តម្លៃឥដ្ឋនៅកម្ពុជាបាន​រក្សា​ស្ថិរ​ភាព​​​នៅ​ជាង​មួយ​ឆ្នាំ​ចុង​​ក្រោយ​នេះ បើ​ទោះ​បី​ជា​តម្រូវ​ការ​សម្រាប់​វិ​ស័យ​សំ​ណង់​នៅ​បន្ត​កើន​ឡើង ដោយសារ​អ្នក​ផលិត​បាន​បង្កើន​ផលិត​កម្ម ហើយ​អាច​ឆ្លើយ​តប​នឹង​កំ​ណើន​តម្រូវ​ការ​​។ នេះ​បើ​យោង​តាម​ពាណិជ្ជ​ករ​​​​ក្នុង​ឧស្សា​ហ​កម្ម​នេះ។យោងតាមលោក ឈាង ស៊ុយហ៊ាង​ ​តំណាងសហ​គម​អ្នក​ផលិត​ឥដ្ឋជាង ១០០ សហ​គ្រាស​នៅស្រុកមុខកំពូលនិងស្រុកខ្សាច់កណ្តាល​ខេត្ត​កណ្តាល​ តម្លៃឥដ្ឋ​បានរក្សា​កម្រិត​ប្រ​ហាក់​ប្រហែល​នៅ​ជាង ១ ឆ្នាំ​កន្លះ​ចុង​ក្រោយគិត​ចាប់​ពី​ខែ​មី​នា​ឆ្នាំ​២០១៨ មក។លោក ស៊ុយហ៊ាង បាននិយាយថាតម្លៃ​ឥដ្ឋនា​ពេល​នេះ​​មានតម្លៃ ៤០០ ដុល្លារក្នុងមួយម៉ឺន​ឥដ្ឋ​ គឺ​មិន​មាន​ការប្រែ​ប្រួល​ទេ​ធាប​នឹង​ដើម​ឆ្នាំ ២០១៨មក។ តម្លៃ​ឥដ្ឋ​នៅ​កម្ពុជា​បានចាប់​ផ្តើម​កើន​ឡើង​ខ្លាំង​នៅ​ចាប់​ពី​ដើម​ឆ្នាំ​២០១៧ ដែល​កាល​នោះ ឥដ្ឋ​មួយ​ម៉ឺន​ដុំ​មាន​តម្លៃ ១៨០ ដុល្លារ។ តម្លៃ​នេះ​បាន​កើន​ដល់ ៣០០ ដុល្លារ​នៅ​ចុង​ឆ្នាំ​២០១៧ ហើយ​បន្ត​កើន​ឡើង​យ៉ាង​ខ្លាំង​ត្រឹម​តែ​ ៣ ខែ​បន្ទាប់​ដែល​ធ្វើ​ឲ្យ​តម្លៃ​ឥដ្ឋ​មួយ​ម៉ឺន​ដុំ​បាន​កើន​ដល់ ៤០០ ដុល្លារ។យោង​តាម​លោក ស៊ុយ​ហ៊ាង កំ​ណើន​តម្រូវការឥដ្ឋ​នៅ​តែ​ខ្លាំង​នៅ​ឆ្នាំ​នេះ ដែល​ការ​បញ្ជា​ទិញ​ភាគ​ច្រើន​បានមកពី​ខេត្ត​​ព្រះសីហនុ កំពត ភ្នំពេញ និងប៉ោយប៉ែត ជា​ទី​ដែល​វិ​ស័យ​សំ​ណង់​កំ​ពុង​មាន​សកម្ម​ភាព​ខ្លាំង។លោក​បន្ត​ថា​៖​«​​ម្ចាស់ឡ​ឥដ្ឋ​ជា​ច្រើន​បាន​ពង្រីក​ការ​ផលិត​។ អ្នក​ដែល​ធ្លាប់​មាន​តែ​ ២ ដំ​បូល​ (ឡ​ផលិត​ឥដ្ឋ​) កាល​ពី​មុន បាន​ដំ​ឡើង​ដល់៤ ដំ​បូង។ អ្នក​មាន​ ៤ កើន​ដល់​ ៦ ដំ​បូល អ៊ីចឹង​ទៅយើង​ផលិត​បាន​ច្រើន​ជាង​មុន​ ហើយ​ទាន់​តម្រូវ​ការ​ដែល​កើន​ឡើង​»។ លោក​បន្ត​ថា៖​«តម្រូវ​ការ​នៅ​បន្ត​កើន​ ហើយ​ពេល​ខ្លះ​ក៏​យើង​ពិ​បាក​ផ្គត់​ផ្គង់​ឲ្យ​ទាន់​ពេល​ដែរ តែ​យើង​សម្រេច​មិន​ដំ​ឡើង​ថ្លៃ​ទេ​ដោយ​សារ​យើង​បង្ការ​កុំ​ឲ្យ​មាន​​ការ​នាំ​ចូល​ឥដ្ឋ​ពី​វៀត​ណាម​មកជំ​នួស​»។លោកស៊ុយហ៊ាងប៉ាន់ស្មានថាបច្ចុប្បន្ននេះមានឡឥដ្ឋប្រមាណ ៣០០ ឡនៅក្នុងប្រទេសកម្ពុជា (បូក​បញ្ចូល​ទាំង​ម្ចាស់​សិប្ប​កម្ម​នៅ​ក្នុង​សហ​គម​របស់​លោក)។ សម្រាប់​សមាជិក​ក្នុង​សហ​គម​អ្នក​ផលិត​ឥដ្ឋ​ស្រុក​មុខ​កំ​ពូល និង​ ស្រុក​ខ្សាច់​កណ្តាល សិប្ប​កម្ម​​នីមួយៗមានសមត្ថភាពធ្វើឥដ្ឋបានយ៉ាងតិច ១០ ម៉ឺន​​ឥដ្ឋក្នុងមួយថ្ងៃ អ៊ីចឹង​អ្នក​ផ្គត់​ផ្គង់​ពី​សហ​គម​នេះ​អាច​ផ្គត់​ផ្គង់​យ៉ាង​ហោច​ណាស់ ១០ លាន​ដុំ​ក្នុង​មួយ​ថ្ងៃ។កម្ពុជានៅតែពឹងផ្អែកលើការនាំចូលសម្ភារៈសំណង់ប្រទេសកម្ពុជាបានមើលឃើញការហូរចូលយ៉ាងច្រើននៃការវិនិយោគផ្ទាល់ពីបរទេស (FDI) ក្នុងរយៈពេលជាង​មួយ​ទសវត្យ​ចុង​ក្រោយ ហើយ​​វិ​ស័យ​អចលនទ្រព្យ សំណង់ និងបដិសណ្ឋារកិច្ចគឺជាវិស័យ​ដែល​ទទួល​បាន​លំ​ហូរ​ចូល​វិនិយោគ​ដ៏​ខ្លាំង​ក្លា​។ផលិ​ត​កម្មឥដ្ឋបាន​ទទួល​អត្ថប្រយោជន៍ពីការរីកដុះដាលនៃសំ​ណង់​អគារ​ផ្សារទំនើប អគារ​ការិយាល័យ ​អគារខុនដូ និងគម្រោង​​ជាច្រើនទៀត។ក្នុងរយៈពេល ៦ ខែដំ​បូង​ឆ្នាំនេះ ក្រសួងរៀបចំដែនដីនគរូបនីយកម្មនិងសំណង់ (MLMUPC) បានអនុម័តគម្រោងសាងសង់ចំនួនជាង ២,០០០ គម្រោងដែលមានទឹកប្រាក់វិនិយោគប្រមាណជាង ៣,៣ ពាន់លានដុល្លារ។លោក ជីវ ស៊ីវផេង អ្នកគ្រប់គ្រងទូទៅនៃសមាគមអ្នកសាងសង់កម្ពុជាបានមានប្រសាសន៍កាលពីថ្ងៃចន្ទថាស្ថិរភាពសេដ្ឋកិច្ច កំ​ណើន​ការវិនិយោគផ្ទាល់ពីបរទេស និងវឌ្ឍនភាពអចលនទ្រព្យបានរួមចំណែកធ្វើឱ្យមានតម្រូវ​ការ​សម្ភារៈ​​សំណង់​កាន់តែច្រើនឡើង។ទោះយ៉ាងណាលោកបានកត់សម្គាល់ថាប្រទេសកម្ពុជានៅតែពឹងផ្អែកយ៉ាងខ្លាំងលើការនាំចូលសម្ភារៈសំណង់ផ្សេងៗទៀតដូចជាដែកថែប និងផលិត​ផល​តុប​តែង​ផ្នែកខាងក្នុង។លោក​ថ្លែង​ថា​៖​«​យើងរំ​ពឹង​ថា​ផលិតកម្មក្នុងស្រុករបស់យើងនឹង​រីកចម្រើន​ជាងនេះ​ ដូច្នេះយើងនឹង​អាចរក​ផលិត​ផល​​ក្នុងស្រុកបានកាន់តែច្រើនសម្រាប់​វិ​ស័យ​សំ​ណង់​ និងកាត់​បន្ថយ​ការ​ពឹងផ្អែក​លើការនាំចូល»៕ស្វែងរកអចលនទ្រព្យសម្រាប់លក់នៅក្នុងទីក្រុងភ្នំពេញ និងអចលនទ្រព្យសម្រាប់ជួលនៅក្នុងទីក្រុងភ្នំពេញនៅថ្ងៃនេះ!

គម្រោង The Gateway​ ដែលស្ថិតនៅក្នុងតំបន់ទួលគោកនៃទីក្រុងភ្នំពេញបានកំពុងឈាន ដល់ចំណុចរបត់ថ្មីមួយសម្រាប់ទីផ្សារអចលនទ្រព្យនៅក្នុងទីក្រុងភ្នំពេញ។ ថ្មីៗនេះជាន់លើបង្អស់នៃអគារត្រូវបានសាងសង់រួចរាល់​។ ចំណែកការប្រគល់ផ្ទះរំពឹងថានឹងធ្វើនៅក្នុងខែធ្នូចុងឆ្នាំនេះ ហើយអគារ ៨០% នៃយូនីតត្រូវបានលក់រួចរាល់។ ដើម្បីរំលឹកដល់ការបញ្ចប់ការសាងសង់ដំណាក់កាលចុងក្រោយនេះ គម្រោង The Gateway ផ្តល់ជូន ការបញ្ចុះតម្លៃពិសេសរហូតដល់ ៣% ចំពោះអតិថិជនដែលមកកាន់ការិយាល័យលក់ដោយផ្ទាល់​ ហើយការបញ្ចុះតម្លៃនេះមានរហូតដល់ចុងខែសីហានេះ។​ សូមកុំឲ្យឱកាសដ៏ពិសេសនេះកន្លងផុតទៅឲ្យសោះ!អគារអភិវឌ្ឍន៍ចម្រុះដ៏សម្បូរបែបនេះស្ថិតនៅតំបន់ប្រជុំជនក្នុងទីក្រុងមានទីតាំងនៅលើផ្លូវសហព័ន្ធរុស្សី ដែលជាតំបន់បណ្តុំទៅដោយអភិជនប្រកបទៅដោយជីវិតរស់នៅស៊ីវីល័យលំដាប់អន្តរជាតិ។គម្រោងThe Gateway មានអគារលំនៅដ្ឋានកម្ពស់ ៣៩ ជាន់ ជាមួយលំនៅដ្ឋានសរុប ៥៧២ យូនីត និងអគារការិយាល័យកម្ពស់ ៣៦ ជាន់ ដែលមានការិយាល័យសរុបចំនួន ២៩៩ យូនីត។ យូនីតខុនដូមានចាប់ពី ១ ​ទៅ ៣ បន្ទប់គេង ក្នុងនោះមានទំហំចាប់ពី ៥២ ម៉ែត្រការ៉េ ទៅ ១១០ ម៉ែត្រការ៉េ​។ ចំណែកតម្លៃមានចាប់ពី​ ១៦៧,០០០ ដុល្លារឡើងទៅ។  ម្ចាស់លំនៅដ្ឋានអាចទទួលបាន សេវាកម្មដែលមានស្រាប់​ដូចជា ផ្សារទំនើប ២ ជាន់ អគារការិយាល័យ និងផ្សេងៗទៀត។ ជាមួយសេវាកម្មទាំងនេះ The Gateway នឹងក្លាយជាជម្រើសល្អបំផុតសម្រាប់អ្នក។ អគារ Gateway ​ជិតបញ្ចប់ការសាងសង់តាមរយៈសកម្មភាពជាពេលកន្លងមក The Gateway កំពុងសម្រេចបានការបញ្ចប់គម្រោងសាងសង់ដូចដែលធ្លាប់បាននិយាយ។​ ការសាងសង់ជាន់លើបង្អស់ត្រូវបានបញ្ចប់កាលពីពេលថ្មីៗនេះ ហើយការសាងសង់ផ្ទៃខាងក្នុងនឹងបញ្ចប់ឆាប់ៗ។ ការដាក់កញ្ចក់ផ្នែកខាងក្រៅរួចរាល់បានពាក់កណ្តាល ដោយឡែកការរចនាផ្ទៃខាងក្នងនឹងត្រូវសំរេចឲ្យបានឆាប់រហ័ស។ គ្រឿងបរិក្ខារទាំងអស់មានលក្ខណៈទំនើប និងទាន់សម័យ។ នៅក្នុងគម្រោងនេះមានកន្លែងហាត់ប្រាណ អាងហែលទឹក​ កន្លែងអង្គុយលេង កន្លែងសូណា សួនច្បារ និងន្លែងកម្សាន្តជាច្រើនទៀត។ជាការពិតណាស់ គម្រោង The Gateway នឹងបញ្ចប់ការសាងសង់ឆាប់ៗនេះ រីឯការប្រគល់ផ្ទះនឹងធ្វើនៅខែធ្នូក្នងឆ្នាំនេះ។ អតិថិជននឹងទទួលបានសិទ្ធិកាន់កាប់ពេញលេញនៅបន្ទាប់ពី​ការប្រគល់ផ្ទះរយៈពេល ៣ ខែ។ យូនីតនៅក្នងគម្រោង Gateway លក់ដាច់លឿនបំផុតមនុស្សជាច្រើនបានមើលឃើញអត្ថប្រយោជន៏នៃគម្រោងដ៏អស្ចារ្យនេះ។ The Gateway លក់អស់ ៨០% នៃយូនីតសរុប ហើយមកទល់ពេលនេះនៅសល់ជាង ១០០ យូនីតទៀតទេ ដែលនេះជាចំនួនតិចបំផុត។​ ឥឡូវនេះជាឱកាសពិសេសរបស់អ្នកក្នុងការទទួលយកការបញ្ចុះតម្លៃពិសេសពីគម្រោងដ៏អស្ចារ្យមួយនេះ។​បន្ទាប់ពីការផ្សព្វផ្សាយពីកាលបរិច្ឆេទប្រគល់ផ្ទះនេះទៅ  ខុនដូដែលនៅសល់នឹងត្រូវបានលក់ដាច់យ៉ាងឆាប់រហ័ស។ សូមមកកាន់ការិយាល័យលក់របស់ Gatewayដោយផ្ទាល់ ដើម្បីទទួលយកព័ត៍មានលម្អិតទាក់ទងបញ្ចុះតម្លៃដ៏អស្ចារ្យនេះ៕ស្វែងរកអចលនទ្រព្យសម្រាប់លក់នៅក្នុងទីក្រុងភ្នំពេញ និងអចលនទ្រព្យសម្រាប់ជួលនៅក្នុងទីក្រុងភ្នំពេញនៅថ្ងៃនេះ!

រហូតមកដល់ពេលនេះ គម្រោងអភិវឌ្ឍន៍អភិឌ្ឍន៍ធំៗជាច្រើនបានចាប់អារម្មណ៍ និងទិញស្តង់ ដើម្បីដាក់តាំងបង្ហាញគម្រោងរបស់ខ្លួននៅក្នុងពិព័រណ៍អចលនទ្រព្យកម្ពុជាឆ្នាំ២០១៩។ គិតមកដល់ពេលនេះស្តង់តាំងបង្ហាញគម្រោងប្រមាណជាង ៦០%  ត្រូវបានកក់ទុករួចរាល់ ហើយចំនួនដែលនៅសល់រំពឹងថានឹងអាចលក់អស់ក្នុងរយៈពេលខ្លីទៀតប៉ុណ្ណោះ។  ស្តង់តាំងបង្ហាញនឹងឡើងថ្លៃ ៣០% ក្នុងពេលឆាប់ៗនេះ! ពិព័រណ៍អចលនទ្រព្យកម្ពុជាឆ្នាំ២០១៩ ដែលជាព្រឹត្តិការណ៍អចលនទ្រព្យដ៏ធំបំផុតប្រចាំឆ្នាំ ត្រូវបានចាត់ទុកថាជាវេទិកាគម្រូក្នងប្រវត្តិសាស្ត្រនៃការទិញលក់អចលនទ្រព្យនៅក្នុងប្រទេស កម្ពុជា។ ហើយពិព័រណ៍អចលនទ្រព្យនេះនឹងប្រព្រឹត្តិទៅនៅថ្ងៃទី ០៤ - ០៥ ខែតុលា ខាងមុខ ដែលមានទីតាំងនៅសណ្ឋាគារណាហ្គាវើល ភ្នំពេញ នៅសាលធំ ជាន់ទី២ ក្នុងរាជធានីភ្នំពេញ។ ហេតុអ្វីគម្រោងជាច្រើនគាំទ្រព្រឹត្តិការណ៍ដ៏ធំនេះ? គ្រប់គ្នាបានទទួលស្គាល់ពីភាពជោគជ័យរបស់ពិព័រណ៍មួយនេះនាពេលកន្លងមក [ពិព័រណ៍ អចលនទ្រព្យឆ្នាំ២០១៨] ជាក់ស្តែង ពិព័រណ៍នេះធ្លាប់មានអ្នកចូលរួមទស្សនាជាង ១ ម៉ឺននាក់ គម្រោងជាង ៥០ បានចូលរួម តាំងបង្ហាញ ជាពិសេសការទិញ-លក់បានធ្វើនៅក្នុងពិព័រណ៍នេះ គិតជាទឹកប្រាក់ជិត ៣០ លានដុល្លារ។ គម្រោង La Vista One បានចូលរួមក្នុងពិព័រណ៍អចលនទ្រព្យកម្ពុជាឆ្នាំ២០១៨ ហើយនៅក្នុងពិព័រណ៍ឆ្នាំ ២០១៩ នេះវិញ​    La Vista One ក៏នឹងដាក់តាំងបង្ហាញគម្រោងនៅក្នុងវេទិកានេះបន្តទៀតដែរ។ អ្នកនាង Wendy Deng ប្រធានផ្នែករៀបចំផែនការរបស់គម្រោង La Vista One បាននិយាយថា “ខ្ញុំជឿជាក់លើពិព័រណ៍អចលនទ្រព្យកម្ពុជាថានឹងអាចជួយជំរុញដល់ការធ្វើទីផ្សារ ​ជាពិសេសការលក់តែម្តង។” អ្នកនាងបានបន្ថែមថា តាមរយៈពិព័រណ៍បទពិសោធន៍ដ៏ល្អដែលបាន ពីការចូលរួមជាមួយពិព័រណ៍ឆ្នាំ២០១៨កន្លងមក នេះជាមូលហេតុ ដែលជំរុញឲ្យគម្រោង  La Vista One ត្រូវតែចូលរួមម្តងទៀតនៅក្នុងឆ្នាំនេះ។ សម្រាប់ឆ្នាំ ២០១៩ វិញ ខ្ញុំចង់ដាក់តាំងបង្ហាញគម្រោង​​ La Vista One ទៅដល់សារណៈជន អ្នកទិញ អ្នកវិនិយោគ និងអ្នកនៅក្នុងវិស័យអចលនទ្រព្យទាំងមូលឲ្យបានឃើញពីលក្ខណៈពិសេសរបស់គម្រោង និងការផ្តល់ជូនដ៏សម្បូរបែបសម្រាប់អតិថិជននៅក្នុងពិព័រណ៍នេះ។ នេះជាកាអះអាងរបស់ អ្នកនាង  Wendy។ លោក Scott Kang ប្រធានផ្នែកទីផ្សាររបស់ក្រុមហ៊ុន ណាគីគ្រុប ពេញចិត្តជាមួយការធ្វើការងារជាមួយ Realestate.com.kh  នាពេលកន្លងមក និងពិតជាពេញចិត្តពិព័រណ៍នេះបំផុត។ លោក Scott បានលើកឡើងថា គម្រោងមានអ្នកចាប់អារម្មណ៍ទិញច្រើននៅក្នុងពិព័រណ៍នេះ។ “យើងមើលឃើញមានលទ្ធផលច្រើន មានគម្រោងជាច្រើន និងអ្នកទស្សនាដ៏ច្រើនចូលរួមក្នុងវេទិកានេះ។”  គម្រោងជាច្រើនបានទិញកន្លែងពិព័រណ៍រួចរាល់គម្រោងជាច្រើនបានចូលរួមក្នុងពិព័រណ៍ដដ៏ធំនេះ ដែលមានដូចជា គម្រោង Creed Urban Village, La Vista One,  M-Residence, Prince Real Estate Group, Pafilia Cyprus, Victory Bay, Prince Jin Jaa, Morgan Tower, Bel Air, Prince Huan Yu, CPZY Development, R&F Group, និងគម្រោង Orkide Villa។ ​ បន្ថែមពីគម្រោងលំនៅដ្ឋានក្រុមហ៊ុនអចលទ្រព្យធំៗដូចជា  ក្រុមហ៊ុន Yi Fung Real Estate ក្រុមហ៊ុន​ Lucky Property ក្រុមហ៊ុន International Top Agent ក្រុមហ៊ុន ARU ME METAL Co.,Ltd និង Pearl Bay Consulting​ បានត្រៀមខ្លួនរួចរាល់ដើម្បីចូលរួម។​ ព្រឹត្តិការណ៍ពិព័រណ៍អចលនទ្រព្យកម្ពុជាបានក្លាយជាវេទិកាគម្រូមួយសម្រាប់ប្រវត្តិសាស្រ្តនៃការ ទិញ-លក់អចលនទ្រប្យនៅក្នុងប្រទេសកម្ពុជា។ ជាមួយនឹងការដាក់បង្ហាញគម្រោងបុរី ខុនដូ ដី និងអចលនទ្រព្យផ្សេងៗរាប់រយគម្រោងវេទិកានេះបានទាក់ទាញចំណាប់អារម្មណ៍វិនិយោគិនជាតិ និងអន្តរជាតិ អ្នកទិញក្នុងស្រុក និងក្រៅស្រុករាប់ពាន់នាក់ក្នុងពិព័រណ៍កន្លងមក។សម្រាប់អ្នកមានចំណាប់អារម្មណ៍ចូលរួមទស្សនា អ្នកចុះឈ្មោះចូលរួមដោយសេរី និងអាចមានឱកាសឈ្នះរង្វាន់ និងកាដូអនុស្សាវរីយ៍ជាច្រើន។ សូមចុះឈ្មោះចូលរួមឥឡូវនេះ! ចុះឈ្មោះទីនេះ៖ ​https://realestatekh.lpages.co/october-property-expo-2019-attendees-khmer/សម្រាប់ការធ្វើម្ចាស់ឧបត្ថម្ភ ឬចង់កក់កន្លែងតាំងគម្រោងនៅសូមទាក់ទង៖ភាសាខ្មែរ និងចិន៖ nin.kang@realestate.com.kh​​​​  ឬទូរស័ព្ទ (+៨៥៥) ៩៣ ៥៥២ ៣០៥ និង (+៨៥៥) ៧៨ ៦៣៧ ៣២៣អង់គ្លេស៖ tyler.stuart@realestate.com.kh  ឬទូរស័ព្ទ (+៨៥៥) ១២ ៥៩៩ ៦៦៩ និង (+៨៥៥) ៨១ ៥៩៩ ៦៦៩

