កាលបរិច្ឆេទបញ្ចប់ការសាងសង់ជាស្ថាពរ ខែមិថុនា ឆ្នាំ២០២២គម្រោង ផាក ២១ រេស៊ីឌិន (PARC 21 Residence) ដែលជាការអភិវឌ្ឍន៍លំនៅដ្ឋានថ្មីមួយនៅក្នុងខណ្ឌចំការមន កំពុងដំណើរការសាងសង់របស់ខ្លួនជារៀងរាល់ថ្ងៃទោះបីមានជំងឺកូវីដ១៩ក៏ដោយ និងគ្រោងបញ្ចប់ការសាងសង់នៅ ក្នុងខែមិថុនា ឆ្នាំ២០២២ ខាងមុននេះ ។ បច្ចុប្បន្នគម្រោងនេះកំពុងសាងសង់បញ្ចប់នៅជាន់ទី២១ ហើយបានចាប់ផ្តើម ធ្វើការសាងសង់អាងហែលទឹក និងសម្ភារៈប្រើប្រាស់ផ្សេងទៀតដែលស្ថិតនៅជាន់លើអាកាសរបស់ខ្លួន ។សន្ទុះគាំទ្រពីអតិថិជនទោះស្ថិតក្នុងកាលៈទេសៈកូវីដ១៩គម្រោង ផាក ២១ រេស៊ីឌិន នៅតែបន្តប្រមូលបានការលក់របស់ខ្លួនបានយ៉ាងល្អប្រសើរ ដោយអត្រាការលក់បានកើន ឡើងគិតត្រឹមខែកក្កដា ឆ្នាំ២០២១ ។ លោកអ្នកអាចទស្សនាបន្ទប់គំរូដែលដាក់តាំងបង្ហាញអំពីគម្រោង ផាក ២១ រេស៊ីឌិន នៅក្នុងផ្សារទំនើប The Point តាមបណ្តោយផ្លូវម៉ៅសេទុង ។គម្រោង ផាក ២១ រេស៊ីឌិន ត្រូវបានវិនិយោគដោយវិនិយោគិនអន្តរជាតិដែលមានមូលដ្ឋាននៅសិង្ហបុរី និងហុងកុង ។ គម្រោងលំនៅដ្ឋានប្រណិត ផាក ២១ រេស៊ីឌិន សាងសង់ឡើងដោយប្រកាន់ខ្ជាប់នូវទស្សនៈរចនាប័ទ្មបែបសិង្ហបុរីក្រោម ពាក្យស្លោកថា «A city in a garden» ដែលសាងសង់អគារលំនៅដ្ឋាន ផ្អែកលើការរៀបចំបែបផែននៃការរស់នៅបែប ទំនើប និងស៊ីវិល័យដោយមានភ្ជាប់មកជាមួយអាងហែលទឹកលើអាកាសដែលអាចគយគន់ទេសភាពពីជាន់លើអាកាស បាន ។ទោះជាបច្ចុប្បន្នប្រទេសកម្ពុជាកំពុងប្រឈមនឹងជំងឺកូវីដ១៩ក្តី ក៏មិនអាចជាបញ្ហាចោទក្នុងការបញ្ឈប់ការសាងសង់ គម្រោង ផាក ២១ រេស៊ីឌិន (PARC 21 Residence) សម្រាប់អតិថិជននោះដែរ ។ អ្វីដែលពិសេសទៀតនោះគម្រោង ផាក ២១ រេស៊ីឌិន ក៏ផ្តល់ជូននូវការធានាជួលត្រឡប់មកវិញចំនួន ២១% ក្នុងរយៈពេល៣ឆ្នាំ ដែលជាអត្រាប្រកួតប្រជែង ខ្ពស់ដោយផ្អែកលើទំនុកចិត្តរបស់អ្នកអភិវឌ្ឍន៍លើសក្តានុពលទីផ្សារក្នុងការធានាជួលត្រឡប់មកវិញ ។ដោយសារតែគម្រោង ផាក ២១ រេស៊ីឌិន កៀកនឹងបញ្ចប់ការសាងសង់តាមការគ្រោងទុកនៅខែមិថុនាឆ្នាំ២០២២ ខាងមុន វិនិយោគិនអន្តរជាតិមានទំនុកចិត្តខ្ពស់លើការស្ថានភាពជំងឺរាតត្បាតកូវីដ១៩នៅកម្ពុជានឹងត្រូវបានគ្រប់គ្រង បានដោយការបន្តកិច្ចខិតខំប្រឹងប្រែងរបស់រដ្ឋាភិបាលកម្ពុជា ក្នុងការរក្សាស្ថានការណ៍ និងយុទ្ធនាការចាក់វ៉ាក់សាំង ជាដើម ។ ប៉ុន្តែមិនមែនត្រឹមតែវិនិយោគិនបរទេសប៉ុណ្ណោះទេ ដែលទន្ទឹងរង់ចាំសភាពការណ៍ក្នុងប្រទេសកម្ពុជាវិល ត្រឡប់មកដូចដើមវិញ ។ អ្នកស្វែងរកអចលនទ្រព្យនៅកម្ពុជាកំពុងរំពឹងថា អ្វីៗនឹងប្រសើរឡើងនៅក្នុងឆ្នាំ២០២២ ។តម្លៃថ្មី និងការបញ្ចុះតម្លៃពិសេសសម្រាប់ខែសីហា ឆ្នាំ២០២១គម្រោង ផាក ២១ រេស៊ីឌិន បានប្រកាសពីតម្លៃថ្មីសម្រាប់អតិថិជនក្នុងខែសីហា ដោយសារគម្រោងនេះខិតជិតដល់ថ្ងៃ បញ្ចប់ការសាងសង់ ខណៈដែលតម្លៃអាចនឹងកើនឡើងក្រោយពីសាងសង់រួចជាស្ថាពរ ដោយក្នុងឱកាសនេះគម្រោង ផាក ២១ រេស៊ីឌិន មានការបញ្ចុះតម្លៃពិសេសមិនធ្លាប់មានសម្រាប់អតិថិជនដែលបានកក់ក្នុងខែសីហា ឆ្នាំ២០២១ នេះ ។គួរបញ្ញាក់ផងដែរថា ខុនដូ ផាក២១ រេស៊ីឌិន គឺជាគម្រោងខុនដូស្តង់ដាសិង្ហបុរីដែលមានទីតាំងនៅខណ្ឌចំការមន និងត្រឹមតែ២នាទីប៉ុណ្ណោះពីផ្សារទួលទំពូង ដែលជាកន្លែងប្រមូលផ្តុំទៅដោយអាជីវកម្មគ្រប់ប្រភេទ ។ ខុនដូនេះមានសរុប​២១ជាន់ ១៣២បន្ទប់ បែងចែកជាយូនីត៤ប្រភេទខុសៗគ្នាដូចជា ៖ Penthouse បន្ទប់គេង៣ ទំហំ២១១​ ម៉ែត្រការ៉េ, Penthouse បន្ទប់គេង២ ទំហំពី ៩១ ដល់ ៩៤ ម៉ែត្រការ៉េ, អាផាតមិន បន្ទប់គេង ២ ទំហំ ៧៨​ ម៉ែត្រការ៉េ, អាផាតមិនបន្ទប់គេង ១ ទំហំពី ៤២​ ដល់ ៥៤​ ម៉ែត្រការ៉េ និងស្ទូឌីអូ ទំហំ ៣៧​ ម៉ែត្រការ៉េ ។ រីឯតម្លៃលក់វិញគឺរឹតតែ សមរម្យពិសេសទៅទៀត ពោលគឺតម្លៃចាប់ពី $78,980 ឡើងទៅតែប៉ុណ្ណោះ ជាមួយនឹងការផ្តល់ជូនការបញ្ចុះតម្លៃ រហូតដល់៦%បន្ថែមទៀតសម្រាប់ខែសីហានេះ ។ ក្រុមហ៊ុន FazWaz Cambodia ដែលជាដៃគូផ្នែកលក់ផ្តាច់មុខរបស់គម្រោង ផាក ២១ រេស៊ីឌីន កំពុងមានកិច្ចព្រមព្រៀង ជាច្រើនជាមួយអតិថិជនដែលមានទំហំទឹកប្រាក់ចំនួនដល់ទៅជាង៨០០.០០០ដុល្លារលើការលក់ និងមានគម្រោងផ្សេង ទៀតស្ថិតក្នុងដំណាក់កាលចរចាផងដែរ ។ ការបញ្ចុះតម្លៃពិសេសនេះរបស់គម្រោង ផាក ២១ រេស៊ីឌីន រំពឹងថាអាចនឹង ទាក់ទាញអតិថិជនកាន់តែច្រើនដើម្បីទទួលបានឱកាសចំណេញមុនពេលគម្រោងចាប់ផ្តើមឡើងថ្លៃម្តងទៀតនៅខែកញ្ញា ឆ្នាំ២០២១ ៕ចាប់អារម្មណ៍លើលំនៅដ្ឋាន PARC 21 ទេ? សាកសួរព័ត៌មានលម្អិតថ្ងៃនេះមុនពេលតម្លៃឡើងថ្លៃម្តងទៀត !

ប្រទេសកម្ពុជាបច្ចុប្បន្នកំពុងធ្វើដំណើរទៅកាន់យុគសម័យថ្មីលើវិស័យអចលនទ្រព្យដែលកំពុងរីកចម្រើន​ដូចផ្សិតជាបន្តបន្ទាប់ដោយទាញបានវោនិយោគិនក្នុង និងក្រៅស្រុកជាច្រើនបោះទុនអភិវឌ្ឍលើវិស័យដែលមានសក្តានុពលមួយនេះ ។ ជាក់ស្តែងការវិនិយោគលើដីធ្លីមានការកើនឡើងយ៉ាងខ្លាំងធ្វើឱ្យតម្លៃដីកាន់តែឡើងថ្លៃឥតឈប់ឈរ ជាពិសេសដីធ្លីស្ថិតក្នុងរាជធានីភ្នំពេញដែលមានតម្លៃថ្លៃជាងគេស្ថិតក្នុងចំណោមដីធ្លីក្នុងខេត្តដែលមានសក្តានុពលអចលនទ្រព្យផ្សេងៗទៀត ។ ក្រៅពីរាជធានីភ្នំពេញហើយមានខេត្តដែលមានសក្តានុពលអចលនទ្រព្យចំនួន៥ផ្សេងទៀតដែលកំពុងកម្រើកតម្លៃដីធ្លីយ៉ាងខ្លាំង ៖១). ខេត្តព្រះសីហនុបន្ទាប់ពីរាជធានីភ្នំពេញមក «ខេត្តព្រះសីហនុ» ជាខេត្តដែលមានសន្ទុះតម្លៃដីកើនឡើងខ្លាំងដោយសារតែខេត្តមួយនេះសម្បូរទៅដោយវិនិយោគិនចិនជាច្រើនសម្រុកចូល​មកបណ្តាក់ទុនជាច្រើនមិនថាតែលើសំណង់ខុនដូ ផ្ទះសំណាក់ និងការវិនិយោគផ្សេងៗនោះទេ គួបផ្សំជាមួយនេះខេត្តព្រះសីហនុបច្ចុប្បន្នកំពុងតែកែប្រែមុខមាត់ថ្មីជាមួយនឹងការកែលម្អហេដ្ឋារចនាសម្ព័ន្ធ កំពុងផែ និងការរៀបចំលម្អទីក្រុងស្អាតភ្លឹង ធ្វើឱ្យខេត្តដែលមានរហ័សនាមថា «តារារះនាទិសនារតី» មួយនេះកាន់តែទាក់ទាញអ្នកវិនិយោគបានកាន់តែច្រើនឡើងៗ ។២). ខេត្តសៀមរាបបន្ទាប់ពីខេត្តព្រះសីហនុមកគឺ «ខេត្តសៀមរាប» ដែលមានចរន្តដីធ្លី និងសំណង់ខ្លាំងទន្ទឹមគ្នាដែរដោយ​សារ​ខេត្តនោះមានសក្តានុពលខ្លាំងខាងវិស័យទេសចរណ៍ដែលធ្វើឱ្យសំណង់សណ្ឋាគារ ផ្ទះសំណាក់ ផ្ទះល្វែង និងសកម្មភាពពុះដីឡូត៍លក់នៅទីនោះកំពុងមានសកម្មភាពខ្លាំងដូចទីក្រុងធំៗផ្សេងទៀតដែរ ។៣). ខេត្តកំពតក្រោយពីខេត្តសៀមរាបគឺ «ខេត្តកំពត» ជាខេត្តជាប់មាត់សមុទ្រដូចខេត្តព្រះសីហនុដែរ និងមានសក្តានុពលខាងវិស័យទេសចរណ៍ខ្លាំងផងដែរធ្វើឱ្យសកម្មភាពទិញ-លក់អចលនទ្រព្យនៅទីនោះកំពុងកញ្ជ្រោល​ឡើងខ្លាំង ខណៈដែលអ្នកវិនិយោគធំៗជនជាតិខ្មែរ និងជនបរទេសចាប់ផ្តើមបោះទុនសម្រាប់ទិញអចលនទ្រព្យនៅទីនោះដើម្បីទុកលក់បន្ត ឬពុះឡូត៍លក់ស្វែងរកប្រាក់ចំណេញទៅថ្ងៃខាងមុខ ។៤). ក្រុងប៉ោយប៉ែត (ខេត្តបន្ទាយមានជ័យ)ក្រៅពីខេត្តទេសចរណ៍ខាងលើ «ក្រុងប៉ោយប៉ែត» ដែលជាតំបន់ជាប់ព្រំដែនជាមួយប្រទេសថៃក៏វិស័យអចលនទ្រព្យមានសក្តានុពលខ្លាំងដូចគ្នាដែរ ដោយសារវាជាច្រកអន្តរជាតិ និងជាសរសៃឈាមសេដ្ឋកិច្ចដ៏សំខាន់ក្នុងការដឹកជញ្ជូនទំនិញឆ្លងកាត់ព្រំដែនកម្ពុជា-ថៃ ។៥). ក្រុងបាវិត (ខេត្តស្វាយរៀង)បន្ទាប់ពីក្រុងប៉ោយប៉ែត តំបន់ព្រំដែនដែលមានសក្តានុពលមួយទៀតគឺ «ក្រុងបាវិត ខេត្តស្វាយរៀង» ជាច្រកព្រំដែនអន្តរជាតិកម្ពុជា-វៀតណាម ស្ថិតភាគខាងកើតនៃប្រទេសកម្ពុជាដែលបច្ចុប្បន្ន នៅទីនោះក៏មានសកម្មភាពរស់រវើកក្នុងការដឹកជញ្ជូនទំនិញឆ្លងកាត់ព្រំដែន និងជាទីប្រជុំជនដែលមានមនុស្សរស់នៅច្រើន ៕

