បច្ចុប្បន្ននេះវិស័យសំណង់ និងអចលនទ្រព្យកម្ពុជាកំពុងមានការរីកចម្រើនយ៉ាងខ្លាំងក្លា ដែលធ្វើឲ្យមានកំណើននៃការសាងសង់យ៉ាងមាមារញឹកនៅគ្រប់ទីកន្លែង ជាពិសេសនៅតាមតំបន់សក្តានុពលសំខាន់ៗ ទីក្រុងធំៗ និងតំបន់រីកចម្រើនថ្មី រាប់ចាប់ពីទីប្រជុំជនដល់ទីក្រុង។ ទទឹមនឹងពេលរីកចម្រើន ភាពសកម្មនៃមួយចំនួនក៏បានកំពុងកើតឡើងនៅក្នុងដំណើរផ្លូវច្បាប់ ពាក់ព័ន្ធនឹងការស្នើសុំការអនុញ្ញាតសាងសង់ពីអជ្ញាធរ។ នេះមានន័យថាសំណង់មួយចំនួនត្រូវបានសាងសង់ឡើងដោយគ្មានច្បាប់អនុញ្ញាតត្រឹមត្រូវ។ ដើម្បីទទួលបានច្បាប់អនុញ្ញាត ម្ចាស់គម្រោង ឬអ្ន​កតំណាង​ស្របច្បាប់រ​បស់ម្ចាស់​គម្រោង​ត្រូវដាក់ស្នើសុំសិទ្ធិសាងសង់ ឬលិខិតអនុញ្ញាតសាងសង់ពីពីអជ្ញាធរមូលដ្ឋាន ឬក្រសួងពាក់ព័ន្ធ។ ខាងក្រោមនេះជាការណែនាំមួយចំនួនពាក់ព័ន្ធនឹងការស្នើសុំលិខិតអនុញ្ញាតសាងសង់នៅកម្ពុជា។ តើសំណង់បែបណាខ្លះ ដែលត្រូវសុំការអនុញ្ញាតសាងសង់?យោងតាមអនុក្រឹត្យលេខ ៨៦ អនក្រ.បក ស្ដីពី​លិខិត​អនុញ្ញាត​សាងសង់ របស់​រាជរដ្ឋាភិបាល​នៃព្រះ រាជាណា​ចក្រកម្ពុជា ចុះថ្ងៃទី​១៩ ខែធ្នូ ឆ្នាំ១៩៩៧ សំណង់​ដែលតម្រូវ​ឱ្យមា​នលិខិតអនុញ្ញាត​សាង​សង់ ជាមុនគឺរាល់ការសាងសង់ថ្មី ឬសាង​សង់ឡើ​ងវិញលើអគារដែលមានស្រាប់នៅក្នុង​ទីក្រុង និងទី​ប្រជុំជន។​ឯកសារ​ចាំបាច់​សម្រាប់​ការស្នើសុំ​ការអនុញ្ញាតសាងសង់យោងតាមមាត្រា៩ នៃ​អ​នុក្រឹត្យ ស្ដីពី​លិខិត​អ​នុញ្ញាត​សាងសង់ ដើម្បីអាចស្នើសុំការអនុញ្ញាតបាន ម្ចាស់អចលនទ្រព្យត្រូវភ្ជា់ប់មកជាមួយនឹងឯកសារដូចខាងក្រោម៖ វិញ្ញាបនបត្រ​សម្គាល់​ម្ចាស់​អចលនវត្ថុ ឬប័ណ្ណ​សម្គាល់​សិទ្ធិកាន់កាប់​ប្រើប្រាស់​អចលនវត្ថុ ឬលិខិត​កាន់កា​ប់ដីជាបណ្ដោះ​អាសន្នសលាកបត្រ​ដីឡូតិ៍ និងប្លង់​ទីតាំង​អគារ​នៅក្នុ​ង​ដីឡូតិ៍ប្លង់ និង​គម្រោង​ស្ថាបត្យកម្ម វិស្វកម្មអត្តសញ្ញាណប័ណ្ណ​សម្គាល់ជា​ជនជាតិខ្មែរ​របស់អ្នក​ស្នើសុំពាក្យសុំលិខិតអនុញ្ញាត​សាងសង់​ដោយ​មា​នហត្ថលេខា​របស់ម្ចា​ស់ដី និងអ្នក​ធ្វើគម្រោង។ (សំណុំ​លិខិត​ពាក្យសុំ​លិខិត​អនុញ្ញាត​សាងសង់​ទាំងអស់​ត្រូវធ្វើ​ឡើង​ជាភាសាខ្មែរ ហើយ​​អត្ថបទ​​ជាភាសា​​អង់គ្លេស និងភាសា​បារាំងអា​ចផ្ដល់ភ្ជាប់​ជាមួយនឹ​ងលិខិត​នេះ​បាន)។ តើលិខិតអនុញ្ញាតសាងសង់មានប៉ុន្មានប្រភេទ? លិខិត​អនុញ្ញា​តសាងសង់ត្រូវបានកំណត់​ចំនួន ៣ ថ្នាក់ផ្សេងគ្នា ទៅតាមទំហំនៃការសាងសង់ គម្រោងនីមួយៗ។ទី១ គឺថ្នា​ក់ក្រុង ស្រុក ខណ្ឌ ចំពោះសំណង់ដែល​មានផ្ទៃក្រឡា​កម្រាល​សំណង់​សរុបតូច​ជាង ឬស្មើ ៥០០​ ម៉ែត្រការ៉េ។ ទី២ គឺ​ថ្នាក់រា​ជធានី ខេ​ត្ត ចំពោះ​សំណង់​ដែលមានផ្ទៃ​ក្រឡាក​ម្រាលសំណង់ធំជាង ៥០០ ម៉ែត្រការ៉េ ដល់ ៣,០០០ ម៉ែត្រការ៉េ​។ ទី៣ គឺ​គម្រោង​សាងសង់​ណាដែលមា​នផ្ទៃក្រឡាកម្រាលសំ​ណង់ធំ​ជាង ៣,០០០ ម៉ែត្រកា​រ៉េ ត្រូវមកសុំការអនុញ្ញាត​សាងសង់​នៅក្រសួង​រៀបចំដែន​ដី នគរូបនី​យកម្ម និង​សំណង់​ផ្ទាល់​តែម្តង។រយៈពេលនៃការស្នើសុំបើយោងតាម​អនុក្រឹត្យ​ខាងលើ​នេះដដែល រយៈ​ពេល​សម្រាប់ពិនិត្យសំ​ណុំ​លិខិតអ​នុញ្ញាត​សាងសង់ ត្រូវបា​នកំណ​ត់ត្រឹម ៤៥ ថ្ងៃធ្វើការ។ រយៈពេលនេះគិតចា​ប់ពីថ្ងៃ ដែលរាល់​លិខិ​តស្នាម ភ្ជាប់ជា​មួយនឹ​ង​ពាក្យ​សុំលិ​ខិត អនុញ្ញាត​សាងស​ង់បាន​បំពេញស​ព្វគ្រប់។ នៅចុង​រយៈពេល​កំណត់នេះ អ្ន​ក​ស្នើសុំនឹង​ទទួលបាន​ដំណឹង​អំពី​សេចក្ដីស​ម្រេច​ជាលាយ​លក្ខអក្សរ ស្ដីពី​ការអនុ​ញ្ញាត ការមិន​អនុញ្ញាត ឬកា​រអនុញ្ញាត​ដែរ តែស្នើ​សុំ​ឱ្យកែ​សម្រួល​បន្ថែម។យោងទៅតាមប្រកាស​អន្តរ​ក្រសួង​រវាង ​ក្រសួងសេ​ដ្ឋកិច្ច និងហិ​រញ្ញវត្ថុ និង​ក្រសួង​រៀបចំ ដែនដី នគរូបនីយកម្ម និង​សំណង់លេខ ០៣៣ ស.ហ.វ. ប្រ.ក ថ្ងៃទី១២ ខែមករា ២០០៦។​តើត្រូវចំណាយថ្លៃសេវាកម្មប៉ុន្មាន? ការបង់​ថ្លៃក្នុងការស្នើ​សុំគឺ​គិតទៅ​លើទំហំផ្ទៃក្រឡា និងប្រភេទ​គម្រោង​សាងស​ង់នោះ។ឧទាហរណ៍៖ សម្រាប់​គម្រោង​សំណង់លំនៅដ្ឋាន ដែលមា​នផ្ទៃក្រឡាសា​ងសង់​ទំហំ ៥០០ ម៉ែត្រការ៉េ តម្លៃសោ​ហ៊ុយ​សេវា​គឺប្រែប្រួលទៅ​តាម​ប្រភេទផ្ទះ​ដូចជា ភូមិគ្រឹះត្រូ​វបង់សេ​វាចន្លោះពី ៦ សែន​រៀល ដល់ ១.៨ ​លានរៀល។ សម្រាប់​ផ្ទះល្វែង​ ថ្លៃសេវា​ចន្លោះ​ពី ៤ សែ​នរៀល ដល់ ១,២ លានរៀល និង​សម្រាប់ផ្ទះ​ថ្មក្រោមឈើ​លើមា​ន​តម្លៃចន្លោះពី ១៤ ​ម៉ឺនរៀល ទៅ ២២ម៉ឺ​នរៀល។តើមានបញ្ហាអ្វីកើតឡើង បើសាងសង់ដោយមិនសុំការអនុញ្ញាត? រាល់​សំណង់​ដែលសាងសង់​ដោយគ្មាន​លិខិ​តអនុញ្ញាត សំណង់នោះនឹងនឹងត្រូ​វចាត់ទុក​ជាសំណង់ ខុសច្បាប់ (បទល្មើស) ហើយការដ្ឋាន​សាងសង់នឹ​ងត្រូវបា​នប​ញ្ឈប់ជាបន្ទាន់។លើសពីនេះ បុគ្គលរំលោភច្បាប់ប្រឈមមុខនឹងផ្លូវច្បាប់ ហើយឧបករណ៍​ទាំងអស់​នៅក្នុង ការដ្ឋាននឹងត្រូ​វបានរឹ​បអូស។ នេះបើយោង​តាម​មាត្រា​២៤ នៃអនុក្រឹត្យលេខ ៨៦ អនក្រ.បក ស្ដីពី​លិខិត​អនុញ្ញាត​សាងសង់ ចុះថ្ងៃទី១៩ ខែធ្នូ ឆ្នាំ១៩៩៧ និង​យោងតាម ប្រកាស​អន្តរក្រ​សួងស្ដីពី នីតិវិធី​និង​បែបបទនៃ​ការធ្វើអធិការ​កិច្ច​សំណង់លេខ ១១៨ប្រក/ដ.ន.ស.កយ ចុះថ្ងៃទី០២ ខែសីហា ឆ្នាំ២០១៩។ តើក្នុងលក្ខខណ្ឌណាខ្លះ ដែលពុំចាំបាច់ស្នើសុំលិខិតសាងសង់ដែរទេ?ពិតណាស់គឺមាន! សំណង់លំនៅដ្ឋានរបស់ប្រជាពលរដ្ឋ ​ដែលស្ថិត​នៅទីជនបទ ឬតំបន់ឆ្ងាយ​ពីផ្លូវជាតិ ឆ្ងាយពីផ្លូវដែក និងឆ្ងាយពី​តំបន់រមណីយដ្ឋាន​ទេសចរណ៍ តំបន់បេតិក​ភណ្ឌជាតិ ឬតំបន់អភិរក្សជាដើម គឺមិនតម្រូវឲ្យ​មានលិខិតអនុញ្ញាត​សាងសង់​នោះឡើយ៕ប្រភព Fresh Newsស្វែងយល់ពីច្បាប់ក្នុងវិស័យអចលនទ្រព្យ ឬចង់ទិញអចលនទ្រព្យសម្រាប់លក់នៅភ្នំពេញ សូមចូលទៅកាន់ Realestate.com.kh ថ្ងៃនេះ!

ព្រឹត្តិការណ៍អចលនទ្រព្យដ៏ធំបំផុតប្រចាំឆ្នាំនឹងដំណើរការជាផ្លូវការក្នុងរយៈពេល ១ ខែទៀតប៉ុណ្ណោះ ពោលគឺនៅថ្ងៃទី ៤ - ៥ ខែតុលា ឆ្នាំ២០១៩​ ខាងមុខនេះ។ នេះគឺជាពិព័រណ៍អចលនទ្រព្យដ៏ធំបំផុតមួយ ដែលបានចាប់ផ្តើមនៅក្នុងឆ្នាំ២០១៦ ក្រោមការរៀបចំឡើងរបស់ក្រុមហ៊ុនផ្សព្វផ្សាយអចលនទ្រព្យ Realestate.com.kh ហើយព្រឹត្តិការណ៍ ប្រចាំឆ្នាំបន្តបន្ទាប់កន្លងមកមានការគាំទ្រដ៏ខ្លាំងក្លាពីសំណាក់អ្នកវិនិយោគិនជាតិ និងអ​ន្តរជាតិ គម្រោងអភិឌ្ឍន៍ធំៗ អ្នកទិញ និងក្រុមហ៊ុនពាក់ព័ន្ធជាច្រើនទៀត។ ពិព័រណ៍អចលនទ្រព្យកម្ពុជាឆ្នាំ២០១៩ ត្រូវបានគេមើលឃើញថាវេទិកាដែលប្រមូលផ្ដុំគម្រោងធំៗ និងជំរុញដល់ប្រតិបត្តិការទិញលក់អចលនទ្រព្យដ៏មានប្រសិទ្ធភាព ពោលគឺទទួលបានភាពជោគជ័យបំផុតនៅក្នុងប្រវត្តិនៃការទិញលក់អចលនទ្រព្យកម្ពុជា។ តួយ៉ាងពិព័រណ៌ឆ្នាំ២០១៨ មានអ្នកចូលរួមជាង​ ១ ម៉ឺននាក់ គម្រោងតាំងបង្ហាញជិត ១០០ គម្រោង ជាពិសេសអចលនទ្រព្យបានលក់នៅនឹងកន្លែងគិតជាទឹកប្រាក់ជាង ៣០ លានដុល្លារ។ គម្រោងធំៗចូលរួមតាំងបង្ហាញសម្រាប់ឆ្នាំនេះវិញ គម្រោងធំៗ ទាំងបុរី ខុនដូ ដីឡូតិ៍ ក្រុមហ៊ុនច្បាប់ ភ្នាក់ងារអចលនទ្រព្យ ក្រុមហ៊ុនស្ថាបត្យកម្ម និងតុបតែងនឹងចូលរួមតាំងបង្ហាញសេវាកម្មជាច្រើនរបស់ពួកគេ។​ក្រុមហ៊ុនទាំងនេះមានដូចជា៖ ក្រុមហ៊ុន Aru-Me Metal ក្រុមហ៊ុន Baoli Mansion ក្រុមហ៊ុន C-Herald Property Service  ក្រុមហ៊ុន Creed (Zelkova) ក្រុមហ៊ុន HuaYe Real Estate Investment Limited ក្រុមហ៊ុន HYO International ក្រុមហ៊ុន  Pafillia Property Developers ក្រុមហ៊ុ​ន Prince Huan Yu Real Estate (Cambodia) Group ក្រុមហ៊ុន Prince JinJia Real Estate (Cambodia) Group ក្រុមហ៊ុន Prince Real Estate (Cambodia) Group ក្រុមហ៊ុន Yi Fung Real Estate  ក្រុមហ៊ុនMAA Architecture & Design​ ក្រុមហ៊ុន Unicom Science Plastic (Cambodia) រី​ឯគម្រោងធំៗមានដូចជា៖ គម្រោង Bel Air គម្រោង KH Land គម្រោង La Vista One គម្រោង Morgan EnMaison គម្រោង Morgan The Pure Bay គម្រោង Morgan Tower គម្រោង New Landmark គម្រោង Toul Kork Lane គម្រោង Urban Village និងគម្រោង Victory Bay។ម្ចាស់់ឧបត្ថម្ភកម្មវិធី ក្រុមហ៊ុនដឹកជញ្ចូនអន្តរជាតិ  ZTO Express ដែលជាក្រុមហ៊ុនដ៏ធំបំផុតមួយនៅក្នុងប្រទេសចិន និងក្រុមហ៊ុនEZECOM ជាអ្នកផ្គត់ផ្គង់សេវាកម្មអ៊ីនធើណិតដ៏ធំបំផុតនៅកម្ពុជាបានចូលរួមជាមួយវេទិកានេះ និងធ្វើជាម្ចាស់ឧបត្ថម្ភសម្រាប់ពិព័រណ៌អចលនទ្រព្យក្នុងឆ្នាំនេះ។ ហេតុអ្វីត្រូវចូលរួមក្នុងពិព័រណ៌នេះ? ឱកាសល្អបំផុតក្នុងការស្វែងរកលំនៅដ្ឋានប្រណិតៗ ច្រើនជម្រើសក្នុងពេលតែមួយមានការតាំងបង្ហាញគម្រោងធំៗ ដូចជា ផ្ទះ ដី ខុនដូ បុរី ដីឡូតិ៍ នៅនឹងកន្លែងស្វែងយល់ពីភាពរីកចម្រើននៃវិស័យអចលនទ្រព្យកម្ពុជា និងឱកាសវិនិយោគថ្មីៗផ្តល់ជូនឱកាសបញ្ចុះតម្លៃពិសេសពីគម្រោងនីមួយៗ ចូលរួមសិក្សាស្វែងយល់ជាមួយវគ្គសិក្ខាសាលាអប់រំអំពីវិស័យអចលនទ្រព្យ ជាមួយប្រធានបទល្អៗ ធ្វើបទបង្ហាញដោយវាគ្មិនល្បីៗ។ ពិព័រណ៍ធ្វើនៅកន្លែងណា?​ពិព័រណ៍លំនៅដ្ឋាកម្ពុជានឹងធ្វើនៅក្នុងសណ្ឋាគារណាហ្គាវើល សាលធំ ជាន់ទីពីរ ដែលជាទីតាំងដ៏ងាយស្រួល និងល្អបំផុតនៅក្នុងរាជធានីភ្នំពេញ។ ចុះឈ្មោះចូលរួមដោយឥតគិតថ្លៃ លើសពីនេះលោកអ្នកក៏នឹងអាចមានឱកាសឈ្នះរង្វាន់ដ៏ច្រើន!ប្រសិនបើអ្នកកំពុងស្វែងរកអចលនទ្រព្យសម្រាប់លក់នៅក្នុងទីក្រុងភ្នំពេញ​ សូមចូលទៅកាន់ Realestate.com.kh ថ្ងៃនេះ!