ក្រុមហ៊ុន Realestate.com.kh នឹងរៀបចំព្រឹត្តិការណ៍អចលនទ្រព្យដ៏ធំប្រចាំឆ្នាំ២០១៩ នេះ ឬហៅថា​ “ពិព័រណ៍អចលនទ្រព្យកម្ពុជាឆ្នាំ២០១៩”។ ពិព័រណ៍ឆ្នាំនេះនឹងធ្វើនៅថ្ងៃទី ០៤ - ០៥ ខែតុលា ជាមួយនឹងការតាំងបង្ហាញគម្រោងអចលនទ្រព្យធំៗ  និងក្រុមហ៊ុនអចលនទ្រព្យចម្រុះទាំងក្នុងស្រុក និងអន្តរជាតិ។ ព្រឹត្តិការណ៍ពិព័រណ៍អចលនទ្រព្យកម្ពុជាបានក្លាយជាវេទិកាគម្រូមួយសម្រាប់ប្រវត្តិសាស្រ្តនៃការទិញ-លក់អចលនទ្រប្យនៅក្នុងប្រទេសកម្ពុជា។ ជាមួយនឹងការដាក់បង្ហាញគម្រោងបុរី ខុនដូ ដី និងអចលនទ្រព្យផ្សេងៗរាប់រយគម្រោង វេទិកានេះបានទាក់ទាញចំណាប់អារម្មណ៍វិនិយោគិនជាតិ និងអន្តរជាតិ អ្នកទិញក្នុងស្រុក និងក្រៅស្រុករាប់ពាន់នាក់ក្នុងពិព័រណ៍កន្លងមក។ពិព័រណ៍អចលនទ្រព្យពិត បង្ហាញគម្រោងពិត ជួបគ្នាជាមួយអតិថិជនពិត បានជំរុញការទិញ-លក់ នៅនឹងកន្លែងភ្លាមៗ  សរុបជាទឹកប្រាក់រាប់សិបលានដុល្លារ។ សម្រាប់ឆ្នាំនេះ ពិព័រណ៍អចលនទ្រព្យកម្ពុជាលើកនេះនឹងធ្វើនៅសណ្ឋាគារណាហ្គាវើល ភ្នំពេញ នៅសាលធំ ជាន់ទី២ រយៈពេលពីរថ្ងៃ ចាប់ពីម៉ោង ១០ ព្រឹក ដល់ម៉ោង ៦ ល្ងាច។ ពិព័រណ៍អចលទ្រព្យកម្ពុជា ជាវេទិកាប្រចាំឆ្នាំល្អបំផុតសម្រាប់អ្នកស្វែងរកឱកាសវិនយោគ៖ ឱកាសល្អបំផុតក្នុងការស្វែងរកគម្រោងលំនៅដ្ឋានច្រើនជម្រើសក្នុងពេលតែមួយគម្រោងធំៗ ដូចជា ផ្ទះ ដី ខុនដូ បុរី ដីឡូតិ៍  មានតាំងបង្ហាញនៅនឹងកន្លែងល្អបំផុតសម្រាប់អ្នកចង់ស្វែងយល់ពីភាពរីកចម្រើននៃវិស័យអចលនទ្រព្យកម្ពុជាផ្តល់ជូនឱកាសបញ្ចុះតម្លៃពិសេសពីគម្រោងនីមួយៗ ក្រៅពីការតាំងបង្ហាញគម្រោងលំនៅដ្ឋានដ៏ប្រណិត និងជួបគ្នារវាងអ្នកលក់ និងអ្នកទិញ នៅក្នុងពិព័រណ៍ដ៏ធំនេះនឹងមាន វគ្គសិក្ខា​ សាលាអប់រំសម្រាប់វិស័យអចលនទ្រព្យក៏នឹងដំណើរការពីរថ្ងៃពេញផងដែរ ជាមួយប្រធានក្តៅៗ ល្អៗ ទាក់ទងនឹងស្ថានភាពទីផ្សារស្តីអំពីទីផ្សារអចលនទ្រព្យកម្ពុជានៅពេលបច្ចុប្បន្ន ដោយមានការធ្វើបទបង្ហាញពីវាគ្មិនជំនាញៗទាំងក្នុងស្រុក និងអន្តរជាតិ។សម្រាប់អ្នកមានចំណាប់អារម្មណ៍ចូលរួមទស្សនា អ្នកចុះឈ្មោះចូលរួមដោយសេរី និងអាចមានឱកាសឈ្នះរង្វាន់ និងកាដូអនុស្សាវរីយ៍ជាច្រើន។ សូមចុះឈ្មោះចូលរួមឥឡូវនេះ! សម្រាប់ការធ្វើម្ចាស់ឧបត្ថម្ភ ឬចង់កក់កន្លែងតាំងគម្រោងនៅសូមទាក់ទង៖ភាសាខ្មែរ និងចិន៖ nin.kang@realestate.com.kh​​​​  ឬទូរស័ព្ទ (+855) 93 552 305 និង (+855) 78 637 323អង់គ្លេស៖ tyler.stuart@realestate.com.kh  ឬទូរស័ព្ទ (+855) 12 599 669 និង (+855) 81 599 669ស្វែងរកអចលនទ្រព្យនៅក្នុងទីក្រុងភ្នំពេញ សូមចូលទៅកាន់ Realestate.com.kh!

ខេត្តព្រះសីហនុបានក្លាយជាជម្រុកនៃគម្រោងអភិវឌ្ឍន៍ធំៗ ទាំងគម្រោងលំនៅដ្ឋាន ខុនដូ អគារពាណិជ្ជកម្ម អគារអភិវឌ្ឍន៍ចម្រុះ និងគម្រោងបែបលម្ហែកាយដ៏សម្បូរ៍បែប។ គិតមកដល់ពេលនេះមានគម្រោងតិចតួចនៅឡើយ ដែលបានបញ្ចប់ការសាងសង់ ប៉ុន្តែគម្រោងភាគច្រើននឹងត្រូវបញ្ចប់នៅចាប់ពីឆ្នាំ ២០២១ ទៅ។ គម្រោង New Landmark គឺជាអគារអភិវឌ្ឍន៍ចម្រុះដ៏ធំមួយ ដែលមានរហូតដល់ ៤ អគារ ហើយអគារ (B) គ្រោងនឹងបញ្ចប់នៅត្រឹម ឆ្នាំ២០២១ ខាងមុខ។ New Landmark មានលំនៅដ្ឋានសរុបចំនួន ៤,០០៩ យូនីត ចែកជាអាផាតមេន ៣,៥៤៥ យូនីត និងសណ្ឋាគារចំនួន ៤៦៤ បន្ទប់។ គម្រោងទាំងមូលមាន ផ្ទៃដីសាងសង់ទំហំ ២០ ម៉ឺនម៉ែត្រការ៉េ នៅក្នុងទីក្រុង ជាប់នឹងតំបន់ឆ្នេរសមុទ្រដ៏ស្រស់ស្អាតនៃក្រុង ព្រះសីហនុ។ ភាពអស្ចារ្យមិនមែនជាអ្វីតែម្យ៉ាង ដែលមាននៅក្នុងគម្រោង New Landmark  ប៉ុណ្ណោះទេ ប៉ុន្តែជាមួយការគិតគូពីឱកាសវិនិយោគ និងផលចំណេញសម្រាប់អ្នកទិញគឺជាផ្នែកដ៏សំខាន់ ដែលម្ចាស់គម្រោងបានផ្តោតលើជាចម្បង។  ធានាជួលត្រលប់ក្នុងអត្រា ២៤ % រយៈពេល ២ ឆ្នាំលោក Fei Lu ជានាយកផ្នែកលក់របស់គម្រោង  New Landmark ​បានមានប្រសាសន៍ថា ដើម្បីដើម្បីអបអរសាទរដល់គម្រោងថ្មីនេះ New Landmark សម្រេចផ្តល់អត្ថប្រយោជន៍ដល់អតិថិជនទាំងអស់ឲ្យទទួលបានការធានាជួលត្រលប់់ក្នុងអត្រា ២៤% ក្នុងរយៈពេល ២ ឆ្នាំ។ លោកបានបន្ថែមថា ចាប់តាំងពីមានការផ្តល់ជូនការជួលត្រលប់ខ្ពស់មក អតិថិជនទាំងចាស់​ទាំងថ្មីបានចាប់អាម្មណ៍ច្រើនលើម្រោងនេះ ដូច្នេះហើយដើម្បីឆ្លើយតបការស្នើសុំរបស់អតិថិជនជាបន្តបន្ទាប់ គម្រោង New Landmark នឹងនៅតែបន្តផ្តល់ជូនការធានាជួលត្រលប់ដ៏ល្អបំផុត។ លោក Fei បានលើកឡើងពីគុណសម្បត្តិ ៩ ចំណុចរបស់គម្រោង New Landmark៖ ១) អគាររបស់ New Landmark ឈរនៅលើតំបន់ស្នូលនៃក្រុងព្រះសីហនុ ដែលមានចម្ងាយតែ ១ នាទីប៉ុណ្ណោះពីរង្វង់មូលតោពីរ និងនៅជិតផ្លូវលេខ៣០០ (ផ្លូវពូលូវៃ)។២) ជាប់មាត់សមុទ្រ អមដោយទិដ្ឋភាពសមុទ្រ ដែលមានចម្ងាយត្រឹមតែ ២០០ ម៉ែត្រពីឆ្នេរខ្សាច់ដ៏ស្រស់ស្អាតបំផុតនៅលើពិភពលោក គឹ"ឆ្នេរអូឈើទាល"។៣) ផ្តល់ទំនុកចិត្តដោយសារគម្រោងត្រូវបានសាងសង់ដោយក្រុមហ៊ុនលំដាប់កំពូលនៅលើពិភពលោក "ក្រុមហ៊ុនចិន China Construction Group"។ ៤) ផ្តល់ជូនផលចំណេញពីការជួលត្រលប់ក្នុងអត្រាខ្ពស់ចាប់ពី ១០% -១៥% ដែលអត្រាជួលត្រលប់នេះខ្ពស់ជាគម្រោងផ្សេងៗនៅអាស៊ីអាគ្នេយ៍។ ៥) បូទីកអាផាតមេនបំពាក់ដោយបរិក្ខារ និងគ្រឿងសង្ហារិមប្រណិត។៦) សេវាកម្មនៅក្នុងគម្រោងមានដូចជា៖ រួមទាំងកាស៊ីណូធំជាងគេនៅក្នុងខេត្តព្រះសីហនុ ដែលមានទំហំ ១ ម៉ឺនម៉ែត្រការ៉េ  ក្លឹបហាត់ប្រាណ ហាងទំនិញ ក្លឹបកំសាន្ត អាងហែលទឹក កន្លែងបើកបរជាដើម ។ល។៧) ក្នុងពេលជាមួយគ្នានេះដែរ New Landmark នឹងមានកន្លែងទឹករាំដំបូងនៅក្នុងខេត្តព្រះសីហនុ ដែលមានទំហំជិត ២ ពាន់ម៉ែត្រការ៉េ។ ៨) សហគមន៍អេកូវ័យឆ្លាតដំបូងគេ ដែលប្រើប្រាស់ប្រព័ន្ធ QR ក្នុងការត្រួតពិនិត្យ ចាក់សោរដោយប្រើស្នាមម្រាមដៃ ប្រព័ន្ធអ៊ីនធើណិតឥតគិតថ្លៃ ទឹកបរិសុទ្ធ ដែលមានគុណភាពល្អ។៩) ផ្តល់កម្មសិទ្ធិកាន់កាប់រហូត (Freehold) បើនិយាយអំពីតម្លៃវិញ New Landmark ក៏ជាគម្រោងលំនៅដ្ឋានតម្លៃសមរម្យមួយដែរ ដែលយូនីតរបស់វាមានតម្លៃត្រឹមតែចាប់ពី​ ៤​ ម៉ឺនដុល្លារប៉ុណ្ណោះ៕ ស្វែងរកអចលនទ្រព្យសម្រាប់លក់នៅខេត្តព្រះសីហនុនៅថ្ងៃនេះ សូមចូលទៅកាន់ Realestate.com.kh!

ស្របពេលដែលទីផ្សារដីកំពុងមានសន្ទុះកំណើនទិញលក់ច្រើន ហើយតម្លៃដីចេះតែបន្តកើនឡើងជានិច្ច សកម្មភាពឆបោកក៏នៅតែបន្តកើតមានជាប់ជានិច្ចដែរ។ នៅក្នុងខែកក្កដា និងសីហា ឆ្នាំ២០១៩នេះ ការឆបោក ២ ករណីត្រូវបានរកឃើញ ដែលនេះជាសញ្ញាមួយបញ្ហាថារូបភាពឆបោកក្នុងទីផ្សារអចលនទ្រព្យនៅតែកើតមាន និងមានប្រសិទ្ធិភាព។ នេះក៏ជាសញ្ញាមួយប្រាប់ឲ្យអ្នកទិញត្រូវមានការប្រុងប្រយ័ត្នខ្ពស់នៅពេលចង់វិនិយោគ​ ឬទិញដីពីអ្នកលក់ណាម្នាក់ ឬក្រុមណាមួយ។ ករណីឆបោកមួយត្រូវបានធ្វើឡើងក្នុងរូបភាពជាការចូលរួមបណ្តាក់ទុនវិនិយោគ ដោយទទួលបានអត្រាការប្រាក់ខ្ពស់ប្រចាំខែ។ ប៉ុន្តែចុងក្រោយអ្នកទិញមិនអាចទទួលបាន ផលចំណេញដូចការសន្យា។ ករណីឆបោកមួយទៀតបានកើតឡើងនៅក្នុងនៅក្នុងខេត្តកំពង់ស្ពឺ ពាក់ព័ន្ធនឹងការដើរចង្អុលដីគេលក់យកប្រាក់កក់ចំនួនរាប់ម៉ឺនដុល្លារ។ បើតាមការចុះផ្សាយរបស់ Fresh News ក្រុមជនឆបោកមានគ្នាច្រើន [៥ នាក់]  ហើយក្រុមនេះគ្រាន់តែដើរចង្អុលដីគេ លក់យកលុយកក់ [រួចហើយគេចខ្លួន]។ ក្នុងករណីនេះជាក់ស្តែង ជនឆបោកបានប្រើប្រាស់ប្លង់ដីកូពីទំហំជាង ១៧ ហិកតា ដើម្បីមកជួបអ្នកទិញ និងចុះកិច្ចសន្យាប្រគល់-ទទួលប្រាក់កក់ចំនួន ៥ ម៉ឺនដុល្លារ។ ពាក់ព័ន្ធនឹងបញ្ហានេះ លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុ កម្ពុជាបានលើកឡើងថា ការឆបោកជារូបភាពមួយដែលមានទម្រង់គួរឲ្យទុកចិត្តបានមិនថាផ្នែក ច្បាប់ ឬផ្នែកណាមួយឡើយ។ នេះមានន័យថាអ្នកឆបោកបានរៀបចំសេណារីយ៉ូយ៉ាងល្អ មិនឲ្យអ្នកទិញមើលដឹងដោយងាយនោះឡើយ។​ លោកសុខនីមបានបញ្ជាក់ថា មូលហេតុដែលធ្វើឲ្យចាញ់បោកគេគឺដោយសារតែអ្នកទិញ មិនសូវមានចំណេះដឹង និងមិនបានសិក្សាឲ្យស៊ីជម្រៅលើឯកសារផ្លូវច្បាប់។ លោកក៏ធ្លាប់បាន លើកឡើងដែរថា ការចង់ចំណេញខ្លាំងពេកក៏អាចជាមូលហេតុនៃចាញ់បោកគេផងដែរ។ កង្វះខាតវិជ្ជាជីវៈរបស់អ្នករកស៊ីដីធ្លីអាចបង្ករទៅការអំពើឆបោក តួយ៉ាងដូចជាករណីឆបោកនៅកំពង់ស្ពឺ ពាក់ព័ន្ធការលក់ដី ដែលមិនមានការអនុញ្ញាតពីម្ចាស់ដី។ ជាការណែនាំ លោក សុខនីម បានមានប្រសាសន៍ថា​ អ្នកទិញត្រូវស្វែងយល់ឲ្យបានស៊ីជម្រៅពាក់ព័ន្ធ ផ្លូវច្បាប់ ជាពិសេសត្រូវធ្វើការជាមួយភ្នាក់ងារដែលមានអាជ្ញាប័ណ្ណស្របច្បាប់ ជំនាញច្បាស់លាស់ និងវិជ្ជាជីវៈត្រឹមត្រូវ ដើម្បីធានាបានការការពារលើហានិភ័យនានាពាក់ព័ន្ធនឹងការឆបោក ក្នុងរូបភាពណាមួយ។ ស្វែងរកអចលនទ្រព្យសម្រាប់លក់នៅក្នុងប្រទេសកម្ពុជានៅថ្ងៃនេះ!

ស្ថិរ​ភាពម៉ា​ក្រូ​សេដ្ឋកិច្ច និងកំ​ណើន​លំហូរវិនិយោគ​ផ្ទាល់​ពី​បរទេស​​ (FDIs) ក្នុងឆមាសទី ១ ឆ្នាំនេះ បាន​ក្លាយ​ជាកត្តា​វាស់​វែង​ដ៏​រឹង​​មាំនៃ​សេដ្ឋ​កិច្ច​កម្ពុជា​ និង​បង្កើត​ជា​សញ្ញា​វិជ្ជ​មាន​​ថា​​វិ​ស័យអចលនទ្រព្យ​​នឹង​នៅ​បន្ត​ភាព​ខ្លាំង​របស់​ខ្លួន​សម្រាប់​ឆ្នាំ​នេះ និង​ឆ្នាំ​បន្ទាប់​​។កាល​ពី​ចុង​ខែ​កក្កដា​កន្លង​ទៅ ធនាគារ​ជាតិ​នៃ​កម្ពុជា បានព្យាករថាកម្ពុជា​នឹងមានកំ​ណើន​ផ្នែក​សេដ្ឋ​កិច្ច​ ៧.១​ ភាគរយ​ក្នុងឆ្នាំ២០១៩ នេះ​ដោយ​បាន​រួម​ចំ​ណែក​ខ្លាំង​ដោយ​​វិស័យសំណង់ វិស័យ​អចលនទ្រព្យ និងវិស័យទេសចរណ៍ជា​ដើម។​ទន្ទឹមនឹងនេះដែរ នៅដើមខែនេះក្រុមប្រឹក្សាអភិវឌ្ឍន៍កម្ពុជា (CDC) បានបង្ហាញថាខ្លួនបានយល់ព្រមលើគម្រោង​ស្នើរ​សុំ​​វិនិយោគដែលមានទឹកប្រាក់ចំនួន ៥.២ ពាន់លានដុល្លារក្នុងឆមាសទីមួយនៃឆ្នាំនេះ។ នេះគឺជាការកើនឡើង ៤៨.៥ ភាគរយបើប្រៀបធៀបនឹងរយៈពេលដូចគ្នាកាលពីឆ្នាំមុន។នាយកក្រុមហ៊ុនសេវាកម្មអចលនទ្រព្យកម្ពុជា CBRE (ខេមបូឌា) អ្នក​ស្រី អាន សុ​ធី​តា បាន​មានប្រសាសន៍ថាលំហូរចូលនៃការវិនិយោគផ្ទាល់ពីបរទេសឆ្លុះបញ្ចាំងពីទំនុកចិត្តកាន់តែខ្លាំងឡើងរបស់វិនិយោគិនទៅលើបរិយាកាសអាជីវកម្មនៅកម្ពុជា។ អ្នក​ស្រីបញ្ជាក់​​ថា កត្តា​នេះ​មាន​ន័យ​ថា​​តម្រូវការ​អចល​ន​ទ្រព្យ​ និង​សេវា​កម្ម​ផ្សេងៗ​នៅតែកើនឡើង។លោកស្រីបន្ត​​ថា៖​ «​​កំណើនសេដ្ឋកិច្ចរឹងមាំគឺជាសញ្ញាល្អសម្រាប់វិស័យអចលនទ្រព្យហើយវាបង្កើតនូវទំនុកចិត្តភាគី​ពាក់​ព័ន្ធ​នា​នា​​នៅក្នុងឧស្សាហកម្មនេះ»​។លោកស្រីបានបន្ថែមទៀតថាចំនួនគម្រោង​ស្នើរ​សុំ​វិនិយោគ​ដែល​ត្រូវ​បាន​​អនុម័តពី CDC កាន់តែច្រើនមានន័យថាតម្រូវការដីសម្រាប់​សាង​សង់​រោងចក្រនឹង​កើន​ឡើង ជា​ពិ​សេស​ទី​តាំង​នៅ​តំ​បន់​​ជុំវិញ និង​ជាយ​រាជធានីភ្នំពេញ។អ្នក​ស្រី​បន្ត​ថា​៖​ «​ការសា​ក​សួរ​រក​ដី​ទំ​នេរ​ដើម្បី​សាង​សង់​រោង​ចក្រ​កំពុងកើនឡើង ជា​ពិ​សេស​តំ​បន់​ជាយ​​ក្រុង​ ហើយ​យើង​មិន​ឃើញ​មាន​សញ្ញា​ណា​មួយ​ថា​អាច​នឹង​ថម​ថយ​នៅ​ពេល​ឆាប់​ៗ​ទេ»។រោងចក្របានផ្លាស់ប្តូរទីតាំងពីប្រទេសចិនចូលមកកម្ពុជាបើតាមអ្នក​ស្រី សុ​ធីតា ​មាននិន្នាការកើនឡើងនៃរោងចក្រដែលផ្លាស់ប្តូរទីតាំង​​មកប្រទេសកម្ពុជាពីប្រទេសចិន។ លោកស្រីបាននិយាយថានេះកំពុងបង្កើតតម្រូវការបន្ថែមទៀតទាំងកន្លែងរោងចក្រនិងកន្លែងការិយាល័យ។ទិន្នន័យរបស់ CBRE បានបង្ហាញថា ក្នុង​​រយៈពេល ៦ ខែដំបូងនៃឆ្នាំនេះផ្ទៃ​ក្រ​លា​​ការិ​យា​ល័យ​ថ្មី​​ទំហំ ៦,៥០០ ម៉ែត្រការ៉េ ត្រូវ​បាន​ជួល​។​ នេះគឺជា​ការ​កើន​ឡើង​​ទ្វេដងបើធាប​នឹងរយៈពេលដូចគ្នាក្នុងឆ្នាំ២០១៨ ។បើ​បូក​បញ្ចូ​ល​ទាំង​អគារ​ការិ​យា​ល័យ​បង្កើត​ថ្មី និង​អគារ​ដែល​មាន​ស្រាប់ ចំនួន​ការិយា​ល័យ​សរុប​នៅ​ភ្នំពេញ​បានកើនឡើងដល់ជិត ៣៦០,០០០ ម៉ែត្រការ៉េគិត​ត្រឹម​​ចុងខែមិថុនា​ឆ្នាំ ២០១៩ នេះ។មាន​ការ​​ព្យាករ​​ថាកម្ពុជានឹងដើរតួនាទីដ៏​សំខាន់ជាងមុនក្នុងវិស័យផលិតកម្មនា​ពេល​ខាង​មុខ​។យោងតាម ​​NBC ប្រទេសកម្ពុជាបាននាំចេញទំនិញដែលមានតម្លៃប្រហែល ៦,៨ ពាន់លានដុល្លារនៅឆមាសទីមួយក្នុងឆ្នាំនេះ។ តួលេខនេះតំណាងឲ្យ​ជិតពាក់កណ្តាលនៃផលិតផលក្នុងស្រុកសរុបរបស់ប្រទេសនិងបានកើនឡើង ១៣ ភាគរយបើធៀបនឹងរយៈពេលដូចគ្នាកាលពីឆ្នាំមុន។លោក វង្សី វិសុទ្ធ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ បានថ្លែងនៅក្នុងសិក្ខាសាលាមួយកាលពីខែមុនថាកំណើននៃការនាំចេញនឹងនៅតែរឹងមាំពេញមួយឆ្នាំ។លោកបញ្ជាក់​ថា​៖​«​​ក្នុងរយៈពេល ៦ ខែដំបូង​ឆ្នាំនេះ ការ​នាំ​ចេញ​មិនមានការធ្លាក់ចុះនោះ​ទេ។ កំណើននាំចេញគឺខ្លាំង” ។ លោកបានបន្ថែមថាវិស័យកាត់ដេរកំពុងដំណើរការល្អដោយសារការនាំចូលវត្ថុធាតុដើមបានកើនឡើង។យ៉ាងណាក៏ដោយ ស្រប​ពេល​មា​នសកម្មភាពវិជ្ជមានលើ​កត្តា​វាស់​វែង​ពី​សុខុ​មាល​ភាព​សេដ្ឋ​កិច្ច​កម្ពុជា​ក៏​ប្រ​ឈម​នឹង​​ហានិភ័យមួយ​ចំ​នួន​ផង​ដែរ។ ការប្រ​ឈម​នឹង​ការ​បាត់​បង់​ប្រ​ព័ន្ធអនុ​គ្រោះ​ពន្ធ​ អ្វីៗ​ទាំងអស់លើកលែងតែអាវុធ (EBA) របស់សហភាពអឺរ៉ុបអាចប៉ះពាល់ដល់កំណើនឧស្សាហកម្ម។កាលពីខែកុម្ភៈឆ្នាំនេះ សហភាព​​អ៊ឺរ៉ុបបានប្រកាសថាខ្លួនបានចាប់ផ្តើមរាប់ថយក្រោយរយៈពេល ១៨ ខែដើម្បីសម្រេច​ពី​ការ​ដក​ EBA ពី​កម្ពុជា​ក្រោម​ហេតុ​ផល​​ស្ថានភាពសិទ្ធិមនុស្សកាន់តែអាក្រក់នៅក្នុងប្រទេស។ការបាត់បង់កិច្ចព្រមព្រៀង EBA អាចប៉ះពាល់ដល់ឧស្សាហកម្មកាត់ដេររបស់ប្រទេសកម្ពុជាដែលមានចំនួន ១៦ ភាគរយនៃទំ​ហំ​សេដ្ឋ​កិច្ច​​របស់ប្រទេស។ស្វែងរកអចលនទ្រព្យសម្រាប់លក់នៅក្នុងទីក្រុងភ្នំពេញ និងអចលនទ្រព្យសម្រាប់ជួលនៅក្នុងទីក្រុងភ្នំពេញនៅថ្ងៃនេះ!

