ទីផ្សារអចលនទ្រព្យកម្ពុជាត្រូវបានគេរំពឹងថានឹងកើនឡើងយ៉ាងឆាប់រហ័ស និងទៀតទាត់នៅក្នុងរយៈពេលប៉ុន្មានឆ្នាំខាងមុខដោយសារតែការកើនឡើងវិនិយោគិនជាតិ និងអន្តរជាតិ។ ជាមួយនឹងការផ្គត់ផ្គង់ និងតម្រូវការកាន់តែកើនច្រើនឡើងសម្រាប់គេហដ្ឋានគុណភាពខ្ពស់ តម្រូវការសំភារៈប្រើប្រាស់ក្នុងផ្ទះក៏កំពុងតែចាប់ផ្តើមកើនឡើងផងដែរ។ សម្រាប់ប្រទេសកម្ពុជា ក្រុមហ៊ុន Bosch ដែលជាយីហោសម្ភារៈក្នុងគេហដ្ឋានរបស់អាឡឺម៉ង់ ដែលជាបុត្រសម្ព័ន្ធរបស់ក្រុមហ៊ុន BSH Home Appliances Pte Ltd បានទទួលស្គាល់តម្រូវការនេះ។ បន្ទាប់ពីនាំយកផលិតផលរបស់ខ្លួនទៅលក់នៅប្រទេសជាច្រើនដូចជា កូរ៉េ អារ៉ាប់រួម សហរដ្ឋអាមេរិក សិង្ហបុរី វៀតណាម ថៃ ឥណ្ឌូនេស៊ី និងហ្វីលីពីន BSH បានសហការជាមួយ នឹងក្រុមហ៊ុន Modern Kitchen Boutique (MKB)​​ ដើម្បីចែកចាយផលិតផល​ខ្លួននៅក្នុងប្រទេសកម្ពុជា។ លោក Charlie Chea នាយកផ្នែកផលិតផល និងទិញជាវរបស់ MKB បាននិយាយថា "ទីផ្សារកម្ពុជាបានត្រៀមខ្លួនរួចជាស្រេចសម្រាប់កម្រិតជីវភាពរស់នៅថ្មី ហើយយើងរីករាយនឹងផ្តល់ជូនសំភារៈគេហដ្ឋាន  ក្រុមហ៊ុន Bosch ដើម្បីបំពេញតម្រូវការអ្នកប្រើប្រាស់"។ លោកបន្តថា "ដោយសារ Bosch បានផ្តល់ជូននូវផលិតផលគុណភាពខ្ពស់ស្របតាមស្តង់ដារអឺរ៉ុប ផលិតផលសំរិតសំរាំងរបស់ពួកគេពិតជាមានភាពទាក់ទាញយ៉ាងខ្លាំងចំពោះទីផ្សារលក់រាយបែបប្រណិត និងទីផ្សារគម្រោងដែលកំពុងតែមានកំណើនខ្លាំង។ សម្ភារៈគេហដ្ឋានស្ដង់ដារអឺរ៉ុបមួយចំនួនដែលនឹងត្រូវចែកចាយដោយក្រុមហ៊ុន MKB រួមមានម៉ាស៊ីនចំអិនម៉ូដែល winning Series 8 Ovens ដែលអាចចម្អិនអាហារ និងមានមុខងារ ចម្អិនអាហារពិសេសៗដូចជា ដុត និងអាំងបានយ៉ាងល្អ។ វាថែមទាំងមានអេក្រង់ស្វ័យប្រវត្តិប្រភេទ TFT ទំហំ 2.5 អ៊ីង សម្រាប់គ្រប់គ្រងការចម្អិនបានយ៉ាងល្អប្រសើរ។ សម្រាប់អ្នកដែលចូលចិត្តស្វែងរកបទពិសោធន៍ក្នុងការធ្វើនំ និងឆុងកាហ្វេ MKB បានផ្តល់ម៉ាស៊ីន ឆុងកាហ្វេស្វ័យប្រវត្តិ ដែលបំពាក់ដោយប្រព័ន្ធបច្ចេកវិទ្យា TFT អាចណែនាំអ្នកប្រើប្រាស់ពីរបៀប ឆុងកាហ្វេច្រើនប្រភេទ។ ផលិតផលមួយដែលក្រុមហ៊ុនចង់បង្ហាញជាងគេគឺម៉ាស៊ីនបោកគក់មួយប្រភេទ ដែលសន្សំសំចៃថាមពល និងមានសំលេងស្ងាត់ល្អ។  ទាំងនេះគ្រាន់តែជាផលិតផលមួយចំនួនក្នុងចំណោមផលិតផលរាប់រយប្រភេទរបស់ក្រុមហ៊ុន Bosch។ ក្រុមហ៊ុន MKB នឹងដាក់លក់ផលិតផលរបស់ Bosch នៅក្នុងក្រុងភ្នំពេញអំឡុងខែមិថុនា និងកក្កដា ក្នុងឆ្នាំនេះ។ ប្រសិនបើអ្នកគ្រោងវិនិយោគទៅលើគម្រោងអភិវឌ្ឍន៍ថ្មីៗ ឫគ្រាន់តែទិញលំនៅដ្ឋានស្នាក់នៅ ហើយត្រូវការរៀបចំ ឬតុបតែងបន្ថែម ក្រុមហ៊ុន Bosch គឺជាជម្រើសដ៏ល្អសម្រាប់ផ្គល់សម្ភារៈគេហដ្ឋានរបស់លោកអ្នក។  ស្វែងរកព័ត៌មានទាក់ទងនឹងអចលនទ្រព្យតាមរយៈ Realestate.com.kh

សន្និសិទសារព័ត៌មានប្រចាំឆ្នាំ២០១៧៖ ឧស្សាហកម្មសំណង់ និងយានយន្តជាវិស័យចម្បងជំរុញកំណើនអាជីវកម្មដល់ Boschអាជីវកម្មផ្នែកគ្រឿងបន្លាស់យានយន្ត ទទួលបានកំណើនរហូតដល់បីខ្ទង់ដែលពុំធ្លាប់មានអតិថិជនស្គាល់ ម៉ាកយីហោ Bosch កាន់តែច្រើនតាមរយៈយុទ្ធនាការទីផ្សាររបស់ខ្លួនលើ​បណ្តាញផ្សព្វផ្សាយនានាក្រោមពាក្យស្លោក “Bosch ធ្វើឲ្យជីវិតកាន់តែប្រសើរ”បំពាក់បំប៉នជំនាញបន្ថែមដល់អ្នកបណ្តុះបណ្តាលជាង ១០០នាក់ តាមរយៈវគ្គបណ្តុះបណ្តាលវិជ្ជាជីវៈនៅក្នុងឆ្នាំ២០១៦ រាជធានីភ្នំពេញ៖ Bosch ដែលជាក្រុមហ៊ុនផ្គត់ផ្គង់បច្ចេកវិទ្យា និងសេវាកម្មនាំមុខគេលើពិភពលោកទទួលបានកំណើនការលក់យ៉ាងខ្លាំងនៅក្នុងប្រទេសកម្ពុជាកាលពីឆ្នាំ២០១៦។ ក្រុមហ៊ុនទទួលបានអត្រាកំណើនក្នុងកំរិតពីរខ្ទង់ចាប់តាំងពីមានវត្តមាននៅប្រទេសកម្ពុជាក្នុងឆ្នាំ២០១០។ លោក Andre de Jong ដែលជាអគ្គនាយកក្រុមហ៊ុន Bosch ប្រចាំប្រទេសកម្ពុជា ឡាវ និងភូមា បានមានប្រសាសន៍ថា៖ ”កម្ពុជានៅតែជាទីផ្សារដ៏សំខាន់សម្រាប់កំណើនអាជីវកម្មរបស់ Bosch នៅក្នុងតំបន់អាស៊ីអាគ្នេហ៍ដោយសារស្ថិរភាពនៃកំណើនសេដ្ឋកិច្ចរបស់ប្រទេសកម្ពុជាក្នុងកំរិតប្រមាណប្រាំពីរភាគរយ ហើយជាពិសេសកំណើននៅក្នុងផ្នែកយានយន្ត និងសំណង់។    អាជីវកម្មគ្រប់វិស័យទាំងអស់មានការអភិវឌ្ឍន៍ខ្លាំង  អាជីវកម្មផ្នែកគ្រឿងបន្លាស់យានយន្តរបស់ Bosch​ គឺជាអាជីវកម្មចម្បងសម្រាប់កំណើនទាំងមូលរបស់ក្រុមហ៊ុននៅក្នុងប្រទេសកម្ពុជាកាលពីឆ្នាំ២០១៦។ ដោយសារការរីកចម្រើនទីផ្សារផ្នែកយានយន្តបានធ្វើឲ្យអាជីវកម្មផ្នែកនេះសម្រេចបាននូវអត្រាកំណើនការលក់រហូតដល់បីខ្ទង់ដែលពុំធ្លាប់មានពីមុនមក។ យោងតាមក្រសួងសាធារណការ និងដឹកជញ្ជូនចំនួនយានយន្តដែលបានចុះបញ្ជីនៅក្នុងប្រទេសកម្ពុជាបានកើនឡើងដល់៣.៧លានគ្រឿងនៅក្នុងឆ្នាំ២០១៦ដែលមានអត្រាកំណើន១៦ភាគរយក្នុងមួយឆ្នាំ។ លោក Andre de Jong បានមានប្រសាសន៍ថា៖ “ទិដ្ឋភាពនៃវិស័យយានយន្តនៅកម្ពុជាគឺមានលក្ខណៈចម្រុះបើនិយាយអំពីប្រភពផលិត និងប្រភេទយានយន្ត។ អាស្រ័យហេតុនេះហើយបានជាក្រុមហ៊ុន Bosch ពង្រីកស្រឡាយផលិតផលកាន់តែច្រើនដើម្បីឆ្លើយតបទៅនឹងទិដ្ឋភាពនៃវិស័យនេះ។” លោក Andre de Jong បានបន្ថែមថា៖ “ស្របជាមួយនឹងការខិតខំរបស់ក្រសួងសាធារណការ​ និងដឹកជញ្ជូន ក្នុងការពង្រឹងសុវត្ថិភាពយានយន្តធនធ្ងន់ យើងបានពង្រីកនូវស្រឡាយផលិតផលរបស់ក្រុមហ៊ុនដោយបាននាំចូលនូវប្រភេទគ្រឿងបន្លាស់សម្រាប់គ្រឿងចក្រ (off-highway product segment)។”          អាជីវកម្មផ្នែកឧបករណ៍ជាងជំនាញនៅតែរក្សាបានកំណើនវិជ្ជមាន ដែលកំណើននេះបានមកពីការបន្តរីកលូតលាស់នៃឧស្សាហកម្មសំណង់។ នៅត្រឹមបំណាច់ឆ្នាំ២០១៦មានគំរោងវិនិយោគសំណង់ជាង២,៦០០ ដែលបានអនុម័តរួចនៅក្នុងប្រទេសកម្ពុជាបានកើនឡើងជាង១៤០ភាគរយ បើប្រៀបធៀបនឹងឆ្នាំ២០១៥។ ហើយទំហំទឹកប្រាក់វិនិយោគសរុបនៃគម្រោងទាំងនោះមានរហូតដល់ទៅ៨.៥ពាន់លានដុល្លា។ លោក Andre de Jong បានមានប្រសាសន៍ថា៖ “Bosch មានគោលបំណងចូលរួមចំណែកដល់ភាពរីកចម្រើននៃបច្ចកវិទ្យានៅក្នុងវិស័យសំណង់របស់កម្ពុជា។  ដើម្បីគាំទ្រដល់ការរីកលូតលាស់ដ៏ខ្លាំងខ្លានៃវិស័យនេះ ក្រុមហ៊ុនសំណង់នានាត្រូវមានលទ្ធភាពទទួលបាននូវឧបករណ៍ជាងដ៏ត្រឹមត្រូវ និងមានគុណភាពខ្ពស់។ ដូច្នេះហើយនៅក្នុងឆ្នាំ២០១៦ ក្រុមហ៊ុនយើងបាននាំមកនូវផលិតផលឧបករណ៍ជាងប្រភេទថ្មីមានឈ្មោះថា​ “Heavy Duty” ដែលឧបករណ៍ជាងនេះមានគុណភាពខ្ពស់ធនប្រើប្រាស់បានយូរអង្វែង ហើយត្រូវបានផលិតឡើងជាពិសេសតម្រូវនឹងប្រភេទការងារសំណង់ធន់ធ្ងន់។”  ការរីកចំរើនវិស័យសំណង់នេះក៏បានផ្តល់ឱកាសដល់អាជីវកម្មផ្នែកប្រព័ន្ធសុវត្ថិភាពដើម្បីផ្តល់នូវដំណោះស្រាយសុវត្ថិភាព និងសន្តិសុខដល់គម្រោងអភិវឌ្ឍន៍អចលនទ្រព្យនានាដែលមានដូចជា ខុនដូ ការិយាល័យ និងសណ្ឋាគារជាដើម។ អាជីវកម្មផ្នែកនេះសម្រេចបាននូវកំណើនការលក់ខ្ពស់ខ្លាំងរហូតដល់ពីរខ្ទង់ហើយផលិតផលកាមេរ៉ាសុវត្ថិភាព និងប្រព័ន្ធសោរទ្វាសុវត្ថិភាព (access control systems) បានរួមចំណែកចម្បងដល់កំណើននេះ។     អាជីវកម្មផ្នែកច្ចេកវិទ្យាគ្រឿងចក្របញ្ជាក៏ទទួលបានលទ្ធផលល្អផងដែរនៅក្នុងឆ្នាំ២០១៦។ បច្ចុប្បន្នអាជីវកម្មផ្នែកនេះផ្តល់នូវដំណោះស្រាយសម្រាប់វិស័យផលិតកម្ម កសិកម្ម រ៉ែ ថាមពល និងសំណង់។ Bosch ក៏បានពង្រីកបន្ថែមនូវផលិតផលថ្មីនៅក្នុងវិស័យសំណង់ ដែលរួមមានផលិតផលបំលែងហ្វ្រេកង់ (frequency converters) ដើម្បីជួយសន្សំសំចៃថាមពលអគ្គិសនីសម្រាប់អគារ។  បង្កើតម៉ាកយីហោសាជីវកម្មល្បីល្បាញនៅកម្ពុជា  ដើម្បីគាំទ្រដល់លូតលាស់អាជីវកម្មរយៈពេលវែង និងដើម្បីធ្វើឲ្យអតិថិជនបានដឹងកាន់តែច្បាស់ពីសកម្មភាពអាជីវកម្មរបស់ក្រុមហ៊ុននៅក្នុងប្រទេសកម្ពុជា  Bosch បានបើកយុទ្ធនាការម៉ាកយីហោសាជីវកម្មរបស់ខ្លួននៅក្នុងតំបន់អាស៊ីអាគ្នេហ៍ជាលើកដំបូងកាលពីឆ្នាំមុនក្រោមពាក្យស្លោក “ធ្វើឲ្យជីវិតកាន់តែប្រសើរ”។ សកម្មភាពនៃយុទ្ធនាការនេះ ដែលបានអនុវត្តនៅកម្ពុជាគឺផ្តោតលើឌីជីថលដែលរួមមាន microsite ភ្ជាប់ជាមួយ Facebook app ហើយភ្ជាប់ទៅកាន់ប្រព័ន្ធផ្សព្វផ្សាយដទៃទៀតដូចជា កាសែត ទូរទស្សន៍ ព្រមទាំងផ្សព្វផ្សាយលើផ្ទាំងប៉ាណូ រថយន្តក្រុង និងចំណតរថយន្តក្រុងជាដើម។  ដោយឡែកនៅក្នុងឆ្នាំ២០១៧​ Bosch នឹងបន្តយុទ្ធនាការខាងលើក្នុងជំហានទីពីរផងដែរ។  លើកស្ទួយការបង្កើនគុណភាពជីវិតដល់សហគមន៍  ទស្សនវិជ្ជារបស់ក្រុមហ៊ុនក្នុងការបង្កើនគុណភាពជីវិតបានពង្រីកវិសាលភាពលើសពីប្រតិបត្តិការអាជីវកម្មរបស់ខ្លួនទៅការជួយសង្គមនៅក្នុងប្រទេសដែលក្រុមហ៊ុនប្រកបអាជីវកម្ម។ ចំណែកនៅក្នុងប្រទេសកម្ពុជា Bosch បានផ្តល់ការបណ្តុះបណ្តាលវិជ្ជាជីវៈដល់គ្រុបង្គោលមកពីស្ថាប័នបណ្តុះបណ្តាលវិជ្ជាជីវៈនានាតាំងពីឆ្នាំ២០១០។ នៅក្នុងឆ្នាំ២០១៦​ Bosch បានផ្តល់វគ្គហ្វឹកហ្វឺនដល់គ្រូបង្គោលជាង១០០នាក់ ហើយក៏បានបរិច្ចាគផលិតផល Bosch មួយចំនួនផងដែរដល់មជ្ឈមណ្ឌលបណ្តុះបណ្តាល។ លោក Andre De Jong បានមានប្រសាសន៍ថា៖ “Bosch មានប្រវត្តិយូរលង់ណាស់មកហើយក្នុងការជួយដល់ផ្នែកបណ្តុះបណ្តាលវិជ្ជាជីវៈ។ វាគឺជាការប្តេជ្ញាចិត្ត និងឆន្ទៈមោះមុតក្នុងការធ្វើឲ្យជីវិតកាន់តែប្រសើរដល់សហគមតាមរយៈការផ្ទេរចំណេះ និងជំនាញពិត។ ” ទស្សនវិស័យ និងយុទ្ធសាស្ត្រសម្រាប់ឆ្នាំ២០១៧ របស់ Bosch Group  នៅក្នុងឆ្នាំ២០១៧ ដោយមានការព្យាករណ៍អំពីការលូតលាស់ផ្នែកសេដ្ឋកិច្ចមានកំរិតទាប និងភាពមិនប្រាកដប្រជានៃភូមិសាស្ត្រនយោបាយ Bosch មានគោលដៅសម្រេចកំណើនការលក់នៅចន្លោះពីបីទៅប្រាំភាគរយ។ ហើយទោះបីជាមានការវិនិយោគទុកមុនច្រើនដើម្បីការពារអនាគតរបស់ក្រុមហ៊ុនយ៉ាងណាក៏ដោយយើងនៅតែបន្តកំណត់យកលទ្ធផលវិជ្ជមាន។ លោកបណ្ឌិត Volkmar Denner ប្រធានក្រុមប្រឹក្សាភិបាលនៃក្រុមហ៊ុន Robert Bosch GmbH បានមានប្រសាសន៍ថា៖ “ភាពជោគជ័យលើអាជីវកម្មថ្ងៃនេះ នឹងផ្តល់នូវឱកាសដល់យើងដើម្បីកំណត់នូវអនាគតពិភពលោកសម្រាប់ថ្ងៃស្អែក។ ហើយក្នុងនាមជាក្រុមហ៊ុននាំមុខផ្នែករបកគំហើញបច្ចេកវិទ្យា យើងកំពុងកំណត់អនាគត និងជំរុញការផ្លាស់ប្តូរ។” ចំណុចស្នូលនៃការផ្លាស់ប្តូរ​នេះគឺការផ្លាស់ប្តូរនៅក្នុងផ្នែកបច្ចេកវិទ្យាយានយន្ត និងបច្ចេកវិទ្យាតភ្ជាប់ឧបករណ៍ប្រើប្រាស់តាមរយៈប្រព័ន្ធអ៊ិនធឺណិត (IoT)។ នៅត្រឹមឆ្នាំ២០២០ គ្រប់ផលិតផលអេឡិចត្រូនិចថ្មីៗរបស់ Bosch ទាំងអស់នឹងមានបំពាក់បច្ចេកវិទ្យាតភ្ជាប់ ហើយចំណុចសំខាន់គឺបច្ចេកវិទ្យាប្រើសិនស័រសម្រាប់ឲ្យវត្ថុមានវិញាញ​ (AI)។ ក្នុងរយៈពេលជាងប្រាំឆ្នាំទៀត Bosch នឹងវិនិយោគចំនួន៣០០លានអឺរ៉ូ នៅក្នុងមជ្ឈមណ្ឌលបច្ចេកវិទ្យាប្រើសិនស័រសម្រាប់ឲ្យវត្ថុមានវិញ្ញាញ។     នៅក្នុងតំបន់អាស៊ីប៉ាស៊ីហ្វិក Bosch សម្រេចបានកំណើនការលក់ខ្ពស់រហូតដល់៨.៣ភាគរយនៅក្នុងឆ្នាំ២០១៦ ដែលមានបរិមាណទឹកប្រាក់រហូតដល់ ២០.៨ ពាន់លានអឺរ៉ូ (+១២ ភាគរយបន្ទាប់ពីផលប៉ះពាល់នៃអត្រាប្តូរប្រាក់)។ បរិមាណផលលក់នៅក្នុងតំបន់អាស៊ីប៉ាស៊ីហ្វិកនេះស្មើនឹង២៨ភាគរយនៃផលលក់សរុបរបស់ Bosch ហើយកាលពីឆ្នាំមុនស្មើនឹង២៧ភាគរយប៉ុណ្ណោះ។  ស្វែងរកព័ត៌មានបន្ថែមអំពីអចលនទ្រព្យតាមរយៈ Realestate.com.kh

បរិបទនៃប្រភេទការិយាល័យធ្វើការរួមគ្នាជាគំនិតថ្មីដែលបានចូលមកកម្ពុជាក្នុងរយៈពេលខ្លីមួយហើយទីបំផុតបានទទួលប្រជាប្រិយភាពយ៉ាងខ្លាំងដោយវាបានបំពេញទៅតាមតម្រូវការនៃការជួលកន្លែងធ្វើការងារក្នុងរយៈពេលខ្លីនៅក្នុងប្រទេស។ ភាគច្រើននៃការិយាល័យរួមគឺជាក្រុមហ៊ុនបរទេសដែលទទួលបានភាពរីកចម្រើនយ៉ាងខ្លាំងត្រឹមតែក្នុងរយៈពេលពីរបីឆ្នាំកន្លងមក។ កន្លែងធ្វើការរួមគ្នាទាំងនោះបានក្លាយជាការពេញនិយមយ៉ាងខ្លាំងក្នុងចំណោមបុគ្គលម្នាក់ៗ ឬសហគ្រិន អ្នកចាប់ផ្ដើមអាជីវកម្មថ្មី និងអាជីវកម្មខ្នាតតូច។ ការិយាល័យរួមគឺជានិន្នាការថ្មីនាំទៅដល់បរិស្ថានការងាររួមគ្នាមួយ ជាធម្មតាស្រដៀងគ្នាទៅនឹងការិយាល័យដែរ។ តែមិនដូចការិយាល័យធម្មតាទេ ដោយសារការិយាល័យរួមទាំងនេះជាធម្មតាគឺមិនត្រូវបានកាន់កាប់ដោយអង្គការ ឬក្រុមហ៊ុនតែមួយនោះទេ។ ប្រភេទការិយាល័យរួមនេះបានរីកចម្រើនទាំងនៅក្នុងរាជធានីភ្នំពេញ និងខេត្តសៀមរាប។ ការិយាល័យរួមមួយចំនួននៅក្នុងទីក្រុងភ្នំពេញមានដូចជា៖ Impact Hub Phnom Penh, Small world, Colap​ និងផ្សេងៗទៀត។ ជាមួួយគ្នានេះខេត្តសៀមរាបក៏មានការិយាល័យរួមដូចជា៖ The 1961 Co-working & Art Space និង Angkor Hub. ទោះបីជាការិយាល័យរួមនៅតែជាគំនិតថ្មីនៅកម្ពុជា ដែលទើបចាប់ផ្តើមឡើងនៅឆ្នាំ ២០១៥ អ្នកស្រី Olivia Hough ប្រធានប្រតិបត្តិការ​នៅការិយាល័យរួម Impact Hub បានបញ្ចាក់ថាការិយាល័យរួមទទួលបានការពេញនិយមខ្លាំងក្នុងរយៈពេល២ឆ្នាំមកនេះ​។ អ្នកស្រីនិយាយថា “យើងបានពង្រីកធំជាងមុនបីដង។ វាទំនងជាបន្តកើនឡើងថែមទៀតនៅពេលដែលអាជីវកម្មថ្មីៗបន្តកើនឡើងនៅក្នុងប្រទេសកម្ពុជា។ យើងចង់គាំទ្រ​និងជម្រុញឲ្យប្រជាជនកម្ពុជាចាប់ផ្តើមអាជីវកម្មផ្ទាល់ខ្លួនរបស់ពួកគាត់។  អ្នកស្រី Olivia ពន្យល់ទៀតថាការិយាល័យរួមគឺជាកន្លែងធ្វើការដែលមានភាពធំទូលាយមិនមានជញ្ជាំង ដែលនរណាក៏អាចចូលរួមបាន។ កន្លែងធ្វើការងាររួមគ្នានៃសហគមន៍របស់យើងនៅ Impact Hub ត្រូវបានបង្កើតឡើងសម្រាប់ អ្នកធ្វើការងារផ្នែកបច្ចេកវិទ្យា អ្នកស្រាវជ្រាវបុគ្គលិកអង្គការមិនមែនរដ្ឋាភិបាល សហគ្រិន អ្នកធ្វើការឯករាជ្យ ឬអ្នកនិពន្ធជាដើម។ ការិយាល័យរួមគឺជាសេវាកម្មថ្មីដែលអ្នកអាចធ្វើការនៅក្នុងបរិស្ថានស្ងប់ស្ងាត់មានអ៊ិនធើណិតល្បឿនលឿនហើយក៏ជាកន្លែងល្អបំផុតក្នុងការបង្កើតបណ្តាញទំនាក់ទំនង និងជួបមនុស្សថ្មីៗ។ រួមជាមួយគ្នានេះដែរ លោក ហម គីមហួន ជានាយកផ្នែកបណ្តុះបណ្តាលនៅ Wecreate Cambodia​ បាននិយាយថា “ថ្វីបើជាបរិបទថ្មីមួយ តែការិយាល័យរួមគឺជាការិយាល័យសម្រាប់អ្នកគ្រប់គ្នាដែលកំពុងធ្វើការនៅឆ្ងាយពីកន្លែងការងារជាការងារផ្ទាល់ខ្លួន ឬការងារជាក្រុមតូចមួយ។ ការិយាល័យរួមផ្តល់ជូននូវលក្ខណៈពិសេស និងភាពបត់បែនដែលក្នុងនោះមានដូចជាវគ្គបណ្តុះបណ្តាល ទំនាក់ទំនងហើយក៏ជាកន្លែងមួយដែលបើកទូលាយសម្រាប់ការពិភាក្សាគ្នា។  ជាក់ស្តែង ការិយាល័យរួមនៅកម្ពុជាបានផ្តល់ជូននូវឱកាសដ៏ល្អក្នុងការជួបមនុស្សមកពីវិស័យផ្សេងគ្នាឲ្យពួកគេបានជួបគ្នារៀនពីគ្នាទៅវិញទៅមក ក៏ដូចជាផ្លាស់ប្តូរនូវគំនិតអាជីវកម្មខុសគ្នាឲ្យគ្នាទៅវិញទៅមក។  ខេត្តសៀមរាបជាខេត្តដែលប្រជុំដោយជនបរទេសចម្រុះគ្នាបានផ្តល់ឱកាសដ៏ប្រសើរសម្រាប់ការិយាល័យរួម ជាមួយនឹងការជម្រុញលើកទឹកចិត្តច្រើន។ លោក Loven Ramos ជានាយកគ្រប់គ្រងនៅ The 1961 Co-working and Art Space នៅខេត្តសៀមរាបបាននិយាយថា “កម្ពុជាមានទីផ្សារដ៏មានសក្តានុពលសម្រាប់ប្រភេទការិយាល័យរួមនេះ ហើយខេត្តសៀមរាបគឺជាទីផ្សារធំទីពីរបន្ទាប់ពីទីក្រុងភ្នំពេញដោយសារតែខេត្តនេះប្រមូលផ្តុំដោយភ្ញៀវទេសចរណ៍ ជនបរទេស និងយុវជនជាច្រើននៅក្នុងតំបន់។ ហើយជាមួយនឹងការិយាល័យរួមរ​បស់  The 1961 សមាជិកអាចទទួលបានសេវាកម្មពិសេសជាច្រើនដូចជា បន្ទប់ប្រជុំបន្ទ​ប់ប្រជុំភ្ជា​ប់ជាមួយប្រព័ន្ធស្កាយ និងបន្ទប់រួមធំ ទូលាយ និងបន្ទប់ផ្សេងៗដែលអាចប្រើប្រាស់បានតាមតម្រូវការ។  លោក Loven​ បានបន្ថែមថា The 1961 បានប្រែក្លាយមកពីសណ្ឋាគារនៅឆ្នាំ២០១៤។ ការផ្លាស់ប្តូរនេះគឺដោយសារតែមើលឃើញពីសក្ដានុពលនៅក្នុងតំបន់​ ហើយមើលឃើញថាយុវជនមានគំនិតអាជីវកម្មជាច្រើន ប៉ុន្តែពួកគេមានធនធានមិនគ្រប់គ្រាន់ទាក់ទងទៅនឹងតម្រូវការការិយាល័យ ហើយការិយាល័យជួលមានតម្លៃថ្លៃ។  ទាក់ទងនឹងតម្លៃជួលការិយាល័យរួម អ្នកស្រី Olivia និយាយថា “សម្រាប់សមាជិកពេញម៉ោងមានតម្លៃ៦០ដុល្លារក្នុងមួយខែ ហើយសមាជិកមិនពេញម៉ោង (ជួល៣​ដងក្នុងមួយសប្តាហ៍) មានតម្លៃ៣៥​ដុល្លារ។ សមាជិកក៏អាចជ្រើសរើសយកប្រភេទតុអង្គុយផ្ទាល់ខ្លួនជាមួយកូនសោរក្នុងតម្លៃ១៥០ដុល្លារ។  រីឯលោក Loven​ បាននិយាយថាតម្លៃគឺអាស្រ័យលើតម្រូវការរបស់សមាជិកប្រសិនបើសមាជិកជួលក្នុង១ថ្ងៃគឺមានតម្លៃ៥ដុល្លារ១០​ដុល្លារសម្រាប់រយៈពេល៣​​ថ្ងៃ២០​ដុល្លារសម្រាប់មួយសប្តាហ៍ និង១០០​ដុល្លារសម្រាប់ការជួលមួយខែ។ នេះជាតម្លៃសម្រាប់រដូវកាលដែលមានសមាជិកតិចតែសម្រាប់រដូវដែលមានសមាជិកច្រើនវិញតម្លៃក៏កើនឡើងខ្ពស់ជាងនេះដែរ។ ទោះបីជាយ៉ាងណា តម្លៃនៃការជួល នេះនៅតែទាបជាងធ្វើការនៅក្នុងការិយាល័យផ្ទាល់ខ្លួន ឬក៏នៅហាងកាហ្វេដែលមិនមានអ៊ីនធើណិតប្រើងាយស្រួល និងបរិយាកាសល្អបែបនេះឡើយ។  លោក Loven បានបន្ថែមទៀតថាការិយាល័យរួមគឺមិនបានចូលរួមក្នុងវិស័យអចលនទ្រព្យ ១០០%​នោះទេ ប៉ុន្តែវាជាកន្លែងដែលគេអាចរៀបចំអាជីវកម្មរបស់គេមុនពេលពួកគេមានភាពរួចរាល់ក្នុងការកាន់កាប់នូវអគារការិយាល័យជាក់លាក់សម្រាប់បង្កើតជាក្រុមហ៊ុន។  ដូច្នេះការិយាល័យរួមបានជួយរៀបចំ និងសម្រួលដល់ទីផ្សារអចលនទ្រព្យឲ្យក្លាយទៅជាអាជីវកម្មមួយពិតប្រាកដនៅពេលបន្ទាប់។  ការិយាល័យរួមមិនត្រឹមតែជាប្រភេទការិយាល័យដែលសម្រាប់តែធ្វើការរួមគ្នាប៉ុណ្ណោះទេ វាក៏ជាសហគមន៍ថ្មីមួយនៃសហគ្រិន និងអ្នកធ្វើអាជីវកម្មក្មេងៗជាច្រើនទៀត។ នេះជាឱកាសដ៏ល្អក្នុងការរៀនសូត្រ និងបង្កើតទំនាក់ទំនងជាមួយគ្នា។ ដោយសារតែប្រភេទអាជីវកម្មថ្មីៗទំនងជានៅតែកើតមានច្រើនយើងរំពឹងថាវិស័យការិយាល័យរួមនៅតែបន្តពរីកចម្រើនទៅមុខបន្ថែមទៀត។  ស្វែងរកការិយាល័យសម្រាប់ជួលក្នុងប្រទេសកម្ពុជាតាមរយៈ Realestate.com.kh

