ស្របពេលដែលទីផ្សារអចលនទ្រព្យកំពុងតែរីកចម្រើនខ្លាំង និងមានការចាប់អាម្មណ៍ខ្លាំងពីសំណាក់ប្រជាជនក្នុងស្រុក និងវិនិយោគិនពីក្រៅស្រុក។ វិនិយោគិនថ្មីៗជាច្រើនបានចាប់ផ្តើមវិនិយោគក្នុងវិស័យអចលនទ្រព្យក្នុងនោះអ្នកខ្លះក៏ទទួលបានជោគជ័យ ហើយខ្លះទៀតក៏បរាជ័យក្នុងរយៈពេលដ៏ខ្លី។បរាជ័យត្រុវចាត់ទុកបទពិសោធន៍ចំណែកជោគជ័យក្នុងវិស័យអចលនទ្រព្យ បានក្លាយជាប្រធានបទមួយគួរឲ្យចាប់អាម្មណ៍បំផុត។ ប៉ុន្តែសួរថាតើភាពជោគជ័យកើតឡើងដោយសារកត្តាអ្វីខ្លះ?វាមានកត្តាច្រើនជុំវិញសំនួរនេះហើយខាងក្រោមនេះជាគំនិតគួរពិចារណា៥យ៉ាង​ដែល​វិនិយោគិនថ្មីៗត្រូវតែស្វែងយល់មុននឹងឈានជើងចូលក្នុងវិស័យមួយនេះ។អានអត្ថបទបន្ថែម​៖ ស្វែងយល់អំពីច្បាប់កម្មសិទ្ធិដីធ្លីនៅកម្ពុជា!១. ចក្ខុវិស័យអ្នកត្រូវតែមាន «​ចក្ខុវិស័យ​» ច្បាស់លាស់សម្រាប់អនាគតនៃគម្រោងវិនិយោគរបស់អ្នក។ នៅពេលមានចក្ខុវិស័យត្រឹមត្រូវអ្នកនឹងដើរទៅតាម​ផែនការអនាគតដ៏​វែងឆ្ងាយ​។ មានចក្ខុវិស័យទើបធ្វើឲ្យអ្នកដើរទៅមុខដោយមិនវង្វេងផ្លូវហើយនេះក៏ជាអ្វីដែលអាចដឹកនាំក្រុមការងារទាំងអស់អោយគិត និងចូលរួមកិច្ចការក្នុងទិសដៅតែមួយ។២. ភាពស្របច្បាប់គ្មានគម្រោងជោគជ័យណាមួយដែលអាចជ្រកក្រោមស្លាកនៃគម្រោងក្រៅផ្លូវច្ប​ាប់បានឡើយ។ នៅពេលអ្នកចាប់ផ្តើមវិនិយោគ អ្នកត្រូវតែដាក់ស្នើររាល់តម្រូវការផ្លូវការផ្នែកច្បាប់ឲ្យបានត្រឹមត្រូវ។ ត្រូវចងចាំថាចំណុចខ្លាំងមួយរបស់គម្រោងអចលនទ្រព្យគឺការគាំទ្រដោយច្បាប់។៣. ភាពចន្លោះប្រហោងនៃច្បាប់ច្បាប់ជាគឺជាព្រំដែនដែលតម្រង់ទិស និងប្រាប់ថាអ្វីដែលអ្នកអាចធ្វើបាន និងអ្វីមិនអាចធ្វើបានដែលនេះមានន័យថាអ្នកអាចធ្វើអ្វីក៏បានឲ្យតែស្ថិតក្នុងក្របខណ្ឌនៃច្បាប់។ ប៉ុន្តែភាពចន្លោះនៃច្បាប់គឺជាឱកាសដ៏ល្អឥតខ្ចោះដែលអ្នកវិនិយោគត្រូវតែរកឲ្យឃើញនៅពេល​ប្រឡូកនៅក្នុងវិស័យអចលនទ្រព្យ។តាមជាក់ស្តែងជាទូទៅច្បាប់ក្នុងការគ្រប់គ្រងវិស័យអចលទ្រព្យកម្ពុជានៅមានភាពធូរលុងនៅឡើយ។​ គេមើលឃើញថាច្បាប់មួយចំនួនត្រូវបង្កើតឡើងថ្មីៗ ដើម្បីគ្រប់គ្រងលើការអភិវឌ្ឍដីធ្លីគ្រប់គ្រងភ្នាក់ងារ ឬការសាងសង់ជាដើម ដែលកំពុងកើនឡើងដ៏ឆាប់រហ័សក្នុងពេលបច្ចុប្បន្ន។ ទោះយ៉ាងណាគេមើលឃើញថាដើម្បីធានាដល់និរន្តរភាពរយៈពេលវែងនៃវិស័យទាំងមូលក​ម្ពុជាត្រូវការបទបញ្ញត្តិជាច្រើនទៀត។  ៤. ដឹងពីទំនោរនៃទីផ្សារទំនោរនៃទីផ្សារមានឥទ្ធិពលខ្លាំងលើការទិញលក់អចលនទ្រព្យ។​ កាលពីមុនគេមិនឃើញមានគម្រោងលំនៅដ្ឋានតម្លៃទាបនៅតាមជាយក្រុងនោះទេ ហើយគម្រោងដីឡូតិ៍ក៏មិនមានអ្នកចាប់អាម្មណ៍ដែរ។ ប៉ុន្តែបច្ចុប្បន្នមនុស្សមនុស្សភាគច្រើនចាប់អាម្មណ៍ផ្ទះ ឬដីតាមជាយក្រុងនោះជាមូលហេតុដែលគម្រោងតម្លៃសមសម្យជាច្រើនរីកដុះដាលនៅតាមតំបន់ជាយក្រុង។ការវិភាគការតាមដាន និងសិក្សាស្វែងយល់ពីរបត់នៃទីផ្សារអចលនទ្រព្យទាំងពេលកន្លងមក និងបច្ចុប្បន្នបានល្អិតល្អន់អាចជួយអោយអ្នកទទួលបានភាពជោគជ័យក្នុងអាជីវកម្ម។ បន្ថែមលើសពីនេះទៀត​អ្នកក៏ត្រូវអាចរកឃើញពីទំនោររបស់អ្នកទិញនៅក្នុងរយៈ ២ ឆ្នាំ ៥ ឆ្នាំ ឬ ១០ ឆ្នាំទៅមុន ប្រសិនបើចង់ឈរជើងដោយភាពរឹងមាំក្នុងទីផ្សារមួយនេះ។៥. ចេះបង្កើតឱកាសវិនិយោគវិនិយោគត្រូវពឹងផ្នែកលើកត្តាគាំទ្រពីខាងក្រៅដូចជា៖ ហេដ្ឋារចនាសម្ព័ន្ធ និងផ្នែកច្បាប់ជាដើម។  ប៉ុន្តែសូមចង់ចាំថាអ្នកវិនិយោគត្រូវតែចេះបង្កើតឱកាសដោយខ្លួនឯង និងផ្តល់ឱកាសនេះអោយអ្នកដទៃជួយបង្ករបង្កើតសកម្មភាពសេដ្ឋកិច្ចនានានៅក្នុងតំបន់នៃគម្រោងរបស់អ្នក។នេះមានន័យថាអ្នកត្រូវវិនិយោគនៅកន្លែងថ្មីដែលមិនទាន់មានគម្រោងផ្សេង​ ហើយដើរតួជាអ្នកស្រូបយកទាំងមនុស្ស និងគម្រោងផ្សេងៗអោយចូលទៅតំបន់នោះ។  អភិវឌ្ឍគម្រោងវិនិយោគបែបនេះអ្នកអាចបង្កើតកេរ្តិ៍ឈ្មោះបានយ៉ាងឆាប់រហ័ស។ អ្នកជំនាញជាច្រើនបានអះអាងថាតំបន់ជាយក្រុងក្នុងរង្វង់៣០គីឡូម៉ែត្រពីតំបន់កណ្តាលក្រុង មានសក្តានុពលបំផុតនៅពេលអនាគត។ ជាការពិតណាស់គម្រោងបែបនេះត្រូវតែត្រូវការធនធានដើមទុនធំដើម្បីវិនិយោគតែទោះយ៉ាងណាអ្នកអាចធ្វើក្នុងកម្រិតណាមួយតាមលទ្ធភាពជាក់ស្តែងរបស់អ្នក។៦. ដើមទុនរាល់ការវិនិយោគត្រូវតែមានដើមទុន  ដើមទុនច្រើនវិនិយោបានកាន់តែធំ ហើយអាចទទួលបានទំនុកចិត្តពីអ្នកទិញបានកាន់តែខ្លាំង។ សម្រាប់ពេលបច្ចុប្បន្នមានវិយោគិនមួយចំនួនបានធ្វើការវិនិយោគដោយប្រើប្រាស់ដើមទុនតិចតួច ដោយរំពឹងលើការលក់មុនគម្រោង (ធ្វើនំអត់ម្សៅ)។ ពាក់ព័ន្ធនឹងចំណុចនេះទាំងអ្នកជំនាញរដ្ឋាភិបាល និងភាគីធនាគារបានព្រមានពីហានិភ័យខ្ពស់ ដោយសារតែគម្រោងនឹងជាប់គាំង នៅពេលគម្រោងមិនមានទុនបង្វិលគ្រប់គ្រាន់ដើម្បីដំណើរការសាងសង់ឲ្យចប់ទាំងស្រុង។សរុបទៅការវិនិយោគនៅក្នុងវិស័យអចលនទ្រព្យគឺពិតជាត្រូវទាមទារឲ្យវិនិយោគិនខ្លួ​នឯងធ្វើការថ្លឹងថ្លែងឲ្យបានគ្រប់ជ្រុងជ្រោយ។ សម្រាប់វិនិយោគថ្មីថ្មោងអ្នកពិតជាមិនអាចធ្វើសម្រេចចិត្តដោយខ្វះការប្រឹក្សាយោបល់ពីអ្នកជំនាញបានទេ៕ចង់ស្វែងរកអចលនទ្រព្យសម្រាប់លក់ និងជួលនៅប្រទេសកម្ពុជាសូមចូលទៅកាន់ Realestate.com.kh នៅថ្ងៃនេះ!

ក្រសួងសាធារណការ និងដឹកជញ្ជូនបានប្រកាសដំណឹង ជាសារធារណៈ នៅថ្ងៃពុធ ០៨រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៧ ខែកុម្ភៈ ឆ្នាំ២០១៩ ឯកឧត្តម តូច ចាន់កុសលរដ្ឋមន្ត្រីស្តីទីក្រសួងសាធារណការ និងដឹកជញ្ជូនបានចុះត្រួតពិនិត្យវឌ្ឍនភាពការងារនៃគម្រោងស្តារឡើងវិញគឺស្ពានមិត្តភាព កម្ពុជា-ជប៉ុន (ឬ ស្ពានជ្រោយចង្វារទី១) ដើម្បីធានាថាស្ពាននេះអាចដាក់ឱ្យសាធារណៈជនប្រើប្រាស់បានមុនថ្ងៃបុណ្យចូលឆ្នាំខ្មែរខាងមុខនេះ ។ជាលទ្ធផលគម្រោងនេះប្រព្រឹត្តទៅយ៉ាងរលូន ដោយសម្រេចបាន៩៧%លឿនជាងការគ្រោងទុក ចំនួន១១%ហើយក្រសួងរួមជាមួយក្រុមហ៊ុនសាងសង់ និងក្រុមហ៊ុនទីប្រឹក្សាបច្ចេកទេសជប៉ុន ប្តេជ្ញាចិត្ត បញ្ចប់ការងារដែលនៅសេសសល់ ដើម្បីដាក់ស្ពាននេះឱ្យ ដំណើរការក្នុងគោលបំណង សម្រួលដល់ការធ្វើចរាចររបស់ប្រជាពលរដ្ឋក្នុងកំឡុងពេលបុណ្យចូលឆ្នាំខ្មែរខាងមុខនេះ ។អានអត្ថបទបន្ថែម៖ គម្រោងលំនៅដ្ឋានកំពុងតែមានប្រជាប្រិយភាពខ្លាំងនៅជ្រោយចង្វារទស្សនាវីដេអូព័ត៌មាន អំពីស្ថានភាពស្ពាន៖ https://goo.gl/zPoJe5ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់នៅក្នុងតំបន់ជ្រោយចង្វារសូមចូលទៅកាន់ Realestate.com.kh

យោង​តាម​សេចក្ដីជូនដំណឹង​របស់ ​រដ្ឋបាល​រាជធានី​ភ្នំពេញ​ ចុះ​ថ្ងៃ​ទី​២៦ ​កុម្ភៈ ឆ្នាំ​២០១៩កន្លងទៅនេះ​បាន​ឲ្យ​ដឹង​ថា៖ «ដើម្បី​ឱ្យ​រាជធានី​ភ្នំពេញ ​រក្សា​បាន​សុវត្ថិភាព សណ្ដាប់ធ្នាប់ និង​របៀបរៀបរយ​សាធារណៈព្រមទាំង​បញ្ចៀស​​បាន​ ការ​កកស្ទះ​ចរាចរណ៍ និង​កាត់​បន្ថយ​គ្រោះថ្នាក់​ចរាចរណ៍នោះ ពលរដ្ឋ​ជា​ម្ចាស់​រោងចក្រ សហ​គ្រាស​ ឃ្លាំង​ស្តុក​ទំនិញ និង​យានដ្ឋាន ជួសជុល​រថយន្ត​ធំ​ៗ ត្រូវ​ផ្លាស់​ប្ដូរ​ទីតាំងទៅកាន់ជាយក្រុង អាជីវកម្មឱ្យ​​បាន​មុន​ឆ្នាំ​២០២១​» ។ទស្សនាកិច្ចសំភាសន៍ដែលជជែកអំពី៖ សក្តានុពល និងការអភិវឌ្ឍនៅតំបន់ផ្លូវក្រវ៉ាត់ក្រុង​​នៅក្នុងសេចក្ដីជូនដំណឹង​ បានបញ្ជាក់​ថា រោងចក្រ សហគ្រាស​ ឃ្លាំង​ស្តុក​ទំនិញ និង​យានដ្ឋាន​ ជួសជុល​រថយន្ត​ធំ​ៗ​ នឹង​ត្រូវ​ផ្លាស់​ប្ដូរ​ ឱ្យទៅ​ស្ថិត​នៅ​តាម​បណ្ដោយ ​ផ្លូវ​ក្រ​វ៉ា​ត់​ក្រុង​ទី​៣ ដែល​កំពុង​ស្ថាបនា​ផ្លូវ​ឆ្លងកាត់​រាជធានី​ភ្នំពេញ និង​ខេត្តកណ្ដាល ចាប់ពី​ស្ពាន​ព្រែក​ព្នៅ មហាវិថី​ឈ្នះ​ឈ្នះ (​ផ្លូវ​កប់​ស្រូវ​) ផ្លូវជាតិ​លេខ​៤​ ត្រង់​គីឡូម៉ែត្រ លេខ​១៤+១០៥ ទៅ​ភ្ជាប់​ផ្លូវជាតិ​លេខ​១ ត្រង់​គីឡូម៉ែត្រ​លេខ​២៤+៨៤០ ដោយ​កាត់ ​ផ្លូវជាតិ​លេខ​៣ ផ្លូវជាតិ​លេខ​២ និង​ផ្លូវជាតិ​លេខ​២១ ដែល​គម្រោង​សាងសង់​ផ្លូវ ក្រ​វ៉ា​ត់​ក្រុង​ទី​៣ នឹង​រួចរាល់​នៅ​ឆ្នាំ​២០២១ ខាង​មុខ​ ។ឯកឧត្តម ឃួង ស្រេង ជាអភិបាល នៃគណៈអភិបាលរាជធានីភ្នំពេញ បានបញ្ជាក់ យ៉ាងច្បាស់ថា ៖ «ក្រោយ​ពេលផ្លូវ​ក្រ​វ៉ា​ត់​ក្រុង​ទី​៣ សាងសង់​រួចរាល់ រដ្ឋបាល ​រាជធានី​ភ្នំពេញ នឹង​ហាមឃាត់​រថយន្ត​ធុន​ធំ​គ្រប់​ប្រភេទ​ទាំងអស់ មិន​អនុញ្ញាតិ ​ឲ្យ​ចរាចរ​ចូល​ទៀត​ឡើយ»​ ៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh

យោងតាមការចុះផ្សាយដោយ CDC ក្នុងខែកុម្ភៈកាលពីថ្មីកន្លងទៅនេះ ក្រុមប្រឹក្សាអភិវឌ្ឍន៍កម្ពុជាឬ CDC បានអនុម័តឲ្យក្រុមហ៊ុន «Big C Supercenter (Cambodia) Co., LTD» សាងសង់មជ្ឈមណ្ឌលពាណិជ្ជកម្ម តម្លៃប្រមាណ៦.៨លានដុល្លារនៅក្នុងខេត្តបន្ទាយមានជ័យ ។គម្រោងនេះ មានទីតាំងស្ថិតនៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ បន្ទាប់ពីសាងសង់រួចមជ្ឈមណ្ឌលពាណិជ្ជកម្មនេះនឹងមានលក់ទំនិញប្រើប្រាស់ ដែលមានគុណភាពខ្ពស់ និងសមស្របទៅតាមប្រាក់ចំណូលប្រជាជនដែលមានកម្រិតមធ្យម និងទាប ។  អានអត្ថបទបន្ថែម៖ បច្ចុប្បន្នភាពនៃទីផ្សារអចលនទ្រព្យប៉ោយប៉ែត!គួរបញ្ជាក់ផងដែរថា គម្រោងនេះក៏នឹងជួយបង្កើតការងារ ជូនប្រជាពលរដ្ឋនៅក្នុងតំបន់ ចំនួន ១,២២២ កន្លែង ។ បច្ចុប្បន្ន ក្រុងប៉ោយប៉ែតកំពុងមានសន្ទុះសេដ្ឋកិច្ចយ៉ាងខ្លាំង និងជាទីក្រុង ដែលនៅជាប់ព្រំដែនប្រទេសថៃ ដែលវាបានក្លាយជា ប៉ូលសេដ្ឋកិច្ចដ៏សំខាន់មួយ របស់ប្រទេសកម្ពុជា ។ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់នៅប៉ោយប៉ែតសូមចូលទៅកាន់ Realestate.com.kh

(រូបភាពតំណាង)ក្នុង​ពិធី​សម្ពោធ​របាយការណ៍​ព្យាករស្ថានភាព​អចលន​ទ្រព្យនៅ​រាជធានី​ភ្នំពេញឆ្នាំ២០១៩កន្លងទៅនេះនាយិកា​ក្រុមហ៊ុន CBRE Cambodia លោក​ស្រី អាន សុធីតា បានឱ្យដឹងថា​តម្លៃ​​ជួលបន្ទប់ខុនដូ​​នៅ​ចុង​ឆ្នាំ២០១៩​នេះនឹងមានការ​​ធ្លាក់​ចុះ ​​ពិសេស​​តំបន់​ដែលនៅ​ឆ្ងាយ​​ពី​ចំណុច​កណ្តាល​ក្រុង​ដែលចំនួនមានរហូត​ដល់​ជិត២ម៉ឺន​យូនីត ។យោងតាមរបាយការណ៍របស់ក្រុមហ៊ុនអចលន​ទ្រព្យ CBRE Cambodia បានបង្ហាញថាមានខុនដូចំនួន៨បានបញ្ចប់ការសាងសង់ក្នុងចុងឆ្នាំ២០១៨។ ខុនដូ​ដែល​មាន​ទីតាំងនៅ​ក្រៅ​តំបន់​កណ្តាល​ទីក្រុងភ្នំពេញនឹង​កើន​ឡើង​ជិត១២០ភាគរយក្នុងដំណាច់ឆ្នាំ២០១៩។ បើធៀបនឹងឆ្នាំ២០១៨ចំនួន​បន្ទប់​ខុនដូដែល​នឹង​ដាក់​ចូល​ទីផ្សារ​នៅ​ដំណាច់​ឆ្នាំ២០១៩នេះ មានរហូតទៅដល់​​​ ៣១,១១២ យូនីត​ ។អានអត្ថបទបន្ថែម៖ តើចំនួនខុនដូពិតជាមានច្រើនលើសពីតម្រូវការមែនទេ?លោក​ស្រីបានបន្ថែមថាបច្ចុប្បន្ន​​តម្លៃ​ជួល​ខុនដូក្នុង១ខែជា​មធ្យម​មាន​ចន្លោះពី១០ទៅ១៥​ដុល្លារ​ក្នុង១​ម៉ែត្រ​ការ៉េ​​​ ហើយនៅចុងឆ្នាំ២០១៩​តម្លៃ​នឹង​អាច​ធ្លាក់​ចុះជាងនេះបន្តិច​បន្តួច​ ។ក្នុង​ឆ្នាំ​២០១៩​នេះ​មិន​សូវ​មាន​គម្រោង​ថ្មីៗ​ប្រកាស​ចាប់​ផ្តើម​សាងសង់​​ទេខណៈ​គម្រោង ​ដែល​នឹង​ត្រូវ​បញ្ចប់ការ​សាងសង់​ក្នុង​ឆ្នាំ​នេះ​បាន​លក់​លើស​ពី៥០ភាគរយ​រួច​ហើយ​​ឯ​តម្លៃ​លក់​​អាច​មានជា​មធ្យម​​ចាប់​ពី​​១,៦០០ដុល្លារ​ទៅ​ដល់​៣,១០០ដុល្លារ​ក្នុង​១​ម៉ែត្រ​ការ៉េ ។​លោក ង៉ែត ជូ ទី​ប្រឹក្សា​ជាន់​ខ្ពស់​នៅ​ក្រុមហ៊ុន Emerging Markets Consulting (EMC) បាន​ប្រាប់​ថា ការ​កើន​ឡើង​ដ៏ច្រើននៃចំនួនខុនដូបែប​នេះ​វា​អាច​​នឹង​​មាន​បញ្ហា​ទីផ្សារ​ ព្រោះ​បើ​យើង ​មើល​ទៅ​ទីផ្សារ​ខុនដូ ​សម្រាប់​ប្រជាជន​ក្នុង​ស្រុកហាក់​មិន​សូវ​ពេញ​និយម​ទេ​ ខណៈ​​ទីផ្សារ​​ផ្ទះ​ល្វែង បុរី និង​វីឡា​​កំពុង​កើន​ឡើង​ច្រើន​​ និង​ពេញ​និយម​យ៉ាងខ្លាំង ​។​ ​បើ​និយាយ​ពី​ទីផ្សារ​ក្នុង​ស្រុក​​​គឺ​តូច​ចង្អៀត​ណាស់ ដូច្នេះ​ភាព​ជោគជ័យ​សម្រាប់​ខុនដូ ​​​វា​អាស្រ័យ​​លើ​ម្ចាស់​គម្រោង​ថា «តើ​ពួក​គាត់មាន​ទំនាក់​ទំនង​ និង​ទីផ្សារ​បែប​ណា​ជា​មួយ​អតិថិជន​បរទេស​?» ព្រោះកម្ពុជា​មាន​ចំណុច​ពិសេស​មួយដែល​អនុញ្ញាត​​ឲ្យ​បរទេស​មាន​សិទ្ធិ​ក្នុង​ការ​ទិញ ឬជួល​ខុនដូសម្រាប់ស្នាក់នៅ ។ស្វែងរកព័ត៌មានទាក់ទងនឹងការអភិវឌ្ឍន៍ ឬខុនដូសម្រាប់ជួល ឬលក់សូមចូលទៅកាន់ Realestate.com.kh

តម្លៃ​ដី​នៅ​តាម​បណ្តា​ខណ្ឌ​ក្នុង​រាជធានី​ភ្នំពេញ​គិត​ត្រឹម​ដើម​ឆ្នាំ២០១៩នេះ​ត្រូវ​បាន​នាំ​មុខដោយ​ខណ្ឌ សែនសុខ ខណៈខណ្ឌ​ជ្រោយចង្វារ​ស្ថិត​នៅ​ទ្រឹងនៅឡើយ។​បើ​តាម​របាយ​ការណ៍​ស្រាវជ្រាវ ​​ពី​​ក្រុមហ៊ុន​អចលន​ទ្រព្យ​ ឃី រៀល​អ៊ី​ស្ទេត​ បាន​ឲ្យ​ដឹង​ថាជា​មួយ​​​អត្រា​កំណើន១៧.១ភាគរយធៀប​ទៅ​នឹង​ដើម​ឆ្នាំ​​២០១៨ ខណ្ឌ​សែនសុខបាន​ក្លាយ​ជា​តំបន់​ដែល​អចលន​ទ្រព្យ​ កើន​តម្លៃ​​​ខ្ពស់​ជាង​គេ​ នៅ​ដើម​ឆ្នាំ​២០១៩ ។ ខណៈដែលតម្លៃ​ដី​​ក្នុង​ ខណ្ឌ​មានជ័យមាន​​អត្រា​កំណើន​១៦ភាគរយខណ្ឌ​ដង្កោ​១២.១​ភាគរយ ខណ្ឌ​ព្រែកព្នៅ១០.១ ​ភាគរយ និង​ខណ្ឌ​ឫស្សីកែវ៩.៦ភាគរយកំពុងតែតាមពីក្រោយយ៉ាងប្រភិតប្រភីង ។អានអត្ថបទបន្ថែម៖ អ៊ីអនម៉ល២ ជម្រុញតម្លៃអចលនទ្រព្យនៅសែនសុខស្ទុះឡើងខ្លាំង!របាយ​ការណ៍​បង្ហាញ​ថាតម្លៃ​​ដី​នៅ​ក្នុង​ខណ្ឌ​ច្បារ​អំពៅ មាន​កំណើន​ ៩.៣​ភាគរយ, ខណ្ឌ​ទួលគោក ៦.៣​ភាគរយ, ខណ្ឌ​ពោធិ៍សែនជ័យ ៥.៥​ភាគរយ និង​ខណ្ឌ ​៧មករា ចំនួន ២.៩ភាគរយ។ ចំណែកឯ ​តម្លៃ​ដី​នៅ​ខណ្ឌ​​ដូនពេញ មាន​កំណើន​ ១.៧ភាគរយ ខណ្ឌ​ចំការមន ១ ​ភាគរយ និង​​តម្លៃដី​នៅ​ខណ្ឌ​ជ្រោយចង្វារ​មិន​មាន​កំណើនអ្វីទាល់តែសោះ​ ។​លោក សន សៀប ស្ថាបនិក និងជានាយក​ក្រុមហ៊ុន​ ឃី រៀល​​អ៊ីស្ទេត បាន​ប្រាប់​ថាការ​ស្ទុះ​ឡើង​នៃ​តម្លៃ​ដី ​នៅ​ក្នុង​ខណ្ឌ​សែនសុខ​គឺ​ដោយ​​សារ​​ទី​នោះ​មាន​​គម្រោង​ធំៗ​ជា​ច្រើន​​ដូច​ជាផ្សារ​ទំនើប​មជ្ឈមណ្ឌល​ពាណិជ្ជកម្ម ​អគារ​ខុនដូ ​ការិយាល័យ និង​លំនៅឋាន​ជា​ដើម​។ បច្ចុប្បន្ន​ខណ្ឌ​សែនសុខ​កំពុង​វិវឌ្ឍ​ខ្លួនក្លាយ​ទៅ​ជា​កន្លែង​រស់​នៅ និង​​ប្រកប​មុខ​ជំនួញដ៏​ពេញ​និយម​សម្រាប់​ប្រជាជន​គ្រប់​លំដាប់​ថ្នាក់​ ។​លោកបានបន្ថែមថា៖ «​តម្លៃ​ដី​​ក្នុង​​ខណ្ឌ​​សែនសុខ​នឹង​បន្ត​កើន​ឡើង​​ទៀត ។ ​ដី​លំនៅដ្ឋានក្នុង​ខណ្ឌ​​សែនសុខមាន​តម្លៃ​ចាប់​ពី៣៥០ដុល្លារ​​ ទៅ​​១,៤០០ដុល្លារ​ក្នុង​ ១ ​ម៉ែត្រ​ការ៉េ ចំណែក​តំបន់​ពាណិជ្ជកម្ម​មាន​តម្លៃ​ពី​៨០០​ដុល្លារ ​ទៅ​ដល់​ ២,៩០០​ដុល្លារ​​ក្នុង​១ ​ម៉ែត្រ​ការ៉េ» ។បច្ចុប្បន្ន​ខណ្ឌ​​សែនសុខកំពុង​មាន​ភាព​ទាក់ទាញ​យ៉ាង​ខ្លាំង​ពិសេស​​មាន​​ប្រព័ន្ធ​​ហេដ្ឋា​រចនា​សម្ព័ន្ធផ្លូវ​ថ្នល់​​​ធំ​ទូលាយ និង​នៅ​មាន​ដី​ទំនេរ​ធំៗ​ជា​ច្រើន ដូចនេះតម្លៃ​អចលន​ទ្រព្យ​នៅ​ខណ្ឌ​សែនសុខ​នឹង​បន្ត​​កើន​ឡើង​ខ្ពស់​ជាង​គេក្នុង​ឆ្នាំ​២០១៩​នេះ ។​ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh

(រូបភាពតំណាង)ខេត្តកោះ​កុងមានព្រំប្រទល់​ជាប់ និងខេត្តព្រះសីហនុជាពិសេសមានព្រំប្រទល់ជាប់ប្រទេសថៃដែលជាច្រកក្នុងការនាំទំនិញចេញចូលដ៏សំខាន់មួយសម្រាប់កម្ពុជា។  ម្យ៉ាងទៀតខេត្តនេះ ជាតំបន់ដែលមានសក្តានុពលខ្លាំងទាំងវិស័យទេសចរណ៍ និងការអភិវឌ្ឍទៅជាតំបន់ឧស្សាហកម្មដែលជា​ខេត្ត​​មួយសម្បូរ​ទៅដោយ​តំបន់​ទេសចរណ៍​ធម្មជាតិ ។អានអត្ថបទបន្ថែម៖  ការណែនាំអ្នកទិញដីឡូតិ៍ៈ អ្នកត្រូវដឹងអ្វីខ្លះមុនពេលសម្រេចធ្វើវិនិយោគមានគម្រោងធំៗចំនួន៣កំពុងចាប់ផ្ដើមសាងសង់ក្នុងឆ្នាំ២០១៩នេះបាននិងកំពុងធ្វើឱ្យខេត្តកោះកុងកាន់តែបង្កើនភាពទាក់ទាញកាន់តែខ្លាំងឡើងបន្ថែមទៀតផង។ គម្រោងទាំង៣ នោះមានដូចជា៖១- ការពង្រីក​ផ្លូវជាតិ​លេ៤៨ចេញពី​ផ្លូវជាតិ​លេខ៤​​ទៅកាន់​ទីរួមខេត្ត​កោះកុងដែល​នឹង​ធ្វើឲ្យ​ខេត្ត​ដាច់ស្រយាល​មួយ​នេះ​​ទទួលបានភាពទាក់ទាញ និង​ការ​អ​ភិ​វ​ឌ្ឍ​បន្ថែម​ទៀត​នា​ពេល​អនាគត ។ ការពង្រីក​ផ្លូវជាតិ​លេខ៤៨នេះ​ ​ត្រូវ​បាន​ប្រកាសដោយ​សម្តេច​តេជោ ​ហ៊ុន​ ​សែន ​នាយក​រដ្ឋមន្រ្តី​នៃ​ព្រះរាជាណាចក្រ​កម្ពុជា​កំឡុង​ពេល​សម្តេចអញ្ជើញ​ចូលរួម​ពិធីបុណ្យ​សមុទ្រ​កាលពី​ចុងឆ្នាំ​មុន​។២- គម្រោងសាងសង់ព្រលានយន្តហោះអន្តរជាតិ​ទី៤របស់កម្ពុជាដែលមានតម្លៃ៣៥០លានដុល្លារសាងសង់លើ​ទំហំ​ដីរហូតដល់៧៥០ហិកតាដោយមានការ​វិនិយោគពី​ក្រុមហ៊ុន Union Development Group ​Co., Ltd. ។៣- ការសាងសង់​ផ្លូវ​តភ្ជាប់​រវាង​ស្រុក​សំឡូត​ក្នុង​ខេត្ត​បាត់ដំបង​​ឆ្លងកាត់​ខេត្ត​ពោធិ​សាត់​ទៅកាន់​ខេត្តកោះកុង។ គម្រោង​ផ្លូវ​នេះ​នឹង​ចាប់ផ្តើម​នៅ​ឆ្នាំ២០១៩នេះ​ហើយដែលមាន​ប្រវែង ​ជាង ១៩០គីឡូម៉ែត្រ​។គួរបញ្ជាក់ផងដែរថាគម្រោងធំៗទាំង៣នេះនឹងធ្វើឱ្យសេដ្ឋកិច្ចខេត្តកោះកុងរីកលូតលាស់យ៉ាងខ្លាំងមិនចាញ់ខេត្តផ្សេងៗឡើយ។ ជាមួយនឹងគម្រោងយក្សទាំង៣នេះតម្លៃដីក្នុងខេត្តកោះកុងនឹងកើនឡើងលើសពីការរំពឹងទុក ។ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh

វត្តមានរបស់ជនជាតិចិនចេញទៅក្រៅប្រទេសដើម្បីវិនិយោគ ប្រកបរបរ រឺធ្វើការមិនមែនជារឿងថ្មីៗនោះទេ ព្រោះជនជាតិចិនមានប្រវត្តិត្រាច់ចរចេញទៅតាំងលំនៅបណ្តោះអាសន្ន រឺអាចិន្ត្រៃយ័័នៅប្រទេសដទៃតាំងពីបុរាណមកម្ល៉េះ។ទោះជាយ៉ាងណាក៏ដោយកំណើនរបស់ជនជាតិចិនចំណាកស្រុកទៅក្រៅប្រទេសមួយរយះពេលចុងក្រោយនេះត្រូវបានគេមើលឃើញថាមានសន្ទុះកើនឡើង ពោលគឺមិនថាក្នុងទ្វីបអាស៊ី ឧបទ្វីបអាស៊ីអាគ្នេយ៍ ទ្វីបអាហ្វ្រិច រឺទ្វីបអឺរ៉ុបនោះទេ សុទ្ធតែមានឃើញវត្តមានរបស់ជនជាតិចិនទាំងក្រុមៗរស់នៅ។​ស្របជាមួយនឹងកំណើនរបស់ជនជាតិចិននៅក្រៅប្រទេសនេះ ការមកដល់របស់ពួកគេក៏បាននាំមកនូវតម្រូវការកាន់តែខ្លាំងនូវអចលនទ្រព្យជាច្រើនរួមមានផ្ទះ និងដីផ្សេងៗ ដែលចលនានេះបានធ្វើឱ្យតម្លៃអចលនទ្រព្យនៅតាមប្រទេសនីមួយៗសុទ្ធតែត្រូវប៉ាន់បានថ្លៃខ្ពស់ណាស់។អានអត្ថបទបន្ថែម៖ ខ្សែក្រវាត់មួយ ផ្លូវមួយ៖ វិនិយោគិនចិនបង្ហាញពីជំនឿចិត្តលើវិស័យ អចលនទ្រព្យកម្ពុជា!ប៉ុន្តែតើអ្វីទៅជាហេតុផលដែលធ្វើឱ្យជនជាតិចិនយ៉ាងច្រើនកុះករទិញអចលនទ្រព្យនៅក្រៅប្រទេសយ៉ាងដូច្នេះ? បើតាមការលើកឡើងរបស់លោក Charles Pittar អគ្គនាយកប្រតិបត្តិនៃគេហទំព័័រ  Juwai.com ហេតុផលធំៗទាំង៤យ៉ាងដែលញុំាងឱ្យប្រជាជនចិនទិញអចនលទ្រព្យច្រើនបែបនេះ មានដូចជា៖១​. ដើម្បីវិនិយោគជាសមិទ្ធិផលដ៏ធំនៃការបើកចំហសេដ្ឋកិច្ចក្នុ្ងងស្រុកការរៀបចំគោលនយោបាយទាក់ទាញវិនិយោគិន និងយុទ្ធសាស្ត្រផ្សេងៗទៅលើវិស័យឧស្សាហកម្ម ប្រជាជនចិននាសតវត្សរ៍ទី២១នេះកាន់តែមានជីវភាពល្អទៅៗដោយក្នុងនោះផងដែរ ប្រជាជនរបស់ខ្លួនជាច្រើនចាប់ផ្តើមមានលទ្ធភាពគ្រប់គ្រាន់នៅក្នុងការវិនិយោគនៅក្រៅប្រទេស។​ក្នុងនោះផងដែរ ការវិនិយោគនៅលើវិស័យអចលនទ្រព្យត្រូវបានជនជាតិចិនយល់ថាជាការវិនិយោគដ៏សុវត្ថិភាពបំផុត បើប្រៀបធៀបនឹងការបណ្តាកទុនទៅលើវិស័យដទៃៗផ្សេងទៀត ព្រោះថាកាលណាកំណើនមនុស្សនៅតែបន្តកើនឡើង តម្រូវការអចលនទ្រព្យនៅតែមាន។លើសពីនេះទៅទៀតប្រជាជនចិននិយមវិនិយោគលើវិស័យអចលនទ្រព្យនៅក្នុងប្រទេសកំពុងអភិវឌ្ឍន៍ ព្រោះតម្លៃអចលនទ្រព្យនៅប្រទេសទាំងនេះកំពុងស្ថិតនៅក្នុងតម្លៃទាបដែលក្នុងពេលអនាគតដ៏ល្បីនឹងអាចឡើងថ្លៃខ្ពស់បាន។ ដូច្នេះហើយការវិនិយោគក្នុងវិស័យនេះអាចនាំឱ្យពួកគេចំនេញជាច្រើន។២. ដើម្បីការបង្ហាញពីស្តង់ដារជីវភាពក្រៅពីការវិនិយោគ ការទិញផ្ទះក៏អាចធ្វើឡើងដើម្បីបង្ហាញទៅអ្នកដទៃផងដែរ ពោលគឺសម្រាប់ជនជាតិចិនមួយចំនួន កម្មសិទ្ធិជាម្ចាស់អចលនទ្រព្យនៅក្រៅប្រទេសគឺជាមោទនភាព និងជាសូចនាករបង្ហាញពីភាពជោគជ័យរបស់ពួកគេ។ ប្រទេសអភិវឌ្ឍន៍ដូចជាសហរដ្ឋអាមេរិច កាណាដា អូស្ត្រាលី ណូវេលហ្សេឡង់ និងចក្រភពអង់គ្លេសជាដើម សុទ្ធតែជាឋានសួគ៌នៃលំនៅដ្ឋានរបស់ជនជាតិចិន។បើទោះបីជនជាតិចិនមួយចំនួនដែលទិញផ្ទះ រឺអចលនទ្រព្យនៅឯក្រៅប្រទេសពុំមានបំនងក្នុងការទៅស្នាក់នៅទីនោះដោយអចិន្ត្រៃយ៍ក៏ពិតមែន ប៉ុន្តែងារជាម្ចាស់អចលនទ្រព្យនៅក្នុងប្រទេសជឿនលឿនទាំងនេះ បានបង្ហាញថាពួកគេមានសមត្ថភាព និងភាពខ្ពង់ខ្ពស់គួរឱ្យស្ងើចសរសើរ។​៣. ចំនាកស្រុកហេតុផលផ្សេងទៀតដែលធ្វើឱ្យជនជាតិចិនទិញអចលនទ្រព្យនៅក្រៅប្រទេស គឺដោយសារតែពួកគេមានគម្រោងធ្វើចំណាកស្រុក ដូច្នេះហើយពួកគេទិញអចលនទ្រព្យទុកជាមុនឱ្យហើយ ដើម្បីជៀសវាងចំនាយប្រាក់ទៅលើថ្លៃជួល។ថ្វីត្បិតតែនៅក្នុងប្រទេសចិន រដ្ឋាភិបាលដឹកនាំដោយលោកប្រធានាធិបតី ស៊ឺ ជីងពីង បានរិះរកគ្រប់មធ្យោបាយដើម្បីបង្កើនការងារដល់ប្រជាជននៅក្នុងស្រុកក៏ពិតមែន ប៉ុន្តែទីផ្សារក្នុងស្រុកនៅតែមានភាពតូចចង្អៀត និងមានការប្រកួតប្រជែងខ្ពស់ ដោយសារតែប្រជាជននៅក្នុងប្រទេសនេះមានចំនួនច្រើនពេក។ដូច្នេះដើម្បីទទួលបានឱកាសការងារច្រើនជាងមុន មានជនជាតចិនជាច្រើនដែលសម្រេចចិត្តចេញទៅប្រកបអាជីវកម្ម រឺធ្វើការងារនៅក្រៅប្រទេស ជាពិសេសនៅក្នុងប្រទេសដែលត្រូវការកម្លាំងពលករសកម្មជាដើម។៤. បន្តការសិក្សាតាមរយះទិន្នន័យពីគេហទំព័រក្រសួងអប់រំរបស់សាធារណរដ្ឋប្រជាមានិតចិន មកទល់ឆ្នាំ២០១៨​​ ខែមេសា មាននិស្សិតចិនប្រមាណ ១,៤៥៤,១០០នាក់ ដែលបានសិក្សា និងបន្តការសិក្សានៅឯក្រៅប្រទេស។ក្នុងនោះ ក្រៅពីនិស្សិតដែលទៅសិក្សាដោយអាហារូបករណ៍ និស្សិតដែលទៅបន្តការសិក្សាដោយខ្លួនឯង (ជាពិសេសនៅប្រទេសលោកខាងលិច) តែងត្រូវបានឳពុកម្តាយរបស់ពួកគេទិញផ្ទះ រឺអាផាតមិនសម្រាប់ឱ្យពួកគេស្នាក់នៅតែម្តង។ ក្នុងនោះ សហរដ្ឋអាមេរិច អូស្ត្រាលី និងចក្រភពអង់គ្លេសសុទ្ធតែជាប្រជាជនដែលឳពុកម្តាយជនជាតិចិនដែលមានជីវភាពធូរធារនិយមបញ្ជូនកូនទៅបន្តការសិក្សា។តាមការបង្ហាញពីលោក ទៅកាន់សារពត៌មាន ក៏បានឱ្យដឹងបន្ថែមទៀតថា និន្នាការដែលជនជាតិចិនទិញអចលនទ្រព្យនៅក្រៅប្រទេសគ្រាន់តែជាចំនុចចាប់ផ្តើមប៉ុណ្ណោះ ពោលគឺបើប្រៀបធៀបនឹងឆ្នាំ២០១៤ ដែលជនជាតិចិនបានចំនាយប្រាក់ទិញអចលនទ្រព្យសរុបប្រមាណ ៥០ ពាន់លានដុល្លារសហរដ្ឋអាមេរិចនោះ ចំនួននេះនឹងកើនឡើងរហូតទៅដល់ ២០០ ពាន់លានដុល្លារសហរដ្ឋអាមេរិចនៅរយះពេល១០ឆ្នាំខាងមុខ។គូសបញ្ជាក់ផងដែរថាមិនខុសពីប្រទេសដទៃនៅលើពិភពលោកនោះទេ ប្រទេសកម្ពុជាសព្វថ្ងៃក៏កំពុងស្វាគមន៍វិនិយោគិនជនជាតិចិនដែលចូលមកវិនិយោគលើវិស័យសំណង់ និងអចលនទ្រព្យក្នុងចំនួនមួយគួរឱ្យគត់សម្គាល់ផងដែរ ដោយក្នុងនោះយើងឃើញថា មូលហេតុចម្បងដែលទាក់ទាញពួកគេឱ្យចូលមកក្នុងប្រទេសកម្ពុជានេះគឺដើម្បីការវិនិយោគតែម្តង៕​ស្វែងរកអចលនទ្រព្យសម្រាប់លក់ ឬជួលនៅក្នុងប្រទេសកម្ពុជាតាមរយៈ Realestate.com.kh!