វិស័យអចលនទ្រព្យបានចាប់ផ្តើមមានសន្ទុះកំណើនខ្លាំងក្លាក្នុងរយៈពេលប៉ុន្មានឆ្នាំចុងក្រោយនេះ ហើយភាពរីកចម្រើន និងឱកាសវិនិយោគនឹងនៅតែបន្តសក្តានុពលថែមទៀត ក្នុងរយៈពេល ១០ ឆ្នាំទៀត។ នេះជាការលើកឡើងរបស់លោក  ម៉ាន់ ​ច័ន្ទឌី នាយកប្រតិបត្តិរបស់ក្រុមហ៊ុន Prenium Housing Co., Ltd។ នេះមានន័យថាសម្រាប់អ្នករកស៊ីក្នុងវិស័យ​ គ្រប់គ្នានឹងទទួលបានឱកាសច្រើនថែមទៀតពីភាពរីកចម្រើននៃវិស័យនេះ។ ទោះយ៉ាងណាលោកជឿថាការវិនិយោគលើអចលនទ្រព្យឲ្យទទួលបានប្រាក់ចំណេញមិនមែនជារឿងងាយស្រួលនោះទេ ពិសេសសម្រាប់អ្នកដែលទើបនឹងចាប់ផ្តើមរៀនវិនិយោគថ្មីៗ ឬអ្នកដែលមិនមានពេលវេលាគ្រប់គ្រាន់ក្នុងការសិក្សាស្រាវជ្រាវលើការវិនិយោគនេះ។ប៉ុន្តែសម្រាប់អ្នកជំនាញអចលនទ្រព្យលំដាប់ពិភពលោកពួកគេជឿថាភាគជោគជ័យនៃការវិនិយោគលើអចលនទ្រព្យគឺភាពងាយស្រួលបំផុត។ ហេតុអ្វី? តើអ្នកជំនាញអចលនទ្រព្យលំដាប់ពិភពលោកមានអាថ៌កំបាំងអ្វីខ្លះនៅពីក្រោយខ្នងពួកគេ? ឆ្លើយនឹងសំណួរទាំងនេះ លោក ម៉ាន់ ​ច័ន្ទឌី បានបង្ហាញពីគោលគារណ៍ ២០ ចំណុច ដែលលោក ទទួលបានតាមរយៈការធ្វើការងារជាក់ស្តែង និងការរៀនសូត្រពីបុគ្គលឆ្នើមក្នុងវិស័យ អចលនទ្រព្យ។គោលការណ៍ច្បាស់លាស់ដែលត្រូវប្រកាន់ខ្ជាប់ក្នុងការធ្វើវិនិយោគលើអចលនទ្រព្យរួមមាន៖  ១. ផ្តោតការិនិយោគជាចម្បងលើអចលនទ្រព្យប្រភេទផ្ទះ ផ្ទះគឺ​ ជាប្រភេទអចលនទ្រព្យ​​ដែលសាកសមជាងគេ សម្រាប់ការវិនិយោគ ដោយសារផ្ទះគឺជា ប្រភេទអចលនទ្រព្យដែលមានតម្រូវការកើនឡើងគ្រប់ពេល។ អចលនទ្រព្យប្រភេទផ្ទះអាច ធ្វើកម្ចី ប្រាក់ពីធនាគារមកធ្វើការវិនិយោគបានច្រើន និងមានរយៈពេលយូរ រួមជាមួយ ការប្រាក់ទាប។ ពិសេសជាងនេះទៀតនោះអចលនទ្រព្យប្រភេទផ្ទះនេះ អាចឲ្យយើងរកកម្រៃ បន្ថែមផ្សេងទៀតបានដូចជាការជួលជាដើម។២. ចាប់ផ្តើមវិនិយោគទុនបន្តិចបន្តួចជាមុនសិន មុននឹងធ្វើការ បន្ថែមដើមទុនឲ្យកើនឡើងជាបន្តបន្ទាប់ វិធីនេះគឺជាវិធីល្អ ព្រោះ​វាអាចជួយឲ្យយើងបានដកស្រង់យកបទពិសោធន៍ពីកំហុសឆ្គងក្នុងការវិនិយោគបន្តិចបន្តួច ដើម្បីយកមកធ្វើជាមូលដ្ឋានសម្រាប់ ការវិនិយោគនៅគ្រាបន្តបន្ទាប់ទៀត ហើយវាក៏ អាចជួយឲ្យយើង កាន់តែមានជំនឿចិត្តបន្ថែមទៀត ក្នុងការវិនិយោគលើកក្រោយៗទៀត​។៣. ជ្រើសរើសផ្ទះដែលមានអ្នកជិតខាងល្អ ប្រសើរជាងផ្ទះដែលមានទីតាំងល្អ ការមានអ្នកជិតខាងល្អគឺអាចជួយឲ្យផ្ទះមានតម្លៃល្អទៅថ្ងៃក្រោយ ហើយនេះក៏ទាក់ទងទៅនឹងការរស់នៅប្រចាំថ្ងៃដែរផងដែរ។ បន្ថែមពីនេះទៀត បើមាន តែទីតាំងល្អ ហើយមិនមានអ្នកជិតខាងល្អ អចលនទ្រព្យអាចនឹងលក់មិនបានតម្លៃខ្ពស់ឡើយ។៤. ជ្រើសរើសអចលនទ្រព្យដែលមនុស្សភាគច្រើនចង់រស់នៅ និងមានតម្រូវការជួលច្រើន ត្រូវផ្តោតលើអចលនទ្រព្យដែលមានទីតាំងចំផ្លូវចេញចូលងាយស្រួល ងាយស្រួលក្នុងការធ្វើ ដំណើរទៅធ្វើការ ងាយស្រួលទាំងការរស់នៅប្រចាំថ្ងៃ និងមានបរិយាកាសល្អ ហើយមួយវិញ ទៀតគឺត្រូវគិតពីផលចំណេញត្រឡប់វិញដូចជាបរិយាកាសរស់នៅល្អ និងថាតើវាសមស្របជាមួយនឹង ទឹកប្រាក់ដែលយើងវិនិយោគឬទេ?៥. ត្រូវទិញអចលនទ្រព្យឲ្យបានក្នុងតម្លៃទាបជាងទីផ្សារ ដើម្បីទទួលបានផលចំណេញតាំងពីចាប់ផ្តើមទិញដំបូងយើងត្រូវផ្តោតលើអចលនទ្រព្យដែលយើងអាចតថ្លៃបាន ដូចជា ផ្ទះចាស់ ឬម្ចាស់អចលនទ្រព្យត្រូវការប្រាក់បន្ទាន់។ យើងត្រូវចងចាំទុកថាតម្លៃលក់គឺ ជាតម្លៃដែលអ្នកលក់ ស្នើឡើងជាលើកដំបូងប៉ុណ្ណោះ។៦. វិនិយោគលើអចលនទ្រព្យដែលនៅជិតយើងអចលនទ្រព្យដែលមានទីតាំងនៅជិតយើងគឺជាទីតាំងដែលយើងស្គាល់គ្រប់ច្រកល្ហកទាំងអស់ យើងងាយស្រួលក្នុងការត្រួតពិនិត្យទីតាំង ថាតើវាមានអ្វីខ្លះកើតឡើងថ្មីៗឬទេ ហើយវាក៏ងាយស្រួលក្នុងការ ស្រាវជ្រាវតម្លៃទិញលក់នៅកន្លែងនោះបានយ៉ាងជាក់ច្បាស់។៧. អង្កេតតាមដានអចលនទ្រព្យគោលដៅគ្រប់ពេលវេលា ដើម្បីឲ្យប្រាកដក្នុងចិត្តមុន នឹងសម្រេចចិត្តទិញ ធ្វើឲ្យដូចជា តោលបចាប់ចំណី ពោលគឺតាមដានយ៉ាងកៀកកិតបំផុតទាំងពេលព្រឹក ថ្ងៃ  ល្ងាច និងពេលយប់ ដើម្បីឲ្យដឹងពីអ្វីដែលបានកើតឡើងក្នុងកន្លែងនោះ ឬតំបន់នោះ យើងត្រូវដឹងឲ្យបានថា តើនឹងមានហាងលក់ដូរ ឬអគារខ្ពស់ៗ កំពុងសាងសង់ដែរឬទេ ឬក៏មាន គម្រោងសាងសង់អាគារផ្សេងៗ តូចធំដែរឬទេ ពីព្រោះអ្វីដែលយើងបានរៀបរាប់ មកនេះវានឹងជួយបន្ថែមតម្លៃអចលនទ្រព្យរបស់យើងនៅពេលអនាគត។៨. ធ្វើផែនការគ្រប់យ៉ាងឲ្យបានហ្មត់ចត់ និងដំណើរការតាមជំហានមួយៗច្បាស់លាស់ មុនពេលសម្រេចចិត្ត វិនិយោគលើអចលនទ្រព្យគ្រប់ពេល យើងត្រូវតែគិតតាមក្បួនខ្នាតឲ្យ បានល្អិតល្អន់ជា​មុន។គឺយើងត្រូវគិតថា ទិញយកមកធ្វើអ្វី? បានផលតបស្នងត្រឡប់មកវិញ ប៉ុន្មាន? ត្រូវថែមលុយ​ អភិវឌ្ឍអស់ប៉ុន្មានទៀត? ហើយបើលក់វិញ​បានប៉ុន្មាន? យើងធ្វើរបៀបនេះគឺ ដើម្បីបានតួលេខមួយដែលយើងយកវាជាគោល សម្រាប់តថ្លៃ អចលនទ្រព្យទាំងនោះ។៩. ត្រូវមើលឲ្យបានស៊ីជម្រៅ ថាតើអចលនទ្រព្យនោះអាចធ្វើអ្វីបានខ្លះ និងអាចធ្វើឲ្យមានប្រយោជន៍ច្រើនជាងពេលនេះឬទេ?ឧទាហរណ៍ដូចជា យើងទៅមើលអចលនទ្រព្យមួយជាផ្ទះចាស់ មានទំហំ ៥០០ ម៉ែត្រការ៉េ យើង​ត្រូវមើលឲ្យបានស៊ីជម្រៅជាងនេះទៀតគឺថា តើយើងអាចប្រែក្លាយ​ដីនេះសាងសង់ ផ្ទះល្វែង អគារខ្ពស់ ឬបន្ទប់ជួលបានដែរឬទេ? ធ្វើបានប៉ុន្មានជាន់ តំបន់នោះមានច្បាប់កំណត់កម្ពស់អគារឬទេ?  បើធ្វើរួចហើយអាចមានអ្នកទិញឬជួលដែរឬទេ យើងទទួលបានប្រាក់ចំណេញប៉ុន្មានដែរជាដើម។១០. យើងគួរអភិវឌ្ឍអចលនទ្រព្យឲ្យទៅតាមតម្រូវការនៅក្នុងតំបន់នោះប្រសិនបើទីតាំនោះសាកសមជាមួយនឹងការធ្វើបន្ទប់ជួលយើងគួរធ្វើបន្ទប់ជួល យើងមិនគួរ ទៅធ្វើផ្ទះល្វែងទេ ហើយផ្ទុយគ្នាមកវិញបើទីតាំងនោះសាកសមសម្រាប់ធ្វើផ្ទះល្វែង យើងមិនគួរធ្វើបន្ទប់ជួលនោះទេ។ ប្រសិនបើយើងមិនគោរពតាមគោលការណ៍ទាំងនេះទេ ក្រោយពីយើងធ្វើការអភិវឌ្ឍន៍រួច  ផលវិបាកផ្សេងៗអាចនឹងកើតឡើងមកជាបន្តបន្ទាប់។ ១១. ជ្រើសរើសអចលនទ្រព្យដែលត្រូវវិនិយោគដោយយកចិត្តទុកដាក់បំផុត អ្នកជំនាញវិនិយោគលើអចលនទ្រព្យលំដាប់ពិភពលោកតែងតែជ្រើសរើសតាមរូបមន្ត ១០០-៣០-៣-១ មានន័យថាពួកគេធ្វើតាមរូបមន្តនេះយ៉ាងម៉ឹងមាត់ ដោយស្វែងរកអចលនទ្រព្យ ១០០កន្លែង ធ្វើការស្នើទិញ ៣០កន្លែង អ្នកលក់ឆ្លើយតបមកវិញ ៣​ កន្លែង បន្ទាប់មកជ្រើសរើសទិញពិតប្រាកដតែ ១ កន្លែងគត់។១២. ជ្រើសរើសអចលនទ្រព្យដែលផ្តល់លំហូសាច់ប្រាក់វិជ្ជមាន និងទទួលបានថ្លៃដើម ត្រឡប់មកវិញលឿន យើងជាអ្នកវិនិយោគត្រូវរំលឹកខ្លួនឯងជាប្រចាំថា លំហូសាច់ប្រាក់ដែល​ត្រូវទទួលបានមកវិញពីការវិនិយោគនេះគឺជារឿងសំខាន់បំផុត។ ហេតុដូច្នេះរាល់អចលនទ្រព្យដែលយើងបានវិនិយោគ​ និងកាន់កាប់ ត្រូវតែផ្តល់លំហូរសាច់ប្រាក់ត្រឡប់មកវិញល្អប្រសើ ដើម្បីទប់ស្កាត់ដល់ការរាំងស្ទះការវិនិយោគថ្មីៗជាបន្តទៀតនៅពេល​អនាគត។១៣. ត្រូវមានការព្រមព្រៀងមួយដ៏ល្អជាមុនសិន មុននឹងសម្រេចចិត្តវិនិយោគបើចង់ទទួលបានកិច្ចព្រមព្រៀងមួយដ៏ល្អ យើង​ត្រូវយល់ឲ្យបានគ្រប់ជ្រុងជ្រោយនូវអចលនទ្រព្យ ដែលយើងមានបំណងចង់វិនិយោគនោះរួមជាមួយនឹងភាពអត់ធ្មត់ក្នុងការចចារ។ យើងជាអ្នកវិនិយោគមិនត្រូវសម្តែងអាការៈណាមួយដែលបង្ហាញថាយើងចង់បានអចលនទ្រព្យនោះហួសហេតុពេកទេនោះឡើយ។ ម្យ៉ាងទៀត អ្នកវិនិយោគ ឬអ្នកទិញត្រូវធ្វើផែនការទុកជាមុន ជាមួយការចេះរងចាំដោយចិត្តត្រជាក់ និងអត់​ធ្មត់ ហើយផែនការត្រូវបទបែនបានជានិច្ច។ ត្រូវត្រៀមចិត្តបញ្ឍប់ការទិញ-លក់​ភ្លាមៗ ប្រសិនបើមានហេតុការណ៍ផ្សេងៗកើតឡើងប៉ះពាល់​ដល់​ផែនការដែលបានគ្រោងទុក។​១៤. យើងត្រូវដឹងពីខួបនៃអាជីវកម្ម និងចង្វាក់នៃការវិនិយោគត្រឹមត្រូវចង្វាក់នៃការវិនិយោគដែលសាកសមបំផុតនោះគឺ នៅពេលដែលអចលនទ្រព្យចុះថ្លៃយើងទិញ ពេលឡើងថ្លៃយើងលក់វិញ ឬក៏ នៅពេលដែលអ្នកផ្សេងឲ្យថ្លៃខ្ពស់យើងនៅស្ងៀម ពេលពួកគេនៅស្ងៀមយើងទិញ។ នៅពេលដែលប្រតិបបត្តិការទិញលក់អចលនទ្រព្យមានការធ្លាក់ថ្លៃ យើងត្រូវត្រៀមទុន វិនិយោគឲ្យបានច្រើន ដើម្បីអាចឲ្យយើងប្រមូលទិញ បានច្រើនតាមតម្រូវការ។១៥. ព្យាយាមប្រើលុយអ្នកផ្សេងមកវិនិយោគឲ្យបានច្រើន​តាមតែអាចធ្វើទៅបានបើយើងប្រើប្រាស់ទុនវិនិយោគរបស់អ្នកផ្សេងបាន ច្រើនប៉ុនណា យើងកាន់តែមានឱកាស ទទួលផលមកវិញ​បានច្រើនថែមទៀតផងដែរ។ ការប្រើប្រាស់លុយអ្នកផ្សេងនេះសំដៅដល់ លុយកម្ចីធនាគារ ឬក៏ខ្ចីបងប្អូន និងមិត្តភ័ក្ត្រជាដើម។ល។១៦.​ ប្រថុយរបៀបអ្នកជំនាញយើងត្រូវតែដឹងឲ្យប្រាកដថានៅពេលដែល គ្រប់ពេលយើងវិនិយោគលើអចលនទ្រព្យ នឹងមានការ​ប្រថុយប្រថានអ្វីខ្លះកើតឡើង  ហើយយើងក៏ត្រូវដឹងផងដែរថា យើងអាចគ្រប់គ្រងបានរាល់ការប្រថុយប្រថានទាំងនោះ។ ១៧. គិតដល់ការលក់ចេញជានិច្ច ប្រសិនបើមើលឃើញថាអចលនទ្រព្យនោះផ្តល់ប្រាក់ចំណេញពេលវេលាដែលល្អបំផុតក្នុងការលក់អចលនទ្រព្យ គឺការលក់ដោយមិនមានសម្ពាធណាមួយ។ មានន័យថាយើងអាចរង់ចាំលក់នៅពេលដែលអចលនទ្រព្យទទួលបានតម្លៃល្អ ឬចំពេលឡើងថ្លៃ។ បើយើងជាអ្នកវិនិយោគឆ្លាតវៃ យើងត្រូវតែពិចារណាគ្រប់តម្លៃដែលអ្នកទិញបានស្នើ  ពីព្រោះមានករណីខ្លះ បើយើងមិនលក់ យើងអាចមានបញ្ហា ដែលធ្វើឲ្យយើងខាតផលប្រយោជន៍ ច្រើនជាង​ការលក់ចេញ។១៨. វិនិយោគក្នុងរយៈពេលកាន់តែខ្លីកាន់តែល្អបើយើងវិនិយោគក្នុងរយៈពេលកាន់តែខ្លី នោះធ្វើឲ្យ​យើង​ទទួលផលកាន់តែច្រើន ពីការវិនិយោគ ហើយក៏អាចកាត់បន្ថយហនិភ័យបានកាន់តែច្រើនផងដែរ។ ១៩. យើងត្រូវវិនិយោគអចលនទ្រព្យនៅតំបន់ដែលគេកំពុង​អភិវឌ្ឍន៍គឺជារឿងដែលល្អបំផុតតំបន់អភិវឌ្ឍន៍ជាតំបន់សក្តានុពល យើងអាចដាក់ទុន វិនិយោគ​ចំនួនតិច ប៉ុន្តែអាចទទួលបានផលចំណេញច្រើន។២០. វិន័យចំពោះការវិនិយោគលើអចលនទ្រព្យគឺជារឿងសំខាន់បំផុត ត្រូវចងចាំជានិច្ចថាប្រសិនបើកើតមានកំហុសឆ្គងណាមួយកើតឡើងនោះវាអាចធ្វើឲ្យជីវិតអ្នក ខាតបង់យ៉ាងធ្ងន់ធ្ងរ។ ដូច្នេះប្រសិនបើមានចំណុចណាមួយមិនច្បាស់ យើង​មិនដឹង ឬ មិនប្រាកដក្នុងចិត្ត យើងត្រូវតែស្វែងរកអ្នកជំនាញឲ្យជួយប្រឹក្សាយោបល់ភ្លាម។ ហើយយើងត្រូវប្រកាន់ខ្ជាប់ថាប្រសិនបើអចលនទ្រព្យមិនចំណុចល្អខ្លាំង ឬ តម្លៃមិនធូរថ្លៃទេនោះ យើងមិនត្រូវវិនិយោគដោយប្រថុយប្រថាននោះទេ៕ស្វែងរកឱកាសវិនិយោគនៅក្នុងប្រទេសកម្ពុជានៅថ្ងៃនេះ! សូមចូលទៅកាន់ Realestate.com.kh ដើម្បីស្វែងរកអចលនទ្រព្យសម្រាប់លក់នៅកម្ពជា!

