គម្រោង Yuetai Phnom Penh Harbour

គម្រោងនេះត្រូវបានបែងចែកជាបួនដំណាក់កាល៖

ដំណាក់កាលទី១ នឹងត្រូវសាងសង់ចាប់ពីស្ពានជ្រោយចង្វាររហូតដល់អាគាររដ្ឋបាលចាស់នៃកំពង់ ផែស្វយ័តភ្នំពេញ។​

ដំណាក់កាលទី២ ចាប់ពីអគាររដ្ឋបាលចាស់នៃកំពង់ផែស្វយ័តភ្នំពេញរហូតដល់ជញ្ជាំងខាងត្បូង កំពង់ដដែលនេះ។

ចំណែកទីតាំងអភិវឌ្ឍសម្រាប់ដំណាក់កាលទី៣ គឺចាប់ពីកន្លែងជួសជុលនាវាចម្បាំងទឹករហូតដល់ ជញ្ជាំងភោជនីយដ្ឋានទន្លេបាសាក់។

និងទីតាំងសម្រាប់ការអភិវឌ្ឍដំណាក់កាលទី៤ ចាប់ពីជញ្ជាំងភោជនីយដ្ឋានទន្លេបាសាក់រហូតដល់ ភោជនីយដ្ឋានទីតានិក។​

ដំណាក់កាលទី១ គឺជាមជ្ឈមណ្ឌលទេសចរណ៍វប្បធម៌ មជ្ឈមណ្ឌលផ្លាស់ប្តូរវប្បធម៌ចិន-កម្ពុជា ជាមួយនឹងក្រុមហ៊ុនគ្រប់គ្រងសណ្ឋាគារឈានមុខគេរបស់ប្រទេសចិន White Swan Hotel ព្រមទាំងហាង ទំនិញគ្មានពន្ធ ស្ថានីយ៍អ្នកដំណើរក្រោមដីចេញ និងចូលក្រៅក្រុងតែមួយ គត់នៅក្នុងរាជធានីភ្នំពេញ វិថីពាណិជ្ជកម្មបែបបទខ្មែរ អគារការិយាល័យ​ និងអគារស្នាក់នៅ និងការិយាល័យ SOHO។

ដំណាក់កាលទី២ ដែលជាមជ្ឈមមណ្ឌលពាណិជ្ជកម្មតាមដងទន្លេនៃទីក្រុងភ្នំពេញនឹងត្រូវសាងសង់ជា អគារការិយាល័យភ្លោះកម្ពស់ខ្ពស់ ផ្សារទំនើប រួមជាមួយអាផាតមេន​។ ដំណាក់កាលទី៣ និតទី៤ នឹងមានអគារលំនៅដ្ឋានខ្ពស់ចំនួនបួនស្ថិតនៅតាមមាត់ទន្លេ ដែលអាច មើលឃើញទិដ្ឋភាពទីក្រុងពេលរាត្រី។ ក្នុងនោះជាន់ផ្ទាល់ដីនឹងធ្វើជាហាងទំនិញ។ សាលពិព័រណ៍ សិល្បៈ និងវប្បធម៌នឹងសាងសង់នៅក្នុងដំណាក់កាលទី៤ ដែលស្ថិតនៅគៀកព្រះបរមរាជវាំងជាងគេ។

គម្រោងនេះមានអមដោយផ្សារទំនើបខ្នាតធំ ទីធ្លាសម្រាប់គយគន់មាត់ទន្លេសម្រាប់អ្នកទេសចរ ស្ថានីយ៍អ្នកដំណើរតែមួយគត់ វប្បធម៌ និងវិថីវប្បធម៌សិល្បៈពាណិជ្ជកម្មតាមមាត់ទន្លេ សាលវិចិត្រសិល្បៈតំបន់ទន្លេមេគង្គនិងវប្បធម៌អង្គរ រចនាបថនៃវិថីពាណិជ្ជកម្មទំនើប កន្រ្តកវិល​​ កន្លែងសម្ដែងវប្បធម៌ និងសិល្បៈ ឧទ្យានវប្បធម៌​ និងមជ្ឈមណ្ឌលទេសចរណ៍នៃទីក្រុងភ្នំពេញ ។ ល។

គំនិតនៃរចនាបទថ្មីនៃ គម្រោង Yuetai Phnom Penh Harbour នឹងច្របាច់បញ្ចូលគ្នារវាង មជ្ឈមណ្ឌលនៃវិថីពាណិជ្ជកម្ម និងផ្សារទំនើបទៅក្នុងគម្រោងតែមួយ ដែលនឹងផ្តល់នូវលក្ខណៈពិសេស ទ្វេរដងសម្រាប់អតិថិនជន និងភ្ញៀវទេសចរ។

គម្រោងនឹងត្រូវបង្កើតឡើងជាមួយនឹងរចនាបទដ៏ពិសេសមួយ រួមផ្សំនឹងគំនិតខ្មែរសម័យទំនើប ដែលបង្កើតបានជារចនាបទដោយឡែកមួយ ដោយយក “ទឹក” ធ្វើជាតំបន់ពាណិជ្ជកម្ម នៅតាមដងទន្លេ ក្នុងនោះហាងនីមួយៗនឹងបង្កើតឡើងជាលក្ខណៈសិល្បៈបែបអាស៊ីអាគ្នេយ៍ ការបង្កើតបានជារចនាបទរួមគ្នាបែបនេះធ្វើអោយភ្ញៀវទេសចរគ្រប់រូបចាប់អារម្មណ៍ និងមិនចង់ចាកចេញ។​

គម្រោងមជ្ឈមណ្ឌលផ្សារទំនើបខ្នាតធំត្រូវបានរចនាឡើងតាមបែបទាន់សម័យជាមួយនឹងរចនារចនាបទបែបខ្មែរ ដែលផ្សារទាំងមានទំហំជាង ១២០,០០០ ម៉ែត្រការ៉េ មានកន្លែងចតឡានចំនួន ៣,៥០០​ កន្លែង និងចំណតម៉ូតូ ២,០០០ កន្លែង​។ ជាមួយនឹងជាន់ក្រោមដីចំនួនពីរជាន់ និងជាន់លើដី ចំនួន ៧ ជាន់ ផ្សារទំនើបនេះ នឹងរួមបញ្ចូលជាមួយនឹង ហាងល្បីៗពីអន្តរជាតិ ហាងទំនិញគ្រប់មុខ ហាងបូទិកទាន់សម័យ​ ហាងលក់សម្លៀកបំពាក់រចនាម៉ូតផ្ទាល់ រោងភាពយន្តខ្នាតធំ (២០ម៉ែត្រ) ខេធីវី (KTV) កន្លែងលេងហ្គេម សួនកំសាន្តកុមារ មជ្ឈមណ្ឌលថែរក្សាសម្ផស្ស ហាងអាហារខ្មែរ និងបរទេស និងកន្លែងកំសាន្តដោយផ្តោតលើបទពិសោធន៍ថ្មីសម្រាប់អតិថិជន ដែលបង្ហាញអំពីគុណភាព ជីវិត​នៅក្នុងទីក្រុង។