(រូបភាពតំណាង)ថ្មីៗកន្លងទៅនេះក្រុងប៉ោយប៉ែតត្រូវបានវិនិយោគិនចិនជាច្រើនបោះទុនរាប់សិនលានដុល្លារអាមេរិកដើម្បីកែលម្អហេដ្ឋារចនាសម្ព័ន្ធឱ្យក្រុងជាយដែនមួយនេះកាន់តែសម្បូរបែប ។ក្រោយពីមានការកើនឡើងនូវអគារកាស៊ីណូពីសំណាក់អ្នកវិនិយោគចិនព្រមទាំងកំណើនជនបរទេសផងនោះមានអ្នកវិនិយោគជាច្រើនផ្សេងទៀតបានសម្រេចចិត្តធ្វើការអភិវឌ្ឍគម្រោងខុនដូសម្រាប់ស្នាក់នៅ។ អានអត្ថបទបន្ថែម៖  បច្ចុប្បន្នភាពនៃទីផ្សារអចលនទ្រព្យប៉ោយប៉ែត​​លោក​ ​សាន​ ​ស៊ាងហូ​ ជាអភិបាលក្រុង​ប៉ោយប៉ែតបាន​មានប្រសាសន៍ថាក្នុងឆ្នាំ២០១៩នេះខុន​ដូចំនួន៥គម្រោង ​បាន​និង​កំពុង​សាងសង់​នៅ​ទីក្រុង​ប៉ោយប៉ែត។ លោកបន្តថានេះជាការឆ្លើយតបទៅនឹង​តម្រូវការប្រើប្រាស់​ពី​អ្នក​វិនិយោគ​ក្នុង​ស្រុក​ពិសេស​អ្នក​វិនិយោគ​អន្តរជាតិ​ដែល​បាន​ ​និង​កំពុង​បន្ត​កើនឡើង​ក្នុង​ទីក្រុង​នេះ ។ក្រុង​ប៉ោយប៉ែត​បច្ចុប្បន្ននេះ​មាន​ប្រជាជន​រស់នៅ​សរុប​ប្រមាណ១៥០,០០០នាក់​ ​និង​ជនបរទេស​រស់នៅ​ប្រមាណ៣០,០០០នាក់​។​ ក្រុង​ប៉ោយប៉ែត​​មាន​តំបន់​សេដ្ឋកិច្ច​ពិសេស​ចំនួន៤​ ​ដែល​បាន​និង​កំពុង​ស្រូប​យក​កំលាំង​ពលកម្ម​រាប់​ម៉ឺន​នាក់​ ​និង​ផ្តល់​ប្រាក់ចំណូលជាច្រើន​ដល់​ប្រជាពលរដ្ឋ​ជិត​ឆ្ងាយ។បច្ចុប្បន្ន​ក្រុង​ប៉ោយប៉ែត​មាន​អា​គារ​ខ្ពស់​ៗ​ជាង៦០អាគារ​ធ្វើឲ្យ​ទីក្រុង​នេះ​មាន​ភាព​រីកចម្រើន ​មិនចាញ់ទីក្រុង​ដទៃ​ឡើយ​ ពិសេស​បច្ចុប្បន្ន​ទីក្រុង​នេះ​មាន​ចំនួន​ប្រជា​សាស្រ្ត​កើនឡើង​ជាបន្តបន្ទាប់ ។​​អ្នក​វិនិយោគ​បុរី​​នៅ​ក្រុង​ប៉ោយប៉ែត​ម្នាក់បានលើកឡើងថាបច្ចុប្បន្ន​ក្រុង​ប៉ោយប៉ែត​​មានការ​រីកចម្រើន​ខ្លាំង​​ប៉ុន្តែ​ជាមួយ​នេះ​ខេត្ត​កំពុង​ប្រឈម​នឹង​កង្វះខាត​ធនធានមនុស្ស​កង្វះ​បន្ទប់​ធ្វើការ ​និង​កន្លែង​​ស្នាក់នៅ ។​លោក​បន្ត​ថាពេលនេះ​ជា​ពេលវេលា​ល្អ​ ​ដែល​អ្នក​វិនិយោគ​ក្នុង ​ស្រុក​គួរ​មក​វិនិយោគនៅ​ក្រុង ​ប៉ោយប៉ែត​ដើម្បី​សាង​សង់​អាគារ​ការិយាល័យ​ ​អា​ផា​ត​មេន​ ​និង​ខុន​ដូ​នានា ។ លោកក៏បានអំពាវនាវ ដល់​អ្នកមាន​ជំនាញ​ ​និង​ចំណេះដឹង ឱ្យ​មករ​កកា​រងា​រធ្វើ​នៅ​ទីក្រុង​ជាយដែន​នេះ ដែលនឹងទទួលបាន​ប្រាក់ចំណូល​ច្រើនផងដែរ ។ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh

(រូបភាពតំណាង)កាលពីថ្មីៗកន្លងទៅនេះ អគ្គ​នាយកដ្ឋាន​ឧស្សាហកម្ម​ហិរញ្ញវត្ថុ​នៃ​ក្រសួង​សេដ្ឋកិច្ច​ និង​ហិរញ្ញវត្ថុ​ ​​ជា​​និយតករ​អាជីវកម្ម​កាស៊ីណូ​​រដ្ឋាភិបាល​បាន​ផ្តល់​​អាជ្ញាប័ណ្ណ​អាជីវកម្ម​កាស៊ីណូ​​៥២ក្រុមហ៊ុន ​កាល​ពី​ឆ្នាំ​២០១៨​ ដែល​​ធ្វើ​ឲ្យ​​​ចំនួន​កាស៊ីណូ​នៅ​កម្ពុជា​​​កើន​ឡើង​​​​ដល់​​ចំនួន​សរុប​១៥០គិត​ត្រឹម​ដំណាច់​ឆ្នាំ​២០១៨។​ គ្រាន់​តែ​ខេត្ត​ព្រះ​​សីហនុ​មួយ​មាន​ទីតាំង​អាជីវកម្ម​កាស៊ីណូ​ស្រប​ច្បាប់៨៨ទីតាំង ។Naga World ជាក្រុមហ៊ុន​​អាជីវកម្ម​កាស៊ីណូ​​តែ១គត់​នៅទីក្រុងភ្នំពេញ​​​ដែលរក​បាន​ប្រាក់​ចំណេញ​ជិត​​​៤០០លាន​ដុល្លារ​នៅ​ឆ្នាំ​២០១៨។ ប្រាក់ចំណេញនេះស្ទើរ​តែប្រហាក់​ប្រហែល​នឹង​ប្រាក់​ចំណេញ​១ឆ្នាំ​ពេញ​របស់​គ្រឹះស្ថានធនាគារ​ពាណិជ្ជនៅ​កម្ពុជា​ទាំង​អស់​បូក​បញ្ចូល​គ្នា​។អានអត្ថបទបន្ថែម៖  ក្រុមហ៊ុន​វិនិយោគ​លើ​អាជីវកម្ម​កាស៊ីណូមួយ រក​បាន​ប្រាក់​ចំណេញ​ជិត​​​ ៤០០ លាន​ដុល្លារ​នៅ​ឆ្នាំ​ ២០១៨ប្រធានក្រុមហ៊ុន NagaCorp លោក​ Timothy Patrick McNally បាន​​ឱ្យ​ដឹង​​ថា៖ «​នេះជាភាព​ជោគជ័យ និង​កំណើន​ដ៏​រហ័ស​របស់​ Naga World 2 ដែល​នាំឱ្យមានការ​រៀបចំ​ផែនការ ​សម្រាប់ ​ការ​អភិវឌ្ឍ​ Naga World 3 ដើម្បីឱ្យសមស្របនឹងកំណើន​ភ្ញៀវ​ទេសចរក្រៅ​ស្រុកជា​ពិសេសមក​ពី ប្រទេស​ចិនព្រមទាំង​ស្ថិរភាព​នយោបាយរបស់កម្ពុជាបច្ចុប្បន្ន» ។លោក ​សន ​ជ័យ ​ប្រធាន​សម្ព័ន្ធ​គណនេយ្យភាព​សង្គមបាន​ឲ្យ​ដឹង​ថា​កំណើន​​ចំនួន​​កាស៊ីណូ​ និង​ប្រាក់​ចំណូល​របស់​កាស៊ីណូជា​និន្នាការ​គួរ​ឲ្យ​​បារម្ភ​មួយ​ដោយ​​សារ​តែ​កត្តា​ហានិភ័យ​សង្គម​ ខណៈ​លោក​បាន​ឲ្យ​ដឹង​ថា ​មាន​​​ផល​ប៉ះពាល់​អវិជ្ជមាន​ជា​ច្រើន​ ដោយ​សារ​​កំណើន​ ចំនួន​អ្នក​លេង​ល្បែង។​លោក​ថ្លែង​ថា​៖ «​​កម្ពុជា​មិន​ទាន់​​មាន​ការ​អនុវត្ត​ច្បាប់លើ​អាជីវកម្ម​កាស៊ីណូ​ទាំង​ស្រុង​នៅ​ឡើយ​ទេ។ ខ្ញុំ​តែង​តែ​បារម្ភ​ថា​នៅ​ពី​ក្រោយ​កំណើន​ប្រាក់​ចំណេញ​ដ៏​ច្រើន​របស់​ប្រតិបត្តិករ​កាស៊ីណូ​នេះ ។ តើ​អ្វី​ជា​ផល​ប៉ះពាល់​​​​នៅ​ពី​ក្រោយ​​នេះ?»​ ​លោក​បញ្ជាក់​ថា​៖ «​​​កម្ពុជា​ចាំបាច់​ត្រូវ​​​បង្កើន​ល្បឿន​​បញ្ចេញ​​​ច្បាប់​កាស៊ីណូ​ដើម្បី​ប្រមូល​ពន្ធ​កាន់​តែ​ច្រើន​ និងដើម្បី​​ប៉ះប៉ូវ​ផល​ប៉ះពាល់​អវិជ្ជមាន​ដ៏​ធំ​ដោយ​សារ​តែ​អាជីវកម្ម​លេង​ល្បែង​»។លោក​បន្ត​ថា​៖ «​​រហូត​មក​ដល់​​ពេល​នេះ ខ្ញុំ​មិន​ទាន់​ជឿជាក់​ថា ​ប្រាក់​ចំណូល​ពន្ធ​​បាន​ពី​​ក្រុមហ៊ុន​ កាស៊ីណូ ​​កំពុង​រួម​ចំណែក​ដល់​ដំណោះ​ស្រាយ​​របស់​បញ្ហា​នេះ​នោះ​ទេ​»។បើតាមការបញ្ជាក់របស់តាម​លោក ​ម៉ី វ៉ាន់ អគ្គ​នាយក​អគ្គ​នាយកដ្ឋាន​ ឧស្សាហកម្ម​ហិរញ្ញវត្ថុនៅ​ក្រសួង​សេដ្ឋកិច្ច និង​ហិរញ្ញវត្ថុបានឱ្យដឹងថា៖ «​សេចក្ដី​ព្រាង​ច្បា​ប់​ស្តីពី​អាជីវកម្ម​កាស៊ីណូ​ បាន​ធ្វើ​សេចក្តី​ព្រាង​រួច​ហើយ។ បច្ចុប្បន្ន​រង់ចាំ​​តែការ​អនុម័ត​​​ពី​រដ្ឋាភិបាល និង​រដ្ឋសភាប៉ុណ្ណោះ​» ។ ''ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh

កាលពីខែមករាកន្លងទៅ ផ្លូវក្រវ៉ាត់ក្រុងទី៣ ដែលមានប្រវែងប្រមាណ ៤៧ គីឡូម៉ែត្រត្រូវបាន រដ្ឋាភិបាលប្រកាសសាងសង់ជាផ្លូវការជាមួយនឹងកញ្ចប់ថវិការប្រមាណ​ ២៥៩លានដុល្លារ។ អ្នកជំនាញជាច្រើន មើលឃើញថាវត្តមានផ្លូវក្រវ៉ាត់ក្រុងថ្មីនេះនឹងជួយជម្រុញដល់វិស័យ អចលនទ្រព្យ ពិសេសវិស័យដីធ្លីនៅតាមតំបន់ជាយក្រុងឲ្យមានការកើនឡើង។ជាមួយគ្នានេះដែរ គេជឿថាផ្លូវជាតិលេខ៥១នឹងក្លាយជាគម្រោងផ្លូវក្រវ៉ាត់ក្រុងទី៤នៅពេលអនាគត ហើយនៅពេលនេះតំបន់ផ្លូវ ៥១ ត្រូវបានគេមើលឃើញថាមានសក្តានុពលខ្លាំងគួរឲ្យកត់សម្គាល់។អានអត្ថបទបន្ថែម៖ សិក្សាអំពីសក្តានុពលតំបន់ឈូកវ៉ាថ្មីនៃខណ្ឌពោធិ៍សែនជ័យនាពេលបច្ចុប្បន្នតើតំបន់ទាំងនេះមានគម្រោងអភិវឌ្ឍន៍បែបណាខ្លះ និងមានសក្តានុពលដូចម្តេចសម្រាប់ពេល បច្ចុប្បន្ននេះ?នៅក្នុងកិច្ចពិភាក្សាជាមួយទូរទ្ទស្សន៍អចលនទ្រព្យ Realstate.com.kh TV ស៊ន សៀប ជាស្ថាបនិក និងជានាយកប្រតិបត្តិរបស់ក្រុមហ៊ុន ឃី រៀល អ៉ីស្ទេត បានបកស្រាយជុំវិញសក្តានុពល និងការអភិវឌ្ឍន៍នៅក្នុងតំបន់ខ្សែក្រវ៉ាត់ក្រុងនីមួយៗ។ ចំណុចទាំងនេះពាក់ព័ន្ធនឹងការវិនិយោគតម្លៃអចលនទ្រព្យ ការទិញលក់ និងអនាគតនៃតំបន់នីមួយៗ។ដើម្បីស្វែងយល់ឲ្យបានស៊ីជម្រៅលើកិច្ចពិភ្សាទាំងមូល សូមទស្សនាវីដេអូទាំងស្រុងរបស់យើងនៅខាងលើនេះ។រំលឹកផងដែរថាទូរទ្ទស្សន៍អចលនទ្រព្យ Realstate.com.kh TV នឹងមានបទសម្ភាសន៍បន្តបន្ទាប់ស្ដីអំពីនិន្នាការទីផ្សារ ច្បាប់ ការណែនាំ និងការវិនិយោគនានានៅក្នុងទីផ្សារអចលនទ្រព្យ កម្ពុជាក្នុងពេលបច្ចុប្បន្ន៕ស្វែងយល់អំពីព័ត៌មានទាក់ទងនឹងវិស័យអចលនទ្រព្យ ឬស្វែងរកអចលនទ្រព្យសម្រាប់លក់ ឬជួលនៅកម្ពុជាតាមរយៈ Realestate.com.kh!

