ខេត្តកំពតជាខេត្តមួយដែលកំពុងតែទាក់ទាញភ្ញៀវទេសចរណ៍ស្ទើរតែគ្រប់ទិសទីឱ្យទៅកំសាន្តទាំងភ្ញៀវជាតិ និងអន្តរជាតិដោយសារតែខេត្តមួយនេះមានអំណោយផលផ្នែកធម្មជាតិ ដោយមានទាំងភ្នំ ព្រែក សមុទ្រ និងព្រៃលិចទឹកជាដើម។ មិនត្រឹមតែប៉ុណ្ណោះការធ្វើដំណើរត្រឹមតែពី២ទៅ៣ម៉ោងប៉ុណ្ណោះពីភ្នំពេញ។ភាពស្ងប់ស្ងាត់អមទៅដោយធម្មជាតិជាមួយនឹងសំណង់អគារបុរាណដែលសល់ពីជំនាន់អាណានិគមបារាំងបានធ្វើឱ្យខេត្តកំពតក្លាយជាតំបន់ដែលកំពុងតែមានសក្តានុពលបំផុតនៅក្នុងការវិនិយោគទៅលើវិស័យដែលពាក់ព័ន្ធទៅនឹងទេសចរណ៍ដូចជាសណ្ឋាគារ រីសត រមនីយដ្ឋាន ភោជនីដ្ឋាន រឺសេវាកម្មទេសចរណ៍ជាដើម។​អានអត្ថបទបន្ថែមអំពី៖ ខេត្តកំពតបង្ហាញពីឱកាសវិនិយោគថ្មីជាមួយរមណីដ្ឋានបែបធម្មជាតិ!ដោយមើលឃើញពីឳកាសដែលកម្រនេះមានអ្នកវិនិយោគក្នុងស្រុក និងក្រៅស្រុកជាច្រើនបានចាប់យកខេត្តដ៏តូចច្រឡឹងនេះមកអភិវឌ្ឍន៍តាមជំនាញរៀងៗខ្លួន។ តួយ៉ាងកាលពីថ្ងៃទី២៨ ខែកុម្ហៈ កន្លងទៅនេះមានក្រុមតំណាងអ្នកវិនិយោគជប៉ុនមួយ ទើបតែបានចូលជួបជាមួយនឹងលោក ជាវ​ តាយ អភិបាលនៃគណៈអភិបាលខេត្តកំពត និងបង្ហាញពីចំនាប់អារម្មណ៍ក្នុងការវិនិយោគទៅលើការសាងសង់សណ្ឋាគារ និងបឹងកាឡូនៅក្នុងខេត្តនេះ។គម្រោងនេះនឹងធ្វើឡើងលើដីសរុប៤ហិចតាដែលមានទីតាំងស្ថិតនៅក្នុងឃុំត្រើយកោះ ដែលជាទីតាំងពេញនិយមបំផុតសម្រាប់សាងសង់សំណង់ប្រភេទសណ្ឋាគារ រីសត រឺបឹងកាឡូ។ទន្ទឹមនឹងនេះតាមការបង្ហាញពីលោក សយ ស៊ីណុល ប្រធានមន្ទីរទេសចរណ៍ខេត្តកំពតបាន​ឱ្យដឹងថា​គម្រោងវិនិយោគរបស់ជប៉ុននេះគឺពិតជាមានប្រាកដមែន ប៉ុន្តែទាក់ទិននឹងថាតើគម្រោងនេះនឹងចាប់ផ្តើមនៅថ្ងៃណារឺនឹងចំនាយមូលធនសរុបប៉ុន្មាននៅមិនទាន់ប្រាកដនោះទេ​។​លោកបន្ថែមទៀតថាបច្ចុប្បន្ននេះក្រុមហ៊ុនវិនិយោគជប៉ុនប្រហែលជាកំពុងតែធ្វើការសិក្សាទៅលើគម្រោងទាំងមូលនៅឡើយទើបមិនទាន់មានការបញ្ជាក់អ្វីផ្សេងក្រៅពីនេះ។លោក សយ ស៊ីណុល មានសុទិដ្ឋិនិយមយ៉ាងខ្លាំងថាគម្រោងនេះនឹងនាំមកនូវការអភិវឌ្ឍន៍ និងចំណូលលកាន់តែច្រើនដើម្បីជួយធ្វើឲ្យសេដ្ឋកិច្ចរបស់ខេត្ត និងប្រជាពលរដ្ឋនៅក្នុងខេត្តនេះមានភាពប្រសើរឡើង។ក្រៅពីនេះលោកមានសេចក្តីរំពឹងចង់ឱ្យមានអ្នកវិនិយោគផ្សេងៗជាពិសេសគឺវិនិយោគិនជប៉ុនជាច្រើនទៀតឱ្យមកចូលវិនិយោគនៅលើវិស័យទេសចរណ៍ និងធុរកិច្ចនេះបន្ថែមទៀតនៅក្នុងខេត្តកំពត។គូសបញ្ជាក់ផងដែរថាតាំងពីខេត្តព្រះសីហនុមានកំំណើនជនជាតិចិនកើនឡើងមក ខេត្តកំពតបានជំនួសតំណែងខេត្តព្រះសីហនុដើម្បីទទួលយកភ្ញៀវទេសចរណ៍យ៉ាងច្រើនសន្ធឹកសន្ធាប់ ពោលគឺនៅក្នុងឆ្នាំ២០១៨មានចំនួនភ្ញៀវជាតិ និងអន្តរជាតិរហូតដល់ទៅ ១.៨លាននាក់ឯណោះ៕ប្រសិនបើអ្នកចាប់អារម្មណ៍ប្រធានបទផ្សេងៗ ជុំវិញការវិនិយោគនៅកម្ពុជា សូមអានមគ្គុទេសណែនាំសម្រាប់អ្នកវិនិយោគក្នុងឆ្នាំ ២០១៩ស្វែងរកអចលនទ្រព្យសម្រាប់លក់ ឬជួលនៅក្នុងខេត្តកំពត់សូមចូលទៅកាន់ Realestate.com.kh!

យូនីតពាណិជ្ជកម្មមួយមានតម្លៃត្រឹមតែ ៦,៥០០ ដុល្លារ?នេះគឺជាការពិត!ជាមួយនឹងទុនវិនិយោគសរុបជាង ១៣០ លានដុល្លារ មជ្ឈមណ្ឌលពាណិជ្ជកម្មអន្តរ ជាតិដ៏ធំបំផុតនៅកម្ពុជានឹងចាប់ផ្តើមឡើង។ភូមិបឹងសាឡាងក្នុងខណ្ឌឫស្សីកែវ រាជធានីភ្នំពេញ ធ្លាប់ជាឃ្លាំងផ្ទុកទំនិញ (ICD) នៅច្រាំងទន្លេនៃកំពង់ផែស្វយ័តភ្នំពេញ។ នៅឆ្នាំ២០១៣​ ឃ្លាំងនេះត្រូវបានផ្លាស់ប្តូរទៅកាន់ខេត្តកណ្តាលវិញ។ បន្ទាប់មក ក្រុមហ៊ុន Yunnan Shengmao Investment Co. , Ltd  បានជ្រើសរើសទីតាំងនេះជាទីតាំងវិនិយោគ និងបានរៀបចំផែនការអភិវឌ្ឍមជ្ឈមណ្ឌលពាណិជ្ជកម្មលក់ដុំដ៏ធំបំផុតលំដាប់ពិភពលោក ដែលនឹងត្រូវសាងសង់ជាមជ្ឈមណ្ឌលកំសាន្ត និងផ្សារទំនើបដ៏ធំបំផុតនៅក្នុងប្រទេសកម្ពុជា។គម្រោង TCC គឺជាការអភិវឌ្ឍដ៏ធំមួយក្រោមកិច្ចសហប្រតិបតិ្តការរវាងកម្ពុជា និងចិនស្របតាមគោលនយោបាយផ្លូវមួយខ្សែក្រវ៉ាត់មួយ។ គម្រោងនេះនឹងក្លាយជាកន្លែងធ្វើពាណិជ្ជកម្ម ដែលមានអាជីវកម្មជាង ១០,០០០ ប្រភេទ និងផលិតផលជាង ១០០,០០០ ប្រភេទ!ភាពទាក់ទាញបែបថ្មីព្រះបរមរាជវាំងនៃប្រទេសកម្ពុជាស្ថិតនៅត្រើយម្ខាងនៃទន្លេមេគង្គ និងទន្លេសាប។ ទីនេះបានបង្ហាញពីបរិបទ ចុងក្រោយនៃវប្បធម៌ខ្មែរ និងបានទាក់ទាញភ្ញៀវទេសចរ រាប់ពាន់នាក់ជារៀងរាល់ឆ្នាំ។មជ្ឈមណ្ឌលពាណិជ្ជកម្ម TCC នឹងបង្កើតឡើងដោយយកលំនាំតាមលក្ខណៈពិសេសនៃព្រះបរមរាជវាំង ដោយនឹងដាក់បញ្ចូលគ្នានូវលក្ខណៈបែបប្រពៃណីជាមួយលក្ខណៈទំនើប។ការសាងសង់នឹងចាប់ផ្តើមលើដីទំហំ ២២,០០០ ម៉ែត្រការ៉េ ដែលមានផ្លូវជាតិលេខ ៥ ស្ថិតនៅភាគខាងលិច និងផ្លូវហាយវេ លេខ ៣៦ ស្ថិតនៅភាគខាងត្បូង។ TCC ស្ថិតនៅលើតំបន់ពាណិជ្ជកម្មបែបអន្តរជាតិនៅក្នុងប្រទេសកម្ពុជា។ TCC នឹងក្លាយជាមជ្ឈមណ្ឌលពាណិជ្ជកម្មលក់ដុំបែបអន្តរជាតិដ៏ធំបំផុតនៅក្នុងប្រទេសកម្ពុជា។កំពង់ផែស្វយ័តភ្នំពេញគឺជាកំពង់ផែមួយក្នុងចំណោមកំពង់ផែទាំងពីរនៅក្នុងប្រទេសកម្ពុជា។ ប្រាក់ចំណេញប្រចាំឆ្នាំរបស់កំពង់ផែនេះមានចំនួន៧.៣៥លានដុល្លារនៅក្នុងឆ្នាំ២០១៨ដែលបានកើនឡើង ៣៦% ពីមួយឆ្នាំទៅមួយឆ្នាំ។វត្តមានរបស់កំពង់ផែស្វយ័តក្រុងភ្នំពេញគឺជាប្រយោជន៍ដ៏ធំសម្រាប់មជ្ឈមណ្ឌលពាណិជ្ជកម្មTCC។ ផ្សារលក់ដុំនឹងដាក់បញ្ចូលអាជីវកម្មចំនួន១០ ផ្នែកទាក់ទាញទំនិញម៉ាកយីហោពិភពលោកជាង ១០,០០០ ប្រភេទ ជាមួយពាណិជ្ជករជាង ១០០ លាននាក់ក្នុងមួយឆ្នាំ។ TCC នឹងក្លាយជាតំបន់ ពាណិជ្ជកម្ម​ខ្នាតធំនៅក្នុងទីក្រុងភ្នំពេញ។ទន្ទឹមនឹងនេះ អ្នកអភិវឌ្ឍន៍គម្រោង TCC មានគោលបំណងបង្កើតបរិយាកាសមានសុវត្ថិភាព ភាពងាយស្រួល និងផាសុកភាពសម្រាប់ពាណិជ្ជករ ដោយប្រើប្រាស់ប្រព័ន្ធឃ្លាំមើលមានសុវត្ថិភាព និងក្រុមសន្តិសុខប្រកបដោយវិជ្ជាជីវៈ។ ប្លង់របស់មជ្ឍមណ្ឌលពាណិជ្ជកម្មនេះផ្តល់ជូនភាពងាយស្រួល ទាំងផ្លូវសម្រាប់ការដឹកជញ្ជូនទំនិញ និងមានចំណតរថយន្ត ឬកន្លែងសម្រាប់ភ្ញៀវ។ មជ្ឈមណ្ឌលពាណិជ្ជកម្មទំនើបនេះនឹងត្រូវគ្រប់គ្រងដោយបច្ចេកវិជ្ជា និងអ្នកដែលមានជំនាញដើម្បីធានានូវនិរន្តរភាពនៃភាពរីកចម្រើន។ មជ្ឈមណ្ឌលទេសចរណ៍ និងកន្លែងកម្សាន្តដ៏ធំបំផុតនៅក្នុងប្រទេសកម្ពុជាទីក្រុងភ្នំពេញមានភាពរីកចម្រើន និងទទួលបានការអភិវឌ្ឍដ៏រឹងមាំបំផុតនៅពេលបច្ចុប្បន្ននេះ។ កំណើននេះបានទាក់ទាញអ្នកជំនួញធំៗមកពីទូទាំងពិភពលោក។ ខណ្ឌឫស្សីកែវធ្លាប់ជាតំបន់ ដែលមិនសូវមានសក្តានុពលពីមុន ប៉ុន្តែបច្ចុប្បន្នបានក្លាយជាទីតាំងដ៏លេចធ្លោមួយសម្រាប់ឱកាសវិនិយោគធំៗ។ដំណាក់កាលទីពីរនៃមជ្ឈមណ្ឌលពាណិជ្ជកម្ម TCC នឹងត្រូវបង្កើតឡើង ដើម្បីបំពេញតម្រូវការនៃជីវិតរស់នៅបែបទំនើបនៅក្នុងទីក្រុង។ ទីនេះមានសារមន្ទីរវប្បធម៌ សារមន្ទីរវិទ្យាសាស្រ្ត និងបច្ចេកវិទ្យា ឧទ្យានកម្សាន្តកុមារ កន្លែងលេងកីឡា ផ្លូវថ្មើរជើងប្រវែង ២ ពាន់ម៉ែត្រ វិថីពាណិជ្ជកម្មថ្មើរជើង ផាប់ស្រ្ទីត កន្លែងម្ហូបអាហារ ព្រមទាំងអាផាតមេនលំដាប់ខ្ពស់ និងអគារការិយាល័យ​​ សណ្ឋាគារលំដាប់ផ្កាយ និងមានជាច្រើនទៀត។ ជាមួយបរិវេណដ៏ធំនេះគម្រោងនេះប្រាកដជាក្លាយជាមជ្ឈមណ្ឌលទេសចរណ៍ និងកម្សាន្តដ៏ពេញនិយមបំផុតនៅក្នុងប្រទេសកម្ពុជា។វិនិយោគនៅមជ្ឈមណ្ឌលពាណិជ្ជកម្ម Unicom Global នៃប្រទេសកម្ពុជាអ្នកមានឱកាស ដើម្បីក្លាយជាផ្នែកមួយនៃគម្រោងពាណិជ្ជកម្ម TCC​នេះ គម្រោងមជ្ឈមណ្ឌលពាណិជ្ជកម្មដ៏ធំនេះកំពុងដាក់លក់នូវយូនីតពាណិជ្ជកម្មរបស់ខ្លួន។ យូនីតតូចជាងគេនៃគម្រោងនេះ មានតម្លៃត្រឹមតែ ៦,៥០០ ដុល្លារ ប៉ុន្តែធានាជូនសក្តានុពលល្អបំផុត ដែលនេះជាអត្ថប្រយោជន៍ ដ៏សម្បើបសម្រាប់អ្នកទិញអចលនទ្រព្យពាណិជ្ជកម្ម។លើសពីនេះទៀតគោលនយោបាយគាំទ្រពាណិជ្ជកម្ម ផ្លូវមួយខ្សែក្រវ៉ាត់មួយរបស់ TCC ធានាផ្តល់ ប្រាក់កម្ចីសរុបចំនួន២០០លានដុល្លារដល់សហគ្រាស ឬបុគ្គលដើម្បីបង្កើតអាជីវកម្មនៅ TCC។ មូលនិធិនេះនឹងផ្តល់ជូនរហូតដល់ ២០,០០០ ដុល្លារក្នុងមួយយូនីតសម្រាប់អាជីវកម្មឆ្នើម។នេះមានន័យថា ឥឡូវនេះអ្នក ដែលជាអ្នកជំនួញឆ្លាតវៃ ត្រូវការចំណាយទុនតិច ដើម្បីទទួលបាន អត្ថប្រយោជន៍ដ៏អស្ចារ្យដែលផ្តល់ដោយ TCC និងដើម្បីបំពេញតាមសុបិន្តរបស់អ្នកដោយគ្រាន់តែចូលរួមជាមួយ TCC។ មូលនិធិនឹងត្រូវបិទបញ្ចប់ភ្លាមៗ នៅពេលដែលចំនួនអ្នកចុះឈ្មោះកើនឡើងច្រើន។សូមកុំស្ទាក់ស្ទើរ នឹងទទួូលយកឱកាសដ៏ល្អនេះឲ្យសោះ! (សូមចូលទៅកាន់គេហទំព័រ៖  http://www.oiisc.com/​​ )ពិព័រណ៍លំនៅដ្ឋានកម្ពុជាឆ្នាំ ២០១៩ ដែលរៀបចំដោយក្រុមហ៊ុន Realestate.com.kh នឹងប្រព្រឹត្ត ទៅនៅថ្ងៃទី ២៦-២៧ ខែមេសា នៅសាលពិព័រណ៍កោះពេជ្រក្នុងរាជធានីភ្នំពេញ។ គម្រោងតាំងបង្ហាញជាង ១០០ និងអ្នកទស្សនាជាង ១០,០០០ នាក់ ត្រូវបានរំពឹងថានឹងចូលរួមនៅក្នុងព្រឹត្តិការណ៍នេះ!ក្រុមហ៊ុនសេវាកម្មប្រឹក្សាយោបល់ OC CONSULTANCY SERVICES ដែលជាក្រុមហ៊ុនប្រឹក្សាផ្នែកសេវាកម្មវិនិយោគនៅក្រៅប្រទេស (ទីក្រុងហុងកុង) បានចូលរួមជាមួយ TCC ដើម្បីដាក់តាំងបង្ហាញនៅស្តង់ ៦៣​​ ៦៤ ៧៧ និង ៧៩ នៅក្នុងពិព័រណ៍នេះ។សូមចូលរួមដោយសេរី!សម្រាប់ព័ត៌មានលម្អិត សូមស្គែន QR កូដ និងប្រឹក្សាជាមួយអ្នកតំណាងអតិថិជន។