សកម្មភាពនៃការពុះដីឡូតិ៍លក់ បានចាប់ផ្តើមមានសកម្មភាពតាំងពីអំឡុងឆ្នាំ ២០១២ មកម្លេះ ហើយវាបានរីកដុះដាលបនិ្តចម្តងៗ រហូតមកចាប់ផ្តើមកក្រើកខ្លាំងក្នុងឆ្នាំ ២០១៦ មកដល់ពេលនេះតែម្តង។ ដំបូងឡើយ សកម្មភាពនៃការពុះដីឡូតិ៍លក់នេះ មានតែនៅទីក្រុងភ្នំពេញ និងជាយៗក្រុងភ្នំពេញនៃទឹកដីខេត្តកណ្តាល និងកំពង់ស្ពឺ ក្រោយមក បានរីករាលដាលទៅដល់ សៀមរាប ក្រុងព្រះសីហនុ បន្ទាប់មក ធ្លាយដល់កំពត កំពង់ចាម ត្បូងឃុំ តាខ្មៅ (ខេត្តកណ្តាល)   បាវិត (ស្វាយរៀង) ហើយបច្ចុប្បន្ននេះ បានរីក សាយគ្រប់ខេត្ត-ក្រុងទៅហើយ ។មូលហេតុចម្បងដែលនាំទៅដល់ការពុះដីឡូតិ៍លក់នេះ ដោយសារតែម្ចាស់ដីមានដីធំៗ ពិបាកក្នុងការរកអតិថិជនមកទិញដីនោះទាំងមូល ទើបពួកគាត់សម្រេចចិត្តពុះជាឡូត៍តូចៗ ដើម្បីលក់ជូនសាធារណៈជនវិញ ។ដីឡូតិ៍ក្នុងមួយឡូត៍ មានតម្លៃចាប់ពី ១,៥០០ ដុល្លាររហូតដល់តម្លៃ ២០,០០០ ដុល្លារ (គិតជាមធ្យម) អាស្រ័យតាមទីតាំងជិត ឬឆ្ងាយ ទីតាំងល្អ ឬមិនល្អ ទីប្រជុំជន ឬដាច់ស្រយ៉ាល តំបន់អភិវឌ្ឍន៍ ឬមិនសូវមានការ អភិវឌ្ឍន៍ជាដើម ។ល។ការវិនិយោគ ឬការទិញដីឡូតិ៍ វាជាឱកាសសម្រាប់អ្នកខ្សត់ខ្សោយ ឬអ្នកមានជីវភាពក្រោមមធ្យម ដែលគាត់មានលុយបន្តិចបន្តួចអាចទិញដីឡូតិ៍យកមកសង់លំនៅដ្ឋាន សម្រាប់ស្នាក់នៅ ឬទុកលក់យកប្រាក់ចំណេញ ប៉ុន្តែក៏អាចក្លាយទៅជាហានិភ័យដែរ ប្រសិនបើអ្នកទិញមិនបានសិក្សា អោយបានច្បាស់លាស់ និងស៊ីជម្រៅទៅលើគម្រោង ឬដីឡូតិ៍ដែលចង់ទិញ ឬនឹងទិញនោះ។ ដូច្នេះ មានន័យថា ការទិញដីឡូតិ៍ វាអាចជាឱកាសផង ជាហានិភ័យផង គឺវាអាស្រ័យទៅលើអ្នកទិញចេះពិនិត្យ និងវាយតម្លៃអោយបានត្រឹមត្រូវ មុននឹងទិញដីឡូតិ៍ពីគម្រោងណាមួយ។ជាប្រការល្អបំផុត សម្រាប់អ្នកទិញ មុននឹងទិញដីឡូតិ៍ត្រូវស្វែងរកអ្នកជំនាញអោយជួយផ្តល់ប្រឹក្សាយោបល់ ប្រសិនបើពួកគេមិនចេះធ្វើការស្រាវជ្រាវដោយខ្លួនឯង ឬមិនដឹងថាត្រូវធ្វើយ៉ាងម៉េច ដើម្បីទិញបាន ដីឡូតិ៍ល្អ។ដើម្បីទិញដីឡូតិ៍អោយបានត្រឹមត្រូវ និងជៀសវាងការចាញ់បោកគេ ឬហានិភ័យផ្សេងៗដែលអាច នឹងកើតឡើងជាយថាហេតុ អ្នកទិញត្រូវចេះសាកសួរព័ត៌មានពីម្ចាស់គម្រោង និងស្រាវជ្រាវអោយបានច្បាស់លាស់ពីប្រភពផ្សេងៗ នូវព័ត៌មាន និងមូលដ្ឋានដូចខាងក្រោម៖១) ប្លង់ដី ឬប័ណ្ណកម្មសិទ្ធិដីធ្លី តើដីទាំងមូលដែលគេយកមកពុះជាឡូត៍លក់នោះ ជាដីប្លង់រឹង ឬប្លង់ទន់? ហើយប្រសិនជាប្លង់រឹងវិញ  ពេលគេលក់អោយយើង (អ្នកទិញ) គេបំបែកក្បាលដីជាប្លង់រឹងអោយ ឬអត់? ឬគេកាត់ឈ្មោះត្រឹមស្រុក-ខណ្ឌ ឬឃុំ-សង្កាត់? ។“អ្នកត្រូវសិក្សា និងសួរអោយបានច្បាស់ពីបញ្ហាប្លង់ដី ដើម្បីប្រសិទ្ធភាពខ្ពស់ អ្នកគួរទិញតែដីឡូតិ៍ណាដែលមានប្លង់រឹង ហើយកាត់ឈ្មោះជូនអតិថិជនជាប្លង់រឹងដែរ ។ជារួមអ្នកទិញមិនគួរទិញដីឡូតិ៍ពីគម្រោងណាមួយដែលមានត្រឹមតែប្លង់ទន់ នោះទេ ពីព្រោះវាអាចនឹងមានហានិភ័យច្រើនណាស់ ប្រសិនបើលោក-អ្នកមិនស្គាល់ច្បាស់ពីម្ចាស់គម្រោង ឬគម្រោងនោះច្បាស់លាស់។”២) តើដីដែលគេយកមកពុះដីឡូតិ៍លក់នោះ ជាដីផ្ទាល់របស់ម្ចាស់គម្រោង ឬទិញពីគេ? ហើយបើទិញពីគេ​ តើបង់លុយថ្លៃទិញដីនោះផ្តាច់ ហើយឬនៅ? ឬនៅបង់ជាដំណាក់កាលទៀត? “ប្រសិនបើអ្នកទិញរកឃើញថា គម្រោងទាំងមូលនោះជាដីទិញពីគេ ហើយមិនទាន់បង់លុយដាច់អោយ ម្ចាស់ដើម អ្នកត្រូវតែប្រុងប្រយ័ត្នខ្ពស់ ហើយមិនគួរទិញជាដាច់ខាត ព្រោះអាចនឹងមានបញ្ហានៅពេល ដែលគម្រោងដីឡូតិ៍នេះលក់មិនដាច់សោះ ឬលក់ មិនបានគ្រប់ចំនួនលុយដែល ត្រូវយកទៅទូទាត់ ជូនម្ចាស់ដីដើម ឬម្ចាស់ដីដើមរករឿងដោយសារតែការទូទាត់លុយថ្លៃទិញដីនោះ មានការយឺតយ៉ាវ ឬមិនទៀងទាត់ នាំអោយម្ចាស់ដីដើមនោះ មិនសប្បាយចិត្ត បង្អាក់ការអភិវឌ្ឍន៍ ឬបញ្ចប់កិច្ចសន្យាជាមួយម្ចាស់គម្រោង ដែលធ្វើអោយប៉ះពាល់ដល់យើងដែលជាអ្នកទិញដីឡូតិ៍នោះ។” ៣) មានច្បាប់អនុញ្ញាតត្រឹមត្រូវ ហើយឬនៅ? មុនពេលទិញដីឡូតិ៍ពីគម្រោងណាមួយ ត្រូវសាកសួរពីច្បាប់ទំលាប់ដែលម្ចាស់គម្រោងត្រូវតែមាន និងត្រូវតែបង្ហាញពីភាពស្របច្បាប់នៃគម្រោងរបស់ខ្លួនដល់អតិថិជនដែលនឹងទិញ ដីឡូតិ៍ពីគម្រោងរបស់ខ្លួន។ ជាគោលការណ៍ ម្ចាស់គម្រោងត្រូវដាក់តាំងរាល់លិខិតអនុញ្ញាត អោយធ្វើអាជីវកម្មពុះដីឡូតិ៍ពីស្ថាប័នមានសមត្ថកិច្ចនៅការិយាល័យលក់ ឬរៀបចំទុកក្នុង Dosé អោយបានត្រឹមត្រូវដើម្បីទុកបង្ហាញអតិថិជន ករណីមានការស្នើសុំមើល។ បច្ចុប្បន្ន ការពុះដីឡូតិ៍លក់ត្រូវស្នើសុំច្បាប់នៅថ្នាក់ស្រុក ឬខណ្ឌ ដែលគម្រោងនោះ ស្ថិតនៅ គម្រោងដីឡូតិ៍ទាំងមូលត្រូវតែមានការគូប្លង់ដោយមន្រ្តីជំនាញនៅភូមិបាលស្រុកខណ្ឌ មិនអាចចេះតែគូ ដោយខ្លួនឯង ឬជួលអ្នកផ្សេងក្រៅពីមន្ត្រីមកសុរិយោដីឡើយ។តាមការណែនាំរបស់ក្រសួងសេដ្ឋកិច្ច និង ហិរញ្ញវត្ថុ បានណែនាំអោយអ្នកទិញ ត្រូវសាកសួរ ឬសុំមើល ឯកសារ ដូចខាងក្រោម៖ឈ្មោះរបស់ម្ចាស់គម្រោងនៅលើប័ណ្ណកម្មសិទ្ធិកម្មសិទ្ធិនៃដីដែលយកមកពុះឡូត៍នោះ (តើជាឈ្មោះ របស់ម្ចាស់គម្រោង ឬរបស់អ្នកផ្សេង)។ប្រសិនជាអាចត្រូវចេះត្រួតពិនិត្យមើលប័ណ្ណកម្មសិទ្ធិនោះថាមានជាប់បន្ទុក ឬអត់?លិខិតអនុញ្ញាតអោយអភិវឌ្ឍន៍ដីនោះ ចេញដោយអាជ្ញាធរមានសមត្ថកិច្ច (ដូចជា៖ ថ្នាក់ស្រុកជាដើម)។ឯកសារបង់ពន្ធអចលនវត្ថុ ។ប័ណ្ណបំបែកក្បាលដី ។ខ្លឹមសារលំអិតនៃ កិច្ចសន្យាលក់-ទិញ ដីឡូតិ៍ ។៤) តើអ្នកទិញដីឡូតិ៍នោះពីម្ចាស់គម្រោងផ្ទាល់? ឬពីភ្នាក់ងាលក់ ឬអ្នកគួកជេ? មានរឿងរ៉ាវច្រើនពាក់ព័ន្ធនឹងការទិញដីឡូតិ៍ពីភ្នាក់ងារលក់ ឬអ្នកគួកជេ និថអ្នកធ្វើទីផ្សារ ដោយសារ តែពួកគាត់មួយចំនួននោះ មិនសូវមានការទទួលខុសត្រូវ និងភាគច្រើនចូលចិត្តបង្ហាញព័ត៌មាន បំប៉ោងច្រើន ហើយខ្វះការទទួលខុសត្រូវ ខ្វះវិជ្ជាជីវៈ ប្រឹងលក់អោយតែដាច់ មិនគិតគុណធម៌ មិនគិតពីការលំបាករបស់អ្នកទិញ ដែលខំសន្សំលុយទំរាំតែបានយកមកទិញដីឡូតិ៍នោះ។ ពេលមានបញ្ហាកើតឡើងភាគច្រើនពួកគាត់ មិនសូវជាចេញមុខទទួលខុសត្រូវឡើយ ហើយច្រើនតែនិយាយ ឬយកឡេសថា គាត់និយាយ ឬផ្សព្វផ្សាយ លក់តាមការណែនាំរបស់ម្ចាស់គម្រោងតែប៉ុណ្ណោះ ។៥)  ហេដ្ឋារចនាសម្ព័ន្ធតើគម្រោងទាំងមូលស្ថិតនៅលើផ្លូវរដ្ឋ ឬផ្លូវឯកជនដែលម្ចាស់គម្រោងធ្វើដោយខ្លួនឯង? ផ្លូវប៉ុន្មានម៉ែត្រ? មាន ប្រព័ន្ធលូ ទឹក ភ្លើង ដាំបង្គោលឡូត៍ ធ្វើផ្លូវ (ក្រាលថ្មមិច ឬចាក់បេតុង?) នៅក្នុងគម្រោងមានរៀបចំអ្វីខ្លះបន្ថែម ទៀត ដូចជា សួនសាធារណៈ ស្រះទឹក ផ្សារ កន្លែងហាត់ប្រាណ កន្លែងលម្ហែកាយ ។ល។៦) ព័ត៌មានបំប៉ោង ឬព័ត៌មានខ្យល់ជាទូទៅ ម្ចាស់គម្រោង ភ្នាក់ងារលក់ ឬអ្នកគួកជេនីមួយៗ តែងតែព្យាយាមបំប៉ោងព័ត៌មាន (ប្រើប្រាស់ព័ត៌មាន មិនពិត) ដើម្បីលើកកម្ពស់ និងផ្តល់តម្លៃអោយគម្រោងដីឡូតិ៍របស់គេលក់ឆាប់ដាច់ ។ ឧទាហរណ៍៖ គេផ្សព្វផ្សាយថាគម្រោងរបស់គេនឹងមានធ្វើផ្សារ តារាងបាល់ទាត់ សួនលម្ហែកាយ អាងហែលទឹក ។ល។ តែធាតុពិត ពួកគេមិនធ្វើវាទេ គ្រាន់តែផ្សព្វផ្សាយដើម្បីទាក់ទាញ និងលក់គម្រោងរបស់គេអោយឆាប់ដាច់ប៉ុណ្ណោះ (ទោះយ៉ាងណា ក៏មានគម្រោងខ្លះគេធ្វើពិត តាមការផ្សព្វផ្សាយដែរ)។៧) ព័ត៌មានមូលដ្ឋានមុននឹងទិញដីឡូតិ៍ណាមួយ វាចាំបាច់ណាស់ ដែលអ្នកមិនត្រូវមើលរំលង មេភូមិ ប្រជាពលរដ្ឋនៅក្បែរគម្រោង និងមេឃុំ ឬចៅសង្កាត់ ដើម្បីសាកសួរព័ត៌មានផ្សេងៗពីពួកគាត់លើគម្រោងនោះ និងសាកសួរពីប្រវត្តិម្ចាស់ គម្រោងអោយបានច្បាស់លាស់។ ពួកគាត់ជាមនុស្សសំខាន់ទី១ ដែលផ្តល់ព័ត៌មានសុក្រឹត្យដល់អ្នកទិញ ជាងម្ចាស់គម្រោង ឬអ្នកលក់ដីឡូតិ៍ទៅទៀត ។ ម្ចាស់គម្រោង ឬអ្នកលក់ដីឡូតិ៍ខ្លះ មិនផ្តល់ព័ត៌មានពិត អោយអ្នកទិញទេ ដែលជាកត្តាធ្វើអោយអ្នកទិញពិបាកកំណត់ និងវាយតម្លៃក្នុងការសម្រេច ចិត្តទិញដីឡូតិ៍នោះ។៨) តម្លៃថោក ឬថ្លៃជាការពិតណាស់ ដីឡូតិ៍មានតម្លៃថោកសមរម្យ តាមទីតាំង និងភូមិសាស្រ្តរបស់គម្រោង ប៉ុន្តែក៏ មានគម្រោងខ្លះលក់ថ្លៃកប់ពពក ខណៈទីតាំង និងភូមិសាស្រ្ត ឬស្ថានភាពជុំវិញ មិនសូវល្អឡើយ។ ហេតុដូច្នេះ មុនសម្រេចិត្តទិញដីឡូតិ៍ណាមួយ ត្រូវប្រៀបធៀបតម្លៃជាមួយគម្រោងផ្សេងៗជាមុនសិន ជៀសវាង ទិញចំដីឡូតិ៍មិនត្រូវប៉ាន់ ហើយតម្លៃថ្លៃខ្លាំង។ តម្លៃទីផ្សារជាមូលដ្ឋាន ដែលអ្នកទិញអាចផ្គូរផ្គងបាន គឺ បើដីឆៅក្នុងតំបន់នោះ តម្លៃ ១ ម៉ែត្រការេ ១០ ដុល្លារ ពេលដែលគេពុះដីឡូតិ៍លក់ តម្លៃប្រហាក់ប្រហែលដែល គួរទទួលយកបានគឺ ១ ឡូត៍ តម្លៃចន្លោះពី ៤.០០០ ទៅ ៦.០០០ ដុល្លារ ប៉ុណ្ណោះ ។ បើលក់ថ្លៃជាងនេះ មាន ន័យថា គម្រោងនោះ លក់ថ្លៃជាងគេហើយ ។៩) ការបង់ថ្លៃដីឡូតិ៍តើអ្នកទិញបង់ផ្តាច់ ឬបង់រំលស់? ហើយបើអ្នកបង់រំលស់ តើគេគិតការប្រាក់ឬអត់?ប្រការនេះក៏សំខាន់ណាស់ ពិសេសសម្រាប់អ្នកវិនិយោគ (ទិញទុកលក់យកចំណេញ) ។ មានគម្រោងច្រើន គួរសមដែរ ដែលអនុញ្ញាតអោយអ្នកទិញបង់រំលស់ជាមួយធនាគារ ឬម្ចាស់គម្រោងផ្ទាល់ ជាមួយនឹងអត្រា ការប្រាក់ ១% ក្នុងមួយខែ ឬ ១២% ក្នុងមួយឆ្នាំ។ ប៉ុន្តែក៏មានគម្រោងមួយចំនួន មានការបង់រំលស់ដោយ មិនគិតការប្រាក់ ក្នុងរយៈពេលត្រឹម ២៤ ខែ ដោយតម្រូវអោយអតិថិជនបង់មុន ចាប់ពី ៣០% ទៅ ៥០% ហើយប្រាក់ដែលនៅសល់គឺបង់រំលស់រយៈពេល ២៤ ខែ ដោយគ្មានការប្រាក់ ។ ដូច្នេះមានន័យថា សម្រាប់អ្នក ទិញទុកលក់យកចំណេញ មិនគួរទិញដីដែលមានគិតការប្រាក់នោះទេ ពីព្រោះថា ភាគរយនៃប្រាក់ចំណេញ របស់អ្នកនឹងថយចុះ ឬគ្មានតែម្តង បើអ្នកទិញដីបង់រំលស់ដែលមានគិតការប្រាក់ ។១០) កត្តាប្រៀបធៀបតម្លៃប្រៀបធៀប ទីតាំងប្រៀបធៀប ចំណុចសក្តានុពល ស្ថានភាពនៅជុំវិញគម្រោង និងការអភិវឌ្ឍន៍ផ្សេងៗ ហេដ្ឋារចនាសម្ព័ន្ធ ប្រព័ន្ធទឹក-ភ្លើង ផ្សារ សាលារៀន ទីប្រជុំជន ។ល។ ជាការពិតណាស់ អ្នកត្រូវតែដឹង ច្បាស់ពីតម្លៃប្រៀបធៀប នឹងគម្រោងគេផ្សេងៗ នៅជិតៗនឹងគម្រោងដែលយើងទិញ ឬនៅទីតាំងផ្សេងៗ ដែលមានស្ថានភាពប្រហាក់ប្រហែល ថាតើទីតាំងគម្រោងដែលយើងចង់ទិញ វាល្អ ឬអត់? ស្ថានភាពបច្ចុប្បន្ន មានការអភិវឌ្ឍកម្រិតណា? ហើយក្នុងពេលអនាគត ៣-៥ ឆ្នាំខាងមុខ រំពឹងថានឹងមានការអភិវឌ្ឍន៍កំរិតណា?ស្វែងរកដីឡូតិ៍សម្រាប់លក់នៅប្រទេសកម្ពុជា!

អស់រយៈពេលប៉ុន្មានប្រហែលជាជិតមួយខែហើយ ពោលគឺតាំងពីថ្ងៃទី២៨ ខែមិថុនា ឆ្នាំ២០១៩មក សាលារាជធានីភ្នំពេញបានធ្វើសេចក្តីប្រកាសផ្អាកការប្រើប្រាស់ស្ពានបេឡេដែលតភ្ជាប់ពីខណ្ឌឫស្សីកែវ មកកាន់ខណ្ឌជ្រោយចង្វារ ដើម្បីធ្វើការថែទាំ និងត្រួតពិនិត្យលក្ខណៈបច្ចេកទេស។ ប៉ុន្តែស្ពានបេឡេនេះបានធ្វើការបើកដំណើរការឡើងវិញហើយ ពោលគឺនៅព្រឹកថ្ងៃទី១ ខែសីហា ឆ្នាំ ២០១៩នេះ។ស្របជាមួយនឹងការដាក់ឱ្យប្រើប្រាស់ឡើងវិញនូវស្ពានដែកឆ្លងកាត់ទន្លសាបមួយនេះ លោកម៉េត មាសភក្តី អ្នកនាំពាក្យ​រដ្ឋបាល​រាជធានី​ភ្នំពេញ​បានឱ្យ​ដឹង​ថា ដើម្បីថែរក្សានូវគុណភាព និងធានាដល់សុវត្ថិភាពនៃការប្រើប្រាស់ទៅដល់ប្រជាពលរដ្ឋដែលធ្វើដំណើរឆ្លងកាត់ស្ពាននេះឱ្យសមស្របតាមបទដ្ឋានបច្ចេកទេស ទើបរដ្ឋបាលសាលារាជធានីភ្នំពេញសម្រេចចិត្តផ្អាកការធ្វើដំណើរមួយរយៈពេលខ្លីនេះ។សម្រាប់ការជួសជុលថែទាំទៅលើស្ពានបេឡេនេះ សាលារាជធានីភ្នំពេញបានផ្តោតសំខាន់ទៅដល់ការត្រួតពិនិត្យយ៉ាងម៉ត់ចត់ទៅលើគ្រឿង​បង្គំ​ស្ពាន​ផ្នែក​ខាងលើ​ និង​ផ្នែក​សសរ​ទម្រ​ស្ពាន ដែលជាចំណុចសំខាន់បំផុតជំហរយ៉ាងរឹងមាំរបស់ស្ពាន។គូរបញ្ជាក់ផងដែរថា ថ្វីបើស្ពានមិត្តភាពជប៉ុនកម្ពុជា ជប៉ុន ត្រូវបានដាក់ឱ្យប្រើប្រាស់តាំងពីខែមេសាមកម្ល៉េះក៏ពិតមែន ប៉ុន្តែស្ពានបេឡេនេះនូវតែបានជួយសម្រួលដល់ការធ្វើដំណើរមួយផ្នែកធំ ជាពិសេសសម្រាប់អ្នកដែលចង់ឆ្លងពីខណ្ឌជ្រោយចង្វារ ទៅខណ្ឌឫស្សីកែវ ឬត្រលប់មកវិញ ដោយមិនចាំបាច់ធ្វើដំណើរវៀងវែងឆ្ងាយ ពោលគឺស្ពាននេះបានសន្សំពេលវេលា និងការចំណាយជាច្រើនសម្រាប់ប្រជាពលរដ្ឋ។ដូច្នេះការដាក់ឱ្យដំណើរការ និងប្រើប្រាស់នៃស្ពាននេះឡើងវិញ ត្រូវបានគេជឿថាជារឿងដែលគួរឱ្យអបអរមួយ ព្រោះវានឹងជួយសម្រួលចរាចរណ៍ទីក្រុងភ្នំពេញបានយ៉ាងល្អប្រសើរជាងមុន៕​ចង់ស្វែងរកអចលនទ្រព្យសម្រាប់លក់នៅក្នុងទីក្រុងភ្នំពេញវនៅថ្ងៃនេះ!

ឆ្នេរសមុទ្ររបស់ប្រទេសកម្ពុជាត្រូវបានគេឲ្យឈ្មោះថាជាឆ្នេរល្អដាច់គេនៅក្នុងពិភពលោក។ ដើម្បីរក្សា សោភ័ណភាព និងប្រើប្រាស់ឆ្នេរដ៏មានសក្តានុពលនេះឲ្យបានជាប្រយោជន៍ជាតិ រាជរដ្ឋាភិបាល មានការកំណត់គន្លាតសម្រាប់ការសាងសង់សំណង់ និងការប្រើប្រាស់ឆ្នេរ ឲ្យបានត្រឹមត្រូវ មានប្រសិទ្ធិភាព និងចីរភាព។​ នេះបើយោងតាមសារាចរណែនាំ ស្តីពីការអភិវឌ្ឍតំបន់ឆ្នេរសមុទ្រកម្ពុជា លេខ ៤៤២ ចុះថ្ងៃទី ០៨ កុម្ភៈ ២០១២។ តើត្រូវសាងសង់គន្លាតប៉ុន្មានម៉ែត្រពីឆ្នេរសមុទ្រ? តាមសារាចរណែនាំតំបន់ឆ្នេរត្រូវបានបែងចែកជាពីរផ្នែក៖ ឆ្នេរសមុទ្រ និងដីចំណីឆ្នេរ។ ឆ្នេរសមុទ្រត្រូវបានគិតរាប់ចាប់ពីទឹកជោរខ្ពស់បំផុតឡើងមកលើគោកចំនួន ៣០ មែ៉ត្រ សម្រាប់ឆ្នេរជម្រាល និងកំណត់ចំនួន ២០ ម៉ែត្រសម្រាប់ឆ្នេរចោត។ ចំណែកឯដីចំណីឆ្នេរ រាប់ចាប់ពីព្រំនៃឆ្នេរសមុទ្ររហូតដល់ ៥០ មែ៉ត្រចូលទៅខាងដីគោក។ ប៉ុន្តែប្រសិនបើមានផ្លូវនៅតំបន់នោះ គេត្រូវរាប់ដល់ត្រឹមផ្លូវសាធារណៈនោះ។​ ជាការកំណត់ដោយច្បាប់ ផ្នែកទាំងពីរនេះ គឺជាទ្រព្យសម្បត្តិរបស់រដ្ឋ ដែលមិនអាចឲ្យមានការសាងសង់សំណង់ណាមួយ នៅលើតំបន់នេះនោះទេ។ នេះមានន័យថា រាល់ការសាងសង់សំណង់ផ្សេងៗ អាចធ្វើទៅបានចម្ងាយយ៉ាងហោចណាស់ ៥០ ម៉ែត្រពីឆ្នេរសមុទ្រ។ការប្រើប្រាស់ដីចំណីឆ្នេរដីចំណីឆ្នេរត្រូវបានបែងចែកជាពីរប្រភេទ ដែលមានដូចជា ដីចំណីឆ្នេរ ដែលជាទីប្រជុំជនសម្រាប់គោលដៅទេសចរណ៍ និងដីចំណីឆ្នេរ ដែលមិនសូវមានមនុស្សរស់នៅ។  ១. ដីចំណីឆ្នេរ នៅទីប្រជុំជនរាល់ការសាងសង់សំណង់ណាមួយ ដែលត្រូវបានអនុញ្ញាតនៅលើដីចំណីឆ្នេរនេះមិនត្រូវឲ្យមានការប៉ះពាល់ដល់សោភ័ណភាពឆ្នេរ និងប្រាស់ចាកពីការបំរើសម្រាប់ទេសចរណ៍នៃតំបន់នោះទេ។សកម្មភាពខាងក្រោមនេះ ត្រូវបានអនុញ្ញាតឲ្យប្រើប្រាស់ដូចខាងក្រោម៖គេអាចសាងសង់ជាតូបតូចៗ ដែលនៅចន្លោះដើមឈើ និងត្រូវមានចម្ងាយពីគ្នា ប្រមាណ ១៥ មែ៉ត្រ ដើម្បីកុំឲ្យប៉ះពាល់ដល់ការដើរចេញចូលរបស់ភ្ញៀវទេសចរណ៍។កន្លែងចតយានយន្តក៏ត្រូវបានអនុញ្ញាតឲ្យដាក់ផងដែរ ប៉ុន្តែមិនត្រូវប៉ះពាល់ដល់ សោភ័ណភាពនោះទេ។គេអនុញ្ញាតឲ្យមានការសាងសង់បន្គន់សាធារណៈក្នុងចំនួនសក្តិសម ប៉ុន្តែមិនត្រូវប៉ះ ពាល់ដល់សោភ័ណភាពនោះទេ។ការសាងសង់រូបសំណាក់ផ្សេងៗក៏អាចធ្វើទៅបាន ដើម្បីលំអទស្សនីយភាពនៃតំបន់ នោះផងដែរ។មិនអនុញ្ញាតឲ្យមានការសាងសង់កំពង់ផែនោះទេ ប៉ុន្តែក្នុងករណីដែល ការសាងសង់នោះ​ផ្តល់ផលប្រយោជន៍ខ្លាំង សម្រាប់សេដ្ឋកិច្ច គេអាចនឹងត្រូវបានអនុញ្ញាតបាន។រាល់សំណង់រឹងមាំផ្សេងៗ ត្រូវបានហាមឃាត់ លើកលែងតែសំណង់ដូចជាស្ពានសម្រាប់ សម្រួលដល់ការធ្វើដំណើរ ឬកន្លែងទស្សនាទិដ្ឋភាពក្រោមបាទសមុទ្រជាដើម ដែលសម្រួលដល់វិស័យទេសចរណ៍ អាចត្រូវបានអនុញ្ញាតឲ្យធ្វើឡើងក្នុងតំបន់នោះ។២.​ ដីចំណីឆ្នេរ ដែលមិនសូវមានមនុស្សការប្រើប្រាស់នឹងត្រូវបានអនុញ្ញាតដូចខាងក្រោម៖អាចអនុញ្ញាតឲ្យមានការសាងសង់កំពង់ផែផ្សេងៗ ប៉ុន្តែគេត្រូវគិតគូរពីបញ្ហាប៉ះពាល់ ដល់បរិស្ថាន។អនុញ្ញាតឲ្យសាងសង់កំពង់ផែលើទឹក សម្រាប់បំរើវិស័យទេសចរណ៍ ប៉ុន្តែត្រូវគិតគូរពីបញ្ហាបរិស្ថានអនុញ្ញាតឲ្យមានការរៀបចំភូមិដ្ឋានថ្មីផងដែរបើមានសំណង់រោងចក្រផ្សេង ដែលបញ្ចេញផ្សែង ត្រូវតែមានការសិក្សាពីផលប៉ះពាល់ បរិស្ថានផងដែរអនុញ្ញាតឲ្យមានការសាងសង់សំណង់ផ្សេងទៀត ដែលស្របតាមគោលការណ៍របស់ រាជរដ្ឋាភិបាល។ ស្វែងអចលនទ្រព្យសម្រាប់លក់នៅខេត្តព្រះសីហនុ ឬអចលនទ្រព្យសម្រាប់ជួលនៅខេត្តព្រះសីហនុនៅថ្ងៃនេះ!