បើទោះជាវិស័យទេសចរណ៍នៅខេត្តសៀមរាបទទួលរងផលប៉ះពាល់ដោយសារវិបត្តិកូវីដយ៉ាងណាក្ដី ខេត្តសៀមរាបក៏នៅតែបន្តសកម្ម​ភាពរបស់ខ្លួនយ៉ាងសកម្មក្នុងកិច្ចអភិវឌ្ឍន៍ហេដ្ឋារចនាសម្ព័ន្ធក៏ដូចជាទទួលស្វាគមន៍គម្រោងវិនិយោគនានាក្នុងគោលបំណងដើម្បីត្រៀមទទួលភ្ញៀវទេសចរណ៍ក្រោយវិបត្តិកូវីដបញ្ចប់ទៅ ។ខេត្តសៀមរាបកំពុងតែក្លាយជាទិសដៅវិនិយោគអចលនទ្រព្យដ៏ពេញនិយមមួយនៅប្រទេសកម្ពុជាដោយ​​សារតែភាពទាក់ទាញនៃវិស័យទេសចរណ៍ និងតម្លៃដីទាបបើធៀបទៅនឹងតម្លៃដីនៅទីក្រុងភ្នំពេញ ។ លើសពីតំបន់ប្រវត្តិសាស្រ្ត និងរមណីយដ្ឋានធម្មជាតិខេត្តសៀម​រាបពិតជាខេត្តដែលមានការអភិវឌ្ឍន៍គួរឱ្យកត់សំគាល់ ។ ខេត្តសៀមរាបជាខេត្តដែលពោរពេញដោយសក្តានុពលវិនិយោគទេសចរ និងពាណិជ្ជកម្មប្រាកដណាស់វិស័យអចលនទ្រព្យនៅក្នុងខេត្តពិតជាមិនអាចមើលរំលងបានមែន ។តើកត្តាអ្វីខ្លះដែលអាចទាញឱ្យតម្លៃដីក្នុងខេត្តសៀមរាបកម្រើកបាន?*គម្រោងស្ថាបនាផ្លូវ៣​៨​ខ្សែ គម្រោងស្ថាបនា និងកែលម្អផ្លូវចំនួន៣៨ខ្សែក្នុងក្រុងសៀមរាបបានបើកការដ្ឋានសាងសង់ជាផ្លូវការកាលពីព្រឹកថ្ងៃទី៣០ ខែ​វិច្ឆិកា ឆ្នាំ២០២០ ក្រោមអធិបតីភាពសម្តេចតេជោនាយករដ្ឋមន្រ្តី ហ៊ុន សែន ។  ផ្លូវទាំង៣៨ខ្សែនេះមានប្រវែងជាង១០៨គីឡូ​ម៉ែត្រគ្រោងប្រើប្រាស់​ថវិកាជាតិសរុបជាង១៤៩លានដុល្លារ ។ តាម​ការគ្រោងទុកគម្រោងនេះនឹងបញ្ចប់ការសាងសង់នៅចុងឆ្នាំ២០២១ ។ សម្តេច​តេជោបានគូសបញ្ជាក់ថា ការ​​អភិវឌ្ឍហេដ្ឋារចនាសម័្ពន្ធទ្រង់ទ្រាយធំ​បែបនេះនឹងធ្វើឱ្យទីក្រុងសៀមរាបប្រែក្លាយរូបរាងជាទីក្រុងទំនើប និងទេសចរណ៍​ដ៏មាន​សក្តា​​នុពលដែលត្រូវបានកំណត់ជាតំបន់ស្នូលនៃប៉ូល​អភិ​វឌ្ឍ​ជាតិ ។*គម្រោងអាកាសយានដ្ឋានសៀមរាបថ្មីការសាងសង់ព្រលានយន្តហោះអន្តរជាតិសៀមរាបថ្មី AIAI នឹងចំណាយទុនវិនិយោគប្រមាណ ៩០០ លានដុល្លារដែលកំពុងសាង​សង់លើផ្ទៃដីប្រមាណ៧០០ហិកតារួមជាមួយនឹងផ្ទៃដីនៃតំបន់សេដ្ឋកិច្ចពិសេសចំនួន១០០០ហិកតាទៀតផង ។ គម្រោងអាកាសយានដ្ឋានសៀមរាបនេះបានចាប់ផ្ដើមសាងសង់ចាប់តាំងពីថ្ងៃទី១៥ ខែមីនា ឆ្នាំ២០២០ មកម្ល៉េះដោយគ្រោងបញ្ចប់នៅខែមីនា ឆ្នាំ២០២៣ ។​*គម្រោងកែប្រែសោភ័ណភាពនៅតំបន់ទេសចរណ៍​ក្រសួងទេសចរណ៍បានបង្ហាញគម្រោងបង្កើតទីក្រុងសៀមរាបថ្មី មានទីតាំងនៅជិត អាកាសយានដ្ឋានសៀមរាបថ្មី ដែលកំពុងស្ថិតនៅក្រោមការសាងសង់ ស្រុកសូត្រនិគម ខេត្តសៀមរាប ។ គម្រោងទីក្រុងថ្មីនេះ ស្ថិតនៅក្នុងផែនការមេអភិវឌ្ឍន៍វិស័យទេសចរណ៍នៅខេត្តសៀមរាប។*ទីក្រុងសៀមរាបថ្មីនៅស្រុកសូត្រនិគមក្រសួងទេសចរណ៍បានបង្ហាញគម្រោងបង្កើតទីក្រុងសៀមរាបថ្មី មានទីតាំងនៅជិត អាកាសយានដ្ឋានសៀមរាបថ្មី ដែលកំពុងស្ថិតនៅក្រោមការសាងសង់ ស្រុកសូត្រនិគម ខេត្តសៀមរាប ។ គម្រោងទីក្រុងថ្មីនេះស្ថិតនៅក្នុងផែនការមេអភិវឌ្ឍន៍វិស័យទេសចរណ៍នៅខេត្តសៀមរាប ។គម្រោងធំៗទាំងនេះ និងគម្រោងផ្សេងៗទៀតកំពុងធ្វើឱ្យតម្លៃដីធ្លីមានការកើនឡើងក្រោយពីខេត្តសៀម​រាប​ទទួលបានការអភិ​វឌ្ឍន៍​ហេដ្ឋារចនាសម្ព័ន្ធ និងការវិនិយោគជាច្រើនបន្តបន្ទាប់ធ្វើឱ្យខេត្តមួយនេះក្លាយជាប៉ូលសេដ្ឋកិច្ចដ៏សំខាន់មួយរបស់ប្រទេសកម្ពុជា ។យ៉ាងណាក៏ដោយតម្លៃដីថ្លៃបំផុតនៅសៀមរាបស្ថិតនៅក្នុងតំបន់ផាប់ស្រ្ទីតអាចមានតម្លៃរហូតដល់ $300,000 ទៅ $400,000 ឬស្មើនឹង $4,000 ទៅ  $5,000 ក្នុងមួយម៉ែត្រការ៉េ ។ វិថីផាប់ស្ទ្រីត និងតំបន់ស្ថិតនៅជិតនោះគឺជាចំណុចតម្រូវការខ្ពស់បំផុតសម្រាប់អចលនទ្រព្យលក់រាយដ៏ចម្បងនេះជាការផ្លាស់ប្តូរដ៏អស្ចារ្យស្របតាមកំណើនអ្នកទេសចរសម្បូរទ្រព្យធនដែលនាំឱ្យអាជីវកម្មក្នុងតំបន់កាន់តែមានការរីកចម្រើនដែលនាំឱ្យចំណុចសំខាន់សម្រាប់ឧស្សាហកម្មម្ហូបអាហារ និងភេសជ្ជៈមានការលូតលាស់ ។រីឯម្ដុំផ្សារចាស់វិញ មានតម្លៃស្រដៀងគ្នានឹងតម្លៃនៅភ្នំពេញដែលមានតម្លៃចាប់ពី $3000 ទៅ $5000 ដុល្លារក្នុងមួយម៉ែត្រការ៉េ ។ ចំណែកឯនៅផ្លូវស៊ីវុត្ថាមានតម្លៃចាប់ពី $2,000 ទៅ $2,500 ក្នុងមួយម៉ែត្រការ៉េ ។ ក្រលេកមើលតម្លៃដីនៅតាមបណ្តោយផ្លូវជាតិលេខ6មានតម្លៃធូរថ្លៃបន្តិចគឺចាប់ពី $300 ទៅ $150 ក្នុងមួយម៉ែត្រការ៉េ ។វិនិយោគិនក្នុង និងក្រៅស្រុក ជាពិសេសវិនិយោគិនចិននឹងចាក់បញ្ចូលលុយកាន់តែច្រើនចូលក្នុងវិស័យអចលនទ្រព្យទាំងនៅក្នុងខេត្តសៀមរាប និងខេត្តផ្សេងទៀតដូចជាខេត្តព្រះសីហនុ, កោះកុង និងកំពតជាដើម ។ បូកផ្សំជាមួយនឹងគម្រោងទាក់ទាញភ្ងៀវទេសចរណ៍ក្នុងខេត្តសៀមរាបអាចនឹងធ្វើឱ្យតម្រូវការដីធ្លីកាន់តែច្រើនឡើងដើម្បីជម្រុញសេដ្ឋកិច្ចក្នុងស្រុក ។ សេដ្ឋកិច្ចក្នុងស្រុកក្លៀវក្លាគឺជាសញ្ញាវិជ្ជមានសម្រាប់វិស័យអចលនទ្រព្យនៅក្នុងខេត្តសៀមរាប ៕

រូបតំណាងសក្តានុពលនៃវិស័យអចលនទ្រព្យនៅកម្ពុជាកំពុងតែបោះជំហានទៅមុខបន្តិចម្តងៗរហូតអាចទាក់ទាញចំណាប់អារម្មណ៍មិនថា តែវិនិយោគិនក្នុង និងក្រៅស្រុកបោះទុនដើម្បីអភិវឌ្ឍន៍លើវិស័យដែលកំពុងមានប្រជាប្រិយភាពមួយនេះ ។ ស្របពេលកំណើនតម្រូវការកំពុងតែមានតម្រូវការកាន់តែខ្លាំងឡើងធ្វើឱ្យអ្នកវិនិយោគជាច្រើនបណ្តាក់ទុនបើកក្រុមហ៊ុនអចលនទ្រព្យជាបន្តបន្ទាប់ ខណៈវិស័យអចលនទ្រព្យនៅក្នុងប្រទេសកម្ពុជាកំពុងតែឈានទៅរកសញ្ញាណវិជ្ជមានច្រើន ។រូបតំណាងក្នុងនោះផងដែរ ដោយសារតែកំណើនអ្នកអភិវឌ្ឍន៍អចលនទ្រព្យមិនថា តែដីធ្លី គម្រោងផ្ទះបុរី និងខុនដូនោះទេកាន់តែមានការប្រកួតប្រជែងកាន់តែច្រើនឡើងដោយមានអ្នកអភិវឌ្ឍន៍មួយចំនួនប្រកបដោយវិជ្ជាជីវៈត្រឹមត្រូវពិតប្រាកដស្របច្បាប់ ហើយក៏មានជនឆ្លៀតឱកាសមួយចំនួនដែលជាដង្កូវក្នុងសាច់បង្កប់ខ្លួននៅក្នុងវិស័យអចលនទ្រព្យដោយប្រើប្រាស់ល្បិចកលបោកប្រាស់ប្រជាពលរដ្ឋដែលជាអតិថិជនឱ្យរងគ្រោះអស់ជាច្រើននាក់មកហើយ ។បើតាមប្រសាសន៍របស់លោកឧកញ៉ា ម៉ុង ឫទ្ធី ដែលប្រជាជនខ្មែរស្គាល់ថា ជាសេដ្ឋីកសិកម្មនៅក្នុងស្រុកខ្មែរបានណែនាំដល់អ្នកដែលមានបំណងចង់ទិញដីធ្លីអំពីល្បិចឆបោកដែលជាប់ឈ្មោះក្នុងបញ្ជីខ្មៅយ៉ាងដូច្នេះថា ៖«ឃើញអំពើបោកយ៉ាងសាហាវ គឺដីហ្នឹងតម្លៃ១លានដុល្លារឧទាហរណ៍ ដល់បង់លុយឱ្យគេ (ម្ចាស់ដីទី១) ៣០ម៉ឺនដុល្លារ ហើយ៧០ម៉ឺនទៀត នៅពេលដែលគេផ្ទេរកម្មសិទ្ធឱ្យបានបង់...ដល់ប្រជាជនអត់ដឹង ពុះដីឡូត៍លក់ កម្មសិទ្ធនៅម្ចាស់ដើមទេ ដល់ថ្ងៃបង់៧០ម៉ឺនដុល្លារទៀត អ្នកពុះដីឡូត៍អត់មានលុយឱ្យ ម្ចាស់ដើមអត់ឱ្យកម្មសិទ្ធ អញ្ចឹងអ្នកដែលរងគ្រោះគឺអ្នកដែលទៅទិញដីឡូត៍នោះ...រាល់ថ្ងៃដែលធ្ងន់អាហ្នឹងទេរឿងថា ដែលបង់ហើយបានដីឡូត៍មិនអីទេ វាកុនម្ចាស់កម្មសិទ្ធដើមដីឡូត៍ អត់សងលុយម្ចាស់ដីទី១គ្រប់ ចឹងជនគ្រោះគឺអ្នកទី៣ហ្នឹងហើយដែលត្រូវដោះស្រាយ» ។ ក្នុងន័យនេះផងដែរ គម្រោងទាំងមូលនោះជាដីទិញពីគេហើយមិនទាន់បង់លុយដាច់ឱ្យម្ចាស់ដើម អ្នកត្រូវតែប្រុងប្រយ័ត្នព្រោះអាចនឹងមានបញ្ហានៅពេលដែលគម្រោងដីឡូត៍នេះលក់មិនដាច់សោះ ឬលក់ មិនបានគ្រប់ចំនួនលុយដែល ត្រូវយកទៅទូទាត់ ជូនម្ចាស់ដីដើម ឬម្ចាស់ដីដើមរករឿង ដោយសារតែការទូទាត់លុយថ្លៃទិញដីនោះ មានការយឺតយ៉ាវ ឬមិនទៀងទាត់ នាំឱ្យម្ចាស់ដីដើមនោះ មិនសប្បាយចិត្ត បង្អាក់ការអភិវឌ្ឍន៍ ឬបញ្ចប់កិច្ចសន្យាជាមួយម្ចាស់គម្រោង ដែលធ្វើអោយប៉ះពាល់ដល់យើងដែលជាអ្នកទិញដីឡូត៍នោះ ។រូបតំណាងសម្រាប់លោកអ្នកដែលជាអតិថិជនមានបំណងចង់ស្វែងរកទិញអចលនទ្រព្យផ្សេងៗ ជាពិសេសដីធ្លីដោយមុននឹងសម្រេចចិត្តចំណាយថវិការដែលរកបានដោយលំបាកទៅទិញគួរណាពិចារណា និងស៊ើបអង្កេតឱ្យបានល្អិតល្អន់បំផុតចៀសវាងត្រូវក្លាយជាជនរងគ្រោះរបស់ជនខិលខូចដែលដើរលក់គម្រោងខ្យល់នានា ៕

