ខេត្តកំពង់ចាមត្រូវបានគេស្គាល់ថាមានការអភិវឌ្ឍន៏យ៉ាងខ្លំាង មានស្ពានឬស្សីកោះប៉ែន វត្ដនគរ កោះប៉ែន វត្ដហាន់ជ័យ ភ្នំស្រីភ្នំប្រុស បន្សល់ពីសម័យបារំាង និងវត្តមហាលាប។ ប៉ុន្តែខេត្តមួយនេះមានកម្រឹតភ្ញៀវទេសចរណ៏ធ្លាក់ចុះបន្តិចការពីពេលថ្មីៗនេះ ទោះជាយ៉ាងណាអ្នកអភិវឌ្ឍន៏បានបង្វែរការចាប់អារម្មណ៏នឹងឱកាសគម្រោងអភិវឌ្ឍន៍អចលនទ្រព្យបុរីនៅតំបន់មួយនេះផងដែរ។ភូមិសាស្រ្ត៖ខេត្តកំពង់ចាមគឺជាខេត្តមួយនៅក្នុងប្រទេសកម្ពុជាដែលមានទីតាំងស្ថិននៅជាប់ទន្លេមេគង្គ។ ខេត្តនេះស្ថិតនៅជាប់ខេត្តមួយចំនួនដូចជាខេត្តៈ កំពង់ឆ្នាំង កំពង់ធំ ក្រចេះ ត្បូងឃ្មុំ ព្រៃវែង និងកណ្ដាល។ ខេត្តកំពង់ចាមស្ថិតនៅភាគខាងកើតជាប់នឹងព្រំប្រទល់កម្ពុជា-វៀតណាម។ ខេត្តនេះផងដែរត្រូវបានគេស្គាល់ថាជាខេត្តធំជាងគេទី១១ក្នុងប្រទេសកម្ពុជា ហើយវាក៏ជាខេត្តមួយដែលមានប្រជាជនរស់នៅច្រើនជាងគេទី២ក្នុងប្រទេសកម្ពុជា។ បន្ទាប់មកខេត្តកំពង់ចាមបានបំបែកជាខេត្តថ្មីមួយទៀតគឺខេត្តត្បូងឃ្មុំ ថ្ងៃទី៣១ ខែធ្នូ ឆ្នាំ២០១៣ ក្នុងអាណត្ដិទី៥នៃការបោះឆ្នោតជាតិ។ តំបន់ដែលនៅខាងលិចនៃទន្លេមេគង្គត្រូវបានកាត់ទៅជាខេត្តកំពង់ចាម តំបន់ដែលនៅភាគខាងកើតនៃទន្លេមេគង្គត្រូវបានកាត់ទៅជាខេត្ត ត្បូងឃ្មុំ។ សមត្ថភាពរបស់ខេត្ត៖ខេត្តកំពង់ចាមនៅតែរីកចម្រើនបើទោះបីជាមានការបំបែកខេត្តថ្មីមួយទៀតនៅក្នុងឆ្នាំ២០១៣ក៏ដោយ។  បច្ចុប្បន្នខេត្តមួយនេះបានទាក់ទាញអ្នកអភិវឌ្ឍន៏ជាច្រើនដោយមើលឃើញថាជាខេត្តដែលមានសក្ដានុពលសេដ្ឋកិច្ច។ បើយោងទៅលើរបាយការណ៏របស់ភ្នំពេញប៉ុស្តិ៍ លោក គុយ វ៉ាត ដែលជាអគ្គនាយកនៃក្រុមហ៊ុន Century 21 Cambodia បាននិយាយថា “ក្រុងកំពង់ចាមគឺជាក្រុងដែលមិនទាន់រីកចម្រើនខ្លំាងនៅឡើងទេ វាគឺជាខេត្តមួយដែលសាកសម្យសាងសង់តំបន់សេដ្ឋកិច្ចពិសេសពីព្រោះវាគឺជាខេត្តដែលស្ថិតនៅជិតទីក្រុងភ្នំពេញ។”ឧកញ៉ា ហុង ពីុវ ដែលជាអគ្គនាយករបស់បុរីពិភពថ្មីក៏មើលឃើញសក្ដានុពលនេះផងដែរហើយបានសម្រេចចិត្តសាងសង់បុរីនៅខេត្តកំពង់ចាមផងដែរ។ ការអភិវឌ្ឍន៏នៅតំបន់នេះបានផ្ដល់ឱកាសចំណេញច្រើនសម្រាប់អ្នកអភិវឌ្ឍន៏ បើយោងតាម លោក ស៊ីវ សុផល ដែលជាភ្នាក់ងារលក់អចលនទ្រព្យ។ លោកបានពន្យល់ថា “នៅទីក្រុងភ្នំពេញយើងតម្រូវឲ្យអតិថិនជនដាក់ប្រាក់តម្កល់ដំបូងសិនដើម្បីបន្តសាងសង់និងលក់ ប៉ុន្តែនៅក្រុងកំពង់ចាមយើងសាងសង់ហើយលក់បានតែម្តង។” លោកបន្តទៀតថា“តួយ៉ាងលំនៅដ្ឋានពាណិជ្ជកម្មត្រូវបានលក់ដាច់ជាបន្តបន្ទាប់ លំនៅដ្ឋានកំពុងត្រូវបានលក់ដូរយ៉ាងឆាប់រហ័សនៅក្នុងខេត្តមួយនេះ។” ទោះជាយ៉ាងណាក៏ដោយ លោក នួន រិទ្ធី ដែលជាអគ្គនាយកប្រតិបត្តិ និងជាអ្នកគ្រប់គ្រងរបស់ក្រុមហ៊ុន Khmer Foundation Appraisal បានប្រាប់ថាអ្នកអភិវឌ្ឍន៏គម្រោងបុរីកំពង់ចាមគឺការវិនិយោគដ៏ត្រឹមត្រូវមួយ។ លោកបាននិយាយទៀតថាបុរីពិភពថ្មីគួរតែពិចារណាកំណត់នូវការអភិវឌ្ឍន៏របស់ខ្លួនឱ្យទៅជាបុរី ដែលមានទំហំសមល្មម។លោកបានថ្លែងបញ្ជាក់ទៀតថា “វាជាការល្អដែលមានការអភិវឌ្ឍន៏បុរីកំពង់ចាមដោយទំហំសមល្មម ប៉ុន្តែមិនគួរសាងសង់ឱ្យធំៗដូចបុរីក្នុងទីក្រុងភ្នំពេញទេ ពីព្រោះទីក្រុងភ្នំពេញគឺជាតំបន់ដែលមានសេដ្ឋកិច្ចពិសេសចំរុះហើយមានប្រជាជនរស់នៅច្រើន។” លោកបានពន្យល់ទៀតថា “ក្នុងលក្ខខណ្ឌទីតាំងរបស់បុរីទីក្រុងកំពង់ចាមគឺជាទីតាំងល្អសម្រាប់បុរី។ មិនមានហានិភ័យណាមួយនោះទេប៉ុន្តែពួកគេគួរតែគិតអំពីថាតើមានអ្នកជួលឬយ៉ាងណាបន្ទាប់ពីពួកគេទិញបុរីរួច ឬថាតើពួកគេទិញវាដើម្បីរស់នៅរឺក៏ធ្វើអាជីវកម្ម។អំពីគម្រោង៖គម្រោងអភិវឌ្ឍន៏បុរីពិភពថ្មីនឹងមានទីតាំងស្ថិតនៅភូមិ៧ គម្រោងនេះនឹងសាងសង់ឡើងក្នុងទំហំដី៣,៥ហិចតានិងមានលំនៅដ្ឋានជាង២៧០។ គម្រោងនេះត្រូវបានសាងសង់រួចប្រហែលជា២០%ហើយ បុរីទាំងនេះនឹងលក់ក្នុងទំហំទឹកប្រាក់ប្រហែល៦៨,០០០ដុល្លារក្នុងមួយល្វែង ហើយអាចឡើងដល់១៨០,០០០ ដុល្លារ។ លំនៅដ្ឋាននៅតំបន់នោះនឹងសាងសង់ឡើងតាមបែបទាន់សម័យ និងបុរាណនេះបើយោងទៅតាមកាសែតភ្នំពេញប៉ុស្តិ៍។ ការអភិវឌ្ឍន៏គម្រោងបុរីកំពង់ចាមត្រូវបានធ្វើឡើងដោយក្រុមហ៊ុនពិភពថ្មីនៅជិតប្រាសាទព្រះពុទ្ធ មេសរជ្រៃ ផ្សារមេសរជ្រៃធនាគារអេស៊ីលីដា សាលាបឋមសិក្សាមេសរជ្រៃ ហាងលក់ផ្លែឈើធម្មជាតិ និងហាងបាយ។ ទីតាំងបុរីក៏ស្ថិតនៅជិត ហាងលក់ទូរស័ព្ទដៃ និងកន្លែងថតចម្លងនៅតាមបណ្ដោយផ្លូវខេត្តលេខ២២២ផងដែរ។ការចាប់អារម្មណ៏ការអភិវឌ្ឍន៏បុរីនៅខេត្តកំពង់ចាមនាំមកនូវទំនុកចិត្តនឹងអ្វីដែលអាចនឹងកើតមានឡើង។ ហើយនៅពេលដែលអ្នកអភិវឌ្ឍន៏កាន់តែច្រើនឡើង ផ្លាស់ប្តូរការអភិវឌ្ឍន៏ទៅតំបន់នោះ បញ្ហានៅត្រង់តែថាពេលវេលាយូរទៀត មុនពេលដែលយើងឃើញការផ្លាស់ប្តូរមកាន់តែច្រើន ឡើងលើសក្ដានុពលដ៏ធំមួយនេះ។ស្វែងរកគេហដ្ឋានប្រភេទបុរីនៅក្នុងប្រទេសកម្ពុជាឥឡូវនេះ!

តាមការចង្អុលបង្ហាញរបស់ ឯកឧត្ដម គង់ វិបុល ដែលជាអគ្គនាយកនៃអគ្គនាយកដ្ឋានពន្ធដារ បានថ្លែងនៅក្នុងការវេទិការពន្ធដារលើកដំបូងរបស់កម្ពុជាក្នុងខែកញ្ញា ទាក់ទងទៅនឹងការចាត់វិធាន ការឆាប់រហ័ស ដោយមានមន្ត្រីធ្វើការត្រួតពិនិត្យលើកិច្ចសន្យាជួលលើ់ទីកន្លែងធ្វើពាណិជ្ជកម្ម ពាក់ព័ន្ធទៅនឹងពន្ធករ ហើយបច្ចុប្បន្នមានការណែនាំលើពន្ធនៃការផ្ទេរសិទ្ធិអចលនទ្រព្យប្លង់ទន់។យើងអាចហៅមិនផ្លូវការថា “ពន្ធប្រថាប់ត្រា” សម្រាប់ពេលបច្ចុប្បន្ន។នៅដើមសប្ដាស៏នេះ កញ្ញា អ៊ិន ចាន់ស្រីល័ក្ខ ជាអ្នកប្រឹក្សាផ្នែកលក់របស់ក្រុមហ៊ុន Yong Yap បានធ្វើការលើការផ្ទេរអចលនទ្រព្យលក់ថ្មី នៅការិយាល័យសុរិយោដី(អជ្ញាធរសង្កាត់) ដោយមានការ ភ្ញាក់ផ្អើលនូវនិតិវិធីថ្មីមួយត្រូវបានប្រើប្រាស់ក្នុងការផ្ទេរសិទ្ធិ ដោយតម្រូវពីក្រសួងរៀបចំដែនដីនគរ រូបនីយកម្ម និងសំណង់ និងអគ្គនាយកដ្ឋានពន្ធដារដែលមានការពាក់ព័ន្ធគ្នា។ក្រុមហ៊ុន Yong Yap Properties បានជួបហើយពិភាក្សាជាមួយ ៥ សង្កាត់ក្នុងខណ្ឌ ដូនពេញដែលក្រុមហ៊ុនបានធ្វើក្នុងជាមួយទៅលើកការផ្ទៀងផ្ទាត់ព័ត៌មានជាមួយខណ្ឌ និងប្រភពដែលពាក់ព័ន្ធដ៏ទៃទៀត និតិវិធីទាំងនោះមានដូចខាងក្រោមៈចុះបញ្ជីផ្ទេរអចលនទ្រព្យនៅេឯសង្កាត់របស់អ្នកដូចធម្មតាការិយាល័យគ្រប់គ្រងដែនដីនគររូបនីយកម្ម និងសំណង់នឹងត្រូវបានផ្ដល់ព័ត៌មាន និងធ្វើការណាត់ជួបក្នុងការត្រួតពិនិត្យអលចនទ្រព្យនោះ។វិក័យប័ត្រពន្ធប្រថាប់ត្រានឹងត្រូវបានចេញឱ្យអ្នកលក់នៅពេលដែលសង្កាត់បានការបញ្ជាក់ការបង់ប្រាក់ពីអគ្គនាយកដ្ឋានពន្ធដារ ដំណើការផ្ទេរប្លង់ ដូចធម្មតានៅថ្នាក់ខណ្ឌ។តម្លៃបន្ថែមគឺ៥០ ដុល្លារ សម្រាប់ក្រសួងរៀបចំដែនដីនគររូបនីយកម្ម និងសំណង់ ដើម្បីវាស់វែង និងចេញវិក័យប័ត្រ។  តម្លៃពន្ធប្រថាប់ត្រាគឺពី ៦ - ៨ ដុល្លារ ក្នុងមួយម៉ែត្រការ៉េចំពោះទំហំខាង ក្នុងនៃអចលនទ្រព្យនោះ។ ចំពោះផ្ទះល្វែងមានស្តង់ដារដែលមានមួយបន្ទប់ អ្នកត្រូវបង់ពន្ធបន្ថែម ពី៤០០ - ៧០០ ដុល្លារ។ រយៈពេលនៃការផ្ទេរចាប់ពី ៤ - ៦សប្ដាស៏ ប៉ុន្តែពីមុនមកត្រឹមតែ ៣-១០ថ្ងៃ តែប៉ុណ្ណោះ។នេះមិនមែនជាការភ្ញាក់ផ្អើលនោះទេដែលមានពាក្យចចាមរាមដែលថាមានការកាត់ពន្ធប្រថាប់ត្រាបលើអចលនទ្រព្យប្លង់ទន់តាំងពីដើមឆ្នាំនេះ។ជាការភ្ញាក់ផ្អើល (ភាពខ្វះខាតក្នុងប្រទេសកម្ពុជា) គឺជារបៀបសមញ្ញរបស់ប្រជាជនកម្ពុជា ច្បាប់នេះ បានអនុម័តភ្លាមៗ ដោយមិនអោយព័ត៌មានលេចឭដល់សាធារណៈជនឡើយ ឬសូម្បីតែអជ្ញាធរក្នុង តំបន់ដែលជាអ្នកដោះស្រាយលើស្ថានភាពនេះ ដែលធ្វើឱ្យប៉ះពាល់ដល់ឧស្សាហកម្មជាខ្លាំង។សម្រាប់ជំហានទៅមុខ ប្រសិនបើការរកឃើញរបស់យើងជាការត្រឹមត្រូវ យើងសង្ឃឹមថា ចំណុចទាំង នេះនឹងធ្វើឲ្យកាន់តែមានតម្លាភាព និងមានទំនុកចិត្តលើសុវត្ថិភាពនៃប្លង់ទន់នៅលើទីផ្សារ។ ធនាគារ អេស៊ីលីដា គឺជាធនាគារធំជាងគេដែលផ្តល់ប្រាក់កម្ចីសម្រាប់ការទិញអចលនទ្រព្យដែលមានត្រឹមប្លង់ ទន់ ជាមួយនឹងការចុះបញ្ជីពន្ធបន្ថែម វាក៏គួតែជាការបង្ហាញផ្លូវសម្រាប់ធនាគារធំៗផ្សេៗទៀត ឲ្យយក លំនាំតាម។Desmond Yap២៨/១០/២០១៦អ្នកគ្រប់គ្រងទូទៅក្រុមហ៊ុន Yong Yap Propertiesស្វែងយល់បន្ថែមទៀតអំពីប្លង់ដីនៅកម្ពុជា !ជាមួយ Realestate.com.khClick here to download your free copy!

យើងសង្កេតឃើញថាអំឡុងពេលជាង២ទស្សវត្សរ៍ចុងក្រោយអគារចាស់ៗនៅក្នុងទីក្រុងភ្នំពេញជាច្រើនត្រូវបានផ្លាស់ប្តូរ និងកំទេចចោលក្រោមរូបភាពអភិវឌ្ឍន៍។ អគារប៊ូឌីញដែលត្រូវបានប្រជាពលរដ្ឋស្ទើរតែគ្រប់គ្នាក្នុងក្រុងភ្នំពេញបានស្គាល់ ហើយក៏ជាអគារមួយក្នុងចំណោមអគារចាស់មួយចំនួនដែលអាចនៅតែមានវត្តមាននៅកណ្តាលទីក្រុងភ្នំពេញ។ គ្រប់គ្នាតែងតែរងចំាមើលពីអនាគតនៃអគារដ៏ចំណាស់មួយនេះ! យោងតាមប្រភពព័ត៌មានពីវិទ្យុបារំាងអន្តរជាតិបានឲ្យដឹងថា អគារប៊ូឌីញនឹងត្រូវរៀបចំសាងសង់ឡើងវិញជាមួយទឹកប្រាក់ ៨០លានដុល្លារដែលជាគម្រោងរបស់ក្រសួងរៀបចំដែនដែនដីនគរូបនីយកម្មនិងសំណង់សហការជាមួយនឹងក្រុមហ៊ុនជប៉ុនArakawa។ ដោយមានការលើកឡើងពីសភាពចាស់ទ្រុឌទ្រោមរបស់សំណង់អគារប៊ូឌីញ ដែលអាចនឹងបង្កផលប៉ះពាល់ដល់សុខភាព និងសុវត្ថិភាពប្រជាពលរដ្ឋរស់នៅទីនោះ ទើបក្រសួងដែនដីនគរូបនីយកម្ម និងសំណង់សហការជាមួយនឹងក្រុមហ៊ុនជប៉ុនបានផ្តួចផ្តើមគម្រោងសាងសង់អគារនេះជាថ្មី។ នៅថ្ងៃព្រហស្បតិ៍ទី២៧តុលាប្លង់មេរបស់គម្រោងត្រូវបានបង្ហាញនៅក្រសួងរៀបចំដែនដីនគរូបនីយកម្ម និងសំណង់ ដោយមានការចូលរួមពីភាគីតំណាងសហគមន៍ប៊ូឌីញ និងអង្គការសង្គមស៊ីវិលជាប់ពាក់ព័ន្ធផងដែរ។ ក្នុងកិច្ចជំនួបនោះដែរ ឯកឧត្តម ជា សុផារ៉ាទេសរដ្ឋមន្ត្រី និងជារដ្ឋមន្រ្តីនៃក្រសួងរៀចចំដែនដីនគរូបនីយកម្ម និងសំណង់ បានសម្តែងនូវភាពជឿជាក់លើគម្រោងនេះថានឹងអាចផ្លាស់ប្តូរជីវភាពរស់នៅរបស់ប្រជាពលរដ្ឋនៅក្នុងអគារប៊ូឌីញយ៉ាងពិតប្រាកដ។ គម្រោងអគារប៊ូឌីញថ្មីនឹងមានកម្ពស់២១ជាន់ មានចំណតរថយន្ត៣ជាន់ កន្លែងលក់ដូរ១ជាន់ កន្លែងស្នាក់នៅ៥ជាន់ ហើយចាប់ពីជាន់ទី៩ឡើងទៅជាកម្មសិទ្ធិវិនិយោគរបស់ក្រុមហ៊ុនជប៉ុន។ ប្រសិនបើប្រជាពលរដ្ឋយល់ព្រមតាមសំណើរបស់ក្រសួងដែនដីនគរូបនីយកម្មនិងសំណង់ អគារប៊ូឌីញថ្មីនឹងលេចចេញជារូបរាងឡើងក្នុងរយៈពេល៤ឆ្នំាខាងមុខ។ សូមជម្រាបផងដែរថាអគារប៊ូឌីញជាអគារចំណាស់មួយដែលបានសងសង់ឡើងក្នុងសម័យសង្គមរាស្រ្តនិយមដែលមានឈ្មោះដើមថាអគារស្នាក់នៅសាលាក្រុង។ អគារនេះត្រូវបានរចនាដោយស្ថាបត្យករខ្មែរ លោក លូ បានហាប់ ដែលសហការជាមួយនឹងស្ថាបត្យកររុស្ស៊ី ឡាឌីម៊ា បូឌៀនស្គី (Vladimir Bodiansky) ដែលត្រូវបានសម្ពោធឲ្យប្រើប្រាស់នៅក្នុងឆ្នំា១៩៦៣៕ អានអត្ថបទទាក់ទងនឹងព័ត៌មានអចលនទ្រព្យដែលកើតឡើងនៅពេលថ្មីៗនេះ!Click here to download your free copy!

អគ្គនាយកដ្ឋានពន្ធដារ(GDT)បានពន្សារពេលនៃការបង់ពន្ធមុនសម្រាប់ម្ចាស់អចលនទ្រព្យទាំង អស់ឲ្យបានបង់ពន្ធមុនពេលកំណត់។  កាលបរិច្ឆេទជាទូទៅធ្វើនៅថ្ងៃទី ៣០ ខែកញ្ញា រាល់ឆ្នាំ។ ដោយឡែកឆ្នាំរយៈពេលបង់ពន្ធបានពន្យារទៅដល់ថ្ងៃទី ៣១ ខែតុលា ឆ្នាំ ២០១៦ យូរជាងមុន រយៈពេលមួយខែ។  “អចលនវត្ថុ”គឺសំដៅដល់ ដី ផ្ទះ អគារ និងសំណង់ផ្សេងៗដែលសង់ភា្ជប់នៅលើដីនោះ។ អគ្គនាយកដ្ឋានពន្ធដារបានចេញសារាចរណ៏ណែនាំជាផ្លូវការចំនួនពីរគឺសារចរណ៏លេខ១២៧២៣ និង១៣៤៦៦ដោយបញ្ជាក់ថាម្ចាស់អចលនវត្ថុទាំងអស់ត្រូវបញ្ជូនឯកសារពាក់ព័ន្ធបង់ពន្ធ និងប្រាក់បង់ពន្ធរបស់ខ្លួនទៅតាមការកំណត់របស់អគ្គនាយកដ្ឋានពន្ធដារ។សារាចរណ៏លេខ ១៣៤៦៦ បានបង្គាប់ឱ្យម្ចាស់អចលនវត្ថុវដែលបានចុះបញ្ជីបង់ពន្ធឆ្នាំ២០១៦នៅតាមសាខាឬការិយាល័យណាមួរបស់អគ្គនាយកដ្ឋានពន្ធដារទាំងអស់ដែលត្រូវបង់ពន្ធអចលនទ្រព្យរបស់ពួកគេតាមរយៈធនាគារកាណាឌីយា ឬធនាគារអេស៊ីលីដា ដោយប្រើប្រាស់វិក័យបត្របង់ពន្ធឆ្នាំ ២០១៥។ ហើយប្រសិនបើទំហំនៃអចលនទ្រព្យរបស់ពួកគេផ្លាស់ប្ដូរត្រូវបានពុះ ចែក រុះរើ ឬផ្លាស់ប្ដូរម្ចាស់កាន់កាប់ត្រូវតែផ្ដល់ព័ត៌មានជូនទៅអគ្គនាយកដ្ឋានពន្ធដារដើម្បីឱ្យអគ្គនាយកដ្ឋានអាចផ្លាស់ប្ដូរ ការកត់ត្រារបស់ខ្លួននិងផ្ដល់នូវការបង់ពន្ធបន្ថែម។ចងចាំថាអចលនវត្ថុណាដែលមិនបានចុះបញ្ជីបង់ពន្ធនឹងត្រូវបានពិន័យទៅតាមបទបញ្ជារផ្ទៃក្នងរបស់អគ្គនាយកដ្ឋានពន្ធដារ។គោលបំណងនៃច្បាប់នេះដើម្បីឱ្យម្ចាស់អចលនវត្ថុទទួលស្គាល់នូវការប្រើប្រាស់ដីនិងកាតព្វកិច្ចចំពោះការបង់ពន្ធ ក៏ដូចជាអត្ថប្រយោជន៏នៃចំណូលថវិកាថ្នាក់ក្រោមជាតិផងដែរ។ អចលនទ្រព្យដែលជាប់កាតព្វកិច្ចពន្ធគឺអចលនទ្រព្យដែលមានតម្លៃចាប់ ពី១០០,០០០,០០០លានរៀលឡើងទៅ អជ្ញាធរក្រុងនិងខេត្តទាំងអស់ក្នុងព្រះរាជាណាចក្រកម្ពុជាត្រូវគ្រប់គ្រងការបង់ពន្ធអចលនទ្រព្យទាំងអស់ឲ្យបានត្រឹមត្រូវ។មូលដ្ឋានពន្ធអចលនទ្រព្យពន្ធត្រូវបានប្រមូលប្រចាំឆ្នាំនូវអត្រា០,១ភាគរយនៃតម្លៃអចលនទ្រព្យ។ តម្លៃអចលនទ្រព្យនឹងត្រូវបានកំណត់តាមតម្លៃនៅលើទីផ្សារហើយត្រូវបានវាយតម្លៃដោយគណកម្មការវាយតម្លៃ អចលទ្រព្យដែលចេញប្រកាសដោយក្រសួងសេដ្ឋកិច្ច និងហិរញវត្ថុ។ការគណនាពន្ធអចលទ្រព្យ៖ នេះជាឧទាហរណ៏ពីក្រុមហ៊ុន Cam Accounting & Tax Limited  ជាក្រុមហ៊ុនឈានមុខក្នុងការ ផ្តល់សេវាកម្មផ្នែកគណនេយ្យ ពន្ធដារ សវនកម្ម ការផ្តល់យោបល់ ប្រកបដោយវិជ្ជាជីវៈ និងក្រមសីលធម៌ខ្ពស់។លោក ហេង ដែលមានអគារបីជាន់ (E0 E1 និងE2) ទំហំ៤x១៦ម៉ែត្រនៃទំហំដីសរុបមាន ១០x៤០ម៉ែត្រ។ តម្លៃដីលើទីផ្សារក្នុងមួយម៉ែត្រការ៉េដែលត្រូវបានវាយតម្លៃដោយគណៈកម្មការវាយតម្លៃមានដូចខាងក្រោម៖តម្លៃដី៖ ៤០០ ដុល្លារក្នុងមួយម៉ែត្រការ៉េ ជាន់ផ្ទាល់ដី (E0)៖ ១២០ដុល្លារក្នុងមួយម៉ែត្រការ៉េ ជាន់ទី១ (E1)៖ ៨០ដុល្លារ ក្នុងមួយម៉ែត្រការ៉េ ជាន់ទី២ (E2)៖ ៦៥ដុល្លារ ក្នុងមួយម៉ែត្រការ៉េ តម្លៃដី៖ ៤០០ដុល្លារ x ៤០០ដុល្លារ = ១៦០,០០០ដុល្លារ ជាន់ផ្ទាល់ដី (E0)៖ ៦៤ដុល្លារ x ១២០ដុល្លារ = ៧,៦៨០ដុល្លារ ជាន់ទី១ (E1)៖ ៦៤ដុល្លារ x ៨០ដុល្លារ = ៥,១២០ដុល្លារ ជាន់ទី២ (E2)៖ ៦៤ដុល្លារ x ៦៥ដុល្លារ = ៤,១៦០ដុល្លារ តម្លៃអចលនទ្រព្យសរុបគឺ៖ ១៧៦,៩៦០ដុល្លារពន្ធអចលនទ្រព្យ = (៨០%នៃតម្លៃអចលនទ្រព្យ – ២៥,០០០ដុល្លារ) x ០,១% = (១៤១,៥៦៨ដុល្លារ – ២៥,០០០ដុល្លារ)x ០,១% = ១១៦,៥ដុល្លារព័ត៌មាននៅក្នុងអត្ថបទនេះត្រូវបានផ្ដល់ជូនដោយ Mr. Keat Heng ដែលជាអគ្គនាយករបស់ក្រុមហ៊ុន Cam Accounting & Tax Limited។ទំនាក់ទំនងក្រុមហ៊ុន Cam Accounting & Tax Limited សម្រាប់ទាក់ទងនឹងព័ត៌មានពន្ធដារ។ ក្រុមហ៊ុនជួយសម្រួលនិងធ្វើការបង់ពន្ធទៅតាមតម្រូវការរបស់អ្នក  ការគណនាចំនួនពន្ធយ៉ាងត្រឹមត្រូវលើអចលនទ្រព្យដែលត្រូវបង់ជូនអគ្គនាយកដ្ឋានពន្ធដារ។ សម្រាប់ព័ត៌មានបន្ថែម សូមទាក់ទងទៅកាន់: Cam Accounting & Tax Limited ការិយាល័យ: បន្ទប់លេខ ៥០៨ ជាន់ទី ៥ ផ្សារបាយ័ន លេខ ៣៣ -៣៤ ផ្លូវ ១១៤ សង្កាត់មនោរម្យ ខណ្ឌ ៧មករា រាជធានីភ្នំពេញទូរស័ព្ទលេខៈ ០៩៧ ៥៥៥៥ ២៩៨ , - E‐mail:partner@cam‐at.com សិក្សាបន្ថែមអំពីពន្ធអចលនទ្រព្យកម្ពុជាសូមទស្សនាវីដេអូតាមរយៈRealestate.com.khClick here to download your free copy!