កំ​ណើន​​ការទទួល​កម្ចី​ដោយ​ផ្ទាល់​ពីម្ចាស់​បុរី ឬ​​​​ក្រុមហ៊ុនអភិវឌ្ឍន៍អចលនទ្រព្យ​ ​បានធ្វើ​ឲ្យ​​មន្រ្តីជាន់​ខ្ពស់​ពីធនាគារកណ្តាល​កម្ពុជាបង្កើន​ការ​យក​ចិត្ត​ទុក​ដាក់​​ ហើយ​​​បាន​ក្រើន​រំ​ឭក​ដល់​អ្ន​កទិញផ្ទះ​ឲ្យ​បង្កើន​ការ​​​ប្រុងប្រយ័ត្ននិងពិចារណាឲ្យ​បាន​ហ្មត់​ចង់​ពី​ អត្រាការប្រាក់​។ថ្លែងក្នុងឱកាសនៃការធ្វើបទបង្ហាញពី​លទ្ធផលឆមាស​ទី​មួយ​ឆ្នាំ ២០១៩ របស់​ធនាគារជាតិនៃកម្ពុជាកាលពីថ្ងៃសៅរ៍ លោកស្រី ជា សិ​រី អគ្គនាយិកា​ធនាគារ​ជាតិ​នៃ​កម្ពុជា​ បានមានប្រសាសន៍ថាវិស័យអចលនទ្រព្យនៅកម្ពុជាមានការកើនឡើងយ៉ាងខ្លាំង ហើយ​តម្រូវ​ការ​​ប្រាក់កម្ចីទិញផ្ទះក៏​កំ​ពុង​កើន​ឡើង​។ លោក​ស្រី​បាន​បន្ត​ថា គូស្រករ​​វ័យក្មេងកាន់តែច្រើន តែង​ចង់​បាន​របៀប​នៃ​ការ​រស់​នៅ​ថ្មី​ដោយ​​រស់​នៅ​ដាច់​ដោយ​ឡែក​ពី​ឱពុកម្តាយ​តាម​រយៈ​ការ​មាន​ផ្ទះ​ដោយ​ខ្លួន​ឯង ដោយ​ការ​ទទួល​កម្ចី។​តាម​រយៈ​និន្នា​ការ​នេះ លោក​ស្រី សិរី ​បានជំរុញឱ្យអ្នកទិញអចលនទ្រព្យធ្វើការស្រាវជ្រាវដោយខ្លួនឯងឲ្យ​បាន​លម្អិត​មុនពេលសម្រេច​ចិត្ត​ ដោយ​សារ​ថា​ការ​ទិញ​ផ្ទះ​បង់​រំ​លស់​ពី​ម្ចាស់​បុ​រី ដោយ​ផ្ទាល់​តែង​មាន​​អត្រាការប្រាក់ខ្ពស់ជាងឆ្ងាយ​ធៀ​បនឹង​ការ​ទទួល​កម្ចី​ពី​ធនាគារ​។គម្រោងតែងតែចង់ឲ្យអ្នកទិញបង់ផ្ទាល់ដោយមិនបញ្ចេញ​ចំ​ឈ្មោះ លោក​ស្រី​ សិរី បាន​លើក​ឡើង​ថា​មាន​ក្រុមហ៊ុនអភិវឌ្ឍន៍​ខ្លះមាន​ចេត​នា​អូស​បន្លាយ​ពេល​អ្នក​ទិញ​ផ្ទះឲ្យ​បង់​កម្ចី​តាម​ក្រុម​ហ៊ុន​ជៀស​ជាង​តា​ម​ធនាគារ​ ដោយ​អូស​បន្លាយ​ការ​ផ្តល់​ប្លង់​កម្ម​សិទ្ធ។លោក​ស្រី​ថ្លែង​ថា​៖«​ម្ចាស់គម្រោង​​ខ្លះ គាត់​អត់​ចង់​ចេញ​ប្លង់ហ្នឹង​​ឲ្យ​យើង​ទេ គាត់​អត់​ជួយ​​សម្រួល​យើង​ជា​មួយ​ធនាគារ​ ព្រោះ​គាត់​ចង់​ទុក​យើង​ឲ្យ​ខ្ចី​លុយ​គាត់ ហើយ​ឲ្យ​ការ​ប្រាក់​គាត់»។ លោក​ស្រី​បន្ត​ថា​៖​«​មាន​គម្រោង​ខ្លះ​ [អ្នក​ទិញ​] បាន​លុយ​កម្ចី​ពី​ធនាគារ​ ហើយ​យក​ទៅ​ឲ្យ​ម្ចាស់​គម្រោង តែ​ម្ចាស់​គម្រោង​អត់​យក​ភ្លាម​ៗ​ទេ​។ គាត់​ទុក​ឲ្យ​យើង​ចិញ្ចឹម​គាត់​មួយ​ឆ្នាំ ១៨ ភាគរយ​»។ដោយសារ​ក្រុម​ហ៊ុន​អភិវឌ្ឍន៍អចលនទ្រព្យស្ថិតនៅក្រោមដែនសមត្ថកិច្ចរបស់ក្រសួងសេដ្ឋកិច្ចនិងហិរញ្ញវត្ថុនៅកម្ពុជា ដូច្នេះ​ធនាគារជាតិនៃកម្ពុជាមិនមាន​ទិន្ន​ន័យ​​ទំ​ហំ​ ប្រាក់កម្ចីទិញផ្ទះដែល​អ្នកទិញ​ ធ្វើ​តាម​ក្រុម​ហ៊ុ​ន​អភិវឌ្ឍន៍អចល​ន​ទ្រព្យ​នោះ​ទេ។ការ​ទិញ​ផ្ទះ​ដោយ​ការ​បង់​រំ​លស់​ពី​ម្ចាស់​បុរី ឬ ម្ចាស់​គម្រោង​អភិវឌ្ឍន៍​អចល​ន​ទ្រព្យ​ដោយ​ផ្ទាល់​បាន​ចាប់​ផ្តើម​ ក​ក្រើក​ខ្លាំង​នៅ​រយៈ​ពេល​បី​ ទៅ​បួន​ឆ្នាំ​ចុង​ក្រោយ។ ជាទូ​ទៅ ម្ចាស់​បុរី​បាន​អនុ​ញ្ញាត្តិ​ឲ្យ​អ្នក​ទិញ​ផ្ទះ​ ទិញ​ដោយ​មាន​លក្ខខណ្ឌងាយ​ស្រួល ដោយ​​មិន​ចាំ​បាច់​មានប្រាក់​តម្កល់​ដំ​បូង មិន​មាន​ការ​ត្រួត​ពិនិត្យ​ប្រ​វត្តិ​​ឥណ​ទាន ឬមិន​មាន​វាយ​តម្លៃ​ពី​លទ្ធ​ភាព​សង​ត្រ​លប់ ព្រម​ទាំង​អនុ​ញ្ញាត្តិ​ឲ្យ​មាន​ការ​បង់​រំ​លស់​​​រយៈ​ពេល​វែងដល់​ទៅ ២០ ឬ ៣០ ឆ្នាំ​។ការប្រាក់អាចកើនពីរដង ឬបីដងនៃថ្លៃដើមទោះបីប្រាក់កម្ចី ពី​បុរី ឬ ម្ចាស់​គម្រោង​អចលន​ទ្រព្យ​​ទាំងនេះដំបូងមើលទៅគួរឱ្យចាប់អារម្មណ៍សម្រាប់អ្នកទិញក៏ដោយ តែ​​អត្រាការប្រាក់គឺ​​កើនឡើងទ្វេដង ឬបីដងនៃតម្លៃផ្ទះ នៅ​ពេល​ប្រាក់​កម្ចី​ត្រូវ​បាន​សង​ត្រលប់​ទាំង​ស្រុង។ខុស​គ្នា​ពី​ ម្ចាស់​បុរី ​ធនាគាររបស់ប្រទេសកម្ពុជាជាធម្មតាតម្រូវឱ្យអ្នក​ទិញ​ផ្ទះ​ត្រូវ​​មាន​ប្រាក់​យ៉ាងហោចណាស់ ៣០ ភាគរយនៃ​តម្លៃ​ផ្ទះ​ និងមានការត្រួតពិនិត្យរយៈពេលវែងលើប្រវត្តិឥណទាន និងសមត្ថភាពក្នុងការសង។ តែ​អត្ថ​ប្រ​យោជន៍​គឺ​ អ​ត្រាការប្រាក់សម្រាប់ប្រាក់កម្ចីពី​ធនាគារ​​មានអត្រាចន្លោះ​ពី​ ៧ ទៅ ១២ ភាគរយក្នុង​មួយ​ឆ្នាំ​។យោងតាមទិន្នន័យចុងក្រោយរបស់ការិយាល័យឥណទានកម្ពុជា (ស៊ីប៊ីស៊ី) ប្រាក់កម្ចី​ទិញ​ផ្ទះ​នៅ​កម្ពុជា​បាន​កើន​ដល់​ចំនួន ៣.២ ពាន់លានដុល្លារគិត​ត្រឹម​ដំ​ណាច់​ខែ​​មីនាឆ្នាំ​នេះ គឺ​ការកើនឡើង ៣៤ ភាគរយធៀបនឹងដំ​ណាច់​ខែ​មិនា​ឆ្នាំ​មុន។លោកអឿសុធារ័ត្ន នាយកប្រតិបត្តិ ស៊ី​ប៊ី​ស៊ី​ បានប្រាប់ Realestate.com.kh ថា «​ការ​ផ្តល់​កម្ចី​ទិញ​ផ្ទះ​​ដោយស្ថាប័នហិរញ្ញវត្ថុកំ​ពុង​ដំណើរ​ការ​យ៉ាង​ល្អ​នៅក្នុងទីផ្សារប្រទេសកម្ពុជា​»។លោក​បន្ត​ថា​៖​«​​​និន្នាការនេះកំពុងកើនឡើងក្នុងល្បឿនដូចឆ្នាំមុនហើយស្របនឹងកំណើនវិ​ស័យ​អចល​ន​ទ្រព្យ​ទូទៅ»។ស្វែងរកអចលនទ្រព្យសម្រាប់លក់នៅក្នុងទីក្រុងភ្នំពេញ និងអចលនទ្រព្យសម្រាប់ជួលនៅក្នុងទីក្រុងភ្នំពេញនៅថ្ងៃនេះ!

ទីផ្សារអចលនទ្រព្យនៅក្នុងប្រទេសថៃនៅតែមានលក្ខណៈល្អប្រសើរ បើទោះបីជាការសាងសង់ អគារខ្ពស់មានចំនួនច្រើនខ្លាំង រីឯតម្រូវការ​ និងការទិញ-លក់ហាក់មានការថយចុះក៏ដោយ នេះបើតាម របាយការណ៍ CBRE របស់ថៃក្នុងឆមាសទី១ ឆ្នាំ២០១៩។ បើយោងតាមបាយការណ៍ការរស់ នៅសកលប្រចាំឆ្នាំរបស់ CBRE បានបង្ហាញថា អចលនទ្រព្យនៅក្នុងទីក្រុង បាងកកត្រូវបានគេចាត់ទុកថាមានតម្លៃខ្ពស់ធៀបទៅនឹងទីក្រុងធំៗផ្សេងទៀតក្នុងតំបន់អាស៊ីដូចជា៖ សិង្ហបុរី និងសៀងហៃ។ ក្នុងចំណោមអគារខ្ពស់រាប់ពាន់អគារ King Power Mahanakhon គឺគម្រោងអភិវឌ្ឍន៍ចម្រុះដ៏ធំជាងគេមួយ និងជាអគារខ្ពស់បំផុតលំដាប់ទី ២ នៅក្នុងទីក្រុងបាងកក ដែលមានកម្ពស់ ៧៨ ជាន់ ស្មើនឹង ៣១៤ ម៉ែត្រ ខណៈអគារខ្ពស់លំដាប់ទី ១ គឺអគារ Magnolias Waterfront Residences Iconsiam ដែលមានកម្ពស់ ៣១៨ ម៉ែត្រ។ King Power Mahanakhon បានដាក់ដំណើរជាផ្លូវការនៅឆ្នាំ២០១៦ និងបានស្វាគមន៍ភ្ញៀវទេសចរណ៍ ជាតិ និងអន្តរជាតិ ដ៏ច្រើនសន្ធឹកសន្ធាប់ជារៀងរាល់ថ្ងៃ។​ ទីក្រុងបាងកកគឺជាទីក្រុងដែលទទួលបានភ្ញៀវទេសចរច្រើនជាងគេទីពីរបន្ទាប់ពីទីក្រុងហុងកុង។ នេះយោងតាមរបាយការណ៍របស់ Euromonitor International​ ឆ្នាំ ២០១៨ ស្តីអំពីទីក្រុងទិសដៅទេសចរណ៍ ទាំង ១០០។ នៅក្នុងឆ្នាំ ២០១៨ ចំនួនអ្នកទេសចរពីកម្ពុជាមានរហូតដល់ ១,២៣០,៤៧៣ នាក់ ដែលចូលទៅក្នុងប្រទេសថៃក្នុងគោលដៅទេសចរណ៍ ការពិនិត្យសុខភាព និងការកម្សាន្តជាមួយ របៀបរស់នៅបែបស៊ីវិល័យ។ពាក់ព័ន្ធវិស័យអចលនទ្រព្យ ក្នុងចំណោមបណ្តុំពាណិជ្ជកម្មអាស៊ី​ ទីផ្សារអចលនទ្រព្យរបស់ទីក្រុងបាងកកគឺមានភាពទាក់ទាញខ្លាំង សម្រាប់ទាំងការរស់នៅ និងសកម្មភាពអាជីវកម្មផ្សេងៗ។ វិស័យលំនៅដ្ឋានមានភាពទាក់ទាក់ទាញដោយហេតុថា បាងកក បានប្រមូលផ្តុំដោយភាពស៊ីវិល័យ របៀបរស់នៅមួយដ៏លេចធ្លោក្នុងណោមប្រទេសរីកចម្រើនក្នុងតំបន់អាស៊ី។​ តួយ៉ាងដូចជា គម្រោងខុនដូកប់ពពក របស់ King Power Mahanakhon បានបន្ថែមភាពទាក់ទាញមួយកម្រិតទៀត ទៅដល់ទីក្រុងមួយនេះទាំងផ្នែកទេចរណ៍ និងលំនៅដ្ឋានលំដាប់អន្តរជាតិ។ លោក Marc Begassat នាយកគ្រប់គ្រងរបស់អគារ King Power Mahanakhon បានមានប្រសាសន៍ថា វាពិតជាឱកាសមួយដ៏កម្រក្នុងការក្លាយជាម្ចាស់លំនៅដ្ឋាននៅក្នុងអគារដ៏ល្បីល្បាញ និងលេចធ្លោមួយនេះ។ លោក Marc ជឿជាក់ថា King Power Mahanakhon អាចផ្តល់ជូននូវបទពិសោធការរស់នៅប្រកបដោយភាពប្រណិតក្នុងទីក្រុង។ តើ King Power Mahanakhon មានលក្ខណៈពិសេសអ្វីខ្លះ? អគារនេះមានទីតាំងស្ថិតនៅក្នុងតំបន់ពាណិជ្ជកម្ម Sathorn នៃទីក្រុងបាងកក ហើយក៏ជិតស្ថានីយរថភ្លើងអាកាស Chong Nonsi BTS ផងដែរ។  The Ritz-Carlton Residences ជាឈ្មោះរបស់គម្រោងលំនៅដ្ឋាននៅក្នុងអគារដ៏ធំនេះ។ លំនៅដ្ឋាននៅ ក្នុងអគារនេះមានចាប់ពីជាន់ទី ២៣ ដល់ទី​ ៧៣ និងមានយូនីតសរុបចំនួន ២០៩ យូនីត ជាមួយទំហំចាប់ពី ១៣៥ ម៉ែត្រការ៉េ ទៅ ៤៤៧ ម៉ែត្រការ៉េ​ ក្នុងនោះយូនីតនីមួយៗមានចាប់ពី ២ ទៅ ៤ បន្ទប់គេង។ អគារទាំងមូល ព្រមទាំងការរចនាផ្ទៃខាងក្នុង ត្រូវបានធ្វើឡើងដោយវិស្វករជនជាតិបារាំង David Collins studio។​ គ្រប់ផ្នែក គ្រប់យ៉ាងត្រូវបានបង្កើតឡើងដោយរំលេចចេញនូវភាពល្អិត នៃការចនាបែបឥតខ្ចោះ អមបដោយបរិក្ខា និងសម្ភារៈតុបតែងលំដាប់អន្តរជាតិ។ ចំពោះកម្មសិទ្ធិនៅ The Ritz-Carlton Residences អ្នកទិញនឹងទទួលបានកម្មសិទ្ធិកាន់កាប់រហូត។  ត្រង់ចំណុចនេះ អ្នកតំណាងរបស់ CBRE ប្រទេសថៃ បានឲ្យដឹងាថានៅក្នុងទីក្រុងបាងកកមានតែគម្រោង ៧ ទៅ ៨ ប៉ុណ្ណោះ ដែលផ្តល់ជូនកម្មសិទ្ធិកាន់កាប់រហូត (Freehold) បែបនេះ។ The Ritz-Carlton Residences ផ្តល់ជូនសេវាកម្មលំដាប់ផ្កាយ ៥ ក្នុងនោះនៅជាន់ទី ៥៤ ម្ចាស់យូនីតអាចរីករាយក្នុងការអានសៀវភៅនៅបណ្ណាល័យ កន្លែងទទួលភ្ញៀវ បារ កន្លែងទទួលទានអាហារ ផ្ទះបាយ ទីធ្លារអង្គុយលេង បន្ទប់ប្រជុំ និងបន្ទប់មើលទូរទស្សន៍។ បន្ថែមលើសពីនេះទៀត ម្ចាស់យូនីតក៏អាចប្រើប្រាស់បានសេវាកម្មជាច្រើននៅជាន់ទី ៧ បានផងដែរ ដែលមានដូចជា៖​ កន្លែងហាត់ប្រាណ អាងហែលទឹក កន្លែងអង្គុយលេង កន្លែងមើលកុនលក្ខណៈបុគ្គល បារខ្នាតតូច បន្ទប់លេងហ្គេម ស្ទូឌីយ៉ូ បន្ទប់សម្រាប់ក្មេងៗ និងផ្សេងៗទៀត។គម្រោងនេះមានចំណតរថយន្តសរុបចំនួន ៥៩៩ កន្លែង បែងចែកជាចំណតធម្មតា ២០០ កន្លែង និងចំណតស្វ័យប្រវត្តិ ៣៩៩ កន្លែង។ ដោយសារនេះជាគម្រោងអភិវឌ្ឍនចម្រុះ ក្រៅពីលំនៅដ្ឋាន នៅជាន់លើបំផុត មានជា Mahanakhon SkyWalk ជាទីលំហដ៏ខ្ពស់ជាងគេក្នុងប្រទេសថៃ មានស្កាយបារ និងភោជនីយដ្ឋានខ្ពស់ជាងគេក្នុងប្រទេសថៃ ចំណែកជាន់ក្រោមចំនួន ៣ ជាន់ជាហាងលក់រាយ និងគ្រឿងសំអាង។ ក្រៅពីនេះនៅក្នុងអគារនេះមានជាសណ្ឋាគារលំដាប់ពិភពលោក Orient Express Hotel ដែលនិងក្លាយជាគោដៅថ្មីមួយសម្រាប់ការស្នាក់នៅរបស់អ្នកដំណើរ។ ប្រសិនបើនិយាយអំពីតម្លៃវិញ ដោយសារ The Ritz-Carlton Residences មានគោលដៅចាប់យកអតិថិជនលំដាប់សេដ្ឋី និងអ្នកជំនួញធំៗនៅទូទាំងពិភពលោក ដូចនេះវាមិនមានអ្វីគួរឲ្យភ្ញាក់ផ្អើលទេ ដែលតម្លៃហាក់មានកម្រិតខ្ពស់ជាងអចលនទ្រព្យធម្មតា។ ជាក់ស្តែងយូនីតរបស់ The Ritz-Carlton Residences មានតម្លៃចាប់ពីជាង ១.៣ លានដុល្លារ ឬជាង ១ ម៉ឺនដុល្លារក្នុងមួយម៉ែត្រការ៉េឡើងទៅ៕បើគេក្រឡេកមើលកម្ពុជាវិញ នៅក្នុងទីក្រុងភ្នំពេញក៏មានអចលនទ្រព្យប្រើប្រាស់ចម្រុះស្រដៀងគ្នានេះដែរ គឺសណ្ឋាគារ និងរមណីយដ្ឋាន Rosewood ដែលស្ថិតនៅក្នងអគារវឌ្ឍនៈ ប៉ុន្តែ Rosewood មិនធំខ្លាំងដូច King Power Mahanakhon នោះទេ៕ ចង់ស្វែងរកអចលនទ្រព្យសម្រាប់លក់នៅក្នុងទីក្រុងភ្នំពេញ ឬអចលនទ្រព្យសម្រាប់ជួលនៅក្នុងទីក្រុងភ្នំពេញ សូមចូលទៅកាន់ Realestate.com.kh!

យោងតាមរបាយការណ៍ស្តីពីការប្រមូលចំណូលពីពន្ធ និងអាករលើទំនិញនាំចូល ដែលទទួលបាន បន្ទាប់កិច្ចប្រជុំបូកសរុបការងារគយ និងរដ្ឋាករប្រចាំឆមាសទី១ ឆ្នាំ២០១៩ នៅក្នុងខែកក្កដានេះ បានបង្ហាញថា​ ពន្ធលើទំនិញនាំចូលប្រមាណជា ៦៥% នៃផែនការប្រចាំឆ្នាំដែលបានប្រមូលនៅត្រឹមឆមាសទី១ ឆ្នាំ ២០១៩ នេះ។ នេះបើតាមការចុះផ្សាយដោយ Fresh News។ ពន្ធកើនឡើង ២៥% ធៀបនឹងរយៈពេលដូចគ្នាឆ្នាំ២០១៨នៅរយៈពេល ៦ខែ ឆ្នាំ២០១៩ កម្ពុជាប្រមូលពន្ធលើការនាំចូលទំនិញពីបណ្តាប្រទេសផ្សេងៗ ប្រមាណ ១,៤៧៥លានដុល្លារអាមេរិក ដែលកើនឡើង ២៥.៥% ស្មើនឹងប្រមាណ ៣០០លានដុល្លារអាមេរិក បើធៀប ៦ ខែដំបូងក្នុងឆ្នាំ២០១៨។ របាយការណ៍បានបង្ហាញថា ក្នុងរយៈពេលដូចគ្នាក្នុងឆ្នាំ២០១៨ ចំណូលតាមប្រភេទពន្ធ និងអាករសំខាន់ៗដែលប្រមូលដោយគយមានកំណើនគួរឲ្យកត់សម្គាល់។ ក្នុងនោះ ពន្ធគយ (ពន្ធនាំចូល) មានកំណើនជាង ៣៣.៨% អាករពិសេសកើន ៣១.១% និងអាករលើតម្លៃបន្ថែម (VAT) កើន ២៨.៦%។ក្នុងនោះផងដែរ មុខទំនិញជាប្រភពចំណូលសំខាន់ៗរួមមាន៖ ១. យានយន្ត និងគ្រឿងចក្រគ្របដណ្តប់ប្រមាណជាង ៥២% នៃចំណូលសរុប ២. ប្រេងឥន្ធនៈ និងថាមពលប្រមាណ ១៧.១% នៃចំណូលសរុប និង៣. ទំនិញចម្រុះ និងគ្រឿងសំណង់មានប្រមាណ ២៩.៥% នៃចំណូលសរុប។ប្រសិទ្ធិភាព និងកំណើនពន្ធគយដ៏ល្អប្រសើនេះគឺដោយសារការពង្រឹងនូវអភិបាលកិច្ចផ្ទៃក្នុងរបស់អង្គភាពគយ និងការរីកចម្រើនគុណភាពសមត្ថភាពធនធានមនុស្ស។ ម្យ៉ាងវិញទៀត នេះក៏ជាលទ្ធផលនៃការខិតខំប្រឹងប្រែងរបស់រដ្ឋាភិបាលក្នុងរក្សាសុខសន្តិភាព និងស្ថេរិភាពនយោបាយនៅទូទាំងប្រទេសកម្ពុជា រួមជាមួយការកែទម្រង់មុតស្រួចនៅគ្រប់ស្ថាប័នរដ្ឋ ដើម្បីកំណើនសេដ្ឋកិច្ចជាតិទាំងមូល៕ ស្វែងរកអចល​នទ្រព្យសម្រាប់លក់នៅក្នុងទីក្រុងភ្នំពេញនៅថ្ងៃនេះ!

