហ៊ុនគ្រាន់តែចង់ប្រាកដថាគម្រោង និងអ្នកអភិវឌ្ឍន៍ដំណើរការគម្រោងអភិវឌ្ឍន៍គម្រោងនេះដោយស្របច្បាប់។ផែនការមេ៖ ផែនការមេរបស់គម្រោងបុរីគឺជាប្លង់មេដ៏សំខាន់របស់គម្រោងប្លង់មេនឹងអាចប្រាប់ថាតើគម្រោងមានហេដ្ឋារចនាសម្ព័ន្ធដូចម្តេចមានប្លង់លំនៅដ្ឋានដូចម្ត៉េចមិនត្រឹមតែប៉ុណ្ណោះ​មុននឹងផ្តល់អាជ្ញាប័ណ្ណសាងសង់ទៅឲ្យគម្រោងអភិវឌ្ឍន៍ណាមួយក្រសួងរៀបចំដែនដីនគរូ​បនីយកម្ម​ និង​សំណង់បានតម្រូវឲ្យម្ចាស់គម្រោងធ្វើបទបង្ហាញពីផែនការមេច្បាស់លាស់ជាមុនសិន។  ការអភិវឌ្ឍន៍ទំាងអស់ត្រូវគោរពតាមគោលការណ៍នៃការ​ផែនការមេ​សម្រាប់​​​អភិវឌ្ឍន៍ទីក្រុង និយាយជារួមការមានផែនការមេមួយច្បាស់លាស់​វាពិតជាធ្វើ​ឲ្យ​គម្រោង​​បុរីនោះ​ធ្វើឡើងប្រកបដោយស្តង់ដារកាន់តែប្រសើរឡើង។អាជ្ញាប័ណ្ណសាងសង់៖ ក្រៅពីផែនការមេគម្រោងបុរីនោះត្រូវតែមានអាជ្ញាប័ណ្ណសាងសង់ត្រឹមត្រូវដែលចេញដោយ ក្រសួងរៀបចំដែនដីនគរូ​បនីយកម្ម​និង​សំណង់។   ដើម្បីទទួលបានអាជ្ញាប័ណ្ណនេះគម្រោងត្រូវមានផែនការមេ​មានប្រាក់តម្កល់២%ប្រភពប្រាក់ចំណូលច្បាស់លាស់ដើមទុនមានវត្ថុដាក់ធានាមានប្លង់ និងទ្រព្យផ្សេងៗទៀតដែលជួយគាំទ្រដល់គម្រោងនោះ។អាជ្ញាប័ណ្ណបុរី៖ ឯកសារសំខាន់ដែលអ្នកត្រូវតែត្រួតពិនិត្យផងដែរនោះគឺអាជ្ញាប័ណ្ណបុរីនៅពេលដែលបុរីមានឯកសារនេះហើយបានន័យថាបុរីនេះជាបុរីដែលទទួលស្គាល់ដោយ​​ក្រសួងសេដ្ឋកិច្ច។ តួយ៉ាងមានគម្រោងផ្ទះល្វែងមួយចំនួនដែលមានការសាងសង់មានភាព​ប្រហាក់ប្រហែលទៅនឹងគម្រោងបុរី ប៉ុន្តែពួកគេមិនបានបញ្ជីទទួលយកអាជ្ញាប័ណ្ណត្រឹមត្រូវជាមួយក្រសួងឡើយ​ដោយសារពួកគេចង់ជៀសវាងការចំណាយច្រើនក៏ដូចជាគេចវេសពីការត្រួតពិនិត្យបទដ្ឋានផ្លូវច្បាប់ផ្សេងៗ។ ដូច្នេះគម្រោងដែលមិនមានអាជ្ញាប័ណ្ណត្រឹមត្រូវពិតជាមានហានិភ័យខ្លាំងណាស់សម្រាប់អតិថិជន។ស្វែងយល់បន្ថែមអំពីការណែនាំក្នុងការទិញបុរីតាមរយៈ Realestate.com.kh តើខ្ញុំគួរតែទិញផ្ទះក្នុងបុរីដោយមានប្លង់រឹង ឬប្លង់ទន់?អ្នកត្រូវតែមើលប្លង់រឹងជាមុនសិននៅពេលដែលអ្នកចង់ទិញផ្ទះក្នុងបុរីពីព្រោះវាជាគម្រោងខ្នាតធំ។ កញ្ញា ឡាយ សុលីដា ជាមេធាវីនៅក្រុមហ៊ុនច្បាប់នៅក្នុងក្រុងភ្នំពេញបាននិយាយថា “គម្រោងបុរីគួរតែធ្វើឡើងដោយស្របច្បាប់ និងទទួលស្គាល់ដោយក្រសួងពាក់ព័ន្ធ រឿងដែលសំខាន់គឺថាគម្រោងសាងសង់បុរីមាន