បើក្រឡេកតាមបណ្តោយមហាវិថីសហព័ន្ធរស្ស៊ីចន្លោះកណ្តាលផ្លូវ ២០០៥-២០០៩ ដែលនៅ​ជិត​​​អាកាស​យានដ្ឋានអន្តរជាតិភ្នំពេញបំផុត អ្នកនឹងឃើញការដ្ឋានសាងសង់ដ៏ធំមួយរបស់គម្រោងផ្សារទំនើប សិនជូរី ផ្លាហ្សាថ្មី ដែលជា​ផ្សារទំនើបចម្រុះដំបូងគេបំផុតក្នុងរាជធានីភ្នំពេញដែលត្រូវបានអភិវឌ្ឍសាងសង់ឡើងលើទីតាំងចាស់ដែលត្រូវបានកែប្រែរចនាប័ទ្មថ្មីទៅជាផ្សារទំនើបបែបចម្រុះអាជីវកម្មលាតសន្ធឹងក្នុងផ្ទៃក្រឡាទំហំដល់ទៅ១,៤ម៉ែត្រការ៉េ ។ដោយសារតែមើលឃើញពីកំណើនប្រជាជន និងកត្តាការអភិវឌ្ឍន៍ជាច្រើនតាមបណ្តោយមហាវិថី សហ​ព័ន្ធរុស្ស៊ី និងកង្វះខាតផ្សារទំនើបបែបស្តង់ដា ក្រុមហ៊ុន សេនជូរី ហ្គ្រុប ខូអិលធីឌី (CENTURY GROUP CO., LTD.) បានយកទីតាំងនៃ ផ្សារសិនជូរី ផ្លាហ្សាចាស់ បង្កើតទៅជាគម្រោងថ្មីហៅ ឈ្មោះថា «ផ្សារ​សិន​ជូរី ផ្លាហ្សាថ្មី» ឬ «មជ្ឈមណ្ឌលពហុពាណិជ្ជកម្មត្រីកោណមាស» ។គម្រោង​ផ្សារទំនើប​ សិនជូរី ផ្លាហ្សាថ្មី នឹង​សាងសង់​រួចរាល់​ក្នុង​ឆ្នាំ​២០២១នេះ​ ហើយដើម្បី​តបស្នងចំពោះ​ការគាំទ្រ​របស់អតិថិជន​ទាំង​ឡាយគម្រោង​ផ្សារទំនើប ​សិនជូរី​ ផ្លាហ្សា​ បានរៀបចំ​កម្មវិ​ធី​ប្រ​ម៉ូសិនពិសេស​ក្នុង​កំឡុង​ថ្ងៃទី០១​ សីហា​ រហូត​ដល់​ថ្ងៃទី​១០ សីហា ។ អតិថិជន​ទាំង​ឡាយ​ដែល​ជាវតូប​ក្នុង​គម្រោង​ផ្សារទំនើប​ សិនជូរី ​​ផ្លាហ្សា​ ដោយកក់ត្រឹមតែ​១​ពាន់​ដុល្លារនឹង​ទទួល​បាន​ការ​បញ្ចុះ​តម្លៃ​១ពាន់​ដុល្លា​ភ្លាមៗ​​ មិន​​តែ​ប៉ុណ្ណោះថែម​ទាំង​មាន​ការ​បញ្ចុះតម្លៃ​ផ្សេងៗជាច្រើនទៀត​នៅ​រង់ចាំ​លោកអ្នក ។ផ្សារសិនជូរី ផ្លាហ្សាថ្មី ជាប្រភេទផ្សារទំនើបបែបចម្រុះថ្មីដំបូងគេក្នុងរាជធានីភ្នំពេញដែលប្រមូលផ្តុំទៅដោយអាជីវកម្មគ្រប់ប្រភេទ​ដ៏សម្បូរបែបដូចជា ៖ ផ្សារកសិផល, អាហារដ្ឋាន, មជ្ឈមណ្ឌលកំសាន្ត, ហាងលក់ដូរ ​ផលិត​ផលតូចធំជាច្រើន, ការិយាល័យ, តំបន់ពាណិជ្ជកម្ម, Skybar Swimming pool ។ល។*ហេតុអ្វីលោកអ្នកត្រូវទិញតូបក្នុង ផ្សារសិនជូរី ផ្លាហ្សាថ្មី?ស្ថិតនៅលើទីតាំងដែលមានសក្តានុពលស្រាប់ និងថែមទាំងមានអាជីវករក៏ដូចជាអតិថិជនរបស់ ផ្សារស្រាប់តែម្តងជាកត្តាល្អបំផុតសម្រាប់ការបើកអាជីវកម្មថ្មីរបស់លោកអ្នកដោយពុំចាំបាច់ព្រួយបារម្ភក្នុងការតាំងលក់ផលិតផលហើយមិនមានអតិថិជនទិញនោះទេ ។នេះជាឱកាសល្អសម្រាប់លោកអ្នកដែលមានបំណងចង់មានតូបលក់ដូរផ្ទាល់ខ្លួនក៏ដូចជាបើកអាជីវកម្មនានាក្នុងផ្សារទំនើបបែបចម្រុះដំបូងគេដែលប្រមូលផ្តុំទៅដោយអាជីវកម្មចម្រុះគ្រប់ប្រភេទ ពីព្រោះថា សន្ទុះនៃការបើកអាជីវកម្មថ្មីៗកំពុងតែប្រណាំងប្រជែងពីមួយថ្ងៃទៅមួយថ្ងៃបូករួមជាមួយលក្ខណៈពិសេសរបស់ផ្សារសិនជូរី ផ្លាហ្សាថ្មី ដែលផ្សារដទៃទៀតពុំមាននោះ អាចធ្វើឱ្យអាជីវកម្មរបស់លោកអ្នក កាន់តែទទួលបានជោគជ័យខ្ពស់បំផុត ។*ក្រោយពេលទិញហើយទទួលបានអត្ថប្រយោជន៍អ្វីខ្លះ?នៅពេលដែលលោកអ្នកមានតូបក្នុងផ្សារទំនើបបែបចម្រុះរបស់ផ្សារសិនជូរី ផ្លាហ្សាថ្មី លោកអ្នកនឹង ទទួលបានឱកាសសម្រាប់ការពង្រីកសាខារបស់លោកអ្នកបន្ថែម ឬសម្រាប់អ្នកដែលទើបបើកអាជីវកម្ម ថ្មីថ្មោង ដោយសារតែផ្សារមាននូវអាជីវករ និងអតិថិជនស្រាប់ ហើយថែមទាំងមានតែ១គត់តាម បណ្តោយមហាវិថីសហព័ន្ធរុស្ស៊ីដែលស្ថិតនៅក្បែរអាកាសយានដ្ឋានអន្តរជាតិភ្នំពេញថែមទៀត ។លោកអ្នកនឹងទទួលបានការថែទាំពីសំណាក់គណៈគ្រប់គ្រងផ្សារ និងសន្តិសុខយាមកាម២៤ម៉ោងលើ ២៤ម៉ោងដោយមិនចាំបាច់បារម្ភពីសុវត្ថិភាពនៃការបាត់បង់ផលិតផលពីហាងរបស់លោកអ្នក ។ លោកអ្នកចំណាយដើមទុនតែម្តងនឹងទទួលបានតូបលក់ដូរដែលអាចផ្តល់ចំណូលឱ្យលោកអ្នកខ្ចង់រាប់ពាន់ដុល្លារក្នុង១ខែសម្រាប់ពង្រីកអាជីវកម្មរបស់លោកអ្នកឱ្យកាន់តែរីកចម្រើនជាងមុនបន្ថែមទៀត ៕

ភ្នំពេញ ៖ បើយោងទៅតាមគេហទំព័រហ្វេសប៊ុកផេក ផ្លូវការរបស់ក្រុមហ៊ុនអ័រគីដេ ឌីវែលឡុបម៉ិន បានបង្ហាញ​ឱ្យ​ឃើញថា គម្រោងដឹប៊ូតានិច ផាលេស ចាប់ផ្តើមបើកលក់ចាប់ពីថ្ងៃនេះតទៅជាមួយការបញ្ចុះតម្លៃពិសេសរហូតដល់ទៅ ១២% ​រីឯការបង់ប្រាក់ក៏រឹតតែពិសេស និងពុំធ្លាប់មានពីមុនមក ដោយអតិថិជន អាចធ្វើការបង់ប្រាក់ត្រឹមតែ ០.៨% ក្នុងមួយខែរយៈពេល២៤ខែ ពុំមានការប្រាក់ និងពុំមានប្រាក់កក់ ។គម្រោងដឹប៊ូតានិច ផាលេស ដែលមានទីតាំងនៅក្នុងគម្រោងដឹប៊ូតានិចស៊ីធី ជាគម្រោង​ដ៏ពិសិដ្ឋ និងល្អបំផុតរបស់ក្រុមហ៊ុនដែលរួមមានវីឡាប្រណីតៗចំនួន៣ប្រភេទដូចជា ៖វីឡាទោល ដឹ អ៊ីមប្រ៊េស លេក (The Empress Lake) វីឡាទោល ដឹ អ៊ីមប្រ៊េស (The Empress) និង វីឡាភ្លោះ ដឹ អ៊ីមប្រ៊េស (The Empress Twin) ម៉ូតផ្ទះនីមួយៗមានលក្ខណៈពិសេស និងអស្ចារ្យបំផុត ជាប់ផ្ទៃបឹងប៊ូតានិច ដែលមានទេសភាពដ៏ស្រស់បំព្រងជាមួយនឹងសួនច្បារ ដឹផាលេស ដ៏ស្រស់ស្អាត និងចម្រុះពណ៌ នៅពីមុខគេហដ្ឋារបស់លោកអ្នក ។គ្រប់ម៉ូតផ្ទះត្រូវបានរចនាដោយមានការច្របាច់បញ្ចូលគ្នានូវ​សិល្បរចនាបថនាយុគសម័យពីអតីតកាល ជាមួយនឹងភាពស៊ីវិល័​នាពេលបច្ចុប្បន្ន ដែលបង្កើតបានជាលំនៅដ្ឋាន ដ៏សាកសមបំផុតសំរាប់គ្រួសារគ្រប់ជំនាន់ ។ដើម្បីកុំឱ្យឱកាសនេះកន្លងហួសឱ្យសោះសូមប្រញ៉ាប់មកសាកសួរព័ត៌មាននៅការិយាល័យលក់ដែលមានទីតាំងនៅតាមបណ្តោយផ្លូវជាតិលេខ៦អា ចម្ងាយពីស្ពានជ្រោយចង្វារត្រឹមតែ៧គ.ម រួចបត់ឆ្វេងតាមស្តុបអ័រគីដេ ឬទំនាក់ទំនងតាមរយះលេខទូរស័ព្ទ  098 733 333

រូបភាព ៖ CAMSOCរាជធានី​ភ្នំពេញ ៖ តាម​ការ​បញ្ជាក់​របស់​ឯកឧត្តម វ៉ា​ត់ ចំរើន អគ្គលេខាធិការ គណៈកម្មាធិការ​ជាតិ​រៀបចំ​ការ​ប្រកួត​កីឡា​អាស៊ី​អាគ្នេយ៍ លើក​ទី​៣២ ឆ្នាំ​២០២៣ ហៅ​កាត់ គ​.​ជ​.​ប​.​អ (CAMSOC) ដំណើរការ​សាងសង់​កីឡដ្ឋាន​ធំ (Main Stadium) នៃ​ពហុ​កីឡដ្ឋាន​ជាតិ​មរតក​តេ​ជោ​បាន​សម្រេច​ជា​ស្ថាពរ​គ្រប់លក្ខណៈ​សម្បត្តិ​ទាំងអស់ នា​ខែសីហា ឆ្នាំ​២០២១ នេះ ។​ឯកឧត្តម វ៉ា​ត់ ចំរើន ដែល​កំពុង​ទទួល​បន្ទុក​នាយ​បេសកកម្ម​កម្ពុជា កំពុង​ដឹកនាំ​ក្រុម​ប្រតិភូ​-​អត្ត​ព​លិ​ក​កម្ពុជា ចូលរួម​ប្រកួត​កីឡា​អូ​ឡាំ​ពិ​ក ឆ្នាំ​២០២០ នៅ​ទីក្រុង​តូ​ក្យូ ប្រទេស​ជប៉ុន បាន​បញ្ជាក់​តាម​ប្រព័ន្ធ​អន​ឡាញ​ជូន​ថា ៖ «​មក​ដល់​ពេល​នេះ សំណង់​នេះ​បាន​លេច​ចេញ​ជា​សមិទ្ធផល​ពេញ​គ្រប់លក្ខណៈ​សម្បត្តិ​ទាំងអស់ មាន​ន័យ​ថា កាលពី​ពេល​មុន​យើង​នៅ​សេសសល់​ការ​បំពាក់​កៅអី​ខ្លះ​ៗ ទីលាន​រត់​អត្តពលកម្ម និង​ទីលាន​បាល់ទាត់ ប៉ុន្តែ​ឥឡូវនេះ​គឺ​ធ្វើ​រួចរាល់​ទាំងស្រុង​ហើយ ។ ចំពោះ​អាង​ទឹក ជុំវិញ​វិមាន​កីឡដ្ឋាន ដែល​ជា​តំណាង​កស្សិណ​អង្គរ​ក៏​បាន​ដាក់​បង្ហូរទឹក​បំពេញ​អាង និង​ប្រព័ន្ធ​ភ្លើង អំ​ពូ​ល ភ្លើង​បំភ្លឺ​អាង រួម​ទាំង​ប្រព័ន្ធ​សំឡេង (Sound System) នៅ​ផ្នែក​ខាងក្នុង ក៏​បាន​បំពាក់​រូ​ចរាល់​ដូច​គ្នា​ផង​ដែរ​» ។​រូបភាព ៖ CAMSOCឯកឧត្តម​បន្ត​ថា ៖«​ដូច្នេះ​គ្រប់ការ​សាងសង់ ការ​បំពាក់​ឧបករណ៍ រួម​ទាំង​ការងារ​ផ្សេង​ទៀត សម្រាប់​កីឡដ្ឋាន​ធំ​នេះ ត្រូវ​បាន​ធ្វើ​រួចរាល់​ជា​ស្ថាពរ​។ ក្រៅពី​នេះ គឺ​នៅ​សល់​ការ​រៀបចំ​តុបតែង នៅ​ផ្នែក​ទីធ្លា​ខាងក្រៅ​បន្តិចបន្តួច​ប៉ុណ្ណោះ ។ ជា​រួម​គឺ​ក្រុមហ៊ុន​សាងសង់​បាន​បើកភ្លើង​បំភ្លឺ​សាកល្បង ដោយ​ត្រូវ​ប្រើប្រាស់ ថាមពល​អគ្គិសនី​ដ៏​ច្រើន​សន្ធឹកសន្ធាប់​។ អ្វី​ដែល​នៅ​សេសសល់​បន្តិចបន្តួច​នោះ គឺ​ការងារ​ទីធ្លា​ខាងក្រៅ រួម​ទាំង​ការ​បោសសម្អាត​» ។រូបភាព ៖ CAMSOC​ជាមួយ​គ្នា​នោះ ឯកឧត្តម​អគ្គលេខាធិការ​ក៏​បាន​សង្កត់ធ្ងន់​ដែរ​ថា កិច្ចការ​ត្រួតពិនិត្យ​វឌ្ឍនភាព​ការ​សាងសង់​កីឡដ្ឋាន​ធំ​នេះ​ត្រូវ​បាន​ឯកឧត្តម​បណ្ឌិត ថោ​ង ខុន រដ្ឋមន្ត្រី​ក្រសួងទេសចរណ៍ និង​ជា​អនុប្រធាន​អចិន្ត្រៃយ៍ CAMSOC តែងតែបាន​យកចិត្តទុកដាក់​ខ្ពស់ និង​ហ្មត់ចត់​បំផុត​ឲ្យ​តាមដាន​ជាប់​ជា​ប្រចាំ ។ ក្រោយ​ពី​បញ្ចប់​ការ​សាងសង់ គឺ​យើង​ត្រូវ​បន្ត​ការ​ថែទាំ បន្ទាប់​ពី​ក្រុមហ៊ុន​សាងសង់​របស់​ភាគី​ចិន​នឹង​ប្រគល់​ជូន​ដល់ CAMSOC ។ សម្រាប់​ការ​ថែទាំ​នេះ​យើង​កំពុង​ស្នើ​សុំ​ការ​ផ្តល់​ធនធានមនុស្ស អ្នកបច្ចេកទេស សន្តិសុខ សណ្តាប់​ធ្លាប់ អនាម័យ ដើម្បី​បន្ត​ការ​ថែទាំ​វិមាន​ពហុ​កីឡដ្ឋាន​ជាតិ​មរតក​តេ​ជោ ដែល​ជា​មរតក​ដ៏​ធំ​មហាសាល​របស់​កម្ពុជា សម្រាប់​ការ​ទាក់ទាញ និង​ក្លាយជា​និមិត្តរូប​ថ្មី នៃ​ព្រះរាជាណាចក្រ​កម្ពុជា ។រូបភាព ៖ CAMSOC​សូម​បញ្ជាក់​ផង​ដែរ​ថា ពហុ​កីឡដ្ឋាន​ជាតិ​មរតក​តេ​ជោ គឺជា​កន្លែង​ប្រារព្ធ​ពិធី​បើក​-​បិទ​ជា​ផ្លូវការ​នៃ​ព្រឹត្តិការណ៍​កីឡា ស៊ី​ហ្គេ​ម លើក​ទី​៣២ និង​ការ​ប្រកួត​កីឡា​ជន​ពិការ អាស៊ាន​ប៉ា​រ៉ា​ហ្គេ​ម លើក​ទី​១២ ឆ្នាំ​២០២៣ ដែល​ជា​ព្រឹត្តិការណ៍​ប្រកួត​ពហុ​កីឡា​ដ៏​ធំ​ប្រចាំ​តំបន់​អាស៊ី​អាគ្នេយ៍ ដែល​ព្រះរាជាណាចក្រ​កម្ពុជា កំពុង​សម្រួច​គោលដៅ​យ៉ាង​យកចិត្តទុកដាក់​ប្រកបដោយ​ក្តី​សង្ឃឹម និង​ភាព​ជឿជាក់​ក្នុង​ការ​ទទួល​រៀបចំ​ធ្វើ​ម្ចាស់ផ្ទះ​ជា​លើក​ដំបូង​ជា​ប្រវត្តិសាស្ត្រ ៕