ការ​ផ្គត់​ផ្គង់​អគារ​ការិយាល័យនៅ​ភ្នំពេញបានបន្តកើនឡើង​​យ៉ាង​ខ្លាំងនៅ​ឆ្នាំ​នេះ​ ដោយសារកំ​ណើន​​ចំនួនក្រុមហ៊ុនថ្មី​ចូល​ធ្វើ​អាជីវ​កម្ម​នៅ​កម្ពុជា ជា​ពិសេស​ក្រុម​ហ៊ុន​​វិនិយោគផ្ទាល់​ពី​​​បរទេស។យោងតាមរបាយការណ៍ថ្មីមួយពីក្រុមហ៊ុនផ្គត់​ផ្គង់​សេវា​អចលនទ្រព្យ CBRE អគារ​ការិយា​ល័យ​នៅ​ភ្នំពេញ​បាន​កើន​ដល់​​ផ្ទៃ​ក្រ​លា​សរុប​ ៣៥៩,៣០០ ម៉ែត្រ​ការ៉េ (បូ​ក​បញ្ចូល​ស្តុក​ដែល​មាន​ស្រាប់​តាំង​ពី​ឆ្នាំ​កន្លង​ទៅ​) គិត​ត្រឹម​ដំ​ណាច់​ខែមិថុនាឆ្នាំ​នេះ គឺ​កើន​ឡើង​ ១២​ ភាគរយពីត្រឹម​ ៣២០,៩០០ ម៉ែត្រការ៉េ​​កាល​ពី​ដំ​ណាច់​ខែ​មិថុនា​​​ឆ្នាំ​ ២០១៨។កញ្ញា​ គីម គីន​កេសា​ អ្នកវិភាគជាន់ខ្ពស់របស់ CBRE បានឲ្យ​ដឹង​ថា​​តម្រូវការ​ការិយាល័យអាជី​វកម្ម​បាន​កើន​ឡើងគួរ​ឲ្យ​កត់​សម្គាល់​​​នៅ​​ភ្នំពេញក្នុងប៉ុន្មានឆ្នាំចុង​ក្រោយ​​នេះ ស្របពេល​ការ​ផ្គត់​ផ្គង់​បាន​កើន​ឡើង​យ៉ាង​ខ្លាំង។ ​កញ្ញា​បាន​លើក​ឡើង​ថា ​អត្រាអ្នកជួលមាន​រហូត​ដល់ទៅ ៨៥ ភាគរយ នៃការ​ផ្គត់​ផ្គង់​សរុប។​កញ្ញា​​ កេសា​ បានបញ្ជាក់ថា៖​ «​ក្រុម​ហ៊ុន​សួរ​ព័ត​មាន​ដើម្បី​ជួល​ទី​តាំង​​ភាគច្រើនដែលយើងបានទទួលក្នុងរយៈពេល ១២​ ខែចុងក្រោយនេះគឺមកពីក្រុមហ៊ុនអន្តរជាតិមកពីប្រទេសចិន សិង្ហបុរី ជប៉ុន ម៉ាឡេស៊ី និងបណ្តាប្រទេសផ្សេងទៀតនៅតំបន់អាស៊ីប៉ាស៊ីហ្វិក»។ កញ្ញា​បន្ត​ថា​ ក្រុមហ៊ុនភាគច្រើនកំពុងស្វែងរកការិយាល័យដែល​មាន​ផ្ទៃ​ក្រ​លា​​ចន្លោះ​ពី ១០០ ម៉ែត្រ​កា​រ៉េ ទៅ ៣០០ ម៉ែត្រ​ការ៉េ។យោង​តាម​ CBRE ក្នុង​អំ​ឡុង​ពេល​ពី​ខែ មក​រា ដល់ ខែ​មិ​ថុនា ឆ្នាំ​នេះ ការ​ជួល​ផ្ទៃ​ក្រ​លា​សម្រាប់​ការិយា​ល័យ​សរុប មាន​​ទំហំ ៦,៥០០ ម៉ែត្រ​ការ៉េ កើន​ឡើង​​ពីរដងពី​ត្រឹម ៣,១០០ ម៉ែត្រ​កា​រ៉េ ក្នុង​រយៈ​ពេល​ដូច​គ្នា​ឆ្នាំ ២០១៨។របាយការណ៍របស់ក្រុមហ៊ុននេះបានកំ​ណត់​ប្រ​ភព​​ការិយាល័យជា​បី​ថ្នាក់ រួម​មាន​កម្រិត A កម្រិត​ B និងកម្រិត​ C។ យោងទៅតាមកញ្ញា កេសា ការិយាល័យ​លំដាប់ C មានអត្រាទំនេរទាបជាង​គេ ដោយ​មាន​ត្រឹម 7 ភាគរយ​ប៉ុណ្ណោះ​ តែ​និន្នា​ការ​ថ្មី​មួយ​​បាន​កើត​ឡើង​ដោយ​សារ​​តម្រូវការកំពុងផ្លាស់ប្តូរឆ្ពោះទៅរកការិយាល័យកម្រិត B។ស្រ​ប​ពេល​មាន​កំ​ណើន​អគារ​ការិយា​ល័យ ​ការផ្គត់ផ្គង់អគារប្រ​ភេទ​នេះ​ក៏​កំ​ពុងមាន​ភាព​ចម្រុះ ​និង​សំ​បូរ​បែប​ជាង​មុន​ដែរ គឺ​អគារ​ការិយា​ល័យ​ប្រ​ភេទ​សហ​កម្ម​សិទ្ធ​។យោងតាមរបាយការណ៍របស់ CBRE អគារ​ការិយាល័យសហ​កម្ម​សិទ្ធ​បានបង្ហាញខ្លួននៅរាជធានីភ្នំពេញកាលពីឆ្នាំមុន។ បច្ចុប្បន្ននេះមានការិយាល័យ​ប្រ​ភេទ​នេះ​​ចំ​នួន​សរុប​ ៤ ម៉ឺនម៉ែត្រការ៉េក្នុងរាជធានី។ទោះយ៉ាងណាចំនួនសរុបត្រូវបានគេរំពឹងថានឹងឈានដល់ជិត ១០០,០០០ ម៉ែត្រការ៉េនៅចុងឆ្នាំនេះ ហើយ​នឹង​បន្ត​កើន​ដល់​ ៦០០,០០០ ម៉ែត្រការ៉េនៅឆ្នាំ ២០២២ ។លោក លឹម ហេង អនុប្រធានសភាពាណិជ្ជកម្មកម្ពុជា​បានមានប្រសាសន៍ថាការបន្តរីកលូតលាស់នៃការិយាល័យនៅកម្ពុជាឆ្លុះបញ្ចាំងពីសកម្មភាពរីកចម្រើន​ការវិនិយោគដោយផ្ទាល់ពីបរទេស (FDI) និង​បង្ហាញ​ថា​​ក្រុមហ៊ុនថ្មីនៅតែបន្តបង្កើតខ្លួននៅកម្ពុជា។លោកបន្តថា៖ ​«​​បរិយាកាសវិនិយោគនៅកម្ពុជានៅតែមានភាពទាក់ទាញ ហើយយើងទទួលបានព័ត៌មានអំពីក្រុមហ៊ុនថ្មីដែលបង្កើតថ្មី​​ស្ទើរតែរៀងរាល់ថ្ងៃ»៕របាយ​ការណ៍​របស់​ CBRE មិន​បាន​រាប់​បញ្ចូល​ការិយាល័យធ្វើការរួមគ្នា (co-working space) ទេ ស្រ​ប​ពេល​ទី​តាំង​ការិយាល័យធ្វើការរួមគ្នាក៏​កំ​ពុង​ពេញនិយមដែរ​នៅ​ភ្នំ​ពេញ​ ជា​ពិ​សេស​សម្រាប់​​​ក្រុមហ៊ុនទើបបង្កើតថ្មីដែល​ត្រូវ​ការ​​កន្លែងធ្វើការតូចៗ និង​មាន​ថ្លៃ​ឈ្នួល​ទាប។ស្វែងរកការិយាល័យសម្រាប់ជួលនៅក្នុងទីក្រុងភ្នំពេញ ឬខុនដូសម្រាប់លក់នៅក្នងទីក្រុងភ្នំពេញ នៅថ្ងៃនេះ!

នៅពេលនិយាយអំពីការវិនិយោគលើវិស័យលំនៅដ្ឋាន ពិសេសខុនដូ គេតែងគិតដល់បរិបទនៃការរស់នៅបែបទំនើប ជាមួយលំនៅដ្ឋានលក្ខណៈប្រណិត។ ប៉ុន្តែទាំងនេះមិនមែនជាអ្វីតែម្យ៉ាង ដែលផ្តល់ជូនដោយខុនដូប៉ុណ្ណោះទេ ការទិញខុនដូ គឺអាច ទទួលបានផលចំណេញជាច្រើនទៀត ហើយមួយក្នុងចំណោមនេះគឺផលចំណេញពីការជួលត្រលប់ ពីគម្រោងផ្ទាល់។ គម្រោងជាច្រើនបានយកចិត្តទុកដាក់ខ្ពស់ដល់ការវិនិយោគរបស់អតិថិជន ហើយតាមរយៈការជួលត្រលបប្រចាំឆ្នាំ វាអាចផ្តល់ទំនុកចិត្ត និងឱកាសចំណេញដល់អ្នកទិញ បានភ្លាមៗ។ តើអ្វីទៅជាការធានាប្រាក់ចំណេញពីការជួលត្រលប់ ឬ Guarantee Rental Return (GRR)? ការធានាប្រាក់ចំណូលពីការជួលត្រលប់គឺជាការធានាផ្តល់ប្រាក់ចំណេញតាមរយៈគម្រោងជួល ក្នុងពេលអនាគតដោយអ្នកអភិវឌ្ឍន៍ ឫក្រុមហ៊ុនដែលគ្រប់គ្រងអចលនទ្រព្យផ្តល់ជូនអ្នកទិញ ដោយផ្នែកតាមកិច្ចសន្យា បន្ទាប់ពីចុះហត្ថលេខាលើកិច្ចសន្យាទិញ-លក់។ការធានាជួលត្រលប់គឺជាមធ្យោបាយដ៏ងាយស្រួលបំផុតដែលអាចទទួលបានការជួលត្រលប់ តាមការរំពឹងទុកប្រចាំឆ្នាំ។ ត្រូវចងចាំថា ផលចំណេញដែលរំពឹងទុកប្រចាំឆ្នាំគឺជាទឹកប្រាក់ ទទួលបានបន្ទាប់ពីកាត់ពន្ធរួច។ ឧទាហរណ៍ប្រសិនបើអ្នកទិញយូនីតមួយ ដែលមានតម្លៃ ១៩៥,០០០ ដុល្លារ ប្រសិនបើអ្នកទទួលបានការជួលត្រលប់ ៨ % ក្នុងមួយឆ្នាំ នោះអ្នកនឹងទទួលបាន ១៥,៤០០ ដុល្លារក្នុងមួយឆ្នាំ។ខាងក្រោមនេះជាខុនដូ ១២ គម្រោង ដែលបានកំពុងផ្តល់ជូនផែនការជួលត្រលប់ ដែលអ្នកទិញ គួរធ្វើការពិចារណានៅពេលចង់វិនិយោគខុនដូនៅកម្ពុជា។  ១. គម្រោង Blue Bayគម្រោង Blue Bay ស្ថិតនៅឆ្នេរ​ឯករាជ្យនៃខេត្តព្រះសីហនុ ដែលអគារដំបូងរបស់គម្រោង លាតសន្ធឹងលើផ្ទៃដីចំនួន ១១០,០០០ ម៉ែត្រការ៉េ មានកម្ពស់ ៣៧ ជាន់ និងមាន ១,៤៤៨ យូនីត ដែលក្នុងមួយយូនីតមានទំហំ ៥៥ ទៅ ១១៤ ម៉ែត្រការ៉េ។ គម្រោង Blue Bay នេះក៏មានរួមបញ្បូលសេវាកម្មកំសាន្តជាច្រើនមាន ដូចជាអាងហែលទឹកលើដំបូល សួនច្បារ កន្លែងហាត់ប្រាណ ផ្សារលក់ទំនិញរួចពន្ធ  និងកន្លែងផ្សេងៗនៅក្នុងគម្រោងផ្ទល់តែម្តង។ គម្រោង Blue Bay នឹងបញ្ចប់ការសាងសង់​​ និងប្រគល់ផ្ទះជូនអតិថិជននៅខែធ្នូ ឆ្នាំ ២០១៩ នេះ។ យូនីតនីមួយៗរបស់ Blue Bay មានតម្លៃចាប់ផ្តើមត្រឹមតែ ៣,៥០០ ដុល្លារក្នុងមួយម៉ែត្រការ៉េ ហើយ​ ក្រុមហ៊ុនក៏ផ្តល់ជូនការធានាជួលត្រឡប់ប្រចាំឆ្នាំរហូតដល់ ៦៤% សម្រាប់រយៈពេល ៨ ឆ្នាំ។ ចាប់អារម្មណគម្រោង Blue Bay សូមចុចទីនេះ! ២. គម្រោងThe Peak Residencesគម្រោងនេះស្ថិតនៅសង្កាត់ទន្លេបាសាក់ ខណ្ឌចំការមននៃទីក្រុងភ្នំពេញ ដែលមាន ៥៥ ជាន់ និង ១,០១៤ យូនីត។ យូនីត របស់ The Peak Residences មានទំហំ ៦២ - ១២៧ម៉ែត្រការ៉េ។ មិនតែប៉ុណ្ណោះ គម្រោង The Peak Residences ក៏បានបំពាក់ទៅដោយគ្រឿងបរិក្ខារទំនើបជាច្រើន មានដូចជា ម៉ាស៊ីនត្រជាក់ ទូរទស្សន៍ ខ្សែអុីនធើណិតត ជាដើម ហើយអតិថិជនក៏អាចលេងកំសាន្តជាមួយនឹងអាងហែលទឹក បន្ទប់សូណា សួនច្បារ និងកន្លែងហាត់កីឡាផងដែរ។គម្រោង The Peak Residences ត្រូវបានអភិវឌ្ឍដោយ ក្រុមហ៊ុនឈ្មោះ Oxley Gem (Cambodia) ដែលធានាការជួល ៧៥% សម្រាប់រយៈពេល ១៥ ឆ្នាំ។ គម្រោងនេះ នឹងបញ្ចប់ការសាងសង់របស់ខ្លួននៅឆ្នាំ ២០២០ និងមានតម្លៃ ១៧៦,០០០ ដុល្លារក្នុងមួយយូនីត។  អ្វីដែលពិសេសនោះគឹ គម្រោងនេះ ស្ថិតនៅក្នុងទីក្រុង ដែលអាចមើលទេសភាពទីក្រុងដ៏ស្រស់ស្អាតបំផុត។ ៣. គម្រោងគម្រោង ព្រីនស៍ ហ្គោលដិន បេគម្រោងនេះ ស្ថិតនៅលើឆ្នេរសុខានៃខេត្តព្រះសីហនុ ដែលលាតសន្ធឹងលើផ្ទៃដីចំនួន ២២,២០១ ម៉ែត្រការ៉េ ដែលមានអគារអាផាតមេនបួន ដែលមានចំនួន ២,១០០ យូនីត និងផ្សារ ដែលមានកម្ពស់ ៥ ជាន់ស្ថិតនៅលើផ្ទៃដី ៥០,០០០ ម៉ែត្រការ៉េ។ លើសពីនេះទៅទៀត គម្រោងនេះ មានកម្ពស់ ៤១ ជាន់ និងក្នុងមួយយូនីតមានទំហំចាប់ពី ៤៥ ទៅ ៧៦ ម៉ែត្រការ៉េ ដែលនឹងបញ្ចប់ការសាងសង់នៅឆ្នាំ២០១៩នេះ។គម្រោងនេះត្រូវបានអភិវឌ្ឍដោយក្រុមហ៊ុន ក្រុមហ៊ុន ព្រីនហ័នយូ​ រៀលអុីស្ទេត ដែលធានាការជួល ១៦% សម្រាប់រយៈពេល ២ ឆ្នាំ។ តម្លៃក្នុងមួយម៉ែត្រការ៉េគឺ ២,៣០០ដុល្លារ ឬតម្លៃសរុបគឺ ១០៣,៨៩១ដុល្លារក្នុងមួយម៉ែត្រការ៉េ។ គម្រោងនេះក៏មានបំពាក់បរិក្ខារទំនើបដូចជា អាងហែលទឹក សួនច្បារ កន្លែងហាត់ប្រាណ បន្ទប់សូណាជាដើម។ ៤. គម្រោង Cheerful Bay  គម្រោងនេះ ស្ថិតនៅឆ្នេរអូត្រេះនៃខេត្តព្រះសីហនុ ដែលលាតសន្ធឹងលើផ្ទៃដីចំនួន ៤០,០០០ ម៉ែត្រការ៉េ មាន ៨អគារ។ អគារទាំងនោះ សុទ្ធតែអាចមើលឃើញទេសភាពឆ្នេរដ៏ស្រស់ស្អាត។ ប្លុក H មាន ៣ អគារដែលមាន ២៩ជាន់ ហើយប្លុក G មាន ៥ អគារដែលមាន២០ជាន់។ ចំនួនយូនីតសរុបគឺ ៦៨៣ ដែលយូនីតនីមួយៗមានទំហំ ៥១ ទៅ ៣០៣ ម៉ែត្រការ៉េ។ក្រុមហ៊ុន Yunnan Jingcheng Group ដែលជាក្រុមហ៊ុនសាងសង់គម្រោងនេះ ធានាការជួលត្រឡប់ ៩៧% សម្រាប់រយៈពេល ១៥ ឆ្នាំ ហើយគម្រោងនេះ នឹងត្រូវបានបញ្ចប់ និងប្រគល់ជូនអតិថិជននៅខែមិថុនា ឆ្នាំ២០២១។ តម្លៃសរុប គឺ ៩៩,៤៨០ដុល្លារ ចំណែកឯបរិក្ខារនៅក្នុងខុនដូមានលក្ខណៈទំនើបបំផុត ដូចជាម៉ាស៊ីនត្រជាក់ គ្រឿងសង្ហារិមជាដើម។ ចាប់អារម្មណ៍គម្រោង Cheerfule Bay សូមចុចទីនេះ! ៥. គម្រោង La Vista Oneគម្រោងនេះមានទីតាំងស្ថិតនៅចំណុចប្រសព្វរវាងទន្លេមេគង្គ និងទន្លេសាប តំបន់ជ្រោយចង្វារ។ គម្រោងខុនដូនេះ មានយូនីតសរុបចំនួន ១,៧៥០ ដែលយូនីតនីមួយៗ មានទំហំ ចាប់ពី ៤៨ ទៅ ១២៧ ម៉ែត្រការ៉េ និងមានកម្ពស់ ៤១ជាន់។គម្រោង La Vista One ត្រូវបានសាងសង់ដោយក្រុមហ៊ុន Yin Yi Venture ក្នុងនោះគម្រោងនេះក៏មានធានាការជួលត្រលប់មកវិញរហូតដល់ ១៨% សម្រាប់រយៈពេល ៣ ឆ្នាំ។ ខុនដូនេះមានតម្លៃ ២,២០០ដុល្លារ​ក្នុងមួយម៉ែត្រការ៉េ រីឯតម្លៃសរុបគឺ៨០,០០០ដុល្លារ។ គម្រោងនេះ ត្រូវបានគេរំពឹងថានឹងបញ្ចប់ការសាងសង់នៅឆ្នាំ ២០២១។ ៦. គម្រោងលីងណានហ្គាដិនគម្រោងនេះស្ថិតនៅមហាវិថីហ៊ុនសែន សង្កាត់ចាក់អង្រែ ខណ្ឌមានជ័យ រាជធានីភ្នំពេញ ដែលមានចំនួនយូនីតសរុប ១,៩០២ និងមាន ៣៣ ជាន់។ យូនីតនីមួយៗនៅក្នុងគម្រោងនេះមានទំហំចាប់ពី ៦៦ ទៅ ១៤៥ ម៉ែត្រការ៉េ ដែលមានពី  ១ ទៅ ៤ បន្ទប់គេង ជាមួយនឹងរានហាលខាងមុខ។ ប​ន្ទប់នីមួយៗ មានបំពាក់ដោយបរិក្ខារទំនើបៗ។   គម្រោងនេះ ត្រូវបានគេរំពឹងថានឹងបញ្ចប់ការសាងសង់របស់ខ្លួននៅឆ្នាំ ២០២០ ហើយគម្រោងនឹងប្រគល់ផ្ទះជូនអតិថិជននៅឆ្នាំដដែល។ ក្រុមហ៊ុនក៏ធានាការជួលត្រឡប់ ៣៥% សម្រាប់រយៈពេល ៥ ឆ្នាំ។ តម្លៃក្នុងមួយម៉ែត្រការ៉េគឺ ២,១០០ដុល្លារ និងតម្លៃសរុបគឺ ១៣៨,៥៧៩ ដុល្លារ។៧. គម្រោង The Peninsula Private Residenceគម្រោង Peninsula Private Residence ស្ថិតនៅក្នុងសង្កាត់ជ្រោយចង្វារ ដែលជាតំបន់ ដែលមានការអភិវឌ្ឍឆាប់រហ័ស។ គម្រោងនេះមាន ២៥ ជាន់ និងមាន ១៥៥ យូនីត ដែលក្នុងមួយយូនីតមានពី ១ ទៅ ៤ បន្ទប់គេង ជាមួយរានហាល និងមានទំហំពី ៤២.១២ ទៅ ១២៩.៥៨ ម៉ែត្រការ៉េ។Peninsula Private Residence ធានាការជួលត្រឡប់ ៨% សម្រាប់រយៈពេល ២ ឆ្នាំ។ គម្រោងនេះនឹងត្រូវបានបញ្ចប់ និងប្រគល់ផ្ទះនៅឆ្នាំ២០២០។ យូនីតមានតម្លៃ២,០២០ដុល្លារក្នុងមួយម៉ែត្រការ៉េ និងតម្លៃសរុប ១១៣,៤៤៣ដុល្លារ។៨. គម្រោង New Landmarkគម្រោងនេះមានសាងសង់លើផ្ទៃដីចំនួន ១៤,៤៦៨ ម៉ែត្រការ៉េ ដែលមានចំនួនយូនីតសរុបចំនួន ៣,៤១៩ និងយូនីតមានទំហំពី ៣១ ទៅ ១០៦ ម៉ែត្រការ៉េ។ ខុនដូនេះមាន ៣៧ជាន់ និងគ្រោងនឹងបញ្ចប់ការសាងសង់នៅឆ្នាំ២០២១ ហើយនឹងត្រូវប្រគល់ជូនអតិថិជននៅថ្ងៃទី៣០ ខែសីហា ឆ្នាំ ២០២១ សម្រាប់អគារ B។ លើសពីនេះទៅទៀត អគារC មាន ៣៧ ជាន់ ដូចអគារ B ដែរ និងអគារ A មាន ៣៣ ជាន់។គម្រោងនេះ ត្រូវបានសាងសង់ដោយ ក្រុមហ៊ុន Wan Heng Run Investmentហើយ​ក្រុមហ៊ុន ធានាការជួលត្រឡប់ ៣៦% សម្រាប់រយៈពេល ៣ ឆ្នាំ។ យូនីតមានតម្លៃ ១,៩០០ដុល្លារក្នុងមួយម៉ែត្រការ៉េ និង ៤០,០០០ ដុល្លារសម្រាប់តម្លៃសរុប។៩. គម្រោង Sky Park Condoគម្រោង Sky Park Condo ស្ថិតនៅផ្លូវជាតិលេខ ៦ នៅខេត្តសៀមរាប។ គម្រោងនេះមានចម្ងាយត្រឹមតែ ៥ នាទីពីផ្សារទំនើប Heritage Walk  និង ៨ នាទីពីផ្សារចាស់ ហើយ ១០ នាទីពីអាកាសយានដ្ឋានអន្តរជាតិ និងប្រាសាទអង្គរវត្ត រី​ឯពីផ្សារលើតែ ១៥ នាទីប៉ុណ្ណោះ។ អភិវឌ្ឍលើផ្ទៃដីចំនួន ៥,៦០០ ម៉ែត្រការ៉េ មានកម្ពស់ ៤ ជាន់ ហើយក្នុងមួយជាន់មាន ១០ យូនីត។ ក្នុងមួយយូនីតមានទំហំ ៧២ ទៅ ១៣៨ ម៉ែត្រការ៉េ។ក្រុមហ៊ុន Hunter Estate ដែលជាក្រុមហ៊ុនអភិវឌ្ឍគម្រោងនេះកំពុងផ្តល់ជូន​ការជួលត្រឡប់ ក្នុងអត្រា ១២% សម្រាប់រយៈពេល ២ ឆ្នាំ។ យូនីតក្នុងគម្រោងនេះមានតម្លៃត្រឹមតែ ៩១៤ ដុល្លារក្នុងមួយម៉ែត្រការ៉េ ឬ ៦៧,០០០ដុល្លារសម្រាប់តម្លៃសរុប។ ខុនដូបំពាក់ដោយបរិក្ខារទំនើបៗ ហើយអតិថិជនអាចលេងកំសាន្តជាមួយនឹងអាងហែលទឹក បន្ទប់ហ្សូណា ជាដើម។១០. គម្រោងឆ្នេរសមុទ្រមរកតគម្រោងនេះ ស្ថិតនៅចម្ងាយ ២០០ ម៉ែត្រពីច្រកទ្វារចូលនៃឈូងសមុទ្រថៃ នៅខេត្តព្រះសីហនុ ដែលមានបន្ទប់ស្នាក់នៅសរុបចំនួន ៥៣៦​ យូនីត។ គម្រោងនេះត្រូវបានសាងសង់ឡើងដោយក្រុមហ៊ុនក្រុមហ៊ុន ជានឈ័ង អូនើ រៀលអ៊ីស្ទេត ឯ.ក ដែលធានាការជួលត្រឡប់ ២៤% ក្នុងយៈពេល ៣ ឆ្នាំ។ យូនីតនេះមានតម្លៃ ២,០៥០ដុល្លារ ក្នុងមួយម៉ែត្រការ៉េ និងតម្លៃសរុបត្រឹមតែ ៦០,១៤៧ដុល្លារក្នុងមួយយូនីត។ ខុនដូមានបំពាក់ដោយ គ្រឿងសង្ហារិម និងបរិក្ខារទំនើបៗដូចជា ឧបករណ៍បន្ទប់ទឹកម៉ាក TOTO ម៉ាស៊ីនត្រជាក់ក្រិក ទូរទឹកកក Haier ទូរទស្សន៍ម៉ាក TCL និងយីហោផ្សេងៗទៀត។ដំណាក់កាលដំបូងនៃគម្រោងនេះ គឺខុនដូសម្រាប់ស្នាក់នៅដែលមាន ៣០ ជាន់ ដែលមានទំហំ ៤០ ទៅ ៥០ម៉ែត្រការ៉េ។ គម្រោងនេះគ្រោងនឹងបញ្ចប់ការសាងសង់នៅឆ្នាំ២០២១។១១. គម្រោងThe Viewគម្រោងនេះ មានទីតាំងនៅបឹងកេងកង១ ចំការមន នៃរាជធានីភ្នំពេញ។ គម្រោងមានកម្ពស់ ៣៣ ជាន់ បែងចែកជាជាខុនដូ និងសេវាកម្មអាផាតមេន ដែលមានចំនួន ៣២០ យូនីត ហើយយូនីតមានទំហំពី ២៦ ទៅ ៦១ ម៉ែត្រការ៉េ។ សន្តិសុខត្រូវបានធានារយៈពេល ២៤ ម៉ោង ដែលធ្វើឲ្យអតិថិជនអាចទទួលបានអារម្មណ៍សុវត្ថិភាព។គម្រោងនេះត្រូវបានសាងសង់ឡើងដោយក្រុមហ៊ុន Grand RichFortune ហើយក្រុមហ៊ុនធានា ជួលត្រលប់ក្នុងអត្រា ១៩% ក្នុងរយៈពេល ៥ ឆ្នាំ។ គម្រោងនេះ បានបញ្ចប់ការសាងសង់ របស់ខ្លួននៅឆ្នាំ ២០១៨។ កន្លងទៅនេះ គម្រោងនេះក៏មានបន្ទប់អាផាតមិនសម្រាប់ជួលក្នុងតម្លៃ ១,០០០ ដុល្លារក្នុងមួយខែផងដែរ។ អតិថិជនអាចរីករាយជាមួយនឹងបរិក្ខារ និងកន្លែងលំហែកាយផ្សេងៗដូចជាអាងហែលទឹក សួនច្បារ ដោយមានទេសភាពទីក្រុងដ៏ស្រស់ស្អាតផងដែរ។១២. គម្រោង Baoli Mansionគម្រោង Baoli Mansion គឺជាគម្រោងប្រណិត និងស្រស់ស្អាត ដែលនឹងឈរជាទីសម្គាល់ថ្មីមួយ នៅក្នុងទីក្រុង និងផ្តល់ជូនឱកាសវិនិយោគល្អបំផុត ការជួលត្រលប់ក្នុងអត្រា ១៦% ក្នុងរយៈពេល ២ ឆ្នាំ។ Baoli Mansion មានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ី  ជិតស្ថានីយ៍រថភ្លើង និងត្រឹមតែ១៥នាទីពីព្រលានយន្តហោះ។ Baoli Mansion ព័ទ្ធជុំវិញដោយ ស្ថាប័នរដ្ឋសំខាន់ៗ ស្ថាប័នអប់រំ និងស្ថាប័នពាណិជ្ជកម្ម  ផ្សារទំនើប សេវាកម្មកំសាន្តជាច្រើននៅក្នុងទីក្រុង។ Baoli Mansion នឹងមានលំនៅដ្ឋានប្រណិតដែលមានទំហំចាប់ពី ៤៥ ម៉ែត្រការ៉េ ដល់ ៥៥ ម៉ែត្រការ៉េ។ នៅក្នុងគម្រោង Baoli Mansion មានផ្តល់ជូនសេវាកម្មដូចជា ចំណតរថយន្ត សេវាកម្មថែរក្សាលំនៅដ្ឋាន កន្លែងហាត់ប្រាណ ហាងកាហ្វេ ភោជនីយដ្ឋាន និងបា៕ស្វែងរកខុនដូសម្រាប់លក់នៅកម្ពុជានៅថ្ងៃនេះ!