ប្លង់រឹងមេមួយ។”ការលើកឡើងដូចនេះគឺព្រោះតែវានៅតែជាជម្រើដែលមានសុវត្ថិភាពដើម្បីធានាបានថាអ្នកមានប្លង់រឹងឯកជនសម្រាប់ផ្ទះរបស់អ្នក។ នេះអាចសម្រេចបាន ប៉ុន្តែវាមានតម្លៃបន្ថែម៤%នៃតម្លៃដី។ នៅពេលដែលអ្នកទទួលបានប្លង់រឹងឯកជននេះអ្នកអាចរស់នៅបានដោយគ្នានការភ័យខ្លាចនឹងបញ្ហាប្លង់កម្មសិទ្ធិនៅេពេលអនាគតនោះឡើយ។ស្វែងរកមើល បុរីសម្រាប់លក់ក្នុងទីក្រុងភ្នំពេញឥឡូវនេះ! ខុនដូសម្រាប់លក់ក្នុងទីក្រុងភ្នំពេញ៖តើអ្វីជាខុនដូ?ខុនដូយូនីតស្ថិតនៅក្នុងអគារមួយជាមួយផ្ទះជាច្រើន ម្ចាស់កម្មសិទ្ធិនិមួយៗមានសិទ្ធិកាន់កាប់ផ្ទាល់រៀងៗខ្លួនទៅតាមផ្នែកក្នុងខុនដូនោះដូចជា៖ បន្ទប់កម្សាន្ត កន្លែងលេង សួនច្បារ និងក្លឹបកីឡា។ កន្លែងទាំងអស់នេះអ្នករស់ក្នុងខុនដូអាចប្រើប្រាស់បាន ក៏ប៉ុន្តែយូនីតខុនដូឯកជននៅតែមានម្ចាស់លំនៅដ្ឋានឯកជនមួយផ្សេងទៀត។ ខុនដូជាធម្មតាមានបុគ្គលិកជួយគ្រប់គ្រង និងចាំជួយនៅពេលដែលម្ចាស់ខុនដូត្រូវការ វាមានសន្តិសុខ និងកន្លែងចំណតរថយន្តផងដែរ។ខុនដូគឺជាលំនៅដ្ឋានដែលល្អសម្រាប់អ្នកដើម្បីចាប់ផ្ដើមជីវិតរស់នៅរបស់អ្នកតាមបែបសម័យថ្មី។ វាមានកន្លែងដែលអាចគ្រប់គ្រងបានជាមួយនឹងសេវាកម្មគ្រប់គ្រង និងសេវាកម្មផ្សេងៗ។ នេះមានន័យថាម្ចាស់ខុនដូមិនត្រូវការខិតខំថែរក្សា និងសំអាតនោះទេ។ ហើយជាធម្មតាវាស្ថិតនៅក្នុងទីក្រុងដូច្នេះហើយវាផ្ដល់នូវភាពងាយស្រួល និងចំណាយពេលតិចសម្រាប់អ្នកធ្វើដំណើរទៅធ្វើការនៅក្នុងទីក្រុង។ គយគនទេសភាពទីក្រុងជាមួយខ្យល់អាកាសស្រស់ស្រាយ និងអាកាសធាតុត្រជាក់។ យូនីតខុនដូមួយគឺមានភាពឯកជន ជាងផ្ទះដែលនៅដាច់ពីគេហើយមានសេវាសន្តិសុខសុវត្ថិភាពទៀតផង។ ខុនដូក្នុងទីក្រុងភ្នំពេញជាទូទៅមានមានភាពពេញនិយម មានការរចនាម៉ូតបែបអ៊ឺរ៉ុប និងមានការរចនាខាងក្នុងតាមបែបទាន់សម័យ។ តម្លៃសេវាកម្មថែទាំនឹងត្រូវគិតគ្រប់លំនៅដ្ឋានទាំងអស់នៅក្នុងខុនដូ ក៏ដូចជាមានបទបញ្ជាផ្ទៃក្នុងដើម្បីថែរក្សាខុនដូផងដែរ។តើជនបរទេសអាចទិញខុនដូក្នុងប្រទេសកម្ពុជាបានដែរឬទេ?ជនបរទេសក៏អាចទិញខុនដូ ហើយទទួលបានបណ្ណកម្មសិទ្ធិដោយស្របច្បាប់ក្នុងភាពជាម្ចាស់។ ក៏ប៉ុន្តែពួកគេអាចទិញបានត្រឹមតែខុនដូដែលអភិវឌ្ឍន៏ថ្មីប៉ុណ្ណោះពីព្រោះខុនដូដែលអភិវឌ្ឍន៏មុនឆ្នាំ២០១០មិនទាន់មានប័ណ្ណកម្មសិទ្ធិនៅឡើយទេ។ ពួកគេអាចកាន់កាប់បាន៧០% នៃយូនីតទាំងមូលក្នុងអគារ។ នៅ៣០%នឹងត្រូវបានកាន់កាប់ដោយជនជាតិខ្មែរ ភាពជាម្ចាស់៧០% មិនរាប់បញ្ចូលជាមួយនឹងម្ចាស់ជាន់ផ្ទាល់ដីឡើយ។តើអ្វីជាប្លង់កម្មសិទ្ធិរួម?