ប្រទេស​កម្ពុជា​បាន​បង្ហាញ​ពី​សក្តានុពល​នៃ​វិស័យ​អចលនទ្រព្យ​ជា​បន្តបន្ទាប់​ដោយ​ទាញ​បាន​បណ្តា​វិនិយោគិន​ជា​ច្រើន​ទាំង​ក្នុង និង​ក្រៅ​ស្រុក ដើម្បី​ការ​អភិវឌ្ឍន៍​លើ​វិស័យ​អចលនទ្រព្យ ។ អ្វី​ដែល​កាន់តែ​ពិសេស​ទៀត​នោះ​ក្នុង​ប្រទេស​កម្ពុជា​មាន​បណ្តា​ខេត្ត​មួយ​ចំនួន​ដែល​កំពុង​មានការ​ប្រកួតប្រជែង​ខ្លាំង​ពី​មួយ​ថ្ងៃ​ទៅ​មួយ​ថ្ងៃ​លើ​វិស័យ​អចលនទ្រព្យ​ម ។ខេត្តកណ្តាល ជា​ខេត្ត​មួយ​ក្នុង​ចំណោម​ខេត្ត​ដែល​មាន​ឥទ្ធិពល​ចំពោះ​វិស័យ​អចលនទ្រព្យ​ផ្សេង​ៗ​ទៀត​ដូច​ជា​ខេត្ត​ព្រះ​សីហ​នុ​, កោះកុង​, ខេត្តកំពត​, បន្ទាយ​មាន​ជ័យ និង​ខេត្តកំពង់ចាម​ជាដើម កំពុង​តែ​បង្ហាញ​ពី​សក្តានុពល​របស់​ខ្លួន​តាម​រយៈ​ការ​អភិវឌ្ឍន៍​នានា​ក្នុង​ខេត្ត​ដែល​មាន​ព្រំប្រទល់​ជាប់​នឹង​រាជធានី​ភ្នំពេញ ។បើ​តាម​អ្នកជំនាញ​អចលនទ្រព្យ​បាន​លើក​ឡើង​ថា ស្រុក​មុខកំពូល ខេត្តកណ្ដាល កំពុង​មាន​សក្តានុពល​ខ្លាំង​លើ​វិស័យ​អចលនទ្រព្យ ដែល​នឹង​ទាក់ទាញ​ការ​វិនិយោគ​លំនៅ​ដ្ឋា​ន​បែប​ទំនើប​កាន់តែ​ច្រើន​ក្នុង​តំបន់​នោះ​នា​ពេល​ខាង​មុខ ។តាម​ប្រភព​លោក ច្រឹ​ក សុខ​នី​ម ប្រធាន​សមាគម​អ្នក​វាយតម្លៃ និង​អចលនវត្ថុ​កម្ពុជា​បាន​លើក​ឡើង​ថា ៖«​សព្វថ្ងៃ​នៅ​ចន្លោះ​ផ្លូវជាតិ​លេខ​៥ និង​ផ្លូវជាតិ​លេខ​៦​អា (6A) កំពុង​តែ​ទាក់ទាញ​គម្រោង​វិនិយោគ​លំនៅ​ដ្ឋា​ន​ជា​ច្រើន ទាំង​គម្រោង​វិនិយោគ​របស់​រដ្ឋាភិបាល និង​គម្រោង​ធំ​ៗ​របស់​វិស័យ​ឯក​ជង​ផង​ដែរ ដែល​វា​បាន​ជះ​ឥទ្ធិពល​ដល់​តំបន់​ក្បែរ​ៗ​នោះ ជា​ពិសេស​គឺ​ស្រុក​មុខកំពូល​នេះ​តែ​ម្ដង ដែល​ធ្វើ​ឱ្យ​តំបន់​នេះ​ក្លាយជា​តំបន់​ដែល​មាន​សក្តានុពល​ខ្លាំង​លើ​វិស័យ​អចលនទ្រព្យ​នា​ពេល​ខាង​មុខ​» ។មិនតែប៉ុណ្ណោះ​លោក គង់ សោ​ភ័​ណ្ឌ អភិបាល​ខេត្តកណ្តាល​ក៏​បាន​ទទួលស្គាល់​ពី​ការ​អភិវឌ្ឍន៍​ដែរ​ថា ស្ទើរតែ​គ្រប់​តំបន់​ក្នុង​ខេត្តកណ្ដាល ដែល​ព័ន្ធ​ជុំវិញ​រាជធានី​ភ្នំពេញ​មាន​ភាព​រីក​ចម្រើន​ខ្លាំង ហើយ​លំនៅ​ដ្ឋា​ន​កម្រិត​មធ្យម​បាន​នឹង​កំពុង​ដើរតួរ​យ៉ាង​សំខាន់​ស្រប​ពេល​ដែល​ចំនួន​ប្រជាជន​ក្នុង​ខេត្ត​នេះ​បាន​កើនឡើង​ដល់​ជាង​១​លាន​នាក់ ។សូម​បញ្ជាក់​ផង​ដែរ​ថា ស្រុក​មុខកំពូល ស្ថិត​នៅ​ភាគ​ខាងជើង​នៃ​ខេត្តកណ្ដាល ដែល​ភាគ​ខាងត្បូង នៃ​ស្រុក​នេះ​គឺ​ជាប់​ជាមួយនឹង​ខណ្ឌឫស្សីកែវ រាជធានី​ភ្នំពេញ ។ លើស​ពី​នេះ ស្រុក​មុខកំពូល​នេះ​ក៏​ត្រូវ​បាន​កំណត់​ជា​ប៉ូ​ល​សេដ្ឋកិច្ច​ប្រចាំ​ខេត្តកណ្តាល​ផង​ដែរ ៕

ភ្នំពេញ ៖ គម្រោងថ្មី ដឹប៊ូតានិច ផាលេស ក្រោមការអភិវឌ្ឍន៍របស់ក្រុមហ៊ុនអ័រគីដេ ឌីវែលឡុបម៉ិននឹងធ្វើការបើកលក់ក្នុងពេលឆាប់ៗខាងមុខនេះ មានទីតាំងនៅក្នុងគម្រោងដឹប៊ូតានិចស៊ីធី​ ខណ្ឌជ្រោយចង្វារ ជាទីតាំងដ៏ល្អបំផុតសម្រាប់ការរស់នៅ ។គម្រោងនេះ នឹងនាំមកជូនលោកអ្នកនូវការរស់នៅតាមបែបផែនជីវិតថ្មី ប្រកបដោយភាពរស់រវើក ស៊ីវីល័យ និងជាពិសេសគឺសម្រាប់អ្នកដែលត្រូវការ ការរស់នៅបែបឯកជនភាពផ្ទាល់ខ្លួនអមដោយម៉ូតផ្ទះដ៏ល្អឥតខ្ចោះ ៣ប្រភេទគឺ ៖១. វីឡាទោល ដឹ អ៊ីមប្រ៊េស លេក (The Empress Lake) នៅជាប់បឹងប៊ូតានិច ដែលអាចទស្សនាផ្ទៃបឹង ដ៏ស្រស់ស្អាត ប្រកបទៅដោយបរិយាកាសដ៏ស្រស់បំព្រង ។២. វីឡាទោល ដឹ អ៊ីមប្រ៊េស (The Empress) អតិថិជនអាចរីករាយជាមួយសួនច្បារដ៏ស្រស់ស្អាត អមដោយផ្កាគ្រប់ប្រភេទ និងចម្រុះពណ៌ នៅចំពីមុខគេហដ្ឋានរបស់លោកអ្នក ។៣. វីឡាភ្លោះ ដឹ អ៊ីមប្រ៊េស (The Empress Twin) ម៉ូតផ្ទះត្រូវបានរចនាដោយមានការច្របាច់បញ្ចូលគ្នានូវ​សិល្បរចនា​បថនាយុគសម័យដើម នឹងរចនាបទនាពេលបច្ចុប្បន្ន ដើម្បីបង្កើតជាលំនៅដ្ឋាន ដ៏សាកសមបំផុតសម្រាប់គ្រួសារគ្រប់ជំនាន់។ ម៉ូតផ្ទះទាំងនេះត្រូវបានរៀបចំឡើងដោយយកចិត្តទុកដាក់ខ្ពស់បំផុត ដើម្បីធានាបាននូវគុណភាព សោភណ្ឌភាព និងផាសុខភាពខ្ពស់ ។ គម្រោងដឹប៊ូតានិចផាលេស នឹងបើកលក់មុនសម្ពោធគម្រោងនាថ្ងៃទី៣០ ខែកក្កដា ខាងមុខនេះ ជាមួយនឹងការផ្តល់ជូនយ៉ាងពិសេសពុំធ្លាប់មានពីមុនមក ។ សម្រាប់ព័ត៌មានបន្ថែមសូមអញ្ជើញមកសាកសួរព័ត៌មាននៅការិយាល័យលក់ផ្ទាល់ ឬទំនាក់ទំនងតាមរយះលេខទូរស័ព្ទ  098 73 333 ៕

បើនិយាយពីវិស័យអចលនទ្រព្យនៅកម្ពុជាប៉ុន្មានឆ្នាំចុងក្រោយនេះហាក់មានការរីកចម្រើនយ៉ាងខ្លាំងគួរឱ្យកត់សម្គាល់ មិនតែប៉ុណ្ណោះគម្រោងធំៗជាច្រើនបានបង្ហាញវត្តមានជាបន្តបន្ទាប់ក្រោយមានការវិនិយោគពីសំណាក់វិនិយោគិនក្នុង និងក្រៅស្រុកជាច្រើន ។ជាក់ស្តែងលោកឧកញ៉ា សៀ ឫទ្ធី ប្រធានក្រុមប្រឹក្សាភិបាល នៃក្រុមហ៊ុន WorldBridge Group គឺជាវិនិយោគិន និងជាអ្នកអភិវឌ្ឍន៍អចលនទ្រព្យដ៏ល្បីល្បាញមួយរូបប្រចាំប្រទេសកម្ពុជា មិនតែប៉ុណ្ណោះលោកក៏ជាបុគ្គលឆ្នើមមួយរូបក្នុងចំណោមមហាសេដ្ឋីលំដាប់កំពូលល្បីៗជាច្រើនរបស់ប្រទេសកម្ពុជាដែលកាន់កាប់ជំនួញជាច្រើននៅក្នុងដៃ ។លោកឧកញ៉ាសៀ រិទ្ធី បានថ្លែងឱ្យដឹងថា លោកធ្លាប់មានប្រវត្តិជូរចត់មិនខុសពីប្រជាជនខ្មែរដទៃទៀតដែលធ្លាប់បានឆ្លងកាត់របបប្រល័យពូជសាសន៍ ប៉ុល ពត នៅចន្លោះឆ្នាំ១៩៧៥ដល់ឆ្នាំ១៩៧៩ ។ លោកគឺជាប្រជាជនមួយរូបក្នុងចំណោមប្រជាជនទាំងអស់ដែលបានធ្លាប់ឆ្លងកាត់ក្នុងរបបខ្មៅងងឹត ប៉ុល ពត ។ លោកបានកើតនៅក្នុងឆ្នាំ១៩៧០ ហើយស្ថិតក្នុងរបប ប៉ុល ពត លោកទើបតែមានអាយុចន្លោះ៥ឆ្នាំទៅ៩ឆ្នាំស្ថិតនៅក្នុងវ័យកុមារនៅឡើយនោះទេ ។ក្រោយពីឆ្នាំ១៩៧៩គ្រួសាររបស់លោក សៀ រិទ្ធី ត្រូវបានផ្លាស់ទីលំនៅពីស្រុកក្រឡាញ់ទៅកាន់រាជធានីភ្នំពេញ លោកក៏បានមានឱកាសចូលសិក្សាដូចគេដូចឯង ប៉ុន្តែស្ថិតក្នុងជំនាន់នោះការសិក្សានៅមិនទាន់មានលក្ខណៈពេញលេញដូចពេលបច្ចុប្បន្ននោះទេ គឺការសិក្សានៅមានកម្រិតនៅឡើយ ។នៅក្នុងឆ្នាំ១៩៨៩ជាឆ្នាំដែលលោកត្រូវប្រលងមធ្យមសិក្សាទុតិយភូមិ (បាក់ឌុប) ប៉ុន្តែជាអកុសលលោកមិនបានទៅប្រឡងនៅក្នុងឆ្នាំនោះទេ ដោយហេតុលោកត្រូវទៅក្រៅប្រទេសដើម្បីធ្វើការ និងត្រឡប់ចូលស្រុកខ្មែរវិញនៅក្នុងឆ្នាំ១៩៩១ ។នៅពេលដែលលោកត្រឡប់ចូលមកកាន់ប្រទេសកម្ពុជាវិញនៅក្នុងឆ្នាំ១៩៩១ លោកក៏បានបម្រើការងារជាមួយនឹងអង្គការសហប្រជាជាតិហៅថា «អ៊ុនតាក់» ។ ខណៈដែលលោកបម្រើការនោះ លោកធ្វើការនៅក្នុងផ្នែកដឹកជញ្ជូនទំនិញបាន១ឆ្នាំអង្គការនោះក៏បានបញ្ចប់បេសកកម្មនៅកម្ពុជាដែលពេលនោះហើយជីវិតនៃការធ្វើការឱ្យគេរបស់លោកត្រូវបានកាត់ផ្តាច់ត្រឹមនោះតែម្តង ។*ចាប់ផ្តើមចេញរកស៊ីដំបូងក្រោយពេលធ្វើការឱ្យអង្គការសហប្រជាជាតិបាន១ឆ្នាំ លោកក៏សន្សំបានដើមទុនបន្តិចបន្ទួចហើយក៏បានរៀបចំផ្លូវជីវិតរបស់លោកជាថ្មីតាមរយៈការបង្កើតក្រុមហ៊ុនដឹកជញ្ជូនដំបូងគេបង្អស់ក្នុងវិស័យនោះនៅកម្ពុជា ។ អតិថិជនរបស់លោកនៅពេលនោះភាពច្រើនជា អង្គការ, ស្ថានទូត និងក្រុមហ៊ុនមួយចំនួនទៀត ។ក្រោយពីបានចាប់ផ្តើមអាជីវកម្មនេះបាន២ឆ្នាំលោកក៏បានចុះឈ្មោះជាក្រុមហ៊ុនស្របច្បាប់នៅឆ្នាំ១៩៩៤ ហើយក៏ជាពេលវេលាមួយដែលលោកឃើញពន្លឺនៃភាពជោគជ័យកាន់តែខ្លាំង ។ លោកក៏បានលើកឡើងនូវពាក្យស្លោកមួយថា «ធ្វើមនុស្ស កុំរស់ដូចកង្កែបក្នុងអណ្តូង» ដោយសារតែលោកធ្លាប់បានចេញទៅក្រៅប្រទេស និងមើលឃើញពីភាពរីកចម្រើនក៏ដូចជាឱកាសដែលលោកអាចរកស៊ីបាននៅក្នុងប្រទេសកម្ពុជា ។*ចាប់ផ្តើមប្រឡូកក្នុងវិស័យអចលនទ្រព្យក្រោយពីឃើញនិន្នាការនៃវិស័យអចលនទ្រព្យលោកឧកញ៉ា សៀ ឫទ្ធី ក៏បានប្រឡូកចូលក្នុងវិស័យអចលនទ្រព្យនៅឆ្នាំ១៩៩៨ បន្ទាប់ពីប្រទេសកម្ពុជាបានរួចផុតពីសង្គ្រាម និងគួបផ្សំក្រុមហ៊ុនរបស់លោកមានដើមទុកគ្រប់គ្រាន់ផងនោះ ។ ម៉្យាងវិញទៀតដោយមើលឃើញពីកំណើនប្រជាជនដែលស្ថិតក្នុងកម្រិតជីវភាពមធ្យម ក្រុមហ៊ុនរបស់លោកក៏បានបង្វែរទិសដៅពីអាជីវកម្មដឹកជញ្ជូនមកធ្វើលើវិស័យដីធ្លីវិញម្តង ។ពោលគឺផ្តោតលើការទិញ-លក់ដី និងសាងសង់ផ្ទះលក់ខ្លះៗប៉ុណ្ណោះ ដោយសារតែក្រុមហ៊ុនរបស់លោកនៅមិនទាន់មានបទពិសោធន៍គ្រប់គ្រាន់ក្នុងការអភិវឌ្ឍលើវិស័យនេះនៅឡើយ ទើបលោកសម្រេចចិត្តរកដៃគូរសហការដើម្បីមកពង្រឹងបន្ថែមនៅក្នុងក្រុមហ៊ុនរបស់ខ្លួន ។ ក្រៅពីក្រុមហ៊ុនអចលនទ្រព្យលោកក៏បានបង្កើតក្រុមហ៊ុនផ្សេងទៀតដែលផ្តោតលើការជួញដូរសម្ភារៈសំណង់ដើម្បីផ្គត់ផ្គង់ក្រុមហ៊ុនសាងសង់នានានៅកម្ពុជា ។យ៉ាងណាមិញលោកក៏បានលើកឡើងផងដែរថា «អ្នកមិនអាចធ្វើរឿងធំណាមួយឱ្យជោគជ័យបានឡើយ ប្រសិនបើអ្នកមិនទាន់ធ្វើឱ្យខ្លួនអ្នកជោគជ័យជាមុនសិន ហើយអាចឈានទៅធ្វើឱ្យមនុស្សនៅជុំវិញខ្លួន និងដៃគូរសហការជោគជ័យ នោះទើបអ្នកជោគជ័យពិតប្រាកដ ! » ។ដោយលោកជាមនុស្សតស៊ូ លោកតែងតែខិតខំអភិវឌ្ឍខ្លួនឯងជាប្រចាំពោលគឺ រកស៊ីផង រៀនបន្ថែមផង ហើយរហូតដល់ឆ្នាំ២០០៨លោកយល់ថា ខ្លួនមានបទពិសោធន៍ចាស់ទុំល្មមទើបលោកឈប់រៀន និងផ្តោតសំខាន់លើមុខជំនួញជាង៣០ក្រុមរបស់លោករហូតមកដល់បច្ចុប្បន្ន ៕