កិច្ចសហប្រតិបត្តិការឈ្នះ-ឈ្នះដ៏មានឥទ្ធិពលប្រចាំឆ្នាំ! នៅឆ្នាំ ២០១៩ "ពិព័រណ៍លទ្ធកម្មវិស្វកម្មខ្សែក្រវ៉ាត់មួយផ្លូវមួយ" លើកដំបូងត្រូវបានកំណត់ និងរៀបចំដោយសហជីពលទ្ធកម្មវិស្វកម្មកម្ពុជា។ ពិព័រណ៍នេះនឹងប្រារព្ធធ្វើឡើងជារៀងរាល់ឆ្នាំដើម្បីលើកកម្ពស់វិស័យសំណង់ និងអចលនទ្រព្យកម្ពុជា និងចិន។ ការរៀបចំកម្មវិធីនៅឆ្នាំនេះគឺដើម្បីសម្រេចឲ្យបាននូវគោលដៅដូចជា៖ ដើម្បីផ្សារភ្ជាប់ភាពចម្រុងចម្រើននៃវិស័យសំណង់ និងអចលនទ្រព្យនៃប្រទេសកម្ពុជាជាមួយប្រទេសចិន ដើម្បីផ្សារភ្ជាប់លទ្ធកម្មសម្រាប់វិស្វកម្ម និងអចលនទ្រព្យរវាងតំបន់ទាំងពីរ។ យើងមានសេចក្តីសោមនស្សរីករាយខ្លាំងណាស់ដែលបានធ្វើការជាមួយអ្នកសម្រាប់ឱកាសនានាដើម្បី ពន្លឿនការអភិវឌ្ឍទំនាក់ទំនងកម្ពុជា និងចិនព្រមទាំងគោលនយោបាយឈ្នះ-ឈ្នះផងដែរ។ទីកន្លែង៖ សណ្ឋាគារកាំបូឌីយ៉ាណាភ្នំពេញ ប្រទេសកម្ពុជាកាលវិភាគ៖ ការចូលរួមនៅក្នុងកម្មវិធីនៅថ្ងៃទី ១ និងទស្សនៈកិច្ចធុរកិច្ចនៅថ្ងៃទី ២​ រហូតដល់ថ្ងៃទី​ ៤ពិធីបើក៖ ថ្ងៃទី ១៥ ខែសីហាពេលវេលាពិព័រណ៍៖ ម៉ោង ៩ ព្រឹក ដល់ម៉ោង ៥ ល្ងាចអ្នករៀបចំ៖ សហជីពលទ្ធកម្មវិស្វកម្មកម្ពុជាប្រតិបត្តិករ៖ ក្រុមហ៊ុន Kaige Business Service Investment Co., Ltdសហប្រតិបត្តិករ៖ក្រុមហ៊ុន HGB Group, គេហទំព័រ Realestate.com.kh, www.58cam.com, ទូរទស្សន៍ NICE TV , ក្រុមហ៊ុន Toja (Xiamen) Equity Investment Fund Management Co.,ltd, ក្រុមហ៊ុន Zizhuan Investment Management Co., Ltd., ក្រុមហ៊ុន Yaojie Asset Management Co., Ltd., ក្រុមហ៊ុន Hongding Commercial Real Estate Co., Ltd., ក្រុមហ៊ុន Jiujie Home Technology Co., Ltd., និងក្រុមហ៊ុន KVBC Universal Business Centre ។ជម្រើសសម្រាប់អ្នកតាំងពិព័រណ៌៖ ព័ត៌មានលម្អិតមានភ្ជាប់ជូន ផែនការ A៖តម្លៃស្តង់ ២៥០០ ដុល្លារមានតុមួយ កៅអីប្រាំ អ្នកបកប្រែម្នាក់សម្រាប់ស្តង់មួយបញ្ចុះតម្លៃ ១០% សម្រាប់ការកក់ស្តង់ចាប់ពីបីឡើងបន្ទប់សណ្ឋាគារមួយសម្រាប់មនុស្ស ២ នាក់រយៈពេល ២ យប់នៅថ្ងៃទី ១៤-១៥ ខែសីហា ចំពោះការកក់ស្តង់មួយ។ផែនការ B៖ទស្សនៈកិច្ចធុរកិច្ច ១,០០០ ដុល្លារ/មនុស្សម្នាក់មានផ្តល់ជូនកន្លែងស្នាក់នៅ និងអាហារបន្ទប់សណ្ឋាគារមួយរយៈពេល ២ យប់នៅថ្ងៃទី ១៦-១៨ ខែសីហា។ផែនការ C៖ស្តង់ + ទស្សនៈកិច្ចធុរកិច្ចតម្លៃពិសេស ៤,០០០ ដុល្លារ (តម្លៃធម្មតាគឺ ៤,៥០០ ដុល្លារ ទទួលបានការផ្តល់ជូនទាំងអស់ខាងលើ) សម្រាប់មនុស្ស ២ នាក់១,០០០ ដុល្លារ/ មនុស្សម្នាក់ សម្រាប់សមាជិកបន្ថែមនៅក្នុងក្រុមរបស់អ្នក៕ស្វែងរកអចលនទ្រព្យសម្រាប់លក់នៅភ្នំពេញនៅថ្ងៃនេះ!

ធនធានមនុស្សគឺជាមូលដ្ឋាន​គ្រឹះសេដ្ឋកិច្ច ជាពិសេសសម្រាប់ប្រទេសកំពុងអភិវឌ្ឍន៍។ នៅទូទាំងពិភពលោក អ្នកជំនាញបានកត់សម្គាល់ឃើញ​ពីការរីកចម្រើនគួរឱ្យកត់សម្គាល់របស់ប្រទេសចិនក្នុងរយៈពេលបីទសវត្សរ៍ កន្លងមកនេះ។ ប្រទេសនេះបានងាក​ចេញពីប្រទេសកសិកម្មមួយទៅជាប្រទេសមហាអំណាចមួយក្នុង រយៈពេលដ៏ខ្លី។ កត្តាសំខាន់មួយក្នុងចំណោម​កំណើនដ៏អស្ចារ្យនេះគឺមាន​ប្រជាជនវ័យក្មេង និងការចេះ​សម្របខ្លួន។ ទោះយ៉ាងណាក៏ដោយឥឡូវនេះកម្មកររបស់ចិនមានអាយុជាមធ្យមលើសពី ៤០ ឆ្នាំ ដែលបាន​កំពុងធ្វើឲ្យសេដ្ឋកិច្ចថមថយបន្តិច។គ្មានអ្វីគួរឱ្យភ្ញាក់ផ្អើលនោះ​ទេដែលវិនិយោគិនអចលនទ្រព្យចិនកំពុងផ្តោតការយកចិត្តទុកដាក់លើវិស័យថ្មីៗ។ ជាពិសេសវិស័យដែលអាចទទួលបានកំណើនលឿនដូចគ្នាទៅ​នឹងប្រទេសចិនបានធ្វើកន្លងមក​។ ក្នុង​នោះ​​ប្រទេសកម្ពុជាកំពុងស្ថិតក្នុងក្រសែភ្នែក​អ្នក​វិនិយោគ​ផងដែរ​។យោងតាមទិន្នន័យពីឆ្នាំ ២០១៧ ប្រទេសកម្ពុជាមានប្រជាជនប្រមាណ ១៦ លាននាក់។ អាយុជាមធ្យមនៅពេលនោះគឺ ២៧ ឆ្នាំហើយអ្នកដែលមានអាយុក្រោម ៣៤ ឆ្នាំមានចំនួន ៧០% នៃពលរដ្ឋកម្ពុជា។ ទន្ទឹមនឹងនេះដែរ​ចំនួនប្រជាជនកំពុងកើនឡើងប្រហែល ១.៥% ។ដូច្នេះគេជឿជាក់ថាប្រទេសកម្ពុជាកំពុងស្ថិតក្នុងយុគសម័យមាសនៃការអភិវឌ្ឍសេដ្ឋកិច្ច។ នេះកើតឡើងដោយសារតែកម្លាំងពលកម្មវ័យក្មេង និងមានសមត្ថភាព។ក្នុងរយៈពេលតែប៉ុន្មានឆ្នាំទៀត ប្រជាជនកម្ពុជាភាគច្រើននឹងឈានដល់កម្រិតកំពូលនៃឆ្នាំធ្វើការ របស់ពួកគេ នោះមានន័យថាសេដ្ឋកិច្ចនឹងដើរទៅមុខយ៉ាងរលូន។គម្រោង ព្រីនស៍ អ៊ីនធើណាសិនណលផ្លាហ្សា ស្ថិត​នៅចំកណ្ដាល​បេះ​ដូង​រាជធានី​រាជធានីភ្នំពេញ ជារាជធានីរបស់​ប្រទេសកម្ពុជាបាន​ទាក់​ទាញ​ក្រសែភ្នែក​សម្រាប់វិនិយោគិនបរទេស។ យោងតាមទិន្នន័យរបស់ក្រសួងនគរូបនីយកម្ម​ និង​សំណង់ ចំនួនអាផាតមេន​ដែលមាន​នៅរាជធានី ភ្នំពេញរួមទាំងអគារដែលទើបសាងសង់ថ្មីៗមា​នជិត ៣០,០០០ យូនីត​នៅចុងឆ្នាំ ២០១៨ ។តាមការប៉ាន់ស្មានប្រជាជននៅភ្នំពេញនឹងកើនឡើងដល់ ៧ លាននាក់នៅឆ្នាំ ២០៣០ ដែលមានន័យថានឹង មានតម្រូវការលំនៅដ្ឋានកាន់តែ​ច្រើន។បច្ចុប្បន្ន​នេះ​ តម្លៃ​អាផាតមេន​ប្រហែល​ ៣,០០០ ដុល្លារ​ក្នុង​មួយម៉ែត្រ​ការ៉េ រីឯអត្រាតម្លៃ​ជួល​ត្រឡប់មកវិញប្រហែល​ ៨ ទៅ ១០ ភាគរយ។ ដោយ​ផ្អែក​លើ​ភាព​ខុស​គ្នា​រវាង​ការផ្គត់​ផ្គង់​ និង​តម្រូវការ អត្រា​ជាម្ចា់​ស់​កម្មសិទ្ធ​ នៃ​អាផាតមេន​អាច​ឈាន​ដល់ ៩៥ ភាគរយ។​ដូច្នេះកត្តាខាងលើនេះ​នាំ​ឲ្យ​មានការកើនឡើងគួរឱ្យកត់សម្គាល់ក្នុងរយៈពេលវែងនៃតម្លៃអាផាតមេន ឬអត្រាជួលត្រឡប់មកវិញ។ទីតាំងល្អឥតខ្ចោះនៅក្នុងទីក្រុងព្រីនស៍ រៀល អ៊ីស្ទេត គឺជាឈ្មោះ​ដែលនាំមកនូវអចលនទ្រព្យ​ ដែលមានគុណភាពខ្ពស់សម្រាប់ប្រទេសកម្ពុជា។ ដោយបានប្តេជ្ញាចិត្តដើម្បីក្លាយជាក្រុមហ៊ុនឈានមុខគេនៅក្នុងវិស័យអចលនទ្រព្យកម្ពុជាជាអ្នកគាំទ្រ និងជាអ្នកផ្តល់​ជីវិតប្រកបដោយគុណភាព  ក្រុមហ៊ុន ព្រីនស៍ រៀល អ៊ីស្ទេត គ្រុប បានបង្កើតគម្រោង​ជាច្រើនចាប់តាំងពីក្រុមហ៊ុន​នេះ​បានបង្កើតឡើងនៅឆ្នាំ ២០១៥ ។រហូតមកដល់ពេលនេះក្រុមហ៑ុនបានវិនិយោគជាង ២ ពាន់លានដុល្លារអាមេរិក។ ដោយកាន់កាប់ដីបម្រុងជាង ១២ លានម៉ែត្រការ៉េ ក្រុមហ៊ុន​នេះនឹងពង្រីកទុនវិនិយោគកើនឡើងរហូត​ដល់ ៦ ពាន់លានដុល្លារក្នុង រយៈពេលមួយទសវត្សរ៍ទៀត។ព្រីនស៍ អ៊ីនធើណាសិនណលផ្លាហ្សា ជាគម្រោងអភិវឌ្ឍន៍មួយក្នុងចំណោមគម្រោងអភិវឌ្ឍន៍ជាច្រើនរបស់​ក្រុមហ៊ុន​នេះ គឺស្ថិតនៅក្នុងទីផ្សារសម្រាប់អ្នកទិញដែលកំពុងស្វែង​រក​លំនៅដ្ឋាន​ព្រម​ជាមួយឱកាសពាណិជ្ជកម្ម។គម្រោង ព្រីនស៍ អ៊ីនធើណាសិនណលផ្លាហ្សា មានទីតាំងស្ថិតនៅតាមបណ្តោយមហាវិថីសហព័ន្ធរុស្ស៊ីដែលជាផ្លូវសំខាន់មួយក្នុងចំណោមផ្លូវធំៗនៅក្នុងរាជធានី។ តំបន់សំខាន់នេះជាប់​ជាមួយខណ្ឌសុខសែន ខណ្ឌទួលគោក និងខណ្ឌមានជ័យ។ ការធ្វើ​ដំណើរ​តាមរថយន្ត​ពី​គម្រោង​នេះ​​ទៅ​អាកាសយានដ្ឋានអន្តរជាតិភ្នំពេញ និងស្ថានីយ៍រថភ្លើង​មិនដល់ ១៥ នាទីឡើយ នៅជិតការិយាល័យនាយករដ្ឋមន្រ្តី ក្រសួងពាណិជ្ជកម្ម និងសាលាក្រុងផងដែរ។ព្រីនស៍ អ៊ីនធើណាសិនណលផ្លាហ្សា គឺជាអគារ​ប្រើប្រាស់​ចម្រុះដែលមានការិយាល័យ 5A ខុនដូ អាផាតមេន និងជាបណ្តុំទីតាំង​អាជីវកម្មដែលផ្តល់ជូនសម្រាប់​​អ្នកលក់រាយលំដាប់កំពូល។ មិនត្រឹមតែជាកន្លែងស្នាក់នៅ ប៉ុណ្ណោះទេប៉ុន្តែក៏ជាមជ្ឈមណ្ឌលពាណិជ្ជកម្មផងដែររួម​ជាមួយនឹងសេវាកម្មកំសាន្ត និងលម្លែកាយ​។សេវាកម្ម​សំខាន់ៗ​នៅ​ជុំវិញ​គម្រោង ព្រីនស៍ អ៊ីនធើណាសិនណលផ្លាហ្សាមានសេវា​កម្ម​ក្នុង​ទីក្រុងសំខាន់ៗជាច្រើនស្ថិតនៅក្នុងចម្ងាយពីរបីគីឡូម៉ែត្រពី ព្រីនស៍ អ់៉ីនធើណាសិនណល ផ្លាហ្សា។ ទាំងនេះរួមមានផ្សារបោះដុំម៉ាក្រូ TK Avenue ក៏ដូចជាស្ថាប័នអប់រំដូចជាសាកលវិទ្យាល័យភូមិន្ទភ្នំពេញ និងវិទ្យាស្ថានភាសាបរទេស។ មានមន្ទីរពេទ្យដែលមានគុណភាពដូចជាមន្ទីរពេទ្យរ៉ូយ៉ាល់ភ្នំពេញ និងមន្ទីរពេទ្យកុមារជាតិផងដែរ។បង្កើត​ឡើង​ដើម្បី​ជាមជ្ឈមណ្ឌលពាណិជ្ជកម្មកំពូលមួយនៃទីក្រុងដែលមាន​ផ្នែកពាណិជ្ជកម្មទំហំ ៣៥,០០០ ម៉ែត្រការ៉េរបស់ ព្រីនស៍ អ់៉ីនធើណាសិនណល ផ្លាហ្សាមានទំហំ ៣ កម្រិត​ដំបូងនៃអគារនេះ។ វាមានផ្សារទំនើបដ៏ធំ មហោស្រពឌីជីថល IMAX ក្លឹបហាត់ប្រាណធំៗ ភោជនីយដ្ឋាន បារ មជ្ឈមណ្ឌលកាស៊ីណូ និងសួនកុមារ។មជ្ឈមណ្ឌលនេះធ្វើឲ្យម្ចាស់​លំនៅដ្ឋាន​រីករាយគ្រប់​នាទីនៃការរស់នៅរបស់ពួកគេដោយមិនចាំបាច់ធ្វើដំណើរ ព្រមទាំង​ទាក់ទាញមនុស្សម្នារមកពីគ្រប់ទិសទីជុំវិញទីក្រុងផងដែរ។លើសពីលក្ខណៈពិសេសអស្ចារ្យទាំងនោះ ព្រីនស៍ អ៊ីនធើណាសិនណលផ្លាហ្សា ក៏មានក្លឹបហាត់ប្រាណ និងអាងហែលទឹកធំទូលាយផងដែរ។ ជាកន្លែងដ៏ល្អបំផុតសម្រាប់អ្នករស់នៅក្នុងការសម្រាកលម្ហែកាយ បង្កើនភាពស្រស់ស្រាយបន្ទាប់ពីធ្វើការពេញមួយថ្ងៃ។ ជាការពិតអគារ​ទាំងមូលត្រូវបានបំពាក់ជាមួយនឹងប្រព័ន្ធសន្តិសុខ ២៤ ម៉ោង  ធានាបាននៅសុវត្ថិភាពជូនម្ចាស់លំនៅដ្ឋានគ្រប់ពេល។​តើយូនីតនៅ ព្រីនស៍ អ៊ីនធើណាសិនណលផ្លាហ្សា មានលក្ខណៈបែបណា? យូនីតនៅព្រីនស៍ អ៊ីនធើណាសិនណលផ្លាហ្សា មានទំហំចាប់ពី ៥០ ទៅ ១៥៧ ម៉ែត្រការ៉េ ដែលផ្តល់នូវជម្រើសជាច្រើនសម្រាប់ទាំងផ្ទះ ឬជម្រើសវិនិយោគ។ អាផាតមេនទាំងអស់ត្រូវបានបង្កើតជាផ្ទះដ៏ប្រណិតមួយដែលមានបំពាក់នូវសម្ភារៈទំនើប ៗ ពេញលេញ និងការរចនាម៉ូដផ្ទៃខាងក្នុងទាន់សម័យបំផុតសម្រាប់ភ្ញៀវដែលជាឥស្សរជន។ជាមួយនឹងសេវាកម្មលំដាប់ទំនើប  ទីតាំងល្អ និងម៉ាកយីហោល្បីល្បាញ នេះមិនមែនការភ្ញាក់ផ្អើលទេ ដែលយូនីតនៅព្រីនស៍ អ៊ីនធើណាសិនណលផ្លាហ្សាបានកំពុងតែលក់ដាច់ខ្លាំង ជាមួយការគាំទ្រដ៏ខ្លាំងក្លា។ សូមកុំឲ្យឱកាសនេះកន្លងហួសឲ្យសោះ កុំរង់ចាំរហូតដល់តម្លៃឡើងខ្ពស់ ឬយូនីតទាំងនោះត្រូវបានលក់អស់៕ស្វែងរកអចលនទ្រព្យសម្រាប់ជួលនៅភ្នំពេញ ឬអចលនទ្រព្យសម្រាប់លក់នៅភ្នំពេញនៅថ្ងៃនេះ!