វៀតណាមមួយរយះពេលចុងក្រោយនេះហាក់បីដូចជាមានការអភិវឌ្ឍន៍គួរឱ្យកត់សម្គាល់ជាច្រើន ពោលគឺពាក់ព័ន្ធនឹងវិស៏យសំណង់ និងអចលនទ្រព្យដោយសារតែឃើញមានវត្តមាន និងសកម្មភាពជាច្រើនទាក់ទាញនឹងការអភិវឌ្ឍន៍មិនថានៅក្នុងទីក្រុងក៏ដូចជាតាមបណ្តាខេត្ត។យោងតាមសារពត៌មានវៀតណាម VN Express International បានបង្ហាញឱ្យដឹងថាក្រុមហ៊ុន South Korea’s Seoul Metro Corporation ទើបតែដាក់គម្រោងផ្លូវដែកដាណាងជូនទៅកាន់រដ្ឋាភិបាលវៀតណាមដោយគម្រោងនេះនឹងមានផ្លូវរថភ្លើងក្រោមដី (Metro)ចំនួន ២ខ្សែ និងរថភ្លើងខ្សែកាប (Tramway) ចំនួន៨ខ្សែ។អានអត្ថបទអំពី៖ ជប៉ុន វិនិយោគផ្សារទំនើប AEON ៣០ កន្លែងនៅវៀតណាម ខណៈកម្ពុជាទើបតែមានគម្រោងទី៣!ផ្លូវដែកក្នុងខេត្តដាណាងនេះនឹងគ្របបណ្តប់ទៅលើតំបន់កណ្តាលនៃទីប្រជុំជន ពោលគឺផ្លូវនេះនឹងភ្ជាប់ឆ្នេរសមុទ្រ អាកាសយានដ្ឋាន និងផ្លូវសំខាន់ៗទាំងអស់ក្នុងគោលបំនងបម្រើឱ្យគ្រប់តម្រូវការរបស់ប្រជាជនក្នុងស្រុក ក៏ដូចជាអ្នកទេសចរណ៍ដែលមកកំសាន្តនៅទីនោះ (នេះបើតាមការបង្ហាញពីគណៈកម្មការប្រជាជនដាណាង រឺ (Da Nang People's Committee)។តាមការប៉ាន់ស្មានគម្រោងដែលដាក់ស្នើដោយក្រុមហ៊ុនកូរ៉េខាងត្បូងនោះបានឱ្យដឹងថាគម្រោងផ្លូវដែកនេះនឹងអាចចំណាយអស់ទឹកប្រាក់ប្រមាណ$៣.១៤ពាន់លានដុល្លារអាមេរិចដោយគម្រោងនេះគឺមានតម្លៃថ្លៃជាងគម្រោងរថភ្លើងក្រោមដីនៅឯទីក្រុងហូជីមីញទៅទៀត។​ក្នុងនេះ ទឹកប្រាក់ប្រមាណ$២.៣៦៤ពាន់លានដុល្លារអាមេរិច នឹងត្រូវចំណាយទៅលើផ្លូវក្រោមដីពីទិសខាងកើតទៅខាងលិច ដែលភ្ជាប់ទីប្រជុំជនទៅនឹងសួនឧស្សាហកម្មដែលស្ថិតនៅភាគខាងជើងឆៀងខាងលិចនៃទីក្រុងដោយសារតែតម្រូវការចរាចរណ៍តាមខ្សែមួយនេះមានច្រើនបំផុត។ ខ្សែនេះមានប្រវែងសរុប១៧.២គីឡូម៉ែត្រ។ចំណែកឯផ្លូវខ្សែកាបវិញទាំង២ខ្សែវិញនឹងមានប្រវែង១៣.៤គីឡូម៉ែត្រ លាតសន្ធឹងពីតំបន់កំសាន្តឆ្នេរសមុទ្រមីខេ (My Khe) ទៅកាន់ទីប្រជុំជនដាណាងដែលនឹងចំណាយប្រាក់អស់ $២៤៥លានដុល្លារអាមេរិច។ រីឯខ្សែទី២ដែលភ្ជាប់ពីឆ្នេរសមុទ្រ ទៅកាន់អាកាសយានដ្ឋាននឹងមានប្រវែងសរុប៨.១២៤គីឡូម៉ែត្រ និងចំណាយអស់ទឹកប្រាក់$២០៩លានដុល្លារ។ថ្វីបើគម្រោងផ្លូវរថភ្លើងក្រោមដីនិងរថភ្លើងខ្សែកាបនេះត្រូវបានស្នើរដាក់ឱ្យមានការសម្រេចក៏ពិតមែន ប៉ុន្តែគម្រោងរថភ្លើងខ្សែកាបនឹងត្រូវផ្តល់អទិភាពឱ្យសាងសង់មុនគេបង្អស់ ដោយសារតែវត្តមានរបស់គម្រោងមួយនេះនឹងអាចកាត់បន្ថយបញ្ហាចរាចរណ៍បានយ៉ាងច្រើន ខណះដែលផលប៉ះពាល់ និងថវិការចំណាយមិនសូវខ្ពស់ដូចជាផ្លូវរថភ្លើងក្រោមដីនោះទេ។​ក្រៅពីគម្រោងអភិវឌ្ឍន៍ដ៏សម្បើមនេះទៀតនោះ អគ្គនាយករងនៃគណៈកម្មការប្រជាជនដាណាងក៏បានមានប្រសាសន័បន្ថែមលើនេះផងដែរថា៖​”ក្រុមការងាររបស់លោកបានកំពុងតែសហការគ្នាយ៉ាងជិតស្និតជាមួយនឹងដៃគូរពាក់ព័ន្ធទាំងរដ្ឋ និងឯកជនយ៉ាងច្រើនទៀតដើម្បីធ្វើយ៉ាងណាសម្រេចឱ្យបានគោលការណ៍អភិវឌ្ឍន៍ដាណាងពីពេលនេះរហូតដល់ឆ្នាំ ២០៤៥។​”ដូច្នេះមិនយូរនោះទេ ប្រទេសវៀតណាមនឹងក្លាយមុខមាត់ពីប្រទេសដែលក្របំផុតនៅក្នុងពិភពលោកមួយ ទៅជាប្រទេសអភិវឌ្ឍន៍ដែលពោរពេញទៅដោយអគារ និងហេដ្ឋារចនាសម្ព័ន្ធយ៉ាងទំនើបជាមិនខាន៕ស្វែងរកព័ត៌មានអភិវឌ្ឍន៍ និងគម្រោងអភិវឌ្ឍន៍ថ្មីៗតាមរយៈ Realestate.com.kh

នៅក្នុងបរិបទនៃទីផ្សារលំនៅដ្ឋានកម្ពុជា ផ្ទះល្វែង និងផ្ទះអាជីវកម្មត្រូវបានគេស្គាល់ជាទូទៅ និងថែមទាំងទទួលបានការពេញនិយមខ្លាំងពីសំណាក់ប្រជាជនក្នុងស្រុក។មិនមែនតែនៅក្នុងប្រទេសកម្ពុជាប៉ុណ្ណោះទេ ប៉ុន្តែផ្ទះពីរប្រភេទនេះត្រូវបានគេស្គាល់ជាទូទៅនៅអាស៊ីអាគ្នេយ៍ និងប្រទេសមួយចំនួនទៀតនៅអឺរ៉ុប ហើយជាធម្មតាវាត្រូវបានគេសាងសង់ នៅតាមទីប្រជុំជន ទីរួមខេត្ត និងទីក្រុង។ជាក់ស្តែងផ្ទះទាំងពីរប្រភេទនេះ​មានលក្ខណៈស្រដៀងគ្នា ហើយប្រហែលជាអ្នកមួយចំនួនគិតថា វាជាប្រភេទផ្ទះតែ​មួយគ្រាន់តែអ្នកខ្លះដាក់លក់ឥវ៉ាន់ និងអ្នកខ្លះមិនលក់។ ប៉ុន្តែតាមការពិតទៅ ផ្ទះល្វែង និងផ្ទះអាជីវកម្មមានលក្ខណៈខុសគ្នា និងមានមុខងារផ្សេងគ្នាមួយចំនួន ដែលគេអាចកំណត់សម្គាល់បានដូចខាងក្រោម៖អានអត្ថបទបន្ថែមអំពី៖ ឯកសារផ្លូវច្បាប់សំខាន់ៗដែលលោកអ្នកត្រូវយល់ដឹងមុនពេលសម្រេចចិត្តទិញផ្ទះប្រភេទបុរី!ផ្ទះល្វែងផ្ទះល្វែងជាទូទៅមានទំហំធំជាង និងអាចវែងជាងផ្ទះអាជីវកម្ម។ ផ្ទះល្វែងត្រូវបានគេប្រើប្រាស់ជាលំនៅដ្ឋានសម្រាប់ស្នាក់នៅ។ ជារឿយៗ ផ្ទះប្រភេទនេះត្រូវបានគេសាងសង់នៅជួរក្រោយ ឬផ្លូវក្នុងនៃគម្រោង។ កម្ពស់របស់វាអាចមាន ៣ ឬ ៤​ជាន់។​ ភាគច្រើននៃផ្ទះល្វែងត្រូវបានសាងសង់ ដោយគម្រោងអភិវឌ្ឍន៍បុរី។លក្ខណៈទូទៅរបស់ផ្ទះល្វែង៖សាងសង់ជាប់ផ្លូវក្នុង ឬផ្លូវក្រោយសាងសង់ជាប់ៗគ្នា មានជញ្ជាំរួមគ្នា (អាចមានជណ្ដើរឡើងទៅជាន់លើ)មានកម្ពស់ដល់ ៤  ឬ ៥ ជាន់មានតម្លៃទាប និងមធ្យម  ពី ៥ ម៉ឺន ទៅជាង ១០ ម៉ឺនដុល្លារមានទទឹងធំជាង ផ្ទះអាជីវកម្ម បណ្តោយពី ១៦ - ២០ ម៉ែត្រមានដីសល់មុខផ្ទះពី ៤ - ​៦ ម៉ែត្រ និងក្រោយផ្ទះ ១ ទៅ ២ ម៉ែត្រផ្ទះអាជីកម្មផ្ទះអាជីវកម្មត្រូវបានប្រើប្រាស់សម្រាប់ការបង្កើតប្រាក់ចំណូលប្រចាំខែផង   និងរស់នៅផងក្នុងនោះគេអាចប្រើប្រាស់ជាន់ផ្ទាល់ដីជាហាងលក់ទំនិញ ឬសកម្មភាពសេដ្ឋកិច្ចណាមួយ ចំណែកនៅជាន់ខាងលើត្រូវធ្វើជាលំនៅដ្ឋានសម្រាប់ស្នាក់នៅ។ គម្រោងអភិវឌ្ឍន៍ធំៗបានសាងសង់ផ្ទះអាជីវកម្មដ៏មានសក្តានុពលជាច្រើនកន្លែងនៅតាមរាជធានីខេត្តក្នុងប្រទេសកម្ពុជា។លក្ខណៈទូទៅរបស់ផ្ទះអាជីវកម្ម៖សាងសង់ជាប់ផ្លូវកែង ឬផ្លវធំៗសាងសង់ជាជួរជាប់ៗគ្នាមានកម្ពស់ ២ - ៣ ជាន់ និងមានជញ្ជាំងរួមគ្នាមានតម្លៃថ្លៃជាងផ្ទះល្វែង (ក្នុងគម្រោងជាមួយគ្នា)​មានទទឹងតូច [៤ ម៉ែត្រ] ជាន់ផ្ទាល់មានទំហំវែង (សម្រាប់ដាក់ទំំនិញ)មានដីសល់ខាងមុខផ្ទះពី ៤- ៦ ម៉ែត្រ និងដីក្រោយផ្ទះជាន់ក្រោមធ្វើពាណិជ្ជកម្ម និងជាន់លើសម្រាប់ស្នាក់នៅតុបតែងផ្នែកខាងមុខ និងប្រើប្រាស់ពណ៌ទាក់ទាញដូច្នេះប្រសិនប្រើអ្នកចង់ស្វែងរកលំនៅដ្ឋានសម្រាប់គ្រួសារអ្នកត្រូវដឹងពីគោលបំណងពិតប្រាកដរបស់អ្នកជាមុនសិន ថាតើចង់បានកន្លែងស្នាក់នៅ ឬស្នាក់នៅផងរកប្រាក់ចំណូលផង។ បន្ទាប់មក អ្នកអាច ជ្រើសរើសបានភ្លាម រវាងផ្ទះល្វែង និងផ្ទះអាជីកម្ម។សរុបទៅប្រភេទផ្ទះទាំងពីនេះមានលក្ខណៈខុសគ្នាលើចំណុចមួយចំនួនប៉ុណ្ណោះ។​ មិនថាអ្នកជ្រើសរើសលំនៅដ្ឋានមួយណាទេ អ្វីដែលសំខាន់អ្នកត្រូវរកឲ្យឃើញពីសក្តានុពលពិតប្រាកដនៃតំបន់លំនៅដ្ឋានរ​បស់អ្នក៕ស្វែងរកគម្រោងបុរីសម្រាប់លក់ ឬជួលនៅក្នុងប្រទេសកម្ពុជាតាមរយៈ Realestate.com.kh!