ខេត្តកោះកុង ៖ កាលពីពេលថ្មីៗកន្លងមកនេះកម្លាំងសមត្ថកិច្ចនៃស្នងការដ្ឋាននគរបាលខេត្តកោះកុងបានស្រាវ​ជ្រាវ និងបង្ក្រាបមុខសញ្ញាជនសង្ស័យឆបោកដីធ្លីជាក្រុម (លក់ដីឡូត៍ខ្យល់) តាមដីកាបង្គាប់ឱ្យចាប់ខ្លួន​របស់ចៅ​ក្រម​ស៊ើបសួរសាលាដំបូងខេត្តកោះកុង ។ ករណីនេះស្នងការដ្ឋាននគរបាលខេត្តកោះកុងក៏បានធ្វើសេចក្តីបំភ្លឺ និងបង្ហាញអត្តសញ្ញាណជនសង្ស័យដែលជាមេក្លោងទាំង៤នាក់ផងដែរនៅស្នងការដ្ឋាននគរបាលខេត្តកោះកុងកាលពីថ្ងៃទី១៣ ខែកក្កដា ឆ្នាំ២០២១ ។ជនសង្ស័យទាំង៤នាក់ដែលជាមេក្លោងឆបោកលក់ដីឡូត៍ខ្យល់រួមមាន ទី១-ឈ្មោះ បាន បញ្ញា ភេទប្រុស អាយុ២៦ឆ្នាំ ជាអគ្គនាយកក្រុមហ៊ុន B.I.D, ទី២-ឈ្មោះ ភន ទីគា ភេទប្រុស អាយុ២០ឆ្នាំ ជាអគ្គនាយករងក្រុមហ៊ុន B.I.D, ទី៣-ឈ្មោះ លី ប៊ុនរដ្ឋថី ភេទប្រុស អាយុ២៨ឆ្នាំ ជាអ្នកផ្តល់ប្រាក់ និងទី៤-ឈ្មោះ ជិន ឆៃយ៉ា ភេទប្រុស អាយុ៣០ឆ្នាំ ជាបក្ខពួក ។តាមប្រភពលោក ហេង ធារៈ ភេទប្រុស អាយុ៥៣ឆ្នាំ ជាអតីតកងទ័ព (ចូលនិវត្តន៍) មានទីលំនៅក្នុងសង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ជាជនរងគ្រោះ និងតំណាងឱ្យជនរងគ្រោះជាច្រើនទៀតបានបញ្ជាក់ប្រាប់សហការី realestate.com.kh ថា ៖ «ពីដំបូងឡើង កាលពីកំឡុងចុងឆ្នាំ២០១៩ ក្រុមហ៊ុនខាងលើបានរៀបចំដីឡូត៍របស់ខ្លួនដើម្បីធ្វើទីផ្សារ និងបានចាប់ផ្តើមដំណើរការនៅដើមឆ្នាំ២០២០ ថែមទាំងបានដើរឃោសនាផ្សាយពាណិជ្ជកម្មពីគម្រោងដីឡូត៍របស់ក្រុមហ៊ុន និងឃោសនាពីសក្តានុពលរបស់គម្រោងដីឡូត៍នោះ» ។ប្រភពបានបន្តថា ៖«គ្រួសាររបស់គាត់បានទិញដីចំនួន៤ឡូត៍ ដោយ២ឡូត៍បង់ប្រាក់ដាច់ និង២ឡូត៍ទៀតបង់រំលស់ក្នុងទំហំដី ៥ម៉ែត្រx២០ម៉ែត្រ ។ មិនតែប៉ុណ្ណោះក្រុមហ៊ុនខាងលើក៏មានប្រូម៉ូសិនពិសេសទិញដី២ឡូត៍ដោយបង់ប្រាក់ដាច់ថែមជូនម៉ូតូ១គ្រឿងថែមទៀតផង ។ ហើយក្រុមហ៊ុនបានសន្យាថា ក្នុងចន្លោះខែវិច្ឆិកា និងខែធ្នូ ឆ្នាំ២០២០ ក្រុមហ៊ុននឹងប្រគល់ប្លង់ជូនអតិថិជន ប៉ុន្តែក្រុមហ៊ុនស្រាប់តែមានរឿងឆបោកនេះកើតឡើង ហើយរហូតមកដល់ពេលនេះនៅមិនទាន់ទទួលបានប្លង់នៅឡើយនោះទេ» ។តាមប្រភពលោកពូដែលជាជនរងគ្រោះ និងជាតំណាងឱ្យជនរងគ្រោះដទៃទៀតបានបញ្ជាក់ឱ្យដឹងបន្ថែមថា ៖«ទំហំទឹកប្រាក់ដែលប្រជាពលរដ្ឋចាញ់បោកក្រុមហ៊ុនដីឡូត៍ខាងលើមានរហូតដល់រាប់ម៉ឺនដុល្លារឯណោះ ហើយពេលនេះនៅមិនទាន់មានសំណងអ្វីពីខាងក្រុមហ៊ុននៅឡើយនោះទេ ។ ប្រសិនបើមានការសម្របសម្រួលពីខាងក្រុមហ៊ុន គឺត្រូវអនុវត្តគោលការណ៍ដែលក្រុមហ៊ុនបានសន្យា» ។តាមប្រភពលោកឧត្តមសេនីយ៍ត្រី ឃឹម សាណេ ស្នងការ​រង​ផែន​ព្រហ្ម​ទណ្ឌ នៃស្នងការដ្ឋាននគរបាលខេត្តកោះកុងបានជំរាបឱ្យដឹងថា បច្ចុប្បន្នជនសង្ស័យទាំង៤រូបខាងលើត្រូវបានកម្លាំងសមត្ថកិច្ចឃុំខ្លួនជាបណ្តោះអាសន្ននៅមណ្ឌលកែប្រែរងចាំអនុវត្តតាមនីតិវិធីច្បាប់ជាបន្ត ៕ដើម្បីទទួលបានព័ត៌មានថ្មីៗ និងចំណេះដឹងផ្នែកអចលនទ្រព្យមុនគេកុំភ្លេច (ចុចលើរូបភាព Join ខាងក្រោម)

ខេត្តព្រះសីហនុ ៖ ផ្លូវក្រោមដីសម្រាប់អ្នកដំណើរថ្មើរជើងចំនួន២កន្លែងនៅតាមបណ្តោយផ្លូវជាតិលេខ៤នៅខេត្តព្រះសីហនុសាងសង់ឡើងដើម្បីបង្កលក្ខណៈងាយស្រួល ដល់សិស្សានុសិស្ស កម្មករ កម្មការិនី បានឆ្លងកាត់ផ្លូវប្រកបដោយសុវត្ថិភាព ខណៈទីតំាងនេះមានស្ថានភាពចរាចរណ៍មមាញឹកខ្លំាង ងាយគ្រោះថ្នាក់ និងស្ទះចរាចរណ៍ជាញឹកញាប់ ពេលនេះការសាងសង់សម្រេចជាស្ថាពរហើយ ប៉ុន្តែនៅមិនទាន់ដាក់ឱ្យប្រើប្រាស់ជាផ្លូវការនោះទេ ។តាមប្រភពអ្នកនាំពាក្យសាលាខេត្តព្រះសីហនុលោក ឃាង ភារម្យ បានឱ្យដឹងថា ការសាងសង់ផ្លូវក្រោមដីនៅក្នុងក្រុងព្រះសីហនុនេះរួចរាល់ហើយ ប៉ុន្តែនៅមិនទាន់សម្រេចដាក់ឱ្យប្រើប្រាស់ជាផ្លូវការនៅឡើយនោះទេ ពីព្រោះផ្លូវក្រោមដីទី១នៅចំណុចវិទ្យាល័យ ឃ្លាំងលើ គឺសាលាបានបិទជាបណ្ណោះអាសន្នទើបមិនមានសិស្សសាលាឆ្លងកាត់ដូច្នេះទើបមិនមានការប្រើប្រាស់ជាបណ្តោះអាសន្ន ។អ្នកនាំពាក្យខាងលើក៏បានឱ្យដឹងបន្ថែមផងដែរថា ចំណែកផ្លូវក្រោមដីទី២ ដែលស្ថិតនៅមុខរោងចក្រមួយកន្លែង ហើយរោងចក្រនោះក៏បាន​ផ្អាក​ដំណើរការអាជីវកម្ម ដោយសារបញ្ហាជំងឺកូវីដ១៩ ក៏មិនមានការប្រើប្រាស់ជាបណ្តោះអាសន្នដូចគ្នា ។ឯកឧត្តមឧត្ដមសេនីយ៍ទោ វង្ស សំអាត អគ្គមេបញ្ជាការរងកងវិស្វកម្ម សម្តេចតេជោ ហ៊ុន សែន សៀមរាប និងជាអ្នកដឹកនាំគម្រោងសាងសង់នេះធ្លាប់មានប្រសាសន៍ថា ៖«ផ្លូវថ្មើរជើងក្រោមដីនេះ ក្រៅពីសម្រាប់ដើរហើយនោះ ក៏មានផ្លូវដែលសម្រាប់ឱ្យប្រជាពលរដ្ឋអាចបណ្តើរកង់ និងម៉ូតូឆ្លងកាត់បានផងដែរ ។ ការសាងសង់ផ្លូវថ្មើរជើងក្រោមដីបានផ្តល់ប្រយោជន៍ជាច្រើន ដែលរក្សាបាននូវភាពឆ្លងថ្នល់កុំឱ្យស្ទះចរាចរណ៍ រក្សាបាននូវជីវិត និងសុវត្ថិភាពរបស់ប្រជាជន និងជាមុខមាត់របស់ប្រទេសជាតិ ដែលជាការអភិវឌ្ឍន៍ខេត្តជាប់ឆ្នេរសមុទ្រមួយនេះ» ។គួររម្លឹកផងដែរថា គម្រោងសាងសង់ផ្លូវថ្មើរជើងក្រោមដីនេះបានចាប់ផ្តើមការសាងសង់កាលពីដើមខែវិច្ឆិកា ឆ្នាំ២០២០ ។ ផ្លូវនេះមានប្រវែង២៩ម៉ែត្រ ទទឹង ៧ម៉ែត្រ និងកម្ពស់ប្រហែលជាង៣ម៉ែត្រ ដែលមានជណ្តើរឡើង មានប្រព័ន្ធបូមទឹកចេញ មានកង្ហារសម្រាប់បញ្ជូនខ្យល់ចូល និងមានប្រព័ន្ធភ្លើងបំភ្លឺផងដែរ ។ ផ្លូវ​ថ្មើរ​ជើង​ក្រោមដី​ទាំង​២ខ្សែនេះ មួយ​កន្លែង​ស្ថិត​នៅ​ចំ​ពី​មុខ​វិទ្យាល័យ ហ៊ុន សែន ឃ្លាំងលើ និង​មួយ​កន្លែង​ទៀត​ស្ថិត​នៅ​ទី​ប្រជុំជន​រោងចក្រ ៕ដើម្បីទទួលបានព័ត៌មានថ្មីៗ និងចំណេះដឹងផ្នែកអចលនទ្រព្យមុនគេកុំភ្លេច (ចុចលើរូបភាព Join ខាងក្រោម)

ខេត្តព្រះសីហនុ ៖ ផែនការអភិវឌ្ឍរយៈពេលខ្លីឆ្នាំ២០១៧-២០២៥ កំពង់ផែស្វយ័តក្រុងព្រះសីហនុ មានផែនការអភិវឌ្ឍកំពង់ផែទឹកជ្រៅចំណតកុងតឺន័រជម្រៅ១៤,៥ម៉ែត្រ ក្នុងនោះ៖ គម្រោងកសាងកំពង់ផែ ទឹកជ្រៅចំណតកុងតឺន័រជំហានទីមួយ ប្រវែង៣៥០ម៉ែត្រ ជំហានទីពីរប្រវែង ៣០០ ម៉ែត្រ និងជំហានទីបី ប្រវែង៣០០ម៉ែត្រផងដែរ ។ជាមួយគ្នានេះផងដែរ ក្រោយឆ្នាំ២០៣០ ដើម្បីពង្រឹង និងពង្រីកសមត្ថភាពនៃការផ្តល់សេវាជូនអតិថិជន ក្នុងនោះរួមមាន៖ គម្រោងកសាងចំណតកុងតឺន័រទី៤ ប្រវែង១៣០០ម៉ែត្រ x ៥៥០ម៉ែត្រ ចំណតកុងតឺន័រទី៣ប្រវែង ១០៥០ម៉ែត្រ x ៥៥០ម៉ែត្រ ចំណតកុងតឺន័រថភ្លើងប្រវែង២៥០ម៉ែត្រ x ១៧០០ម៉ែត្រ អភិវឌ្ឍតំបន់រដ្ឋបាល និងសេដ្ឋកិច្ច ៥៤ ហិកតា និងតំបន់គយត្រួតពិនិត្យទំនិញប្រវែង៦៥០ម៉ែត្រ x ២០០ម៉ែត្រ ។គួរបញ្ជាក់ផងដែរថា កំពង់ផែស្វយ័តក្រុងព្រះសីហនុ បានចូលទីផ្សារមូលបត្រកម្ពុជា បោះផ្សាយ លក់ភាគហ៊ុន បានបញ្ចុះតម្លៃ១០%នៃតម្លៃសេវាលើកដាក់កុងតឺន័រ និងបានអភិវឌ្ឍចំណតកំពង់ផែពហុ បំណង ដោយឡែកទាក់ទងការងារអាជីវកម្មនិងហិរញ្ញវត្ថុឆ្នាំ២០២០ ធៀបនិងឆ្នាំ២០១៩វិញ កំពង់ផែ ស្វយ័តក្រុងព្រះសីហនុមានទំនិញឆ្លងកាត់ចំនួន ៦ ៦០១ ៨០៤តោន កើនឡើង 0,៨៣% បរិមាណនាវាឆ្លងកាត់មានចំនួន១៥៨២គ្រឿង ថយចុះ៤,៨១% បរិមាណកុងតឺន័រឆ្លងកាត់មានចំនួន៦៤១ ៨៤២ TEUs កើនឡើង០,៤១% និងចំណូលសរុបមានចំនួន ៣១១ ៨១៣ ៧៦៩ ០០០ រៀល ថយចុះចំនួន៧% ៕ដើម្បីទទួលបានព័ត៌មានថ្មីៗ និងចំណេះដឹងផ្នែកអចលនទ្រព្យមុនគេកុំភ្លេច (ចុចលើរូបភាព Join ខាងក្រោម)

