JianZhong YuTong Co.,Ltd JianZhong YuTong Co.,Ltd

ក្រុមហ៊ុនJianZhong YuTong Co.,Ltd ត្រូវបានបង្កើតឡើងក្នុងឆ្នាំ១៩៩៩ និងមានមូលដ្ឋាននៅហាងចូវ ខេត្តចឺជាំង។ ក្រុមហ៊ុនJianZhong YuTong Co.,Ltd ជាប់ឈ្មោះជាក្រមហ៊ុនលំដាប់ទីមួយថ្នាក់ជាតិរបស់ប្រទេសចិនសម្រាប់វិស័យសំណង់ និងការគ្រប់គ្រងអចលនទ្រព្យ។ ក្រុមហ៊ុនJianZhong YuTong Co.,Ltd គឺជាក្រុមហ៊ុន អចលនទ្រព្យ ដ៏លេចធ្លោមួយនៅក្នុងតំបន់ដីសណ្តទន្លេ Yangtze ក្នុងប្រទេសចិន។

ក្រុមហ៊ុន JianZhong YuTong Co.,Ltd ផ្តោតសំខាន់ទៅលើការអភិវឌ្ឍ គម្រោងធំៗនៅក្នុងទីក្រុង និងគម្រោងលំនៅដ្ឋានលំដាប់ខ្ពស់ ហើយក្រុមហ៊ុន ក្រុមហ៊ុនJianZhong YuTong Co.,Ltdក៏មាននូវអចលនទ្រព្យពាណិជ្ជកម្មដែលមានតម្លៃខខ្ពស់ជាច្រើន ដូចជា ផ្សារទំនើប អគារការិយាល័យ សណ្ឋាគារ អាផាតមិន​ ផ្សារលក់ទំនិញបោះដុំ ក៏ដូចជាគម្រោលំនៅដ្ឋានជាច្រើនទៀតដោយរាប់បញ្ចូលទាំងអាផាតមេនចាប់ពីកម្រិតមធ្យម

រហូតដល់កម្រិតខ្ពស់ និង​ផ្ទះវីឡា។

ក្នុងរយៈពេលប៉ុន្មានឆ្នាំចុងក្រោយនេះ ក្រុមហ៊ុនបានបង្កើត គម្រោងជាច្រើនដូចជា រមណីយដ្ឋានស៊ីឈួយ (Xiushui Resort) អគារឈៀនជាំងស៊ីធី (Qianjiang New City Tower)​ និងអគារស៊ីហ៊ូណានសាន។

តាមរយៈកិច្ចសហប្រតិបត្តិការជាយុទ្ធសាស្រ្តរបស់ខ្លួនជាមួយក្រុមហ៊ុនអភិវឌ្ឍន៍ដែលបានចុះបញ្ជីនៅក្នុងប្រទេសចិនដទៃទៀត ដូចជាក្រុមហ៊ុនហ្គ្រេនថោន ក្រុមហ៊ុនវ៉ានខេ និងក្រុមហ៊ុនស៊ីអូអេហ្វស៊ីអូ បានជួយផ្ដល់ភាពងាយស្រួល​ និង លទ្ធភាពគ្រប់គ្រាន់សម្រាប់ក្រុម ហ៊ុនក្នុងការពង្រីកប្រតិបត្តិការទៅកាន់ប្រទេសដទៃផ្សេងទៀត។

ក្នុងឆ្នាំ២០០៤ ក្រុមហ៊ុនបានចូលមកប្រទេសកម្ពុជាជាមួយបទពិសោធ និងក្រុមអ្នកជំនាញ ការងារបច្ចេកទេសដំបូងរបស់ចិន​ ដើម្បីជួយគាំទ្រដល់គម្រោងអភិវឌ្ឍទីក្រុងនៅក្នុង ប្រទេសកម្ពុជា។ ក្រុមការងារនេះបានចូលរួមកសាងផ្លូវជាតិ១​ លេខ៣ និងលេខ៧ ហើយក៏ធ្លាប់បានចូលរួមក្នុងការសាងសង់គម្រោងព្រលានយន្តហោះថ្មីផងដែរ។

នៅឆ្នាំ២០១៨ ក្រុមហ៊ុនJianZhong YuTong Co.,Ltdបានពង្រីកការវិនិយោគលើវិស័យ អចលនទ្រព្យនៅកម្ពុជា ដោយបានបោះទុនវិនិយោគចំនួន ១០០ លានដុល្លារអាមេរិក។

ក្រុមហ៊ុនJianZhong YuTong Co.,Ltd ជាក្រុមហុនដែលទទួលស្គាល់អំពី សារៈសំខាន់នៃការអភិវឌ្ឍប្រកបដោយចីរភាព។ ដូច្នេះរាល់គម្រោងរបស់ក្រុមហ៊ុនទាំងអស់តែង មានការដាក់បញ្ចូលនូវធម្មជាតិបៃតងទៅក្នុងប្លង់សាងសង់ដើម្បីផ្តល់នូវបរិស្ថានរស់នៅប្រកបដោយ

គុណភាព និងផាសសុកភាពល្អ។ ក្រុមហ៊ុនក៏មានការប្ដេជ្ញាចិត្តក្នុងការគោរព ទៅតាមស្ដង់ដារកំណត់អន្ដរជាតិចំពោះវិស័យសំណង់ និង ការគ្រប់គ្រងអចលនទ្រព្យ។