ស្របពេលដែលការអភិវឌ្ឍកំពុងបន្តបោះជំហានយ៉ាងឆាប់រហ័សនៅក្នុងក្រុងព្រះសីហនុ គេមើលឃើញថារបៀបរស់នៅ និន្នាការ និងតម្រូវការបែបទីក្រុងកាន់​តែមានភាពស៊ីវិល័យ។ ដោយមើលឃើពីសក្តានុពល និងតម្រូវការលំនៅដ្ឋាននៅក្នុងខេត្តព្រះសីហនុ ក្រុមហ៊ុនកម្ពុជាសហការជាមួយក្រុមហ៊ុនចិនបង្កើតក្រុមហ៊ុនសាងសង់មួយឈ្មោះថា លីស៊ិនវី រៀល អុីស្ទេត ឌីវេឡបមុិន​ ដែលបានធ្វើការអភិវឌ្ឍគម្រោងមួយឈ្មោះថា “ឡឺសិន ដឹឡោតហ្គាដេន” ដែលជាគម្រោងលំនៅដ្ឋានបែបបុរី និងអាផាតមេន ​ដែលស្ថិតនៅក្នុងទីក្រុងឆ្នេរសមុទ្ររបស់កម្ពុជា។ គម្រោងនេះស្ថិតនៅតាមបណ្តោយផ្លូវជាតិលេខ ៤  ដែលមានព័ទ្ធជុំវិញដោយ ផ្សារ សាលារៀន ហេដ្ឋារចនាសម្ព័ន្ធធំៗ និងកន្លែងកម្សាន្ត។  គម្រោងគ្រប់ដណ្តប់លើផ្ទៃដីជាង ៣ ហិចតា ដែលនឹងត្រូវសាងសង់ជាផ្ទះបុរី និងអាផាតមេនចំនួន ៣១៥ ល្វែង។ បុរីមានបីប្រភេទ ដែលមានកម្ពស់ចាប់ពី ២ - ៣.៥ ជាន់ ទទឹង ៤.២ ម៉ែត្រ ទៅ ៤.៥ ម៉ែត្រ និងបណ្តោយ ១៤ ទៅ ១៧.៩ ម៉ែត្រ។ផ្ទះបុរីមានការតុបតែងតាមស្តង់ដារទំនើប មានផ្ទះបាយទាន់សម័យ ហើយបន្ទប់ទឹកនឹងបំពាក់សម្ភារៈប្រណិតៗជាមួយនឹងគ្រឿងបរិក្ខារដែលមានគុណភាព។  លើសពីតំបន់លំនៅដ្ឋាន ជាន់ផ្ទាល់ដីនៃផ្ទះបុរីទាំងអស់អាចប្រើប្រាស់សម្រាប់ពាណិជ្ជកម្ម។​គម្រោង ឡឺសិន ដឹឡោត​ ហ្គាដេន គ្រោងនឹងបញ្ចប់ការសាងសង់នៅចុងឆ្នាំ ២០២០ ។ស្តង់ដារគុណភាពត្រូវបានធានាក្រោមកិច្ចសហការគ្នារវាងសហគ្រាសកម្ពុជាចិន គម្រោងបានជ្រើសរើសក្រុមហ៊ុនរចនាដ៏ល្អបំផុត មកពីប្រទេសចិន​ឲ្យទទួលខុសត្រូវផ្នែករចនា និងតុបតែង។ រីឯងការសាងសង់ផ្ទះល្វែងទាំងមូល ត្រូវផ្តោតលើគុណភាព និងភាពសាកសមសម្រាប់ការរស់នៅបែបថ្មីរបស់ប្រជាជនកម្ពុជា។ ក្រុមហ៊ុនហានអះអាងផ្នែកគុណភាព អ្នកតំណាងរបស់គម្រោងបានបញ្ជាក់់ថា សំណង់ទាំងមូលទទួលបានគ្រប់គ្រងត្រួតពិនិត្យគុណភាពពីអ្នកជំនាញរបស់រដ្ឋាភិបាលត្រឹមត្រូវក្នុងការសាងសង់ពីមួយដំណាក់កាលទៅមួយដំណាក់កាល។ គម្រោងធានាផ្តល់ជូន បុរីផ្ទះល្វែងលក្ខណៈឯកជន ដែលមានបរិយាកាសស្រស់បំព្រង និងមានសុវត្ថិភាព ដែលអាចទុកចិត្តបាន ១០០%។ឡឺសិន ដឹឡោតហ្គាដេន គម្រោង B ចាប់ផ្ដើមបើកសម្ពោធហើយនៅថ្ងៃទី ២៥ ខែសីហាថ្មីៗនេះ គម្រោង B របស់ ឡឺសិន ដឹឡោតហ្គាដេន បានបើកសម្ពោធជាផ្លូការ ដែលមានការអញ្ជើញចូលរួមពីសំណាកថ្នាក់ដឹកនាំនៃរដ្ឋាភិបាល និងថ្នាក់ដឹកនាំជាច្រើនរបស់ក្រុមហ៊ុន ពាក់ព័ន្ធ។ លោក Chuan Li  ប្រធានទីផ្សាររបស់គម្រោង ឡឺសិន ដឹឡោតហ្គាដេន បានឲ្យដឹងថា បច្ចុប្បន្ន គម្រោងមានការគាំទ្រច្រើនពីសំណាក់អតិថិជន ដោយសារផ្ទះមានភាពស្រស់ស្អាត ប្រកបដោយគុណភាព និងស្តង់រស់នៅបែបថ្មី។ រហូតមកដល់ពេលនេះ ផ្ទះល្វែងនៅប្លុក A បានលក់អស់ជាង ៨៥%។ គម្រោងលំនៅដ្ឋានតំបន់ A កំពុងដំណើរការសាងសង់យ៉ាងមរមាញឹក ហើយឥឡូវនេះការសាងសង់ហេដ្ឋារចនាសម្ព័ន្ធ និងគ្រោងអគារសម្រេចបានប្រហែល ៧០%។ នេះបើតាមកលើកឡើង។ លោកបានបន្តទៀតថាដោយមើលឃើញតម្រូវការដ៏ច្រើនរបស់អតិថិជន គម្រោងសម្រេចដាក់លក់គម្រោងតំបន់ B បន្ថែមទៀត។ លោកបញ្ជាក់ថាសម្រាប់គម្រោងថ្មី យើងធានាជូនម្ចាស់អចលនទ្រព្យទាំងឡាយនូវផ្ទះដែលមានគុណភាពល្អបំផុត៕ស្វែងរកអចលនទ្រព្យសម្រាប់លក់នៅក្រុងព្រះសីហនុ និងអចលនទ្រព្យសម្រាប់ជួលនៅក្រុងព្រះសីហនុ នៅថ្ងៃនេះ!

រយៈពេលជាង ៥ ឆ្នាំចុងក្រោយនេះ សកម្មភាពនៃការពុះដីឡូត៍លក់ ហាក់កំពុងតែកក្រើកពេញ ផ្ទៃប្រទេស ពិសេសនៅបណ្តាខេត្ត-ក្រុងធំៗមួយចំនួនដូចជា៖ រាជធានីភ្នំពេញ ខេត្តកណ្តាល ក្រុងព្រះសីហនុ កំពង់ស្ពឺ និងខេត្តសៀមរាបជាដើម។ ចំពោះតម្លៃវិញ ក្នុង ១​ ឡូត៍គិតជាមធ្យម តម្លៃចន្លោះពី ៧,០០០ ដុល្លារ ទៅ ១០,០០០ ដុល្លារ សម្រាប់ដីឡូត៍ ដែលមានទីតាំងសមរម្យអាចសង់លំនៅដ្ឋាននៅបានភ្លាមៗ ឬប្រកបអាជីវកម្ម ឬទិញទុកលក់យកចំណេញជាដើម។ នេះបើតាមការលើឡើងរបស់អ្នកជំនាញ។ ការចាប់ផ្តើមគម្រោងដីឡូតិ៍មូលហេតុចម្បង ដែលនាំអោយមានការពុះដីឡូត៍លក់ដំបូងគឺ ដោយសារតែម្ចាស់ដីពិបាកក្នុងការលក់ចេញដីទាំងមូល (ដីធំ) ឬពិបាករកអតិថិជនទិញ ហេតុដូច្នោះហើយបានជាបែកគំនិត ពុះជាឡូត៍តូចៗដើម្បីលក់ជូនអតិថិជន។ ខណៈឃើញអ្នកមុនធ្វើបានសមប្រកប ម្ចាស់គម្រោងក្រោយៗក៏ចាប់ផ្តើមអាជីវកម្មដីឡូត៍នេះយ៉ាងគគ្រឹកគគ្រេងរហូតដល់សព្វថ្ងៃ ។ គម្រោងដីឡូត៍ភាគច្រើនបំផុត មិនសូវមានប្លង់រឹងទេ ដោយសារតែដីដែលគេយកមកពុះជាឡូត៍លក់នោះ ជាប្រភេទដីនៅជាយក្រុង ដីលិចទឹក ដីបឹង ដីទំនេរចោល (មិនមានការការដាំដុះ) ដីស្រែ ដីព្រៃរបោះ ឬព្រៃរិចរិលជាដើម ដែលដីទាំងអស់នោះមិនទាន់បានកំណត់តំបន់វិនិច្ឆ័យសម្រាប់ការចុះបញ្ជីដីជាលក្ខណៈប្រព័ន្ធ ហើយក៏មិនទាន់មានការស្នើសុំចុះបញ្ជីដីជាលក្ខណៈដាច់ដោយដុំដែរ។ អានអត្ថបទ ការទិញដីឡូតិ៍ជាឱកាស តែអាចមានហានិភ័យ។ តើភាគច្រើនដីប្រភេទណា ដែលគេយកមកពុះ ឬអភិវឌ្ឍន៍ជាគម្រោងដីឡូត៍លក់?តាមរយៈការសម្ភាសផ្ទាល់ជាមួយលោក ម៉ៃ សាមន ជាអ្នកជំនាញផ្នែកអចលនទ្រព្យ និងច្បាប់ បានមានប្រសាសន៍ថា «ផ្អែកតាមសិក្សាស្រាវជ្រាវរបស់ខ្ញុំ និងបទពិសោធន៍គ្រប់គ្រងគម្រោងដីឡូត៍ជាច្រើនឆ្នាំមកហើយនោះ មានគម្រោងដីឡូត៍លើសពី ៦០% ដែលយកមកអភិវឌ្ឍន៍ ឬពុះជាឡូត៍លក់នោះ គឺជាប្រភេទដីកសិកម្ម (ដីបង្ករបង្កើនផល៖ ប្រភេទដីស្រែ និងដីចំការ) ដោយសារតែដីប្រភេទនេះ វាមានតម្លៃថោកសមរម្យ  ដីមិនទាន់មានប្លង់រឹងជាដើម»។លោបានបន្ថែមថា ដីប្រភេទនេះ គេអាចទិញក្នុងតម្លៃ អាស្រ័យតាមទីតាំង ទីប្រជុំជន កៀកក្រុង ស្ថិតក្នុង ឬជិតតំបន់អភិវឌ្ឍន៍ជាដើម។ល។ ក្នុងតម្លៃ ១ម៉ែត្រការេ គេអាចទិញបានត្រឹមតម្លៃ ៣ ដុល្លារ ៥ ដុល្លារ ១០ ដុល្លារ រហូតដល់ ១៨ ដុល្លារជាដើម ហើយដល់ពេលគេយកទៅពុះជាឡូត៍លក់គេអាចលក់ក្នុងតម្លៃ ៥០ ដុល្លារ ទៅ ៨០ ដុល្លារ​ ក្នុង ១ម៉ែត្រការេ ឬ ៥,០០០ ដុល្លារ ទៅ ៨,០០០ ដុល្លារក្នុង ១ ឡូត៍ ។ដូចបានលើកឡើងខាងលើរបស់លោក សាមន គឺថាអ្នកអភិវឌ្ឍន៍ដីឡូត៍ភាគច្រើនបានយកដីស្រែរបស់ខ្លួន ឬទិញពីម្ចាស់ដីដើមយកមកពុះ ឬអភិវឌ្ឍជាដីឡូត៍លក់ គឺគេកម្រឃើញការពុះដីឡូត៍នៅលើទីតាំងណាមួយដែលមិនមែនជាប្រភេទដីកសិកម្ម ដោយមូលហេតុចម្បងថា បើយកដីប្រភេទសាងសង់ ដីស្អាតដែលមានការអភិវឌ្ឍហើយ មានតម្លៃថ្លៃ ដែលពិបាកយកមកពុះឡូត៍លក់ ហើយទទួលបានប្រាក់ចំណេញតិច ដូច្នេះហើយ ទើបគេជ្រើសរើសប្រភេទដីស្រែ (ដីកសិកម្ម) នេះតែម្តង ដើម្បីយកមកពុះជាឡូត៍លក់ព្រោះអត្រានៃប្រាក់ចំណេញរបស់វាពេលពុះជាឡូត៍លក់អាចចំណេញចន្លោះពី ១០០% ទៅ ១៥០%។តាមអនុសាសន៍របស់លោក ម៉ៃ សាមន បានលើកឡើងថា ការយកដីកសិកម្មមកពុះជាឡូត៍លក់ វាហាក់បីដូចជា មានសញ្ញាអវិជ្ជមាន ខណៈដែលប្រជាជនកម្ពុជា ស្ទើតែ ៨៥% ពឹងផ្អែកលើរបរកសិកម្ម ប៉ុន្តែផ្ទុយទៅវិញ ចំនួនផ្ទៃដីកសិកម្មរបស់ពួកគាត់ កំពុងតែឈានទៅរកការបាត់បង់រាប់ពាន់ហិកតាក្នុងមួយឆ្នាំៗ ដោយសារតែកំណើនការអភិវឌ្ឍដីឡូត៍លក់នេះ។ការរៀបចំយន្តការគ្រប់គ្រងជាការពិតណាស់ យើងមិនអាចបញ្ឈប់ទាំងស្រុង ឬចេញមុខទប់ទាំងស្រុងមិនអោយករណីនេះកើតឡើងនោះទេ ប៉ុន្តែរាជរដ្ឋាភិបាលគួរតែរៀបចំច្បាប់ និងយន្តការច្បាស់លាស់មួយ ដើម្បីទប់ស្កាត់ ឬបន្ថយសកម្មភាពពុះដីឡូត៍លក់លើផ្ទៃដីកសិកម្ម ដែលមិនបានឆ្លងកាត់ការវាយតម្លៃផលប៉ះពាល់គុណសម្បត្តិ និងគុណវិបត្តិនៃការពុះឡូត៍លក់ចំពោះគម្រោងណាមួយដែលបានស្នើសុំច្បាប់ទៅស្ថាប័ន ឬអាជ្ញាធរពាក់ព័ន្ធ។ បើតាមលោកលោកសាមន លោកកបានលើកជាឧទាហរណ៍ថា ឧបម៉ាថាមានម្ចាស់គម្រោងម្នាក់ មានដីស្រែ ២ ហិកតា ចង់ពុះជាឡូត៍លក់ ប៉ុន្តែដីស្រែរបស់គាត់ ដែលចង់យកមកពុះជាឡូត៍លក់នោះ មិនសាកសមយកមកពុះជាឡូត៍លក់ទេ ព្រោះវានៅឆ្ងាយពីទីប្រជុំជន មិនជាប់ផ្លូវរដ្ឋ ផ្លូវភូមិ មិនមានសកម្មភាពអភិវឌ្ឍក្នុងពេលបច្ចុប្បន្ន ហើយមិនមានការអភិវឌ្ឍក្នុងរយៈពេលរំពឹង ៥ ឆ្នាំ ទៅមុខជាដើម ។ល។ ក្នុងករណីមានគម្រោងបែបនេះស្នើឡើង ឬសុំច្បាប់នៅអាជ្ញាធរពាក់ព័ន្ធ អាជ្ញធរមិនគួរចេញច្បាប់អោយធ្វើទេ ដោយមានចំណារ ឬលិខិតបំភ្លឺថា ជាគម្រោងដែលមិនមានគុណវុឌ្ឍិ (គុណសម្បត្តិ) គ្រប់គ្រាន់ ក្នុងការពុះជាឡូត៍ លក់ ដោយមានភ្ជាប់មកនូវហេតុផលមួយចំនួន ដូចការលើកឡើងខាងលើ ដោយរដ្ឋាភិបាល ត្រូវបង្កើតអោយមានយន្តការគ្រប់គ្រងច្បាស់លាស់មួយ ហើយក្នុងយន្តការនោះ ត្រូវមានការបង្កើតគណៈកម្មការវាយតម្លៃគម្រោងមួយ ដែលអាចចេញពីថ្នាក់ក្រសួង ខេត្ត-ក្រុង ឬថ្នាក់ស្រុក-ខណ្ឌ អាស្រ័យទៅតាមទំហំនៃគម្រោង។ មានន័យថា រាល់គម្រោងពុះដីឡូត៍លក់ ត្រូវតែស្នើសុំច្បាប់នៅស្ថាប័នពាក់ព័ន្ធ ហើយស្ថាប័នពាក់ព័ន្ធនោះហើយ ដែលត្រូវបញ្ជូនគណៈកម្មការចុះទៅវាយតម្លៃគម្រោងនីមួយៗ ដែលបានស្នើសុំច្បាប់នោះ។ ប្រសិនបើគណៈកម្មការចុះទៅវាយតម្លៃនោះ ពិនិត្យឃើញថា គម្រោងមិនមានគុណសម្បត្តិគ្រប់គ្រាន់ មិនត្រូវអនុញ្ញាតច្បាប់ទេ ហើយត្រូវណែនាំ ឬលើកទឹកចិត្តអោយម្ចាស់ដីធ្វើការដាំដុះបន្ត ឬធ្វើកសិកម្មបន្តលើដីនោះ ជាជាងយកមកពុះជាឡូត៍លក់ ។ តាមប្រសាសន៍លោក ម៉ៃ សាមន វាមានរបៀបវារៈ និងយន្តការច្រើនទៀត ដើម្បីទប់ស្កាត់ការពុះដីឡូត៍លក់ លើផ្ទៃដីកសិកម្មនេះ ប៉ុន្តែរឿងចំបងដែលត្រូវធ្វើមុនគេ គឺវាទាល់តែរដ្ឋាភិបាលមើលឃើញពីចំនុចអវិជ្ជមានខាងលើដែរ ទើបអាចអង្គុយធ្វើច្បាប់ និងរៀបចំយន្តការផ្សេងៗ តាមរយៈការជជែកដេញដោលរកគន្លឹះក្នុងការធ្វើវា។តាមការលើកឡើងរបស់អ្នកជំនាញរូបនេះ បើរដ្ឋាភិបាលមិនអើពើ ហើយបណ្តែតបណ្តោយ ដូចសព្វថ្ងៃនេះ កម្ពុជានឹងបាត់បង់ផ្ទៃដីកសិកម្មរាប់ពាន់ហិកតាក្នុងមួយឆ្នាំៗ ដោយសារតែកំណើនពុះដីឡូត៍លក់នេះ។ ជាការពិតណាស់ ក្នុងមួយគម្រោងៗ យ៉ាងហោចណាស់ ក៏មានដីប្រហែល ២ ហិកតាដែរ ដើម្បីយកមកអភិវឌ្ឍជាគម្រោងដីឡូត៍លក់នោះ ហើយគិតដល់សព្វថ្ងៃនេះ វាមានដល់រាប់ពាន់គម្រោងទៅហើយ។ គួរបញ្ជាក់ដែរថា កម្ពុជាត្រូវបានស្គាល់ជាទូទៅថា ជាប្រទេសពឹងផ្នែកលើវិស័យកសិកម្ម ដែលមានប្រជាជនជាកសិកររហូតដល់ ៨៥% និងផ្ទៃដីកសិកម្មសរុបមានប្រហែល ១៦% ស្មើនឹង ២,៨៧លាន ហិកតា នៃផ្ទៃដីសរុបរបស់ប្រទេសកម្ពុជាទាំងមូលជាង ១៨ លានហិកតា៕ ស្វែងរកអចលនទ្រព្យសម្រាប់ជួលនៅភ្នំពេញ ឬអចលនទ្រព្យសម្រាប់លក់នៅភ្នំពេញនៅថ្ងៃនេះ!