ច្បាប់បានធ្វើវិសោធនកម្មថ្មីនៅថ្ងៃទី ២៤ ខែឧសភា ឆ្នាំ២០១០ទាក់ទងទៅនឹងភាពជាម្ចាស់កម្មសិទ្ទិរបស់ជនបរទេសនៃអចលនទ្រព្យ ប័ណ្ណកម្មសិទ្ធិអាច អនុញ្ញាតឱ្យជនបរទេសកាន់កាប់អគារជាសហកម្មសិទ្ធិបាន។ លក្ខខ័ណ្ណគឺថាជាបរទេសត្រូវបានអនុញ្ញាតឱ្យកាន់កាន់ត្រឹមតែ៧០%នៃអគារប៉ុណ្ណោះដោយមិនរាប់បញ្ចូលទាំងជាន់ផ្ទាល់ដីនោះទេ។ ដូច្នេះជនបរទេសមិនអាចប្រើប្រាស់ផ្ទះជាប់ដីដើម្បីលក់ក្នុងទីក្រុងភ្នំពេញបានឡើយ។ ក៏ប៉ុន្តែវាពិតជាមានសារៈសំខាន់ណាស់ដែល ត្រូវដឹងថាជនជាតិខ្មែរអាចទទួលបានអត្ថប្រយោជន៏ពីវាប្រសិនបើពួកគេសម្រេចចិត្ត អភិវឌ្ឍន៏អចលនទ្រព្យដោយមានប្លឹងកម្មសិទ្ធិនោះ។ ប្លង់កម្មសិទ្ធិត្រូវបានទទួលស្គាល់ដោយក្រសួងរៀបចំ​​ ដែនដីនគរូបនីយកម្ម និងសំណង់ហើយវាមានសុវត្ថិភាពដូចនឹងប្លង់រឹងដទៃទៀតក្នុងប្រទេសកម្ពុជាដែរ។តើខ្ញុំធ្វើយ៉ាងដូចម្ដេចដើម្បីទទួលបានប្លង់កម្មសិទ្ធិចំពោះខុនដូសម្រាប់លក់ក្នុងទីក្រុងភ្នំពេញ?ការបង្កើតប្លង់កម្មសិទ្ធិជាប់ទាក់ទងនឹងការស្នើសុំរបស់អ្នកអភិវឌ្ឍន៏ដី និងការទទួលបានប្លង់រឹងលើដីនោះ។  វាពិតជាមានសារៈសំខាន់ណាស់ដែលត្រូវចំណាំថាភាពជាម្ចាស់លើយូនីតឯកជនមិនអាចផ្ទេរបានតាមមធ្យោបាយប្លង់មេនោះបានទេ។ ការធ្វើដូច្នេះអាចធ្វើបានដោយការពុះប្លង់មេដែលស្ថិតនៅក្រោម ម្ចាស់កម្មសិទ្ធិ និងឈ្មោះរបស់អ្នកអភិវឌ្ឍន៏។ជំហ៊ានបន្ទាប់គឺសម្រាប់ក្រសួងរៀបចំដែនដីនគរូបនីយកម្ម និងសំណង់ដើម្បីពិនិត្យនូវការបង្កើតបទបញ្ជា និងការអនុវត្តទាក់ទងទៅនឹងការធានា និងការគ្រប់គ្រងរបស់អចលនទ្រព្យនោះ។ នៅពេលដែលធ្វើដូច្នេះរួចរាល់ហើយ ប្លង់កម្មសិទ្ធិនឹងចេញដោយក្រសួងទៅអ្នកអភិវឌ្ឍន៏ នេះមានន័យថាប្លង់ កម្មសិទ្ធិឯកជននីមួយៗអាចចែកជូនបានទៅឲ្យអតិថិជនបាន។ការផ្ទេរនឹងអំពាវនាវឱ្យតំណាងនៃម្ចាស់អចលនទ្រព្យ និងក្រុមគ្រួសាររបស់អ្នកទិញទៅក្រសួងរៀបចំដែនដីនគរូបនីយកម្ម និងសំណង់ដើម្បីព្រមព្រៀងធ្វើដំណើរការនៃការធ្វើប័ណ្ណកម្មសិទ្ធិរួមមួយនេះ។ ឯកសារទាំងនេះត្រូវតែជាភាសារខ្មែរ អ្នកទិញនឹងត្រូវបកប្រែឈ្មោះរបស់ ពួកគេជាភាសាខ្មែរពីព្រោះប្លង់កម្មសិទ្ធិនឹងចេញជាភាសាខ្មែរ។ អ្នកទិញអាចជ្រើសរើសប្រើប្រាស់សេវាកម្មបកប្រែអាជីពនិងជំនួយការច្បាប់ដើម្បីពិនិត្យមើលកិច្ចសន្យានោះ។ការផ្ទេរប្លង់កម្មសិទ្ធិមានតម្លៃ៤%នៃតម្លៃខុនដូយូនីត ក្នុងនោះក៏មានសេវាសាធារណៈសម្រាប់ការចេញ ប្លង់កម្មសិទ្ធិនិមួយៗដោយស្ថិតក្រោមឈ្មោះរបស់អ្នកទិញផងដែរ។ ស្វែងរក ខុនដូសម្រាប់លក់ក្នុងទីក្រុងភ្នំពេញ ឥឡូវនេះ!