ទោះជាការបោះឆ្នោតជាតិកាន់តែខិតជិតមកដល់ក្ដីតម្លៃដីធ្លីនៅក្នុងខេត្តព្រះសីហនុនៅតែបន្តកើនឡើង ដោយសារតែមាន​ការប្រកាសអភិវឌ្ឍន៍ហេដ្ឋារចនាសម្ព័ន្ធ និងការវិនិយោគសំខាន់ៗជាច្រើនទៀតដែលធ្វើឲ្យវិនិយោគិន និងអ្នកលក់កាន់តែមានទំនុកចិត្តខ្លាំងជាងមុន។ ទោះបីជាយ៉ាងណាក៏ដោយអ្នកវិភាគទីផ្សារមួយចំនួនមានជំនឿថាតម្លៃដីធ្លីកើនឡើងលឿនជាងតម្រូវការបច្ចុប្បន្ន។ ក្នុងកិច្ចសម្ភាសជាមួយសារព័ត៌មានក្នុងស្រុកមួយ លោក​ឧកញ៉ា ចេង ខេង នាយកប្រតិបត្តិក្រុមហ៊ុនអចលនទ្រព្យ ស៊ីភីអិល បាននិយាយថា “តម្លៃដីនៅខេត្តព្រះសីហនុបានកើនឡើងដោយសារតែមានលំហូវិនិយោគិនយ៉ាងច្រើននៅទីនោះ ជាពិសេសវិនិយោគិនចិន។”   តំបន់សេដ្ឋកិច្ចពិសេសខេត្តព្រះសីហនុបានក្លាយជាតំបន់ពាណិជ្ជកម្មដ៏ធំសម្រាប់វិនិយោគិនចិនប្រចំាតំបន់។ យោងតាមរបាយការណ៍ CBRE ចេញផ្សាយអំពីខេត្តព្រះសីហនុបានឲ្យដឹងថា “គេប៉ាន់ស្មានថានៅពេលតំបន់សេដ្ឋកិច្ចពិសេសនេះបានបញ្ចប់វានឹងក្លាយជាទីតាំងសម្រាប់រោងចក្រប្រមាណជាង៣០០ដែលមានសមត្ថភាពអាចទទួលបុគ្គលិកបម្រើការប្រមាណពី៨០ទៅ១០ម៉ឺននាក់។” របាយការណ៍ដដែលបានបង្ហាញថាការអភិវឌ្ឍន៍លំនៅដ្ឋានប្រភេទខុនដូថ្មីៗចំនួនបួនគម្រោងនឹងចេញលក់នៅលើទីផ្សារក្នុងឆ្នាំ២០១៨ឆាប់ៗខាងមុនេះ។  មានទស្សនៈដូចលោក លោក​ឧកញ៉ា ចេង ខេងដែរ លោក គីម ហ៊ាង ប្រធានសមាគមអ្នកវាយតម្លៃ និងភ្នាក់ ងារអចលនទ្រព្យកម្ពុជានៅក្នុងកិច្ចសម្ភាសជាមួយនឹងសារព័ត៌មានក្នុងស្រុកបាននិយាយថា ឆ្នាំនេះជាករណីពិសេសជាមួយនឹងការទិញលក់អចលនវត្ថុនៅក្នុងខេត្តព្រះសីហនុនៅតែបន្តមានសកម្មភាព ទោះការបោះឆ្នោតជាតិកាន់តែខិតជិតមកដល់ក៏ដោយ។ ប្រការនេះខុសប្លែកគ្នាកាលពីឆ្នាំកន្លងមកដែលការទិញលក់អចលនវត្ថុនៅទ្រឹងជាច្រើនខែមុនពេលបោះឆ្នោត។    ប៉ុន្តែអ្នកវិភាគទីផ្សារមួយចំនួនបានឲ្យដឹងថាតម្លៃដីឡើងខ្លាំងនៅក្នុងខេត្តព្រះសីហនុគឺនៅក្នុងតំបន់ឆ្នេរសមុទ្រដែលបានកើនឡើងយ៉ាងខ្លាំងដោយសារតែមានការបំប៉ោងតម្លៃ។  យោងតាមលោក Brad King នាយកក្រុមហ៊ុន​ Cambodia Real Estate ជាក្រុមហ៊ុនឈ្មួញកណ្ដាលស្ថិតនៅក្នុងខេត្តព្រះសីហនុម្ចាស់ដីនៅកណ្ដាលក្រុងព្រះសីហនុមើលឃើញគម្រោងអភិវឌ្ឍន៍កំពុងកើតមានជុំវិញនោះ ហើយសន្មត់ថាតម្លៃដីនឹងកើនឡើងទ្វេដង។ ប៉ុន្តែលោកបន្តថាវាមិនមែនជាការពិតនោះទេដោយសារដីរបស់ពួកគេអន់ជាងដីអភិវឌ្ឍន៍ក្រោយៗ ហើយមិនទាន់មានហេដ្ឋារចនាសម្ព័ន្ធដូចជាប្រព័ន្ធទឹក និងអគ្គិសនីនៅឡើយ ។”  លោក King បានឲ្យដឹងថាតម្លៃដីនៅតំបន់ឆ្នេរចាប់ពីឆ្នេរហាវៃទៅដល់ឆ្នេរអូរត្រេស៣មានតម្លៃចាប់ពី ១០០០ដុល្លារក្នុងមួយ ម៉ែត្រការ៉េទៅដល់២៥០០ដុល្លារក្នុងមួយម៉ែត្រការ៉េ។ ទោះបីជាផ្លូវខាងក្រោយទីពីរនៃតំបន់ឆ្នេរក៏មានតម្លៃចាប់ពី៣០០ដុល្លារក្នុងមួយម៉ែត្រការ៉េទៅដល់៧៥០ដុល្លារ ក្នុងមួយម៉ែត្រការ៉េដែរ។  តំបន់ជើងភ្នំមានតម្លៃចាប់ពី៨០ដុល្លារក្នុងមួយម៉ែត្រការ៉េ ទៅដល់៧៥០ដុល្លារក្នុងមួយម៉ែត្រការ៉េ។  លោក King បានបន្ថែមថា “តម្លៃដីនៅឆ្នេរដែលមានទំហំ១ហិកតាអាចមានតម្លៃរហូតដល់១០លានដុល្លារ ឬ១,០០០ដុល្លារក្នុងមួយម៉ែត្រការ៉េ។ តម្លៃដីដែលមានទំហំតូចជាងនេះប្រហែល៥០០០ម៉ែត្រការ៉េនៅឆ្នេរអូរត្រេសអាចមានតម្លៃ១,២៥០ដុល្លារក្នុងមួយម៉េត្រការ៉េ។” លោក ដែន សាកល នាយក ប្រតិបត្តិនៃក្រុមហ៊ុន Universal Real Estate បាននិយាយថាវិនិយោគិនចិនបានទិញដីនៅតំបន់ឆ្នេរអូរត្រេសយ៉ាងច្រើនបន្ទាប់មកតម្លៃដីបានចាប់ផ្តើមឡើងថ្លៃយ៉ាងរហ័ស។  លោក សាកល បានឲ្យដឹងបន្ថែមទៀតថាការទិញលក់អចលនទ្រព្យនៅតំបន់អូត្រេសមិនបានកើនឡើងទៅតាមការតម្លើងថ្លៃនោះទេ។ការកើនឡើងតម្លៃនេះគឺដោយសារតែម្ចាស់ដីទទួលបានព័ត៌មាននៃការទិញដីអភិវឌ្ឍន៍របស់វិនិយោគិនតែប៉ុណ្ណោះជាក់ស្តែងគ្មានតម្លៃលក់ណាមួយត្រូវបានកំណត់ច្បាស់លាស់អ្វីឡើយ។  លោក សាកល បានផ្តល់យោបល់ថាទិដ្ឋភាពបែបនេះនឹងបង្កើតឲ្យមានទីផ្សារមួយដែលមានតម្លៃឡើងខ្ពស់កប់ពពក ដែលធ្វើឲ្យការអភិវឌ្ឍន៍នៅទីនេះនៅទ្រឹងហើយវិនិយោគិនទាំងក្នុងស្រុក និងអន្តរជាតិនឹងបង្វែរគោល ដៅវិនិយោគរបស់ខ្លួន។ មានដីឡូតិ៍លក់ចំនួន៣ប្លង់ស្ថិតនៅផ្លូវធំទៅកាន់ឆ្នេរសុខាដែលមានតម្លៃស្ថិតនៅក្រោមទីផ្សារនៅឡើយ។ តម្លៃដីឡូតិ៍ទាំងនេះមានតម្លៃចាប់ពី៥៥០ដុល្លារទៅ៧៥០ដុល្លារក្នុងមួយម៉ែត្រការ៉េជាមួយទំហំចាប់ពី ៣,៨០០ ទៅ ១០,០០០ម៉ែត្រការ៉េ។  លោក King បានបញ្ចេញមតិផងដែរថាតម្លៃដីនៅខេត្តព្រះសីហនុមិនគួរណាមានតម្លៃខ្ពស់ដូចនៅប្រទេសថៃ ឬហ្វីលីពីននោះទេ វាគ្មានហេតុផលណាដែលគម្រោងអភិវឌ្ឍន៍ហេដ្ឋារចនាសម្ព័ន្ធធ្វើឲ្យតម្លៃកើនឡើងខ្លាំងបែបនេះពេកទេ។  ទន្ទឹមនឹងរបាយការណ៍របស់ CBRE ដែលបង្ហាញថា “ទីតាំងកណ្តាលក្រុងផ្តល់នូវសេវាកម្មជាច្រើនបែបរួមមាន ធនាគារអន្តរជាតិ សុខាភិបាល ប្រៃសនីយ៍ អាជីវកម្ម និងផ្សារទំនើបជាដើម។” លោក King បានបញ្ចេញមតិផងដែរថា “នៅខេត្តព្រះសីហនុមានសណ្ឋានផ្លូវមិនល្អនោះទេ គ្មានផ្សារទំនើបអន្តរជាតិ គ្មានកន្លែងកំសាន្តល្អៗ វិស័យសុខាភិបាលនៅមានកម្រិត និងគម្រោងព្រលានយន្តហោះអន្តរជាតិដែលមិនទាន់លេចចេញជារូបរាងនៅឡើយ។ លោក King ជឿជាក់ថា “តម្លៃដីដែលសាកសមនឹងវិនិយោគិនតូចៗ ឬនិវត្តជនបានពន្យឺតកំណើននៅខេត្តព្រះសីហនុ ដោយសារតែប្រមាណ៩០%នៃជនបរទេសដែលមកពីតំបន់អឺរ៉ុបដែលមានបំណងចូលនិវត្តន៍ ឫទិញផ្ទះសម្រាប់លំហែកាយមិនមានលទ្ធភាពទិញក្នុងតម្លៃខ្ពស់នៅទីនោះ។ នេះបង្ហាញថាតម្លៃដីនៅទីនោះ មានតម្លៃខ្ពស់ពេកសម្រាប់អ្នកទិញធម្មតា។ លោក King បន្ថែមថា “ទីផ្សារទាំងមូលស្ថិតនៅក្នុងវដ្ដនៃការអភិវឌ្ឍន៍ហើយសង្ឃឹមថាម្ចាស់ដីមួយចំនួននឹងឃើញផលចំណេញរយៈពេលវែង នៃការអភិវឌ្ឍន៍លំនៅដ្ឋានប្រភេទវីឡា និងអាផាតមេនកម្រិតធម្យម និងខ្ពស់ដែលជួយឲ្យខេត្តព្រះសីះនុឆ្ពោះទៅរកការអភិវឌ្ឍន៍រយៈវែងគ្រប់រដូវកាល។”  សម្រាប់វិនិយោគិនតូចៗ លោក king បានណែនាំថាគួរទិញផ្ទះ ឬអាផាតមេនដែលសង់រួចមុនតម្លៃដីអស់ទាំងនេះកើនឡើងខ្ពស់។ ប្រសិនបើចង់ទិញដីអ្នកគួរទិញដីនៅជើងភ្នំ ឬដីនៅតំបន់ប្លុកតូចៗនៅខាងក្រោយផ្លូវ។ មានដីឡូតិ៍សម្រាប់លក់ក្នុងតម្លៃ ៨០,០០០ដុល្លារ និងក្រោមនេះដែលល្អបំផុតសម្រាប់វីឡា ឬអាផាតមេន៕  ស្វែងរកអចលនទ្រព្យសម្រាប់លក់ និងជួលនៅខេត្តព្រះសីហនុ!

ស្ថិតនៅលើដងវិថីសម្តេចមង្គលអែម ផ្លូវលេខ​២២៨ កែងនឹងផ្លូវ៥៥ ស្ថិតនៅក្នុងខណ្ឌដូនពេញនៃរាជធានីភ្នំពេញ យើងឃើញមានអគារស្រស់ស្អាតនិងប្លែកដាច់គេរំលេចឡើងនូវឈ្មោះថា LUMIERE HOTEL ជាសណ្ឋាគារលំដាប់ផ្កាយបួនមានកម្ពស់១៦ជាន់។ ទោះបីជាសណ្ឋាគារនេះវិនិយោគដោយវិនិយោគិនសិង្ហបុរីក៏ដោយអគារដ៏ស្រស់ស្អាតនេះគឺត្រូវបានរចនានិងសាងសង់ឡើងដោយក្រុមហ៊ុនខ្មែរសុធសាធ។ ក្រុមហ៊ុនខ្មែរដែលម៉ៅការសាងសង់សណ្ឋាគារដ៏ប្រណិតនេះមានឈ្មោះថា សោម៉ា ខនស្រ្តាក់សិន & ឌីវេឡុបមេន (SOMA Construction & Development Co., Ltd.) ។ ការសាងសង់សណ្ឋាគារនេះមានសភាពលឿនខ្លាំងនិងគួរឲ្យកត់សម្គាល់ពោលគឺចាប់ផ្តើមសាងសង់នៅខែ​ សីហា ឆ្នាំ ២០១៥ និងបញ្ចប់ជាស្ថាពរនៅខែ មករា ឆ្នាំ២០១៧។  ​​​​​ ស្វែងរកព័ត៌មានទាក់ទងនឹងការអភិវឌ្ឍន៍តាមរយៈ Realestate.com.kh

ក្រុមហ៊ុន Turnkey Design ផ្ដល់ជូនដល់សហគ្រិន អាជីវកម្មថ្មីថ្មោង ម្ចាស់អាជីវកម្ម និងវិនិយោគិននូវសេវាកម្មរចនាឈានមុខគេមួយនៅក្នុង ទីផ្សាររបស់ប្រទេសកម្ពុជា។ ក្រុមហ៊ុន Turnkey Design ត្រូវបានបង្កើតឡើងដោយសហគ្រិនវ័យក្មេង ហើយមានបំណងយកជំនាញវិជ្ជាជីវៈ និងចំណេះដឹង និងបទពិសោធរបស់ខ្លួនមកអនុវត្តន៍ក្នុងប្រទេសកម្ពុជា។ ឆ្លងកាត់តាមបទពិសោធន៍ការងារជាអ្នកប្រឹក្សាផ្នែករចនាកន្លងមក ពួកគាត់បានកត់សម្គាល់ ពីការប្រកួតប្រជែងកាន់តែខ្លាំងក្នុងឧស្សាហកម្ម និងសិក្សាពីតម្រូវការបន្ថែមសម្រាប់ការធ្វើឱ្យសេវាកម្មរចនាមានលក្ខណៈស្តង់ដារច្បាស់លាស់។ ដើម្បីស្វែងយល់បន្ថែមRealestate.com.kh បានជួបជាមួយកញ្ញា អ៊ុំ ចន្ទ័ វត្តី ដែលជា សហស្ថាបនិក និងប្រធានផ្នែកគំរោងនានា របស់ក្រុមហ៊ុន Turnkey Design ដើម្បីជជែកពិភាក្សាគ្នា។ នៅពេលដែលសួរថាហេតុអ្វីបង្កើតក្រុមហ៊ុននេះ កញ្ញា វត្តី បាននិយាយថា “ក្នុងនាមជាអ្នកដែលបានបញ្ចប់​ ការសិក្សាពីរជំនាញនៅក្នុងប្រទេសកម្ពុជា ខ្ញុំតែងតែមានបំណងចង់បង្កើតក្រុមហ៊ុនឲ្យល្បីឈ្មោះុមួយនៅក្នុង ទីផ្សារប្រទេសកម្ពុជា”។ ២​​​​ ឆ្នាំមុន ខ្ញុំបានជួបជាមួយដៃគូអាជីវកម្មរបស់ខ្ញុំ​ ដែលបានបញ្ចប់ការសិក្សាមកពី ក្រៅប្រទេសហើយយើងមានគោលបំណងដូចគ្នា ដូចច្នេះហើយទើបយើងបានបង្កើតក្រុមហ៊ុននេះឡើង។  ក្រុមហ៊ុន Turnkey Design  និងមានការប្ដេជ្ញា ខ្ពស់ក្នុងការធ្វើការ យ៉ាងជិតស្និតជាមួយអតិថិជនដើម្បីផ្ដល់ជូននូវសេវាកម្មស្តង់ដារល្អបំផុតមួយផ្នែករចនាប្លង់ ព្រមទាំងដើម្បីបំពេញទៅតម្រូវការពិតប្រាកដរបស់អតិថិជន។” កញ្ញា វត្តី បានបន្ថែមថា “យើងឃើញមានក្រុមហ៊ុនរចនាជាច្រើនក្នុងប្រទេសកម្ពុជាក៏ប៉ុន្តែក្រុមហ៊ុនទាំងនោះភាគច្រើនជាក្រុមហ៊ុនបរទេស។ពួកយើងគិតថា ខ្មែរក៏មានសមត្ថភាពធ្វើការងារ បែបនេះដែរហើយមូលហេតុនេះហើយដែលជម្រុញឱ្យពួកយើងបង្កើតក្រុមហ៊ុននេះឡើង។ គោលបំណងនៃក្រុមហ៊ុនរបស់យើងគឺ ដើម្បីផ្តល់នូវសេវាកម្មរចនាទៅតាមស្តង់ដាអន្តរជាតិដល់ទីផ្សារក្នុងប្រទេសកម្ពុជា។” កញ្ញា វត្តី ក៏បានពន្យល់ដែរថា “បើទោះបីជាអាជីវកម្មនេះទើបតែបានដំណើការអស់រយៈ ពេលត្រឹមតែ២ឆ្នាំក្ដី តែយើងទទួលបានការគាំទ្រខ្លាំងទាំងពី អតិថិជនក្នុងស្រុក និងក្រៅស្រុក ជាក់ស្ដែងអតិថិជនរបស់យើងភាគច្រើនគឺបរទេស។ នេះគឺដោយសារក្រុមការងាររបស់យើង ខិតខំធ្វើការបានល្អ ហើយធ្វើការដោយយល់ច្បាស់ពីតម្រូវការ និងអ្វីដែលអតិថិជនចង់បាន។ ជាងនេះទៅទៀតយើងមិនត្រឹមតែផ្ដោតទៅលើការរចនាប៉ុណ្ណោះទេ ប៉ុន្តែយើង ក៏ផ្ដល់នូវការ ប្រឹក្សាយោបល់ដល់អតិថិជន ហើយតែងតែបង្កើតនូវគំនិតច្នៃប្រឌិតថ្មីៗសម្រាប់អតិថិជន។” កញ្ញា វត្តី បានបញ្ជាក់ដែរថា “យើងជឿជាក់លើវិជ្ជាជីវៈពិតប្រាកដរបស់យើង ហើយយើងផ្ដល់នូវការងារដែលមានគុណភាពស្តង់ដារខ្ពស់ទៅដល់អតិថិជន។ ការរចនាដ៏ឥតខ្ចោះតែមួយគត់គឺជាចំណុចខ្លាំងរបស់យើង។” ការរចនាមួយត្រូវបានគេហៅថា “Your Absolute Desigន Platform” ក្រុមហ៊ុន Turnkey Design ផ្ដោតសំខាន់ទៅលើសេវាកម្មសំខាន់ៗចំនួន៣មាន សេវាកម្ម រចនាក្រាហ្វិក រចនាគេហទំព័រ និងរចនាប្លង់ស្ថាបត្យកម្ម។ ក្រុមហ៊ុន Turnkey Design មានក្រុមការងារដែលមានសមត្ថភាព ដើម្បីរចនាគេហទំព័រដែលមានភាពស្រស់ស្អាត ងាយស្រួលប្រើប្រាស់​ និងប្រើប្រាស់វើសិនខ្ពស់តាមបច្ចេកវិទ្យាទំនើប។ ពាក់ព័ន្ធនឹងការរចនាក្រាហ្វិក ក្រុមហ៊ុនផ្ដល់នូវសេវាកម្មដូចជា ការធ្វើនាមប័ណ្ណ រចនាហាង រចនាសំបកកញ្ចប់ផលិតផល និងស្លាកសញ្ញា(Logos)។ ហើយសម្រាប់ការរចនាម៉ូត ស្ថាបត្យកម្ម​ ក្រុមហ៊ុនផ្ដល់នូវការរចនាប្លង់ និងការរចនាផ្ទៃខាងក្នុងអគារ ហើយមិនត្រឹមតែការ រចនាផ្នែកខាង ក្នុងអគារប៉ុណ្ណោះទេក៏ប៉ុន្តែថែមទាំងយកចិត្តទុកដាក់លើការរចនារូបរាង ខាងក្រៅ ទីធ្លាខាងមុខ និងចំណតរថយន្តជាដើម។ មិនថាជាការប្រឹក្សាបច្ចេកទេស ឬការចរនាគម្រោងសម្រាប់អាជីវកម្មណាមួយទេ ក្រុមហ៊ុន Turnkey Design មានសមត្ថភាព និងជំនាញការដើម្បីបំពេញតាមតម្រូវការរបស់អតិជនបានយ៉ាងល្អបំផុត។ កញ្ញាវត្តីបានបន្ថែមថា “វិន័យ ពេលវេលា និងទំនួលខុសត្រូវ ដើម្បីបង្កើតនូវផលិតផលដែលមានគុណភាពជាមួយនឹងតម្លៃសមរម្យ គឺជាអ្វីដែលក្រុមហ៊ុនធានាដល់អតិថិជនរបស់ខ្លួនដើម្បីបង្កើតនូវទំនុកចិត្ត និងភាពជឿជាក់។” “ក្រៅពីធ្វើការដើម្បីទទួលបានភាពរីកចម្រើនសម្រាប់ក្រុមហ៊ុន Turnkey Design ក៏មានបំណងផ្តល់ការងារឲ្យយុវជនកម្ពុជាឲ្យបានកាន់តែច្រើន។” កញ្ញា វត្តី បានបន្ថែមថា “ខ្ញុំមើលឃើញពីសក្តានុពលនៃភាពច្នៃប្រឌិតរបស់យុវជន។ ពួកគេត្រូវការឱកាសដើម្បីបង្ហាញពីសមត្ថភាពរបស់ពួកគេ​​ ហើយក្នុងនាមជាជនជាតិខ្មែរ ខ្ញុំចង់ផ្តល់ឱកាសសម្រាប់ពួកគេឲ្យបានបង្ហាញពីសមត្ថភាពទាំងនោះ។” សមត្ថភាពក្នុងការរចនារបស់ពួកគេគឺល្អមិនចាញ់ក្រុមហ៊ុនបរទេសនោះទេ  ហើយជាក់ស្តែងគុណភាពនៃការរចនាគឺដូចគ្នាទាំងស្រុងទៅនឹងការរចនារបស់ក្រុមហ៊ុនអន្តរជាតិ ។” ពួកគេគ្រាន់តែត្រូវការទីផ្សារមួយដើម្បីបង្ហាញពីស្នាដៃរចនារបស់ពួកគេប៉ុណ្ណោះ។ កញ្ញា វត្តី បានលើកឡើងដោយសុទិដ្ឋិនិយមថា “យើងមានមហិច្ឆតាខ្ពស់សម្រាប់អនាគតរបស់ក្រុមហ៊ុន។ យើងនឹងបន្តអភិវឌ្ឍន៍ក្រុមហ៊ុន ឲ្យកាន់តែរីកចម្រើនទៅមុខ បន្ថែមទៀត  ហើយនៅពេលខាងមុខយើងចង់ពង្រីកសេវាកម្មរបស់ពួកយើងទៅក្រៅប្រទេស ដូចជាទៅតំបន់អាស៊ីអាគ្នេយ៍ និងប្រទេសដ៏ទៃទៀតលើពិភពលោក។” ស្វែងយល់ព័ត៌មានអំពីអចលនទ្រព្យតាមរយៈ Realestate.com.kh

