នៅក្នុងគម្រោងទាំងមូលមានផ្ទះពាណិជ្ជកម្មចំនួន ១០៧ ខ្នង។ ចំពោះផ្ទះលក់ទំនិញ ចែកចេញជាពីរប្រភេទគឺមានទំហំ ៤.២ ម៉ែត្រ គុណ ១២ ម៉ែត្រ និង ៤.២ ម៉ែត្រ គុណ ១៥ ម៉ែត្រ សាងសង់ នៅលើដីដែលមានទំហំ ៤.២ ម៉ែត្រ គុណ ១៧.៥ ម៉ែត្រ។

ភាពស្រនុកសុខស្រួលរបស់អ្នករស់នៅក្នុងបុរី និង បរិយាកាសនៃការរស់នៅល្អ គឺ ជាតម្លៃ និង អ្វី ដែល ក្រុមហ៊ុនអភិវឌ្ឍគម្រោង Borey Galaxy 11 ចង់ផ្ដល់ទៅឲ្យអ្នកជាវផ្ទះនៅក្នុងគម្រោងនេះ។ គម្រោង Borey Galaxy 11 ត្រូវបានរចនាឡើងដោយយកចិត្តទុកដាក់បំផុត ដោយមានការដាក់បញ្ចូល នូវទីធ្លាបៃតង ដែលមានដូចជា សួនច្បារ ឧទ្យាន ទីធ្លាសាធារណៈ និង មានការដាំដើមឈើនៅមុខផ្ទះ នីមួយៗ និង នៅតាមផ្លូវធ្វើដំណើរនៅក្នុងបុរីទាំងមូល។

អ្វីដែលកាន់តែពិសេសជាងនេះទៅទៀតនោះគឺថា នៅក្នុងគម្រោង Borey Galaxy 11 ទាំងមូលក៏មាន នូវហេដ្ឋារចនាសម្ព័ន្ធផ្សេងៗមួយចំនួន ដូចជា អាងហែលទឹក ក្លឹបហាត់ប្រាណ ចំណតរថយន្ដ ប្រព័ន្ធប្រកាសអាសន្នពេលមានអគ្គីភ័យ សន្ដិសុខ ២៤​ម៉ោង និង ម៉ាស៊ីនភ្លើង។

Borey Galaxy 11 ត្រូវបានចាប់ផ្ដើមការសាងសង់កាលពីខែ មិថុនា ឆ្នាំ២០១៩ មកទល់ពេលនេះ គម្រោង បានសម្រេចការសាងសង់ប្រហែលជា ៣០​​ ភាគរយ ហើយ រំពឹងថាការសាងសង់របស់គម្រោងទាំងមូលនឹង ត្រូវបានបញ្ចប់ទាំងស្រុងនៅចុងឆ្នាំ ២០២០។ ក្នុងពេលបច្ចុប្បន្ននេះដែរផ្ទះច្រើនជាង ៦០​ខ្នងត្រូវបានលក់ ចេញហើយ។ តម្លៃរបស់ផ្ទះនីមួយៗត្រូវបានរំពឹងថាអាចនឹងឡើងថ្លៃរហូតដល់ទៅដល់៥០​ភាគរយបន្ទាប់ពី គម្រោងត្រូវបានបញ្ចប់។

Borey Galaxy 11 ក៏មានផ្តល់ជូននូវកម្មវិធីបង់ប្រាក់ងាយៗផងដែរ។ ចំពោះអ្នកចាប់អារម្មណ៍ចង់ទិញ អាចធ្វើការបង់ប្រាក់ដំបូងចំនួន៣០​ភាគរយនៃតម្លៃផ្ទះ ហើយចំនួន៧០​ភាគរយដែលនៅសល់អាច បង់ជាប្រចាំខែរយៈពេល១៨ខែដោយគ្មានការប្រាក់។ ជម្រើសមួយទៀតអ្នកអាចស្នើសុំកម្ចីទិញផ្ទះរយៈ ពេលរហូតទៅដល់២០ឆ្នាំជាមួយធនាគារដៃគូរបស់បុរីផ្ទាល់គឺធនាគារ Shinhan Bank រហូតទៅដល់ ៧០ ភាគរយនៃតម្លៃផ្ទះសរុបជាមួយអាត្រាការប្រាក់ ៤.៩៩ ភាគរយ។