សេចក្តីរាយការណ៍ពីគម្រោងក្តីសុបិន្តស្រ្តី១. កម្មវិធីជប់លៀង២. កម្មវិធីប្រកាសរ៣. តើនរណាជាអ្នកបន្តគម្រោងនេះ?១. កម្នវិធីជប់លៀងពួកយើងបានរៀបចំកម្មវិធីជប់លៀងសម្រាប់បេក្ខនារីដែលជាប់ក្នុងវគ្គជម្រុះជុំផ្តាច់ព្រាត់ហើយយើងក៏មានជាកិច្ចពិភាក្សាក៏ដូចជាចែករំលែកបទពិសោធន៍ពីអតីតម្ចាស់ជ័យលាភីកាលពីឆ្នាំមុនៗ។ អតីតជ័យលាភីទាំងអស់បាននិយាយថា “ពួកគេពិតជាសប្បាយចិត្តនឹងអរគុណចំពោះជំនួយដែលបានមកពីជនជាតិជប៉ុនហើយពួកគេសង្ឃឹមថាពួគគាត់នឹងនៅតែបន្តផ្តល់ជំនួយដល់ស្រ្តីកម្ពុជាទាំងអស់”។ ហើយមួយវិញទៀតដោយសារតែកម្មវិធីការប្រកួតរចនាដើម្បីក្តីសុបិន្តស្រ្តី ធ្វើអោយពួកគេមានឳកាស​បានបង្ហាញទេពកោសល្យនិងសមត្ថភាពរបស់ពួកគេ។ លើសពីនេះទៅទៀតកម្មវិធីនេះទៀតសោតបានជម្រុញអោយពួកគេកាន់តែមានភាពក្លាហានបង្ហាញសមត្ថភាពទៅកាន់សាធារណជន។២. កម្មវិធីប្រកាសរង្វាន់លក្ខខណ្ឌនៃការប្រកួតគំនូរនៅក្នុងឆ្នាំនេះគឺមានភាពខុសប្លែកពីឆ្នាំទៅដោយបេក្ខជនប្រឡងទាំងអស់តម្រូវអោយគូរនូវគំនូរមួយដោយមួយច្បាប់ជាគំនូរស ខ្មៅ និងមួយច្បាប់ទៀតជាគំនូរព័ណ៌ ដែលយើងនឹងយកវាទៅផលិតជាសៀវភៅផាត់ពណ៌។កាលបរិច្ឆេទ និង ម៉ោង៖ ថ្ងៃទី ១៧ ខែកុម្ភះ ឆ្នាំ២០១៩ វេលាម៉ោង ២រសៀល ដល់ ម៉ោង ៤លា្ងចទីកន្លែងប្រារព្ធ៖ រោងកុន Major Cineplex ផ្សារទំនើប AEON MALL ភ្នំពេញអ្នកចូលរួមចំនួន៖ ខ្ទង់ ១៧០ នាក់ប្រាក់រង្វាន់សរុប៖ $2,770    អ្នកជាប់ជ័យលាភី៖ 23 នាក់ម្ចាស់ជ័យលាភីលេខ១ការផ្តល់មតិពីលោក សួយ ផេង គណកម្មការក្នុងការប្រកួតគំនូរមួយផ្ទាំងនេះគឺបង្ហាញពីភាពចាស់ទុំ។ ការយកចិត្តទុកដាក់ទៅលើចំណុចនីមួយៗគឺច្បាស់លាស់​មួយវិញទៀតភាពស្អាតនៃគំនូរមួយផ្ទាំងនេះគឺពិតជាគួរអោយកោតសរសើរ រីឯការបូកបញ្ជូលគ្នានូវវត្ថុផ្សេងៗគឺសាកសមយ៉ាងល្អ។ ហើយមួយវិញយើងក៏បានចាប់អារម្មណ៏ថាគាត់បានប្រើប្រាស់នូវក្បាច់ក្បូររបស់ខ្មែរ ដោយបានប្រើវាមិនឋិតនៅក្នុងភាពចាស់បុរាណពេក។ម្ចាស់ជ័យលាភីលេខ១ គឺកញ្ញា នូ ចាន់សាលីនបាននិយាយថាក្លាយជាម្ចាស់ជ័យលាភីហើយឈរនៅកន្លែងមួយនេះគឺជាបំណងរបស់ខ្ញុំ។ ខ្ញុំពិតជាសប្បាយចិត្តដែលបានមកដល់ចំណុចនេះ ហើយខ្ញុំក៏សូមអរគុណដល់ម្ចាស់គម្រោងលោកស្រី Wakana ក៏ដូចជាអរគុណដល់អ្នកឧបត្ថម្ភ និងក្រុមគ្រួសាររបស់នាងខ្ញុំផងដែរ។ពួកយើងឃើញថាបេក្ខជនប្រលងទាំងអស់សប្បាយរីករាយ ហើយក៏មានភាពភ័យរន្ធត់។ ក៏ប៉ិន្តែយើងពិតជាសប្បាយចិត្តណាស់ដែលឃើញបេក្ខជនទាំងអស់ អបអរសាទរដល់ម្ចាស់ជ័យលាភីក្នុងការប្រកួត។ យើងសង្ឃឹមថាបេក្ខជនដទៃទៀតនឹងសម្រេចក្តីសុបិន្តរបស់ខ្លួននៅថ្ងៃណាមួយ។៣. តើនរណាជាអ្នកបន្តគម្រោងនេះ?គម្រោងក្តីសុបិន្តស្រ្តីនឹងមិនកាន់កាប់ប្រារព្ធកម្មវិធីការប្រកួតរចនាដើម្បីក្តីសុបិន្តស្រ្តីទៀតទេចាប់ពីពេលនេះតទៅ។ ជំនួសអោយការមិនកាន់កាប់នេះ អតីតជ័យលាភីលេខ៣ នៅក្នុងការប្រកួតរចនាដើម្បីក្តីសុបិន្តស្រ្តីលើកទី៣ នឹងក្លាយជាអ្នកបន្តកម្មវិធីការប្រកួតរចនាដើម្បីក្តីសុបិន្តស្រ្តីមួយនេះ។អំពី វត្តី (CEO, SPA)៖ខ្ញុំទទួលបានឳកាសជាច្រើនតាមរយះគម្រោងក្តីសុបិន្តស្រ្តី ហើយខ្ញុំក៏បានសាកល្បងធ្វើអ្វីថ្មីៗជាច្រើនទៀតដោយភាពជឿជាក់របស់ខ្ញុំ។ នៅពេលដែល Wakana បាននិយាយថាការ  ប្រកួតលើកនេះគឺជាឆ្នាំចុងក្រោយខ្ញុំមានគំនិតថានឹងចង់បន្តវាទៀត។ ខ្ញុំបាននិយាយដោយបានទំនួលខុសត្រូវ។ ខ្ញុំនឹងខិតខំប្រឹងប្រែងអោយអស់ពីសមត្ថភាពដើម្បីគម្រោងក្តីសុបិន្តស្រ្តី ដូច្នេះហើយសូមអ្នកទាំងអស់គ្នាគាំទ្រពួកយើងដូចអ្វីដែលអ្នកធ្លាប់ធ្វើកន្លងមក៕ស្វែងរកព័ត៌មានទាក់ទងនឹងការអភិវឌ្ឍន៍សូមចូលទៅកាន់ Realestate.com.kh!

(រូបភាពតំណាង)ក្រុមហ៊ុនកាស៊ីណូ Naga World ដែលស្ថិតក្រោមក្រុមហ៊ុន NagaCorp ជាក្រុមហ៊ុនមេ បានចុះបញ្ជីនៅផ្សារហ៊ុនហុងកុង ហើយបានចេញផ្សាយរបាយការណ៍ហិរញ្ញវត្ថុប្រចាំឆ្នាំរបស់ខ្លួនសម្រាប់ឆ្នាំ២០១៨ដោយបានបង្ហាញថា Naga World ទទួលបានប្រាក់ ចំណេញសុទ្ធ កើនឡើង៥៣% នៅឆ្នាំ២០១៨ ។ក្រុមហ៊ុនដែលទទួលបានសិទិ្ធវិនិយោគលើអាជីវកម្មកាស៊ីណូ ផ្តាច់មុខតែ១គត់នៅ ទីក្រុងភ្នំពេញមួយ បានបង្ហាញពីប្រាក់ចំណេញសុទ្ធកើនឡើងយ៉ាងខ្លាំងគឺចំណេញបន្ទាប់ពីបង់ពន្ធរួចមានរហូត៣៩០.៦ លានដុល្លារអាមេរិកដែលចំនួនទឹកប្រាក់នេះ ស្ទើរតែប្រហាក់ប្រហែលនឹង ប្រាក់ចំណេញមួយឆ្នាំពេញរបស់គ្រឹះស្ថានធនាគារពាណិជ្ជនៅកម្ពុជាទាំងអស់បូកបញ្ចូលគ្នា ។អានអត្ថបទបន្ថែម៖  កម្ពុជាចាំបាច់ត្រូវបង្កើនល្បឿនបញ្ចេញច្បាប់កាស៊ីណូ ដើម្បីប៉ះប៉ូវផលប៉ះពាល់អវិជ្ជមាន អាជីវកម្មកាស៊ីណូក្រុមហ៊ុនកាស៊ីណូ NagaCorp ដែលក្រុមហ៊ុនមេបានចេញផ្សាយនៅផ្សារហ៊ុនថាក្រុមហ៊ុនអាជីវកម្មកាស៊ីណូមួយនេះទទួលបានប្រាក់ចំណូលពីការលេងល្បែងដុលរហូតដល់ទៅ១.៤ ពាន់លានដុល្លារនៅក្នុងឆ្នាំ២០១៨ (កើនឡើង ៥៥% បើធៀបនឹងឆ្នាំ ២០១៧) និងបានចេញរបាយការណ៍ថាចំណូលពន្ធមានចំនួន៨.៨១លានដុល្លារអាមេរិកដែលជាការបង់ពន្ធលើប្រាក់ចំណូលសរុប ។ចំណូលពន្ធនឹងមានចំនួនច្រើនជាង ៨.៨១ លានដុល្លារ ដោយសារថាក្រុមហ៊ុននេះនឹងចាំបាច់ត្រូវ បង់ពន្ធលើប្រាក់ចំណេញពីប្រតិបត្តិការមិនមែនល្បែងដទៃទៀតដែលសំដៅដល់ប្រាក់ចំណូល បានមកពីថ្លៃបន្ទប់សណ្ឋាគារ ចំណូលពីប្រតិបត្តិការភោជនីយដ្ឋាន និងចំណូលពីសេវាផ្សេងៗ។ នេះបើតាមការបញ្ជាក់របស់ លោក ម៉ី វ៉ាន់ អគ្គនាយកដ្ឋានឧស្សាហកម្មហិរញ្ញវត្ថុ នៅក្រសួងសេដ្ឋកិច្ច និងហិរញ្ញវត្ថុ ។លោកបានបន្ថែមថា៖ «យើងមិនទាន់បានបញ្ចប់ដំណើរការសវនកម្មនៅឡើយទេ។ ចាំមើលសិនថានៅពេលក្រសួងសេដ្ឋកិច្ច និងហិរញ្ញវត្ថុ និងអគ្គនាយកដ្ឋានពន្ធដារបញ្ចប់របាយការណ៍ដែលធ្វើសវនកម្មរួច ។ ចំាមើលក្រុមហ៊ុននេះ នឹងកែតម្រូវរបាយការណ៍របស់ខ្លួននៅផ្សារហ៊ុនយ៉ាងម៉េច»។លោកក៏បានបង្ហើបអោយដឹងថា ៖ «គ្រាន់តែនៅក្នុងឆ្នាំ ២០១៣ និងឆ្នាំ ២០១៤ ប្រាក់ចំណូល របស់កាស៊ីណូ Naga World ទាបជាងឆ្នាំ ២០១៨ ផង ដែលពេលនោះ រដ្ឋាភិបាលបាន ប្រមូលពន្ធបានដល់ទៅជាង ២០ លានដុល្លាររួចទៅហើយ ។ ម៉្យាងទៀត ចំណូលពន្ធជាក់ស្ដែង ដែលក្រុមហ៊ុននេះបង់ដល់ពួកយើង គឺនឹងច្រើនជាងចំនួន ដែលគាត់បានចេញផ្សាយនៅផ្សារហ៊ុន» ។លោក Timothy Patrick McNally ប្រធាន NagaCorp បានឱ្យដឹងថា៖ «របាយការណ៍នេះបង្ហាញឱ្យឃើញពីភាពជោគជ័យ និងកំណើនដ៏រហ័សរបស់ Naga World 2 ។ ក្រុមហ៊ុនយើងកំពុងស្ថិតក្នុងដំណាក់កាល រៀបចំផែនការ សម្រាប់ការអភិវឌ្ឍ Naga World 3» ។លោកបានគូសបញ្ជាក់ថាកត្តាដែលជម្រុញឱ្យមានវិនិយោគបន្ថែម ពីព្រោះកំណើនភ្ញៀវទេសចរក្រៅស្រុកជាពិសេសមកពីប្រទេសចិន ព្រមទាំងបរិយាកាសនយោបាយ ប្រកបដោយស្ថិរភាពជាមូលហេតុមួយដ៏សំខាន់បំផុត ។តាមរបាយការណ៍ពីអគ្គនាយកដ្ឋានឧស្សាហកម្មហិរញ្ញវត្ថុនៃក្រសួងសេដ្ឋកិច្ច និងហិរញ្ញវត្ថុ ជានិយតករអាជីវកម្មកាស៊ីណូ រដ្ឋាភិបាលបានផ្តល់អាជ្ញាប័ណ្ណអាជីវកម្មកាស៊ីណូ ៥២ក្រុមហ៊ុនកាលពីឆ្នាំ២០១៨ ដែលបានធ្វើឱ្យចំនួនកាស៊ីណូនៅកម្ពុជាកើនឡើង រហូតដល់ចំនួនសរុប ១៥០ គិតត្រឹមដំណាច់ឆ្នាំ ២០១៨ ។ គ្រាន់តែខេត្តព្រះសីហនុមួយ មានទីតាំងអាជីវកម្មកាស៊ីណូស្របច្បាប់ ៨៨ ទីតាំង៕ស្វែងរកព័ត៌មានទាក់ទងនឹងការអភិវឌ្ឍន៍ ឬអចលនទ្រព្យសម្រាប់ជួល ឬលក់សូមចូលទៅកាន់ Realestate.com.kh