ប្រទេសកម្ពុជាមានភាពរីកចម្រើនយ៉ាងឆាប់រហ័សលើវិស័យអចលនទ្រព្យ​ ដែលបានទាក់ទាញអ្នកអភិវឌ្ឍន៍ និងវិនិយោគិនទាំងក្នុងស្រុក និងមកពីតំបន់អាស៊ាន។ ជាមួយនឹងកំណើនផលិតផលក្នុងស្រុកសរុបថេរ និងការរំពឹងទុកកំណើននៃវិនិយោគជម្រុញឲ្យកម្ពុជាមានសក្តានុពលយ៉ាងខ្លាំងសម្រាប់ការអភិវឌ្ឍន៍ចាប់ពីគម្រោងទ្រង់ទ្រាយតូចរហូតដល់ទ្រង់ទ្រាយធំ។ កម្ពុជាក៏បានផ្លាស់ប្តូរទាក់ទងទៅនឹងវិស័យអចលនទ្រព្យ និងសំណង់យ៉ាងច្រើនផងដែរ។ គម្រោងអភិវឌ្ឍថ្មីៗបានផ្តល់ជូនភាពងាយស្រួលក្នុងការរស់នៅ។ ជនបរទេសក៏ត្រូវបានអនុញ្ញាតឱ្យមានសិទ្ធិធ្វើភាពជាម្ចាស់លើអចលនវត្ថុនៅក្នុងប្រទេស។ បច្ចុុប្បន្នការអភិវឌ្ឍក៏បានផ្លាស់ពីរាជធានីភ្នំពេញឆ្ពោះទៅកាន់ខេត្តសៀមរាប និងខេត្តព្រះសីហនុ។ ដូច្នេះការទិញអចលនទ្រព្យនៅក្នុងប្រទេសកម្ពុជាអាចជាជម្រើសល្អបំផុតនៅពេលនាពេលបច្ចុប្បន្នសម្រាប់ទាំងអ្នកវិនិយោគក្នុងស្រុកនិងអន្ដរជាតិដែលមានការយល់ដឹងច្រើនអំពីឱកាសវិនិយោគដ៏មានសក្តានុពលក្នុងតំបន់។  សមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) កំពុងធ្វើការងារដើម្បីនាំយកអចលនទ្រព្យទាំងអស់នៅក្នុងប្រទេសកម្ពុជាទៅបង្ហាញដល់ពិភពលោក។ ដូច្នេះទើបសមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជានឹងរៀបចំសន្និងបាត និងការតាំងពិព័រណ៍ជាលើកដំបូងដ៏ធំបំផុតរបស់ខ្លួនប្រចាំឆ្នាំ ដែលនឹងត្រូវបានប្រារព្ធធ្វើឡើងនៅពីរសប្តាហ៍ខាងមុខនៅសណ្ឋាគារសូហ្វីតែល (Sofitel Phnom Penh Phokeethra) ក្នុងរយៈពេល ៣ថ្ងៃ -ចាប់ពីថ្ងៃទី២៣ដល់ថ្ងៃទី ២៥ ខែមិថុនា២០១៧។ លោកបណ្ឌិត គីម ហ៊ាង ជាប្រធាននៃសមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជាបាននិយាយថា “សនិ្នបាត និងពិព័រណ៍អចលនទ្រព្យកម្ពុជានេះមានបំណងដើម្បីផ្សព្វផ្សាយវិស័យអចលនទ្រព្យកម្ពុជាទៅទីផ្សារអន្តរជាតិ និងមួយទៀតគឺដើម្បីបណ្តុះបណ្តាសមាជិកពាក់ព័ន្ធក្នុងវិស័យនេះឲ្យយល់ដឹងបន្ថែមទៀតអំពីវិស័យដីធ្លី និងទីផ្សារលំនៅដ្ឋាននៅក្នុងព្រះរាជាណាចក្រកម្ពុជា។”​ លោកបណ្ឌិតគីមបានបន្ថែមទៀតថា “ការតាំងពិព័រណ៍នេះជាព្រឹត្តិការណ៍ថ្នាក់ជាតិ ប៉ុន្តែមានអ្នកចូលរួមកម្រិតអន្តរជាតិ និងមានវាគ្មិនដែលមានបទពិសោធន៍ជាច្រើនឆ្នាំក្នុងទីផ្សារអចលនទ្រព្យអន្ដរជាតិចូលរួមចែករំលែកដល់អ្នកចូលរួមទាំងអស់។”​  លោកបណ្ឌិតគីមហ៊ាងបានពន្យល់ថា “ព្រឹត្តិការណ៍នេះនឹងផ្សព្វផ្សាយពីវិស័យអចលនទ្រព្យរបស់ប្រទេស កម្ពុជាទាំងមូលតែម្តង។ នេះមានន័យថាវាមិនមែនត្រឹមតែដើម្បីបង្ហាញពីគម្រោងដៃគូដែលមាននៅក្នុងកម្មវិធីពិព័រណ៌ប៉ុណ្ណោះទេ ប៉ុន្តែសំដៅដល់ការអភិវឌ្ឍន៍ផ្សេងទៀតទាំងអស់នៅក្នុងប្រទេសកម្ពុជា។ សម្រាប់ការតាំងពិព័រណ៌នេះនឹងមានគម្រោងអភិវឌ្ឍន៍៦គម្រោងចូលរួមតាំងបង្ហាញក្នុងព្រឹត្តិការណ៍រយៈពេលបីថ្ងៃនេះ។ គម្រោងទាំងនេះរួមមាន៖ គម្រោងអរគីដេវីឡា បុរីជីបម៉ុងលែន បុរីប៉េងហួត គម្រោងPenthouse Residence គម្រោងសូរិន្ទភូមិ និងក្រុងមហ៊ុន CPL Properties Limited។”​ ជាមួយគ្នានឹងគ្នានោះនឹងមានវគ្គបណ្តុះបណ្តាលមួយចំនួននៅក្នុងព្រឹត្តិការណ៍ដែលនឹងនិយាយពីប្រធានបទ ផ្សេងៗគ្នា។ ប្រធានបទនីមួយៗនឹងត្រូវធ្វើបទបង្ហាញដោយវាគ្មិនសំខាន់មកពីប្រទេសកម្ពុជានិងបណ្តាប្រទេសអាស៊ានទាំងប្រាំបីផ្សេងទៀត។ វាគ្មិនរួមមាន៖ ឯកឧត្តម ងួន សុខា អគ្គលេខាធិការនៃក្រសួងសេដ្ឋកិច្ច និងហិរញ្ញវត្ថុ ឯកឧត្តមបណ្ឌិត​ សុខ ស៊ីផាន់ណា ជាដៃគូគ្រប់គ្រងរបស់ក្រុម ហ៊ុន Sok Siphana & Associates និងជាសមាជិករបស់ Zicolaw លោក​ Chenyi Chiu ជាគ្រប់គ្រងទូទៅនៃគម្រោង TK Royal Oneនិងទីប្រឹក្សាប្រធានសមាគមន៍ CVEA លោក Dato Kee Yong Wee ជាអតីតមេដឹកនាំសមាគមយុវជនចិន ចិនម៉ាឡេស៊ីមកពីប្រទេសម៉ាឡេស៊ី លោកឧកញ៉ាលី ហួរ ប្រធានសមាគមន៍អភិវឌ្ឍន៍លំនៅដ្ឋានកម្ពុជា លោក Harry Yeo ជាប្រធានវិទ្យាស្ថានភ្នាក់ងារអចលនទ្រព្យសិង្ហបុរី (IEA) លោក Erick Kho ជាអតីតប្រធានវិទ្យាស្ថានភ្នាក់ងារអចលនវត្ថុម៉ាឡេស៊ី (MIEA) លោកបណ្ឌិត Sopon Pornchokchai ប្រធានមូលនិធិវាយតម្លៃថៃ លោក Hartono Sarwono ប្រធានភ្នាក់ងារអចលនទ្រព្យ និងឈ្មួញកណ្តាលប្រទេសឥណ្ឌូនេស៊ី លោក Nguyen Tran Nam ជាប្រធានសមាគមន៍អចលនទ្រព្យជាតិវៀតណាម (VNREA) លោក William Floresta អនុប្រធានជាន់ខ្ពស់នៃសមាគមន៍ក្រុមប្រឹក្សាភិបាលអចលនទ្រព្យហ្វីលីពីន (PAREB) លោក Khin Maung Than ជាប្រធានសមាគមន៍សេវាកម្មអចលនទ្រព្យមីយ៉ាន់ម៉ា (MRESA) ឧកញ៉ា ចេង ខេង ជាប្រធានក្រុមព្រឹក្សាភិបាលសមាគមន៍អ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) ឧកញ៉ា សៀ រិទ្ធី ប្រធានក្រុមហ៊ុន Worldbridge Land លោកជំទាវ  លីម ឈីវហូ ជាម្ចាស់ភាគហ៊ុនតំបន់សេដ្ឋកិច្ចពិសេសភ្នំពេញ។ ព្រឹត្តិការណ៍នេះមានដៃគូផ្សព្វផ្សាយដូចជា Realestate.com.kh និងកាសែតឡារ៉ែន។ គ្រប់បណ្តាញទូរទស្សន៍កម្ពុជានឹងត្រូវបានអញ្ជើញឱ្យចូលរួមព្រឹត្តិការណ៍នេះ។ ប្រធានបទដែលនឹងត្រូវពិភាក្សាក្នុងអំឡុងពេលព្រឹត្តិការណ៍នេះរួមមានដូចខាងក្រោម៖  ២០ឆ្នាំនៃវិស័យអចលនទ្រព្យនៅប្រទេសសិង្ហបុរី ២០០៧-២០១៧ និង ២០១៧-២០២៧២០ឆ្នាំនៃវិស័យអចលនទ្រព្យនៅប្រទេសម៉ាឡេស៊ី ២០០៧-២០១៧ និង ២០១៧-២០២៧២០ឆ្នាំនៃវិស័យអចលនទ្រព្យនៅប្រទេសថៃ២០០៧-២០១៧ និង ២០១៧-២០២៧២០ឆ្នាំនៃវិស័យអចលនទ្រព្យនៅប្រទេសឥណ្ឌូនេស៊ី ២០០៧-២០១៧ និង ២០១៧-២០២៧២០ឆ្នាំនៃវិស័យអចលនទ្រព្យនៅប្រទេសហ្វីលីពីន ២០០៧-២០១៧ និង ២០១៧-២០២៧២០ឆ្នាំនៃវិស័យអចលនទ្រព្យនៅប្រទេសវៀតណាម ២០០៧-២០១៧ និង ២០១៧-២០២៧២០ឆ្នាំនៃវិស័យអចលនទ្រព្យនៅប្រទេសមីយ៉ាន់ម៉ា ២០០៧-២០១៧ និង ២០១៧-២០២៧២០ឆ្នាំនៃវិស័យអចលនទ្រព្យនៅប្រទេសកម្ពុជា ២០០៧-២០១៧ និង ២០១៧-២០២៧បទពិសោធន៍ ៥០​​ឆ្នាំ ក្នុងវិស័យអចលនទ្រព្យក្នុងតំបន់អាស៊ានភាពជោគជ័យនៃបុរីវិមានភ្នំពេញភាពជោគជ័យនៃតំបន់សេដ្ឋកិច្ចពិសេសភ្នំពេញសារៈសំខាន់នៃសុវត្ថិភាពក្នុងការសាងសង់សំណង់អគារខ្ពស់តួនាទីនៃប្រទេសកម្ពុជាក្នុងតំបន់អាស៊ាន សូមចុះឈ្មោះដើម្បីចូលរួមក្នុងព្រឹត្តិការណ៍នេះ! ថ្លៃសំបុត្រចូលរួមទស្សនាគឺ១០០​ដុល្លារក្នុងម្នាក់។ សូមបញ្ជាក់ថាតម្លៃនេះនឹងរួមបញ្ចូលទាំងអាហារអាហារថ្ងៃត្រង់ពីរពេល និងអាហារសម្រន់មួនពេលនៅសណ្ឋាគារ សូហ្វីតែលភ្នំពេញ! ស្វែងរកព័ត៌មានទាក់ទងនឹងអចលនទ្រព្យតាមរយៈ Realestate.com.kh!

ដូចយើងបានដឹងស្រាប់ហើយថាអគារភ្លោះ Thai Boon Roong Twin Tower នឹងមានវត្តមាននៅក្នុងទីក្រុងភ្នំពេញ ហើយប្រសិនបើគម្រោងនេះបានបញ្ចាប់វានឹងក្លាយជាអគារពាណិជ្ជកម្មដ៏ខ្ពស់ជាងគេនៅក្នុងប្រទេសអាស៊ាន។  នៅថ្ងៃទី១ ខែសីហា ឆ្នាំ២០១៧ ខាងមុខនេះគឺជាថ្ងៃដែលម្ចាស់គម្រោងនឹងកំណត់ធ្វើជាថ្ងៃបរិច្ឆេទបើកការដ្ឋានគម្រោងសាងសង់ជាផ្លូវការ។ សូមរំលឹកផងដែរថាអគារកប់ពពកនេះជាការបោះទុនវិនិយោគរួមគ្នារវាងក្រុមហ៊ុន Thai Boon Roong Group និង​ក្រុមហ៊ុន​អភិវឌ្ឍ​អចលនទ្រព្យ​នៅ​ទីក្រុង​ម៉ាកាវ Sun Kian Ip Group ហើយសាងសង់ និងគ្រប់គ្រងដោយក្រុមហ៊ុនសំណង់ Hsin Chong Construction Group Ltd គម្រោងអភិវឌ្ឍន៍នេះនឹងចំណាយទឹកប្រាក់ប្រមាណ៣០០០លានដុល្លារ។  នៅក្នុងថ្ងៃដាក់សម្ពោធឲ្យប្រើប្រាស់មហាវិថីសម្តេចហ៊ុនកាលកាលពីថ្ងៃទី០៣ ខែមេសា ឆ្នាំ២០១៧ សម្តេចនាយករដ្ឋមន្រ្តី ហ៊ុន សែន បានប្រកាសអំពីការអនុញ្ញាត្តិគម្រោងសាងសង់អគារខ្ពស់កប់ពពក Thai Boon Roong Twin Tower ដែលមានកំពស់រហូតដល់៥៥០ម៉ែត្រ និងមាន១១៣ជាន់។  អគារនេះអាចចាត់ទុកថាជា អគារដែលខ្ពស់ជាងគេនៅតំបន់អាស៊ាន។  នៅពេលដែលគ​ម្រោងអគារភ្លោះនេះបានបញ្ចប់វានឹងត្រូវយកទៅប្រកួតប្រជែងជាមួយអគារ មួយចំនួននៅក្នុងប្រទេសអាស៊ាន។ ដែលគម្រោងនៅក្នុងតំបន់អាស៊ានដទៃទៀតមានដូចជា៖ អគារមហានគរទីក្រុងបាងកកប្រទេសថៃដែលមានកំពស់៣១៣ម៉ែត្រ អគារ Petrovietnam ដែលមានកំពស់៥២៨ម៉ែត្រ អគារ Petronas Tower 1 ដែលមានកំពស់៤៥២ម៉ែត្រ និងអគារ GAMA ដែលមានកំពស់២៨៩ម៉េត្រ។ សូមរំលឹកផងដែរថានេះជាអគារពាណិជ្ជកម្មដ៏ធំមួយនៅក្នុងប្រទេសកម្ពុជា ហើយក្រុមហ៊ុនអន្តរជាតិជាច្រើនមិនទាន់បានមកតាំងការិយាល័យកណ្តាលនៅក្នុងទីក្រុងភ្នំពេញនៅឡើយទេ។ ប្រសិនបើអគារខ្ពស់កប់ ពពកនេះបានបញ្ចប់វានឹងអាចទាក់ទាញក្រុមហ៊ុនអន្តរជាតិមកតាំងទីនៅក្នុងក្រុងភ្នំពេញកាន់តែច្រើន៕ ព័ត៌មានបន្ថែមអំពីគម្រោងសូមចូលទៅកាន់ Realestate.com.kh

ស្ថិត​នៅ​លើ​បណ្ដោយ​ផ្លូវឧកញ៉ា ម៉ុង ឫទ្ធី កែង​នឹង​ផ្លូវ ១០០៣ ​ខណ្ឌ​សែនសុខ យើងឃើញការដ្ឋាន សាងសង់ហុំព័ន្ធស័ង្កសីមួយដែលមានក្រុមកម្មករ និងវិស្វករសំណង់កំពុងបំពេញកិច្ចការយ៉ាង សកម្ម។ ការដ្ឋានសាងសង់នោះជាទីតាំងផ្សារទំនើបបោះដុំដំបូងគេបង្អស់នៅក្នុងប្រទេសកម្ពុជា ផ្សារនោះមានឈ្មោះថា Makro ។  យោងតាមគេហទំព័រព័ត៌មានអ៊នឡាញ Cambonomis បានឲ្យដឹងថាផ្សារទំនើប Makro សាងសង់នៅលើផ្ទៃដីទំហំប្រមាណ​ជាង៥​ហិកតាដែល​មាន​កម្ពស់​២​ជាន់ស្ថិត​ក្នុង​សង្កាត់​ភ្នំពេញ​ថ្មី ខណ្ឌ​សែនសុខនៅ​ក្បែរ​​ផ្សារ​ទំនើបអ៊ីអន​២របស់​ជប៉ុន។ផ្សារ​ទំនើប​លក់​បោះ​ដុំ​ទំនិញ​ដ៏​ធំ​មួយ​នេះជា​ការ​វិនិយោគ​រួម​គ្នា​រវាង​ក្រុមហ៊ុនអិលវ៉ាយភីគ្រុប ដែល​កាន់កាប់​ភាគហ៊ុន​ចំនួន៣០​ភាគរយ និង​ក្រុមហ៊ុនស៊ី.ភី. គ្រុបកាន់​កាប់​ភាគហ៊ុន ​ចំនួន​៧០​ភាគរយ។ សម្រាប់ផ្សារទំនើបមួយនេះអាចនឹងត្រូវការ​បុគ្គលិកជាង២០០នាក់សម្រាប់ បម្រើការងារ​​នៅក្នុង​​ផ្សារ​ទំនើប​លក់​ទំនិញ​បោះដុំ​ដ៏​ធំ​មួយ​នេះ។តាមរយៈសារព័ត៌មានក្នុងស្រុកបានចុះផ្សាយថានៅក្នុងពិធីសម្ពោធបើកការដ្ឋានសាងសង់នៅព្រឹកថ្ងៃទី២៩ ខែឧសភា ឯកឧត្តម ប៉ា សុជាតិវង្ស បានថ្លែងថា “ការបង្កើតផ្សារទំនើបក៏ស្ថិតនៅក្នុងគម្រោងរដ្ឋាភិបាលផងដែរ។ ជាការប្រសើរនៅពេលដែលយើងមានផ្សារទំនើបបោះដុំដូចនេះដែលធ្វើឲ្យតម្លៃលក់មិនមានការប្រែប្រួលចុះឡើងខ្លាំង មិនជួបអតិផរណា ឬមានតម្លៃ មួយលក់ច្បាស់លាស់។”ផ្សារ Makro នឹង​ក្លាយ​ជា​ផ្សារ​ទំនើបបោះដុំនិងជា​ឃ្លាំង​ស្តុក​ដ៏​ធំ​បំផុត​ដំបូង​គេនៅ​ក្នុង​ព្រះរាជាណាចក្រ​កម្ពុជា​។ ផ្សារមួយនេះនឹង​ធ្វើ​ការ​នាំ​ចូលទំនិញ​ជាច្រើន​ប្រភេទ​មក​ពីប្រទេស​ថៃ​ដោយ​ផ្ទាល់ដើម្បី​យក​មក​លក់​បោះ​ដុំ​នៅក្នុងប្រទេសកម្ពុជា។យើងឃើញថាគម្រោងផ្សារទំនើបលំដាប់អន្តរជាតិជាច្រើនបានបោះជំហានចូលមកកាន់កម្ពុជាតួយ៉ាងគម្រោងផ្សារទំនើបធំៗចំនួន២មកពីប្រទេសថៃ ដូចបានរៀបរាប់ខាងដើមផ្សារទំនិញលក់ដុំ Markro និងផ្សារទំនិញលក់រាយមកពីប្រទេសថៃដែលជាការវិនិយោគរបស់ក្រុមហ៊ុនស៊ិនត្រាល់គ្រុបដែលជាក្រុមហ៊ុនវិនិយោគលើផ្សារទំនើបធំបំផុតនៅប្រទេសថៃ៕តាមដានព័ត៌មានគម្រោងអភិវឌ្ឍន៍ជាច្រើនតាមរយៈ Realestate.com.kh

អរិយក្សត្រមានទីតាំងស្ថិតនៅក្នុងខេត្តកណ្តាលភាគខាងកើតនៃទីក្រុងភ្នំពេញ យើងអាចជិះនាវាចម្លងកាត់ទន្លេចតុមុខដោយប្រើរយៈពេលខ្លីតែប៉ុណ្ណោះ។ តំបន់នេះបានទាក់ទាញអ្នកវិនិយោគិនយ៉ាងច្រើនជាមួយនឹងការវិនិយោគដូចជា៖ លំនៅដ្ឋាន ឧស្សាហកម្ម និងគម្រោងអភិវឌ្ឍន៍ជាច្រើនទៀតដែលស្ថិតនៅក្នុងដំណាក់កាលសិក្សា។ ទន្ទឹមនឹងនេះមានការ ចាប់អារម្មណ៍យ៉ាងខ្លាំងនៅពេលឆ្នាំកន្លងទៅបន្ទាប់ពីឯកឧត្តម ប៉ាសុជាតិវង្ស អភិបាលរាជធានីភ្នំពេញបានបង្ហាញពីគម្រោងអភិវឌ្ឍន៍ហេដ្ឋារចនាសម្ព័ន្ធនាពេលខាងមុខគឺគម្រោងស្ពានបីតភ្ជាប់ពីរាជធានីភ្នំពេញទៅកោះដាច់ ស្វាយជ្រុំ និងអរិយក្សត្រ។ ការវិនិយោគនៅក្នុងតំបន់អរិយក្សត្របានពន្យាគម្រោងអភិវឌ្ឍន៍មួយចំនួនប៉ុន្តែទោះជាយ៉ាងណាអ្នកជំនាញផ្នែកអចលនទ្រព្យ និងវិនិយោគិននៅតែធ្វើការយកចិត្តទុកដាក់ផ្តោតសំខាន់ទៅលើតំបន់មួយនេះដដែល។ បាននិយាយថា “អរិយក្សត្រនាពេលថ្មីៗនេះមានគម្រោងអភិវឌ្ឍន៍លំនៅដ្ឋានយ៉ាងច្រើនដែលមានដូចជា៖ បុរីចតុមុខ ចតុមុខវីយ៉ូ គម្រោង Evergreen និងគម្រោងដីពុះឡូតិ៍ជាច្រើនទៀត។ ការអភិវឌ្ឍន៍ទាំងនេះអាចជម្រុញឲ្យតម្លៃដីមានការកើនឡើងបើធៀបទៅនឹងតម្លៃដីនៅរយៈកាល៣ ឬ៤ឆ្នាំមុន។” គម្រោង Skyland ដែលជាការវិនិយោគរួមគ្នារវាងក្រុមហ៊ុន Jet’s Group និងក្រុមហ៊ុន STAR5 Development ហើយការវិនិយោគលើគម្រោងមួយនេះមានទំហំទឹកប្រាក់ប្រមាណ៩០លានដុល្លារដែលជាប្រភេទលំនៅដ្ឋានដែលមានតម្លៃស​មរម្យមានទីតាំងស្ថិតនៅវិហារសួគ៍។  កញ្ញា ជា វីតា ជំនួយការ ប្រធានគ្រប់គ្រងទូទៅនៃគម្រោង Skyland បាននិយាយថា “គម្រោងអភិវឌ្ឍន៍នេះមានទំហផ្ទៃ ដីសរុប ៧,៧៧០ ហិកតា ដែលរួមមានគម្រោង ស្កាយខុនដូ ស្កាយវីឡា និងគម្រោងផ្ទះវីឡា។” “កញ្ញាបានបន្ថែមទៀតថា “គម្រោងដំបូងស្ថិតនៅលើផ្ទៃដីដែល មានទំហំ១,០០០ហិកតាជាគម្រោងដីឡូតិ៍ និងលំនៅដ្ឋាន។” បើតាមសម្តីរបស់កញ្ញាបានបន្តទៀតថា “មានចំងាយតែ១៤គីឡូម៉ែត្រពីភ្នំពេញ គម្រោងអភិវឌ្ឍន៍ Skyland ក៏ស្ថិតនៅជិតតំបន់ឧស្សាហកម្មដែលមានរោងចក្រប្រមាណ២០ដែលមានកម្មករជាង ៤០,០០០នាក់ ដែលនេះជាសក្តានុពលដ៏ល្អសម្រាប់ការទិញនៅក្នុងតំបន់នេះ។” កញ្ញា វីតា បានបង្ហើបឲ្យដឹងថាក្រុមហ៊ុនក៏បានធ្វើការព្រមព្រៀងរួចហើយជាមួួយក្រុមហ៊ុនផ្សេងទៀតដើម្បីបង្កើតនូវសេវាកម្ម និងកន្លែងកំសាន្តផ្សេងៗដូចជា៖ សួនទឹកកំសាន្ត ប្រព័ន្ធថាមពលព្រះអាទិត្យ ក្លឹបហាត់ប្រាណ ហ្គូវក្លឹប ផ្សារបណ្តែតទឹកជាដើម។ ដោយហេតុតែមានគម្រោងអភិវឌ្ឍន៍ជាច្រើនបានកំពុងដំណើរការ លោក អ៊ិន ស៊ីថា បានបន្ថែមទៀតថាតំបន់នេះពិតជាមានសក្តានុពលដ៏ល្អសម្រាប់ទៅថ្ងៃអនាគត ជាពិសេសការអភិវឌ្ឍន៍លំនៅដ្ឋានព្រោះថានេះជាតំបន់ដែល មានទីតាំងល្អបំផុតស្ថិតនៅជិតទីក្រុងមានទេសភាពបៃតង ខ្យល់បរិសុទ្ធ និងបរិយាកាសស្រស់ ត្រកាល។  លោក សេង សុភ័ក្រ្ត ប្រធានគ្រប់គ្រងទូទៅនៃក្រុមហ៊ុនអចលនទ្រព្យ CPL មានគំនិតស្របទៅនឹងលោកស៊ីថាផងដែរ “ទីតាំងនេះពិតជាយុទ្ធសាស្រ្តទីតាំងដ៏អំណោយផល ដែលជាកត្តាទាក់ទាញដល់អ្នកអភិវឌ្ឍន៍ឲ្យមកអភិវឌ្ឍន៍កាន់តែច្រើននាពេលអនាគត។” ជាមួយតម្លៃដីវិញ លោក សេង សុភ័ក្រ្ត បាននិយាយថា “តម្លៃដីនៅតំបន់នោះចែកចេញជាតំបន់លំនៅដ្ឋាន តំបន់តាមទន្លេ តំបន់ទំនាប។ តម្លៃមានការកើនឡើងខ្ពស់នៅក្នុងឆ្នាំ ២០១៤ និង ២០១៥ ប៉ុន្តែសព្វថ្ងៃតម្លៃហាក់បីដូចជានៅថេរ។” “គាត់បន្ថែមទៀតថា “សម្រាប់តម្លៃដីនៅក្នុងតំបន់អរិយក្សត្រតាមបណ្តោយផ្លូវលេខ៣៨០មានតម្លៃចាប់ពី៤០០ដុល្លារទៅ៥០០ដុល្លារក្នុងមួួយម៉ែត្រការ៉េ។ តម្លៃដីនៅតាមមាត់ទន្លេមានតម្លៃដីចាប់ពី១៥០ដុល្លារទៅ ២៥០ដុល្លារក្នុងម៉ែត្រការ៉េ។ តម្លៃដីនៅតាមតំបន់ទំនាបមានតម្លៃចាប់ពី៣០ដុល្លារទៅ៥០ដុល្លារក្នុងមួយម៉ែត្រការ៉េ។ វាអាចទៅរួចដែលអាចរកដីដែលមានតម្លៃទាបប៉ុន្តែមិនប្រាកដថាមានសុវត្ថិភាពនោះទេ។” “ចំណែកឯដីដែលមានទីតាំងស្ថិតនៅជិតគម្រោងបុរី និងខុនដូ មានតម្លៃចាប់ពី៨០ដុល្លារទៅ១៥០ដុល្លារក្នុងម៉ែត្រការ៉េ។ ចំណែកឯគម្រោងតម្លៃដីពុះឡូតិ៍វិញតម្លៃដីអាចឡើងដល់១០០ដុល្លារទៅ១៥០ដុល្លារក្នុងមួយ ម៉ែត្រការ៉េ។” លោក សុភ័ក្រ្ត បានគូសបញ្ជាក់ថាការអភិវឌ្ឍន៍ហេដ្ឋារចនាសម្ព័ន្ធនៅតំបន់អរិយក្សត្របានជម្រុញឲ្យ ប្រជាជននៅក្នុងតំបន់ផ្លាស់ប្តូរមករស់នៅទីនេះតួយ៉ាងហេដ្ឋារចនាសម្ព័ន្ធចំបងៗដូចជាទឹក អគ្គិសនីបានធ្វើការតភ្ជាប់មកកាន់តំបន់នេះហើយ ជាពិសេសការអភិវឌ្ឍន៍ផ្លូវធ្វើដំណើរភ្ជាប់ទៅកាន់ទីក្រុងក៏កំពុងសាង សង់ជាដំណាក់កាលផងដែរ។  ទោះជាយ៉ាងណាសម្រាប់អ្នកវិនិយោគិនជាមួយនឹងពេលវេលាមួយដែលរំពឹងផលចំណេញពីការ វិនិយោគ ដោយធ្វើការទិញមុនពេលសាងសង់ផ្លូវ ឬស្ពានមានន័យថាតម្លៃនៅតែមានការប្រកួតប្រជែងខ្ពស់។ លោក មឿន ម្ចាស់តូបលក់ដូរនៅក្នុងភូមិមួយនៅតំបន់អរិយក្សត្របាននិយាយ “ខ្ញុំពិតជាចង់ឲ្យមានការសាងសង់ស្ពានយ៉ាងខ្លាំងនៅពេលដែលមានការអភិវឌ្ឍន៍ហេដ្ឋារចនាសម្ព័ន្ធច្រើន គម្រោងអភិវឌ្ឍន៍ជាច្រើននឹងចាប់ផ្តើមមកកាន់តំបន់នេះ។ នៅពេលមានស្ពានវាផ្តល់ភាពងាយស្រួលធ្វើដំណើរទៅវិញទៅមកទៅកាន់ទីក្រុង។” លោក ហិន ហឿន អ្នករស់នៅក្នុងតំបន់នេះក៏បានបញ្ចេញយោបល់ផងដែរថា “ខ្ញុំចង់ឲ្យមានការអភិវឌ្ឍន៍លំនៅដ្ឋាននៅទីនេះ ហើយខ្ញុំចង់ទិញសម្រាប់ក្រុមគ្រួសាររបស់ខ្ញុំដោយសារវាមានភាពងាយស្រួលក្នុងការរស់ នៅខ្ញុំមិនចង់ផ្លាស់ប្តូរទៅរស់នៅទីណានោះទេ៕”  ស្វែងរកអចលនទ្រព្យសម្រាប់លក់ ឬជួលតាមរយៈ Realestate.com.kh!