គឺមានភាពងាយស្រួលបំផុតដើម្បីដាក់បញ្ជីអចលនទ្រព្យថ្មីនៅលើ Realestate.com.kh មិនថាអ្នកជាអ្នកលក់ឯកជន ជាម្ចាស់ផ្ទះ ឫក៏ជាភ្នាក់ងារអចលទ្រព្យក៏ដោយ។ទោះបីជាយ៉ាងណាមានវិធីសាមញ្ញមួយចំនួនដែលអ្នកអាចបង្កើនគុណភាពអចលនទ្រព្យរបស់អ្នក ដូចយើងដឹងស្រាប់ហើយថាអចលនទ្រព្យនៅលើ Realestate.com.kh មានអ្នកចូលមើលយ៉ាងច្រើន។ អចលនទ្រព្យដែលមានព័ត៌មានពេញលេញត្រឹមត្រូវនឹងមានអ្នកចូលមើលច្រើន ហើយនឹងទទួលបានអ្នកចង់ទិញច្រើននោះអ្នកនឹងអាចលក់ដាច់ ឫក៏ជួលអចលនទ្រព្យបានលឿន។ ដើម្បីធានាថាអ្នកស្វែងរកអចលនទ្រព្យនៅលើ Realestate.com.kh ទទួលបានប្រភេទអចលនទ្រព្យដែលមានគុណភាព យើងបានដាក់បង្ហាញអចលនទ្រព្យដោយស្វ័យប្រវត្តិនូវរូបភាពពី ០-១ រូបនៅក្រោមនៃបញ្ជីអចលនទ្រព្យ។ អចលនទ្រព្យមានគុណភាពនឹងមានការចាប់អាម្មណ៍ច្រើននៅក្នុងគេហទំព័ររបស់យើង ហើយនៅពេលមានការស្វែងរកអចលនទ្រព្យទាំងអស់នោះនឹងបង្ហាញនៅលើគេបង្អស់។ គន្លឹះដើម្បីបង្កើនគុណភាពអចលនទ្រព្យ៖១.ដាក់រូបភាពមានគុណភាពលើសពី៣សន្លឹក៖អ្នកទិញមូយចំនួននៅឆ្ងាយពីក្រុងភ្នំពេញ ឫបរទេសដែលស្វែងរកអចលនទ្រព្យតាមគេហទំព័រ  Realestate.com.kh គេមិនអាចទៅមើលអចលនទ្រព្យដោយផ្ទាល់បានទេ ឫក៏មានបញ្ហាក្នុងការរកទិសដៅនៅក្នុងទីក្រុង។ ដូច្នេះពួកគេត្រូវពឹងផ្អែកលើរូបថតច្រើនជាងស្វែងរកផ្ទាល់។ ដូចនេះជាការប្រសើរសម្រាប់អ្នក ឬ(ភ្នាក់ងាររអចលនទ្រព្យបស់អ្នក) ត្រូវប្រាកដថារូបថតត្រូវមានគុណភាព និងថតឲ្យបានច្រើនសន្លឹក។ ជាងនេះទៅទៀតក្នុងករណីភាគច្រើនអ្នកប្រើប្រាស់នៅលើ Realestate.com.kh គ្រាន់តែចង់ត្រួតពិនិត្យលើររូបរាងរបស់អចលនទ្រព្យប៉ុណ្ណោះ ប្រសិនបើពួកគេពិតជាចង់មើលអចលនទ្រព្យតាមរូបថត។ មានអចលនទ្រព្យជាច្រើនដែលអ្នកអាចជ្រើសរើសបាននៅលើ Realestate.com.kh សូមបញ្ជាក់ផងដែរថាអ្នកស្វែងរកផ្ទះនឹងមិនខ្ចះខ្ជាយពេលវេលាមើលរូបថតអចលនទ្រព្យដែលមិនមានគុណភាព ឫរូបភាពផ្ទះមានភាពរញ៉េរញ៉ៃ។រូបថតច្រើនកាន់តែល្អ៖ រូបថតមួយសន្លឹកស្មើនឹងនិយាយ១០០០ពាក្យ។ ទិន្នន័យខាងក្នុងរបស់ Realestate.com.kh បង្ហាញថាឱកាសរបស់អ្នកក្នុងការលក់អចលនទ្រព្យអាចកើនដល់៨៥%ប្រសិនអ្នកដាក់រូបថតបញ្ចូលច្រើនជាង៣សន្លឹក។ រូបថតពិត៖ មានសារៈសំខាន់ណាស់សម្រាប់រូបថតដែលអ្នកដាក់ចូលជារូបថតអចលនទ្រព្យពិតបា្រកដែលត្រូវលក់ ដែលរូបទាំងនេះនឹងបង្ហាញដល់អ្នកទិញពីលក្ខណៈជាក់ស្តែងរបស់អចលនវត្ថុសម្រាប់លក់។គុណភាពនៃរូបថត៖ ប្រើកាមេរ៉ាសម្រាប់ថតរូប មិនត្រូវប្រើទូរស័ព្ទថតទេ!សំអាតផ្ទះ៖ សំអាចផ្ទះឲ្យបានស្អាតនិងដកចេញរបស់របរដែលរញ៉េរញ៉ៃដើម្បីធ្វើឲ្យមានចន្លោះទំនេរឲ្យបានធំ(តាមជាក់ស្តែង)។ដកចេញសំភារៈផ្ទាល់ខ្លួន និងសំភារៈដាក់តាំង៖ ដកសំភារៈមួយចំនួនចេញដោយសារគ្រប់គ្នាស្រម៉ៃថាសំភារៈរបស់ពួកគេនៅក្នុងផ្ទះនោះមិនមែនរបស់អ្នកទេ។ពន្លឺ៖ ថតរូបនៅពេលថ្ងៃនៅពេលមានពន្លឺគ្រប់គ្រាន់! ធ្វើឲ្យអចលនទ្រព្យមើលទៅដូចជា មានពន្លឺ និងរស់រវើកតាមតែអាចធ្វើទៅបាន។ ផ្ទៀងផ្ទាត់រូបថត៖ ថតរូបគ្រប់បន្ទប់ និងព្យាយាមដាក់បញ្ចូលទស្សនីយភាពលក្ខណៈពិសេសមួយដែលធ្វើឲ្យអ្នកមើលចាប់អារម្មណ៍លើអចលនទ្រព្យ។គិតពីមុខងារ៖ ថតយករូបភាពដែលបង្ហាញពីលក្ខណៈមុខងារនៃផ្ទះផងដែរ ឧទាហរណ៍រូបភាពត្រូវបង្ហាញផ្លូវដែលបង្ហាញថាច្រកចូលមានសុវត្ថិភាពល្អ ម៉ាស៊ីនបោកសំលៀកបំពាក់ និងទំហំនៃកន្លែងចតរថយន្តជាដើម។ ទាំងនេះប្រហែលមិនមែនជារូបដែលទាក់ទាញបំផុតនោះទេប៉ុន្តែចំពោះអ្នកទិញ ឫអ្នកជួលវិញរូបទាំងនេះមានគុណតម្លៃដ៏សម្បើម។ដាក់បញ្ចូលរូបថតផ្ដេក៖ ដាក់បញ្ចូលរូបថតច្បាស់និងមានទំហំស្របតាម realestate.com.kh ប្រាកដថារូបភាពទាំងនោះច្បាស់ល្អ។ រូបភាពដាក់បញ្ចូលត្រូវតែជារូបផ្តេកវែងមើលទៅស្អាតទោះបីនៅពេលដាក់ក្នុងវែបសាយក៏ដោយ។ ដូច្នេះសូមកែតម្រូវរូបភាពមុនដាក់បញ្ចូលក្នុងវែបសាយប្រសិនបើរូបភាពដាក់បញ្ចូលនោះបញ្ឈរវែង។២. ចំណាយពេលសរសេរការពិពណ៌នាអចលនទ្រព្យដែលមានគុណភាពផ្តល់ព័ត៌មានឲ្យបានច្រើនបំផុត នៅពេលសរសេរការពិពណ៌នាពីអចលនទ្រព្យ  ត្រូវដឹងថាតើលក្ខណៈពិសេសអ្វីខ្លះដែលអតិថិជនចាប់អារម្មណ៍លើអចលនទ្រព្យរបស់អ្នក។ សូមចងចាំថាមិនត្រូវសរសេរឡើងវិញនូវតម្លៃ និងទំហំនៃអចលនទ្រព្យ ចំនួនបន្ទប់គេង ចំនួនបន្ទប់ទឹក អ៊ីម៉ែល និងលេខទូរស័ព្ទជាដើមនៅក្នុងការពិពណ៌នាពីអចលនទ្រព្យ ដោយសារតែទាំងនេះអាចធ្វើឲ្យមានការច្រឡំ។ ភាសាអង់គ្លេស និងខ្មែរ៖  ភាសាអង់គ្លេស និងខ្មែរក្នុងទំព័រលើនៃអចលនទ្រព្យ និងរៀបរាប់នៅតាមផ្នែកនីមួយៗឲ្យច្បាស់លាស់។ សូមសរសេរឲ្យងាយយល់ដើម្បីឲ្យអ្នកចូលមើលមានភាពងាយស្រួលអាន។ ដើម្បីឲ្យអចលនទ្រព្យរបស់លោកអ្នកមានអ្នកចូលមើលច្រើនសូមសរសេរភាសាទាំងពីរនៅក្នុងការពណ៌នា។អចលនទ្រព្យរបស់អ្នកមានប្លង់បែបណា៖ ជាប្លង់ទុន ប្លង់រឹង  ប័ណ្ណកម្មសិទ្ធិរួម (Strata Title)? ប្រាប់ទៅអតិថិជននៅក្នុងការពណ៌នានៅក្នុងអចលនទ្រព្យ។លក្ខណៈសម្បត្តិអចលលនទ្រព្យ៖ ប្រសិនបើមានអ្វីពិសេសផ្សេងទៀតសូមរៀបរាប់ឲ្យអស់!បច្ចុប្បន្នអចលនទ្រព្យប្រើធ្វើអ្វី៖ តើអចលនទ្រព្យរបស់លោកអ្នកមានសក្តានុពលអ្វី? តើមានការរឹតបណ្តឹង ឬជាប់ពាក់ព័ន្ធនឹងទំនាស់ដីធ្លីអ្វីទេ? ទីតំាងនៅជិតកន្លែងសំខាន់ៗ៖ អចលនទ្រព្យនោះមានទីតាំងនៅជិតតំបន់សំខាន់ៗណាខ្លះតួយ៉ាង៖ សាលារៀន មន្ទីរពេទ្យ ហាងលក់ឥវ៉ាន់ ស្ថាប័នរដ្ឋាភិបាល និងកន្លែងដឹកជញ្ជូនផ្សេងៗ។ការសាងសង់៖ ទីតាំងរបស់អចលនទ្រព្យមានការដ្ឋានកំពុងសាងសង់នៅជិតដែរឫទេ? នៅពេលដែលទីក្រុងសំខាន់របស់កម្ពុជាមើលឃើញថាមានសន្ទុះខ្លាំងលើការសាងសង់អចលនទ្រព្យដែលមិនមានសំឡេងរំខានពីការការដ្ឋានសាងសង់គឺជាលក្ខណៈពិសេសដែលគួរឲ្យទាក់ទាញ។ផ្លូវ៖ តើលក្ខណៈផ្លួវធ្វើដំណើរ និងគុណភាពនៃហេដ្ឋារចនាសម្ព័ន្ធនៅជិតអចលនទ្រព្យ នោះមានសភាពបែបណា? ការកែកុនឡើងវិញ៖ តើអចលនទ្រព្យមានការកែកុនអ្វីខ្លះទេក្នុងពេលថ្មីៗ? តើសេវាផ្សេងៗគិតថ្លៃដូចម្តេចដែរ? ចំណាំ៖ តម្លៃអាចចរចាបានទេ? រយៈពេលកិច្ចសន្យាអាចបត់បែនទេ? មានផលប្រយោជន៍ពីកិច្ចសន្យាជួលដែលឫទេ (ប្រសិនបើមានការជួល)?អ្នកជួយផ្តល់ព័ត៌មាន៖ ប្រសិនបើមានអ្នកផ្តល់ព័ត៌មានតាមអនឡាញដែលអាចណែនាំពីសេវាកម្មរបស់អ្នក ឫអតីតអ្នកជួលដែលមានមតិយោបល់ជាវិជ្ជមានអំពីអចលនទ្រព្យ ឬអ្នកមានគណនី (LinkedIn) ផ្ទាល់ខ្លួនត្រូវដាក់បញ្ចូលចំណុចទាំងនេះទៅក្នុងការពណ៌នាពីអចលនទ្រព្យរបស់អ្នក នៅគណនីផ្នែកលក់នៅក្នុង Realestate.com.kh កត្តាទាំងនេះនឹងបង្កើតការទុកចិត្តរវាងអ្នក និងអ្នកទិញ/អ្នកជួល។៣. ផ្តល់ព័ត៌មានទំនាក់ទំនងរបស់អ្នកឲ្យល្អបំផុតប្រសិនបើគេមិនអាចទំនាក់ទំនងជាមួយអ្នក នោះជាការចំណាយពេលឥតបានការជាមួយអចលនទ្រព្យរបស់អ្នក ដូច្នេះត្រូវប្រាកដថាលេខទំនាក់ទំនងមានភាពត្រឹមត្រូវ។ដាក់លេខទូរស័ព្ទ២ខ្សែ និង អ៊ីម៉ែល២ខ្សែ៖ ប្រសិនបើដឹងថាពេលខ្លះរវល់ខ្លាំងមិនអាចលើកទូរស័ព្ទបាន។ចំណាយពេលដើម្បីពង្រឹង “គណនីផ្ទាល់ខ្លួន” ឫ”គណនីភ្នាក់ងារអចលនទ្រព្យ” នៅលើគេហទំព័រ Realeastat.com.kh. គណនីនេះអនុញ្ញាតឲ្យអ្នកផ្តល់នូវព័ត៌មានបន្ថែមអំពីខ្លួនអ្នក និង/ឫក៏ពី ភ្នាក់ងារងអចលនទ្រព្យ។ បំពេញព័ត៌មានក្នុងគណនីមុនពេលចុះឈ្មោះគឺជាវិធីល្អបំផុតដើម្បីបង្កើតទំនុកចិត្តរវាងអ្នក និងអ្នកទិញ/អ្នកជួលលំនៅដ្ឋាន។ មានមនុស្សកាន់តែច្រើនស្គាល់គណនីរបស់អ្នក នោះនឹងមានមនុស្សកាន់តែច្រើននឹងឃើញថាអ្នកជា អ្នកលក់/អ្នកជួលស្របច្បាប់។ប្រសិនបើអ្នកជាភ្នាក់ងារមួយអ្នកគួរតែដាក់បញ្ចូលឈ្មោះភ្នាក់ងាររបស់អ្នក និងដាក់បញ្ចូល ផ្លាកសញ្ញាអាជីវកម្មចូលក្នុងគណនីរបស់អ្នក៖ នៅពេលណាដែលយីហោ (Logo) បង្ហាញនៅលើអចលនទ្រព្យអ្នកទិញនឹងដឹងភ្លាមថាអ្នកជានរណាក៏ដូចជាកេរ្តិ៍ឈ្មោះរបស់ភ្នាក់ងាររបស់អ្នក។ ការទទួលស្គាល់នេះនឹងធានាថាអ្នកទទួលផលពីភាពល្បីល្បាញនៃឈ្មោះរបស់ភ្នាក់ងាររបស់អ្នកក៏ដូចជាកសាងទំនាក់ទំនង និងផលចំណេញយូរអង្វែង ។ប្រសិនបើអ្នកជាភ្នាក់ងារអចលនទ្រព្យ សូមដាក់បញ្ចូលរូបថតរបស់អ្នកផង រូបថតរបស់អ្នកដែលស្អាត និងអាចបន្ថែមភាពជឿជាក់លើអចលនទ្រព្យរបស់អ្នកថែមទៀត។ត្រូវប្រាកដថាអ្នកបានចុះឈ្មោះជាមួយrealestate.com.kh“ស្វែងរកទំព័រភ្នាក់ងារអចលនទ្រព្យ” និងបំពេញព័ត៌មានក្នុងគណនីនេះជាកន្លែងដែលអ្នកប្រើប្រាស់ ស្វែងរកភ្នាក់ងារ ដូច្នេះត្រូវបា្រដកថាអ្នកបានចុះឈ្មោះរួចរាល់។៤.ធ្វើឱ្យអចលនទ្រព្យលើទំព័រមុខរបស់អ្នកមានតម្លៃ!អចលនទ្រព្យនៅលើទំព័រមុខទាំងភាសាខ្មែរ និងអង់គ្លេស និងធ្វើឲ្យមានប្រយោជន៍។ ប្រសិនបើជាភាពសាមញ្ញ និងច្បាស់លាស់នោះនឹងមានអ្នកស្វែងរកអចលនទ្រព្យរបស់មុនពេលមើលចូលទៅគេហទំព័រផ្សេង។ Realestate.com.kh មានអចលនទ្រព្យរាប់ពាន់ដូច្នេះអ្នកត្រូវប្រាដកថាចំណង ជើងខ្លីតាមអ្វីដែលចង់ឲ្យគេដឹង! ធ្វើSEOឲ្យបានល្អ៖ ត្រូវគិតពីអ្វីដែលគេចង់ស្វែងរកនៅក្នុង Google ឫ realestate.com.kh ហើយប្រើពាក្យគន្លឹះសម្រាប់អចលនទ្រព្យរបស់អ្នកឲ្យតិចងាយស្រួលស្វែងរក។ ជ្រើសយកឈ្មោះខ្លីសាមញ្ញទាក់ទងនឹងអចលនទ្រព្យ ឧទាហរណ៍ “វីឡាដាក់លក់នៅទួលគោក” ឬ “ខុនដូមួយយូនីតជាន់ទី១០នៅផ្លួវ៥១”! ទាំងនេះជាឈ្មោះល្អៗគួរជ្រើសរើស។ដាក់ត្រឹមតែចំណងជើង! រក្សាទុកការពិពណ៌នាសម្រាប់ដាក់ជាសញ្ញាឲ្យចុចចូលទៅមើល ព័ត៌មានពេញលេញបន្ថែមទៀត។៥.ដាក់តម្លៃ៖ កុំដាក់តម្លៃនៅលើ Application (POA)នៅលើគេហេទំព័រ realestate.com.kh យើងដឹងថាអ្នកទិញដែលមានសក្តានុពលជាទូទៅចូលមើលការពណ៌នាពីលក្ខណៈលំនៅស្ថាន និងចង់ដឹងពីតម្លៃពិតប្រាកដ។ បែបនេះហើយ យើងសូមផ្តល់យោបល់ថា ត្រូវដាក់តម្លៃនៅលើអចលនទ្រព្យ។កុំធ្វើអ្នកទិញភ័យខ្លាច៖ ប្រសិនលក្ខណៈពិសេសរបស់លំនៅដ្ឋានមានព័ត៌មានលំអិតប៉ុន្តែមិនមានតម្លៃ អ្នកទិញនឹងគិតថាផ្ទះទំនងជាមានតម្លៃថ្លៃ។ ត្រូវធ្វើឲ្យមានភាពងាយស្រួលសម្រាប់អ្នកមើលដោយមានព័ត៌មានលម្អិតរួមទាំងតម្លៃជាមួយគ្នា។ ប្រសិនតម្លៃអាចចរចាបាន៖ សូមបញ្ជាក់នៅក្នុងការពិពណ៌នាក្នុងបញ្ជីអចលនទ្រព្យ។៦. តាមដានការសាកសួរនូវការលក់របស់អ្នកឲ្យបានយ៉ាងរហ័សនិង មានជំនាញវិជ្ជាជីវ៖នៅពេលអ្នកទទួលទូរស័ព្ទទំនាក់ទំនង ឬអ៊ីម៉ែលសាកសួរព័ត៌មានអំពីអចលនទ្រព្យរបស់លោកអ្នកតាមរយៈ realestate.com.kh វាជាការចំាបាច់ឲ្យលោកអ្នកត្រូវធ្វើការទំនាក់ទំនងជាបន្ទាន់ទៅកាន់អតិថិជនដែលចង់បានព័ត៍មានបន្ថែម។ ប្រសិនបើអ្នកមិនធ្វើការទាក់ទងទៅកាន់ពួកគាត់ជាបន្ទាន់នោះទេលោកអ្នកនឹងបាត់បង់អតិថិជនដែលមានបំណងទិញទំាង ហើយអ្នកអតិថិជននឹងទៅរកអ្នកលក់ផ្សេងទៀត។ ធ្វើការទំនាក់ទំនងទៅកាន់អ្នកដែលមានបំណងចង់ដឹងពីព័ត៍មានបន្ថែមយឺតយ៉ាវគេនឹងចាត់ទុកអ្នកគ្មានវិជ្ជាជីវៈ និងគ្មានការទទួលខុសត្រូវ។  សម្រាប់ការសាកសួរព័ត៍មានជាលក្ខណៈអន្តរជាតិ៖ ការទាក់ទងទៅកាន់ពួកគាត់តាមរយៈអ៊ីម៉ែលជាវិធីមួយដ៏ល្អបំផុតបន្ទាប់មកអ្នកត្រូវធ្វើការទាក់ទងតាមទូរស័ព្ទជាភាសាអង់គ្លេស ឬភាសាដទៃទៀតសម្រាប់អតិថិជនបរទេស។ ភាសា៖ ប្រសិនបើអ្នកមិននិយាយភាសាអង់គ្លេសនោះទេ ឬអតិថិនជនិយាយភាសាដ៏ទៃ ដូចជា៖ ភាសាបារំាង ចិន ជប៉ុន ថៃ និងអាឡឺម៉ង់ លោកអ្នកគួរស្វែងរកបុគ្គលិកដែល និយាយភាសាទំាងនោះស្ទាត់ជំនាញមកធ្វើការឲ្យអ្នក។ ត្រូវចងចំាថា៖  អ្នកប្រើប្រាស់នៅជនបរទេសដែលស្វែងរកព័ត៌មានបន្ថែមតាមបណ្តាញគេហទំព័រ អចលនទ្រព្យជាអ្នកប្រើប្រាស់ដែលមានសក្តានុពល សូមយកចិត្តទុកដាក់ជាមួយពួកគេ។ អ្នកប្រើប្រាស់បរទេសយល់ដឹងពីប្រភេទបណ្តាញគេហទំព័រអចលនទ្រព្យបែបនេះ ពួកគេធ្វើការសាកសួរព័ត៌មានបន្ថែមលុះត្រាតែគេចាប់អារម្មណ៍។ អ្នកទិញក្នុងស្រុក៖ សម្រាប់ការសាកសួរព័ត៌មានបន្ថែមរបស់អតិថិជនក្នុងស្រុក អ្នកគួរតែទំនាក់ទំនងភ្លាមៗតាមទូរស័ព្ទដោយផ្ទាល់។ ដឹងពីផលិតផលរបស់អ្្នក! អ្នកត្រូវតែមានជំនាញដោយយល់ដឹងព័ត៌មានអំពីអចលនទ្រព្យរបស់អ្នកឲ្យច្បាស់លាស់ មុនពេលធ្វើការទំនាក់ទំនងទៅកាន់អតិថិជន។ប្រសិនបើអ្នកមានការភ័ន្តច្រឡំក្នុងការផ្តល់ព័ត៌មានលម្អិតពេលទាក់ទងទៅអ្នកទិញឫអ្នកជួលនោះពួកគេនឹងបាត់បង់ទំនុកចិត្តលើអ្នក។ សម្រាប់ភ្នាក់ងារដែលមានអចលនទ្រព្យចាស់ៗ៖ ប្រសិនបើអ្នកទិញ ឫអ្នកជួលសក្តានុពល ចង់ដឹងពីអចលនទ្រព្យដែលអ្នកបានដឹងថាបានលក់  ឫជួលរួចហើយសូមប្រាប់ការពិតពីពេលវេលាដែលអ្នកអាចផ្តល់ចម្លើយតបទៅវិញ។ ភាពស្មោះត្រង់របស់អ្នកអាចបង្កើតទំនុកចិត្តជាមួយនឹងអតិថិជនដែលនាំឲ្យអចលនទ្រព្យរបស់លោកអ្នកឆាប់លក់ ឬជួលបានយ៉ាងឆាប់រហ័ស។៧.អាប់គ្រេដបញ្ជីអចលនទ្រព្យរបស់អ្នក (Upgrade)៖អ្នកអាចធ្វើឲ្យបញ្ជីអចនលទ្រព្យសម្រាប់លក់ ឬជួលរបស់អ្នកឲ្យប្រសើរឡើងដោយដាក់ក្នុងហ្វីធើ“featured”នៅក្នុង Realestate.com.kh ដោយចំណាយត្រឹមតែ១ដុល្លារក្នុងមួយថ្ងៃតែប៉ុណ្ណោះ! នេះបានន័យថាអចលនទ្រព្យរបស់អ្នកនឹងស្ថិតនៅលើគេ ហើយទទួលបានការមើល និងការសាកសួរច្រើនជាងមុន។ គ្រាន់តែចុចលើពាក្យអាប់គ្រេដ “upgrade” នៅលើអចលនទ្រព្យដែលអ្នកចង់ធ្វើឲ្យប្រសើរ ជាងមុននៅក្នុងអូហ្វីសoffice របស់អ្នកលក់ ហើយពួកយើងនឹងចាត់ចែងជូនអ្នកជាទីគាប់ចិត្ត។៨.រីហ្រ្វេសបញ្ជីអចលនទ្រព្យ៖ប្រសិនបើអចលនទ្រព្យរបស់អ្នកនៅតែដាក់លក់ ឬជួលអ្នកអាចរីហ្រេសបញ្ជីអចលនទ្រព្យរបស់អ្នករាល់ប្រាំពីរថ្ងៃម្តង ដូច្នេះអចលនទ្រព្យរបស់លោកអ្នកនឹងស្ថិតនៅលើបញ្ជីអចលនទ្រព្យទាំងអស់។ នៅពេលដែលអ្នកចុច “refresh” អចលនទ្រព្យនោះនឹងឡើងមកខាងលើនៃបញ្ជីដែលអ្នកទិញអាចមើលឃើញ!ការសិក្សាបន្ថែម៖ប្រសិនបើអ្នកជាភ្នាក់ងារ អ្នកសាងសង់ ម្ចាស់ដីឬអ្នកលក់ឯកជនមានបំណងចង់ដាក់អចលទ្រព្យរបស់អ្នកនៅលើ Realestate.com.kh សូមទាក់ទងមកយើងនៅថ្ងៃនេះតាមរយៈ info@realestate.com.kh ឬទូរស័ព្ទលេខ 017 436 756។ ពួកយើងរង់ចាំជួយលោកអ្នកគ្រប់ពេលវេលា!ដាក់បញ្ចូលអចលនទ្រព្យរបស់លោកអ្នកឥឡូវនេះ!ការផ្លាស់ប្តូរទីផ្សារទៅកាន់ប្រព័ន្ធអនឡាញដែលមាននៅក្នុងប្រទេសកម្ពុជាពិតជាផ្តល់ភាពងាយស្រួលសម្រាប់លោកអ្នក សូមធ្វើការដាក់អចលនទ្រព្យរបស់លោកអ្នកនៅលើ Realestate.com.kh នៅថ្ងៃនេះ។ គេហទំព័រ Realestate.com.kh ជាបណ្តុំអចលនទ្រព្យដ៏ធំជាងគេនៅក្នុងប្រទេសកម្ពុជា!បង្កើតបញ្ជីអចលនទ្រព្យឥឡូវនេះ! រហ័ស ងាយស្រួល ឥតគិតថ្លៃ និងមិនគិតកម្រៃសេវាបន្ថែម!

