ថ្ងៃឈប់សម្រាកប្រចាំឆ្នាំ 2022 នៅសល់ត្រឹម21ថ្ងៃដោយកាត់ថ្ងៃទាំងនេះចេញ

ក្រសួងការងារ និងបណ្តុះបណ្តាលវិជ្ជាជីវៈបានចេញសេចក្តីប្រកាសស្តីពី «ប្រតិទិនឈប់សម្រាកដែលមានប្រាក់ឈ្នួលសម្រាប់កម្មករនិយោជិតឆ្នាំ២០២២» ។ សម្រាប់ថ្ងៃឈប់សម្រាកការងារក្នុងឆ្នាំ២០២២មានសរុប​២១​ថ្ងៃរួមទាំងបុណ្យជាតិនានា ៖

ក្នុងករណីមានការព្រមព្រៀងគ្នារវាងកម្មករនិយោជិត និងនិយោជក ឬដូចមានចែងក្នុងបទប្បញ្ញត្តិផ្ទៃក្នុងរបស់រោងចក្រ សហគ្រាស ឬកិច្ចព្រមព្រាងសមូហភាព ការឈប់សម្រាករបស់កម្មករអាចត្រូវបានអនុវត្តនៅពេលណាក៏បានក្រៅពីថ្ងៃបុណ្យជាតិដូចដែលបានកំណត់ក្នុងសេចក្តីប្រកាសនេះ ។

ម្ចាស់ ឬនាយករោងចក្រត្រូវរៀបចំបញ្ជីឈ្មោះកម្មករដែលត្រូវវេនគ្នាក្នុងថ្ងៃបុណ្យនីមួយៗ ហើយរក្សាទុកជាប្រចាំដើម្បីត្រួតពិនិត្យដោយអធិការការងារ ។ ក្នុងអំឡុងពេលឈប់សម្រាកនេះម្ចាស់ ឬនាយកគ្រប់គ្រងសហគ្រាសអាចជួលកម្មករម្នាក់ទៀតជាបណ្តោះអាសន្នដើម្បីជំនួសកម្មករដែលឈប់សម្រាក ។

គួរបញ្ជាក់ផងដែរថា ក្នុងប្រតិទិនឈប់សម្រាករបស់ក្រសួងការងារ និងបណ្តុះបណ្តាលវិជ្ជាជីវៈសម្រាប់ឆ្នាំ២០២២ ត្រូវបានដកចេញនូវថ្ងៃឈប់សម្រាកមួយចំនួនដូចជា ៖ ពិធីបុណ្យមាឃបូជា (ត្រូវនឹងថ្ងៃពុធ ទី១៦ ខែកុម្ភៈ), ទិវាសន្តិភាពអន្តរជាតិ (ត្រូវនឹងថ្ងៃពុធ ទី២១ ខែកញ្ញា), ទិវារំលឹកខួបនៃកិច្ចព្រមព្រៀងសន្តិភាពទីក្រុងប៉ារីស (ត្រូវនឹងថ្ងៃអាទិត្យ ទី២៣ ខែតុលា) និងថ្ងៃឈប់សម្រាកមួយចំនួនទៀតដោយសរុបថ្ងៃឈប់សម្រាកនៅត្រឹម២១ថ្ងៃប៉ុណ្ណោះ ៕

ប្រសិនបើលោកអ្នកមានបំណងព្រឹក្សាយោបល់ ឬទិញ លក់ និងជួលអចលនទ្រព្យនានាអាចទំនាក់ទំនងមកកាន់យើងខ្ញុំឥឡូវនេះបាន !!!