ការបោះឆ្នោតនៅក្នុងប្រទេសកម្ពុជាកាន់តែខិតជិតមកដល់ មានអ្នកវិនិយោគមួយចំនួនកំពុង រង់ចាំមើលស្ថានការនៅក្នុងប្រទេសកម្ពុជា។ ប៉ុន្តែក៏មានអ្នកវិនិយោគមួយចំនួនបានកំពុង ដំណើរការ ឬរៀបចំផែនការវិនិយោគដោយមិនមានភាពរុញរាអ្វីឡើយ។ តួយ៉ាង Kowloon Bay ជាគម្រោងអភិវឌ្ឍន៍មួយដ៏ធំដែលស្ថិតនៅក្រោមការគ្រប់គ្រងរបស់ ក្រុមហ៊ុន World Bridge Land គម្រោងមួយនេះនឹងស្ថិតនៅតាមបណ្តោយផ្លូវសុធារសនៅទល់មុខ អគាររ៉ូសខុនដូ។  គម្រោងដ៏ធំមួយនេះនឹងសាងសង់នៅលើផ្ទៃដី ១.៥០ហិកតា ដែលមានកំពស់៥៩ជាន់ ដែលជា ការវិនិយោគរួមគ្នារវាងក្រុមហ៊ុន World Bridge Land និង Star City សូមបញ្ជាក់ផងដែរថានេះជា គម្រោងអភិវឌ្ឍន៍ចម្រុះដែលរួមមាន៖ លំនៅដ្ឋាន ផ្សារទំនើប នៅមានផែនការជាច្រើនទៀត ដែលកំពុងស្ថិតនៅក្នុងដំណាក់កាលសិក្សា។  ទោះបីជាគម្រោងមួយនេះមិនទាន់ចេញច្បាប់អនុញ្ញាតិត្រឹមត្រូវនៅឡើយ ម្ចាស់គម្រោង អភិវឌ្ឍន៍នៅតែមានសុទិដ្ឋិនិយមយ៉ាងមុតមាំចំពោះគម្រោងមួួយនេះ។  យោងតាមការចុះផ្សាយរបស់ខ្មែរបុស្តិ៍ លោក ឧកញ្ញា សៀ រិទ្ធី បាននិយាយថា “ខ្ញុំ​នៅ​តែ​មើល​ឃើញ ថា​គម្រោង​នេះ​​ល្អ​ហើយ​តម្រូវការ​នៅ​តែ​ល្អ​។​” លោក​បន្ត​ថា “គម្រោង​ដទៃ​អាច​មាន​បញ្ហា​តែ​​របស់​ខ្ញុំ​មិនមាន​បញ្ហា​ទេ​អ្វីៗ​ខ្ញុំ​ផ្តោត​សំខាន់​គឺ​ទីតាំង​។​” សូមរំលឹកផងដែរថា ក្រុមហ៊ុន World Bridge Land បានសាងសង់គម្រោងអភិវឌ្ឍន៍ធំៗមួយ ចំនួននៅក្នុងប្រទេសកម្ពុជា តួយ៉ាង៖ គម្រោង  The Bridge ត្រូវបានសាងសង់ឡើង ស្ថិតនៅកណ្តាលក្រុងភ្នំពេញទល់មុខស្ថានទូតអូស្រ្តាលីក្នុងសង្កាត់ទន្លេបាសាក់។ គម្រោងខុនដូបំពាក់ដោយសម្ភារៈការិយាល័យនិងផ្សារទំនើបហើយវាស្ថិតនៅតំបន់ដ៏មានសក្តានុពលដែល ផ្ដល់ឱ្យអ្នករស់នៅ និងអ្នកធ្វើអាជីវកម្មនូវជម្រើសដ៏ល្អក្នុងការរស់នៅធ្វើការនិងកម្សាន្តនៅ ក្នុងអគារមួយនេះ។ អ្នកអភិវឌ្ឍន៏កំពុងតែបានធ្វើការលើគម្រោងទីពីររបស់ខ្លួនដែលមានឈ្មោះថា The Peak ជាគម្រោងអភិវឌ្ឍន៍សណ្ឋាគារចម្រុះស្ថិតនៅចម្ងាយប្រហែលជា១០០ម៉ែត្រពីគម្រោង The Bridge។ គម្រោង The Peak នឹងសាងសង់រួចរាល់នៅឆ្នាំ២០២០ និងផ្តល់ជូនរសនិយមបែប ទាន់សម័យទាំងការរស់នៅនិងបំពេញការងារនៅក្នុងទីក្រុង។ សូមស្វែងរកគម្រោងអភិវឌ្ឍន៍ថ្មីតាមរយៈ Realestate.com.kh

បន្ទាប់ពីដំណើរទស្សនកិច្ចជាផ្លូវការរបស់សម្តេចនាយករដ្ឋមន្ត្រី​ ហ៊ុន សែន អញ្ជើញចូលរួមកិច្ចប្រជុំស្តីពីគោលនយោបាយផ្លូវមួយខ្សែក្រវ៉ាត់មួយនៅក្នុងទីក្រុងប៉េងកាំងកាលពីសប្តាហ៍មុនបានបង្ហាញផលវិជ្ជមានយ៉ាងច្រើន។ ចំណុចគួរឲ្យកត់សំគាល់យើងឃើញថាប្រទេសកម្ពុជាទទួលបានផលវិជ្ជមានជាមួយនឹងកំណើនសេដ្ឋកិច្ចរីកចម្រើននៅក្នុងតំបន់យ៉ាងខ្លាំង។តាមរបាយការណ៍ចេញដោយ GlobalTimes.cn ឯកឧត្តម កៅ គឹមហ៊ួន រដ្ឋមន្ត្រីប្រតិភូអមនាយករដ្ឋមន្ត្រីបានមានប្រសាសន៍ថា “ដំណេីរទស្សនកិច្ចនេះពិតជាទទួលបានលទ្ធផលជាទីគួបប្រសើរ ហើយបានរឹតបន្តឹងចំណងមិត្តភាពរវាងប្រទេសទាំងពីរកាន់តែជិតស្និទ្ធិ។”ឯកឧត្តមបានបន្តទៀតថាកិច្ចប្រជុំបានឈានដល់ការព្រមព្រៀងទៅលើកិច្ចសហប្រតិបត្តិការជាច្រើន “តួយ៉ាងកិច្ចព្រមព្រៀងសំខាន់អំពីគោលនយោបាយផ្លូវមួយខ្សែក្រវ៉ាត់មួយដែលជាគោលនយោបាយដ៏មានចីរភាពដែលផ្តល់ផលប្រយោជន៍ស្ទើរគ្រប់វិស័យតួយ៉ាងវិស័យហេដ្ឋារចនាសម្ព័ន្ធ ពាណិជ្ជកម្ម សេដ្ឋកិច្ច និងការទំនាក់ទំនង។”ឯកឧត្តម កៅ គឹមហ៊ួន បានឲ្យដឹងទៀតថាមានកិច្ចព្រមព្រៀងដែលបានចុះហត្ថលេខាសម្រេចរវាងប្រទេសចិន និងកម្ពុជាលើការអភិវឌ្ឍន៍ប្រព័ន្ធផ្លូវដែកផងដែរ។តាមរយៈគោលនយោបាយផ្លូវមួយខ្សែក្រវ៉ាត់មួយវាបានធ្វើឲ្យមានការអភិវឌ្ឍន៍ដោយបានបង្កើនការងារនិងប្រាក់ចំណូល។ អ្នកជំនាញនៅក្នុងវិស័យអចលនទ្រព្យប្រទេសកម្ពុជាមានសុទិដ្ឋិនិយមអំពីការកើនឡើងវិស័យអចលនទ្រព្យនៅក្នុងប្រទេសកម្ពុជាដែលមានការវិនិយោគទាំងអ្នកវិនិយោគិនក្នុងស្រុក និងក្រៅស្រុក។ឯកឧត្តម សុខ​ ស៊ីផាណា ជាទីប្រឹក្សារដ្ឋាភិបាល និងជាអ្នកជំនាញផ្នែកច្បាប់បានមានប្រសាសន៍ថា “គោលនយោបាយមួយនេះពិតជាជម្រុញឲ្យអ្នកវិនិយោគចិនមកបោះទុនដោយផ្ទាល់មកកាន់ប្រទេសកម្ពុជា។ តួយ៉ាងមានការអភិវឌ្ឍន៍យ៉ាងសម្បើមទៅលើគម្រោងហេដ្ឋារចនាសម្ព័ន្ធ និងថាមពល។”  នៅពេលជំហានដំបូងការវិនិយោគទាំងនោះមើលទៅហាក់បីដូចជាមិនមានជាប់ពាក់ព័ន្ធទៅនឹងវិស័យអចលនទ្រព្យអ្វីឡើយ។ ឯកឧត្តមសុខ​ ស៊ីផាណា បានសង្កត់ធ្ងន់ថា “អ្នកវិនិយោគមានទស្សនៈវិស័យវែងឆ្ងាយក្នុងការវិនិយោគ ហើយពួកគេក៏ទន្ទឹមរងចាំនូវលទ្ធផលប្រសិនបើមិនមានលទ្ធផលអ្វីនោះទេលំហូរនៃពាណិជ្ជកម្មអន្តរជាតិមកកាន់ប្រទេស កម្ពុជានឹងមានកំណត់។”លោក Sam Yang នាយកប្រតិបត្តិនៃគម្រោងអភិវឌ្ឍន៍ Eastland  បានបញ្ចេញយោបល់ថា “តម្រូវការអចលនទ្រព្យមានកំណើនប៉ុន្តែចំណុចដែលត្រូវព្រួយបារម្ភគឺទីផ្សារនោះប្រែក្លាយជាការបំប៉ោងទីផ្សារ។” លោកបានបន្ថែមទៀតថា “ចិនមានគម្រោងសាងសង់ផ្លូវដែកនៅក្នុងប្រទេសដើម្បីភ្ជាប់ទៅកាន់ទីផ្សារអាស៊ីដោយផ្ទាល់។ ទោះជាយ៉ាងណាការផ្គត់ផ្គង់មានការកើនឡើងយ៉ាងច្រើននៅក្នុងទីផ្សារអចលនវត្ថុនៅក្នុងប្រទេសកម្ពុជា ពួកយើងគួរតែផ្តោតសំខាន់ទៅលើការអភិវឌ្ឍន៍ក្នុងតំបន់ឲ្យកាន់តែឆាប់រហ័ស” លោក Jasper Shin ភ្នាក់ងារអចលនទ្រព្យ និងអ្នកប្រឹក្សាមកពីតៃវ៉ាន់បាននិយាយថា “នៅពេលចិនមកវិនិយោគនៅកម្ពុជាពេលនោះថវិកាជាច្រើនក៏បានមកតាមដែរ ប្រាកដណាស់ពួកគេនឹងបោះទុនមកវិនិយោគនៅក្នុងវិស័យអចលនទ្រព្យ។ ដូច្នេះនេះគឺជាផលវិជ្ជមានសម្រាប់ទីផ្សារអចលនទ្រព្យនៅក្នុងប្រទេសកម្ពុជាសម្រាប់រយៈពេល៥ទៅ១០ឆ្នាំខាងមុខទីក្រុងភ្នំពេញ និងខេត្តព្រះសីហនុពិតជារីកចម្រើនទៅមុខយ៉ាងឆាប់រហ័ស។”  មានមតិមួយចំនួនបានបញ្ចេញទស្សនៈវិជ្ជមានថាការជួលក៏មានសក្តានុពលផងដែរ អ្នកវិនិយោគនៅក្នុងទីផ្សារខុនដូក៏មានអ្នកវិនិយោគចិនច្រើនគួរឲ្យកត់សំគាល់ជាមួយយុទ្ធសាស្រ្តទីផ្សារដើម្បីចូលទៅកាន់ទីផ្សារជួលនៅក្នុងក្រុងភ្នំពេញ ការធានាលើការជួលត្រលប់មកវិញក៏ជាយុទ្ធសាស្រ្តទីផ្សារមួយគួរឲ្យចាប់អារម្មណ៍យ៉ាងខ្លាំង។លោក Victor Chao ប្រធានផ្នែកគម្រោងនៃក្រុមហ៊ុន Max World (Cambodia) Co., Ltd បានបន្ថែមថា “មានក្រុមហ៊ុនមកពីប្រទេសចិនជាច្រើននៅក្នុងប្រទេសកម្ពុជាសព្វថ្ងៃ ហើយចំនួនអ្នកដែលមានលទ្ធភាពជួលខុនដូស្នាក់នៅក៏មានការកើនឡើងផងដែរ។ ប្រសិនបើនិន្នាការនេះនៅតែបន្តតម្លៃខុនដូអាចនឹងកើនឡើង អ្នកវិនិយោគកាន់តែមានជំនឿចិត្តហើយវិនិយោគមកកាន់ប្រទេសកម្ពុជាកាន់តែច្រើនឡើង។” ការវិនិយោគនៅក្នុងវិស័យអចលនទ្រព្យនៅក្នុងខេត្តព្រះសីហនុកាន់តែមានកំណើនច្រើនឡើង។ ជាលទ្ធផលគោលនយោ បាយ ផ្លូវមួយខ្សែក្រវ៉ាត់មួយមានគម្រោងផ្លូវល្បឿនលឿនចំងាយប្រមាណ១៩០គីឡូម៉ែត្រដែលតភ្ជាប់ពីខេត្តព្រះសីហនុទៅកាន់ក្រុងភ្នំពេញ គម្រោងផ្លូវល្បឿនលឿននេះនឹងត្រូវសាងសង់រួចរាល់នៅចុងឆ្នាំនេះ។ គម្រោងផ្លូវល្បឿនលឿននេះត្រូវបានអភិវឌ្ឍន៍ដោយក្រុមហ៊ុនចិន China Communications Construction Company ដែលមានចំនួនទឹកប្រាក់ក្នុងការសាងសង់ប្រមាណ២ពាន់លានដុល្លារ ដែលនេះជាគម្រោងអភិវឌ្ឍន៍ដែលជម្រុញលើការអភិវឌ្ឍន៍ផ្សេងៗទៀតឲ្យកាន់តែប្រសើរឡើង៕ ស្វែងរកព័ត៌មានអចលនទ្រព្យល្អៗតាមរយៈ Realestate.com.kh

ប្រសិនបើអ្នកធ្លាប់បានទៅទីក្រុងភ្នំពេញអ្នកនឹងមើលឃើញពីឱកាសយ៉ាងច្រើនអ្នកបានឃើញការផ្សព្វផ្សាយពាណិជ្ជកម្មជាច្រើននៅតាមផ្លូវ។ ការផ្សព្វផ្សាយទាំងនោះហាក់បីដូចជាកំពុងស្រែកហៅអ្នកប៉ុន្តែវាក៏​មានលក្ខណៈពិសេសដែលផ្តល់ជូន​ហើយធ្វើឲ្យអ្នកចាប់អារម្មណ៍ផងដែរ។ ទាំងនោះមានការកាត់បន្ថយចំនួនប្រាក់តម្កល់ បញ្ចុះអត្រាការប្រាក់ទាប និងផ្តល់ជូនទីតាំងដ៏ទាក់ទាញបំផុត។ មានចំណុចមួយដែលអ្នកត្រូវតែដឹង៖ អចលនទ្រព្យដែលអ្នកនឹងទិញនោះគឺជាការលក់មុនគម្រោង! បច្ចុប្បន្នប្រសិនបើអ្នកកំពុងពិចារណាអំពីចំណុចនេះអ្នកប្រហែលជាឆ្ងល់ថាតើការលក់មុនគម្រោងមានន័យដូចម្តេច។ ដូច្នេះតើការលក់មុនគម្រោងមានន័យដូចម្តេចហើយផ្តល់ផលដូចម្តេចចំពោះអ្នក? Realestate.com.kh បានកំណត់ពីលក្ខណៈសាមញ្ញ និងការបកស្រាយងាយៗសម្រាប់អ្នកស្វែងយល់បន្ថែម។ តើអ្វីទៅជាការលក់មុនគម្រោង?ការលក់អចលនទ្រព្យមុនគម្រោងគឺជាការបញ្ចេញ ឬក៏លក់អចលនទ្រព្យមាន ផ្ទះ ឬដីឡូតិ៍ នៅក្នុងទីផ្សារក្នុងដំណាក់កាលណាមួយមុនពេលការអភិវឌ្ឍន៍បានបញ្ចប់។ ការលក់មុនគម្រោងត្រូវបានអនុវត្តន៍ក្នុងហេតុផលមួយចំនួន។ អ្នកអភិវឌ្ឍន៍ខ្លះធ្វើការលក់មុនគម្រោងដើម្បីយកប្រាក់ទៅសាងសង់គម្រោងខណៈពេលដែលអ្នកអភិវឌ្ឍន៍ខ្លះទៀតបានអនុវត្តន៍តាមវិធីនេះដើម្បីធានាថាយូនីតទាំងអស់ត្រូវបានលក់នៅមុនពេលការសាងសង់ត្រូវបានបញ្ចប់។ អ្នកអភិវឌ្ឍន៍មួយចំនួនទៀតបានធ្វើការលក់មុនគម្រោងសម្រាប់ហេតុផលទាំងពីរ។  ប៉ុន្តែការទិញអចលនទ្រព្យមុនគម្រោងគឺមានទាំងគុណសម្បត្តិ និងហានិភ័យស្មើគ្នាផងដែរ។តើអ្វីដែលជាគុណសម្បត្តិនៃការទិញអចលនទ្រព្យមុនគម្រោង?ផ្តល់ជូនតម្លៃសមរម្យ៖ មិនមែនតែងតែមានតម្លៃទាបនោះទេតែភាគច្រើននៃការលក់មុនគម្រោងគឺផ្តល់ជូននូវតម្លៃទាបជាយូនីតដែលសាងសង់រួច។ នេះគឺដោយសារតែអ្នកនឹងមិនទាន់អាចរស់នៅក្នុងផ្ទះនេះនៅឡើយទេ! ជាការលើកទឹកចិត្តសម្រាប់ឲ្យមានការជឿទុកចិត្ដលើអ្នកអភិវឌ្ឍន៍អ្នកទិញត្រូវបានផ្តល់សិទ្ធិជាបន្ថែមទៀតពាក់ព័ន្ធនឹងការទិញក្នុងតម្លៃទាប និងលក្ខខណ្ឌការទូទាត់អាចបត់បែនបាន។ ដូច្នេះអ្នកអាចបង់រំលោះព្រមទាំងការប្រាក់ទាបទៅគ្មានការប្រាក់តែម្តង។ អ្នកអភិវឌ្ឍន៍ទៀតថែមទាំងផ្តល់ជូនបញ្ចុះតម្លៃពិសេសដល់អតិថិជនដំបូងគេដែលធ្វើឱ្យអចលនទ្រព្យទាំងអស់កាន់តែទាក់ទាញ។ជាការវិនិយោគដ៏ល្អបំផុត៖ អចលនទ្រព្យដែលលក់មុនគម្រោងភាគច្រើននឹងកើនឡើងតម្លៃនៅពេលដែលគម្រោងជិតបញ្ចប់។ នេះគឺជាផលប្រយោជន៍សម្រាប់អ្នកទិញ ឧទាហរណ៍ ប្រសិនបើអ្នកទិញអចលនទ្រព្យមួយដែលឥឡូវនេះនៅក្នុងដំណាក់កាលមុនគម្រោងតម្លៃលក់គឺ ១២០,០០០​ដុល្លារហើយប្រហែលពីរទៅបីឆ្នាំក្រោយ ហើយនៅពេលដែលគម្រោងបានបញ្ចប់តម្លៃអាចកើនឡើងដល់ទៅប្រហែល១៥០,០០០ដុល្លារ។ ប្រាក់ចំណេញ ៣០,០០០ដុល្លារ ដោយមិនចាំបាច់ធ្វើអ្វីសោះគ្រាន់តែរង់ចាំការអភិវឌ្ឍន៍បញ្ចប់ប៉ុណ្ណោះ។ ប៉ុន្តែជាការពិតណាស់អ្នកក៏ត្រូវតែធ្វើការសិក្សាឲ្យបានច្បាស់លាស់លើគម្រោងអភិវឌ្ឍន៍អចលនទ្រព្យនោះជាមុនសិន។មានជម្រើសច្រើន៖ ដោយសារតែអចលនទ្រព្យស្ថិតនៅក្នុងដំណាក់កាលលក់មុនគម្រោងទើបមិនសូវមានមនុស្សច្រើនបានទៅមើល និងទិញអចលនទ្រព្យនោះ។ ដូច្នេះក្នុងនាមជាអ្នកទិញអចលនទ្រព្យមុនគម្រោងអ្នកមានសេរីភាពក្នុងការជ្រើសរើសយកយូនីតដែលអ្នកចង់បានទីតាំងបែបណាជាន់ទីប៉ុន្មាន និងចំណុចជាច្រើនទៀត។ ជាមួយនឹងយូនីតដែលសាងសង់រួចគឺមិនមានផ្តល់ជូនបែបនេះទៀតទេ។ ទោះបីតាមវិធីណាអ្នកក៏មិនមានជម្រើសច្រើនដូចអ្វីដែលអ្នកចង់បានឡើយ។ហានិភ័យការផ្លាស់ប្តូរលក្ខខណ្ឌ៖ កិច្ចសន្យាលក់មុនគម្រោងអាចនឹងមានភាពមិនប្រាកដ និងមិនច្បាស់លាស់ពេលខ្លះ និងអាចមានការផ្លាស់ប្តូរបន្ថែមទៀតមិនថាស្របច្បាប់ ឬតាមបច្ចេកទេស ឬភាពចន្លោះប្រហោងដែលមិនបានបំពេញក្នុងកិច្ចសន្យា។ ហានិភ័យដែលកើតមានគឺអ្នកប្រហែលពិតជាទទួលបានយូនីតដែលខុសពីអ្វីដែលគេបានសន្យាជាមួយ។ នេះរួមបញ្ចូលទាំងការផ្លាស់ប្តូរនៅក្នុងសម្ភារៈ ទីតាំង ប្លង់ ទំហំ និងក្បាច់រចនាជាដើម។ ហើយដោយសារតែអ្នកបានចុះហត្ថលេខាលើកិច្ចសន្យារួចហើយអ្នកនឹងមិនអាចធ្វើអ្វីបាននោះឡើយប៉ុន្តែមានតែរស់ នៅទីនោះ។ អ្វីដែលអ្នកមួយចំនួនអាចបានធ្វើគឺពួកគេជួលយូនីតទាំងនោះសម្រាប់ប្រាក់ចំណេញដែលជាមធ្យោបាយមួយដើម្បីពន្យាពេលនៃការខកចិត្ត។ការគ្រប់គ្រងពេលវេលា៖ ពន្យាពេលក្នុងការបញ្ចប់គម្រោង និងការបញ្ចប់ហួសពេលកំណត់គឺជាការប្រឈមមុខមួយទៀតដែលអ្នកវិនិយោគត្រូវតែពិចារណា។ ពេលខ្លះក្នុងកិច្ចសន្យាលក់មុនគម្រោងមានខសន្យានៃការពន្យាពេល ដែលអាចជួយឲ្យអ្នកអភិវឌ្ឍន៍គេចផុតពីការទទួលខុសត្រូវ ក្នុងការបញ្ចប់គម្រោងឲ្យទាន់ពេលវេលា។  នោះហើយជាមូលហេតុសំខាន់ដែលអ្នកត្រូវតែពិនិត្យមើលក្នុងកិច្ចសន្យាឲ្យបានល្អិតល្អន់។ការបាត់បង់ហិរញ្ញវត្ថុ៖ ប្រសិនបើអ្នកអភិវឌ្ឍន៍ក្ស័យធន ឬគម្រោងមិនអាចដំណើរការទៅមុនបានអ្នកជាធម្មតាមិនទទួលបានអ្វីទាំងអស់។ សូមប្រាកដថាអ្នកអាចប្តឹងពួកគេបាន ប៉ុន្តែវានឹងចំណាយពេលយូរក្នុងការសងប្រាក់ត្រលប់មកអ្នកវិញ ហើយភាគច្រើនករណីស្របច្បាប់នៅកម្ពុជា គឺមានជំហានយឺត។ក្រុមហ៊ុនតំណាងរញ៉េរញ៉ៃ៖ ដោយសារអចលនទ្រព្យគឺនៅលើដំណាក់កាលនៃការលក់មុនគម្រោងអ្នកអាច ជួបហានិភ័យនៃការបោកប្រាស់ដែលពួកគេមានបំណងយកប្រាក់របស់អ្នករួចរត់គេចខ្លួនបាត់។​  ហើយប្រសិន បើមិនមែនជាករណីនេះទេការអភិវឌ្ឍន៍មួយចំនួនអាចមានហានីភ័យដោយសារជួល អ្នកតំណាងលក់ពុករលួយ ដែលកឹបកេងកំណត់តម្លៃទ្វេរដងនៅពេលធ្វើបទបង្ហាញលក់។គន្លឹះនៅពេលទិញអចលនទ្រព្យមុនគម្រោងទោះបីជាមានហានិភ័យជាក់ស្តែងទាំងនេះក៏ដោយតាមពិតទៅចំណុចល្អពិតជាអាចមានច្រើនជាងអាក្រក់ ប្រសិនបើអ្នកដឹងពីអ្វីដែលអ្នកកំពុងធ្វើ និងអ្វីដែលអ្នកកំពុងតែស្វែងរក។ ដូច្នេះខាងក្រោមនេះគឺជាចំណុចមួយចំនួនសម្រាប់ពិចារណានៅពេលដែលដើរមើលអចលនទ្រព្យ ហើយអ្នកចង់ទិញអចលនទ្រព្យមុនគម្រោង។ ១. ស្វែងរកអ្នកអភិវឌ្ឍន៍មួយដែលមានកេរ្តិ៍ឈ្មោះល្អ ចំណាយពេលវេលាក្នុងការស្វែងរក។២. ស្វែងរកភ្នាក់ងារដែលមានល្បីឈ្មោះ (Realestate.com.kh មានភ្នាក់ងារល្បីៗជាច្រើន)។៣.រកមេធាវីល្អម្នាក់ ដើម្បីជួយធានាលើកិច្ចសន្យាជាមួយអ្នកដើម្បីពិនិត្យមើលភាពពុំត្រឹមត្រូវណាមួយ ឬខសន្យា ដែលមានភាពលម្អៀង។៤. ជួលសេវាកម្មឈ្មួញកណ្តាលដែលមានអាជ្ញាប័ណ្ណត្រឹមត្រូវដើម្បីជួយអ្នកក្នុងការទិញអចលនទ្រព្យណាមួយ។៥.ផ្ទៀងផ្ទាត់ភាពស្របច្បាប់នៃការអភិវឌ្ឍន៍ជាមួយភ្នាក់ងាររដ្ឋាភិបាល និងក្រសួងពាក់ព័ន្ធដូចជាក្រសួងរៀបចំដែនដីនគរូបនីយកម្ម និងសំណង់។​ការលក់មុនគម្រោងគឺជាវិធីអស្ចារ្យដើម្បីទទួលបានការលក់ច្រើនបំផុត។ ជាមួយនឹងការប្រុងប្រយ័ត្នបានត្រឹមត្រូវ និងការស្រាវជ្រាវរួមផ្សំជាមួយនឹងគន្លឹះទាំងនេះអ្នកអាចចំណេញលុយបានយ៉ាងច្រើន។   អានអត្ថបទផ្សេងទៀតនៅលើ Realestate.com.kh

នៅពេលដែលមានការត្រួតពិនិត្យលើអចលនទ្រព្យសម្រាប់ជួលថ្មីមួយត្រូវមានការស្រាវជ្រាវ និងត្រូតពិនិត្យជាច្រើនហើយ ពិចារណាតែងតែទាក់ទងទៅនឹងបច្ចេកទេសច្បាស់លាស់ក្នុងការត្រួតពិនិត្យដូចជា៖ ថាតើនៅជិតកន្លែងការងាររបស់អ្នកឬសាលារៀនរបស់កូនៗដែរឬទេ ថវិការបស់អ្នកមានប៉ុន្មាន ចំនួនបន្ទប់គេង និងចំណុចផ្សេងៗទៀត។ ចំណុចទាំងនេះគឺមាន ភាពងាយស្រួលក្នុងការត្រួតពិនិត្យមើល ប៉ុន្តែវាជាព័ត៌មានសំខាន់បំផុតអំឡុងពេលនៃការត្រួតពិនិត្យឲ្យបានច្បាស់លាស់។  តើអ្នកបានអានអត្ថបទភាគ១ហើយឬនៅ? សូមស្វែងរកព័ត៌មានតាមអនឡាញនៅលើ Realestate.com.kh/news!តើត្រូវពិនិត្យអ្វីខ្លះនៅពេលជួលអចលនទ្រព្យក្នុងប្រទេសកម្ពុជា? នេះគឺជាចំណុចគួរត្រួតពិនិត្យដែលផ្តល់ជូនដោយ Realestate.com.kh ដើម្បីធានាថាអ្នកនឹងដឹងពីអ្វីដែលអ្នកត្រូវស្វែងយល់ពេលជួលអចលនទ្រព្យ!សុវត្ថិភាពជាចម្បង៖មិនថាភ្នាក់ងារអចលនទ្រព្យប្រាប់អ្នកអ្វីខ្លះនោះទេអ្ន​កខ្លួនឯងត្រូវមានការទទួលខុសត្រូវចំពោះសុវត្ថិភាពរបស់អ្នកនិងគ្រួសាររបស់អ្នកនៅពេលដែលពិចារណាលើការជួលអចលនទ្រព្យថ្មីមួយ។ អ្នកត្រូវដើរមើលអចលនទ្រព្យជិតកន្លែងអ្នកជួលនោះ​ និងសាកសួរអ្នកជិតខាង (អាចជាអ្នកជួលផ្សេងទៀតប្រសិនបើមានអគារជួលជាមួយគ្នា) ម្យ៉ាងទៀតអ្នកគួរមកត្រួតមើលថាតើនៅពេលយប់ អាចមានការគំរាម កំហែងណាមួយអាចកើតឡើងឬទេ។ ជាមួយគ្នាដែរនោះត្រូវពិចារណាលើបញ្ហាដែលបង្ករពីទឹកជំនន់។ ការត្រួតពិនិត្យរយៈពេល២៤ម៉ោងមានភាពចាំបាច់បំផុតព្រោះអ្នកអាចត្រូវពិនិត្យមើលថាតើមានសំឡេងរំខានណាមួយកើតឡើងដែរឬទេអាចជាមានការសាងសង់ណាមួយនៅពេលរសៀលដែលអ្នកមិនបានដឹងនៅពេលពិនិត្យមើលពេលព្រឹក ឬក៏មានក្លឹបរាត្រីបើកជិតផ្ទះដែរឬទេ។ សម្រាប់ការយកចិត្តទុកដាក់បន្ថែមទៀតចំពោះកិច្ចសន្យាជួលអ្នកត្រូវស្វែងយល់ពីគុណសម្បត្តិនិងគុណវិបត្តិនៃអចលនទ្រព្យនោះ។ចំណុចតិចតួចផ្សេងៗ៖មុនអ្នកយល់ព្រមលើកិច្ចសន្យាជួលណាមួយ​ អ្នកត្រូវពិនិត្យមើលក្បាលរ៉ូបីណេទឹក ត្រចៀកទ្វា សោរទ្វា ដៃទ្វា ព្រីភ្លើង សម្ភារៈប្រើប្រាស់ ម៉ាស៊ីនទឹកក្ដៅ និង ជើងក្រានហ្កាស។ ភាគច្រើនពេលពិនិត្យសម្ភារៈទាំងនេះមើលទៅមានសភាពល្អធម្មតាដូចនេះត្រូវពិនិត្យមើលឱ្យបានល្អិតល្អន់បំផុតទើបឃើញពីការខូចខាតករណីអ្នករកឃើញមានបញ្ហាណាមួយនោះអ្នកអាចស្នើសុំឱ្យម្ចាស់ផ្ទះជួសជុលមុនពេលអ្នកព្រមព្រៀងធ្វើកិច្ចសន្យាជួល។    ថតរូបជាភស្ដុតាង៖មុននឹងយល់ព្រមសម្រេចចិត្តបង់ប្រាក់ សូមថតរូបគ្រប់បន្ទប់ទាំងអស់នៅពេលពេលដែលមិនមានឥវ៉ាន់។ ក្នុងរូបទាំងនេះអាចធានាថាអ្នកមានអំណះអំណាង ដើម្បីបង្ហាញនូវការខូចខាតដែលមានស្រាប់នៃ អចលនទ្រព្យដល់ម្ចាស់ផ្ទះ។ នៅពេលដែលកិច្ចសន្យាជួលរបស់អ្នកត្រូវបញ្ចប់អ្នកអាចបង្ហាញពីអំណះអំណាងទាំងនេះ។ នោះម្ចាស់ផ្ទះមិនមានហេតុផលណាមួយដើម្បីកាត់ប្រាក់កក់របស់អ្នកឲ្យសង់លើការ ខូចខាត ដែលជាក់ស្ដែងអ្នកមិនបានធ្វើឲ្យខូតខាតនោះទេ។សូមលោកអ្នករងចាំអានអត្ថបទភាគទី៣ស្តីអំពីចំណុចត្រួតពិនិត្យពេលជួលអចលចនទ្រព្យនៅថ្ងៃពុធសប្តាហ៍ក្រោយក្នុងផ្នែកអចលនទ្រព្យនៅលើការសែតខ្មែរថាមស៍។  តើកំពុងស្វែងរកអចលនទ្រព្យសម្រាប់ជួលនៅក្នុងប្រទេសកម្ពុជាដែរឬទេ? ស្វែងរកអចលនទ្រព្យសម្រាប់ជួលនៅទីនេះ!