នៅថ្ងៃទី ២០ ខែកញ្ញា ឆ្នាំ ២០១៦ ក្រុមហ៊ុន Century21 Cambodia បានចុះហត្ថលេខាជាផ្លូវការលើអនុស្សរណៈយោគយល់គ្នាជាមួយក្រុមហ៊ុន Country Garden Group ដែលជាក្រុមហ៊ុនលំដាប់ថ្នាក់ពិភពលោកដែលត្រូវបានបង្កើតឡើងនៅឆ្នាំ១៩៩២ និងមានទីស្នាក់ការនៅខេត្តក្វាងទុងប្រទេសចិន។ Country Garden បានចុះឈ្មោះនៅក្នុងផ្សារភាគហ៊ុនហុងកុង (Hong Kong Stock Exchange) តាំងពីខែមេសាឆ្នាំ ២០០៧ ហើយបច្ចុប្បន្ននេះមានបុគ្គលិកសរុបចំនួន ៧០,០០០ នាក់ តាមរយៈក្រុមហ៊ុនបុត្រសម្ព័ន្ធចំនួន២៣៨របស់ខ្លួន។អនុស្សរណយោគយល់នេះផ្តល់ឲ្យ Century 21 Cambodia ទទួលបាននូវសិទ្ធិអាជីវកម្មផ្តាច់មុខក្នុងការលក់គម្រោង Forest City នៅក្នុងប្រទេសកម្ពុជា និងតាមបណ្តាញគ្រួសារអន្តរជាតិនៃ Century 21 ទូទាំងសកលលោក។ តាមរយះអនុស្សរណយោគយល់នេះ Century 21 Cambodia  នឹងជួយអោយក្រុមហ៊ុន Country Garden Group ទទួលបាននូវឱកាសចូលក្នុងទីផ្សារអចលនទ្រព្យកម្ពុជា។ គម្រោង Forest City គឺជាការវិនិយោគរួមគ្នារវាងក្រុមហ៊ុន Country Garden Group  និងក្រុមហ៊ុនគ្រប់គ្រងដោយរដ្ឋាភិបាល រដ្ឋចរហ៊រ (Johor) ប្រទេសម៉ាឡេស៊ី។ ជារួមគម្រោងដែលមានមូលដ្ឋាននៅប្រទេសម៉ាឡេស៊ីដែលមានផ្ទៃដីប្រហែល៥,០០០អា គឺប្រហែលពីរភាគបីនៃទំហំទីក្រុងម៉ាកាវ។ ក្នុងតម្លៃវិនិយោគ១០០ពាន់លានដុល្លារអាមេរិក Forest City នឹងប្រើពេល ៣០ ឆ្នាំក្នុងការអភិវឌ្ឍន៍នេះហើយវានឹងបង្កើតឱកាសការងារ ២២០,០០០ កន្លែងសម្រាប់ប្រជាជនម៉ាឡេស៊ី។ កំឡុងពេលដែលការអភិវឌ្ឍន៍កំពុងបន្តមិនទាន់ចប់ក្តី តែអតិថិជនអាចនឹងចាប់ផ្តើមកាន់កាប់អចលនៈទ្រព្យខ្លះទៅតាមដំណាក់កាលផ្សេងៗនៃគម្រោង។រហូតមកដល់ពេលនេះប្រទេសចិន និងប្រទេសសិង្ហបុរីគឺជាវិនិយោគិនបរទេសដ៏សំខាន់នៃតំបន់អ៊ីសកាន់ដាម៉ាឡេស៊ី( Iskandar Malaysia) ដោយសារតែភាពងាយស្រួលក្នុងការចេញចូលទៅកាន់ប្រទេសសិង្ហបុរី។ គម្រោង Forest City ស្ថិតនៅចម្ងាយតែពីរគីឡូម៉ែត្រប៉ុណ្នោះពីប្រទេសសិង្ហបុរី ហើយជាមួយនឹងច្រកព្រំដែនផ្លូវគោក និងផ្លូវសមុទ្រ វាធ្វើឱ្យការតភ្ជាប់រវាងគម្រោងនេះ និងប្រទេសសិង្ហបុរីកាន់តែងាយស្រួល។ ជាក់ស្តែងយើងអាចរីករាយជាមួយនឹងសេវាកម្មឡានក្រុង ២៤ម៉ោង ទៅមកប្រទេសសិង្ហបុរី។ ការសាងសង់ផ្លូវហាយវ៉េបានផ្តល់នូវភាពងាយស្រួលក្នុងការធ្វើដំណើរទៅកាន់ទីក្រុងគូឡាឡាំពួរ(Kuala lumpur) និងចរហ៊របារូ (Johor Bahru) ។លោក គុយ វ៉ាត ជាប្រធាន និងជានាយកប្រតិបត្តិរបស់ Century21 Cambodia បានថ្លែងថា Century21 Cambodia មានជំនឿយ៉ាងខ្លាំងលើគម្រោង Forest City  របស់ Country Garden ដែលជាក្រុមហ៊ុនអភិវឌ្ឍន៍ធំជាងគេរបស់ប្រទេសចិន និងមានឈ្មោះនៅក្នុងបញ្ជីក្រុមហ៊ុនលំដាប់ថ្នាក់ពិភពលោកធំៗទាំង៥០០។  Country Garden Group  មានជាង៥០០គម្រោងនៅជុំវិញពិភពលោក និងមានប្រាក់ចំណូលពីការលក់ប្រចាំឆ្នាំបានជាង២០ពាន់លានដុល្លារ។"លោក គុយ វ៉ាត បាននិយាយថា "កេរ្តិ៍ឈ្មោះរបស់ក្រុមហ៊ុន និងគម្រោងនេះបានធ្វើឱ្យមានភាពងាយស្រួលដល់ Century21 Cambodia សម្រាប់ភាពជាដៃគូជាមួយគ្នា។" លោក Seraj Sutton នាយកគ្រប់គ្រងផ្នែកយុទ្ធសាស្រ្តអភិវឌ្ឍន៍ពាណិជ្ជកម្មសកល (GSBD) នៅក្រុមហ៊ុន Century21 Cambodia កម្ពុជាបានឱ្យដឹងថា “គោលដៅចម្បងរបស់យើងគឺផ្តោតសំខាន់ជាលក្ខណៈសាកល។ នេះមានន័យថាមិនត្រឹមតែជាការលើកកម្ពស់ឱកាសវិនិយោគពីប្រទេសកម្ពុជាទៅកាន់ទីផ្សារពិភពលោកប៉ុណ្ណោះទេ ប៉ុន្តែថែមទាំងជម្រុញឱកាសវិនិយោគអចលនទ្រព្យពីទូទាំងពិភពលោកមកវិនិយោគក្នុងស្រុកផងដែរ។ លើសពីនេះទៅទៀតយុទ្ធសាស្រ្តនេះថែមទាំងផ្តល់ឱកាសវិនិយោគអចលនទ្រព្យនៅបរទេសទៅដល់វិនិយោគិនអន្តរជាតិផងដែរ។”លោក Caleb Loh នាយកនៃផ្នែកអភិវឌ្ឍន៍អាជីវកម្មនៃ Country Garden Pacificview SDN BHD  បានថ្លែងថា "អាថ៌កំបាំងនៃភាពជោគជ័យដ៏ធំសម្បើមរបស់ក្រុមហ៊ុនរបស់យើងនៅជុំវិញពិភពលោកគឺគុណភាពរបស់ដៃគូយើង។ ដូច្នេះហើយ Century21 Cambodia គឺជាក្រុមហ៊ុនគម្រូសម្រាប់យើងក្នុងការធ្វើការងារជាមួយនឹងគម្រោងនេះ។”Forest City ត្រូវបានប្រកាសដោយរដ្ឋាភិបាលម៉ាឡេស៊ីថាជាតំបន់អភិវឌ្ឍន៍ដែលមិនជាប់ពន្ធដូចជា៖ ពន្ធនាំចូល ពន្ធទំនិញ និងសេវាកម្មផ្សេងៗ។ វិស័យទេសចរណ៍ ការអប់រំ និងការថែទាំសុខភាព នឹងទទួលបានការលើកលែងពន្ធសម្រាប់៥ឆ្នាំដំបូង។តំបន់អ៊ីសកាន់ដា ម៉ាឡេស៊ី (Iskandar Malaysia) គឺជាតំបន់ដ៏ជោគជ័យបំផុត និងជាទីតំាងគម្រោង Forest City។ ក្រៅពីច្រករបៀងសេដ្ឋកិច្ចទាំងប្រាំនៅប្រទេសម៉ាឡេស៊ី នៅឆ្នាំ ២០១៤ នាយករដ្ឋមន្រ្តីប្រទេស   ម៉ាឡេស៊ី លោក Najib Razak បានប្រកាសថា “សេដ្ឋកិច្ចនៅក្នុងតំបន់ចរហ៊រ (Johor) បានធានានូវចំនួនទឹកប្រាក់វិនិយោគចំនួន ៤៧ ពាន់លានដុល្លារ ដែល ៥១% ឬ ២៣,៨ ពាន់លានដុល្លាបានសំរេចវិនិយោគរួចទៅហើយ។សម្រាប់អ្នកទិញលំនៅដ្ឋានក្នុងគម្រោងនេះនឹងទទួលបាននូវភាពសោយសុខនៃការរស់នៅជាប់ឆ្នេរសមុទ្រ និងការផ្តល់សិទ្ធិកាន់កាប់រៀងរហូតសម្រាប់ដី និងអាផាតមេន( Apartment)  ដែលមានតម្លៃត្រឹមតែមួយភាគបួន (១/៤) ប៉ុណ្នោះបើធៀបទៅនឹងតំលៃអចលនទ្រព្យក្នុងប្រទេសសិង្ហបុរី។ គម្រោង Forest City ហ៊ុំព័ទ្ធដោយព្រៃកោងកាងដែលមានទំហំធំជាងគេលំដាប់ទីពីរក្នុងពិភពលោក និងរួមមានទាំងតំបន់ដីសើមអេកូឡូស៊ី និងធនធានធម្មជាតិផ្សេងទៀតព្រមទាំងមានតំបន់ឆ្នេរខៀវស្រងាត់ប្រវែង១០គីឡូម៉ែត្រទៀតផង។  Forest City បានលក់ចេញនូវដី និងអាផាតមេន ( Apartment)  ប្រភេទពីរបន្ទប់គេងដល់បួនបន្ទប់គេង ដែលអាចមើលឃើញទេសភាពមាត់សមុទ្រមានទំហំទឹកប្រាក់សរុបជាង ១,៥ ពាន់លានដុល្លារ ក្នុងរយះពេលតែ ៦ខែប៉ុណ្ណោះ។គម្រោង Forest City នឹងក្លាយជាទីក្រុងលំដាប់ពិភពលោកដំបូងគេដែលជាកន្លែងសាកវប្បកម្ម (បច្ចេកទេសក្នុងការដាំដុះរុក្ខជាតិ) គ្របដណ្តប់ផ្នែកខាងក្រៅនៃអគារបង្កើតបានជារបាំងអេកូ-បរិស្ថានធម្មជាតិដែលមានការការពារថាមពល ការបន្សុតខ្យល់ និងកាត់បន្ថយការបំពុលសំឡេង។ វាគឺជាគំនិតច្នៃប្រឌិតមួយក្នុងការរៀបចំផែនការទីក្រុងតាមលក្ខណៈមួយដែលមានសួនច្បារ និង កន្លែងកំសាន្តនៅជុំវិញក្រុងជាង២០គីឡូម៉ែត្រការ៉េ។ មិនមានរថយន្តឆ្លងកាត់ទីក្រុងនោះទេគឺត្រូវជំនួសដោយផ្លូវរថភ្លើងលើអាកាសតភ្ជាប់ទីក្រុងទាំងមូល ហើយជាពិសេសផ្លូវរថយន្ត និងកន្លែងចតរថយន្តត្រូវបានធ្វើនៅក្រោមដី ដែលមានន័យថាការធ្វើដំណើរថ្មើរជើងត្រូវបានបែងចែកដាច់ដោយឡែកពីរថយន្ត។ទស្សនៈវិស័យ និងយុទ្ធសាស្រ្តសកលដ៏អស្ចារ្យរបស់យើង។"លោក Seraj Sutton បានលើកឡើងថាវិនិយោគិនជាច្រើននៅជុំវិញពិភពលោករួមទាំងប្រទេសកម្ពុជាផងដែរ កំពុងស្វែងរកការវិនិយោគចម្រុះរបស់ពួកគេ។ នេះហើយជាមូលហេតុដែល Century21 Cambodia កំពុងបង្កើតឱកាសសម្រាប់វិនិយោគិនអចលនទ្រព្យក្នុងការ វិនិយោគក្នុងគម្រោងលំដាប់ថ្នាក់ពិភពលោកនេះ។" លោក Seraj Sutton និយាយថា Forest City សាកសមឥតខ្ចោះនៅក្នុង  "ទស្សនៈវិស័យ និងយុទ្ធសាស្រ្តសកលដ៏អស្ចារ្យរបស់យើង។"ដើម្បីស្វែងរកវិនិយោគិនសម្រាប់គម្រោង Forest City ក្រុមហ៊ុន Century21 Cambodia មានគោលបំណងពង្រីកភាពជាដៃគូជាមួយប្រទេសនានាដូចជា៖ កម្ពុជា ចិន ហុងកុង ម៉ាកាវ តៃវ៉ាន់ ម៉ាឡេស៊ី ឥណ្ឌូនេស៊ី វៀតណាម សិង្ហបុរី ជប៉ុន កូរ៉េ ថៃ បារាំង ឥណ្ឌា អូស្ត្រាលី កាណាដា និងសហរដ្ឋអាមេរិក។ស្វែងរកព័ត៌មានបន្ថែមអំពីឱកាសវិនិយោគនៅថ្ងៃនេះជាមួយ Century21 CambodiaClick here to download your free copy!

តំបន់សេដ្ឋកិច្ចពិសេសខេត្តព្រះសីហនុ (SSEZ) ជាតំបន់កិច្ចសហប្រតិបត្តិការសេដ្ឋកិច្ច និងពាណិជ្ជកម្មអន្តរជាតិដែលបានចាប់ផ្តើមភាពជាដៃគូជាមួយក្រុមហ៊ុន  Jiangsu Taihu Cambodia International Economic Cooperation Investment Co., Ltd និងក្រុមហ៊ុន Cambodia International Investment Development Group Co., Ltd.តំបន់សេដ្ឋកិច្ចពិសេសខេត្តព្រះសីហនុ (SSEZ) មានទីតាំងស្ថិតនៅចម្ងាយ៣គីឡូម៉ែត្រពីព្រលានយន្តហោះក្រុងព្រះសីហនុ និង ១២គីឡូម៉ែត្រពីកំពង់ផែទឹកជ្រៅអន្ដរជាតិក្រុងព្រះសីហនុ។ ហើយតំបន់នេះក៏ស្ថិតនៅជិតផ្លូវជាតិលេខ៤ និងមានចម្ងាយ ២១០ គីឡូម៉ែត្រពីរាជធានីភ្នំពេញ ខេត្តព្រះសីហនុជាទីក្រុងកំពង់ផែអន្ដរជាតិតែមួយគត់នៅក្នុងប្រទេសកម្ពុជា។យោងទៅតាមសារព័ត៌មានកោះសន្តិភាពកម្ពជា ដែលបានចេញផ្សាយកាលពីថ្ងៃទី២៤ ខែតុលា ឆ្នាំ ២០១៦ កន្លងទៅថ្មីៗនេះ លោក Jack Chen ដែលជាអគ្គនាយកក្រុមហ៊ុនតំបន់សេដ្ឋកិច្ចពិសេសក្រុងព្រះសីហនុបានលើកឡើងថា តំបន់សេដ្ឋកិច្ចពិសេសខេត្តព្រះសីហនុនឹងប្រែក្លាយជាទីក្រុងសិនជិនប្រទេសកម្ពុជា ដែលមានលក្ខណៈជឿនលឿន មានសក្តានុពលលើវិស័យសេដ្ឋកិច្ច និងឧស្សាហកម្ម ។តំបន់សេដ្ឋកិច្ចពិសេសខេត្តព្រះសីហនុ (SSEZ) មានផ្ទៃដីសរុបចំនួន ១១,១៣ គីឡូម៉ែត្រការ៉េក្នុងនោះមាន៥,២៨គីឡូម៉ែត្រការ៉េ ជាតំបន់ឧស្សាហកម្មធំៗ។ តំបន់សេដ្ឋកិច្ចពិសេសនេះមានរោងចក្រជាច្រើនដូចជា៖ រោងចក្រវាយនភ័ណ្ឌសម្លៀកបំពាក់ រោងចក្រគ្រឿងម៉ាស៊ីន គ្រឿងអេឡិចត្រូនិក និងឧស្សាហកម្មផលិតកម្មផ្សេងៗទៀតជាច្រើន។លោក Jack Chen បាននិយាយថា ឆ្លងកាត់ការអភិវឌ្ឍន៍រយៈពេល៨ឆ្នាំតំបន់សេដ្ឋកិច្ចពិសេសខេត្តព្រះសីហនុបានបង្កើតជាសួនឧស្សាហកម្មអន្តរជាតិស្រូបយកសហគ្រាស ការវិនិយោគ និងមានវិនិយោគិនមកពីប្រទេសចិន ជប៉ុន បារាំង កូរ៉េខាងត្បូង និងសហភាពអឺរ៉ុបជាដើម។ បច្ចុប្បន្នតំបន់សេដ្ឋកិច្ចពិសេសមួយនេះមានសហគ្រាសចំនួន១០៣ ក្នុងនោះ៨៨សហគ្រាស កំពុងដំណើរការ និងដោះស្រាយជីវភាពការងារជូនកម្មករ កម្មការិនីបានជាង១៦ម៉ឺននាក់ ។ជាមួយគ្នានេះដែរលោក Chen បានថ្លែងថា៖ “ទិសដៅខាងមុខតំបន់សេដ្ឋកិច្ចពិសេសនេះនឹងមានរោងចក្រចំនួន៣០០សហគ្រាសមកវិនិយោគដែលអាចស្រូបយកកម្លាំងពលកម្មចំនួន២០ម៉ឺននាក់។”ក្រៅពីផ្តល់ឱកាសការងារដល់ប្រជាពលរដ្ឋតំបន់សេដ្ឋកិច្ចពិសេសបានជួយបណ្តុះបណ្តាលភាសាចិនដល់កម្មករ កម្មការិនី សិស្សានុសិស្ស និងជួយសាងសង់សាលារៀនក្នុងឃុំបិតត្រាំង ហើយនៅថ្ងៃខាងមុខតំបន់សេដ្ឋកិច្ចពិសេសនឹងសាងសង់មជ្ឈមណ្ឌលបណ្តុះបណ្តាលវិជ្ជាជីវៈដើម្បីបង្ហាត់បង្រៀនជំនាញជូនប្រជាពលរដ្ឋកម្ពុជាឲ្យកាន់តែច្រើនដើម្បីប្រកួតប្រជែងសមាហរណកម្មក្នុងតំបន់អាស៊ាន។ ជាមួយគ្នានេះដែរតំបន់សេដ្ឋកិច្ចពិសេសនឹងសាងសង់មន្ទីរពេទ្យមានស្តង់ដាដើម្បីបម្រើសេវាសុខភាពជូនប្រជាពលរដ្ឋក៏ដូចជាកម្មករកម្មការិនី។ក្នុងដំណើរទស្សនកិច្ចរបស់លោកប្រធានាធិបតី ស៊ី ជីងពីង មកកម្ពុជាកាលពីពេលថ្មីៗនេះ លោកប្រធានាធិបតីក៏បានលើកឡើងពីការរីកចម្រើនយ៉ាងពិតប្រាកដនៃតំបន់សេដ្ឋកិច្ចពិសេសខេត្តព្រះសីហនុព្រមទាំងបានចង្អុលបង្ហាញពីគម្រោងអនុវត្តន៍កិច្ចសហប្រតិបត្តិការល្អក្នុងតំបន់សេដ្ឋកិច្ចដែលជាគំរូនៃកិច្ចសហប្រតិបត្តិការរវាងប្រទេសចិននិងកម្ពុជា ដោយផ្តើមពីគំនិតបង្កើតកិច្ចសហប្រតិបត្តិការតភ្ជាប់ហេដ្ឋារចនាសម្ព័ន្ធក្នុងក្របខ័ណ្ឌយុទ្ធសាស្ត្រ “ខ្សែក្រវាត់មួយផ្លូវមួយ” ។"តំបន់សេដ្ឋកិច្ចពិសេសខេត្តព្រះសីហនុនឹងជួយបង្កើនឱកាស និងបង្កើនជីវភាពសម្រាប់ពលរដ្ឋក្នុងតំបន់។ គម្រោងក៏នឹងបម្រើជាផលប្រយោជន៍ជូនប្រទេសជាតិទាំងមូលផងដែរ"  នេះជាការលើកឡើងរបស់លោក Chen។អានបន្ថែមពីគម្រោងអភិវឌ្ឍន៍នៅខេត្តព្រះសីហនុ នៅលើ Realestate.com.khClick here to download your free copy!

គម្រោងខុនដូ North Park ត្រូវបានរចនាឡើងទៅតាមសហសម័យថ្មីយ៉ាងល្អប្រណិតជាមួយ នឹងសេវាកម្មរស់នៅតាមបែបទាន់សម័យ មានលក្ខណៈបរិយាកាសធម្មជាតិខៀវស្រងាត់មានសោភ័ណភាពស្រស់ស្អាត។ លក្ខណៈពិសេសបំផុតមួយជាមួយនឹងគម្រោង North Park គឺមានទីធ្លាធំទូលាយផ្តល់នូវផាសុកភាពយ៉ាងសម្បូរបែប។ ជាមួយផ្ទៃដី១,២ហិចតាធ្វើជាសួនច្បារដ៏ស្រស់ស្អាត គម្រោងខុនដូ North Park មានបំណងចង់រួមបញ្ចូលគ្នារវាងទំហំបរិវេណខាងក្នុង និងបរិវេណជុំវិញគម្រោងឲ្យមានភាពកាន់តែមានភាពទាក់ទាញ។ គម្រោងនេះត្រូវបានធ្វើឡើងសម្រាប់របៀបរស់នៅលំដាប់ពិភពលោកមិនដូចគម្រោងដទៃឡើយគម្រោង North Park មានសោភ័ណភាពទាំងខាងក្នុងនិងខាងក្រៅជាមួយសេវាកម្មបែបរីស៊តលំដាប់ផ្កាយប្រាំ។គម្រោងមានរួមជាមួយនឹងអាងហែលទឹក ភោជនីយដ្ឋាន កន្លែងហាត់ប្រាណ កន្លែងក្មេងលេងដ៏ស្រស់ស្អាត និងមានសន្តិសុខ២៤ម៉ោងធ្វើឱ្យជីវិតនៃការរស់នៅរបស់អ្នកប្រកបដោយអារម្មណ៏ស្រស់ស្រាយ។ហិរញ្ញវត្ថុ៖៣៥%នៃ៥៥យូនីតរបស់អគារ Sapphire ដែលមាន៥៥យូនីតត្រូវបានលក់អស់មុននឹងប្រគល់គម្រោងឲ្យអតិថិជននៅក្នុងខែមេសាឆ្នាំ២០១៨។ បច្ចុប្បន្ននេះមានកម្មវិធីពិសេសមួយដែលហៅថា “North Parkធានាជូនពិសេស” (North Park Guarantee) ដែលផ្តល់ផលចំណេញច្រើនជូនអតិថិជន។ ការបញ្ចុះតម្លៃនេះគឺមានរយៈពេលកំណត់ត្រឹមតែ៧យូនីតប៉ុណ្ណោះ ហើយផ្តល់ជូន១៤%លើតម្លៃជួលត្រលប់រយៈពេល២ឆ្នាំ និងទទួលបានការផ្ទេរកម្មសិទ្ធិកាន់កាប់ដោយឥតគិតថ្លៃ។ក្រុមហ៊ុន Royal Group៖គម្រោងខុនដូ North Park គឺជាគម្រោងមួយរបស់ក្រុមហ៊ុន Royal Group កម្ពុជា។ ក្រុមហ៊ុន Royal Group កម្ពុជាត្រូវបានទទួលស្គាល់ថាជា “ក្រុមហ៊ុនសាជីវកម្មមួយមានសក្តានុពលប្រមូលផ្តុំដោយអាជីវកម្មច្រើនប្រភេទ”។ Royal Group កម្ពុជាគឺជាក្រុមហ៊ុនវិនិយោគ និងអភិវឌ្ឍន៏ដែលទទួលខុសត្រូវលើការអភិវឌ្ឍន៏ដូចជា៖ គម្រោងពាណិជ្ជកម្ម Yeng Sheng Global គម្រោងសាលារៀនអន្តរជាតិ Northbridge គម្រោងឆ្នេរខ្សាច់កោះរ៉ុង (The Royal Sands Koh Rong) និងគម្រោងសណ្ឋាគារកាំបូឌីយ៉ាណា។ គម្រោងទាំងនេះត្រូវបានគេទទួលស្គាល់ថាជាគម្រោងអភិវឌ្ឍន៏ដែលមានទ្រង់ទ្រាយធំបើធៀបនឹងគម្រោងក្នុងវិស័យដ៏ទៃទៀតដូចជា តួយ៉ាងគម្រោងផ្លូវរថភ្លើង Royal Railways។ ល្អប្រណិតភាពរបស់គម្រោង North Park៖គម្រោងខុនដូ North Park គឺជាគម្រោងអភិវឌ្ឍនដែលស្របតាមដង់ស៊ីតេប្រជាជនដែលរស់នៅក្នុងសហគមន៍នោះ ផ្តោតសំខាន់សម្រាប់ការរស់នៅជាលក្ខណៈគ្រួសារ។ គម្រោងនេះត្រូវបានរចនាឡើងដោយស្ថាបត្យករអន្តរជាតិ ដោយធ្វើតាមស្តង់ដាអន្តរជាតិតាំងពីអំឡុងពេលធ្វើផែនការ និងការសាងសង់។ គម្រោងខុនដូមានបន្ទប់ចាប់ពី១បន្ទប់គេងទៅ៣បន្ទប់គេងហើយមានទំហំចាប់ពី៥៥ម៉ែត្រការ៉េទៅ២៤៥ម៉ែត្រការ៉េ។  បន្ទប់ទាំងនេះមានស្តង់ដាល្អហើយមានរានហាលដែលអាច គយគន់មើលទេសភាពសួន ច្បារដ៏ស្រស់ស្អាត។គម្រោងនេះមានផ្តល់ជូននូវសេវាកម្មដូចជា៖ អាងហែលទឹក អាងហែលទឹកសម្រាប់កុមា កន្លែងហាត់ប្រាណទាន់សម័យ  បឹងធម្មជាតិ កន្លែងក្មេងលេង ភោជនីយដ្ឋាន និងកន្លែងអាំងសាច់(BBQ) សម្រាប់សមាជិកគ្រួសារផ្សេងគ្នា។ គម្រោងខុនដូនេះមានផ្ដល់នូវសន្តិសុខ២៤ម៉ោង និងមានប្រព័ន្ធ ទូរទស្សន៏CCTVទៀតផង។គម្រោងខុនដូមានទីតំាងតាមបណ្ដោយផ្លូវ២០០៤ក្នុងតំបន់ Northbridge ក្នុងរាជធានីភ្នំពេញ។ កន្លែងសំខាន់ៗក្នុងតំបន់នោះរួមមាន៖ សាលាអន្តរជាតិ Northbridge សាលាអន្តរជាតិ CIA FIRST ខេមបូឌេៀខន់ទ្រីក្លឹប និងផ្សារទំនើបផ្លាហ្ស៊ា។សម្រាប់ភាពល្អប្រណិត និងភាពទាន់សម័យជាលំនៅដ្ឋានសម្រាប់អ្នក និងគ្រួសាររបស់អ្នក គម្រោងខុនដូ North Park គឺជាជម្រើសល្អបំផុតសម្រាប់អ្នក។ស្វែងយល់បន្ថែមអំពីគម្រោងខុនដូ North Park ឥឡូវនេះ!Click here to download your free copy!