(រូបតំណាង)យោងតាមសេចក្តីប្រកាសព័ត៌មានរបស់ស្ថាតទូតអូស្ត្រាលីប្រចាំប្រទេសកម្ពុជាកាលពីចុងខែកុម្ភៈ ឆ្នាំ២០១៩ នេះបានឱ្យដឹងថារដ្ឋាភិបាលអូស្រ្តាលីផ្តល់ជំនួយទឹកប្រាក់៧លានដុល្លារអាមេរិកតាមរយៈកម្មវិធីខ្សែសង្វាក់តម្លៃកសិកម្មកម្ពុជាហៅកាត់ថា កាវ៉ាក់(CAVAC) ដើម្បីសាងសង់ប្រព័ន្ធធារាសាស្រ្តស្តង់ដាអូស្រ្តាលីចំនួន​​​​៤​ខ្សែក្នុងខេត្តព្រៃវែង ។ប្រព័ន្ធធារាសាស្រ្តទាំង៤នឹងមានទីតាំងនៅក្នុង ស្រុកព្រះស្តេច ស្រុកពាមជរ ស្រុកពាមរក៍ និងស្រុកកំពង់ត្របែកដែលជំនួយនេះនឹងជួយសម្រួលជីវភាពរស់នៅរបស់ប្រជាពលរដ្ឋក្នុងតំបន់ជាង១៥០០គ្រួសារ។នៅក្នុងសេចក្ដីប្រកាសបានឱ្យដឹងថាប្រព័ន្ធធារាសាស្រ្តនេះនឹងសាងសង់ពីបេតុងដែលនឹងរួមមានស្ថានីយ៍បូមទឹករួម ប្រព័ន្ធបង្ហូរទឹកដោយផ្ទាល់ ប្រឡាយមេ និងប្រឡាយរងជាច្រើន។ គម្រោងនេះនឹងមានសមត្ថភាព ផ្តល់ទឹកជូនដល់ប្រជាពលរដ្ឋអាចប្រើប្រាស់បង្កបង្កើនផល និងធ្វើស្រែបានពីរទៅបីដងក្នុងមួយឆ្នាំ។ ប្រព័ន្ធធារាស្រ្តមួយនេះជាគំរូល្អជាងគេមួយក្នុងចំណោមប្រព័ន្ធធារាសាស្រ្តដែលមានស្រាប់ហើយ។ ក្រៅពីការជួយបង្កើតប្រព័ន្ធធារាសាស្រ្ត កាវ៉ាក់ ក៏បានបង្កើតជាវគ្គបណ្តុះបណ្តាលដល់សហគមន៍កសិករ ឱ្យចេះប្រើប្រាស់ទឹក ដើម្បីប្រតិបត្តិ និងថែទាំប្រព័ន្ធធារាសាស្រ្តឱ្យបានល្អប្រសើរ។កាវ៉ាក់គឺជាកម្មវិធីជំនួយធំបំផុត របស់រដ្ឋាភិបាលអូស្ត្រាលីនៅកម្ពុជាដោយមានទឹកប្រាក់សរុបចំនួន១៣០លានដុល្លារអូស្រ្តាលី (៩២លានដុល្លារអាមេរិក) សម្រាប់គម្រោងពីឆ្នាំ ២០១០ រហូតដល់ឆ្នាំ ២០២១ ។ តាំងពីឆ្នាំ ២០១០មក កាវ៉ាក់បានសាងសង់ និងជួសជុលកែលំអប្រព័ន្ធធារាសាស្ត្រជាច្រើនរួមប្រមាណជាង៣០កន្លែងនៅតាមខេត្តនានាក្នុងប្រទេសកម្ពុជា រួមមាន៖ នៅខេត្ដកំពង់ធំ កំពត តាកែវ ព្រៃវែង និងកណ្តាល ៕ ប្រភពពី៖ VOA-Newsស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh!

ទឹកប្រាក់ប្រមាណ៥ពាន់លានដុល្លារអាមេរិកត្រូវបានបោះទុនវិនិយោគសម្រាប់សាងសង់ផ្សារទំនើប AEON ៣០ សាខានៅទូទាំងប្រទេសវៀតណាមដោយក្រុមហ៊ុនអភិវឌ្ឍន៍ជប៉ុន និងបង្កើតការងារជាង៥ម៉ឺនកន្លែង។ នេះបើយោងតាមការចេញផ្សាយរបស់សារព័ត៌មានក្នុងស្រុកវៀតណាមកាលពីពេលថ្មីៗនេះ ។ក្រុមប្រឹក្សា​ភិបាល​នៃ ក្រុមហ៊ុន​សេវា​ហិរញ្ញវត្ថុ AEON ដែលជាក្រុម​ហ៊ុន​មេរបស់​ផ្សារ ទំនើប AEON បានប្រាប់ពីគោលបំណងចំពោះប្រទេសវៀតណាមថា ប្រទេសនេះជាគោលដៅ​វិនិយោគដ៏មាន​សក្តានុពលទាំងក្នុង​វិស័យ​ហិរញ្ញវត្ថុ និងការ​សាងសង់ផ្សារ​ទំនើប។អានអត្ថបទបន្ថែមអំពី៖ អ៊ីអនម៉ល២ ជម្រុញតម្លៃអចលនទ្រព្យនៅសែនសុខស្ទុះឡើងខ្លាំង!បើតាមការបន្ថែមរបស់ប្រធានក្រុម​ហ៊ុន​មេរបស់​ផ្សារ ទំនើប AEON បានឱ្យដឹងថាការលក់​ទំនិញ និងសេវាកម្ម​សរុបនៅក្នុង​ប្រទេស​វៀតណាម កាលពី​ឆ្នាំ២០១៨ មានការ​កើនឡើង ​ប្រមាណ ១២​% ធៀបនឹង​ឆ្នាំមុន ហើយ​គំរូអាជីវកម្ម​នៃផ្សារ​ទំនើប ​AEON ក៏ត្រូវបាន​ទទួល​ស្គាល់​ដោយប្រជាជន​វៀតណាមទៀតផង ។វាគឺជារឿងមួយដ៏ល្អសម្រាប់ការលក់របស់ប្រទេសវៀតណាម ព្រោះ​គម្រោង​ពង្រីក​អាជីវកម្ម​របស់​ផ្សារ​ទំនើប ​AEON ​នេះអាច​អភិវឌ្ឍន៍វិស័យ​លក់រាយ​ក្នុងស្រុករបស់​ខ្លួន និងអាច​នាំចេញ​ផលិតផល​វៀតណាមទៅកាន់​បណ្តាញ ផ្សារ ​AEON ទូទាំង​សកលលោកថែម​ទៀតផង ។​សូមរំលឹកផងដែរថាផ្សារទំនើបអ៊ីអ៊នទី២របស់កម្ពុជាដែលស្ថិតនៅតំបន់សែនសុខបានធ្វើឲ្យតំបន់មួយនេះមានសន្ទុះតម្លៃដីឡើងយ៉ាងខ្លាំង ហើយក៏បានស្រូបទាញការវិនិយោគថ្មីជាច្រើនមកកាន់ទីនេះផងដែរ។ កាលពីពេលថ្មីៗនេះគម្រោងផ្សារទំនើបអ៊ីអ៊នម៉លទី៣ក៏នឹងលេចចេញរូបរាងឆាប់ៗនេះផងដែរ។ចង់ស្វែងរកអចលនទ្រព្យសម្រាប់លក់ និងជួលនៅសែនសុខសូមចូលទៅកាន់ Realestate.com.kh នៅថ្ងៃនេះ! លោកអ្នកក៏អាចដាក់ផ្សព្វផ្សាយអចលនទ្រព្យទូទៅដោយឥតគិតថ្លៃនៅលើគេហទំព័ររបស់យើងបានផងដែរ!

បន្ទាប់ពីការជួសជុលស្ថាបនា និងពង្រីកឱ្យធំជាងមុនផ្លូវជាតិលេខ១នាពេលបច្ចុប្បន្ន កំពុងតែបង្ហាញភាពរីកចម្រើនគួរឱ្យកត់សម្គាល់។ នៅតាមដងវិថីយើងឃើញមានហាងទំនើបៗជាច្រើនកំពុងតែរីកដុះដាលជាបន្តបន្ទាប់ និងបានកែប្រែតំបន់នេះក្លាយទៅជាតំបន់មួយដ៏ស៊ីវីល័យ និងទំនើបមិនចាញ់មជ្ឈមណ្ឌលពាណិជ្ជកម្មនៅកណ្ដាលទីក្រុងឡើយ។ផ្លូវជាតិលេខ១នេះស្ថិតនៅក្នុងគម្រោងផ្លូវ១ខ្សែក្រវ៉ាត់១របស់ចិន និងបានលាតត្រដាងនូវវត្តមានសំណង់អគារពាណិជ្ជកម្ម និងបុរីជាច្រើននៅទីនោះដោយសារតែតំបន់នោះមានសក្តានុពលខ្ពស់ និងមានភាពងាយស្រួលក្នុងការរស់នៅខ្យល់អាកាសល្អ និងត្រជាក់ត្រជុំដែលជាទីប្រាថ្នារបស់អ្នកដែលចង់បានលំនៅដ្ឋានសម្រាប់រស់នៅ ។ថ្ងៃនេះ Realestate.com.kh នឹងលើកយកគម្រោងខ្លះៗមកជម្រាបជូន៖១. ផ្សារ​សហគមន៍បែបទំនើប និងស៊ីវីល័យចម្ងាយប្រមាណប្រហែលជា៣គីឡូម៉ែត្រពីស្ពានច្បារអំពៅ លោកអ្នកនឹងឃើញផ្សារទំនើបមួយ នៅខាងឆ្វេងដៃទើបតែនឹងបើកដំណើរការគឺ The Park Community Mall ដែលមានលក្ខណៈស្រដៀង TK Avenue និងនៅខាងស្ដាំដៃ យើងឃើញមានភោជនីយដ្ឋានទំនើបៗ និងហាងលក់សម្លៀកបំពាក់ ព្រមទាំងហាងទំនិញផ្សេងៗទៀតផង។២. គម្រោង​ផ្សារ​ទំនើប​ ECO Mallគម្រោង​ផ្សារទំនើប​ដ៏ធំបែបចម្រុះ​មួយនេះគឺស្ថិត​នៅជាប់ នៅតាមបណ្តោយផ្លូវជាតិ​លេខ​១លើផ្ទៃដី​៦ហិកតា និង​មាន​ផ្ទៃ​សំណង់​សរុប២៦​ម៉ឺន​៨​ពាន់​ម៉ែត្រក្រឡាដែល​គ្រោង​នឹង​បញ្ចប់​ការសាងសង់​ក្នុង​ឆ្នាំ ​២០២១ ខាងមុខនេះ​។​ គម្រោង​ផ្សារទំនើប​នេះនឹង​នាំយកមក​នូវ ភាពសម្បូរ​បែប​ជាមួយនឹង​បែបផែន​ជីវិតទំនើប​ទាន់សម័យ​ និង​ពេញនិយម​ផងដែរ​ ។៣. គម្រោងទីក្រុង​រណបថ្មី​នៅលើដីកោះនរាកោះនរា​នឹងត្រូវ​បានកែប្រែមុខមាត់​ថ្មី​បន្ទាប់​ពី​ក្រុមហ៊ុន OCIC ដែលជាក្រុមហ៊ុន​វិនិយោគ និងអភិវឌ្ឍន៍ដ៏ធំ​របស់កម្ពុជា​មានគម្រោង​អភិវឌ្ឍ​ទៅជាទីក្រុងរណបដូច​ទីក្រុងកោះពេជ្រលើ​ផ្ទៃដី​ទំហំ​១០០​ហិកតា។៤. គម្រោងមជ្ឈមណ្ឌលកម្សាន្តព្រីនស៍ ម៉ាណ័រ (Prince Manor Resort)ក្រុមហ៊ុន​ព្រីនស៍ជាក្រុមហ៊ុនយក្សមួយ​ធ្លាប់វិនិយោគលើវិស័យ​ខុនដូ សណ្ឋាគារ ធនាគារ និងអគារពាណិជ្ជកម្មក៏បានបោះទុនវិនិយោគធ្វើ​មជ្ឈមណ្ឌលកម្សាន្ត​មួយ​នៅលើទឹកដីកោះប្រាក់តាមបណ្តោយទន្លេមេគង្គ ស្ថិតក្នុងឃុំដីឥដ្ឋ ស្រុកកៀនស្វាយ ខេត្ដកណ្ដាល ដោយគម្រោងនេះសាងសង់ឡើងនៅលើផ្ទៃដីជាង ១៣ហិកតា ។៥. គម្រោង​បុរីនានាផ្លូវជាតិ​លេខ​១​ មាន​គម្រោងបុរីជាច្រើនដូចជា៖ បុរីប៉េងហួត  បុរីហេងមានជ័យ (ក្នុងសង្កាត់និរោធ) បុរិ​ហាយធិច  បុរី​សម្បត្តិមានហេង បុរី​លឹមឈាងហាក់ បុរី​មង្គល​ភ្នំពេញ (នៅជិតផ្សារ​ព្រែក​ឯង) និងសំណង់លំនៅដ្ឋាន​ផ្សេងៗទៀតផងដែរ ។ក្រៅពីគម្រោងទាំងនោះក៏មានសំណង់អគារពាណិជ្ជកម្ម សណ្ឋាគារ ខុនដូ ធនាគារ និងកន្លែងកម្សាន្តតូចធំ កំពុងតែមានសន្ទុះកើនឡើងផងដែរ ៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh!