(គំរូសន្លឹកប័ណ្ណចាស់ និងប័ណ្ណថ្មី)មុនពេលយើងចាប់ផ្តើម យើងត្រូវស្វែងយល់ពីគោលការណ៍គ្រឹះមួយនៅពេលនិយាយអំពីអចលនទ្រព្យ ​និងកម្មសិទ្ធិដីធ្លីនៅកម្ពុជា។ យោងតាមរដ្ឋធម្មនុញ្ញរបស់ប្រទេសកម្ពុជាមានតែជនជាតិកម្ពុជាប៉ុណ្ណោះ ដែលអាចកាន់កាប់ដី និងផ្ទះជាប់ដីនៅក្នុងព្រះរាជាណាចក្រកម្ពុជា។ទោះយ៉ាងណា ជនបរទេសនៅតែអាចកាន់កាប់អចលនទ្រព្យក្នុងកម្រិតណាមួយ ប្រសិនបើពួកគេបានបំពេញទៅតាមលក្ខខណ្ឌតម្រូវ។​កម្មសិទ្ធិអចលនទ្រព្យបច្ចុប្បន្នត្រូវបានធានាសុវត្ថិភាពដោយប័ណ្ណមួយក្នុងចំណោម ៤ ទម្រង់ នៃប័ណ្ណកម្មសិទ្ធិក្នុងប្រទេសកម្ពុជា ដែលមានដូចជា៖ ប្លង់រឹង ប្លង់ទន់ ប្លង់រឹងប្រព័ន្ធ និងប័ណ្ណកម្មសិទ្ធិរួមឯកជនក្នុងអគារសហកម្មសិទ្ធិ ឬត្រូវបានគេស្គាល់ថាប័ណ្ណកម្មសិទ្ធិរួម។យើងនឹងផ្តល់ជូនលោកអ្នកនូវចំណុចសំខាន់ៗដែលត្រូវស្វែងយល់ដូចខាងក្រោម។ប្រភេទផ្សេងៗគ្នានៃប្លង់កម្មសិទ្ធិអចលនទ្រព្យនៅកម្ពុជា១) ប្លង់រឹង៖ប្លង់រឹងមានភាពរឹងមាំខ្លាំងបំផុតលើការកាន់កាប់អចលនទ្រព្យក្នុងប្រទេសកម្ពុជាហើយគឺជាប័ណ្ណកម្មសិទ្ធិដែលល្អបំផុតក្នុងប្រទេសកម្ពុជា។ ក្នុងករណីដែលមានជំលោះរវាង អ្នកដែលកាន់កាប់ប្លង់រឹង និងអ្នកកាន់ប្លង់ទន់​ នោះម្ចាស់ដែលមានប្លង់រឹងនឹងឈ្នះនៅលើវិវាទនេះ។ ប្លង់រឹងគឺជាប័ណ្ណកម្មសិទ្ធិដែលផ្ដល់ដោយក្រសួងរៀបចំដែនដីនគរូបនីយកម្ម។ប្លង់រឹងមានព័ត៌មានលម្អិតដែលបានទទួលស្គាល់ និងបញ្ជាក់យ៉ាងត្រឹមត្រូវថ្នាក់ជាតិជាមួយនឹងការិយាល័យសុរិយោដី។ពន្ធលើការផ្ទេរកម្មសិទ្ធិត្រូវបានកាត់ចំនួន ៤% នៃតម្លៃអចលនទ្រព្យសរុបនៅពេល ដែលមានការផ្ទេរណាមួយធ្វើឡើង។ការផ្ទេរប្លង់រឹងជាទូទៅធ្វើឡើងក្នុងរយៈពេល ១២ សប្តាហ៍ប្លង់រឹងមិនអនុញ្ញាតឱ្យកាន់កាប់ដោយជនបរទេសឡើយ។ ស្វែងយល់លម្អិតពីប្លង់រឹងនៅកម្ពុជា ចុចទីនេះ! ២) ប្លង់ទន់៖ប្លង់ទន់គឺជាទម្រង់ទូទៅមួយនៃប័ណ្ណកម្មសិទ្ធិហើយជាទូទៅប្លង់នេះត្រូវបានចេញជូននៅក្នុងប្រទេសកម្ពុជា ពីព្រោះការកាត់ប្លង់មានងាយស្រួល និងឆាប់រហ័ស ចំណាយតិច។ វាគឺជាប័ណ្ណកម្មសិទ្ធិដែលទទួលស្គាល់ដោយអាជ្ញាធរថ្នាក់ក្រោមជាតិ[ខណ្ឌ និងសង្កាត់]។ប្លង់ទន់ត្រូវបានផ្ដល់ដោយការិយាល័យសង្កាត់ ឬខណ្ឌហើយមិនទាន់បានចុះឈ្មោះជា​ លក្ខណៈជាតិឡើយ ប៉ុន្តែវានៅតែត្រូវបានគេចាត់ទុកថាជាប័ណ្ណកម្មសិទ្ធិស្របច្បាប់។ប្លង់ទន់ជាទូទៅមិនអនុញ្ញាតឱ្យកាន់កាប់ដោយជនបរទេសឡើយ។៣) ប្លង់រឹងប្រព័ន្ធ (LMAP)ប្លង់រឹងប្រព័ន្ធ​ ឬ​ហៅថា ប្លង់ ​LMAP (​ដែល​ពី​អង់គ្លេស​ថា Land Management and Administration Project មានន័យថា​គម្រោង​គ្រប់គ្រង និង​រដ្ឋបាល​ដីធ្លី​) គឺជា​វិញ្ញាបនបត្រ​នៃ​ប័ណ្ណកម្មសិទ្ធិ​ដីធ្លី​។នេះ​ជា​គម្រោង​មួយ​ដែល​បានដាក់​ឱ្យប្រើ​ប្រាស់​ជា​លើកដំបូង​នៅក្នុង​ប្រទេស​កម្ពុជា​ក្នុង​ឆ្នាំ​២០០២​ដោយ​ធនាគារពិភពលោក បន្ទាប់ពី​ទទួលបាន​ការយល់ព្រមពី​រដ្ឋាភិបាល ហើយ​គម្រោង​នេះ​បង្កើតឡើង​ក្នុង​គោលបំណង​លើកកម្ពស់សុវត្ថិភាព​លើ​កម្មសិទ្ធិ​កាន់កាប់​ដីធ្លី​តាមរយៈ​ការចុះបញ្ជី និង​ការចេញ​ប្លង់​ កម្មសិទ្ធិ​ដល់​ម្ចាស់​អចលនទ្រព្យ​ជាពិសេស​សម្រាប់​ម្ចាស់​អចលនទ្រព្យ​ងាយ​រងគ្រោះ​។ ក្រសួង​រៀបចំ​ដែនដី​នគរូបនីយកម្ម និង​សំណង់​គឺជា​ភ្នាក់ងារ​ដែល ទទួលខុសត្រូវ​អនុវត្ត​ន៍​សម្រាប់​ដំណើរការ​នេះ​នៅក្នុង​ប្រទេស កម្ពុជា​។​ប្លង់រឹង​ប្រព័ន្ធ​គឺជា​ប្រភេទ​ប័ណ្ណ​កម្ម​សិទ្ធ​ដីធ្លី​ដែល​រឹងមាំ​បំផុត និង​មាន​សុវត្ថិភាព​ជាងគេ​បំផុត​ដោយសារ​គេ​បាន​ប្រើប្រាស់​ប្រព័ន្ធ GPS ដែល​ដៅ​កូអរដោនេ​ច្បាស់លាស់​សម្រាប់​ក្បាល​ព្រំដី​នីមួយៗ​នៅក្នុង​ដំណើរការ​ចុះបញ្ជី​ក្បាល់ដី​ទាំងអស់​នៅក្នុង​ប្រទេស​។​ជាទូទៅ​ការចេញ​ប្លង់រឹង​ប្រព័ន្ធ គឺជា​ការទទួលខុសត្រូវ​របស់​ក្រសួង​រៀបចំ​ដែនដី ​នគរូបនីយកម្ម និង​សំណង់ ដោយ​ម្ចាស់​ដី មិន​ចំណាយ​ថ្លៃ​សេវា​សម្រាប់​ ប្រតិបត្តិ​ការចេញ​ប្លង់រឹង ប្រព័ន្ធ​នេះនោះ​ទេ​។  ទោះជា​យ៉ាងណា ប្រសិនបើ​អ្នក​ ដាក់ពាក្យសុំ​ប្លង់រឹង​ប្រព័ន្ធ ឬ​ផ្ទេរ​ទៅ​ប្លង់រឹង​ប្រព័ន្ធ អ្នកនឹង​ត្រូវ​បង់ ថ្លៃ​សេវាកម្ម ៤% ដូចគ្នា​ទៅនឹង​ការផ្ទេរ​ប្លង់​កម្មសិទ្ធិទូទៅ​ដែរ​។​ប្រសិនបើ​អចលនទ្រព្យ ដែល​ត្រូវធ្វើ​ប្លង់រឹង​ប្រព័ន្ធ ឬ​ត្រូវ​ផ្ទេរ​ប្លង់​នោះ​មិនទាន់បង់ពន្ធ​ប្រចាំឆ្នាំ ឬ​ពន្ធ​ផ្សេងៗ​ទៀត (​ពន្ធ​ទាំងនេះ​អាស្រ័យ​លើ​តំបន់ ដែល​ដី​របស់​អ្នក​ស្ថិតនៅ​) អ្នក​ត្រូវ បង់ពន្ធ​ទាំងអស់នោះ​ជាមុនសិន មុនពេល​អាច​ចេញ​ប្លង់​ឲ្យ​បាន​។​​ប្រសិនបើ​ក្រសួង​ដែនដី កំពុងធ្វើការ​ធ្វើ​ប្លង់រឹង​ប្រព័ន្ធ​ដល់​តំបន់​វិនិច្ឆ័យ ដែល​តំបន់​នោះ​ជា​ភូមិ ឬ​តំបន់​ដែល​អ្នក​រស់ ឬ​ដី​របស់​អ្នក​ទៅ​ទីនោះ  នោះ​មានន័យថា​អ្នក​គ្រាន់តែត្រូវ​ធ្វើតាម​អ្វី ដែល​អាជ្ញាធរមូលដ្ឋាន​ប្រាប់​អ្នក​ជូនដំណឹង​។ ប្រសិនបើ​ដំណើរ​ចេញ​ប្លង់រឹង​ប្រព័ន្ធ​បានបញ្ចប់​រួចរាល់​នៅក្នុង​តំបន់​របស់​អ្នក ឬ​តំបន់ ដែលមាន​ដី​របស់​អ្នក​មិនទាន់​បានធ្វើ​ប្លង់​នេះ អ្នក​អាចដាក់​ពាក្យស្នើសុំ​ធ្វើ ប្លង់​នៅពេល​ក្រោយ​បាន ដែល​ប្លង់​នេះ​ហៅថា "​ប្លង់រឹង ប្រព័ន្ធ​បំពេញបន្ថែម​"​។​​ប្រសិនបើ​តំបន់​របស់​អ្នក​មិនទាន់​ជា​តំបន់​វិនិច្ឆ័យ​សម្រាប់​ការចេញ​ប្លង់រឹង​ប្រព័ន្ធ​ដោយ​រដ្ឋាភិបាល​ទេ ​អ្នកមិន​អាចដាក់​ពាក្យសុំ​ធ្វើ​ប្លង់រឹង​ប្រព័ន្ធ​បានទេ​។ ប៉ុន្តែ​អ្នក​អាចដាក់​ពាក្យសុំ​ធ្វើ​ប្លង់រឹង​បាន​។សម្រាប់និតិ​វិធី​ស្នើសុំ​ប្លង់រឹង​ប្រព័ន្ធ​ត្រូវ​ឆ្លងកាត់​ក្រសួង​រៀបចំ​ដែនដី នគរូបនីយកម្ម និង​សំណង់ និង​មន្ត្រី​សូ​រិ​យោ​ដី​។  ដំណើរ​ចេញ​ប្លង់​កម្មសិទ្ធិ​នេះ​ត្រូវ ​ចំណាយពេល ១២ សប្តាហ៍ ដើម្បី​បញ្ចប់​ការកំណត់​ដី​នៅលើ​ប្លង់ដី​។ឯកសារ​ចាំបាច់​ទាំងនេះ​រួមមាន វិ​ក័យ​ប​ត្រ ឬ​ចុងសន្លឹក​បញ្ជាក់​ពី​កម្មសិទ្ធិ សម្រាប់​ដី​ដែល​មិនទាន់​កម្ម​សិទ្ធ ប្លង់​កម្មសិទ្ធិ​(​ប្លង់រឹង ឬ​ប្លង់​ទុន និង​កិច្ចសន្យា​ទិញ​លក់​ដី​សម្រាប់​ដី​ទិញ​លក់​ដែលមាន​កម្ម​សិទ្ធ​រួចហើយ​។ ឯកសារ​បន្ថែម​មានដូចជា​៖ អត្តសញ្ញាណ ប័ណ្ណ សៀវភៅ​គ្រួសារ អត្រានុកូលដ្ឋាន និង​លិខិត​អា​ពា​ណ៌​ពិ​ពា​ហ៌​។​៤)   ប័ណ្ណកម្មសិទ្ធិរួមប័ណ្ណនេះប្រើសម្រាប់ការកាន់កាប់ជាឯកជនក្នុងអគារសហកម្មសិទ្ធិ(ត្រូវបានគេស្គាល់ថាប័ណ្ណកម្មសិទ្ធិរួម)គឺជាទម្រង់ថ្មីមួយនៃកម្មសិទ្ធិ ដែលអាចអនុញ្ញាតឱ្យជនបរទេសកាន់ កាប់អចលនទ្រព្យដោយស្របច្បាប់ក្នុងប្រទេសកម្ពុជាបាន។ជនបរទេសអាចក្លាយជាកម្មសិទ្ធិករស្របច្បាប់នៃយូនីតនៃអគារសហកម្មសិទ្ធិ ប៉ុន្តែជន បរទេសអាចទិញចាប់ពីជាន់ទី១ ឡើងទៅ មានន័យ ពួកគេមិនអាចទិញជាន់ផ្ទាល់ដី (ជាន់ទី១) បានទេ។ មួយវិញទៀត ជនបរទេសអាចកាន់កាប់ត្រឹមត្រែ ៧០% នៃចំណែកឯកជនទាំងអស់នៃអគារសហកម្មសិទ្ធិ។ ប័ណ្ណកម្មសិទ្ធិរួមមានអនុភាពតិចជាងប្លង់កម្មសិទ្ធិរឹង ក៏ប៉ុន្តែប្លង់កម្មសិទ្ធិរួមនេះ កំពុងតែមានការកើនឡើងយ៉ាងខ្លាំងនាពេលបច្ចុប្បន្ន ដោយគម្រោងអភិវឌ្ឍន៍ថ្មី ជាច្រើនផ្ដល់នូវប្រភេទនៃប័ណ្ណកម្មសិទ្ធិរួមនេះ។ច្បាប់នៃ “ច្បាប់នៃការកាន់កាប់របស់ជនបរទេស” ត្រូវបានប្រកាស់ឱ្យប្រើប្រាស់ នៅថ្ងៃទី២៤ ខែឧសភា ឆ្នាំ២០១០។​ ច្បាប់នេះកំណត់ឱ្យជនបរទេសកាន់កាប់ត្រឹមតែ ក្នុងអគារសហកម្មសិទ្ធិប៉ុណ្ណោះ ពោលគឺជនបរទេសមិនអាចកាន់កាប់ដីក្នុងប្រទេស កម្ពុជាបានឡើយ ពីព្រោះវាផ្ទុយនឹងរដ្ឋធម្មនុញនៃព្រះរាជាណាចក្រកម្ពុជា។ អគារសហកម្មសិទ្ធិត្រូវបានគេកំណត់ជាអគារ ឬសំណង់ដែលមានម្ចាស់ចាប់ពី ២ នាក់ ឡើងទៅរស់នៅក្នុងអគារតែមួយ (ឧទាហរណ៍អគារខុនដូអភិវឌ្ឍន៍ចម្រុះ ឬអគារការិយាល័យ) ដែលផ្នែកមួយចំនួនត្រូវបានកាន់កាប់ជាយូនីត​ឯកជន ហើយផ្នែកមួយចំនួនទៀតជាតំបន់ប្រើប្រាស់រួម (common areas)។ប័ណ្កកម្មសិទ្ធិរួម ត្រូវបានចេញដោយក្រសួងរៀបចំដែនដីនគរូបនីយកម្មនិងសំណង់ ដែលមានន័យថាប្លង់នេះត្រូវបានទទួលស្គាល់នៅថ្នាក់ជាតិ។ពន្ធលើការផ្ទេរចំនួន ៤ ភាគរយនឹងត្រូវបង់ដោយផ្អែកលើតម្លៃអចលនទ្រព្យសរុប នៅពេលមានការផ្ទេរប្លង់។ ការផ្ទេរប្លង់កម្មសិទ្ធិនៅកម្ពុជានៅពេលអ្នកទិញអចលនទ្រព្យ ឬដីធ្លី វាចាំបាច់ណាស់ក្នុងការទទួលបានកម្មសិទ្ធិពេញលេញ ដើម្បីប្រាកដថាអ្នកមានសុវត្ថិភាពចំពោះទ្រព្យសម្បត្តិរបស់អ្នក។ កាផ្ទេរកម្មសិទ្ធិត្រូវឆ្លងកាត់ ដំណើរការជាជំហានជាក់លាក់​ដែលត្រូវអនុវត្តតាម អមដោយឯកសារដែលចាំបាច់ត្រូវភ្ជាប់មកជាមួយ ក៏ដូចជាការពិគ្រោះយោបល់ចាំបាច់ជាមួយភ្នាក់ងារពាក់ព័ន្ធ។ជំហានទី១៖ ផ្ទៀងផ្ទាត់ប្លង់ដីជាមួយការិយាល័យដីធ្លីពាក់ព័ន្ធដំបូងអ្នកទិញចាំបាច់ត្រូវផ្ទៀងផ្ទាត់ប័ណ្ណសម្គាល់កម្មសិទ្ធិដីធ្លីជាមួយការិយាល័យដីធ្លីនៅក្រសួងរៀបចំដែនដីនគរូបនីយកម្ម និងសំណង់ ដើម្បីពិនិត្យមើលបំណុល ឬការជាប់ពាក់ព័ន្ធនានាចំពោះអចលនទ្រព្យនោះ។ ដំណើរការនេះមានដូចជា៖អ្នកទិញត្រូវតែទទួលបានប័ណ្ណសម្គាល់ដើម (ប្លង់ដើម) ពីអ្នកលក់​ ដើម្បីផ្ទៀងផ្ទាត់ភាពជាម្ចាស់ពិតប្រាកដរបស់ពួកគេ។បន្ទាប់មកអ្នកទិញត្រូវផ្ទៀងផ្ទាត់វិញ្ញាបនប័ត្រប័ណ្ណកម្មសិទ្ធិជាមួយការិយាល័យដីធ្លីនៅក្រសួងដែនដីការិយាល័យដីធ្លីនឹងជូនដំណឹងដល់អ្នកទិញប្រសិនដីជាប់បំណុល ជាប់ដាក់ជាទ្រព្យបញ្ចាំ ប្រាក់កម្ចីហ៊ីប៉ូតែក ឬបណ្តឹងផ្សេងទៀតដែលជាប់ពាក់ព័ន្ធ។ទីភ្នាក់ងាររដ្ឋាភិបាលពាក់ព័ន្ធ៖ ការិយាល័យដីធ្លីនៅក្រសួងដែនដីរយៈពេលត្រូវចំណាយក្នុងជំហានទី១៖  ត្រូវការពេលវេលាប្រហែល ១០ ថ្ងៃ (ដែលត្រូវធ្វើក្នុងពេលដំណាលគ្នានឹងជំហានទី២ និងទី៣ ដែរ)។  ជំហានទី២៖ ស្វែងរកព័ត៌មានអំពីអចលនទ្រព្យបន្ទាប់មកអ្នកទិញត្រូវតែទទួលបានព័ត៌មានអំពីសំខាន់ៗអំពីអចលនទ្រព្យពីមន្ត្រីក្រុមប្រឹក្សាឃុំសង្កាត់ ដែលពាក់ព័ន្ធ។ ត្រង់ចំណុចនេះ វាបានទាមទារអ្នកទិញខ្លួនឯង ត្រូវទាក់ទងទៅមេភូមិ មេឃុំ ឬមន្ត្រីក្រុមប្រឹក្សាឃុំ ដើម្បីទទួលបានព័ត៌មានអំពីស្ថានភាពដី។ បន្ថែមលើចំណុចនេះ ការស្រាវជ្រាវជាផ្លូវការអំពិប្រភេទប្លង់កម្មសិទ្ធិគួរតែត្រូវបានធ្វើ ឡើងនៅការិយាល័យដែនដីថ្នាក់ខណ្ឌ / ស្រុកផងដែរ។ទីភ្នាក់ងាររដ្ឋាភិបាលពាក់ព័ន្ធ៖ ក្រុមប្រឹក្សាឃុំ (ការិយាល័យពាក់ព័ន្ធថ្នាក់ស្រុក / ខណ្ឌ ក្នុងតំបន់ ដែលអចលនទ្រព្យតាំងនៅ)រយៈពេលត្រូវចំណាយក្នុងជំហានទី២៖  ត្រូវការពេលវេលាប្រហែល ១០ ថ្ងៃ (ដំណាក់កាលនេះអាចធ្វើឡើងដំណាលគ្នានឹងជំហានទី ១ និងទី ៣)ជំហានទី ៣៖ ទទួលបានឯកសារ និងលិខិតផ្លូវការពីអ្នកលក់ប្រសិនបើម្ចាស់ដីជានីតិបុគ្គលអ្នកទិញត្រូវតែទទួលបាន៖ អត្តសញ្ញាណប័ណ្ណថតចម្លងរបស់ម្ចាស់ភាគហ៊ុន ឬអ្នកដែលធ្វើមានសិទ្ធិសម្រេច ក្នុងនាមក្រុមហ៊ុនវិញ្ញាបនប័ត្រថតចម្លងនៃអាជ្ញាប័ណ្ណក្រុមហ៊ុនពីអ្នកលក់ ដែលបានចេញដោយក្រសួង ពាណិជ្ជកម្ម។ឯកសារផ្លូវការផ្សេងទៀតពីអ្នកលក់ទាក់ទងនឹងក្រុមហ៊ុន និងប្រតិបត្តិការរបស់ក្រុមហ៊ុន។រាល់ឯកសារទាំងអស់នេះគឺត្រូវការជាចាំបាច់ដើម្បីផ្ទៀងផ្ទាត់ភាពត្រឹមត្រូវ និងអត្តសញ្ញាណ ក្រុមហ៊ុន ដែលលេចចេញលើវិញ្ញាបនប័ត្រសម្គាល់កម្មសទ្ធិ។ ចំណែកឯកសារបន្ថែមដែលត្រូវការ គឺដើម្បីផ្ទៀងផ្ទាត់ភាពស្របច្បាប់របស់អ្នកលក់ ដើម្បីអាចផ្ទេរប្លង់ទៅឱ្យអ្នកទិញបានមានដូចជា៖សិទ្ធិពិសេសរបស់មេធាវីលិខិតដែលបានចុះហត្ថលេខាដោយក្រុមប្រឹក្សាភិបាលពីក្រុមហ៊ុនដែលអនុញ្ញាតឱ្យបុគ្គលដែលមានឈ្មោះ (អ្នកលក់) ត្រូវធ្វើជាតំណាងក្រុមហ៊ុននៅឯការិយាល័យដីធ្លី​នៅក្រសួងដែនដី។ ស្ធិទ្ទរបស់មេធាវីបញ្ជាក់យ៉ាងច្បាស់ថាអ្នកលក់អាចផ្តល់ជូនជាធរមាននូវលិខិតផ្លូវការ ដើម្បីផ្ទេរប្លង់កម្មសិទ្ធិដីធ្លីដល់អ្នកទិញ។ទីភ្នាក់ងាររដ្ឋាភិបាលពាក់ព័ន្ធ៖ ក្រសួងពាណិជ្ជកម្មរយៈពេលត្រូវចំណាយក្នុងជំហានទី៣៖  ត្រូវការពេលវេលាប្រហែល ១០ ថ្ងៃ (ដំណាក់កាលនេះអាចធ្វើឡើងដំណាលគ្នានឹងជំហានទី ១ និងទី ២)ជំហានទី៤៖ ដាក់ពាក្យសុំចុះឈ្មោះនៅការិយាល័យដីធ្លីស្រុក/ខណ្ឌនៃក្រសួងដែនដីនៅពេលអ្នកទិញ និងអ្នកលក់ មិនថាពួកគេជានិតិបុគ្គល ឬក្រុមហ៊ុន មានបំណងបញ្ចប់ប្រតិបត្តិការទិញលក់អចលនទ្រព្យ ភាគីទាំងពី ពួកគេត្រូវទៅការិយាល័យដែនដីស្រុក/ខណ្ឌនៅឯក្រសួងដែនដី ដើម្បីរៀបចំ និងចុះហត្ថលេខាលើឯកសារពាក់ព័ន្ធ។ឯកសារដែលត្រូវការសម្រាប់ជំហាននេះមានដូចជា៖លក្ខន្តិកៈក្រុមហ៊ុនអាជ្ញាប័ណ្ណក្រុមហ៊ុន (ទទួលបានក្នុងជំហានទី៣)លិខិតសិទ្ធិពិសេសពីមេធាវីទាំងពីរ (ទទួលបានក្នុងជំហានទី៣) ។ប័ណ្ណសម្គាល់សិទ្ធិ ​(ប្លង់) ដើម​របស់អ្នកលក់ត្រូវប្រគល់ជូនការិយាល័យដីធ្លីស្រុក នៅពេលចុះហត្ថលេខាលើប្លង់ ដើម្បីឱ្យឈ្មោះម្ចាស់ថ្មីត្រូវបានបញ្ចូលជាផ្លូវការលើឯកសារ។ទីភ្នាក់ងាររដ្ឋាភិបាលពាក់ព័ន្ធ៖ ការិយាល័យដីធ្លីស្រុក/ខណ្ឌនៃក្រសួងដែនដី រយៈពេលត្រូវចំណាយក្នុងជំហានទី៤៖  ត្រូវការពេលវេលាប្រហែល ២០ ទៅ ៣០ ថ្ងៃ។ ជំហានទី៥៖ បង់ពន្ធប្រថាប់ត្រាពន្ធផ្ទេរអចលនទ្រព្យប្រមាណ ៤ ភាគរយ នៃតម្លៃអចលនទ្រព្យសរុប ត្រូវបង់ជូនក្រសួង សេដ្ឋកិច្ច និងហិរញ្ញវត្ថុ នៅអគ្គនាយកដ្ឋានពន្ធដារស្រុក ដែលអចលនទ្រព្យតាំងនៅ។ បង្កាន់ដៃបង់ពន្ធនឹងត្រូវបានចេញជូន ដើម្បីបង្ហាញថាការបង់ពន្ធលើការផ្ទេរអចលនទ្រព្យ ត្រូវបានបង់រួចរាល់។ទោះយ៉ាងណានៅទីក្រុងភ្នំពេញ ពន្ធនេះមិនត្រូវបានវាយតម្លៃដោយផ្អែកលើតម្លៃទិញលក់ពិតប្រាកដនៃអចលនទ្រព្យនោះទេ។ ប៉ុន្តែផ្ទុយទៅវិញ​ វាត្រូវផ្អែកលើតារាងវាយតម្លៃអចលនទ្រព្យ ដែលកំណត់ដោយសាលាក្រុងភ្នំពេញ។ ការវាយតម្លៃនេះគឺផ្អែកលើកត្តាសំខាន់ៗដូចជា៖ ទំហំ [គិតជាម៉ែត្រការ៉េ] ទីតាំងដី ការប្រើប្រាស់ សក្តានុពល និងអថេរផ្សេងទៀត។បើនិយាយឱ្យសាមញ្ញទៅពន្ធផ្ទេរអលនទ្រព្យមិនផ្អែកលើតម្លៃដីជាក់ស្តែងដែលបានលក់ដែលជាទូទៅទេ ផ្ទុយទៅវិញវាផ្អែកលើតម្លៃដែលបានវាយតម្លៃដោយការិយាល័យរាជធានីភ្នំពេញ ដែលអាចមានអត្រាពន្ធខ្ពស់ជាងពន្ធនៅតាមបណ្តាខេត្តផ្សេងៗ។ទីភ្នាក់ងាររដ្ឋាភិបាលពាក់ព័ន្ធ៖ អគ្គនាយកដ្ឋានពន្ធដាររយៈពេលត្រូវចំណាយក្នុងជំហានទី៥៖ ដំណើរការនេះគួរចំណាយពេលប្រហែល ១ ថ្ងៃជំហានទី៦៖ ត្រឡប់ទៅការិយាល័យសុរិយោដី ដើម្បីបញ្ចប់ដំណើរការចុះឈ្មោះបន្ទាប់ពីបានបង់ពន្ធដែលពាក់ព័ន្ធទាំងអស់រួចរាល់ ភាគីអាចវិលត្រឡប់ទៅការិយាល័យ សុរិយោដីស្រុកនៃក្រសួងរៀបចំដែនដីនគរូបនីយកម្ម និងសំណង់ ដើម្បីចុះហត្ថលេខា ឬផ្តិតមេដៃលើទម្រង់បែបបទរបស់ក្រសួង សម្រាប់ទិញ-លក់អចលនទ្រព្យដូចដែលបានបំពេញ ដោយមន្រ្តីរបស់ក្រសួង។ការចុះហត្ថលេខា និងផ្តិតមេដៃត្រូវតែមានសាក្សី ដែលអាចជាអាជ្ញាធរមូលដ្ឋាន ដូចជាមេឃុំ ជាដើម។ នីតិវិធីទាំងនេះផ្អែកលើច្បាប់ភូមិតាមមាត្រា៦៥ ​ ២៤៤ និងមាត្រា២៤៥។ ច្បាប់ភូមិបាលមាត្រា ៦៩ រារាំងការផ្ទេរអចលនទ្រព្យ លើកលែងតែពន្ធចាំបាច់ទាំងអស់ ត្រូវបានបង់រួចរាល់។ ឯកសារដែលត្រូវភ្ជាប់មកជាមួយរួមមាន៖ បង្កាន់ដៃបង់ពន្ធផ្ទេរ ដែលទទួលបានក្នុងជំហានទី ៥។ជំហានទី៧៖ ទទួលប្លង់កម្មសិទ្ធិពីការិយាល័យដីថ្នាក់ក្រុងការិយាល័យដីធ្លីស្រុក/ខណ្ឌ បញ្ជូនរាល់ឯកសារផ្ទេរសិទ្ធិទៅការិយាល័យដីថ្នាក់ក្រុង ដើម្បីចេញវិញ្ញាបនប័ត្រប័ណ្ណកម្មសិទ្ធិចុងក្រោយ ដែលជាកម្មសិទ្ធរបស់ឈ្មោះម្ចាស់ថ្មី។ ប្លង់កម្មសិទ្ធិបានចុះបញ្ជីរួចរាល់ ហើយដំណើរការទាំងមូលបានបញ្ចប់ជាស្ថាពរ ហើយម្ចាស់ដីអាចមកទទួលយកប្លង់កម្មសិទ្ធិ។ ទីភ្នាក់ងាររដ្ឋាភិបាលពាក់ព័ន្ធ៖ ការិយាល័យដីថ្នាក់ក្រុងរយៈពេលត្រូវចំណាយក្នុងជំហានទី៧៖ ដំណើរការនេះគួរចំណាយពេលប្រហែល ១ ទៅ ២ សប្តាហ៍ សូមចំណាំថា សម្រាប់ការអនុវត្តជាក់ស្តែងនៅនីតិវិធីចុងក្រោយ វាអាចចំណាយពេលច្រើនសប្តាហ៍អាស្រ័យលើការធ្វើការងាររបស់មន្រ្តីដីធ្លី៕ ដើម្បីទទួលបានព័ត៌មានថ្មីៗអំពីវិស័យអចលនទ្រព្យនៅក្នុងប្រទេសកម្ពុជា និង ការវិវត្តន៍នានានៅក្នងវិស័យនេះ សូមធ្វើការទាញយកកម្មវិធីប្រើប្រាស់នៅលើទូរស័ព្ទដៃរបស់យើងឥឡូវនេះ។សម្រាប់កម្មវិធី iOS និង Android។អត្ថបទដោយ