គម្រោង អ៊ីង ស៊ីធី (ING City) ជាការអភិវឌ្ឍន៍ដ៏ធំមួយនៅប៉ែកខាងត្បូងទីក្រុងភ្នំពេញ លាតសន្ធឹងតាមបណ្តោយផ្លូវសម្តេច ហ៊ុន សែន។​ អ៊ីង ស៊ីធី ជាគម្រោងទីក្រុងរណបដ៏ធំមួយ  ដែលនឹងត្រូវអភិវឌ្ឍជាតំបន់ពាណិជ្ជកម្ម និងលំនៅដ្ឋានទំនើប និងចម្រុះ ដើម្បីធានាផ្តល់ជូនរបៀបរស់នៅដ៏មានផាសុខភាព។ ថ្មីៗនេះ ក្រុមហ៊ុន ING Holdings សហការដៃគូជាមួយក្រុមហ៊ុន Causeway Bay Group និង ក្រុមហ៊ុន SINO Bay Construction Investment មកពីទីក្រុងហុងកុង ដើម្បីអភិវឌ្ឍមជ្ឈមណ្ឌលពាណិជ្ជកម្មទំនើបមួយ ឈ្មោះថា «ទីក្រុងនាគ» ស្ថិតនៅក្នុងទីក្រុងរណបតំបន់បឹងទំពុន និងជើងឯក។  ទីក្រុងទំនើបនេះគ្រោងនឹងអភិវឌ្ឍលើផ្ទៃដី ៥.៤ ហិកតាក្នុងតំបន់ទីក្រុងរណបបឹងទំពុន និងជើងឯង តាមបណ្តោយមហាវិថីសម្តេចតេជោ ហ៊ុន សែន ហើយការសាងសង់នឹងចាប់ផ្តើមក្នុងឆ្នាំ២០២០ ខាងមុខនេះ។ គម្រោងទាំងមូលនឹងពង្រីកគ្របដណ្តប់លើផ្ទៃដីរហូតដល់ ២៥ ហិកតា។ថ្លែងនៅក្នុងពិធីចុះហត្ថលេខានៅភ្នំពេញ លោកឧកញ៉ា អ៊ឹង ប៊ុនហ៊ូវ  ប្រធានក្រុមប្រឹក្សាភិបាល ក្រុមហ៊ុន ING Holdings បានលើកឡើងពាក់ព័ន្ធនឹងការអភិវឌ្ឍន៍ទីក្រុងរណប ING City ដែលបានអនុវត្តទៅតាមគោលការណ៍រប​ស់រដ្ឋាភិបាល ដើម្បីជំរុញភាពរីកចម្រើននៅប៉ែកខាងត្បួងនៃទីក្រុង។  «ក្រុមហ៊ុន ING Holdings បានទទួលគោលការណ៍ពីរាជរដ្ឋាភិបាល ដើម្បីអភិវឌ្ឍការពង្រីកទីក្រុង ING City នៅភាគខាងត្បូងនេះ»។«ចក្ខុវិស័យរបស់យើង គឺឲ្យភ្នំពេញមានភាពសម្បូរ៍បែប ជាមួយសេវាកម្មប្រើប្រាស់ចម្រុះ ដូចជាហាងទំនិញ ការិយាល័យធ្វើការ កន្លែងស្នាក់នៅ លំនៅដ្ឋាន និងទីកន្លែងលម្ហែកាយ និងការកំសាន្ត ប្រកបដោយភាពងាយស្រួល និងបរិស្ថានធម្មជាតិល្អប្រសើរបំផុត»។ នេះជាការបញ្ជាក់របស់លោកឧកញ៉ា។ លោក Chen Zhi ប្រធានក្រុមប្រឹក្សាភិបាលក្រុមហ៊ុន Causeway Bay Group ជឿជាក់ថាកិច្ចព្រមព្រៀងនេះនឹងរួមចំណែកកសាងមជ្ឈមណ្ឌលពាណិជ្ជកម្មថ្មីមួយ ដែលជាការឆ្លើយតប នឹងភាពរីកចម្រើននៃសេដ្ឋកិច្ចកម្ពុជា និងកំណើនប្រជាជនក្នុងរាជធានីភ្នំពេញ៕ប្រភព (Fresh News)  ស្វែងរកអចលនទ្រព្យសម្រាប់ជួលនៅភ្នំពេញ ឬអចលនទ្រព្យសម្រាប់លក់នៅភ្នំពេញនៅថ្ងៃនេះ!

សាកល្បងប្រើប្រាស់ទូរទស្សន៍ SingMeng កម្រិត HD ត្រជាក់ភ្នែកបំផុត មិនថានៅពេលណាឬកន្លែងណា។សព្វថ្ងៃបច្ចេកវិទ្យាអ៊ីនធើណិតហ្វាយនែនកាន់តែមានឥទ្ធិពលជាងពេលណាទាំងអស់។ SingMeng TV គឺជាដំណោះស្រាយទូរទស្សន៍ដំបូង ដែលធ្វើការដោយផ្ទាល់ជាមួយការតភ្ជាប់អ៊ីធឺណិតហ្វាយនែន។ ទូរទស្សន៍ជំនាន់ថ្មីនេះនឹងផ្តល់ជូនអ្នកនូវបច្ចេកវិទ្យាបទពិសោធន៍និងភាពងាយស្រួលចុងក្រោយបំផុតនៅលើទីផ្សារ។តើអ្វីដែលធ្វើឱ្យ SingMeng TV ខុសគ្នាពីអ្នកផ្តល់សេវាទូរទស្សន៍ផ្សេងទៀត?- រមើលទូរទស្សន៍ HD ផ្តល់បទពិសោធន៍ដ៍អស្ចារ្យ និងគ្រប់ពេលគ្រប់ទីកន្លែងជាមួយខ្សែកាប្លិ៍អុបទិក។  - ប៉ុស្តិ៍ទូរទស្សន៍ផ្សាយបន្តផ្ទាល់ច្រើនជាង ១២០+ និង ភាពយន្តរាប់រយ និងរឿងភាគតាមតំរូវការសម្រាប់គេហដ្ឋានរបស់អ្នកជាមួយនឹងការកម្សាន្តដ៏ល្អបំផុតទាំងបែបខ្មែរនិងអន្តរជាតិ។ - ប្រព័ន្ធកម្មវិធីផ្លាស់ប្តូរពេលវេលាដែលអនុញ្ញាតឱ្យអ្នកមើលកម្មវិធីកន្លងមករហូតដល់ ៧ ថ្ងៃ!         - ចូលប្រើ YouTube, YouKu & iQIY និងApps ពីទូរទស្សន៍របស់អ្នកដោយផ្ទាល់។         - អន្តរកម្មវិចារណញាណពហុភាសា។តើវាដំណើរការយ៉ាងដូចម្តេច?SingMeng TV គឺអាចដំណើរការជាមួយក្រុមហ៊ុនផ្តល់អ៊ីនធើណិតទាំងអស់នៅក្នុងប្រទេសកម្ពុជា។អ្នកគ្រាន់តែត្រូវការតភ្ជាប់ អ៊ីនធើណិត Fiber ទៅប្រអប់ Set Top Box * ក្រុមហ៊ុននឹងផ្ដល់ឱ្យអ្នកនូវការគាំពារយ៉ាងពេញលេញសម្រាប់ការដំឡើង។ដំណោះស្រាយ SingMeng TV ដោយគ្មាន Set Top Box អាចរកបានសម្រាប់សណ្ឋាគារនិងខុនដូលំដាប់ខ្ពស់។ SingMeng TV មានតម្លៃប៉ុន្មាន?SingMeng TV អាចរកបានក្នុង តម្លៃ ៨.៨ ដុល្លារ ក្នុងមួយខែ (បូកពន្ធអាករ) ។ អ្នកនឹងទទួលបានការដំណើរការពេញលេញទៅវីដេអូរបស់យើងតាមតម្រូវការ ស្ទ្រីម និងមុខងារជាច្រើន ព្រមទាំងប៉ុស្តិ៍ទូរទស្សន៍ផ្សាយផ្ទាល់ជាង ៨០។សម្រាប់កញ្ចប់ពិសេសបន្ថែម មានដូចជាប៉ុស្តិ៍ចិន HD ឬប៉ុស្តិ៍កីឡា។អំពី SingMeng TelemediaSingMeng Telemedia គឺជាអ្នកផ្តល់សេវាអ៊ីនធើណិតដែល មានគុណភាពខ្ពស់នៅកម្ពុជាផ្តល់ជូននូវដំណោះស្រាយអ៊ីនធើណិតល្បឿនលឿន (Home, Business and Corporate) ដំណោះស្រាយចម្រុះ (OTT TV, Smart community, Mobile TV App) និងដំណោះស្រាយសំលេង (VoIP) ក៏ដូចជាដំណោះស្រាយជាច្រើននៃការតភ្ជាប់អ៊ីនធើណិត ដែលមានគុណភាពខ្ពស់សម្រាប់អាជីវកម្ម។សេវាកម្មអតិថិជន៖ ០៩៦ ៦៦៦១ ៨៨៨ / ០៨៩ ៩៦៦ ៨៨៨។សម្រាប់ព័ត៌មានលម្អិតបន្ថែម៖ http://smtelemedia.com/ ប្រសិនបើអ្នកចង់ស្វែងរកអចលនទ្រព្យសម្រាប់ជួលនៅភ្នំពេញ ឬអចលនទ្រព្យសម្រាប់លក់នៅភ្នំពេញ សូមចូលទៅកាន់ Realestate.com.kh ថ្ងៃនេះ!

គេហទំព័រអចលនទ្រព្យដ៏មានប្រជាប្រិយបំផុតនៅកម្ពុជាបានប្រកាសធ្វើការតាំងពិព័រណ៍អចលនទ្រព្យដ៏ធំបំផុតប្រចាំឆ្នាំនៅសណ្ឋាគារណាហ្គាវើល ក្នុងរាជធានីភ្នំពេញ។រៀបចំឡើងដោយ Realestate.com.kh  ពិព័រណ៍អចលនទ្រព្យឆ្នាំ២០១៩នេះនឹងធ្វើនៅថ្ងៃទី ៤ និងទី ៥ ខែតុលាខាងមុខនេះ។ ក្នុងពិព័រណ៍ប្រចាំឆ្នាំកន្លងមក លំនៅដ្ឋានរាប់រយយូនីតត្រូវបានលក់នៅនឹងកន្លែងគិតជាទឹកប្រាក់ជាង ១០០ លានដុល្លារ ក្នុងនោះទឹកប្រាក់ជាង ៣០ លានដុល្លារត្រូវបានប្រតិបត្តិការក្នុងព្រឹត្តិការណ៍ភ្លាមៗនៅក្នុងពិព័រណ៍ឆ្នាំ​២០១៨។  នេះគឺជាព្រឹត្តិការណ៍អចលនទ្រព្យដ៏ធំបំផុតប្រចាំឆ្នាំ ដែលត្រូវបានចាត់ទុកថាជាវេទិកាគម្រូក្នងប្រវត្តិសាស្ត្រនៃការទិញលក់អចលនទ្រព្យនៅក្នុងប្រទេសកម្ពុជា។ សម្រាប់ឆ្នាំនេះ ព្រឹត្តិការណ៍នេះអាចដំណើរការទៅបានដោយមានការឧបត្ថម្ភពី ក្រុមហ៊ុនដឹក ជញ្ចូនអន្តរជាតិ  ZTO Express ដែលជាក្រុមហ៊ុនដ៏ធំបំផុតមួយនៅក្នុងប្រទេសចិន។ គម្រោងធំៗ ទាំងបុរី ខុនដូ ដីឡូតិ៍ ក្រុមហ៊ុនច្បាប់ ភ្នាក់ងារអចលនទ្រព្យ ក្រុមហ៊ុនស្ថាបត្យកម្ម និងការតុបតែងផ្ទះនឹងចូលរួមតាំងបង្ហាញគម្រោង និងសេវាកម្មជាច្រើនរបស់ពួកគេ។​ ក្រុមហ៊ុន និងគម្រោងជាច្រើននឹងចូលរួមក្នុងពិព័រណ៍ដ៏ធំនេះក្នុងនោះមានដូចជា៖ ក្រុមហ៊ុន Aru-Me Metal ក្រុមហ៊ុន Baoli Mansion ក្រុមហ៊ុន C-Herald Property Service  ក្រុមហ៊ុន CPZY Development ក្រុមហ៊ុន Creed (Zelkova) ក្រុមហ៊ុន HuaYe Real Estate Investment Limited ក្រុមហ៊ុន HYO International  ក្រុមហ៊ុន  Pafillia Property Developers ក្រុមហ៊ុ​ន Prince Huan Yu Real Estate (Cambodia) Group ក្រុមហ៊ុន Prince JinJia Real Estate (Cambodia) Group ក្រុមហ៊ុន Prince Real Estate (Cambodia) Group ក្រុមហ៊ុន​ R&F Cambodia ក្រុមហ៊ុន Yi Fung Real Estate  ក្រុមហ៊ុនMAA Architecture & Design​ ក្រុមហ៊ុន Unicom Science Plastic (Cambodia) រី​ឯគម្រោងធំៗមានដូចជា៖  Bel Air គម្រោង KH Land គម្រោង La Vista One គម្រោង Morgan EnMaison គម្រោង Morgan The Pure Bay គម្រោង Morgan Tower គម្រោង New Landmark មជ្ឈមមណ្ឌល TCC គម្រោង Toul Kork Lane គម្រោង Urban Village និងគម្រោង Victory Bay។ ហេតុអ្វីចូលរួមចូលរួមតាំងបង្ហាញក្នុងពិព័រណ៍អចលនទ្រព្យកម្ពុជាឆ្នាំ២០១៩? ពិព័រណ៍អចលនទ្រព្យកម្ពុជានឹងនាំយកអ្នកទិញអចលនទ្រព្យទាំងអ្នកស្រុក និងវិនិយោគិនអន្តរជាតិរាប់ពាន់នាក់ឲ្យកចូលរួមនៅក្នុងវេទិកានេះ។ ម្ចាស់គម្រោងនឹងប្រមូលបានទិន្នន័យនៃអ្នកចង់ទិញអចលនទ្រព្យ (leads) ហើយតាមរយៈទិន្នន័យនេះ ពួកគេរំពឹងថានឹងអាចបិទការលក់បន្ថែមទៀតធ្វើបន្ទាប់ពីពិព័រណ៌បានបញ្ចប់។ ធ្វើទីផ្សារ ផ្សព្វផ្សាយពីយីហោក្រុមហ៊ុន និងគម្រោង។ នេះគឺជាហេតុផលសំខាន់មួយទៀត ដែលអ្នកអភិវឌ្ឍន៍ត្រូវចូលរួមក្នុងកម្មវិធីនេះ។ គម្រោងទាំងអស់ដែលដាក់បង្ហាញគឺបានចូលរួមចំណែកដាក់តាំងបង្ហាញពីភាពរីកចម្រើននៃវិស័យអចលនទ្រព្យ ហើយគម្រោងនីមួយៗក៏នឹងត្រូវបានគេទទួលស្គាល់ថាជាអ្នកនាំមុខគេនៅក្នុងទីផ្សារ អចលនទ្រព្យក្នុងស្រុក។ ជាការពិតកម្មវិធីនេះនឹងនាំមកនូវឱកាស និងការបង្កើតទំនាក់ទំនងដ៏មានប្រសិទ្ធិភាព។ ដៃគូផ្សព្វផ្សាយ៖ ប្រព័ន្ធផ្សព្វផ្សាយនានាបានសហការជាដៃគូផ្សព្វផ្សាយសម្រាប់ព្រឹត្តិការណ៍នេះ។ ក្នុងយុទ្ធនាការទីផ្សារដ៏ធំរបស់ខ្លួន Realestate.com.kh បានជ្រើសរើសយកដៃគូធំៗ ដើម្បីជួយផ្សព្វផ្សាយអំពីកម្មវិធីនេះ។ គេហទំព័រដ៏ធំរបស់ចិនរួមមាន 58.com និង Fang.com គឺជាដៃគូដើម្បីទាក់ទាញវិនិយោគិនអន្តរជាតិរាប់ពាន់នាក់ឱ្យចូលរួមក្នុងកម្មវិធីនេះ។ ចំណែកប្រព័ន្ធផ្សព្វផ្សាយក្នុងស្រុកដែលមិនអាចខ្វះបានក្នុងការស្រូបយកជនបរទេស និងប្រជាជនកម្ពុជារាប់រយនាក់ ដើម្បីឲ្យមកចូលរួម និងទិញអចលនទ្រព្យនៅក្នុងវេទិកានេះ។ ប្រព័ន្ធផ្សព្វផ្សាយទាំងនេះមានដូចជា៖ សារព័ត៌មាន Fresh News Asia, EuroCham, គេហទំព័រ Biz Khmer សារព័ត៌មាន Thmey Thmey ការសែត The Cambodia China Times គេហទំព័រ Forward Asia កាសែត Khmer Times គេហទំព័រ Gold Zone Media គេហទំព័រ Business Cambodia គេហទំព័រ Grep Tech គេហទំព័រ B2B Cambodia គេហទំព័រ Property Area Asia គេហទំព័រ Angkor Today គេហទំព័រ Khmer Load និង ទូរទស្សន៍ Nice TV និង CTN  My TV.ចាប់អាម្មណ៍ចូលរួមតាំងបង្ហាញគម្រោង ធ្វើជាម្ចាស់ឧបត្ថម្ភ ឬចូលរួមផ្សព្វផ្សាយ សូមប្រញាប់ទាក់ទង៖ភាសាខ្មែរ និងចិន៖ nin.kang@realestate.com.kh​​​​  ឬទូរស័ព្ទ (+៨៥៥) ៩៣ ៥៥២ ៣០៥ និង (+៨៥៥) ៧៨ ៦៣៧ ៣២៣អង់គ្លេស៖ tyler.stuart@realestate.com.kh  ឬទូរស័ព្ទ (+៨៥៥) ១២ ៥៩៩ ៦៦៩ និង (+៨៥៥) ៨១ ៥៩៩ ៦៦៩ប្រសិនបើអ្នកចង់ស្វែងរកអចលនទ្រព្យសម្រាប់នៅភ្នំពេញ សូមចូលទៅកាន់ Realestate.com.kh!

បច្ចុប្បន្នអ្នកជំនាញជាច្រើនបានមើលឃើញសក្តានុពលនៃតំបន់មួយចំនួ​ននៅទូទាំងប្រទេសកម្ពុជា ហើយប៉ោយប៉ែតត្រូវបានគេចាត់ទុកថាជាទីតាំងថ្មីមួយបន្ទាប់ពីក្រុងព្រះសីហនុ ឬសៀមរាប។  នេះក៏ដោយសារតែតំបន់ប៉ោយប៉ែត ដែលជាចំណុចប្រសព្វរវាងច្រកព្រំដែនកម្ពុជាថៃ និងក៏ជាទិសដៅតំបន់កាស៊ីណូសម្រាប់ជនបរទេសផងដែរ។កំណើនសាងសង់ក្នុងរយៈពេលប៉ុន្មានឆ្នាំចុងក្រោយនេះប៉ោយប៉ែតទទួលបានការចាប់អារម្មណ៍ច្រើនពីសំណាក់វិនិយោគិនជាតិ និងអន្តរជាតិ។ សំណង់អគារតូចធំបានរីកដុះដាលច្រើនគួរឲ្យកត់សម្គាល់។ លោក ហោ គន្ធា ជានាយកប្រតិបត្តិរបស់ក្រុមហ៊ុ​ន Sokha Residences Group នៅក្នុងប៉ោយប៉ែតបានប្រាប់ Realestate.com.kh ថាការសាងសង់បានកំពុងដំណើរយ៉ាងច្រើននៅក្នុងតំបន់ប៉ោយប៉ែតក្នុងពេលបច្ចុប្បន្ននេះ ក្នុងនោះមានទាំងគម្រោងលំនៅដ្ឋានរបស់ប្រជាពលរដ្ឋ និងអគារខ្ពស់។ លោកបាននិយាយថា «ឥឡូវនេះគម្រោងដែលកំពុងតែបុកគ្រឹះសាងសង់មានខ្ទង់ ២០ គម្រោង ជាអគារដែលមានកម្ពស់ចន្លោះពី ៨ ទៅជាង ២០ ជាន់  ដែលគម្រោងទាំងនេះជាសណ្ឋាគារ ផ្ទះជួល និងខុនដូ»។ លោកបានពន្យល់ថា កំណើននៃការសាងសង់ច្រើនបែបនេះ គឺដើម្បីបំពេញតាមតម្រូវការ កន្លែងស្នាក់នៅកំពុងកើនឡើង។ មូលហេតុចម្បងមួយកំណើនឡើងនៃវិនិយោគិន និងបរទេស ពិសេសជនជាតិចិនដែលបានកំពុងផ្លាស់ប្តូរទៅកាន់តំបន់ប៉ោយប៉ែត។​តម្លៃជួលកើនឡើងនៅពេលនិយាយពីការជួល លោក គន្ធា បញ្ជាក់ថាតម្លៃជួលកើនឡើងពីរដង បីដង ឬខ្ពស់ជាងនេះ ធៀបនឹងឆ្នាំ២០១៨។ លោកថាផ្ទះប្រភេទ E0, E1 ដែលធ្លាប់ជួលចន្លោះ ៣០០ ទៅ ៥០០ ដុល្លារកើនឡើងដល់ ១,៥០០ ទៅ ២,០០០ ដុល្លារ។ ចំណែកបន្ទប់ជួលធម្មតា [មួយបន្ទប់] ពីមុនជួលត្រឹម ១៥០ ដុល្លារ កើនឡើងដល់ ៥០០ ដុល្លារ ទៅ ៨០០ ដុល្លារ។ ក​ន្លងមករដ្ឋាភិបាលបានកំពុងប្រែក្លាយទីក្រុងប៉ោយប៉ែតឱ្យទៅជាតំបន់ឧស្សាហកម្មប្រកបដោសក្ដានុពលមួយនៅកម្ពុជា។ ក្នុងពេលថ្មីៗនេះ ច្រកព្រំដែនសំខាន់មួយទៀតគឺច្រកអន្តរជាតិស្ទឹងបត់ ត្រូវបានឲ្យបើកដំណើរជាផ្លូវការ។ កត្តានេះបានជះឥទ្ធិពលជាវិជ្ជកម្មដល់ការទិញលក់អចលនទ្រព្យអចលនទ្រព្យ និងតម្លៃដីនៅក្នុងតំបន់។ ដីនៅនៅតាមបណ្តោយផ្លូវជាតិលេខ ៥ កើនឡើងពី ក្រោម ១,០០០​ ដុល្លារ/ម៉ែត្រការ៉េទៅ ១,៥០០ ដុល្លារ/ម៉ែត្រការ៉េ។ នេះជាការលើកឡើងរបស់លោក គន្ធា។ ស្វែងរកអចលនទ្រព្យសម្រាប់លក់នៅប៉ោយប៉ែត ឬអចលនទ្រព្យសម្រាប់លក់នៅកម្ពុជានៅថ្ងៃនេះ!