ខណៈដែលទីក្រុងបានរីកឥតឈប់ឈរ សង្កាត់ចោមចៅ សង្កាត់កាកាប ត្រូវបានគេមើលឃើញថាមានផ្ទះធំៗ និងឧស្សាហកម្មលូតលាស់យ៉ាងខ្លាំង។សេចក្ដីផ្ដើមស្ថិតនៅភាគខាងលិចនៃទីក្រុង ខណ្ឌពោធិ៍សែនជ័យបច្ចុប្បន្នជាខណ្ឌធំជាងគេមួយក្នុងចំណោមខណ្ឌទាំង១២ក្នុងរាជាធានីភ្នំពេញ ហើយមានលំនៅដ្ឋានចំនួន១៨៤,០០០។ បច្ចុប្បន្នខណ្ឌពោធិ៍សែនជ័យ ត្រូវបានបែងចែកជាសង្កាត់ចំនួន១០មានដូចជា៖ សង្កាត់ បឹងធំ សង្កាត់ចោមចៅ សង្កាត់កាកាប សង្កាត់កំបូល សង្កាត់ឱឡោក សង្កាត់ ភ្លើងឆេះរទេះ សង្កាត់សម្រោងក្រោម សង្កាត់ស្នោរ និងសង្កាត់ ត្រពាំងក្រសាំង។ ខណ្ឌពោធិ៍សែនជ័យជាប់ព្រំប្រទល់ជាមួយនឹងខណ្ឌចំនួនបួនមានដូចជា៖ ខណ្ឌព្រែកភ្នៅ ស្ថិតនៅភាគខាងជើង ខណ្ឌសែនសុខ និងខណ្ឌ មានជ័យស្ថិតនៅភាគខាងកើត និងខណ្ឌដង្កោស្ថិតនៅភាគខាងត្បូងនៃខណ្ឌពោធិ៍សែនជ័យ។ការសង្ខេបអំពីទីផ្សារខណ្ឌពោធិ៍សែនជ័យរយៈពេលមួយទស្សវត្សចុងក្រោយនេះត្រូវបានគេមើលឃើញថា មានការអភិវឌ្ឍន៍ឥតឈប់ឈរ ជាពិសេសគឺវិស័យលំនៅដ្ឋាន វិស័យពាណិជ្ជកម្ម និងអនុវិស័យឧស្សាហកម្មដែលធ្វើឱ្យតម្លៃដីកើនឡើង។ ខណ្ឌ ពោធិ៍សែនជ័យត្រូវបានគេសង្កេតរយៈពេល៣ឆ្នាំឃើញថា ខណ្ឌនេះមានកំណើនតម្លៃដីជាមធ្យម៣១ភាគរយចាប់ពី ១១០ដុល្លារក្នុងមួយម៉ែត្រការ៉េក្នុងឆ្នាំ២០១៣ រហូតដល់ឆ្នាំ២០១៦កើនដល់ជាមធ្យមក្នុងខណ្ឌប្រហែល១៧០ដុល្លារក្នុងមួួយម៉ែត្រការ៉េគិតត្រឹមត្រីមាសទី៣ឆ្នាំ២០១៦។ ក្នុងរយៈពេល៣ឆ្នាំ២០១៤និង២០១៥ ត្រូវបានគេកត់សម្គាល់ថាជាឆ្នាំដែលតម្លៃដីឡើងខ្លាំងបំផុត ប៉ុន្តែអំឡុង៣ត្រីមាសក្នុងឆ្នាំ២០១៦តម្លៃក៏ធ្លាក់ចុះ នេះធ្វើអោយមានការផ្លាស់ទីពីស្ថានភាពមួយដែលទីផ្សារអចលនទ្រព្យរួមបានធ្លាក់ចុះជាលំដាប់គិតចាប់តាំងពីចុងឆ្នាំ២០១៥ មក។ផ្ទុយទៅវិញទីផ្សារលំនៅដ្ឋាននិងការពុះដីឡូត៏ដែលត្រូវបានធ្វើឡើងដោយអ្នកអភិវឌ្ឍន៏ត្រូវបានគេមើលឃើញថាជា កត្តាជម្រុញឱ្យទីផ្សារងើបឡើងវិញម្ដងទៀតប៉ុន្តែមានការកើនឡើងយឺតដែលការផ្លាស់ប្តូរនេះនៅតែបន្តជួយជម្រុញ ឱ្យមានតម្រូការទីផ្សារ ហើយកត្តានេះអាចរក្សាតម្លៃអចលនទ្រព្យពីការធ្លាក់ចុះយ៉ាងខ្លាំងមកធម្មតាវិញ។ទីផ្សារដីនឹងតម្លៃជាទូទៅតម្លៃដីក្នុងខណ្ឌពោធិ៍សែនជ័យកើនឡើង៣១ភាគរយពីមួយឆ្នាំទៅមួយឆ្នាំចាប់តាំងពីឆ្នាំ២០១៣រហូតដល់ឆ្នាំ ២០១៥ ខណៈដែលសង្កាត់ចំនួន២សង្កាត់កាកាប និងសង្កាត់ចោមចៅ កើនឡើងតិចជាង១០ភាគរយពីមួយឆ្នាំទៅមួយឆ្នាំ ពីព្រោះតម្លៃដីក្នុងសង្កាត់២នេះបានឡើងរួចទៅហើយបើធៀបទៅនឹងសង្កាត់ផ្សេងទៀតក្នុងខណ្ឌពោធិ៍សែនជ័យ។ប៉ុន្តែជាងនេះទៅទៀតក្នុងការឱ្យតម្លៃដីធ្លីនិងតំបន់ពាណិជ្ជកម្ម សង្កាត់កាកាប និងសង្កាត់ចោមចៅ ជាសង្កាត់ដែលលេចធ្លោជាងសង្កាត់ផ្សេងទៀតវាក៏ជាទីតំាងដ៏ល្អសម្រាប់ទិសដៅអាជីវកម្ម។ សង្កាត់កាកាបស្ថិតនៅជាប់សង្កាត់ទឹកថ្លានៃខណ្ឌសែនសុខប៉ុន្តែសង្កាត់ចោមចៅស្ថិតនៅភាគខាងលិច។ក្នុងសង្កាត់ចោមចៅតម្លៃដីក្នុងសង្កាត់ប្រហែល៣៥ដុល្លារក្នុងមួយម៉ែត្រការ៉េ ក្នុងតំបន់មិនទាន់អភិវឌ្ឍន៏នៅតាមផ្លូវសំខាន់ៗ មានតម្លៃ១,៨០០ដុល្លាក្នុងមួយម៉ែត្រការ៉េ (ជាក់ស្ដែងតាមបណ្ដោយមហាវិថីសហព័ន្្ធរុស្សី) និងតំបន់ពាណិជ្ជកម្មមួយចំនួន ទៀត។ តម្លៃដីជាមធ្យមក្នុងសង្កាត់ ចោមចៅមានតម្លៃ ៤០០ដុល្លារ ក្នុងមួយម៉ែត្រការ៉េក្នុងត្រីមាសទី៣ឆ្នាំ២០១៦ដែលកើនឡើងពី៣២០ដុល្លារកាលពីឆ្នាំ២០១៣ កំណើនជាមធ្យមសម្រាប់តម្លៃដីនៅលើទីផ្សារប្រហែល៨ភាគរយពីមួយ ឆ្នាំទៅមួយឆ្នាំ។ សង្កាត់ចោមចៅស្ថិតនៅជិតព្រលានយន្តហោះអន្តរជាតិភ្នំពេញហើយស្ថិតនៅជិតផ្លូវនៃរាជធានីមួយចំនួនផងដែរដូចជា៖ មហាវិថីសហព័ន្ធរុស្សី ផ្លូវជាតិលេខ៣ និងផ្លូវជាតិលេខ៤ ជាងនេះទៅទៀត វាស្ថិតនៅជាប់បណ្ដោយមហាវិថីវ៉េងស្រេង ទៀតផង។បើយោងទៅលើទីតាំងភូមិសាស្រ្តសង្កាត់កាកាប មានលក្ខខណ្ឌទីផ្សារដូចសង្កាត់ចោមចៅដែរប៉ុន្តែស្ថិតនៅជិតតំបន់ពាណិជ្ជកម្មរបស់រាជធានីជាងសង្កាត់ចោមចៅដែលធ្វើឱ្យសង្កាត់កាកាបមានភាពលេចធ្លោដែលធ្វើឲ្យដីមានតម្លៃខ្ពស់និងតម្រូវការពាណិជ្ជកម្មជាងសង្កាត់ចោមចៅ។ តម្លៃដីនៅសង្កាត់កាកាបកើនឡើង១០ភាគរយជារៀងរាល់ឆ្នាំពីមធ្យម៣៨០ដុល្លារក្នុងមួយម៉ែត្រការ៉េ នៅឆ្នាំ២០១៣ ទៅ ៤៩០ ដុល្លារ ក្នុងត្រីមាសទី៣ ឆ្នាំ២០១៦។ តម្លៃដីរបស់ទីផ្សារដីនៅសង្កាត់កាកាបមានតម្លៃទាបបំផុតចាប់ពី ៧០ដុល្លារ ក្នុងមួយម៉ែត្រការ៉េ ហើយនៅក្នុងតំបន់មិនទាន់អភិវឌ្ឍន៏នៅតាមបណ្ដោយមហាវិថីសំខាន់ៗនិងតំបន់ពាណិជ្ជកម្មសំខាន់ៗ មួយចំនួនទៀតមានតម្លៃប្រហែល ២,០៨០ ដុល្លារក្នុងមួយម៉ែត្រការ៉េ។ជាងនេះទៅទៀតកំណើនតម្លៃដីគួឱ្យកត់សម្គាល់បានបង្ហាញថាក្នុងសង្កាត់ដែលអភិវឌ្ឍន៏តិចតួចថាហាក់បីដូចជាប្រកួតប្រជែង ជាមួួយតម្លៃក្នុងតំបន់សំខាន់ៗនិងបណ្ដោយផ្លូវសំខាន់ៗ  ការយល់ឃើញនេះមានឥទ្ធិពលទៅលើតំបន់ដែលមិនទាន់អភិវឌ្ឍន៏មួយចំនួនក្នុងខណ្ឌពោធិ៍សែនជ័យ។ ជាក់ស្ដែងចំពោះឃុំដែលមានការអភិវឌ្ឍន៏តិចតួចដូចជា៖ សង្កាត់សម្រោងក្រោម សង្កាត់ កំបូលសង្កាត់ស្នោរ និងសង្កាត់ត្រពាំងក្រសាំងដែលតម្លៃដីធ្លាប់កើនឡើងប្រហែល៤០ភាគរយពីមួយឆ្នាំទៅមួយឆ្នាំជាពិសេសពីតម្លៃទាបទៅតម្លៃខ្ពស់ដោយការអភិវឌ្ឍន៏ទាន់សម័័យដោយការពុះដីឡូត៏លក់។ សង្កាត់សម្រោងក្រោមដែលស្ថិតនៅជិតផ្លូវទំនប់កប់ស្រូវត្រូវបានគេមើលឃើញថាតម្លៃកើនឡើងគួរឱ្យកត់សម្គាល់តាមរយៈការអភិវឌ្ឍន៏ផ្លូវថ្នល់ដែលកំពុងតែសាងសង់ជិតនឹងរួចរាល់។ ក្នុងឆ្នាំ២០១៣តម្លៃដីក្នុងទីផ្សារជាមធ្យមក្នុងសង្កាត់សម្រោងក្រោមប្រហែលជា៤៥ដុល្លារក្នុងមួយម៉ែត្រការ៉េហើយក្នុងត្រីមាសទី៣ឆ្នាំ២០១៦ តម្លៃដីជាមធ្យមឡើងដល់១៥០ដុល្លារក្នុងមួយម៉ែត្រការ៉េ។ កំណើនជាមធ្យមប្រចាំឆ្នាំកើនឡើងក្នុងសង្កាត់សម្រោងក្រោមប្រហែលជា៨០ភាគរយក្នុងរយៈពេល ៣ឆ្នាំ។ស្រដៀងគ្នានេះដែរសង្កាត់កំបូលសង្កាត់ស្នោរ និងសង្កាត់ត្រពាំងក្រសាំងតម្លៃដីធ្លាប់ឡើងយ៉ាងខ្លាំងគឺដោយសារ (១)ការកើនឡើងការអភិវឌ្ឍន៏ដោយពុះដីឡូត៏លក់(២) កើនឡើងតម្រូវការចំពោះដីដែលមានតម្លៃទាប និងតំបន់ជាយក្រុងនៃរាជធានី និង (៣) ការពង្រីកជាយក្រុងជាពិសេសនៅដើមទស្សវត្សនេះ។  ផ្លូវសំខាន់ៗនិងតម្លៃសង្កាត់ចោមចៅសង្កាត់ចោមចៅស្ថិតនៅខាងលិចឈាងខាងត្បូងនៃព្រលានយន្តហោះអន្តរជាតិភ្នំពេញដែលជាតំបន់ពាណិជ្ជកម្មនិង លំនៅដ្ឋានពិសេសគឺស្រដៀងនឹងសង្កាត់កាកាបដែរ។ ទីក្រុងលំនៅដ្ឋាននិងសកម្មភាពពាណិជ្ជកម្មផ្ដោតតែទៅលើតែតាមបណ្ដោយផ្លូវសំខាន់ៗដូច្នេះធ្វើឱ្យតម្លៃអចលនទ្រព្យនៅជិតផ្លូវថ្លៃជាងតំបន់ដែលមានការអភិវឌ្ឍន៏តិច និងជាយក្រុងដែលមិនទាន់អភិវឌ្ឍន៏។ ក្នុងត្រីមាសទី៣ឆ្នាំ២០១៦តម្លៃដីជាមធ្យមតាមបណ្ដោយមហាវិថីសហព័ន្ធរុស្សីក្នុងសង្កាត់ចោមចៅប្រហែល១,៥២០ដុល្លារ ក្នុងមួយម៉ែត្រការ៉េដែលតម្លៃដីមានចន្លោះពី ១,៤០០ ដុល្លារទៅ១,៨០០ដុល្លារក្នុងមួយម៉ែត្រការ៉េ។ផ្លូវជាតិលេខ៤ជាផ្លូវភ្ជាប់ជាមួយមហាវិថីសហព័ន្ធរុស្សីដែលដីនៅតាមបណ្ដោយផ្លូវនេះមានតម្លៃជាមធ្យម៤៣០ដុល្លារក្នុងមួយម៉ែត្រការ៉េ។ តម្លៃជារួមចាប់ពី១៤០ដុល្លារក្នុងមួយម៉ែត្រការ៉េ នៅភាគខាងលិចនៃសង្កាត់ហើយដីមានតម្លៃ១,៣០០ដុល្លារ ក្នុងមួយម៉ែតការ៉េក្នុងតំបន់ជិតរង្វង់មូលចោមចៅ។នៅតាមបណ្ដោមហាវិថីវ៉េងស្រេងតម្លៃដីចន្លោះពី៦០០ដុល្លាក្នុងមួយម៉ែត្រការ៉េក្នុងតំបន់ដែលមានការអភិវឌ្ឍន៏តិចទៅ១,៥៥០ ដុល្លារក្នុងមួយម៉ែត្រការ៉េ ក្នុងតំបន់ពាណិជ្ជកម្មពិសេសដែលតម្លៃនៅលើទីផ្សារជាមធ្យម៨៥០ដុល្លារក្នុងមួយម៉ែត្រការ៉េ។សង្កាត់កាកាបសង្កាត់កាកាបស្ថិតនៅជិតទីក្រុងនិងជាសង្កាត់ដែលនៅជិតព្រលានយន្នហោះអន្តរជាតិភ្នំពេញ។ សង្កាត់នេះជាប់នឹងផ្លូវធំៗចំនួន៤ដែលជាទីកន្លែងធ្វើអាជីវកម្មសំខាន់ៗដូច្នេះហើយវាធ្វើឱ្យតម្លៃដីនៅតំបន់នេះមានតម្លៃខ្ពស់។តំបន់ដីដែលមានតម្លៃខ្ពស់ក្នុងសង្កាត់កាកាបគឺតាមបណ្ដោយមហាវិថីសហព័ន្ធរុស្សីដែលតាមបណ្ដោយផ្លូវនេះដីមានតម្លៃ ប្រហែល១,៦៥០ដុល្លារ ក្នុងមួយម៉ែត្រការ៉េក្នុងត្រីមាសទី៣ ឆ្នាំ២០១៦ តម្លៃជាមធ្យមប្រហែល៨៥០ដុល្លារ ឡើងទៅក្នុងមួយម៉ែត្រការ៉េ ជាធម្មតាដីដែលទំនេរធំៗមានតម្លៃ ២,០៨០ ដុល្លារ ក្នុងមួយម៉ែត្រការ៉េ នៅតាមតំបន់ពាណិជ្ជកម្មសំខាន់ៗ។នៅតាមបណ្ដោយផ្លូវដែលដីមានតម្លៃថ្លៃនៅសង្កាត់កាកាបគឺផ្លូវ២០០៤ក្រៅពីមហាវិថីសហព័ន្ធរុស្សីនៅតាមផ្លូវវត្ដអង្គតាមិញ។ តាមបណ្ដោយផ្លូវ ២០០៤ តម្លៃដីនៅលើទីផ្សារជាមធ្យមគឺ ១,៣០០ ដុល្លារក្នុងមួយម៉ែត្រការ៉េហើយតម្លៃជាមធ្យមពី៨០០ដុល្លារ ទៅ ១,៨៥០ ដុល្លារក្នុងមួយម៉ែត្រការ៉េ។បន្ទាប់មកតាមបណ្ដោយផ្លូវឧកញា ទ្រី ហេង (ផ្លូវ ២០១១) ដែលជាតំបន់ដីក្រៅពីមហាវិថីសហព័ន្ធរុស្សីឆ្លងកាត់ផ្លូវរថភ្លើង តម្លៃដីជាមធ្យម៧៨០ដុល្លារ ក្នុងមួយម៉ែត្រការ៉េ តម្លៃទាបបំផុតចាប់ពី ៥៧០ ដុល្លារ ទៅ១,២០០ដុល្លា ក្នុងមួយម៉ែត្រការ៉េ។ ក្រៅពីនេះ នៅតាមបណ្ដោយផ្លូវ១០៥កា តម្លៃដីមានការប្រកួតប្រជែងទាបជាង។ នៅត្រីមាសទី៣ក្នុងឆ្នាំ២០១៦ តម្លៃដីលើទីផ្សារជាមធ្យមនៅតាមបណ្ដោយផ្លូវនេះគឺ៣០០ដុល្លារក្នុងមួយម៉ែត្រការ៉េ បើទោះបីជាតំបន់ពេញនិយមមួយចំនួនមានតម្លៃរហូតដល់៧៥០ ដុល្លារក្នុងមួួយម៉ែត្រការ៉េក៏ដោយ។ទស្សនៈនិងការប្រែប្រួលទីផ្សារនឹងបម្រែបម្រួលតម្លៃការកើនឡើងតម្លៃដីនៅខណ្ឌពោធិ៍សែនជ័យហាក់បីដូចជានៅថេរតាំងពីដើមឆ្នាំកន្លងទៅ ហើយវាត្រូវបានគេព្យាករណ៏ថានឹងកើនឡើងបន្តិចបន្តួចនៅពីរឆ្នាំក្រោយដែលចាប់ពីឆ្នាំ២០១៨ទៅ។ ជាទូទៅការកើនឡើងតម្លៃដីនៅខណ្ឌពោធិ៍សែនជ័យធ្លាក់ចុះ០,២ភាគរយនៅត្រីមាសទី៣ក្នុងឆ្នាំ២០១៦ទោះបីជាយ៉ាងនេះក្ដីវាមិនបណ្ដាលឱ្យប៉ះពាល់កំណើនតម្លៃដីទាំងមូលនៅក្នុងខណ្ឌឡើយ។ប៉ុន្តែទោះជាយ៉ាងណាក៏ដោយតម្លៃដីក៏ដូចជាតម្លៃអចលនទ្រព្យដទៃទៀតនៅទីក្រុងភ្នំពេញ នឹងកើនឡើងម្ដងទៀតនៅឆ្នាំ ២០១៩។ការពង្រីកក្រុងដោយសារតែដីដែលមានការអភិវឌ្ឍន៏និងអចលនទ្រព្យដីធ្លីជាមួយនិងការប្រៀបធៀបតម្លៃដីទាបៗ ខណ្ឌពោធិ៍សែនជ័យត្រូវបានគេមើលឃើញថាជាឱកាសល្អសម្រាប់ការពង្រីកក្រុងនិងការផ្លាស់ទីលំនៅឬ ការផ្ដល់នូវសេវាកម្មជាច្រើនទៀតនៅតំបន់នោះ។លំនៅដ្ឋាន មានប្រភេទជាច្រើនក៏ដូចជាការពង្រីកតំបន់ពាណិជ្ជកម្មត្រូវបានធ្វើឡើងក្នុងផ្នែកផ្សេងៗនៃខណ្ឌ ជាពិសេស សង្កាត់ដែលមានប្រជាប្រិយភាពគឺសង្កាត់កាកាប និងសង្កាត់ចោមចៅ ដែលជាសង្កាត់ដ៏ពេញនិយមនៅក្នុងខណ្ឌហើយធ្វើឱ្យមានកំណើនតម្រូវការលំនៅដ្ឋានថ្មីៗនិងជាប់ទាក់ទងការពង្រីកហេដ្ឋារចនាសម្ព័ន្ធផងដែរ។មានឱកាសជាច្រើននៅទីនោះជាច្រើនឆ្នាំមកហើយចំពោះខណ្ឌពោធិ៍សែនជ័យ ពីព្រោះតែតំបន់នៅទីនោះ ដែលជាតំបន់ជាប់និងផ្លូវសំខាន់ៗ ហើយជាខណ្ឌដែលមានសក្តានុពលសម្រាប់ពង្រីកទីក្រុង ហើយក៏ដូចជាការបង្កើនកំណើនប្រជាជន ឧស្សាហកម្ម និងទឹសដៅពាណិជ្ជកម្ម។ លើសពីនេះទៅទៀតជួយបង្កើនតម្រូវការអភិវឌ្ឍន៏ជាមួយតម្លៃដីទាប ហើយក៏ដូចជាការផ្ដល់ឱកាសអោយខណ្ឌមានការរីកចម្រើន។ចាប់តាំងពីពេលថ្មីៗនេះខណ្ឌពោធិ៍សែនជ័យត្រូវបានគេកត់សម្គាល់ថាមានការអភិវឌ្ឍន៏ជាច្រើនបានផ្ដោតទៅលើសង្កាត់ កាកាបនិង សង្កាត់ចោមចៅ ពីព្រោះសង្កាត់ទាំងពីរជាប់នឹងផ្លូវសំខាន់ៗ និងសកម្មភាពពាណិជ្ជកម្មដើម្បីបំពេញតម្រូវការនៃការកើនឡើងចំនួនសហគមន៏នៅតបន់នោះ។ផ្លូវទំនប់កប់ស្រូវគឺជាផ្លូវក្រវ៉ាត់ក្រុងមួយដែលនឹងត្រូវបានសាងសង់រួចរាល់ ខណៈដែលមហាវិថីវ៉េងស្រេងត្រូវបានស្ដារឡើងវិញដោយកំពុងតែត្រូវបានពង្រីកជាផ្លូវប៉េតុងដែលមានទទឹង២២ម៉ែត្រ។ ផ្លូវទាំងពីរឆ្ពោះទៅសង្កាត់ចោមចៅ និងផ្នែកដទៃទៀតនៃទីក្រុងភ្នំពេញ។ សមិទ្ធផលទាំងនេះបង្កើតឱ្យមានឱកាសជាច្រើនដែលធ្វើឱ្យអចលនទ្រព្យកើនតម្លៃ និងធ្វើឱ្យមានសក្ដានុពលអភិវឌ្ឍន៏នៅតំបន់នោះជាពិសេសនៅតាមបណ្ដោយផ្លូវទាំងនោះ។ក្នុងសង្កាត់កាកាបការអភិវឌ្ឍន៏ថ្មីៗលើវិស័យលំនៅដ្ឋាន និងអនុវិស័យពាណិជ្ជកម្ម។ ការអភិវឌ្ឍន៏គួរឱ្យកត់សម្គាល់ ដែលកំពុងតែសាងសង់គឺគម្រោងលំនៅដ្ឋាន Budaiju (ជាគម្រោងខុនដូ) និងគម្រោងLion Mall (ជាគម្រោងពាណិជ្ជកម្ម និងផ្សារទំនើប) នៅតាមបណ្ដោយមហាវិថីសហព័ន្ធរុស្សី ក៏ដូចជាគម្រោងលំនៅដ្ឋានជាច្រើនផ្សេងទៀតដែលគម្រោងទាំងនេះខ្លះសាងសង់រួច និងខ្លះទៀតកំពុងសាងសង់។បម្រែបម្រួលពាណិជ្ជកម្មកាកើនឡើងតម្លៃដី និងតម្លៃជួលក្នុងតំបន់នៅជិតទីក្រុង នឹងជម្រុញឱ្យរោងចក្រដែលពឹងផ្អែកទៅលើការជួលពិចារណា ផ្លាស់ទីទៅតំបន់ជាយក្រុងដូចជា ភាគខាងលិចនៃខណ្ឌពោធិ៍សែនជ័យ ដែលតម្លៃឈ្នួល និងតម្លៃនៃការរស់នៅរបស់កម្មករនិយោជិតទាបជាង។ ម្យ៉ាងវិញទៀតមានភាពងាយស្រួលឆ្លងកាត់ផ្លូវជាតិលេខ៤ហើយជាប់នឹងកំពង់ផែដែលធ្វើឱ្យវិនិយោគិនពិចារណាផ្លាស់ប្តូរទឹសដៅសាងសង់រោងចក្រ និងទិសដៅពាណិជ្ជកម្មទៅតំបន់នោះ។បច្ចប្បន្នខណ្ឌពោធិ៍សែនជ័យជាតំបន់ដែលមានរោងចក្រចំនួន៤០ភាគរយនៃរោងចក្រសរុបក្នុងរាជធានីភ្នំពេញខ្ពស់ជាងខណ្ឌដង្កោ(២២ ភាគរយ) និងខណ្ឌមានជ័យ(១៥ ភាគរយ)។ស្វែងយល់បន្ថែមអំពីកម្ពុជាបច្ចុប្បន្នជាមួយនឹងព័ត៌មានលម្អិតនៃទីតំាង!Click here to download your free copy!