អំពីដំណើការទិញផ្ទះធម្មតាចំពោះផ្ទះសម្រាប់លក់ក្នុងទីក្រុងភ្នំពេញវិញ៖ តើព័ត៌មានអ្វីខ្លះដែលខ្ញំត្រូវដឹងមុននឹងទិញផ្ទះសម្រាប់លក់ក្នុងទីក្រុងភ្នំពេញ? ការបង្កើតការស្រាវជ្រាវពីប្លង់កម្មសិទ្ធិមុននឹងទិញអចលនទ្រព្យគឺជាគំនិតដ៏ល្អមួយ។ ការធ្វើដូច្នេះនឹងបង្ហាញឱ្យឃើញច្បាស់ថាតើវាមានមានបញ្ហាផ្លូវច្បាប់ ឬភាពខុសគ្នាជាមួយដីនោះឬយ៉ាងណា។ បន្ទាប់ទៀតរឿងដែលអ្នកត្រូវធ្វើគឺប្រមូលព័ត៌មានអំពីអចលនទ្រព្យនោះតាមរយៈមន្រ្តីឃុំ ឬសង្កាត់។ តើខ្ញុំត្រូវធ្វើដូចម្ដេចដើម្បីជៀសវាងទិញពីក្រុមហ៊ុនឆបោក ឬក្រុមហ៊ុនក្លេងបន្លំ?អ្នកទិញគួរសុំមើលច្បាប់ថតចម្លងនៃលេខសម្គាល់របស់តំណាងក្រុមហ៊ុនថាតើអ្នកលក់នោះជាក្រុមហ៊ុនស្របច្បាប់ ឬយ៉ាងណា? ច្បាប់ថតចម្លងរបស់ក្រសួងពាណិជ្ជកម្មដែលបានចេញលិខិតបញ្ជាក់មានមេធាវី និងការចុះហត្ថលេខាចេញដោយក្រុមប្រឹក្សាភិបាលដែលបានផ្ដល់សិទ្ធិឱ្យអ្នកតំណាងដើម្បីដោះស្រាយជាមួយការិយាល័យសុរិយោដីដែលត្រូវការ។តើមានអ្វីកើតឡើងនៅពេលអ្នកទិញ និងអ្នកលក់ធ្វើការព្រមព្រៀងគ្នា?ការបង់ប្រាក់កក់ដំបូង១០%តែងតែធ្វើឡើងចំពោះការទិញផ្ទះ។ បន្ទាប់មកការទិញត្រូវបញ្ជូនទៅការិយាល័យរបស់ក្រសួងរៀបចំដែនដី នគរូប​នីយកម្ម​ និងសំណង់ក្នុងខណ្ណណាមួយ។ ការរៀបចំឯកសារផ្លូវច្បាប់ផ្សេងៗត្រូវបានធ្វើឡើងនូវការិយាល័យសុរិយោដី ទាំងអ្នកទិញនិងអ្នកលក់ត្រូវបង្ហាញខ្លួននៅការិយាល័យសុរិយោដីដើម្បីចុះហត្ថលេខា និងរៀបចំនូវឯកសារដែលក្រសួងត្រូវការ។បន្ទាប់មកអ្នកលក់ត្រូវបង្ហាញប័ណ្ណកម្មសិទ្ធិដើមទៅខណ្ឌអំឡុងពេលចុះហត្ថលេខាដើម្បីកែប្រែវាទៅជាឈ្មោះម្ចាស់កម្មសិទ្ធិថ្មី។ នៅពេលផ្ទេរឈ្មោះហើយអ្នកទិញត្រូវបង់ប្រាក់កក់១០%ទៅឲ្យអ្នកលក់។ ពេលវេលាដំណើការទាំងមូលប្រហែលពី២០​ទៅ៣០ថ្ងៃនៅការិយាល័យណាក៏ដោយ។តើខ្ញុំត្រូវទទួលខុសត្រូវលើពន្ធអ្វីខ្លះ?