យោងតាមរបាយការណ៍របស់ GCR (Global Construction Review) បានឱ្យដឹងថាប្រទេសចិនបានធ្វើកិច្ច​ព្រមព្រៀងសាងសង់ផ្លូវដែកចិន-ឡាវ ដែល​ត្រូវ​បាន​រំពឹង​ថា​នឹង​ត្រូវ​បញ្ចប់​នៅ​ឆ្នាំ២០​២១ដែលនឹង​​ប្រែ​ក្លាយ​​ប្រទេសឡាវពី​ប្រទេស​​មិន​តភ្ជាប់​ទៅ​ជា​​ប្រទេស​​​តភ្ជាប់ព្រម​ទាំង​ធ្វើ​ឲ្យ​ប្រទេស​នេះ​ក្លាយ​ជា​​មជ្ឈមណ្ឌល​ដឹក​ជញ្ជូនផ្លូវ​គោក​​ក្នុង​ឧបទ្វីប​ឥណ្ឌូចិន។គម្រោងផ្លូវ​ដែក​ចិន-​ឡាវគឺ​ជា​គម្រោង​​ផ្លូវ​ដែក​​ក្រៅ​ប្រទេស​លើក​ដំបូង​របស់ប្រទេស ចិនដើម្បី​ផ្ដល់​ការ​​តភ្ជាប់​ដោយ​ត្រង់​ជា​មួយ​បណ្ដាញ​​ផ្លូវ​ដែក​ខាង​​ក្នុង​របស់​ប្រទេស​ចិន ចាប់​តាំង​ពី​​គំនិត​ផ្តួចផ្ដើម​ខ្សែ​​ក្រវាត់ និង​ផ្លូវ​ត្រូវ​បាន​ស្នើ​ឡើង។ ខ្សែ​ផ្លូវ​ដែក ​ប្រវែង៤១៤គីឡូម៉ែត្រ​នេះត្រូវ​បាន​កសាង​ឡើង​ដោយ​បច្ចេកវិទ្យា និង​ឧបករណ៍​របស់​ប្រទេសចិនដើម្បី​សម្រេច​បាន​តាម​ស្ដង់ដា​របស់​ប្រទេស​ចិនដោយ​មាន​ការ​កំណត់​ល្បឿន១៦០គីឡូ​ម៉ែត្រ​ក្នុង១ម៉ោង។ដោយ​ចាប់​ផ្ដើម​ចេញ​ពី​ច្រក​តំបន់​ព្រំដែន​រវាង​ទីក្រុង Mohan របស់​ប្រទេសចិន និង​ទីក្រុង Boten របស់​ប្រទេស ​ឡាវ ផ្លូវ​ដែក​​ចិន-​ឡាវ​ មួយ​ខ្សែ​នេះ​​​​រត់​ឆ្ពោះ​ទៅ​កាន់​ទីក្រុង​​​វៀងចន្ទន៍​ដែល​រដ្ឋ​ធានី​របស់​ប្រទេស ​ឡាវ ដែល​ជា​ប្រទេស​សម្បូរ​​ទៅ​ដោយ​​ភ្នំ និង​ព្រៃ។ ជិត ​៦៣%​នៃ​ផ្លូវ​នេះ ​គឺ​ជា​​​ស្ពាន និង​ផ្លូវ​ក្រោម​ដី ។​លោក​ប្រធានាធិបតី​ឡាវ Bounnhang Vorachit ​បាន​ឲ្យ​ដឹង​​ថាគម្រោង​ផ្លូវ​ដែក​នេះ​​​ជា​លទ្ធផល​​​ជា​​​ផ្លែផ្កា​នៃ​កិច្ច​សហ​​ប្រតិបត្តិការ​រវាង​ឡាវ និង​ចិន ហើយ​នឹង​ធ្វើ​ឲ្យ​ប្រសើរ​ឡើង​​នូវ​ហេដ្ឋា​រចនា​សម្ព័ន្ធ​​​ក្នុង​​ប្រទេសឡាវ ៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh!

មនុស្សជាច្រើនតែងតែលើកឡើងពីលក្ខណៈពិសេសនៃតំបន់លំនៅដ្ឋានល្អៗនៅទីក្រុងភ្នំពេញ។ ទីតាំងមួយដែលត្រូវបានគេចាត់ទុកថាមានលក្ខណៈល្អជាងគេមានភាពទាក់ទាញខ្លាំងជាងគេ និងសក្តានុពលខ្ពស់ជាងគេនៅពេលអនាគតគឺតំបន់មាត់ទន្លេ។ហេតុអ្វីតំបន់មាត់ទន្លេមានលក្ខណៈពិសេសសម្រាប់ការរស់នៅ?ខាងក្រោមនេះគឺជាចំណុចពិសេសចំនួន៤ដែលធ្វើឲ្យតំបន់មាត់ទន្លេមានភាពសម្បូរបែបសម្រាប់ការរស់នៅក្នុងទីក្រុង។  អានអត្ថបទបន្ថែមអំពី៖ តំបន់មាត់ទន្លេក្នុងទីក្រុងភ្នំពេញត្រូវការគម្រោងសាងសង់អគារខ្ពស់ៗបន្ថែមទៀត!មានទេសភាពស្រស់ស្អាតតំបន់មាត់ទន្លេជាកន្លែងដែលអាចផ្តល់ភាពធម្មជាតិជាមួយខ្យល់អាកាសបរិសុទ្ធ និងពន្លឺព្រះអាទិត្យល្អបំផុតនៅក្នុងទីក្រុង។ ទីនេះជាកន្លែងដ៏ស្រស់ស្អាត និងមានភាពទាក់ទាញ ដែលបានប្រមូលផ្តុំដោយទស្សនីយភាពដ៏គួរឲ្យចង់គយគន់ អមដោយទន្លេបួនមុខប្រសព្វគ្នាក្នុងនោះរួមមាន៖ ទន្លេសាប ទន្លេមេគង្គលើ ទន្លេមេគង្គក្រោម និងទន្លេបាសាក់។គេមើលឃើញថា តំបន់តាមដងទន្លេមានលក្ខណៈពិសេសបំផុតសម្រាប់សំណង់អគារខ្ពស់ៗ។ នេះជាចំណុចល្អឥតខ្ចោះដែលអ្នកមិនអាចរកបាននៅតំបន់ផ្សេងឡើយ។ ក្រៅពីនេះតំបន់ជាប់ដងទន្លេអាចមើលឃើញទេសភាពនៃស្ថាបត្យកម្មចម្រុះដែលបន្សល់ទុកពីសម័យកាលផ្សេងៗគ្នា។ជាកន្លែងប្រាព្ធពិធីបុណ្យជាតិតំបន់ដងទន្លេគឺជាកន្លែងដ៏ពេញនិយមបំផុតសម្រាប់ការប្រារព្ធពិធីជាតិធំៗជារៀងរាល់ឆ្នាំដូចជា៖ បុណ្យអុំទូកជាដើម។ ជាទីតាំងគោលសម្រាប់ពិធីបុណ្យជាតិធំៗហើយជាកន្លែងសម្រាប់ប្រមូលផ្តុំគ្នារបស់ សាធារជនដែលធ្វើឲ្យមាត់ទន្លេមានភាពអ៊ូអរយ៉ាងខ្លាំង។តំបន់ទេសចរណ៍តំបន់មាត់ទន្លេគឺជាទីតាំងដ៏ងាយស្រួលទាំងការធ្វើដំណើរ ការស្នាក់នៅ ការកំសាន្ត និងជាតំបន់ទេចរណ៍ដ៏សំខាន់មួយនៅក្នុងទីក្រុង។ ព្រះបរមរាជវាំងជាទិសដៅទេសចរណ៍ដ៏ធំមួយសម្រាប់ជនជាតិខ្មែរ និងជនបរទេស។   លើសពីនេះសួនសាធារណៈ​តាមដងទន្លេ បានក្លាយជាកន្លែងដើរកម្សាន្ត និងលំហែកាយដ៏ពេញនិយមសម្រាប់អ្នកក្នុងស្រុក និងមួយផ្នែកធំជាជនបរទេសផងដែរ។​បណ្តុំសេវាកម្មបរទេសភាគច្រើនបានស្គាល់ និងចូលចិត្តស្នាក់នៅតាមតំបន់មាត់ទន្លេ ដោយសារនៅទីនេះបាន ប្រមូលផ្តុំដោយសេវាកម្មដូចជា ភោជនីយដ្ឋាន​ ដែលប្រមូលផ្តុំដោយអាហារគ្រប់បែបមកពី ប្រទេសអាឡឺម៉ង់ ថៃ បារាំង  កូរ៉េ កាណាដា ជប៉ុន សហរដ្ឋអាមេរិក អូស្រ្តាលី អ៊ីតាលី​ និងផ្សេងៗទៀត។ បារ ក្លឹបរាត្រី ផ្សារទំនើប សាលារៀន ហាងកាហ្វេ មន្ទីរពេទ្យ និងតំបន់ពាណិជ្ជកម្មអន្តរជាតិជាច្រើនទៀតគឺមានវត្តមាននៅក្នុងតំបន់តាមមាត់ទន្លេ។ជាការពិតណាស់ តំបន់មាត់ទន្លេ​ក្នុងទីក្រុងភ្នំពេញគឺពិតជាទីតាំងដ៏ល្អបំផុតមួយសម្រាប់ការ រស់នៅក្នុងទីក្រុងភ្នំពេញ។ ការអភិវឌ្ឍន៍នឹងបន្តហូរចូលថែមទៀតក្នុងឆ្នាំបន្តបន្ទាប់ ដើម្បីកែប្រែ តំបន់ទាំងមូលឲ្យទៅជាតំបន់លំនៅដ្ឋាន ប្រកបដោយភាពរីករាយ និងផាសុកភាព៕ប្រសិនបើចង់ទិញអចលនទ្រព្យ? សូមមើល អចលនទ្រព្យសម្រាប់លក់នៅតាមមាត់ទន្លេនៃទីក្រុងភ្នំពេញ ឥឡូវនេះ!

យោងតាមការផ្សព្វផ្សាយនៅលើទំព័រហ្វេសប៊ុកផ្លូវការរបស់ក្រុមប្រឹក្សាអភិវឌ្ឍន៍កម្ពុជាហៅកាត់ថា CDC គិតត្រឹមរយៈពេល២ខែដំបូងនៃឆ្នាំនេះពោលគឺក្នុង ខែមករា និងខែកុម្ភៈកន្លងទៅថ្មីៗនេះបានសម្រេចចេញវិញ្ញាបនប័ត្រចុះបញ្ជីជាស្ថាពរ លើគម្រោង និងរោងចក្រចំនួន៤៥គម្រោង ដែលមានទុនវិនិយោគសរុបរហូតដល់ជាង៨២៥លានដុល្លារអាមេរិក។គម្រោង​​ដែលត្រូវបាន ​អនុម័ត​បើកឲ្យ​ដំណើរការ​ទាំង​៤៥​នោះគឺភាគច្រើនជា​រោងចក្រ​កាត់ដេរ ផលិតកាបូប និងផលិតសម្ភារៈប្រើប្រាស់​ផ្សេងៗ​ទៀត  ហើយ​រោងចក្រ​ទាំងនោះក៏មាន​សមត្ថភាព​អាចបង្កើត​ការងារ​បាន​រហូត​ដល់ជាង៦ម៉ឺន​កន្លែង​ផងដែរ។អានអត្ថបទបន្ថែមអំពី៖  ម្ចាស់រោងចក្រ ឃ្លាំង និងយានដ្ឋានធំៗក្នុងទីប្រជុំជនត្រូវតែរើទៅ​តំបន់​ជាយក្រុង​ឱ្យ​​អស់​នៅ​ត្រឹម​ឆ្នាំ​២០២១!តាមសេចក្ដី​ប្រកាស​ព័ត៌មាន របស់ CDC បានឲ្យ​ដឹងថា នៅក្នុងខែកុម្ភៈ មានការ​អនុម័ត​ បើកឱ្យដំណើរការ​គម្រោង​អភិវឌ្ឍន៍​ និង​រោងចក្រជា​ច្រើនដែលមាន​រហូត​ដល់៣២គម្រោង​ ជាមួយ​ទុនវិនិយោគ​ជាង៧៥៧លានដុល្លារ​អាមេរិកខណៈដែល​នៅខែមករា​មានគម្រោង​អភិវឌ្ឍន៍​ និង​រោងចក្រ​តែ​១៣គម្រោងជាមួយ​ទុនវិនិយោគ​ជាង៦៧លានដុល្លារ​អាមេរិកប៉ុណ្ណោះ ។CDC បានបង្ហាញទិន្នន័យអំពីការវិនិយោគដោយផ្ទាល់របស់បរទេសមកលើកម្ពុជាថាចាប់ពី​ឆ្នាំ២០១៣ដល់ឆ្នាំ២០១៧កម្ពុជា​បាន​ទទួល​គម្រោង​វិនិយោគ​ពីបណ្ដាក្រុមហ៊ុនក្នុងស្រុក និង​បរទេស សរុប​ប្រមាណ​ជា៩៧០​គម្រោងដែលមានទុនវិនិយោគ​សរុប​ចំនួន​ជាង២៣ពាន់​​លានដុល្លារ​អាមេរិក ។បើគិតក្នុងរយៈ​ពេល​៥ឆ្នាំពោលគឺ​ចាប់​ពីឆ្នាំ២០១៣ដល់ឆ្នាំ២០១៧ទុន​វិនិយោគ​ផ្ទាល់​ពីបរទេសជាមធ្យម​ប្រចាំ​ឆ្នាំមាន​ប្រមាណ​ជា៤០%នៃទុន​វិនិយោគ​សរុប​ក្នុងឆ្នាំ​នីមួយៗ ។ យ៉ាងណាមិញនៅក្នុង​ឆ្នាំ២០១៨ទុន​វិនិយោគផ្ទាល់​ពីបរទេស​បានកើនឡើង​ជិត៧០% នៃទុន​វិនិយោគ​សរុបដែលត្រូវ​បានកត់​ត្រា​ដោយCDC ៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh!

វិស័យអចលនទ្រព្យរបស់ប្រទេសវៀតណាមបានបន្តមានភាពរឹងមាំក្នុងឋានៈជាសេដ្ឋកិច្ចខ្លាបីឆ្នាំជាប់ៗគ្នា និងបានស្រូបយកអ្នកវិនិយោគទាំងចិន និងជប៉ុនជាមួយទឹកប្រាក់វិនិយោគរាប់ពាន់លានដុល្លារ ។យោងតាមក្រសួងផែនការ និងបរិស្ថានវៀតណាមបានបង្ហាញថាការវិនិយោគដោយផ្ទាល់ពីបរទេសលើវិស័យអចលនទ្រព្យមានសរុបចំនួន៧០០លានដុល្លារនៅក្នុងគម្រោងចំនួន៦១៨។ គម្រោងថ្មីចំនួន៣៩ត្រូវបានអនុម័ត ហើយភ្នាក់ងារអចលនទ្រព្យចំនួន២,២៧៩ត្រូវបានផ្តល់អាជ្ញាប័ណ្ណដែលនេះតំណាងឲ្យការកើនឡើងជិត៧០ភាគរយបើធៀបនឹងឆ្នាំមុនៗកន្លងមក ។អានអត្ថបទបន្ថែមអំពី៖ ក្រុមហ៊ុនជប៉ុនចំនួន៥២នឹងមកវិនិយោគលើវិស័យអចលនទ្រព្យនៅកម្ពុជា!វិនិយោគិនសិង្ហបុរី ហុងកុង និងតៃវ៉ាន់គឺជាអ្នកទិញអចលនទ្រព្យអាផាតមេនមានសេវាកម្មថែទាំ (service apartment) និងខុនដូច្រើនជាងគេក្នុងអត្រារហូតដល់ទៅ៧៥ភាគរយនៃទីផ្សារទិញហើយដាក់ជួល។ក្រុមហ៊ុន Kajima របស់ជប៉ុនបណ្តាក់ទុនរួមគ្នាជាមួយក្រុមហ៊ុន Indochina Capital ដែលមានមូលដ្ឋាននៅទីក្រុងហាណូយនឹងធ្វើការវិនិយោគលើគម្រោងប្រកបដោយសក្តានុពលចំនួន ៥០ ក្នុងរយៈពេល ១០ ឆ្នាំ ដែលនឹងរួមបញ្ចូលនូវ អាផាតមេន សណ្ឋាគារ និងអគារការិយាល័យ ។ក្រៅពីនោះមានក្រុមហ៊ុនជប៉ុនផ្សេងទៀតដូចជា Creed Group, Tokyu, Hankyu Realty, Nishi-Nippon Railroad និង Sanyo Homes ដែលបាន និងកំពុងវិនិយោគ ក្នុងវិស័យអចលនទ្រព្យដែលកំពុងរីកលូតលាស់របស់ប្រទេសវៀតណាម ។គួរបញ្ជាក់ផងដែរថាអ្នកវិនិយោគទុនបរទេសមិនមែនគ្រាន់​តែចូលមកវៀតណាមដើម្បីបង្កើតប្រតិបត្តិការប៉ុណ្ណោះទេ ប៉ុន្តែពួកគេថែមទាំងបានប្តេជ្ញារក្សាទុនរបស់ពួកគេនៅទីនេះទៀត ពោលគឺពួកគេមានបំណងនៅទីនេះសម្រាប់រយៈពេលវែង ៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh!