ការប្រែប្រួលសំខាន់ៗមាន៖កំណើនផលិតផលក្នុងស្រុកសរុប៧ភាគរយសម្រាប់ឆ្នាំ២០១៦ ហើយត្រូវគេបានរំពឹងថានឹងកើនឡើង៧.១ភាគរយក្នុងឆ្នាំ២០១៧។អត្រាផលិតផលសរុបខ្ពស់ជាងអត្រាផលិតផលក្នុងសរុបជាមធ្យមរបស់ប្រទេសក្នុងតំបន់អាស៊ីអាគ្នេយ៏ប្រហែល ២.៥ ភាគរយ។ប្រភពចម្បងនៃកំណើនផលិតផលក្នុងស្រុកសរុបរួមមាន វិស័យកសិកម្ម វិស័យកាត់ដេរនិងស្បែកជើង វិស័យសំណង់និងទេសចរណ៏។វិស័យសំណង់ជាកត្តាលីករដ៏សំខាន់ក្នុងការជម្រុញឱ្យផលិតផលក្នុងស្រុកកើនឡើងក្នុងឆ្នាំ២០១៦។៨ខែដំបូងក្នុងឆ្នាំ២០១៦ កំណើនការវិនិយោគដោយផ្ទាល់ពីបរទេសក្នុងវិស័យអចលនទ្រព្យកើនឡើងប្រហែល៧០០ភាគរយបើធៀបទៅនឹង ឆ្នាំ២០១៥មានទឹកប្រាក់សរុបជាង៧,២ពាន់លានដុល្លារ។ចំពោះអតិផរណាវិញមានកម្រិតមធ្យមប៉ុណ្ណោះ។ផលិតផលក្នុងស្រុកសរុបសម្រាប់មនុស្សម្នាក់ពី ១០០ ដុល្លារទៅ ១,២១៦ ដុល្លារក្នុងឆ្នាំ២០១៥ ហើយត្រូវបានគេព្យាករណ៏ថានឹងកើនឡើងដល់១,៣២៥ ដុល្លារក្នុងឆ្នាំ២០១៦។ប្រទេសកម្ពុជាក្លាយជាប្រទេសដែលមានប្រាក់ចំណូល “មធ្យមកម្រឹតទាប” គិតត្រឹមថ្ងៃទី១ ខែកក្កដា ឆ្នាំ២០១៦។ការចាយលុយដុល្លារបង្ហាញឱ្យឃើថាចិននិងសភាពអ៊ឺរ៉ុបមានការរុញរាក្នុងការវិនិយោគក្នុងទិផ្សារកម្ពុជា។   ការប្រែប្រួលផលិតផលក្នុងស្រុកសរុប៖លោក Rami Sharaf ដែលជាសមាជិក្រុមប្រឹក្សាពីគ្រោះយោបល់អន្តរជាតិ និងជាសមាកជិក APCO Worldwide បាននិយាយថា “កត្តាទាក់ទាញដ៏សំខាន់ដែលនាំអោយវិនិយោគិនបរទេសពិចារណាថាតើពួកគេគួរវិនិយោគក្នុងប្រទេសកម្ពុជាដែរឬទេ ស្របពេលដែលប្រទេសនេះជាសមាជិកសមាគមអាស៊ាន និងសេដ្ឋកិច្ចកម្ពុជាកើនឡើង៧.៥ភាគរយក្នុងរយៈពេល៥ឆ្នាំកន្លងទៅ និងមានកំណើនកើនឡើងពីមួួយឆ្នាំទៅមួយឆ្នាំ។ កំណើននេះធ្វើឱ្យប្រទេសកម្ពុជាក្លាយជាប្រទេសដែលរីកចម្រើនខ្លាំងជាងគេបំផុតក្នុងសតវត្យរ៏ទី២១។ ទោះបីជាអត្រានៃផលិតផលក្នុងស្រុុកសរុបបានធ្លាក់ចុះបន្តិចក្នុងឆ្នាំ២០១៦ ប៉ុន្តែវានៅតែស្ថិតនៅកម្រិតកំណើនល្អជាងគេនៅតំបន់អាស៊ី ដែលមានផលិតផលក្នុងស្រុកសរុបប្រហែ២,៥ភាគរយ នេះបើយោងទៅលើរបាយការណ៍ អចលនទ្រព្យកម្ពុជាឆមាសទី១ ឆ្នាំ២០១៦ របស់Knight Frank Cambodia ដែលបានចេញក្នុងពេលថ្មីៗនេះ។នៅក្នុងឆ្នាំ២០១៥ ធនាគារអភិវឌ្ឍន៏អាស៊ី(ADB) បានព្យាករណ៏ថា នៅឆ្នាំ ២០១៦ កំណើនផលិតផលក្នុងស្រុកសរុបរបស់កម្ពុជាកើនឡើង ៧,២ភាគរយ។ ប៉ុន្តែជាក់ស្ដែងធនាគារអភិវឌ្ឍអាស៊ីបានរកឃើញថាអត្រាកំណើននេះមានការថយចុះបន្តិច មានត្រឹមតែ៧,០ភាគរយប៉ុណ្ណោះសម្រាប់ឆ្នាំ២០១៦នេះ ហើយ ថាឆ្នាំ២០១៧ត្រូវបានរំពឹងថាកើនឡើងដល់៧,១ភាគរយ។ធនាគារពិភពលោកយល់ស្របជាមួយនឹងការព្យាករណ៏សន្ទស្សន៏របស់ធនាគារអភិវឌ្ឍន៏អាស៊ីសម្រាប់ឆ្នាំ២០១៦។ ធនាគារពិភព លោកអះអាងថា “ វិស័យវាយនភណ្ឌ រួមទាំងសំណង់ និងសេវាកម្មផ្សេងទៀតគឺដើរតួរយ៉ាងសំខាន់សម្រាប់សេដ្ឋកិច្ចម្ពុជា។ ការកើនឡើងនៅតែរំពឹងថាខ្លាំងដដែលក្នុងឆ្នាំ២០១៦ ដោយសារការងើបលើងវិញនូវតម្រូវការក្នុងស្រុក និងសកត្តានុពលនៃការនាំចេញវិស័យកាត់ដេរ ដែលអាចទប់ទល់ជាមួយការជាប់គាំងវិស័យកសិកម្ម និងការធ្លាក់ចុះនៃវិស័យទេសចរណ៏។”ធនាគារពិភពលោកអះអាងថាហានិភ័យអាក្រក់រួមមាន “បញ្ហាកម្លាំងពលកម្ម ការបន្តប្រើប្រាស់លុយដុល្លារ ការងើបឡើងវិញយឺតនូវសេដ្ឋកិច្ចសហគមន៏ អ៊ឺរ៉ុប និងផលប៉ះពាល់ពីការធ្លាក់ចុះសេដ្ឋកិច្ចរបស់ចិន។”ដោយផ្នែកសេដ្ឋកិច្ចពឹងផ្អែកខ្ពស់លើវិស័យឧស្សាហកម្មកាត់ដេរ និងស្បែកជើង ក្រុមហ៊ុន Knight Frankកម្ពុជាបានលើកឡើងថា "មានគឺជាតម្រូវការកំពុងកើនឡើងដើម្បីបង្កើនគុណភាព និងផលិតភាពនៃកម្លាំងពលកម្មសម្រាប់កម្ពុជា ដើម្បីរក្សាកំណើនផលិតផលក្នុងស្រុកសរុបនៅកម្រិតថេរដូចពេលបច្ចុប្បន្ន" ។ប្រសិនបើកម្ពុជាមិនបន្តគាំទ្រគុណភាព តម្លៃ និងផលិតភាពឲ្យមានប្រសិទ្ធិភាពលើវិស័យកាត់ដេរ និងឧស្សាហកម្មស្បែកជើង ក្រុមអ្នកវិនិយោគិនសំខាន់ៗនឹងផ្លាស់ប្ដូរប្រតិបត្តិការរបស់ពួកគេទៅប្រទេសដទៃទៀតដែលអាចមានការប្រកួតប្រជែងខ្លាំងជាងប្រទេសកម្ពុជា។ ប្រសិនបើចំណុចនេះកើតឡើងមែន នោះផលិតផលក្នុងស្រុកសរុបរបស់កម្ពុជានឹងធ្លាក់ចុះយ៉ាងខ្លាំង។ការធ្វើពិពិធកម្មនៃវិស័យឧស្សាហកម្មជាយន្តកម្មមួយផ្សេងទៀតដែលកម្ពុជាអាចប្រើដើម្បីប្រយុទ្ធប្រឆាំងនឹងហានិភ័យធំៗនៃកាថយចុះចំណែកទីផ្សារនៃឧស្សាហកម្មសម្លៀកបំពាក់ និងស្បែកជើង ហើយនេះជាបញ្ហាចំរូងចម្រាស់មួយរបស់ក្រុមប្រឹក្សាអភិវឌ្ឍន៏កម្ពុជា(CDC) លើគោលនយោបាយអភិវឌ្ឍន៏ឧស្សាហកម្មកម្ពុជាឆ្នាំ២០១៥ - ២០២៥។ធនាគារពិភពលោកបានលើកឡើងទៀតថា តម្រូវការសម្រាប់រាជរដ្ឋាភិបាលកម្ពុជាដែលត្រូវចាត់វិធានកាឱ្យមានប្រសិទ្ធិភាពសម្រាប់គោលនយោបាយសេដ្ឋកិច្ចរយៈពេលវែង ដោយធ្វើឲ្យផលចំណេញនៃសម្ព័ន្ធភាពសហគមន៍អាស៊ាន អាចជះឥទ្ធិពលដោយផ្ទាល់ដល់កំណើនផលិតផលក្នុងស្រុក៖ “ការធ្វើឱ្យប្រសើឡើងនូវបរិយាកាសអាជីវកម្មនឹងអាចជម្រុញការប្រកួតប្រជែងគ្រប់វិស័យ ការគាំទ្រលិតផល និងការធ្វើពិពិធកម្មទីផ្សារ ហើយក៏ដូចជាជួយឱ្យសហគ្រាសក្នុងាកររៀបចំឲ្យបានល្អ ដើម្បីទទួលយកអត្ថប្រយោជន៏ពីទីផ្សារ និងផលិតផលតែមួយដោយផ្អែកទៅលើគោលដៅរបស់សហគមន៏សេដ្ឋកិច្ច អាស៊ាន ។”ជាងនេះទៅទៀត ទាំងធនាគារពិភពលោក និងធនាគារអភិវឌ្ឍន៏អាស៊ីបានយល់ស្របជាមួយបម្រែបម្រួលកំណើនសេដ្ឋកិច្ចនាពេលបច្ចប្បន្ន និងការបន្តអតិផរណាកម្រិតមធ្យម ប្រាក់ចំណូលរបស់ប្រជាជនកម្ពុជាគួរតែបន្តកើនឡើងប្រចាំឆ្នាំ កំណើននៃការផ្គត់ផ្គង់ដល់តម្រូវការក្នុងស្រុក(ម្ហូបអាហារ) និងការកែលម្អស្ថិរភាពសេដ្ឋកិច្ចក្នុងរយៈពេលមធ្យមទៅវែង។ក្រសួងសេដ្ឋកិច្ច និងហិរញវត្ថុកម្ពុជាបានលើកឡើងថា ផលិតផលក្នុងស្រុកសសរុបសម្រាប់មនុស្សម្នាក់គឺ១,១៣៥ដុល្លាក្នុងឆ្នាំ ២០១៤ កើនឡើងដល់ ១,២១៦ក្នុងឆ្នាំ២០១៦ ហើយ ត្រូវបានរំពឹងថានឹងបន្តកើនឡើងដល់ ១,៣២៥សម្រាប់ឆ្នាំ២០១៦។ក្នុងពេលជាមួយគ្នានេះដែរ ដោយសារកម្ពុជាត្រូវបានធនាគារពិភពលោកចាត់ថ្នាក់ជាប្រទេសដែលមាន “ប្រាក់មានចំណូលទាប” ទៅជាប្រទេសដែលមាន "ប្រាក់ចំណូលមធ្យមកម្រិតទាប” គិតត្រឹមថ្ងៃទី១ ខែកក្ដដា ឆ្នាំ២០១៦ មានសក្តានុពលសម្រាប់ការកាត់បន្ថយភាពក្រីក្រ ក្នុងការផ្តល់ជំនួយ និងការគាំទ្រការអភិវឌ្ឍន៍ និងការថយចុះការបង់ពន្ធដោយមានការលើកលែងពន្ធពាណិជ្ជកម្ម។និតិវិធីនៃការវាយតម្លៃលើប្រាក់ចំណូលមធ្យមកម្រិតទាប ដែលបច្ចុប្បន្នមានចំណូលជាតិសរុប(GNI) ក្នុងមនុស្សម្នាក់ចន្លោះ១,០២៦ ដុល្លារ និង៤,០៣៥ ដុល្លារ ហើយធៀបនឹងប្រទេសដែលមានប្រាក់ចំណូលទាប ដែលមានទាបជាង១,០២៥ដុល្លារ។ធនាគារក៏បានបញ្ជាក់ដែរថា "ការកែលម្អក្របខ័ណ្ឌគ្រប់គ្រងការវិនិយោគសាធារណៈដើម្បីពង្រីកហេដ្ឋារចនាសម្ព័ន្ធហិរញ្ញប្បទានសាធារណៈនឹងអាចធ្វើទៅបាន បើទោះបីជាមានការធ្លាក់ចុះការផ្តល់ហិរញ្ញប្បទាននៃម្ចាស់ជំនួយក៏ដោយ”។ការចាត់ថ្នាក់ជាថ្មីនេះអាចជះឥទ្ធិពលទៅលើកតាព្វកិច្ចពន្ធ និងពន្ធនាំចូលពីប្រទេសកម្ពុជាទៅទីផ្សារសំខាន់ៗមួួយចំនួនទៀត ហើយនេះក៏ត្រូវបានអំពាវនាវ ឲ្យបន្តការពង្រឹងជំនាញ និងប្រសិទ្ធិភាពរបស់វិស័យកាត់ដេរ និងឧស្សាហកម្មស្បែកជើង (ដូចបានលើកឡើងខាងដើម)។ ឧបសគ្គធំៗសម្រាប់ការធ្វើពាណិជ្ជកម្មនឹងមានន័យថា ការចំណាយនៃការផលិតនឹងត្រូវថយចុះនៅក្នុងគោលបំណងដើម្បីរក្សាការប្រកួតប្រជែងជាអន្តរជាតិរបស់វិស័យនេះ។ចំនែក ការចាត់ថ្នាក់ថ្មីនេះនឹងបង្ហាញពីភាពសំខាន់នៃជំនួយបរទេសសម្រាប់កម្ពុជា  ការកើនឡើងនៃអ្នកដែលមានប្រាក់ចំណូលទាបហាក់ដូចជាទទួល បានផលប្រយោជន៍ពីផ្សារលក់ទំនិញ និងវិស័យអចលនទ្រព្យលើផ្សារទំនិញ ការកើនឡើងប្រាក់ចំណូល  និងកើនឡើងការចំណាយ។ វាក៏នឹងមានផលវិជ្ជមានលើទីផ្សារលំនៅដ្ឋានក្នុងស្រុកដែលមានការរីកចម្រើនទៅមុខ ការកើនឡើងនូវចំនួននៃអ្នកដែលដាក់ពាក្យស្នើរសុំខ្ចីប្រាក់ទិញផ្ទះ  និងជាទូទៅមានការទិញ និងជួលលំនៅដ្ឋានលំដាប់ស្តង់ដារ។ការប្រែប្រួលនៃការវិនិយោគផ្ទាល់ពីបរទេស៖យោងទៅលើរបាយការណ៏វិនិយោគតំបន់អាស៊ានឆ្នាំ២០១៦បានឱ្យដឹងថា ការវិនិយោគផ្ទាល់ពីបរទេស(FDI)ក្នុងប្រទេសដែលកំពុងអភិវឌ្ឍន៏តំបន់អាស៊ីអាគ្នេយ៏កាលពីចុងឆ្នាំកន្លងទៅ។ យោងទៅតាមរបាយការណ៍ប្រទេស កម្ពុជា ឡាវ មីយ៉ាន់ម៉ា និងវៀតណាមកើនឡើង ៣៨ ភាគរយ ដោយសារមានក្រុមហ៊ុនអន្តរជាតិជាច្រើនចូលមកបណ្ដាក់ទុនក្នុងទីផ្សារថ្មីនៃសហគមន៏សេដ្ឋកិច្ច តំបន់អាស៊ី (AEC)ដែលទើបតែបានបង្កើតឡើង។ ទោះជាយ៉ាងណាក៏ដោយលំហូរវិនិយោគទុនបរទេសទៅប្លុកប្រជាជាតិអាស៊ីអាគ្នេយ៍បានធ្លាក់ចុះត្រឹម 8% នៅឆ្នាំ 2015 ត្រូវជាទឹកប្រាក់ 120 ពាន់លានដុល្លារ។ ការវិនិយោគរបស់សហភាពអឺរ៉ុបបានធ្លាក់ចុះ 20% ក្នុងទឹកប្រាក់ប្រហែល 20 ពាន់លាន ដុល្លារ និងដើមទុនសហរដ្ឋអាមេរិកបានថយចុះ 17% ដែលមានទឹកប្រាក់ប្រហែល 12,2 ពាន់លានដុល្លារ។ទោះបីជាយ៉ាងណាក៏ដោយ ការវិនិយោគផ្ទាល់ពីបរទេស (FDI) ក្នុងលើវិស័យអចលនទ្រព្យប្រទេសកម្ពុជាបន្តកើនឡើងយ៉ាងឆាប់រហ័ស។ ការវិនិយោគលើអចលនទ្រព្យសរុបប្រមាណ ៧,២ ពាន់លានដុល្លារ នៅចន្លោះខែ មករា និងខែសីហា ឆ្នាំ២០១៦ ដែលកើនឡើងយ៉ាងខ្លាំងជា ៧០០ ភាគរយ ពីអំឡុងពេលកន្លងមក។ ប្រភពនៃការវិនិយោគដោយផ្ទាល់ពីបរទេសគឺមានច្រើនប្រទេសផ្សេងគ្នា ដែលមាន១៨ប្រទេសចូលរួម។ ប៉ុន្តែក្រសួងរៀបចំដែនដីនគរូបនីយកម្ម និងសំណង់ (MLMUPC) ថ្លែងថា ចិនឈរក្នុងចំណាត់ថ្នាក់លេខមួយទៅលើវិស័យសំណង់ ហើយការវិនយោគដោយផ្ទាល់ពីបរទេសលើអចលនទ្រព្យ ទី២គឺកូរ៉េខាងត្បូង និងទី៣ គឺជប៉ុន។ការប្រែប្រួលវិស័យសំណង់របាយការណ៏ថ្មីៗ ទាក់ទងនឹងវិស័យសំណង់របស់ក្រសួងរៀបចំដែនដីនគរូបនីយកម្ម និងសំណង់បានឱ្យដឹងថា ក្រសួងបានអនុញាតដល់គម្រោងសាង សង់ជាង ១,៧៥៣ គម្រោង ក្នុងទឹកប្រាក់ ៧,២ ពាន់លានដុល្លារក្នុងរយៈពេល៨ខែដំបូងក្នុងឆ្នាំ២០១៦ ធៀបទៅនឹង ២,៣០៥ គម្រោង ដែលមានតម្លៃ ៣,៣ ពាន់លានដុល្លារ អត្រាកើនឡើងជាង៤០០ ភាគរយ ក្នុងឆ្នាំកន្លងទៅ។ចាប់តាំងពីឆ្នាំ២០០០ រហូតដល់ខែមិថុនាឆ្នាំ២០១៦ ក្រសួងរៀបចំដែនដីនគរូបនីយកម្ម និងសំណង់ បាននិយាយថាខ្លួនបានអនុញាតផ្តល់សិទ្ធិសាងសង់ ឱ្យគម្រោងជាង ៣៥,២០៦ ស្មើនឹងទំហំដី ៨៥លានម៉ែតការ៉េទូទាំងប្រទេស។ ក្នុងរយៈពេល១៦ឆ្នាំនេះ ការវិនិយោគលើវិស័យសំណង់ក្នុងប្រទេសកម្ពុជាមានទំហំទឹកប្រាក់សរុប ៣២,៣ ពាន់លានដុល្លា។ដូចគ្នានេះដែរ ក្រសួងរៀបចំដែនដីក៏បាន បានបញ្ចេញព័ត៌មានអំពីការវិនិយោគរយៈពេល៥ខែដំបូងក្នុងឆ្នាំ២០១៦ដែលបញ្ជាក់ថាគម្រោង សាងសង់ថ្មីចំនួន៩៩០គម្រោងត្រូវបានអនុញាតឱ្យសាងសង់កាលពីដើមឆ្នាំកន្លងទៅ នេះបើធៀបទៅនឹងឆ្នាំ២០១៥មានគ្រោងប្រហែល ២,៣០៥ដែលបានអនុញាត ឱ្យសាងសាង់។ ប្រព័ន្ធផ្សព្វផ្សាយក្នុងស្រុកបានប៉ាន់ប្រមាណថា នេះជាផ្នែកមួយដោយសារជាកំណើនមួយនៃប្រសិទ្ធិភាពផ្នែករដ្ឋបាលនៅក្នុងក្រសួងនៅ ឆ្នាំ ២០១៦។ធនាគារពិភពលោកពន្យល់ពីកំណើននៃតម្រូវការលំនៅដ្ឋានដ៏ច្រើននេះនិងការវិនិយោគលើវិស័យឧស្សាហកម្មសំណង់ ថាជាការចង្អុលបង្ហាញនៃការវិលត្រ លប់មកវិញនៃស្ថេរភាពនយោបាយនៅកម្ពុជា និងកំណើនប្រាក់ចំណូលរបស់ប្រជាជនទូទៅ។យោងទៅតាមលោក Ross Wheble ដែលជាអ្នកគ្រប់គ្រងប្រចាំប្រទេសរបស់ក្រុមហ៊ុន Knight Frank ក្នុងរបាយការណ៍ វិស័យអចលនទ្រព្យ កម្ពុជា ក្នុងឆមាសទី១ ឆ្នាំ២០១៦  បានឱ្យដឹងថា គម្រោងសាងសង់ថ្មីៗក្នុងឆ្នាំ២០១៦បានសម្រេចជាមធ្យម ដែលជាមធ្យោបាយមួយក្នុងការដោះស្រាយហានិភ័យក្នុងរយៈពេលខ្លីក្នុងទីផ្សារ។ ការធ្វើដូច្នេះ ធ្វើឱ្យកម្ពុជាមានសក្ដានុពលក្នុងការសម្រេចបានលទ្ធផលល្អ និងជាប់ចំណាត់ថ្នាក់ក្នុងតំបន់អាស៊ីអាគ្នេយ៏តាមរយៈដំណើរការនៃការធ្វើពិពិតកម្ម និង “កំណើនរឹងមាំឥតឈប់ឈរ”។របាយការណ៏ថ្មីមួយនេះក៏បានបង្ហាញដែរថា ក្រសួងសេដ្ឋកិច្ច និងហិរញវត្ថុព្យាករណ៏ថាកំណើនសំណង់នឹងកើនជាមធ្យមដល់ ១៥ ភាគរយ ក្នុងឆ្នាំ២០១៦ និង ១០ ភាគរយក្នុងឆ្នាំ ២០២០ បើធៀបទៅនិងឆ្នាំ២០១៥ត្រឹមតែ១៩ ភាគរយ។ ផ្ទុយទៅវិញ របាយការណ៏ហេដ្ឋារចនាសម្ព័ន្ធកម្ពុជាពី Business Monitor International បង្ហាញថាការពង្រីកវិស័យសំណង់ទាំងមូលគឺព្យាករណ៏ថានឹងកើនឡើង ៩,៩ ភាគរយក្នុងឆ្នាំ២០១៦ និង ៩,៨ ភាគរយក្នុងឆ្នាំ២០១៧។ទោះបីជាយ៉ាងណា គម្រោងប្រហែលពី១០ ទៅ២០ភាគរយដែលបានដាក់ចេញត្រូវបានជាប់គាំងការសាងសាង់ក្នុងត្រីមាសទីមួយឆ្នាំ២០១៦ នេះបើយោងតាមប្រភពឧស្សាហកម្មផ្សេងៗជាច្រើន។ ដូច្នេះ  វាមិនទំនងថាគម្រោងដែលជាប់គាំងត្រូវបានរាប់បញ្ចូលក្នុងរបាយការណ៏ចេញផ្សាយក្នុងឆ្នាំ២០១៦ នោះទេ។សិក្សាបន្ថែមទៀតពីកម្ពុចជាថ្ថៃនេះពាក់ព័ន្ធទៅនឹងសេចក្តីលំអិតអំពីការណែនាំដល់វិនិយោគិន!Click here to download your free copy!