ខេត្តសៀមរាបជាតំបន់ទាក់ទាញទេសចរដ៏សំខាន់របស់ជាតិវាហាក់បីដូចជាក្លោងទ្វារទៅកាន់ប្រវត្តិសាស្ត្រអង្គរ។ រៀងរាល់ឆ្នាំក្រុមអ្នកទេសចរមកកាន់ទីក្រុងអង្គរដើម្បីស្វែងយល់នូវបុរាណវត្ថុវិទ្យាអង្គរដែលត្រូវបានចុះបញ្ជីបេតិកភណ្ឌពិភពលោកមានប្រាសាទបុរាណជាច្រើនដែលឆ្លុះបញ្ចាំងពីអរិយធម៌អង្គរវត្តក្នុងសតវត្សទី១២ដ៏ឆើតឆាយជាមជ្ឈមណ្ឌលប្រវត្តិសាស្រ្ត។ខេត្តសៀមរាបជាតំបន់ទាក់ទាញទេសចរដ៏សំខាន់របស់ជាតិវាហាក់ដូចជាក្លោងទ្វារទៅកាន់ប្រវត្តិសាស្ត្រអង្គរ។ រៀងរាល់ឆ្នាំក្រុមអ្នកទេសចរមកកាន់ទីក្រុងអង្គរដើម្បីស្វែងយល់នូវបុរាណវត្ថុវិទ្យាអង្គរដែលត្រូវបានចុះបញ្ជី បេតិកភណ្ឌពិភពលោកមានប្រាសាទបុរាណជាច្រើនដែលឆ្លុះបញ្ចាំងពីអរិយធម៌អង្គរវត្តក្នុងសតវត្សទី១២ដ៏ឆើតឆាយជាមជ្ឈមណ្ឌលប្រវត្តិសាស្រ្ត។លើសពីតំបន់ប្រវត្តិសាស្រ្ត និងរមណីយដ្ឋានធម្មជាតិខេត្តសៀមរាបពិតជាខេត្តដែលមានការអភិវឌ្ឍន៍គួរឲ្យកត់សំគាល់។ ខេត្តសៀមរាបជាខេត្តដែលពោរពេញដោយសក្តានុពលវិនិយោគទេសចរ និងពាណិជ្ជកម្មប្រាកដណាស់វិស័យអចលនទ្រព្យនៅក្នុងខេត្តពិតជាមិនអាចមើលរំលងបានមែន។ទីតាំងខេត្តសៀមរាប៖ខេត្តសៀមរាបស្ថិតនៅចម្ងាយប្រហែលជា៣១៤គីឡូម៉ែត្រនៅភាគពាយ័ព្យនៃរាជធានីភ្នំពេញតាមបណ្ដោយផ្លូវជាតិលេខ៦ខេត្តសៀមរាបគឺជាខេត្តដ៏ធំមួយដែលមានផ្ទៃដី១០២៩៩ម៉ែត្រក្រឡា ។ ខេត្តនេះមានស្រុកចំនួន១១ស្រុកនិងក្រុង១មានសង្កាត់១៣ ឃុំ៨៧ និងភូមិ៩២១។ខេត្តនេះជាគោលដៅទេសចរដ៏មានប្រជាប្រិយភាពបំផុតក្នុងប្រទេសកម្ពុជាជាតំបន់ប្រមូលផ្តុំដោយប្រាសាទបុរាណជាពិសេសប្រាសាទអង្គរវត្តតែម្ដង។ ក្រៅពីជាតំបន់ទេសចរប្រវត្តិសាស្រ្ត សៀមរាបជាតំបន់ទេសចរធម្មជាតិដ៏ស្រស់បំព្រង ខេត្តនេះស្ថិតនៅស្ថិតនៅភាគខាងត្បូងជិតបឹងទន្លេសាបដែលជាបឹងទឹកសាបធំជាងគេបំផុតនៅអាស៊ីអគ្នេយ៍ជាជម្រករបស់បក្សីនិងមច្ឆារាប់រយប្រភេទ។ ផ្លូវទឹកដ៏ធំល្វឹងល្វើយនេះត្រូវបានចាត់ទុកជាតំបន់អភិរក្សជីវចម្រុះដំបូងបង្អស់ដោយអង្គការយូនីស្កូក្នុងឆ្នាំ១៩៩៧ដោយសារជីវចម្រុះដ៏សំបូរបែបនិងដើម្បីលើកកម្ពស់ស្ថិរភាពក្នុងតំបន់។ តំបន់នេះក៏ជាជម្រករបស់សហគមន៍ វៀតណាមនិងចាមរស់នៅក្នុងភូមិអណ្ដែតទឹកជុំវិញបឹង។នៅចំកណ្ដាលក្រុងសៀមរាបគឺជាតំបន់រស់រវើកបង្អួតនូវសណ្ឋាគារប្រណិតៗជាច្រើន អគារអាណានិគមស្អាតៗ វិថីផាប់ស្ទ្រីតដ៏គួរឲ្យចាប់អារម្មណ៍ជាមួយជិវិតកំសាន្តនាពេលរាត្រី សិប្បកម្ម និងអ្វីៗជាច្រើនទៀត។តំបន់សក្តានុពលអភិវឌ្ឍន៍នៅក្នុងខេត្តសៀមរាប៖វិថីផាប់ស្ទ្រីត និងតំបន់ស្ថិតនៅជិតនោះគឺជាចំណុចតម្រូវការខ្ពស់បំផុតសម្រាប់អចលនទ្រព្យលក់រាយដ៏ចម្បងនេះជាការផ្លាស់ប្តូរដ៏អស្ចារ្យស្របតាមកំណើនអ្នកទេសចរសម្បូរទ្រព្យធនដែលនាំឲ្យអាជីវកម្មក្នុងតំបន់កាន់តែមានការរីកចម្រើនដែលនាំឲ្យចំណុចសំខាន់សម្រាប់ឧស្សាហកម្មម្ហូបអាហារនិងភេសជ្ជៈមានការលូតលាស់។យើងឃើញថាភាគច្រើនហាងលក់ទំនិញភោជនីយដ្ឋានមានទីតាំងស្ថិតនៅតំបន់ផាប់ស្រ្ទីតចំណែកឯតម្លៃជួលក៏មានតម្លៃខ្ពស់ផងដែរ។  តំបន់ផាប់ស្រ្ទីតបានប្រែក្លាយជាតំបន់ដ៏មានសក្តានុពលបំផុតនៅក្នុងខេត្តសៀមរាបចំណែកឯការលក់ដូរអចលនទ្រព្យដូចជាមិនសូវមានប៉ុន្មាននោះទេ ប៉ុន្តែសកម្មភាពជួលវាមានការកើនឡើងខ្ពស់។ តំបន់នេះវាបានប្រែក្លាយជាទីតំាងដែលមានតម្រូវការខ្លាំងបំផុតមិនតែប៉ុណ្ណោះវាបានក្លាយជាតំបន់ពាណិជ្ជកម្ម និងទទួលប្រាក់ចំណេញយ៉ាងច្រើន។អានអត្ថបទបន្ថែមអំពីការណែនាំនិងព័ត៌មានទូទៅរបស់ខេត្តសៀមរាបអចលនទ្រព្យនៅក្នុងខេត្តសៀមរាប៖កំណើនអចលនទ្រព្យត្រូវបានកើនឡើងយ៉ាងច្រើននៅជុំវិញក្រុងសៀមរាបដែលស្ថិតនៅក្នុងសង្កាត់សំខាន់ៗបួនគឺ៖ ស្លរក្រាម, ស្វាយដង្គុំ សាលាកម្រើក និងគោកចក។ ក្នុងឆ្នាំ២០១៥តម្លៃដីនៅក្នុងតំបន់លំនៅដ្ឋាននៅក្នុងខេត្តសៀមរាបបានកើនឡើងចន្លោះពី៥-១០ភាគរយហើយនៅជុំវិញក្រវាត់ក្រុងបានឡើងដល់ទៅ១៥ភាគរយ។មានការសន្និដ្ឋានមួយបានលើកឡើងមកថាដោយសារតែការកើនឡើងចំនួនភ្ញៀវទេសចរមកទស្សនាតំបន់នេះនិងលំហូរលើផលប៉ះពាល់ផ្នែកសណ្ឋាគារដែលជះឥទ្ធិពលជាវិជ្ជមាន កន្លែងកម្សាន្ត ហាងលក់រាយ និងវិស័យសេវាកម្ម។ ទោះបីតម្លៃជួលនៅក្នុងតំបន់ដែលមានប្រជាប្រិយភាពបំផុតនៃខេត្តសៀមរាបបានកើនឡើងជាការពិតយ៉ាងឆាប់រហ័សក្នុងដប់ឆ្នាំចុងក្រោយនេះក៏ដោយ។ នៅក្នុងន័យដ៏ទូលំទូលាយមួយទីផ្សារនៅខេត្តសៀមរាបសម្រាប់វិស័យអចលនទ្រព្យនៅតែមានការអភិវឌ្ឍន៍ ទីផ្សារអចលនទ្រព្យនៅខេត្តសៀមរាបកំពុងតែសន្យាយ៉ាងច្បាស់នូវជម្រើសសម្រាប់វិនិយោគិនជាមួយនឹងការព្យាករប្រកបដោយសុខមាលភាពនៃការកើនឡើងក្នុងតម្លៃទីផ្សារសរុបនេះ។សូមស្វែងរកអចលនទ្រព្យទូទាំងព្រះរាជាណាចក្រកម្ពុជានៅគេហទំព័រ Realestate.com.kh ឥឡូវនេះ!តម្លៃដីនៅក្នុងខេត្តសៀមរាប៖យោងតាម លោក ប៉ូ អៀវគង់ នាយកគ្រប់គ្រងជាន់ខ្ពស់ក្រុមហ៊ុន Asia Real Estate Cambodia Co., Ltd ចុះក្នុង អត្ថបទសារព័ត៌មួយក្នុងស្រុកមួួយ៖ “តម្លៃដីនៅខេត្តសៀមរាបវាអាចកើតឡើងប្រមាណ៥ទៅ១០ភាគរយនៅក្នុងឆ្នាំ២០១៦វាមានអត្រាដូចគ្នា។ តម្លៃដីនៅក្នុងតំបន់ផាប់ស្រ្ទីតអាចមានតម្លៃរហូតដល់$300,000ទៅ$400,000ឬស្មើនឹង$4,000ទៅ $5,000ក្នុងមួយម៉ែត្រការ៉េ។ ចំណែកឯនៅផ្លូវស៊ីវុត្ថាមានតម្លៃចាប់ពី$2,000ទៅ$2,500ក្នុងមួយម៉ែត្រការ៉េ។ ក្រលេកមើលតម្លៃដីនៅតាមបណ្តោយផ្លូវជាតិលេខ6មានតម្លៃធូរថ្លៃបន្តិចគឺចាប់ពី$300ទៅ$150ក្នុងមួយម៉ែត្រការ៉េ។”ពីមួយឆ្នាំទៅមួួយឆ្នាំខេត្តសៀមរាបហាក់បីដូចជាទាក់ទាញទាំងភ្ញៀវទេសចរនិងវិនិយោគិនយ៉ាងច្រើនមកកាន់ទីនេះ។ តួយ៉ាង៖ ហាងទំនិញផ្សារទំនើបភោជនីយដ្ឋានជាច្រើនបានបើកដំណើរការដែលធ្វើីឲ្យពាណិជ្ជកម្មនៅក្នុងខេត្តកាន់តែមានភាពរីកចម្រើន។លោក​ សុខ សារ៉ាត់ ជាភ្នាក់ងារអចលនទ្រព្យប្រចាំខេត្តសៀមរាបមានគំនិតវិជ្ជមានអំពីការទិញលក់ដីធ្លីនៅក្នុងខេត្តសៀមរាប លោកបាននិយាយថា “ពិតណាស់វាពិតជាមានកំណើនអាជីវកម្មជាច្រើននៅក្នុងខេត្តមួយនេះពិតមែនដោយឡែកក្រៅពីអាជីវកម្មដីទំនេរនៅសល់ច្រើននៅក្នុងខេត្ត យើងឃើញថាមានការអភិវឌ្ឍន៍គម្រោងលំនៅដ្ឋានជាច្រើននៅតាមបណ្តោយផ្លូវក្រវ៉ាត់ក្រុង។”ដូចការលើកឡើងខាងដើមប្រាកដណាស់តម្រូវការអចលនទ្រព្យនៅក្នុងខេត្តពិតជាកើនឡើង ជាក់ស្តែងមានគម្រោងអភិវឌ្ឍន៍ជាច្រើនស្ថិតនៅតាមតំបន់ក្រវ៉ាត់ក្រុងនៅតាមមហាវិថីសំខាន់ៗដូចជា៖ មហាវិថីស៊ីវុត្ថា ផ្លូវហ្ស៊ាដឺហ្គោល និងផ្លូវជាតិលេខ៦នៅសង្កាត់ប្រាសាទបាគង។តើការវិនិយោគដីធ្លីមានផលប្រយោជន៍ដែរឬទេ?លោក គីម​ ហ៊ាង ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជាបាននិយាយថា “តាមពិតទៅការវិនិយោគដីវាពិតជាល្អណាស់សម្រាប់អ្នកដែលសល់ប្រាក់ដែលមិនដឹងថាគួរតែយកទៅវិនិយោគលើអ្វី។” លោកបានបន្តទៀតថា “ប៉ុន្តែប្រសិនបើវិនិយោគដីដោយខ្ចីប្រាក់ពីធនាគារ វាមិនមែនជារឿងល្អអ្វីឡើយអ្នកប្រហែលជាគិតថាការប្រាក់ពីធនាគារ៨ភាគរយក្នុងមួយឆ្នាំវាតិចតួច ហើយអាចមានផលចំណេញដោយតម្លៃដីអាចកើនឡើង២០ភាគរយក្នុងមួយឆ្នាំសរុបមកអ្នកសន្មត់ថាវាអាចមានផលចំណេញប៉ុន្តែជាក់ស្តែង អ្នកមិនអាចលក់ដីនោះចេញភ្លាមនោះទេអាចត្រូវចំណាយពេលប្រមាណ២ទៅ៣ឆ្នាំយ៉ាងតិច។”តើតំបន់មួយណាក្នុងខេត្តសៀមរាបដែលមានសក្តានុពល និងមានភាពងាយស្រួលក្នុងការវិនិយោគ?តំបន់ដែលមានសក្តានុពលសម្រាប់ទទួលបានប្រាក់ចំណេញលឿនយើងត្រូវកំណត់ទីតាំងឲ្យបានច្បាស់លាស់ដូចបានរៀបរាប់ខាងដើមជាក់ស្តែងមានគម្រោងអភិវឌ្ឍន៍ជាច្រើនស្ថិតនៅតាមតំបន់ក្រវ៉ាត់ក្រុង។បណ្តោយផ្លូវនោះមានការពង្រីកមុខរបរជាច្រើនដូចជា៖ សណ្ឋាគារ ភោជនីយដ្ឋាន គ្លីនិកឯកជន សាលារៀនជាពិសេសរោងចក្រនិងគ្រឹះស្ថានផ្សេងៗនៅតាមបណ្តោយផ្លូវទាំងនោះ។ ឃុំ សង្កាត់ចំនួនបួនដ៏មានប្រជាប្រិភាពដែលស្ថិតនៅជុំវិញក្រុងសៀមរាបមានដូចជា៖ ស្លក្រាម ស្វាយដង្គុំ  សាលាកម្រើក និងគោកចកបានបង្ហាញឲ្យឃើញនូវកំណើនយ៉ាងខ្លាំងបំផុតប៉ុន្មានឆ្នាំចុងក្រោយនេះ។ហេតុអ្វីវិនិយោគដីនៅក្នុងខេត្តសៀមរាប ចំណែកឯនៅក្នុងខេត្តព្រះសីហនុ ឬក្រុងភ្នំពេញវិញយ៉ាងណាដែរ?វាជាឱកាសវិនិយោគមួយដ៏ល្អនៅពេលដែលវិនិយោគអចលនទ្រព្យនៅក្នុងតំបន់ដែលទើបចាប់ផ្តើមមានកំណើនអចលនទ្រព្យតួយ៉ាងខេត្តសៀមរាប។ ប្រជាជនភាគច្រើនបានសំលឹងឱកាសនេះដោយផ្តោតសំខាន់ទៅលើលក្ខណៈពិសេសនៃខេត្តគឺដោយសារតម្លៃដីមានតម្លៃទាបនៅឡើយបើធៀបនឹងតម្លៃដីនៅក្នុង ក្នុងទីក្រុងភ្នំពេញ និងសៀមរាប។ ចំណែកឯចំនួនប្រជាជនមានកម្រឹតទាបនៅឡើយដែលផ្តល់ភាពប្រសើរដល់ការរស់នៅ។ ជាពិសេសសម្រាប់អ្នកដែលចង់បានភាពស្ងប់ស្ងាត់និងភាពឯកជនផ្ទាល់ខ្លួនម្យ៉ាងទៀតការធ្វើចរាចរណ៍ក៏មានភាពងាយស្រួលជាងនៅក្នុងរាជធា​នីផងដែរ។លើសពីនេះទៅទៀតខេត្តសៀមរាបក៏ត្រូវបានមើលឃើញថាមានការកើនឡើងខ្លាំងលើអាជីវកម្ម និងទេសចរខេត្តសៀមរាបក៏ជាតំបន់ដែលមានសន្តិសុខ និងសុវត្ថិភាពល្អបំផុតស​ម្រាប់ការរស់នៅ និងការវិនិយោគ៕ស្វែងយល់អំពីសក្តានុពលអំពីខេត្តសៀមរាប!ស្វែងរកអចលនទ្រព្យសម្រាប់លក់ និងជួលតាមរយៈ Realestate.com.kh!

ប្រទេសកម្ពុជាមានកំណើនវិស័យអចលនទ្រព្យយ៉ាងខ្លាំងក្លា ដែលបានកំពុងស្រូបយកវិនិយោគិន ពីបរទេស និងរុញប្រជាជនក្នុងស្រុកដ៏ច្រើនឲ្យងាកមកវិនិយោគកាន់តែច្រើនឡើងនៅក្នុងវិស័យ ទាំងវិស័យដីធ្លី និងវិស័យលំនៅដ្ឋាន។ ពោលគឺកំណើននេះបានរីកដុះដាលនៅគ្រប់ទិសទីនៅ​តាមទីក្រុងធំៗ ទីក្រុងរីកចម្រើនថ្មីៗតំបន់រោងចក្រឧស្សាហកម្ម និងផ្លូវជាតិសំខាន់ៗមួយចំនួន។ប្រាកដណាស់និន្នាការថ្មីនេះគឺបានផ្តល់ផលចំណេញជាច្រើនដល់អ្នកអភិវឌ្ឍន៍ និងវិនិយោគចុង ក្រោយ។ ស្របជាមួយគ្នានេះមានអ្នកភិវឌ្ឍន៍ និងជនខិលខូចមួយចំនួនបានកេងបន្លំក្នុងវិស័យ អចលនទ្រព្យ ដោយផ្តល់ព័ត៌មានមិនមានភាពច្បាស់លាស់ដើម្បីទទួលបានផលចំណេញក្នុងរយៈពេលខ្លី។នេះប្រហែលជាមកពីភាពធូរលុងផ្នែកច្បាប់ ចំណែកស្តង់ដារអាជីវកម្មក្នុងវិស័យក៏ហាក់ មិនទាន់់មាន ភាពច្បាស់លាស់ ដែលធ្វើឲ្យអ្នកទិញមិនបានដឹងថាពួកគេកំពុងត្រូវបានគេបោកប្រាស់ ឬករណីខ្លះ វាហាក់យឺតពេលនៅពេលពួកគេដឹងថាត្រូវបានគេបោកប្រាស់។  ពិតណាស់ប្រសិន បើអ្នកមិនមានការប្រុងប្រយ័ត្នឲ្យបានខ្ពស់ទេនោះ អ្នកនឹងអាចខាតបង់ទាំងពេលវេលា និងហិរញ្ញវត្ថុ ដោយឥតប្រយោជន៍។ដើម្បីបញ្ជៀសពីហានិភ័យទាំងនេះ វាប្រហែលជាត្រូវទាមទាឲ្យអ្នកទិញខ្លួនឯងបង្កើនការប្រុងប្រយ័ត្ន ឲ្យបានខ្ពស់។ ជាមួយគ្នានេះអ្នកទិញអាចស្វែងយល់ពីល្បិចបោកប្រាស់មួយចំនួនរបស់ក្រុមខិលខូច ។ ​ខាងក្រោមនេះគឺជាល្បិចឆបោកខ្លះៗ ដែលធ្លាប់កើតមាននៅក្នុងប្រតិបត្តិការទិញលក់អចលនទ្រព្យនៅកម្ពុជា។ប្លង់កម្មសិទ្ធិចំនួនពីរប្លង់រឹង និងប្លង់ទន់គឺជាប័ណ្ណកម្មសិទ្ធិអចលនទ្រព្យ ដែលត្រូវបានគេប្រើប្រាស់នៅកម្ពុជា។ ជាធម្មតាអចលនទ្រព្យមួយអាចមានប័ណ្ណកម្មសិទ្ធិកាន់កាប់មួយ ប៉ុន្តែអចលនទ្រព្យខ្លះអាចមានទាំងប្លង់រឹង និងប្លង់ទន់។ការឆបោកនេះពាក់ព័ន្ធទៅនឹងម្ចាស់ដែលលក់អចលនទ្រព្យឲ្យអ្នកទិញពីរនាក់ផ្សេងគ្នាដោយអ្នកទិញម្នាក់ទទួលបានប្លង់រឹង ហើយម្នាក់ទៀតទទួលបានប្លង់ទន់។​ ក្នុងរណីនេះអ្នកទិញដែលទទួលបានប្លង់ទន់នឹងមិនមានសិទ្ធិស្របច្បាប់ទេ ដោយសារតែប្លង់ទន់បានទទួលស្គាល់ត្រឹមតែពីអាជ្ញាធរមូលដ្ឋានប៉ុណ្ណោះ រីឯប្លង់រឹងវិញគឺទទួលស្គាល់ពីថ្នាក់ជាតិ។ករណីនៃការចេញប្លង់ច្រើនលើអចលនទ្រព្យតែមួយនេះធ្លាប់បានកើតឡើង ហើយអ្នកលក់បានលក់ អចលនទ្រព្យដដែលទៅឲ្យអ្នកទិញច្រើននាក់។ជាដំណោះស្រាយ៖ អ្នកអាចធ្វើការស៊ើបអង្កេតដោយផ្ទាល់ជាមួយក្រសួងរៀបចំដែនដី នគរូបនីយកម្ម និងសំណង់ និងការិយាល័យសុរិយោដី​ក្នុងតំបន់នោះ ដោយត្រូវថតចម្លង ប្លង់កម្មសិទ្ធិពីអ្នកលក់ ដើម្បីត្រួតពិនិត្យជាមួយនឹងកំណត់ត្រាជាផ្លូវការ។ការប្រុងប្រយ័ត្នមួយផ្សេងទៀតគឺការពិនិត្យមើលថាតើអ្នកជិតខាងមានប្លង់រឹង ឬប្លង់ទន់។ ប្រសិនបើប្រជាជននៅក្នុងតំបន់នោះកាន់កាប់ប្លង់រឹងនោះគឺមានន័យថារដ្ឋាភិបាលបានចេញប្លង់រឹង ជូនដល់តំបន់នោះរួចហើយ។ យើងមិនណែនាំឲ្យអ្នកទិញអចលនទ្រព្យមួយដែលមានប្លង់ទន់នៅក្នុងតំបន់ ដែលអ្នកជិតខាងមានប្លង់រឹងនោះទេ។ប្លង់រឹងក្លែងក្លាយ៖កាលពីដើមឆ្នាំ២០១៨ កន្លងទៅមានករណីឆបោកលក់ដីដោយប្រើប្រាស់ប្លង់រឹងក្លែងក្លាយនៅក្នុង រាជធានីភ្នំពេញ។​ ការឆបោកនេះបានធ្វើឡើងជាស៊ែរី ហើយម្ចាស់ដីនីមួយៗ បានលក់ដី ក្នុងតម្លៃក្រោមទីផ្សារទៅអោយម្ចាស់តែមួយ។ករណីខាងលើនេះ អ្នកទិញបានពិនិត្យប្លង់ដី  និងផ្ទៀងផ្ទាត់អត្តសញ្ញាណម្ចាស់កម្មសិទ្ធិករ អត្តសញ្ញាណប័ណ្ណ និងសៀវភៅគ្រួសារឃើញមានភាពត្រឹមត្រូវទាំងអស់។ប៉ុន្តែប៉ុន្មានខែក្រោយមកបន្ទាប់ពីដាក់ឯកសារផ្ទេរកម្មសិទ្ធិដីភូមិបាលខណ្ឌរកឃើញថាជាប្លង់ដីក្លែងក្លាយ។ ជាដំណោះស្រាយ៖ អ្នកទិញអចលនទ្រព្យគួរធ្វើការផ្ទៀងផ្ទាត់ប្លង់ជាមួយការិយាល័យសុរិយោដី ឬភូមិបាលសុ្រក/ខណ្ឌអោយបានច្បាស់លាស់ជាមុនសិនមុនសម្រេចចិត្តកក់លុយ។ដីមានវិវាទ៖អ្នកអាចក្លាយទៅជនរងគ្រោះដោយមិនដឹងខ្លួន ប្រសិនបើអ្នកទិញដីកំពុងមានវិវាទ ឬមានការហាមឃាត់តាមផ្លូវតុលាការ។ អ្នកប្រហែលជាមិនងាយដឹងទេថាដីមានជម្លោះ ឬអត់ប្រសិនបើអ្នកមិនរស់នៅតំបន់នោះ។ដំណោះស្រាយ៖ ការនិយាយជាមួយអ្នកជិតខាងជាធម្មតាអាចជួយអ្នកក្នុងការប្រមូលរាល់ព័ត៌មានចាំបាច់។ អ្នកក៏គួរតែធ្វើការស្វែងរកជំនួយ ឬកម្មសិទ្ធិកាន់កាប់​តាមរយៈក្រុមប្រឹក្សាឃុំ/សង្កាត់ ឬមន្រ្តីក្រសួងដែនដី ដើម្បីដឹងថាដីនោះពិតជាមានសុវត្ថិភាព។ភ្នាក់ងារអចលនទ្រព្យ ដែលមានជំនាញវិជ្ជាជីវៈ ឬមេធាវីដែលមានបទពិសោធន៍អាចជួយធ្វើការនេះ ជំនួសអ្នកបានប្រសិនបើអ្នកត្រូវការ ។ម្ចាស់ក្លែងក្លាយ៖អ្នកប្រហែលធ្លាប់ឃើញដីទំនេរធំៗ​ដាក់ប្រកាសលក់។ ការឆបោកនេះជាប់ពាក់ព័ន្ធនឹងនរណាម្នាក់ ដែលតាំងខ្លួនជាម្ចាស់កម្មសិទ្ធិលើដីណាមួយ។ដំណោះស្រាយ៖ អ្នកត្រូវសាកសួរអ្នកជិតខាង និងប្រធានភូមិអំពីអចលនទ្រព្យ និងប្រវត្តិរបស់ ម្ចាស់ដីនោះ។ បន្ទាប់មកពិនិត្យថាតើអ្វីជាភាពខុសគ្នារវាងព័ត៌មាន ដែលអ្នកទទួលបានពីមេភូមិ និងព័ត៌មានដែលអ្នកលក់បានអះអាង។  ការត្រួតពិនិត្យប្លង់កម្មសិទ្ធិគឺមានសារៈសំខាន់ ហើយ ប្រសិនបើម្ចាស់ដីមិនមានប្លង់កម្មសិទ្ធិ នោះគឺប្រាកដមានអ្វីមួយមិនប្រក្រតីជាមិនខាន។ ជារួមទៅជំនួយពីអាជ្ញាធរពាក់ព័ន្ធនឹងអាចបញ្ជាក់ថានរណាជាម្ចាស់ពិតប្រាកដ។ប្រយ័ត្នចំពោះប្រាក់កក់៖អ្នកលក់ដីឡូតិ៍ខ្យល់ ម្ចាស់ក្លែងក្លាយ ឬអ្នកលក់ក្លែងតែងតែចង់បានប្រាក់កក់មុនបំផុត។ អ្នកទិញត្រូវបានស្នើរឲ្យកក់ប្រាក់ដើម្បីទទួលបានអចលនទ្រព្យមុនគេ។ បន្ទាប់ពីទទួលបានប្រាក់កក់ អ្នកលក់ក្លែងក្លាយបានគេចខ្លួនបាត់។ដំណោះស្រាយ៖ អ្នកអាចជ្រើសយកជម្រើសនៃការផ្ញើប្រាក់កក់តាមរយៈភាគីទីបីដែលអាចទុក ចិត្តបាន ឬដាក់ក្នុងគណនីធនាគារអន្តរការីរងចាំរហូតដល់អ្វីគ្រប់យ៉ាងត្រូវបានដោះស្រាយ។  ធ្វើបែប នេះអាចការពារខ្លួនអ្នកពី​ការឆបោក។អ្នកលក់ដីឡូតិ៍ខ្យល់៖ពួកគេប្រើប្រាស់គម្រោងអ្នកដ៏ទៃមកធ្វើទីផ្សារ ដោយប្រាប់ថាជាដីរបស់ក្រុមហ៊ុន ឬគម្រោងរបស់ ពួកគេ។  ពួកគេមិនមានក្រុមហ៊ុនច្បាស់លាស់ តែមានក្រុមការងារច្រើន និងមានជាការិយាល័យ បណ្តោះអាសន្ន។ អ្នកចាញ់បោកអ្នកលក់ដីឡូតិ៍ខ្យល់ អាចមកពីមិនបានធ្វើការស្វែងរយល់ស៊ីជម្រៅ ពីគម្រោង ពិសេសអ្នកធ្វើការនៅក្រៅប្រទេស (ដូចជាប្រទេសកូរ៉េ ជាដើម)។ដំណោះស្រាយ៖ អ្នកទិញមិនត្រូវជឿដោយគ្រាន់តែឃើញតាមរយ​ៈការផ្សព្វផ្សាយតាមហ្វេកប៊ុក នោះឡើយ។ អ្នកត្រូវដឹងពីប្រវត្តិក្រុមហ៊ុន និងភាពស្របច្បាប់របស់ក្រុមហ៊ុន​ និងកម្មសិទ្ធិស្រប ស្របច្បាប់នៃអចលនទ្រព្យនោះ។ករណីបើអ្នកមិនសូវយល់ដឹងពីទីផ្សារ អ្នកត្រូវស្វែងរកការប្រឹក្សាយោបល់ជាមួយភ្នាក់ងារ អចលនទ្រព្យ ឬអ្នកជំនាញមុននឹងសម្រេចចិត្តទិញ។ការខូចខាតលាក់កំបាំង៖មូលហេតុមួយដែលគេលក់ផ្ទះក្នុងតម្លៃទាបជាងទីផ្សារខ្លាំងគឺអាចដោយសារតែមានការខូចខាតដែលអ្នកនឹងមិនអាចមើលឃើញ។ អ្នកលក់អាចប្រាប់ថាប្រញាតប់លក់ក្នុងហេតុផលណាមួយ ហើយអ្នក ទិញមិនអាចរកឃើញការខូចខាតទាំងនេះបានទេក្នុងពេលភ្លាមៗ ប៉ុន្តែនឹងដឹងនៅពេលទិញ និងចូលទៅស្នាក់នៅបានមួយរយៈពេល។ដំណោះស្រាយ៖ ជាការណែនាំអ្នកគួរនាំអ្នកជំនាញមកជាមួយដើម្បីឲ្យជួយពិនិត្យមើលប្រព័ន្ធទឹក អគ្គិសនី និងភាពរឹងមាំនៃសំណង់នោះមុនពេលអ្នកទិញលំនៅដ្ឋានណាមួយ។តំបន់មានទឹកជំនន់៖“គ្មានទឹកជំនន់” គឺជាចំណុចដ៏ពិសេសមួយនៃអចលនទ្រព្យសម្រាប់លក់។ អ្នកលក់នឹងធ្វើការផ្សព្វផ្សាយថាតំបន់នោះគឺគ្មា​នទឹកជំនន់ទេ បើទោះបីជាក្នុងតំបន់នោះមានទឹកជំនន់ក៏ដោយ។ អ្នកទិញអាចនឹងមានបញ្ហានៅពេលដែលមានភ្លៀងធ្លាក់ច្រើននៅក្នុងតំបន់។ដំណោះស្រាយ៖ អ្នកអាចត្រួតពិនិត្យមើលថាតើតំបន់នេះមានទឹកជំនន់ ឬក៏អត់ ដោយធ្វើការ សាកសួរអ្នកក្នុងតំបន់​ ឬអ្នកជិតខាងនៅកន្លែងនោះ ថាតើតំបន់នោះពិតជាមានទឹកជំនន់ ឬក៏អត់។ការបង់ប្រាក់មុនគម្រោង៖អ្នកអភិវឌ្ឍក្លែងក្លាយបានផ្សព្វផ្សាយថាពួកគេមានគម្រោងថ្មី​ និងចាប់បើកលក់មុនគម្រោង។   ពួកគេបើកឲ្យមានការទិញ និងបង់ប្រាក់ ឬកក់ប្រាក់មុនគម្រោង ហើយបន្ទាប់ពីប្រមូលបានប្រាក់ច្រើនល្មមពួកគេស្រាប់តែគេចខ្លួនបាត់។ដំណោះស្រាយ៖ ដើម្បីជៀសវាងរាល់បញ្ហាទាំងនេះ អ្នកអាចធ្វើការពិនិត្យឲ្យបានម៉ត់ចត់លើប្រវត្តិ របស់គម្រោងពីមុនៗរបស់អ្នកអភិវឌ្ឍន៍។ អ្នកអភិវឌ្ឍន៍ដែលទុកចិត្តបាន ជាធម្មតាបានបន្សល់ទុកកេរ្តិ៍ ឈ្មោះល្អតាមរយៈគម្រោងកន្លងមក។ អ្នកអាចព្យាយាមរកមើលអត្ថបទព័ត៌មានល្អៗពីគេហទំព័រ ដែលអាចទុកចិត្តបាន​ ដែលផ្សព្វផ្សាយទាក់ទងនឹងគម្រោងអភិវឌ្ឍន៍នានា។ប្រសិនបើជាក្រុមហ៊ុនស្របច្បាប់ ពួកគេមានអាជ្ញាប័ណ្ណក្រុមហ៊ុន អាជ្ញាប័ណ្ណសាងសង់ អាជ្ញាប័ណ្ណបុរី ផែនការមេ និងប្លង់រឹងជាដើម។ ប្រសិនបើអ្នកអភិវឌ្ឍន៍មិនបង្ហាញនូវឯកសារទាំងនេះច្បាស់លាស់ទេ នេះជាសញ្ញាមិនល្អសម្រាប់អ្នកទិញ។ប៉ុន្តែសូមចំណាំថានេះមិនមែនមានន័យថាអ្នកអភិវឌ្ឍន៍ថ្មីគឺសុទ្ធតែជាអ្នកបោកប្រាស់ទាំងអស់នោះទេ។ការឆបោករួមគ្នាការឆបោកបែបនេះត្រូវធ្វើឡើងដោយក្រុមហ៊ុនពីរ  ឬមនុស្សពីរនាក់ធ្វើការរួមគ្នាដើម្បីបង្កើនតម្លៃអចលនទ្រព្យណាមួយ។ អ្នកទី១ទិញដីដែលមិនទាន់មានការអភិវឌ្ឍន៍ ចំណែកអ្នកទី២បានប្រកាសថានឹងមានគម្រោងអភិវឌ្ឍន៍នៅក្បែរនោះ។ ប៉ុន្តែការអភិវឌ្ឍន៍នេះជាធម្មតាមិនបាន បញ្ជាក់ពីទីតាំងជាក់លាក់ណាមួយទេ។ បន្ទាប់មកអ្នកទី១ ចាប់ផ្តើមលក់ដី ដែលមិនទាន់មាន ការអភិវឌ្ឍនោះវិញក្នុងតម្លៃខ្ពស់។ បន្ទាប់មកពួកគេទាំងពីរនាក់បានចែកប្រាក់ចំណេញគ្នា ហើយទីបំផុតទៅដីនៅក្នុងតំ​បន់នោះមិនមានគម្រោងសាងសង់ ឬការអភិវឌ្ឍណាមួយឡើយ។ដំណោះស្រាយ៖ អ្នកអាចមើលដឹងថាវាជាការឆបោក ឬអត់ ដោយសារគម្រោងអភិវឌ្ឍន៍ ធំៗត្រូវទាមទារការឯកភាពពីក្រសួងពាក់ព័ន្ធជាច្រើន និងត្រូវអភិវឌ្ឍដោយក្រុមហ៊ុនដែលមានបទពិសោធន៍ជោគជ័យ។ ជាធម្មតាជនបោកប្រាស់មិនមានការិយាល័យពិតប្រាកដឡើយ។ ដូចបានលើកឡើងខាងលើពួកគេចាំបាច់ត្រូវតែមានបានអាជ្ញាប័ណ្ណក្រុមហ៊ុន អាជ្ញាប័ណ្ណសាងសង់ ប្លង់រឹងមេ និងប្លង់មេរបស់គម្រោងអភិវឌ្ឍ និងអាជ្ញាប័ណ្ណសាងសង់។ ប្រសិនបើការអភិវឌ្ឍនេះមិនបង្ហាញនូវ ឯកសារទាំងនេះច្បាស់លាស់ទេវាជាសញ្ញាមិនល្អសម្រាប់អ្នកទិញនោះឡើយ។មិនត្រូវអនុញ្ញាតឱ្យការបោកប្រាស់ទាំងនេះបន្លាចអ្នកនោះទេអ្នកត្រូវយល់ដឹង ...ការទិញអចលនទ្រព្យនៅក្នុងប្រទេសកម្ពុជាអាចមានប្រយោជន៍ប្រសិនបើអ្នកធ្វើបានត្រឹមត្រូវ។ ភ្នាក់ងារអចលនទ្រព្យដែលអាចជឿទុកចិត្តបាន និងមានជំនាញវិជ្ជាជីវៈច្បាស់លាស់អាចធ្វើការ ជាមួយអ្នក ជួយអ្នក និងប្រាប់អ្នកពីការឆបោកគ្រប់រូបភាពបាន។លើសពីនេះប្រសិនបើអ្នកមានការព្រួយបារម្ភថាអ្នកកំពុងត្រូវបានគេបោកប្រាស់សូមស្វែងរកដំបូន្មានផ្នែកច្បាប់មុនពេលដែលអ្នកសម្រេចចិត្តទិញអចលនទ្រព្យមួយ!ស្វែងរកភ្នាក់ងារអចលនទ្រព្យល្អបំផុត៖ តាមរយៈ Realestate.com.kh!

គេហទំព័រ realestate.com.kh មានសេ​ចក្តីរីករាយក្នុងការចេញផ្សាយលទ្ធផលនៃការស្ទង់មតិអំពីទីផ្សារអចលនទ្រព្យកម្ពុជាឆ្នាំ២០១៦។ ការស្ទង់មតិនេះបង្ហាញអំពីព័ត៌មានអចលនទ្រព្យដែលជាប្រយោជន៍ដ៏សំខាន់សម្រាប់អ្នកវិនិយោគ ម្ចាស់គម្រោងអភិវឌ្ឍន៍ ស្ថាប័នហិរញវត្ថុ ស្ថាប័នធានារ៉ាប់រង និង អ្នកទិញ ឬអ្នកលក់អចលនទ្រព្យ។គោលបំណងនៃការស្ទង់មតិនេះគឺដើម្បីស្វែងយល់អោយបានកាន់តែច្បាស់ឡើងនៃចំណង់ចំណូលចិត្តរបស់ប្រជាជនកម្ពុជា ដោយផ្ដោតទៅលើទស្សនផ្ទាល់របស់ពួកគាត់នៅក្នុងទីផ្សារអចលនទ្រព្យក៏ដូចជាទម្លាប់ក្នុងការចំណាយនិងប្រាក់កម្ចីជាដើម នាពេលបច្ចុប្បន្ន។ ការស្ទង់មតិអាចឱ្យយើងទស្សទាយដឹងពីបម្រែបម្រួលនៃការលក់ និងទិញក្នុងទីផ្សារនៅពេលអនាគតបានផងដែរ។តាមរយៈការស្ទង់​មតិចំលើយបានបង្ហាញផលជាវិជ្ជមានចំពោះទីផ្សារអចលនទ្រព្យនៃប្រទេសកម្ពុជាដែលបច្ចប្បន្នកំពុងតែមានការរីកចម្រើនយ៉ាងខ្លាំង ហើយជាងនេះទៅទៀតនោះវាមានសារៈសំខាន់ណាស់ក្នុងការវិនិយោគទៀតផង។ ជាក់ស្ដែងស្ទើរតែ៨០%នៃចម្លើយលើការស្ទង់មតិបានបញ្ជាក់ថាការទិញអចលនទ្រព្យក្នុងប្រទេសកម្ពុជាបច្ចប្បន្នគឺជាការវិនិយោគដ៏ល្អមួយ។Download the Full Reportវិធីសាស្រ្តការស្ទង់មតិត្រូវបានចែកចាយតាមរយៈទិន្នន័យអ៊ីម៉ែលរបស់ Realestate.com.kh ទាំងអ្នកចូលមើលក្នុងស្រុកនិងក្រៅស្រុក។ ការស្ទង់មតិនោះក៏ត្រូវបានបង្ហាញផងដែរតាមរយៈគេហទំព័រ Realestate.com.kh ហើយពួកយើងក៏បានធ្វើការចែកចាយការស្ទង់មតិទៅតាមរយៈបណ្ដាញសង្គម facebook និង Linkedin របស់ Realestate.com.kh។ ពួកយើងក៏មានអ្នកមកធ្វើការបញ្ចេញមតិដោយផ្ទាល់ផងដែរដោយពួកគាត់ជាអ្នកមកទស្សនាការតាំងពិព័ណ៍អចលនទ្រព្យ និងសំណង់នៅមជ្ឈមណ្ឌលពិព័ណ៍កោះពេជ្រក្នុងឆ្នាំ២០១៦។ចំលើយសរុបមានជាង ៥០០០ ត្រូវបានបំពេញតាមរយៈការស្ទង់មតិរយៈពេលត្រឹមតែពីរសប្ដាហ៍ក្នុងខែធ្នូ ឆ្នាំ២០១៦។ការស្ទង់មតិមានចម្លើយពីរជាភាសារខ្មែរ និងភាសារអង់គ្លេសអាស្រ័យលើចំណង់ចំណូលចិត្តរបស់អ្នកប្រើប្រាស់។ លទ្ធផលនៃការស្ទង់មតិជាភាសាខ្មែរ និងអង់គ្លេសត្រូវបានដាក់ផ្សេងៗគ្នាហើយបូកសុរបទិន្នន័យសរុបរួមមួយ។នេះគឺជាការស្ទង់មតិអចលនទ្រព្យដ៏ល្អមួយដែលមិនធ្លាប់មានកន្លងមកក្នុងប្រទេសកម្ពុជា។ខាងក្រោមនេះគឺជាលទ្ធផលសំខាន់ៗនៃការស្ទង់មតិ៖លទ្ទភាពដែលអាចទទួលយកបាន៖ ការយល់ដឹងអំពីសមត្ថភាពហិរញវត្ថុរបស់អ្នកទិញគឺជាការសំខាន់មួយសម្រាប់អ្នកអភិវឌ្ឍន៍ និងភ្នាក់ងារអចលនទ្រព្យដើម្បីតបតាមតម្រូវការអចលនទ្រព្យរបស់ពួកគេទៅតាមទីផ្សារគោលដៅរបស់ពួកគេហើយនិងធ្វើការព្យាករណ៍តម្រូវការនិងបម្រែបម្រួលនៃទីផ្សារនោះនៅពេលអនាគត។ វាគឺជាព័ត៌មានដ៏សំខាន់មួយសម្រាប់អ្នកផ្ដល់ប្រាក់កម្ចីដែលមានបំណងចង់់ស្វែងយល់តម្រូវការ និងទីផ្សារប្រាក់កម្ចីក្នុងប្រទេសកម្ពុជាផងដែរ។នៅពេលដែលយើងសួរ “តើតម្លៃផ្ទះក្នុងប្រទេសកម្ពុជាមានលក្ខណៈយ៉ាងដូចម្ដេចដែរ?” ចំលើយទាក់ទងទៅនឹងអចលនទ្រព្យក្នុងតំបន់ “ជាមធ្យមមានតម្លៃថ្លៃ”មានអត្រា៣៤% “មានតម្លៃសមរម្យ”២៨% ហើយត្រឹមតែ១៦%ឆ្លើយថា “តម្លៃសមរម្យជាមធ្យម”។សូមរំលឹកផងដែរថាការស្ទង់មតិនេះត្រូវបានធ្វើឡើងជាភាសាអង់គ្លេសសនិងភាសាខ្មែរ។ នៅពេលដែលធ្វើការវិភាគនៃទិន្នន័យទាំងមូលយើងឃើញថាទស្សនតម្លៃនៃទីផ្សារអចលនទ្រព្យមានភាពខុសគ្នាក្នុងទីផ្សារក្នុងប្រទេស។ អ្នកបំពេញការស្ទង់មតិភាគច្រើនបានបំពេញជាភាសាអង់គ្លេសសរុប៣៧% បានព័ណ៌នាទីផ្សារថា“មានតម្លៃសមរម្យ”ខណៈដែលចំលើយច្រើនជាង ៥០%បានថ្លែងថាទីផ្សារគឺមាន “តម្លៃថ្លៃ”។ការកើនឡើងតម្លៃក្នុងទីផ្សារ៖ការវិនិយោគរបស់អ្នកអភិវឌ្ឍន៍អចលនទ្រព្យជាក់ស្ដែងបានកើនឡើងយ៉ាងខ្លាំងក្នុងរាជធានីភ្នំពេញកាលពីពេលកន្លងទៅ ហើយការផ្គត់ផ្គង់ក្នុងស្រុកក៏បានកើនឡើងផងដែរ។ តំបន់សំ ខាន់មួយចំនួនផ្សេងទៀតដូចជា៖ ខេត្តសៀមរាប និងព្រះសីហនុផងដែរក៏ត្រូវបានគេមើលឃើញថាការវិនិយោគក្នុងទីផ្សារលំនៅដ្ឋានក៏មានការកើនឡើងផងដែរនេះបើធៀបជាមួយទីក្រុងភ្នំពេញ។​ក៏ប៉ុន្តែតម្លៃសម្រាប់អ្នកទិញអចលនទ្រព្យចុងក្រោយមិនមានការធ្លាក់ចុះនៅក្នុងទីផ្សារនោះទេពីព្រោះតម្លៃទាំងនេះគឺជាតម្លៃនៃការផ្គត់ផ្គង់ថ្មី។ច្រើនជាង៥០%នៃអ្នកដែលបានបំពេញការស្ទង់មតិបាននិយាយថាពួកគេមើលឃើញជាទូទៅមានការកើនឡើងចំពោះតម្លៃអចលនទ្រព្យក្នុងរយៈ១២ខែកន្លងទៅដែលមានអត្រា៥៨.៦%។ ជាងនេះទៅទៀតអត្រា៥៤.៦%បានឆ្លើយថាពួករំពឹងថាតម្លៃអចលនទ្រព្យបន្តកើនឡើងក្នុងរយៈពេល១២ខែខាងមុខទៀត។អ្វីដែលគួរឱ្យកត់សម្គាល់គឺថាបើទោះបីជាទស្សនៈថាមានការកើនឡើងចំពោះតម្លៃអចលនទ្រព្យក្ដីផ្ទុយពីនេះស្ទើរតែ៨០%នៃអ្នកដែលបានធ្វើការស្ទង់មតិជឿជាក់ថាបច្ចុប្បន្នគឺជាពេលដ៏ល្អមួយក្នុងការទិញអចលនទ្រព្យក្នុងប្រទេសកម្ពុជា។លើសពីពាក់កណ្តាលបានបញ្ចេញមតិថាពួកគេបានមើលឃើញថាអចលនទ្រព្យមានការកើន ឡើងកាលពី១ឆ្នាំមុនមានអត្រា៥៨.៦%។ ហើយចំណែកឯអត្រា៥៤.៦%នៃចំឡើយដែលបានទទួលគឺរំពឹងថា តម្លៃអចលនទ្រព្យនឹងមានការកើនឡើងនៅក្នុងរយៈពេល១២ខែខាងមុខ ទៀត។អ្វីដែលគួរឱ្យកត់សម្គាល់គឺថាបើទោះបីជាទស្សនៈថាមានការកើនចំពោះតម្លៃអចលនទ្រព្យក្ដីផ្ទុយពីនេះស្ទើតែ៨០%នៃអ្នកដែលបានធ្វើការស្ទង់មតិនេះជឿជាក់ថាបច្ចប្បន្នគឺជាពេលដ៏ល្អមួយក្នុងការទិញអចលនទ្រព្យក្នុងប្រទេសកម្ពុជា។ហើយស្ទើរតែពាក់កណ្តាលនៃចម្លើយមានអត្រា៤៥.៤%បានឆ្លើយថាពួកគេមានអចលនទ្រព្យកាន់កាប់ខ្លួនឯង។ ដូចនេះអត្រាចំនួន៣០%នៃចម្លើយទាំងអស់កំពុងតែជួលអចលនទ្រព្យសម្រាប់រស់នៅ ហើយកំពុងតែពិចារណាទិញអចលនទ្រព្យឆាប់ៗខាងមុខ។ ជាក់ស្ដែងអ្វីដែលគួរឱ្យចាប់អារម្មណ៍អត្រាចំនួន៧០%នៃចម្លើយទាំងអស់បានបង្ហាញថាមានទំនុកចិត្តខ្ពស់ក្នុងទីផ្សារអចលនទ្រព្យក្នុងស្រុកដោយពួកគេបញ្ជាក់ថាពួកគេកំពុងតែពិចារណាទិញអចលនទ្រព្យក្នុងរយៈពេល១២ខែខាងមុខ។ក្នុងទស្សនៈនៃតម្លៃលើអចលនទ្រព្យនេះហាក់បីដូចជាពឹងផ្អែកទៅលើភាពខុសគ្នានៃប្រាក់ ចំណូលរបស់ប្រជាជនកម្ពុជា និងជនបរទេស។ យោងតាមការស្ទង់មតិចំលើយរបស់ប្រជាជនកម្ពុជាស្ទើរតែ៥០%មានប្រាក់ចំណូលទាបជាង៥០០ដុល្លារក្នុងមួយខែ។ ហើយអត្រាប្រហែល ៣០% នៃប្រជាជនខ្មែរមានប្រាក់ចំនូលចន្លោះពី៥០០ ទៅ១០០០ ដុល្លារក្នុងមួយខែ។តបតាមការប្រៀបធៀបសម្រាប់ជនបរទេសដែលមានតែអត្រាចំនួន១៥%ប៉ុណ្ណោះអាចទទួលបានប្រាក់ចំណូលច្រើនជាង៥០០ ដុល្លារក្នុងមួយខែ។ អត្រាចំនួន៣០%អាចរកប្រាក់ចំណូលបាន៥០០ដុល្លារទៅ២០០០ដុល្លារក្នុងមួយខែ ហើយអត្រាចំនួន ១៥%អាចប្រាក់ចំណូលបាន ច្រើនជាង ១០,០០០ដុល្លារក្នុងមួយខែជាមួយប្រាក់ចំណូលសរុប។សរុបសេចក្ដីមកអចលនទ្រព្យក្នុងប្រទេសកម្ពុជាជាទូទៅមានតម្លៃសមរម្យសម្រាប់អ្នករស់នៅ ដែលជាជនបរទេសនិងវិនិយោគិន។ ខណៈដែលវាមិនមានតម្លៃសមរម្យជាមធ្យមនោះទេសម្រាប់ប្រជាជនខ្មែរ។អំណាចនៃការទិញ៖ទាក់ទងទៅនឹងអំណាចនៃការទិញ ចម្លើយច្រើនជាងពាក់កណ្តាលមានអត្រាចំនួ៦៧% ដែលមានប្រាក់តិចជាង៧០,០០០ដុល្លារដើម្បីទិញអចលនទ្រព្យហើយ១៣%នៃចម្លើយទាំងនោះមានប្រាក់ចន្លោះពី៧៥,០០០ទៅ១០០,០០០ដុល្លារ ហើយ១៣%ផ្សេងទៀតអាចទិញអចលនទ្រព្យចន្លោះពី១០០,០០០ទៅ២០០,០០០០ដុល្លារ។ ហើយ៣%អាចទិញអចលនទ្រព្យចន្លោះពី២០០,០០០ទៅ ៣០០,០០០ដុល្លារ ហើយ៣%ទៀតមានលទ្ធភាពអាចវិនិយោគច្រើនជាង ៣០០,០០០ ដុល្លារ។បើយោងតាមលទ្ធផល៣៥%នៃចម្លើយមានភាពងាយស្រួលគ្រប់គ្រាន់សម្រាប់ការបង់ប្រាក់ ចំនួន១០%នៃតម្លៃអចលនទ្រព្យ។ សម្រាប់អចលនទ្រព្យណាដែលត្រូវទិញក៏ប៉ុន្តែស្ទើរតែ៣០%នៃអ្នកទិញមិនត្រូវការប្រាក់កក់នោះទេ ហើយ១៧%អាចទិញដោយមានប្រាក់កក់២០%នៃតម្លៃអចលនទ្រព្យទាំងមូល ហើយ១២%អាចបង់បាន៣០%សម្រាប់ប្រាក់តំកល់។ក៏ប៉ុន្តែជាទូទៅតួលេខទាំងនេះមានភាពខុសគ្នាទាក់ទងទៅនឹងចម្លើយជាភាសាអង់គ្លេសផ្ទុយនឹងចម្លើយជាភាសាខ្មែរ។ ៣៦% នៃចម្លើយជាភាសាខ្មែររំពឹងថាការទិញអចលនទ្រព្យមិនមានប្រាក់កក់នោះទេ។ ចំណែកឯអត្រាចំនួន៣៦%អាចទិញអចលនទ្រព្យដែលមានប្រាក់កក់ត្រឹមតែ១០%នៃតម្លៃអចលនទ្រព្យ។ អត្រា១៤.៤%ទិញអចលទ្រព្យដែលមានប្រាក់កក់២០%នៃតម្លៃអចលនទ្រព្យ ហើយត្រឹម៩.៥%ប៉ុណ្ណោះដែលអាចដាក់ប្រាក់កក់រហូតដល់៣០%។ក្នុងការប្រៀបធៀបនៃចម្លើជាភាសាអង់គ្លេស (ជាធម្មតាមានទាំងជនបរទេស និងវិនិយោគិន) អាចបង់ប្រាក់មុន៣០% បូកនឹងប្រាក់កក់។ស្ថិតិទាំងនេះអាចនិយាយបានថាផលិផលអភិវឌ្ឍន៍គម្រោងថ្មីៗជាច្រើននៅលើទីផ្សារតម្រូវឱ្យមានបង់ប្រាក់មុនចំនួន២០% នៃតម្លៃយូនីតសរុបជាពិសេសសម្រាប់ទីផ្សារខុនដូថ្មីៗដែលស្ថិតនៅក្រៅអំណាចនៃការទិញក្នុងស្រុក។តម្រូវការកម្ចីទិញផ្ទះ៖លទ្ធផលជាវិជ្ជាមានត្រូវបានបង្ហាញសម្រាប់ធនាគារក្នុងប្រទេសកម្ពុជាដែល៦៩%នៃការស្ទង់មតិទាំងនោះបាននិយាយថាពួក គេត្រូវការប្រាក់កម្ចីទិញផ្ទះដើម្បីទិញអចលនទ្រព្យ។នៅពេលដែលសួរថាតើធនាគារមួយណាដែលពួកគេចង់ទទួលបានប្រាក់កម្ចីលទ្ធផលបានបង្ហាញថាធនាគារអេស៊ីលីដាមានអត្រាចំនួន២២% ធនាគារABAទទួលបាន១៨% ធនាគារANZ១៥% ធនាគារកាណាឌីយ៉ាទទួលបាន១៣% ធនាគារ Maybank ១១.៥% ធនាគារCIMB ១១.២% ហើយធនាគារ Hong Leong ទទួលបាន៩%។ចំលើយផ្សេងៗនៃលទ្ធផលទាក់ទងទៅនឹងចំណង់ចំណូលចិត្តរបស់អតិថិជនគឺហាក់បីដូចជាបានពន្យល់ថាកត្តាដែលសំខាន់ចំពោះធនាគារទាំងនោះសម្រាប់ប្រាក់កម្ចីគឺដោយសារតែអត្រាកាប្រាក់ដែលផ្ដល់ឱ្យអតិថិជន។ បន្ទាប់ពីនេះអ្នកដែលប្រើប្រាស់កម្ចីទិញផ្ទះត្រូវដឹងពីកត្តា មួយចំនួនផងដែរដូចជា “ចំនេះដឹងទីផ្សារបច្ចុប្បន្ន” “ពេលវេលាឆ្លើយតប” និងជាចុងក្រោយ “សេវាធនាគារ”អាចជះឥទ្ធិពលដល់ការសម្រេចចិត្តដល់អ្នកខ្ចីសំខាន់ផងដែរ។លទ្ធផលទាំងនេះបង្ហាញថាតម្រូវការកម្ចីទិញផ្ទះត្រូវបានរំពឹងថានឹងកើនឡើង និងបង្ហាញថានៅតែមានចន្លោះដើម្បីធ្វើឱ្យប្រសើឡើងសម្រាប់ធនាគារទាក់ទងទៅនឹងអត្រាការប្រាក់ និងការគាំទ្រពីអតិថិជន។ ជាងនេះទៅទៀងគម្រោងទាំងនោះត្រូវបានគាំទ្រដោយលក្ខណហិរញវត្ថុដែលសមស្របមួយមិនថាទាំងដៃគូធនាគារក្នុងស្រុក ឬដៃគូធនាគារខាងក្រៅស្រុកនោះទេគឺនៅតែមានប្រយោជន៍នៅក្នុងទីផ្សារដូចគ្នា។តើអចលនទ្រព្យកម្ពុជាមានការធានាដែរឬទេ?ត្រឹមតែ២៦.៦%តែប៉ុណ្ណោះដែលប្រើប្រាស់ធានារ៉ាប់រងលំនៅដ្ឋានដោយជាក់ស្តែងមានអត្រាចំនួន៥៩.៥%នៃអ្នកដែលធ្វើការស្ទង់មតិទាំងនោះនៅតែគិតថានេះគឺជាពេលដ៏ល្អមួយសម្រាប់ទិញផ្ទះជាជាងយកប្រាក់ទៅទិញធានារ៉ាប់រង។ ទោះជាយ៉ាងណាក៏ដោយទីផ្សារធានារ៉ាប់រងសង្ឃឹមថានឹងធ្វើដំណើរកាន់តែប្រសើរនៅឆ្នាំខាងមុខៗ។ចំណង់ចំណូលចិត្តវិនិយោគ៖នៅពេលដែលសួរអំពីគោលបំណងនៃការទិញអចលនទ្រព្យក្នុងប្រទេសកម្ពុជាមានមតិចំនួនពីរដែលក្នុងនោះមានអត្រាចំនួន ៥៣.៣% ចង់ទិញអចលនទ្រព្យសម្រាប់រស់នៅខណៈដែល៤៦.៧%គឺចង់ទិញសម្រាប់វិនិយោគ។អ្នកដែលចង់វិនិយោគភាគច្រើនវិនិយោគលើដីមាន២៤%នៃចម្លើយ២៣%នៃចម្លើយមានបំណងវិនិយោគជាខុនដូ២២%ចង់ធ្វើជាផ្ទះអាជីវកម្ម និង១៨%ចង់សង់ធ្វើជាវីឡា។នៅពេលដែលសួរថាតើពួកគេចង់ទិញផ្ទះជា​ឯកជន ផ្ទះនៅក្នុងគម្រោងអភិវឌ្ឍន៍បុរី គម្រោងអភិវឌ្ឍន៍ខុនដូថ្មី ឬដីក្នុងគម្រោងដីឡូតិ៍ ចំលើយដែលទទួលបាន ផ្ទះជាឯកជនមានអត្រាចំនួន៣៥% ផ្ទះក្នុងគម្រោងបុរី២៦% គម្រោងខុនដូ២២% ហើយនិងដីឡូតិ៍១៦%។មិនមានការភ្ញាក់ផ្អើលអ្វីឡើយទីក្រុងភ្នំពេញគឺជាជម្រើសទីមួយដែលពួកចង់រស់នៅដែលមានអត្រាចំនួន៦៥% ​បន្ទាប់មកទីក្រុងដែលអភិវឌ្ឍន៍ដ៏ឆាប់រហ័សគឺក្រុងព្រះសីហនុមាន១៥% និងតំបន់ទេសចរណ៍ដ៏ពេញនិយមលើពិភពលោកគឺខេត្តសៀមរាបមាន១០%។ដោយការសង្កេតមើលបន្តៗទៀតក្នុងទីក្រុងភ្នំពេញ៖ មានខណ្ឌទួលគោគ ខណ្ឌចំការមន និងខណ្ឌជ្រោយចង្វារគឺជាទីតាំងដ៏ពេញនិយមដែលពួកគេចង់ទិញ ហើយបន្ទាប់មកទៀតមាន ខណ្ឌឬស្សីកែវ និងខណ្ឌព្រែកព្នៅដែលជាជម្រើសរបស់ពួកគេ។កត្តាដែលសំខាន់ដែលជះឥទ្ធិពលដល់ជម្រើសអចលនទ្រព្យគឺទីតាំងដែលមានអត្រាចំនួន៥០%។  កត្តាផលចំណេញត្រឡប់នៃការវិនិយោគមានចំនួន២០% តម្លៃមានអត្រា១៦% និងហេដ្ឋារចនាព័ទ្ធជុំវិញចំនួន១០%។តើអ្នកទិញអាចស្វែងរកអចលនទ្រព្យក្នុងប្រទេសកម្ពុជាដោយរបៀបណា?ចម្លើយភាគច្រើន៧១%ពួកគេស្វែងរកអចលនទ្រព្យតាមអនឡាញ។ នេះមិនមែនជាកាភ្ញាក់ផ្អើលនោះទេបើយោងទៅតាមបណ្ដាញសង្គម wearesocial.com ភាពងាយស្រួលរបស់អ៊ីនធឺណិតបន្តកើនឡើងក្នុងប្រទេសកម្ពុជា និងបច្ចប្បន្នត្រូវបានប្រើប្រាស់ជាមធ្យោបាយទំនាក់ ទំនងជាជម្រើសទី៣របស់ប្រជាជនហើយកើនឡើងដល់៣២%ចាប់តាំងពីខែមិនាឆ្នាំ២០១៥។ ដូចនេះអ៊ីនធឺណិតគឺកំពុងតែត្រូវបានព័ទ្ធជុំវិញដោយភ្នាក់ងារអចលនទ្រព្យអ្នកអភិវឌ្ឍន៍ និងអ្នកជួល និងអ្នកទិញចុងក្រោយ។ទោះបីជាយ៉ាងណាក្ដីនៅតែមានការស្រាវជ្រាវអចលនទ្រព្យចម្រុះទាំងអនឡាញ និងដោយផ្ទាល់តាមវិធីផ្សេងៗនៅក្នុងប្រទេសកម្ពុជាចម្លើយ១៧%ចូលចិត្តចូលមើលតាមភ្នាក់ងារអចលនទ្រព្យដោយផ្ទាល់ និង១២%ផ្អែកលើការផ្សព្វផ្សាយតាមកាសែត និងទស្សនាវដ្ដី។ភ្នាក់ងារអចលនទ្រព្យដើរតួយ៉ាងសំខាន់៖បើយោងតាមលទ្ធផលភ្នាក់ងារអចលនទ្រព្យនៅតែដើរតួយ៉ាងសំខាន់ក្នុងការស្វែងរកលំនៅដ្ឋាន។ ទោះជាយ៉ាងនេះក្ដីចំលើយនៅតែបង្ហាញការខ្វាយខ្វល់មួយចំនួនជាមួយភ្នាក់ងារ អចលនទ្រព្យ។បើទោះបីជាកម្រៃជើងសារមានច្រើនបន្តិចមែនក្នុងការជ្រើសរើសភ្នាក់អារអចលនទ្រព្យ ក៏ប៉ុន្តែភាពស្មោះត្រង់និងវិជ្ជាជីវៈគឺជាលក្ខណៈដ៏សំខាន់ដែលអតិថិជនកំពុងតែស្វែងរកនៅ ពេលដែលជ្រើសរើសតំណាងលក់អចលនទ្រព្យរបស់ពួកគេ។លើសពីនេះទៅទៀតអតិថិជនជាទូទៅហាក់បីដូចជាខ្វាយខ្វល់លើភាពចាស់ទំរបស់ទីផ្សារអចលនទ្រព្យក្នុងប្រទេសកម្ពុជា៖ អត្រាចំនួន៤៥%នៃចំលើយទាំងអស់ចង់ឱ្យមានស្តង់ដារតម្លៃមួយច្បាស់លាស់។ ចំនួន ៣៨% ចង់ឱ្យមានអាជ្ញាប័ណ្ណភ្នាក់ងារអចលនទ្រព្យត្រឹមត្រូវ ហើយ១៨%ទៀតចង់ឱ្យច្បាប់មួយច្បាស់លាស់សម្រាប់លើការកំណត់កម្រៃជើងសារចំពោះភ្នាក់ងារអចលនទ្រព្យ។សរុបសេចក្ដី៖យើងសូមថ្លែងអំណរគុណយ៉ាងជ្រាវជ្រៅបំផុតសម្រាប់អ្នកដែលបានចំណាយពេលបំពេញការស្ទង់មតិរបស់ Realestate.com.kh ក្នុងឆ្នាំ២០១៦។ ការចំណាយពេល៥ នាទីដើម្បីស្ទង់មតិទីផ្សារអចលនទ្រព្យនៅក្នុងប្រទេសកម្ពុជាពិតជាមានតម្លៃ ហើយបង្កើតនូវទិន្នន័យដ៏មានសក្ដានុពលដើម្បីធ្វើឲ្យវិស័យអចលនទ្រព្យក្នុងប្រទេសកម្ពុជាកាន់តែរីកចម្រើន។ ហើយលោកអាចស្វែងរកអចលនទ្រព្យគ្រប់ប្រភេទបានតាមរយៈ Realestate.com.kh ដែលជាប្រភពព័ត៌មានអចលនទ្រព្យតាមអនឡាញដ៏ឈានមុខគេក្នុងប្រទេសកម្ពុជា៕Download the Full Reportតាមដានរបាយការណ៍ផ្សេងៗទាក់ទងនឹងវិស័យអចលនទ្រព្យតាមរយៈ   Realestate.com.kh