សមាគមអ្នកវាយតម្លៃ និងភ្នាក់ងារអចលនវត្ថុកម្ពុជានៅក្នុងឆ្នាំ ២០១៩​ នេះ បានសម្រេច បង្កើតឲ្យមានវគ្គបណ្តុះបណ្តាល ជំនាញវិជ្ជាជីវៈវាយតម្លៃអចលនទ្រព្យដំបូងគេ នៅក្នុងប្រទេសកម្ពុជា។ បើតាមការលើកឡើងរបស់លោក ច្រឹក សុខនីម ប្រធានសមាគម CVEA បានឲ្យដឹងថា វគ្គសិក្សាថ្មីនេះជាវគ្គសិក្សាថ្មីជំនាន់ទី១ ដែលសមាគមទាំងមូលបានសម្រេចបង្កើតឡើងនេះ គឺក្នុងគោលដៅជួយពង្រឹងសមត្ថភាពរបស់ភ្នាក់ងារ ផ្នែកវាយតម្លៃ ដើម្បីធានាបានប្រសិទ្ធិភាពការងារ ដោយផ្នែកលើមូលដ្ឋានគ្រឹះវាយតម្លៃច្បាស់លាស់ វិជ្ជាជីវៈត្រឹមត្រូវ និងតាមបច្ចេកទេស។​លោកលើកឡើងបន្ថែមទៀតថាការបង្កើតឲ្យមានវគ្គសិក្សាជំនាញគឺដើម្បីឆ្លើយតបនឹងតម្រូវការ នៅក្នុងទីផ្សារ។​ នេះមានន័យថាស្របពេលទីផ្សារកាន់តែរីកចម្រើន វាទាមទារឲ្យមានក្រុមងារការដែលមានជំនាញពិតប្រាកដ ដើម្បីជួយជំរុញដល់និរន្តរភាពនៃការ ការអភិឌ្ឍរបស់វិស័យអចលនទ្រព្យទាំងមូល។ សម្រាប់វគ្គសិក្សានេះ នៅពេលបញ្ចប់វគ្គសិក្សា ភ្នាក់ងារនឹងទទួលបានអត្ថប្រយោជន៍ជាច្រើនដូចជា៖ វិញ្ញាបនប័ត្រ ត្រូវបានទទួលស្គាល់ដោយក្រសួងសេដ្ឋកិច្ចនិងហិរញ្ញវត្ថុ។ទទួលបានចំណេះដឹង និងបទពិសោធន៍ក្នុងការអនុវត្តការងារវាយតម្លៃ ជាក់ស្តែងពីគ្រូឧទ្ទេសនាមដែលជាស្ថាបនិក អ្នកគ្រប់គ្រង និងអ្នកជំនាញក្នុង វិស័យអចលនទ្រព្យ។ពង្រឹងសមត្ថភាពចេះប្រើប្រាស់រូបមន្ត និងវិធីសាស្រ្តសម្រាប់ការវាយតម្លៃ អចលនវត្ថុ។ទទួលបានចំណេះដឹងពីដំណើរការនៃការវាយតម្លៃអចលនវត្ថុ។សមត្ថភាពរៀបចំរបាយការណ៍វាយតម្លៃអចលនវត្ថុ។ការយល់ដឹងពីលក្ខខណ្ឌ និងនីតិវិធីស្នើសុំអាជ្ញាប័ណ្ណ និងវិញ្ញាបនប័ត្រវិជ្ជាជីវៈ។ដឹងពីការកំណត់តម្លៃសេវា និងកម្រៃសេវាជើងសារវិជ្ជាជីវៈ។ដឹងពីក្រមសីលធម៌វិជ្ជាជីវៈអ្នកវាយតម្លៃ។យល់ដឹងពីចំណេះដឹងផ្នែកមូលដ្ឋានទាក់ទងនឹងវិស័យច្បាប់។យល់ដឹងពីចំណេះដឹងមូលដ្ឋានទាក់ទងនឹងច្បាប់កិច្ចសន្យា។យល់ដឹងពីពន្ធពាក់ព័ន្ធអចលនទ្រព្យ និងការកំណត់ពន្ធលើអចលនវត្ថុ។យល់ដឹងពីការវាយតម្លៃអចលនទ្រព្យតាមរយៈការប្រើប្រាស់របាយការណ៍ហិរញ្ញវត្ថុ។ស្វែងយល់ពីវិធីសាស្រ្តនៃការលក់ និងការផ្សព្វផ្សាយរបស់ភ្នាក់ងារអចលនទ្រព្យ។វគ្គបណ្តុះបណ្តាលនេះចាប់ផ្តើមទទួលចុះឈ្មោះចាប់ពីពេលនេះតទៅ ហើយការសិក្សាមាន ២ វេន។ វេនទីមួយគឺថ្ងៃច័ន្ទ ដល់ សុក្រ ដែលរៀនពីម៉ោង៥ៈ៣០ រហូតដល់ម៉ោង ៨ៈ ៣០ ល្ងាច និងចូលរៀនថ្ងៃទី៧ ខែតុលា ឆ្នាំ២០១៩។ សម្រាប់វេនទីពីរគឺថ្ងៃសៅរ៍ និងអាទិត្យ ដែលរៀនពីចំនួនពីរថ្ងៃពេញ និងចូលរៀននៅថ្ងៃទី១២ ខែតុលា ឆ្នាំ២០១៩។ រំលឹកផងដែរថា ក្រោមការសហការជាមួយសាកលវិទ្យាល័យសេដ្ឋកិច្ច និងហិរញ្ញវត្ថុ រហូតមកដល់ពេលនេះ សាលាបណ្តុះបណ្តាលជំនាញអចលនទ្រព្យ បានបញ្ចប់វគ្គសិក្សាជំនាញទិញ និងលក់អចលនវត្ថុប្រកបដោយវិជ្ជាជីវៈ  ៤ ជំនាន់រួចមកហើយ និងមានសិស្សបានចូលរៀនជាង ១,០០០ នាក់៕  ស្វែងរកអចលនទ្រព្យសម្រាប់ជួលនៅភ្នំពេញ ឬអចលនទ្រព្យសម្រាប់លក់នៅភ្នំពេញនៅថ្ងៃនេះ!

កម្ចី​សម្រាប់​ប្រើ​ប្រាស់​ក្នុង​វិ​ស័យ​អចល​ន​ទ្រព្យ​​ដែល​ផ្តល់​ដោយ​គ្រឹះ​ស្ថាន​ធនាគារ​ និង​ហិរញ្ញវត្ថុ​នៅ​កម្ពុជាបន្ត​មាន​​​កំណើន​ខ្លាំង​​​នៅ​រយៈ​ពេល ១២ ខែ​ចុង​ក្រោយ​​ ដោយ​សារ​កំណើន​ការ​វិ​និយោគ និង​ភា​ព​រឹង​មាំ​​នៃ​វិ​​ស័យ​អចលន​ទ្រព្យ​កម្ពុជា។យោង​តាម​របាយ​ការណ៍​​ចុង​ក្រោយ​របស់​ការិយា​ល័យ​ឥណទាន​កម្ពុជា​ (CBC)​ ទំ​ហំ​​​កម្ចី​ដែល​គ្រឹះ​ស្ថាន​ហិរញ្ញវត្ថុ​នៅ​កម្ពុជា​បាន​ផ្តល់​ឲ្យ​ទៅ​វិ​ស័យ​​អចលនទ្រព្យ​បាន​កើន​ដល់​​ជិត ៣.៤២ ពាន់​លាន​ដុល្លារ​គិត​ត្រឹម​ដំ​ណាច់​ខែ​មិ​ថុនា​​ឆ្នាំ​ ២០១៩ នេះ គឺ​កើន​ឡើង​ ៣០ ភាគរយ​ពី​ត្រឹម​ ២.៤៩ ពាន់​លាន​ដុល្លារ​ពី​កាល​ពី​ដំ​ណាច់​ខែមិថុនា​​ឆ្នាំ២០១៨។​ទិន្ន​ន័យ​ទឹក​ប្រាក់​នៃ​កម្ចី​នេះគឺ​យោង​តាម​ទិន្ន​ន័យ​​​​សន្ទស្សន៍​ឥណទានប្រើ​ប្រាស់​​លក្ខណៈ​បុគ្គល​របស់​ CBC ដែល​ផ្តោត​លើ​ឥណ​ទាន​បី​ប្រ​ភេទ​រួម​មាន​ហិរញ្ញវត្ថុផ្ទាល់ខ្លួន (Personal Finance Loans) កម្ចីអចលនទ្រព្យ (Mortgage Loan) ប័ណ្ណឥណទាន (Credit Card Loans)។​ CBC បង្ហាញ​ថា កម្ចី​អចល​ន​ទ្រព្យមាន​ ៤៧.៨ ភាគរយ​នៃកម្ចីប្រើ​ប្រាស់​លក្ខណៈ​បុគ្គលសរុប​ចំ​នួន ៧.១៦ ពាន់​លាន​ដុល្លារ គិត​ត្រឹម​ដំ​ណាច់​ខែ​មិ​ថុនា​ឆ្នាំ​នេះ។គិត​ត្រឹម​ដំ​ណាច់​ខែ​មិថុនា​ដ​ដែល ចំ​នួន​គណ​នី​សម្រាប់កម្ចី​ទិញ​អចល​ន​ទ្រព្យ​មាន​សរុប ១៣១,៣៧៦ គណនីគឺកើន​ឡើង ១៩ ភាគរយ​ពី ១១០,៣០២ កាល​ពី​ដំណាច់​ខែ​ធ្នូ​ ឆ្នាំ២០១៨។លោកស្រី សូ ផន​ណារី អនុ​ប្រ​ធាន​នាយក​ប្រតិ​បត្តិ​ និង​ជា​ប្រ​ធាន​នាយិ​កា​ប្រ​តិ​បត្តិ​ការ ធនាគារអេស៊ីលីដាបាន​លើក​ឡើង​​​កំណើនប្រាក់កម្ចីក្នុង​វិ​ស័យ​អចលន​ទ្រព្យដែល​សម្រេច​បាន​អត្រា ៣០ ភាគរយ​គឺជាការវិ​វត្តន៍​​ល្អដែលបង្ហាញថាស្ថាប័នផ្តល់ប្រាក់កម្ចីនិងប្រជាជនកម្ពុជាមើលឃើញឱកាសកាន់តែច្រើននៅក្នុងវិស័យនេះ។អ្នក​ស្រី បន្ថែមទៀតថាការកើនឡើងគួរឱ្យកត់សម្គាល់នៃប្រាក់កម្ចីទិញផ្ទះដោយប្រជាជនកម្ពុជាក្នុង ប៉ុន្មានឆ្នាំចុង​ក្រោយ​​នេះគឺដោយសារ​ប្រាក់ចំណូលរបស់ប្រជាជនរួម​ផ្សំ​នឹង​កំ​ណើន​ ចំណេះដឹងអំពីសេវា កម្មហិរញ្ញវត្ថុនិងកំ​ណើន​​លទ្ធភាពទិញផ្ទះផ្ទាល់ខ្លួន។អ្នក​ស្រី​បញ្ជាក់​ថា​៖​«​កំណើន​កម្ចី​អចលន​ទ្រព្យ​​ឆ្លុះបញ្ចាំងពីការ​យល់​ឃើញ​ជា​​វិជ្ជមានរបស់អ្នកផ្គត់ផ្គង់សេវា​ហិរញ្ញវត្ថុ​ និង​អ្នក​ទទួល​ ទៅលើ​​ស្ថេរភាពសេដ្ឋកិច្ច និងនយោបាយរបស់ប្រទេសកម្ពុជា»​។ អ្នក​ស្រី​បន្ត​ថា​៖​«​មាន​​ឱកាសអភិវឌ្ឍន៍​ក្នុងវិស័យនេះ ប៉ុន្តែយើងតែងតែមាន​ការ​ប្រុង​ប្រ​យ័ត្ន​​​ខ្ពស់​ និង​តាម​ដាន​វិ​ស័យ​នេះ​យ៉ាង​យកចិត្ត​ទុក​ដាក់​​ដែរ ​​ដើម្បីកាត់បន្ថយហានិភ័យ»។យោងតាមអ្នក​ស្រី​ ណារី ប្រាក់កម្ចីអចន​ទ្រព្យ​របស់អេស៊ីលីដា​មានចំនួនសរុប ២៧៣ លានដុល្លារនៅចុងខែមិថុនាឆ្នាំនេះ ស្មើរ​នឹង​​ចំនួនអតិថិជនមានចំនួន ៧,៩១៣ នាក់។កម្ពុជាចាប់ផ្តើមផ្តោតលើការរស់នៅប្រកបដោយផាសុកភាពលោក នួន រិទ្ធី នាយកប្រតិបត្តិនៃក្រុម​ហ៊ុន​សេវា​អចន​ទ្រព្យ​ Khmer Appraisal Foundation (KFA) បានមានប្រសាសន៍ថាវិស័យហិរញ្ញវត្ថុបានជួយដល់ការអភិវឌ្ឍវិស័យអចលនទ្រព្យហើយវិស័យទាំងពីរកំពុងរីកចម្រើនស្របនឹងកំណើនសេដ្ឋកិច្ច។​លោកបានបន្ថែមថាប្រទេសកម្ពុជាមានចំនួនប្រជាជនពេញវ័យច្រើន ហើយ​កំ​ពុង​ងាក​ទៅ​រក​បែប​បទនៃ​ការ​រស់នៅថ្មី ដោយ​គូរ​ស្រ​ករ​វ័យក្មេងចង់​រស់​នៅ​ដោយ​ឯក​រាជ្យ​ពី​ឳពុក​ម្តាយ ហើយ​អាចមានលទ្ធភាពទិញផ្ទះរស់នៅផ្ទាល់​ខ្លួន​​។លោកបន្ត​​ថា៖​«​​នៅពេលដែលប្រជាជនមានប្រាក់ចំណូលទាប ពួកគេយកចិត្តទុកដាក់ខ្លាំង​បំផុតតែ​លើ​អាហារហូប​ចុក​​សម្រាប់បរិភោគ»​។ លោក​បន្ថែមថា ប្រាក់ចំណូលប្រ​ជា​ជន​​កម្ពុជាកំពុង​កើនឡើងហើយពួកគេចង់​បាន​​កន្លែងរស់នៅ​មានផាសុខភាព។ លោកបន្តថា៖ «ឥឡូវប្រជាជនកម្ពុជាមានប្រាក់ចំណូលខ្ពស់ហើយចង់បាន​​របៀបរស់នៅល្អ​ជាង​មុន​​។ អ្នកដែលមានផ្ទះនៅកម្រិតមធ្យម​ បាន​ប្តូរ​ទៅ​រក​​កម្រិតខ្ពស់ ហើយអ្នកដែលរស់នៅក្នុងកម្រិតទាប ប្តូរ​មក​​កំរិតមធ្យម»​។ក្តីបារម្ភចំពោះកម្ចីទិញផ្ទះ ដែលមានអត្រាការប្រាក់ខ្ពស់ចំនួនប្រាក់កម្ចីទិញផ្ទះមានចំនួន ៣.៤២ ពាន់លានដុល្លារគឺជាប្រាក់កម្ចីពីស្ថាប័នហិរញ្ញវត្ថុហើយ CBC មិនទាន់រាប់បញ្ចូលប្រាក់កម្ចីដែលអ្នកទិញទិញផ្ទះដោយបង់រំលស់ពីក្រុមហ៊ុនអភិវឌ្ឍន៍អចលនទ្រព្យដូចជាបុរីទេ។ ប្រសិនបើការបង់រំលស់សម្រាប់ផ្ទះពីបុរីនឹងត្រូវបានបន្ថែមនៅក្នុងរបាយការណ៍ នោះតួលេខនេះអាចនឹងកាន់តែធំឡើងនៅពេលដែលមាននិន្នាការកើនឡើងនៃការទិញផ្ទះពីការបង់ រំលស់ពីបុរី។កំ​ណើន​​ការទទួល​កម្ចី​ដោយ​ផ្ទាល់​ពីម្ចាស់​បុរី ឬ​​​​ក្រុមហ៊ុនអភិវឌ្ឍន៍អចលនទ្រព្យ​ ​បានធ្វើ​ឲ្យ​​មន្រ្តីជាន់​ខ្ពស់​ពីធនាគារកណ្តាល​កម្ពុជាបង្កើន​ការ​យក​ចិត្ត​ទុក​ដាក់​​ ហើយ​​​បាន​ក្រើន​រំ​ឭក​ដល់​អ្ន​កទិញផ្ទះ​ឲ្យ​បង្កើន​ការ​​​ប្រុងប្រយ័ត្ននិងពិចារណាឲ្យ​បាន​ហ្មត់​ចង់​ពី​ អត្រាការប្រាក់​។ថ្លែងក្នុងឱកាសនៃការធ្វើបទបង្ហាញពី​លទ្ធផលឆមាស​ទី​មួយ​ឆ្នាំ ២០១៩ របស់​ធនាគារជាតិនៃកម្ពុជាកាលពី​ចុង​ខែ​កក្ក​ដា​ លោកស្រី ជា សិ​រី អគ្គនាយិកា​ធនាគារ​ជាតិ​នៃ​កម្ពុជា​ បានមានប្រសាសន៍ថាវិស័យអចលនទ្រព្យនៅកម្ពុជាមានការកើនឡើងយ៉ាងខ្លាំង ហើយ​តម្រូវ​ការ​​ប្រាក់កម្ចីទិញផ្ទះក៏​កំ​ពុង​កើន​ឡើង​។ លោក​ស្រី​បាន​បន្ត​ថា គូស្រករ​​វ័យក្មេងកាន់តែច្រើន តែង​ចង់​បាន​របៀប​នៃ​ការ​រស់​នៅ​ថ្មី​ដោយ​​រស់​នៅ​ដាច់​ដោយ​ឡែក​ពី​ឱពុកម្តាយ​តាម​រយៈ​ការ​មាន​ផ្ទះ​ដោយ​ខ្លួន​ឯង ដោយ​ការ​ទទួល​កម្ចី។​តាម​រយៈ​និន្នា​ការ​នេះ លោក​ស្រី សិរី ​បានជំរុញឱ្យអ្នកទិញអចលនទ្រព្យធ្វើការស្រាវជ្រាវដោយខ្លួនឯងឲ្យ​បាន​លម្អិត​មុនពេលសម្រេច​ចិត្ត​ ដោយ​សារ​ថា​ការ​ទិញ​ផ្ទះ​បង់​រំ​លស់​ពី​ម្ចាស់​បុ​រី ដោយ​ផ្ទាល់​តែង​មាន​​អត្រាការប្រាក់ខ្ពស់ជាងឆ្ងាយ​ធៀ​បនឹង​ការ​ទទួល​កម្ចី​ពី​ធនាគារ​៕ ស្វែងរកអចលនទ្រព្យសម្រាប់ជួលនៅភ្នំពេញ ឬអចលនទ្រព្យសម្រាប់លក់នៅភ្នំពេញនៅថ្ងៃនេះ!