ពិព័រណ៍លំនៅដ្ឋានកម្ពុជាមិនត្រឹមតែមានការតំាងបង្ហាញគម្រោងលំនៅដ្ឋាន តែប៉ុណ្ណោះទេ ប៉ុន្តែក៏មានការបង្ហាញពីក្រុមហ៊ុនជាច្រើនទៀតមានដូចជា វិស័យហិរញ្ញវត្ថុ ធនាគារ ធានារ៉ាប់រ៉ង សំណង់ គ្រឿងសិង្ហារឹម រថយន្ត និងមាន ការចូលរួមជាច្រើនទៀតពីសំណាក់ក្រុមហ៊ុនជាតិ និងអន្តរជាតិផងដែរ។ពិព័រណ៍លំនៅដ្ឋានកម្ពុជា២០១៩ ធ្វើឡើងនៅសាលពិព័រណ៍កោះពេជ្រ ថ្ងៃទី២៦-២៧ ខែមេសា ឆ្នាំ ២០១៩។វត្តមានក្រុមហ៊ុនជាតិ និងអន្តរជាតិនៅក្នុងព្រឹត្តិការណ៍ពិព័រណ៍មានវត្តក្រុមហ៊ុនជាតិ និងអន្តរជាតិដែលរួមមានគម្រោងលំនៅដ្ឋាន និងក្រុមហ៊ុនពាក់ ព័ន្ធជាច្រើនមានដូចជា៖ គម្រោងលំនៅដ្ឋាន The Peninsula Private Residences KT Pacific, Koh Thmey, La Vista One, Angkor 4 Season Hotel, R&F Properties, V-House, 7 Residence, Borey VIP, PH Real Estate, LCJ - H.Y.O (Cambodia) International Real Estate Company Limited, Creed, Borey BTS, Prime One, The National Coast, BooYoung Town, Urban Village, Seara Sports and Arakawa Residence និងមានក្រុមហ៊ុនជាច្រើន ទៀតបានចូលរួមជាមួយនឹងពិព័រណ៍នេះផងដែរ។ក្រុមហ៊ុនCellcardដែលជាក្រុមហ៊ុនផ្គត់ផ្គង់សេវាទូរស័ព្ទក្នុងស្រុកដ៏ធំបំផុតបានចូលរួមជា ម្ចាស់ឧបត្ថម្ភនៅក្នុងពិព័រណ៍នេះផងដែរ។ជាមួយគ្នានេះផងដែរ លោក Chris Hong អ្នកប្រឹក្សាយោបលផ្នែកលក់នៃក្រុមហ៊ុនអចលនទ្រព្យ Prime One Real Estate បានឲ្យដឹងថាការចូលរួមជាមួយនឹងព្រឹត្តិការណ៍ពិព័រណ៍លំនៅដ្ឋាននេះ ជាឱកាសដ៏ល្អដែលយើងអាចភ្ជាប់ទំនាក់ទំនងដោយផ្ទាល់ទៅកាន់អតិថិជនគោលដៃរបស់យើង។ ក្រៅពីឱកាសនៃការលក់យើងក៏អាចផ្សព្វផ្សាយនៃកិត្តិនាមក្រុមហ៊ុនរបស់យើងទៅកាន់សាធារ ណជនឲ្យបានស្គាល់ផងដែរ។ចំណែកឯអ្នកនាង ចេង សុខា នាយករងផ្នែកលក់ និងទីផ្សាររបស់ក្រុមហ៊ុនលំនៅដ្ឋានជប៉ុន  Creed Group បានឲ្យដឹងថាក្រុមហ៊ុនរបស់យើងបានធ្លាប់ចូលរួមជាមួយនឹងព្រឹត្តិការណ៍ ពិព័រណ៍ដែលរៀបចំដោយ Realestate.com.kh កាលពីឆ្នាំមុនរួចមកហើយ វាពិតជាការរៀបចំ ដ៏ល្អ ហើយឆ្នាំនេះវាកាន់តែធំជាងមុនដែលកម្មវិធីពិព័រណ៍នេះរៀបចំនៅសាលពិព័រណ៍កោះពេជ្រ។អ្វីដែលអ្នករំពឹងទុកមិនត្រឹមតែជាពិព័រណ៍ដែលលោកអ្នកអាចស្វែងយល់បន្ថែមអំពីគម្រោងលំនៅដ្ឋានតែប៉ុណ្ណោះទេ ប៉ុន្តែវាជាព្រឹត្តិការណ៍នៃការតាំងបង្ហាញជាមួយនឹងក្រុមហ៊ុនពាក់ព័ន្ធនឹងការរស់នៅប្រចាំថ្ងៃ ដែលរួមមាន៖ រថយន្ត សំណង់ ផ្នែកតុបតែង ស្ថាបត្យកម្ម ធនាគារ និងធានារ៉ាប់រ៉ងជាដើម។លោក Tom O’Sullivan បាននិយាយថា “រស់នៅប្រកបដោយស្តង់ដារខ្ពស់ អមដោយការរស់នៅដោយភាពស៊ីវិល័យ លោកអ្នកអាចចូលរួមស្វែងយល់មិនត្រឹមតែគម្រោងលំនៅដ្ឋានតែប៉ុណ្ណោះ ទេ លោកអ្នកអាចស្វែងយល់បន្ថែមអំពីបច្ចេកវិទ្យាក៏ដូចជាមាននូវការបង្ហាញរថយន្តផង ដែរ។”បន្ថែមពីនេះទៀត ហេង ចាន់រដ្ឋា ប្រធានផ្នែកទីផ្សាររបស់ក្រុមហ៊ុនកោះថ្មីដែលមាន App ត្នោតជាបណ្តាញព័ត៍មានបានឲ្យដឹងថា “ការមានវត្តមាន App ត្នោតគឺជាបណ្តាញព័ត៌មានចែកចាយព័ត៌មានពិតៗ ចំណេះដឹងទូទៅ សង្គម ធុរកិច្ចក៏ដូចជាព័ត៌មានទាន់ហេតុការណ៍ជាដើម។រង្វាន់សម្រាប់អ្នកចូលរួមពិព័រណ៍ទន្ទឹមនឹងនេះអ្នកចូលរួមពិព័រណ៍ក៏មានឱកាសឈ្នះរង្វាន់ផ្សេងៗពីកម្មវិធីនេះផងដែរ។ ប្រសិនបើអ្នកមិនបានឈ្នះរង្វាន់អ្វីក៏ដោយ ប៉ុន្តែលោកអ្នកនឹងទទួលផលប្រយោជន៍ជាច្រើនក្នុងការចូលរួមក្នុងពិព័រណ៍នេះដោយព្រឹត្តិការណ៍នេះមានកម្មវិធីសិក្ខាសាលាដែលចូលរួមដោយ វាគ្មិនល្បីៗនៅក្នុងវិស័យពាក់ព័ន្ធ ដោយលើយកប្រធានបទសំខាន់ៗដូចជាការវិនិយោគនៅក្នុង វិស័យអចលនទ្រព្យ ច្បាប់ និងធុរកិច្ចជាដើមទាំងនេះជាចំណេះដឹងដ៏មានប្រយោជន៍សម្រាប់លោកអ្នក។ចុះឈ្មោះចូលរួមដោយសេរីចុចលីនងខាងក្រោម៖https://realestatekh.lpages.co/reakh-homes-lifestyle-expo-2019-attendee-khmer/ទំនាក់់ទំនងក្នុងការកក់ស្តង់៖ +855 78 637 323 (ភាសាខ្មែរ និងចិន) ឬ +855 12 599 699 (អង់គ្លេស).

កាលពីថ្មីៗកន្លងទៅនេះតាមសំណើសុំវិនិយោគរបស់ក្រុមហ៊ុនគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាបានសម្រេចឯកភាពឱ្យក្រុមហ៊ុន​ចិនចំនួន​២ក្រុមហ៊ុនសាងសង់​ សណ្ឋាគារ​ថ្នាក់​ផ្កាយ​៥នៅ​ខេត្តកោះកុង និង​ព្រះសីហនុ​។ ក្រុមហ៊ុន​ទាំង​២​នេះមាន​ទុនវិនិយោគ​ជិត៦០០​លាន​ដុល្លារ​អាមេរិកជាមួយនឹង​ផ្តល់ឱកាស​ការងារ​ជាង​៦​ពាន់​កន្លែង​។ នេះ​បើតាម​ហ្វេ​ស​ប៊ុ​ករ​បស់​ CDC បានបង្ហោះ កាលពី​ថ្ងៃទី​១៩ ខែកុម្ភៈ ឆ្នាំ ២០១៩​ កាលពីម្សិលមិញនេះ ។​អានបន្ថែមអំពី៖ ស្វែងយល់អំពីការឆបោកលើការលក់ដីដោយប្រើប្រាស់ប្លង់រឹងក្លែងក្លាយ​បើតាម CDC ក្រុមហ៊ុន​ចិន​ទាំងពីរ​នោះមាន​៖១- ក្រុមហ៊ុន “UNION CITY DEVELOPMENT GROUP CO.,LTD.” គម្រោងអភិវឌ្ឍន៍ទីក្រុងទេសចរណ៍ “TEMI” រួមមាន៖ សណ្ឋាគារថ្នាក់ផ្កាយ៥ចំនួន៨០០បន្ទប់ មជ្ឈមណ្ឌលពាណិជ្ជកម្ម, តារាងវាយកូនគោល, បឹងហ្គាឡូ, ផ្ទះវីឡា, រមណីយដ្ឋានទេសចរណ៍, សួនកំសាន្ត, ចំណតកប៉ាល់ និងគម្រោងផ្សេងៗមួយចំនួនទៀត ដែលមានទីតាំង វិនិយោគ ស្ថិតនៅស្រុកគីរីសាគរ ខេត្តកោះកុង ជាមួយទុនវិនិយោគប្រមាណ ៥០០.៤លានដុល្លារអាមេរិក និងអាចបង្កើតការងារបានចំនួន ៥,១៥០កន្លែង ។២- ក្រុមហ៊ុន “NANJING DADI CONSTRUCTION (CAMBODIA) DEVELOPMENT GROUP CO.,LTD.” គម្រោងសាងសង់ និងអាជីវកម្មសណ្ឋាគារថ្នាក់ផ្កាយ៥ចំនួន៣០០បន្ទប់ មជ្ឈមណ្ឌលពាណិជ្ជកម្ម និងរីសត ដែលមានទីតាំងវិនិយោគស្ថិតនៅភូមិអុង ឃុំរាម ស្រុកព្រៃនប់ ខេត្តព្រះសីហនុ មានទុនវិនិយោគប្រមាណ ៨៨.៤លានដុល្លារអាមេរិក និងអាចបង្កើត ការងារបានចំនួន ២​,៥៩៨កន្លែង ។គួរបញ្ជាក់ផងដែរថា ពាក្យថា “TEMI” ជាអក្សរកាត់មកពីពាក្យថា​ទេសចរណ៍ (T-Tourism) ​អេកូឡូស៊ី​(E-Ecological) ស​មុ​ទ្រ (M-Marine) និងអន្តរជាតិ​(I-International) ដែលជាគម្រោងអភិវឌ្ឍន៍ទីក្រុងទេសចរណ៍របស់ក្រុមហ៊ុន “UNION CITY DEVELOPMENT GROUP CO.,LTD.” ស្ថិតនៅលើ​ផ្ទៃដី ​២៥០០​ហិច​តានៅ​ខេត្តកោះកុងជាមួយនឹងទំហំ ​វិនិយោគ​បន្ថែម​ ១,៩០០​លាន​ដុល្លារ​ ។ ហើយ​ទីក្រុង​នេះ​អាច​ផ្ទុក​មនុស្ស​បាន​៣០​ម៉ឺន​នាក់​។ នេះ​បើតាមការលើកឡើងរបស់ កញ្ញា Lin Wang នាយក​ទីផ្សារ​ក្រុមហ៊ុន​នេះ​ក្នុង​ពិធី​បង្ហាញ ​គម្រោង​សាងសង់​ទីក្រុង កាលពី​ថ្ងៃទី​១០ មករា ​កន្លងទៅ ។ស្វែងរកព័ត៌មានទាក់ទងនឹងការអភិវឌ្ឍន៍ និងអចលនទ្រព្យសម្រាប់ជួល ឬលក់នៅក្នុងខេត្តព្រះសីហនុសូមចូលទៅកាន់ Realestate.com.kh!

កម្ពុជាទើបតែបើកទទួលការវិនិយោគទឹកប្រាក់ជាង៦០០លានដុល្លារពីក្រុមហ៊ុនទាំង៥ធំៗ។ ការអភិវឌ្ឍរបស់ប្រទេសកម្ពុជានៅតែកំពុងបន្តទាក់ទាញក្រុមអ្នកវិនិយោគមកពីគ្រប់ទិសទីឱ្យស្កាត់មកចាប់យកឳកាសនៅក្នុងរាជធានីដែលកំពុងតែស្ថិតនៅក្នុងវ័យលូតលាស់មួយនេះ។តួយ៉ាងយោងតាមទំព័រហ្វេសប៊ុកផ្លូវការរបស់ក្រុមប្រឹក្សាអភិវឌ្ឍន៍កម្ពុជា រឺហៅកាត់ថា CDC បានបង្ហាញថារដ្ឋាភិបាលកម្ពុជាបានធ្វើការអនុម័ត និងទទួលស្វាគមន៍ក្រុមអ្នកវិនិយោគពីក្រៅប្រទេសឱ្យចូលមកវិនិយោគក្នុងប្រទេសកម្ពុជាចំនួន៥ក្រុមហ៊ុនបន្ថែមទៀតហើយ។អានបន្ថែមអំពីការណែនាំក្នុងការចុះបណ្ណកម្មសិទ្ធិដីដោយចែកជាដុំ!ក្រុមហ៊ុនទាំង៥នេះបាននាំយកទុនសរុបចូលក្នុងសេដ្ឋកិច្ចកម្ពុជាប្រមាណជា៦១៧.៦លានដុល្លារអាមេរិចដែលវាក៏នឹងផ្តល់ជាឳកាសការងារទៅដល់ពលរដ្ឋក្នុងស្រុកប្រហែល៩,៥៩៤កន្លែងផងដែរ។ ក្រុមហ៊ុនទាំង៥នោះមានដូចជា៖១. ក្រុមហ៊ុន UNION CITY DEVELOPMENT GROUP CO.,LTD.ក្រុមហ៊ុននេះជាគម្រោងអភិវឌ្ឍន៍ទីក្រុងទេសចរណ៍ ដែលរួមមានដូចជាការអភិវឌ្ឍសណ្ឋាគារលំដាប់ផ្កាយ៥ដែលមានចំនុះសរុប៨០០បន្ទប់បណ្តុំអាគារជាមជ្ឈមណ្ឌលពាណិជ្ជកម្មទីលានវាយកូនហ្គោល ផ្ទះវីឡានិងបឹងហ្គាឡូ រមនីយដ្ឋាន សួនកំសាន្ត ផែចំណតកប៉ាល់ និងគម្រោងផ្សេងៗជាច្រើនទៀត។គម្រោងនេះនឹងត្រូវបានអភិវឌ្ឍន៍នៅក្នុងស្រុកគីរីសាគរខេត្តកោះកុងដោយប្រើប្រាស់ទុនវិនិយោគសរុបប្រមាណ៥០០.៤លានដុល្លារអាមេរិច។ វត្តមានរបស់គម្រោងនេះនឹងផ្តល់ជាការងារដល់ទីផ្សារកម្ពុជាបានរហូតដល់ ៥,១៥០កន្លែងឯណោះ។២. ក្រុមហ៊ុន NANJING DADI CONSTRUCTION (CAMBODIA) DEVELOPMENT GROUP CO.,LTD.ក្រុមហ៊ុននេះជាគម្រោងអភិវឌ្ឍន៍អគារពាណិជ្ជកម្មប្រភេទរីសត សណ្ឋាគារលំដាប់ផ្កាយ៥(សរុប៣០០បន្ទប់) និងមជ្ឈមណ្ឌលពាណិជ្ជកម្ម។ សាងសង់នៅក្នុងស្រុកព្រៃនប់ខេត្តព្រះសីហនុ គម្រោងនេះគ្រោងប្រើប្រាស់ទុនប្រមាណ ៨៨.៤លានដុល្លារអាមេរិចដើម្បីអភិវឌ្ឍន៍ ខណះដែលវានឹងនាំមកវិញនូវការងារចំនួន ២, ៥៩៨កន្លែង។៣. ក្រុមហ៊ុន KAI GAO PAPER INDUSTRY CO.,LTD.ក្រុមហ៊ុននេះនឹងចូលខ្លួនមកវិនិយោគលើរោងចក្រផលិតម្សៅក្រដាស រឺជាភាសាអង់គ្លេសថា «Paper Pulp and Lignin» ដោយប្រើប្រាស់ឈើដាំដុះនៅក្នងស្រុកជាវត្ថុធាតុដើម។ គម្រោងនេះនឹងដាក់ទីតាំងវិនិយោគនៅឯភូមិភ្ជាវ ឃុំត្រែង ស្រុករតនៈមណ្ឌល ខេត្តបាត់ដំបងជាមួយនឹងទឹកប្រាក់សរុប១៧.២លានដុល្លារអាមេរិច និងបង្កើតការងារបានចំនួន ២៦១កន្លែង។៤. ក្រុមហ៊ុន FULL EVER TEXTILES (CAMBODIA) COMPANY LIMITED.ក្រុមហ៊ុននេះនឹងចូលមកវិនិយោគលើរោងចក្រផលិតស្រោមដៃគ្រប់ប្រភេទដោយទីតាំងរបស់រោងចក្រគឺស្ថិតនៅតាមបណ្តាយផ្លូវជាតិលេខ៣ត្រង់ភូមីព្រៃស្តេច ឃុំវាល ស្រុកគងពិសី ខេត្តកំពង់ស្ពឺ ជាមួយនឹងគម្រោងទឹកប្រាក់វិនិយោគសរុប ៧.៧លានដុល្លារអាមេរិច និងផ្តល់ការងារសរុបបានចំនួន១,០៧៥កន្លែង។៥. ក្រុមហ៊ុន TOP RISE MASTER INDUSTRY CO.,LTD.ក្រុមហ៊ុននេះធ្វើការវិនិយោគលើរោងចក្រផលិត និងផ្គុំដំឡើងបរិក្ខារគ្រឿងអគ្គីសនី។ គម្រោងនេះនឹងបោះទីតាំងនៅក្នុងភូមិរំដួល ឃុំត្រពាំងគង ស្រុកសំរោងទងដោយប្រើប្រាស់ទុនវិនិយោគសរុបប្រមាណ ៣.៩លានដុល្លារអាមេរិក និងអាចបង្កើតការងារបានចំនួន៥១០កន្លែង។គូសបញ្ជាក់ផងដែរថាវិនិយោគពីបរទេសទៅលើវិស័យជាច្រើននៅកម្ពុជាត្រូវបានគេឃើញថាជាដំណើរការវិជ្ជមានមួយ ព្រោះសកម្មភាពនេះមិនត្រឹមតែផ្តល់ជាឳកាសការងារបានច្រើនជាងមុនទៅដល់ប្រជាជនខ្មែរនោះទេ ប៉ុន្តែវាក៏បាននាំមកនូវជំនាញធ្វើ ដែលអាចជួយឱ្យយើងអាចរៀនសូត្រតាម និងច្នៃប្រឌិតចេញពីនោះផងដែរ៕ស្វែងរកព័ត៌មាននូវការអភិវដ្ឍន៍ និងស្វែងរកអចលនទ្រព្យសម្រាប់លក់ និងជួលតាមរយៈ Realestate.com.kh!