ពន្ធលើការផ្ទេរប្លង់តម្រូវឱ្យបង់៤%ទៅអគ្គនាយកដ្ឋានពន្ធដា ដំណើរការនេះជាធម្មតាចំណាយពេល១ថ្ងៃ។ ពន្ធលើការផ្ទេរគឺ តម្រូវឱ្យបង់នៅពេលដែលមានប្លង់រឹងប៉ុណ្ណោះ។ ទាំងអ្នកទិញ និងអ្នកលក់ត្រូវត្រឡប់ទៅ ការិយាល័យសុរិយោដីម្ដងទៀតដើម្បីផ្ទេរវិក្កយបត្រពន្ធ។ ពួកគេត្រូវចុះហត្ថលេខាឯកសារទិញ និងលក់នៅមុខអាជ្ញាធរមានសត្ថកិច្ចក្នុងតំបន់។ ដំណើការទាំងមូលត្រូវចំណាយពេលប្រហែល៥ថ្ងៃ។ ចំពោះប្លង់ទន់មិនមានពន្ធនេះទេ ប៉ុន្តែទោះជាយ៉ាងណាក៏ដោយមធ្យោបាយនេះអាចធ្វើឱ្យអ្នកចំណាយ កាន់តែច្រើននៅពេលអនាគត។ ប្លង់កម្មសិទ្ធិរបស់ឈ្មោះម្ចាស់ថ្មីនឹងចេញដោយការិយាល័យសុរោយដីដីរាជធានីភ្នំពេញនៅពេលដែលការិយាល័យសុរិយោដីស្រុក/ខណ្ឌបានផ្ញើឯកសារសំខាន់ៗទាំងអស់រួចរាល់ និងនៅពេលដែលអ្នកទិញបានបង់អស់៨០%នៃតម្លៃដីរួចរាល់។ ដំណើរការទាំង មូលត្រូវចំណាយពេលប្រហែល៥ទៅ២១ថ្ងៃ។ ត្រូវយល់ដឹងអំពីការឆបោក!មានការឆបោកអចលនទ្រព្យមួយចំនួនដែលតែងតែកើតមានក្នុងប្រទេសកម្ពុជា។ ហើយអ្នកទិញគួរតែយល់ដឹងនូវការឆបោកនេះនៅពេលដែលអ្នកស្វែងរកទិញផ្ទះសម្រាប់លក់ក្នុងទីក្រុងភ្នំពេញ! ប្រសិនបើមានការសង្ស័យណាមួយ​ស្វែងរកការប្រឹក្សាជាមួយភ្នាក់ងារអចលនទ្រព្យឯករាជ ឬមេធាវីណាមួយដែលមានបទពិសោធន៏ក្នុងច្បាប់អចលនទ្រព្យ។តើខ្ញុំគួរតែធ្វើការជាមួយអ្នកវាយតម្លៃអចលនទ្រព្យ ​ឬភ្នាក់ងារអចលនទ្រព្យនៅពេលដែលខ្ញុំចង់ទិញផ្ទះ សម្រាប់លក់ក្នុងទីក្រុងភ្នំពេញ?ប្រទេសកម្ពុជាត្រូវបានគេមើលឃើញថាមានស្ថិរភាពក្នុងវិស័យអចលនទ្រព្យខណៈពេលដែលមានសុវត្ថិភាពល្អក្នុងវិស័យនេះ វា ជាទិដ្ឋភាពដ៏សំខាន់មួយក្នុងការវិនិយោគ។ ក៏ប៉ុន្តែចាប់តាំងពីពេលដែលកម្ពុជាមានការរីកចម្រើនយ៉ាងខ្លាំងនោះ គោលការណ៏ និងការរឹតបន្តឹងក៏វិវឌ្ឍទៅរកភាពជោគជ័យយ៉ាងឆាបរហ័ស។ ហេតុដូច្នេះហើយការធ្វើការជាមួយអ្នកវាយតម្លៃអចលនទ្រព្យគឺពិតជាមានសារៈសំខាន់ខ្លាំងណាស់ពីព្រោះពួកគេយល់ដឹងច្បាស់ពីបរិយាកាសខាងក្នុង និងខាងក្រៅក្នុងវិស័យអចលនទ្រព្យនេះ។  ពួកគេអាចផ្ដល់សេវាប្រឹក្សាយ៉ាងកក់ក្ដៅ និងអាចជួយអ្នកបានយ៉ាងងាយស្រួលក្នុងទិញអចលនទ្រព្យមួយដ៏មានសុវត្ថិភាព។ ពួកគេក៏អាចផ្ដល់ការប្រៀបធៀបតម្លៃ និងប្រភេទផ្ទះដែលអ្នកចង់ទិញបាន ហើយពួកគេក៏មានទំនាក់ទំនងយ៉ាងជិតស្និទ្ធជាមួយអ្នកជំនាញខាងកម្ចីទិញផ្ទះដែលអាចជួយអ្នកបាន។ ការនិយាយដូច្នោះគឺថា ភ្នាក់ងារអចលនទ្រព្យទាំងអស់ក្នុងប្រទេសកម្ពុជាមិនដូចគ្នាទេ អ្នកចាំបាច់ត្រូវជ្រើសរើសភ្នាក់ងារអចលនទ្រព្យដែលអាចជឿទុកចិត្តបាន!ដើម្បីទទួលបានព័ត៌មានថ្មីៗអំពីវិស័យអចលនទ្រព្យនៅក្នុងប្រទេសកម្ពុជា និង ការវិវត្តន៍នានានៅក្នងវិស័យនេះ សូមធ្វើការទាញយកកម្មវិធីប្រើប្រាស់នៅលើទូរស័ព្ទដៃរបស់យើងឥឡូវនេះ។ សម្រាប់កម្មវិធី iOS និង Android។ស្វែងរកអចលនទ្រព្យនៅភ្នំពេញ ថ្ងៃនេះ។ លោកអ្នកក៏អាចចូរអានមគ្គុទេសនៃការវិនិយោគឆ្នំា២០១៩របស់យើងបានផងដែរ!អត្ថបទដោយ

