គម្រោង The Élysée by Dara គឺជាអគារអាផាតមិនប្រណីតមួយដែលមានការរចនាប្លង់ដ៏ទាក់ទាញ ជាមួយរចនាបថស្ថាបត្យកម្មបែបបារាំង។

ដោយយកលំនាំតាមអគារម៉ូតបែបបារាំងនៅក្នុងទីក្រុងប៉ារីស គម្រោង The Élysée by Dara មានទីតាំងស្ថិតនៅមជ្ឈមណ្ឌលកោះពេជ្រ ដែលត្រូវបានគេស្គាល់ជាទូទៅថាជាកន្លែងកម្សាន្ត និងតំបន់លំនៅដ្ឋានលំដាប់ខ្ពស់នៅក្នុងទីក្រុង ពោលគឺស្ថិតនៅក្នុងសង្កាត់ទន្លេបាសាក់ ខណ្ឌចំការមន​ ដែលជាបេះដូងនៃមជ្ឍមណ្ឌលពាណិជ្ជកម្មនៃរាជធានីភ្នំពេញ។

ជាមួយទេសភាពប្របមាត់ទន្លេមេគង្គ គម្រោង The Élysée by Dara ​មានយូនីតសរុបទាំងអស់ចំនួន ៣៧​ ដែលគ្រប់យូនីតនីមួយៗមានបំពាក់ទៅដោយគ្រឿងសង្ហារិមពេញលេញ និង បរិក្ខារដែលមាន គុណភាពខ្ពស់រួមជាមួយផ្ទះបាយបែបលោកខាងលិច។

បន្ថែមពីនេះទៅទៀតគ្រប់យូនីតនីមួយៗមានការតុបតែងផ្នែកខាងក្នុងដ៏គួរឲ្យទាក់ទាញបំផុត ដោយបន្ទប់ទទួលភ្ញៀវនីមួយមានការរចនាដ៏ស្រស់ឆើតឆាយ ជាមួយបង្អួចធំៗបែរមុខទៅដង ទន្លេមេគង្គដែលអាចផ្តល់ឲ្យអ្នកនូវទេសភាពដ៏ស្រស់ត្រកាលនៃទន្លេក្នុងរាជធានីភ្នំពេញ។

The Élysée by Dara គឺជាជម្រើសលំនៅដ្ឋានឈានមុខគេមួយនៅក្នុងតំបន់ ពោលគឺការផុ្តល់ជូននូវភាព ងាយស្រួលទាំងទីតាំង និងសេវាកម្ម។ បើនិយាយអំពីសេវាកម្មផ្សេងៗ ទីតាំងរបស់គម្រោង The Élysée by Dara ព័ទ្ធជុំវិញទៅដោយហាងកាហ្វេ ភោជនីយដ្ឋាន រង្គសាល បារ និងផ្សារទំនើប ដូចជាផ្សារទំនើបអ៊ីអន ម៉ល១ ជាដើម។

អ្វីដែលកាន់តែពិសេសជាងនេះទៅទៀត គម្រោង The Élysée by Dara មានទីតាំងស្ថិតនៅក្បែរ រមណីយដ្ឋានប្រវត្តិសាស្ដ្រ និង ទីតាំងសំខាន់ៗនៅក្នុងរាជធានីភ្នំពេញ ដោយគ្រាន់តែធ្វើដំណើរត្រឹម ២ ឬ ៣ នាទីអ្នកនឹងទៅដល់ ព្រះបរមរាជវាំង មាត់ទន្លេ វិមានឯករាជ្យ និង ផ្សាររាត្រី។

ម្យ៉ាងទៀតគម្រោង The Élysée by Dara ស្ថិតនៅក្នុងតំបន់ដែលមិនមានចរាចរណ៍មមាញឹក កត្តានេះជួយសម្រួលយ៉ាងខ្លាំងទៅដល់ការធ្វើដំណើរប្រចាំថ្ងៃរបស់អ្នក។

អ្នករស់នៅក្នុងអគារនេះអាចទទួលបានសេវាកម្ម និងបរិក្ខារក្នុងផ្ទះជាច្រើនផ្សេងទៀតមានដូចជា៖ ការប្រើប្រាស់កន្លែងហាត់ប្រាណដោយឥតគិតថ្លៃ ស្ទីម សូណា ទូរទស្សន៍ខ្សែកាប Wifi និង សេវាកម្ម បោសសម្អាត ។

គម្រោង The Élysée by Dara មានយូនីតប្រភេទផ្សេងៗគ្នា ដូចជា យូនីតស្ទូឌីយ៉ូ យូនីត ១ បន្ទប់គេង រហូតដល់ ៤ បន្ទប់គេង និងមានផ្ដល់ជូនជាមួយសេវាកម្មសំអាតផងដែរ។ តម្លៃចាប់ពី ៤៥០ ដុល្លារ ក្នុងមួយខែដោយមិនគិតបញ្ចូលពី ថ្លៃទឹកបរិភាគ និង អគ្គិសនីប្រចាំខែ។