ត្រង់ចំណុចនេះ យើង​គ្រប់​គ្នាដឹងហើយ​អំពីគោលនយោបាយ ខ្សែក្រវ៉ាត់មួយ ផ្លូវមួយរបស់ចិន។ ប៉ុន្តែតើវាមាន ​ដំណើរការ​ដូចម្តេចនៅក្នុងប្រទេសកម្ពុជា? ជាការពិត លទ្ធផលនៃផែនការនេះ​កំពុងជះឥទ្ធិពល​នៅ ក្នុងក្រុងព្រះសីហនុ។ ទីក្រុងកំពង់ផែភាគខាងត្បូងនៃព្រះរាជាណាចក្រកម្ពុជាកំពុងប្រែក្លាយខ្លួនទៅ ជាមជ្ឈមណ្ឌលក្នុង​តំបន់សម្រាប់ទេសចរណ៍ អចលនទ្រព្យ ការដឹកជញ្ជូន និងឧស្សាហកម្ម។ដោយមានកោះ និងឆ្នេរខ្សាច់ល្អបំផុត​មួយ​ចំនួន​នៅក្នុងប្រទេសកម្ពុជា ខេត្តព្រះសីហនុលេចធ្លោដូចជាត្បូងមួយគ្រាប់សម្រាប់ផ្នែកបដិសណ្ឋារកិច្ច។ លើសពីនេះទៅទៀតវាជាតំបន់សេដ្ឋកិច្ចពិសេសជាច្រើន ហើយជាកំពង់ផែសមុទ្រទឹកជ្រៅ តែមួយគត់របស់ប្រទេសកម្ពុជា។ជម្រើស​នៃការ​ដឹក​ជញ្ជូន​មាន​ការ​រីកចម្រើន​នៅ​ខេត្ត​ព្រះ​សីហនុទើបតែខែមុនក្នុងខែកក្កដាឆ្នាំ ២០១៩ ក្រុមហ៊ុនអាកាសចរណ៍ 9Air  បានបើកដំណើរការជើងហោះហើរត្រង់ពី ក្វាងចូវមកក្រុងព្រះសីហនុ។ក្រុមហ៊ុនអាកាសចរណ៍យក្សក្នុងតំបន់គឺ AirAsia ក៏បានបើកដំណើរការ​ជើងហោះហើរទៀងទាត់មួយ ដោយភ្ជាប់អាកាសយានដ្ឋានអន្តរជាតិដនមឿងក្នុងទីក្រុងបាងកកជាមួយក្រុងព្រះសីហនុ។ ផ្លូវនេះប្រើយន្តហោះ Airbus A320 ចំនួន ១៨០ កៅអីដោយហោះហើរ ៤ ថ្ងៃក្នុងមួយសប្តាហ៍។លោក សិន ចាន់សេរី​វុត្ថា អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល  (SSCA) មានប្រសាសន៍ ថាបច្ចុប្បន្នអាកាសយានដ្ឋានអន្តរជាតិខេត្តព្រះសីហនុមានជើងហោះហើរជាង ៥០០ ជើងក្នុងមួយសប្តាហ៍។ក្នុងរយៈពេល ៥ខែដំបូង កាលពីដើមឆ្នាំ ២០១៨ អាកាសយានដ្ឋានខេត្តព្រះសីហនុបានទទួលភ្ញៀវទេសចរបរទេសសរុប ចំនួន ៥៥,៩៤៧ នាក់ដោយកើនឡើង ៨៨.៩ ភាគរយពីមួយឆ្នាំទៅមួយឆ្នាំ។ គេរំពឹងថាអាកាសយានដ្ឋាន នឹងទទួលភ្ញៀវទេសចរជាងមួយលាននាក់នៅឆ្នាំ ២០២១ ។ហេតុអ្វី​បាន​ជាមាន​ផ្លូវ​ថ្មីៗ​ទៅ​ខេត្ត​ព្រះសីហនុ?ប្រទេសថៃគឺជាទិសដៅទេសចរណ៍ដ៏ពេញនិយមបំផុត។ ការហោះហើរត្រង់ពីទីក្រុងបាងកកមកក្រុងព្រះសីហនុ នឹងពិតជាទាក់ទាញ​ភ្ញៀវទេសចរឱ្យមកចូល​ក្រុងព្រះសីហនុ។ បើតាមមន្ត្រីនៅខាងក្នុង អាកាសយានដ្ឋាន​ គេរំពឹងថាចំនួនអ្នកធ្វើដំណើរអន្តរជាតិក្នុងក្រុងព្រះសីហនុនឹងមានការកើនឡើង នៅប៉ុន្មានខែខាងមុខនេះហើយឧស្សាហកម្មទេសចរណ៍នៅខេត្តព្រះសីហនុនឹងឡើងដល់កំពូលថ្មីមួយនៅឆ្នាំ ២០១៩ ។ក្រុងព្រះសីហនុត្រូវបានភ្ជាប់ទៅនឹងរាជធានីដែលជាផ្លូវល្អបំផុតមួយនៅក្នុងប្រទេស។ តាមសមុទ្រ អាចចូលទៅដល់កំពង់ផែ Sattahip ក្នុងប្រទេសថៃ ចម្ងាយ ២១៨ ម៉ាយល៍ និងចម្ងាយ ៤២០ ម៉ាយល៍ ទៅហូជីមីញប្រទេសវៀតណាម ចម្ងាយ ៦០៣ ម៉ាយល៍ទៅសិង្ហបុរី និង ១,២១០ ម៉ាយល៍ទៅក្វាងចូវប្រទេសចិន។ដោយមានទីតាំងភូមិសាស្ត្រមានអំណោយផល និងធនធានដឹកជញ្ជូនមានភាពងាយស្រួល វានឹងផ្លាស់ប្តូរទៅ ជាមជ្ឈមណ្ឌលថ្មីមួយនៅលើរបៀងសេដ្ឋកិច្ចនៅភាគខាងត្បូងប្រទេសកម្ពុជា។បណ្តាញដឹកជញ្ជូនជាច្រើននឹងជួយឲ្យក្រុងព្រះសីហនុទទួលបាន​ការចាប់អារម្មណ៍។ការអភិវឌ្ឍន៍ការដឹកជញ្ជូនក្រុងព្រះសីហនុមានការរីកចម្រើនយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះជាមួយនឹងការដឹកជញ្ជូនតាមអាកាស ផ្លូវគោក និងផ្លូវសមុទ្រ។ ទីក្រុងឆ្នេរសមុទ្រមួយនេះបានត្រៀមខ្លួន រួចជាស្រេចដើម្បីឈានទៅរកយុគសម័យថ្មីនៃវឌ្ឍនភាពសេដ្ឋកិច្ច ។.ពីសមុទ្រ មានព្រែកជីកក្រា។ ផ្លូវថ្មីនៃព្រែកជីកក្រាដើម្បីផ្លាស់ប្តូរផ្លូវដឹកទំនិញនៃច្រកសមុទ្រម៉ាឡាកា ដែល​នឹងជំរុញការរីកចម្រើនយ៉ាងឆាប់រហ័សនៃសេដ្ឋកិច្ចកម្ពុជា។ ជាចំណតទីមួយនៃការចូល​ចតនៅកំពង់ផែ ក្រុងព្រះសីហនុនឹងកាន់តែមានសារៈសំខាន់សម្រាប់តំបន់ប៉ាស៊ីហ្វិក។តាមផ្លូវគោកយើងមានផ្លូវដែកល្បឿនលឿនឆ្លងកាត់អាស៊ាន និងផ្លូវល្បឿនលឿន​ក្រុងព្រះសីហនុ។ ជាមួយនឹង ការស្ថាបនាផ្លូវដែកល្បឿនលឿនក្នុងតំបន់អាស៊ាន ​យើងនឹងចំណាយពេលត្រឹមតែ ៣.៥ ម៉ោងដោយរថភ្លើង ទៅដល់ខេត្តយូណានប្រទេសចិន។ផ្លូវដែកល្បឿនលឿនតំបន់អាស៊ាននឹងភ្ជាប់បណ្តាញដើម្បីជំរុញការអភិវឌ្ឍន៍តំបន់ដែលគ្របដណ្តប់លើប្រទេសមីយ៉ាន់ម៉ា វៀតណាម ថៃ សិង្ហបុរី និងប្រទេសដទៃទៀត។ នេះមានន័យថាលំហូរនៃអចលនទ្រព្យថ្មីនៅក្នុងរង្វង់សេដ្ឋកិច្ចជុំវិញ ផ្លូវដែកល្បឿនលឿនតំបន់អាស៊ាន រួមមានទាំងប្រទេសកម្ពុជាផងដែរ។ការហោះហើរថ្មី​ៗមក​ក្រុង​ព្រះសីហនុ​កំពុង​ដំណើរការនៅពេលអនាគត ផ្លូវល្បឿនលឿនប្រវែង ១៩០ គីឡូម៉ែត្រពីរាជធានីភ្នំពេញទៅក្រុងព្រះសីហនុនឹង ត្រូវបើកដំណើរការ។ នៅពេលនោះការធ្វើដំណើរពីភ្នំពេញទៅក្រុងព្រះសីហនុនឹងត្រូវបានកាត់បន្ថយ មកត្រឹមរយៈពេលពីរម៉ោងដែលនឹងមានអំណោយផលសម្រាប់ទីក្រុងទាំងពីរ។នៅលើអាកាសមានផ្លូវអាកាសដោយផ្ទាល់ភ្ជាប់ក្រុងព្រះសីហនុទៅពិភពលោក។ អាកាសយានដ្ឋានអន្តរជាតិ ក្រុងព្រះសីហនុមានជើងហោះហើរថេររៀងរាល់សប្តាហ៍ទៅកាន់ទីក្រុងធំៗ ៗរបស់អាស៊ាន និងចិន ដែលផ្នែកខាងត្បូងគឺចំណាយពេល​តែ ២ ទៅ ៣ ម៉ោងប៉ុណ្ណោះតាមជើង​យន្តហោះ។ទិន្នន័យបានបង្ហាញថាចាប់ពីខែមីនាឆ្នាំ ២០១៦ ដល់ខែកក្កដាឆ្នាំ ២០១៩ មានជើងហោះហើរត្រង់ចំនួន ២៩ ពីទីក្រុងធំ ៗ របស់ប្រទេសចិនមកក្រុងព្រះសីហនុត្រូវបានដាក់ឲ្យដំណើរការរួមមានទីក្រុង ទីក្រុងប៉េកាំង ធានជីង​ ជឹងចូវ ស៊ីអាន ស៊ឺងយ៉ាង អ៊ូហាន ឆាងសា ណានឆាង សៀងហៃ ហាំងចូវ វេនចូវ អូ៊ស៊ី អ៊ីអូ ឆឹងទូ ឆុងឈីង ឃុនមីង គួនយាង ក្វាងចូវ ហ្វូចូវ ហ្សិនជិន ហ្សែមិន ណាននីង ជៀយ៉ាង សានយ៉ា ជីនជាំង ចានជាំង សាន់ថូវ ហុងកុង និងទីក្រុងម៉ាកាវ។ឆាប់ៗនេះ​នឹងមាន​កាលវិភាគហោះហើរថ្មី​មួយ​ចំនួន​ទៀតដូចជា៖​ស៊ីស័ងបាន់ណា - ក្រុងព្រះស៊ីហនុថៃយាន - ក្រុងព្រះស៊ីហនុណានជីង- ក្រុងព្រះស៊ីហនុអ៊ីឆាង - ក្រុងព្រះស៊ីហនុចំពោះ​ល្បឿន​នៃការ​រីកចម្រើន​នេះ ចំនួនជើងហោះហើរត្រង់ពីក្រុងព្រះសីហនុទៅប្រទេសចិន ហុងកុង ម៉ាកាវ និងតៃវ៉ាន់ នឹងឈានដល់ ៣៣ ជើងនាពេលឆាប់ៗនេះ! ការពង្រីកផ្លូវអាកាសក្នុងក្រុងព្រះសីហនុយ៉ាង ឆាប់រហ័សនឹងនាំឱ្យមានការរីកចម្រើនយ៉ាងខ្លាំងនៅក្នុងឧស្សាហកម្មទេសចរណ៍។ ហើយទីផ្សារអចលនទ្រព្យ នៅក្រុងព្រះសីហនុនឹងទទួលបាន​អត្ថប្រយោជន៍​ពីការដឹកជញ្ជូន ហេដ្ឋារចនាសម្ព័ន្ធ និងទេសចរណ៍។ពីមុនជាភូមិនេសាទតូចមួយនៅជាយឆ្នេរឈូងសមុទ្រថៃ ឥឡូវនេះ​ក្រុងព្រះសីហនុកំពុងស្ថិតនៅលើផ្លូវ ក្លាយជាទីក្រុងឆ្នេរសមុទ្រអន្តរជាតិ។មិនត្រូវ​មើលរំលងពីសក្តានុពលនៃការអភិវឌ្ឍវិស័យអចលនទ្រព្យនាពេលអនាគតរបស់ក្រុងព្រះសីហនុឡើយ​។ឱកាសវិនិយោគជាមួយ ព្រីនស៍ ធាន ស៊ី វ៉ាន គម្រោង  ព្រីនស៍ ធាន ស៊ី វ៉ាននឹងដឹកនាំការរីកចម្រើន​នៃក្រុងព្រះសីហនុទៅអនាគត។ តើ​លោក​អ្នក​ចូលរួម​ចាប់យកឱកាស ឬ​រង់ចាំ និងឱ្យឱកាសនេះ​កន្លងផុត? សូម​មើលរំលងឱកាសនេះ ហើយសោកស្តាយ​ដែល​មិន​ទទួល​បាន​វិនិយោគ​។ចូលរួម​ជាមួយយើង និងសាកសួរអំពីគម្រោង ព្រីនស៍ ធាន ស៊ី វ៉ាន  នៅថ្ងៃនេះ!​ស្វែងរកអចលនទ្រព្យសម្រាប់លក់នៅក្រុងព្រះសីហនុ និងអចលនទ្រព្យសម្រាប់ជួលនៅក្រុងព្រះសីហនុ នៅថ្ងៃនេះ!

នៅ​ពេលវិស័យ​​ខុន​ដូ​​បាន​ចាប់​កំណើ​ត​ដំ​បូង​នៅ​កម្ពុជា​កាល​ពី​ចុង​ទសវត្យរ៍​ឆ្នាំ​ ២០០០ មាន​គម្រោង​តែពីរ ទៅ បី​​​​ប៉ុណ្ណោះត្រូវ​បាន​សាង​សង់​នៅភ្នំពេញ ហើយ​​សុទ្ធ​សឹង​ធ្វើ​​ឡើង​ដើម្បី​ឆ្លើយ​តប​តម្រូវ​​ការ​​​អតិថិជនជា​ជន​បរទេស។តែ​ជាងមួយទសវត្សរ៍ក្រោយមក ស្ថាន​ភាព​ទី​ផ្សារ​បាន​ផ្លាស់​ប្តូរ។ និន្នាការថ្មីមួយ​បាន​​លេចឡើង ដោយ​សារ​កំ​ណើន​ប្រ​ជាជន​កម្ពុជា​​វណ្ណៈកណ្តាល ហើយ​ពួក​គេ​​កំពុងត្រូវ​​ការលំ​នៅ​ដ្ឋាន​ផ្ទាល់​ខ្លួន​ ដែល​មាន​បែ​ប​បទ​រស់​នៅ​បែប​ស៊ី​វិ​ល័យ។​លោក អ៊ុក ច័ន្ទដារ៉ា​​វុធ នាយក​ផ្នែកលក់និងទីផ្សារនៃក្រុមហ៊ុន Seven Residence Co Ltd បានសង្កេត​ឃើញ​​ថា​​​តម្រូវ​ការ​ខុន​ដូ​ដែល​មាន​លក្ខណ​ៈ​សាង​សង់​ស្រប​តាម​តម្រូវ​ការ​ប្រ​ជាជន​ក្នុង​ស្រុក​ចាប់​ផ្តើម​កើន​ឡើង​។ ​លោកដារ៉ា​វុធ បានថ្លែងថានៅ​​មានភាព​មិន​ស៊ី​ ចង្វាក់​​​គ្នា​រវាង​តម្រូវ​ការ​និង​ការ​ផ្គត់​ផ្គង់​ខុន​ដូ​ សម្រាប់​ប្រ​ជាជន​ក្នុង​ស្រុក​ ហើយ​ក្រុម​ហ៊ុ Seven Residence ក៏​សម្រេច​​សាងសង់អគារខុន​ដូ​ The Seven Residence Condominium ដែល​ប្រ​ភេទ​ខុនដូ​តំលៃសមរម្យស្ថិតនៅក្នុងខ័ណ្ឌ​​សែនសុខ​។លោក​ថ្លែង​ថា​៖​«​ពេល​នេះ ប្រជាជនកម្ពុជាកាន់តែច្រើនឡើង​​ចាប់​អារម្មណ៍​ទិញខុនដូ តែ​គ្រាន់​តែ​ថា​​ពួកគេចង់​បាន​តម្លៃសម​រម្យ​ជាង​គម្រោង​​ខុន​ដូ​មុនៗ»​។ លោកបន្តថាក្រុម​ហ៊ុន​ The Seven Residence បានលក់ចេញ​ ៣០ ភាគរយ​ ចាប់​​តាំងពីបើកលក់គម្រោង​ខុន​ដូតម្លៃ​សម​រម្យ​នេះ​កាល​ពី​ខែមករា។ ជាង​ ៩០ ភាគ​រយ​នៃ​អ្នកបញ្ជា​​ទិញ​គឺ​ជា​អតិ​ថិ​ជនកម្ពុជា។​លោកបន្តថា៖​​«ក្នុងរយៈពេល ៥ ឆ្នាំទៀត​ ប្រ​ជាជនកម្ពុជានឹងលែង​សូវ​ទិញ​ផ្ទះ​ល្វែងទៀត​ហើយ​ ដោយ​សារ​​ត​ម្លៃកាន់​តែ​ថ្លៃ​ ​ហើយមាន​ទីតាំង​ឆ្ងា​យពីកណ្តាលក្រុង​។ ពួក​គេ​ នឹង​ងាក​មក​ទិញ​ខុន​ដូ​ដែលមានតំលៃសមរម្យវិញ​ដែលស្ថិតនៅជិតតំបន់ទីប្រជុំជន»។វា​ជា​និន្នាការថ្មីមួយនៅក្នុងវិស័យខុន​ដូ​នៅកម្ពុជា។ អ្នកអភិវឌ្ឍន៍ជាច្រើនកំពុងផ្លាស់ប្តូរការយកចិត្តទុកដាក់របស់ពួកគេមក​រក​អ្នកទិញក្នុងស្រុក។ជា​ទូ​ទៅ​ ខុនដូ​តម្លៃ​សម​រម្យ​នា​ពេល​នេះ​មាន​តម្លៃ​ប្រ​ហែល ៥ ម៉ឺន​ដុល្លារ​ក្នុង​មួ​យ​យូ​នីត ឬ ស្មើរ​នឹង​ ១,៤០០ ដុល្លារ​ក្នុង​មួយ​ម៉ែត្រ​កា​រ៉េ។យោងតាមរបាយការណ៍ថ្មីមួយរបស់​​ក្រុមហ៊ុនគ្រប់​គ្រង​សេវា​អចលនទ្រព្យ CBRE គម្រោងខុនដូចំនួន ១៣ គម្រោង​​ត្រូវបានបញ្ចប់ហើយដាក់នៅលើទីផ្សារផ្ទះសម្បែង​ក្នុងអំឡុងឆមាសទីមួយ​ឆ្នាំនេះ។ របាយការណ៍នេះបានឱ្យដឹងថាជិត ៧០ ភាគរ​យ​​នៃ​គម្រោង​ទាំង​នេះ គឺ​ជា​ខុនដូ​តម្លៃសមរម្យ។ខុនដូតម្លៃសមរម្យកំពុងមានកំណើននៅក្នុងទីផ្សារតួលេខរបស់ CBRE បានបង្ហាញថាគិត​ត្រឹម​ដំ​ណាច់​​ខែមិថុនា ការផ្គត់ផ្គង់ខុនដូសរុបនៅ​ភ្នំពេញមានចំនួន ១៦,៦៥៧ យូ​នីត​​។ ក្នុង​នោះ​ ខុន​ដូតម្លៃ​មធ្យម​ មាន​ប្រ​ហែល​ពាក់​កណ្តាល ខណៈគម្រោង​ខុន​ដូ​តម្លៃ​សម​រម្យ​ និង​តម្លៃ​ខ្ពស់​ មាន​ជាង ២០ ភាគ​រយ​ដូច​គ្នា។CBRE បាន​ចាត់​ថ្នាក់​ខុន​ដូត​ម្លៃមធ្យម ដោយ​គិត​ក្នុងមួយម៉ែត្រការ៉េ ស្មើរ​តម្លៃ​ ៣,២៥៤ ដុល្លារ​ ​ចំណែក​ខុនដូ​តម្លៃមធ្យម ២,៥៦៨ ដុល្លារ និង​ខុន​ដូតម្លៃ​សម​រម្យ​ ១,៥០១ ដុល្លារ ក្នុង​មួយ​ម៉ែត្រ​ការ៉េ។​លោក James Hewson អ្នកគ្រប់គ្រងការស្រាវជ្រាវនិងប្រឹក្សា​យោបល់របស់ CBRE បានថ្លែងថាការអភិវឌ្ឍខុនដូដែលមានតម្លៃសមរម្យ​ នៅ​មាន​​​ចំណែកតូច​នៅ​ឡើយ​ធាប​នឹង​ចំ​នួន​ខុន​ដូរ​សរុប តែ​វា​កំ​ពុង​មាន​កំ​ណើន​ខ្លាំង​នៅ​មួយ​ឆ្នាំ​ចុង​ក្រោយ។លោកបានមានប្រសាសន៍ថា៖ «​​ឥឡូវនេះមានការផ្គត់ផ្គង់ខុនដូតម្លៃ​​ខ្ពស់នៅក្នុងទីផ្សារ តែ​ក្រុមហ៊ុនអភិវឌ្ឍន៍កំពុងចាប់ផ្តើមសាង​សង់​ខុន​ដូរ​តម្លៃ​សមរ្យ​ដើម្បី​កាត់​បន្ថយ​​ហានិភ័យ លើ​ការ​ពឹង​តែ​ខុន​ដូ​រ​តម្លៃ​ខ្ពស់​មួយ​មុខ​ដែល​ហាក់​មាន​ភាពឆ្អែតរួចទៅហើយ»។​ លោក​បន្ត​ថា​៖​«​មាន​ការ​ព្យាករណ៍ថា ខុន​ដូ​រ​តំលៃសមរម្យនឹងមានការកើនឡើងយ៉ាងខ្លាំងក្នុងការផ្គត់ផ្គង់ក្នុងរយៈពេលបីឆ្នាំខាងមុខនេះ»​​។លោកបានបន្ថែមថាកំណើនភាគច្រើននៃខុនដូគឺអាស្រ័យលើហេដ្ឋារចនាសម្ព័ន្ធនិងលទ្ធភាពប្រើប្រាស់។ នេះជាការព្រួយបារម្ភចម្បងសម្រាប់គម្រោងដែលមានតំលៃសមរម្យដែលជាញឹកញាប់ជ្រើសរើសទីតាំងចុះ​ពី​ទី​ប្រជុំ​ជន​​ដើម្បីរក្សាតម្លៃទាប។យោងតាមរបាយការណ៍​របស់ CBRE នៅ​ឆ្នាំក្រោយ​នេះ ខុនដូដែល​បញ្ចប់ការ​សាង​សង់​ហើយ​ដាក់​នៅ​លើ​ទី​ផ្សារ​នឹងកើនដល់ ៤០,០០០ យូនីត​នៅ​​ភ្នំពេញ​។ ក្នុង​នោះ​ ជាងមួយភាគបួន ជា​ប្រ​ភេទ​ខុន​ដូ​​តម្លៃសមរម្យ។ស្វែងរកខុនដូសម្រាប់លក់នៅក្នុងទីក្រុងភ្នំពេញនៅថ្ងៃនេះ!