កំពង់ចាមជាក្រុងមួយនៃប្រទេសកម្ពុជា​ស្ថិតនៅវាលទំនាបកណ្ដាលនៃទន្លេមេគង្គ។ ក្រុងនេះវាមានព្រំប្រទល់ខាងលិចជាប់នឹងខេត្តកំពង់ឆ្នាំង ខាងជើងជាប់នឹងខេត្តកំពង់ធំ និងក្រចេះនៅខាងកើតជាប់នឹងខេត្តត្បូងឃ្មុំ និងនៅខាងត្បូងជាប់នឹងខេត្តព្រៃវែង និងកណ្ដាល។ក្រោមការដឹកនាំរបស់ ឯកឧត្ដម គួច ចំរើន អភិបាលនៃគណៈអភិបាលខេត្តកំពង់ចាមបានរៀបចំទាំងហេដ្ឋារចនាសម្ព័ន្ធ និងសេដ្ឋកិច្ច​មានការរីកចម្រើនគួរឲ្យកត់សម្គាល់។​ យោងតាមរបាយការណ៍របស់រដ្ឋបាលខេត្តកំពង់ចាម​បច្ចុប្បន្នខេត្តនេះមានប្រាសាទបុរាណដែលជាតំបន់ទេសចរណ៍យ៉ាងទាក់ទាញរហូតទៅដល់៣០ប្រាសាទដែល​ប្រាសាទ​ដែលទទួលបានប្រជាប្រិយភាពជាងគេគឺប្រាសាទ​នគរ​បា​ជ័យស្ថិត​តាម​បណ្ដោយ​ផ្លូវ​ជាតិ​លេខ​៧ចម្ងាយ២,២គីឡូម៉ែត្រ​ពីខេត្ត​កំពង់ចាម។ ប្រសាទ​នេះ​ស្ថិត​​ក្នុងឃុំ​អំពិល​លើស្រុក​កំពង់សៀម​។អានអត្ថបទបន្ថែមអំពីការអភិវឌ្ឍន៍នៅក្នុងប្រទេសកម្ពុជា!ចំណែកឯរម្មណីយដ្ឋានទេសចរណ៍ផ្សេងទៀតមានដូចជា ភ្នំ​ប្រុស​ភ្នំ​ស្រី, កោះ​ប៉ែន ដែលមានស្ពាន​ឫស្សី ឬ​គេ​ហៅ​ថា "ប្រដឺស" ដ៏វែង​មួយ​ខ្សែ, ភ្នំ​ហាន់ជ័យ, ទឹកឆាមាន​ទីតាំង​នៅ​ឃុំ​ក្រូចស្រុក​ព្រៃឈរ និង​មាន​ចម្ងាយ​២៤​គីឡូម៉ែត្រពី​ក្រុង​កំពង់​ចាម ។ក្រៅពីវិស័យទេសចរណ៍ដ៏ទាក់ទាញការរីកដុះដាលនូវ ផ្សារលក់ដូរ សាលារៀន វត្តអារាម និងសុខាភិបាលជាច្រើន ពិតជាធ្វើឲ្យសេដ្ឋកិច្ចនៃខេត្តកំពង់ចាមមាន​សក្តានុពល​បន្ទាប់ពី​សៀមរាប ក្រុងព្រះសីហនុព្រោះ​ខេត្ត​នេះ​មាន​ប្រជា​ពលរដ្ឋ​ច្រើនហើយជីវ​ភាព​ប្រជា​ពលរដ្ឋ​ក៏មាន​ភាព​ល្អ​ប្រសើរ​ផងដែរ​។​ងាកមកមើល​កណ្ដាលក្រុងកំពង់ចាមដែលជាទីប្រជុំជនដ៏សម្បូរបែបនៅក្នុងក្រុង ឃើញមានការរៀបចំ​ឲ្យមានសួនច្បារសាធារណៈសំណង់អាគារការិយាល័យ សាកលវិទ្យាល័យ និងគ្រឹះស្ថានមីក្រូហិរញ្ញវត្ថុជាច្រើនផងដែរ។ ក្នុងនោះការរីកចម្រើនខាងវិស័យអចលនទ្រព្យមានភាពរីកលូតលាស់គួរឲ្យកត់សម្គាល់ជាងឆ្នាំមុនៗ​ បន្ទាប់ពីមានការវិនិយោគ សាងសង់​បុរី​ ជា​លើក​ដំបូង​នៅ​ក្នុង​ក្រុង​ជាប់​មាត់​ទន្លេ​មេគង្គ​នេះ ។តើក្រុង​​កំពង់ចាម​នឹង​ចាក​ចេញ​ពី​ភាព​ស្ងៀមស្ងាត់​របស់​ខ្លួនដែរឬទេក្នុងឆ្នាំ ២០១៩ នេះ?ថ្វីបើក្រុងកំពង់ចាមជា​ក្រុង​មិនទាន់មាន​ការកែច្នៃ​ច្រើន​នៅឡើយក៏ដោយតែជា​ខេត្ត​ល្អ​សម្រាប់​កសាង​តំបន់​សេដ្ឋកិច្ច​ពិសេស ព្រោះ​បើ​ធ្វើ​ដំណើរ​ពី​រាជធានី​ភ្នំពេញទៅ​កាន់​ខេត្ត​នេះ​ចំណាយ​ពេល​ជាង​១​ម៉ោង​ប៉ុណ្ណោះ ។បច្ចុប្បន្នប្រជាជននៅក្នុងទីរួមខេត្តកំពង់ចាម កំពង់ទន្ទឹងរង់ចាំមើលគម្រោងលំនៅដ្ឋានដទៃទៀតមកអភិវឌ្ឍ និងមានតម្លៃសមរម្យដោយសារ​ខេត្ត​នៅ​សល់​​ផ្ទះ ​បន្សល់​ទុក​ពី​ជំនាន់​មុន​ច្រើន ​ហើយ​ ក៏​មាន​តម្លៃ​ថ្លៃ​ដែរ ។ ដូច្នេះ​ការ​មាន​ជម្រើស​ថ្មី​ជា​រឿង​ល្អ​ប្រសើរ​ ទោះបីជា​ប្រជាពលរដ្ឋ​មាន​ជីវភាព​ធូរធារ​ក្នុង​ខេត្តបាន​ទិញ​លំនៅដ្ឋាន​ច្រើន​នៅ​ក្រុងភ្នំពេញ​រួចទៅ​ហើយក៏ដោយ៕ស្វែងរកព័ត៌មានអចលនទ្រព្យនៅក្នុងប្រទេសកម្ពុជា ឬអចលនទ្រព្យសម្រាប់ជួល និងលក់ តាមរយៈ Realestate.com.kh!

អស់បារម្ភរឿងកកស្ទះ! បន្តិចទៀតនៅខណ្ឌឫស្សីកែវនឹងមានផ្លូវក្រោមដីដ៏វែងមួយខ្សែហើយ!បញ្ហាស្ទះចរាចរណ៍នៅតែជាបញ្ហាចម្បងមួយនៅក្នុទីក្រុងភ្នំពេញ ជាពិសេសមួយរយៈពេលប៉ុន្មាន ឆ្នាំចុងក្រោយនេះ បន្ទាប់ពីមានលំហូរចូលនូវជនបរទេស ក៏ដូចជាប្រជាពលរដ្ឋមកពីតាមបណ្តា ខេត្តផ្សេងៗបានធ្វើបំលាស់ទី មករស់នៅក្នុងទីក្រុងភ្នំពេញ ដើម្បីបំពេញការងារកាន់តែច្រើនទៅៗ។ដើម្បីដោះស្រាយបញ្ហាកកស្ទះដែលតែងតែធ្វើឱ្យបាត់បង់ប្រាក់កាស​ និងពេលវេលារបស់ ប្រជាពលរដ្ឋ រដ្ឋាភិបាលបានអនុម័ត ក៏ដូចជាកំពុងសិក្សាលើគម្រោងហេដ្ឋារចនាសម្ព័ន្ធក្នុងទីក្រុង ជាបន្តបន្ទាប់ ដោយសម្រេចមកវិញបាននូវគម្រោងជា ស្ពាន ផ្លូវអាកាស និងការពង្រីកផ្លូវឱ្យធំជាងមុនជាដើម។តួយ៉ាង សព្វថ្ងៃនេះក្រុមហ៊ុនអូស៊ីអាយស៊ី កំពុងតែសិក្សាលើគម្រោងផ្លូវក្រោមដីមួយនៅក្នុងខណ្ឌឫស្សីកែវ។ នេះបើតាម ការបង្ហោះនៅក្នុងគេហទំព័រផ្លូវការរបស់ក្រសួង សាធារណការ និងដឹកជញ្ជូន។ស្របជាមួយគ្នានេះដែរ កាលពីថ្ងៃទី១៤ខែកុម្ភៈ កន្លងទៅនេះ លោកទូច សំណាង អគ្គនាយករងក្រុមហ៊ុនអូស៊ីអាយស៊ី ក៏បានមានប្រសាសន៍ពាក់ព័ន្ធនឹងគម្រោងនេះដែរថា សព្វថ្ងៃក្រុមហ៊ុនអូស៊ីអាយស៊ីកំពុងតែសិក្សាលើលិទ្ធិភាព និងផលប៉ះពាល់ទៅលើប្រជាពលរដ្ឋ ប្រសិនជាមានការសាងសង់ផ្លូវក្រោមដីនេះឡើង។ផ្លូវនេះនឹងត្រូវសាងសង់កាត់តាមបណ្តោយផ្លូវជាតិលេខ ៥ ចំចំណុចអតីតស្ថានីយ៍ប្រេងសូគីម៉ិច​ ក្នុងខណ្ឌឫស្សីកែវ ដោយមានប្រវែងប្រមាណ ៤០០ ម៉ែត្រទៅ ៥០០ ម៉ែត្រ។ ផ្លូវនេះមានទទឹងធំល្មមសម្រាប់រថយន្តធ្វើចរាចរណ៍ទៅមក និងមានផ្លូវរបស់ទោចក្រយានយន្ត ធ្វើដំណើរស្របគ្នាផងដែរ។គម្រោងផ្លូវនេះអាចនឹងបញ្ចប់ការសាងសង់ស្របពេលជាមួយគ្នានឹងស្ពានខ្សែកាបដែលភ្ជាប់ទៅកាន់ខណ្ឌជ្រោយចង្វារ។ទោះបីជាយ៉ាងណាក៏ដោយ បើនិយាយពីចំនួនថវិការដែលនឹងត្រូវប្រើប្រាស់ចំណាយទៅលើ ការសាងសង់ផ្លូវក្រោមដី មួយនេះនៅមិនទាន់មានការសម្រេចជាផ្លូវការនៅឡើយទ។ ប៉ុន្តែអ្វីដែល លោកទូច សំណាងបានបញ្ជាក់ដែរនោះគឺថា គម្រោងនេះនឹងមិនប្រើប្រាស់ថវិការ ក្នុងកញ្ចប់តែមួយជាមួយនឹង គម្រោងស្ពានខ្សែកាបយោងភ្ជាប់ជាមួយ តំបន់ជ្រោយចង្វារនោះទេ។គូសបញ្ជាក់ផងដែរថា រយៈពេលប៉ុន្មាន ២ ទៅ ៣ ឆ្នាំចុងក្រោយនេះ តំបន់ជ្រោយចង្វារ និងតំបន់ឬស្សីកែវ កំពុងតែមានសក្តានុពលយ៉ាងខ្លាំង ដោយឃើញមានវត្តមានគម្រោងលំនៅដ្ឋាន​ និងមជ្ឍមណ្ឌលកំសាន្តធំៗសុទ្ធតែបានចាប់ ទីតាំងនៅក្នុងតំបន់ទាំងពីរនេះ។ ជាមួយនឹងគម្រោងផ្លូវ និងស្ពាននេះ វានឹងបន្ថែមឱ្យតំបន់ទាំងពីរកាន់តែ រីកចម្រើនជាងមុនកាន់តែខ្លាំង៕ស្វែងរកអចលនទ្រព្យសម្រាប់ជួល និងលក់តាមរយៈ Realestate.com.kh!