ពួកយើងនៅការិយាល័យលក់ខុនដូ B.T.S ក្នុងខណ្ឌឬស្សីកែវជាមួយ លោក អ៊ុក ច័ន្ទដារ៉ាវុធ ដែលជានាយកផ្នែកទីផ្សារ និងលក់របស់ក្រុមហ៊ុនបុរីវីឡាទួលសង្កែគ្រុបហើយពួកយើង និងស្វែងយល់អំពីគម្រោងដ៏អស្ចារ្យនេះទំាងអស់គ្នា។១. ប្រាប់ខ្ញុំអំពីទីតាំងរបស់គម្រោង   គម្រោងអភិវឌ្ឍន៏ខុនដូ B.T.S ស្ថិតនៅក្រោមការអភិវឌ្ឍន៍របស់ក្រុមហ៊ុនបុរីវីឡាទួលសង្កែ គម្រោងនេះទទួលបានការសាទរពីអតិថិជនរបស់ខ្លួនគួរឲ្យកត់សម្គាល់  គម្រោងនេះមានទីតាំងស្ថិតនៅខណ្ឌឬស្សីកែវ។ គម្រោងបុរីវីឡាទួលសង្កែមានផ្តល់ជូននូវគម្រោងវីឡាផងដែរ ដែលមានទំហំខុសៗគ្នាតបតាមតម្រូវការដែលអតិថិនជនត្រូវការ។ លំនៅដ្ឋាននីមួយៗត្រូវបានធ្វើឡើងដោយអ្នកជំនាញខាងសំណង់ជាមួយនឹងគុណភាពនិងការតុបតែងបែបទាន់សម័យដ៏ស្រស់ស្អាតនិងការយកចិត្តទុកដាក់យ៉ាងម៉ត់ច៉ត់។ប្រភេទលំនៅដ្ឋានរបស់ក្រុមហ៊ុនមានដូចជា៖ វីឡាទោល វីឡាភ្លោះ វីឡាកូនកាត់ ផ្ទះល្វែង និងខុនដូក្រុមគ្រួសារនឹងមានជម្រើសដើម្បីជ្រើសរើសប្រភេទវីឡាដែលពួកគេគិតថាសាកសម្យ។២. តើមានប្រភេទយូនីតអ្វីខ្លះ? ហើយមានតម្លៃប៉ុន្មាន?មានលំនៅដ្ឋានជាង១៧៤យ៉ូនីតដែលអាចរកទិញបានហើយមានទំហំផ្សេងៗគ្នា។ គម្រោងបុរីវីឡាទួលសង្កែត្រូវបានធ្វើឡើងដោយក្រុមអ្នកជំនាញ និងបញ្ចប់ការសាងសង់ដោយឧបករណ៏សាងសង់ដែលមានគុណភាពខ្ពស់ដែលផ្តល់នូវទំនុកចិត្ត និងផ្តល់នូវលំនៅដ្ឋានស្តង់ដាសម្រាប់អ្នក។ ខុនដូ B.T.S មានតម្លៃចាប់ពី ៤០,០០០ដុល្លារ ក្នុងមួយយូនីតហើយមានបន្ទប់១ជាមួយទំហំ៥០ម៉ែត្រការ៉េឡើងទៅ(មានទំហំបន្ទប់ផ្សេងៗគ្នាតាមតម្រូវការ)។ វាជាគម្រោងដែលសាងសង់ដោយភាពឆ្លាតវៃតែមួយគត់ហើយមានពន្លេចនូវភាពប្រណិតគ្រប់យូនីតទំាងអស់។៣. តើគម្រោងនេះចាប់ផ្ដើមលក់នៅពេលណា?ត្រឹមតែរយៈពេលបីខែបន្ទាប់ពីការដាក់លក់ ប្រហែល៣០ភាគរយរបស់គម្រោងត្រូវបានលក់ចេញ។ លទ្ធផលនេះបានបង្ហាញឱ្យឃើញថាគម្រោងនេះទទួលបានទំនុកចិត្តយ៉ាងខ្លំាងពីអ្នកបញ្ជាទិញអន្តរជាតិ និងអ្នកទិញក្នុងតំបន់។៤. តើកន្លែងចតយានយន្តមានលក្ខណៈយ៉ាងណាដែរ?គម្រោងខុនដូ B.T.S ផ្ដល់នូវផាសុកភាពគ្រប់លំនៅដ្ឋាន ចំនួនចំណតរថយន្តមាន៨៥ភាគរយនៃយូនីតលំនៅដ្ឋាន ហើយជាកន្លែងដែលមានសុវត្ថិភាពទៀតផង  នេះជាចំណតដែលមានចំនួនច្រើនបំផុតបើធៀបទៅនឹងគម្រោងអគារខ្ពស់ៗដទៃទៀត។៦. តើមានការផ្ដល់ប្រាក់កម្ចីទិញ ឬមានវិធីសាស្រ្តផ្សេងទៀតដែរឬទេ?ពួកយើងមិនមានការផ្ដល់ប្រាក់កម្ចីជាមួយធនាគារនោះទេ ប៉ុន្តែយើងមានវិធីសាស្ត្រពិសេសជំនួសវិញសម្រាប់អ្នកដែលចាប់អារម្មណ៏និងគម្រោងខុនដូ B.T.S។ អ្នកអភិវឌ្ឍន៏ផ្ដល់នូវជម្រើសដ៏ល្អដែលតម្រូវឱ្យអតិថិជនបង់ប្រាក់ត្រឹម៦៦០ដុល្លាក្នុងមួយខែ ដោយគ្នានការប្រាក់ ឬប្រាក់កក់នោះឡើយ។៧.លក្ខណៈពិសេសរបស់គម្រោងទីតាំងរបស់គម្រោងខុនដូ B.T.S គឺជាទីតំាងដ៏អំណោយផលបំផុត! គឺស្ថិតនៅក្នុងខណ្ឌឬស្សីកែវ ហើយវាក៏ស្ថិតនៅជិតតំបន់ពាណិជ្ជកម្ម ដែលជិតផ្លូវធំ ស្ថាប័នរដ្ឋាភិបាល ផ្សារទំនើប ក្លឹបកីឡា ធនាគារ មន្ទីរពេទ្យ សាលារៀន និងកន្លែងកម្សាន្ត។ ជាងនេះទៅទៀតវាស្ថិតនៅជិតផ្សារទូលសង្កែតែម្ដង។ជាងនេះទៅទៀតវាជម្រុញឱ្យមានស្តង់ដានៃការរស់នៅខ្ពស់តាមរយៈយូនីតដែលមានគ្រឿងសង្ហារឹមទំនើបៗប្រៀបបានទៅនឹងសណ្ឋាគារលំដាប់ផ្កាយ៥។ គម្រោងខុនដូ B.T.S  ផ្ដល់នូវសេវាកម្មជាច្រើនរួមមានដូចជា៖ អាងហែលទឹក សូណា កន្លែងហាត់ប្រាណ ផ្សារ និងក្លឹបកីឡាវាយកូនហ្គោល។៨.តើសំណួរមួយដែលខ្ញុំគួរតែសួរអ្នក ជាសំណួរអ្វីទៅ? ហេតុអ្វីបានជាគម្រោងនេះល្អជាងគម្រោងដទៃទៀត? នៅពេលដែលអតិថិជនបានមកទស្សនាផ្ទះគម្រូរបស់គម្រោងខុនដូ B.T.S. ពួកគេបានចាប់អារម្មណ៏នឹងគុណភាពរបស់ខុនដូនេះយ៉ាងខ្លំាង។ យើងបានផ្ដោតសំខាន់ទៅលើគុណភាព និងស្ដង់ដានៃការស់នៅដ៏ល្អបំផុតសម្រាប់គ្រួសារ។ នេះជាគម្រោងទី៣ហើយបន្ទាប់ពីគម្រោងផ្សេងៗទៀតដែលទទួលបានជោគជ័យតួយ៉ាងគម្រោង បុរីវីឡាទួលសង្កែជាដើម។  អតិថិជននឹងចាប់អារម្មណ៏ ចំពោះ គម្រោងនេះពីព្រោះតែវាផ្ដល់នូវភាពស្ងប់សុខ និងតម្លៃនៃការរស់នៅយ៉ាងប្រណិត។ លំនៅដ្ឋានពិតជាសំខាន់ណាស់សម្រាប់មនុស្សគ្រប់រូប ដូច្នេះប្រសិនបើយើងសម្រេចិត្តទិញផ្ទះ យើងត្រូវតែពិចារណាឲ្យល្អិតល្អន់។ ដោយពិចារណាទៅលើលំនៅដ្ឋានដ៏ល្អបំផុតប្រកបដោយសុវត្ថិភាព និងភាពសុខដុមរមនាក្នុងការរស់នៅយ៉ាងពិតប្រាកដ! ស្វែងរកតារាងអចលនទ្រព្យB.T.S Condominiumនៅទីនេះតាមរយៈ realestate.com.khClick here to download your free copy!

មានការជជែកពិភាក្សាអំពីការផ្គត់ផ្គង់តម្រូវការខុនដូនៅក្នុងប្រទេសកម្ពុជាហើយសំនួរដដែលៗបានចោទសួរឡើងថា តើវាពិតទេដែលទីផ្សារលំនៅដ្ឋានរបស់កម្ពុជាពិតជាសាកសម្យនឹងតម្រូវការក្នុងប្រទេសកម្ពុជា? ក្នុងកម្មវិធី Realestate.com.khTV បានពិភាក្សាជាមួយលោក យិន លាងគង់ ជានិពន្ធនាយកនៃទស្សនាវដ្តី Property View និងជាការីនិពន្ធផ្នែកសេដ្ឋកិច្ចនៅទូរទ្ទស្សន៍BTV អំពីប្រធានបទនេះ។ក្នុងពេលថ្មីនេះក្នុងរបាយការណ៍  Knight  Frank Cambodia បានលើកឡើងថា “វិស័យខុនដូត្រូវបានព្យាករណ៍ថានឹងកើនឡើង ៧២៣.៥ភាគរយ ត្រឹមឆ្នាំ២០២០ ឬឯរបាយការណ៍ខុនដូឆ្នាំ២០១៦របស់ Century 21 បានទាយថាមានខុនដូជាង ៣៧,០០០យូនីតនឹងត្រូវដាក់លក់ត្រឹមឆ្នាំ២០២០។ តើអ្នកមានគំនិតយោបល់បែបណាលើចំណុចនេះក៏ដូចជានៅពេលថ្មីៗមានការនិយាយពីការផ្គត់ផ្គង់លើសតម្រូវការជាដើម? តើអ្នកយល់ស្របនឹងគំនិតនេះដែរឫទេ? ហើយទាំងនេះអាចប៉ះពាល់ដល់ដំ ណើរការទីផ្សារបែបណាដែរ?ខ្ញុំមានការគំាទ្រផង និងមិនគំាទ្រផងអំពីការលើកឡើងនេះ! បើនិយាយអំពីមតិដែលមិនគំាទ្រនោះយើងក្រលេកទៅមើលបរិបទរស់នៅរបស់ប្រជាជនកម្ពុជាយើងឃើញថា រស់និយមលំនៅដ្ឋានប្រភេទខុនដូហាក់បីដូចនៅមិនទាន់ពេញនិយមនៅឡើយទេក្នុងប្រទេសកម្ពុជា។ បើទោះបីជាមានមនុស្សមួយចំនួនចាប់ផ្តើមទិញខុនដូបណ្តើរៗយ៉ាងណាក៏ដោយក៏ពួកគាត់មួយចំនួននៅ តែគិតថាវានៅមានគាត់មានការបារម្ភច្រើនអំពីការរស់នៅលើអគារខ្ពស់ និងសុវត្ថិភាពផ្សេងៗ។ ហើយសម្រាប់ការរស់នៅបច្ចុប្បន្នយើងមិនទាន់អាចសម្របខ្លួនលឿនបែបនេះទេ ហើយចំនួនខុនដូដែលបានព្យាករណ៍ទុកនេះគឺវាលើសតម្រូវការហើយ។ប៉ុន្តែចំនួនខុនដូនៅលើទីផ្សារបច្ចុប្បន្នវាមិនមានចំនួនរហូតដល់៤០០០យ៉ូនីតឡើយ ប៉ុន្តែចំនួនខុនដូនៅលើទីផ្សារវាអាចនឹងឈានដល់តួលេខប្រមាណ៤០០០០យ៉ូនីតនៅឆ្នំា២០២០។ ដូចនេះខ្ញុំក៏មានគំនិតវិជ្ជមានផងដែរយើងសង្ឃឹមថាផ្នត់គំនិតរបស់ប្រជាជននឹងផ្លាស់ប្តូរនៅរយៈពេល១០ទៅ២០ឆ្នំាខាងមុខ ដោយសារបន្តិចទៀតទីក្រុងកាន់តែចង្អៀតចំនួនប្រជាជនកាន់តែមានចំនួនកើនឡើងទ្វេដងនៅឆ្នំា២០២៥។ ប្រជាជនកាន់តែច្រើនក៏ដូចជាចរាចរកាន់តែពិបាកស្របនឹងកំនើនសេដ្ឋកិច្ចរបស់ប្រទេស យើងកាន់តែរីកចម្រើនជាកត្តាដែលតម្លៃអចលនទ្រព្យមានតម្លៃកាន់តែខ្ពស់ យើងនឹងពិបាករកលំនៅដ្ឋានដែលមានតម្លៃ៤០០០០ទៅ៥០០០០ដុល្លារ។ លំនៅដ្ឋានដែលមានតម្លៃប្រហាក់ប្រហែលនេះ អាចមានប៉ុន្តែវាជាលំនៅដ្ឋានផ្ទះល្វែងនៅជាន់ខ្ពស់ៗ។ដូចនេះជម្រើសល្អដែលមិនអាចប្រកែកបានគឺលំនៅដ្ឋានប្រភេទខុនដូដែលជាស្តង់ដារលំនៅដ្ឋានដែលផ្តល់នូវសេវាកម្មដ៏ល្អ ដូចជាសុវត្ថិភាព អនាម័យ និងសេវាកម្មផ្សេងៗ យើងឃើញថាបទពិសោធន៍រស់នៅបែបនេះវាបានកើតឡើងរួចទៅហើយនៅប្រទេសថៃ វៀតណាម និងម៉ាឡេស៊ី។តើមានខុនដូដែលមានតម្លៃ៤០០០០ទៅ៥០០០០ដុល្លារដែរឬទេនៅពេលបច្ចុប្បន្ន?ខុនដូដែលមានតម្លៃ៤០០០០ទៅ៥០០០០ដុល្លារវាមានលក់នៅលើទីផ្សារ តម្លៃប៉ុណ្ណឹងវាអាចស្របតាមសក្តានុពលទីផ្សារយ៉ាងខ្លំាងនៅក្នុងប្រទេស ក៏ដូចជាស្របតាមចំណូលចិត្តរបស់ប្រជាជនវ័យក្មេងក្នុងស្រុកផងដែរ វាជាការឆ្លើយតបតាមស្ថានភាពទីផ្សារដែលមានកំណើនប្រជាជនដែលមានកម្រឹតមធ្យម។ ចំណែកឯប្រភេទខុនដូប្រណិតក៏មានដែរប៉ុន្តែយើងឃើញថាចំនួនអ្នកទិញក្នុងស្រុក ដែលទិញខុនដូប្រភេទនេះគឺជាអ្នកដែលមានជីវភាពលំដាប់ខ្ពស់ និងមានអ្នកទិញជាជនបរទេស។ប្រសិនបើមានការផ្គត់ផ្គង់ខុនដូលើសតម្រូវការ តើសម្រាប់អ្នកទិញមានផលប៉ះពាល់ដូចម្តេច?បើនិយាយពីផលប៉ះពាល់វិញសម្រាប់អ្នកទិញដូចមិនមានផលប៉ះពាល់អ្វីខ្លំាងនោះទេតាមការពិតអ្នកវិនិយោគនោះទេដែលរងផលប៉ះពាល់។ នៅពេលដែលចំនួនខុនដូលើសតម្រូវការបានន័យថាគ្មានអ្នកទិញដូចនេះអ្នកវិនិយោគ ឬម្ចាស់ខុនដូត្រូវបង្ខំចិត្តបញ្ចុះតម្លៃ។ប្រសិនបើនិយាយអំពីតម្លៃប្រៀបធៀបនឹងប្រទេសជិតខាងវិញតម្លៃខុនដូនៅក្នុងប្រទេសកម្ពុជាពិតជាមានតម្លៃថោកជាងក៏ពិតមែន ប៉ុន្តែប្រសិនបើនិយាយអំពីតម្លៃវិនិយោគនិងតម្លៃសាងសង់សំណង់វាមានភាពខុសគ្នាច្រើន សម្រាប់ពួកអ្នកវិនិយោគគឺគាត់ចំណេញច្រើនពេក។ ដូច្នេះពួកគាត់អាចបញ្ចុះតម្លៃបានដើម្បីឲ្យប្រជាជនដែលមានកម្រឹតជីវភាពមធ្យមអាចមានលទ្ធភាពទិញលំនៅដ្ឋានបាននេះជាចំណុចមួយដែលអ្នកជំនាញជាច្រើនបានលើកឡើង។ ធ្វើការវិនិយោគដើម្បីផលចំណេញ ប៉ុន្តែក៏គួរតែគិតដល់ផលប្រយោជន៍សង្គមផងដែរ យើងគួរតែជួយគ្នាទៅវិញទៅមកទំាងប្រជាជន និងអ្នកវិនិយោគ។ក្នុងស្ថានភាពទីផ្សារបច្ចុប្បន្នតើអ្នកវិនិយោគគួវិនិយោគ ឬយ៉ាងណា? សំនួរចោទសួរឡើងក្នុងស្ថានភាពទីផ្សារប្រទេសកម្ពុជាបច្ចុប្បន្នតើវិនិយោគិនគួរ ឬមិនគួរវិនិយោគក្នុងប្រទេសកម្ពុជាដែរឬទេ? វិនិយោគិននឹងឆ្លើយដដែលៗថា រងចំាតាមដានសិន! ស្ថានភាពនយោបាយបច្ចុប្បន្នក្នុងប្រទេសកំពុងឡើងកំដៅ ក៏ដូចជាវដ្តបញ្ហានូវភាពចម្រូងចម្រាសក្នុងរដូវកាលបោះឆ្នោត សម្រាប់អ្នកវិនិយោគមួយចំនួនពួកគាត់គិតថានេះជាបទពិសោធន៍ដដែលដែលកើតមានឡើងស្ទើរគ្រប់ប្រទេស ដូច្នេះពួកគេគ្មានការព្រួយបារម្ភអ្វីនោះទេ។ តាមគំនិតរបស់ខ្ញុំអ្នកវិនិយោគគួរតែធ្វើការវិនិយោគមកប្រទេសកម្ពុជាដោយផ្អែកលើស្ថានភាពសេដ្ឋកិច្ចរបស់ប្រទេស។ ប្រទេសកម្ពុជាត្រូវបានទទួលងារថាជាខ្លានៅអាស៊ី ដោយសារស្ថេរភាពកំណើនសេដ្ឋកិច្ចរបស់កម្ពុជាមានកំណើនថេរប្រមាណ៧ភាគរយក្នុងរយៈពេលប្រំាឆ្នំាជាប់គ្នា ក៏ដូចជាកំណើនម៉ាក្រូសេដ្ឋកិច្ចរបស់ប្រទេសកម្ពុជាមានភាពប្រសើរឡើង នេះបើយោងតាមសេចក្តីប្រកាសរបស់ក្រសួងសេដ្ឋកិច្ច និងហិរញ្ញវត្ថុ។ អានអត្ថបទបន្ថែម៖ ប្រជាជនកម្ពុជាផ្លាស់ប្តូរបរិបទរស់នៅ ឬយ៉ាងណា?Click here to download your free copy!

ប័ណ្ណកម្មសិទ្ធិដីធ្លីគឺជាជម្រើសដ៏ពេញនិយមដើម្បីឈានចូលក្នុងទីផ្សារអចលនទ្រព្យកម្ពុជា ជនបរទេសមួយចំនួនមិនបានដឹងទេថាពួកគេអាចប្រើមធ្យោបាយផ្សេងទៀតដើម្បីក្លាយជាម្ចាស់កម្មសិទ្ធិទ្រព្យនោះបាន ឬយ៉ាងហោចណាស់អាចគ្រប់គ្រងបាននូវអចលនទ្រព្យនិងដី។ លោក Grant Fitzgerald ដែលជានាយកប្រចាំប្រទេសរបស់ក្រុមហ៊ុនសេវាកម្មអចលនទ្រព្យឯករាជ្យបានអោយដឹងក្នុងបទសម្ភាសន៏ជាមួយ Realestate.com.kh ថាមានមធ្យោបាយផ្សេងៗទៀតដែលជនបរទេសអាចទិញ ដីក្នុងប្រទេសកម្ពុជាបាន។ ជនបរទេសអាចទិញដីក្នុងប្រទេសកម្ពុជាបានតាមរយៈភាគីតំណាង៖ទោះបីជាមាហានិភ័យជាងការទិញដោយឈ្មោះរបស់អ្នកផ្ទាល់ក៏ដោយ លោក  Fitzgerald បាននិយាយថាមធ្យោបាយដ៏ល្អបំផុតដើម្បីឱ្យជនបរទេសអាចទិញដីក្នុងប្រទេសកម្ពុជាបានគឺការ ទិញតាមរយៈភាគីតំណាង។លោកបានពន្យល់ថា “អ្វីដែលសំខាន់ ភាគីតំណាងដើរតួរជាអ្នកទិញអចលនទ្រព្យឱ្យជនបរទេស។ ប៉ុន្តែប័ណ្ណកម្មសិទ្ធិត្រូវដាក់ជាឈ្មោះជាជនជាតិខ្មែរ។”ប៉ុន្តែគាត់បានបញ្ជាក់ទៀតថាមានវិធានការដែលមានសុវត្តិភាពដែលជនបរទេសទទួលយក ដើម្បីការពារការវិនិយោគរបស់ពួកគេ។លោកនិយាយថាអ្នកត្រូវមានឯកសារបួនសំខាន់ៗក្នុងនាមជាជនបរទេសដែលទិញអចលនទ្រព្យតាមរយៈ ភាគីតំណាង មានដូចជា៖ ទី១កិច្ចសន្យាអ៊ីប៉ូតែក ទី២ កិច្ចសន្យាខ្ចីប្រាក់ ទី៣ កិច្ចសន្យាជួល ទី៤ កិច្ចសន្យាសន្តិសុខ។ ១.កិច្ចសន្យាអ៊ីប៉ូតែក៖លោកបានពន្យល់ថាកិច្ចសន្យាអ៊ីប៉ូតែកគឺជាកិច្ចសន្យាដែលបានចុះបញ្ជីតាមរយៈសង្កាត់ ហើយផ្ទេរឈ្មោះអ្នកទិញទៅធនាគារ ដែលការខ្ចីប្រាក់អភិវឌ្ឍន៍អចលនទ្រព្យដោយជនជាតិខែ្មរ ទាល់តែមានការអនុញ្ញាតពីភាគីជនបរទេស។២.កិច្ចសន្យាខ្ចីប្រាក់៖ទន្ទឹមគ្នានេះលោកបាននិយាយថាកិច្ចសន្យាកម្ចីគឺជា “ក្រដាសកម្ចីមួយដែលមានកាប្រាក់ក្នុងអំឡុងពេលមួយ” ហើយត្រូវបានធ្វើឡើងដោយភាគីសងខាងទាំងជនបរទេសនិងភាគីតំណាង។៣.កិច្ចសន្យាជួល៖លោកបានបន្តថាកិច្ចសន្យាជួល “គឺការផ្ដល់សិទ្ធិអោយជនបរទេសរស់នៅលើអចលនទ្រព្យនោះ” ក្នុងកិច្ចសន្យាជួលមានរយៈពេលចាប់ពី៥០ឆ្នាំឡើងទៅ។៤.កិច្ចសន្យាសន្តិសុខហើយកិច្ចសន្យាសន្តិសុខជាទូទៅជាការដាក់ចេញនូវកាតព្វកិច្ច និងការកំណត់រវាងភាគីទាំងពីរ។ តើប័ណ្ណកម្មសិទ្ធិប្រភេទណាដែលជនបរទេសអាចកាន់កាប់បានតាមរយៈភាគីតំណាង?លោក Fitzgerald បានពន្យល់យ៉ាងច្បាស់ថា តាមរយៈភាគីតំណាងនេះ ជនបរទេសអាចកាន់កាប់ អចលនទ្រព្យឬប័ណ្ណកម្មសិទ្ធិណាមួយក៏បាន។ លោកនិយាយថា វាជាការរៀបចំឯកសារឲ្យមានត្រឹមត្រូវ និងមានសុវត្ថិភាព នៅពេលដែលការរៀបចំបានត្រឹមត្រូវ វាពិតជាមានសុវត្ថិភាព និងមានប្រសិទ្ធភាពទៀតផង។”តើស្ថាប័នជំនួញអាចកាន់កាប់ដីនៅក្នុងប្រទេសកម្ពុជាបានដែរឫទេ?លោក Fitzgerald បាននិយាយថាគឺអាចទៅរួចក្នុងការកាន់កាប់ដី ក្នុងនាមជាក្រុមហ៊ុននៅក្នុងប្រ ទេសកម្ពុជាតាមដំណើរការស្រដៀងទៅនឹងភាគីតំណាងដែរប៉ុន្តែជនបរទេសត្រូវតែកំណត់ពីប្រភេទអាជីវកម្មឱ្យបានច្បាស់លាស់ ដែលត្រូវធ្វើតាមរយៈមេធាវី។ទាំងនេះត្រូវបានគេហៅថាក្រុមហ៊ុនដែលកាន់កាប់ដីធ្លី។លោកបានពន្យល់ថាជនជាតិកម្ពុជាម្នាក់មានសិទ្ធិកាន់កាប់៥១ភាគរយនៃភាគហ៊ុនក្រុមហ៊ុនទាំងមូល ប៉ុន្តែក៏មានឯកសារច្បាប់ដែលស្ថាប័នជំនួញភាគីបរទេសទាំងនេះអាចប្រើប្រាស់ ឲ្យទទួលបានសិទ្ធិ និងអំណាច ក្នុងការសម្រេចផ្សេងៗ បើទោះបីជាពួកគេមានកាន់ភាគហ៊ុនត្រឹមតែ៤៩ភាគរយក៏ដោយ។ស្វែងរក និងសិក្សានូវការណែនាំសំខាន់ៗក្នុងការទិញអចលនទ្រព្យតាមរយៈភាគីតំណាងក្នុងប្រទេស កម្ពុជា!  Click here to download your free copy!

ចាប់តាំងពីខែមករាក្នុងឆ្នាំ២០១៦នេះ អង្គការ CARE Cambodiaនិងដៃគូបានអនុវត្តគម្រោងមួយដែល មានឈ្មោះថា “សិទ្ធិការងារសម្រាប់កម្មករសំណង់ស្រ្តី” ដែលបានផ្តល់ជំនួយពីសហគមន៏អុឺរ៉ុប និងក្រុមហ៊ុនសហប្រតិបត្តិការអភិវឌ្ឍន៏អូទ្រីស( Austrian Development Cooperation)។ប៉ុន្តែតើនរណាជាស្រ្តីកម្មករសំណង់? ហេតុអ្វីបានជាអង្គការ CARE Cambodia និងក្រុមហ៊ុនសំណង់ត្រូវជួយពួកគេ? ធ្វើការផ្ដើមស្រាវជ្រាវនិងស្វែងយល់អំពីដំណោះស្រាយបន្ថែមរបស់គម្រោងនេះ។ស្រ្តីកម្មករសំណង់ភាគច្រើនបានរៀបការហើយមានកូនមកធ្វើការក្នុងវិស័យសំណង់ជាមួយគ្រួសាររបស់ពួកគេ ពួកគេភាគច្រើនមានអាយុច្រើនជាង៣០ឆ្នំាដែលជាស្រ្តីមិនមាមជំនាញនៅក្នុងរោងចក្រ ឬវិស័យឧស្សាហកម្មកម្សាន្ត។ ស្រ្តីដែលធ្វើការជាកម្មករសំណង់ភាគច្រើនមិនមានការអប់រំខ្ពស់នោះទេហើយពួកគេបានធ្វើការចំណាកស្រុកទៅទីក្រុងភ្នំពេញដើម្បីស្វែងរកការងារធ្វើពីព្រោះតែជីវភាពក្រីក្រ។ ការស្រាវជ្រាវរបស់អង្គការ CARE Cambodia បញ្ជាក់ថាស្រ្តីកម្មករទាំងនេះមានចំនេះដឹងតិចតួចណាស់អំពីការប្រើប្រាស់សិទ្ធិរបស់ពួកគេ។ទាំងស្រ្តីធ្វើការក្នុងវិស័យឧស្សាហកម្ម និងនយោជិកត្រូវវបានគេរាយការណ៏ថាស្ត្រីមានជំនាញពិសេសក្នុងការធ្វើកិច្ចការដែលពួកគេបានធ្វើ។“ស្រ្តីពូកែខាងការងារបន្ទាប់បន្សំដូចជា ការរៀបចំរបស់របរតិចតួចហើយពួកគេធ្វើការលឿនជាងបុរស់” “ស្រ្តីមួយចំនួនដែលធ្វើការនៅទីនេះអាចលាយស៊ីម៉ង់បានយ៉ាងល្អជាងបុរស់។ ពួកគេពិតជាមានរបៀបរៀបរយខ្លាំងណាស់ ពួកគេដាក់របស់របររៀបរយបន្ទាប់ពីពួកគេធ្វើការរួច ហើយសម្អាតស្អាតបាតទៀតផង។”ដោយសារតែបញ្ហានេះស្រ្តីកម្មករសំណង់ចំនួន៩ក្នុងចំណោមស្រ្តី១០នាក់ ត្រូវបានគេរាយការណ៏ថាទទួលបានប្រាក់កម្រៃតិចជាងបុរសហើយមួយចំនួនទៀតត្រូវបានគេរាយការណ៏ថាការទទួលខុសត្រូវ និងសិទ្ធិទទួលបានការការពារមិនដូចបុរសនោះទេ។ការបណ្ដុះបណ្ដាលរបស់អង្គការ CARE Cambodia ដែលជាការចែករំលែកក្នុងភាពជាដៃគូជាមួយ   ក្រសួងការងារបណ្ដុះបណ្ដាល និងវិជ្ជាជីវៈ ដើម្បីស្វែងរកបញ្ហាទាំងនេះ។ វគ្គបណ្តុបណ្តាលប្រធានបទដូចជា៖ យេនឌ័រនិងវប្បធម៏ សិទ្ធិពលកម្ម សិទ្ធិស្រ្តី និងសុវត្ថិភាពការងារ។ សិក្ខាកាមនឹងទទួលបាន ដំណោះស្រាយជាច្រើនក្នុងស្ថានភាពការងារជាក់ស្ដែងរបស់ស្រ្តី ហើយអាចរៀននូវមធ្យោបាយជាច្រើនដែលអាចទាំងការពារកម្មករនយោជិត និងលើកទឹកចិត្តពួកគេឱ្យធ្វើការដោយសក្ដានុុពលពេញលេញ។ការបណ្ដុះបណ្ដាលបន្ទាប់នឹងធ្វើឡើងនៅថ្ងៃទី២៥ ខែតុលា តាមកន្លែងដែលបានកំណត់។ សម្រាប់ពត៌មានបន្ថែមទាំងភាសាខ្មែរនិងភាសារអង់គ្លេស កម្មវិធីបន្តបន្ទាប់នឹងធ្វើឡើងក្នុងខែវិច្ឆកា និងខែធ្នូ។ សូមធ្វើការកក់កន្លែងសម្រាប់ក្រុមហ៊ុនរបស់អ្នក ដោយធ្វើការទំនាក់ទំនងតាមរយៈលោកស្រី  Eat Sopheak  ដែលមានលេខទូរស័ព្ទ ០១២ ៧២១ ៣២១ ឬក៏តាមរយៈអីុម៉ែល sopheak.eat@careint.org ការបណ្ដុះបណ្ដាលធ្វើជាភាសារខ្មែរ។ប្រសិនបើអ្នកចង់ដឹងព័ត៌មានបន្ថែមអំពី គម្រោងរបស់ឃ៊ែរអាចទំនាក់ទំនងប្រធានគម្រោងគឺលោកស្រី Kalyan Rath តាមរយៈអីុម៉ែល kalyan.rath@careint.org ឬក៏ទីប្រឹក្សាររបស់គាត់គឺលោកស្រី Adriana Siddle តាមរយៈអីុម៉ែល adriana.siddle@careint.orgស្វែងយល់បន្ថែមអំពីព័ត៌មានអចលនទ្រព្យតាមរយៈRealestate.com.kh!Click here to download your free copy!