អ្នកជំនាញនៅតែមើលឃើញ និងជឿជាក់លើភាពរីកចម្រើន និងសក្តានុពលដ៏ធំធេងនៃវិស័យខុនដូនៅកម្ពុជា។ បើតាមលោក ខន គង្គារ អគ្គនាយកក្រុមហ៊ុនភ្នាក់ងារអចលនទ្រព្យ ERA ប្រចាំកម្ពុជា ដំណើរការវិនិយោគក្នុងវិស័យខុនដូកំពុងតែដំណើរការល្អប្រសើរព្រោះថាទីផ្សារនេះទើបតែចាប់ផ្តើមឡើងតែប៉ុណ្ណោះ​ បើធៀបនឹងប្រទេសក្នុងតំបន់គឺថាដើរក្រោយថៃ ៣០ ឆ្នាំ និងរហូតដល់ ៥០ ឆ្នាំក្រោយសិង្ហបុរី។ នៅក្នុងយុទ្ធនាការផ្សព្វផ្សាយពីសក្តានុពល និងឱកាសវិនិយោគនៅកម្ពុជាទៅកាន់វិនិយោគិនជាតិ និងអន្តរជាតិ លោកគង្គារតែងតែទទួលបានអ្នកវិនិយោគជាច្រើននាក់ចាប់អាម្មណ៍វិនិយោគនៅកម្ពុជា។ តាមការអះអាងរបស់លោកទុនវិនិយោគរាប់លានដុល្លារបានហូរចូលក្នុងទីផ្សារកម្ពុជា។​ តើអ្វីជាចំណុចគន្លឹះដែលធ្វើឲ្យវិនិយោគិនហានបោះទុននៅកម្ពុជា? តាមការលើកឡើងរបស់លោកគង្គារ នៅពេលនិយាយពីកម្ពុជា លោកបានបង្ហាញពីភាពខ្លាំង ៦ ចំណុចទៅកាន់វិនិយោគិនបរទេស ហើយនេះជាចំណុចសក្តានុពលក្នុងការទាក់ទាញលំហូរ វិនិយោគមកកាន់កម្ពុជា។  ចំណុចទាំងនេះមានដូចជា៖ ១. គោលនយោបាយរដ្ឋាភិបាលរដ្ឋាភិបាលកម្ពុជា បង្កើតគោលនយោបាយដែលគាំទ្រទាំងស្រុងដល់ដំណើរការរបស់ក្រុមហ៊ុន ឯកជន ដែលមកវិនិយោគនៅក្នុងប្រទេសកម្ពុជា។ នេះមានន័យថារដ្ឋាភិបាលកម្ពុជាបានផ្តល់សិទ្ធិឲ្យគ្រប់គ្រងក្រុមហ៊ុន១០០% តែម្តង  ដោយមិនមានការចែកចំណែកភាគហ៊ុន [៤៩% និង ៥១%] ដូចមុនទៀតឡើយ។ ២. ផលិតផលផលិតក្នុងស្រុក (GDP) របស់ប្រទេសកម្ពុជាប្រទេសកម្ពុជាមានកំណើន GDP ស្ថិតក្នុងចំណាត់ថ្នាក់លេខ ៤ ក្នុងពិភពលោក និងជាប្រទេសដែលមានកំណើតសេដ្ឋកិច្ចខ្ពស់ជាងគេនៅតំបន់អាស៊ី។ លើសពីនេះទៅទៀត កម្ពុជាក៏អាចរក្សាកំណើនសេដ្ឋកិច្ចចំនួន ៧% រយៈពេល ៦ ឆ្នាំជាប់គ្នា។៣. ស្ថេរភាពនយោបាយបើប្រៀបធៀបទៅនឹងប្រទេសផ្សេងៗនៅក្នុងតំបន់ គោលនយោបាយរបស់កម្ពុជាមានលក្ខណៈស្ថេរភាពជាងគេ ដោយសារតែក្នុងរយៈពេល ៣០ ឆ្នាំនេះ យើងមិនមានការផ្លាស់ប្តូររបបទេ។៤. ចំនួនប្រជាជនកម្ពុជាមានយុវជនប្រមាណ ៧០% ដែលជាកម្លាំងពលកម្មដ៏មានសក្តានុពល ច្រើនសម្រាប់ការធ្វើការងារ ដែលជាកត្តាជំរុញកំណើនសេដ្ឋកិច្ច។ ចំណែកតម្លៃពលកម្មវិញ​ក៏នៅមានកម្រិតទាបផងដែរ បើប្រៀបធៀបទៅនឹងប្រទេសផ្សេងៗក្នុងតំបន់។ ដូច្នេះកត្តាទាំងអស់នេះបានរួមចំណែកក្នុងការធ្វើឲ្យវិនិយោគិនពិចារណាពីកម្ពុជា។ ៥. តម្លៃអចលនទ្រព្យចំពោះតម្លៃអចលនទ្រព្យវិញ បើទោះបីជាតម្លៃមានការកើនឡើងក៏ដោយ ប៉ុន្តែបើប្រៀធៀបនឹងប្រទេសជិតខាងតម្លៃអចលនទ្រព្យនៅកម្ពុជានៅមានកម្រិតទាបនៅឡើយ។ ជាក់ស្តែង ខុនដូនៅសិង្ហបុរីមានតម្លៃ ១៦,០០០ ដុល្លារទៅ ១០០,០០០ ដុល្លារ/ម៉ែត្រការ៉េ។ ខុនដូនៅវៀតណាម មានតម្លៃចាប់ពី ៣,៥០០ ​ទៅ ៥,០០០ដុល្លារ។ នៅភូមា មានតម្លៃពី ៣,៤០០ដុល្លារឡើងទៅ និងថៃមានតម្លៃមធ្យមចាប់ពី ៥,០០០ ដុល្លារ ឡើងទៅ។ ប៉ុន្តែនៅកម្ពុជា ខុនដូមានតម្លៃចាប់ពី ២,០០០ ដុល្លារប៉ុណ្ណោះក្នុងមួយមែត្រការ៉េ។៦. អតិផរណាបើប្រៀបធៀបកម្រិតអតិផរណា កម្ពុជាស្ថិតក្នុងកម្រិត ២.៨% ទាបជាងប្រទេសជិតខាង ដូចជា ម៉ាឡេស៊ី និងវៀតណាម ដែលកើតឡើងរហូតដល់ ៦.៨%។ ដូច្នេះ សម្រាប់អ្នកវិនិយោគ គេអាចពិចារណាលើចំណុចទាំងនេះ ដែលជាឳកាសល្អសម្រាប់វិនិយោគនៅប្រទេសកម្ពុជា។ដោយមើលឃើញចំណុចសក្តានុពលទាំងនេះនៅក្នុងទីផ្សារកម្ពុជា លោកគង្គារ ជឿជាក់ថា​ឱកាសវិនិយោគនៅកម្ពុជានៅមានរយៈពេលវែង ពោលគឺពី ៣០ ទៅ ៥០ ឆ្នាំទៅមុខទៀត។ បើពិនិត្យពីផលចំណេញវិញ អ្នកវិនិយោគអាចទទួលបានប្រាក់ចំណេញពីការកើនឡើងតម្លៃពី ១៥% ទៅ ២៥% ក្នុងមួយឆ្នាំ។ ចំណែកផលចំណេញពីការវិនិយោគ (Return On Investment ) គឺអាចទទួលបានកាន់តែខ្ពស់ ដោយសារតាមរយៈរូបមន្តនៃការបង់ប្រាក់មុនគម្រោង៕ ស្វែងរកអចលនទ្រព្យសម្រាប់ជួលនៅភ្នំពេញ ឬអចលនទ្រព្យសម្រាប់លក់នៅភ្នំពេញនៅថ្ងៃនេះ!

ស្វែងរកអចលនទ្រព្យមិនមែនជារឿងដែលពិបាកខ្លាំងនោះទេ​ ប៉ុន្តែស្វែងរកអចលទ្រព្យដែលអាចធានា បានផលចំណេញ និងធានាបានសុវត្ថិភាពពេញលេញ ទើបជារឿងធ្វើឲ្យស្មុគស្មាញ។ ស្មុគស្មាញដោយហេតុ ថាអ្នកនៅមិនទាន់យល់ដឹងស៊ីជម្រៅអំពីបរិបទនៃទីផ្សារ និងស្ថានភាពជាក់ស្តែងនៃនិតិវិធីនានា ដើម្បីធានាបានការទិញលក់ដែលឆ្លើយតបនឹងតម្រូវការពិតប្រាកដរបស់អ្នក។ ប៉ុន្តែ សម្រាប់ពេលបច្ចុប្បន្ននេះ ប្រសិនបើអ្នកមិនសូវយល់អំពីទីផ្សារ មិនមែនមានន័យអ្នកមិនគួរបន្តការវិនិយោគនោះឡើយ ហេតុផលត្រង់ថា អ្នកអាចទៅរកអ្នកជំនាញឲ្យជួយអ្នកបាន។ សំំណួរបន្ទាប់សួថាតើអ្នកត្រូវស្វែងរកអ្នកជំនាញល្អបំផុត មួយដោយរបៀបណា? ឆ្លើយនឹងសំណួរនេះ លោក ស៊ន សៀប នាយកប្រតបត្តិរបស់ក្រុមហ៊ុន ឃី រៀល អ៊ីស្ទេតបានប្រាប់ Realestate.com.kh ក្នុងន័យធៀបថា «ការជ្រើសរើសភ្នាក់ងារអចលនទ្រព្យមួយប្រៀបដូចជាការជ្រើសរើសគ្រូពេទ្រ វេជ្ជបណ្ឌិត ឬមេធាវីអញ្ចឹងដែរ»។ លោកបានពន្យល់ថានៅពេលមានបញ្ហាណាមួយកើតឡើងតាមផ្លូវតុលាការ យើងត្រូវតែរកមេធាវីឲ្យជួយការពារ និងដោះស្រាយ។​ ចំណែកនៅពេលឈឺយើងត្រូវតែរកគ្រូពេទ្យ ឬវេជ្ជបណ្ឌិតជំនាញណាមួយឲ្យត្រូវនឹងស្ថានភាពជម្ងឺដើម្បីជួយព្យាបាល។ ចំណុចនេះវាមិនមានអ្វីខុសគ្នាពីការស្វែងរកអ្នកជំនាញអចលនទ្រព្យនោះទេ។  នេះជាកាបញ្ជាក់របស់ លោក សៀប។ លោកបន្តថាអ្នកជំនាញមានច្រើន ប៉ុន្តែពួកគេមានជំនាញខុសៗ មានបទពិសោធន៍ផ្សេងៗគ្នា និងធ្វើការផ្តោតលើតំបន់ខុសៗគ្នាផងដែរ។ ក្រៅពីមើលលើអ្នកជំនាញ អ្នកទិញក៏ត្រូវមើលពីខ្លួនឯងដែរ។ មានន័យថាអ្នកទិញត្រូវដឹងអំពីគោលបំណងពិតប្រាកនៃការទិញអចលនទ្រព្យ ឬការវិនិយោគរបស់ខ្លន។ បន្ទាប់មកពួកគេត្រូវជ្រើសរើសយកក្រុមហ៊ុន ឬភ្នាក់ងារណាមួយដែលធ្វើការមានជំនាញត្រូវជាមួយគោលដៅវិនិយោគនោះ។ ឧទាហរណ៍៖ ប្រសិនបើអ្នកត្រូវការលក់ដី អ្នកត្រូវរកភ្នាក់ងារដែលមានជំនាញផ្តោតលើការលក់។ បើអ្នកវចង់វិនិយោគសណ្ឋាគារអ្នកត្រូវស្វែងរកភ្នាក់ងារដែលជំនាញខាងអចលនទ្រព្យបែបពាណិជ្ជកម្ម ផ្តោតលើការទិញលក់សណ្ឋាគារ។​ ជារួមអ្នកជំនាញមានច្រើន ពោលអ្នកជំនាញខ្លះទៀតផ្តោតលើខុនដូសុទ្ធសាត ខ្លះផ្តោតលើការវាយតម្លៃ និងខ្លះទៀតផ្តោតលើអចលនទ្រព្យបែបឃ្លាំង និងរោងចក្រ ។ល។   ដូចនេះអ្នកទិញខ្លួនឯងត្រូវកំណត់ឲ្យបានពីអត្តសញ្ញាណរបស់ក្រុមហ៊ុននីមួយៗ។ ក្រៅពីជំនាញតាមឯកទេសរបស់ភ្នាក់ងារ អ្នកក៏ត្រូវតែកំណត់ឲ្យបានចំពោះ​ភាពស្របច្បាប់ភ្នាក់់ងារ និងអាជ្ញាប័ណ្ណក្រុមហ៊ុន។ នេះជាការលើកឡើងរបស់លោក សៀប៕  ស្វែងរកអចលនទ្រព្យសម្រាប់លក់នៅក្នុងទីក្រុងភ្នំពេញ និងអចលនទ្រព្យសម្រាប់ជួលនៅក្នុងទីក្រុងភ្នំពេញនៅថ្ងៃនេះ!

ចាប់ពីពេលនេះទៅកម្ពុជាកំពុងប្រែក្លាយខ្លួនទៅជាទីក្រុងឆ្លាតវៃ ដើម្បីឆ្លើយតបទៅនឹងតម្រូវការ និងការអភិវឌ្ឍជាសកល។ អ្នកជំនាញជាច្រើនបានមើលឃើញពីសក្តានុពលរបស់កម្ពុជា និងដាក់ការវាយតម្លៃខ្ពស់ថាឥឡូវនេះជាដំណាក់កាលចាំបាច់ដែលកម្ពុជាត្រូវផ្លាស់ប្តូរទៅជាទីក្រុងឆ្លាតវៃ។​ក្របខណ្ឌទីក្រុងឆ្លាតវៃអាស៊ាន  គេបានកំណត់ថាទីក្រុងឆ្លាតវៃជាទីក្រុងមួយប្រើប្រាស់បច្ចេកវិទ្យាថ្មីៗ និងព័ន្ធឌីជីថលបួករួមនឹងមធ្យោបាយមិនមែនបច្ចេកវិទ្យា ដើម្បីដោះស្រាយបញ្ហាប្រឈមរបស់ទីក្រុង ពោលគឺធ្វើឲ្យយ៉ាងដើម្បីលើកកម្ពស់ជីវភាពរបស់ប្រជាពលរដ្ឋទូទៅ និងបង្កើតឱកាសថ្មីៗ។នៅក្នុងខែមេសា ឆ្នាំ២០១៩ រាជរដ្ឋាភិបាលបានព្រមព្រៀងជាគោលការណ៍ឲ្យក្រសួងរៀបចំដែនដីនគរូបនីយកម្ម និងសំណង់ រៀបចំបង្កើតទីក្រុងឆ្លាតវៃ (Smart City) អាស៊ាន-ជប៉ុន ដែលគាំទ្រដល់ការបង្កើតតំបន់ក្រុងដែលប្រើប្រាស់បច្ចេកវិទ្យាទំនើបនៅកម្ពុជា​​ ក្នុងនោះទីក្រុងចំនួនបីត្រូវបានជ្រើសរើសរួមមាន៖ ក្រុងភ្នំពេញ ក្រុងសៀមរាប និងក្រុងបាត់ដំបង។ នៅក្នុងបណ្តាញទីក្រុងឆ្លាតវៃអាស៊ាន គេបានកំណត់ដាក់សាកល្បងទីក្រុងទាំងអស់ចំនួន ២៦ នៅក្នុងតំបន់អាស៊ីអាគ្នេយ៍។ សម្រាប់កម្ពុជា ដើម្បីឲ្យសម្រចបានផែនការអភិវឌ្ឍទីក្រុងវ័យឆ្លាតនេះ កម្ពុជាត្រូវទាមទាជាដំបូងឲ្យមានផែនការមេ និងគោលនយោបាយច្បាស់លាស់ ដែលមានលក្ខណៈសមាហរណកម្ម និងអនុវត្តតាមគោលការណ៍ត្រឹមត្រូវ ដើម្បីធានាបានផលប្រយោជន៍ពិតប្រាកដពីគម្រោងនេះ។​ គម្រោងនៅទន់ខ្សោយ ហើយអ្នកវិនិយោគតិចកង្វះខាតការរៀបចំប្លង់មេ ក្នុងការកំណត់ពីតំបន់អភិវឌ្ឍន៍ជាក់លាក់ និងការរៀបចំអគារឲ្យ សាងសង់មានរបៀបរៀបរយ និងស្តង់ដារនៅតែជាបញ្ហា សម្រាប់ការអភិវឌ្ឍទីក្រុងឆ្លាតវៃ នៅកម្ពុជា។ ជាក់ស្តែងនៅក្នុងតំបន់ខ្លះនៃក្រុងភ្នំពេញ តំបន់ឧស្សាហកម្ម និងលំនៅដ្ឋាន ត្រូវបានអភិវឌ្ឍនៅជាមួយគ្នា ក្នុងនោះគេឃើញមានរោងចក្រ សាងសង់នៅជិតសាលារៀនជាដើម។ ថ្លែងនៅក្នុងកិច្ច​ពិ​ភា​ក្សាស្តីពី “ទី​ក្រុង​វៃឆ្លាត និង​អនាគត​នៃ​ការ​អភិវឌ្ឍ​ទី​ក្រុង” ​ត្រូវ​បាន​រៀប​ ចំ​ឡើង​នៅ​ភ្នំពេញ ដែល​ជា​កិច្ច​សហ​ការ​រៀប​ចំ​ដោយ​ក្រុមហ៊ុន​គ្រប់​គ្រង​អចល​ន​ទ្រព្យ CBRE ក្រុម​ហ៊ុន​ប្រឹក្សា​វិនិយោគ DFDL និង​ ក្រុម​ហ៊ុន​ផ្នែក​សំ​ណង់ Archetype កាលពីខែមិថុនាថ្មីៗនេះ  លោក Guillaume Massin សហ​អគ្គ​នាយក​ក្រុម​ហ៊ុន DFDL បានកត់សម្គាល់នូវភាពមិនច្បាស់លាស់មួយ ទាក់ទងនឹងកញ្ចប់ថវិកាសម្រាប់គម្រោងទីក្រុងឆ្លាតវៃ និងថាតើគម្រោងនេះ នឹងដឹកនាំដោយរាជរដ្ឋាភិបាល ឬក្រុមហ៊ុនឯកជន ឬដោយការសហការគ្នារវាងឯកជន និងរដ្ឋ។​ទោះយ៉ាងណា ការអភិឌ្ឍក្នុងទីក្រុងភ្នំពេញ បានចាប់ផ្តើមដើរតាមគម្រោងអភវិឌ្ឍដ៏ឆ្លាត វៃជាបណ្តើរៗ ពោលគឺមានកំណើនលឿន​រហ័ស និង​ត្រូវ​បាន​ផ្លាស់​ប្តូរជា​មជ្ឈ​មណ្ឌល​សេដ្ឋ​កិច្ច​ដ៏​រស់​រវើក​មួយ។ លោក​លើក​ឡើង​ថា​៖​ «​កាល​ពី​១០ ឆ្នាំ​មុន យើង​ស្ទើរ​តែ​មិន​ដែល​ស្រ​មៃ​ផង​ថា សំ​ណង់​ផ្សារ​ទំ​នើប​ធំៗ និង​អគា​ខ្ពស់​ៗ​នឹង​លេច​រូប​រាង​ដូច​ពេល​នេះ»។ លោក​បន្ត​ថាការ​អភិវឌ្ឍ​គម្រោង​​ថ្មី​ និងការ​សាង​សង់​អាកាសយាន្ដ​ដ្ឋាន​អន្តរជាតិ​ថ្មី​ជា​ដើមសុទ្ធ​សឹង​ធ្វើ​តាម​គោល​គំ​និត​ទី​ក្រុង​ឆ្លាត​វៃ។ ​លោកជឿថា ៖​«​​គម្រោងជា​ច្រើន​ទៀតនឹង​ចូល​មក ប៉ុន្តែ​កម្ពុ​ជា​ត្រូវ​តែ​ខិត​ខំ​ដើម្បី​ធ្វើ​ឲ្យ​ប្រហាក់ប្រហែល​នឹង​ប្រ​ទេស​ផ្សេង។ «ខ្ញុំ​គិត​ថា​ កម្ពុជា​មានភាព​ប្រ​កួត​ប្រ​ជែង​ទាក់​ទង​នឹង​ការ​រៀប​ចំ​ ទី​ក្រុង​»។កម្ពុជាទទួលបានការគាំទ្រផ្នែកបច្ចេទេស និងបច្ចេកវិទ្យានៅក្នុងកិច្ចប្រជុំថ្មីរវាងកម្ពុជា និងវៀតណាម ភាគីទាំងពីបានយល់ព្រមដោះស្រាយបញ្ហារួមគ្នានូវបញ្ហាមួយចំនួនដូចជា ការកកស្ទះចរាចរណ៍ ការគ្រប់គ្រងសំរាម ការបំពុលបរិស្ថាន និងបទឧក្រិដ្ឋជាដើម។ ប្រទេសបរទេសផ្តល់ជំនួយទីក្រុងឆ្លាតវៃដល់ប្រទេសកម្ពុជា។នៅឆ្នាំ ២០១៦ ប្រទេសកម្ពុជា និងកូរ៉េបានឯកភាពគ្នាធ្វើសហប្រតិបត្តិការ និងប្រែក្លាយទីក្រុងកំពង់ផែក្រុងព្រះសីហនុទៅជាទីក្រុងដ៏ឆ្លាតវៃមួយ។ ដោយផ្នែកលើបច្ចេកវិទ្យាកូរ៉េ ភាគីទាំងពីរបានឯកភាពគ្នាក្នុងការរៀបចំប្រព័ន្ធគ្រប់គ្រងទឹកបែបទំនើប ការដឹកជញ្ជូន និងហេដ្ឋារចនាសម្ព័ន្ធថាមពលនៅក្រុងព្រះសីហនុ។ កាលពីខែមីនាក្រុមហ៊ុនរបស់សិង្ហបុរីមួយបានបញ្ជាក់ថានឹងធ្វើការជាមួយប្រទេសកម្ពុជាដើម្បីកសាងទីក្រុងឆ្លាតមួយទំហំមួយគីឡូម៉ែត្រការ៉េមួយនៅរាជធានីភ្នំពេញដែលផ្តោតសំខាន់ បណ្តាញចែកចាយអគ្គិសនី និងប្រព័ន្ធផ្លូវចរាចរណ៍។ នៅក្នុងខែកម្ភះ អនុរដ្ឋមន្រ្តីក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍របស់ជប៉ុន បានលើកឡើងនៅក្នុងវេទិកាអភិវឌ្ឍទីក្រុងនៅទីក្រុងភ្នំពេញថា ដោយផ្នែកលើ បទពិសោធន៍កន្លងមករបស់ខ្លួន ជប៉ុននឹងជួយប្រទេសកម្ពុជាបង្កើតទីក្រុងឆ្លាតវៃ ដោយបញ្ចៀសពីកំហុសឆ្គងនានា ដែលជប៉ុនបានជួបប្រទះពាក់ព័ន្ធនឹងវិស័យលំនៅដ្ឋាន ចរាចរណ៍ និងបរិស្ថាន៕ (ប្រភព The Asean Post) ស្វែងរកអចលនទ្រព្យសម្រាប់ជួលនៅភ្នំពេញ ឬអចលនទ្រព្យសម្រាប់លក់នៅភ្នំពេញនៅថ្ងៃនេះ!