កញ្ញា អ៊ិន ចាន់ស្រីល័ក្ខ ជាអ្នកពិគ្រោះយោបល់ផ្នែកលក់របស់ក្រុមហ៊ុនអចលនទ្រព្យយ៉ុងយ៉េប បានចូលរួមជាមួយកម្មវិធី Realestate.com.kh បានជជែកអំពីការបង់វិក្កបត្រទឹកនៅក្នុងប្រទេសកម្ពុជា។ តើមានវិធីណាខ្លះដែលអាចបង់បង់វិក្កបត្រទឹកនៅក្នុងប្រទេសកម្ពុជា?សម្រាប់ការបង់វិក្កបត្រទឹកអ្នកមានជម្រើសមួយចំនួនដែលអាចជ្រើសរើសបាន។ មានវិធីងាយៗដែលអាចជ្រើសរើស អ្នកអាចបង់ប្រាក់នៅរដ្ឋាករទឹកផ្ទាល់ ឫអ្នកក៏អាចបង់តាមរយៈធនាគារ ឬភ្នាក់ងារវីងក៏បាន។តើអ្នកអាចប្រាប់ខ្ញុំពីរបៀបបង់វិក្កយបត្រទឹកនៅភ្នាក់ងារវីងបានដែរទេ?ការសំខាន់អ្នកត្រូវពិនិត្យមើលថាតើកាលបរិច្ឆេទនៃការទូទាត់ថ្លៃទឹកផុតកំណត់ហើយឫនៅ។ ប្រសិនបើវាផុតកំណត់នោះភ្នាក់ងារវីងនឹងមិនទទួលយកការបង់ប្រាក់របស់អ្នកនោះទេ។នៅក្នុងករណីកាលបរិច្ឆេទនៃការបង់ប្រាក់របស់អ្នកផុតកំណត់ អ្នកត្រូវទៅបង់ប្រាក់នៅរដ្ឋាករទឹកដោយផ្ទាល់។តើដំណើរការនៃការបង់ប្រាក់នៅភ្នាក់ងារវីងមានលក្ខណៈដូចម្តេច? ប្រសិនបើអ្នកត្រូវបង់ថ្លៃទឹកទាបជាង១០០,០០០រៀល អ្នកនឹងត្រូវចំណាយលើថ្លៃសេវាកម្ម១,០០០រៀល ហើយប្រសិនបើអ្នកត្រូវការបង់ថ្លៃទឹកខ្ពស់ជាង១០០,០០០រៀល អ្នកនឹងត្រូវចំណាយលើថ្លៃសេវាកម្ម២,០០០រៀល។ ហេតុអ្វីបានជាទឹកត្រូវបានកាត់ផ្តាច់?ទាក់ទងទៅនឹងការកាត់ផ្តាច់ទឹកគឺពាក់ព័ន្ធទៅនឹងករណីចំនួន២ ទីមួយអាចមកពីបញ្ហាខាងរដ្ឋាករទឹកប្រព័ន្ធទឹកខូចដូចជាទុយោទឹកខូច ឬដោយសារករណីមួយទៀតដោយសារអ្នកមិនបង់វិក្កយបត្រទឹក។   ក្នុងករណីទុយោទឹកខូចនោះវានឹងត្រូវបានជួសជុលភ្លាម តែប្រសិនបើអ្នកមិនទាន់បង់វិក្កយបត្រ អ្នកត្រូវតែទៅធ្វើការបង់ប្រាក់ផ្ទាល់នៅរដ្ឋាករទឹកដើម្បីបានទឹកប្រើប្រាស់ដូចដើមវិញ។តើមានការផាកពិន័យដែរឬទេ ប្រសិនបើមានការបង់ប្រាក់យឺតពេល?អ្នកនឹងត្រូវបានពិន័យជាប្រាក់ចំនួន៦០,៥០០រៀលថែមជាមួយនឹងប្រាក់ដែលអ្នកបានជំពាក់។ អ្នកអាចប្រើប្រាស់ទឹកបានដូចធម្មតាវិញបន្ទាប់ពីបង់ប្រាក់បានមួយថ្ងៃ ឫពីរថ្ងៃ។ ស្វែងយល់បន្ថែមអំពី Young Yap property នៅលើគេហទំព័រ  Realestate.com.kh