ស្ពានឆ្លងកាត់ទន្លេបាសាក់ឋិតក្នុងគម្រោងសាងសង់ផ្លូវក្រវាត់ក្រុងខ្សែទី៣សម្រេចបាន៩៧,២៥%ហើយ គិតរហូតមកទល់ពេលនេះក្នុងនោះ ៖ ស្ពានឆ្លងកាត់ទន្លេបាសាក់ខាងកើតប្រវែង៦៣០ម៉ែត្រ សម្រេចបាន៩៥,១០% គ្រោងនឹងបញ្ចប់ នៅខែតុលា ឆ្នាំ២០២១ និងស្ពានឆ្លងកាត់ទន្លេបាសាក់ខាងលិចប្រវែង៣៦៦ម៉ែត្រ សម្រេចបាន៩៩,៤០% គ្រោងនឹងបញ្ចប់នៅខែកញ្ញា ឆ្នាំ២០២១ ។គម្រោងសាងសង់ផ្លូវក្រវាត់ក្រុងខ្សែទី៣ (ផ្លូវជាតិលេខ៤-ផ្លូវជាតិលេខ១) មានប្រវែងសរុប ៥២,៩៨៣គីឡូ ម៉ែត្រ ក្នុងនោះផ្លូវមេមានប្រវែង៤៧,៦០៨គីឡូ ម៉ែត្រ ជាប្រភេទផ្លូវក្រាលបេតុងស៊ីម៉ង់ត៍សរសៃដែក ទទឹង ២២ម៉ែត្រ (៤គន្លង) និងកម្រាស់២២សង់ទី ម៉ែត្រ និងផ្លូវខ្នែងប្រវែង៥,៣៧៥គីឡូម៉ែត្រ ជាប្រភេទផ្លូវក្រាល បេតុងកៅស៊ូ(AC) ទទឹង១០ម៉ែត្រលើតួផ្លូវ ១២ម៉ែត្រ កម្រាស់បេតុងកៅស៊ូ ៩សង់ទីម៉ែត្រ កំណាត់ផ្លូវមេក្នុងទីប្រជុំជន ២,៨០គីឡូម៉ែត្រ មានទទឹង សរុប ២៧ម៉ែត្រ កំណាត់ផ្លូវមេក្រៅទីប្រជុំជន ៤៤,៨០គីឡូ ម៉ែត្រ មានទទឹងសរុប២៥ម៉ែត្រ ខ្សែផ្លូវកាត់ភូមិសាស្ត្ររាជធានី ១៥,៤២គីឡូម៉ែត្រ ខ្សែផ្លូវកាត់ភូមិសាស្ត្រ ខេត្តកណ្តាល ៣៧,៥៦គីឡូម៉ែត្រ (ផ្លូវមេ៣២,១៩គីឡូម៉ែត្រ និងផ្លូវខ្នែង៥,៣៧គីឡូម៉ែត្រ)។ផ្លូវក្រវាត់ក្រុងខ្សែទី៣នេះតភ្ជាប់ទៅនឹងផ្លូវទំនប់កប់ស្រូវ ផ្លូវជាតិលេខ៥ និងភ្ជាប់ទៅនឹងស្ពានឈ្នះឈ្នះ និងមហាវិថីឈ្នះឈ្នះ និងផ្លូវជាតិលេខ៦ ដែលនឹងប្រែក្លាយទៅជាផ្លូវក្រវាត់ក្រុងដ៏ធំ និងទំនើបមួយបម្រើ ឱ្យជាផ្លូវដឹកជញ្ជូនវាងរាជធានីភ្នំពេញ តភ្ជាប់ពីផ្លូវជាតិលេខ៦ ផ្លូវជាតិលេខ៥ ផ្លូវជាតិលេខ៤ ផ្លូវជាតិ លេខ៣ ផ្លូវជាតិលេខ២ និងផ្លូវជាតិលេខ២១ ឆ្លងកាត់ទន្លេបាសាក់ (ស្ពានទន្លេបាសាក់ខាងកើត និងខាង លិចកំពុងសាងសង់) ព្រមទាំងកោះអន្លង់ចិន និងតភ្ជាប់ទៅនឹងផ្លូវជាតិលេខ១ ពិសេសតភ្ជាប់ទៅចំណត ផែកុងតេន័រថ្មីរបស់កំពងផែស្វ័យតភ្នំពេញ នៅស្រុកកៀនស្វាយ ក៏ដូចជាការបំពេញឱ្យការតភ្ជាប់ផ្លូវ អាស៊ានហាយវ៉េយ (AH1 និងAH11) និងផ្លូវរបៀបសំខាន់ៗ (របៀងកណ្តាល និង របៀងសេដ្ឋកិច្ចភាគខាងត្បូង) របស់មហាអនុតំបន់មេគង្គ។គម្រោងផ្លូវនេះចាប់ផ្តើមពីចំណុចផ្លូវជាតិលេខ៤ (PK:១៤+១០៥) ស្ថិតក្នុងភូមិជម្ពូវ័ន្ត សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ និងបញ្ចប់នៅចំណុចផ្លូវជាតិលេខ១ (PK២៤+៨៤០) ស្ថិតក្នុងភូមិ ស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល (ផ្លូវមេ) និងផ្លូវជាតិលេខ១ (PK៣០+១៤០) ស្ថិត ក្នុងភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្តាល (ផ្លូវខ្នែង)។គម្រោងផ្លូវនេះមានស្ពានវែងប្រវែង៩៩៦ម៉ែត្រ ក្នុងនោះរួមមាន៖ ស្ពានបាសាក់ខាងកើតប្រវែង៦៣០ម៉ែត្រ ទទឹង២៥ម៉ែត្រ កម្ពស់នាវាអាចចរាចរណ៍បាន ៤៥ម៉ែត្រ x ៨ម៉ែត្រ និងស្ពានបាសាក់ខាងលិច ប្រវែង ៣៦៦ម៉ែត្រ និងទទឹង២៥ម៉ែត្រ កម្ពស់នាវាអាចចរាចរណ៍បាន ៣០ម៉ែត្រx៥ម៉ែត្រ និងស្ពានមធ្យមនិង ខ្លីមានចំនួន៦កន្លែង ប្រវែងសរុប ៤៨៨ ម៉ែត្រ ក្នុងផ្លូវមេ ៣៥៨ម៉ែត្រ និងផ្លូវខ្នែង១៣០ម៉ែត្រ ស្ពានរំលងប្តូរ ទិសចំនួនពីរឋិត(Interchange) នៅផ្លូវជាតិលេខ២ ប្រវែងតួស្ពាន២២០ម៉ែត្រ កម្ពស់អាចធ្វើចរាចរណ៍ បាន៣០x៥,៥ម៉ែត្រ និងឋិតនៅផ្លូវជាតិលេខ៣ប្រវែងតួស្ពាន២២០ម៉ែត្រ កម្ពស់អាចធ្វើចរាចរណ៍បាន ៣០x៥,៥ម៉ែត្រ និងមានស្ពានរំលង(Flyover)ចំនួនពីរគឺឋិតនៅផ្លូវជាតិលេខ៤ប្រវែងតួស្ពាន៣៤៤ម៉ែត្រ កម្ពស់អាចធ្វើចរាចរណ៍បាន៣០x៥,៥ម៉ែត្រ និងឋិតនៅផ្លូវជាតិលេខ២១ ប្រវែងតួស្ពាន២២០ម៉ែត្រ កម្ពស់អាចធ្វើចរាចរណ៍បាន៣០x៥,៥ម៉ែត្រ។គម្រោងសាងសង់ផ្លូវនេះគ្រោងចំណាយថវិកាសរុបប្រមាណ ២៦៧,៦៧ លានដុល្លារអាមេរិក ក្រោម ហិរញ្ញប្បទានសម្បទានពីរដ្ឋាភិបាលនៃសាធារណរដ្ឋប្រជាមានិតចិន និងថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតមីន និងយុទ្ធភ័ណ្ឌមិនទាន់ផ្ទុះ អនុវត្តការសាងសង់ដោយក្រុមហ៊ុនសំណង់Shanghai Construction Group Co., Ltd និងតម្លៃត្រួត ពិនិត្យគម្រោង ៥,៣៨ លានដុល្លារអាមេរិក ដោយក្រុមហ៊ុនGuangzhou Wanan Construction Supervision Co., Ltd និងចំណាយរយៈ ពេលសាងសង់ចំនួន៤២ខែ ចាប់ពីខែធ្នូ ឆ្នាំ២០១៨ និងបញ្ចប់នៅខែធ្នូ ឆ្នាំ២០២១។សូមជម្រាបជូនថា៖ វឌ្ឍនភាពការងារដោយឡែកទាក់ទងនឹងការសាងសង់ស្ពានឆ្លងកាត់ទន្លេបាសាក់ឋិត ក្នុងគម្រោងសាងសង់ផ្លូវក្រវាត់ក្រុងខ្សែទី៣នេះ សម្រេចបាន៩៧,២៥%ហើយ គិតរហូតមកទល់ពេលនេះ ក្នុងនោះ៖ ស្ពានឆ្លងកាត់ ទន្លេបាសាក់ខាងកើតប្រវែង៦៣០ម៉ែត្រសម្រេចបាន ៩៥,១០% គ្រោងនឹងបញ្ចប់នៅខែតុលា ឆ្នាំ២០២១ និងស្ពានឆ្លងកាត់ទន្លេបាសាក់ខាងលិចប្រវែង៣៦៦ ម៉ែត្រសម្រេចបាន៩៩,៤០% គ្រោងនឹងបញ្ចប់នៅ ខែកញ្ញា ឆ្នាំ២០២១។គួរកត់សម្គាល់ថា៖ ផ្លូវក្រវាត់ក្រុងខ្សែទី៣នេះមានអត្ថប្រយោជន៍ ជួយដល់ការចូលរួមចំណែកកាត់បន្ថយ ការកកស្ទះ និងគ្រោះថ្នាក់ចរាចរណ៍ ដែលធ្លាប់មានកន្លងមក និងជួយសម្រួលដល់ការធ្វើដំណើររបស់បង ប្អូនប្រជាពលរដ្ឋក្នុងរាជធានីបន្ថែមទៀត ខណៈពេល ដែលរាជធានីភ្នំពេញ កំពុងត្រូវបានពង្រីកកាន់តែធំទៅៗ ស្របតាមកំណើនប្រជាជន និងការអភិវឌ្ឍ ដែលធ្វើឱ្យចរាចរណ៍យានយន្តគ្រប់ប្រភេទនៅតាមដងផ្លូវជួបប្រទះនូវការកកស្ទះចរាចរណ៍ជាញឹកញាប់ ៕

កាលពីពេលថ្មីៗកន្លងទៅនេះមន្ទីរការបរទេសខេត្តហ៊ូប៉េ ប្រទេសចិន បានស្នើសុំបង្កើតចំណងមេត្រីភាព (Sister City) រវាងខេត្តហ៊ូប៉េ ប្រទេសចិន ជាមួយនឹងខេត្តរបស់ប្រទេសកម្ពុជាចំនួន៣គឺ ខេត្តសៀមរាប, ខេត្តកំពត និងខេត្តព្រះសីហនុ ។ នេះបើយោងតាមលិខិតរបស់ក្រសួងការបរទេស និងសហប្រតិបត្តិការអន្តរជាតិដែលបានផ្ញើជុនសម្តេចក្រឡាហោម ស ខេង ។តាមប្រភពលិខិតរបស់ក្រសួងការបរទេស និងសហប្រតិបត្តិការអន្តរជាតិបានឱ្យដឹងដែរថា គោលបំណងស្នើសុំបង្កើតចំណងមេត្រីភាព (Sister City) រវាងខេត្តហ៊ូប៉េ ប្រទេសចិន ជាមួយនឹងខេត្ត​របស់ប្រទេសកម្ពុជាទាំង៣ខាងលើគឺដើម្បីបង្កើតភាពស្និទ្ធស្នាល និងបង្កើនកិច្ចសហប្រតិបត្តិការក្នុងការអភិវឌ្ឍលើគ្រប់វិស័យដើម្បីផលប្រយោជន៍របស់ប្រជាជនក្នុងខេត្តខាងលើ ។នៅក្នុងលិខិតនោះបានបញ្ជាក់បន្ថែមថា ខេត្តហ៊ូប៉េជាមជ្ឍមណ្ឌលភូមិសាស្រ្តសេដ្ឋកិច្ច និងដឹកជញ្ជូនរបស់ចិន និងជាខេត្តដែលស្ថិតក្នុងផែនការអភិវឌ្ឍខ្សែក្រវាត់ក្រុង និងផ្លូវផងដែរ។ លើសពីនេះទៀត ក្រុមហ៊ុនធំៗនៅខេត្តនេះ បានមកធ្វើការវិនិយោគនៅកម្ពុជាលើវិស័យហេដ្ឋារចនាសម្ព័ន្ធ និងធនធានថាមពលជាដើម ។គួររម្លឹកផងដែរថា ខេត្តសៀមរាប , ខេត្តកំពត និងខេត្តព្រះសីហនុ សុទ្ធសឹងតែជាខេត្តដែលសម្បូរទៅដោយភ្ញៀវទេសចរ និងថែមទាំងជាខេត្តដែលមានសក្តានុពលខ្លាំងទៀតផង ។ជាក់ស្តែងដូចជាខេត្តព្រះសីហនុដែលស្ថិតក្រោមការដឹកនាំរបស់ឯកឧត្តម គួច ចំរើន បច្ចុប្បន្នមានការរីកចម្រើនគួរឱ្យកត់សម្គាល់ទាំងផ្នែកហេដ្ឋារចនាសម្ព័ន្ធនានារបស់ខេត្តដែលនៅជាប់សមុទ្រមួយនេះ ។ ខេត្តព្រះសីហនុនឹងក្លាយជាទីក្រុងពាណិជ្ជកម្មដ៏សំខាន់មួយរបស់កម្ពុជា មានអគារខ្ពស់ៗ ផ្លូវខ្វាត់ខ្វែង មិនចាញ់ប្រទេសជឿនលឿនផ្សេងៗឡើយ ។ អមនឹងពាក្យមួយដែលគេប្រសិទ្ធនាមឱ្យថា ជាទីក្រុងដ៏ទំនើបពោរពេញដោយសោភណ្ឌភាព បរិស្ថានល្អ សម្រាប់ការរស់នៅ ទេសចរណ៍ និងធុរកិច្ច ជាពិសេសធានាបាននូវគុណភាពរឹងមាំអាចប្រើប្រាស់បានយូរអង្វែង ។រីឯខេត្តសៀមរាបវិញប្រមូលផ្តុំទៅដោយគម្រោងអភិវឌ្ឍធំៗជាច្រើនមានដូចជា អាកាសយានដ្ឋានអន្តរជាតិសៀមរាប (AIAI) មានទីតាំងស្ថិតនៅក្នុងឃុំតាយ៉ែក ស្រុកសូទ្រនិគម ខេត្តសៀមរាប ។ អាកាសយានដ្ឋានអន្តរជាតិនេះកំពុងត្រូវបានសាងសង់ដោយក្រុមហ៊ុន Angkor International Airport Investment(AI​AI) ដែលជាការវិនិយោគដោយក្រុមហ៊ុនចិនក្នុងទឹកប្រាក់ចំនួន ៨៨០លានដុល្លារ នៅលើផ្ទៃដី១,៧០០ហិកតា និងតំបន់សេដ្ឋកិច្ចពិសេសដែលគ្រោងនឹងធ្វើឡើងនៅលើផ្ទៃដីទំហំ១០០០ហិកតាដោយគ្រោងបញ្ចប់នៅឆ្នាំ២០២៣ខាងមុខនេះ រួមជាមួយនឹងគម្រោងអភិវឌ្ឍផ្សេងៗជាច្រើនទៀតផងដែរ ។ចំណែកឯខេត្តកំពតក៏ជាមុខព្រួញសំខាន់មួយរបស់អ្នកអភិវឌ្ឍលើវិស័យអចលនទ្រព្យពោលក៏មានការបង្កើតទីក្រុងបូកគោដែលស្ថិតក្នុងផែនការមេអភិវឌ្ឍន៍គោលដៅទេសចរណ៍ រួមជាមួយនឹងគម្រោងធំមួយទៀតគឺសាងសង់កំពង់ផែទេសចរណ៍អន្តរជាតិជាដើម ៕