គម្រោង Huangshan International គឺជាគម្រោងអភិវឌ្ឍន៍ចម្រុះដ៏ល្អប្រណីតនៅកណ្ដាលរាជធានីភ្នំពេញ ដែលសាងសង់ដោយក្រុមហ៊ុន Huibang International Investment Group។ គម្រោងមួយនេះផ្តល់ជូននូវអាផាតមិនប្រណីតលំដាប់ថ្នាក់ខ្ពស់ ការិយាល័យទំនើបស្តង់ដារពិភពលោក មជ្ឈមណ្ឌលកម្សាន្ត និងពាណិជ្ជកម្ម រួមជាមួយសេវាបម្រើម្ហូបអាហារដ៏មានគុណភាព ព្រមទាំងសណ្ឋាគារលំដាប់ផ្កាយ ដែលធ្វើឱ្យ Huangshan International ក្លាយជាគម្រោងអភិវឌ្ឍន៍ដ៏លេចធ្លោក្នុងព្រះរាជាណាចក្រកម្ពុជា។គម្រោង Huangshan International គឺជាជម្រើសដ៏ពិសេសសម្រាប់ប្រជាជនកម្ពុជា ជនបរទេស និងភ្ញៀវទេសចរ ដែលកំពុងស្វែងរកគេហដ្ឋានប្រកបដោយផាសុកភាព ឱកាសវិនិយោគដែលផ្តល់ផលចំណេញខ្ពស់ និងបទពិសោធនៃការកំសាន្តដែលមិនអាចបំភ្លេចបាន ជាមួយនឹងការបម្រើសេវាកម្មដ៏ល្អឥតខ្ចោះ សម្បូរបែប និងមានតែមួយគត់ក្នុងរាជធានីភ្នំពេញ។ទន្ទឹមនឹងនេះ Huangshan International ត្រូវបានអ្នកជំនាញចាត់ទុកជាគម្រោងអចលនទ្រព្យដ៏មានសក្តានុពលដែលនឹងនាំផលចំណេញខ្ពស់សម្រាប់វិនិយោគិន ដ្បិតគម្រោងនេះមានទីតាំងស្ថិតនៅចំណុចកណ្តាលនៃតំបន់ទន្លេបាសាក់ ដែលគេចាត់ទុកថាជា "Marina Bay" របស់រាជធានីភ្នំពេញ​ និងជាពិភពកំសាន្តនាពេលរាត្រីដ៏ទាក់ទាញបំផុតសម្រាប់ជនបរទេស ភ្ញៀវទេសចរ និងពិសេសគឺយុវវ័យកម្ពុជាតែម្តង។ចំណែកឯទីតាំងនៃអគារកម្ពស់៤៧ជាន់នេះវិញគឺស្ថិតនៅតាមបណ្តោយវិថីរដ្ឋសភា​ ដែលហ៊ុមព័ទ្ធដោយអគាររដ្ឋសភាជាតិផ្ទាល់​ និងស្ថានទូតបរទេសជាច្រើនទៀត។ វាមានចម្ងាយត្រឹមតែ៥នាទីប៉ុណ្ណោះពីព្រះបារមរាជវាំង វិមានឯករាជ្យ និងតំបន់មាត់ទន្លេ ដែលបង្កភាពងាយស្រួលសម្រាប់អ្នករស់នៅក្នុងការដើរលេងកំសាន្ត និងរំសាយអារម្មណ៍នៅពេលធុញថប់។ ក្រៅពីនេះនៅជុំវិញអគារ Huangshan International ក៏សម្បូរទៅដោយសណ្ឋាគារប្រណីតៗ ទីតាំងកំសាន្តសំខាន់ៗ ក៏ដូចជាផ្សារទំនើប AEON Mall ផងដែរ។ចំពោះយូនីតនៃគម្រោងនេះវិញ ត្រូវបានបែងចែកទៅជាច្រើនប្រភេទដើម្បីតម្រូវដល់គ្រប់ទំហំគ្រួសារ ចាប់ពីយូនីតស្ទូឌីយោ អាផាតមិន រហូតដល់ ផែនហៅស៍ដ៏ល្អប្រណីត ដែលមានទំហំចាប់ពី ៤៦ ដល់ ២២៧ ម៉ែត្រការ៉េ។ យូនីតនីមួយៗត្រូវបានបំពាក់ដោយគ្រឿងសង្ហារិមគុណភាពខ្ពស់ ហើយមានតម្លៃចាប់ពី ២,៥៤៧ដុល្លារ ក្នុង១ម៉ែត្រការេ។ក្រៅពីលក្ខណៈពិសេសខាងលើ គម្រោង Huangshan International ប្រើប្រាស់បច្ចេកទេសវិស្វកម្មបច្ចេកវិទ្យាចុងក្រោយបំផុតដែលធានាបាននូវគុណភាពនិងសុវត្ថិភាព ព្រមទាំងរចនាកម្ពស់ពិដានដ៏ទូលាយរហូតដល់ ៣.៣ម៉ែត្រ ដែលនាំឱ្យយូនីតនីមួយៗមានភាពបត់បែនខ្ពស់និងអាចប្រើប្រាស់សម្រាប់គ្រប់តម្រូវការរបស់ម្ចាស់យូនីត។ ទន្ទឹមនឹងនេះ ការចេញចូលក្នុងអគារត្រូវបានសម្រួលយ៉ាងរលូន ជាមួយនឹងជណ្តើរប្រអប់ល្បឿនលឿនចំនួន៦គ្រឿងសម្រាប់អ្នករស់នៅក្នុងអគារ និងភ្ញៀវទូទៅ ព្រមទាំងជណ្តើរយន្ត១គ្រឿងទៀតសម្រាប់រថយន្ត។កាន់តែពិសេសជាងនេះទៅទៀត នៅជាន់កំពូលនៃអគារមានក្លិបកម្សាន្តបែប VIP មួយ ដែលរចនាឡើងយ៉ាងសម្រិតសម្រាងតាមស្ថាបត្យកម្មបុរាណ Huizhou របស់ប្រទេសចិន ដែលជារចនាបទថ្មីសន្លាងក្នុងរាជធានីភ្នំពេញ។ ក្លិបកម្សាន្តនេះផ្តល់ជូននូវសេវាកម្មដូចជាបន្ទប់សម្អាង កន្លែងពិសាតែ ផ្ទះបាយ និងរោងកុនកម្រិតស្តង់ដារថែមទៀតផង។ ក្រៅពីនេះ លោកអ្នកក៏អាចក្រេបយកបទពិសោធថ្មីពីប្រពៃណីរស់នៅបែបតំបន់ច្រាំងខាងត្បូងនៃទន្លេយ៉ង់សេ តាមរយៈសួនឧទ្យានដ៏ស្រស់សោភា និងទីតាំងព្យាបាលបែបប្រពៃណីចិននៅក្នុងអគារផ្ទាល់។ សម្រាប់ការគ្រប់គ្រងទូទៅនិងសុវត្ថិភាពនៅក្នុងអគារវិញ នឹងត្រូវរ៉ាប់រងដោយក្រុមហ៊ុនគ្រប់គ្រងអចលនទ្រព្យ Huipai Golden Key ដែលបង្កើតឡើងដោយក្រុមហ៊ុនអភិវឌ្ឍន៍នេះផ្ទាល់។ Huipai Golden Key ផ្តល់ជូនសេវាកម្មថែទាំគេហដ្ឋាន សន្តិសុខ២៤ម៉ោង កាមេរ៉ាសុវត្ថិភាព និងប្រព័ន្ធរោទិ៍សុវត្ថិភាព ដោយយកចិត្តទុកដាក់ខ្ពស់លើសុវត្ថិភាពផ្លូវកាយ និងផ្លូវចិត្តរបស់អ្នករស់នៅក្នុងអគារ តាមគំរូរបស់សណ្ឋាគារ Fairmont Peace Hotel នៅក្នុងទីក្រុងសៀងហៃ។គម្រោង Huibang Huangshan International មានយូនីតអាផាតមេនសរុបចំនួន៦៧០យូនីត និងជាគម្រោងអភិវឌ្ឍន៍របស់ក្រុមហ៊ុន Huibang International Real Estate Development Co., Ltd. ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Huibang International Investment Group។ គម្រោងនេះផ្តល់ជូននូវអាផាតមិនចំនួន៩ប្រភេទដាច់ដោយឡែកពីគ្នា ហើយគ្រោងនឹងបញ្ចប់ការសាងសង់ជាស្ថាពរនៅដំណាច់ឆ្នាំ២០២៣!លោកអ្នកអាចអញ្ជើញមកទស្សនាអាផាតមិនគំរូនៅការិយាល័យរបស់គម្រោង Huibang Huangshan International ដែលមានទីតាំងស្ថិតនៅផ្ទះលេខ១៦៨ វិថីរដ្ឋសភាជាតិ សង្កាត់ទន្លេបាសាក់ ខណ្ឌចំការមន រាជធានីភ្នំពេញ​ (ជាប់នឹងសណ្ឋាគារ Huangshan)។សម្រាប់ព័ត៌មានបន្ថែម សូមទាក់ទងមកកាន់ ០៩២​​ ៩២ ១០០០ឬ info@realestate.com.khRealestate.com.kh មានមោទកភាពក្នុងការនាំយក ពិព័រណ៍លំនៅដ្ឋាន និងជីវិតទាន់សម័យ ដ៏ធំរបស់កម្ពុជាត្រឡប់មកវិញ។ ព្រឹត្តិការណ៍ដ៏មហាអស្ចារ្យនេះនឹងប្រារព្ធធ្វើឡើងនៅថ្ងៃទី ៧ និង ៨ ខែ សីហា ឆ្នាំ ២០២០ នៅសាលពិព័រណ៍កោះពេជ្រ។សម្រាប់ព័ត៌មានអំពីការជាវស្ដង់ពិព័រណ៍ និង ការចូលរួមជាម្ចាស់ឧបត្ថម្ភកម្មវិធីនេះសូមទំនាក់ទំនងទៅកាន់៖នីន កាំង (ខ្មែរ និង ចិន)+855 78 637 323+855 93 552 305nin.kang@realestate.com.kh Tyler Stuart (English)+855 12 599 699+855 81 599 669tyler.stuart@realestate.com.kh

ក្នុងអំឡុងឆ្នាំ ២០១៩ តំបន់អចលនទ្រព្យជាច្រើនរួមទាំងការអភិវឌ្ឍលំនៅដ្ឋាន ពាណិជ្ជកម្ម និងការអភិវឌ្ឍប្រើប្រាស់ចម្រុះត្រូវ​បានពង្រីកនៅលើទីផ្សារ។ទោះជាយ៉ាងណាក៏ដោយលំនៅដ្ឋាននៅតែជាផ្នែកដ៏ធំបំផុតរបស់​ទីផ្សារ ហើយជាមួយនឹងភាព​ប្រសើរឡើងនៃហេដ្ឋារ ចនាសម្ព័ន្ធនៅក្នុងប្រទេសកម្ពុជា ការអភិវឌ្ឍពាណិជ្ជកម្ម និងការប្រើប្រាស់ចម្រុះកាន់ តែច្រើននឹងកើតឡើង ក្នុងរយៈពេលពី ៥ ទៅ ១០ ឆ្នាំខាងមុខ​។ នេះជាការលើកឡើងរបស់លោកស្រី Zhou Miao អ្នកគ្រប់គ្រង​ផែនការរបស់​ក្រុមហ៊ុន  Agile Sky Residences។ គេយល់ច្បាស់ថាគម្រោង​​នេះ​មានសក្តានុពលខ្លាំង​នៅក្នុងប្រទេសកម្ពុជា។ គម្រោងលំនៅដ្ឋានធំបំផុតមួយដែល ត្រូវបានបង្កើតឡើងដើម្បីផ្លាស់ប្តូរទីផ្សារអចលនទ្រព្យគឺលំនៅដ្ឋាន​  Agile Sky Residences ។ លំនៅដ្ឋាន Agile Sky Residences បានបង្កើត​ជាមួយនឹងបេសកកម្មដ៏សាមញ្ញមួយគឺ៖ មានគោលបំណងចាប់ផ្តើមនូវ​​សករាជថ្មីនៃលំនៅដ្ឋាន​ប្រណិតនៅកម្ពុជា។លោកស្រី Zhou បាន​មានប្រសាសន៍ថា  “លំនៅដ្ឋាន Agile Sky Residences គឺជាទីលំនៅដ្ឋាន​ល្អបំផុតសម្រាប់មនុស្សជំនាន់ថ្មី នៅក្នុងទីក្រុង។ ខុនដូនីមួយៗត្រូវបានរចនា​ឡើង​បែបស៊ីវិល័យ និងប្រើប្រាស់សម្ភារៈលំដាប់​ទំនើប​ ចុងក្រោយ​បង្អស់ និងគ្រឿងប្រើប្រាស់ក្នុងផ្ទះ ព្រមទាំង​គ្រឿងសង្ហារិមដែលមានគុណភាពខ្ពស់​” ។រាជធានី​ភ្នំពេញមិនទាន់ត្រូវបានគេស្គាល់ជាទីក្រុងអាគារខ្ពស់ៗនៅឡើយទេ ប៉ុន្តែឆាប់​ៗនេះ​នឹង​មាន​ការផ្លាស់​ប្តូរ។ លំនៅដ្ឋាន​  Agile Sky Residences គ្រោងនឹងក្លាយជាអគារខ្ពស់ជាងគេមួយនៅក្នុងប្រទេស។ អគារ​នេះ​មានកម្ពស់ ៤៤ ជាន់ និងមាន​ជិត ១,០០០ យូនីត។តើ​លំនៅដ្ឋាន​ Agile ស្ថិត​នៅ​កន្លែងណា?គម្រោង  Agile Sky Residences Residence ស្ថិតនៅទីតាំងល្អមួយ​ក្នុងសង្កាត់បឹងកេងកង ៣ នៃរាជធានីភ្នំពេញ។ តំបន់នេះមាន​សេវាកម្មនៅជិត​ជាច្រើន​ដូចជា៖ សាលាអន្តរជាតិ មន្ទីពេទ្យ ហាងកាហ្វេ ភោជនីយដ្ឋាន និងសេវាកម្ម​ជាច្រើនទៀត។ លំនៅដ្ឋាន  Agile Sky Residences ស្ថិតនៅខាងស្តាំមហាវិថីព្រះមុនីវង្សដែលជាផ្លូវធំមួយក្នុងរាជធានីភ្នំពេញ។ មធ្យោបាយធ្វើដំណើរមានភាពងាយស្រួលនៅ  Agile Sky Residences។ លោកអ្នក​អាចធ្វើ​ដំណើរទៅមកបានលឿន និងរហ័ស។ការវិនិយោគ​ទៅជាមួយ​ Agileយូនីតនៅ   Agile Sky Residences Residences មានទំហំចាប់​ពី ៣៩ ទៅ ១១១ ម៉ែត្រការ៉េ។ យូនីត​នីមួយៗ​មានចាប់ពីប្រភេទ​ស្ទូឌីយោ រហូតដល់យូនីតដែលមានបន្ទប់គេងបី។ យូនីតទាំងអស់​ត្រូវបានធ្វើឡើង​មាន​បរិវេណ​ធំទូលាយ។ ការរស់នៅនៅក្នុងលំនៅដ្ឋាន   Agile Sky Residences Residences មានភាព​ធំទូលាយ និងមានផាសុកភាព។លោកស្រី Zhou ជឿជាក់ថាលំនៅដ្ឋាន  Agile Sky Residences នឹងក្លាយជាជម្រើសលំនៅដ្ឋាន​ដ៏ពេញនិយមសម្រាប់អ្នកទិញ។ លោកស្រី​បានពន្យល់ថាគម្រោង​  Agile Sky Residences Residences ជាការអភិវឌ្ឍរបស់ក្រុមហ៊ុនដែលមានកេរ្តិ៍ឈ្មោះ ដែលអាចធានាបាននូវ សំណង់ដែលមានគុណភាពខ្ពស់។លើសពីនេះទៅទៀតទីតាំងរបស់វាស្ថិតនៅចំកណ្តាលសង្កាត់បឹងកេងកង ៣ នៃរាជធានីភ្នំពេញ មានន័យថា វាអាចចេញចូលទៅតំបន់ពាណិជ្ជកម្មកណ្តាលនៃរាជធានីបាន​ងាយស្រួល​។ បើនិយាយពីការរចនាវិញមានលក្ខណៈប្លែកគេ និងល្អឥតខ្ចោះសម្រាប់ការរស់នៅ ឬការវិនិយោគ។ការជួលមាន​ការ​កើនឡើងជាប្រចាំនៅរាជធានី​ភ្នំពេញពីមួយឆ្នាំទៅមួយឆ្នាំ។ លោកស្រី Zhou  បានបន្ថែមទៀតថាផលចំណេញពីការជួលត្រឡប់​មកវិញ​នៅ​រាជធានី​ភ្នំពេញគឺខ្ពស់ជាងគេលំដាប់ទីបួននៅលើពិភពលោក។ នេះមានន័យថានៅពេលទីផ្សារមានការលូតលាស់ល្អ វិនិយោគិនអាចរំពឹងថានឹងមានលំហូរនៃការជួល​ ត្រឡប់មកវិញខ្ពស់​ផងដែរ។គម្រោងនេះត្រូវបានបង្កើតឡើងដោយក្រុមហ៊ុន Agile Group ដែលជាក្រុមហ៊ុន​អភិវឌ្ឍន៍កំពូលទាំង ១០ នៅក្នុងប្រទេសចិនដែលគ្រប់ដណ្តប់លើវិស័យធំៗ ចំនួន ៨ រួមមាន៖ អចលនទ្រព្យ សេវាកម្មជីវិត ការអភិរក្ស ការអប់រំ សំណង់ ការគ្រប់គ្រងលំនៅដ្ឋាន ការវិនិយោគទុន និងការគ្រប់គ្រងអចលនទ្រព្យ​ពាណិជ្ជកម្ម។  Agile Sky Residences Residence ត្រូវបានរចនាដោយលោក Patrick Leung អ្នករចនាផ្ទៃខាងក្នុងដ៏ល្បីល្បាញមួយ​រូប​មកពីហុងកុង ដែលបានឈ្នះពានរង្វាន់អន្តរជាតិជាង ២០០ ពានរង្វាន់។ចូលរួម​​ជាមួយ​គម្រោង  Agile Sky Residencesគម្រោង  Agile Sky Residences បានចាប់ផ្តើមសាងសង់ហើយ។ មិនយូរទេ​គម្រោង​នេះ​នឹង​ត្រូវ​បាន​បញ្ចប់​។  ការបញ្ចប់គម្រោងទាំងមូល និងការប្រគល់លំនៅដ្ឋាន​​គ្រោង​នឹង​ធ្វើ​ឡើង​នៅឆ្នាំ ២០២២ ។គម្រោងនេះគឺជាជម្រើស​ដ៏ឆ្លាតវៃសម្រាប់មនុស្ស​គ្រប់​រូប​នៅក្នុង​ទីផ្សារអចលនទ្រព្យនៅរាជ​ធានី​ភ្នំពេញ។ លំនៅដ្ឋានដ៏អស្ចារ្យ​នេះ​អាចលក់ចេញយ៉ាងងាយស្រួលមុនពេលគម្រោង​ត្រូវ​បញ្ចប់។ សូម​កុំឱកាស​នេះ​កន្លង ​ហួសឲ្យ​សោះ​។សូមផ្ញើសារ ឬទូរស័ព្ទមកយើងនៅ​ថ្ងៃនេះដើម្បីស្វែងយល់បន្ថែមអំពីគម្រោង  Agile Sky Residences៕ស្វែងរកអចលនទ្រព្យសម្រាប់ជួលនៅភ្នំពេញ ឬអចលនទ្រព្យសម្រាប់លក់នៅភ្នំពេញនៅថ្ងៃនេះ!