រាជធានីភ្នំពេញគឺជាទីក្រុងដែលព័ទ្ធជុំវិញដោយទឹក។ ភ្នំំពេញស្ថិតនៅចំចំណុចប្រសព្វរវាងទន្លេ៤មុខកាត់គ្នាក្នុងនោះមានដូចជា៖ ទន្លេសាប ទន្លេមេគង្គលើ ទន្លេមេគង្គក្រោម និងទន្លេបាសាក់។ កត្តានេះបានធ្វើអោយតំបន់តាមដងទន្លេមានលក្ខណៈពិសេសបំផុតសម្រាប់សំណង់អគារខ្ពស់ៗ ប៉ុន្តែបច្ចុប្បន្នតំបន់មាត់ទន្លេនៅមានការសាងសង់តិចតួចនៅឡើយ ហើយដីមួយផ្នែកធំនៅជាដីទំនេរ។គម្រោងធំៗមួយចំនួននៅតាមតំបន់មាត់ទន្លេបានកំពុងដំណើរការសាងសង់ និងខ្លះទៀតស្ថិតនៅក្នុងផែនការសាងសង់។ ប៉ុន្តែទោះយ៉ាងណាក៏តំបន់ទាំងនេះនៅមិនទាន់មានការវិនិយោគធំៗ និងប្រភេទអគារខ្ពស់ៗច្រើននៅឡើយ ដែលនេះគឺផ្ទុយពីតំបន់កណ្តាលក្រុងដូចជាសង្កាត់បឹងកេងកង១ និងខណ្ឌទួលគោកដែលមានគម្រោងអភិវឌ្ឍន៍ខ្ពស់ៗជាច្រើនទាំងប្រភេទលំនៅដ្ឋាន និងពាណិជ្ជកម្ម។ប៉ុន្តែតំបន់កោះពេជ្រអាចជាករណីលើកលែងមួយ។ កោះពេជ្រមានភាពរីកចម្រើនគួរឲ្យកត់សម្គាល់ក្នុងរយៈពេលប៉ុន្មានឆ្នាំចុងក្រោយនេះ។ ជាមួយគ្នានេះតំបន់មាត់ទន្លេផ្សេងទៀតដូចជា៖ ជ្រោយចង្វារ កោះនរា និងអរិយក្សត្រនឹងអាចក្លាយជាតំបន់រីកចម្រើននៅពេលអនាគត។អានអត្ថបទបន្ថែមអំពី៖ ស្វែងយល់៥ចំណុចនេះសិន បើចង់វិនិយោគជោគជ័យក្នុងវិស័យអចលនទ្រព្យ!លោក ស៊ន សៀប ដែលជាស្ថាបនិក និងជានាយកប្រតិបត្តិរបស់ក្រុមហ៊ុន ឃី រៀល អ៊ីស្ទេត បាននិយាយថាទីក្រុងភ្នំពេញមានទីតាំងល្អបំផុតភ្ជាប់មកជាមួយនឹងទន្លេបួនមុខ។ លោកបាន អះអាងថាទីតាំងទាំងនេះគឺល្អឥតខ្ចោះសម្រាប់ការអភិវឌ្ឍគម្រោងអគារខ្ពស់ៗ។ លោក សៀប បានបន្ថែមទៀតថាអ្នកអភិវឌ្ឍន៍បានចាប់ផ្តើមសាងសង់គម្រោងអគារខ្ពស់ៗនៅតាមដងទន្លេ សាប និងទន្លេបាសាក់ខណៈដែលដីនៅតាមដងទន្លេមេគង្គលើ និងមេគង្គក្រោមមិនទាន់​មានការអភិវឌ្ឍនៅឡើយ។លោក សៀប បានបញ្ជាក់ដែរថា "កោះពេជ្រ និងជ្រោយចង្វារកំពុងមានសកម្មភាពសាងសង់ច្រើន។ អ្នកអភិវឌ្ឍន៍មានបំណងកែប្រែតំបន់ទាំងនេះឲ្យទៅជាតំបន់លំនៅដ្ឋានខ្ពស់ប្រកបដោយលក្ខណៈប្រណិត។ ចំណែកតំបន់ភូមិកោះនរា និងអរិយក្សត្រត្រូវរង់ចាំគម្រោងអភិវឌ្ឍន៍ធំៗបោះទុនវិនិយោគនៅពេលអនាគត។”តំបន់កោះនរាស្ថិតនៅជិតកោះពេជ្រដែលស្ថិតនៅខណ្ឌចែកគ្នាដោយទន្លេបាសាក់ និងទន្លេមេគង្គ។ រីឯតំបន់អរិយក្សត្រវិញស្ថិតនៅតាមបណ្តោយច្រាំងទន្លេមេគង្គប៉ែកខាងកើតនៃទីក្រុង នៅក្នុងខេត្តកណ្តាល។"ការអភិវឌ្ឍនៅតំបន់កោះនរា និងអរិយក្សត្រអាចនឹងត្រូវចំណាយរយៈពេលមធ្យមទៅរយៈពេលវែងពី៥ទៅ១០ឆ្នាំទៀត។ តំបន់នេះត្រូវការហេដ្ឋារចនាសម្ព័ន្ធចាំបាច់ជាច្រើនទៀតដូចជាស្ពាន ជាដើម។ នៅពេលមានស្ពានវានឹងនាំជំរុញការអភិវឌ្ឍវិស័យអចលនទ្រព្យបន្ថែមទៀត។” នេះជាការបញ្ជាក់របស់ លោក សៀប។ថ្មីៗនេះ ក្រុមហ៊ុន OCIC បានអះអាងថាក្រុមហ៊ុននេះគ្រោងនឹងអភិវឌ្ឍទីក្រុងរណបថ្មីមួយទៀតទំហំជាង១០០ហិចតាលាតសន្ធឹងពីកោះនរាដល់កៀនស្វាយ។ ហើយគម្រោងនេះនឹងត្រូវអភិវឌ្ឍស្រដៀងគ្នាទៅនឹងការភិវឌ្ឍនៅកោះពេជ្រ។ នេះបើយោងតាមសារព័ត៌មាន (Fresh News)។លោក តេង រិទ្ធី ជាស្ថាបនិក​ និងជាប្រធានក្រុមហ៊ុន R'Investment Group បានអះអាងថាភាគច្រើននៃតំបន់នៅតាមបណ្តោយដងទន្លេត្រូវបានគេកំណត់រួចរាល់សម្រាប់ការសាងសង់អគារកម្ពស់ខ្ពស់ និងមធ្យមនៅពេលខាងមុខ។​លោក រិទ្ធី បាន​និយាយថាវត្តមានរបស់គម្រោង OCIC តាមបណ្តោយច្រាំងទន្លេនៅច្បារអំពៅនឹងធ្វើឲ្យតំបន់ទាំងមូលកាន់តែមានភាពទាក់ទាញ។ លោកបានបន្តទៀតថាវិនិយោគិនជាច្រើនបានសំឡឹងឃើញពីសក្តានុពលរបស់តំបន់នេះរួចទៅហើយ។លោក រិទ្ធី បានបញ្ជាក់ថា "ការអភិវឌ្ឍទីក្រុងភ្នំពេញគឺស្រដៀងគ្នាទៅនឹងការអភិវឌ្ឍទីក្រុងបាងកក ឬការអភិវឌ្ឍទីក្រុងនៅក្នុងប្រទេសកូរ៉េខាងត្បូងក្នុងទសវត្សរ៍ឆ្នាំ១៩៧០"។ លោកបាននិយាយថា វាមានភាពសមហេតុផលក្នុងការសន្មត់ថារាជធានីភ្នំពេញនឹងពង្រីកទៅផ្នែកម្ខាងទៀត [ខាងកើត] នៃទន្លេនៅក្នុងរយៈពេលប៉ុន្មានឆ្នាំខាងមុខជាពិសេសនៅពេលមានការអភិវឌ្ឍពេញលេញនៅផ្នែកខាងលិចនៃទន្លេ។ដូចគ្នានឹងលោកស៊ន សៀប ដែរ លោក រិទ្ធី ជឿថាហេដ្ឋារចនាសម្ព័ន្ធជាមូលដ្ឋានគឺចាំបាច់ត្រូវផ្តល់ដោយរដ្ឋាភិបាលដើ​ម្បីលើកទឹកចិត្តដល់វិនិយោគិន។បើពិនិត្យអោយស៊ីជម្រៅអំពីសក្តានុពលនៅតំបន់ជ្រោយចង្វារ លោក James Hewson ប្រធានផ្នែកស្រាវជ្រាវ និងប្រឹក្សាយោបល់របស់ក្រុមហ៊ុន CBRE Cambodia បាននិយាយថា តំបន់នេះមានសក្តានុពលខ្លាំង។ លោកបានបញ្ជាក់ថា ដីនៅតំបន់ជ្រោយចង្វារ មានតម្លៃសមរម្យ និងនៅទំនេរច្រើន និងថែមទាំងនៅជិតតំបន់កណ្តាលក្រុងទៀតផង។លោក Hewson "គម្រោង OCIC ដែលមានទំហំជាង ៣០០ ហិចតា ស្ថិតនៅតំបន់ជ្រោយចង្វារ នឹងត្រូវបង្កើតជាគម្រោងអភិឌ្ឍន៍ចម្រុះ ដែលមានអគារខ្ពស់ៗជាច្រើន។ ចំណែកនៅតាមបណ្តោយ ផ្លូវជាតិលេខ ៦A វិញ ក៏មានឱកាសវិនិយោគជាច្រើនសម្រាប់អគារលំនៅដ្ឋានខ្ពស់ផងដែរ។”ពាក់ព័ន្ធនឹងតម្លៃដី លោក សៀប បាន បង្ហាញតម្លៃដីផ្សេងៗគ្នានៅតាមតំបន់មាត់ទន្លេ។ លោកថា កោះពេជ្រមានតម្លៃដីថ្លៃជាងគេ ដោយដីនៅទីនេះមានតម្លៃពី៣,៥០០ដុល្លារទៅ ៥,០០០ ដុល្លារ/ម៉ែត្រការ៉េ។ ចំណែកដីនៅជ្រោយចង្វារអាចមានតម្លៃចាប់ពី៧០០ ទៅ ២,០០០ដុល្លារ/ម៉ែត្រការ៉េ។បច្ចុប្បន្ន ដីនៅកោះនរា មានតម្លៃចាប់ពី៥០០ ដុល្លារដល់ ១,០០០ ដុល្លារ/ម៉ែត្រការ៉េរីឯអរិយក្សត្រជាតំបន់ ដែលមានតម្លៃទាបជាងគេ គឺមានតម្លៃក្រោម ៥០០ ដុល្លារក្នុងមួយម៉ែត្រការ៉េ។លោក រិទ្ធី ជឿថា  "ក្នុងរយៈពេលប្រាំឆ្នាំទៀតអគារខ្ពស់ៗ ជាច្រើននឹងត្រូវបានអភិវឌ្ឍឡើងនៅតំបន់ទាំងនេះ ហើយច្រាំងទន្លេក្នុងរាជធានីភ្នំពេញនឹងប្រែក្លាយជាទីក្រុងទំនើប"៕ស្វែងរកព័ត៌មានស្ដីពីការអភិវឌ្ឍ ឬចង់ទិញ ឬជួលអចលនទ្រព្យសូមចូលទៅកាន់ Realestate.com.kh!