ទីផ្សារអចលនទ្រព្យកាន់តែរីកចម្រើន ទីក្រុងរីកកាន់តែធំ ដីស្រែប្រែជាដីក្រុង សំណង់អគារ លំនៅដ្ឋាថ្មីៗត្រូវបានសាងសង់យ៉ាងច្រើនពីមួយថ្ងៃទៅមួយ ស្របពេលចំនួនប្រជាជននៅក្នុង ទីក្រុងក្រុងកើនឡើងកាន់តែច្រើន ដែលចំនួននេះគេប៉ាន់ស្មានថាអាចនឹងកើនពី ៤ ទៅ ៧ លាននាក់ដល់ឆ្នាំ ២០៣០ (នេះតាមរបាយការណ៍ពីក្រសួងដែនដីឆ្នាំ ២០១៧)។កត្តាទាំងនេះបានកំពុងជំរុញម្លៃអចលនទ្រព្យឲ្យកើនឡើងជានិច្ច ហើយអ្នកជំនាញជាច្រើន បានអះអាងដូចៗគ្នា តម្លៃអចលនទ្រព្យនឹងមិនធ្លាក់ចុះវិញនោះ ទោះការទិញលក់មានចំនួន ថយចុះក៏ដោយ លើកលែងតែមានវិបត្តិសេដ្ឋកិច្ច ធ្ងន់ធ្ងរ។ខាងក្រោមនេះគឺជាកត្តា ៥ យ៉ាង ដែលអ្នកជំនាញជឿថា អ្នកនឹងមិនមានអចលនទ្រព្យ (ដី និងផ្ទះ) នៅក្នុងទីក្រុងនោះទេ ប្រសិនបើអ្នកមានការភ័យខ្លាចខ្លាំងពេក ចំពេោះចំណុចទាំងនេះ នៅពេលវិនិយោគ៖១. មិនហ៊ានវិនិយោគ ព្រោះដីមានតែប្លង់ទន់ជាការពិតណាស់ នៅពេលទិញដី អ្នកត្រូវជីកឬសជីកគល់រកប្លង់កម្មសិទ្ធិស្របច្បាប់ (ប្លង់រឹង) ព្រោះចំណុចសំខាន់ជាងគេបំផុត ប៉ុន្តែអ្នកក៏គួរដឹងដែរថាតើដីតំបន់នេះជាដីមានប្លង់រឹង ឬប្លង់ទន់។ ករណីបើតំបន់ទាំងមូល ជាទួទៅប្រជាជនមាន ត្រឹមតែប្លង់ទន់ អ្នកប្រហែល មិនគួរស្ទាក់ស្ទើរខ្លាំងពេកនោះទេ។វិនិយោគិនធំៗជាច្រើនចំណេញលុយរាប់ម៉ឺនដុល្លារតាមរយៈការវិនិយោគដីជាមួយប្លង់ទន់បច្ចុប្បន្ននេះ។២. គិតថាឆ្ងាយពីតំបន់កណ្តាលក្រុងជាធម្មតា អ្នកតែងតែចង់ទិញអចលនទ្រព្យមួយនៅចំតំបន់កណ្តាលក្រុង ដោយសារអ្នកចង់ រស់នៅជិតកន្លែងសេវាកម្ម និងមានភាពងាយស្រួលក្នុងការធ្វើដំណើរ។ ហើយអ្នកប្រហែលមិន ចង់បានតំបន់ជាយក្រុងសម្រាប់ការរស់នៅនោះទេ។ ប៉ុន្តែតើអ្នកដឹងទេថា តើតំបន់ទាំងនេះនឹង មានលក្ខណៈបែបណានៅពេលអនាគត។តួយ៉ាងតំបន់តាមផ្លូវវេងស្រេង តំបន់ជ្រោយចង្វារ តំបន់បឹងស្នោរ និងតំបន់អូឌឹមជាដើម សុទ្ធតែត្រូវបាន គេចាត់ទុកថាជាតំបន់ឆ្ងាយពីទីក្រុងខ្លាំង កាលពីជិត ១០ ឆ្នាំមុន។ មួយវិញទៀត​ កាលពី ៥ ឆ្នាំមុន តើនរណាដែលបានគិតថាតំបន់សែន សុខ នឹងមានវត្តមាន សែនសុខ ស៊ីធី (អ៊ីអន២) នៅប៉ែកខាងជើងភ្នំពេញ?  បើក្រឡេកមើលបច្ចុប្បន្ននេះវិញ តំបន់ទាំងនេះបានក្លាយ ទីតាំងពាណិជកម្ម លំនៅដ្ឋាន និងឧស្សាកម្មដ៏មាមាញឹក​ ចំណែកតម្លៃដីវិញមានកម្រិត ខ្ពស់គួរសម ហើយអ្នកប្រហែលជាមិនងាយនឹងទិញ បានដីនៅជាប់ នឹងផ្លូវធំ ឬដីនៅតាមទីតាំង ល្អផង សម្រាប់ពេលនេះ។ដូច្នេះ បើអ្នកគិតថា តំបន់ផ្សេងៗ​ ដែលនៅតាមជាយក្រុង មិនទាន់មានការអភិវឌ្ឍច្រើន​ មិនមែនជាជម្រើសអ្នកពេលនេះ នោះប្រហែលជា ៥ ទៅ ១០ ឆ្នាំទៅមុខ អ្នកនឹងនៅតែ គ្មានផ្ទះនៅក្នុងទីក្រុងដដែល។៣. យល់ថាចំណូលតិចពេកប្រសិនមានចំណូលទាបពេក អ្នកគួរចេះសន្សំសម្រាប់គម្រោងអនាគត។ អ្នកជំនាញជាច្រើន បានណែនាំថា អ្នកដែលមានចំណូលត្រឹម ៥០០ ដុល្លារ ឬប្រហាក់ប្រហែលនេះ គួរទិញដីតាមរយៈការបង់រំលោះ។លោក ឆេង វណ្ណា ជាបុគ្គលិកក្រុមហ៊ុនឯកជនមួយ លោកបានបាននិយាយថា លោកបានបទិញដីឡូតិ៍មួយកន្លែង​នៅពេលលោកមានប្រាក់ខែ​ ៣៥០ ដុល្លារក្នុងមួយខែ។“ខ្ញុំពិបាកទុកលុយឲ្យបានច្រើនណាស់​ ព្រោះចំណូលរបស់ខ្ញុំទាប ដូច្នេះខ្ញុំប្រថុយយកលុយទៅ បង់រំលោះដីជាមួយធនាគារ។ ឥឡូវដីរបស់ខ្ញុំមានតម្លៃជាង ២ ម៉ឺនដុល្លារ។”ដូចនេះបើទោះបីជាអ្នកមានចំណូលទាប ប៉ុន្តែអ្នកក៏អាចជ្រើសរើសយកការវិនិយោគខ្នាតតូច ណាមួយទៅ តាមលទ្ធភាពរបស់អ្នកបានដែរ ដោយហ៊ានប្រថុយប្រថាប្រកបដោយភាពឆ្លាតវៃ។៤. រង់ចាំសិនមុនពេលទិញដី ឬផ្ទះ អ្នកប្រហែលជារង់ចាំពេលរៀបការរួច ឬចាំដល់ពេលមានចំណូលច្រើនជាង នេះ ឬចាំមើលសិនថាតើតំបន់នេះនឹងក្លាយជាកន្លែងល្អសម្រាប់ការរស់នៅ​ ឬក៏អត់។ប៉ុន្តែសូមចង់ចាំថា ពីមួយឆ្នាំទៅមួយឆ្នាំតម្លៃដីកាន់តែឡើងថ្លៃ មនុស្សកាន់តែច្រើន ហើយប្រសិនបើអ្នកមិនចាប់ផ្តើមវិនិយោគឲ្យបានលឿនបំផុត នោះអ្នកនឹងប្រឈម នឹងបញ្ហាដដែល នៅពេលអនាគត។​៥. គិតថាតម្លៃអចលនទ្រព្យនឹងឆ្លាក់ចុះលោក ស៊ន សៀប ជានាយកប្រតិបត្តិរបស់ក្រុមហ៊ុន ឃី រៀលអ៊ីស្ទេត បាននិយាយថាតម្លៃ អចលនទ្រព្យនឹងមិនធ្លាក់ចុះវិញទេ តែអាចមានសភាពថេរ ឬកើនតិចតួច។​ លោកថាជាធម្មតា តម្លៃអចលនទ្រព្យបានបន្តកើនឡើងជាប់ជានិច្ចពីមួយឆ្នាំទៅ មួយឆ្នាំ។ ​​ជារួមប្រសិនបើអ្នក ពិតជាចង់បានលំនៅដ្ឋានមួយនៅក្នុងទីក្រុងនៅពេលអនាគត អ្នកគួរចាប់ផ្តើម វិនិយោគនៅពេលនេះ។  សម្រាប់ពេលបច្ចុប្បនេះ អ្នកប្រហែលមិនចាំបាច់ សន្សំលុយឲ្យគ្រប់ ជាមុននោះទេ ដោយសារតែជម្រើសនៃ ការបង់រំលោះអាចវិធីល្អបំផុតសម្រាប់អ្នក។ប៉ុន្តែអ្វីដែលអ្នកត្រូវចងចាំគឺអ្នកត្រូវតែជាវិនិយោគិ​នដ៏ឆ្លាតវៃ ទាំងកត្តាច្បាប់ កត្តាហានិភ័យ ភាពចន្លោះប្រហោងនៃទីផ្សារ និងការរំពឹងពីទីផ្សារ​នៅពេលខាងមុខជាដើម។យើងសូមណែនាំឲ្យអ្នកធ្វើការវិនិយោគដោយមានការប្រឹក្សាយោបល់ជាមួយអ្នកជំនាញណាមួយ ប្រសិនបើអ្នកមាន ភាពក្មេងខ្ចីក្នុងវិស័យនេះ៕ ស្វែងរកអចលនទ្រព្យសម្រាប់លក់ ឬជួលនៅក្នុងប្រទេសកម្ពុជាសូមចូលទៅកាន់ Realestate.com.kh!

(រូបភាពតំណាង)បើនិយាយពីប្រទេសដែលមានកំណើនសេដ្ឋកិច្ចខ្ពស់បំផុតក្នុងអាស៊ីនោះក្រៅពីចិនគេប្រាកដជាគិតទៅដល់ប្រទេសវៀតណាម។ អត្រាកំណើនសេដ្ឋកិច្ចនៃប្រទេសនេះមានជាមធ្យមមិនក្រោម៧%នោះទេដែលអត្រានេះបានធ្វើឲ្យវៀតណាមក្លាយជាប្រទេសមួយដែលមានសក្តានុពលបំផុតក្នុងការវិនិយោគសម្រាប់ក្រុមហ៊ុនក្នុងស្រុក និងក្រៅប្រទេស។ដោយសារតែការអភិវឌ្ឍន៍ការអនុវត្តន៍គោលនយោបាយសេដ្ឋកិច្ចជាច្រើនដើម្បីទាក់ទាញវិនិយោគិនបរទេស និងការធ្វើទំនើបនីយកម្មនៅក្នុងទីក្រុងពាណិជ្ជកម្មរបស់ខ្លួនវាបានបង្កើនការងារជាច្រើនដល់ពលរដ្ឋវៀតណាមឱ្យមកបំពេញការងាររឺប្រកបរបរអាជីវកម្មនានាក្នុងទីក្រុងសំំខាន់ៗ។ ក្នុងនោះទីក្រុងហូជីមីញគឺជាក្រុងដែលមានសកម្មភាពពាណិជ្ជកម្មច្រើនជាងគេបំផុតទី១នៅប្រទេសវៀតណាម។ទោះជាយ៉ាងណាក៏ដោយលំហូរចូលប្រជាជនពីខេត្តផ្សេងៗចូលមកក្នុងទីក្រុងហូជីមីញបានធ្វើឱ្យទីក្រុងដ៏តូចមួយនេះក្លាយជាទីប្រជុំជនយ៉ាងធំសម្បើម។ជាមួយប្រជាជនប្រមាណជាង៨លាននាក់ស្ថានភាពទីក្រុងមមាញឹកមួយនេះពោរពេញទៅបញ្ហាកកស្ទះចរាចរណ៍សម្លេងរំពងពីយានយន្តក៏ដូចជាផ្សែងកខ្វក់ដែលចេញពីគ្រឿងម៉ាស៊ីនជាដើម។ដើម្បីដោះស្រាយបញ្ហាទាំងនេះរដ្ឋាភិបាលវៀតណាមបានសម្រេចដាក់ចេញនូវគម្រោងរថភ្លើងក្រោមដី(មេត្រូ) ឱ្យសាងសង់ឡើងនៅក្នុងទីក្រុងហូជីមីញក្នុងប្រវែង២០គីឡូម៉ែត្រគ្របដណ្ដប់លើខណ្ឌ និងស្រុកទាំង៣ធំៗរួមមានខណ្ឌទី១ ខណ្ឌទី២ ខណ្ឌទី៩ ក្នុងតំបន់បិនថាំញ (Binh Thanh) ធូដុក (Thu Duc) និងឌីអាន(Di An) ដែលចំនាយទឹកប្រាក់សរុបប្រហែលជា២ពាន់លានដុល្លារ។បើតាមការបញ្ជាក់ពីលោក អគ្គនាយករងគណៈកម្មាការគ្រប់គ្រង់ផ្លូវដែកនៅទីក្រុង (Management Authority for Urban Railways (MAUR))បានបង្ហាញឱ្យដឹងថាគម្រោងរថភ្លើងនេះនឹងសម្រេចបានប្រមាណជា៨០% ខណះដែលគម្រោងនេះនឹងត្រូវបញ្ចប់រួចរាល់ជាស្ថាពរ និងដាក់ឱ្យដំណើរការនៅខែតុលា ឆ្នាំ២០២០។ទោះជាយ៉ាងណាក៏ដោយ គម្រោងរថភ្លើងក្រោមដីមួយនេះធ្លាប់បានជួបបញ្ហាដ៏៏ធំមួយទាក់ទងនឹងផ្នែកហិរញ្ញវត្ថុ ដោយកាលណោះក្រុមហ៊ុនជប៉ុន (JICA) ដែលរ៉ាប់រងសាងសង់គម្រោងនេះសឹងតែបញ្ឈប់ការសាងសង់របស់ខ្លួនទៅហើយ។​ប៉ុន្តែរដ្ឋាភិបាលរបស់ទីក្រុងហូជីមីញមានការបេ្តជ្ញាចិត្តយ៉ាងខ្ពស់បំផុតថានឹងសម្រេចគម្រោងនេះឱ្យបានក្នុងឆ្នាំ២០២០នេះជាកំហិត។ងាកមកមើលប្រទេសកម្ពុជាមែនថ្វីត្បិតតែគម្រោងរថភ្លើងក្រោមដីបែបនេះមិនទាន់លេចចេញជាផ្លូវការក៏ពិតមែន ប៉ុន្តែពេលនេះវាកំពុងស្ថិតនៅក្នុងដំណាក់កាលសិក្សាដើម្បីស្វែងយល់ពីផលប៉ះពាល់ ក៏ដូចជាថវិកាចំនាយសម្រាប់ការសាងសង់គម្រោងទាំងមូលតែម្តង។ ប្រសិនជាកម្ពុជាពិតជាអាចសាងសង់គម្រោងនេះបានពិតប្រាកដមែន វាពិតជាអាចសម្រួលការធ្វើដំណើររប​ស់ប្រជាពលរដ្ឋបានច្រើនណាស់ ហើយវានឹងជូយធ្វើឱ្យសេដ្ឋកិច្ចកម្ពុជាកាន់តែដើរទៅមុខមួយអន្លើទៀត៕ស្វែងរកអចលនទ្រព្យសម្រាប់ជួល និងលក់តាមរយៈ Realestate.com.kh!