អ្នកជំនាញរំពឹងថា ព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ខាងមុខនឹងទាក់ទាញចំណាប់អារម្មណ៍ថ្មីលើអចលនទ្រព្យខណ្ឌជ្រោយចង្វារ។ Supplied.កម្ពុជាបានបញ្ជាក់ជាថ្មីពីការត្រៀមខ្លួនរួចរាល់ ក្នុងការធ្វើជាម្ចាស់ផ្ទះស៊ីហ្គេម នាឆ្នាំ២០២៣​ខាងមុខ នេះបើតាមការចុះផ្សាយមួយរបស់ខ្មែរថាមស៍។ការប្ដេជ្ញាចិត្ត ក្នុងការធ្វើជាម្ចាស់ផ្ទះព្រឹត្តិការណ៍ស៊ីហ្គេមរបស់កម្ពុជានេះ ត្រូវបានលើកឡើងដោយអគ្គលេខាធិការ​គណៈកម្មាធិការ​ជាតិ​អូឡាំពិក​កម្ពុជា ឯកឧត្តមវ៉ាត់ ចំរើន ក្នុងឱកាសកិច្ចប្រជុំអនឡាញជាមួយអ្នកតំណាងសហព័ន្ធកីឡាអាស៊ីអាគ្នេយ៍ ពាក់ព័ន្ធនឹងសំណើររបស់វៀតណាម ក្នុងការពន្យារពេលព្រឹត្តិការណ៍ស៊ីហ្គេមដែលខ្លួនធ្វើជាម្ចាស់ផ្ទះ ទៅឆ្នាំក្រោយ។អគ្គលេខាធិការ​គណៈកម្មាធិការ​ជាតិ​អូឡាំពិក​កម្ពុជារូបនេះក៏បានលើកឡើងដែរថា កម្ពុជានឹងមិនលះបង់កិច្ចខិតខំប្រឹងប្រែងរបស់ខ្លួនកន្លងមក ក្នុងការរៀបចំព្រឹត្តិការណ៍តំបន់មួយនេះទេ។ ឯកឧត្តមវ៉ាត់ ចំរើន ក៏បានលើកឡើងផងដែរ អំពីកិច្ចខិតខំប្រឹងប្រែងរបស់គណកម្មធិការក្នុងការអនុវត្តផែនការយុទ្ធសាស្ត្រ សម្រាប់ព្រឹត្តិការណ៍កីឡាស៊ីហ្គេមឆ្នាំ២០២៣នេះ។ លោកក៏បានបង្ហាញពីការត្រៀមខ្លួនរួចរាល់របស់កម្ពុជា ក្នុងការធ្វើជាម្ចាស់ផ្ទះព្រឹត្តិការណ៍អាស៊ានប៉ារ៉ាហ្គេមផងដែរ។ព្រឹត្តិការណ៍ស៊ីហ្គេមនាពេលខាងមុខ អាចនឹងធ្វើឱ្យខណ្ឌជ្រោយចង្វារ ក្លាយទៅជាទីផ្សារអចលនទ្រព្យដ៏ទាក់ទាញបំផុត របស់ទីក្រុងភ្នំពេញ។ ជាការពិត ខណ្ឌមួយនេះ គឺជាចំណាប់អារម្មណ៍របស់អ្នកវិនិយោគជាច្រើនរួចមកហើយ ដោយសារតែសម្រស់ធម្មជាតិ និងកំណើនប្រជាប្រិយភាព នៃការរស់នៅបែបជាយក្រុង ក្នុងចំណោមប្រជាជនកម្ពុជាចំណូលមធ្យម និងខ្ពស់។គម្រោងដូចជាThe Peninsula Private Residences, La Vista One, Morgan Park Villa និងMorgan EnMaison គឺជាគម្រោងដែលពេញនិយម និងទាក់ទាញចំណាប់អារម្មណ៍ក្នុងចំណោមអ្នកទិញអចលនទ្រព្យ ខណៈដែលគម្រោងទាំងនេះបានក្លាយទៅជាអចលនទ្រព្យវិនិយោគសំខាន់ ប្រចាំខណ្ឌជ្រោយចង្វាររួចទៅហើយ។ភូមិកីឡដ្ឋាន វើលដ៍ប្រ៊ីជ នៃខណ្ឌជ្រោយចង្វារ មានកន្លែងហាត់កីឡាសម្រាប់រក្សារាង និងសុខភាព សម្រាប់អ្នករស់នៅ។ Suppliedយោងតាមបរិបទ នៃព្រឹត្តិការណ៍ស៊ីហ្គេមឆ្នាំ២០២៣ ភូមិកីឡដ្ឋាន វើលដ៍ប្រ៊ីជនឹងទទួលបានផលប្រយោជន៍ច្រើនបំផុតពីព្រឹត្តិការណ៍ស៊ីហ្គេម ដោយសារតែវាស្ថិតនៅជិតពហុកីឡាដ្ឋានជាតិមរតកតេជោ ដែលជាកន្លែងប្រកួតព្រឹត្តិការណ៍ស៊ីហ្គេម ។ភូមិកីឡដ្ឋាន វើលដ៍ប្រ៊ីជនឹងក្លាយជាភូមិកីឡដ្ឋានដំបូងបំផុតនៅកម្ពុជា គ្រប់ដណ្ដប់លើផ្ទៃដី៦៣,៥៧៦គីឡូម៉ែត្រការ៉េ។ ភូមិកីឡដ្ឋានទីមួយនេះ នឹងផ្ដល់កន្លែងហាត់កីឡាបែបទំនើបដោយរួមបញ្ចូលអាងហែលទឹក និងទីធ្លាហ្វឹកហាត់កីឡា។ អ្នករស់នៅនឹងទទួលបានបែបផែនជីវិតប្រកបដោយសុខភាព នៅក្នុងចំណោមយូនីធទាំង១៧៤៧ ដោយរួមបញ្ចូលខុនដូ និងអចលនទ្រព្យផ្ទាល់ដី។ដោយឡែកសំណង់ភូមិកីឡដ្ឋាន ត្រូវបានចាប់ផ្ដើមនៅដើមឆ្នាំនេះ ព្រមទាំងគ្រោងនឹងបញ្ចប់មុនព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមឆ្នាំ២០២៣។ លោកអ្នកអាចចូលមើលពិព័ណ៌នាទាំងស្រុង​ អំពីភូមិកីឡដ្ឋានវ៊ើលដ៍ប្រ៊ីជបាននៅទីនេះ។

វាហាក់បីដូចជាទើបតែប៉ុន្មានខែមុនសោះ ដែលអ្នកធ្វើដំណើរតាមផ្លូវជាតិលេខ៣មានការត្អូញត្អែរពីការលំបាកក្នុងការធ្វើដំណើរ​ដោយសារស្ថានភាពផ្លូវមានការខូចខាតច្រើន ប៉ុន្តែពេលថ្មីៗនេះ ក្រសួងសាធារណការ និងដឹកជញ្ចូនបានបង្ហាញរូបភាពថ្មីស្រឡាងអំពីវឌ្ឍនភាពចុងក្រោយបង្អស់នៃការសាងសង់ផ្លូវជាតិលេខ៣នេះ ដែលបង្ហាញថាបានសម្រេចស្ទើរតែ១០០%ហើយ។​អមជាមួយនឹងរូបភាពរបស់ឯកឧត្ដមទេសរដ្ឋមន្ត្រី ស៊ុន ចាន់ថុល និងប្រតិភូចម្រុះទៅត្រួតពិនិត្យវឌ្ឍនភាពនៃផ្លូវជាតិលេខ៣ កាលពីថ្ងៃទី២២ ខែមិថុនា ឆ្នាំ២០២១កន្លងទៅនេះ បានអោយឃើញផ្លូវលាតសន្ធឹងយ៉ាងវែងអន្លាយ ដែលចាប់ផ្តើមពីរង្វង់មូលចោមចៅ ទៅដល់ខេត្តកំពត និងមានប្រវែងសរុប១៣៤,៧៩៦ ម៉ែត្រ។ គម្រោងនេះត្រូវបានសាងសង់ដោយក្រុមហ៊ុនសាជីវកម្មស្ពាន និងថ្នល់ចិន (China Road and Bridge Corporation) ត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសសំណង់ ក្វាងចូវ វ៉ានអាន  (Guangzhou Wanan Construction Supervision Co., Ltd)។គម្រោងនេះ ប្រើប្រាស់រយៈពេលសាងសង់ ៤៨ខែ ចំណាយថវិកាសរុបប្រមាណ ២១៩ ៩១១ ០០០ ដុល្លារអាមេរិក ជាហិរញ្ញប្បទានសម្បទានពីសាធារណរដ្ឋប្រជាមានិតចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា គិតរហូតមកទល់ពេលនេះ គម្រោងនេះសម្រេចបានស្ទើរតែ១០០% ហើយ។ខ្សែផ្លូវនេះក៏មានបំពាក់កាមេរ៉ាចាប់ល្បឿនយានយន្តចំនួន១៤កាមេរ៉ា ស្ថានីយថ្លឹងយានយន្ដចំនួន ០២កន្លែង និងគ្រោងបំពាក់ប្រព័ន្ធកាមេរ៉ា និងជញ្ជីងស្វ័យស្វ័យប្រវត្ត (AI Camera and High Speed Weigh in Motion Senior) ផងដែរ។ក្នុងឱកាសនោះដែរ ឯកឧត្តមទេសរដ្ឋមន្រ្តី បានសំណូមពរឱ្យបងប្អូនប្រជាពលរដ្ឋ អ្នកប្រើប្រាស់ផ្លូវ គោរពច្បាប់ទាំងអស់គ្នា ចូលរួមថែរក្សាទ្រព្យសម្បត្តិជាតិយើងឱ្យបានគង់វង្ស និងប្រើប្រាស់បាន យូរអង្វែង ដោយហេតុថា រាជរដ្ឋាភិបាលបានខិតខំប្រឹងប្រែងរកថវិកា មកសាងសង់ដោយលំបាក និងបានទទូចថា៖ សូមកុំប្រថុយ ប្រថានដឹកជញ្ជូនលើសទម្ងន់ ដែលបង្កឱ្យផ្លូវឆាប់ខូច បង្កគ្រោះថ្នាក់ចរាចរណ៍ កុំបើកលើសល្បឿនកំណត់ដោយច្បាប់ ដើម្បីចូលរួមចំណែកក្នុង ការកសាងប្រទេសជាតិមាតុភូមិរបស់យើងឱ្យកាន់តែរីកចម្រើនថែម ទៀតក្រោមការដឹកនាំ ដ៏ឈ្លាសវៃរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ឆ្លៀតក្នុងឱកាសនោះផងដែរ ឯកឧត្តមទេសរដ្ឋមន្ត្រី បានជម្រាបជូនអំពីគម្រោងធ្វើឱ្យប្រសើរឡើង ផ្លូវជាតិលេខ៤១ ផ្លូវជាតិលេខ៣១ ផ្លូវជាតិលេខ៣៣ គម្រោងសាងសង់ស្ពាននៅក្រចេះ និងបណ្ដាគម្រោងសាងសង់មួយចំនួនផ្សេងទៀត ដើម្បីចូលរួមកាត់បន្ថយចំណាយភស្តុភាកម្ម ទាក់ទាញអ្នកវិនិយោគមកបណ្ដាក់ទុននៅកម្ពុជា។ គួរបញ្ជាក់ថា ការបញ្ចប់គម្រោងសាងសង់ផ្លូវជាតិលេខ៣នេះមិនត្រឹមតែផ្តល់ផលប្រយោជន៍ ចំនេញពេលវេលា និងថ្លៃធ្វើដំណើរទៅកាន់តំបន់តាមបណ្តោយផ្លុវនេះប៉ុណ្ណោះទេ ប៉ុន្តែវាក៏នឹងលើកកម្ពស់វិស័យទេសចរណ៍ដល់ខេត្តដែលពាក់ព័ន្ធអោយកាន់តែមានភ្ញៀវទេសចរណ៍ច្រើនជាងមុនដែរ៕

ប្រព័ន្ធរថភ្លើងលើអាកាស “BTS” ទីក្រុងបាងកក គឺជាឧទាហរណ៍ នៃប្រព័ន្ធដឹកជញ្ជូនសាធារណរត់កាត់ក្រុង ដែលទីក្រុងភ្នំពេញអាចយកធ្វើជាគម្រូ។ រូបភាពពី Property Newsក្រសួងសាធារណការ និងដឹកជញ្ជូនបានបញ្ចប់ ការសិក្សាលទ្ធភាពគម្រោងប្រព័ន្ធរថភ្លើងMonorail និងរថភ្លើងក្រោមដី សម្រាប់ទីក្រុងភ្នំពេញហើយ នេះបើតាមការឱ្យដឹងរបស់ឯកឧត្តមស៊ុន ចាន់ថុល រដ្ឋមន្ត្រី។ ឯកឧត្តមរដ្ឋមន្ត្រីថ្លែងឡើងដូចនេះ កំលុងការសង្ខេបរបាយការណ៍ស្ដីពីសមិទ្ធផល និងវឌ្ឍនភាព របស់ក្រសួងសាធារណការ និងដឹកជញ្ជូន ជូនទៅកាន់សម្ដេចសាយ ឈុំ ប្រធានព្រឹទ្ធសភាជាតិ។ឯកឧត្តមរដ្ឋមន្ត្រី ក៏បានលើកឡើងក្នុងរបាយការណ៍របស់ខ្លួនផងដែរ អំពីកិច្ចសហប្រតិបត្តិការរវាងក្រសួង និងទីភ្នាក់ងារជប៉ុនសម្រាប់សហប្រតិបត្តិការអន្តរជាតិ ហៅកាត់ថាJICA លើផែនការអភិវឌ្ឍគម្រោងប្រព័ន្ធផ្លាស់ប្ដូរទិន្នន័យអេឡិចត្រូនិចនៅកំពង់ផែ (Port EDI),​ ការធ្វើឱ្យប្រសើរកំពង់ផែស្វយ័តភ្នំពេញ និងការអភិវឌ្ឍប្រព័ន្ធដឹកជញ្ជូនអយស្ម័យយានសាធារណៈ។អវត្តមាន នៃប្រព័ន្ធដឹកជញ្ជូនសាធារណៈមួយ នៅតែជាចំណោទ ដែលទាមទារឱ្យមានចម្លើយ នៅក្នុងការអភិវឌ្ឍទីក្រុងភ្នំពេញ ទន្ទឹមនឹងការអភិវឌ្ឍលឿនរហ័សរបស់ទីក្រុង និងកំណើនប្រជាជនចំណូលមធ្យមដែលរស់នៅក្នុងទីក្រុង។ បើទោះជាយើងអាចសាទរកំណើនការកកស្ទះចរាចរណ៍ ដែលជាសញ្ញានៃកំណើនសកម្មភាពសេដ្ឋកិច្ចក្ដី ការកកស្ទះនៅតែជាបញ្ហាប្រឈមសម្រាប់ទីក្រុងភ្នំពេញ ដោយសារតែពេលវេលាខ្ជះខ្ជាយកំលុងការកកស្ទះ ថ្លៃសាំង និងផលប៉ះពាល់លើបរិស្ថានជាដើម។ព័ត៌មានបច្ចេកទេសលំអិត អំពីគម្រោងអយស្ម័យាន នៅមិនទាន់បង្ហាញជាសាធារណៈនៅឡើយទេ។ ទោះបីជាយ៉ាងនេះក្ដី គេបានដឹងថា អយស្ម័យាន និងផ្លូវដែកសម្រាប់រត់ នឹងប្រើប្រាស់សម្ភារៈសម្រាប់ទប់សម្លេងរំខានពីរថភ្លើង ដើម្បីបញ្ចៀសផលប៉ះពាល់ពីសម្លេងរំខាន ទៅលើប្រជាជនដែលរស់នៅជិតផ្លូវរថភ្លើង និងស្ថានីយរថភ្លើង។ ថ្លៃដើម នៃគម្រោងប្រព័ន្ធអយស្ម័យានដែលបានលើកឡើងនេះ មានតម្លៃទាបជាង តម្លៃស្ថាបនាប្រព័ន្ធអយស្ម័យានដែលបានលើកឡើង កាលពីពេលមុនៗ នេះបើតាមរបាយការណ៍របស់ឯកឧត្តមរដ្ឋមន្ត្រី។មកទល់ពេលនេះ គេពុំទាន់ទទួលបានរបាយការណ៍ផ្លូវការណ៍ណាមួយ អំពីទីតាំងរបស់ផ្លូវរថភ្លើងទាំងនោះ នោះទេ។ យ៉ាងណាមិញ គេតែងសង្កេតឃើញថា អចលនទ្រព្យ ទាំងសម្រាប់ពាណិជ្ជកម្ម និងរស់នៅ ច្រើនតែកើនឡើងតម្លៃ នៅពេលដែលអចលនទ្រព្យទាំងនោះ ស្ថិតនៅជិតគម្រោងដឹកជញ្ជូនសាធារណៈណាមួយ ដោយសារតែភាពងាយស្រួលរបស់ប្រជាជន ក្នុងការធ្វើដំណើរទៅកាន់ទីក្រុង តាមរយៈប្រព័ន្ធដឹកជញ្ជូនទាំងនោះ។

