គម្រោង DingLi Sunshine City ជា​គម្រោង​វិនិយោគ​លើ​សណ្ឋាគារ ៣៧ ជាន់ ហើយ​ជា​គម្រោង​មួយ​ក្នុង​ចំណោម​គម្រោង​អភិវឌ្ឍន៍​ពីរ ​ឬ​បី​ប៉ុណ្ណោះ​នៅ​កម្ពុជា ដែល​មាន​ជាន់​ក្រោម​ដី ៤ ជាន់​សម្រាប់​ចត​យាន​យន្ត ជាន់​ទី​១​ ដល់​ជាន់​ទី​៣ ជា​ភោជនីយដ្ឋាន និង​ហាង​កាហ្វេ​ដ៏​ទំនើប ជាន់​ទី​៤ និង​ជាន់​ទី​៥ ជា​មជ្ឈមណ្ឌល​អប់រំ ​មត្តេយ្យសិក្សា​ និង​បន្ទប់​ហ្គេម​សម្រាប់​អ្នក​ធ្វើ​ការ​លេង​កម្សាន្ត។ ជាន់​ទី​៦​ ដល់​ជាន់​ទី​១៩​ សម្រាប់​ការិយាល័យ ជាន់​ទី​២០​ជា​កន្លែង​ទទួល​ភ្ញៀវ​របស់​សណ្ឋាគា​រ ជាន់​ទី​២១​ ដល់​ជាន់​ទី​៣៥​ ជា​បន្ទប់​សណ្ឋាគារ ជាន់​ទី​៣៦​ ដល់​ទី​៣៧​ ជា​ភោជនីយដ្ឋាន​ដ៏​ទំនើប​អស្ចារ្យ​នៅ​ជាន់​លើ​បង្អស់​នៃ​អាគារ​ដែល​លំអ​ដោយ​ទេសភាព​ទីក្រុង​ភ្នំពេញ​យ៉ាង​ស្រស់​ស្អាត។

គម្រោង​នេះ​មាន​ទីតាំង​នៅ​ផ្លូវ​លេខ​២១១ សង្កាត់​វាលវង់ ខណ្ឌ​៧មករា ដែល​វិនិយោគ​លើ​ផ្ទៃ​ដី​ ១.៤៥១ ម៉ែត្រ​ការ៉េ។