ខេត្តព្រះសីហនុ ឬជាទូទៅគេស្គាល់ថាជាក្រុងព្រះសីហនុជាខេត្តដែលមានទីតាំងស្ថិតនៅភាគនិរតី នៃប្រទេសកម្ពុជា។ ខេត្តនេះមានចម្ងាយ២៣០គីឡូម៉ែត្រពីរាជធានីភ្នំពេញគ្របដណ្តប់ដោយផ្ទៃដីសរុបចំនួន២,៥៣៦.៦៨គីឡូម៉ែត្រការ៉េ ដែលពីរភាគបីនៃផ្ទៃដីសរុបគ្រប់ដណ្តប់ដោយភ្នំនិងខ្ពង់រាប។ បច្ចុប្បន្ននេះខេត្តព្រះសីហនុបានក្លាយជាផ្នែកមួយយ៉ាងសំខាន់នៃកំណើនសេដ្ឋកិច្ចរបស់ប្រទេស។ ស្ថេរភាពនៃកំណើនសេដ្ឋកិច្ចរបស់កម្ពុជាបានកំពុងទាក់ទាញការវិនិយោគបរទេសឲ្យចូលមកវិនិយោគក្នុងខេត្តនេះ ហើយកត្តាទាំងនេះបានកំពុងជះឥទ្ធិពលដល់ទីផ្សារដីនៅក្នុងតំបន់យ៉ាងខ្លាំង។ ចំពោះហេតុផលទាំងនេះមុនពេលអ្នកទិញដីនៅក្នុងក្រុងព្រះសីហនុ​ ការសំខាន់ត្រូវមានការយល់ដឹងអំពីទីផ្សារក្នុងស្រុកជាមុនដើម្បីធ្វើឱ្យប្រាកដថាអ្នកនឹងទទួលបានការវិនិយោគ​មួយដែលនឹងទទួលផលចំណេញត្រលប់មកវិញ។តើដីនៅក្នុងខេត្តព្រះសីហនុមានលក្ខណៈដូចម្តេច?លោក ដែន សាកល ជានាយកប្រតិបត្តិនៃក្រុមហ៊ុន Universal Real Estate​ នៅក្នុងខេត្តព្រះសីហនុបានលើកឡើងថាដីនៅក្រុងព្រះសីហនុបានចែកចេញជា៣តំបន់ធំៗរួមមាន  ដីកសិកម្ម ដីទីប្រជុំជន និងដីតំបន់ឆ្នេរសមុទ្រ។ដីកសិកម្មសំដៅទៅលើដីក្នុងតំបន់ដែលអ្នកស្រុកកំពុងរស់នៅ និងធ្វើកសិកម្មនៅលើដីរបស់ខ្លួន។ ប្រភេទដីនេះមានទីតាំងស្ថិតនៅឆ្ងាយពីតំបន់ទីប្រជុំជននិងតំបន់ឆ្នេរ។ តម្លៃរ​បស់ដីតំបន់នេះគឺទាបជាងតំបន់ពីរផ្សេងទៀត ទន្ទឹមនឹងនេះដែរដីទីប្រជុំជនមានមនុស្សរស់នៅច្រើន និងស្ថិតនៅជិតតំបនឆ្នេរ ហើយជាទូទៅមានលក្ខណៈអំណោយផលសម្រាប់អាជីវកម្មដោយសារតែតំបន់នេះមានសកម្មភាពពាណិជ្ជកម្មរីកលូតលាស់ច្រើន។ លក្ខណៈនេះធ្វើឱ្យតម្លៃដីខ្ពស់ជាងតម្លៃដីនៅក្នុងតំបន់កសិកម្ម។ ទោះជាយ៉ាងណាការទិញដីនៅតំបន់ប្រជុំជននេះគឺនៅតែមានតម្លៃទាបជាងតំបន់ឆ្នេរ ដែលតំបន់ឆ្នេរជាកន្លែងដែលមានសក្តានុពលសំខាន់សម្រាប់វិស័យទេសចរណ៍ លំនៅដ្ឋាន សណ្ឋាគារ ភោជនីយដ្ឋាន និងសកម្មភាពកម្សាន្តផ្សេងទៀត។លោក សាកល បានលើកឡើងថាពាក់ព័ន្ធទៅនឹងតម្លៃដី​គឺមានភាពខុសប្លែកគ្នាសម្រាប់ដីកសិកម្មគឺមានតម្លៃចាប់ពី៥ទៅ ២៥ដុល្លារក្នុងមួយម៉ែត្រការ៉េ។ ដីទីប្រជុំជនមានតម្លៃជាមធ្យមពី៤០០ទៅ៧០០ដុល្លារក្នុងមួយម៉ែត្រការ៉េចំណែកឯដីតំបន់ឆ្នេរសមុទ្រដែលជាកន្លែងដែលមានសក្តានុពលខ្លាំងគឺមានតម្លៃចាប់ពី៧០០ទៅ១,២០០ដុល្លារក្នុងមួយម៉ែត្រការ៉េ។តើ​នៅក្នុងខេត្តព្រះសីហនុប្រើប្រាស់ប័ណ្ណកម្មសិទ្ធិដីធ្លីប្រភេទអ្វីខ្លះ?លោក សាកលបានឱ្យដឹងថាសម្រាប់ប្លង់កម្មសិទ្ធិកាន់កាប់លើដីធ្លីវិញគឺមានទាំងប្លង់រឹង និងប្លង់ទន់ដែលត្រូវបានប្រើប្រាស់នៅទូទាំងខេត្តទាំងមូលប៉ុន្តែប្លង់ទន់មិនមានសុវត្ថិភាពដូចប្លង់រឹងនោះទេ។ តំបន់មួយចំនួនត្រូវបានការិយាល័យសុរិយោដីចេញប្លង់រឹងឲ្យប្រើប្រាស់ប៉ុន្តែតំបន់ខ្លះមិនទាន់ មានប្លង់រឹងនៅឡើយ ទោះជាយ៉ាងណាដីដែលមានប្លង់ទន់ក៏អាចបំលែងទៅជាប្លង់រឹងវិញបានដែរ។ប្លង់ទន់ជាទូទៅនៅតែត្រូវបានគេប្រើប្រាស់ដោយគ្មានបញ្ហាអ្វីឡើយ ទោះយ៉ាងណាមុនពេលអ្នកទិញទ្រព្យសកម្ម ឬដីណាមួយជាការល្អអ្នកត្រូវសួររកប្លង់រឹង។ ប្រសិនបើមិនមានប្លង់រឹងទេនោះអ្នកត្រូវពិនិត្យមើលជាមួយអ្នកភូមិផ្សេងទៀតនៅក្នុងតំបន់នេះ ដើម្បីធ្វើឱ្យប្រាកដថាអ្នកបានទិញដីដែលមានសុវត្ថិភាព។តើតំបន់ណាដែលអ្នកគួរតែទិញដីនៅក្នុងខេត្តព្រះសីហនុ?លោក សាកល និយាយថា ខេត្តព្រះសីហនុមានស្រុកចំនួន៤ ហើយទីរួមខេត្តមានសង្កាត់ចំនួន៤ដែលមានដូចជាសង្កាត់ ១,២,៣ និង៤។​ សង្កាត់៤គឺនៅឆ្ងាយពីសង្កាត់ចំនួនបីផ្សេងទៀត ប្រសិនបើអ្នកមានចង់ទិញដីវិនិយោគនៅក្នុងសង្កាត់១ អ្នកអាចនឹងចំណាយពេលយូរដើម្បីទទួល បានផលចំណេញត្រឡប់ពីការវិនិយោគរបស់អ្នក។ ចំណែកសង្កាត់ផ្សេងទៀតគឺមានភាពមមាញឹក ពាក់ព័ន្ធនឹងអាជីវកម្ម សកម្មភាពពាណិជ្ជកម្ម និងទេសចរណ៍។ នៅក្នុងសង្កាត់២​, ៣, និង៤ គឺមានភាពងាយស្រួលសម្រាប់ទាំងការរស់នៅ និងលក់ចេញវិញជាពិសេសដីនៅសង្កាត់៤។ ដោយសារតំបន់នេះជាទីតាំងដ៏មានសក្តានុពលសម្រាប់វិស័យទេសចរណ៍។ នៅក្នុងសង្កាត់៤មានឆ្នេរអូរឈើ ទាល ឆ្នេរអូរត្រេះ ឆ្នេរសុខា និងផ្សារលើ។ហេតុអ្វីបានជាអ្នកគួរតែទិញដីនៅក្នុងខេត្តព្រះសីហនុ?ខេត្តព្រះសីហនុគឺមានសក្តានុពលបំផុតសម្រាប់ការវិនិយោគពាក់ព័ន្ធទៅនឹងវិស័យលំនៅដ្ឋាន ឧស្សាហកម្ម អាជីវកម្ម និងទេសចរណ៍។ ដូច្នេះមិនថាអ្នកទិញអចលនទ្រព្យនៅទីនេះសម្រាប់ការរស់នៅ ឬសម្រាប់លក់បន្តនាពេលអនាគតនោះទេ តំបន់នេះគឺពិតជាអាចផ្តល់ផលចំណេញបាន។លើសពីនេះទៀតក្រុងព្រះសីហនុត្រូវបានមើលឃើញថាមានការកើនឡើងនៃការអភិវឌ្ឍលំនៅដ្ឋានថ្មីៗ ជាច្រើនដូចជាគម្រោង៖ D’seaview​ គម្រោង Blue Bay គម្រោង Sunshine Bay គម្រោង Royal Bayview  និងគម្រោង Blue Sky Tower។  ក្រៅពីវិស័យលំនៅដ្ឋាននេះក៏មានការអភិវឌ្ឍន៍ផ្សេងទៀតជាច្រើននៅទីនេះដូចជា៖ គម្រោងពង្រីកកំពង់ផែ គម្រោងក្នុងតំបន់សេដ្ឋកិច្ចពិសេសក្រុងព្រះសីហនុ (SSEZ) គម្រោងព្រលានយន្តហោះ និងវិស័យទេសចរណ៍។ ហើយវាត្រូវបានរំពឹងថាដើម្បីទទួលបាន កាន់តែច្រើនការអភិវឌ្ឍថ្មីមួយឆ្នាំទៅមួយឆ្នាំ។ ហើយគេក៏នៅតែរំពឹងថានឹងមានគម្រោងអភិវឌ្ឍន៍ថ្មីៗជាច្រើនទៀតនឹងបោះទុនវិនិយោគនៅក្នុងខេត្តនេះនៅក្នុងឆ្នាំបន្តបន្ទាប់។លើសពីនេះទៀត សព្វថ្ងៃនេះការធ្វើដំណើរចេញចូលក្នុងខេត្តព្រះសីហនុគឺកាន់តែងាយស្រួលជាមួយនឹងជម្រើសខុសគ្នា ថាតើអ្នកចង់ធ្វើដំណើរតាមផ្លូវជាតិលេខ៤ ឬផ្លូវរថភ្លើងដែលអាចដំណើរដោយផ្ទាល់ទៅកាន់រាជធានីភ្នំពេញ។ កត្តាទាំងអស់នេះបានផ្តល់នូវឱកាសសម្រាប់ការវិនិយោគលើវិស័យដីធ្លីនៅក្នុងខេត្តព្រះសីហនុ។តើជនបរទេសអាចទិញដីនៅក្នុងខេត្តព្រះសីហនុបានដែរឬទេ?បើយោងទៅតាមច្បាប់ភូមិបាលកម្ពុជាជនបរទេសមិនត្រូវបានអនុញ្ញាតកានកាប់ដី និងអចលនទ្រព្យជាមួយដីក្នុងប្រទេស កម្ពុជាបានឡើយលើកលែងតែតាមរយៈប្លង់កម្មសិទ្ធិរួម។  ទោះជាយ៉ាងណាប្លង់ប្រភេទនេះត្រូវបានអនុវត្តន៍សម្រាប់តែអគារសហកម្មសិទ្ធិ ហើយជនបរទេសអាចកាន់កាប់បានតែយូនីតនៅខាងលើជាន់ផ្ទាល់ដីប៉ុណ្ណោះ។ទោះយ៉ាងណាមានករណីលើកលែងមួយចំនួន ដែលជនបរទេសអាចប្រើប្រាស់ ដើម្បីធ្វើជាម្ចាស់ ដីនៅក្នុងប្រទេសកម្ពុជាបាន ដូចជាតាមរយៈការរៀបការជាមួយជនជាតិខ្មែរ ការជួលរយៈពេលវែង ការប្រើប្រាស់ភាគីតំណាងបណ្តាក់ទុនរួមគ្នាជាមួយក្រុមហ៊ុនក្នុងស្រុក ឬការសម្បទាន។ប្រសិនបើអ្នកចង់សិក្សាបន្ថែមទៀតអំពីករណីទាំងនេះសូមមើល ការណែនាំអំពីវិនិ យោគសម្រាប់ជនបរទេស!ច្បាប់ និងនិតិវិធីផ្សេងៗដែលត្រូវដឹងមុនពេលអ្នកទិញដីនៅក្នុងខេត្តព្រះសីហនុមិនថាអ្នកប្រើប្រាស់វិធីសាស្ត្រមួយសម្រាប់រកដីខេត្តព្រះសីហនុនោះឡើយ តែត្រូវប្រាកដថាអ្នកនឹងរកបានដីដែលគ្មានជម្លោះ និងមានការជួលឬទិញ​ដែលអ្នកមិនបានដឹង។​ ប៉ុន្តែវាអាចជាភាពស្មុគស្មាញមួយក្នុងការពិនិត្យមើលយ៉ាងលម្អិតរាល់ចំណុចទាំងនេះ ប្រសិនបើអ្នកគឺជាអ្នកចំណូលថ្មី​ ឬមានបទពិសោធន៍ថ្មីក្នុងវិស័យអចលនទ្រព្យនៅកម្ពុជា។ ជាអនុសាសន៍មួយអ្នកគួររកជំនួយពីភ្នាក់ងារក្នុងស្រុក ដើម្បីជួយអ្នកឱ្យរកអចលនទ្រព្យដ៏ល្អបំផុតមួយ។ ពាក់ព័ន្ធទៅនឹងផ្នែកច្បាប់វិញភ្នាក់ងារអចលនទ្រព្យមានចំណេះដឹងយ៉ាងច្រើនអំពីតំបន់នោះ និងអាចដោះស្រាយរឿងទាំងនោះសម្រាប់អ្នកដូចនេះអ្នកក៏មិនចាំបាច់ឈឺក្បាលជាមួយបញ្ហាទាំងនោះទៀតដែរ៕ ស្វែងរកដីសម្រាប់លក់នៅក្នុងខេត្តព្រះសីហនុតាមរយៈ Realestate.com.kh!

ចាប់តាំងពីត្រីមាសទីមួយឆ្នាំ២០១៧វេទិកាស្តីអំពីអចលនទ្រព្យ និងសំណង់បាននាំយកអ្នកជំ​នាញវិស័យអចលនទ្រព្យ និងអ្នកពាក់ព័ន្ធក្នុងវិស័យនេះមកពីគ្រប់ទិសទីក្នុងប្រទេសកម្ពុជា និងពិភពលោកឲ្យសម្រេចបាននូវគោលបំណងរបស់ពួកគេ។ ដើម្បីពង្រឹងចំណេះដឹងពួកគេនៅក្នុងវិស័យនេះ លោក Tom O’Sullivan​ អគ្គនាយករបស់ក្រុម ហ៊ុន Realestate.com.kh​​ បាននិយាយអំពីចំណុចសំខាន់ៗមួយចំនួននៅក្នុងវិស័យអចនទ្រព្យកម្ពុជា។ ហើយក្នុងនោះសក្តានុពល និងកំណើនឆាប់រហ័សនៅក្នុងខេត្តព្រះសីហនុជាប្រធានបទមួយដែលត្រូវបានលើកឡើង។ការវិនិយោគនៅខេត្តព្រះសីហនុបានបង្ហាញពីកំណើនបន្តិចម្តងៗនៅក្នុងឆ្នាំ២០១៧។ ប៉ុន្តែតើអ្វីទៅជាលក្ខណៈពិសេសរបស់ខេត្តព្រះសីហនុ ហើយថាហេតុអ្វីគេចាប់ផ្តើមចាប់អារម្មណ៍ខ្លាំងលើតំបន់មួយនេះ? លោក Tom O’Sullivan​ បានលើកឡើងអំពីកត្តាសំខាន់ៗមួយចំនួនខេត្តមួយនេះ។ហេតុអ្វីវិនិយោគិនចាប់ផ្តើមវិនិយោគនៅខេត្តព្រះសីហនុ?លោក O’Sullivan​ បានលើកឡើងពីចំណុចទីមួយគឺជំហានដំបូងនៃការធ្វើផែនការមេ ហើយផែនការនេះបានបញ្ចប់រួចរាល់ហើយ។ លោកបាននិយាយថាផែនការមេនេះគឺដើម្បីការពារធនធានធម្មជាតិរបស់ខេត្តព្រះសីហនុ ហើយបើទោះបីជាវាអាចផ្តល់ផលលំបាកដល់អាជីវកម្ម យ៉ាងណាក្តី តែចុងក្រោយវានឹងផ្តល់ផលចំណេញយ៉ាងច្រើនដល់ខេត្តមួយនេះ។ គម្រោងអភិវឌ្ឍន៍ថ្មីលំដាប់អន្តរជាតិដូចជា គម្រោង D’Seaview គម្រោង Blue Bay គម្រោង Royal Bayview គម្រោង Sunshine Bay គម្រោង Novotel គម្រោង Marriott គម្រោង Grand Mercure គម្រោង Alila និងគម្រោង Six Senses​បានចាប់ផ្តើមដំណើរការអភិវឌ្ឍន៍នៅក្នុងខេត្តមួយនេះ។​គម្រោងកាស៊ីណូក៏បានកំពុងអភិវឌ្ឍន៍​នៅខេត្តព្រះសីហនុផងដែរ។ លោក O’Sullivan​ បាននិយាយថាការអភិវឌ្ឍន៍ទាំងនេះបានបង្កើននូវទំនុកចិត្តបន្ថែមទៀតដល់វិនិយោគិន និងអ្នកអភិវឌ្ឍន៍។លោកក៏បានបន្ថែមទៀតថា ហេដ្ឋារចនាសម្ព័ន្ធដូចជាផ្លូវជាតិ ផ្លូវថ្នល់ការពង្រីកកំពង់ផែ​នឹងផ្តល់ផលប្រយោជន៍បន្ថែមទៀតសម្រាប់អាជីវកម្មទាំងអស់ដោយសារវាមិនត្រឹមតែបានជួយដល់ការធ្វើដំណើរ​ប៉ុណ្ណោះទេ ប៉ុន្តែថែមទាំងបានភ្ជាប់តំបន់ផ្សេងៗទៀតនៅក្នុងខេត្តព្រះសីហនុទៅតំបន់ឆ្នេរ ឬតំបន់សេដ្ឋកិច្ចពិសេសនៅក្នុងខេត្តព្រះសីហនុ តំបន់សេដ្ឋកិច្ចនេះផ្តល់ការងារដល់មនុស្សរាប់ពាន់នាក់។​សូមស្វែងយល់បន្ថែមពីការវិនិយោគនៅខេត្តព្រះសីហនុនៅក្នុង location profile!តើការផ្លាស់ប្តូរទាំងនេះបានផ្តល់ផលចំណេញដល់អតិថិជនដែរឬទេ?ដើម្បីស្វែងយល់ពីស្ថានភាពពីជ្រុងមួយផ្សេងទៀតលោក O'Sullivan បាននិយាយថា Realestate.com.kh បានធ្វើការស្រាវជ្រាវរបស់ខ្លួនមួយដើម្បីស្វែងយល់ឲ្យកាន់តែច្បាស់លាស់ពី ទស្សនៈយល់ឃើញរបស់អតិថិជនចំពោះវិស័យអចលនទ្រព្យកម្ពុជា។មនុស្សប្រមាណ ៥,០០០​ នាក់ បានចូលរួមក្នុងការស្ទង់មតិមួយនេះ លោក O'Sullivan បាននិយាយថានេះគឺជាការបញ្ជាក់ពីចំណាប់អារម្មណ៍ចំពោះអចលនទ្រព្យក្នុងប្រទេសនេះ។ ការស្ទង់មតិក៏បានបង្ហាញដែរថាប្រហែល៧៣%នៃអ្នកចូលរួមស្ទង់មតិមានចំណាប់អារម្មណ៍ក្នុងការទិញនៅក្នុងរយៈពេលប្រាំមួយខែទៀត ហើយភាគច្រើនៃថវិកាដែលពួកគេគ្រោងនឹងប្រើប្រាស់គឺ ៥០,០០០ ដុល្លារ។ជាមួយនឹងមនុស្សជាងមួយលានអ្នកដែលបានចូលមើលគេហទំព័រ Realestate.com.kh រៀងរាល់ឆ្នាំការវិភាគបានបង្ហាញថា រាជធានីភ្នំពេញនៅតែជាតំបន់ដែលពេញនិយមបំផុតសម្រាប់អ្នកស្វែងរកអចលនទ្រព្យចំណែកទីតាំងទី២គឺខេត្តព្រះសីហនុ។លោក O'Sullivan បាននិយាយថាដោយផ្អែកលើទិន្នន័យនៃអ្នកចាប់អារម្មណ៍ទិញដែលលទទួលបានពីអតិថិជនមាន២៥% បានកើនឡើងនៅឆ្នាំ២០១៧ដែលក្នុងឆ្នាំកន្លងទៅមានតែ១០%។​ លោកបានថ្លែងថាភាគច្រើនបំផុតនៃអ្នកចាប់អារម្មណ៍ទិញអចលនទ្រព្យទាំងនោះគឺជាអតិថិជនដែលមានបំណងចង់ទិញនៅក្នុងខេត្តព្រះសីហនុជាពិសេសដីធ្លី។ ភាគច្រើនបំផុតគឺអ្នកវិនិយោគចិន។ លោក O'Sullivan បានដកស្រង់ទិន្នន័យពីគេហទំព័រ Juwai.com ដែលជាគេហទំព័រអចលនទ្រព្យអនឡាញដ៏ល្បីល្បាញរបស់ចិនដែលបានបង្ហាញថា៥៧%នៃអតិថិជនចិនគឺមានគម្រោងនឹងទិញអចលនទ្រព្យនៅក្នុងប្រទេសដែលពួកគេធ្វើដំណើរទៅ។តើខេត្តព្រះសីហនុនឹងវ៉ាដាច់រាជធានីភ្នំពេញដែរឬទេ?ដើម្បីដឹងថាល្បឿននៃការផ្លាស់ប្តូរទីផ្សារសន្សឹមៗ ឆ្ពោះទៅកាន់ខេត្តព្រះសីហនុ លោក O'Sullivan បានពន្យល់ថាបរិយាកាសនៃទីផ្សារអចលនទ្រព្យក្នុងរាជធានីភ្នំពេញនៅតែមានភាពរីកចម្រើនយ៉ាងខ្លាំងក្លា។ ជាការពិតការស្ទង់មតិបានបង្ហាញថាសន្ទស្សន៍នៃការអារម្មណ៍រ​បស់អតិថិជននៅ រាជធានីភ្នំពេញគឺនៅតែជា “ជម្រើសដំបូង”​ សម្រាប់អ្នកដែលចាប់អារម្មណ៍ក្នុងការទិញអចលនទ្រព្យដែលមានរហូតដល់ ៦៥ % ចំណែកឯខេត្តព្រះសីហនុគឺឈរលំដាប់ទី២ ដែលមាន១៥%។សរុបជារួមខេត្តព្រះសីហនុមានទីផ្សារអចលនទ្រព្យដែលគួរឱ្យទាក់ទាញមួយ មិនមែនដោយសារតែមានសុវត្ថិភាពជាងការវិនិយោគនៅក្នុងរាជធានីភ្នំពេញនោះទេ។ ខេត្តព្រះសីហនុជាទីផ្សារគួរឱ្យទាក់ទាញដោយសារតែវាបានកំពុងបន្តភាពរីកចម្រើនដោយលក្ខណៈពិសេសផ្ទាល់ខ្លួនដោយមានទាំងវិស័យទេសចរណ៍ និងឧស្សាហកម្មដែលបានកំណត់លក្ខណៈដាច់ពីគ្នាពីទីក្រុងភ្នំពេញ និងខេត្តសៀមរាប។តើអ្នកចង់ធ្វើការវិនិយោគនៅក្នុងខេត្តព្រះសីហនុមែនទេ? សូមមើលពីការអភិវឌ្ឍថ្មីៗ​ នៅក្នុងប្រទេសកម្ពុជាឥឡូវនេះ!