ការសិក្សាមួយស្តីពីទីផ្សារខុនដូនៅកម្ពុជាបង្ហាញថាអ្នកទិញ និងអ្នកអភិវឌ្ឍន៍អចលនទ្រព្យជារឿយៗមិនបានពិនិត្យមើលច្បាប់ផ្ទៃក្នុង និងការគ្រប់គ្រងខុនដូនោះទេ មុននឹងទិញ ឬលក់យូនីតណាមួយ។ ការដែលមិនបានពិនិត្យមើលនោះអាចប៉ះពាល់យ៉ាងខ្លាំងទៅលើអចលនទ្រព្យ នៅពេលដែលច្បាប់ផ្ទៃក្នុង និងការគ្រប់គ្រងខុនដូអាចមានផលប៉ះពាល់យ៉ាងខ្លាំងទៅលើតម្លៃនៃអចលនទ្រព្យនោះ ។ ចាប់តាំងពីមានការប្រកាសអនុក្រិត្យលេខ១២៦ លើការគ្រប់គ្រងនិងការប្រើប្រាស់អគារសហកម្មសិទ្ធិ ចុះថ្ងៃទី១២ ខែសីហា ឆ្នាំ២០០៩ ហើយនឹងច្បាប់ស្ដីពីសិទ្ធិកាន់កាប់ដីធ្លីដល់ជនបរទេសនៅក្នុងវិស័យ ឯកជនជាលក្ខណៈសហកម្មសិទ្ធិ ចុះថ្ងៃទី២៤ ខែឧសភា ឆ្នាំ២០១០ គេសង្កេតឃើញថាការអភិវឌ្ឍខុនដូមានការកើនឡើងខ្លាំងគួរឱ្យកត់សម្គាល់នៅកម្ពុជាជាពិសេសគឺនៅទីក្រុងភ្នំពេញ។ជាការពិតការអភិវឌ្ឍន៍ជាច្រើន ដែលបានអភិឌ្ឍន៍ដោយអ្នកអភិវឌ្ឍន៍អន្តរជាតិ និងអ្នកអភិវឌ្ឍក្នុងស្រុក ដោយគម្រោងទាំងនោះមួយចំនួនបានសាងសង់រួចរាល់ ហើយមួយចំនួនទៀតកំពុងស្ថិតក្នុងដំណាក់កាលការសាងសង់ ដែលគ្រោងនឹងបញ្ចប់ក្នុងឆ្នាំ២០១៧ខាងមុខ។ ចំណុចដ៏សំខាន់មួយទៀតនោះគឺថាទីផ្សារអចលនទ្រព្យនៅកម្ពជាផ្ដល់សក្ដានុពលដល់អ្នកទិញជាមួយនឹងជម្រើសជាច្រើន។ ក៏ប៉ុន្តែមុនសម្រេចចិត្តទិញនូវអចលនទ្រព្យដែលមានសក្ដានុពលទាំងនោះ អ្នកទិញគួរតែពិចារណារទៅលើកត្តាផ្សេងៗដូចជា ទីតាំងរបស់ខុនដូ ការពិព័ណ៌នានិងគុណភាពរបស់របរប្រើប្រាស់ ទំហំនិងតម្លៃ អត្តសញ្ញាណនិងបទពិសោធន៏របស់អ្នកអភិវឌ្ឍន៍ និងគោលការណ៏ធានារ៉ាប់រងសំណង់ជាដើម។ កត្តាពីរផ្សេងទៀតដែលអ្នកអភិវឌ្ឍន៍ និងអ្នកទិញតែងតែភ្លេចនិងត្រូវតែពិនិត្យនោះគឺ អាយុកាលរបស់ខុដូ និតិវិធីនិងការគ្រប់គ្រងរបស់ខុនដូ ពីព្រោះកត្តាទំាងអស់នេះវាអាចជះឥទ្ធីពលយ៉ាងខ្លាំងលើតម្លៃរបស់យូនីត។កិច្ចសន្យាឬនិតិវិធីគឺសខាន់ណាស់ចំពោះខុនដូ ដូច្ចេះទាំងអ្នកកំពុងកាន់កាប់អចលនទ្រព្យនិងអ្នកត្រៀមកាន់កាប់អចលនទ្រព្យនាពេលខាងមុខ គឺត្រូវការកិច្ចសន្យាទាំងនេះជាចាំបាច់។ ពួគេត្រូវតែកំណត់ឱ្យបានច្បាស់នូវអាយុកាលរបស់ខុនដូ ជាពិសេសការរៀបចំគ្រប់គ្រងរបស់ខុនដូទាំងផ្លូវច្បាប់ និងការអនុវត្តជាក់ស្ដែង។គោលបំណងបំណងនៃកិច្ចសន្យានេះគឺផ្ដល់នូវសិទ្ធិនិងកាតព្វកិច្ចរបស់ម្ចាស់ទ្រព្យ ដើម្បីកំណត់នូវទីតាំង និងទ្រព្យឯកជន លក្ខខណ្ឌនៃការប្រើប្រាស់របស់វា ដើម្បីរៀបចំគ្រប់គ្រងខុនដូ និងកំណត់ ថាតើវាមានតម្លៃយ៉ាងណា? ជាពិសេសទាក់ទងនិងការថែរក្សានិងជួសជុល តើត្រូវធ្វើការចំណាយដោយម្ចាស់ទ្រព្យឬយ៉ាងណា?រដ្ឋាភិបាលយល់ថាកិច្ចសន្យាឬបទបញ្ជាផ្ទៃក្នុងត្រូវតែបានត្រួតពិនិត្យដោយអ្នកទិញមុននិងអ្នកទិញនោះសម្រេចចិត្តទិញនូវ ទ្រ-ព្យនោះ។ តាមពិតនៅក្នុងអនុក្រិត្តលេខ១២៦បានចែងថាកិច្ចសន្យាត្រូវតែចេញនៅគ្រាដំបូងសម្រាប់គម្រោងមួយ(ឧទាហរណ៏មុននិងប្រកាសលក់ឬជួលលំនៅដ្ឋានឯកជនរបស់អគារសហកម្មសិទ្ធិណាមួយ)។ ការចង្អុលបង្ហាញអំពីសារសំខាន់របស់កិច្ចសន្យាមួយផ្សេងទៀតនោះគឺថាពួកគេត្រូវបានទាមទារដោយការិយាល័យសុរិយោដីធ្លី សម្រាប់ការចុះបញ្ជីនៃខុនដូនិងការចេញប័ណ្ណកម្មសិទ្ធិសម្រាប់លំនៅដ្ឋាននីមួយៗ។ជាងនេះទៅទៀតអ្នកអភិវឌ្ឍន៍ និងអ្នកទិញមិនអាចមើលរំលងនូវឯកសារទាំងនេះបានទេដែលវាជាវត្ថុតាងដ៏សំខាន់ចំពោះខុនដូទាំងមូល ហើយដែលនឹងត្រូវបានប្រើប្រាស់ដើម្បីដោះស្រាយបញ្ហាដែលអាចកើតមានឡើងរវាងម្ចាស់លំនៅដ្ឋាន និងម្ចាស់គម្រោងខុនដូ។ ប៉ុន្តែវាពិតជាសំខាន់ណាស់ដែលថាពាក្យពេជន៍នៅក្នុងកិច្ចសន្យាមានភាពងាយស្រួលយល់ហើយភាគីសងខាងអាចយល់ព្រម ដំណោះស្រាយប្រកបដោយប្រសិទ្ធិភាពចំពោះបញ្ហាដែលអាចកើតមានឡើង។ ទោះជាយ៉ាងណាក៏ដោយគំរូដ៏សង្ខេបមួយនេះនឹងមិនផ្ដោតទៅលើកត្តាដទៃផ្សេងទៀតឡើយដូចជាការប្រើប្រាស់នូវតំបន់ទាំងនោះ ការបង្កើនទុន សុវត្ថិភាពរបស់ខុនដូ អំណាចនិងការទទួលខុសត្រូវរបស់អ្នកគ្រប់គ្រង ការរៀបចំ និងការសម្រេចចិត្តនៃការប្រជុំរបស់ម្ចាស់លំនៅដ្ឋាន និងគោលការណ៏ធានារ៉ាប់រងរបស់ខុនដូជាដើម។ ដូច្នេះវាត្រូវបានគេឱ្យយោបល់ដល់អ្នកអភិវឌ្ឍគួរតែស្នើសុំជំនួយពីអ្នកជំនាញ (ជាពិសេសមេធាវី) សម្រាប់ព្រៀងនូវកិច្ចសន្យាដើម្បីឱ្យមានលក្ខណៈច្បាស់លាស់និងផ្តលភាពងាយស្រួលដល់អ្នកទិញ។លើសពីនេះទៅទៀតមានការផ្តល់ដំបូន្មានជូនដល់អ្នកទិញ ឬអ្នកលក់ មុននឹងទិញឬក៏លក់ខុនដូត្រូវយល់ឱ្យបានច្បាស់ពីការគ្រប់គ្រងរបស់វា។ ជាការពិតណាស់ការគ្រប់គ្រងគឺសំខាន់ណាស់ដើម្បីឱ្យប្រតិបត្តិការល្អហើយមានប្រសិទ្ធិភាពរបស់ខុនដូ ក៏ដូចជាក៏មិនមានផលប៉ះពាល់អវិជ្ជមានដល់តម្លៃរបស់យ៉ូនីតខុនដូនោះទេ។ អនុក្រិត្តលេខ១២៦ ក៏បានចែងដែរថាខុនដូគួរតែមានការគ្រប់គ្រងឬក៏មានគណៈកម្មការប្រតិបត្តិមួយ ដើម្បីកំណត់នូវការគ្រប់គ្រងខុនដូប៉ុន្តែអនុក្រិត្តមិនបានបញ្ញាក់ទេថាតើគណៈកម្មកានិងអ្នកគ្រប់ គ្រងអាចផ្ទេរសិទ្ធិរបស់ពួកគេបានដែរឬយ៉ាងណា?ជាទូទៅមានជម្រើសពីរផ្ដល់ឱ្យម្ចាស់លំនៅដ្ឋានដើម្បីគ្រប់គ្រងខុនដូរបស់ពួកគេ។ ម្ចាស់លំនៅដ្ឋានអាចសម្រេចចិត្តបន្តតួនាទីគ្រប់គ្រងដោយពួកគេផ្ទាល់ឬក៏ពួកគេអាចជ្រើរើសអ្នកគ្រប់គ្រងតតិយជន ណាម្នាក់ដែលមានជំនាញនិងចំណេះដឹងក្នុងការគ្រប់គ្រង។ យើងមើលឃើញថានៅ អ៊ឺរ៉ុប សហរដ្ឋអាមេរិក និងតំបន់អាស៊ីអាគេ្នយ៏មានករណីជាច្រើនដែលធ្វើឱ្យការគ្រប់គ្រងខុនដូមិនបានល្អដោយសារតែខ្វះចំណេះដឹងនិងបទពិសោធន៏។ ករណីទាំងនេះដូចជា៖ អនាម័យ ការថែទាំ និងរាល់ការជួសជុលដែលចាំបាច់អំឡុងពេលនៃការគ្រប់គ្រងនោះ។ យើងក៏បានដឹងដែរថាមានករណីជាច្រើនដូចជា តម្លៃឈ្នួលមិនបានប្រមូលទាន់ពេល ឬបញ្ហាមួយចំនួនបានកើតមានឡើងក្នុងខុនដូ ឬការប្រើប្រាស់ថវិការមិនបានត្រឹមត្រូវ។ ទាំងនេះជាឧទាហរណ៏នៃការគ្រប់គ្រងខុនដូមិនបានល្អដែលតែងតែកើតមានឡើងលើការចំណាយ និងជាបញ្ហាដល់ម្ចាស់លំនៅដ្ឋាននិងធ្វើឱ្យលំនៅដ្ឋាននោះមានតម្លៃធ្លាក់ចុះ។ នេះជាការសង្ស័យមួយដែលនាំឱ្យម្ចាស់លំនៅដ្ឋានដែលមានបំណងលក់ឬជួលខុនដូទទួលបានតម្លៃទាបជាងការគ្របគ្រង់ដោយខ្លួនឯង។ដូច្នេះវាត្រូវបានគេឱ្យយោបល់ថាម្ចាស់ខុនដូត្រូវជ្រើសរើសអ្នកគ្រប់គ្រងដែលមានបទពីសោធន៏និង មានប្រព័ន្ធគ្រប់គ្រងហិរញវត្ថុច្បាស់លាស់ ច្បាប់និងបញ្ហាបច្ចេកទេស ធនធាននិងការទំនាក់ទំនងដើម្បីធានាថាខុនដូនោះមានដំណើរការល្អ។តួនាទីនិងកាតព្វកិច្ចរបស់អ្នកគ្រប់គ្រងអចលនទ្រព្យអាស្រ័យទៅលើអាណត្តិរបស់វា និងការផ្ដល់សិទ្ធិនៃកិច្ចសន្យានោះ។ អ្នកគ្រប់គ្រងអចលនទ្រព្យត្រូវតែគ្រប់គ្រងតួនាទីគ្រប់គ្រងពីមួយថ្ងៃទៅមួយថ្ងៃរបស់ខ្លួន ធានាឱ្យបាននូវការប្រតិបត្តិតាមបទបញ្ជាផ្ទៃក្នុងប្រតិបត្តិនូវការគ្រប់គ្រងបច្ចេកទេស និងរាល់ការថែទាំដែលចាំបាច់ការជួសជុល ការរៀបចំរបៀបវារៈសម្រាប់ការប្រជុុុំ ការធ្វើផែនការចំណាយប្រចាំឆ្នាំ និងការប្រមូលថ្លៃឈ្នួលខុនដូពីម្ចាស់លំនៅដ្ឋាន។សរុបសេចក្ដីមកយើងចង់បង្ហាញថាការព្រៀងកិច្ចសន្យាឬបទបញ្ជាផ្ទៃក្នុងនិងជម្រើសនៃការគ្រប់គ្រងល្អគឺសំខាន់ណាស់ដើម្បីទទួលបានតម្លៃខុនដូពិត និងធានាបានថាខុនដូដំណើការដោយជោគជ័យ។ ខុនដូមួយដែលមានគុណភាពនោះមិនគ្រប់គ្រាន់ទេសម្រាប់អ្នកទិញនិងផ្ដល់នូវគុណភាពល្អបំផុតក្នុងជីវិតរស់នៅខុនដូដល់ពួកគេ។ON THE AUTHORS ING Sophealeak and Charles AMAR, lawyers at Bun & Associates, advise domestic and foreign clients seeking expert advice and innovative solutions in dealing with significant and complex transactions involving both raw and developed properties.  Their work includes advising on all issues relating to real estate investment, project development, construction, asset management. Our real estate team has also hands-on expertise and experience in advising clients on matters related to economic land concessions, special economic zones, agriculture, the environment and mining.For further information, contact: Bun & Associates #29, Street 294, Phnom Penh, Cambodia, P.O. Box 2326 T: +855 23 999 567 | F: +855 23 999 566 E: ing@bun-associates.com / amar@bun-associates.com www.bun-associates.com This publication is for your information only. It is not intended to be comprehensive and it does not constitute and must be not relied on as legal advice. You must seek specific advice tailored to your circumstances. Any use of the information contained in this article or the receipt of this article is not intended to create nor does it create a solicitor-client relationship between you and Bun & Associates. Unless otherwise indicated, Bun & Associates owns the copyright of this article. If you seek to reproduce or otherwise use this article or any part of it in any way, it is your responsibility to obtain approval for such use where necessary. Click here to download your free copy!

ទោះបីជាមានការប្រកាសនាពេលថ្មីៗថាមានគម្រោងអភិវឌ្ឍន៍ធំៗនៅក្នុងប្រទេសកម្ពុជាផ្ដោតទៅលើគម្រោងប្រភេទ “លំនៅដ្ឋានដែលមានតម្លៃសមរម្យ” សម្រាប់អ្នកមានជីវភាពមធ្យម ក៏ដូចជាប្រជាជនដែលមានជីវភាពក្រីក្រនៅតែមានគម្លាតយ៉ាងខ្លាំងនៅឡើយនៅក្នុងទីផ្សារលំនៅដ្ឋាន ជាពិសេសនៅតាមតំបន់ជនបទក្រីក្រ ក៏ដូចជានៅពេលដែលប្រជានជននៅតាមជនបទផ្លាស់ប្តូរទៅទីក្រុងក្នុងគោលបំណងស្វែងរកការងារធ្វើ។ ខណៈដែលតម្លៃដីបន្តកើនឡើងខ្ពស់ត្រដែតក្នុងទីក្រុង នោះធ្វើឲ្យតម្រូវការប្រភេទលំនៅដ្ឋានដែលមានតម្លៃទាបសម្រាប់អ្នកមានជីវភាពក្រីក្រត្រូវបានរុញច្រានឲ្យកាន់តែឃ្លាតឆ្ងាយពីឱកាសរស់នៅក្នុងលំនៅដ្ឋានសមរម្យមួយ។អង្គការក្រៅរដ្ឋាភិបាលចំនួន២កំពុងតែស្វែងរកវិធីសាស្រ្តដើម្បីដោះស្រាយបញ្ហានេះ ហើយបានរកឃើញនូវគន្លឹះសាមញ្ញមួយគឺការសហការគ្នា និងការបង្កើតវប្បធម៏នៃការសន្ទនារវាងវិស័យឯកជន វិស័យសារធារណៈ  និងអង្គការក្រៅរដ្ឋាភិបាល។អង្គការ Habitat ជាអង្គការអន្តរជាតិដែលមានវត្តមានក្នុង៧០ប្រទេសលើពិភពលោកកំពុងតែស្វែងរកវិធីសាស្រ្តដើម្បីកាត់បន្ថយភាពគ្មានលំនៅដ្ឋាន និងភាពក្រីក្រនៅលើពិភពលោក។លោក Kif Nguyen ដែលជាអគ្គនាយករបស់អង្គការលំនៅដ្ឋានប្រចាំប្រទេសកម្ពុជាបានបញ្ជាក់ថា “ការស្រាវជ្រាវបង្ហាញថា មានលំនៅដ្ឋានប្រហែល២លានខ្នងក្នុងប្រទេសកម្ពុជាមិនទាន់ឆ្លើយតបទៅនឹងស្តង់ដារស់នៅ ទាំងស្ថានភាពរស់នៅ អាយុកាលសំណង់ ប្រព័ន្ធទឹក អនាម័យ និងទំហំដី។ លំនៅដ្ឋានក្រោមស្តង់ដាគឺជាបញ្ហាសំខាន់មួយដែលធ្វើឲ្យមានការរាំងស្ទះដល់ការអភិវឌ្ឍន៍ ប្រកបដោយនិរន្តភាពនៅក្នុងប្រទេស ដោយសារតែលំនៅដា្ឋនមិនមានស្តង់ដាត្រឹមត្រូវគឺជាផលវិបាកតែមួយមុខប៉ុណ្ណោះទេ ប៉ុន្តែវាថែមទាំងជាឫសគល់នៃភាពក្រីក្រផងដែរ។ លើសពីនេះទៅទៀតលោក Kif Nguyen បាននិយាយថា “យោងតាមគោលនយោបាយលំនៅដ្ឋានជាតិឆ្នាំ២០៣០ កម្ពុជាត្រូវការលំនៅដ្ឋានចំនួន១,១លានខ្នងទៀតដើម្បីបំពេញតម្រូវការ ហើយតម្រូវការដ៏ច្រើនលើសលុបនេះ នៅតែត្រូវការបន្ថែមទៀតសម្រាប់ប្រជាជនក្រីក្រជាពិសេសនៅតាមតំបន់ប្រជុំជន។”ក្នុងពេលជាមួយគ្នានេះដែរ Building Trust International ឫអង្គការទំនុកចិត្តអន្តរជាតិ ជាអង្គការដែលបានចុះបញ្ជីក្នុងចក្រភពអង់គ្លេស បានផ្ដល់ជំនួយនៃការច្នៃម៉ូតលំនៅដ្ឋានដល់សហគមន៏ និងជាលក្ខណៈបុគ្គលដែលមានតម្រូវការលំនៅដ្ឋាន។ លោក David Cole ដែលជាអគ្គនាយកប្រតិបត្តិរបស់អង្គការ Building Trust International ប្រចាំប្រទេសកម្ពុជាមានជំនឿថា “លំនៅដ្ឋានគឺជាកន្លែងសម្រាប់គ្រួសារ និងការវិនិយោគជាលក្ខណៈសហគមន៍ក្នុងតំបន់សម្រាប់រយៈពេលវែងបន្ទាប់ពីគម្រោងបញ្ចប់ទៅ តាមរយៈការច្នៃម៉ូតលំនៅដ្ឋានទៅតាមកម្រឹតនីមួយៗ ក្នុងទម្រង់ជាការផ្ដល់ការងារ និងការបណ្ដុះបណ្ដាល។”នៅក្នុងប្រទេសកម្ពុជា អង្គការទាំងពីរនេះបានផ្ដល់ជំនួយគាំទ្រជាដំណោះស្រាយនៃការសាងសង់លំនៅដ្ឋាន ដែលមាននិរន្តភាព ដែលអាចឆ្លើយតបនឹងតម្រូវការដែលកំពុងតែកើនឡើងនៅតំបន់ប្រជុំជននៃជនបទក្រីក្រ។ អង្គការក៏ជម្រុញឱ្យមានការអភិវឌ្ឍសហគមន៏តាមរយៈការផ្តល់ប្រាក់កម្ចីទិញផ្ទះដល់អ្នកដែលមានប្រាក់ចំណូលទាប និងលើកទឹកចិត្តគាំទ្រលើគម្រោងរបស់ពួកគេទាំងវិស័យឯកជននិងរដ្ឋ។គម្រោងថ្មីមួយដែលអង្គការ Habitat  និង អង្គការ Building Trust បានសហការគ្នាក្នុងប្រទេសកម្ពុជាក្នុងការរៀបចំ និងការអនុវត្តនូវគម្រោងមួយដែលមានឈ្មោះថា “Framework Housing” ដែលជាគម្រោងលំនៅដ្ឋានមានសេ្ថរភាព និងមានតម្លៃសមរម្យ ដែលលំនៅដ្ឋានទំាងនោះត្រូវសាងសង់ពីដើមឫស្សី និងឈើដែលមានក្នុងតំបន់ដោយគិតតម្លៃសមរម្យពីពលរដ្ឋត្រឹមតែ ២, ៥០០ដុល្លាប៉ុណ្ណោះ។តម្លៃថោកក៏ពិតមែនប៉ុន្តែមានភាពច្នៃប្រឌិតខ្ពស់  លំនៅដ្ឋានទាំងនេះត្រូវបានធ្វើឡើងសម្រាប់ប្រជាជនកម្ពុជា។ បង្អួចអាចមានខ្យល់ចេញចូលគ្រប់គ្រាន់នៅក្នុងផ្ទះ ហើយដំបូលផ្ទះដាក់ទ្រេតចុះដែលធ្វើឲ្យទឹកអាច ហូរបានលឿន។ផែនការរចនា និងការសាកល្បងជំហានទីមួយរបស់គម្រោង “Framework House” បានបញ្ចប់រួចរាល់ហើយបច្ចុប្បន្នអង្គការទាំងពីរកំពុងតែអនុវត្តផែនការបន្ទាប់  គឺគម្រោងលំនៅដ្ឋានដែលមានច្រើនជាន់សម្រាប់តំបន់ទីក្រុង។ ក៏ប៉ុន្តែ ដើម្បីឱ្យគម្រោងនេះជោគជ័យបានដោយរលូនអង្គការទាំងពីរយល់ឃើញថា ការជួយជ្រោមជ្រែងពីវិស័យឯកជន និងវិស័យសាធារណៈគឺមានភាពចាំបាច់។  យោងទៅតាមលោក Nguyen បានឱ្យដឹងថារដ្ឋាភិបាលបានផ្ដល់ជំនួយ និងបានបង្ហាញឆន្ទៈមួយចំនួនដើម្បីឱ្យការសហការគ្នាកាន់តែជិតស្និតជាងនេះទៀត។ ជាក់ស្តែងនៅខេត្តបាត់ដំបងអង្គការ Habitat បានធ្វើការជាមួយអាជ្ញាធរក្នុងតំបន់ដើម្បីជួយសម្រួលផ្តល់កម្មសិទ្ធិកាន់កាប់ដីធ្លីដល់គ្រួសារដែលបានរស់នៅលើដីរដ្ឋជាច្រើនឆ្នាំមកហើយ។ទោះបីជាដំណើការនៃការទទួលបានដីកាន់កាប់ដោយស្របច្បាប់គឺគ្រាន់តែជាជំហ៊ានដំបូងរបស់គម្រោងអភិវឌ្ឍន៏លំនៅដ្ឋានដោយនិរន្តរភាព។ លោក Nguyen បាននិយាយទាំងភាពសោកស្តាយថា “វាមិនងាយស្រួលនោះទេ ប៉ុន្តែយើងត្រូវតែខិតខំប្រឹងប្រែងធ្វើវាឲ្យបាន។”បន្ទាប់ពីគ្រួសានីមួយៗ ទទួលបានប័ណ្ណកម្មសិទ្ធិកាន់កាប់ដីធ្លី អង្គការ Habitat នឹងជួយនៅកន្លែងអភិវឌ្ឍន៍លើគម្រោងលំនៅដ្ឋានផ្ទាល់ និងជួយគម្រោងហេដ្ឋារចនាសម្ព័ន្ធដូចជា ផ្លូវ និងប្រព័ន្ធលូជាដើម។លោក Nguyen បានបន្ថែមថា “ជំនួយឬទុនបម្រុងដីធ្លីគឺជាគន្លឹះដ៏សំខាន់មួយ យើងអាចសាងសង់លំនៅដ្ឋានមានគុណភាពដែលមានតម្លៃសមរម្យ ដូចដែល Habitatបានធ្វើនៅទូទាំងពិភពលោក ប៉ុន្តែនៅពេលដែលតម្លៃដីកើនឡើងនៅតំបន់ប្រជុំជន យើងត្រូវការជំនួយពីវិស័យឯកជន និងវិស័យសាធារណៈ ដើម្បីឱ្យទទួលបានទីតាំងសមរម្យ និងតម្លៃអាចឱ្យអ្នកដែលមានចំណូលទាបអាចទទួលយកបាននៅក្នុងទីផ្សារ។”តាមរយៈគម្រោង “ដីសម្បទាន” ដែលចូលរួមដោយភាគីទំាង៣ លោក Nguyen មានជំនឿយ៉ាងមុតមាំថាប្រជាជនកម្ពុជាទាំងអស់អាចទទួលបានស្ដង់ដារស់នៅដ៏ល្អមួយ។ អង្គការក្រៅរដ្ឋាភិបាលមានសមត្ថភាពបច្ចេកទេសគ្រប់គ្រាន់ទាក់ទងទៅនឹងគម្រោងលំនៅដ្ឋានសម្រាប់សហគមន៍ ហើយវិស័យឯកជនមានប្រាក់គ្រប់គ្រាន់ ចំណែកឯរដ្ឋាភិបាលមានដី។ ប្រសិនបើយើងចង់បង្កើតឱ្យមានវប្បធម៏សន្ទនានិងសហការគ្នា រវាងវិស័យទាំងបីនេះយើងអាចផ្លាសប្តូរស្ថានភាពបច្ចុប្បន្នបាន ហើយគ្រប់គ្នាអាចទទួលបានភាពជោគជ័យ។ការអភិវឌ្ឍន៏ទីផ្សារគឺជាចំណងមិត្តភាពផ្សេងទៀតដែលអង្គការលំនៅដ្ឋាអន្តរជាតិអាចឈរនៅប្រទេសកម្ពុជាបាន ជាអង្គការជួយដល់គ្រួសារដែលមានប្រាក់ចំណូលទាបក្នុងការទទួលបានប្រាក់កម្ចីទិញផ្ទះ។លោកបាននិយាយថា “យើងបានជួយគ្រួសារជាង៦០០០គ្រួសារដើម្បីឱ្យទទួលបានប្រាក់កម្ចីទិញផ្ទះកាលពីឆ្នាំកន្លងទៅ ប៉ុន្តែដោយមានជំនួយពីរដ្ឋាភិបាលកើនឡើងហើយ យើងមានសក្ដានុពលផ្តល់កម្ចីទិញផ្ទះដើម្បីជួយដល់ពួកគេ។ វាជាទីផ្សារដែលអាចសម្រេចបាន និងការរួមចំណែកធំបំផុត ប៉ុន្តែវាតម្រូវឱ្យមានការយល់ដឹងនិងការអប់រំកាន់តែច្រើនទៅកាន់ប្រជាជនដែលមានជីវភាពថ្នាក់ទាប និងនៅក្នុងឧស្សាហកម្មមីក្រូហិរញ្ញវត្ថុ។”លោក Cole និយាយថា “ក្នុងប្រទេសកម្ពុជាមានក្រុងធំៗ៣ដែលមានប្រជាជនរស់នៅច្រើនដូចជា ក្រុងភ្នំពេញ បាត់ដំបង និងក្រុងសៀមរាប ដែលមានសហគមន៏រស់នៅច្រើនស្រាប់នឹងត្រូវការចំណែកដីជំនួយបម្រុងទុកសម្រាប់សាងសង់លំនៅដ្ឋានដែលមានតម្លៃទាប ឫតំបន់ដែលមានកំណើនប្រជាជនច្រើននាពេលបច្ចុប្បន្ន តាមការប៉ាន់ស្មានតម្លៃដីនឹងកើនឡើងខ្ពស់។លោក Cole និយាយថា “បើនិយាយអំពីការវិនិយោគលំនៅដ្ឋានដែលមានតម្លៃទាបពួកយើងមានភាពរីករាយ ប៉ុន្តែក្នុងករណីប្រសិនបើមិនមានការជួយទំនុកបម្រុងពីរដ្ឋាភិបាលតម្លៃរបស់យ៉ូនីតនៅក្នុងគម្រោងនេះនៅតែមានតម្លៃមួយខ្ពស់ដដែល នេះមិនរាប់បញ្ចូលនូវប្រាក់ឈ្នួលកម្មករ និងថ្លៃសេវាសំខាន់ៗនៅឡើយផង ដូចនេះពួកគេអាចនឹងធ្វើការស្នើកម្ចី វាជាហេតុនាំឲ្យមានការជំពាក់បំណុល និងបញ្ហាសង្គមនឹងអាចកើតមានឡើង។”លោក Cole បញ្ជាក់ទៀតថា “ប្រសិនបើគម្រោងលំនៅដ្ឋានមានគុណភាពដែលមានតម្លៃសមរម្យ ត្រូវបានសាងសង់ដោយជោគជ័យនៅតំបន់ដូចជា ទីក្រុងភ្នំពេញ យើងជឿថារដ្ឋាភិបាលត្រូវតែផ្ដល់ទាំងដីជាទុនបម្រុងដើម្បីធ្វើគម្រោងនេះ ឬក៏ផ្ដល់ដីនិងអគារក្រោមជំនួយរបស់អង្គការក្រៅរដ្ឋាភិបាលដូចជា អង្គការ Building Trust និងអង្គការ Habitat ដែលត្រូវចំណាយថ្លៃជួលថេរសងទៅដល់រដ្ឋាភិបាលវិញ ចំណាយលើការថែរក្សា និងកសាងគម្រោងខាងមុខទៀត។”  លោក Cole និយាយថា “ប្រសិនបើរដ្ឋាភិបាលដាក់គម្រោងនេះជាគម្រោងអាទិភាព នេះនឹងមានក្រុមហ៊ុនវិនិយោគបរទេស និងដៃគូឯកជន និងរដ្ឋមកវិនិយោគមន្ថែមទៀត។” ស្វែងរកអចលនទ្រព្យនៅប្រទេសកម្ពុជាតាមរយៈ Realestate.com.kh