កញ្ញា អ៊ិន ចាន់ស្រីល័ក្ខ ជាអ្នកពិគ្រោះយោបល់ផ្នែកលក់របស់ក្រុមហ៊ុនអចលនទ្រព្យយ៉ុងយែប បានចូលរួមជាមួយកម្មវិធី Realestate.com.khរៀបរាប់អំពីការបង់វិក្កបត្រអគ្គិសនីជាមួយភ្នាក់ងារវីង។ តើមានវិធីណាខ្លះដែលអាចបង់បង់វិក្កបត្រអគ្គិសនីនៅក្នុងប្រទេសកម្ពុជា?សម្រាប់ការបង់វិក្កបត្រទឹកអ្នកមានជម្រើសមួយចំនួនដែលអាចជ្រើសរើសបាន។ មានវិធីងាយៗដែលអាចជ្រើសរើស អ្នកអាចបង់ប្រាក់នៅការិយាល័យអគ្គីសនីកម្ពុជាផ្ទាល់ ឫអ្នកក៏អាចបង់តាមរយៈធនាគារ ឬភ្នាក់ងារវីងក៏បាន។តើអ្នកអាចប្រាប់ខ្ញុំពីរបៀបបង់វិក្កយបត្រអគ្គិសនីនៅភ្នាក់ងារវីងបានដែរទេ? ប្រសិនបើអ្នកត្រូវបង់ថ្លៃអគ្គិសនីទាបជាង ១០០,០០០រៀល អ្នកនឹងត្រូវចំណាយលើថ្លៃសេវាកម្ម១,០០០រៀល ហើយប្រសិនបើអ្នកត្រូវការបង់ថ្លៃទឹកខ្ពស់ជាង១០០,០០០រៀល អ្នកនឹងត្រូវចំណាយលើថ្លៃសេវាកម្ម២,០០០រៀល ។ហេតុអ្វីបានជាតម្លៃក្នុងមួយគីឡូវ៉ាត់មានការប្រែប្រួលខុសគ្នា?ទាក់ទងនឹងចំណុចតែងតែកើតឡើងដោយសារតែប្រទេសរបស់យើងទិញអគ្គិសនីពីប្រទេសជិតខាង។ ដូច្នេះអាជ្ញាធរបានអនុវត្តតាមគោលការណ៍ប្រើប្រាស់អគ្គិសនីកម្ពុជា។កាលណាអ្នកប្រើប្រាស់អស់គីឡូវ៉ាត់អគ្គិសនីតិច តម្លៃក្នុងមួយគីឡូវ៉ាត់ក៏ទាបដែរ។ ប៉ុន្តែក្នុងករណី ដែលអ្នកប្រើប្រាស់អស់គីឡូវ៉ាត់អគ្គិសនីច្រើន ការគិតថ្លៃក្នុងមួយគីឡូវ៉ាត់ក៏ខ្ពស់ជាងដែរ។ស្វែងយល់បន្ថែមអំពី Young Yap property នៅលើគេហទំព័រ  Realestate.com.kh

ទីផ្សារខុនដូចជាទីផ្សារមានសក្តានុពលយ៉ាងខ្លំាងក្នុងប្រទេសកម្ពុជា ហើយក៏អាចក្លាយជាទីផ្សារដែលមានការព្រួយបារម្ភផងដែរ។ លោក Grant Fitzgerald ដែលជាអ្នកគ្រប់គ្រងប្រចាំប្រទេសនៅក្នុងក្រុមហ៊ុនសេវាកម្មអចលនទ្រព្យឯករាជ្យកម្ពុជា បានផ្ដល់បទសម្ភាសន៏ឱ្យ Realestate.com.kh មួយដោយថ្លឹងថ្លែងលើបញ្ហាជុំវិញទីផ្សារអចលនទ្រព្យកម្ពុជា។ តើមានការកើនឡើងចំពោះការផ្គត់ផ្គង់ទីផ្សារខុនដូលើសតម្រូវការដែរឬទេនៅកម្ពុជា?លោក Fitzgerald លើកឡើងថាតួលេខដែលចេញផ្សាយនៅពេលថ្មីៗនេះបានបង្ហាញការប្រៀបធៀបគម្រោងដោយការសិក្សាទីផ្សារមួយ។ លំនៅដ្ឋានប្រហែល៣៧០០០យ៉ូនីតនឹងត្រូវបានចេញលក់នៅលើទីផ្សារនៅក្នុងឆ្នាំ២០២០។គាត់បានលើកឡើងថា “ការផ្គត់ផ្គង់ខុនដូច្រើនហួសនោះគឺជាកង្វល់មួយហើយជាបញ្ហាដែលត្រូវបានជជែកម្ដងហើយម្ដងទៀត។” ប៉ុន្តែគាត់ក៏បានថ្លែងដែរថាក្នុងករណីមួយចំនួនតាមរយៈការស្រាវជ្រាវមួយរកឃើញថាវាមានសក្ដានុពលផងដែរ ចំពោះការទទួលបានអត្ថប្រយោជន៏ត្រឡប់មកវិញពីវិនិយោគិនបរទេស។ គាត់បានពន្យល់ទៀតថាអ្នកអភិវឌ្ឍន៍គួរផ្តោតលើការជួល ត្រលប់មកវិញ។លោក Fitzgerald បានបញ្ជាក់ថាលំនៅដ្ឋានដែលអាចជួលបាននឹងធ្លាក់ចុះដោយសារតែទីតាំង ការរចនាម៉ូត និងកត្តាដទៃជាច្រើនទៀត។ គាត់បានឱ្យដឹងថាទាំងនោះទាំងគឺស្ថិតនៅក្រៅតំបន់ទីក្រុងភ្នំពេញ ហើយមិនត្រូវបានគេផ្ដល់យោបល់អោយទិញនោះឡើយ។ ប៉ុន្តែតំបន់មួយចំនួនដូចជាបឹងកេងកង១ និងទន្លេបាសាក់ពិតជាមានការអភិវឌ្ឍល្អហើយងាយស្រួលជួលទៀតផង។តើវានឹងកើតមានវិបត្តអចលនទ្រព្យដូចដែលកើតមានក្នុងឆ្នាំ២០០៨ដែរឬទេ?លោក Fitzgerald បញ្ជាក់ថាវាជាកង្វល់មួយនៅពេលយើងសួរអំពីសក្ដានុពលនៃវិបត្តិឥណទានដែលកើតមានឡើងដោយរបាយការណ៏កំណើនឥណទានឧស្សាហកម្មអចលនទ្រព្យក្នុងប្រទេសកម្ពុជា។គាត់បាននិយាយថា “ការប្រើប្រាស់ឥណទានទិញអចលនទ្រព្យ ជាទូទៅត្រូវយកទ្រព្យនោះដាក់ជាវត្ថុធានា ដូច្នេះខ្ញុំយល់បានថាបញ្ហានេះពិតជាបានកើតមានឡើង។” ប៉ុន្តែគាត់បានបញ្ជាក់យ៉ាងច្បាស់ថា របាយការណ៏កំណើន នេះគឺមិនអាចធ្វើឱ្យមានវិបត្តិនោះឡើយ។ គោលការធនាគារនៅតែតឹងរ៉ឹងចំពោះទ្រព្យដែលបានទទួលយក ហើយតម្រូវឱ្យមានទ្រព្យបញ្ចាំចំនួនពី១៥០ទៅ២០០ភាគរយលើប្រាក់កម្ចី។លោក Fitzgerald បានពន្យល់ថា “វាជាទំហំលំអៀងតិចតួចមួយប៉ុន្តែក្នុងព្រឹត្តិការជាក់ស្ដែងប្រសិនបើមានតម្លៃធ្លាក់ចុះណាមួយនោះ ខ្ញុំមិនជឿថាវាមានផលប៉ះពាល់ទៅលើទីផ្សារអចលនទ្រព្យនោះទេ។”ហេតុអ្វីបានជាជនបរទេសត្រូវវិនិយោគក្នុងប្រទេសកម្ពុជាប្រសិនបើមានការគំរាមកំហែងទាំងនេះ?លោក Fitzgerald បាននិយាយថាវាតែងតែមានហានិភ័យនៅក្នុងទីផ្សារប៉ុន្តែប្រទេសកម្ពុជាត្រូវបានគេមើលឃើញថាវិនិយោគិនបរទេសជាច្រើននៅតែជំនះនៅហានិភ័យទាំងនោះដោយសារតែពួកគេទទួលបានប្រាក់ចំនេញច្រើន។ គាត់បានបន្ថែមទៀតថាក្នុងការប្រៀបធៀបមួយរវាងប្រទេសកូរ៉េ និងសិង្ហបុរីបានអោយឃើញថាប្រាក់ចំនេញទទួលបានត្រឹមតែ ១ទៅ២ភាគរយប៉ុណ្ណោះ ប៉ុន្តែនៅក្នុង ប្រទេសកម្ពុជាវិញគឺមានអត្រាខ្ពស់ជាង៦ភាគរយ។ បើមានការរួមបញ្ចូលគ្នាជាមួយការស្រាវជ្រាវល្អមួយនោះលោក Fitzgerald បាននិយាយថានៅក្នុងប្រទេសកម្ពុជាដូចជាយើងបានកាន់គម្រោងវិនិយោគដ៏ល្អមួយនៅក្នុងដៃដូច្នេះ។ស្វែងរកអចលនទ្រព្យសម្រាប់លក់ និងជួលរបស់IPSថ្ងៃនេះ!