វិស័យសំណង់ នៅក្រុងព្រះសីហនុ នៅតែបន្តរីកលូតលាស់ ទោះបើមានការចាកចេញរបស់ការស៊ីណូអនឡាញ នាចុងឆ្នាំ២០១៩ក្ដី។ Supplied. សារព័ត៌មានជាតិ និងអន្តរជាតិតែងតែសរសេរមិនលស់ពេល​ ពីក្រុងព្រះសីហនុ កាលពីពេលកន្លងៗមក។ ក្រុងព្រះសីហនុ ធ្លាប់ត្រូវបានចាត់ទុកជាទីក្រុងទិសដៅ សម្រាប់ការវិនិយោគអចលនទ្រព្យដែលគេទន្ទឹងរង់ចាំ ទីក្រុងមួយនេះគឺជាតំបន់ទិសដៅសម្រាប់លំនៅដ្ឋាន អាជីវកម្ម ផ្សារលក់រាយ និងជាតំបន់បនល្បែងប្រចាំអាស៊ីអាគ្នេយ៍ រហូតដល់ឆ្នាំ២០១៩។​ ក្រុងព្រះសីហនុធ្លាប់ជាបេះដូង នៃការអភិវឌ្ឍជឿនលឿន របស់កម្ពុជា សម្រាប់មួយទសវត្សចុងក្រោយនេះ។ ទីក្រុង Boomtowns ដូចជាក្រុងព្រះស្រីហនុ គឺជាប្រភេទទីក្រុងដែលមានការអភិវឌ្ឍលឿនរហ័ស ប៉ុន្តែខ្វះខាតហេដ្ឋរចនាសម្ព័ន្ធសម្រាប់ទ្រទ្រង់ការអភិវឌ្ឍ។ រូបភាពពី the Southeast Asia Globe ក្រុងព្រះសីហនុ អតីតទីក្រុងឆ្នេរសមុទ្របែបស្ងប់ស្ងាត់ នៅឆ្នេរភាគខាងត្បូងប្រទេសកម្ពុជា បានប្រែក្លាយខ្លួនទៅជាទីក្រុង Boomtowns អាស្រ័យដោយការអភិវឌ្ឍវិស័យអចលនទ្រព្យលឿនរហ័សរបស់កម្ពុជា និងការរីកសាយ នៃប្រតិបត្តិការបនល្បែង នៅអាស៊ីអាគ្នេយ៍។ ប្រតិបត្តិការបនល្បែងនេះ គឺជាអ្នករុញច្រានការអភិវឌ្ឍរបស់ទីក្រុងព្រះសីហនុ ដោយមានប្រតិបត្តិករបនល្បែងជាច្រើនរយនាក់ សម្រុកមកទីក្រុងមួយនេះ ដើម្បីទទួលបានអត្ថប្រយោជន៍ពីអជ្ញាប័ណ្ណបនល្បែង ដែលអនុញ្ញាតឱ្យមានប្រតិបត្តិការនៅកម្ពុជាដោយស្របច្បាប់។ បនល្បែងអនឡាញ សម្រាប់ជនជាតិចិន គឺជាសញ្ញាណមួយគួរឱ្យកត់សម្គាល់នៅក្នុងក្រុងព្រះសីហនុ ដែលទាកទាញជនជាតិចិនជាច្រើនពាន់ម៉ឺននាក់ ឱ្យមកផ្លាស់ទី និងធ្វើការនៅក្នុងទីក្រុង។ ការហូរចូលនៃទីផ្សារថ្មី ជាមួយមូលធនច្រើន ធ្វើឱ្យទីផ្សារអចលនទ្រព្យក្រុងព្រះសីហនុឡើងថ្លៃកប់ពពក ក្នុងរយៈពេលមិនប៉ុន្មានខែ។ យោងតាមកាសែត Khmer Times រដ្ឋាភិបាលបានផ្ដល់អាជ្ញាប័ណ្ណបនល្បែងចំនួន១៦០ ដល់ប្រតិបត្តិករទូទាំងប្រទេស នៅពាក់កណ្ដាលឆ្នាំ២០១៩នេះ។ រូបភាពពី Bloomberg/Getty Images សន្ទុះអភិវឌ្ឍបស់ក្រុងព្រះសីហនុ យ៉ាងណាក៏ដោយ ក៏ជួបប្រទះភាពយឺតយ៉ាវ នៅក្នុងខែសីហា ឆ្នាំ២០១៩ អាស្រ័យដោយរដ្ឋាភិបាលបានចេញសេចក្ដីប្រកាសថា នឹងមិនបន្តផ្ដល់ ឬបន្តអាជ្ញាប័ណ្ណល្បែងអនឡាញទៀតនោះទេ។ ព័ត៌មាននេះ ជះឥទ្ធិពលដល់ប្រតិបត្តិករបនល្បែងអនឡាញទូទាំងប្រទេស ឱ្យរើរចេញពីក្រុងព្រះសីហនុ និងទីក្រុងល្បែងផ្សេងទៀត ដូចជាប៉ោយប៉ែត (ជាប់ព្រំដែនថៃ) និងបាវិត (ជាប់ព្រំដែនវៀតណាម)។ ជនបរទេសជាង១សែននាក់ បានចាក់ចេញពីប្រទេសកម្ពុជាត្រឹមដើមឆ្នាំ២០២០ នេះបើតាមតួលេខពីរដ្ឋាភិបាល។ ទោះយ៉ាងណាក៏ដោយ បញ្ហាមិនទាន់ចប់ទាំងស្រុងសម្រាប់ក្រុងព្រះសីហនុ ជាមួយការចាកចេញរបស់បនល្បែងអនឡាញនោះទេ។ នៅពេលដែលកម្ពុជាឈានចូលទៅកាន់ឆ្នាំ២០២០ ការផ្ទុះរាលដាល​ នៃជម្ងឺកូវីឌ-១៩ មិនយូរប៉ុន្មាន ក៏សាយភាយមកដល់កម្ពុជា ជាមួយនឹងករណីវិជ្ជមានទីមួយ​ របស់ប្រជាជនមួយរូប រស់នៅខេត្តព្រះសីហនុ។ ការផ្ទុះរាលដាលនៃជម្ងឺ បន្តធ្វើឱ្យចំនួនភ្ញៀវដែលមកទស្សនាក្រុងព្រះសីហនុធ្លាក់ចុះ និងប៉ះពាល់ដល់សេដ្ឋកិច្ចក្រុងព្រះសីហនុ ដែលកំពុងព្យាយាមផ្លាស់ប្ដូរខ្លួនឱ្យក្លាយទៅជារមណីដ្ឋានឆ្នេរខ្សាច់អេកូទេសចរណ៍ សម្រាប់ភ្ញៀវជាតិ និងអន្តរជាតិជាថ្មីម្ដងទៀត។ វិបត្តិជម្ងឺកូវីឌ១៩ ធ្វើឱ្យសេដ្ឋកិច្ចរបស់ក្រុងព្រះសីហនុធ្លាក់ដុនដាប។ ខណៈដែលពេលវេលាដ៏សមប្រកបនៃល្បែងអនឡាញកន្លងផុតទៅ ក្រុងព្រះសីហនុក៏មានសក្ដានុពលផ្ទាល់ខ្លួនដែលប្រុងនឹងបញ្ចេញផងដែរ។ មុខមាត់ថ្មី នៃក្រុងព្រះសីហនុ នាឆ្នាំ២០២១ រូបភាពពី Discover ASEAN Facebook ទីក្រុងផែសមុទ្រធំៗ នៅក្នុងប្រវត្តិសាស្ត្រ តែងតែអភិវឌ្ឍខ្លួនលឿនរហ័ស ដោយទីក្រុងមួយចំនួនបានវិវឌ្ឍខ្លួនក្លាយទៅជារដ្ឋធានី/រាជធានី មានដូចជាទីក្រុងបាងកក ម៉ានីល តូក្យូ និងសឹង្ហបុរីជាដើម។ ក្រុងព្រះសីហនុប្រហែលមិនមែនជារាជធានីរបស់កម្ពុជា ប៉ុន្តែវាអាចជាទីក្រុងក្សត្រីនាភាគខាងត្បូង ដោយមានការតាំងនៅកំពង់ផែទឹកជ្រៅ តែមួយរបស់កម្ពុជា គ្រប់គ្រងដោយកំពង់ផែស្វយ័តក្រុងព្រះសីហនុ។ ទីតាំងរបស់ក្រុងព្រះសីហនុបែបនេះហើយ ដែលធ្វើឱ្យក្រុងមួយនេះ ក្លាយជាច្រកសម្រាប់ប្រេនអន្តរជាតិ ចូលមកក្នុងទីផ្សាររបស់ប្រទេសកម្ពុជា។ រូបភាពពី Discover ASEAN Facebook ក្នុងនាមជាខេត្តមួយ ក្រុងព្រះសីហនុ ជាកន្លែងដែលតំបន់សេដ្ឋកិច្ចពិសេសតាំងនៅ ដែលផ្ដល់ឱកាសការងារ និងជំនាញទៅដល់តំបន់មួយនេះ។ អាកាសយានដ្ឋានអន្តរជាតិព្រះសីហនុ ក៏មានទីតាំងស្ថិតនៅក្រុងព្រះសីហនុផងដែរ ដែលផ្ដល់ឱ្យភ្ញៀវទេសចរណ៍ការហោះហើរត្រង់ មកឆ្នេរខ្សាច់នានាដែលត្រូវបានជួសជួល និងអភិវឌ្ឍបន្ថែម ក្រោយការចាកចេញទៅនៃកាស៊ីណូអនឡាញ និងការធ្លាក់ចុះភ្ញៀវទេសចរណ៍អន្តរជាតិ។ រូបភាពពី Discover ASEAN Facebook ឧបសគ្គដែលក្រុងព្រះសីហនុជួបប្រទេស ក្នុងរយៈពេល២ឆ្នាំចុងក្រោយ ប្រហែលជាបានធ្វើឱ្យយឺតយ៉ាវវឌ្ឍនភាពរបស់ទីក្រុង ប៉ុន្តែវាមិនបញ្ចប់ការអភិវឌ្ឍទាំងស្រុងនោះឡើយ។ ផ្ទុយមកវិញ វាក៏បានអនុញ្ញាតឱ្យគម្រោងអភិវឌ្ឍបែបប្រណីតធំៗ តួយ៉ាងដូចជា កោះមរកត (កោះពស់) ស្ថាបនាខ្លួនឯងឱ្យក្លាយជាកោះសម្រាកលំហែបែបឯកជន សម្រាប់អ្នកដែលចង់ទិញគម្រោងវីឡាផ្សេងៗ។ ក្រុងព្រះសីហនុ ជារួម ត្រូវបានយោគយល់ និងទុកពេលវេលា ក្នុងការកែប្រែខ្លួនទៅជាតំបន់ ដែលមានសន្ទុះក្នុងវិស័យផលិតកម្ម ពលករជំនាញ ធនធានធម្មជាតិ និងការផ្សារភ្ជាប់ទៅទីផ្សារអន្តរជាតិ។ ចាប់អារម្មណ៍អចលនទ្រព្យ នៅទីក្រុងឆ្នេរសមុទ្រនេះ? ចូលមើលអចលនទ្រព្យ ដែលដាក់លក់នៅក្នុងក្រុងព្រះសីហនុ។ កំពុងស្វែងរកអចលនទ្រព្យសម្រាប់វិនិយោគ? យើងអាចជួយអ្នកបាន!

កោះមរកត ដែលភាគច្រើនគេនិយមស្គាល់ និងហៅថាកោះពស់ គឺជាកោះមួយដែលស្ថិតនៅជិតដែនគោកនៃក្រុងព្រះសីហនុជាងគេ បើប្រៀបធៀបនឹងកោះផ្សេងៗ។ កោះនេះទទួលបានការចាប់អារម្មណ៍កាន់តែខ្លាំង បន្ទាប់ពីមានការសាងសង់ស្ពានតពីដីគោកចូលទៅកាន់កោះនេះរួចរាល់។ លក្ខណៈពិសេសរបស់កោះនេះ គឺឆ្នេរខ្សាច់សក្បុសយ៉ាងប្រណិត អមជាមួយនឹងទេសភាពព្រៃឈើលើកោះ និងធម្មជាតិក្នុងទឹក ដែលប្រៀបបានទៅនឹងឋានសួគ៌ និងបានទាក់ទាញភ្ញៀវទេសចរណ៍គ្រប់កន្លែងមកកំសាន្តស្ទូចត្រី និងមុជទឹកក្រោមបាតសមុទ្រជាដើម។ ក្រៅពីភាពអំនោយផលពីធម្មជាតិនេះ កោះមរកតក៏បានអភិវឌ្ឍន៍គម្រោងផ្ទះវីឡារីសតលំហែកាយ លក្ខណៈអភិជន ប្រកបទៅដោយឯកជនភាពនៅលើកោះនេះផងដែរ។ គម្រោងវីឡាបែបប្រណិតនេះមានសរុប ៣៦ខ្នង សុទ្ធសឹងតែនៅជាប់មាត់សមុទ្រ និងបែងចែកចេញជា​៥ប្រភេទ រួមមានវីឡាអរឃីត (Orchid) វីឡាឡូធឹស (Lotus) វីឡាផ្លាំមឺរៀ​ (Plumeria) វីឡាមែកណូលៀ (Magnolia) និងវីឡាចាស្មីន (Jasmine)។ ប្រភេទវីឡាទាំងអស់សុទ្ធតែបានរចនាយ៉ាងផ្ចិតផ្ចង់ ដោយផ្តោតទៅលើគុណភាព និងការរស់នៅបែបស៊ីវីល័យ ជាពិសេសជាមួយនឹងទេសភាពឆ្នេរខ្សាច់សក្បុស និងទឹកសមុទ្រពណ៌ខៀវស្រងាត់ បង្កើតបានជាទេសភាពអស្ចារ្យមិនអាចកាត់ថ្លៃបាន។ រីឯទំហំផ្ទះនីមួយៗក៏សុទ្ធតែធំៗ ពោលគឺរហូតដល់ ៥៦៥ម៉ែត្រការ៉េ ងាយស្រួលក្នុងការរស់នៅ និងកំសាន្តអារម្មណ៍បន្ទាប់ពីទំនេរពីការប្រកបរបររបស់លោកអ្នក។ វីឡាទាំងអស់ក៏លំអទៅដោយក្បាច់រចនាបែបស្ថាបត្យកម្មខ្មែរ ដោយប្រើប្រាស់ឈើប្រណិត និងកញ្ចក់ធំៗ អាចអោយពន្លឺជះចូលក្នុងផ្ទះបានល្អ ជាមួយនឹងខ្យល់អាកាសយ៉ាងស្រស់ស្រាយទៀត។ ងាកមកមើលទៅទីតាំងនៃកោះពស់វិញ លោកអ្នកប្រាកដជាបានដឹងហើយ​ថាវាមានចម្ងាយត្រឹមតែប៉ុន្មាននាទីប៉ុណ្ណោះពីទីប្រជុំជនក្រុងព្រះសីហនុ ហើយការធ្វើដំណើរគឺរឹតតែងាយស្រួល​ ដោយលោកអ្នកអាចប្រើប្រាស់ស្ពានឆ្លងចូលទៅក្នុងនោះតែម្តង​។ ការរស់នៅនៅកោះនេះ គឺពុំបង្កអោយមានជាសម្លេងរំខាន ការស្ទះចរាចរណ៍ រឺក្លិនផ្សែងពុលដូចនៅក្នុងទីក្រុងនោះទេ។ រឺឯហេដ្ឋារចនានៅក្នុងកោះក៏ត្រូវបានសាងសង់រួចរាល់យ៉ាងត្រឹមត្រូវ សាកសមនឹងឈ្មោះកោះមរកតនេះតែម្តង។គ្រប់ចំនុចលម្អិតទាំងអស់នៅក្នុងគម្រោងវីឡាប្រណិតលើកោះមរកតនេះ ត្រូវបានរៀបចំឡើងយ៉ាង យកចិត្តទុកដាក់ ដើម្បីធានាម្ចាស់អចលនទ្រព្យទាំងអស់នៅលើកោះនេះនឹងទទួលបានបទពិសោធន៍ លំដាប់ផ្កាយប្រាំ មិនធ្លាប់មាននៅក្នុងគម្រោងលំឋានលំហែកាយក្នុងប្រទេសកម្ពុជាកន្លងមកនោះទេ។​ ក្រៅពីនេះ នៅក្នុងគម្រោងក៏មានបំពាក់ប្រព័ន្ធការពារជាមួយបច្ចេកទេសទំនើបចុងក្រោយបង្អស់ អមជាមួយការមើលថែសន្តិសុខយ៉ាងខ្ជាប់ខ្ជួនដើម្បីធានាពីសុវត្ថិភាពរបស់អ្នករស់នៅ។ មិនត្រឹមតែចំនុចនេះទេ លោកអ្នកដែលរស់នៅក្នុងគម្រោងនេះក៏អាចប្រើប្រាស់មជ្ឈមណ្ឌលសុខភាព ដែលផ្តល់ជូនដូចជាសេវាកម្មស្បា ហាត់ប្រាណ និងការមើលថែសុខភាពជាច្រើនទៀត។គម្រោងនេះសាកសមបំផុតសម្រាប់អតិថិជនដែលស្វែងរកផ្ទះលំហែកាយ ប្រកបដោយឯកជនភាព នៅជាប់មាត់សមុទ្រ និងមានតម្លៃសមរម្យ ប៉ុន្តែមានគុណភាព និងការរៀបចំមិនចាញ់គម្រោងផ្សេងៗ នាមជ្ឍឹមប្រទេស លោកអ្នកពិតជាមិនខកបំណងក្នុងការជ្រើសរើសវីឡានៅកោះមរកតនេះជាក់ជា មិនខាន។ គួរបញ្ជាក់ផងដែរថា គម្រោងវីឡាលំហែកាយបែបអភិជននេះត្រូវបានអភិវឌ្ឍន៍ឡើងដោយក្រុមហ៊ុន កោះពស់ (ខេមបូឌា)​ អ៊ីនវេសមិនគ្រុប អិលធីឌី (KPIG)។ ក្រុមហ៊ុននេះមានចក្ខុវិស័យក្នុងការរៀបចំកោះមរកតនេះអោយក្លាយជាទិសដៅទេសចរណ៍ពហុបំនង ដែលនឹងអនុញ្ញាតអោយភ្ញៀវទេសចរណ៍ និងអ្នកដែលរស់នៅទីនោះទទួលបានបទពិសោធន៍ការរស់នៅពិសេសបែបអភិជន ដែលមិនធ្លាប់មានពីមុនមក៕