បម្រើឱ្យភាពរឹងមាំសម្រាប់ស្ថេរភាពនយោបាយនិងសេដ្ឋកិច្ចអស់រយៈពេល៧ទស្សវត្ស ព្រះរាជាណាចក្រថៃឥឡូវនេះនៅមានភាពជាប់គាំងសេដ្ឋកិច្ចមួយរយៈ។ ស្រាប់តែនៅពេលថ្មីៗនេះប្រទេសថៃបានបាត់បង់នូវព្រះមហាក្សត្ររបស់ខ្លួន ដែលប្រជាពលរដ្ឋថៃគោរពស្រលាញ់ជាទីបំផុតនោះគឺព្រះអង្គម្ចាស់ Bhumibol Adulyadejដែលជាព្រះមហាក្សត្រសោយរាជ្យយូរជាងគេក្នុងពិភពលោក។ ព្រះវរាជបិតាជាតិថៃបានសោយទីវង្គតកាលពីម្សិលមិញនៅវេលាម៉ោង ២ៈ៥២ នាទីរសៀលម៉ោងនៅប្រទេសថៃ។ ការិយាល័យព្រះបរមរាជវាំងគ្រួសារថៃ បានកំណត់ថានេះជាការស្លាប់បាត់បង់នូវសន្តិភាពទាំងមូលរបស់ព្រះរាជាណាចក្រថៃ។ ដំណោះស្រាយក្នុងភាពស្រពិចស្រពិល៖ដូច្នោះហើយប្រជាជនជាច្រើនបានប្រមូលជួបជុំគ្នានៅឯមន្ទីពេទ្យដើម្បីបង្ហាញនូវការអាណិតអាសូរនិងភាពសោកស្តាយរបស់ពួកគេ។ ហើយប្រជាជនមួយចំនួនទៀតបានសម្ដែងការព្រួយបារម្មណ៏នូវការប្រែប្រួលសេដ្ឋកិច្ច។ ការរៀបចំអភិបាលកិច្ចរបស់ព្រះអង្គបាននាំមកនូវស្ថេរភាពសេដ្ឋកិច្ចនិងនយោបាយអស់ រយៈពេលជាច្រើនទស្សវត្សកន្លងមកហើយ។ប្រជាជនមួយចំនួនខ្លាចមានការវិនិយោអចលនទ្រព្យបរទេសមកវិនិយោគក្នុងប្រទេសរបស់ខ្លួន ដែលជាទីផ្សារពេញនិយមនៅក្នុងតំបន់ហើយទទួលបានប្រាក់ចំណេញខ្ពស់ទៀតផងនោះ ដោយមើលឃើញនូវចន្លោះប្រហោងនៃភាពមិនច្បាស់លាស់នេះដែលធ្វើឱ្យមានការធ្លាក់ចុះទីផ្សារក្នុងប្រទេស។លោក Alex Evengroen ដែលជានាយកប្រតិបត្តិរបស់ក្រុមហ៊ុន Key Real Estate Co., Ltd.,បានសន្និដ្ឋានអំពីស្ថានភាពនេះថា “ការប្រគួតប្រជែងឧស្សាហកម្មអចលនទ្រព្យថៃនិងធ្វើឱ្យមានភាពប្រសើឡើងនិងឆ្ពោះទៅរកវិនិយោគិនបរទេសនិងវិនិយោគិនក្នុងស្រុករបស់ប្រទេសថៃ។ យើងនៅតែរងចាំមើលថាតើនៅពេលអនាគតគោលនយោបាយរបស់ប្រទេសថៃនៅតែដដែលឬក៏វាក្លាយទៅជាការបត់បែនតាមការរស់នៅរបស់ប្រជាជនទូទាំងពិភពលោក?”តើវិនិយោគិនទៅវិនិយោគនៅប្រទេសថៃឬមកពីប្រទេសថៃ?ទោះបីជាមានទស្សនៈជាច្រើនផ្សេងៗគ្នាចំពោះព្រឹត្តិការណ៏អកុសលមួយនេះក៏ដោយ អ្នកជំនាញមួយចំនួនបានបង្ហាញថាសក្ដានុពលវិនិយោគិនប្រហែលជាការជ្រើសរើសទិសដៅវិនិយោគរបស់ពួកគេក្នុងប្រទេសដែលកំពុងអភិវឌ្ឍន៏ដូចជាប្រទេសកម្ពុជារហូតទាល់តែភាពមិនច្បាស់លាស់នេះបានស្ងប់ស្ងាត់ទៅវិញ ហើយធានាឱ្យមានស្ថេរភាពនយោបាយឡើងវិញ។ លោក Bobby Peoples ដែលជាអ្នកគ្រប់គ្រងប្រចាំប្រទេសរបស់ក្រុមហ៊ុន Home Connect ដែលជាក្រុមហ៊ុនដែលមានជនបទេសយ៉ាងច្រើនស្វែងរកទិញផ្ទះតាមរយៈក្រុមហ៊ុនអចលនទ្រព្យមួយនេះបានពន្យល់ថា “ការសោយទីវង្គតព្រះមហាក្សត្រថៃ Bhumibol Adulyadej រដ្ឋាភិបាលយោធាថៃត្រូវតែបង្ហាញប្រជាជនថៃនូវភាពប្រាកដប្រជាក្នុងអំឡុងនេះ ពួកគេអាចផ្ដល់នូវសន្តិសុខស្ថេរភាព និងការផ្សះផ្សាជាតិឡើងវិញ។ ប្រសិនបើពួកគេមិនអាចគ្រប់គ្រងបាននោះទេ ទាំងវិនិយោគិនថៃនិងបទរទេសដែលវិនិយោគក្នុងប្រទេសថៃនឹងងាកមករកប្រទេសកម្ពុជាវិញ ព្រោះជាជម្រើសល្អជាង។ ប្រសិនបើនៅតែមានសភាពបែបនេះ!”លោក Alex Evengroenនៅតែមានមន្ទិលសង្ស័យថា “ក្នុងនាមជាអ្នកជំនាញក្នុងវិស័យអចលនទ្រព្យខ្ញុំមិនគិតថាវាអាចប៉ះពាល់ទីផ្សារអចលនទ្រព្យកម្ពុជាឡើយ ព្រោះថាវិនិយោគិនថៃ ឬអ្នកទិញលំនៅដ្ឋានជាច្រើនបានវិនិយោគក្នុងវិស័យអចលនទ្រព្យទូទៅ។”ប៉ុន្តែលោក Alex Evengroen នៅតែសង្ឃឹមយ៉ាងមុតមាំថា “នាពេលអនាគត ប្រទេសទាំងពីរនឹងដើរលើផ្លូវតែមួយហើយពិភាក្សាជាមួយឱកាសសក្ដានុពលសម្រាប់ឧស្សាហកម្ម និងសង្ឃឹមថានឹងមានចំណងមិត្តភាពរឹងមាំនាពេលអនាគត។” ពិភពលោកបានបាត់មនុស្សដ៏អស្ចារ្យម្នាក់ ហើយប្រទេសថៃបានបាត់បង់បិតាជាតិរបស់ខ្លួន ប៉ុន្តែតើវាជាការបាត់បង់សេដ្ឋកិច្ចដែរឬទេ? ពីរបីថ្ងៃបន្ទាប់គឺជាថ្ងៃដែលមានសារសំខាន់សម្រាប់ប្រជាជនថៃ ហើយប្រជាជនគ្រប់រូបនឹងរងចាំមើលអនាគតប្រទេសថៃឈានចូលក្នុងទំព័រប្រវត្តិសាស្រ្តថ្មីមួយ។ តាមដាននូវព័ត៌មានអចលនទ្រព្យថ្មីៗ ជារៀងរាល់ថ្ងៃ!Click here to download your free copy!

ក្នុងរយៈពេលពីរទសវត្សកន្លងមក ទម្រង់ផ្សេងគ្នានៃប័ណ្ណកម្មសិទ្ធិដីធ្លីបានកើតមានឡើង។ ប្រតិបត្តិ ការ បានធ្វើឲ្យមានការផ្លាស់ប្តូរបណ្តើរៗដែលជាលទ្ធផលបែបនេះ។ លោក Grant Fitzgerald អ្នកគ្រប់គ្រងប្រចាំប្រទេសរបស់របស់ក្រុមហ៊ុន IPS កម្ពុជា ផ្តល់នូវទស្សនខ្លះៗ ទៅលើប្រភេទ នៃប្លង់កម្មសិទ្ធិ មួយក្នុងអំឡុងពេលជជែកពិភាក្សារបស់លោកជាមួយនឹង Realestate.com.kh ក្នុងពេលថ្មីៗនេះ។ប្លង់ទន់នៅកម្ពុជា៖ លោក Fitzgerald បានលើកឡើងថា ប្លង់ទន់គឺជាទម្រង់ទូទៅុមួយនៃកម្មសិទ្ធិកាន់កាន់។ ប្រមាណជា ៨៥ ភាគរយនៃអចលនវត្ថុទាំងអស់នៅក្នុងប្រទេសកម្ពុជា ត្រូវបានកាន់កាន់តាមរយៈប្លង់ទន់ និងត្រូវ បានចុះបញ្ជីទាំងនៅសង្កាត់ និងខណ្ឌ ដែលមានតែក្រុមប្រឹក្សា និងថ្នាក់ស្រុកទទួលស្គាល់ប៉ុណ្ណោះ។ លោកបានលើកឡើងទៀតថាប្លង់ទន់ត្រូវបានផ្ទេរក្នុងពេលតិចជាង១០ ថ្ងៃ និងមានតម្លៃទាប។ប្លង់រឹងនៅកម្ពុជា៖លោក Fitzgerald បានពន្យល់ថា ប្លងរឹង គឺជា “ទម្រង់នៃប័ណ្ណកម្មសិទ្ធិកាន់កាប់រឹងមាំមួយនៅក្នុងប្រ ទេសកម្ពុជា។”  ប្លង់រឹងបានចុះបញ្ជីនៅថ្នាក់ជាតិ តាមរយៈក្រសួងរៀបចំដែនដីនគរូបនីយកម្ម និងសំ ណង់។ ការផ្ទេរប្លង់រឹងគឺត្រូវធ្វើនៅការិយាល័យសុរិយោដី និងជាធម្មតាត្រូវចំណាយពេល ១២ សប្តាហ៍ទើបរួចរាល់។  អ្នកត្រូវបង់ពន្ធលើការផ្ទេរ ៤ភាគរយ។ប្លង់រឹងប្រភេទLMAP នៅកម្ពុជា៖លោក Fitzgerald បានពន្យល់ថា ប្លង់រឹង LMAP ឬ “ប្លង់រដ្ឋបាលនិងការគ្រប់គង់ដីធ្លី” បានចូលជា អត្ថិភាពនៅក្នុងឆ្នាំ ២០០២ ដោយមានជំនួយពីធនាគារពិភពលោក។ លោកបាននិយាយថាគម្រោង នេះត្រូវបានបង្កើតឡើង “ជាមួយនឹងគំនិតនៃការពង្រឹងគុណភាពនៃ ព័ត៌មានពីប្លង់កម្មសិទ្ធិនៃអចលន ទ្រព្យនៅក្នុងប្រទេសកម្ពុជា។”ដូចគ្នានេះដែរ ថ្លៃសេវាលើការផ្ទេរ និងរយៈពេល គឺស្ទើរតែដូចគ្នារវាងប្លងរឹងប្រភេទLMAP និងប្លង់រឹង។ ភាពខុសគ្នាគឺត្រង់ថាប្លងរឹងប្រភេទ LMAP គឺមានការកំណត់ដោយប្រព័ន្ធ GPS និងប្លង់ប្រភេទនេះមានគោលបំណងឆ្ពោះទៅរកទីតាំងភូមិសាស្រ្តនៅតាមជនបទ។ប័ណ្ណសហកម្មសិទ្ធិ “ប័ណ្ណកម្មសិទ្ធិរួម”លោក Fitzgerald បានពន្យល់ថា “ប័ណ្ណកម្មសិទ្ធិកាន់កាប់រួម ប្រើបានសម្រាប់ជនបរទេស ដែលអ្នក ដទៃទៀតមិនអាចប្រើបា្រស់បាន។” លោកបានលើកឡើងថា ប័ណ្ណកម្មសិទ្ធិរួមមានគុណសម្បត្តិជាក់ លាក់ជាច្រើន។ ក្នុងចំណោមលក្ខណៈសម្បត្តិទាំងនេះគឺជាការរឹតបណ្តឹងកម្មសិទ្ធិបរទេសឲ្យមានត្រឹម តែ ៧០ភាគរយនៃអគារ ដែលមិនឲ្យជាប់ជាន់ផ្ទាល់ដីទេ។ ចំណុចនេះអាចត្រូវអនុវត្តសម្រាប់តែការ សាងសង់អគារបន្ទាប់ពីឆ្នាំ ២០១០ និងមិនគួរសាងសង់ក្នុងចម្ងាយ ៣០ គីឡូម៉ែត្រពីព្រំដែននៃប្រ ទេសណាមួយទេ។ប័ណ្ណកម្មសិទ្ធិរួម ក៏បានទទួលស្គាល់នៅក្រសួងរៀបចំដែនដីនគរូបនីយកម្ម និងសំណង់ផងដែរ។ ហើយទាំងពេលវេលា និងថ្លៃសេវានៃការផ្ទេរប្លង់ គឺស្រដៀងគ្នាទៅប្លង់រឹងនិងប្លង់រឹងប្រភេទ LMAP។សូមស្វែងរក អចលនទ្រព្យរបស់ក្រុមហ៊ុន IPS សម្រាប់លក់ និងជួល ថ្ងៃនេះ!  Click here to download your free copy!

ព័ត៌មានលំអិតអំពីការងើបឡើងទីផ្សារដែលទាក់ទងនឹងគម្រោងអភិវឌ្ឍថ្មីមួយនៅចំកណ្ដាលទីក្រុងភ្នំពេញ។ Royal one គឺជាគម្រោងរបស់ក្រុមហ៊ុន Royal Group (Cambodia) ដែលមានគម្រោងអភិវឌ្ឍន៍អគារភ្លោះដែលមានកម្ពស់៦២ជាន់។ អគារភ្លោះកម្ពស់៦២ជាន់នេះស្ថិតនៅតាមបណ្ដោយមហាវិថីព្រះមុនីវង្សនៅទល់មុខរូបសំណាក់ព្រះគនេសហើយមានទេសភាពល្អស្រស់ស្អាតនៅចំកណ្ដាលទីក្រុងទៀតផង។ភាពច្នៃប្រឌិត និងការរចនាម៉ូតរបស់គម្រោង Royal One ដោយមានអគារភ្លោះពីរស្ថិតនៅក្នុងដីដែលបានកំណត់មួយ សាងសង់នៅលើផ្ទៃដីដែលមានការអនុញ្ញាតសាងសង់ត្រឹមត្រូវ ដែលស្ថិតនៅតាមបណ្ណោយមហាវិថីព្រះមុនីវង្សនៅជិតផ្សារថ្មី និងអគារកាណាឌីយ៉ា។ ជាន់ទីមួយរបស់អគារទាំងពីរត្រូវធ្វើជាការិយាល័យហើយជាន់ទី២ជាសណ្ឋាគារនិងជាអគារលំនៅដ្ឋាន។  មានហាងលក់ទំនិញផ្សេងៗនឹងត្រូវបានសាងសង់ឡើងផងដែរហើយក៏មានជាន់មួយចំនួនទៀតសម្រាប់ជាចំណតរថយន្តផងដែរ។បើនិយាយពីសោភ័ណភាពវិញ អ្នកអភិវឌ្ឍន៍ប្រើប្រាស់ឧបករណ៍ទំនើបៗក្នុងគោលបំណងដើម្បីឱ្យអគារមើលទៅមានភាពទាន់សម័យនិងភាពរឹងមំា។ ពួកគេក៏មានគម្រោងសាងសង់ទឹកធ្លាក់នៅចន្លោះ អគារទាំងពីរផងដែរ បន្ថែមពីនេះទៅទៀតពួកគេមានបំណងប្រែក្លាយអគារទាំងពីរជា(សំណង់អគារប្រវត្តិសាស្រ្តទៀតផង)។  តម្លៃខុនដូទំនើបត្រូវបានគេព្យាករណ៏ថាមានតម្លៃប្រហែល ៣,៥០០ក្នុងមួយម៉ែត្រការ៉េ។ គម្រោងសាងសង់ការអភិវឌ្ឍ The Royal One នឹងចាប់ផ្ដើមសាងសង់ក្នុងឆ្នាំ២០១៧ ហើយរំពឹងថាសាងសង់រួចរាល់នៅចុងឆ្នាំ២០២១។អំពីអ្នកអភិវឌ្ឍន៍គម្រោង The Royal Oneក្រុមហ៊ុន The Royal Group គឺជាក្រុមហ៊ុនវិនិយោគចម្រុះមួយដែលមានបុត្រសម្ព័នក្រុមហ៊ុនផ្សេងៗគ្នា ដែលបោះទុនវិនិយោគពាសពេញឧស្សាហកម្មក្នុងប្រទេសកម្ពុជាមានដូចជា៖ ទូរគមនាគមន៏ ធនាគារ រមណីយដ្ឋាន ការអប់រំ ប្រព័ន្ធផ្សព្វផ្សាយ ធានារ៉ាប់រង ពាណិជ្ជកម្ម អចលនទ្រព្យ និងកសិកម្ម។ ក្នុងចំណោមគម្រោងជោគជ័យជាច្រើនពួកគេបានវិនិយោគទៅលើ សេវាកម្មអាផាតមិន Embassy Palace គម្រោង Northbridge គម្រោងខុនដូ North Park គម្រោងរមណីដ្ឋាន Royal Park ក្នុងខេត្តសៀមរាប សណ្ឋាគារកាំបូឌីយ៉ាណា  កាស៊ីណូ និងសណ្ឋាគារ Titan King និង គម្រោងផ្លូវរថភ្លើង Royal Railway។សូមធ្វើការទាក់ទងព័ត៌មានបន្ថែមអំពីគម្រោងនេះ!Click here to download your free copy!

សៀមរាបគឺជាក្រុងតូចមួយដែលអាចរកប្រាក់ចំណេញបានយ៉ាងច្រើនដោយមានអចលនទ្រព្យធំៗតួយ៉ាងមាន វីឡាសម្រាប់លក់ និង វីឡាសម្រាប់ជួល នៅតំបន់នោះ។ នេះបើយោងតាមលោក Grant Fitzgerald ដែលជាអ្នកគ្រប់គ្រងក្រុមហ៊ុនសេវាកម្មអចលនទ្រព្យកម្ពុជា អំឡុងពេលដែលលោកផ្ដល់បទសម្ភាសន៏ឱ្យ Realestate.com.kh. លោកក៏បានផ្ដល់ព័ត៌មានសង្ខេបខ្លះៗផងដែរនិងអ្វីដែល លោកយល់ឃើញអំពីទីផ្សារវីឡាក្នុងក្រុងសៀមរាប។តើមានវីឡាសម្រាប់ជួលដែរឬទេ ក្នុងក្រុងសៀមរាប?លោក Fitzgerald បាននិយាយថាមានវីឡាជាច្រើនដែលយើងអាចរកទិញបាននៅទីនោះវីឡាមួយចំនួនមានសួនច្បារមានបន្ទប់គេងពី២ទៅ៣។ យើងអាចជួលបានតម្លៃប្រមាណ៤៥០ដុល្លារក្នុងមួយខែ ឬវីឡាដែលមានបន្ថែមសេវាកម្មផ្សេងៗទៀតដូចជា អាងហែលទឹកដែលមានតម្លៃលើសពីនេះ បន្តិចប្រហែលជា១២០០០ដុល្លារ។ លោកបន្ថែមទៀតថា មានវីឡាដាច់ដោយឡែកថ្មីៗជាច្រើនផងដែរ ហើយក្នុងនោះក៏មានបុរីដែលនឹងលេចចេញរូបរាងឆាប់ៗខាងមុខ។ លោកបានពិព័ណ៌នាអំពីវីឡានោះថាមាន សួនច្បារ អាងហែលទឹក ចំណត សន្តិសុខ ហើយនិងម៉ូតពេញនិយមទៀតផង។ លោកបានបន្ថែមទៀតថាសៀមរាបជាតំបន់មានភាពទាក់ទាញទំាងជន បរទេស និងអ្នករស់នៅក្នុងតំបន់ដែលចង់រស់នៅក្នុងលំនៅដ្ឋានប្រភេទវីឡា។ហេតុអ្វីបានជាវីឡានៅក្រុងសៀមរាបមានច្រើនជាងទីក្រុងភ្នំពេញ?បើយោងតាមលោក Fitzgerald ថាដីនៅក្នុងសៀមរាបមានតម្លៃថោកជាងដីនៅក្រុងភ្នំពេញ ទាំងនេះធ្វើឱ្យមានភាពងាយស្រួលដល់ទាំងជនបរទេស និងប្រជាជនកម្ពុជាដែលមានបំណងចង់ឱ្យក្រុមគ្រួសារកាន់កាប់ទ្រព្យសម្បត្តិនៅទីនោះ។ លោកបាននិយាយផងដែរថាទីក្រុងសៀមរាបគឺជាគោលដៅទេសចរណ៏ និងតំបន់លំហែកាយសម្រាប់ទាំងជនបរទេសនិងប្រជាជនម្ពុជា។ ផ្ទះសម្រាកលំហែកាយដែលកាន់កាប់ដោយប្រជាជនកម្ពុជាបានក្លាយជាផ្ទះសម្រាប់ជួលអស់រយៈពេលជាច្រើនឆ្នាំមកហើយ ទន្ទឹមនឹងនោះពួកគាត់ទទួលបានប្រាក់ចំណូលពីការជួលផ្ទះផងដែរ។តើមានគុណវិបត្តិដែរឬទេ ក្នុងការទិញឬជួលវីឡានៅក្រុងសៀមរាម?ជាមួយទស្សនវិជ្ជមានទាក់ទាងនឹងវីឡា លោក Fitzgerald និយាយថាគុណវិបត្តនៃការទិញវីឡាគឺថាយើងត្រូវចំណាយលើលៃថែទាំនិងថ្លៃទឹកភ្លើង។ បើធៀបទៅនិងសេវាកម្មទីផ្សារអាផាតមិន លោកបានថ្លែងថាមានការទទួលខុសត្រូវជាច្រើនប្រសិនបើអ្នកទិញវីឡា។ អ្នកមួយចំនួនមិនដឹងទេថា ការងារ ពេលវេលា និងថវិកាជាច្រើនដែលពួកគេត្រូវចំណាយក្នុងការថែរក្សាអចលនទ្រព្យ ការងារកាន់តែច្រើនទៀតនៅពេលដែល អ្នកទិញវីឡាដែលមាន អាងហែលទឹក និងសួនច្បារ។ស្វែងរកវីឡាល្អៗក្នុងក្រុងសៀមរាបឥឡូវនេះ ទាំងវីឡាសម្រាប់លក់ និងវីឡាសម្រាប់ជួល Click here to download your free copy!