រាជធានីភ្នំ​ពេញជាទីក្រុងដែលមានភាពចម្រុះ និងសក្តានុពល​ដែលមានផ្តល់ជូន​សេវា​ម្ម​ យ៉ាងច្រើន។ ទោះយ៉ាងណាក៏ដោយ ច្បាស់ណាស់ថារាជធានីមួយ​នេះកំពុងខ្វះខាតសួន និងទីធ្លាសាធារណៈផ្សេងទៀត។ក្នុងទីក្រុង​មានតំបន់មួយចំនួនប៉ុណ្ណោះដែលមនុស្សអាចប្រមូលផ្តុំ និងទំនាក់ទំនងសង្គមបាន។ ទាំងនេះរួមមានផ្លូវ​តាមបណ្តោយមាត់ទន្លេ មហាវិថីព្រះសុរាម្រឹត និងមហាវិថីសហព័ន្ធរុស្ស៊ី។ កន្លែងទាំងនេះមាន​មនុស្ស​ច្រើន​នៅពេលដែលព្រះអាទិត្យចាប់ផ្តើ​ម​លិច។ មានក្មេងៗមកដើរ​លេង ក្មេងជំទង់ជិះក្តារស្គីលេង រីឯមនុស្សពេញវ័យវិញ​ហាត់ប្រាណ ដោយ​ការ​លេងវាយសី ឬរាំតាមចង្វាក់រាំរែកជាដើម​។តាមពិតប្រជាប្រិយភាពនៃតំបន់ទាំងនេះនៅក្នុងរាជធានីភ្នំពេញបង្ហាញថាមានតម្រូវការខ្ពស់។ មនុស្សចង់ចេញក្រៅហើយចូលរួមក្នុងសកម្មភាពផ្សេងៗ។ អាចនិយាយបានថាសួនកុមារ និងសួនសាធារណៈដើរតួនាទីយ៉ាងសំខាន់ក្នុងជីវិតរស់នៅ​របស់សហគមន៍ក្នុង​មូលដ្ឋាន។ កន្លែងទាំងនោះ​ជួយ​លើកកម្ពស់ទាំងសុខុមាលភាពផ្លូវចិត្ត និងរាងកាយ។ទីធ្លាសាធារណៈ​ទៅ​ជារបស់​ឯកជនជាមួយនឹងអត្ថប្រយោជន៍ទាំងនេះ អ្នកអភិវឌ្ឍន៍អចលនទ្រព្យជាច្រើនកំពុងដាក់បញ្ចូលទីធ្លារួមនៅក្នុងការរចនាគម្រោងរបស់ពួកគេ។ ការអភិវឌ្ឍន៍ដែលពេញនិយមបំផុតនៅក្នុងរាជធានីរួមមានទីធ្លាសម្រាប់លក់រាយ និងផ្លាហ្សា។គេអាចឃើញមានដូចជាគម្រោង Urban Village ដែលបានបង្កើតសួនធម្មជាតិនៅក្នុងនោះដែរ  រួមទាំងសួនកុមារ និងកន្លែងសកម្មភាពនានានៅក្នុងបរិវេណគម្រោងនេះ។ ការដាក់បន្ថែមគំនិតថ្មីនេះជាធម្មតាមាននិន្នាការផ្តោតលើសហគមន៍រស់នៅបែបធម្មជាតិ។ គម្រោងដែលមានភាពច្នៃប្រឌិតពិតប្រាកដកំពុងផ្តល់នូវទីធ្លាសាធារណៈ អតិបរមាដើម្បីធានាបាននូវលទ្ធផលល្អបំផុតសម្រាប់អ្នករស់នៅ និងអាជីវកម្ម នៅក្នុងគម្រោងទាំងមូល។ ទោះបីមានភាពខ្វះខាតទីធ្លាសាធារណៈក៏ដោយ ក៏តំបន់ដែលអភិវឌ្ឍដោយក្រុមហ៊ុនឯកជននៅ ក្នុងរាជធានីភ្នំពេញកំពុងបោះជំហានទៅមុខដើម្បីរៀបចំការអភិវឌ្ឍទីក្រុង។ ទីធ្លាទាំងនេះ កំពុងបំពេញតម្រូវការសម្រាប់​ប្រជាជនក្នុងការធ្វើទំនាក់ទំនងសង្គម និងជួយបង្កើត សហគមន៍នៅក្នុងទីក្រុងរបស់ពួកគេ។ ហើយមិនត្រឹមតែការអភិវឌ្ឍលំនៅដ្ឋានប៉ុណ្ណោះទេ វាក៏បានផ្តល់អត្ថប្រយោជន៍ជាច្រើន​ផងដែរ។ ផ្សារទំនើបកំពុងរីកចម្រើន​ដោយបង្កើតទីធ្លា សាធារណៈនៅជាប់នឹងហាងលក់រាយ។ តំបន់ចំនួនពីរ TK Avenue ទួលគោក និងផ្សារទំនើប​ណូរ៉ូ ដែល​នឹង​បង្កើត​ឡើង​ឆាប់​ៗក៏​ជាផ្នែក​មួយ​សំខាន់​ផងដែរ។យើងគ្រប់​គ្នាបានដឹងអំពីទឹកជំនន់ដ៏ធំដែលបានវាយប្រហារខេត្តព្រះសីហនុក្នុងរយៈពេលប៉ុន្មានសប្តាហ៍ចុងក្រោយនេះ។ រីឯប្រទេស​ជិតខាង​វិញ ទីក្រុងបាងកករបស់​ប្រទេសថៃ សួន​សាធារណៈជាឆ្អឹងខ្នង​នៃយុទ្ធសាស្ត្រការពារទឹកជំនន់របស់ពួកគេ។ ការសិក្សាបង្ហាញថាដើមឈើជួយ​កាត់បន្ថយផលប៉ះពាល់កំដៅនៃទីក្រុងបានច្រើន និងអាចកាត់បន្ថយសីតុណ្ហភាពព័ទ្ធជុំវិញបានដល់ ១៥ អង្សាសេ។គោលគំនិតសំខាន់ៗចំនួនបីសម្រាប់ការកែលម្អទីធ្លាសាធារណៈក្នុងទីក្រុងភ្នំពេញក្រុមហ៊ុន COLE  ជាក្រុមហ៊ុន​ស្ថាបត្យកម្ម និងឌីហ្សាញ ដែលមានមូលដ្ឋាននៅទីក្រុងភ្នំពេញ ដែលបានចាប់អារម្មណ៍ក្នុងការជំរុញការអភិវឌ្ឍទីធ្លា​សាធារណៈនៅក្នុងទីក្រុង។ ជាមួយនឹងបញ្ហាទាំងអស់ខាងលើនេះ ក្រុមហ៊ុន COLE បានបំផុសនូវគំនិតចំនួនបី (ប្លែកគេបន្តិច) សម្រាប់បង្កើតទីធ្លាបៃតង បន្ថែមទៀតនៅក្នុងរាជធានី៖១. ដាំដើម​ឈើ​ជារបងវត្តសាកស្រមៃមើលបើយើងរុះរបងជុំវិញវត្ត​សំខាន់ៗទាំងនេះចេញ​ហើយដាក់​ជំនួសមកវិញ​ដោយដើមឈើ តើល្អកម្រិតណា។ ការធ្វើបែបនេះ​អាចផ្តល់កន្លែង​​ដ៏អស្ចារ្យសម្រាប់​មនុស្ស​អង្គុយលេង និងរីករាយជាមួយ​ជីវិតតាមដងផ្លូវ​ដែល​មានសភាពអ៊ូអរ។សូមពិនិត្យមើលផែនទីខាងលើដែលយើងបានដៅ​វត្តសំខាន់ៗ​មួយចំនួននៅក្នុងទីក្រុង។ ការដាំដើមឈើ​ជារបងវត្ត​​​តាម​សង្កាត់ភាគច្រើន​នាំឲ្យ​មានទីធ្លា​សាធារណៈផ្ទាល់ខ្លួន។២. បង្កើតផ្លូវថ្មើរជើងផ្លូវលេខ ២៤០ នឹងក្លាយជាតំបន់អាទិភាពសម្រាប់អ្នកថ្មើរជើង។ អាចធ្វើទៅបានដោយបង្កើតផ្លូវថ្មើរជើងបៃតងរវាងព្រះបរមរាជវាំង និងវិមានឯករាជ្យ។ អ្នកទេសចរ និងភ្ញៀវក្នុងស្រុកអាចឆ្លៀតឱកាសដើរលម្ហែបានតាមផ្លូវសងខាងនេះ។៣. ការបង្កើតតំបន់រួមសម្រាប់ស្ថានទូតការបង្កើតតំបន់ថ្មីសម្រាប់ស្ថានទូតនឹងជួយរំដោះដីសំខាន់ៗដែលមានទេសភាពស្រាប់។ ការធ្វើបែបនេះអាចបន្ថែមទាំងសួនតូចៗ និងសួនទីតាំងនៅកណ្តាលក្រុងធំៗសម្រាប់អ្នករស់នៅភ្នំពេញទាំងអស់ទទួលបានភាពរីករាយ។គុណប្រយោជន៍មួយទៀតនៃការបង្កើតតំបន់ថ្មីសម្រាប់ស្ថានទូតគឺការធ្វើឱ្យមានភាពស្រស់ថ្លាឡើងវិញនៃតំបន់ដាច់ស្រយាលមួយនៃទីក្រុង ដែលនឹងនាំឱ្យមានមនុស្សកាន់តែច្រើនហើយអាជីវកម្មនៅទីនោះនឹងរីកចម្រើនផងដែរ៕ ស្វែងរកអចលនទ្រព្យសម្រាប់ជួលនៅភ្នំពេញ ឬអចលនទ្រព្យសម្រាប់លក់នៅភ្នំពេញនៅថ្ងៃនេះ!

លំហូរនៃការវិនិយោគជំរុញដល់សកម្មភាពអភិវឌ្ឍគម្រោងធំៗនៅក្នុងទីក្រុងឲ្យពុះកញ្ជោលឡើងខ្លាំងក្នុងឆ្នាំបន្តបន្ទាប់ក្នុងរយៈជិតមួយទស្សវត្សរ៍ចុងក្រោយ។ ត្រឹមឆមាសទី១ ឆ្នាំ២០១៩ គម្រោងដែលមានទឹកប្រាក់វិនិយោគចំនួន ៥.២ ពាន់លានដុល្លារត្រូវបានអនុម័ត។ ចំនួននេះកើនឡើង ៤៨.៥ ភាគរយបើប្រៀបធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមក្រុមប្រឹក្សាអភិវឌ្ឍន៍កម្ពុជា (CDC)។ ជាការពិតណាស់ កំណើនសកម្មភាពវិនិយោគបែបនេះ វាបញ្ជាក់ថាវិនិយោគិនមើលឃើញពីសក្តាពលនៃតម្រូវការអចលនទ្រព្យ ឬអាចនិយាយបានថាវិសាលភាពនៃការទិញ-លក់ និងជួលអចលនទ្រព្យ នៅក្នុងប្រទេសកំពុងមានដំណើរការប្រសើរឡើងជាងមុន។ លោក ឡុង គឹមសួគ៌ នាយកប្រតិបត្តិរបស់ក្រុមហ៊ុន Century 21 Advanced Property ដែលជាក្រុមហ៊ុនផ្តោតលើទិញ-លក់ និងជួលនៅក្នុងក្រុងបានឲ្យដឹងថា ការទិញលក់អចលនទ្រព្យនៅក្នុងទីក្រុងភ្នំពេញនៅពេលបច្ចុប្បន្នមានដំណើរប្រសើរឡើងជាបន្តបន្ទាប់។ លោកមើលឃើញថា អ្នកទិញមកក្រៅប្រទេសបានបន្តហូរចូលមកកម្ពុជារួមមាន ចិន កូរ៉េ សិង្ហបុរី និងអឺរ៉ុបជាដើម។ ចំណែកអ្នកក្នុងស្រុកក៏មានតម្រូវការកាន់តែច្រើន។ ការទិញលក់អចលនទ្រព្យមិនទៀតទាត់ទោះយ៉ាងណាលោកកត់សម្គាល់ឃើញថាការទិញលក់ ឬជួលពីអតិជនថិជនមិនមែនតែងតែកើនឡើងជានិច្ចនោះទេ។ មានន័យថាការឡើងចុះគឺអាស្រ័យទៅតាមកត្តាជះឥទ្ធិពលផ្សេងៗ។  លោក បញ្ជាក់បន្ថែមថា ជាក់ស្តែងនៅរយៈពេលចុងក្រោយ ការជួលអចលនទ្រព្យហាក់ថមថយបន្តិច [សម្រាប់ក្រុមហ៊ុនរបស់លោក] ដោយលោកបានពន្យល់ថាប្រការនេះប្រហែលអាចបណ្តាលមកពីកត្តាតម្លៃ ជួលថ្លៃនៅក្នុងក្រុង ខណៈអ្នកស្នាក់នៅជាជនជាតិបរទេស ពិសេសប៉ែកអឺរ៉ុបបានធ្លាក់ចុះ។ លោកគឹមសួគ៌ជឿថាការទិញលក់ និងជួលកើនឡើង ឬថយចុះ [មិនទៀតទាត់] វាជានិន្នាការទូទៅនៅ ក្នុងទីផ្សារ។​ លើកឡើងជាគោលការណ៍រួមលោកគឹមសួគ៌បានបង្ហាញពីមូលហេតុសំខាន់ៗមួយចំនួន ដែលមានជះឥទ្ធិពលលើប្រតិបត្តិការទីផ្សារ ដូចជា កត្តានយោបាយ និងសេដ្ឋកិច្ច ដែលជារឿងត្រូវយកបានចិត្តទុកដាក់ខ្ពស់ពីអ្នកវិនិយោគ និងអ្នកទិញអចលនទ្រព្យ។បើនិយាយដោយចំពោះវិញ គម្រោងនីមួយៗ អាចទទួលបានអ្នកទិញ-ជួលច្រើន ឬ​តិចអាស្រ័យទៅលើ ទីតាំង ឬតំបន់វិនិយោគថាឆ្ងាយ ឬជិតក្រុង ការហូរចូលគម្រោងថ្មីៗ ដែលបន្ថែមការផ្គត់ផ្គង់ ផ្តល់នូវជម្រើសកាន់តែច្រើនសម្រាប់អ្នកទិញ និងការអភិវឌ្ឍន៍ធំ ដែលមានឥទ្ធិពលស្រូបយកចំនួនប្រជាជន [តួយ៉ាងផ្សារអ៊ីអន]។ នេះជាការបញ្ជាក់របស់លោក គឹមសួគ៌។ អ្នកស្រី តាំង ហួរ ជានាយិកាក្រុមហ៊ុនអចលនទ្រព្យ Amatak Property Service ក៏មើលឃើញប្រហាក់ ប្រហែលនឹងលោក គឹមសួគ៌ដែរ។ អ្នកស្រីនិយាយថាបើមើលជារួមការទិញលក់​ និងជួលនៅក្នុងក្រុង នៅពេលបច្ចុប្បន្នបានថយចុះបន្តិចធៀបនឹងឆ្នាំមុន។ ហើយការបន្ថែមចំណែកទីផ្សារ[ កាផ្គត់ផ្គង់]កាន់ តែច្រើនអាចមូលហេតុចម្បងមួយ ធ្វើឲ្យការទិញលក់​ និងជួលអចលនទ្រព្យនីមួយៗ នៅក្នុងក្រុងថយចុះ។ ទោះយ៉ាងណាសម្រាប់ក្រុមហ៊ុនរបស់លោកស្រី ប្រតិបត្តិការនៅតែមានដូចធម្មតា និងពេលខ្លះមិនអាចរកអចលនទ្រព្យបានតាមតម្រូវការនោះទេ។ អ្នកស្រីលើកឡើងថា “មានអតិថិជនស្វែងរកអចលនទ្រព្យនៅក្នុងក្រុងជាដីធំៗនៅតំបន់បឹងកេងកង១ ទន្លេបាសាក់ ផ្លូវមុនីវង្ស និងជិតសណ្ឋាគារណាហ្គាវើលជាដើម ប៉ុន្តែខ្ញុំមិនមានដីអោយអតិថិជនទេ ម្យ៉ាងទៀតដីក្នុងក្រុងក៏ មានតម្លៃថ្លៃខ្ពស់គួរសមដែរ។”  ស្របពេលប្រតិបត្ដិការហាក់ថយចុះបន្តិចនៅក្នុងក្រុង ប៉ុន្តែនៅក្រៅក្រុងវិញ ការទិញលក់នៅតែមាន ច្រើន។ អ្នកស្រីតាំងហួរ មើលឃើញថាគម្រោងបុរី វីឡា ផ្ទះអាជីវកម្មនៅតាមជាយក្រុងកំពុងត្រូវប៉ាន់។ តម្រូវការសម្រាប់ផ្ទះទាំងនេះនៅមានអតិថិជនទិញយ៉ាងផុសផុល ពិសេសតាមរយៈផែនការបង់រំលស់ ផ្ទាល់ជាមួយគម្រោង វាជាកត្តាជំរុញដល់ការទិញលក់ឲ្យកាន់តែប្រសើរឡើងនៅពេលបច្ចុប្បន្ននេះ៕  ស្វែងរកអចលនទ្រព្យសម្រាប់ជួលនៅភ្នំពេញ ឬអចលនទ្រព្យសម្រាប់លក់នៅភ្នំពេញនៅថ្ងៃនេះ!

