លក្ខណៈពិសេសទាំង៥ដែលមានតែខុនដូប៉ុណ្ណោះទើបមាន
ខុនដូបានក្លាយជាផ្នែកមួយដ៏សំខាន់នៅក្នុងវិស័យលំនៅដ្ឋានបច្ចុប្បន្ន
ថ្វីបើការរស់នៅក្នុងខុនដូជាបរិបទថ្មីសម្រាប់កម្ពុជាក៏ពិតមែន ប៉ុន្តែខុនដូបានក្លាយជាផ្នែកមួយដ៏សំខាន់នៅក្នុងវិស័យលំនៅដ្ឋានបច្ចុប្បន្ន ។ ប្រជាជនកម្ពុជាភាគច្រើនហាក់មិនទាន់បានឈ្វេងយល់ស៊ីជម្រៅនៅឡើយពីផលចំណេញនៃការរស់នៅក្នុងខុនដូ ឬអាចនិយាយបានថា ពួកគាត់នៅមានទំនោរច្រើនទៅលើលំនៅឋានក្នុងបុរី ឬ សង់ជាប់ផ្ទាល់ដី ។ ខាងក្រោមនេះជាហេតុផលសំខាន់៥យ៉ាងក្នុងការរស់នៅខុនដូ ៖
ទី១- ទីតាំង
បើទិញផ្ទះនៅតំបន់តែមួយ យើងមិនអាចទិញបាននោះទេ ប៉ុន្តែយើងអាចទិញខុនដូបាន ក្នុងតម្លៃសមរម្យណាមួយដែលមានទីតាំងល្អៗក្នុងក្រុងបាន ។ ផ្ទុយទៅវិញបើយកប្រាក់ទិញខុនដូ ទៅទិញផ្ទះគឺអាចទិញបាននៅតំបន់ឆ្ងាយពីទីក្រុងដែលវាអាចបង្កផលវិបាកសម្រាប់លោកអ្នកក្នុងការធ្វើដំណើរទៅមកបំពេញការងារជាដើម ។
ចុចលើរូបភាពដើម្បីមើលព័ត៌មានលម្អិតអំពីគម្រោង
ទី២- តម្លៃ
តម្លៃខុនដូនៅកណ្តាលក្រុង និងផ្ទះនៅកណ្តាលក្រុងគឺមានភាពខុសគ្នាច្រើន ព្រោះគេមិនអាចយកប្រាក់ទិញខុនដូ ទៅទិញផ្ទះនៅតំបន់សាងសង់ខុនដូបាននោះទេ ។ ប៉ុន្តែសម្រាប់ខុនដូដែលនៅកណ្តាលក្រុងនឹងមានការកើនឡើងតម្លៃជាបន្តបន្ទាប់ ដូច្នេះវាអាចហុចផលចំណេញខ្ពស់សម្រាប់លោកអ្នកនាថ្ងៃអនាគត ។
ទី៣- ទទួលបានប្រាក់ចំណេញខ្ពស់ពីការជួលត្រឡប់ (GRR)
នៅពេលនិយាយអំពីការរស់នៅក្នុងខុនដូអ្នកមិនត្រឹមតែអាចរីករាយជាមួយនឹងទីតាំងល្អបំផុតនៅកណ្តាលទីក្រុងស្ថិតនៅជិតកន្លែងធ្វើការរបស់អ្នកប៉ុណ្ណោះទេ ប៉ុន្តែអ្នកក៏អាចទទួលបានផលចំណេញពីការវិនិយោគរយៈពេលវែងផងដែរ ប្រសិនបើអ្នកចង់ដាក់ជួល ឬលក់បន្ត ។ នៅពេលដែលមានមនុស្សកាន់តែច្រើនសម្រុកមកទីក្រុងភ្នំពេញដើម្បីស្វែងរកឱកាសការងារ ឬស្វែងរកការស្នាក់នៅជាអចិន្ត្រៃយ៍ នេះមានន័យថា អចលនទ្រព្យនៅក្នុងទីក្រុង ជាពិសេសខុនដូនឹងបន្តមានតម្លៃកើនឡើងពីមួយឆ្នាំទៅមួយឆ្នាំ ។
ចុចលើរូបភាពដើម្បីមើលព័ត៌មានលម្អិតអំពីគម្រោង
ទី៤- ប្រមូលផ្តុំសេវាកម្មសម្បូរបែប
ខុនដូត្រូវបានបង្កើតឡើងក្នុងគោលបំណងផ្ដល់ជូននូវជីវិតរស់នៅទាន់សម័យ ភាពងាយស្រួល និងមានផាសុកភាព ។ ឆ្លើយតបនឹងចំណុចទាំងនេះ គម្រោងខុនដូបានភ្ជាប់មកជាមួយសេវាកម្មចម្រុះផ្សេងៗនៅក្នុងអគារស្រាប់ដើម្បីបំពេញទៅតាមតម្រូវការទូទៅរបស់ម្ចាស់លំនៅដ្ឋាន ដូចជា៖ កន្លែងហាត់ប្រាណ ស្ទីម សូណា អាងហែលទឹក និងប្រព័ន្ធការពារសន្តិសុខ ដូចជា៖ កាំមេរ៉ាសុវត្ថិភាព ប្រព័ន្ធប្រកាសអាសន្ន និង សន្តិសុខ ដើម្បីផ្ដល់ទំនុកចិត្ត និងអារម្មណ៍មានសុវត្ថិភាពទៅដល់អ្នករស់នៅក្នុងអគារទាំងមូល ។
ចុចលើរូបភាពដើម្បីមើលព័ត៌មានលម្អិតអំពីគម្រោង
ទី៥- មិនរវល់ធ្វើការងារផ្ទះច្រើន
ជាធម្មតាយូនីតខុនដូមានទំហំតូចៗ និងមិនមានទីធ្លាខាងក្រៅដែលទាមទារការសម្អាតនោះទេ ។ រស់នៅក្នុងខុនដូអ្នកនឹងចំណាយពេលតិចបំផុតសម្រាប់ការសំអាតទូទៅ ។ ម្យ៉ាងទៀតអគារខុនដូជាច្រើនមានផ្ដល់សេវាសំអាត ទឹកស្អាត និងអគ្គិសនី ។ ដូច្នេះអ្នកអាចមានពេលវេលាច្រើន សម្រាប់ខ្លួនឯង ឬធ្វើអ្វីមួយដែលអ្នកពេញចិត្ត ៕
អានរឿងនេះព្រោះអ្នកចង់ទិញ?
តួលេខទាំងនោះមកពីការផ្សាយផ្ទាល់ ធ្វើបច្ចុប្បន្នភាពរាល់ថ្ងៃ។ ចាប់ផ្តើមស្វែងរកនៅទីនេះ។
ស្វែងរកផ្ទះទាំងអស់ ›បន្ថែមពីបន្ទប់ព័ត៌មាន
ការណែនាំសម្រាប់ការស្នាក់នៅកម្ពុជាពេលចូលនិវត្តន៍
ឆែកឱ្យអស់កុំខ្លាច ! មុនពេលទិញផ្ទះបុរីអ្នកត្រូវដឹងឱ្យច្បាស់នូវឯកសារផ្លូវច្បាប់ទាំង៥នេះ
មើលឱ្យច្បាស់សិន ! ទិញដីឡូត៍អាចធ្វើឱ្យអ្នកជួបគ្រោះ ឬលាភបានបើមិនដឹងរឿង១នេះ