ជាទូទៅការទិញអចលនទ្រព្យធ្វើឡើងក្នុងគោលបំណងពីរបែប ទី១ ទិញដើម្បីស្នាក់នៅ​រយៈពេលវែង និងទី២ ទិញសម្រាប់ការវិនិយោគនៅពេលអនាគត។ការវិនិយោគបែបណាក៏ដោយគឺទាមទារឲ្យអ្នកទិញត្រូវមានភាពច្បាស់លាស់ និងធ្វើការសម្រេចចិត្តវិនិយោគជាមួយអចលនទ្រ​ព្យដ៏ត្រឹមត្រូវមួយ។ ប៉ុន្តែប្រសិនបើអ្នកវិនិយោគខុសគោលដៅ អ្នកមិនមែនត្រឹមតែខាតបង់ប្រាក់ប៉ុណ្ណោះទេប៉ុន្តែថែមទាំងពេលវេលាកម្លាំងកាយចិត្ត។ដូច្នេះតើអ្នកបានដឹងអ្វីខ្លះ អំពីការវិនិយោគមួយ ដែលចាត់ទុកថាជាវិនិយោគដែលអាចធានាបានផលចំណេញ? ខាងក្រោមនេះ យើងនឹងបង្ហាញពីកត្តា៥យ៉ាងដែលអ្នកត្រូវស្វែងយល់ជាមុនសិនប្រសិនបើចង់ទទួលបានផលចំណេញពីការវិនិយោគនៅក្នុងប្រទេសកម្ពុជា។អានអត្ថបទបន្ថែមអំពី៖ ស្វែងយល់អំពីល្បិចឆបោកនៅក្នុងវិស័យអចលនទ្រព្យនៅពេលបច្ចុប្បន្ន!១. ទិញរស់នៅ ឬទិញវិនិយោគទិញសម្រាប់រស់នៅ និងទិញទុកលក់វិញមានលក្ខណៈខុសគ្នា។ ទិញផ្ទះ ឬទិញដីសម្រាប់សាងសង់ផ្ទះរស់នៅគឺត្រូវទាមទារការគិតគូកត្តាមួយចំនួនដែលជះឥទ្ធិពលរយៈពេលវែងក្នុងនោះទីតាំងគឺជាកត្តាសំខាន់ប៉ុន្តែវាក៏អាស្រ័យគោលបំណងនៃការរស់នៅរបស់អ្នកផងដែរ ថាតើអ្នកចង់បានការរស់នៅបែបគ្រួសារ ដែលមានស្ងប់ស្ងាត់ ឬរស់នៅផង និងធ្វើអាជីវកម្មផង។ចំណែកទិញទុកវិនិយោគមានលក្ខណៈពិសេសមួយគឺអ្នកអាចជ្រើសរើសតំបន់ណាមួយក៏បាន (ទិញឆ្ងាយពីក្រុង ឬជិតក្រុង) សំខាន់ឲ្យមានសក្តានុពលដែលចលក់ចំណេញច្រើន។ ជាទូទៅការទិញអចលនទ្រព្យនៅតាមតំបន់ជាយក្រុង ឬក្រៅក្រុងមានឱកាសចំណេញច្រើនព្រោះអ្នកអាចទិញបានក្នុងតម្លៃទាប។ ប៉ុន្តែការរង់ចាំជាអ្វីដែលអ្នកត្រូវពិចារណា។តែទោះយ៉ាងណាសម្រាប់អ្នកដែលមានដើមទុនច្រើន ការវិនិយោគនៅតំបន់កណ្តាលក្រុងគឺអាចទទួលបានផលចំណេញជាទីគាប់ចិត្ត។២. អចលនទ្រព្យស្របច្បាប់អចលនទ្រព្យស្របច្បាប់ គឺសំដៅដល់អចលនទ្រព្យដែលមានប័ណ្ណកម្មសិទ្ធិស្របច្បាប់ (ប្លង់រឹង)។ នេះជាចំណុចដំបូងគេបង្អស់ ដែលអ្នកត្រូវតែទទួលបាន។ វិនិយោគអចលនទ្រព្យស្របច្បាប់ គឺចំណេញលើសពីហិរញ្ញត្ថុ។៣. មើលពីអនាគតនៃតំបន់ជាធម្មតាតំបន់អភិវឌ្ឍន៍នីមួយៗតែងតែងត្រូវបានកំណត់ទៅតាមផែនការមេនៃការអភិវឌ្ឍរបស់ ខេត្ត/ក្រុង។​ ផែនការមេ ឬប្លង់មេទាំងនេះអាចប្រាប់អ្នកអំពីអនាគតនៃអចលនទ្រព្យនៃតំបន់ដែលអ្នកចង់ទិញ។ ចំណុចនេះមានន័យថា អ្នកត្រូវសិក្សាពាក់ព័ន្ធទៅនឹងសកម្មភាពសេដ្ឋកិច្ច ទំនោរនៃការរស់នៅ តំបន់ឧស្សាហកម្ម គម្រោងលំនៅដ្ឋាន ហេដ្ឋារចនាសម្ព័ន្ធ និងលំហូរអ្នកចំណូលថ្មីទៅកាន់តំបន់នេះ។​បើតាម លោក តេង រិទ្ធី ស្ថាបនិក និងនិយកក្រុមហ៊ុន P R' Investment Group បានលើកឡើងដោយផ្នែកលើផែនការមេរបស់សាលាក្រុងភ្នំពេញ។ទីក្រុងភ្នំពេញត្រូវបានបែងចែកតំបន់អភិវឌ្ឍន៍សំខាន់ៗដូចជា៖ជ្រោយចង្វា៖ តំបន់ពាណិជ្ជកម្ម លំនៅដ្ឋានប្រណិង និងការិយាល័យព្រែកភ្នៅ៖ តំបន់ដោះដូរពាណិជ្ជកម្ម និងមជ្ឈមណ្ឌលដឹកជញ្ជូនអរិយក្សត៖ មជ្ឈមណ្ឌលកំសាន្ត និងទីតាំងការងារបឹងកក់៖ មជ្ឍមណ្ឌលពាណិជ្ជកម្មលំដាប់អន្តរជាតិដូនពេញ ៖ តំបន់កំពង់ផែ និងគម្រោងអភិវឌ្ឍន៍ខ្នាតធំចោមចៅ៖ តំបន់រោងឧស្សាហកម្ម ដឹកជញ្ជូន ​និងអាជីវកម្មច្បារអំពៅ៖ តំបន់លំនៅដ្ឋាន និងការលម្ហែកាយតាខ្មៅ៖ ការស្នាក់នៅ ស្ថាប័នការងារ និងទីតាំងកំសាន្ត៤. ស្គាល់តំបន់ឲ្យច្បាស់មុនសម្រេចចិត្តទិញដឹងពីតំបន់ច្បាស់ទើបអ្នកអាចដឹងអំពីសក្តានុពលពិតប្រាកដ ឬបញ្ហាប្រឈមនានាដែលមាននៅទីតាំងនោះក្នុងពេលបច្ចុប្បន្ន។ការស្គាល់តំបន់បានច្បាស់លាស់ អ្នកនឹងដឹងពីស្ថានភាពទូទៅដូចជា៖ ដីមានជម្លោះ ដីកម្មសិទ្ធិរដ្ឋ ដីសម្បទាន អសន្តិសុខ និងតំបន់មានទឹកជំនន់ជាដើម។ ដូចគ្នាដែរសម្រាប់សក្តានុពលវិញ អ្នកអាចដឹងពីចំនួនប្រជាសាស្ត្រ តម្លៃដីសកម្មភាពសេដ្ឋកិច្ច ឬភាពងាយស្រួលនៃការរស់នៅ និងធ្វើដំណើរជាដើម។​៥. ត្រូវដឹងថា នរណានឹងជួលអចលនទ្រព្យរបស់អ្នកបើអ្នកចង់ទិញអចលនទ្រព្យទុកដាក់ជួលដើម្បីបានប្រាកចំណូលប្រចាំខែដំបូងអ្នកត្រូវដឹងថា តើអ្នកចង់បានអតិថិជនប្រភេទណាជាអ្នកចំណូលទាប កម្មកររោងចក្រ សិស្សនិស្សិត អ្នកប្រកបអាជីវកម្ម បុគ្គលិកក្រុមហ៊ុន ឬជនបរទេស។ មនុស្សទាំងនេះមានតម្រូវការខុសគ្នា ហើយការចំណាយរបស់ពួកគេក៏មានកម្រិតខុសគ្នាផងដែរ។សម្រាប់ទីផ្សារអចលនទ្រព្យជួលនៅភ្នំពេញអ្នកជួលមានតាមលំដាប់ខុសៗគ្នាដែលមានចាប់ពីតម្លៃក្រោម ៥០ដុល្លារ/ខែ រហូតដល់រាប់ពាន់ដុល្លារ។នៅពេលដឹងពីអ្នកជួល អ្នកអាចសិក្សាអំពីនិន្នាការ និងអត្តចរិករបស់អ្នកជួល។ ឧទារណ៍បើអ្នកចង់ជួលអោយជនបរទេស អ្នកត្រូវទិញផ្ទះនៅតំបន់កណ្តាលក្រុង ហើយផ្ទះត្រូវមានដេរគ័របែបអឺរ៉ុប។ក្រៅពីនេះ ជនជាតិជន និងខ្មែរក៏មាននិន្នាការរស់នៅផ្សេងៗគ្នាផងដែរ។ ដូច្នេះអ្នកត្រូវដឹងថាអចលនទ្រព្យរបស់អ្នកត្រូវជួលអោយអ្នកណាបន្ទាប់មកអ្នកនឹងដឹងថាអ្វីដែលពួកគេត្រូវការ។​ជារួមរាល់ការវិនិយោគអ្នកត្រូវធ្វើទៅតាមលទ្ធភាពជាក់ស្តែងរបស់ខ្លួន ដោយភ្ជាប់មកជាមួយ កត្តាវាយតម្លៃ ជាមូលដ្ឋានដូចបានបញ្ជាក់ខាងលើ។ ជាការណែនាំ អ្នកត្រូវមានភាពច្បាស់លាស់ ទាំងផ្នែកហិរញ្ញវត្ថុ និងចំណឹងដឹងអំទីផ្សារ ហើយប្រសិនបើអ្នកមិនទាន់មានភាពស៊ីជម្រៅនៅក្នុងវិស័យនេះទេការស្វែងរកការប្រឹក្សាយោបល់ជាមួយអ្នកជំនាញ ជាជម្រើសដែលមិនអាចខ្វះបាន៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh!

រូបភាពតំណាង​​ការ​វិវត្តនៃ​វិស័យ​ដីធ្លី ​និង​ការវិនិយោគ​នៅ​កម្ពុជាកំពុង​តែ​មាន​សន្ទុះ​រីក​ចម្រើន​គួរ​ឲ្យ​កត់សម្គាល់ តំបន់​ភ្នំរាបកំពុង​ក្លាយ​ជា​គោលដៅ​សំខាន់​ក្នុង​ការអភិវឌ្ឍ ព្រោះ​តែ​តំបន់ដ៏មានសារសំខាន់​​នេះបាន​ត​ភ្ជាប់​យ៉ាង​ល្អ​បំផុតជា​មួយ​ ​ប៉ូល សេដ្ឋកិច្ច​ សំខាន់ៗក្នុង​រាជធានីភ្នំពេញ ។​តំបន់ភ្នំរាប​នេះ​​​ជា​តំបន់​ល្អសម្រាប់​ការអភិវឌ្ឍពី​ព្រោះ​វាមាន​សណ្ឋានដី​ខ្ពស់ងាយ​ស្រួល​ក្នុង​ការ​អភិវឌ្ឍ​លើ​គ្រប់​គម្រោង​ទាំង​អស់។ តំបន់ភ្នំរាបប្រៀប​បានទៅ​នឹងបេះដូង​នៃ​តំបន់​សេដ្ឋកិច្ច តំបន់ពាណិជ្ជកម្ម និង​តំបន់ទេសចរណ៍ព្រោះតំបន់​នេះ​ស្ថិត​នៅ​ចំ​កណ្តាលទី​ប្រជុំ​របស់​គម្រោង​អភិវឌ្ឍរបស់​រាជរដ្ឋាភិបាល ។អានអត្ថបទបន្ថែម៖ ស្វែងយល់៥ចំណុចនេះសិន បើចង់វិនិយោគជោគជ័យក្នុងវិស័យអចលនទ្រព្យ!​តាមការសង្កេតមើលទៅភាគខាង​ជើង​ឈាង​ខាងលិច តំបន់​នេះស្ថិត​នៅ​ជិត​ផ្លូវ​ ៥១ ដែល​ជាផ្លូវ​យុទ្ធសាស្រ្ត​ដ៏​សំខាន់​របស់រដ្ឋាភិបាល​ក្នុង​ការ​រៀបចំ​ជាតំបន់​សេដ្ឋកិច្ចពិសេស ហើយ​បើ​មើល ​មក​ខាងត្បូង​វិញ​គឺ​តភ្ជាប់​ជាមួយ​បឹងតាមោកដែលជាតំបន់​​អភិវឌ្ឍន៍ ជាផ្សារ​បោះដុំ និង​គម្រោង​មជ្ឈមណ្ឌលពាណិជ្ជកម្ម​ធំៗនាពេល​អនាគត ។​ហេតុ​នាំ​ឲ្យ​នេះ​តំបន់នេះអាច​អភិវឌ្ឍ​ទៅ​ជា​គម្រោង​ បាន​គ្រប់លក្ខខណ្ឌ ពិសេសប្រសិន​បើ​ អ្នក​រកស៊ី​ គេ​ចង់​បង្កើត​រោងចក្រ ឬ​គេ​ចង់​បង្កើត​ជាផ្សារ ​សម្រាប់ប្រជាជននោះ​រាល់ផលិតផល និង​សេវាកម្ម​ទាំងអស់​គឺ ​ត្រូវ​បាន​តភ្ជាប់​យ៉ាង​ល្អ ដែល​ធ្វើ​ឱ្យ​ចំណាយ​តិច តែ​ចំណេញ​ច្រើនលើ​ការ​ដឹកជញ្ជូន និង​ពេលវេលា ពីព្រោះតំបន់ដ៏ប្រសិទ្ធិនេះស្ថិត​នៅចំ​កណ្តាល និង​មាន​ផ្លូវ​តភ្ជាប់​ខ្វាត់ខ្វែង​ប្រៀបដូចជាសសៃឈាម​ ។ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh

ក្រុមហ៊ុនអាកាសចរណ៍​វៀតណាម​ឈ្មោះ Vietjet ប្រកាសថាខ្លួននឹង​ទិញ​យន្តហោះ​ Boeing ដែលមាន​តួខ្លួន​តូចៗ​ចំនួន១០០គ្រឿងក្នុង​ទឹក​ប្រាក់​សរុប​ប្រមាណជិត​១៣​ពាន់​លានដុល្លារអាមេរិក។ នេះ​បើ​តាម​ការ​ចុះ​ផ្សាយ​របស់​សារព័ត៌មាន VN Express ដែល​យោង​ប្រភព​ទីភ្នាក់ងារ​ព័ត៌មាន Reuters។ដំណឹងនេះកើត​ឡើង​បន្ទាប់ពី​សហរដ្ឋអាមេរិកទើបតែបាន​អនុញ្ញាតឱ្យ​ប្រទេស​វៀតណាម​អាច​ធ្វើការហោះហើរត្រង់​ទៅ​កាន់​សហរដ្ឋ​អាមេរិកកាលពីពេល​ថ្មីៗ​នេះ ។អានព័ត៌មានបន្ថែមអំពី៖ វៀតណាមកំពុងធ្វើការដុតដៃដុតជើង ដើម្បីឱ្យគម្រោងរថភ្លើងក្រោមដីរបស់ខ្លួនរួចរាល់ក្នុងឆ្នាំ២០២០កាលជំនាន់​ដែល​លោក​ បារ៉ាក់ អូបាម៉ា នៅជាប្រធានាធិបតី​អាមេរិក និង​បាន​មកទស្សនកិច្ច​នៅ​វៀតណាមនាឆ្នាំ​២០១៦ ក្រុមហ៊ុន​ Vietjet ក៏បាន​ចុះ​កិច្ច​ព្រមព្រៀងទិញ​យន្តហោះ​ Boeing 737 MAX ដែលមាន​តួខ្លួន​តូចៗពី​សហរដ្ឋអាមេរិក​ផងដែរ ។ប្រភព​ពី Reuters បាន​ប្រាប់​ថាក្រុមហ៊ុន​ Vietjet នឹង​ចុះ​ហត្ថលេខា​លើ​កិច្ច​ព្រមព្រៀង​ ទិញ​យន្តហោះ​ Boeing របស់​ក្រុមហ៊ុន​អាមេរិកនៅក្រៅ​កិច្ច​ប្រជុំ​កំពូល​រវាង​ប្រធានាធិបតីអាមេរិក ដូណាល់ ត្រាំ និង​ប្រមុខ​ដឹកនាំ​កូរ៉េ​ខាងជើង លោក គីម ជុងអ៊ុន ចុងខែកុម្ភៈនេះ ៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh

សារព័ត៌មានក្នុងស្រុកវៀតណាមកាលពីម្សិលមិញនេះបានរាយការណ៍មកថាក្រុមហ៊ុនផលិតគ្រឿងបង្គុំយន្ដហោះដ៏ធំរបស់អាមេរិក UAC នឹងវិនិយោគរោងចក្រផលិតគ្រឿងបង្គុំយន្ដហោះនៅវៀតណាមដើម្បីនាំទៅលក់នៅ អាមេរិកខាងជើង និងទីផ្សារអឺរ៉ុបលើទុនចំណាយប្រមាណ ១៧០ លានដុល្លារ ។ក្នុងអំឡុងជំនួបកំពូលរវាងមេដឹកនាំកំពូល អាមេរិក និងកូរ៉េខាងជើង វៀតណាម ទើបតែមានការ​​ចុះ​កិច្ចព្រមព្រៀង​ទិញ​យន្ដហោះ១១០គ្រឿងពីអាមេរិក​​ដែលមានតម្លៃ​១៥ពាន់លានដុល្លារអាមេរិក ។ប្រភពព័ត៌មានបានឲ្យដឹងថានេះជា​រោងចក្រ​ផលិតគ្រឿង​បង្គុំ​យន្ដហោះទី២ ហើយដែលនឹង​មាន​នៅវៀតណាមខណៈដែល​រោងចក្រ​ទី១ទើបតែ​បានសម្ពោធ​ បើកដំណើរការ​កាលពី​ដើមខែធ្នូ​ឆ្នាំ២០១៨ដែលជាការវិនិយោគ​ របស់ក្រុមហ៊ុន​កូរ៉េ ខាងត្បូងជាមួយនឹងដើមទុន​២០០​លានដុល្លារអាមេរិក ។ប្រភពព័ត៌មានបានឲ្យដឹងទៀតថារោងចក្រផលិតគ្រឿងយន្ដហោះ ដែលជាការវិនិយោគ​ដោយក្រុមហ៊ុន​អាមេរិក UAC នេះអាច​ផលិត​គ្រឿង​បង្គុំ យន្ដ​ហោះ ​ប្រមាណ​៤ពាន់​ប្រភេទនៃផ្នែក​ចំនួន​ ៥លាន​ផ្នែក ​ដែលប្រើប្រាស់​បានគ្រប់​ប្រភេទ នៃយន្ដហោះទាំងអស់។ ហើយផលិតផល​ទាំងនោះនឹងនាំចេញទៅកាន់ទីផ្សារ​ នៅឯ អាមេរិក​ខាងជើង និងអឺរ៉ុប ។រោងចក្រនេះគ្រោង​នឹង​នាំចេញ​ឲ្យបានក្នុងតម្លៃទឹកប្រាក់​២៥លានដុល្លារអាមេរិកនៅក្នុងឆ្នាំ២០២១នឹងឆ្នាំបន្ទាប់នឹងនាំចេញ៨៥លានដុល្លារអាមេរិកនឹង​ចាប់ពីឆ្នាំ២០២៦ទៅគ្រោងនឹងនាំចេញឲ្យបាន​ដល់១៨០លានដុល្លារអាមេរិកក្នុងមួយឆ្នាំ៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh

កាលពីថ្ងៃទី ២៨ ខែកុម្ភៈ ឆ្នាំ២០១៨ ឧបនាយករដ្ឋមន្រ្តី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានគណៈកម្មការរៀបចំទីតាំងគម្រោងសាងសង់អាកាសយានដ្ឋានអន្តរជាតិភ្នំពេញថ្មី បានដឹកនាំកិច្ចប្រជុំមួយនៅទីស្តីការក្រសួងរៀបចំដែនដី ដើម្បីចាត់ចែងការងារ សម្រាប់ការសាងសង់ព្រលានយន្តហោះថ្មី​ដែលមានភូមិសាស្រ្តនៅ ស្រុកកណ្តាលស្ទឹង ខេត្តកណ្តាល។តាមការប្រកាសរបស់ក្រសួងរៀបចំដែនដី បានឱ្យដឹងថា ក្រោយកិច្ចប្រជុំ មានលទ្ធផលមួយចំនួនដូចតទៅ៖១៖ ជម្រាបជូនអំពីការសម្រេចរបស់រាជរដ្ឋាភិបាលក្នុងការបង្កើតអាកាសយានដ្ឋានអន្តរជាតិភ្នំពេញថ្មីខ្នាត 4F លើផ្ទៃដីទំហំ ២៦០០ហិកតា ដែលអាចទទួលយន្តហោះខ្នាតធំបានស្ថិតនៅក្នុងភូមិសាស្ត្រខេត្តកណ្តាល និងខេត្តតាកែវ។​​២៖ ប្រគល់ភារកិច្ចជូន ឯកឧត្តម ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិលរៀបចំកិច្ចព្រមព្រៀងដាក់ពិគ្រោះយោបល់ជាមួយស្ថាប័ន និងអង្គភាពពាក់ព័ន្ធ និងសុំការសម្រេចពី រាជរដ្ឋាភិបាល ដើម្បីចុះហត្ថលេខាជាមួយក្រុមហ៊ុនខេមបូឌា អ៊ែរផត អ៊ិនវេសមិន ឯ.ក និងសិក្សាកំណត់តំបន់សុវត្ថិភាពនៃការហោះហើរ។៣៖ ប្រគល់ភារកិច្ចជូនក្រុមការងារគាំទ្រដល់ការរៀបចំទីតាំងគម្រោងសាងសង់ចុះកំណត់និយាមកាទីតាំងគម្រោងអាកាសយានដ្ឋានអន្តរជាតិភ្នំពេញថ្មី បោះបង្គោលព្រំកំណត់តំបន់លំនៅឋាន និងកម្ពស់អគារ រៀបចំប្លង់លម្អិតនគរូបនីយកម្ម និងប្លង់ហេដ្ឋារចនាសម្ព័ន្ធ។៤៖ អនុវត្តឱ្យមានការឯកភាពគ្នានូវប្រព័ន្ធនិយាមកា Datum WGS 84 ក្នុងការវាស់វែងគូសទីតាំងក្បាលដីក្នុងផែនទីតែមួយ។៥៖ រដ្ឋបាលខេត្តកណ្តាល និងរដ្ឋបាលខេត្តតាកែវសហការជាមួយក្រុមការងារ និងក្រុមហ៊ុនក្នុងការអនុវត្តតួនាទី និងភារកិច្ចគាំទ្រដល់គម្រោងសាងសង់អាកាសយានដ្ឋានស្របតាមការសម្រេចរបស់រាជរដ្ឋាភិបាល។៦៖ ប្រគល់ភារកិច្ចជូនរដ្ឋបាលខេត្តកណ្តាលរដ្ឋបាលខេត្តតាកែវ និងអគ្គនាយកដ្ឋានសុរិយោដី និងភូមិសាស្ត្រកំណត់អត្តសញ្ញាណប្រជាពលរដ្ឋដែលមានដីនៅក្នុងទីតាំងគម្រោងឱ្យបានច្បាស់លាស់ ដោយផ្អែកទៅតាមការកាន់កាប់ជាក់ស្តែង និងឯកសារពាក់ព័ន្ធ ដើម្បីមានមូលដ្ឋានក្នុងការដោះស្រាយផលប៉ះពាល់ជូនប្រជាពលរដ្ឋ។ ជំហានបន្ទាប់ តាមការចាំបាច់ ផ្អាកជាបណ្តោះអាសន្នការធ្វើចរន្តការដីស្ថិតក្នុងទីតាំង ដែលបង្កការលំបាក និងរាំងស្ទះដល់ដំណើរការអនុវត្តគម្រោង។៧៖ ស្នើស្ថាប័នពាក់ព័ន្ធគិតគូរជាមុនអំពីហេដ្ឋារចនាសម្ព័ន្ធគាំទ្រជាអាទិ៍ ឩការបង្កប់បំពង់ហ្គាស បណ្តាញផ្គត់ផ្គង់ទឹកស្អាត ប្រព័ន្ធអគ្គិសនី ប្រព័ន្ធលូ ខ្សែកាបអុបទិក អាងប្រព្រឹត្តកម្មទឹកកខ្វក់ឱ្យបានត្រឹមត្រូវមុនបង្ហូរចូលលូសាធារណៈ អង់តែនទូរសព្ទ និងហេដ្ឋារចនាសម្ព័ន្ធក្រោមដីផ្សេងទៀត ចៀសវាងរៀបចំតាមក្រោយដែលបង្កឱ្យខូចខាតដល់ផ្លូវថ្នល់ ជាពិសេសប្រព័ន្ធការពារ និងរំដោះទឹកជំនន់។៨៖ ស្នើក្រុមហ៊ុនបង្កើតទីស្នាក់ការបណ្តោះអាសន្នសម្រាប់ធ្វើការនៅលើទីតាំង ជ្រើសរើសបុគ្គលិកចេញពីមូលដ្ឋានដែលមានកាយសម្បទា និងលក្ខណសម្បត្តិតាមចំនួនសមស្របមកបម្រើការងារចាំបាច់ក្នុង ការអនុវត្តគម្រោង។ជំហានបន្ទាប់អាចជ្រើសរើសបុគ្គលិកបន្ថែម តាមតម្រូវការជាក់ស្តែង។៩៖ លើកទឹកចិត្តប្រើប្រាស់ធនធានមនុស្សក្នុងស្រុកទាំងអ្នកជំនាញ និងអ្នកគ្មានជំនាញឱ្យអស់លទ្ធភាព ក្នុងការអនុវត្តគម្រោងសាងសង់អាកាសយានដ្ឋានអន្តរជាតិភ្នំពេញថ្មី។គួរបញ្ជាក់ផងដែរថាព្រលានយន្តហោះភ្នំពេញថ្មីនេះសាងសង់ឡើងលើផ្ទៃដីទំហំប្រមាណ ២,៦០០ហិកតា ដែលជាដីស្ថិតនៅក្នុងក្រុងតាខ្មៅ និងស្រុកកណ្តាលស្ទឹង ខេត្តកណ្តាល ហើយអាចប៉ះតំបន់មួយចំនួនក្នុងស្រុកបាទី ខេត្តតាកែវ ។ រដ្ឋាភិបាលបានបង្កើតក្រុមហ៊ុនមួយ ជាមួយក្រុមហ៊ុនរបស់ឧកញ៉ា ពង់ ឃាវសែ ដើម្បីសាងសង់ដែលរាជរដ្ឋាភិបាលកាន់កាប់ភាគហ៊ុន១០ភាគរយ និងក្រុមហ៊ុន OCIC របស់អ្នកឧកញ៉ា ពង់ ឃាវសែ កាន់កាប់ភាគហ៊ុន៩០ភាគរយ ដោយវិនិយោគទឹកប្រាក់ចំនួន១,៥០០លានដុល្លារអាមេរិក ៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh

រូបភាពតំណាងយោងតាមរបាយការណ៍របស់ TTG Asia និង Casino News Daily កាលពីថ្មីៗកន្លងទៅនេះបានឱ្យដឹងថាក្រុមហ៊ុនបដិសណ្ឋារកិច្ច WA Hospitality របស់ម៉ាឡេស៊ីបានចុះកិច្ចសន្យាជាមួយក្រុមហ៊ុនអ្នកអភិវឌ្ឍន៍អចលនទ្រព្យ Won Majestic របស់កម្ពុជាដើម្បីចូលមកគ្រប់គ្រងសណ្ឋាគារ និងកាស៊ីណូផ្កាយ៥ Won Majestic ក្នុងខេត្តព្រះសីហនុ ។គម្រោងសណ្ឋាគារនិងកាស៊ីណូ Won Majestic នេះនឹងមានទីតាំងស្ថិតនៅទល់មុខសណ្ឋាគារ សុខា មានបន្ទប់សរុបចំនួន១៥០បន្ទប់ដែលនឹងបម្រើការជាសេវាកម្មទាំងកាស៊ីណូ​ និងសណ្ឋាគារ ។អានអត្ថបទបន្ថែម៖ កម្ពុជា​ចាំបាច់​ត្រូវ​​​បង្កើន​ល្បឿន​​បញ្ចេញ​​​ច្បាប់​កាស៊ីណូដើម្បី​​ប៉ះប៉ូវ​ផល​ប៉ះពាល់​អវិជ្ជមានអាជីវកម្ម​កាស៊ីណូបច្ចុប្បន្ន សណ្ឋាគារ និងកាស៊ីណូផ្កាយ៥ នេះកំពុងដំណើរការសាងសង់ ហើយគ្រោងនឹង បើកដំណើរការ ជាផ្លូវការនៅដើមឆ្នាំ ២០២១ ។គួរបញ្ជាក់ផងដែរថាក្រុមហ៊ុន WA Hospitality  គឺជាក្រុមហ៊ុនបដិសណ្ឋារកិច្ចម៉ាឡេស៊ី បង្កើតឡើងកាលពីឆ្នាំ ២០១៥ ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន World Avenues នៅចក្រភពអង់គ្លេស ។ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh

ភាពរីកចម្រើននៃសេដ្ឋកិច្ចរបស់ប្រទេសកម្ពុជាបានធ្វើឱ្យស្តង់ដារជីវភាពរបស់ប្រជាជនកម្ពុជាកាន់តែខ្ពស់ជាងមុនបន្ថែមទៀតបើប្រៀបធៀបទៅនឹងប៉ុន្មានឆ្នាំមុន។ ការកើនឡើងនៃចំណូលរបស់ប្រជាជន បានធ្វើឱ្យតម្រូវការអចលនទ្រព្យមានការកើនឡើងខ្ពស់ដូចគ្នាដែរព្រោះប្រជាជនកម្ពុជាឥឡូវនិយមស្នាក់នៅសំណង់គម្រោងអភិវឌ្ឍន៍ធំៗ ក៏ដូចជាវិនិយោគទៅលើគម្រោងទាំងនោះផងដែរ។ដោយមើលឃើញពីការរីកចម្រើនខាងផ្នែកនេះហើយ ទើបអ្នកវិនិយោគខ្នាតយក្សជាច្រើនសុទ្ធតែសម្លឹងឃើញសក្តានុពលនៃតំបន់ថ្មីៗដើម្បីប្រែក្លាយតំបន់ទាំងនោះទៅជាទីប្រជុំថ្មីប្រកបដោយការរស់នៅ និងប្រកបរបរបែបទំនើបទាន់សម័យ។ ក្នុងនោះមហាវិថីសម្តេចហ៊ុន សែន (ផ្លូវ៦០ម៉ែត្រ) បាននឹងកំពុងក្លាយជាតំបន់ដ៏ពេញនិយមបំផុតមិនថាសម្រាប់អ្នកវិនិយោគក៏ដូចជាអ្នកដែលកំពុងស្វែងរកទិញអចលនទ្រព្យ។ជាមួយនឹងគម្រោងអភិវឌ្ឍន៍ជាច្រើនដូចជាអាគារស្នាក់នៅ បុរី ផ្សារទំនើប អគារពាណិជ្ជកម្ម មជ្ឈម​ណ្ឌលកំសាន្ត ធនាគារ និងភោជនីយដ្ឋានធំៗដែលនឹងមានវត្តមាននៅតាមបណ្តាយមហាវិធីដ៏ថ្មីស្រឡាងមួយនេះមហាវិថីនេះក៏នឹងមានគម្រោងអភិវឌ្ឍន៍លំនៅដ្ឋានល្បីៗចំនួនលេចរូបរាងឡើងនៅក្នុងពេលេឆាប់ៗនេះដែរ។អានអត្ថបទបន្ថែមអំពី៖ មហាវិថី សម្តេច ហ៊ុន សែនក្លាយជាទិសដៅវិនិយោគថ្មីនៅប៉ែកខាងត្បូងគម្រោងទាំងនេះមានរួមមាន៖១. គម្រោងបុរី អ & អេហ្វគម្រោងនេះត្រូវបានអភិវឌ្ឍន៍ដោយ ក្រុមហ៊ុន អ &អេហ្វ គ្រុប ដោយសាងសង់សំណង់ខុនដូខ្នាតយក្ស ដែលគ្រប់បណ្តប់នៅលើផ្ទៃដី៥៦០,០០០ម៉ែត្រការ៉េ។ គម្រោងនេះមានខុនដូទំនើបៗ បូករួមជាមួយនឹងឧទ្យានដ៍ខៀវស្រងាត់នៅក្នុងគម្រោងនេះ បង្កើតបានជាសហគមន៍ពណ៌បៃតងមួយផ្ទាល់ខ្លួនផងដែរ។២. គម្រោងបុរី​វីឡាវូដលែនគម្រោងនេះគឺជាគម្រោងអភិវឌ្ឍន៍របស់ក្រុមហ៊ុនដ៏ល្បីគឺក្រុមហ៊ុនណាគី គ្រុប ដោយសាងសង់លំនៅដ្ឋានដូចជាផ្ទះវីឡាទោល វីឡាភ្លោះ និងវីឡាកូនកាត់។ គោលបំនងដ៍ធំនៃបុរីវូឌលែនក្នុងការផ្តល់ជូនទៅដល់អតិថិជនគឺជាលំនៅដ្ឋានប្រកបដោយស្តង់ដារប្រទេសសឹង្ហបុរី ជាមួយនឹងការរស់នៅបែបអភិជននៅក្នុងតំបន់អភិវឌ្ឍន៍ដែលកំពុងមានការរីកចម្រើនខ្លាំង។៣. គម្រោងខុនដូលីងណានគម្រោងលីងណានត្រូវបានអភិវឌ្ឍន៍ដោយក្រុមហ៊ុន Zhongjian Hesheng Properties Co Ltd. ដែលបានសាងសង់គម្រោងនេះនៅលើផ្ទៃដីជាង២ហិចតាផ្តោតសំខាន់ទៅលើលំនៅដ្ឋានបែបខុនដូកម្ពស់កប់ពពក។ គម្រោងនេះមិនត្រឹមតែជាល្អសម្រាប់ការស្នាក់នៅប៉ុណ្ណោះទេ ប៉ុន្តែវាក៏ពិសេសបំផុតសម្រាប់អ្នកដែលចង់វិនិយោគទៅលើការជួលចេញផងដែរ ព្រោះគម្រោងនេះមានការជួលត្រលប់ទៅវិញដោយឱ្យថ្លៃចំណេញរហូតដល់១២%នៃតម្លៃយូនីតនោះក្នុងមួយឆ្នាំឯណោះ។៤. គម្រោងខុនដូ Urban Villageគម្រោងUrban Village ជាគម្រោងដែលអភិវឌ្ឍន៍រួមគ្នាដោយក្រុមហ៊ុន Urban Hub ដែលគម្រោងខុនដូមួយនេះក៏ផ្តោតសំខាន់ទៅលើការស្នាក់នៅបែបស៊ីវីល័យហុំព័ទ្ធដោយធម្មជាតិបៃតងស្រស់បំព្រម។​ ជាមួយនឹងតម្លៃយ៉ាងសមរម្យ គម្រោងខុនដូនេះក៏មានជម្រើសបង់ប្រាក់យ៉ាងងាយស្រួលទៀតផង ពោលគឺសាកសមបំផុតសម្រាប់អ្នកដែលមានប្រាក់ចំនូលមធ្យម។៥. គម្រោងបុរីប៉េង ហួតមិនខុសពីគម្រោងផ្សេងៗដែលសម្លឹងមើលឃើញពីអនាគតនៃតំបន់នេះទេសូម្បីតែ បុរី ប៉េង​ ហួត ក៏បានដាក់ទីអភិវឌ្ឍន៍នៅទីនេះដែរ ដោយគម្រោងរប​ស់បុរីនេះមានឈ្មោះថា ដឹស្តា ដាមិន។ អ្វីដែលពិសេសនោះគឺថាគម្រោងនេះក៏នឹងអភិវឌ្ឍន៍ផ្សារទំនើបខ្នាតអន្តរជាតិរបស់ខ្លួនមួយស្របពេលជាមួយនឹងគ្នានេះដែរ ដោយគម្រោងនេះរឹតតែធ្វើឱ្យតំបន់នេះកាន់តែមានប្រជាប្រិយភាពបន្ថែមទៀត។៦. គម្រោងបុរីលែនម៉ាកគម្រោងនេះគឺជាគម្រោងអភិវឌ្ឍន៍ដោយក្រុមហ៊ុនជីប ម៉ុង លែន ដែលទើបតែនឹងប្រកាសលក់ផ្ទះជាច្រើនប្រភេទមានតាំងពីវីឡាទោល វីឡាកូនកាត់ រឺផ្ទះប្រកបអាជីវកម្មជាដើមដើម្បីជាជម្រើសដល់អតិថិជនដែលកំពុងតែស្វែងរកលំនៅដ្ឋានដែលខ្លួនប្រាថ្នា។ដូច្នេះសម្រាប់បងប្អូនដែលកំពុងតែសម្លឹងមើលគម្រោងអភិវឌ្ឍន៍ថ្មីៗ ដែលមានទីតាំងស្ថិតនៅក្នុងតំបន់ទីក្រុងរណបមួយនេះ៕សូមកុំភ្លេចពិចារណាគម្រោងធំៗប្រកបដោយស្តង់ដារអន្តរជាតិទាំង៦ខាងលើនេះ រឺក៏អាចចូលទៅកាន់គេហទំព័រផ្សព្វផ្សាយអចនទ្រពុ្យដើម្បីមើលពី គម្រោងទាំងអស់ និងគម្រោងផ្សេងៗទៀតជាច្រើនទៀតទាំងនៅក្នុងរាជធានីភ្នំពេញ និងតាមបណ្តាខេត្ត!

ស្របពេលដែលទីផ្សារអចលនទ្រព្យកំពុងតែរីកចម្រើនខ្លាំង និងមានការចាប់អាម្មណ៍ខ្លាំងពីសំណាក់ប្រជាជនក្នុងស្រុក និងវិនិយោគិនពីក្រៅស្រុក។ វិនិយោគិនថ្មីៗជាច្រើនបានចាប់ផ្តើមវិនិយោគក្នុងវិស័យអចលនទ្រព្យក្នុងនោះអ្នកខ្លះក៏ទទួលបានជោគជ័យ ហើយខ្លះទៀតក៏បរាជ័យក្នុងរយៈពេលដ៏ខ្លី។បរាជ័យត្រុវចាត់ទុកបទពិសោធន៍ចំណែកជោគជ័យក្នុងវិស័យអចលនទ្រព្យ បានក្លាយជាប្រធានបទមួយគួរឲ្យចាប់អាម្មណ៍បំផុត។ ប៉ុន្តែសួរថាតើភាពជោគជ័យកើតឡើងដោយសារកត្តាអ្វីខ្លះ?វាមានកត្តាច្រើនជុំវិញសំនួរនេះហើយខាងក្រោមនេះជាគំនិតគួរពិចារណា៥យ៉ាង​ដែល​វិនិយោគិនថ្មីៗត្រូវតែស្វែងយល់មុននឹងឈានជើងចូលក្នុងវិស័យមួយនេះ។អានអត្ថបទបន្ថែម​៖ ស្វែងយល់អំពីច្បាប់កម្មសិទ្ធិដីធ្លីនៅកម្ពុជា!១. ចក្ខុវិស័យអ្នកត្រូវតែមាន «​ចក្ខុវិស័យ​» ច្បាស់លាស់សម្រាប់អនាគតនៃគម្រោងវិនិយោគរបស់អ្នក។ នៅពេលមានចក្ខុវិស័យត្រឹមត្រូវអ្នកនឹងដើរទៅតាម​ផែនការអនាគតដ៏​វែងឆ្ងាយ​។ មានចក្ខុវិស័យទើបធ្វើឲ្យអ្នកដើរទៅមុខដោយមិនវង្វេងផ្លូវហើយនេះក៏ជាអ្វីដែលអាចដឹកនាំក្រុមការងារទាំងអស់អោយគិត និងចូលរួមកិច្ចការក្នុងទិសដៅតែមួយ។២. ភាពស្របច្បាប់គ្មានគម្រោងជោគជ័យណាមួយដែលអាចជ្រកក្រោមស្លាកនៃគម្រោងក្រៅផ្លូវច្ប​ាប់បានឡើយ។ នៅពេលអ្នកចាប់ផ្តើមវិនិយោគ អ្នកត្រូវតែដាក់ស្នើររាល់តម្រូវការផ្លូវការផ្នែកច្បាប់ឲ្យបានត្រឹមត្រូវ។ ត្រូវចងចាំថាចំណុចខ្លាំងមួយរបស់គម្រោងអចលនទ្រព្យគឺការគាំទ្រដោយច្បាប់។៣. ភាពចន្លោះប្រហោងនៃច្បាប់ច្បាប់ជាគឺជាព្រំដែនដែលតម្រង់ទិស និងប្រាប់ថាអ្វីដែលអ្នកអាចធ្វើបាន និងអ្វីមិនអាចធ្វើបានដែលនេះមានន័យថាអ្នកអាចធ្វើអ្វីក៏បានឲ្យតែស្ថិតក្នុងក្របខណ្ឌនៃច្បាប់។ ប៉ុន្តែភាពចន្លោះនៃច្បាប់គឺជាឱកាសដ៏ល្អឥតខ្ចោះដែលអ្នកវិនិយោគត្រូវតែរកឲ្យឃើញនៅពេល​ប្រឡូកនៅក្នុងវិស័យអចលនទ្រព្យ។តាមជាក់ស្តែងជាទូទៅច្បាប់ក្នុងការគ្រប់គ្រងវិស័យអចលទ្រព្យកម្ពុជានៅមានភាពធូរលុងនៅឡើយ។​ គេមើលឃើញថាច្បាប់មួយចំនួនត្រូវបង្កើតឡើងថ្មីៗ ដើម្បីគ្រប់គ្រងលើការអភិវឌ្ឍដីធ្លីគ្រប់គ្រងភ្នាក់ងារ ឬការសាងសង់ជាដើម ដែលកំពុងកើនឡើងដ៏ឆាប់រហ័សក្នុងពេលបច្ចុប្បន្ន។ ទោះយ៉ាងណាគេមើលឃើញថាដើម្បីធានាដល់និរន្តរភាពរយៈពេលវែងនៃវិស័យទាំងមូលក​ម្ពុជាត្រូវការបទបញ្ញត្តិជាច្រើនទៀត។  ៤. ដឹងពីទំនោរនៃទីផ្សារទំនោរនៃទីផ្សារមានឥទ្ធិពលខ្លាំងលើការទិញលក់អចលនទ្រព្យ។​ កាលពីមុនគេមិនឃើញមានគម្រោងលំនៅដ្ឋានតម្លៃទាបនៅតាមជាយក្រុងនោះទេ ហើយគម្រោងដីឡូតិ៍ក៏មិនមានអ្នកចាប់អាម្មណ៍ដែរ។ ប៉ុន្តែបច្ចុប្បន្នមនុស្សមនុស្សភាគច្រើនចាប់អាម្មណ៍ផ្ទះ ឬដីតាមជាយក្រុងនោះជាមូលហេតុដែលគម្រោងតម្លៃសមសម្យជាច្រើនរីកដុះដាលនៅតាមតំបន់ជាយក្រុង។ការវិភាគការតាមដាន និងសិក្សាស្វែងយល់ពីរបត់នៃទីផ្សារអចលនទ្រព្យទាំងពេលកន្លងមក និងបច្ចុប្បន្នបានល្អិតល្អន់អាចជួយអោយអ្នកទទួលបានភាពជោគជ័យក្នុងអាជីវកម្ម។ បន្ថែមលើសពីនេះទៀត​អ្នកក៏ត្រូវអាចរកឃើញពីទំនោររបស់អ្នកទិញនៅក្នុងរយៈ ២ ឆ្នាំ ៥ ឆ្នាំ ឬ ១០ ឆ្នាំទៅមុន ប្រសិនបើចង់ឈរជើងដោយភាពរឹងមាំក្នុងទីផ្សារមួយនេះ។៥. ចេះបង្កើតឱកាសវិនិយោគវិនិយោគត្រូវពឹងផ្នែកលើកត្តាគាំទ្រពីខាងក្រៅដូចជា៖ ហេដ្ឋារចនាសម្ព័ន្ធ និងផ្នែកច្បាប់ជាដើម។  ប៉ុន្តែសូមចង់ចាំថាអ្នកវិនិយោគត្រូវតែចេះបង្កើតឱកាសដោយខ្លួនឯង និងផ្តល់ឱកាសនេះអោយអ្នកដទៃជួយបង្ករបង្កើតសកម្មភាពសេដ្ឋកិច្ចនានានៅក្នុងតំបន់នៃគម្រោងរបស់អ្នក។នេះមានន័យថាអ្នកត្រូវវិនិយោគនៅកន្លែងថ្មីដែលមិនទាន់មានគម្រោងផ្សេង​ ហើយដើរតួជាអ្នកស្រូបយកទាំងមនុស្ស និងគម្រោងផ្សេងៗអោយចូលទៅតំបន់នោះ។  អភិវឌ្ឍគម្រោងវិនិយោគបែបនេះអ្នកអាចបង្កើតកេរ្តិ៍ឈ្មោះបានយ៉ាងឆាប់រហ័ស។ អ្នកជំនាញជាច្រើនបានអះអាងថាតំបន់ជាយក្រុងក្នុងរង្វង់៣០គីឡូម៉ែត្រពីតំបន់កណ្តាលក្រុង មានសក្តានុពលបំផុតនៅពេលអនាគត។ ជាការពិតណាស់គម្រោងបែបនេះត្រូវតែត្រូវការធនធានដើមទុនធំដើម្បីវិនិយោគតែទោះយ៉ាងណាអ្នកអាចធ្វើក្នុងកម្រិតណាមួយតាមលទ្ធភាពជាក់ស្តែងរបស់អ្នក។៦. ដើមទុនរាល់ការវិនិយោគត្រូវតែមានដើមទុន  ដើមទុនច្រើនវិនិយោបានកាន់តែធំ ហើយអាចទទួលបានទំនុកចិត្តពីអ្នកទិញបានកាន់តែខ្លាំង។ សម្រាប់ពេលបច្ចុប្បន្នមានវិយោគិនមួយចំនួនបានធ្វើការវិនិយោគដោយប្រើប្រាស់ដើមទុនតិចតួច ដោយរំពឹងលើការលក់មុនគម្រោង (ធ្វើនំអត់ម្សៅ)។ ពាក់ព័ន្ធនឹងចំណុចនេះទាំងអ្នកជំនាញរដ្ឋាភិបាល និងភាគីធនាគារបានព្រមានពីហានិភ័យខ្ពស់ ដោយសារតែគម្រោងនឹងជាប់គាំង នៅពេលគម្រោងមិនមានទុនបង្វិលគ្រប់គ្រាន់ដើម្បីដំណើរការសាងសង់ឲ្យចប់ទាំងស្រុង។សរុបទៅការវិនិយោគនៅក្នុងវិស័យអចលនទ្រព្យគឺពិតជាត្រូវទាមទារឲ្យវិនិយោគិនខ្លួ​នឯងធ្វើការថ្លឹងថ្លែងឲ្យបានគ្រប់ជ្រុងជ្រោយ។ សម្រាប់វិនិយោគថ្មីថ្មោងអ្នកពិតជាមិនអាចធ្វើសម្រេចចិត្តដោយខ្វះការប្រឹក្សាយោបល់ពីអ្នកជំនាញបានទេ៕ចង់ស្វែងរកអចលនទ្រព្យសម្រាប់លក់ និងជួលនៅប្រទេសកម្ពុជាសូមចូលទៅកាន់ Realestate.com.kh នៅថ្ងៃនេះ!