គម្រោងថ្មីមួយបានបើកសម្ពោធនៅក្នុងទីក្រុងភ្នំពេញ ក្នុងគោលបំណងបង្កើតជាទីសម្គាល់ដ៏លេចធ្លោមួយនៅក្នុងរាជធានីភ្នំពេញ។ គម្រោងនេះមានឈ្មោះថា​ Huibang Huangshan International។ កាលពីដើមខែសីហាកន្លងទៅ Huibang Huangshan International បានរៀបចំពិធីសម្ពោធបើក គម្រោងរបស់ខ្លួននៅក្នុងរាជធានីភ្នំពេញ។ កម្មវិធីនេះមានការអញ្ជើញចូលរួមដោយលោកឧកញ៉ា ហ៊ុន តូ ឧកញ៉ា ជា សឿន អ្នកស្រី ហ៊ុន ឡេង និងភ្ញៀវកិត្តិយសសំខាន់ៗជាច្រើននាក់ផ្សេងទៀត។ ពិធីសម្ពោធនេះត្រូវបានរៀបចំឡើងជាលក្ខណៈអាកាសចរណ៍ ដោយភ្ញៀវដែលបានចូលរួមទាំងអស់ជិត ៣០០​​ នាក់ បានដើរឆ្លងកាត់ផ្លូវយន្ដហោះ ហើយចូលទៅដល់ច្រកឡើងយន្ដហោះ ហើយ​បន្ទាប់មកពួកគេត្រូវបានស្វាគមន៍ដោយអ្នកបំរើលើយន្ដហោះ។ លោក Chao Shen ប្រធានប្រតិបត្តិនៃក្រុមហ៊ុន Huibang International Real Estate បានថ្លែងសុន្ទរកថាបើកកម្មវិធីនាពេលរាត្រីនោះទៅកាន់អ្នកចូលរួមដ៏ច្រើន។ លោក  Chao បានលើកឡើងថា យើងកំពុងជំរុញជំហាននៃការអភិវឌ្ឍអចលនទ្រព្យនៅទីក្រុងភ្នំពេញឲ្យកាន់តែប្រសើរ។ យើងមានបំណងនាំយកលំនៅដ្ឋានបែបអន្តរជាតិ និងគុណភាពខ្ពស់ឲ្យកាន់តែច្រើនថែមទៀតសម្រាប់ប្រជាជនរាប់ម៉ឺនគ្រួសារ ហើយក្រុមហ៊ុន Huibang Huangshan Internationalនឹងដឹកនាំគំនិតថ្មីនេះ។ព័ត៌មានលម្អិតអំពីក្រុមហ៊ុន Huibang Huangshan Internationalគម្រោងដែលទើបសម្ពោធថ្មីស្ថិតនៅក្នុងតំបន់អភិវឌ្ឍជាងគេ និងពេញនិយមជាងគេនៅក្នុងទីក្រុងភ្នំពេញ។ ជាមួយទីតាំងនៅសង្កាត់ទន្លេបាសាក់ គម្រោងនេះត្រូវបានព័ទ្ធជុំវិញដោយស្ថានទូត ក្រុមហ៊ុនផ្ដល់សេវាកម្មអន្ដរជាតិផ្សេងៗ ភោជនីយដ្ឋាន និងលំនៅដ្ឋានជាច្រើនផ្សេងទៀត។ លើសពីនេះទៅទៀតនៅជុំវិញតំបន់សម្បូរដោយតំបន់ទេសចរសំខាន់ៗរបស់ទីក្រុង។ តំបន់ទាំងនេះរួមមាន៖ វិមានឯករាជ្យ  ព្រះបរមរាជវាំង សារមន្ទីរជាតិ វត្តភ្នំ ផ្សារកណ្តាល​ ផ្សារទួលទំពូង និងសារមន្ទីរប្រល័យពូជសាសន៍ទួលស្លែងជាដើម។ ក្រៅពីនេះ​ក៏មានស្ថាប័នរដ្ឋធំៗ ចំនួន ៦ នៅតំបន់ជុំវិញនោះដែរ។បន្ថែមលើសពីនេះទៀត តំបន់នេះក៏មានផ្សារទំនើបលំដាប់ខ្ពស់ សណ្ឋាគារប្រណិត សាលារៀនអន្តរជាតិ និងមន្ទីរពេទ្យផងដែរ។ កោះពេជ្រដែលជាកន្លែងមួយក្នុងចំណោមទីតាំងអាជីវកម្ម ដែលកំពុងរីកចម្រើនយ៉ាងឆាប់រហ័សគឺនៅជាប់នឹងតំបន់នេះផងដែរ។ សេវាកម្មដែលមាននៅខាងក្រៅក៏ត្រូវបានរៀបចំឲ្យមាននៅខាងក្នុងគម្រោងផ្ទាល់ផងដែរ។ គម្រោង Huibang Huangshan International មានកន្លែងទទួលភ្ញៀវធំទូលាយ [កន្លែងផ្តល់ជូនសេវាកម្ម អតិថិជន] ចំណតរថយន្ត អាងហែលទឹក បន្ទប់ហាត់ប្រាណ ភោជនីយដ្ឋាន ខេធីវី និងក្លឹបលំដាប់ខ្ពស់។ គ្រប់សេវាកម្មទាំងអស់ត្រូវបានដាក់បញ្ចូល ដើម្បីជួយបន្ថែមភាពងាយស្រួល និងលើកកម្ពស់គុណភាពនៃការរស់នៅរបស់ម្ចាស់លំនៅដ្ឋាន៕ ប្រសិនបើអ្នកចង់ស្វែងអចលនទ្រព្យនៅក្នុងទីក្រុងភ្នំពេញ ឬអចលនទ្រព្យសម្រាប់ជួលនៅភ្នំពេញ សូមចូលទៅកាន់ Realestate.com.kh ថ្ងៃនេះ!

តម្លៃឥដ្ឋនៅកម្ពុជាបាន​រក្សា​ស្ថិរ​ភាព​​​នៅ​ជាង​មួយ​ឆ្នាំ​ចុង​​ក្រោយ​នេះ បើ​ទោះ​បី​ជា​តម្រូវ​ការ​សម្រាប់​វិ​ស័យ​សំ​ណង់​នៅ​បន្ត​កើន​ឡើង ដោយសារ​អ្នក​ផលិត​បាន​បង្កើន​ផលិត​កម្ម ហើយ​អាច​ឆ្លើយ​តប​នឹង​កំ​ណើន​តម្រូវ​ការ​​។ នេះ​បើ​យោង​តាម​ពាណិជ្ជ​ករ​​​​ក្នុង​ឧស្សា​ហ​កម្ម​នេះ។យោងតាមលោក ឈាង ស៊ុយហ៊ាង​ ​តំណាងសហ​គម​អ្នក​ផលិត​ឥដ្ឋជាង ១០០ សហ​គ្រាស​នៅស្រុកមុខកំពូលនិងស្រុកខ្សាច់កណ្តាល​ខេត្ត​កណ្តាល​ តម្លៃឥដ្ឋ​បានរក្សា​កម្រិត​ប្រ​ហាក់​ប្រហែល​នៅ​ជាង ១ ឆ្នាំ​កន្លះ​ចុង​ក្រោយគិត​ចាប់​ពី​ខែ​មី​នា​ឆ្នាំ​២០១៨ មក។លោក ស៊ុយហ៊ាង បាននិយាយថាតម្លៃ​ឥដ្ឋនា​ពេល​នេះ​​មានតម្លៃ ៤០០ ដុល្លារក្នុងមួយម៉ឺន​ឥដ្ឋ​ គឺ​មិន​មាន​ការប្រែ​ប្រួល​ទេ​ធាប​នឹង​ដើម​ឆ្នាំ ២០១៨មក។ តម្លៃ​ឥដ្ឋ​នៅ​កម្ពុជា​បានចាប់​ផ្តើម​កើន​ឡើង​ខ្លាំង​នៅ​ចាប់​ពី​ដើម​ឆ្នាំ​២០១៧ ដែល​កាល​នោះ ឥដ្ឋ​មួយ​ម៉ឺន​ដុំ​មាន​តម្លៃ ១៨០ ដុល្លារ។ តម្លៃ​នេះ​បាន​កើន​ដល់ ៣០០ ដុល្លារ​នៅ​ចុង​ឆ្នាំ​២០១៧ ហើយ​បន្ត​កើន​ឡើង​យ៉ាង​ខ្លាំង​ត្រឹម​តែ​ ៣ ខែ​បន្ទាប់​ដែល​ធ្វើ​ឲ្យ​តម្លៃ​ឥដ្ឋ​មួយ​ម៉ឺន​ដុំ​បាន​កើន​ដល់ ៤០០ ដុល្លារ។យោង​តាម​លោក ស៊ុយ​ហ៊ាង កំ​ណើន​តម្រូវការឥដ្ឋ​នៅ​តែ​ខ្លាំង​នៅ​ឆ្នាំ​នេះ ដែល​ការ​បញ្ជា​ទិញ​ភាគ​ច្រើន​បានមកពី​ខេត្ត​​ព្រះសីហនុ កំពត ភ្នំពេញ និងប៉ោយប៉ែត ជា​ទី​ដែល​វិ​ស័យ​សំ​ណង់​កំ​ពុង​មាន​សកម្ម​ភាព​ខ្លាំង។លោក​បន្ត​ថា​៖​«​​ម្ចាស់ឡ​ឥដ្ឋ​ជា​ច្រើន​បាន​ពង្រីក​ការ​ផលិត​។ អ្នក​ដែល​ធ្លាប់​មាន​តែ​ ២ ដំ​បូល​ (ឡ​ផលិត​ឥដ្ឋ​) កាល​ពី​មុន បាន​ដំ​ឡើង​ដល់៤ ដំ​បូង។ អ្នក​មាន​ ៤ កើន​ដល់​ ៦ ដំ​បូល អ៊ីចឹង​ទៅយើង​ផលិត​បាន​ច្រើន​ជាង​មុន​ ហើយ​ទាន់​តម្រូវ​ការ​ដែល​កើន​ឡើង​»។ លោក​បន្ត​ថា៖​«តម្រូវ​ការ​នៅ​បន្ត​កើន​ ហើយ​ពេល​ខ្លះ​ក៏​យើង​ពិ​បាក​ផ្គត់​ផ្គង់​ឲ្យ​ទាន់​ពេល​ដែរ តែ​យើង​សម្រេច​មិន​ដំ​ឡើង​ថ្លៃ​ទេ​ដោយ​សារ​យើង​បង្ការ​កុំ​ឲ្យ​មាន​​ការ​នាំ​ចូល​ឥដ្ឋ​ពី​វៀត​ណាម​មកជំ​នួស​»។លោកស៊ុយហ៊ាងប៉ាន់ស្មានថាបច្ចុប្បន្ននេះមានឡឥដ្ឋប្រមាណ ៣០០ ឡនៅក្នុងប្រទេសកម្ពុជា (បូក​បញ្ចូល​ទាំង​ម្ចាស់​សិប្ប​កម្ម​នៅ​ក្នុង​សហ​គម​របស់​លោក)។ សម្រាប់​សមាជិក​ក្នុង​សហ​គម​អ្នក​ផលិត​ឥដ្ឋ​ស្រុក​មុខ​កំ​ពូល និង​ ស្រុក​ខ្សាច់​កណ្តាល សិប្ប​កម្ម​​នីមួយៗមានសមត្ថភាពធ្វើឥដ្ឋបានយ៉ាងតិច ១០ ម៉ឺន​​ឥដ្ឋក្នុងមួយថ្ងៃ អ៊ីចឹង​អ្នក​ផ្គត់​ផ្គង់​ពី​សហ​គម​នេះ​អាច​ផ្គត់​ផ្គង់​យ៉ាង​ហោច​ណាស់ ១០ លាន​ដុំ​ក្នុង​មួយ​ថ្ងៃ។កម្ពុជានៅតែពឹងផ្អែកលើការនាំចូលសម្ភារៈសំណង់ប្រទេសកម្ពុជាបានមើលឃើញការហូរចូលយ៉ាងច្រើននៃការវិនិយោគផ្ទាល់ពីបរទេស (FDI) ក្នុងរយៈពេលជាង​មួយ​ទសវត្យ​ចុង​ក្រោយ ហើយ​​វិ​ស័យ​អចលនទ្រព្យ សំណង់ និងបដិសណ្ឋារកិច្ចគឺជាវិស័យ​ដែល​ទទួល​បាន​លំ​ហូរ​ចូល​វិនិយោគ​ដ៏​ខ្លាំង​ក្លា​។ផលិ​ត​កម្មឥដ្ឋបាន​ទទួល​អត្ថប្រយោជន៍ពីការរីកដុះដាលនៃសំ​ណង់​អគារ​ផ្សារទំនើប អគារ​ការិយាល័យ ​អគារខុនដូ និងគម្រោង​​ជាច្រើនទៀត។ក្នុងរយៈពេល ៦ ខែដំ​បូង​ឆ្នាំនេះ ក្រសួងរៀបចំដែនដីនគរូបនីយកម្មនិងសំណង់ (MLMUPC) បានអនុម័តគម្រោងសាងសង់ចំនួនជាង ២,០០០ គម្រោងដែលមានទឹកប្រាក់វិនិយោគប្រមាណជាង ៣,៣ ពាន់លានដុល្លារ។លោក ជីវ ស៊ីវផេង អ្នកគ្រប់គ្រងទូទៅនៃសមាគមអ្នកសាងសង់កម្ពុជាបានមានប្រសាសន៍កាលពីថ្ងៃចន្ទថាស្ថិរភាពសេដ្ឋកិច្ច កំ​ណើន​ការវិនិយោគផ្ទាល់ពីបរទេស និងវឌ្ឍនភាពអចលនទ្រព្យបានរួមចំណែកធ្វើឱ្យមានតម្រូវ​ការ​សម្ភារៈ​​សំណង់​កាន់តែច្រើនឡើង។ទោះយ៉ាងណាលោកបានកត់សម្គាល់ថាប្រទេសកម្ពុជានៅតែពឹងផ្អែកយ៉ាងខ្លាំងលើការនាំចូលសម្ភារៈសំណង់ផ្សេងៗទៀតដូចជាដែកថែប និងផលិត​ផល​តុប​តែង​ផ្នែកខាងក្នុង។លោក​ថ្លែង​ថា​៖​«​យើងរំ​ពឹង​ថា​ផលិតកម្មក្នុងស្រុករបស់យើងនឹង​រីកចម្រើន​ជាងនេះ​ ដូច្នេះយើងនឹង​អាចរក​ផលិត​ផល​​ក្នុងស្រុកបានកាន់តែច្រើនសម្រាប់​វិ​ស័យ​សំ​ណង់​ និងកាត់​បន្ថយ​ការ​ពឹងផ្អែក​លើការនាំចូល»៕ស្វែងរកអចលនទ្រព្យសម្រាប់លក់នៅក្នុងទីក្រុងភ្នំពេញ និងអចលនទ្រព្យសម្រាប់ជួលនៅក្នុងទីក្រុងភ្នំពេញនៅថ្ងៃនេះ!

គម្រោង The Gateway​ ដែលស្ថិតនៅក្នុងតំបន់ទួលគោកនៃទីក្រុងភ្នំពេញបានកំពុងឈាន ដល់ចំណុចរបត់ថ្មីមួយសម្រាប់ទីផ្សារអចលនទ្រព្យនៅក្នុងទីក្រុងភ្នំពេញ។ ថ្មីៗនេះជាន់លើបង្អស់នៃអគារត្រូវបានសាងសង់រួចរាល់​។ ចំណែកការប្រគល់ផ្ទះរំពឹងថានឹងធ្វើនៅក្នុងខែធ្នូចុងឆ្នាំនេះ ហើយអគារ ៨០% នៃយូនីតត្រូវបានលក់រួចរាល់។ ដើម្បីរំលឹកដល់ការបញ្ចប់ការសាងសង់ដំណាក់កាលចុងក្រោយនេះ គម្រោង The Gateway ផ្តល់ជូន ការបញ្ចុះតម្លៃពិសេសរហូតដល់ ៣% ចំពោះអតិថិជនដែលមកកាន់ការិយាល័យលក់ដោយផ្ទាល់​ ហើយការបញ្ចុះតម្លៃនេះមានរហូតដល់ចុងខែសីហានេះ។​ សូមកុំឲ្យឱកាសដ៏ពិសេសនេះកន្លងផុតទៅឲ្យសោះ!អគារអភិវឌ្ឍន៍ចម្រុះដ៏សម្បូរបែបនេះស្ថិតនៅតំបន់ប្រជុំជនក្នុងទីក្រុងមានទីតាំងនៅលើផ្លូវសហព័ន្ធរុស្សី ដែលជាតំបន់បណ្តុំទៅដោយអភិជនប្រកបទៅដោយជីវិតរស់នៅស៊ីវីល័យលំដាប់អន្តរជាតិ។គម្រោងThe Gateway មានអគារលំនៅដ្ឋានកម្ពស់ ៣៩ ជាន់ ជាមួយលំនៅដ្ឋានសរុប ៥៧២ យូនីត និងអគារការិយាល័យកម្ពស់ ៣៦ ជាន់ ដែលមានការិយាល័យសរុបចំនួន ២៩៩ យូនីត។ យូនីតខុនដូមានចាប់ពី ១ ​ទៅ ៣ បន្ទប់គេង ក្នុងនោះមានទំហំចាប់ពី ៥២ ម៉ែត្រការ៉េ ទៅ ១១០ ម៉ែត្រការ៉េ​។ ចំណែកតម្លៃមានចាប់ពី​ ១៦៧,០០០ ដុល្លារឡើងទៅ។  ម្ចាស់លំនៅដ្ឋានអាចទទួលបាន សេវាកម្មដែលមានស្រាប់​ដូចជា ផ្សារទំនើប ២ ជាន់ អគារការិយាល័យ និងផ្សេងៗទៀត។ ជាមួយសេវាកម្មទាំងនេះ The Gateway នឹងក្លាយជាជម្រើសល្អបំផុតសម្រាប់អ្នក។ អគារ Gateway ​ជិតបញ្ចប់ការសាងសង់តាមរយៈសកម្មភាពជាពេលកន្លងមក The Gateway កំពុងសម្រេចបានការបញ្ចប់គម្រោងសាងសង់ដូចដែលធ្លាប់បាននិយាយ។​ ការសាងសង់ជាន់លើបង្អស់ត្រូវបានបញ្ចប់កាលពីពេលថ្មីៗនេះ ហើយការសាងសង់ផ្ទៃខាងក្នុងនឹងបញ្ចប់ឆាប់ៗ។ ការដាក់កញ្ចក់ផ្នែកខាងក្រៅរួចរាល់បានពាក់កណ្តាល ដោយឡែកការរចនាផ្ទៃខាងក្នងនឹងត្រូវសំរេចឲ្យបានឆាប់រហ័ស។ គ្រឿងបរិក្ខារទាំងអស់មានលក្ខណៈទំនើប និងទាន់សម័យ។ នៅក្នុងគម្រោងនេះមានកន្លែងហាត់ប្រាណ អាងហែលទឹក​ កន្លែងអង្គុយលេង កន្លែងសូណា សួនច្បារ និងន្លែងកម្សាន្តជាច្រើនទៀត។ជាការពិតណាស់ គម្រោង The Gateway នឹងបញ្ចប់ការសាងសង់ឆាប់ៗនេះ រីឯការប្រគល់ផ្ទះនឹងធ្វើនៅខែធ្នូក្នងឆ្នាំនេះ។ អតិថិជននឹងទទួលបានសិទ្ធិកាន់កាប់ពេញលេញនៅបន្ទាប់ពី​ការប្រគល់ផ្ទះរយៈពេល ៣ ខែ។ យូនីតនៅក្នងគម្រោង Gateway លក់ដាច់លឿនបំផុតមនុស្សជាច្រើនបានមើលឃើញអត្ថប្រយោជន៏នៃគម្រោងដ៏អស្ចារ្យនេះ។ The Gateway លក់អស់ ៨០% នៃយូនីតសរុប ហើយមកទល់ពេលនេះនៅសល់ជាង ១០០ យូនីតទៀតទេ ដែលនេះជាចំនួនតិចបំផុត។​ ឥឡូវនេះជាឱកាសពិសេសរបស់អ្នកក្នុងការទទួលយកការបញ្ចុះតម្លៃពិសេសពីគម្រោងដ៏អស្ចារ្យមួយនេះ។​បន្ទាប់ពីការផ្សព្វផ្សាយពីកាលបរិច្ឆេទប្រគល់ផ្ទះនេះទៅ  ខុនដូដែលនៅសល់នឹងត្រូវបានលក់ដាច់យ៉ាងឆាប់រហ័ស។ សូមមកកាន់ការិយាល័យលក់របស់ Gatewayដោយផ្ទាល់ ដើម្បីទទួលយកព័ត៍មានលម្អិតទាក់ទងបញ្ចុះតម្លៃដ៏អស្ចារ្យនេះ៕ស្វែងរកអចលនទ្រព្យសម្រាប់លក់នៅក្នុងទីក្រុងភ្នំពេញ និងអចលនទ្រព្យសម្រាប់ជួលនៅក្នុងទីក្រុងភ្នំពេញនៅថ្ងៃនេះ!