នេះគឺជាឱកាសមួយដ៏ល្អបំផុតដើម្បីក្លាយជាម្ចាស់លំនៅឋានលំដាប់ខ្ពស់ ឬផ្ទះវិស្សមកាលដ៏ប្រណីតនៅក្នុងក្រុងសៀមរាប ដែលមានការរចនាតាមបែប Bohemian។ ផ្ទះនេះផ្តល់ជូនសម្រាប់លក់ជាមួយនឹងប្លង់រឹង!

អចលនទ្រព្យនេះមានផ្ទៃដីទំហំ 200 ម៉ែត្រការ៉េ និងផ្ទះមានទំហំ 145 ម៉ែត្រការ៉េ ជាមួយនឹងអាងហែលទឹកទំហំ 20 ម៉ែត្រការ៉េ ដោយមានបន្ទប់គេងចំនួន 2 និងបន្ទប់ទឹក 3។ ទ្វារខាងមុខធ្វើពីដែកយ៉ាងរឹងមាំបើកចូលទៅក្នុងវាលស្មៅដ៏ខៀវស្រងាត់ជាមួយនឹងផ្លូវក្រាលដោយថ្ម ដែលនាំលោកអ្នកទៅដល់ទីធ្លាចំហរយ៉ាងធំទូលាយ ដោយមានអាងហែលទឹកខាងស្តាំ និងមានប៉ៅអ៊ីទម្រេតនៅទល់មុខនោះមួយគូផងដែរ។ ផ្ទះបាយមានទីតាំងស្ថិតនៅជាន់ផ្ទាល់ដីដែលមានខ្យល់អាកាសបរិសុទ្ធល្អ មានខោនធ័រទល់មុខនឹងធ្នើរពីខាងលើ មានទូទឹកកក និងកង្ហារជាប់ពិដានសម្រាប់ជំនួយខ្យល់ចេញចូលបន្ថែម។ ចំណែកឯបន្ទប់គេងមានទីតាំងនៅជាន់ខាងលើ បន្ទប់គេងទាំង 2 អាចមើលមកកាន់កន្លែងទទួលភ្ញៀវនៅខាងក្រោមតាមរយៈបង្អួចដ៏ធំពីរជាន់ និងចន្លោះទំនេរធំមួយ។ បន្ទប់គេងទាំងអស់មានបំពាក់ដោយម៉ាស៊ីនត្រជាក់ ក៏ដូចជាកង្ហារជាប់ពិដាន គ្រែធំទូលាយ និងទូសម្លៀកបំពាក់/ធ្នើរភ្ជាប់មកជាមួយគ្នា។

មិនថាលោកអ្នកមានបំណងចង់ទិញទុកជាលំនៅឋានបែបប្រណីតសម្រាប់ស្នាក់នៅក្នុងខេត្តសៀមរាប ឬមានបំណងចង់ក្លាយជាម្ចាស់អាជីវកម្មបែបផ្ទះជួល ឬផ្ទះវិស្សមកាល អចលនទ្រព្យនេះនឹងក្លាយជាជម្រើសដ៏ល្អបំផុតព្រោះថា ផ្ទះនេះមានទីតាំងស្ងប់ស្ងាត់ល្អ និងងាយស្រួលក្នុងការធ្វើដំណើ។ នៅពេលកម្ពុជាបើកប្រទេសទាំងមូលឡើងវិញ ប្រាកដជាមានភ្ញៀវត្រូវការជួលច្រើន លោកអ្នកនឹងទទួលបានប្រាក់ចំណូលពីការជួលបន្ថែមទៀតផងដែរ។

អចលនទ្រព្យនេះមានទីតាំងស្ថិតនៅសង្កាត់ស្វាយដង្គំ ក្រុងសៀមរាប ដែលមានចម្ងាយត្រឹមតែ 3 នាទីពីផ្សារកន្ត្រកនិងក្រុមហ៊ុនដឹងជញ្ជូន J&T Express ចម្ងាយ 7 នាទីពីកន្លែងជិះសេះ Happy Ranch Horse និងចម្ងាយ10 នាទីពីផាប់ស្ទ្រីត មន្ទីរពេទ្យខេត្តសៀមរាប និងសារមន្ទីរ Art Box ។